Mubaşşir Ahmad

07 March 2025 07:11

Уламоларга кўра демократик сайловларнинг нуқсонларидан бири - баъзан кўпчилик хоҳламаган шахсни ҳокимиятга келтириб қўйишидир. Бошда у мақбулдек кўринади, кейин халқ афсусланади.

@MubashshirAhmad

Mubaşşir Ahmad

06 March 2025 17:32

Яқин атрофда бундай шеър учратмагандим.

Охиригача диққат билан эшитдим...

Salim Ayyubiy

@MubashshirAhmad

Mubaşşir Ahmad

06 March 2025 14:31

"Табассуминг ҳам садақа!" (Ҳадиси шариф).

Диндан кўра енгилроқ йўл борми юришга?!.

@MubashshirAhmad

Mubaşşir Ahmad

06 March 2025 10:22

АВВАЛЛАРИ ШУНДАЙ ЭДИК

Бишр Ҳофийнинг сингиллари Аҳмад ибн Ҳанбал олдиларига келиб: "Биз ҳовлимизда ип йигирамиз. Аскарлар машъаласини кўтариб олдимиздан ўтиб қолади, шунда унинг нури ҳовлимизга тушади. Ўша ёруғликда йигиришимиз жоизми?", дедилар.

- Аллоҳ офият берсин, кимсиз? - сўрадилар имом Аҳмад.

- Мен Бишр Ҳофийнинг сингиллариман.

Имом Аҳмад йиғладилар. Ва: "Хонадонингиздан рост парҳезкор чиққан, у ёруғликда ип йигирманг", дедилар.

Имом Абдулкарим Қушайрийнинг "Рисалатул-Қушайрийя" китобларидан

Изоҳ: Шаръан бу иш жоиз. Аммо Бишрнинг аҳли хонадонлари тақводор ва парҳезкор бўлгани учун имом Аҳмад бундан тийилишни тавсия қилдилар.

@MubashshirAhmad

Mubaşşir Ahmad

06 March 2025 08:20

Лондон маркази.
Рамазон кириши нишонланяпти.

@MubashshirAhmad

Mubaşşir Ahmad

06 March 2025 07:31

Нью-Йорк шаҳри. Таровиҳ намози.

@MubashshirAhmad

Mubaşşir Ahmad

06 March 2025 05:16

"Мен динингизни ҳурмат қиламан."

@MubashshirAhmad

Mubaşşir Ahmad

06 March 2025 02:31

Фузайл ибн Иёз раҳимаҳуллоҳ ўғилларининг тарози палласини енги билан тозалаётганини кўриб сўрадилар: "Нега бундай қиляпсан?".
Ўғиллари: "Мусулмонларга йўл чангини ўлчаб қўймаслик учун", дея жавоб қилди.

Фузайл йиғладилар ва шундай дедилар: "Бу ишинг эй ўғлим, менинг наздимда икки ҳаж ва йигирма умрадан афзалдир!".

"Буюклар уммати" китобидан

@MubashshirAhmad

Mubaşşir Ahmad

05 March 2025 19:54

Фарғона шаҳри, "Оқариқ" жоме-масжиди.

@MubashshirAhmad

Mubaşşir Ahmad

05 March 2025 14:54

«Дунёвийлик» сўзи меъдамга тега бошлади

Нима у «дунёвийлик»? Нега биз кўр-кўрона ғарбдан олиб, устимизга кийдирилган «қолиб»да яшашга мажбур бўлишимиз керак?

Ҳар сафар ҳақ-ҳуқуқларимиз «дунёвийликка зид» тамғаси билан тақиқланаётганини кўрсам, ўзимни ҳудди ўз уйидан ҳайдалаётган одамдек ҳис қиляпман.

Мактабда ҳижобига қаршилик қилинаётган синглимни, кечаси таровеҳга чиқишни хоҳлаган укамни ҳуқуқини таъминлаш учун, кимларнидир - булар дунёвийликка зид эмаслигига ишонтиришга уринишим, нафсониятимга тегяпти.

Таг замири динни ибодатхонага қамаш ва динсизликка тарғиб бўлган тамойил 90 фоиздан ортиқ аҳолиси мусулмон бўлган давлатда самарали ишлаб кетишига ишонмайман ҳам.

Бу тамойил қайта кўриб чиқилиши керак. Йўқса бутун бошли халқ етти ёт-бегоналарнинг қадриятларини қабул қилиб, охири бутунлай ўзлигини йўқотишга мажбур бўлади.

