الشاعر محمد المشعلاوي
20 April 2023 02:00
دخيل الله ودخيل جفه
بالخــوه عبـــاس وفــه
وجهه گمر گمر گمر .. من الباري شرفه
من دمه بركان يدفه
الله خصه بصفاته .. خلاه خيمه لخواته
وانطاه هيبت جماله .. شمحلاه ماكو بحلاته
دخيل اعيونك ياگمر يالمثلك ماكو أحد
لو فر كل هاي البشر ماكو لي شبهك أبد
يحتار اليوصف بشر شيوصف بالله الگمر
سبحان الله خالقك يم بابك كلشي سجد
يامولاي ياقمر بني هاشم
ـــــــــــــــــــــــــــــــــــــــــــــــــــ
نورك عله النور ضوه
ومن عندك ايغاره هوه
نورالـ گمر گمر گمر .. من نورك انخلق
ونورك يوصفوه اقــوه
الله خــالق جمالك .. من نور حيدر خذالك
أشباه بالدنيه مالك .. عبـاس ماكـــو مثالك
يا مصدر نور الشمس يالمنك غـــار الگمر
ياكوكب ما تنوصف يالعلمك فــاق البشر
بعيونك يا ابالفضل محتار فكري والعقل
قررت اكتبلك شعر طولت بعيـــونك دهر
يامولاي ياقمر بني هاشم
ــــــــــــــــــــــــــــــــــــــــــــــــــــ
انت الله حط بيك غيره
خـلاهــا للنــــاس سيـره
انتـــه گمر گمر گمر .. دخيلك يبو الفضل
وبعيونك اتنــــــام ديره
مخلوق غيره وشهامه .. وفاي وضحه الأمامه
ما خاب لي دگـله بابه .. منطيـه ربــــه كـرامه
يترسها اجفوف الطلب وجفوفه هوه مكطعه
ما راد واحـد لو سئل بـيـبان گلبه أمشـــرعـه
باب الله أبو الفضـــل عبــــاس الله امكـرمـه
والنــــاداه مدد مدد حــتمـاً هــــــوه يسمعه
يامولاي ياقمر بني هاشم
ـــــــــــــــــــــــــــــــــــــــــــــــــــــــ
شما وصف احتار عقلي
لا مو بشر هـــــــاذ گلي
حتماً گمر گمر گمر .. عباس ابن علي
لو اسمه ينجاب صلّي
عباس شيوصف جماله .. لحسين واصل كماله
لو جيب طاري الشجاعه .. يخافون لو مر خياله
لو طب ينهي المعركه من يصيح حيدر ياعلي
مـن هيـج زينـب طلبته العبـاس گـالت كـافلي
ينحب هوه وغيـــرته العبـــــــاس يا هل خلك
فــدوه الطــاري الاســم أنــــروح انـــه وهلـي
يامولاي ياقمر بني هاشم
ــــــــــــــــــــــــــــــــــــــــــــــــــــ
بعشگه الخلك هاي حگها
لو يركـــب الخيـــل ركها
غير الگمر گمر گمر .. وسيفك ورث علي
وكل معظله اتضيج فكها
الينخاه يرد عنده شاهد .. حاشاه ماردله واحد
عباس بالشده نادي .. تلكاه بعدة مشـاهد
من تنخه الگمر گــــول سهله وانكضت هـاي
انطه اجفوفه والعين جي سكنه اطلبت ماي
مارجـع فــارغ الذي دك بابـــه وطلب وطلب
بالشكــر تزداد النـعم مـولاي مشكور أهــواي
يامولاي ياقمر بني هاشم
ــــــــــــــــــــــــــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
20 April 2023 02:00
قصيدة : كل الخير ياناس
اداء الرادود : ملا حسين سهم
الشاعر : محمد المشعلاوي
هيئة حامل لواء الحسين عليه السلام
البصره قضاء المدينه
رابط القصيدة كامله
https://youtu.be/tprul9CzPx0
Читать полностью…
الشاعر محمد المشعلاوي
06 April 2023 02:05
ياسيدي يا ابالحسن محتار انه بوصفك صدگ
انته النظر وانته الهوه وانت الحدّر صدري يدگ
شرد اوصفك حيره حرت ياسيدالحب والعشگ
هايم انه بعشگك نعم وگلبي اعله ذكرك يحترگ
هايم بيك او حاير
يالمثلك ماصــــاير - ماتشبه الناس
شما وصفك بحساسي
تطلع شيبه براســــــي - يمشيب الراس
ياسيد الكون - يا ابالحـسن
بيك انه مجنون- يا ابالحـسن
الله انعرف بيك - ياسيدي
ما حبك شلون
يامولاي يا ابالحسـن
ـــــــــــــــــــــــــــ
سويني قمبر سيدي وخليني خادم بس الك
يتعلئ شانه اليخدمك والماخـدم يعني هلك
انته الله حبك ياعلي وبيدك ترك حتى الفلك
يعني اليخدمك مو بشر عند الله لايصبح ملك
خدامك تتباهه
بالمحشر يم طه - عشاگ ابو حسين
والمابايع حيدر
موعد يوم المحشر - وين المفر وين
بحمه الله وحماك - يا ابالحسن
يخسى الي عاداك - يا ابالحسن
احنـه الهويــناك - ياسيدي
رغمن علئ اعداك
يامولاي يابالحسن
ـــــــــــــــــــــــــــ
بالدنيـه اول ماصرت جابتنــي أمـي بياعلـــي
وبالا فتـئ إلا علـــي ربونــي من زغـري هلــي
الاصله حلال ابدنيته ماعنده بس حيدر ولـي
اليبغض علي لو من هلي لا انه اله ولاهوه الي
اتبـــــــره من الوالد
لو حب غيرك واحد - ينساني وانساه
مخلوق آنه الحـبـــك
كلمن يمشي بدربــك - من الله اهواه
حبك للرجــال - يا ابالحسن
تتوارثه اجيال - يا ابالحسن
صار العشگ بيك - ياسيدي
مضرب للمّثــــــال
يامولاي يا ابالحسن
ـــــــــــــــــــــــــــ
ذكرك عبـــاده ياعلي بقول النبي حق نفتخر
الماعنده من حيدر ختم مزور جوازه شينتضر
بالمحشر اهوه وسيده الماواله حيــدر ينشمر
اهناك بجهنم يحترك ويصبح رمــــاد اويندثر
خسران الما واله
الحـق حيدر واله - يضل عمره ندمان
خـل يضل بعنــاده
الواله غير الســاده - يعيش ابوهم جان
اليعشگ علي يصيح - ياابالحسن
يمك فلا اطيــــــــح - يا ابالحسن
الموش انته مولاه - ياسيدي
رمـاد بعصف ريــــــــــح
يامولاي يا ابالحسن
ـــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
12 February 2023 15:41
#ميمر
#استشهاد_الامام_موسئ_بن_جعفر_الكاظم_ع
يابــــو الرضــا فــــاز الحضــا
وبمـحـبــتـك نــــــال الرضـــا
كل شيعـتك هاذا اليوم لمصيبتك حزنانه
ـــــــــــــــــــــــــــ
هـــاي الملاين الأجت يــم بابك
سجدة شكر لله اسجدت بعتابك
وين اليضدك خل يشوف احبابك
أبنص الگلب چادر حزن لمصابك
بالسم هـــوه ـــ وچبدك روه
وسفه انطفه ـــ سابــع ضوه
الگالو غريــب ابغداد صار الاسد عنـوانه
ـــــــــــــــــــــــــــ
گالو غريب اومارضينه ابهايه
اتعنينه يمك سيدي مشــــايه
هاك العهـد يامنبع الـوفــــايه
لا مانعوفك لا تضنه احجـايه
يالما تـــرد ــ جــفه اليمـــد
اليطلب حجر ــ تنطي ورد
باب المراد المايوم خــاب اليدك بيبــــانه
ــــــــــــــــــــــــ
انتـه الطبيـب الينوصـف للفقـــره
كشفيته دمعه اعله الضعن لوعبره
طاب اليحلفك بالضلـــع والزهــره
الرايد صبر منك اخـــذ كل صبره
تنطــي اليجــي ـــ حــگ البـچـي
ما ينحـــمل ـــ أشصعبه الحـچي
تنطي اليحلفك بحسين گبل الحجي من السانه
ــــــــــــــــــــــــ
تقارن قضيتك ويه عمتك زينب
بطاموره گالو وبسجودك تنحب
نفس الحبل والگيد بس ما تنسب
وعمتك شتم واصياح لمن تتعب
زينـب صعب ــ بيــن الغرب
خـدر السـمه ــ مو للضـرب
ذلت يزيـد أبجلمات بنص مجلسه أوديــوانه
ــــــــــــــــــــــــ
