الشاعر محمد المشعلاوي
23 August 2022 14:11
مشيت اوعفت اخوتي والگلب محروگ
وضلت روحـــي يمهم والنظــر مبيــوگ
دخلت الكوفه وسفه اومجلس ابن زياد
وامشيت ابدرب ماتمشي بيـــه النـــوگ
الصعبه كلش من دخلنه
وفزعت اعلينه العشاير
صعبه عدهم جي حرمهم
وسهله يسبون الحــرايـر
أشكد حشمت يهلي وصحت ماجاوبوني
أبـئيـدي النــذل شد الحـــبل أتلاحگوني
اه اه مسبيه زينـــب
اه اه مهظومه زينب
ـــــــــــــــــــــــــــ
عـگب ذاك الدلال العـــــين وين اتنـام
وعديـنه اليالي اللحــظه ميت عـــــام
سهله الكـــوفه گــالو باجـر الصعبــات
نطب بيـجن عصر للسوك مال الشــام
ياهو يقبل وانه زينــب
انطك او انسب سويــه
متني زورگ من ضربهم
وأسمي صاير يالسبيـه
ممشه الدرب ويه الغــرب ما ينحمـل دوم
أبعازة علي يردني الهلي يفزع لي ويگوم
اه اه مسبيه زينـــب
اه اه مهظومه زينب
ـــــــــــــــــــــــــــ
وين اهلي الهواشم والتجيب احگوگ
سرنه بدرب عثـره ودوم مامسحـوگ
ما لاگـت اعليــنه الذله لا هيهــــــات
علويــــــات واعليـــنه الدلال إيلــوگ
لا يدنيه أشلون صارت
تنـطگ العلويـــه زحـمـه
ماكو رحمه الناس بيها
واحنه مخلوقيـــن رحمه
الماعنده أخو ابين العدو من النسمه ينجاس
گسر الگلب كلش صعب شي رده عبـــــاس
اه اه مسبيه زينب
اه اه مهظومه زينب
ـــــــــــــــــــــــــــ
والهظمه الجبيره اوياي تمشي الروس
او وادم لاشـــــرف لاغيـــره لانامــوس
داسو نعمـت الله بكــــربله بالخـيــــــل
كطعو راس اخوي حسين لاجل افلوس
زين منها الدنيه ضلت
لسه ما مگلــوبه زيـــــــن
مصيبه هزت لله عرشه
وكل شي يصرخ ياحسين
الاجلك زعل عزه وجـل وبيه الغضب زاد
ولون السمه ابلون الدمه ويطبگها هــم راد
اه اه مسبيـــه زينب
اه اه مهظومه زينب
ـــــــــــــــــــــــــــ
دخلنه الشـــام بس بطبـــول لاگــونه
اعله درب السوك عمداً ياهلي أخذونه
اهل الشــام فرحو صــــار عدهم عيد
وراس احسين ضل بحجــــار يرمونه
السوك ضجه وناس غربـه
وكلها تتفـــــــرج عليــــــــنه
هاذه يشتم ذاكــه يطرد
واحنـه نســــوان اشبدينه
ويـن الصلف مابيــه عرف ماشافت العين
الشــــام وهله بيـه لا هـــله عذبني يحسين
اه اه مسبيـــه زينب
اه اه مهظومه زينب
ـــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
05 August 2022 14:52
صفنه صارت – اخيول غارت
وأخوتي فـوگ الترايب نـومه
لا خــيـمــنه – ولا علـــمـنـه
كلشي راح ابكربله الميشومه
حسيني طايح – بدمه سابح
والعطش غير حلات ارسومه
واصـل الـــدم – للمــخــيـم
والحوافر خذن حتئ اهدومه
مصيبه ... اه يجــرح العــاشر
مصيبه ... اشسوه بيه الحافر
مصيبه ... گلبي شيب منها
مصيبه ... اشلون اوصف الصاير
ياحسين ياحسين ياحسين
ـــــــــــــــــــــــــــ
بحيره ضليت - يهلي ناديـــت
أخت مشتاگه الاخيـها اتشوفه
احتارت الروح - اهواي الاجروح
ياجرح اگـدر اداويه واروفــــــــه
الشمس نـــار - والرمـل حــــــار
گلبي ماينطيني وحده انعوفــــه
تدري يحسين - خوفتي منين
من عيون الغربه تدري الخــــوفه
هظيمه ... الناس شمتت بينه
هظيمه ... ماكو حامي اعلينه
هظيمه ... بس شتايم نسمع
هظيمه ... والهظـــم ياذيـنه
ياحسين ياحسين ياحسين
ـــــــــــــــــــــــــــ
من يجي اليل - وتهجع الخيل
اعتنيك واشگي يمك يالحنين
گلبي شيب - موش زينـب
الاجت وياك ذيجه ياحسين
وشيب الراس - فرگه عباس
راح هوه وخلف بگلبي أنين
وسفه مذبوح - گامت اتفوح
عطر أخوه يفوح منه بالونين
عذابي ... اه يعاشــور الظهر
عذابي ... زود أسنيني عمر
عذابي ... أركضت بين الجثث
عذابي ... بحرگت أخيام الخدر
ياحسين ياحسين ياحسين
ـــــــــــــــــــــــــــ
للتل رحــت - أشكد حشمت
حسيني ميت لو عدل حاجيني
ليل ورعب - الموقف صعب
جا بعدكم ياهـــو اليبـــاريني
ها ياهلـــــي - بداعت علــي
حشمتكم والدمــوع ابعينــي
راح الخــــدر - وهاذه الشمر
جنه باجـــر للغـرب سابيـــني
غريبه ... باجـــر ايسموني
غريبه ... والغرب يسبوني
غريبه ... ما أضن ترضوها
غريبه ... الوحدي أتخلوني
ياحسين ياحسين ياحسين
ـــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
05 August 2022 01:53
شور -گعديه
يابو فاضل يابو فاضل يابو فاضل
ـــــــــــــــــــــــــــ
ياولينه ياولينه
من غبت وليه ولونه يابو فاضل
.. ياولينه
حرگو اخيــام المحنه والمنــازل
.. رد علينه
نسوه وبنص الغرايب ماكو كافل
.. يحدي بينه
حظرو نوگ الهزيله ابلا محامل
.. ونسبينه
من طحت ركضو علّي
وشدو احبــــال ابأدي
أرجع اورجع جمعهم
حشمت وينك ياخيي
يابو فاضل يابو فاضل يابو فاضل
ـــــــــــــــــــــــــــ
ياهظيمه ياهظيمه
شدو احبال ابأدينه أو شتمونه
.. ياهضيمه
ازلام هاشم كلها نومه مايجونه
.. ياحريمه
بصحره ماكو افياي نكعد تعبونه
.. ماكو شيمه
زحمه نتراكض تره احنه وركضونه
.. أشكد عظيمه
أسياطهم شمسويه بينه
تمرجلو عگبك علينه
تنظرب كلمن تندبك
واحنه نسوان اشبدينه
يابو فاضل يابو فاضل يابو فاضل
ـــــــــــــــــــــــــــ
والله صعبه والله صعبه
ضعني مدري الوين رايح بيه يحدي
.. اوين دربه
اربع افحول احرسوني وهسه وحدي
.. والله صعبه
انذبحو أخواني سويه وحتئ ولدي
.. وعيني تربه
أدري شمتاني يگلبي ياهو عندي
.. كلها غربه
ماكو واحـد مـن هلي
ولا غيـــور الضل الي
جان حادي اضعوني واحد
گـمر هاشــــم كـافــلي
يابو فاضل يابو فاضل يابو فاضل
ـــــــــــــــــــــــــــ
وينه وينه
أبكربله انذبحت زلمنه والنشامه
.. وينه وينه
لاكو كافل لاكو والي ولا سلامه
.. شباقي بينه
بس جثث ضلت ضحايه ياندامه
.. شلون أجينه
أشلون ارد لبيوت اهلنه والملامه
.. البالمدينه
وين ضعن الهاشميه
شرد اجاوبهم سبيه
وين اخوتج ها يزينب ؟
بكربله ضلو رميـه
يابو فاضل يابو فاضل يابو فاضل
ـــــــــــــــــــــــــــ
والله حيره والله حيره
وحشه داري اخلاف اهلهه اشلون اردن
.. والله حيـره
كربله اشخليتي بيــه أوجهي المـــن
.. وين اديره
مخدرة عبـــاس انـــه أبسوك أطبن
.. تالي أسيره
أمدللات وتالي ننذل وبينه شمتن
.. ديره ديره
ياهـو يقبـــل ياتـــــره
تنسـبي الهـاشــم مـره
وتدخل الديوان أميه
بـت نــبي وميســـره
