Mubaşşir Ahmad

23 May 2025 21:01

#жамоатчилик_фикри

Устоз Мубашшир Аҳмад билан икки марта қисқагина кўришган бўлсам-да, доим :

“Фарзандларни яхши ўқитинглар, ўзингиз яшаётган жойдаги замонавий илмларни ўрганиб келиб юрт ривожига ҳисса қўшинглар”, - деб насиҳат қилганлар.
Ваҳоланки, ўшанда ўзлари ҳам Туркияда яшар эдилар.

Фикру - зикри доим юртининг равнақи бўлган бундай инсонларнинг жойи - юртнинг зиндонида эмас минбарларида, меҳробларида бўлишга муносиб.

#mubashshir_ahmadga_ozodlik
#free_mubashshir_ahmad

Иброҳим Муҳаммад

@MubashshirAhmad

Mubaşşir Ahmad

23 May 2025 13:58

Устоз Мубашшир Аҳмадга қандай шарт қўйилди?

“Азон Глобал”да Устоз Мубашшир Аҳмаднинг саломат эканлари, Давлат хавфсизлик хизмати марказий тергов ҳибсхонаси (Гвардейский)да сақланаётгани аниқ бўлгани, укаси билан кўриштирилгани ва соғлиги қониқарли экани ҳақида хабар берган эдик.

Бироз вақт ўтиб, Устозга авдокати билан кўришишга ҳам рухсат берилди. Устознинг қонуний манфаатларини ҳимоя қилиш учун ваколатли икки адвокатларидан ташқари кўплаб адвокатлар кўнгилли равишда бу ишга қўшилмоқчи бўлдилар. Аммо мутасаддилар Устоз Мубашшир Аҳмад (Алишер Турсунов)га фақат битта адвокатнинг ҳимоя қилиши етарли экани айтиб, қолганларининг хизматидан воз кечиш ҳақида тилхат ёзиб беришларини талаб қилган. Мубашшир домла бу шартни бажарганлар.

Ҳозирда Устозни бир ваколатли адвокат ҳимоя қилмоқда.

Афтидан мутасаддиларнинг бундай шарт қўйишларига сабаб тергов ва маҳкама жараёнларида ўзлари истамаган гап-сўзларнинг жамоатчиликка сизиб чиқишининг олдини олиш бўлса керак. Зеро, шу бир адвокатдан бу борада “тергов сирини очмаслик” номи билан ваъда-тилхат олинган.

Шу ўринда биз жамоатчиликдан бу воқеани доимо кун тартибида сақлаб туришларини ва Устоз Мубашшир Аҳмаднинг тез орада озод бўлишларини йўлида қонуний талаб ва дуони канда қилмай туришларини илтимос қиламиз.

Mubaşşir Ahmad

23 May 2025 06:56

Қурбонлик - 2025: Саховатпеша инсонлар ва муҳтожлар ўртасида кўприк бўламиз!

Ўтган йили сизнинг саховатингиз билан амалга оширилган қурбонликлардан юзлаб мусофир талабалар, устозлар ва ходимлар илм бериш ва илм олиш давомида баҳраманд бўлдилар. Ибодат, эътибор ва ҳамжиҳатлик руҳи билан амалга оширилган ушбу қурбонликлар кўплаб хайрларга сабабчи бўлди ва бўлишда давом этмоқда.

Бу йил ҳам, иншааллоҳ, ушбу хайрли ишни давом эттирамиз. Қурбонлик қилмоқчи бўлганларга мусофир олимлар ва талабалардан ташкил топган яхшилар карвонини далолат қиламиз.

Маблағингиз эвазига номингиздан қурбонлик сўйилади ҳамда мусофирчиликдаги муҳтож илм эгалари ва талабаларга тарқатилади.

Аллоҳ қилаётган эзгу ишларингизни баракали ва ҳайрли қилсин!

☎️ Мурожаат учун:
Tелеграм: @AzonVaqf_admin
Tелефон: +905517151974

Mubaşşir Ahmad

22 May 2025 18:57

#unutmaymiz_unuttirmaymiz #MubashshirAhmadga_ozodlik

Маҳбусликнинг 12-куни

Бошқа сафлардан кўра намозхонларнинг сафи тезроқ тартибга келади. Сабаби, бунда ишни ҳамма бошқадан эмас, ўзидан бошлайди

©️ Устоз Мубашшир Аҳмад

@MubashshirAhmad

Mubaşşir Ahmad

22 May 2025 12:20

Аллоҳни таниш энг лаззатли иш. Ундан ўтадиган лаззат йўқ!