اكبـر جروحك هــوه جـان العـــاشر
حــيره بمصيبة كـربــــله شكد حاير
من تذكر ابيوم الطفــــوف اشصاير
وتســمع أضلوع اتكســـرت بالحافر
تنسـه السجـن ـــ تبجـي اوتـون
والكـــربـــله ـــ گلبــك يحــــــن
تسمع اصريخ الاطفـــال اخ العطش اذانـه
ــــــــــــــــــــــــ
محمد المشعلاوي
Читать полностью…
الشاعر محمد المشعلاوي
01 January 2023 12:44
#استشهاد_ام_البنين_ع
يريتك ييمه تسمـع الصـوت
يريتك تجيني بساعة الموت
گبل لا غمض الجفن
يبني تحظر للدفن
بساعة الموت
ـــــــــــــــــــــــــــ
الك يا يمـه روحـي اليـوم مشتاگـه
تحظنك حيل رادت حظنت املاگـه
حـنـينـي الـزاد حـتئ حـنـت النــاگـه
تعـال واشـوف يبني گـلبي واشواگـه
حنيني عليك عابر حنت النوكَ
حنيني العين تبچي گلبي محروكَ
عليـــك لو فك الحـزن
يبــني تحظر بالدفـن
ساعة المــــــوت
ـــــــــــــــــــــــــــ
من أهد موتك ييمه وروحي مفجوعه
وصـرت كـل ليـله اون بونه مسموعه
گلبـي ماهـده بـس انـتـه موضــــوعه
وروحـي اتعـودت عالدمـعه واللـوعـه
حزينه ودمعتي تفطر الگلوب
حزينه و يحـالي جنه يعگوب
عليك زيــنب والمتن
يبني تحظر بالدفن
ساعــة المــــوت
ـــــــــــــــــــــــــــ
تراهو الموت أجاني وفرهد أسنيني
من مرانـي طـارش مـوتـت أبنيــني
والـزودلـي ضيـمي والـعـمه عيـني
مـن أسـمعت كَـالـو ميـت أحسيني
نخيتك يموتي تأخــرت ليش
نخيتك بعدهم تدري ماعيش
موتي مرني بلا أذن
يبني تحظر بالدفــن
ساعــة المــوت
ـــــــــــــــــــــــــــ
أنه محتاجه اشوفك باخر ايامي
واريد العين تغمض وانته گدامي
أنــه ادريـبك يـيمه ميت وضـامي
گبل لامـوت يبـني مرني بحلامي
تجيني يـيمه تـكـحـــل العيـن
تجيني واشوف أوياك الحسين
بشوفكم يمه استجن
يبني تحظر بالدفن
ساعــة المــوت
ـــــــــــــــــــــــــــ
يكافــل زينب انه اليـوم داعـيتك
نخيتك حاشة تبطي وترد ناخيتك
طلب والطلب تدري تـمـنه ياريتك
تجي تشيعني بيدك يمه من بيتك
دعيـتك وأنه أدري بيك وفـاي
دعيتــك عطـاشه ورادو المـاي
شجره محتاجه غصن
يبني تحـظر بالدفن
ساعة الموت
ـــــــــــــــــــــــــــ
محمد رحيم المشعلاوي
Читать полностью…
الشاعر محمد المشعلاوي
15 December 2022 21:15
https://youtu.be/rYnYekowBYY
Читать полностью…
الشاعر محمد المشعلاوي
07 October 2022 20:03
#أستشهاد_الزهراء_ع
الله يساعد علي بيده دفن روحه
مكسور رد الولي شيضمد اجروحه
الون والحزن نصيبه
الدافن بديه حبيبه
شيضمد اجروحه
*
بعمره مايرتـــاح ســاعـه البيده دافــن غالي
بكثر ما يبجي اعله فگده بخــده دمعه يلالي
منين ما يلتفت يلگه امجانه موحش خـــالي
الجرحه ينزف يبقه سكته يمـــوت اول تـالي
يخلص حياته بحزن الفاگد اعز ناسه
ويشيب كد ما يـــون گلبه قبــل راسه
روحه ويحس غريبه
الدافن بديه حبيبه شيضمد اجروحه
*
اليشيع اغله ناســــه هــوه والمـيـت ســـوه
وحيدر الشيع حياته ودفـن بالضلمه الضوه
فاطـمة وحيـدر سويه تشاركوا حته الهوه
لو يمر الداي واحـــــد يصيرله الثـاني دوه
شخصين جانو نعم بس بگلب واحد
حب الحقيقي انفهم من عدهم الشاهد
معلعل فگد طبيبه
الدافن بديه حبيبه
شيضمد اجروحه
*
ياعـــلي الله يعينك حيـن شاهدت الضلع
من شفت اثـــار بيها شلــون لملمـت الدمــع
الورد بالسندانه ينحط تـرف ما يحـمل صفع
ليش خد الزهره ينطك وبيه اثر جف منطبع
جبريل يطلب أذن وبيت النبي بيته
الحـاقد يكلهم وأن الما منعرف صيته
والحادثه عجيبه
الدافن بديه حبيبه
شيضمد اجروحه
*
الميت احبابه التجهــزه وناسه اليغسلونه
وحيدر مغسل الزجــيه بمـاي دمــع اعيونه
وشيعاها بليل ضلمه يخشئ الي يضدونه
عمداً اخفه الگـــبر عنهم يعرف اينبشونه
يعرف طبعهم غدر الهجموا علئ بابه
لذالك اخفه القبر عن نهش الذيــابه
ماتبرد المصيبه
الدافن بديه حبيبه شيضمد اجروحه
*
حگه من يحتــار حـيدر شكد جبير امصـابه
منين ما يلتفت شـافه يسيل دم احبــــــابــه
طاح قربان اوضحيـه المحسن اعله اعتـابـه
والضلـع قـــربـان ثاني حـــين دفعو بـــابــه
لوما وصيت النبي حيدر يسل سيفه
جا ماهجم ناصبي وبيده اخذ حيفه
جا ثاره بيده يجيبه
الدافن بديه حبيبه شيضمد اجروحه
*
***
محمد المشعلاوي
تمت بعون الزهراء ع
Читать полностью…
الشاعر محمد المشعلاوي
29 September 2022 12:15
عند رجوع الضعن ولقائه بأم البنين سلام الله عليها
ــــــــــــــــــــــــــــــــــــــــــــــــــــــــــــــــــــــــــــــــــــــ
رد ضعن الغريبات - رد بس گله حسرات
وردت زينب اتصيح - حداي الضعن مات
ردن للمديــــنه وبالضعـــن حـســـره
امشيب جم گلب من ضيم هالسفره
وازغر طفــل صاير شايـــب اشكبره
والسجــــاد محني ومنـــكسر ظهره
رد ضعــن المداليـل - بس مابــيه رايـه
كبرانه وعلي اهواي - زينب موش هايه
ردت زينـــــب بـ آه - شتذكـر اهــــوايه
بس هـيـه البدايات - مو مثـل النـهــايه
آه آه ياضعن الحــسـين
ـــــــــــــــــــــــــــ
كبــرانـه يعيـنــــاي - أتغير شكلج أهـــواي
شمسوي الدهر بيج - امتعبج زينـب المـاي ؟
العطش ما تعبــاني التعب بالفـــــــرگـه
وموش اخيامي تسعر روحي محترگـه
من طـاح الگـمر يمـه اشهگـت شهـــگـه
منـها وبـگـت روحـــي لهسه مخـتنـگـه
آه يفـــراك عبـــــــاس - هـوه الكبــراني
امشيب گلبي والراس - يافگده عمـــاني
لأجل اطفال الحسين - ما ميته تره اني
عفت اخواني ميتين - والچـاتل سبـاني
آه آه ياضعن الحــسيـن
ـــــــــــــــــــــــــــ
مگابـل صـار الونــين - زينــــب وأم البنيــن
وحده اتصيح عبـاس - وحده تصيح يحسين
صارت فاتـحــه وكـثــرت نواعيـــها
بديـــار الخليــه المـاهـــو راعيـــــها
التنعئ ام البـنيـن التمــن اعليــــــها
امضيعه اربع ولد وحـسيـن ياذيــها
احجـــن يالنســــاوين - عـن الـغـاظـريـه
عبد الله الطفــل ويـن - شو ماناغــه ليـه
الجــان يعوف الگماط - وينـام اعله اديه
دورت الظــعــن زيــن - هم مابيه رقيـــه
آه آه ياضـعـن الحـسـيـن
ـــــــــــــــــــــــــــ
اليعشگ يوصل الموت - يون سكته بلا صوت
أرقيــه تحب الحسين - وماتت فوگه بسكوت
مشتاگـــه لبـوي ارقيـــه من صاحت
جابوه الها راس اوشبگــته اوطاحت
بيه ريحــة محنه من الطشت فاحت
ماتـت بالخـــــرابـه ابكـــثر ما ناحت
شبگت فوگه بالشــوگ - محتـامه الوليـها
شهگت شَهگـة المـوت - ومالحـــگنه بيها
