الشاعر محمد المشعلاوي
08 August 2021 01:32
بالحب والغرام أبعثلك سـلام
لعيونك حسين ماخذني الهيام
حنتلك دمــوع العـــــين
ياأشرف بشر يحــــسين
ـــــــــــــــــــــــ
كاتبلك جــــــوابي
بدموعي اوعــذابي
ناذرلك نذر كل العمر يخلص بواچي
لو عندي عمر نـــوح
هم اكضيه الك نوح
شوفيلك ألم حرك الخيم سلب التراچي
ناجح بالعشگ كلمن درس
يم عابس وجون
كلشي اعله الارض يحسين الك
صاح انه مجنون
يا أول حبيـب للوادم قريب
عيشنه بحماه بس عايش غريب
شوفيلك جثير الديــــن
ياأشرف بشر يـحـسـين
ماخذني الهيــــام
ـــــــــــــــــــــــ
يانــــور الحقـيقه
يمعيـش الخليقه
يابن فاطمه أرض وسمه مطلوبه الك دين
شرد اوفيلك أهواي
يالماشارب الــمــاي
يالحبك فرض هاي الارض ممنونه يحسين
يا أكـبر وطـن لم البشــر
يموحد الاصفوف
راسك عالرمح بس منتصر
يمشرف الاطفوف
منصوب العزاء بعنان السماء
يا اعظم غريب عاش بكربلاء
يمثبت أصـول الـديـن
يا أشرف بشر يحسين
ماخذني الهيام
ــــــــــــــــــــــــــــ
قبطــان السفينه
وبحــبك نجـينه
يشراع الخدم دونك عدم كلشي بحياتي
يمنجي القضيه
من طوفان أميه
يمطفي الفتن حبك أذن سري ونجاتي
بدمك قدمت أكبر فضل
عيشت الانسان
يالدافع ثمن بزغــر طفل
قدمته قربان
من حرك الخيام عيشت السلام
لو ما حظرتك مانعرف حـرام
مثلك ماحصل ومنين
يا اشرف بشر يحسين
ماخذني الهيام
ــــــــــــــــــــــــــــ
دربك ما أعـــوفه
لو موتي أشـــوفه
بحبك لو متت يعني عشت ياضي العيون
عابس حگه مجنــون
شافك شوف العيون
بيك اتجننت بس ماشفت لو شوفك اشلون
اشجم عابس الك جنه العشك
والوادم أتلوم
العـافك مختصر ياسيـدي
من الجــنه محروم
يحسين أبرضاك ماعيش ابسواك
مخنوك ويموت الماشم من هواك
بيك انه افتخر يازين
يا أشرف بشر يحسين
ماخذني الهيام
ـــــــــــــــــــــــــــ
ياقبلة بكــــــــائي
عاشورك عــــزائي
كون امن الطم حتئ العظم من صدري مكسور
حسين ابلا مناصر
ساحگته الحـوافر
اسمع واحترگ يابو العشگ دمي بقه يفور
ياخذني الهظم واتمنه الك
كون انه مسحوك
ياوسفه بغرب جسمك بقه
من ثوبه مبيوك
دوم ابمقتلك روحي اتهيم الك
وأتمنه أمــوت فدوه انه لهلك
وأتمنه العمــر مــرتيـن
يا أشرف بشر يحسين
ـــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
05 August 2021 08:52
#ابوذيات
بداية كلشي هوه بسمله حسين
عمرنه وكل ملكنه بسم الحسين
جمع قرأنه حيدر بس مله حسين
وختم اياته بارض الغاضريه
الگلب ينبظ ودكته دم عالحسين
ابمجان الماي نبجي دم عالحسين
يجن الشاف بالطف دمع الحسين
اعله زينب من مشت وي آل اميه
مشه الكفال وابطه مايه لحسين
مشاله وردلي وسفه مايل لحسين
لــون عباس جــايب ماي لحسين
أثــر مايبقه بارض بالغـــاظـريـه
غشيم الراد منكم شر عالحسين
اكطعه الشال اصبعه شر عله حسين
اضل كل عمري اطيعاً شرع الحسين
انه العـبـاس دستـور الخـويـه
مثل شجره اعله زينب ضل الحسين