يابو فاضل يابو فاضل يابو فاضل
ـــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
05 August 2022 01:42
#شور_لمولاي ابو الفضل العباس ع
يالخير الله بجودك وانته الماي
فدوه انروح الطولك يالوفـاي
رد نورها الخيمه ونوّر اسماي
يالواحد بس ينعد بيك اهواي
يالبسمك ترتـوي العطشـانه
وبيك الخير شرّعت بيبانه
يمته تعــود والفـرح يلفينه
يمته انشـوف رايتك ويـانه
هيبت البــاري كلها بهيبت اعيــونك
يرجف العسكر مجبل من يشوفونك
گمـر ويقـاتـل كاسـر عالشمس لونـه
ربنه اليحـرسك منهم لا يحـسدونك
دخيلك ياعبـــــــــــــــــاس
ـــــــــــــــــــــــــــ
ياقمر الله عيونك كلها احساس
بيـــك أشگد نتفـــاخر ياعبــاس
ياهيبت كل هيـبه او رفعة راس
يالمثلك مانلگه ابيــــــن النــاس
فدوه ارجـع ياگمر للخيمه
خاف انفر لورحت بالهيمه
هاي الناس كل رحم مابيها
ياموطـــن انته يابو الشيمه
منبع الغيـــــره ومنك غيـــــرة الوادم
شانك اشكبره ولحسينك جنت خادم
يمك الخــــوه وتبطل يا ابو فــــاضل
اشمرته بجفوفك ماي الدنيه ضل نادم
دخيلك ياعبــــــــــــــــــاس
ـــــــــــــــــــــــــــ
ياحلم كل أيتيمه جفوفك خـير
من خيرك ضل ياكل حتئ الطير
ماي الطف منريــده بجفك غير
طعم الماي ابجودك احلئ يصير
ما نـشـرب الـه من جفيــنك
ثلث الكون مايصل يم عينك
بعينك جان بحر ماي وغيره
يالكـــــافل ياعزيـز احـسينك
يا ابو فــــاضــل اسمــك للزلم هــيبه
الرادته أسكينه ابرمشة عينك اتجيبه
حشمت عمي وانت الي صحت حاظر
الهـوه لو غثــج عمــج يكــدر ايصيبه
دخيلك ياعبــــــــــاس
ـــــــــــــــــــــــــــ
يالماترضه الزينب ضل ينشـاف
من نذكر طاريك كلشي يخــاف
جرحك بينه اشكبره اومايراف
شلون انعوفك وانته الماتنعاف
يالطولك راهـــــــب الخياله
وخزراتك للعــــــــدو جتــاله
طحت اوطاح الضعن بيديهم
بزودك جـــــان منهو يدنــاله
ياگمر هاشم صيتك للنجم واصل
ضعنك الغالي ضل ابعازة الكافل
زينب اتنادي حيهم ياشهم وينك
وصلو اخيمنه افزع يا ابو فاضل
دخيـــلك ياعبـــــــــــــاس
ـــــــــــــــــــــــــــ
يالزينب من بعدك تمشي اشلون
ابلا كافـل والدنيــه كلها اعيـون
هـــاي الـوادم غــربـه ويعيلـــون
وتنـسب العلويــــه ماتـرضــــون
گـوم افــزع گبـل لا يسبـونه
ضعنك هاذ والغرب يحدونه
وسفه اطيح عالنهر ياهيبه
وباجـر سوگ غصبن يطبونه
باجـر الغـربـه تتشمت صدك بيـنه
ونضرة الحاقد باجـر تنـظر اعلينه
عيونك الخلت بالطف بالزلم خوفه
ضيعو عينك وسفه واطكو اسكينه
دخيلك ياعبــــــــــاس
ـــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
27 July 2022 10:16
خــدام الحـسيـن انحسبنه
بحــبـه رزق الله رزقــــــنه
ـــــــــــــــــــــــــــ
هنياله كلمن صار خـــــادم
أيعيش ابكرامه لا منـــــادم
وبـيه تفـتخـر كـــل الأوادم
اليخـدم حـياته تصير جـنه
ـــــــــــــــــــــــــــ
الخـدمـه ياهالنــاس نعمه
وحـسين الله منزله رحمه
شننطيه وهوه انطانه دمه
وبفضله احنه اليوم عشنه
ـــــــــــــــــــــــــــ
أفنيله عـمـرك وأنـسه دنيـاك
تلكــاه قــريـب اودوم ويـاك
حاشه الحسين بيوم ينساك
من الله بيه رحمه ومحنه
ـــــــــــــــــــــــــــ
لحسين كلشي بدنيتك هـــاي
وبالعـاشـر اعليه منعو المــاي
يستاهل انطيه كون عينــــاي
يستاهل حــسين أمن أهـلنـه
ـــــــــــــــــــــــــــ
واسو الزجــيه بدمعة العين
كلش عزيـز اعليها الحسين
الزهــــره تحبكـم يالمعـزيـن
وتحـــب نعـاويـنه ولطمنه
ـــــــــــــــــــــــــــ
حبهم فرض واجب علينه
المايدري حـگـه يلوم بينه
كلهم سفن واوسـع سفينه
حـب الحسين الي جمعنه
ـــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
24 July 2022 17:20
وينك وينك .. گوم فيي اعله الضعن بالرايه
وينك وينك .. يروحلك فدوه النهر وي مايه
***
كوم ياعباس وحديلي الضعون
زحمه أنگاد بحبل ويسيره
نايم اعله المشرعه وزينب تروح
ويه وادم ماتعرف الغيره
استغلو غيبتك عرفو طريح
خويه فرونه العده اشجم ديره
وينك وينك .. الخارجيه منين صاحو هايه
وينك وينك .. يروحلك فدوه النهر وي مايه
* * *
خويه تعبني الدرب كلش طويل
رحلت الشام وتعبها اثگيله
نوكهم هزله وتتعب بالمسير
عرجه والي يطيح شي تجيله
الناگه معروفه حنينه اويانه ليش
تعبت حته العليل او حيـله
وينك وينك .. گوم حاجيني يخويه احجايه
وينك وينك .. يروحلك فدوه النهر وي مايه
* * *
أحبالهم خشنه وترف جف الدلال
كطن جف ارقيه مشدود بحبل
ماتت احلام الزغار وكلشي مات
ظامي عبد الله وسگوه رمية نبل
والابطال من ال هاشم والشيوخ
وسفه خلو روسهم بيد النذل
وينك وينك .. جفك الخــد الزغـــــار اولايه
وينك وينك .. يروحلك فدوه النهر وي مايه
* * *
عفتك اعله النهر بس جثه واجيت
خــويه جتالك بـقـه اليبـــرالي
كـــون مذبـوحه ولا عيني تشـوف
أمعلك اعله الرمــــح ويــن الغالي
خـويه وتمنيت مـوتي بكـربــــلاء
كــون ميته اويـاكم انـه اشــوالي
وينك وينك .. خويه ردتك لو ملت تجايه
وين وينك .. يروحلك فدوه النهر وي مايه
ــــــــــ
اعله القصر طبونه وبنص الزلام
ولو ماضلت زلم من دونك
الجانو يخافون من اسمك يفوت
تمرجلو عگبك طحــت يدرونك
الرايه ويانه اجت كل الطريق
اعله الضعن لو گربو ايشوفونك
وينك وينك .. صارت اشيــوخ الگبل ودايه
وينك وينك .. يروحلك فدوه النهر وي مايه
ــــــــــــــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
22 July 2022 03:11
للخدم جائت رسـاله …… الي تخدم للحسين
قبل ان ادگه صدرك …… قبـل لا تجريله عين
الخدمه مو لطمه وبكاء … اخدم حسين بولاء
ــــــــــــــــــــــــــــــــــــــــــــــــــــــــــــــــــــــــــــــ
قبل لا تبدي بعزائك استمع منعدي زيــن
حسين كملك رساله وثبتالك بيـها ديـــن
هاذه دين الله امانه وللأمانه صيـر أميـن
لازم اتحافض عليها هالرساله من الحسين
رايد تحـصل نجـاتك ملتزم عـنك نگـول
التزم يعني بصلاتك ترضي الله والرسول
حارب جيوش الرياء ... أخدم حسين بولاء
ــــــــــــــــــــــــــــــــــــــــــــــــــــــــــــــــــــــــــــــ
حسين رادك من تخدمه مـاتـدور عـالأجر
العبره خلها وأخذ عبره حتئ تصبح معتبر