جــان يحبها الحسين - ومايـبعـد عليـها
اخذهـا اتمــوت ويـاه - ما يحمل بچيــها
آه آه ياضـعـن الحـسـين
ـــــــــــــــــــــــــــ
شفنه اهموم الايــــام - من طبيــنه للشـــــام
طبـونه ابــدواويــــن - وخرايـب ماهن أولام
طبونـه ابــخــرابـه وبيـــها خلـــونه
وماي الخيــل نشـرب منــه رادونـــه
شرد احجي بعد بالشــــــام أذونــــه
بالسب والظـرب هالنــاس جـازونــه
اه يمعاين النــــــاس - شيب گلب زينـب
ومن صاحو سبـيات - رمش العين شيب
من فوگ الحياطين - الماي اعلينه ينذب
أه يا علة الشــــــام - نـــار وبيـــه تلهب
آه آه ياضـعـن الحــسـين
ـــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
06 September 2022 01:34
https://youtu.be/wTMKB9d0rpE
Читать полностью…
الشاعر محمد المشعلاوي
29 August 2022 01:03
من رحت عنكم يخوتي اشصار بيه
بأول الخطـــوات صاحـو يالسبيــه
امشي وتلفت عليكم ماكو اليصيح
بصوت زينب خويه ردي وهاي هيه
ميته كون ولا اعيش اللحظه هاي
احبالهم شدوهن وجرو اديه
غربه الي يحدون - واجدامـي تتعثر
بزينبكم اشلـــون - عالفرگـه ما تگدر
واديـر الاعيـــون - عالخــوه تـتحسر
ـــــــــــــــــــــــــــ
جدمي يتعثر بجدمي اشلون بلـــــوه
عمري يكبر وي رحيلي خطوه خطوه
افراكم حدبلـي ظهري وسالب الحيل
تجوه جنتو هسه امشي ابلايه تجوه
راح اروح اويه الغرب والله حرام
جتفوني ولليسر ماخوذه گوه
يالكلك اجـــــــراح - مابيــه اعـوفــنك
مسبي الضعن راح - بغفله ورحل عنك
يامسلب ارتــــــاح - ارجــو العــذر منك
ـــــــــــــــــــــــــــ
اتغربت وسنين عمري كبرن اهـــواي
من مشيت وماكو كافل يمشي وياي
يهل زينب صعبه زينب للسبي تروح
وهيه عطشانه عليكم موعطش ماي
صعبه حيل الناس تنظرني وتصيح
هاي زينب هاي زينب هيه هــــاي
مجتوفه بحبــــال - زينــبكـم أجبيــره
بعيون الانــــــذال - شحه ونقص غيره
شيوصف الحــال - كبرت تره الحيره
ـــــــــــــــــــــــــــ
كــربله الشيبـت گلبـي وأخـذت الحــــيل
أعيوني راح الشوف منها بشوفت الخيل
أمن اركضت للتل احشـم شيب الــراس
يالهـواشـم ليش نـومـه الوادم اتعيــــــل
حيلي راح من الركض اعثر وطيح
من الدواره اعله اخوتي ضليت اميـل
زينـب يالخــوان - ياهو اليحامي الها
بزود الگمر جـان - ما شـــاهـدو ضلها
توليـها عـــدوان - حيـره ومنو يحلها
ـــــــــــــــــــــــــــ
الحـرگ گلبي حجيـهم موش الخيـــام
الهاظمتني اسمعت صاحو يالله للشام
واحد ايصيح اجتفوها وجاب الاحبال
وبالخرايــب خلو زينـب باجــر اتنـــام
امشي وين الغربه ماترحم اسير
والنظر ياخويــه اشد امن السهام
ابسوگ ودواوين - طبوني ياوسفه
وطك النســاوين - عد العـرب كلفه
الينغر علـَي وين - عيون الغرب صلفه
ـــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
05 August 2022 01:54
#شور
ايام السبي
ــــــــــــــــ
طب كربله ضعن الحبيبه
ولمن طلـع ضعن الغـريبه
بهيبت كفيل الحره طبت
طاح وسبوها اشكد عجيبه
بت علــي ضلت يهل وادم وحيـده
راح تمشي ادروب بس كلش بعيده
لاكو عدها حسين لا عبـــاس يمها
ابلا ولي بس العليــل وجتفو إيده
وينك يكافل زينب خذوها
جتفو اديها من صعــدوها
فوك الماهزل - وبلا محامل
هـاي العقيله اوماقــدروها
آه يزينب آه يزينب بت علي
ـــــــــــــــــــــــــــ
ويـن الهــواشـم والعشـيره
ترضوها حرمه الكم اسيره
الجانت أميره وفخر ابوها
وادم سبوها ابلايه غيــره
طلعت اوصاحوها هاي الخارجيه
أبياوگـت علـويـه ماخـوذه سبيه
اليمسح العبـاس اثـــــرها أبئيده
المجلس ابن ازيـاد ودوهـا هديه
شتموها وسفه وصاحو عليها
ولامن محامي الينغــر عليها
طايح اخـوها - كلهم ولــوها
حرمه الوحدهه شيطلع بديها
آه يزينب آه يزينب بت علي
ـــــــــــــــــــــــــــ
طف كـربله ماخـذ زلمهه
ونار العده حرگت خيمهه
ام الخدر حيرتهه حيــره
ياهو اليجي گام اوشتمهه
هاي زينب وسفه ماضل عدها والي
خلصو اخوتها ذبح غالي ويه غـالي
گبل تمشي بليـــــل وبهيبة گمـرها
وهسه زينب ياخلك وحـدهه تــالي
حرمه اوجبيره تركض هظيمه
بنص الصحاري وماعدها خيمه
حـرگـو خيمهه - وذبحـو زلمهه
عالهم تـكـابــر زينــب عظيمه
آه يزينب آه يزينب بت علي
ـــــــــــــــــــــــــــ
مهيوبه اجت فوك المحامل
ردت وحيده ابلايـه كافـــل
احــبال اليسر بيديها شـدّو
صاحت دخيلك يابو فاضل
هــاي زينــب گبل ما ينشاف ضلها
ذاكه فوك اعله الرمح راس الكفلها
أتجــاسرو عدوانها اوضربو حيـل
وصاحـو العبـــاس جا ما يفزعلها
اهواي الشماته وغيره قليله
ومحد يراعي ضعـن العقيله
ورم متنــها - وزيــد حزنها
كافلها واحـد ماصـح بديله
آه يزينب آه يزينب بت علي
ـــــــــــــــــــــــــــــــ
أكــبر جــرح شـــام الرزيه
امشيب گلب جم هاشميه
زين العبـاد اليحجي عنه
وبيـه زينب أتسمت سبيه
شرد اوصف الشام وجروحه جثيره
وخارجيه النـاس صاحـت عالأميره
الدنـيه والافـلاك جانـت مُلك أبوها
بنص خرابه اشلون خلوها جبيــره
الشام النوايـب من طب ضعنه
ما شفنه بيهـم غيــره او محنه
عيد وهلاهـــل - بكل المنــازل
مشامر حجرهم طكَ روس اهلنه
آه يزينب آه يزينب بت علي
ـــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
05 August 2022 01:48
#شور
لمولاي القاسم ابن الحسن عليه السلام
ــــــــــــــــــــــــ
خـرج مـن الخيـام - بطل فارس هُمام
يشع ضاوي اوينور - كـ بدرٌ في التمام
جاسم طلع للحومه فازع
يشبه أبوه وجـده طـــالع
معزب أبــوه وهــوه مثله
بيه كل صفات الزينه جامع
من حيـدر بيـه الهيبه الثـــار يجـيبه وحيفه
طب اعله الحومه ابناره وسوه الغاره بكيفه
ازغير الناس يشوفونه ادخيل اعيونه وسيفه
شاب أشمحلاته - وبصولاته - حير بامره الناس
تكتل ضربـاته - وبخـــزراته - جن عمه العباس
فــخــر بـنــي هــاشـــــم
ـــــــــــــــــــــــــــ
أميرٌ فـي الجــمال - كفواً فـي القتـال
غيـوراً هــــاشمــي - شجــاعٌ لا مُحـال
فارس كفو ومن ظهر فارس
بيه الحسـن طيبـات غـارس
من زغره أبـوه لليوم ضمه
خاطر يصير العمه حـارس
قمرألله بوجهه يشعشع جاسم يسطع نوره
سبحـــان الله الخــالق رسمه وفالـــق صوره
بالطف يتنومس يومه وحلوه علومه ودوره
داس اعله القاده - جاسم ناده - افدي لعمي أعيون
حر اعله الصيده - هد بالبيده - واليوكف مجنون
فــخــر بــنــي هــاشــــم
ـــــــــــــــــــــــــــ