@TohirbekTojmuhammad

Mubaşşir Ahmad

05 March 2025 14:00

Айни пайтдаги ҳолатимиз...

@MubashshirAhmad

Mubaşşir Ahmad

05 March 2025 07:41

#Такрор

Хўп, бирданига ўлиб қолмадим. Бошқаларга ўхшаб, 60-70 га кириб вафот этарман. Лекин унга ҳам 10-20 йил қолди холоску. Яъни, ўртача умрнинг камида 4/3 ини яшаб бўлдим, фақат чорак қисми қолди-ку.

Унинг аксар қисмини қандай ўтказдим? Ибодатларим жойида, Раббимнинг айтганини қилиб, гуноҳлардан узоқда яшадимми? Ғийбат қилмадимми, ёлғон гапирмадимми, мунофиқ бўлмадимми, фақат ҳалол едимми, бировни оғринтирмадимми? Шунга ўхшаш саволларга жавобим қандай?

Намозларимни бирорта қолдирмай ўқидимми, одамлар билмайдиган яхшиликларим борми, ота-онам мендан розими, фарзандларимни Аллоҳни танийдиган қилиб тарбияладимми, бирор ночорга ёрдамчи бўлдимми, мазлумни ёнида тура олдимми?

Энг асосий саволимга келай: кўпи кетиб ози қолган умримнинг давоми олдингисидан (шариат мезонига кўра) яхшироқ ўтяптими? Олдинги гуноҳларимга каффорат бўладиган ишлар қиляпманми? Масалан, намоз ва рўзаларнинг қазосини ўқияпманми, ёмонликларни ювадиган яхшиликларни кўпайтиряпманми?

Аслида ўлим бирданига келади. Бу саволларни ўйлаб кўриишга фурсат бўлмаётган, ғафлат пайтида тўсатдан жонни олишади. Аммо фурсат борлигида ҳам шу ва бошқа кўпгина саволларга жавоб топишга ва ҳаётимизни яхшилик томонга ўзгартиряпмизми?

Бугунги 27 ёшли ўзим танимаган ва ишларини кўрмаган вайнернинг тўсатдан вафот этиши менда ушбу саволларни қайта пайдо қилди. Ҳар бир ўлим бизга ибрат бўлиши керак! У йигитни эса Аллоҳ раҳмат қилсин!

05.03.2023

@MubashshirAhmad

Mubaşşir Ahmad

04 March 2025 18:35

Гўё мамлакатни душман босиб олгандек...

Mubaşşir Ahmad

04 March 2025 18:18

Гапирмайман, деган эдим:

Рамазон-Ўзбекистон 🥺😢

@MubashshirAhmad

Mubaşşir Ahmad

04 March 2025 06:23

Яхшиям шундай бақувват қоялар бор, алҳамдулиллаҳ. Акс ҳолда уммат душманлари фикрий урушларида ҳам ғолиб бўлишар эди.

@MubashshirAhmad

Mubaşşir Ahmad

07 March 2025 06:08

@MubashshirAhmad

Mubaşşir Ahmad

06 March 2025 16:34

АЁЛ ВАФОСИ

Муовия розияллоҳу анҳу ҳазрати Усмон розияллоҳу анҳунинг бевалар Отика бинти Аҳвас розияллоҳу анҳога совчи юборди.

Отика Муовиянинг совчи-элчисига: "Усмон ўлдирилганларидан кейин менинг эркакларга эҳтиёжим қолмаган. Мендан у кишига салом дегин ва мендан бошқа аёллар кўплигини айтгин", дея жавоб қилдилар.

Шунда элчи: Лекин у киши фақат сизга уйланмоқчи.

- Менинг нимам ёқиб қолибди.

- Олд тишларингиз.
Бу гап кулганда аёлнинг олди тишлари кўриниб, чиройли кўринишидан киноя эди. Афтидан Муовияга Отиканинг табассумлари чиройли эканини кўрган аёллар хабар берганди.

Отика ўринларидан турдилар ва икки олд тишларини қўллари билан суғуриб олдилар ва элчига дедилар:

"Буларни амирул-муъмининга бер ва Отиканинг Усмон ўлдирилганларидан кейин эркакларга эҳтиёжлари қолмаганини айтиб қўйгин!".