ناصره وانصر عياله واقضي اوياه عالفقر
من تناصر ناس فقره هاذه يتسمئ النصر
من تساعد ناس فقره مطفي عن اهله الخيم
من تباوع عرض غيرك تصيبه بعيونه بسهم
عيش يومك كـربلاء ... أخدم حـسين بولاء
ــــــــــــــــــــــــــــــــــــــــــــــــــــــــــــــــــــــــــــــ
قدوه صير بين ناسك بخدمت حسين وهله
خلي كل يوم بحياتك بـيه لـوعه او كـربـله
من يجيلك سائل انطي تنطـي لله ومـو ألـه
اسعئ بالخير اعله خوتك لاتكبـر المـشـكـله
لمن تنهر عـاليتامه تصير كاطع خنصره
امسح براس اليتيم ولا تضيج خاطره
ترضي بيه رب السماء ... أخدم حسين بولاء
ــــــــــــــــــــــــــــــــــــــــــــــــــــــــــــــــــــــــــــــ
دوم خلك للحـقيـقه وناصر الحـق عالظلم
اليحجي باطل لاتئيده ولا تعـوفه المـنظلم
احجي بالطيبات دومك فَـرح انـت المنهظم
والي يستر عرض غيره داوه جم كسرة عظم
اليوزع مـي سبـيل جاب لحـسين النهر
الاكل حــق اليتيم كاطع اجفوف الگمر
ولاتقصر بالعـطـاء ... أخدم حسين بولاء
ــــــــــــــــــــــــــــــــــــــــــــــــــــــــــــــــــــــــــــــ
عيش ويه حسين تربـح بالحياة او بالحـشر
دوم خـلـيه اعـله بالـك لاتعيش اويه الشمر
تحله بحسين بصفاتك من تعيش بهل عـمـر
مـن أحبـهَ فعلَّ قـومٌْ باجـر اويـاه ينحـشر
يعيـشك بخـــير وأمـيـر مـن تـبر بـوالـدك
حتئ لو حالك ضعيف حسين هوه يساعدك
ضحه من أجلك دمـاء ... أخـدم حسين بولاء
ــــــــــــــــــــــــــــــــــــــــــــــــــــــــــــــــــــــــــــــ
مختصر هـاي الرسـاله لازم اعــرف قـدوتـي
بقدوه مثل حسين ماكو مگسب اهيه وجنتي
بخير كل عمري انه عايش كل حياتي ودنيتي
لازم انطـبـق الرسـاله حسين يصبح غايتي
اليقتدي بحسين لازم مسامح يصير وكريم
ينطي من حگه اعله حگه حسين ميحب الئيم
حسين حب الكرماء ... أخدم حسين بولاء
ــــــــــــــــــــــــــــــــــــــــــــــــــــــــــــــــــــــــــــــ
الخــادم : محمد المشعلاوي
Читать полностью…
الشاعر محمد المشعلاوي
20 July 2022 01:38
الاهي .. بالحسين وغربته
الاهي .. بگلبي خلي محبته
ـــــــــــــــــــــــــــــــــــــــــــ
هاذه صوت من الگلب يصدح ندائه
عيش بروح المحب عشگه اولائه
شلون عابس بالعشك نازع ردائه
خلي حب حسين بيه وكربلائه
الاهي .. عمري اشوفه بگبته
الاهي .. بگلبي خلي محبته
ـــــــــــــــــــــــــــ
حسين هوه بكربله احيه الضمائر
واحنه واجبنه اله نحيي الشعائر
وكون كل واحد يصير ابن مظاهر
الشاب والشايب سوه بالخدمه حاظر
الاهي .. احيه اموت بخدمته
الاهي .. بكلبي خلي محبته
ـــــــــــــــــــــــــــ
خـل نشد احـزامنه للخـدمه هـايه
ونكتب اسم حسين دوم ابعله رايه
من الطم عدنه علم صار او درايه
نبجي لاجل حسين ابد ماعدنه غايه
الاهي .. ارد اعيش ابرحمته
الاهي .. بگلبي خلي محبته
ـــــــــــــــــــــــــــ
سيدي الوادم تـره يلومــون بـيه
جي خدمتك من صدك وبصافي نيه
سيدي غـيـرك منـــوه الحــن عليه
مالـي غيـرك سيدي اوداعة رقــيه
الاهي .. ارزقني منك نعمته
الاهي .. بگلبي خلي محبته
ـــــــــــــــــــــــــــ
الف شكرا جي عشت وياك خادم
واسمي يتقدر صبح بين الاوادم
عله الحضه الماخدمتك والله نادم
ياحــلات العمر يخلص بالـمئـاتم
الاهي .. احب ريحة حظرته
الاهي .. بگلبي خلي محبته
ـــــــــــــــــــــــــــ
بنعمتك يحسين عيشت الفقير
وخادمك مولاي هل عايش امير
كلشي نملك سيدي ملكك يصير
كلشي بسمك سجلت حتئ المصير
الاهي .. ارزقني مجلس دمعته
الاهي .. بگلبي خلي محبته
ــــــــــــــــــــــــــــــــــــــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
18 July 2022 01:48
حسين يالحبك فرض
جدمك مشرف الارض
ليش راسك ينذبح
وحافـر بصدرك يرض
ــــــــــــــــــــــــــــــــــ
يابداية كلشي انته حسين باء البسمله
اسمك يحلي السوالف انته يا هاء الهله
شرفت كاع الله كلها وبالاخص بكربله
غالي عبدالله ونْطَيته كَبال نبلة حرمله
اغله شي عندك نطيت
تنذبح تدري ورضيت
بيش نوفيلك بعد
يالي كفَيت اوفيت
ــــــــــــــــــــــــــــــــــــــــ
حسين يا سر الحياة الماي ماضله وجود
انـته ثبت الوجـود بكربله بذاك الصمـود
أعتنه الماي وأجالك أشـرتله وگتلـه عـود
ماي البگصتك يروي الدنيه بكملها ويزود
يا أمير بكل زمــان
تارس الدنيه حنــان
خيرك تعده الحدود
وانته للتايه أمـــان
ـــــــــــــــــــــــــ
رادت الدنيه بثواني ينقره اعليه السلام
وانته جيت وحررتها والثمن حرگ الخيام
صحت خل نموت فدوه ولا يحكمون اللآم
كون يثبت دين جدي مرحبا بضرب السهام
صحت كلا يايزيد
حكمك الجائر يبيد
حررت أمه بكبرها
قبل لاتصبح عبيد
ــــــــــــــــــــــــــــــــ
احنه لو ما انته هسه مانعرف اسم الحلال
حسين يانور الهدايه الطلعانه من الضلال
ياسفينة نــوح حبك يانجـاة ابـــلا محال
يالمقربنه اعله ربـنه بحبك وحـبك وصـال
ياوصــال العـاشـقـين
الـئ رب الـعـالمــــين
حبك السـر العظيم
يانـجـاة الغـــارقــين
ـــــــــــــــــــــــــــــــــــ
يامـلاذ الـعـاف دربه تـقبل اليرجـع دخـيل
يالقبلت الحر دخيلك اقبلني في حبك ذليل
منزلة خـادم جبيره ارزقني منك شي قليل
ارزقني دمعه بالمجالس خلي دمعاتي سبيل
ياشفيـع المـذنبيـن
يا انيس الخائفين
أنْــنَــا لله ربــنـا
واليــكَ راجــعيـن
ــــــــــــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
09 July 2022 14:23
#الئ مولاي ابالفضل العباس عليه السلام
مولاتي زينب تحكي حال مولاي الحسين عليه السلام . حين رجوعه من النهر
ـــــــــــــــــــــــــــ
كلساع لونك منخطف ترجعلي يحسين
شو هسه ظهرك منكسر خويه الگمر وين
يازينــــــــــب أتلگيني
تفرهدت مني اسنيني
راح الـگـمـــــــــــــــــر راح
ــــــــــــــــــــــــــ ❃ ❃ ــــــــــــــــــــــــــ
رجع من صوب النهر
حسين مكسور الظهر
عمت عيني جـا عـثر
يم الصواوين
يمشي ويخط بالجدم
راد وحــده ابــلا علم
يصيح يم باب الخيم
درب الخيم وين
دليني يازينـــب تره يم النهر فـص عيـني
ضليت وحدي ابلا أخو جا ياهو اليباريني
من الخيم حد النهر جم لحضه بينه وبيني