الـرفـضهم عنه كَــالـو ضلل حسين
ثلث تــيام بالــطــف ضل الحسين
عـــاري وبالشمس خلـوه رميه
محمد المشعلاوي
Читать полностью…
الشاعر محمد المشعلاوي
03 August 2021 22:21
#قصيدة_عزاء_العرش
عزائك بالعرش منصوب يحسين
المــلائك والرسـل كلهم مُعـــزين
عشره بشهر عاشور ينزل موكب النور
الملائك والرسل كلهم مُعزين
ـــــــــــــــــــــــــــ
هليله كل اهل السمه شدو حزم لمصابك
أخذو اذن رب العرش ينزلون يم اعتابك
أشرف بقاع بهل ارض كربله وريح اترابك
ونزلو يلطمون بهظم شعث وغبر يم بابك
أجـت كــل الملائك يمك أتـنوح
وتنادي ياحسين المات مذبوح
الك كل لحظه منذور ينزل موكب النور
الملائك والرسل كلهم مُعـزين
ـــــــــــــــــــــــــــ
كل الملائك والرســل يحسين الك حـزنانه
ربك عرض الهم جزء امن امصيبتك مولانه
طاحو جزع باول نظـر كلمن وكـع بمجـانه
أشكد عظيمه أمصيبتك يالعيلتك عطشانه
جرحك بعده بيهم لسه ما طاب
شابت روسهم من هول المصاب
كل ما ذكرك يدور ينزل موكب النور
الملائك والرسـل كلهم مُعــزين
ـــــــــــــــــــــــــــ
حته الحوارين اجو يخدمون وسط الحظره
ينادون يا أم الحـسن منـج أنـريـد النظـره
اهل السمه كلهم أجو شالو الرايه الخظره
خطو شعار او للأبد ما ننسه أبـن الزهــره
أهــل الجــنه أجو كلهم منـــاديـن
أجيـنه بخدمتك يحسين يحسين
أنس وجان والحور ينزل موكب النور
الملائك والرسل كلهم مُعزين
ـــــــــــــــــــــــــــ
نصبو مواكب بالسمه مـن العـرش حـد گبرك
وكـل موكب مثوب نهـر مـن الجـنان الصـبرك
وخطولك ابسابع سمه حسين الوفه بدم نحرك
شكـراً حُـسين من العرش رب العبـاد يخـبرك
درب الحج تغيـر صوب الطفوف
أجت كل الخلك يم گبرك أطـوف
كلمن رايد يزور ينزل موكب النور
الملائك والرسـل كلهم مُعزيـن
ـــــــــــــــــــــــــــ
الـ بالذر بعدهم سيدي والـ بالمهد مجنونك
اهل الارض واهل السمه والماتو يخدمونك
شيب وشباب اتحزمو بس رادو يوافونك
الارض والفوك الارض كلشي صبح ممنونك
الميت والعدل و التوه مخلوگ
يخدم للحسين بلهفه وابشوگ
كـون انقدم انحـور ينزل موكب النـور
الملائك والرسـل كلهم مُـعزيـن
ـــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
03 August 2021 21:11
الـمـاي اريـده يالگـمر صـاحـت سُكيَنه
انـتفظ عـمهـا واحـتزم يعصرها عـينه
شربي يعمي من العـين
فدوه الج يابت حسين…يعصرها عينه
ــــــــــــــــــــــــــــــــــــــــــــــــــــــــــــــــــــ
طلبي يعمي وكل طلب يصعب تشـوفيه
يسهـل علـيه والـوعـد ياعـمـي اوافـيـه
الماي عندي شي سهل بس خـزره كافـيه
ما يســوه اطلعله جُهد والـ الله خــافـيه
اي طلب كولي شتردين ياعمي حاضر
هوايه عليه رمشت عين ماعندي باجر
عمج واطلبي شتردين
فدوه الج يابت حسين…يعصرها عينه
ــــــــــــــــــــــــــــــــــــــــــــــــــــــــــــــــــــ
