Mubaşşir Ahmad

14 May 2025 11:19

🔹 Устоз Мубашшир Аҳмад ҳибсда. Аслида нима бўлди?

“Азон” лойиҳалари бош директори Нуъмон Абдулмажиднинг расмий баёноти

Жонли эфир 👉 https://youtube.com/live/qH98CJfUpp4

©️Azon Global

Mubaşşir Ahmad

14 May 2025 07:50

Ўнлаб фаоллар, миллат фидойиларини шу эътиборсизлигимиз, калтабинлигимиз деб йўқотдик.

Бугун ҳам яна шундай синов олдидамиз ва афсуски ҳали ҳам аввалги хатолардан хулоса чиқарганимиз йўқ.
Бир кун ўтмасдан яна ҳамма еган овқати, ҳаётидаги кулгили воқеалар ҳақида гапиришни бошлади.

Офат пайтида рақс тушаётган девонадекмиз. Бир деганда бизнинг бошимизга ҳам бу офат етишини кўриб туриб, парвойимиз фалак.

Унутмайлик, устоз Мубашшир Аҳмаднинг бошларига етадиган мусибат (Аллоҳ сақласин) миллат сифатида бизга ўқилган жаноза бўлади!

#mavzuni_unuttirmang
#freemubashshirahmad #mubashshir_ahmadga_ozodlik

Ижтимоий тармоқлардан

@MubashshirAhmad

Mubaşşir Ahmad

13 May 2025 11:00

Ўйлаб қарасам, Mubashshir Ahmad домла ҳақида қандайдир тавсифномага ҳожат йўқ экан. Домланинг тарафи, бутун мақсади, нияти, ҳаракатлари доим очиқ-ойдин кўриниб, билиниб турар эди. Ҳар қандай дардлари бўлса, очиқ айтиб келдилар.

Ҳар қандай фаолиятлари бўлса, хоҳ Ватанда бўлсин, хоҳ ташқарида, очиқ юритдилар.
Кўп синов кўрдилар лекин бировни айбламадилар, одамларни қайрамадилар, кимларнидир сўкиб лаънатламадилар.

Дилидаги тилида бўлган мўътадил манҳажли, бағрикенг, муросали, етук бир мутахассис — олим бўлса, домладек бўлар.

Аниқки, бу каби ёндошувдан домла ҳеч нарса йўқотмайдилар.
Йўқотган миллатимиз бўлади, Ватанимиз бўлади!..

Латиф Роббимиз тез фурсатда нажот берсин!

Ikrom Sharif

@MubashshirAhmad

Mubaşşir Ahmad

13 May 2025 09:17

Turkiya hukumati Mabashshir Ahmad domlani Turkiyadagi boshqa oʻzbek siyosiy qochqinlari singari Oʻzbekistonga topshirmasligi kerak, agar topshirmagan boʻlsa. Va men koʻpchilik turkiyaliklar va oʻzbek jamoatchiligi faollari qatorida Turkiya hukumatini shunga chaqiraman.

Oʻzbekistonga topshirilgan boʻlsa va domla allaqachon Toshkentda boʻlsa, unda u kishiga Allohdan ofiyat soʻrayman hamda mamlakatimiz hukumatini masalaga adolat bilan yondashishga chaqiraman.

Har holda, domla Oʻzbekistondagi siyosiy tartib va hukumat faoliyatiga bevosita yoxud bilvosita zid harakat qilmagan, shunday mazmunda bayonot bermagan.

Jurnalist, Tolib Komiljon Rahmat

#turkiye, #mubashshirahmad, #oʻzbekiston

@MubashshirAhmad

Mubaşşir Ahmad

13 May 2025 07:54

Аллоҳ таоло Mubashshir Ahmad домлага нажот, сабот ва офият берсин.

Пайғамбар алайҳиссалом айтадилар: "Мўминнинг ишига таажжуб; барча ишида унга яхшилик бор, бу нарса фақат мўминга хос: хурсандчилик етса шукр қилади - унинг учун яхши бўлади, қийинчлик етса сабр қилади - унга яхшилик бўлади".

Ҳар қандай ҳолатда ҳам мўмин ютади.