ومن النهر حـد الخيـم ضيعت كل اسنيني
زينب لكيته اعله النهر بس خويه متعوب
وجفـــوفه مدري بياكتر وبعينه مصيوب
غمض أعيونه بعيني
تفرهدت مني اسنيني
راح الگـــــــــــمر راح
ــــــــــــــــــــــــ ❃ ❃ ـــــــــــــــــــــــ
ركظ مسرع من رحت
تمشي گوه من أرجعت
حسين سولفلي أشفت
يم كافلي اشصار
شفت بعيونـه السهم
وعينه جامد بيهادم
صرح للخــــوه انثلم
وگلبي اشتعل نار
عافيتي جان ابو الفضل راح وخذه عافيتي
زينـب بدونه ما أضـن الهــوه يطب ابريــتي
من شفته متوسد الترب شيبت خويه الحِيتي
وكاتب علئ جـــرف النهر العـــذر من غاليتي
جوده انترس ماي وخجل وتعذر أهواي
واشفافه يبسها العطـــش ماشارب الماي
ابجــي واون خلـيني
تفرهدت مني أسنيني
راح الگــــــــــــمر راح
ــــــــــــــــــــــــ ❃ ❃ ـــــــــــــــــــــ
ضل أخـوي الوحـده
وسده اعليه الماسده
أتشمتت بيه العـــده
من طاح عبــاس
الدنيه صارت مضلمه
الگمر غاب امن السمه
وجهه فايض بالدمه
ومهشم الراس
ردالي اخـوي الوحـــده كتله الگمر جا وينه
گلالي يازينب هـوه ويتعذر امــن اسكـينه
سولفلي ياحسين اشحصل كال أكطعو جفينه
وبمجانـج أتوسـط سهم وأتربـع ابنص عينه
من شفته راجع وحده أعرفت الگمر راح
أمبين عله حسين الفگد من كض الاصفاح
ميت ويآه حسبيني
تفرهدت مني اسنيني
راح الگــــــمر راح
ــــــــــــــــــــــــ ❃ ❃ ــــــــــــــــــــ
حسين الله يساعدك
تمشي راجــع وحدك
راح اخــوك الواعدك
حد مـوته ويـــــاك
الوحدك حين أرجعت
رحـت شاب او شيبت
زيـــن منــك ما مـتت
من عمري اخذ هاك
زينب تـره انـه اول بشر للمــوت ضل ايتاني
المن اضل عايش بعد والموت أخــذ خـواني
عافوني ولدي وأخوتي الوحدي الزمن خلاني
بكلهم رضيت وصـدكـت بـــس كـافلــج أذاني
ظهري انكسر من غيبته وكبرني الف عــام
والشيب خظر مـن شفت شمسويه الاسهام
وانتهه البيـنه وبيني
اتفرهدت مني سنيني
راح الگــــــــــمر راح
ــــــــــــــــــــــــ ❃ ❃ ـــــــــــــــــــــــ
جان اخوي او كل هلي
بعده محـد ضل الـي
اليوم يفـــرح عاذلي
عباسي من طاح
جسمي راجع بس بقت
روحـــــي يمه اتوسدت
يامـصيبـه المـــاســدت
بنص صدره الارماح
روحــي بگت يم النهر ترجـــع تضل محـتاره
حسينج يازينب ياوكــت حايـر واديـه بكتاره
ظهري انكسر موش انحنه شوفلي زينب چاره
عباس نايـــم عالنهر والخــيل شــدة غــــاره
جدمي يهم صوب الخيم والزينب يريد
بس گلبي ضل اعله النهر متوسد الحيد
يا ابالفضل حاجـــــيني
تفرهدت مني أسنيـــني
راح الگـــــــمـر راح
ــــــــــــــــــــــــ ❃ ❃ ـــــــــــــــــــــــ
محمد المشعلاوي
Читать полностью…
الشاعر محمد المشعلاوي
16 June 2022 22:54
#مولاتي_العليلة
الوحدي ضليت .. يبويه .. الوحدي ضليت
موحش البيـت .. يبويه .. موحـش البيــت
خيم اعليه الحـــزن
من الصبح لليل أون .. .. يبويه
ـــــــــــــــــــــــــــ
من يوم المشيتو ماشفت راحــــه
وگلبي مايدك بس كثرت اجراحـه
شتضن بغيابك بويـــــه مرتـاحــه
حالي تكول طير او كصو اجناحه
گلبي مشتاكَ .. يبويه .. گلبي مشتاكَ
كافي الفـراكَ .. يبويه .. كافي الفـراكَ
الطير من طبعه يحن
من الصبــح لليل أون .... يبــويـه
ـــــــــــــــــــــــــــ
فركــاكـــم مرض وأهـــواي تعبـــني
بطيتو ومن بطيتو الحـزن مرمــرني
كلشي يهـــون لاچـــن والـدي يهمني
حنـين اهواي طبعه واعــرف يحبني
تهـون العـيون .... يبويه .. تهون العيون
بفگدك شلـون .... يبويه .. بفگدك اشلون
دموع غـَرگت الجــفن
من الصبح لليـــل أون .... يبويه
ـــــــــــــــــــــــــــــــــــ
وحــشه دياركــم يابـويه والديــــره
الماعنده عـــرف وجهه المن ايديره
حيره اتجيبني وتاخذني الف حيره
جبير افراكـــم بس بـتكــم ازغيــره
ويه الغروب .. يبويه .. ويه الغروب
روحي أتذوب .. يبويه .. روحي أتذوب
ابعادكـم هدلي المتن
من الصبـح لليـل أون .. يبويه
ــــــــــــــــــــــــــــــــــــ
تحـن روحـي الحجيـكم والسـوالفـكم
صدك عفتوني بس روحي بقت عدكم
مثل يعگــوب يمي تحـــوم ريحتـــكم
بس ما جـانـي ثـــوب اولا خــبر منكم
انشد أهواي .. يبويه .. انشد اهواي
ياضعن جاي .. يبويه .. ياضعن جاي
كل ضعن انتم اضن
من الصبح لليل اون .. يبويه
ــــــــــــــــــــــــــــــــــــ
مشتاگـه ارد اشوفـن والدي اشويــه
عليله الـروح لاچــــن تشفئ بالجيـه
ومـن طبـعـه العليـــل أيــريد حنيــه
الفــرگـه تريـد حيــل وآنـــــه مابـيه
مــاتـــــــردون .. يبـويه .. مـــاتــــردون
بذيج الضعون .. يبويه .. بذيج الضعون
ابچي وي ليلي اليجـن
مـن الصبـح لليــل اون .. يبويه
ـــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
09 May 2022 17:10
ياسيدي يا ابالحسن حبك علئ گلبي أستـوه
بفضلك عشت ياسيدي بدونك فلا اشتم هوه
بكل شده حاظر ياعلي ولكل علل انت الدوه
نور السمه اونور الارض منك اخذ حتئ الضوه
يا حيدر ياغالي - يالساكن دلالي -
حبك فرض صار
ياغالب كل غالب - يارفة كل شارب -
ياقاسم النار
بكل معظله نصيح - يابا الحسن
يامصدر الريـــح - يابا الحسن
بكل شده نلكاك ياسيـــدي
تتلگه الي يطيـــــح
يامولاي يا أبالحــــســن
ــــــــــ
مولانــه ياحــيدر علي منك تـعلمنه الوفـــه
يالخيرك أمغرك البشر تمطر محنه اوعاطفه
محيرني بأمرك ياعلي يمك حرت شرد اوصفه
ياآية يالاسمك حرز يم كل مرض اسمك شفه
مايرهم لجروحي - بس حيدر ياروحي -
وابذكرئ ارتاح
بالذر وحبيته - ابطن امي وحسيته -
عن بالي ماراح
هايم عشگ بيك ــ يابا الحسن
بمهدي و أناديك ــ يابا الحسن
بيــك آنـه مفـطـوم ــ ياسيـدي
شمحلاته طاريك
يامولاي ياأبالحسن
ـــــــــــــــــــــــــــ
يا اول ايمان الخلگ غيرك منو مرجع الشمس
أبيت الله انت المنولد ومصلي من جان القدس
يالعلمت حـتـئ العلم والكل اخـذ منك درس
هاك العهد ياابا الحسن ماعوفك الآخـر نفس
قرأن الله الثاني ــ يالحبك رباني ــ قران الاحساس
يا آمـــر ياناهي ــ بيك اشكد متباهي ــ يارفعة الراس
ياسيف الاسلام ــ ياابالحسن
يامهدم الاصنام ــ ياابالحسن
مصلي القبلتين ياسيدي
يامفــــرح الأيتــام
يامولاي يا أبالحــسـن
ـــــــــــــــــ