Имом Абу Ҳомид Ғаззолий

@MubashshirAhmad

Mubaşşir Ahmad

21 May 2025 17:43

#жамоатчилик_фикри

Китобфурушдан
манипуляцияда зӯр фойдаланишди.
Мубашшир Аҳмад домла эса унутилди.

@MubashshirAhmad

Mubaşşir Ahmad

21 May 2025 14:05

🇹🇷 Istanbulda farzandingiz uchun 75 kunlik ta'til

Farzandingizni Istanbulda 2,5 oylik foydali va taassurotlarga boy sarguzasht kutmoqda!

🟤 Ko‘pchilik ota-onalar yoz kelganda bir savol bilan yuzlashadi:
Farzandim ta'tilni qanday o‘tkazadi? Telefon bilanmi yoki foydali mashg‘ulot bilan?

➖ Bizda bu borada yaxshi taklif bor!
Mezana xalqaro ilmlar akademiyasi 10dan-15 yoshgacha bo'lgan o'g'il bolalar uchun “Istanbulda yoz – ilmu ta’til bilan soz” — dasturini e'lon qiladi!

Bu kursda farzangiz:
💡 Vaqtini samarali o‘tkazadi
💡 Yangi bilimlar oladi
💡 Tarbiyaviy muhitda ulg‘ayadi
💡 Unutilmas sayohatlar, o‘yinlar va ziyoratlar bilan ruhlanadi

🏔️ Nimalar kutmoqda?
• Ayo Sofiya masjidi va tarixiy ziyoratlar
• Abu Ayyub Ansoriy va Sulton Muhammad Fotih maqbaralari
• Chamlija – Istanbulning eng katta masjidi
• Qora dengiz bo‘yida piknik, futbol, zakovat o‘yinlari
• Do‘stlar, kayfiyat, yangi muhit va albatta – ilm

Mubaşşir Ahmad

20 May 2025 09:25

Адвокат Абдулвоҳид Якубов ака Мубашшир Аҳмад домлага қамоққа олиш эҳтиёт чораси қўллангани юзасидан муносабат билдирибдилар.

“Мубашшир Аҳмад домлани озодликка чиқариш лозим.

Унга нисбатан ЖКнинг 244-моддаларидаги айбларни тергов идораси исботлаб бериши учун домлани қамоқда ушлаш зарур эмас, деб ҳисоблайман. Бошқа енгилроқ эҳтиёт чораси қўллаган ҳолда тергов ишларини юритиш мумкин.

Чунки айби бўлса, уни исботлаш жараёни асосан ижтимоий тармоқда эълон қилинган материалларни экспертиза қилиш орқали амалга оширилади. Домла қайсидир далилларни йўқ қила олмайди, чунки ҳаммасидан нусха олиб бўлгансизлар. Ҳар бир ҳаракат эса виртуал оламда из қолдиради ва буни мутахассисларингиз осон усулда исботлай олади.

Домла қочиб ҳам кета олмайди, чунки паспортсиз чегарадан чиқолмайди. Ҳеч бўлмаса уй қамоғи қўллаш мумкин, доимий назорат остида, бемалол ушлаб тура оласизлар.

Домла ҳар бир гапида Ўзбекистонга ва давлатимизга содиқлигини баён қилиб келган. Давлатимизга қарши гап айтмаган, айрим давлат идораларини сўз эркинлиги доирасида танқид қилган бўлиши мумкин. Бу унинг Конституцияда мустаҳкамланган хуқуқуқи бўлиб, домладан кўра қаттиқроқ гапирадиган ва танқид қиладиган кўплаб шахслар бор. Ва танқид қилиш ҳам ҳар бир фуқаронинг Конституциядаги ҳуқуқи-ку.

Қисқаси, сўз ва фикр эркинлиги билан боғлиқ айбловларингизда дарров қамоқ чорасини қўллайвериш янги Ўзбекистоннинг амалга ошираётган эркинлик ва ошкоралик сиёсатига ҳам зид. Домла одам ўлдирмади, террористик акт содир қилмади, бюджет маблағларини млрд сўмлаб ўғриламади, млн долларлаб пора олмади ва ҳоказл. Ватани, дини ва миллатини қаттиқ севди холос.