علئ اعدائه يَصول - رَعبَ حتئ الخيول
يُـرهـبَ المرهبـــات - أتاهم حـر يَجـــول
جاسم غيور وبيه شهامه
عاشگ تعنه بكـل غرامه
السبعين الف لا ماتهمه
هايم عشگ بحسين أمامه
عاشكَ ويضحي العشگه خاطر يلگه أحلامه
المحبوبه يقـدم روحــه ولو مذبوحه أيامــه
جاسم من أجـل حسينه انطه اسنينه اوسامه
حب ابلا غايه - موش احجايه - دم انطي المحبوب
حلوات أسهامه - لاجل اسلامه - ما بين متعوب
فــخـــر بــنــي هــاشــم
ـــــــــــــــــــــــــــ
رَفـض عَيشَ الحيـاة - رَغـب مـوتَ النجـاة
جــمـالَ الدُنيــا يفني - وحُـسَينٌ لا مـمـــاة
رافض دنيته ابـلا منــازع
وبورقه بيضه منها طالع
ماتسوه شسع النعل عنده
طامع فقط بحسين طامع
الدنيه ومابيها بعينه بس أحسينه أيشـوفه
ماطامع بيها الأجله حسين الأحله أحروفه
الخير العد الله أبئيده أبنادم بيده أجفوفه
لحسين انطيها - ماهم بيها - هاي الدنيه تخون
الدنيه ومابيها - مانشريها - نملك أحنه الكون
فــخــر بــنــي هــاشــم
ـــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
01 August 2022 15:15
#شور
مدلي ايدك وانته بجفوفك حنان
انــه ضايع وانته للضايع امـــان
اشكد اروح ابعيد عنك ياحسين
وين اروح الكاك انت احله مكان
يالي مدليني اعله دربي
وقربت روحي اعله ربي
للجنــــون ويــــاك حبي
ياحـــسين
ياوطن روحي الغريبه
يارزق گلبي ونصيبه
كل وحيد انته حبيبه
ياحــــسين
ياغالي ودلالي يالحبك فرض
يا اول ياتالي ياشيخ الارض
ياحبيبي ياحــــسين ياحبيبي
•••
مالي غيرك هــوه بس انـته الحـبيــب
يبو أجروحي وانته لجروحي طبيب
شعندي غيرك يالصـرت ليه وطـــن
لامني وعايش عمت عيني غريـــب
الما بجالك ياحـسين
المن الله انطاله عين
ينحسب ماعنده دين
ياحـــــسين
عيشته ابنادم حـرام
المابجه لذيج الخيام
العشك مو بس كلام
ياحـــــسين
ياضامي وأيامي ابلا ذكرك عدم
ياجمره وماتطفي بگلوب الخـدم
ياحبيبي ياحــــسين ياحبيبي
•••
تـايـه انــه ودربـك الدلانــي بـيـــــك
شما اضيعك ياحسين ابجـــي عليك
وانته حاشه اتعوفني مولاي اضيـع
خاف اضيعك فدوه بس مدلي اديك
جنت ضايـع بس لكيت
بگلبـــك امسـولي بيــت
واسمك امسويلي صيت
ياحــــسين
انته اليخدمك عفيف
وانه واحد مو نضيف
حسين يالگبلك مضيف
ياحــــسين
يقدروني هالوادم جي خادم الك
يالخيـرك خلاني مو خادم مَلك
ياحبيبي ياحـــــسين ياحبيبي
•••
اشما اصد الصورتك يحسين اهيم
انـته ابــــوي وانه من بعدك يتيـم
فدوه اروح الشيبتك اه يالحنين
كلشي بيه يــــروح يمك يارحـيم
بصورتك گالـو خيــال
اوماكو مثلك بالجمال
ليش نايم عالرمــــال
ياحـــــسين
بالشمس نايم طريح
عاري يحسين وذبـيح
وزينب اگبالك تصيح
ياحـــــسين
محبوبي اشمحلاته هيبه ومرجله
ياوســفه يذبحونك هيـج أبكربله
ياحبيبي ياحـــــسين ياحبيبي
•••
الله خـالــق هالبشـر كلها أجمعيـــن
وكل بشر تلگه اليشبهونه اربعيــــن
اشما ادور عاليشبهـــــونك احيــر
حسين اليشبهك فقط بس الحسين
الله خصصلك صفـات
ماكو منهن بالحيـــاة
ياسفينة كل نجـــــاة
ياحـــــسين
ياحـنيـن وياعـطــــوف
وعالخدم گلبك رؤوف
أعمه لـو غـيرك أشوف
ياحـــــسين
ماشفتك بعيوني بعيون الگلب
ما عيش ابلاذكرك ماأكدر صعب
ياحبيبي ياحـــــسين ياحبيبي
ـــــــــــــــــــــــــــــــــــــــــــــــــــــ
محمد المشعلاوي
ــــــــــــــ
تمت
بعون مولاي سيد الشهداء ع
Читать полностью…
الشاعر محمد المشعلاوي
25 July 2022 17:02
يابو فاضل يابو فاضل يابو فاضل
ـــــــــــــــــــــــــــ
ياولينه ياولينه
من غبت وليه ولونه يابو فاضل
.. ياولينه
حرگو اخيــام المحنه والمنــازل
.. رد علينه
نسوه وبنص الغرايب ماكو كافل
.. يحدي بينه
حظرو نوگ الهزيله ابلا محامل
.. ونسبينه
من طحت ركضو علّي
وشدو احبــــال ابأدي
أرجع اورجع جمعهم
حشمت وينك ياخيي
يابو فاضل يابو فاضل يابو فاضل
ـــــــــــــــــــــــــــ
ياهظيمه ياهظيمه
شدو احبال ابأدينه أو شتمونه
.. ياهضيمه
ازلام هاشم كلها نومه مايجونه
.. ياحريمه
بصحره ماكو افياي نكعد تعبونه
.. ماكو شيمه
زحمه نتراكض تره احنه وركضونه
.. أشكد عظيمه
أسياطهم شمسويه بينه
تمرجلو عگبك علينه
تنظرب كلمن تندبك
واحنه نسوان اشبدينه
يابو فاضل يابو فاضل يابو فاضل
ـــــــــــــــــــــــــــ
والله صعبه والله صعبه
ضعني مدري الوين رايح بيه يحدي
.. اوين دربه
اربع افحول احرسوني وهسه وحدي
.. والله صعبه
انذبحو أخواني سويه وحتئ ولدي
.. وعيني تربه
أدري شمتاني يگلبي ياهو عندي
.. كلها غربه
ماكو واحـد مـن هلي
ولا غيـــور الضل الي
جان حادي اضعوني واحد
گـمر هاشــــم كـافــلي
يابو فاضل يابو فاضل يابو فاضل
ـــــــــــــــــــــــــــ
وينه وينه
أبكربله انذبحت زلمنه والنشامه
.. وينه وينه
لاكو كافل لاكو والي ولا سلامه
.. شباقي بينه
بس جثث ضلت ضحايه ياندامه
.. شلون أجينه
أشلون ارد لبيوت اهلنه والملامه
.. البالمدينه
وين ضعن الهاشميه
شرد اجاوبهم سبيه
وين اخوتج ها يزينب ؟
بكربله ضلو رميـه
يابو فاضل يابو فاضل يابو فاضل
ـــــــــــــــــــــــــــ
والله حيره والله حيره
وحشه داري اخلاف اهلهه اشلون اردن
.. والله حيـره
كربله اشخليتي بيــه أوجهي المـــن
.. وين اديره
مخدرة عبـــاس انـــه أبسوك أطبن
.. تالي أسيره
أمدللات وتالي ننذل وبينه شمتن
.. ديره ديره
ياهـو يقبـــل بالجـــره
تنسـبي الهـاشــم مـره
وتدخل الديوان أميه
بـت نــبي وميســـره
يابو فاضل يابو فاضل يابو فاضل
ـــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
20 April 2023 01:59
كل الخير ياناس من جفوف عباس
ــــــــــــــــــــــــــــــــــــــــــــــــــــــ
عباس ياحيد غيره وعزم راعي الشيم
بكل زود من راح جاب النهر يم الخيم
بالعين أتلگــاه لمن أجــه صوبه السهم
الكافـل أشمحلاته
لو تـرف ريـشاتـه
حـيدر بحمـــلاته .. راهــب الحـومه
الحومه من طباها
بس جثث خــلاها
القـاده بس لاگاها .. كلهه مهــزومه
ـــــــــــــــــــــــــــــــــــــــــــــــــــ
يانور عالنور كاسر علئ ضي الشمس
وفاي عباس ومنه الوفـه ماخذ درس
بالسيف كصاي مخوفهه جن اويه الانس
بسيفه كلشي يجيبه
الهـــوه هــم يصيبه
اسمه يعنـــي الهييه .. ورفعــة الراس
بيـه شجـاعه وغيره
الخصم عاش بحيره
شنكـــــتب بتفسيره .. أشجع الناس
ـــــــــــــــــــــــــــ