لامتني كل هاي البشر حـگه اليلوم او مادره
هوه اليضوك امحبتك يكدر يعــوفك ياتـره
الماعنده حيدر ياخلگ يخسـرها دنيه واخره
حبك جوازي وأفتخر أسمك فخــر ياحيدره
يا اول مو رابع ــ يسمعني الماسامع ــ لاناظر وياك
ياعابد يازاهد ــ يالماتشبه واحد ــ من الله سواك
دخيـــلك يمولاي ــ يا ابالحسن
أفضالك اهـــواي ــ يا ابالحسن
وابوصفك احتار ــ ياسيدي
يالجنك المـــــــــــاي
يامولاي يا أبالحــسـن
ـــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
21 April 2022 20:07
المايحبك ياعـلـــي تاليته وين
دين مابي انته ما يتسمئ دين
المايعرفك ياعلي عايش حرام
انتـه ديـن الله والحـبل المتين
قـــوة الله الرحــــيم ياعلي
الكل شيطانٌ رجيـم ياعلي
الما يحبك خســران ياحيدر
انت سر الله العظيم ياعلي
علي علي قوة الله وحيله
علي علي يامعدل الميـــله
علي علي المايعرفك ويـله
علي مولاي ــ علي مولاي
**
ياعلي الولاك من نطفة حـلال
فـاز بالجنــه أكيد ابلا محــال
والجهل حقك يمولانه يعيش
كـافر اودنيـاه عايشها بضلال
للخلق انـــت الامير ياعلي
ياسراج الله المنير ياعلي
خيرك معيش الناس ياحيدر
انت يارزق الفقيـر ياعلي
علي علي قائد اعله القاده
علي علي ياچـريم السـاده
علي علي ذكرك النه عبـاده
علي مولاي ــ علي مولاي
****
ياخليفة الله من بعد الرسـول
هيبة الرحـمان يازوج البتــول
علي والراد العلم منك يفـوت
علي وبتفسيرك امحير العقول
الشمس ردَّت مرتين ياعلي
الخاطرك يابو حسين ياعلي
حـبـه الله الحبــــاك ياحيدر
انت سـر التكـــــوين ياعلي
علي علي نور الله الساطع
علي علي يسمع الماسامـع
علي علي اول اومو رابــع
علي مولاي ــ علي مولاي
***
العاده حيدر خلي يسمع هالكلام
ديــن مابيه ياعلي اكبر حــــرام
هيه دنيه وبيها بس حيدر أمير
مايفيدك غير حيدر والســــــلام
بيك للباري صفـــات ياعلي
انت يافرض الصــلاة ياعلي
عاشقك يابو حسين ياحيدر
عالسراط اسمك نجاة ياعلي
علي علي انت سر تكويني
علي علي خــادمك خليني
علي علي انت عين لعيني
علي مولاي ــ علي مولاي
ــــــــــــــــــــــــ
محمد المشعلاوي
Читать полностью…
الشاعر محمد المشعلاوي
05 August 2022 01:54
#شور
ايام السبي
ــــــــــــــــ
طب كربله ضعن الحبيبه
ولمن طلـع ضعن الغـريبه
بهيبت كفيل الحره طبت
طاح وسبوها اشكد عجيبه
بت علــي ضلت يهل وادم وحيـده
راح تمشي ادروب بس كلش بعيده
لاكو عدها حسين لا عبـــاس يمها
ابلا ولي بس العليــل وجتفو إيده
وينك يكافل زينب خذوها
جتفو اديها من صعــدوها
فوك الماهزل - وبلا محامل
هـاي العقيله اوماقــدروها
آه يزينب آه يزينب بت علي
ـــــــــــــــــــــــــــ
ويـن الهــواشـم والعشـيره
ترضوها حرمه الكم اسيره
الجانت أميره وفخر ابوها
وادم سبوها ابلايه غيــره
طلعت اوصاحوها هاي الخارجيه
أبياوگـت علـويـه ماخـوذه سبيه
اليمسح العبـاس اثـــــرها أبئيده
المجلس ابن ازيـاد ودوهـا هديه
شتموها وسفه وصاحو عليها
ولامن محامي الينغــر عليها
طايح اخـوها - كلهم ولــوها
حرمه الوحدهه شيطلع بديها
آه يزينب آه يزينب بت علي
ـــــــــــــــــــــــــــ
طف كـربله ماخـذ زلمهه
ونار العده حرگت خيمهه
ام الخدر حيرتهه حيــره
ياهو اليجي گام اوشتمهه
هاي زينب وسفه ماضل عدها والي
خلصو اخوتها ذبح غالي ويه غـالي
گبل تمشي بليـــــل وبهيبة گمـرها
وهسه زينب ياخلك وحـدهه تــالي
حرمه اوجبيره تركض هظيمه
بنص الصحاري وماعدها خيمه
حـرگـو خيمهه - وذبحـو زلمهه
عالهم تـكـابــر زينــب عظيمه
آه يزينب آه يزينب بت علي
ـــــــــــــــــــــــــــ
مهيوبه اجت فوك المحامل
ردت وحيده ابلايـه كافـــل
احــبال اليسر بيديها شـدّو
صاحت دخيلك يابو فاضل
هــاي زينــب گبل ما ينشاف ضلها
ذاكه فوك اعله الرمح راس الكفلها
أتجــاسرو عدوانها اوضربو حيـل
وصاحـو العبـــاس جا ما يفزعلها
اهواي الشماته وغيره قليله
ومحد يراعي ضعـن العقيله
ورم متنــها - وزيــد حزنها
كافلها واحـد ماصـح بديله
آه يزينب آه يزينب بت علي
ـــــــــــــــــــــــــــــــ
أكــبر جــرح شـــام الرزيه
امشيب گلب جم هاشميه
زين العبـاد اليحجي عنه
وبيـه زينب أتسمت سبيه
شرد اوصف الشام وجروحه جثيره
وخارجيه النـاس صاحـت عالأميره
الدنـيه والافـلاك جانـت مُلك أبوها
بنص خرابه اشلون خلوها جبيــره
الشام النوايـب من طب ضعنه
ما شفنه بيهـم غيــره او محنه
عيد وهلاهـــل - بكل المنــازل
مشامر حجرهم طكَ روس اهلنه
آه يزينب آه يزينب بت علي
ـــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
05 August 2022 01:48
#شور
لمولاي القاسم ابن الحسن عليه السلام
ــــــــــــــــــــــــ
خـرج مـن الخيـام - بطل فارس هُمام
يشع ضاوي اوينور - كـ بدرٌ في التمام
جاسم طلع للحومه فازع
يشبه أبوه وجـده طـــالع
معزب أبــوه وهــوه مثله
بيه كل صفات الزينه جامع
من حيـدر بيـه الهيبه الثـــار يجـيبه وحيفه
طب اعله الحومه ابناره وسوه الغاره بكيفه
ازغير الناس يشوفونه ادخيل اعيونه وسيفه
شاب أشمحلاته - وبصولاته - حير بامره الناس
تكتل ضربـاته - وبخـــزراته - جن عمه العباس
فــخــر بـنــي هــاشـــــم
ـــــــــــــــــــــــــــ
أميرٌ فـي الجــمال - كفواً فـي القتـال
غيـوراً هــــاشمــي - شجــاعٌ لا مُحـال
فارس كفو ومن ظهر فارس
بيه الحسـن طيبـات غـارس
من زغره أبـوه لليوم ضمه
خاطر يصير العمه حـارس
قمرألله بوجهه يشعشع جاسم يسطع نوره
سبحـــان الله الخــالق رسمه وفالـــق صوره
بالطف يتنومس يومه وحلوه علومه ودوره
داس اعله القاده - جاسم ناده - افدي لعمي أعيون
حر اعله الصيده - هد بالبيده - واليوكف مجنون
فــخــر بــنــي هــاشــــم
ـــــــــــــــــــــــــــ
علئ اعدائه يَصول - رَعبَ حتئ الخيول
يُـرهـبَ المرهبـــات - أتاهم حـر يَجـــول
جاسم غيور وبيه شهامه
عاشگ تعنه بكـل غرامه
السبعين الف لا ماتهمه
هايم عشگ بحسين أمامه
عاشكَ ويضحي العشگه خاطر يلگه أحلامه
المحبوبه يقـدم روحــه ولو مذبوحه أيامــه
جاسم من أجـل حسينه انطه اسنينه اوسامه
حب ابلا غايه - موش احجايه - دم انطي المحبوب
حلوات أسهامه - لاجل اسلامه - ما بين متعوب
فــخـــر بــنــي هــاشــم
ـــــــــــــــــــــــــــ