ياعمـي خـادم آنـه الـج ما يصعـب الـمـاي
بس لازم أهوه الي يجي يم حضرتج هاي
ويـكلـج آسـف و اعـتـذر متـئخـر أهــواي
شـانج جـبير انـتي تـره بس هـوه لشـواي
من فاطمه وأشــرف نسـَل يابت الاكرام
وجدج محـمدنا وعلي اشــراف الاسلام
اهلج اساس اهل الديـن
فـدوه الج يابت حـسين … يعصرها عينه
ــــــــــــــــــــــــــــــــــــــــــــــــــــــــــــــــــــ
انتي امـيـره اعله النسـه بالطف شفتـها
بالقـيس فدوه اتروح الج هيه وعرشـها
انـتي وريـثة فاطــمه او هيــه نـفســها
وانـتي يالـكلــج فــرض يـالـقـدستــــها
يابت الحـسين او علـي انتـي أميـره
وبالقيس هيـه والعـرش يمج زغيـره
من هيه بالقيس منين
فدوه الج يابت حسين … يعصرها عينه
ــــــــــــــــــــــــــــــــــــــــــــــــــــــــــــــــــــ
بنت الاميـر انتـي وفقط بيدج تأشــرين
الماي اليجيج الخيمتج وانتي التئمـرين
عمـج غيـور وهـاشـمي بـفعـاله تدريــن
لـو مـا يجــيلـج بالنهــر لا لاتـعــذريـــن
اليعرضلي يم ماي النهر بالجربه اخليه
والينضر اعليه بطرف بعيني اسحك عليه
اسحك زلمهم صوبين
فدوه الج يابت حسين… يعصرها عينه
ــــــــــــــــــــــــــــــــــــــــــــــــــــــــــــــــــــ
اتونس آنـه اعله الحرب من زغري نبراس
وارث شجـاعه من علي وتـسـمه عـبــاس
من زغري سبـع الگنطره تشهد تره النـاس
منطي العهد لحسين انه حدكطعت الراس
ما اهتم العـده وعدد لا والدحــه الباب
والســيف ما يلحـك ابد من حز الارگاب
طلبي انتي اشتـتمنين
فدوه الج يابت حسين… يعصرها عينه
ــــــــــــــــــــــــــــــــــــــــــــــــــــــــــــــــــــ
مـنـك يـعـمـي ونعـــم للغـيـره راعــــي
يالخلصت عمرك فقـط بس النه ساعـــي
كل هل جيوش بخزرتك ما الـهـا داعـــي
لـو حــل عليـهم غضـبك ماتو جــماعــي
ساقي العطاشه ونعميـن بدر العشيــره
فضلك ابد ما ينقـــــاس روحك جبيره
مثلك ولا يحصل ويـن
فدوه الج يابت حسين… يعصرها عينه
ــــــــــــــــــــــــــــــــــــــــــــــــــــــــــــــــــــ
الخـــادم: محمد رحيم المشعلاوي
Читать полностью…
الشاعر محمد المشعلاوي
31 July 2021 13:28
جاسم يالغالي عايفني الحالي
بعدك يوليدي لوميته أشـوالي
ـــــــــــــــــــــــــــ
جسام الفرح من بالي شلته
ويايمه الحـزن بعدك عرفته
عاشرت الدمع عشرة بواچي
ورسمك يالولد بعيوني شفته
يمزود نوحـي يالعايف روحـي
يالساكن عيني وطولك يحلالي
ـــــــــــــــــــــــــــ
ياكشخة سلف طولك يهيبه
شيخ ابهل عمر كالو عجيبه
ياورث الكـرم يبن الاكـارم
يالعينك وطـن وأمك غريبه
ياماي اعيوني ترضه يذلوني
من بعد أعيونك شيصير ابحالي
ـــــــــــــــــــــــــــ
يمحلي الخظر يمه بلبسهن
من بعدك منو گلي اليمسهن
ياشيخ وشهم هيبة خواتك
بعدك جامنو يمه الحرسهن
نور الله عيونك ليش يذبحونك
ضلينه بـهيـمه بعدك يالـــوالــي
ـــــــــــــــــــــــــــ