ريشات عباس صـارن منايـر من ذهـب
والكون محتار واتعجـب اعليـه العجـب
التاريخ باعجاز بوصافه محتار أشكتب
مايوصفه الشــــــاعر
كلشي بيه ضل حاير
دخـيل جفـه الساطر .. دخيـل يمنــاه
ياگــمــــر ناديـــنه
أبابــــه اوصليــنه
ادخيل عم اسكينه .. لذنـــه بحمـــاه
ـــــــــــــــــــــــــــ
اشمحلاه مهيوب من يمشي يدحج بالنجم
عالخيــل خـــيال فارس شجـــاع وبي عزم
ينجاب طـــــــرواه تتخورس احلوگ الزلم
من يسل بتــــــــاره
علي سل فقـــــــاره
من علـي واســـراره .. دخيل عبـــاس
الگنطره اتضل شاهد
ماعبــر ليــه واحــــد
ويه الرگــب متواعد .. اعله الرگب داس
ـــــــــــــــــــــــــــ
شجم جيش مهزوم لو مر فقط طاري الاسم
اللاگـــاه منـــــدوم عدهم شجـــــاع الينهزم
عبـاس معـروف راعي الشجــاعه شكد شهم
ماكـو اليشبهونه
بس علـي تدرونه
بحيدر ايوصفونه .. غيــره واحســاس
راهــب الخيـاله
زلمه گـد افعـاله
اشباه ماكو امثاله .. فقــط عبـــاس
ــــــــــــــــــــــــــــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
07 March 2023 12:02
#ولادة_صاحب_الزمان_عج
سيد الكـــــــون انولد هليله
بالفرج كلنه اليـــوم ندعيله
هلا بالمهدي هلا
ــــــــــــــــــ***ــــــــــــــ
هلا ياصاحب زماني
تحققت كل الاماني
ونورك اليله غزاني - هلا يامهدينه
نور الدنيه ابوجوده
اليله ماكو قطعه سوده
نكشخ اليله اعله موده - بلكت يمر بينه
الدنيه اذا ضاكـت بيك تشكيله
بالفـــــــرج كلنه اليـــوم ندعيله
هلا بالمهدي هلا
ــــــــــــــــــــ***ــــــــــــــــــــ
اليوم عيد المهدي عيدي
بالفرح يادنـــــــيه زيدي
امبايــــع او رافعله ايدي - بجيته نتبارك
الفرح ضيف اليله عدنه
ياهــــلا بجيت عشگـنه
بطلعتك يكمل فرحـــنه - نصير من أنصارك
من عمرنه ياناس نطيله
بالفرج كلنه اليوم ندعيله
هلا بالمهدي هلا
ــــــــــــــــــــ***ــــــــــــــــــ
ياهـلا بفرحـة الزهــره
الانتشر بالدنيه عطـره
والارض سواها خظره - من شرف غالينه
فرحـت اليله النــــوارس
فرح عدنه وعدنه واهس
من الفـرح بيض الملابس - من انولد والينه
مولد يعــم بفــــراح نحيله
وبالفرج كلنه اليوم ندعيله
هلا بالمهدي هلا
ـــــــــــــــــــ***ــــــــــــــــ
طلعتك بالكـي قـريبه
يوسف يرد من مغيبه
عاشگ ايلاگي حبيبه - وشوك بينه ازياده
نحسب نريدك تجينه
تلمنه بيديك الحنينه
وتعطف بعطفك علينه - ياحنين الساده
بنص الاگلوب البيت نبنيله
وبالفرج كلنه اليوم ندعيله
هلا بالمهدي هلا
ـــــــــــــــــــ***ـــــــــــــــــ
محمد المشعلاوي
Читать полностью…
الشاعر محمد المشعلاوي
16 January 2023 00:20
#استشهاد_السيده_زينب
حال مولاي السجاد عليه السلام
في استشهاد السيدة زينب عليها السلام
ـــــــــــــــــــــــــــــ
ماتــــــت زيــــنب وانـــه بحـــــيره
بديـــرة غـــــربه وشـحــة غـــيره
محـــد حـــاضر من اخـــوتــــــها
ولا واحـــــــد شـــال اجـــنازتـــها
بديرة غربه وشحة غيره
ــــــــــــــــــــــــ
يهل الشام شسوت زينب
من ماتت هيج اتضلموها
من طبت ليكم مسبيه
بحجار الناس اتلكوها
ودارت دنيانه وهم ردت
تسكن بالشام يريدوها
ماتت مقهوره اعله اخوتها
الرادتهم همه ايشيعوها
زينب هاي .. رسمت بالعفه أجمل صوره
زينب هاي .. بقرأن الطف أعظم ســــوره
زينب هاي .. شمس الله بأرضه المعموره
البيديها احبال اومجتوفه
زرعت بيكم رهبه و خـــوفه
ماتت بالشـــام أبحـــسرتها
ولا واحد شـــال أجــنازتها
بديرة غـــربه وشحت غيره
ــــــــــــــــــــــــ
آه يالشـام مشيب گلـبي
اشجم موقف وي زينب خَله
بأسواگ يفــــرون الخـدّر
هاذا المــوقـف أكـــــبر علّه
ماشافت ضلهن كـــــاع الله
ينظرهـــن صار البـيه خلّه
عيون الوادم مارحـــمتهن
والتكتل نظــــــرات الذلّه
أهل الشام .. أبســـوك الخدّام انطبيـنه
أهل الشام .. أبحـــقاد أينظرون اعليـنه
أهل الشام .. الرايـح والراد أيسب بينه
يالما بيـكم غيــره ورحــمه
بينه اشخليتو اشجم لچمه
عميـــه اعيــوني اولاشــافتــــها
ولا واحـــد شـــــال أجـــنازتـها
بديرة غربه وشحـة غيــــره
ــــــــــــــــــــــــ
ما عدهم موقف ويــانه
ولا بيهم واحد رف گلبه
عاميهم حب هاي الدنيه
محد منهم يعـــــرف ربه
اخ الشام شسوه بزينب
عيشها اوموتها بغــــربه
بموكب جانت لمن تطلع
وحشه أجنازتها اشكد صعبه
هظمه اشلون .. ما عدها اخوان أيشيعون
هظمه اشلون .. يمها اهل الشام يضحكون
هظمه اشلون .. أبماي التغسيل ايسومون
الطـــف أبجـــفه والأيــــتام
العــــذب زيــنب جرح الشام
أتمنـــــت عبـــــــاس أبســــــاعتها
ولا واحـــد شــــــــال أجــــــنازتها
بديـــرة غــربه وشحــة غيــره
ــــــــــــــــــــــــ
متعوده اعله حسين أتشوفه
ومايـــبعد عنـــها اولا لحضه
بس بالعاشــر زينب شــــافت
صدر احسين الخـــيل اترضه
وادم شرايــت دم جـــــــانت
ماخــــــلـوه يكــمـــل فـرضه
طـــاح أو هجمو كلهم صوبه
مسابگ ياهو ابراسه اليحضه
ضل ابوحده .. وكلهم ركضوله يذبحـــونه
ضل ابوحده .. اعله الكاع يطيح ايتانونه
ضل ابوحده .. والزيــنب دارها اعيـــــونه
بنحـــره المختار أشكد بـــــاسه
اللهُ اكـــــــــــبر ذبحـــو راســـه
ذبحــــة راســــه اشكد ذبحــــتها
ولا واحـــــد شــــــال أجــــــنازتها
بديـــــرة غربه وشحـــة غيـــره
ــــــــــــــــــــــــ
جم موقف بالطف شاهدتي
الله يســـاعد گلبــج عـمه
شفتي حسين وحزة نحره
والحـــافر متحـــني بدمه
التمو فوگــه وسلبو ثوبه
وكطعو خنصر أيده ابهمه
دخـان اخيمنه الحرگوها
بعده بثوبج جاي اشتمه
لا ما طاب .. من الســــــوط امورم متنج
لا ما طاب .. ابمجلسهم من سـألو عنــــج
لا ما طاب .. جــــرح الماخذ روحج منج
الله يعيــــــنج شفتي اشكــال
من الطف ميته وبيــج أشضـال
ليهسـه أثــــــــــار أبــــــوجنـــــــتها
ولا واحــــــد شــــــال أجــــــنازتها
بديرة غربه وشحة غيره
ــــــــــــــــــــــــ
محمد المشعلاوي
Читать полностью…
الشاعر محمد المشعلاوي
07 October 2022 20:05
#أستشهاد_الزهراء_ع
أمنيتي ازورج يالزجـــيه
باليالي الفاطــــــــــــــــميه
وأقرئ جراحـــــــــات وألم
وانعه السبي وحرگ الخيم
يالزجـــــــيه ... يالزجــــــــيه
ـــــــــــــــــــــــــــــــــــــــــــــــ