رَفـض عَيشَ الحيـاة - رَغـب مـوتَ النجـاة
جــمـالَ الدُنيــا يفني - وحُـسَينٌ لا مـمـــاة
رافض دنيته ابـلا منــازع
وبورقه بيضه منها طالع
ماتسوه شسع النعل عنده
طامع فقط بحسين طامع
الدنيه ومابيها بعينه بس أحسينه أيشـوفه
ماطامع بيها الأجله حسين الأحله أحروفه
الخير العد الله أبئيده أبنادم بيده أجفوفه
لحسين انطيها - ماهم بيها - هاي الدنيه تخون
الدنيه ومابيها - مانشريها - نملك أحنه الكون
فــخــر بــنــي هــاشــم
ـــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
01 August 2022 15:15
#شور
مدلي ايدك وانته بجفوفك حنان
انــه ضايع وانته للضايع امـــان
اشكد اروح ابعيد عنك ياحسين
وين اروح الكاك انت احله مكان
يالي مدليني اعله دربي
وقربت روحي اعله ربي
للجنــــون ويــــاك حبي
ياحـــسين
ياوطن روحي الغريبه
يارزق گلبي ونصيبه
كل وحيد انته حبيبه
ياحــــسين
ياغالي ودلالي يالحبك فرض
يا اول ياتالي ياشيخ الارض
ياحبيبي ياحــــسين ياحبيبي
•••
مالي غيرك هــوه بس انـته الحـبيــب
يبو أجروحي وانته لجروحي طبيب
شعندي غيرك يالصـرت ليه وطـــن
لامني وعايش عمت عيني غريـــب
الما بجالك ياحـسين
المن الله انطاله عين
ينحسب ماعنده دين
ياحـــــسين
عيشته ابنادم حـرام
المابجه لذيج الخيام
العشك مو بس كلام
ياحـــــسين
ياضامي وأيامي ابلا ذكرك عدم
ياجمره وماتطفي بگلوب الخـدم
ياحبيبي ياحــــسين ياحبيبي
•••
تـايـه انــه ودربـك الدلانــي بـيـــــك
شما اضيعك ياحسين ابجـــي عليك
وانته حاشه اتعوفني مولاي اضيـع
خاف اضيعك فدوه بس مدلي اديك
جنت ضايـع بس لكيت
بگلبـــك امسـولي بيــت
واسمك امسويلي صيت
ياحــــسين
انته اليخدمك عفيف
وانه واحد مو نضيف
حسين يالگبلك مضيف
ياحــــسين
يقدروني هالوادم جي خادم الك
يالخيـرك خلاني مو خادم مَلك
ياحبيبي ياحـــــسين ياحبيبي
•••
اشما اصد الصورتك يحسين اهيم
انـته ابــــوي وانه من بعدك يتيـم
فدوه اروح الشيبتك اه يالحنين
كلشي بيه يــــروح يمك يارحـيم
بصورتك گالـو خيــال
اوماكو مثلك بالجمال
ليش نايم عالرمــــال
ياحـــــسين
بالشمس نايم طريح
عاري يحسين وذبـيح
وزينب اگبالك تصيح
ياحـــــسين
محبوبي اشمحلاته هيبه ومرجله
ياوســفه يذبحونك هيـج أبكربله
ياحبيبي ياحـــــسين ياحبيبي
•••
الله خـالــق هالبشـر كلها أجمعيـــن
وكل بشر تلگه اليشبهونه اربعيــــن
اشما ادور عاليشبهـــــونك احيــر
حسين اليشبهك فقط بس الحسين
الله خصصلك صفـات
ماكو منهن بالحيـــاة
ياسفينة كل نجـــــاة
ياحـــــسين
ياحـنيـن وياعـطــــوف
وعالخدم گلبك رؤوف
أعمه لـو غـيرك أشوف
ياحـــــسين
ماشفتك بعيوني بعيون الگلب
ما عيش ابلاذكرك ماأكدر صعب
ياحبيبي ياحـــــسين ياحبيبي
ـــــــــــــــــــــــــــــــــــــــــــــــــــــ
محمد المشعلاوي
ــــــــــــــ
تمت
بعون مولاي سيد الشهداء ع
Читать полностью…
الشاعر محمد المشعلاوي
25 July 2022 17:02
يابو فاضل يابو فاضل يابو فاضل
ـــــــــــــــــــــــــــ
ياولينه ياولينه
من غبت وليه ولونه يابو فاضل
.. ياولينه
حرگو اخيــام المحنه والمنــازل
.. رد علينه
نسوه وبنص الغرايب ماكو كافل
.. يحدي بينه
حظرو نوگ الهزيله ابلا محامل
.. ونسبينه
من طحت ركضو علّي
وشدو احبــــال ابأدي
أرجع اورجع جمعهم
حشمت وينك ياخيي
يابو فاضل يابو فاضل يابو فاضل
ـــــــــــــــــــــــــــ
ياهظيمه ياهظيمه
شدو احبال ابأدينه أو شتمونه
.. ياهضيمه
ازلام هاشم كلها نومه مايجونه
.. ياحريمه
بصحره ماكو افياي نكعد تعبونه
.. ماكو شيمه
زحمه نتراكض تره احنه وركضونه
.. أشكد عظيمه
أسياطهم شمسويه بينه
تمرجلو عگبك علينه
تنظرب كلمن تندبك
واحنه نسوان اشبدينه
يابو فاضل يابو فاضل يابو فاضل
ـــــــــــــــــــــــــــ
والله صعبه والله صعبه
ضعني مدري الوين رايح بيه يحدي
.. اوين دربه
اربع افحول احرسوني وهسه وحدي
.. والله صعبه
انذبحو أخواني سويه وحتئ ولدي
.. وعيني تربه
أدري شمتاني يگلبي ياهو عندي
.. كلها غربه
ماكو واحـد مـن هلي
ولا غيـــور الضل الي
جان حادي اضعوني واحد
گـمر هاشــــم كـافــلي
يابو فاضل يابو فاضل يابو فاضل
ـــــــــــــــــــــــــــ
وينه وينه
أبكربله انذبحت زلمنه والنشامه
.. وينه وينه
لاكو كافل لاكو والي ولا سلامه
.. شباقي بينه
بس جثث ضلت ضحايه ياندامه
.. شلون أجينه
أشلون ارد لبيوت اهلنه والملامه
.. البالمدينه
وين ضعن الهاشميه
شرد اجاوبهم سبيه
وين اخوتج ها يزينب ؟
بكربله ضلو رميـه
يابو فاضل يابو فاضل يابو فاضل
ـــــــــــــــــــــــــــ
والله حيره والله حيره
وحشه داري اخلاف اهلهه اشلون اردن
.. والله حيـره
كربله اشخليتي بيــه أوجهي المـــن
.. وين اديره
مخدرة عبـــاس انـــه أبسوك أطبن
.. تالي أسيره
أمدللات وتالي ننذل وبينه شمتن
.. ديره ديره
ياهـو يقبـــل بالجـــره
تنسـبي الهـاشــم مـره
وتدخل الديوان أميه
بـت نــبي وميســـره
يابو فاضل يابو فاضل يابو فاضل
ـــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
22 July 2022 03:29
سار بصحبته او كل هله متعني كربله
عاف المدينه مضلمه بالدمعه هامـله
الموطن صبح حزين
من سافر الحسين
ـــــــــــــــــــــــ ❃ ❃ ❃ ـــــــــــــــــــــ
سار بضعونه أو توجهه لارض العراگ
خله ببيوت المدينه لهفـه واشـواگ
يدري ما يدري العليله ماتت أفراگ
مات كلشي بيهه غفله بضعنه من ساگ
طيور المدينه هاجرت من سافر الحبيب
المن يضل بهل بلد طير ويحس غريب
طير وهجـر أنيـــن من سافر الحسين
ـــــــــــــــــــــــــــ
حسين هاجر والمدينه وحشه صارت
وفـاطـمه بعـده العليله بهمها حــارت
أرجع أتـگـله المصايب صوبي دارت
تجمعت وابـالي جنها اخيول غــارت
يابويه فدوه اروح الك ارجعلي لا تروح
بس حركت ضعنك تره تعنت ألي الجروح
ومسرع أجه الونيـن من سافر الحسين
ــــــــــــــــــــــــ
راح ابــوج اومايــردلـج لا تـنــوحـين
هودي ياروحي اعله هونج بالله الونين
حسين راح وما ياعاود سالـم حسـين
مبينه هالروحه اعله وجهه بدمعة العين
من ودعاني أتأكدت هل روحه للأبد
منهه وأجه ابابي الحزن هل خيم وكعد
ماغمضتلي عين من سافر الحسين
ــــــــــــــــــــــــ
موقف او يحسين صاير بالضعينه
