Mubaşşir Ahmad

09 February 2025 15:40

Ибн Касир "Ал-бидая ван ниҳая" китобларида Умар ибн Хаттоб ҳақларида шундай ёзадилар: "Одамларга хуфтон намозини ўқиб берардилар. Сўнг уйларига кириб, то тонггача намоз ўқир эдилар. Вафотларига қадар рўзани бардавом тутдилар".

Изоҳ: Агар бундай кўп ибодат қилиш мумкинлигини қабул қила олмасак, воқеаларни инкор қилмай, ўзимизни ва нафсимизни маломат қилайлик.

@MubashshirAhmad

Mubaşşir Ahmad

09 February 2025 09:29

Абу Нуъайм китоблари "Ҳилятул авлиё"да шундай нақл қиладилар: Усмон ибн Аффон доим рўза тутар эдилар. Туннинг фақат аввалида енгил ухлаб олар ва қолганини қоим қилардилар.
*

Усмоннинг аёллари у зотни ўлдирмоқчи бўлганлар атрофларини айланиб юришганда шундай дедилар:

"Агар ўлдирсангиз ё қолдирсангиз ҳам айтай, бу киши туннинг ҳаммасини, бир ракатда Қуръонни жамлаган ҳолда эҳё қилар эдилар"

Яъни Усмон ибн Аффон Қуръоннинг ҳаммасини тунги намозда хатм қилиб келганлар.

@MubashshirAhmad

Mubaşşir Ahmad

08 February 2025 12:46

Нега диндорлар ҳуқуқи чекланмоқда?

©️Azon Global

Mubaşşir Ahmad

07 February 2025 15:34

Бағрикенглик фақат ғайридинларгами?

©️Azon Global

Mubaşşir Ahmad

07 February 2025 06:19

"Ўлимимдан икки ой ўтиб ўғлим уйланди.
Олти ой ўтиб, қизим туғилган кунини нишонлади.
Бир йил кечиб хотиним бошқага турмушга чиқиб кетди.
Лекин вафотимга ўн йил бўляпти-ки, онам ҳали-ҳануз йиғлайди".

@MubashshirAhmad

Mubaşşir Ahmad

06 February 2025 17:01

Ўзбекистоннинг янги концепцияси Исломга қарши яна бир ҳужжатми?

«Талқин» кўрсатуви

Томоша қилинг 👉 https://youtu.be/b5YKYUJnKHY

©️Azon Global

Mubaşşir Ahmad

06 February 2025 15:49

Ўлган мушук стратегияси

Тасаввур қилинг, ишхонангизда мажлис бўлмоқда. Ҳамма стол атрофида сиз ҳақингизда гапирмоқда. Бугунги қилган хатойингиз, камчиликларингиз, келтириб чиқарган муаммоларингиз. Ҳеч ким яхши фикр билдирмаяпти сиз ҳақингизда.

Шу вақт кимдир бирдан стол устига ўлган мушукни отиб юборди. Жирканган, ҳайрон қолган, бақиришни бошлаган ва реакция билдиришни бошлаган овозлар билан тўлди мажлис. Ҳаммани эътибори ўлган мушукда, сизни эсдан чиқаришди.

Бу стол устидаги ўлик мушук стратигияси. Сиёсатда бу усул қўлланилиши кўп кузатилади. Мисоллари ҳам кўп.

Бирданига Алишер Қодиров ҳар хил эътиборни тортадиган гаплар айтиб қолади. Кейин ўйланиб қоламан...

Манба

@adolat_kuychisi

Mubaşşir Ahmad

06 February 2025 10:45

Жамиятимиз Америкага ўхшайди. Бошқаларнинг ишига аралашаверади, бурун тиқаверади. Аралашув "Аҳмад Шаръ нега биринчи Саудияга борди?", "Толибон бошқарувига ишончим йўқ", "Мен Эрдоғон сиёсатидан норозиман" қабилида бўлади.