يافرحـة عـرس مادامت النه
عـريس الدمه صارتله حــنه
ماحركو شمع حركولك اخيام
ومات بغيبتك يايـمـه أمـلنـه
ذبحـو كل ناسك من ذبحـو راسك
ميت وانـه ابقه ماجـان ابــــالي
ـــــــــــــــــــــــــــ
تمنيتك تضل في اعله روحي
واسمك من يمر يشفي جروحي
ياتالي العمر ماضلي كل حيل
رايح حيلي يبني وضلي نوحي
ياهـو يتجيلي رايـح كل حيلي
ياحلم اسنيني راسك يـبرالـي
ـــــــــــــــــــــــــــ
رتك للزمن مـن اكبر اويــــاي
شو تالي طحت ماشارب الماي
ما حس بالنفس عگبك يجسام
يانسمة هـوه ياشـمة أهـواي
خـانگـني افراگـك يادمـع اشواگك
ياعطـر الـجـنه شو عفتك تــالي
ـــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
23 July 2021 20:18
يوم التعنه اعله النهر
زينب تخاف امن الخطر
صاحتله يا خويه الگمر
ماريــد الـمـاي ــــ بس رد اويــــاي
ـــــــــــــــــــــــــــ
نادت زيـنب العبــاس وجــان الصوت بالعبره
توك خويه جنت اوياي هـسه افراگـك اشكبره
الك مشتاكه انه اهواي وحك أحسينك اوصبره
من شافك رحت للحيـن اخـيك مـا تـرك ضهره
اخوك احسين بعدك حـاله متغير
من ساعـة وداعك بعــده متحير
متخوصر او كض الضهر
وعيونه تربي اعله النهر
ومبيـن ابـ وجـهه القـهر
ما ريد المـاي بس رد اوياي
ـــــــــــــــــــــــــــ
رحـت ما فكـرت عباس غيـرك منهو كفـالي
وانه المال اعوفك دوم ماجانت تـــره ابـالي
من لحظة وداعك ذيج مدري شصاير ابحالي
اوياي الفرگه موش اولام سهم الفرگه جتالي
الهجر بعدك اخذ من عدي عافيتي
اخــت عبـاس انـه وهــايه تاليـتي
عيون الغـرب تنظر الي
يدروني زينب بت علي
بالطف بقيـت ابلا ولي
ماريد الماي ـــ بس رد وياي
ـــــــــــــــــــــــــــ
من گالولي طـاح الـواك طحـت گـامو يتجولي
رت اطلـع ولاجـن عيب تشوف عيونهم طولي
حركوها الخيم عـباس افــــزعمن يطفـــــولي
محصول العمر خــوان جــا ويـنك يمحصولي
ضـاع ابكربله كـل تـعبي و سنيني
حـرمه الوحـدي جـا ياهو يحميني
ضاع التعب ضـــاع العمر
والهيـبه راحت والخــدر
يتمرجــل اعليـــه الشمر
ماريــد المـــــاي ــ بس رد وياي
ـــــــــــــــــــــــــــ
يم باب الخيم ضليت ابجـي وانته مو يمي
مو همي تجيب الماي بس ترجع فقط همي
أموت ابدونك وماعيش انته الاغله من دمي
انسه الروح لوذكروك يمك انسه حته اسمي
ارجـع يابو فاضـل هالصبر طــال
هوه الراح اخـوه المن بعد ضــال
الماعنده اخو يعيش بغرب
فاركتك او حـالـي صعب
والشيب خظــر بالگلب
ماريد الماي ـــ بس رد اوياي
ـــــــــــــــــــــــــــ
وينك يابو فاضل ليش اصيح و ما تجـاوبني
وانه الما اعرفك هيج يغالي أدريبك أتحبني
جبتني ابهيبتك وحماك بعـدك ياهـو اليردني
لا تـتخـر انـه ارجـــوك رد اولا تعــــــذبـني
يكافل خـدر اخـيتك بالله حاجـيني
جبتني من اهلي بس ياهو اليوديني
محتاره بيتام وضعـن
ياهو اليرد بيه للوطن
والتمن اعلــيه المحن