يمشي اوترد بيه عينه اعله المدينه
حسره حسره بيها يكتم دمع عينه
وزينب اتكله اشعلامك يا ولـيــنه
يازينب ابكلبي حجي منه الطفل يشيب
عايفلي بت امعلعه بالفركه ما تطيب
زاد أكثر الحنين من سافر الحسين
ـــــــــــــــــــــــــــ
كعـدو بنص البراري مــوش راحـــه
جانت الكعده بواجي وبس مناحـــه
حسين ضل يسولف الهم بالصراحـه
باجـر الطف ما يخلف بس جراحـه
باجر سيوف اهل الغدر تتعنه لذبح
باجر يرضون الصدر وتعله عله الرمح
رايد يثبت الدين من سافر الحسين
ـــــــــــــــــــــــــــ
من وصل ليها وعرفها أرض الطفوف
كال جن ابالي أسمع صوت السيـوف
باجر يذبحوني باجر زينب اتشوف
وباجـر العبـاس يهدي عين وأجفـوف
خويه المخـيم يحـترك عينـج عله العبي
يصير اغله من عدي الستر باجر تره سبي
جان الامر مبين من سافر الحسين
ــــــــــــــــــــــــــــــــــــــــــــــــــــــ
الخادم
محمد رحيم المشعلاوي
Читать полностью…
الشاعر محمد المشعلاوي
21 July 2022 03:19
آنـه بالخدمة وهلي ... فدوتك يابو علي
خلي يعـــرف بالحقيـقه سألي
يا أبن حـيدر علي
ــــــــــــــــــــــــــــــــــــــــــــــــــــــــــــــــــــــــــــــ
آنه كل عمري بخدمتك روحي طير بنص حضرتك
تمنه ماي انا اعله شفتك .. يا أمير العاشقين
انـه كل عمري نذرته الك يامحبوبي جبته
واليسئلوني منو انته .. انا خـــادم للحسين
انته كل عمري وهيامي وانته معشوگي وغرامي
اشـكد احبك يا أمامي .. دنيتي كلها اربعين
يا أمـير اعله الخدم دنيتي بدونك عدم
من الطفوله انا عرفتك انته الي
يا ابن حــيدر علي
ــــــــــــــــــــــــــــــــــــــــــــــــــــــــــــــــــــــــــــــ
تحظر الزهره المجالس الألك صــارت مدارس
تلگه لطـامه عـــوابس .. وصلو بحبك جنون
حضرت وشافت دمعنه وعلئ حبك انجمعنه
وانـته رايتنه وعلمنه .. رايتك بالحق تكون
وصت او گالت امانه للخدم انطي مكـانه
ملك عهده او بزمــانه .. ملك خـادمنه يكون
الخــدم ابـــني ألــه بالقــيامـه منـــزلــه
ينعرف بالجنه صيــــته ويعتلي
يا ابن حـيدر علي
ــــــــــــــــــــــــــــــــــــــــــــــــــــــــــــــــــــــــــــــ
سنيني كلها سجلتها عيشتي يمك شفتها
واعله حبك عودتها .. عادت الام والطفل
انا شنهي ويه دمك فدوه اروحن انا لسمك
راحتي الكاها يمك .. يمك يزيح الحمل
بحظرتك لو ميت ارجع لو عطر من عدك اشبع
ازيارتك يوميـه اســمع .. وابد منها ما امل
عيشتي لطمت صدر ... والمحـرم انـتظر
عمري احــزان ومدامع ممتلي
يا ابن حيدر علي
ــــــــــــــــــــــــــــــــــــــــــــــــــــــــــــــــــــــــــــــ
تايهَ آنه وانته بيتي ومن لكيتك ذاع صيتي
خـادم آنـه الحد منيتي ... واخدمك هم بالگبر
اقل من الذره هــايه شنهي انه اويه السبايه
ما أصل خيط العبايه ... اني منكم اعتذر
ما مقدم اني الكم همي اريد اخدم خدمكم
ماهي عدي روحي عدكم ... فدوه لتراب الخدر
بالحسينيه السكن ... عايش الطول الزمن
للي يسئل وين صاير منزلي
يا ابن حــيدر علي
ــــــــــــــــــــــــــــــــــــــــــــــــــــــــــــــــــــــــــــــ
انقهر واشبع بواچـي ولازم انذب الخواچي
لوشفت طفلـه وتراچي ... مصيبة أرقيه أذكرت
تنعصر روحـي احسـها لو شفت طفله نفسها
كاشخه وحلوه بلبسها ... وهيه ماتت عالطشت
من اذكر مصيبتها روحي تفور وتـزيد جروحي
بدمعتي وني اويه نوحي ... والله حيل تحيرت
لازم يعـود الزمـن … والتراچــي يرجــعن
الثار لازم ينوخـــذ من عاذلي
يا ابن حــيدر علي
ــــــــــــــــــــــــــــــــــــــــــــــــــــــــــــــــــــــــــــــ
من يجي راعـيها باجـر فتوئ ينطينه او أوامر
نفـزع انكسـر الحوافر ... يمته يالمهدي الوعد
غيرة العبـــاس شايل واحـنه في حبك نقاتل
انته تصبح أنه كــافل ... مدد يامهـدي مدد
جنود عندك بالحــرايب تـاخذ بثـار المصايب
جنت حاضر ولا غايب … بيدك يصير الحشد
وناخـذ بثـار السبي والهتك حرمت عبي
ماكو حرمه من ال هاشم تنولي
يا أبن حــيدر علي
ــــــــــــــــــــــــــــــــــــــــــــــــــــــــــــــــــــــــ
الخادم : محمد المشعلاوي
Читать полностью…
الشاعر محمد المشعلاوي
18 July 2022 01:50
بالحب والغرام أبعثلك سـلام
لعيونك حسين ماخذني الهيام
حنتلك دمــوع العـــــين
ياأشرف بشر يحــــسين
ـــــــــــــــــــــــ
كاتبلك جــــــوابي
بدموعي اوعــذابي
ناذرلك نذر كل العمر يخلص بواچي
لو عندي عمر نـــوح
هم اكضيه الك نوح
شوفيلك ألم حرك الخيم سلب التراچي
ناجح بالعشگ كلمن درس
يم عابس وجون
كلشي اعله الارض يحسين الك
صاح انه مجنون
يا أول حبيـب للوادم قريب
عيشنه بحماه بس عايش غريب
شوفيلك جثير الديــــن
ياأشرف بشر يـحـسـين
ماخذني الهيــــام
ـــــــــــــــــــــــ
يانــــور الحقـيقه
يمعيـش الخليقه
يابن فاطمه أرض وسمه مطلوبه الك دين
شرد اوفيلك أهواي
يالماشارب الــمــاي
يالحبك فرض هاي الارض ممنونه يحسين
يا أكـبر وطـن لم البشــر
يموحد الاصفوف
راسك عالرمح بس منتصر
يمشرف الاطفوف
منصوب العزاء بعنان السماء
يا اعظم غريب عاش بكربلاء
يمثبت أصـول الـديـن
يا أشرف بشر يحسين
ماخذني الهيام
ــــــــــــــــــــــــــــ
قبطــان السفينه
وبحــبك نجـينه
يشراع الخدم دونك عدم كلشي بحياتي
يمنجي القضيه
من طوفان أميه
يمطفي الفتن حبك أذن سري ونجاتي
بدمك قدمت أكبر فضل
عيشت الانسان
يالدافع ثمن بزغــر طفل
قدمته قربان
من حرك الخيام عيشت السلام
لو ما حظرتك مانعرف حـرام
مثلك ماحصل ومنين
يا اشرف بشر يحسين
ماخذني الهيام
ــــــــــــــــــــــــــــ
دربك ما أعـــوفه
لو موتي أشـــوفه
بحبك لو متت يعني عشت ياضي العيون
عابس حگه مجنــون
شافك شوف العيون
بيك اتجننت بس ماشفت لو شوفك اشلون
اشجم عابس الك جنه العشك
والوادم أتلوم
العـافك مختصر ياسيـدي
من الجــنه محروم
يحسين أبرضاك ماعيش ابسواك
مخنوك ويموت الماشم من هواك
بيك انه افتخر يازين
يا أشرف بشر يحسين
ماخذني الهيام
ـــــــــــــــــــــــــــ
ياقبلة بكــــــــائي
عاشورك عــــزائي
كون امن الطم حتئ العظم من صدري مكسور
حسين ابلا مناصر
ساحگته الحـوافر
اسمع واحترگ يابو العشگ دمي بقه يفور