Америка бой ва кучли давлат. Ўзининг муаммоларидан ортганлар зерикканидан ҳам бошқаларнинг ишига аралашаверади. Бизчи? Олдин ўзимиз муаммоларимизга қарасакчи, ҳал қилиш ҳақида ҳали гапирмадим.

Американинг аралашувидан манфаат кўзланган ва унга аксар ҳолда эришилади. Биздачи? Бизнинг бу фикрларимизни ўша жиҳатлар бир тийинга олармикан, манфаат қозонишиммз у ёқда турсин!

Демоқчиманки, ўзимизда ечилмаган оддий муаммолар кўп. Уларни кўриб (топиб демадим, излаш шарт эмас), ечимини қилсак, жуда бўлмаганда бошқалар ишига бурун тиқишимиз кулгули бўлмайди. Тиққанимизда эса, манфаат қозонишимиз ҳам мумкин бўлади.

@MubashshirAhmad

Mubaşşir Ahmad

06 February 2025 06:40

"Фарзандлари тарбиясига лоқайд қараган миллатлар инқирозга маҳкумдир. Уларни бегона қўллар ва бегона маданиятга таслим этганлар ўзини йўқотишга маҳкумдир. Бугунги кунда тузумнинг юзи қоралари ҳисобланган ожизлар, золимлар, ароқхўрлар, бузуқлар, бангилар, исёнкорлар кечаги кунда тарбиясига бепарво қаралган болалардир".

@MubashshirAhmad

Mubaşşir Ahmad

05 February 2025 11:33

Мутараққий дунёда шу ишларни қилиш нормалми? Ё бу Янги дунё тартиботими? У инсонийлик мезонларига кўра иш тутмаса, унда нимага асосланади? Яъни, энди буёғига ўрмон қонунлари ҳукмронми?!
====

🇺🇸🇮🇱 Трамп: АҚШ Ғазони босиб олишга ва анклавни тозалашга тайёр, фаластинликлар қувиб чиқарилиши керак

- АҚШ президенти Исроил Бош вазири Нетаняху билан биргаликда ОАВга интервью берди, Қўшма Штатлар Ғазо секторини ўз назоратига олишини ва ҳудудларни тозалашини маълум қилди. Америка қўшинлари "хавфсизликни таъминлаш учун" юборилиши ҳам мумкин;

- Трамп Фаластин аҳолисини Иордания ва Мисрга жойлаштиришни таклиф қилмоқда;

- У Ғазо секторини нафақат фаластинликлар, балки бутун дунё халқлари яшаши мумкин бўлган “Яқин Шарқ Ривиераси”га айлантирмоқчи;

- Шунингдек, Трамп режалаштирилган саналарни айтмасдан, Ғазо, Исроил ва Саудия Арабистонига сафарини эълон қилди;

- Қўшма Штатлар яқин ҳафталарда Ғарбий Соҳилга эгалик қилиш бўйича ўз позициясини эълон қилади, дея қўшимча қилди Трамп;

- Аввалроқ республикачилар АҚШ Сенати ва Вакиллар палатасига расмий ҳужжатларда “Ғарбий Соҳил”ни “Иудея ва Самария” билан алмаштириш тўғрисидаги қонун лойиҳасини тақдим этган эди.

© Gorizont.uz

@MubashshirAhmad

Mubaşşir Ahmad

05 February 2025 09:35

Арабчада Аҳмад-уш Шаръ бўлади. Ўзбекчада талаффузимизга қулай шаклга келтириб олсак ҳам розиман. Масалан Аҳмад Шаръ деб. Фақат бошқаларнинг талаффузидан фойдаланмайлик, илтимос, Шаръа, Шараъа каби.

Олдинлари Суриянинг Форуқ Шаръ деган ташқи ишлар вазири бўлар эди. Уни тўғри айтар эдик. Мустамлака бўлган вақтимизда ҳам ўрислар Голанские высоты деганда, биз Жўлон тепаликлари деб ўзимизга мослаб, тўғри талаффуз қилар эдик.

Бир авлод ўтиб, ҳатто ажнабий сўзлар талаффузида ҳам бошқаларга эргашадиган, тақлид қиладиган бўлдик. Бошқача айтганда, ҳозир ўзлигимизни йўқотишнинг чўққисидамиз.