ما ريد الماي ــــ بس رد اوياي
ـــــــــــــــــــــــــــ
طريت الجـثث والخـيل ونـار امجلبه بذيالي
من أعثرت بيـن الـناس عرفـو فاركـت غـالي
ماخليتي اليه اخـــوان شعندج كربله وتـالي
بعدهم عمري جا شيفيد ميته اوياهم اشوالي
اعثرت ببني وجـزيته شايطه اتعثر
أدور عـن كفيلي وجـسمه المـطـشر
أركض أوما أدري الجدم
بيه مستقر جـمر الخـيم
كالولي بعيــــونك سـهم
ماريـد الـمـــاي ـــ بس رد اوياي
ـــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
14 July 2021 20:15
أعذريني .. خـويه لو عنــج بطيت
أعذريني .. لو علئ الشاطي بقيت
أعذريني .. للخـيـم لـو مـا أجـيـت
أعذريـــــــني
ـــــــــــــــــــــــــــ
أعذريني خـويه زيـــنب والعـذر طبـع الكـريم
أدري بعدي خـدرج ايضل خـويه يازيـنب يتيم
خويه اصبري وحملي امصابي تره مصابي أليم
شدي حيلج رحمه ماكـو غير بس ربـج رحيـم
لو سمعتي حسين مكسور الظهر
يعـني عبـاســج وگــع يــم النـهر
شدي حيلج خويه لمصاب الدهر
راح عمـرج يخلص بظيــم القـهر
عاهديني .. لو طحت انتي الكفيله
عاهديني .. واعرف الفرگه ثجيـله
عاهديني .. بصبرج الماكو مثيله
اعذريني
ـــــــــــــــــــــــــــ
لو سمعتي بيه طايح زينب انتي لاتجيني
يالحبيبه والسهم ماخد مكانج وسط عيني
خويه ارجعي آنه ما اگـدر اگوماً سامحيني
من مكانج صيحي ياعباس خويه اودعيني
من الخـيم ودعيني يازينب واشوفـج
رفعي ايدج خويه وأوميلي بجفوفج
انـتـي ياقـبـلة خــدر لازم نطـوفـــج
انـــه مــن غصباً عليه راح اعـوفــج
سامحيني .. زينب ارجوج العذر
سامحيني .. وخلي بالج عالخدر
سامحيني .. خـاف يوليج الشمر
اعـذريـنـي
ـــــــــــــــــــــــــــ
من تجيني بس جثث واخيول تسحك لاتموتين
ارد اوصيج خويه لا ينشاف طولج من تطلعين
ديري بالج خاف اكو عثره بطريجج لا تركضين
لوعثـــرتي الدنيـه تختَل بكبـرها من تعـثرين
گبل حتئ الگــــاع ماشافت خيـــالج
الشمس تخجل مـن تصـير اكبـــالج
زيـنــب ابدونــي اشيصير ابحـــــالج
ابـــلا اخـو وبس العـــده تبرالـــــــج
من تجيني .. حاولي بليل وضلام
من تجيني .. منهو غيرج للخيــام
من تجيني .. طولج يبين حــرام
اعذريــــني
ـــــــــــــــــــــــــــ
لوسمعتي ادركني خويه بصوت عباسج يصيح
وشفتي اخيج يعتنيني ويعثر ابجدمه ويطيح
من يردلج ضهره محني حسين بالفـرگه جريح
يعني حسبي لحضه لحضه ويوگع حسينج ذبيح
يعني لحظـات وتشـوفيـــــن الذبح
وراسـج يشيب قبل شمس الصبـح
العــــرش يهتز باجــر بهــز الرمـــح
ويومج ايخلص جرح فوك الجـرح
عاتبيني .. زيـنب واقبل عتابج
عاتبيني .. يعينج الله يامصابج
عاتبيني .. بعد شيخلص عذابج
اعذريني
ـــــــــــــــــــــــــــ
يالعقـيــله وصل حدها نفترگ هاي النهايه
يالعقيـــله لاجـن انتي رحلتج هسه البدايه
والهظيمه ناس شحة مستحه وانـتم سبايه
خويه زينب عينج اعله ايتام اخوتج والعبايه