حسره بگلوب الخدم يالزهره هايه
أمنيـة الخــادم يــزورج كــل روايه
وكـــون يتعنه مشـي وشايله رايه
بيها مكتوب أعلموا الزهراء أيــه
انزلها الرحمـن من عالي السماء
بــ أي ذنبًٌ قُتلت خَـــيرَ النـــساء
أمنيتي بعتابج اطـــــــوف
وأقرئ ابيات الطفـــــــــوف
وانقلج أهــــــــــات الخـدم
وانعه السبي وحرگ الخيم
يالزجـــــــيه ... يالزجــــــــيه
ـــــــــــــــــــــــــــــــــــــــــ
كون اجيلج يمّ حسن جيت زيــــاره
وتضوي مـن ابعيد اشوفنها المنـــاره
ونقرئ بالمقتل ابصحنج والغيـــــاره
تزود ماتطفه ابگلبهم هــل حــــــراره
حـــرارةً فــي قلبنا لاتنطــــفي
حــتئ ظهورَ قبـــركِ المختـفي
يمته احس هاذه الشعـــور
وبضريــحـــج كـــون ازور
وتعـنه الــج حـافــي الجـدم
وأنعه السبي وحــرگ الخيم
يالزجـــــــيه ... يالزجــــــــيه
ـــــــــــــــــــــــــــــــــــــــــــــ
من نزور حسين مشياً باربعينه
تتجه كـون المــواكـب للمديـنه
قافلة عشـاق فـاطم تحدي بينه
لمن نوصل گبت الزهره الحزينه
قُـبَــتٌ يسطّع بها كلَ الحُـــزن
تحتها نلعنُ مــــنْ قــــــالَ وأن
يمته يتحــقــق حلمنه
وكبرج يلم كل شملنه
وياريت كل دمعه بسهم
وانعه السبي وحرگ الخيـم
يالزجـــــــيه ... يالزجــــــــيه
ــــــــــــــــــــــــــــــــــــــــــــــــــ
حلمي يمته يـصير يالزهره حــقيـقه
كــون كـبرج ينعـرف واضـح طريــقه
اوذهب كبتــج بالضـلام ايشـع بريـقه
والبصدره اهمـوم تـنـزاح ابدقيــــــقه
كُل ضيقٌ سوفَ يذهب عندها
الم نشـــــــرح لك صدرك انـها
عَـبـره اسمــج بالمجــالس
واحنه خـــدامــج عــوابس
انــتي أهـم أمــن الاهـــــم
وانعه السبي وحرگ الخيم
يالزجـــــــيه ... يالزجــــــــيه
ـــــــــــــــــــــــــــــــــــــــــــــــــــ
المنتظـر ايـامه نعـــــرف مـو بعيـده
بثـارج يعـجــــل يمـــولاتي نـــريـده
يسل سيفه اعله الكفر نسل الصميده
وزود خدامج فخـــــر روح العقيـــده
لهفي لثأر الاضلاع والقلب ناري
متئ نزور الزهراء هاذا شعاري
روحي مشتـاكه الحظرتج
تنشمل كــون برحـــمتج
بأسمج احــس جـرحي الچـم
وانعه السبي وحرك الخيــم
يالزجــــــيه ... يالزجــــــــيه
ـــــــــــــــــــــــــــــــــــــــــــــــــــــــــــ
محمد المشعلاوي
ــــــــــــــــ
تمت بعون الزهراء ع
Читать полностью…
الشاعر محمد المشعلاوي
07 October 2022 20:01
#أستشهاد_الزهراء_ع
هاي اول ليله وامنه ابعيده
وهوه لو راح العمر شيعيده
اليله اول ليله من أغيابج
الله لا ينطيه الدافع بابج
يمه يمه * يمه يمه
ـــــــــــــــــــــــــــــــــــ
يمه يامحله المسامر جنه من نكعد سوه
يغار جان اليل منه والنجم ويه الضوه
جانت اتلمنه عباتج ومانشم حتئ الهوه
وياسوالفنه الحنينه الجانت اتنكط دوه
حضنج الدافي الحنين انريده
الراحت امه الدنيه جا شتفيده
واشعمل بينه الدهر بمصابج
الله لا ينطيه الدافع بابج
يمه يمه * يمه يمه
ـــــــــــــــــــــــــــــــــــ
يمه من ساعـة وداعــج بينه ما هــاد الجـرح
وهوه المفاركله غالي يموت كل طلعت صبح
الراحت أمه يصير عمره جـرح والفـرگه ملـح
ومن تنشده الناس عنهه جـنه مطعـون برمـح
الماتت امه يموت كون اوياها
ولا يعيش الدنـيه مـن فرگـاها
يالستر كون الله من احجابج
الله لا ينطيه الدافع بابج
يمه يمه * يمه يمه
ــــــــــــــــــــــــــــــ
يمه صار البيت وحشه من بعد عطر الورد
نصيح ها يمنه الحنينه والصدئ ماتت يرد
ومن رجع لينه ابونه وانتي ظليتي ابلحد
هنا عرفنه الفرگه شنهي وانفطر بيهه الچبد
صارت الدنــيه ضلام ابدونــج
واحنه جنه نشوف بيها عيونج
الوحي يسئذن گبل بعـتابــج
الله لاينطيه الدافع بابـــــــج
يمه يمه * يمه يمه
ـــــــــــــــــــــــــــــــــــ
يمه يالزهــــره اليالي فرهــدت منه العمر
يكسر الخاطر وضعنه وحتئ بجينه الصبر
يمه آنه حسين گومي شكثر ناديت اشكثر
نمتي يانوم العوافي يمه بس شنهي العذر
ارد امــــوت اويـاج ما خلــــوني
يمه گومي وامسحي دمع اعيوني
كمت احن واشتم عطرها اثيابج
الله لاينطيه الدافع بابـــــــــج
يمه يمه * يمه يمه
ــــــــــــــــــــــــــــــــــــــــــ
يمه والهيبه ابونه ذاك ابو حيل الثجيل
بغيبتج يايمه هسه من الهوه لو مر يميل
ابد ما شفنه بعمرنه يخلص اليل ابعويل
كسر ضلعج كسر ضهره وأثر ابحيله الرحيل
رد ابونه منكسر احنه شنصير
وسفه المحير الزلم بعدج يحير
رد ابونه وابيه عطر اترابـــــج
الله لا ينطيه الدافع بابــــــــج
يمه يمه * يمه يمه
ــــــــــــــــــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
23 September 2022 01:30
ياعلي اين موسئ الرضــــا
يالضامن
جبير الشوگ بيه
ردت عطفك عليه - حنين ادريك
يفـز گلبـــي
اذه مر طـاري لسمك
يحن ليك او يرسمك - يحب طاريك
ياخذني ليك بألم- وتحسر لو فز والكاه حلم ياشوگي شيكتب حيره القلم - يقصة شوگ
معشوگي اه يالرضا - هنياله الي بقربك حضه بالحسره عمري وصبري گضه - الگلب محروگ
ـــــــــــــــــــــــــــ
الشباجك
متئ روحي تسافر
كسرت اشكد خواطر - البعد كتال
مدلي يدك
البعد عذبلي حالي
أعد واحسب ليالي - الدمع همال
خايف يكضي هالعمر - ومازورك خلص حد الصبر - جا يمته اعليك بذاك الخدر - الگلب محتام
كلمن زارك اسئله - ويجاوب مشهد جن كربله
واليمك جن كاعد يم هله - بأمان ايـنـــام
ـــــــــــــــــــــــــــ
ما رايـد
حوائج تقضي اليه
ردت بس بالعــزيه - تصب العيـــن
غــــربني
علئ امصاب الفواطم
وأموت وآنـــه خـادم - فقط لحسين
عيشني ابغربة هلك- واضمنها روحي بس الك
ما رايد بس حـاجه ارد اسالك - اريد ادموع
ما اشوف الدنيه بعد - بعيوني بس انتم السند
ما طالب منك غير المدد - وگلب مفجوع
ـــــــــــــــــــــــــــ
متغرب
عشت عمرك ياغالـي
بدمع تكضي اليــالي - بنواعي او آه
كل حـزنك
علئ الضلن غرايـب
او يباتن بالخـرايـب - صحت ويلآه
وعماتك راحن سبي - ياوسفه يحديهن اجنبي
ويطگهن بسوطه يشك العبي - هظيمه اهواي
والشام امشيب الگلب -شيسوي الماله اخوان بغرب -يادمعة زينب عالخد تصب- دمه مو ماي
ـــــــــــــــــــــــــــ
محمد المشعلاوي
تمت
بعون مولاي علي ابن موسئ الرضا
Читать полностью…
الشاعر محمد المشعلاوي
29 August 2022 20:15
گلبي انكسر من فركتك
مشتاك الك يمتئ اجي لزيارتك
روحي غريبه ابلا وطن