Домлани озод қилинглар, илтимос сизлардан. Зотан, ўта озайиб бораётган ҳурмат ва ишончни йўқотиб қўясизлар, шунча амалга оширилган ислоҳотларни аҳамиятини пасайтириб қўясизлар акс ҳолда”.

@MubashshirAhmad

Mubaşşir Ahmad

19 May 2025 18:39

Мубашшир Аҳмад – олимнинг машаққатли йўли

Томоша қилинг 👉 https://youtu.be/b2XGFqQjC7o

©️Azon Global

Mubaşşir Ahmad

19 May 2025 17:38

#BBCUzbek
O‘zbekiston, Mubashshir Ahmad ishi: qonun, so‘z erkinligi va qonunni oyoqosti qilish

Ayrim huquqshunoslarga ko‘ra, Mubashshir Ahmad taxallusi bilan tanilgan diniy ulamo Alisher Tursunovga qarshi qo‘zg‘atilgan jinoyat ishini tergov qilayotgan organ xodimlarining O‘zbekiston Konstitutsiyasi va qonunchilik talablarini buzayotganlari aniqlandi.
https://www.bbc.com/uzbek/articles/cy4kvw20k39o/lat

Mubaşşir Ahmad

19 May 2025 14:04

#жамоатчилик_фикри

Домла нафақат дин олими эдилар, балки дунёвий олим ҳам эрдилар. Презилент академиясида ўтказилган Ўзбекистон буюк келажак форумида у кишини кўрганман. Ҳеч бир дунёвий муҳим тадбирлар у кишини назаридан четда қолмас эди

Равшан Ашир

@MubashshirAhmad

Mubaşşir Ahmad

18 May 2025 17:25

#жамоатчилик_фикри

Ҳуқуқшунос Жамшид Усманов: гумонланувчи сифатида Мубашшир Аҳмад домланинг ижтимоий мақомини ва саломатлигини асраш учун қамоқдан бошқа эҳтиёт чоралари қўлланилиши мумкин.

@MubashshirAhmad

Mubaşşir Ahmad

18 May 2025 15:06

#жамоатчилик_фикри

Ҳидаятулла Ҳабибов: Мубашшир Аҳмадга озодлик!

@MubashshirAhmad

Mubaşşir Ahmad

18 May 2025 13:44

#жамоатчилик_фикри

Муҳаммад Шакур: бундай инсонлар давлатимиз учун керак.

@MubashshirAhmad

Mubaşşir Ahmad

18 May 2025 12:57

Мубашшир Аҳмад домла қамоққа олиниб, Ички ишлар вазирлигимиз у кишининг ишини ўз зимммасига олганини очиқлаганига 8 кун бўлди.
Биз давлатимиз томонидан давлатимиз, мустақиллигимиз ва динимиз учун қайғурувчи ватандош тўғрисида қонунан бериладиган эътироз ва баёнотларни кутяпмиз.

Мана шундай вазиятлардан Мубашшир Аҳмад домладек умрини миллат келажаги учун қайғуриш билан ўтказиб, амалиётда бир қадам ҳам ортда қолмаган закий инсон яхшилик билан чиқмаса, биздан "кимсан?" деб сўралган пайтда "ўзбекман" дея оламизми? Бугунги хавотир мана шунинг хавотири эмасми?

Ҳар томонлама давлатимга узр қидираман деб юракларим эзилиб кетди. Бизга ҳам у томондан бирор муносиб жавоб бўладими?

#MUBASHSHIRAHMAD_QAYERDA

#WHEREISMUBASHSHIRAHMAD

Mubaşşir Ahmad

23 May 2025 17:02

Маҳбусликнинг 13-куни

Агар ислом қонхўрлар дини бўлганда, нега Мисрда масиҳийлар олти аср давомида кўпчиликни ташкил қилган? Ваҳоланки, ўша пайт Андалусдаги тафтиш маҳкамалари юз йилдан кам муддатда, мусулмонларни қириб, қувиб ё насроний қилиб, тугатиб бўлди!

Агар ислом қонхўрлар дини бўлганда, нега ҳозир Андалусда мусулмон топилмайдию, Мисрда миллионлаб насронийлар эмин-эркин яшайдилар?

Ёлғон ахборотларга эмас, тарихий ҳақиқатларга таяниш керак!