@MubashshirAhmad

Mubaşşir Ahmad

05 February 2025 06:36

Нега айрим ўзбек нашрлари мусулмонлар хато қилишини пойлаб ўтиради?

@MubashshirAhmad

Mubaşşir Ahmad

04 February 2025 10:25

Таълимни талаб қилиб, тарбиядан сесканадиганларни тушунса бўлади. Тарбия нафсни қийнаш эвазига юзага келади. Унинг бетизгин ҳаракатини ақл доирасига киритиш тарбия дейилади. Бу эса нафси ҳакалак отганлар учун ўта оғир жараён.

Тарбиясиз илм ва таълим инсониятни ҳалокат сари етаклайди. Атом ва биологик қирғин қуроллари ихтироси, экологияни абгор қилиш эвазига иқтисод юксалиши, мисли кўрилмаган ахлоқий таназзул воситалари.. ва ҳоказолар мисол.

Демак, таълим ва тарбия эт ва тирноқ каби. Бу ҳақиқатдан сесканиш тарбиясизлик ёки ҳақиқатдан кўз юмиш холос.

@MubashshirAhmad

Mubaşşir Ahmad

03 February 2025 20:22

Мен такфирчи эмасман. Такфир қилиш жуда ёмон амал экани ҳақида "Куфр ва такфир" деган 120 бетли китобни нашрга тайёрлаганман. Яъни, бу хусусда етарли масъулиятни ҳис қилган одамман.

Шунинг учун бемалол айтаманки: намознинг фарзлигини инкор қилган, унга қарши бўлган ва уни турли иборалар билан қонунларда тақиқлаганлар кофир бўлади ва исломдан чиқади. Бу ҳукмда уламолар ўртасида ихтилоф йўқ. Кофир бўлишнинг оқибатлари жуда ёмон. Диндан чиқиш ва солиҳ амаллари бекор бўлишдан ташқари, унинг никоҳи бузилади, ўлса кафанланмайди, ювилмайди, жанозаси ўқилмайди, мероси мусулмон болаларига берилмайди, ўзи меросхўр бўлмайди, мусулмонлар қабристонига қўйилмайди. Булар унинг бу дунёдаги жазоси.

Охиратда эса кофирни аламли азоблар кутиб турибди.

@MubashshirAhmad

Mubaşşir Ahmad

03 February 2025 11:50

Ҳа, мен Ўрусияни ёмон кўраман. Сабабини тушунтириш учун гапни чўзиб ўтирмайман:

Кишанига муҳаббат қўйган қул эмасман!

@MubashshirAhmad

Mubaşşir Ahmad

09 February 2025 14:39

👦 Мактабгача ёшдаги фарзандингиз борми?

Унда, 1-синфданоқ етакчилардан бўлиши учун мактабгача тайёрлов жараёни муҳимдир. 

🔖 Rahimov School 0-синф фарзандингиз учун:
• Ҳафтада 5 кун дарслар олиб борилади;
• Уч маҳал, ҳалол ва мазали таом берилади;
• Устозлар томонидан қизиқарли ва ўйинларга бой дарслар ўтилади;
• Уйга вазифалар берилмайди;
• Болалар чарчаб қолмасликлари учун, орада танаффуслар берилади.

Бизда атига 10 та бўш жой қолди. Ҳозироқ рўйхатдан ўтинг ва фарзандингиз мактабимизда 2 кун бепул ўқиб кўрсин:
bit.ly/ma-0sinf
Reklama

Mubaşşir Ahmad

08 February 2025 18:14

Ҳамма нарсани, игнадан тортиб ракетагача импорт қиладиган миллат ҳеч қачон ғолиб бўлмайди. Импорт қилиш гарчи сабабларни ушлашдан ҳисоблансада, бу ноқис ушлаш ҳисобланади. Чунки сиз ўзгага бўйнингизни топширдингиз.

Қурол-аслаҳасини ўзи ясамаган миллат уни ишлатиш эркига эга бўлмайди.

