Mubaşşir Ahmad

28 February 2025 04:18

Энди бундай вариант. Мағлубиятини ҳеч тан олмас эканда.

____
🇪🇬🇵🇸 Миср Лапиднинг Ғазо устидан назорат ўрнатиш таклифини рад этди

Миср ташқи ишлар вазирлиги Исроил мухолифати етакчиси Яир Лапиднинг Ғазо сектори бошқарувини Қоҳира ўз қўлига олиши ҳақидаги таклифини қатъиян рад этди.

Агентлик Миср ва араб сиёсати тамойилларини четлаб ўтишга уринишларни, шунингдек, можароларни ҳал қилиш ўрнига фақат уни қўллаб-қувватловчи қарорларни қабул қилмаслигини айтди.

Миср томони таъкидлашича, Ғазо ва Ғарбий Соҳил, жумладан Шарқий Қуддус Фаластин ерлари бўлиб, мустақил Фаластин давлатининг тўлиқ суверенитети остида бўлиши керак.

@MubashshirAhmad

Mubaşşir Ahmad

27 February 2025 10:39

Диққат! Кўпчиликни қизиқтирган жонли мулоқот!

1 март – шанба куни соат 17:00 да Мубашшир Аҳмад Исломнинг демократия ва демократик тузумга муносабати ҳақида олдинлари айтган фикрлари борасида бўлаётган эътирозларга батафсил изоҳ беради. Ушбу онлайн мулоқотда мавзуга доир саволларингизга у кишидан жавоб олишингиз мумкин.

Саволларингизни ҳозирданоқ изоҳларда қолдиринг.

©️Azon Global

@MubashshirAhmad

Mubaşşir Ahmad

27 February 2025 05:57

Салафлардан бирлари Аллоҳ таолонинг: " Эй Раббимиз, раҳматинг ила ҳар бир нарсани қуршагансан"* оятини ўқиганда: "Эй Раббим, мен нарсаман. Мени раҳматингга олгил!" - дердилар.

* (Ғофир сураси, 7-оят)

@MubashshirAhmad

Mubaşşir Ahmad

26 February 2025 15:06

Мия чириши ҳақида.

👉 Ҳавола

@MubashshirAhmad

Mubaşşir Ahmad

26 February 2025 08:06

Ал-Қассам жангчиси озод этилиши арафасидаги исроиллик асирга шундай деди:

“Бани Исроилга Нетаняхуга муждамиз:

Сиз бизнинг юртимиз ташқарисида хавфсизсиз, сиз бизнинг юртимиздан ташқарида хавфсизсиз, лекин агар бу ерда қолсангиз, биз сизнинг давлатингизни вайрон қиламиз, тузилмаларингизни парчалаймиз ва ғурурингизни топтаймиз.

Биз сизни бутунлай шарманда қиламиз. Бу бизнинг аждодларимиз қурган ўз заминимиз. Уни қонларимиз билан суғорганмиз.

Бизга келсак, бу ерда ё биз бўламиз ёки биз бўламиз."

@MubashshirAhmad

Mubaşşir Ahmad

26 February 2025 05:41

Туркиянинг давлат каналида Рамазонга тайёргарлик.

@MubashshirAhmad

Mubaşşir Ahmad

25 February 2025 19:17

Капиталистлар пулни яхши кўради. Озгина зарарга кирса ўзини йўқотиб қўяди ва ғирромлик қилади.

Демак, бойкот таъсир қилар эканми? Унга бепарво бўлмаслигимиз керак.

@MubashshirAhmad

Mubaşşir Ahmad

25 February 2025 14:26

Агар олдингиси ёқмаган бўлса, буни кўрингчи..

@MubashshirAhmad

Mubaşşir Ahmad

25 February 2025 05:59

"Бу мусулмон халқ ва исломий юрт менга аждодларимдан ОМОНАТ". Омонатга эса хиёнат қилинмайди.

Менинг тасаввурларим, қарашларим, эътиқодим, ҳаётим ва курашларим ана шу асосда шаклланган. Шу асосга кўра яшайман.