©️ Мубашшир Аҳмад

©️Azon Global

Mubaşşir Ahmad

23 May 2025 08:59

Хуфтон. Сал нарида ўтирган бир йигит худди танишини кўргандек қараб - қараб қўяди.
Ташқарига чиққанимда ортимдан келиб саломлашди, ўзини таништирди. МЕЗАНА талабаси экан.
Бироз сухбатлашдик, устозларини саломатлигидан хавотирда: "Анча маззалари йўқ эди, ахволлари яхшимикан...". Кошки у билгандан ортиқ нарсадан хабарим бўлса.
Бир-икки оғиз гап билан таскин берган бўлдим.
Домла ҳаққига дуо қилиб хайрлашдик.

Йўл йўлакай дўконга кирсам сотувчи ака ҳам "Мубашшир Ахмад домладан хабар борми?" дейди.
Қисқа сухбатдан сўнг хаёл билан унутиб ташлаб чиқиб кетаётган харидларимни қўлимга тутқазди.

Дин, миллат, ватан қайғуси сабабли учраган таъқиблар ортидан хорижга чиқиб кетган олим..., унинг ортидан илм излаб борган юзлаб талабалар..., дунёвийлик иддаоси билан диний олимни хибсга отиб, ўзлари пеш қиладиган дунёвий қонунларни безбетларча бузаётган ҳуқуқ посбонлари... уларга ишончи сўниб бораётган одамлар...

Шуларни ўйлаб туриб, овуниш учун бахона қидирдим ва топдим: "...махзун бўлманглар...".
Таржима қилиниб, домланининг муҳаррирликлари остида чоп қилинган Оиз Қарнийнинг шу номдаги китобини ҳам эсладим.

Ортидан ҳаёлимга юқоридаги икки сўзнинг давоми келди: "...бўшашманглар!.."

Бўшашиш йўқ!

#Mubashshir_Ahmadga_Ozodlik

Жамшид Усмонов, ҳуқуқшунос

@MubashshirAhmad

Mubaşşir Ahmad

22 May 2025 20:16

Ҳақиқий тирик китоб ичкарида, чалғимаймиз!

Ғиёсиддин Юсуф

#unutmaymiz_unuttirmaymiz #MubashshirAhmadga_ozodlik

@MubashshirAhmad

Mubaşşir Ahmad

22 May 2025 13:25

#жамоатчилик_фикри

Диний олим Mubaşşir Ahmad домлага Озодлик.

@MubashshirAhmad

Mubaşşir Ahmad

22 May 2025 08:38

Агар одамларнинг кучлиси бўлмоқ истасангиз, Аллоҳга таваккал қилинг!*

Агар ҳурматлироғи бўлмоқ истасангиз, Аллоҳга тақво қилинг!**

Агар энг бойи бўлмоқ истасангиз, қўлингиздаги мулкингиздан Аллоҳнинг ҳузуридагиси ишончлироқ бўлсин!***

"Тафсири Нобулсий"дан

======
* Таваккал - вакил қилиш. Иши ва эҳтиёжида Аллоҳ вакили бўлган кишидан ҳам кўра кучлироқ одам бўлмайди.

Табиий, таваккул қалбда бўлади. Қалбида Аллоҳга таваккули бўлган киши ҳеч енгилмайди, таслим бўлмайди.

** Аллоҳ ҳузурида бой, қувватли ёки обрўли киши ҳурматга сазовор бўлмайди. Унга фақат тақводор лойиқ.

*** Қўлингиздаги мулк Аллоҳнинг наздида пашшанинг қанотига арзимайди. Зеро ҳамма мулк Унингдир.

Шундай бўлгач, Унинг мулкига ишонган одам ўзини ҳамма мулкка эгадек ҳис қилади. Бундан ортиқ бойлик борми дунёда?!

@MubashshirAhmad

Mubaşşir Ahmad

21 May 2025 16:45

Устоз Мубашшир Аҳмад билан боғлиқ ҳодиса рус тилли медиамаконларда ҳам таҳлил қилина бошланди.

Томоша қилиш: 👉 https://youtu.be/Kyv4eLtFbJQ?si=7xJLu-2PIYTFCmZS

@MubashshirAhmad

Mubaşşir Ahmad

20 May 2025 14:11

Azon Global Расмий маълумоти

Мубашшир Аҳмад домла Давлат хавфсизлик хизмати марказий тергов ҳибсхонаси (Гвардейский)да сақланаётгани аниқланди. Бугун, 2025 йилинг 20 май, сешанба куни унга фақат бир нафар яқини (укаси) билан кўришишга рухсат берилган. Укасининг гувоҳлик беришича, устоз Мубашшир Аҳмад терговчи ва бошқа мутасаддиларнинг муомаласидан шикоят қилмаганлар ва ўзларини қўллаб, дуолар қилиб турган барча-барча инсонлардан миннатдор эканларини билдирганлар.