@MubashshirAhmad

Mubaşşir Ahmad

06 March 2025 11:22

Етмиш йилдир кун кўрмаган бўлдик бизлар,
Мустақил деб қувончларга тўлдик бизлар,
Ўттиз йилдир умид қилган гўлдик бизлар,
Тинч яшашга нега ахир қўймайсизлар?!

Мустақиллик халқникими, ҳокимники?
Очиқ-ойдин айтиб беринг то кимники.
Агар ростдан бўлса агар халқимники,
Тинч яшашга нега ахир қўймайсизлар?!

Август келса кўнглинг бўлар тўқ дедингиз,
Бундан кейин ортга қайтиш йўқ дедингиз.
Яшаймизда ўйнаб-кулиб шўх дедингиз.
Тинч яшашга нега ахир қўймайсизлар?!

Ҳар "сайлов"да овозимиз бўлса сизга,
Солиғимиз, сабримиз ҳам кўнса сизга,
Ҳаққингизга дуойимиз бўлса сизга,
Тинч яшашга нега ахир қўймайсизлар?!

"Инсон қадри" деган ишни бошладингиз,
Озми-кўпми яхши ишни бопладингиз,
Мусулмоннинг қадрини лек ётладингиз,
Тинч яшашга нега ахир қўймайсизлар?!

Исовийлар семинарга бораётир,
Мусовийлар синагогга қатнаётир,
Мўминтой-чи мажиддан не қайтаётир,
Тинч яшашга нега ахир қўймайсизлар?!

Болалар-чи, таблеткадан ўлмоқда-ку,
Минглаб одам X-бетдан ноль бўлмоқда-ку,
Истагимиз, яхши бўлиб унмоқда-ку,
Тинч яшашга нега ахир қўймайсизлар?!

Ишингизга ривож сўраб дуо қилмабмидик?!
Юртимизга тинчлик, неъмат, демабмидик?!
Тек қўйсангиз, шундоқ бориб-келмабмидик?!
Тинч яшашга нега ахир қўймайсизлар?!

АҚШда ҳам шундай ахир яшамоқда,
Туркия ҳам, Малайзия яшнамоқда,
Бизда қичимаган жойни нега қашламоқда?
Тинч яшашга нега ахир қўймайсизлар?!

Ҳеч демангиз, фитна қўзиб, айирмоқда,
Одамларни бир-бирига қайирмоқда.
Вазиятни кимлар ахир чайирмоқда?
Тинч яшашга нега ахир қўймайсизлар?!

Давлетовга духни берган менми, сизми?
"Дайди ўқ" ҳам, "Қора мерган", менми сизми?
Дилнур дейди, "хўжайин ким, менми сизми?!"
Тинч яшашга нега ахир қўймайсизлар?!

Мункар-Накир Концепциядан сўрамайди,
Охиратда бир тийин ҳам тўламайди,
Беш юз йиллик масофадан йўламайди,
Тинч яшашга нега ахир қўймайсизлар?!

Қўлингиздан келса агар ўлмай қолинг,
Бир умрга—қайта сайлов бўлмай—қолинг,
Ишончимиз, умидимиз—мана олинг.
Тинч яшашга нега ахир қўймайсизлар?!

Ишонингиз, биз Ватанни севадурмиз!
"Ансор!" дейинг, ёнингизга келадурмиз,
Шу заминда тинч-тотув кун кўрадурмиз,
Тинч яшашга нега ахир қўймайсизлар?!

© Ансор

@MubashshirAhmad

Mubaşşir Ahmad

06 March 2025 09:22

Германиянинг Кёльн марказий масжидида болажонлар Рамазонни ўзгача руҳда ўтказмоқда

©️Azon Global

Mubaşşir Ahmad

06 March 2025 08:04

Ҳамаснинг янги раҳбари – Муҳаммад Синвар ҳақида нималар маълум?

Томоша қилинг 👉 https://youtu.be/-pX1nK9Cr10

©️Azon Global

Mubaşşir Ahmad

06 March 2025 06:30

Инсон тоати билан жаннатга эришса, тоатида адаби билан Аллоҳга етишади.

Устоз Абу Али Даққоқ, "Рисалатул қушайрийя"

Изоҳ: Тоат-ибодат билан жаннатга эришиш тушунарли. Аммо аҳли ҳақ наздида Аллоҳга етишиш бирламчи вазифа саналади. Ҳузури Илоҳийга етишишнинг энг катта омили тоат-ибодатда одобга риоя қилмоқдир.