Сизга ҳам бу мусулмон халқ ва исломий юрт* ОМОНАТ эмасми?
---------------------------------------
* Бу "дорул-ислом" тушунчаси бўлиб, мустақилликка эришганимиздан бери юртимиз уламолари диёримизни "дорул-ислом" дея қарор беришган. Ҳукуматимиз ҳам бу қарашни маълум сабабларга кўра қўллаб-қувватлайди. Демак "исломий юрт" дейишимга ҳеч ким қарши эмас.

@MubashshirAhmad

Mubaşşir Ahmad

24 February 2025 11:12

Ўзбек тилида "хонасалот" деган сўз бор. У ҳақорат, айблаш ва масхаралаш маъноларида ишлатилган. Дадам раҳматли: "Қадимда намозга жамоатга чиқмай, уни уйида ўқиганларни "хонасалот" деб камситилган" дея кўп такрорлар эдилар. Демак, аждодларимиз намозларини асосан жамоат билан масжидда ўқишган.

Ҳозир намозини вақтида ўқиш ҳам муаммо бўлган бизнинг авлодимизга бу тушунча ғалати туюлган бўлса керак. Қанчалар ўзгардик.

@MubashshirAhmad

Mubaşşir Ahmad

24 February 2025 07:04

Абдуллоҳ ибн Умар розияллоҳу анҳунинг хизматкорлари Нофеъдан сўралди: "Ибн Умар уйда нима қилардилар?"
- "Ҳар бир намоз учун таҳорат ва улар ўртасида Мусҳаф", дедилар.

@MubashshirAhmad

Mubaşşir Ahmad

23 February 2025 19:15

Фоний фонийга фоний бўлиш учун боғланса, фоний Боқийга боқий бўлиш учун боғланади.

Айман Ёғий

@Mubashshirahmad

Mubaşşir Ahmad

23 February 2025 12:44

👍👍👍 👍👍👍

1 Oyda Arab Harflarini O‘rganamiz! 📣

🇸🇦 Arab tilini 0 dan boshlab o‘rganishni xohlaysizmi?
📆 1 oy ichida harflarni o'qishni, eshitib tshunishni va to'g'ri talaffuz qilishni o‘rganamiz!

🟡 Har kuni yangi dars
🟡 Oddiy va tushunarli usul
🟡 Matn, audio va video materiallar bilan samarali ta’lim

Murojaat uchun: @aueduacademyadmin

💭 Kim biz bilan birga o‘rganadi? 🖐
🌟Ilm olishingiz, kelajagingiz uchun qilishingiz mumkin bo'lgan eng yaxshi sarmoyadir!

Bizni ijtimoiy tarmoq orqali kuzatib boring!
Следите за нами через социальные сети!

AU-EDU akademiya:

| 🧭 website |

👍 Instagram | 👍 Telegram |

▶️ AU-EDUakademiya">YouTube | 🌕 UmmaLife

AU-EDU consulting:

👍 Instagram | 👍 Telegram |

▶️ au-edu?si=Peo88bruRb4bzxC-">YouTube |🌕 UmmaLife |

🌐 Facebook

Mubaşşir Ahmad

23 February 2025 10:01

Синмаган Ғазо дунёга ким эканини яна кўрсатиб қўймоқда!

@MubashshirAhmad

Mubaşşir Ahmad

23 February 2025 07:21

Ўзбекнинг газини "импорт қилинди дея талаш схемаси" статистикада ҳам очилиб қолмоқда

2024 йил январь ойи статистикасига кўра, Ўзбекистонга 35,6 млн.долларлик газ импорт қилинган.

2025 йил январь ойи статистикасидан келиб чиқилса, 2024 йил январь ойида 35,6 млн.долларлик эмас, аслида 5.1 млн.долларлик газ импорт бўлган.