Устоз, Др. Шайх Сайфуллоҳ Носир ҳафизаҳуллоҳ

@MubashshirAhmad

Mubaşşir Ahmad

13 May 2025 00:06

Ушбу пост остидаги улашишлар сонига қаранг. Twitterнинг турк сегментида бундай постлар ярим кун ичида минглардан ошиб кетди.

Турк ватандошлари ҳукуматлари томонидан содир бўлган энг кичик зулмга ҳам кескин жавоб берадилар. Биладилар-ки, бу зулмга ҳозир "тўхта" дейилмаса, кейинги мазлум ўзлари бўлишларини.

Улар ҳатто миллатдоши бўлмаган инсон ҳимояси учун курашишмоқда. Биз эса шу ватан учун, шу халқ учун энг қийин синовларни ҳам бўйнига олган ўз ватандошимиз учун деярли ҳеч нарса қилмаяпмиз.

Туркиянинг нега тобора дунёдаги энг асосий давлатлардан бирига айланаётгани ва бизнинг ҳозирги аҳволимизнинг асосий сабаби ҳам шу аслида.

Mubaşşir Ahmad

12 May 2025 22:37

ҲуДаПар партияси Туркия ҳукуматини Мубашшир Аҳмад масаласида шаффоф баёнот беришга чақирди

Туркиянинг йирик партияларидан бири, Эрдўғон раҳбарлигидаги "Адолат ва тараққиёт" партиясининг асосий иттифоқчиларидан бири бўлмиш ҲуДаПар ("Ҳур даъво") партияси ҳукуматни ўзбекистонлик машҳур олим, “Azon Global” ахборот-таҳлилий портали асосчиси Мубашшир Аҳмад билан боғлиқ масала бўйича шаффоф баёнот беришга чақирди.

"Халқаро қонун ва Туркия томонидан тан олинган шартномалар зулм қилиниш хавфи остидаги шахсларнинг бирор талабга кўра топшириб юборилишини тақиқлайди. Инсонпарварлик тамойилларига ва қочқинларнинг бошпана сўраш ҳуқуқига риоя қилиниши нафақат конституциявий, балки виждоний мажбурият ҳамдир", дейилади ҲуДаПарнинг баёнотида.

Батафсил: https://azon.global/3988

©️Azon Global

Mubaşşir Ahmad

12 May 2025 13:36

Туркия Мубашшир Аҳмадни Ўзбекистонга топширди

Мубашшир Аҳмад Ўзбекистонга депортация қилинган. Уни 9 май куниёқ шошилинч тарзда депортация қилишмоқчи бўлишган, лекин жамоатчилик аралашуви туфайли Эдирнега жўнатилган.

«Эдирнедаги Миграция идорасида разведка назорати остида сақланган, кейинчалик шанба куни яна Истанбулга қайтарилган. Бу орада у юридик тизимдан четлаб ўтилган ва ноқонуний тарзда Ўзбекистонга топширилган», дейилади туркиялик адвокат Иброҳим Эргиннинг баёнотида.

Унга кўра, хавфсиз жой истаб, бошпана сўраб келган инсонни мамлакатига қайтариб бериб юбориш ҳам қонуний, ҳам диний ва ҳам виждоний жиҳатдан жоиз эмас.

Батафсил: https://azon.global/3985

©️Azon Global

Mubaşşir Ahmad

12 May 2025 09:39

Айни дамда исломни рад этиш ўзига ўзи суиқасд ва барбод бўлиш йўлидир. Балки бу мустамлакачиликнинг кўз қувончидир.

Шайх Муҳаммад Ғаззолий

@MubashshirAhmad

Mubaşşir Ahmad

11 May 2025 09:17

Тавсия!
Ўлимингиз бошқаларнинг орзуси бўлиб қолишидан сақланинг!

Айман Ёғий

@MubashshirAhmad

Mubaşşir Ahmad

10 May 2025 16:57

Табассум қилинглар! Биз Аллоҳнинг фазли билан яшаяпмиз. Бошқаларнинг марҳамати сабабли эмас.

Шайх Муҳаммад Ғаззолий

@MubashshirAhmad

Mubaşşir Ahmad

10 May 2025 12:01

💫Najmun Akademiyasining onlayn pullik kurslariga qabul davom etmoqda.