Шайх Муҳаммад Ғаззолий, "Иллатлар ва даволар" китобидан

@MubashshirAhmad

Mubaşşir Ahmad

07 February 2025 16:47

Давлат «диний радикализм»ни қандай тушунади?

©️Azon Global

Mubaşşir Ahmad

07 February 2025 09:23

Истанбулда қор ёғади, деган хабар чиққандан бери қор тозалаш хизматларининг машиналари кўчада. Йўлни қордан тозалашга тайёр. Аммо қор ҳам қалинроқ ёға қолмади. Улар ҳануз кўчада кутишмоқда.
Ҳокимлар сайланадиган бўлгандан кейин халқнинг қаҳридан қўрқар экан...

@MubashshirAhmad

Mubaşşir Ahmad

06 February 2025 20:37

Дин тўғрисидаги давлат Концепциясида мусулмонларнинг қадриятлари ва ҳис-туйғуларини камситадиган, шахсиятларини ерга уриб, ҳақоратлайдиган радикал атеистларни қатъий тийиб қўядиган ва аниқ жазолайдиган моддалар киритилишини талаб қиламан!

Ҳеч эътибор қилганмисиз, бировнинг ҳуқуқини камситмай ислом таълимотини тарғиб қилганга жазолар бор. Лекин жамият барқарорлигини чайқатадиган ва катта фалокатларга сабаб бўладиган фикрларни ёядиган атеистларнинг ижтимоий тармоқлардаги саҳифалари эътиборсиз қолдириляпти. Нафақат эътиборсиз қолдириляпти, балки уларни маълумот билан таъминлаш ва давлат номидан гапиришига имкон ва ҳуқуқ бериляпти.

Қонун чиқарувчи органлар мана шу жиҳатга эътибор қаратишлари керак. Радикал атеизм ҳам тақиқлансин ва жазолансин!

@MubashshirAhmad

Mubaşşir Ahmad

06 February 2025 16:17

Нуруллоҳ Муҳаммад Роуфхон ака ёзяптилар:

ДАВЛАТИМИЗНИ ДИНГА БЎЛГАН СИЁСАТИНИ КИМЛАР КАРИМОВ ЗАМОНИГА ҚАЙТАРМОҚЧИ?
СИЁСАТИМИЗНИ ЗОЛИМ ЗАМОНИГА ҚАЙТАРМОҚЧИ БЎЛГАНЛАРНИ КИМ ДЕБ АТАШИМИЗ МУМКИН?
ХАЛҚ ДУШМАНЛАРИ ДЕБ АТАЙЛИКМИ ЁКИ ҲОИНЛАР ДЕБ АТАЙЛИКМИ?
.***
"Ўзбекистон Республикасида фуқароларнинг виждон эркинлигини таъминлаш ва диний соҳадаги давлат сиёсати КОНЦЕПЦИЯСИ" тайёрланибди ва муҳкомага қўйилибди.
Ушбуларни қоралаб, муносабатимни билдириб қўйдим.

1. “Консепсия” деб тақдим этилган ушбу лойиҳа нари борса бирон йўриқномага ёки ҳукумат идораларининг соҳавий иш режалари баённомасига ёки қанақадир норматив ҳужжатларга ўхшаб қолган. Консепсия БОШ ҒОЯ, БОШ ТАМОЙИЛ деганидир, иш режаси эмас. Консепсия қонун ҳам эмас. Аксинча, қонунлар унга кўра яратилади, сиёсатлар унга кўра юритилади.

2. Ушбу лойиҳадаги тавсиялар янгилик эмас. Шу ҳолида қабул қилинса ва сиёсатини давлат бунга кўра юритса, биринчи иқтидор даврида юритилган қўпол диний сиёсат яна такрорланади, ҳатто ундан ёмонлашади.

3. Консепсия кўпроқ ишонч, адолат, марҳамат, ҳақ-ҳуқуқ, эркинлик руҳида тузилади, ҳеч бўлмаганда ҳуқуқ билан бурч элликка-эллик бўлиши лозим. Ҳозирги ҳолида эса шубҳа, хавотир, ваҳима, чеклов, тақиқ, пўписа оҳанглари босиб кетган.