Яъни, 2024 йил январда шимолдан импорт қилинди дейилган 30,5 млн.долларлик газ аслида ўзбекнинг, ўзимизнинг газимиз бўлган. Статистика агентлиги тили билан айтганда, 2024 йил январда божхона юк декларацияси расмийлаштирилган камида 30,5 млн.долларлик газ импорт бўлиб чиқмаган. Ўтган куни газ импорти ҳисоботидаги улкан фарқлар ҳақида изоҳ беришни сўраган эдик. Статагентликка шарҳ учун раҳмат.

Ëпиқ бассейнга айланган UzGastrade гонконглик ўртамчи Topcon limited'дан аслида ўзимизнинг газни импорт газ дея сотиб олаётгани ва пули офшорларга ҳайдалаётгани тўғрисида ёзган, тепадаги биронта инсофли реакция кўрсатар дея ўртакаш Topcon limited ва Газлидаги газ омборимизни эгаллаб олган Daxon holdings офислари Гонконгда битта манзилда жойлашгани ҳақида Lolazor'даям гапирган эдик.

Лекин реакция ноль. Ўқитувчига пул йўқ, пенсионерга пул йўқ, триллионлаб бюджет субсидиялари "газ импорт қилинди дея" офшорга оқмоқда. Тасаввур қилинг, бу схемани жуда кўпчилик, бенефициар шонли энергетиклар тугул Иқтисодиёт ва молия вазирлиги ҳам билади. Ҳаттоки дастёр депутатларга ҳам газга акциз солиғини пасайтириб олиш учун бир учини чиқаришган (моҳиятни тушунадиган биронта депутат бормикан). Биронта инсофлиси, тўхтанглар, бу қип-қизил ўғирлик, ўзбек халқининг нонини туя қилмайлик дегани йўқ.

Шундай экан қайсидир энергохўроз шимолдан фалонча млрд.лик газ импорт қилдик, дея кекирса, ишонманг, бу аслида ўғирланган ва пули офшорларга ҳайдалган ўзбек гази бўлади.

Mubaşşir Ahmad

27 February 2025 15:36

Бугун "Mezana" халқаро илмлар академиясида фан дастурларини такомиллаштириш ва мутахассислар тайёрлаш икки йиллик курсини ташкил қилиш масалаларининг муҳокамаси бўлиб ўтди.

@MubashshirAhmad

Mubaşşir Ahmad

27 February 2025 08:45

Расулуллоҳ соллалоҳу алайҳи ва саллам айтдилар:

- Агар Аллоҳ бир бандага яхшиликни хоҳласа, ўлимидан олдин уни поклаб қўяди.

- Банданинг покланиши қандай бўлади, дея сўрашди.

- Уни бир солиҳ амалга илҳомлантиради, тоинки унинг устида жонини олади, дея жавоб қилдилар.

Табароний ривояти, "Саҳиҳул-жомиъ", 306-рақамли ҳадис.
---
Ҳадиси шарифни ўқиб, яхши амал устида ўлишни ич-ичимдан хоҳладим.
Чунки энг қўрқадиганим, ҳаёт поёнида ҳидоят йўлидан оғиб кетишдир.
Аллоҳ ҳаммамизга гўзал хотима насиб қилсин!

@Mubashshirahmad

Mubaşşir Ahmad

26 February 2025 18:11

Ҳамид Содиқнинг "Парда" подкастидаги суҳбатини ва унда қатнашгани учун эътирозларга берган асабий жавобини кўрдим.

Мен Ҳамидбек билан ишлаганман. Ўз соҳасини яхши биладиган олим мусулмон йигит. Кўп масалаларда ҳамфикрман. Лекин олдин ҳам унга эътироз билдирган эдим: "Илмий изланишлар, тадқиқотлар ва ҳақиқатлар фақат ғарб илмий майдонидан эмас, балки бошқа манбалардан, хусусан исломий манбалардан ҳам ўрганилиши керак", деб.

Феминизм, унга алоқадор масалалар ва уларга аниқ муносабатлар мусулмон адабиётларида ҳам батафсил ва илмий асосланган ҳолда баён қилинган. Илмийлик исломий манбаларнинг асосий рукнларидан ҳисобланади. Аёллар ва уларнинг ҳуқуқлари исломнинг асос масалаларидан. У гўзал шаклда ҳамда икки томонни рози қиладиган, шу билан бирга исломий эътиқод доирасида ҳал қилинган. Шу билан бирга ҳозирда бу хусусда замон чақириқларига илмий шаклда раддиялар берилган ўнлаб китоблар ёзилган.