⏬Onlayn Kurslarimiz:

🫀Arab tili boshlang‘ich
🫀Arab tili grammatikasi
🫀Turk til
🫀Rus tili
🫀Ingiliz tili
🫀Qur'on Tas'hih
🫀Odobli o‘g‘il-qizlar

Milliy sertifikat va TYS sertifikatiga tayyorlanmoqchi bo‘lsangiz, sizni kurslarimizda kutib qolamiz.

Erkaklar va ayollar guruhi alohida.
Ustozlarimiz ko‘p yillik tajribaga ega. Barcha yoshdagi o‘quvchilar qabul qilinadi.Najmun Akademiyasida bemalol oilaviy ilm olsangiz bo‘ladi. Sizni kurslarimizda kutub qolamiz.

Mubaşşir Ahmad

10 May 2025 07:09

Агар одамлар келажаклари ва ҳаётлари ҳақида тафаккур қилганларида эди, ҳаммалари иймон келтиришган бўларди.
Агар дунёлари ва унинг фоний хурсандчиликлари, чекланган лаззатлари, ўлим, хасталиклар, ҳалокат ва оғриқларини ўйлаганларида эди, унга ғарқ бўлмасдилар, матоҳлари олдида таслим бўлмасдилар.

Агар ўлим ҳақида мулоҳаза қилганларида эди, ҳаётлари учун бунчалик ташланишмасди.
Агар охиратни ёдга олишганда эди, жаноби Роббилари томон қочишган бўларди.

Лекин.. бирор киши тўхтаб, булар ҳақида тафаккур қилмайди. Балки бирор нарсалик бўлиб қолиш учун, ҳаёт ғилдираги ортидан чопади. Аммо билмайдики, бу ортидан чопаётгани сароб ва ҳеч нарса эканлигини. Дақиқа, соат ва кунлар ўтяпти, умр ўтяпти. Охир борар жой эса тупроқ..

Тупроқ остига кетганлардан бирортаси, ҳикоя айтгани бизга қайтмайди. Қабр дарчалари кўрлик томон очилган. Бирор киши бирор нарса кўрмайди, бирор нарса билмайди. Кўрлик пардаси ҳамманинг юзига ташланган. Фақат ўша жойга ўзи борган лаҳзадагина кўради.
Ҳар биримизнинг фурсатимиз ҳаётимиз.. бундан ўзга фурсат йўқ!

Доктор Мустафо Маҳмуд
"Ўлим ортида не гаплар?" китобидан

@MubashshirAhmad

Mubaşşir Ahmad

09 May 2025 16:59

Рабиъ ибн Ҳайсам йўлдаги ахлатларни териб оларди-да, бу онамга ва мана бу отамга, дерди.
Яъни, ишининг савобини уларга бағишлар эди.

@MubashshirAhmad

Mubaşşir Ahmad

09 May 2025 12:51

Ҳар замоннинг муаммоси бўлади. Бу замоннинг муаммоси ахлоқ муҳофазасидир.

Аллома Абдуллоҳ бин Байя

@MubashshirAhmad

Mubaşşir Ahmad

14 May 2025 08:59

ДИН ШУНАҚА ХАВФЛИМИ?!

60- 70 йил ўртача умри дунё билан боғлиқ, ўлганидан кейин оламлар Эгасига милярд-милярд йил, яъни 60 окталон йил ёки 70 дециллион йил динидан сўраладиган инсонга дин шунчалик хавфлими?!

Ҳанафий амал мазҳаби, мотуридий эътиқод мазҳабига амал қилувчи мўътадил олим Мубашшир Аҳмад бирорта зарарли мақола ёзганини билмайман! Очликдан ёки бомбадан ўлаётган Ғазодаги болалар ҳақида ёзиш жиноятми?!

Афсуски мусулмон ўлкасидаги қонун – жиноят кодекси таҳрирга муҳтож!

Мубашшир Аҳмадга жиноят кодексининг 244-моддаси бир неча бандлари, жумладан “Диний мазмундаги материалларни қонунга хилоф равишда тайёрлаш, сақлаш, олиб кириш ёки тарқатиш” билан жиноят иши қўзғатилибди.