4. Лойиҳада асосан Ислом дини ва мусулмонлар назарда тутилгани билиниб турибди. Демак, ўттиз йилдан бери бўлаётганидек, таёқ яна мусулмонлар бошида синишда давом этади. Чекловлар Ислом динига, бошқа диндагилар учун фақат бағрикенглик.

5. “Радикализм”, “ақидапарстлик”, “терроризм”, оқимлар” каби сўзлар ишлатилганида кимлар ва қайси дин назарда тутилаётганини биламиз, бироқ насронийликдаги бузғунчи оқимлар, секталар ҳақида лом-мим дейилмаган.

Ҳолбуки, “Иеҳова шоҳидлари”, “баптистлар”, “декабристлар”, “протестантлар”... сингари ўнлаб, юзлаб катта-кичик оқим ва секталар анъанавий насронийлик назарида ҳам бузғунчи, реаксион ва радикал тоифалардир. Ҳозирда дунёнинг бошига кулфат келтираётганлар асосан шу протестантликка эргашганлардир.

Булар Ўзбекистонда “бағрикенглик” қаноти остида ва қонун ҳимоясида яйраб юрибдилар, мўмин-мусулмонлар эса кўпи сохта айбловлар билан таъқиб-тазйиқда, қамоқда, қувғинда, ўз юртидан қочиб чиқиб кетишга мажбур...

6. Радикал, ашаддий худосиз (атеист)лар ва шайтонга сиғинувчи (сатанист)лар ҳақида ишора ҳам йўқ.

7. “Консепсия” матни ўрис тилида ёзилгану сўнгра ўзбекчага ўгирилганга ўхшайди, ўзбекчага ёт тушунарсиз ифодалар тиқилиб ётибди. Жумла хатолари ҳам кўп.

8. “Қанча тушунарсиз бўлса, шунча яхши” деган совет қоидаси бўларди, бу “консепсия” ҳам ортиқча тафсилоту мавҳум гап-сўзларга тўла. Қонунлар, қарорлар, консепсиялар қанча сергап ва мавҳум бўлса, унга амал қилиш, риоя этиш эҳтимоли шунча озаяди. Бундан ташқари, ифодалардаги мавҳумлик қоидани ҳар ким ўз қаричи ва тушунчасига кўра талқин этишига олиб келади.

9. Консепсия қисқа, лўнда, аниқ, тиниқ битилиши керак. Бир бетга, нари борса икки бетга сиғдирса бўлади.

10. Лойиҳани халқ муҳокамасидан ўтди деб бўлмайди. Ўн-йигирма, нари борса юз одамда сайтга кириш имкони бор.
Буни ҳақиқатан халқ муҳокамасига қўйилиши, иложи бўлса, очиқ мулоқот тарзида катта бир йиғин ўтказилиши мақсадга мувофиқ. Чунки масала шунга лойиқ, жиддий масаладир. Ва ҳоказо.

Моддама-модда мулоҳаза билдирмадим, чунки бу, менинг қатъий қаноатимга кўра ва бошда айтганимдек, консепсия эмас. Консепсия бунақа бўлмайди, бунақа ёзилмайди.

ХУЛОСА. Ушбу лойиҳани тасдиқлашга шошилмаслик керак. Ўртада юрт тақдири, диндорлар тақдири, тинчлик-тотувлик тақдири, демак, жамиятимиз ва давлатимиз тақдири, келажагимиз турибди. Президент буни қайтариши, бутунлай бошқатдан ишлаб чиқилиши лозим!

@MubashshirAhmad

Mubaşşir Ahmad

06 February 2025 12:14

Ўзингиз айтмоқчи "йиртиқ кроссовка"ни чайнайвериб, ҳатто шахсий ҳаётигача аралашавериб, КАТТА ОДАМга айлантириб қўйдинглар.

Аслида у катта одам. Чунки ҳаммамизнинг "истакон ичидаги бўрон"имиз, унда ташқарида эсди.