Мен кўрсатув ва унда қатнашганлигига муносабатда Ҳамидбекнинг мусулмон қатламни илмсизликка нисбат бераётгани ва илмий қараш деганда фақат ғарбона қараш ва фалсафаларни асос дебгина билишини кўрдим. Турли "изм"ларга муқобил равишда мусулмонларни илмсизликда, жоҳил тўдаликда айблаётганига ҳам ишора сездим. Ҳамидбекка эҳтиромимни изҳор қилган ҳолда бу ва бошқа замон муаммоларига муносабатда исломий-илмий манбаларга ҳам мурожаат қилишни ва тил ҳамда мутахассилик туфайли бунинг имкони бўлмаса, чуқур билимли аҳли илмлар билан суҳбатдош бўлишни тавсия қиламан.

@MubashshirAhmad

Mubaşşir Ahmad

26 February 2025 11:03

Илминг кўпайгани сари инкоринг камаяди.

Имом Шофеъий рaҳимаҳуллоҳ

@MubashshirAhmad

Mubaşşir Ahmad

26 February 2025 07:08

Қалбнинг ҳозир бўлиши (Аллоҳга тоатини онгли равишда идрок этиши ва Аллоҳни кўриб тургандек ибодат қилиши) Ҳузури Илоҳий дейилади.

Ҳузури Илоҳий муқаддас, покиза ва юксак мақомдир. Унга фақат покланувчилар кира олади. Булғанган жунуб қалб учун Ҳузури Илоҳий масжидига кириш ҳаромдир. Қалбнинг жунублиги Раббисидан ғафлат ва Унинг зикрини қилмасликдир.

Яъни, Аллоҳнинг тоати ва зикрида мунтазам бўлмаган қалб эгаси ибодат ва яхшиликларининг ҳаловатини тотмайди. Чунки у Ҳузури Илоҳийда эмас, дунё гирдоби ва васвасасида ибодат қилаётган бўлади.

Агар сиз намозларингизда хаёлингиз бошқа жойда бўлса, яхшиликларингизни бошқалар кўрсин учун қилаётган бўлсангиз ва ёмонлик-гуноҳ қилишга мойил экансиз, билингки, қалбингиз жунуб бўлиб қолган. Уни тоат ва зикр сувлари билан ғусл қилдириш керак. Бўлмаса Ҳузур масжидига кира олмай, ғафлат пойгакида қолиб кетади.

@MubashshirAhmad

Mubaşşir Ahmad

25 February 2025 21:50

Трампнинг Украинага 500 миллиардлик ҳисоб кўрсатиши дунё сиёсатида яширин кетаётган жараённинг ошкора кўриниши холос.

Шундай экан қарз, грант ва яна инвестиция деган жимжимадор нарсалардан эҳтиёт бўлиш керак. Биз бўлса бундай нарсаларни ундиришни уддабуронлик ва мамлакатни ривожлантириш деб ғурурланиб юрибмиз, афсус.

Кейинги пайтларда жамиятимизнинг хоҳиш-иродасига қарши қабул қилинаётган қонунлар ва амалга оширилаётган ёки оширилмаётган ишларнинг замирида ана шундай молиявий муаммолар ётгандек.

@MubashshirAhmad

Mubaşşir Ahmad

25 February 2025 15:52

Хитой хавфи: Марказий Осиё ўз мустақиллигини сақлаб қола оладими?

©️Azon Global

Mubaşşir Ahmad

25 February 2025 08:14

Ҳақни гапиришдан тўхтаманг! Чунки оғзингизга юган уришаётган пайтда орқангизга эгар ташлаётган бўлишади.