ياخذني الهظم واتمنه الك
كون انه مسحوك
ياوسفه بغرب جسمك بقه
من ثوبه مبيوك
دوم ابمقتلك روحي اتهيم الك
وأتمنه أمــوت فدوه انه لهلك
وأتمنه العمــر مــرتيـن
يا أشرف بشر يحسين
ـــــــــــــــــــــــــــ
محمد المشعلاوي
تمت
الحمد لله علئ نعمة الحسين
Читать полностью…
الشاعر محمد المشعلاوي
18 July 2022 01:47
نعمه الخدمه ياوادم وحرام انعوفهه النعمه
شكبر حضه الخدم مولاه
وبسجل الخدم اسمه
حسين العيش الدنيه
وثبت دين الله من دمه
بيش نوافي يامولاي
زغيره انحسه هالخدمه
الحمد لله علئ نعمة الحسين
ــــــــــــــــــــــــــــــــــــــــــــــــــــــــ
قبل لا ننخلق يحسين نحبك سيدي اهوايه
ومن صرنه يبو السجاد
جان اسمك حرز آيه
وجنت ابمهدي ابد مانام
اله تغطـه بالــرايـه
فكهت اعله العمر عاشور
لطمه وخدمه وقرايه
الحمد لله علئ نعمة الحسين
ــــــــــــــــــــــــــــــــــــــــــــــــــــــــ
يوم العاشر ابعاشور احس بالريه مختنكَه
واسمع بس صهيل الخيل
وصدرك حافـر يسحكَه
واشهكَ شهكَه مالت موت
واحس احروره بالشهكَه
الهظم ياخذني والطم حيل
من اسمع خيمه محتركَه
الحمد لله علئ نعمة الحسين
ــــــــــــــــــــــــــــــــــــــــــــــــــــــــ
تحس بقيمت الانسان اذه تخلص تره النيه
تعيش ابخير اذه فد يوم
تبجي الطاري مسبيه
وتنزل دمعتك صدفه
اذه ذكرولك ارقيه
الجدمهه اعله الجمر يسحكَ
وسلبو منها ترجــيه
الحمد لله علئ نعمة الحسين
ــــــــــــــــــــــــــــــــــــــــــــــــــــــــ
اذه نسمع حروف اسمك نبجي ابلا وعي مولاي
دمعنه وكل بواجينه
ماتوصلك انته اهواي
عله امصابك يابو الاكبر
الحزن من المهد وياي
يالكَبال النهر عطشان
ظامي اوما شربت الماي
الحمد لله علئ نعمة الحسين
ــــــــــــــــــــــــــــــــــــــــــــــــــــــــ
الملائك تهبط ابكل يوم تبوس اترابك اتقدسه
وتتطوف اعله الكَبر يحسين
والاف التجي اتحرسه
يالمعيش الخدم سلطان
العلم منك اخذ درسه
الشكر لله يابو السجاد
حبك بالكَلب غَرسه
الحمد لله علئ نعمة الحسين
ــــــــــــــــــــــــــــــــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
06 July 2022 16:54
رساله امن القصر خطت عناوين
من مسلم سفير حسين لحسين
علَي منعوها حتئ شربت الماي
أرجع ياحسين المـن بعد جــاي
رساله امن القصر خطت عناوين
ـــــــــــــــــــــــــــــــــــــــــــــــــــ
رساله من القصر عنوانها يكول
ماعدهم أمانه
ابن ازياد عدهم صار مسـئول
ارجع ياحمانه
مابيهم كفوها يغير ويصول
بس بيهم خيانه
خاف الدرب متعب باجـر يطول
وشتلاگي ابمجانه
تلاگي اسيوفهم ماعدها خطار
الباعو جنـة الله لأجـــــل ديـنار
واحدهم تخربط ماله كل راي
أرجـع ياحسين المن بعد جاي
رساله امن القصر خطت عناوين
ـــــــــــــــــــــــــــــــــــــــــــــــــــ
مسلم بالقصر وينادي يحسين
رد ولا تجيهم
الكوفه محيله وعاشت ابوجهين
خانوك بحجيهم
ذوله اهل الرسايل شوفت العين
محد باقي بيهم
بس عدهم مره تسوالها الفين
شيخه تحكَ عليهم
طوعـه المؤمنه الوالت الكرار
بعدهه امحزمه ضد هاي الاشرار
هاي الكوفه ماضل بيـها وفاي
أرجع ياحسين المن بعد جـاي
رساله امن القصر خطت عناوين
ـــــــــــــــــــــــــــــــــــــــــــــــــــــ
أذا تسـمع ندائـي قـبل لامــوت
عاود للمدينه
رد لهلك وفــرح ذيــج البيوت
المن عگبك حزينه
هاي الكوفه بس جنها بطن حوت
مو أمـة نبينه
صوت من الگلب لحسين هالصوت
رد سالم ولينه
تره امتانينك او حدوها السيوف
وأعليـك الفرق والجيش مصفوف
رد انـته بعيالك فــدوه مــولاي
أرجع ياحسين المـن بعد جــاي
رساله امن القصر خطت عناوين
ــــــــــــــــــــــــــــــــــــــــــــــــــــ
امرهم بيه غرابه اوما يوافون
وما عدهم معاهد
امس ستطعش الف اوياي يمشون
هسه ولاكو واحد
حي اعله الجهاد وهلا يصيحون
تالي ولا مجاهد
كلمن ناصراني اعليه يحكمون
جثيرات المشاهد
حرت شذكرلك وشحجيلك اهواي
عليه اتكاثـرو بس هانـي ويـــــاي
منو يوصل الرساله حسين الك هاي
ارجــع ياحسين المن بعد جاي
رساله من القصر خطت عناوين
ـــــــــــــــــــــــــــ
سلامي البني هاشم رفعة الراس
وحيود البساله
ولبو فاظل الغالي الكمر عباس
راعيها الكفاله
سلام اعله الحسين اباخر انفاس
وي ختم الرساله
اذه بالموت يحيئ الدين للناس
ميتين ابداله
اذه بالموت نحيي شرع الاسلام
بني هاشم كفوها وكلهم أزلام
نموت احنه ابدالك يضي عينـاي
ارجـع ياحـسين المـن بعد جــاي
رساله من القصر خطت عناوين
ــــــــــــــــــــــــــــــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
09 May 2022 17:08
بسم الله الرحمٰن الرحيم
#بناء_البقيع_مطلبنا
قال الله تعالى
«في بُيُوتٍ أَذِنَ اللَّهُ أَن تُرْفَعَ وَيُذْكَرَ فِيهَا اسْمُهُ يُسَبِّحُ لَهُ فِيهَا بِالْغُدُوِّ وَالآصَالِ»
بأسم مواكب وهيئات العزاء
في كافة محافظات جمهورية العراق
ندعوا الجماهير العراقيه عامه ومحبي اهل البيت عليهم السلام الغيارى الذين طالما تواجدوا وهبوا لنصرة اهل البيت ونصرة الحق
لوقفة احتجاجية سلمية للمطالبة
بأعادة بناء قبور البقيع الغرقد المهدّمة والسعي الجدّي في اعادة تشييدها
كتراثٍ ديني واسلامي تكفله الدساتير البشريه والقوانيين الدوليه وحقّ تعبدي يكفله الشرع الاسلامي .
فإن أدنى ما تقدمه الأمّة من مودة في القربى لرسولها الاعظم (ص واله)
بناء اضرحة احفاده المطهرين عليهم السلام
لن تبقى قبور سادات الوجود مهدمه
ذلك ومن يعظّم شعائر الله فإنها من تقوى القلوب .
#بناء_البقيع_مطلبنا
Читать полностью…
الشاعر محمد المشعلاوي
12 March 2022 02:54
#هوسات_للحشد_الشعبي
ماننسه الحشد هاليوم خل نتذكر افعاله
زلم منهم الكاع اتخاف والله ونعم خياله
توارد عدهم اوينصار ابو السجاد ورجاله
العراق حسين لمن صاح نفسهه انعادت الحاله
مشابك ويه الموت مشابك
مثل انصار حسين
الحشد بيرغ رجوله اوقائده العبـــــــاس
اكتب ياقلم هليوم بافعال التشيل الراس
الحـــشد يعني الكرامه العايشه بهالناس
اليطعن بالحشد مرفوض لابيه غيره لا نوماس
السب اولاد الشـــــايب بيــــه خله وتقصير
محمد رحيم المشعلاوي
Читать полностью…
659