Одоб деб гўзал сифатлар мажмуига айтилади. Тоатдаги одобга риё, сумъа ва ужблардан узоқ бўлиш, ибодатни хушуъ ва хузуъла қилиш, ўзининг банда эканини доим ёдда тутиш ва тоатларида уни изҳор қилиб туриш ҳамда халққа раҳм қилиш каби ботиний одоблар мисол бўлади. Демак банда ўзининг хислати - убудийятни маҳкам тутса, Аллоҳга, Унинг Ҳузури Илоҳийясига тезда етишади.

Тоатда одобга мисол:
Журайрий айтадилар: "Хилватда ўтирган вақтимда йигирма йил оёғимни чўзиб ўтирмадим".

@MubashshirAhmad

Mubaşşir Ahmad

06 March 2025 04:13

Ислом терроризми, Ислом фундаментализми, Исломий экстремизм каби васвасалар ила йигирма етти йил курашилди. Тўғрироғи, ушбу васвасалар сунъий яратилди, бўрттирилди ва нохақ курашилди. Асосан оддий, эътиқодан мусулмон бўлган қатлам, халқ қатағон қурбонига айлантирилди.

Давр ўзгарди, аввалги хатолар эътироф этилди. Миллат рўшноликга эришди. Ортга қайтиш йўқ дея, миллатга умид берилди. Бироқ... Рўшнолик даври яна таъқибга, янги васвасаларга; "Диний фон кучайиб кетаяпти!" каби васвасасига юз тутгандек, назаримда...

Ҳатто даҳрий коммунистлар даврида масжидлар мўътадил мақомда сақланган, биринчи иқтидор ҳам масжидларни маърифат ўчоғи, манавийлик булоғи санаган. Не бўлдики 1446 (2025й) хижрий йил Рамазони кириб келиши билан масжидлар "хатар қўрғонидек" кўрила бошланди? Гўёки "янги хатар" ўйлаб топилди. "Жаҳолатга қарши маърифат билан курашилади!" дейиладиган машҳур мафкурамиз қаерда қолди... Нега миллат фарзандлари маърифат булоғи бўлган масжидларимиздан тўсилаяпти? Худдийки - "Маърифатга қарши жаҳолат билан!" курашилаётгандек.

Инсониятга, Миллатимизга ғанимат бўлган Рамазони шарифдан фарзандларимиз манавияти, одоби, рухияти учун фойдаланиб қоладиган қисқа фурсатларда турибмиз. Рамазон кунларимиз ғанимат!

© Абдулахад Алимухамедов

@MubashshirAhmad

Mubaşşir Ahmad

06 March 2025 01:47

Яккаҳоким (автократ) тирноқлари кесилмаслигига амин бўлса, зўравонликда ҳеч кимдан қўрқмай давом этади. Мустабид (диктатор) кўп ҳолда одамларнинг энг қўрқоғи бўлади. Уни зулм қилишга фақат жазоланишдан қўрқишгина мажбур қилади.

Шайх Муҳаммад Ғаззолий, "Араб ва мусулмон жамиятлардаги сиёсий таназзул" китобидан

@MubashshirAhmad

Mubaşşir Ahmad

05 March 2025 18:54

Мен илк бор тахминан 6-7-синфлигимда масжидга қатнашни бошлаганман. 25 йилдир масжидга қатнайман. Ўзбекистон ичида Тошкент шаҳри ва вилоятларида тахминан 40-50 та, водийда 3-4 та, воҳада 3-4 та, Тожикистонда 2 та, Ҳиндистоннинг Деҳлисида 2 та, Дубайда 1 та, Туркиянинг Истанбул ичи ва ташқарисида 50-60 та масжидида намоз ўқидим. Уларнинг баъзисига мутазам, баъзисига бир ёки бир неча марта қатнаганман. Қасам ичиб айтаман, шу масжидларнинг бирортасида ёмонликка, бузуқлик ва бузғунчиликка, фақт ва фақат диний илмларни ўрганишга даъват қилинганини кўрмадим. Масжидлар одоб-ахлоқ борасида ҳатто бетараф ҳам эмас, балки фақат яхшиликка, ўзни ва ўзгаларни ислоҳ қилишга, ҳам дунё, ҳам охират илмлари ва амалига чақирганини кўрдим ва кўряпман.