Дин одами бўлганидан кейин дин ҳақида гапиради-да. Биолог ёки шифокор бўлганида эди углевод, аминокислоталар ҳақида гапирарди.

Мусиқашунос бўлганида эди шошмақомнинг бузрук, рост, дугоҳ, сегоҳ куйлари ҳақида гапирарди. Маъданшунос бўлганида уран, феруза, тоғ-кон маъданлари ҳақида...

э шу-да диний мадрасани битирган, бутун умри, бутун ҳаёти дин билан боғлиқ одам динни гапирмай ширвоз қўзи ё қоракўл терисини гапирармиди?! Шу маънода жиноят кодексининг ушбу моддалари таҳрирга муҳтож!

Дунёда давлатимиз ўз нуфузига, обрўсига эга бўлиш учун ҳаракат қилмоқда. Шундай вақтда мустақил Ўзбекистон имижини пастлатиш кимларгадир керак шекилли.

Тўғрисини айтсам, одамгарчилик у ёқда турсин, одам сиёғидан чиқиб кетдик...

Шукур Жаббор, журналист

@MubashshirAhmad

Mubaşşir Ahmad

13 May 2025 11:25

Мубашшир Аҳмаднинг қамалиши янгилик эмас. Бу тарихнинг такрорланишидир.

Ўзининг “Ал жомеъ ас-Саҳиҳ” ҳадислар тўпламининг муаллифи, ҳадисшуносликда инқилоб қилган Имом ал-Бухорий ислом дунёсидаги энг буюк муҳаддислар ичида етакчи ўринни эгаллайди.

Аммо бутун дунёга кенг танилган “1-рақамли” муҳаддис аллома ҳам ўзи туғилиб ўсган Бухоро шаҳридан Бухоро амири Халид ибн Ахмад аз-Зухли ва унинг сарой муллалари томонидан тақиб қилинган, қувилган ва сиқиб чиқарилган. Фақат зиндонга қамал қилинишига ҳалқ кўтарилиб қўймаган.

XII асрда яшаган Аҳмад Яссавий ҳам очиқчачсига таъқиб қилинмаган бўлса ҳам, лекин унинг фаолияти доимий назорат, шубҳа ва босим остида бўлган.

ХХ аср бошларида бизнинг ўлкаларда жадидлар пайдо бўлишди. Улар халқ уйғониши учун кўп ҳаракат қилишди. Мактаблар очишди, китобларни нашр қилишди, газета ва журналлар чиқаришди, аёллар ҳуқуқларини ҳимоя қилишди, илм ва маърифатни кенг тарқатишга уринишди. Улар ўз халқини жаҳолат зулматидан чиқариш учун кўп ҳаракат қилишди.

Аммо бу ҳаракат ҳукмрон Совет тузумига ёқмади. Натижада 1930-йилларга келиб, жадидлар “миллатчи”, “панисломчи”, “туркчи”, “халқ душмани” каби туҳматлар билан жиноий ишларда айбланиб қамоққа ташланди, сўроқ қилинди ва айримлари шафқатсизлик билан қатл этилди.

Уларни сотган, қамаган, қамоқда эса қийнаган ва кейинчалик уларни қатл қилганлар ҳам кўп ҳолларда руслар эмас, балки ўзимизнинг совет тузумига хизмат қилган ватандошларимиз бўлган.

Оққан сувнинг қадри йўқ деганидек, вақт ўтиб юқорида номи келтирилган мутафаккир инсонлар тарихимизда катта мерос ва из қолдирган миллатимизнинг ёрқин намоёндалари бўлиб танилишди ва уларга бугун биз ҳурмат-эҳтиром кўрсатамиз, мактабдан бошлаб уларнинг ижод, фаолият ва қилган хизматларини фарзандларимизга ўргатамиз, уларга бағишлаб масжидлар, мадрасалар ва илмий марказлар қурамиз, улар ҳақида китоблар чоп этамиз, кинофильмлар оламиз.

Мубашшир Аҳмадга ўхшаган ватанпарвар инсонларни ҳам кўп йиллар ўтиб бизнинг набираларимиз тарих китобларида улар ва улар қилган ишлар ҳақида ўрганишади, уларни хотирлаблаб китоблар ёзишади, кутубхона ва илмий марказлар очишади.