ياسيدي صاير وطنها بحظرتك
ارزقني يامولاي الك
كون اعتني واتشرف بفي گبتك
حسين حسين حسين
ـــــــــــــــــــــــــــ
مشتاگ ازورن كربله
واشتم عطر شباجك الينضح عشگ
الفركه ابد ماتنحمل
حن الگلب وبأسمك الغـــــالي يـدگ
غيرك جذب ماحب احد
كلشي جذب وانته الصدك يابو الصدگ
حسين حسين حسين
ـــــــــــــــــــــــــــ
عاصرني ياگلبي عصر
لزيـــارتك عايش تره بدنيت غرب
انظر علئ حالي بعطف
ما أحتمل بعدك علي كلش صعب
لو بيدي هسه بحظرتك
أبجي واحن بس سيدي بعيد الدرب
حسين حسين حسين
ـــــــــــــــــــــــــــ
يوميه ازورك عن بعد
صارت حلم جا يمته ازورك من قرب
اقـرئ ابمناجـاة العشگ
من أذكـرك يفيض الدمع وحده ويصب
ابعث سلامي الحظرتك
وي الهوه والكـــــربله اشتـــاكَ الگـلب
حسين حسين حسين
ـــــــــــــــــــــــــــ
ويه الطيور السافرت
أتمنه الك لو روحـي طير ابحظرتك
ياسيد الحب والعشگ
ارزقني اجي وانطيني مهنة خدمتك
ما بطل اونيني بعد
خليني احس بلحظة هيام أمحبتك
حسين حسين حسين
ـــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
23 August 2022 14:11
مشيت اوعفت اخوتي والگلب محروگ
وضلت روحـــي يمهم والنظــر مبيــوگ
دخلت الكوفه وسفه اومجلس ابن زياد
وامشيت ابدرب ماتمشي بيـــه النـــوگ
الصعبه كلش من دخلنه
وفزعت اعلينه العشاير
صعبه عدهم جي حرمهم
وسهله يسبون الحــرايـر
أشكد حشمت يهلي وصحت ماجاوبوني
أبـئيـدي النــذل شد الحـــبل أتلاحگوني
اه اه مسبيه زينـــب
اه اه مهظومه زينب
ـــــــــــــــــــــــــــ
عـگب ذاك الدلال العـــــين وين اتنـام
وعديـنه اليالي اللحــظه ميت عـــــام
سهله الكـــوفه گــالو باجـر الصعبــات
نطب بيـجن عصر للسوك مال الشــام
ياهو يقبل وانه زينــب
انطك او انسب سويــه
متني زورگ من ضربهم
وأسمي صاير يالسبيـه
ممشه الدرب ويه الغــرب ما ينحمـل دوم
أبعازة علي يردني الهلي يفزع لي ويگوم
اه اه مسبيه زينـــب
اه اه مهظومه زينب
ـــــــــــــــــــــــــــ
وين اهلي الهواشم والتجيب احگوگ
سرنه بدرب عثـره ودوم مامسحـوگ
ما لاگـت اعليــنه الذله لا هيهــــــات
علويــــــات واعليـــنه الدلال إيلــوگ
لا يدنيه أشلون صارت
تنـطگ العلويـــه زحـمـه
ماكو رحمه الناس بيها
واحنه مخلوقيـــن رحمه
الماعنده أخو ابين العدو من النسمه ينجاس
گسر الگلب كلش صعب شي رده عبـــــاس
اه اه مسبيه زينب
اه اه مهظومه زينب
ـــــــــــــــــــــــــــ
والهظمه الجبيره اوياي تمشي الروس
او وادم لاشـــــرف لاغيـــره لانامــوس
داسو نعمـت الله بكــــربله بالخـيــــــل
كطعو راس اخوي حسين لاجل افلوس
زين منها الدنيه ضلت
لسه ما مگلــوبه زيـــــــن
مصيبه هزت لله عرشه
وكل شي يصرخ ياحسين
الاجلك زعل عزه وجـل وبيه الغضب زاد
ولون السمه ابلون الدمه ويطبگها هــم راد
اه اه مسبيـــه زينب
اه اه مهظومه زينب
ـــــــــــــــــــــــــــ
دخلنه الشـــام بس بطبـــول لاگــونه
اعله درب السوك عمداً ياهلي أخذونه
اهل الشــام فرحو صــــار عدهم عيد
وراس احسين ضل بحجــــار يرمونه
السوك ضجه وناس غربـه
وكلها تتفـــــــرج عليــــــــنه
هاذه يشتم ذاكــه يطرد
واحنـه نســــوان اشبدينه
ويـن الصلف مابيــه عرف ماشافت العين
الشــــام وهله بيـه لا هـــله عذبني يحسين
اه اه مسبيـــه زينب
اه اه مهظومه زينب
ـــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
05 August 2022 14:52
صفنه صارت – اخيول غارت
وأخوتي فـوگ الترايب نـومه
لا خــيـمــنه – ولا علـــمـنـه
كلشي راح ابكربله الميشومه
حسيني طايح – بدمه سابح
والعطش غير حلات ارسومه
واصـل الـــدم – للمــخــيـم
والحوافر خذن حتئ اهدومه
مصيبه ... اه يجــرح العــاشر
مصيبه ... اشسوه بيه الحافر
مصيبه ... گلبي شيب منها
مصيبه ... اشلون اوصف الصاير
ياحسين ياحسين ياحسين
ـــــــــــــــــــــــــــ
بحيره ضليت - يهلي ناديـــت
أخت مشتاگه الاخيـها اتشوفه
احتارت الروح - اهواي الاجروح
ياجرح اگـدر اداويه واروفــــــــه
الشمس نـــار - والرمـل حــــــار
گلبي ماينطيني وحده انعوفــــه
تدري يحسين - خوفتي منين
من عيون الغربه تدري الخــــوفه
هظيمه ... الناس شمتت بينه
هظيمه ... ماكو حامي اعلينه
هظيمه ... بس شتايم نسمع
هظيمه ... والهظـــم ياذيـنه
ياحسين ياحسين ياحسين
ـــــــــــــــــــــــــــ
من يجي اليل - وتهجع الخيل
اعتنيك واشگي يمك يالحنين
گلبي شيب - موش زينـب
الاجت وياك ذيجه ياحسين
وشيب الراس - فرگه عباس
راح هوه وخلف بگلبي أنين
وسفه مذبوح - گامت اتفوح
عطر أخوه يفوح منه بالونين
عذابي ... اه يعاشــور الظهر
عذابي ... زود أسنيني عمر
عذابي ... أركضت بين الجثث
عذابي ... بحرگت أخيام الخدر
ياحسين ياحسين ياحسين
ـــــــــــــــــــــــــــ
للتل رحــت - أشكد حشمت
حسيني ميت لو عدل حاجيني
ليل ورعب - الموقف صعب
جا بعدكم ياهـــو اليبـــاريني
ها ياهلـــــي - بداعت علــي
حشمتكم والدمــوع ابعينــي
راح الخــــدر - وهاذه الشمر
جنه باجـــر للغـرب سابيـــني
غريبه ... باجـــر ايسموني
غريبه ... والغرب يسبوني
غريبه ... ما أضن ترضوها
غريبه ... الوحدي أتخلوني
ياحسين ياحسين ياحسين
ـــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
05 August 2022 01:53
شور -گعديه
يابو فاضل يابو فاضل يابو فاضل
ـــــــــــــــــــــــــــ
ياولينه ياولينه
من غبت وليه ولونه يابو فاضل
.. ياولينه
حرگو اخيــام المحنه والمنــازل
.. رد علينه
نسوه وبنص الغرايب ماكو كافل
.. يحدي بينه
حظرو نوگ الهزيله ابلا محامل
.. ونسبينه
من طحت ركضو علّي
وشدو احبــــال ابأدي
أرجع اورجع جمعهم
حشمت وينك ياخيي
يابو فاضل يابو فاضل يابو فاضل
ـــــــــــــــــــــــــــ
ياهظيمه ياهظيمه
شدو احبال ابأدينه أو شتمونه
.. ياهضيمه
ازلام هاشم كلها نومه مايجونه
.. ياحريمه
بصحره ماكو افياي نكعد تعبونه
.. ماكو شيمه
زحمه نتراكض تره احنه وركضونه
.. أشكد عظيمه
أسياطهم شمسويه بينه
تمرجلو عگبك علينه
تنظرب كلمن تندبك
واحنه نسوان اشبدينه
يابو فاضل يابو فاضل يابو فاضل
ـــــــــــــــــــــــــــ
والله صعبه والله صعبه
ضعني مدري الوين رايح بيه يحدي
.. اوين دربه
اربع افحول احرسوني وهسه وحدي
.. والله صعبه
انذبحو أخواني سويه وحتئ ولدي
.. وعيني تربه
أدري شمتاني يگلبي ياهو عندي
.. كلها غربه
ماكو واحـد مـن هلي