Биласизми яна нима?
Мен Аллоҳ таолога Ватан, шаҳар, қишлоқ ва барча ватандошлар, мусулмонлар ҳақига хайрли дуо қилишни, жумладан ўқитувчиларимнинг гуноҳини кечишини сўраб дуо қилишни ҳам масжидда ўрганганман. Менга уни биров айтиб ўргатмаган, имом домланинг ҳар намоз кетидан шундай дуо қилганини эшитганман:

ربنا اغفرلنا ولوالدينا ولأساتيذنا وللمؤمنين والمؤمنات والمسلمين والمسلمات، الأحياء منهم والأموات....

«Эй Роббимиз, бизларни гуноҳларимизни, ота-оналаримиз гуноҳини, устозларимиз, барча мўмин ва мўмина, муслим ва муслималарнинг гуноҳларини кечир. Уларнинг тиригини ҳам, вафот этганини ҳам мағфират қил..»

Эл-юртимизни тинч қил, ҳосилларимизни баракали қил, бизга бош бўлиб турганларни хайрли ишларида мададкор бўл, халқимизни офатлардан, турли бало-қазолардан Ўзинг асра…

Менга буларни масжид фақатгина ўргатмаган балки, бир эътиқод сифатида зеҳнимга муҳрлаб қўйган!

Ikrom Sharif

@MubashshirAhmad

Mubaşşir Ahmad

05 March 2025 14:54

Демократиянинг сийқасини чиқариб юборган эдинглар. Энди эса "дунёвийлик"дан ёшларнинг кўнгли айнияпти. "Дунёвийликка қарши чиқяпти" деб, додламасдан олдин қуйидаги мулоҳазани ўқинг:👇

@MubashshirAhmad

Mubaşşir Ahmad

05 March 2025 12:50

Кеча ва ниҳоят масжид ходимлари ва орган ходимлари мақсадларига эришишди.

Масжидни ҳамма кириш эшикларига қулф осилибди. Ҳар бир эшик олдида иккитадан милиция ходими турибди. Киришни асосий дарвозадан қилиб қўйишибди. Асосий дарвоза олдида эса элликтага яқин ўқитувчилар турибди. Ҳар бир мактабдан вакил бор.

Ўйлаб қолдим. Сариқ чақага ишлаб, пахта далаларидан бери келмайдиган шу ўқитувчилар учун бечора халқ куйиб пишганмиди? Шунча журналист ва блогерлар шуларни ҳуқуқини кўтариб чиққанмиди? Ўқитувчи, устоз, мураббий деган одам ярим кечаси итга ўхшаб, эшик тагида болаларни қопиб олиши учун шунча йил институт ва университетда ўқиганмиди? Ҳайф устоз деган ном. Давлат қилган зулмларга, сариқ чақага лойиқ одамлар экан.

Хуллас, чалғиб кетдим. Ўттизга яқин орган ходими атрофда турибди. Болаларни киргизмаслик билан эса асосан ўқитувчилар шуғулланяпти. Кўрсангиз жуда кулгули ва ачинарли манзара. Муаммо чиқса кейин орган ходимлари аралашяпти.

Боласини етаклаб келган оталар жойидан қимирламай, озгина ҳаққини талаб қилиб турса, бир дунё оломон йиғилади. Табиийки орган ходимлари буни исташмайди. Истаса истамаса киргизишга мажбур бўлади. Аммо йўқ. Оталар боласини ташлаб кириб кетяпти. Боласи йўқларни эса парвойига келмаяпти.

Орган ходими билан гаплашдим "Беш-олти йил қўйиб бердик Ҳеч қандай босим қилмадик. Ишимиз бўлмади. Буйруқ бўлмаса, совуқни кунида бизга ҳам зарурми?", деди. "Буйруқ экан тушундим. Юзингиздан бир чиройли йигит экансиз. Ота-онангиз, Бобо-бувингиз, қариндош-уруғингиз ичида намоз ўқийдиганлари бордир. Сиз ҳам ёшлигингизда масжидга кириб, таровиҳ ўқигандирсиз. Шу ишларинг тўғрими?", дедим. Ходим индамай юзини бурди.

Гапга ўқитувчи аралашиб:
- "Провокация қилманг. Болалар ўқишини ўқисин, эрталаб мактабга уҳлаб қоляпти", деди.
- Фарзандингиз борми?
- Бор.
- Нечанчи синфда ўқийди?
- Нимайди?
- Сизни болангиздан, мени болам ҳам диний, ҳам дунёвий тарафдан илмли эканлигига баҳс боғлаймиз. Розимисиз?
- .... Бу ишларни нима даҳли бор?