@MubashshirAhmad

Mubaşşir Ahmad

06 February 2025 07:59

Тарбия

Тарбия - нафс ва унинг тасарруфларини ақлга бўйсундиришдир.
Масалан, ароқ ичиш, сигарет чекиш, бесоқолбозлик, ғийбат ва чақимчилик каби зоҳирий ҳамда риё, адоват, кибр ва ҳасад каби ботиний иллатларни ақл зарарли ҳисоблайди. Киши бу ишларда ақл чақириғига қулоқ солиб, унинг айтганига кирса, тарбияли ҳисобланади. Акси ўлароқ нафсининг кўйига тушиб, ақлни инкор этса ва шу иллатлар билан яшаса тарбиясиз бўлади.

Бор-йўғи шу.

@MubashshirAhmad

Mubaşşir Ahmad

05 February 2025 16:00

Нега айрим ўзбек нашрлари мусулмонлар хато қилишини пойлаб ўтиради?

Томоша қилинг 👉 https://youtu.be/YFexmP8wCM8

©️Azon Global

Mubaşşir Ahmad

05 February 2025 10:36

„Ҳа, мен Ўрусияни ёмон кўраман... "ни ўқиб...

ЎЗБЕГИМ.

Ўзбегим ўзинга ойнак ол, бир дам!
Ўзим деб ўзгага , эгма бошинг ҳам.
Ўзлигинг унутдинг, бошингда не ғам?
Нечун парчалайсан, кўксингни, не кам?

Наҳот ғаминг бўлди, фақат шу кунинг.
Яхши ейиш-кийиш, осуда тунинг.
Ғаним чуқур қазар, туришинг қийин.
Оч кўзинг, тез уйғон, чўзгин сен бўйинг.

Қўрқма оч қолмайсан, ялонғоч, юпун.
Озгина излангин ватанда секин.
Ризқинг ажал каби қувиб юрганин.
Билсайдинг ўрусга эгмасдинг бўйин.

Ўзбегим ўруснинг дўсти сенга кам.
Ўлдирди динимиз, дунёмизни ҳам.
Энди ўлдирмакчун қалбимизми кам.
Индамай ўлиш бу мардликмас, на шаън.

Ўлим хаққ, ўламиз бир куни албатт.
Бухорий, Синодек, яшайлик фақат.
Қабрида тик туриб қолмасин аждод.
Жалолиддин, Темурий, Навоий хайхот.

Хўш, мақсад, на ечим, ютуқ нимада?
Қаёққа юрайлик, манзил қаерда?
Излайлик нажотни қайдан, қаёндан?
Йўлбошчи ким экан, нажоткор қани?

Аввало чиқайлик, қадриммиз билсин!
Ўрусда қолмасин! Ўзбак боласи.
Кейин эса, русий қадр-қимматни!,
Сўнгра матонатда излайлик йўллар.

Йўл изласак йўлдан, йўлбош ҳам чиқар.
Бир танга бир ўлим, жон ҳам бир чиқар.
Бу йўлда жанг қилсак, мард ўғлон чиқар.
Ё шаҳид, ё ғолиб деган ном чиқар.

Хор бўлиб ўлгандан, мард ўлган яхши.
Қўрқоқ бўб қочгандан, айёр пинт яхши.
Уруш у албатта доғда қолдириш.
Юз хийла, бир хужум, ғалаба яхши.

Агар ўзбек эли, бирлашса аҳил.
Тоғни талқон қилур, душманни хижил.
Тоғдек виқор тўкар, Луқмондек оқил.
Темурдек ғолибу, Хотамдек сахий.

Гапим индаллоси азиз ўзбегим.
Қаддингни букмагин, қўрқмасу ботир.
Қорнинг учун йиғлама, қадри балантим.
Дин учун, юрт учун бўлгин. баходир.

Alisher Abdurazzoqov, 3-4/2/ 2025.