ولا غيـــور الضل الي
جان حادي اضعوني واحد
گـمر هاشــــم كـافــلي
يابو فاضل يابو فاضل يابو فاضل
ـــــــــــــــــــــــــــ
وينه وينه
أبكربله انذبحت زلمنه والنشامه
.. وينه وينه
لاكو كافل لاكو والي ولا سلامه
.. شباقي بينه
بس جثث ضلت ضحايه ياندامه
.. شلون أجينه
أشلون ارد لبيوت اهلنه والملامه
.. البالمدينه
وين ضعن الهاشميه
شرد اجاوبهم سبيه
وين اخوتج ها يزينب ؟
بكربله ضلو رميـه
يابو فاضل يابو فاضل يابو فاضل
ـــــــــــــــــــــــــــ
والله حيره والله حيره
وحشه داري اخلاف اهلهه اشلون اردن
.. والله حيـره
كربله اشخليتي بيــه أوجهي المـــن
.. وين اديره
مخدرة عبـــاس انـــه أبسوك أطبن
.. تالي أسيره
أمدللات وتالي ننذل وبينه شمتن
.. ديره ديره
ياهـو يقبـــل ياتـــــره
تنسـبي الهـاشــم مـره
وتدخل الديوان أميه
بـت نــبي وميســـره
يابو فاضل يابو فاضل يابو فاضل
ـــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
05 August 2022 01:42
#شور_لمولاي ابو الفضل العباس ع
يالخير الله بجودك وانته الماي
فدوه انروح الطولك يالوفـاي
رد نورها الخيمه ونوّر اسماي
يالواحد بس ينعد بيك اهواي
يالبسمك ترتـوي العطشـانه
وبيك الخير شرّعت بيبانه
يمته تعــود والفـرح يلفينه
يمته انشـوف رايتك ويـانه
هيبت البــاري كلها بهيبت اعيــونك
يرجف العسكر مجبل من يشوفونك
گمـر ويقـاتـل كاسـر عالشمس لونـه
ربنه اليحـرسك منهم لا يحـسدونك
دخيلك ياعبـــــــــــــــــاس
ـــــــــــــــــــــــــــ
ياقمر الله عيونك كلها احساس
بيـــك أشگد نتفـــاخر ياعبــاس
ياهيبت كل هيـبه او رفعة راس
يالمثلك مانلگه ابيــــــن النــاس
فدوه ارجـع ياگمر للخيمه
خاف انفر لورحت بالهيمه
هاي الناس كل رحم مابيها
ياموطـــن انته يابو الشيمه
منبع الغيـــــره ومنك غيـــــرة الوادم
شانك اشكبره ولحسينك جنت خادم
يمك الخــــوه وتبطل يا ابو فــــاضل
اشمرته بجفوفك ماي الدنيه ضل نادم
دخيلك ياعبــــــــــــــــــاس
ـــــــــــــــــــــــــــ
ياحلم كل أيتيمه جفوفك خـير
من خيرك ضل ياكل حتئ الطير
ماي الطف منريــده بجفك غير
طعم الماي ابجودك احلئ يصير
ما نـشـرب الـه من جفيــنك
ثلث الكون مايصل يم عينك
بعينك جان بحر ماي وغيره
يالكـــــافل ياعزيـز احـسينك
يا ابو فــــاضــل اسمــك للزلم هــيبه
الرادته أسكينه ابرمشة عينك اتجيبه
حشمت عمي وانت الي صحت حاظر
الهـوه لو غثــج عمــج يكــدر ايصيبه
دخيلك ياعبــــــــــاس
ـــــــــــــــــــــــــــ
يالماترضه الزينب ضل ينشـاف
من نذكر طاريك كلشي يخــاف
جرحك بينه اشكبره اومايراف
شلون انعوفك وانته الماتنعاف
يالطولك راهـــــــب الخياله
وخزراتك للعــــــــدو جتــاله
طحت اوطاح الضعن بيديهم
بزودك جـــــان منهو يدنــاله
ياگمر هاشم صيتك للنجم واصل
ضعنك الغالي ضل ابعازة الكافل
زينب اتنادي حيهم ياشهم وينك
وصلو اخيمنه افزع يا ابو فاضل
دخيـــلك ياعبـــــــــــــاس
ـــــــــــــــــــــــــــ
يالزينب من بعدك تمشي اشلون
ابلا كافـل والدنيــه كلها اعيـون
هـــاي الـوادم غــربـه ويعيلـــون
وتنـسب العلويــــه ماتـرضــــون
گـوم افــزع گبـل لا يسبـونه
ضعنك هاذ والغرب يحدونه
وسفه اطيح عالنهر ياهيبه
وباجـر سوگ غصبن يطبونه
باجـر الغـربـه تتشمت صدك بيـنه
ونضرة الحاقد باجـر تنـظر اعلينه
عيونك الخلت بالطف بالزلم خوفه
ضيعو عينك وسفه واطكو اسكينه
دخيلك ياعبــــــــــاس
ـــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
27 July 2022 10:16
خــدام الحـسيـن انحسبنه
بحــبـه رزق الله رزقــــــنه
ـــــــــــــــــــــــــــ
هنياله كلمن صار خـــــادم
أيعيش ابكرامه لا منـــــادم
وبـيه تفـتخـر كـــل الأوادم
اليخـدم حـياته تصير جـنه
ـــــــــــــــــــــــــــ
الخـدمـه ياهالنــاس نعمه
وحـسين الله منزله رحمه
شننطيه وهوه انطانه دمه
وبفضله احنه اليوم عشنه
ـــــــــــــــــــــــــــ
أفنيله عـمـرك وأنـسه دنيـاك
تلكــاه قــريـب اودوم ويـاك
حاشه الحسين بيوم ينساك
من الله بيه رحمه ومحنه
ـــــــــــــــــــــــــــ
لحسين كلشي بدنيتك هـــاي
وبالعـاشـر اعليه منعو المــاي
يستاهل انطيه كون عينــــاي
يستاهل حــسين أمن أهـلنـه
ـــــــــــــــــــــــــــ
واسو الزجــيه بدمعة العين
كلش عزيـز اعليها الحسين
الزهــــره تحبكـم يالمعـزيـن
وتحـــب نعـاويـنه ولطمنه
ـــــــــــــــــــــــــــ
حبهم فرض واجب علينه
المايدري حـگـه يلوم بينه
كلهم سفن واوسـع سفينه
حـب الحسين الي جمعنه
ـــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
24 July 2022 17:20
وينك وينك .. گوم فيي اعله الضعن بالرايه
وينك وينك .. يروحلك فدوه النهر وي مايه
***
كوم ياعباس وحديلي الضعون
زحمه أنگاد بحبل ويسيره
نايم اعله المشرعه وزينب تروح
ويه وادم ماتعرف الغيره
استغلو غيبتك عرفو طريح
خويه فرونه العده اشجم ديره
وينك وينك .. الخارجيه منين صاحو هايه
وينك وينك .. يروحلك فدوه النهر وي مايه
* * *
خويه تعبني الدرب كلش طويل
رحلت الشام وتعبها اثگيله
نوكهم هزله وتتعب بالمسير
عرجه والي يطيح شي تجيله
الناگه معروفه حنينه اويانه ليش
تعبت حته العليل او حيـله
وينك وينك .. گوم حاجيني يخويه احجايه
وينك وينك .. يروحلك فدوه النهر وي مايه
* * *
أحبالهم خشنه وترف جف الدلال
كطن جف ارقيه مشدود بحبل
ماتت احلام الزغار وكلشي مات
ظامي عبد الله وسگوه رمية نبل
والابطال من ال هاشم والشيوخ
وسفه خلو روسهم بيد النذل
وينك وينك .. جفك الخــد الزغـــــار اولايه
وينك وينك .. يروحلك فدوه النهر وي مايه
* * *
عفتك اعله النهر بس جثه واجيت
خــويه جتالك بـقـه اليبـــرالي
كـــون مذبـوحه ولا عيني تشـوف
أمعلك اعله الرمــــح ويــن الغالي
خـويه وتمنيت مـوتي بكـربــــلاء
كــون ميته اويـاكم انـه اشــوالي
وينك وينك .. خويه ردتك لو ملت تجايه
وين وينك .. يروحلك فدوه النهر وي مايه
ــــــــــ
اعله القصر طبونه وبنص الزلام
ولو ماضلت زلم من دونك
الجانو يخافون من اسمك يفوت
تمرجلو عگبك طحــت يدرونك
الرايه ويانه اجت كل الطريق
اعله الضعن لو گربو ايشوفونك
وينك وينك .. صارت اشيــوخ الگبل ودايه
وينك وينك .. يروحلك فدوه النهر وي مايه
ــــــــــــــــــــــــــــــــــــــ
محمد المشعلاوي
Читать полностью…
659