Биз ҳар сафар буюкларни йўқ қиламиз. Кейин эса уларга ҳайкал қўямиз.

@alitoshkandi

Mubaşşir Ahmad

13 May 2025 09:51

Замонамизнинг етук олимларидан Мубашшир Аҳмаднинг Туркиядан чиқариб юборилиши Туркия шаъни учун яхши иш бўлмабди!

Энди Ўзбекистон томони Мубашшир домлага унинг ва Янги Ўзбекистоннинг шаънига лойиқ тарзда муомала қилади деб умид этаман.

Ўзбекистон Мусулмонлари идораси масала чигаллашмасидан тез орага тушиб, Мубашшир Аҳмадни меҳрибон қаноти остига олса, нур устига нур бўларди.

Домладан халқимизга ва ватанимизга ҳали кўп фойдалар келади деб ишонаман.

Ёзувчи, адиб Устоз Нуруллоҳ Муҳаммад Рауфхон

@MubashshirAhmad

Mubaşşir Ahmad

13 May 2025 08:40

Мубашшир домлани кўпдан бери танийман. Илмли бўлиш билан бирга кучли иймон ва таваккул эгаси. Яна бир ибрат олсак арзийдиган хислати бор: бағри кенг, мухолиф фикрларга тоқатли одам, асло жиззаки, жаҳлдор, агрессив эмас. Самимий инсон. Шаънига қарата айтилган қанча-қанча ҳақоратларга парво қилмасдан, йўлида давом этиб келяпти.

Динни ёмон кўрганларнинг ҳақоратлари-ку, майли, диндорларнинг ҳам аччиқ гап-сўзларига нишон бўлганини, лекин бирортасига лом-мим демаганини кўп кўрганман. (Шахсан Домланинг ўрнида мен бўлсам, ундайлар билан ётиб ёқалашаман.)

Мўмин одам ютқазмайди. Аллоҳдан Мубашшир домлага ҳам ютуқ сўрайман, икки олам ютуғини...

Ёзувчи, ношир, устоз Абдуғофур Искандар

@MubashshirAhmad

Mubaşşir Ahmad

13 May 2025 06:50

Мубашшир Аҳмад домла ҳибсда. Бу билан нимага эришиляпти? Мақсад очиқчасига ўз фикри билан баҳс юрита оладиган рақибни тинчитиб, ҳеч қандай баҳс-мунозарани тан олмайдиганлар сафини кенгайтиришми? Бу жамиятда диндорнинг сўзи, фикри мутлақо ўчирилиши керак деганими?

Нимага эришиляпти? Бу кишини қамашдан мақсад келажакда ёзиладиган "қатағонлар ёдномасини" бойитишми? Бир мунча вақт ўтиб "ёшларимизни биз ўзимиз экстремист қилдик" дейилиш учун қилиняптими бу яна?

Ҳа. Тўғри. Ғарб оғалардан Ўзбекистонда диний эркинликлар бузилиши ҳақида ҳисоботлар энди чиқмаса керак. Демак бемалол ортга чекиниб эски ишлар қайтариладими? Бундан бошқа яна қандай "сиёсий мантиқ" бор? Мўътадил диний фаолларни таъқиб қилиш экстремистлар сонини оширишга олиб келиши борасидаги оддий ҳақиқат наҳотки яна унутилди?

Менинг фикрим: Мубашшир Аҳмаднинг ғайриҳуқуқий қамалиши бу дунёвийликнинг навбатдаги мағлубиятидир. Чунки бундай "дунёвийлик" на мунозара ва муросага очиқ ва на ўз принципларига содиқ.