Яна бошқаси аралашди. На орган ходими билан, на ўқитувчи билан баҳсни охирига етказишга йўл қўйишмади. Орган ходимлари ўраб олди. Биттаси четга тортди.
"Бола бир четда ўтириб турсин. Сиз кириб намозни ўқиб чиқинг", деди. "Бир четда ўтирсин, аммо намоз ўқимасин-а?", деган саволимга ҳам жавоб бермади.

Хуллас, тушунтириш ишлари ва чиройли гап билан "угроза" лардан сўнг, хуфтонни ўқимай, бошқа ерга кетишга мажбур бўлдик.

Болаларни масжиддан тўсишга буйруқ берган, унга бўйсунган, ижро этаётган, қўллаётган, минбарда бўладими, кўчада бўладими барчасига ўзинг кифоя қилcин. Шу буйруқ асосида бир калима айтган, бир ишора қилганларни жаннатига киргизмасин.

© Жамшид Бобобеков

@MubashshirAhmad

Mubaşşir Ahmad

04 March 2025 21:44

Ўзбек фоҳишаси ҳақида фильм дунёни забт этиб, "Оскар" олди. Миллат шарманда бўлди.Қимордан ёш авлод қирилмоқда. Оилани барбод қилиш ишлари жадал кетмоқда. Ароқ ишлаб чиқариш ва сотиш соддалаштирилди. Тунги клублар иши гуллаб-яшнамоқда. Рибо кенг қулоч ёйган. Таълим ўлмоқда. Қисқаси қайси томонни қараманг, қон босими ошадиган ишлар.

Энг ёмони - яхшилик элчилари: зиёлилар, журналистлар, ёзувчи-шоирлар, олимлар, диний уламо ва ҳурфикрли кишиларнинг қўли боғланган ва овози ёпилган. Айнан бузуқликлардан поклайдиган Исломга қарши кураш авж олдирилмоқда. Янги "концепция" шарофати билан. Унга қарши худди мустамлакачи ёғийлардек курашилмоқда.

Наҳот соғлом ақл ва пок қалбли масъуллар
қолмаган бу юртда?! Эзгулик саси ва поклик чақириғига қулоқ тутадиган кас борми бу ватанда?! Тўғри Йўлдан оғиш ва йўлсизлик токайгача?!

Аллоҳ огоҳлантиради: "Бас, сизлар (Ҳақ йўлни инкор этиб) қаён кетмоқдасизлар?! У ҳеч шак-шубҳасиз, бутун оламлар учун бир эслатмадир." ("Таквир" сураси, 26-27-оятлар).

Эслатмадан кейин эса азоб ва бало келиши муқаррар!

@MubashshirAhmad

Mubaşşir Ahmad

04 March 2025 18:24

Олдинги постимга бироз изоҳ.

Нуқул негатив кўряпманми, деб ёзган фикрларимни тафтиш қилдим. Ва энди ҳеч қандай танқидий пост ёзмайман, деб Ўзбекистон-24 ни кўришни бошладим. Аммо Рамазон ойи бошланиб, Ўзбекистондан диний соҳада келаётган хабарларни ўқиб, постни ўша шаклда ёздим.

Гапирмасам тилим...

@MubashshirAhmad

Mubaşşir Ahmad

04 March 2025 08:43

То мамлакат бошқарувини ўзи учун ишлайдиган, қиличи билан урадиган ва унинг ақли билан тафаккур қиладиган кишиларга топширмагунича, мустамлакачилар бирор мамлакатни тарк этмаган ва қўшинини олиб чиқмаган.

Шайх Муҳаммад Ғаззолий

@MubashshirAhmad

Mubaşşir Ahmad

04 March 2025 05:19

❓Нима учун #хурмо билан ифторлик қилиш керак?

📖Манбаларимизда; “Сизлардан ким рўза тутса хурмо билан ифторлик қилсин. Чунки у – барокатлидур дейилган экан!

14 асрдан кейин айнан хурмо оч қолган организмни бутунлай тез фурсатда қайта тикловчи ягона қуруқ мева эканлигини олимлар ҳам исботлашган.

❗️Ифторлик вақтида меъёридан ортиқ овқатланадиган яқинларимизни огоҳлантириб, Рамазонда организмни ҳам соғлом ҳолга келтиришни йўлган қўяйлик.

◀️ Ажва хурмо маркет — баракали харидлар маскани ▶️

Буюртма бериш учун:

📞 +998712307040