Молик бин Набий раҳимаҳуллоҳ

@MubashshirAhmad

Mubaşşir Ahmad

24 February 2025 21:21

‼️Диққат! "Azon Global" кенгаймоқда. Биз интернет-журналистика йўналишида тажрибага эга журналистларни ишга таклиф этамиз.

Талаблар:

• ёш ва ғайратли бўлиши;
• профессионал даражада ишлай олиши;
• масъулиятли ва миллий қадриятларга эга бўлиши керак.

Имкониятлар:

• Ётоқхона ва 3 маҳал иссиқ овқат;
• соҳавий ва шахсий ривожланиш.

🇹🇷 Иш жойи Истанбулда. Номзодлар Истанбулда яшаши ёки шу ерга келиб, ишлай олиши керак.

🖇 Azon Global'да ишлашни хоҳловчилар @azonglobal_bot га ўз резюмесини юбориши мумкин.

🤝 Имкониятни қўлдан бой берманг ва сиз ҳам жамоамиз аъзосига айланинг!!!

©️Azon Global

Mubaşşir Ahmad

24 February 2025 08:43

Бир вақтлар Зеленский сиёсатини Русияни Ўзбекистонга ашаддий душман, дея қўллаган эдим. Яъни, душманимнинг душмани мени дўстим қабилида.

Кейин унинг Фаластин қаршисига жуҳудларни ёнини олгани учун ёмон кўриб қолдим. Душманимнинг дўсти сифатида.
Ҳозир унга бефарқман. Фақат уруш бўлмаслиги ва Русиянинг Ўзбекистонга кўз олайтирмаслигини истайман холос.

@MubashshirAhmad

Mubaşşir Ahmad

24 February 2025 05:57

Ислом бу ҳаёт!

@MubashshirAhmad

Mubaşşir Ahmad

23 February 2025 14:34

Исломга калта ўй ва чекланган қараш эгалари томонидан қаттиқ зулм қилинган.* Бундайлар билганини тан олиб, билмаганини инкор қилган одамлардир.

Шайх Муҳаммад Ғаззолий
---
* Яъни, ҳақиқатларини тўлиқ англамагани учун исломга ҳақиқий баҳони бермаган. Бинобарин, халққа ўзининг тушунчасидаги нотўғри исломни тақдим қилгандир.

@MubashshirAhmad

Mubaşşir Ahmad

23 February 2025 11:20

- Миллат уйғонишининг пароли нимада?
- Эркда, ҳурриятда.
- Мен таълимда, ё ишлаб чиқаришда ёки иқтисодда ёхуд сиёсатда, деб айтасизми дея ўйлаган эдим.
- Эрк сизга таълим имконини, ишлаб чиқариш имконини, иқтисод имконини ва сиёсат имконини беради.
Агар таълим дастури кучли, ўқитувчилар етук бўлса-ю, эрк топилмаса, эркин таълим бўлмаса, профессор-ўқитувчилар диктатордан ё сиёсий ҳокимиятдан қўрқса, бундай таълимнинг нима фойдаси бор, у қандай манфаат беради? Қолганлари ҳам шундай.

Эрк ва ҳуррият ҳар яхшиликнинг асосидир. Ислом эркка тарғиб қилади. Роббул-оламийндан бошқа бирортага итоат этмасликни буюради. Бу эса айни эркдир. Уйғониш ҳам, тараққиёт ҳам айнан шундан бошланади.

@MubashshirAhmad

Mubaşşir Ahmad

23 February 2025 07:33

​​Суҳбатларда қозониш мумкин бўлган энг енгил ибодат:
"Ким биродарининг обрўсини (тўкилишининг олдини олиб, уни тўкаётганни) қайтарса, Аллоҳ қиёмат куни унинг юзидан оловни қайтаради".

Имом Термизий ривояти

@Mubashshirahmad

Mubaşşir Ahmad

23 February 2025 06:16

Истанбулда 3-4 кундан бери қор гўзал ёғмоқда. Айтишларича, анчадан бери бунақа ёғмаган.

Тонгдаги оппоқ ва сокин муҳитда сайрнинг гашти ўзгача бўлар экан.

@MubashshirAhmad