Tahlilchi Jamshid Muslimov

@MubashshirAhmad

Mubaşşir Ahmad

12 May 2025 23:59

Twitter фойдаланувчиларининг қўлловига эҳтиёжимиз бор:

https://x.com/AZabihulloh/status/1921987820782076388?t=H-xbkA7q0-xLU2tSV15u2A&s=19

Mubaşşir Ahmad

12 May 2025 15:49

Туркия Мубашшир Аҳмадни Ўзбекистонга топширди

@Azon_Global

Mubaşşir Ahmad

12 May 2025 11:12

РАСМИЙ БАЁНОТ
Ўрта Осиё халқлари “Азон” вақфи васийлар кенгаши раиси, “Azon Global” ахборот-таҳлилий портали асосчиси, устоз Мубашшир Аҳмад (Алишер Турсунов) 2025 йилнинг 8 май, пайшанба куни тонгда Истанбулнинг Баҳчешеҳир мавзеидаги уйидан гумонланувчи сифатида олиб кетилди. Шу куннинг ўзида адвокатлари иштирокида дастлабки суриштирув ўтказилди. Ўша куни адвокатларига билдирилган охирги маълумотга кўра, суриштирувдан сўнг Истанбулдаги Депортация марказига (Geri Gönderme Merkezi – GGM) ўтказилиши, эртасига – 9 май, жума куни у ердан қўйиб юборилиши керак эди.
Аммо орадан 4 кун ўтган бўлса-да, Иммиграция бошқармаси (Göç İdaresi) домланинг қаердалиги, соғлиғи ва суд жараёни ҳақида адвокатларига ҳам, яқинларига ҳам ҳеч қандай маълумот бермаяпти. Ваҳоланки, Туркия қонунчилигига кўра, назоратда ушлаб турилган шахснинг оиласига бу ҳақида маълумот берилиши, унинг ўзига ҳам яқинлари билан мулоқот қилишга изн этилиши белгилаб қўйилган. Ҳозиргача ҳатто адвокатлари ҳам домладан бирор хабар ололмаётганидан, ақалли қаерда сақланаётганини ҳам билолмаётганидан оиласи ва яқинлари асосли равишда хавотирга тушишмоқда. Боиси устоз Мубашшир Аҳмад узоқ йиллардан бери қандли диабет ва юқори қон босимидан азият чекиб келади ҳамда мунтазам равишда инсулин ва бошқа дорилар қабул қилишга мажбур.

Бу борада қандайдир маълумот, янгилик бўлиши билан сизларни хабардор қиламиз. Бу орада урчиши мумкин бўлган ҳар қандай асоссиз хабарларга эътибор бермаслигингизни сўраймиз.
Дуоларингиз билан қўллаб туринг.

Mubaşşir Ahmad

11 May 2025 21:21

Ғарбнинг қўрқинчли туши – Файсал ибн Абдулазиз

Томоша қилинг 👉 https://youtu.be/g46E-gTrkQo

©️Azon Global

Mubaşşir Ahmad

11 May 2025 07:00

Аёлни хорижда ишлашга мажбур қолдирманг

Томоша қилинг 👉 https://youtu.be/YwX01GfmLBo

©️Azon Global

Mubaşşir Ahmad

10 May 2025 14:46

Бизга дарвешнинг хирқасини кийдириб, бу дин, дейишди.
Бузуқликка ғарқ этиб, бу санъат, дейишди.

Динсизликни ўргатиб, илм мана шу, дейишди.

Табақалар кураши билан бўлиб ташлаб, бу ижтимоий адолат, дейишди.

Мустафо Маҳмуд, "Шайтон уйимизда яшайди" китобидан

16.10.2017

@MubashshirAhmad

Mubaşşir Ahmad

10 May 2025 08:33

Болғадан бошқа нарсага эга бўлмаганингдан кейин, сенга ҳамма муаммо михга алоқадордай туюлаверади.

Абраҳам Маслоу, америкалик руҳшунос

@MubashshirAhmad

Mubaşşir Ahmad

09 May 2025 20:13

Ғалаба куни дипломатияси: Марказий Осиёнинг мувозанат сиёсати ва Путиннинг нураган шуҳрати

Томоша қилинг 👉 https://youtu.be/cGgcNKzuA7o

©️Azon Global

Mubaşşir Ahmad

09 May 2025 14:51

"Жуда қаттиқ ёмон кўришади, аммо диққат билан кузатишади".

@MubashshirAhmad

Mubaşşir Ahmad

09 May 2025 12:04

Туркистон легиони, Гитлер ва Сталин уруши. 2-жаҳон уруши ҳақиқатлари

«Аср шоҳиди» кўрсатуви, 63-қисм

Томоша қилинг 👉 https://youtu.be/2oxJZS-_5yc

©️Azon Global