Батафсил: https://azon.global/4050

©️Azon Global

Mubaşşir Ahmad

19 May 2025 19:54

Мубашшир Аҳмад – олимнинг машаққатли йўли

@Azon_Global

Mubaşşir Ahmad

19 May 2025 18:32

#жамоатчилик_фикри

4-5 йил бурун Мубашшир домла билан бир муддат бирга ишладик. Домла ишхонага ҳар келганида янги ташаббус билан келади.
– Битта зўр идеа бор, – дейди. – “Энг сара 100 та китоб” деган рукнда 100 та адабий китоб нашр қилмаймизми?
Соатлаб шу 100 та китоб ҳақида гаплашиб қоламиз. Уни қандай чоп қилиш, ўқувчиларга қандай етказиш ва ҳокоза... Орадан 2-3 кун ўтиб, яна бир янгилик билан келади.
– Эллик томлик “Фиқҳ энциклопедияси”ни бошлаймиз, – дейди. – Бу жуда катта иш, халқимиз учун жуда муҳим! Агар уддаласак, биздан садақи жория бўлиб қолади.
Кейинги ҳафта яна бир таклиф...
Ҳаётнинг аччиқ истеҳзосини қаранг, умрини, ҳаётини фақат илмга, ибодатга, миллатга бағишлаб юрган бир одам... келажак душмани эмиш. “Сув келтирган киму, кўза синдираётганлар ким?” деб сўрайдиган одам йўқ! Аммо унутманг, сўрайдиган Эгамиз бор! Бу саволлар ҳали ўртага чиқади. Мисқолчалик ёмонлик ҳам жазосиз қолмайди. Бу Унинг ваъдаси!

Алишер Назар, ношир, жамият фаоли

@MubashshirAhmad

Mubaşşir Ahmad

19 May 2025 16:03

#жамоатчилик_фикри

Мубашшир Аҳмад домлани ушлаб келиб, қамабсилар. Хўп, унга ўзи истаган адвокатни ёллаш имкони берилдими?

Қаерда сақланаётгани нега оиласидан сир сақланмоқда?

Қонунчилик бўйича гумонланувчи суд хукми билан айбдор деб топилмагунча айбсиз ҳисобланади.

Айбсизлик презумпсиясига амал қилинаяпдими?

Сиёсий диний таъқиблар борган сари давлатнинг ташқи имижига соя солаётганини маъсуллар ўйлашаяпдими?

Олимжон Акрам

#Мубашшир_Аҳмадга_Озодлик!!!

@MubashshirAhmad

Mubaşşir Ahmad

19 May 2025 11:56

#жамоатчилик_фикри

#Мубашшир_Аҳмадга_озодлик

Мубашшир Аҳмаднинг қўлга олиниши жамиятимизда энг камида уч хил муносабатни туғдирди:
1. Мубашшир Аҳмад тақдирига бефарқ бўлмасдан уни ҳимоя қилиб чиқаётганлар.
2. Тўғри қилди деб давлатнинг ёнини олаётганлар.
3. Ҳар доимгидек, можарони бир четда томоша қилиб турганлар.
Ҳозир 2-тоифа ҳақида гапирмоқчиман.

Кечаги мақоламга бир обуначим муносабат билдириб:
"Бу ишда давлатни тўлиқ қўллаб қувватлайман. Қонунлар ҳаммага баробар... домла ҳақли тарзда ушланди", дебдилар.
Бу ва шунга ўхшаш гапларга умумлашма бир ойдинлик киритиб қўймасак бўлмайди.

Биринчидан, давлат ҳақсиз бир иш содир этган бўлиб туюлса, уни айтиш давлатга қарши чиқиш эмас, балки уни ҳушёрликка чақиришдир.
Иккинчидан, давлат бошимиз устидаги тождир. Аммо унинг ҳамма иши ҳам тўғри бўлавермайди.
Учинчидан, давлат халқдан устун эмас, халқдан ваколат олиб унга ётиб олиб хизмат қиладиган муассасадир! Бинобарин, вазифасида ҳақдан оғса, уни ўнглаш ва насиҳат қилиш, ҳатто талаб этиш халқнинг ҳаққи ва бурчидир. Индамаслик қинғирлигига шерик бўлиш билан тенг. Халқ тергаб турмаса, ҳар қандай давлат тепасидаги одамлар ҳаддидан ошади ва қонун чегараларидан чиқиб, зулм йўлига тушиб олиши мумкин.
Қолаверса... кичик бир эслатма:

Бундан юз йил бурун 22 - 37-йиллар давлат миллат гулларини қатағон қилди -- қамади, отди, осди, сургун қилди. Қалб кўзи кўр тоифа кўчада митинглар қилиб: "Давлат тўғри қиляпти! Булар халқ душмани!" деб оғзини йиртиб бақирди. Орадан бор-йўғи 18 йил ўтиб, 1956 йили у зиёлилар бари оқланди! Давлат қотил, улар қаҳрамон бўлиб чиқди! Яъни, айбини давлатнинг ўзи тан олди!
Шунақа -- давлат деганимиз чопонини тез-тез ўзгартириб туради, ҳақиқат эса ўзгармасдир!

Нуруллоҳ Муҳаммад Рауфхон,
ёзувчи.
2025 йил майининг 19-куни.

@MubashshirAhmad

Mubaşşir Ahmad

18 May 2025 16:45

#жамоатчилик_фикри

Журналист Муҳаммад Темур Аъзам ва ижтимоий фаол Умид Жўра: Мубашшир Аҳмад домла мўътадил фаолият эгаси.

@MubashshirAhmad

Mubaşşir Ahmad

18 May 2025 14:13

Жиноят кодексининг 159- ҳамда 244-моддалари Ислом Каримов даврида ялпи қатағонга олиб келган эди. Халқимизнинг бир қисми эски иқтидорни агар золим деяётган бўлса, айни шу моддалар орқали қилинган зулм учун эди. Қанчадан-қанча айбсиз-гуноҳсиз йигит-қизимиз мана шу икки модданинг шафқатсиз қиличи қурбони бўлиб кетди.

Шавкат Мирзиёев ҳокимиятга келганида биринчилардан бўлиб қилган хайрли иши -- "қора рўйхат"ларни йўқотди ва 159-моддани амалдан тўхтатди!
Аммо... нимагадир 244-модда ҳамон фаол қўллаб келинмоқда. Интернет асрида, ижтимоий тармоқлар тобора ривож топаётган замонда бу ёвуз модданинг амалда қолиши кўп ёшлар жувонмарг бўлиб кетишига сабаб бўлмоқда. Бўлар-бўлмас ишларни, арзир-арзимас ҳолатларни бу моддалар билан айблаш имкони бор. Кимдир билмай нашид эшитиб қўйса ҳам, кимдир кимгадир бирон нарсани юборса ҳам дарров шу модда улар устига қилич яланғочлаб келяпти.

Энди ватанимизнинг етук Ислом олими Мубашшир Аҳмад бўйнига ҳам шу 244-модда илинди! Яхшимас! Яхшимас! Яхшимас!
Ким-ким, Мубашшир Аҳмад бу моддага лойиқ иш қилмаганини бутун фикрли инсонлар билади.
Эй ҳуқуқ идоралари! Нима ишга қўл урганларингни билинглар! Ҳозир ҳам, келажак ҳам сизларни кечирмайди! Ҳали ҳам бўлса, ниятларингдан қайтинглар! Қарорни ўзгартиринглар!
Олий ҳокимият ва шахсан Президентдан илтимосим: Мубашшир Аҳмаддай олим йигит миллатнинг бойлигидир, уни қамаш эмас кўзимизнинг қорачўғини асрагандек асрашимиз, илмидан, тажрибаларидан насиҳатларидан фойдаланишимиз керак. Агар кимлардир қанақадир ғаразлар билан уни жамиятдан узишни ихтиёр қилган бўлса, Сиз аралашиб бу ёмон ниятнинг олдини олишингиз сиёсий ва инсоний мавқеингизга ярашиқли иш бўлган бўларди. Бугун халқимиз Сиздан шуни кутмоқда.

Нуруллоҳ Муҳаммад Рауфхон,
ёзувчи.
2025 йил майининг 18-куни.

Mubaşşir Ahmad

18 May 2025 13:31

#жамоатчилик_фикри

Расул Кушербаев: Мубашшир Аҳмад қандай инсон ва қонунан қандай муносабат кўриши керак?

@MubashshirAhmad

Mubaşşir Ahmad

18 May 2025 11:38

Мубашшир Аҳмад иши: зиёлилар нима дейди?

©️Azon Global