@MubashshirAhmad

Mubaşşir Ahmad

05 February 2025 08:33

Буларга инсон ҳуқуқлари бир тийин. Бу ҳуқуқларга ўтириб қўйгач, ўзига керак бўлмай қолса, тан олмайди ва кенгашлардан чиқиб кетади. Бошқаларни айблаш керак бўлиб қолса, ҳуқуқларни пеш қилади ва ҳатто ерингизни ҳам тортиб олади.

Ислом ҳукмрон бўлмаган замон ва маконларда ўрмон қонунлари ҳукм суради. Қадимдан шундай бўлган, ажабланарли ери йўқ. Буни эса алданган ва фаросати кам инсонларгина англаб ета олмайди.

====

АҚШ президенти Доналд Трамп АҚШнинг БМТ Инсон ҳуқуқлари кенгаши ва UNRWА аъзолигидан чиқиши, шунингдек, Эроннинг ядровий қуролга эга бўлишининг олдини олиш тўғрисидаги фармонни имзолади.

@MubashshirAhmad

Mubaşşir Ahmad

05 February 2025 02:00

Тариққий этган давлатлардан лавҳа олаётган влогерларга тавсия:

Сиз таърифлаётган мамлакат ва ютуқлари уларнинг ўзиники. Улар ақли ва меҳнати билан шу даражага чиққан. Сиз эса мусофирсиз ва у ютуқлардан фойдаланаётган ўткинчисиз (келгиндисиз, дегим келмади). Шунинг учун таърифлаётган жиҳатларингизда ўзингиз дўндириб қўйгандек тўлқинланмай, "кўриб қўйларинг" қабилида катта кетмай, камтарлик билан ва ибрат олиш маъносида лавҳалар олган маъқул.

Умумийроқ гапирдим, бу соҳадаги кишилар ҳаммалари мулоҳаза қилсинлар деб. Аслида, фойдали ва ибратли контент эгалари ҳам бор.

@MubashshirAhmad

Mubaşşir Ahmad

04 February 2025 08:20

#чидама деган челленжга яна битта видеоклип қўшиш керак.

Унда ишхонада эртадан-кечгача ишлаётган, устига-устак бошлиғидан сўкиш эшитадиган, баъзи эркак коллегаларнинг қистириқ гапларидан безиган аёл-қиз вакилларига қарата "чидама, уйда ўтир, ўрнингга эринг ишласин" деган маънода тарғиб бўлиши керак.

Ия ғалатимасми, ундан кўра иш муҳитини яхшилаш керак-ку, дейишингиз мумкин. Худди шундай, оила институтини яхшилаш ва ислоҳ қилиш ўрнига "чидама, қочиб кет, ёлғиз яша" деб ўргатаётганлар ҳам худди шундай бузғунчиликни тарғиб қиляпти.

Mubaşşir Ahmad

03 February 2025 16:01

Энг гўзал ва покиза муҳаббат..

Мўминлар онаси Оиша розияллоҳу анҳо ва Муҳаммад Расулуллоҳ соллаллоҳу алайҳи васаллам ораларидаги энг гўзал ва покиза муҳаббат..

Бу муҳаббат Оиша розияллоҳу анҳонинг Муҳаммад Расулуллоҳ соллаллоҳу алайҳи васалламга бўлган ва у зотнинг эса онамизга бўлган муҳаббатларидир.

Оиша розияллоҳу анҳо айтадилар: Тунларнинг бирида Расулуллоҳ соллаллоҳу алайҳи васаллам: «Эй Оиша, мени холи қолдиринг, бу тун Раббимга ибодат қилай», дедилар.

Мен жавоб қилдим: «Қасамки, мен сизнинг ёнингизда бўлишни севаман ва яна сизни севинтирадиган ишларни ҳам севаман!».

@Mubashshirahmad

Mubaşşir Ahmad

03 February 2025 10:50

"Бекор уринасан, исёнкорга ўлим йўқ!
Мен Қиёмат куни каби, бир кун аниқ келаман".

Фаластинлик гўдак Ғазодаги маконига (уйига дея олмадим) қайтганда, араб шоири Муҳзил Суқурнинг шеъридан парча ўқиди.

@MubashshirAhmad