راح تمشين ابـدرب كلـــه شمـــــاته
وكبـل هيبة موكبـج جان اشحلاته
بياوكت عبــاس يسبوهـن خــواتـه
ويفــــروهن بالصحـاري امدلـلاتــه
واعديني .. ماتـبينـين انكســــــار
واعديني .. ومايهمج كلشي صار
واعديني .. لـو يشمروج بحجـار
اعـذريـــنـي
ـــــــــــــــــــــــــــ
محمد رحيم المشعل
Читать полностью…
الشاعر محمد المشعلاوي
12 July 2021 09:34
#نزله_للاكبر_عليه_السلام
ـــــــــــــــــــــــــــ
من هد الاكبر بالحومه يزئر الله أكبر الله أكبر
ـــــــــــــــــــــــــــ
هد فارس حسين وشايل عناوين
بالغاظريه
كشخة حرايـب وفخــر النجايب
والهاشميه
يتخطب بسيف بيده واخذ حيف
من ال اميه
ذباح الاركاب وجدي الدحـه الباب
يالجاهليه
هد جنه حيدر بالحومه يزئر الله أكبر الله أكبر
ـــــــــــــــــــــــــــ
فخر الهواشم صاح انه خادم
للوالد احسين
حك واجب اليوم اكضيهم الكوم
وي رمشة العيـن
حـروره ابحربنه وما مــره گلنه
نخليها بعـديـن
تشهد تره الناس تاج احنه عالراس
هيية دواوين
ليث الغظنفر بالحومه يزئر الله أكبر الله أكبر
ـــــــــــــــــــــــــــ
الچـــنه محــــمد وحـــيدر مــن اشتـد
تتسال الناس
جــــن حــيدر اوغار لسيفه النضر صار
حيدر يعباس
عــــلم و دراســه هيبـه وشراســـه
بهيبة علي انقاس
تتراجف الخيــل طب فارس اكحيــل
ماخله حراس
فــر الزلم فـر بالحــومه يزئر الله أكبر الله أكبر
ـــــــــــــــــــــــــــ
هيبة عمـــامه شــد العمـــــامه
وكف بيده الاردان
من بيـــده غـــارت عدوانه حـــارت
صاح الحرب حان
ويــن ابـنَ غـانــم مايبــقه سـالـــم
وبسيفي بركان
حتئ الشــجاعه سمعـاً وطــــاعه
تحنيله فـرسان
من طبها كبـر بالحومه يزئر الله أكبر الله أكبر
ـــــــــــــــــــــــــــ
امبجي الصوارم ابن الاكــــــارم
دخلهم انـــذار
هيــــه الشجـــــاعه ادور البراعــــــه
أدور الكبــــار
اشكد هيـبه شايل عمه ابو فاضل
بعيونه أثـر نـــار
الاكــــبر شهــامه وشيـخ النشــــامه
منه الكمر غـــار
شما نكتب اكثر بالحومه يزئر الله أكبر الله أكبر
ـــــــــــــــــــــــــــــــــــــــــــــــــــــ
محمد رحيم المشعل
Читать полностью…
الشاعر محمد المشعلاوي
10 July 2021 06:36
#نعمة_الخـــدمه
نعمه الخدمه ياوادم وحرام انعوفهه النعمه
شكبر حضه الخدم مولاه
وبسجل الخدم اســــــــــمه
حسين العيش الدنيه
وثبت دين الله من دمــــــه
بيش نوافي يامولاي
زغيره انحسه هالخـــــدمه
الحمد لله علئ نعمة الحسين
ــــــــــــــــــــــــــــــــــــــــــــــــــــــــ
قبل لا ننخلق يحسين نحبك سيدي اهوايه
ومن صرنه يبو السجاد
جان اسمك حرز آيــــــــــــه
وجنت ابمهدي ابد مانام
اله تغطـه بالــــــــــــــــرايـه
فكهت اعله العمر عاشور
لطمه وخدمه وقــــــــــرايه
الحمد لله علئ نعمة الحسين
ــــــــــــــــــــــــــــــــــــــــــــــــــــــــ
يوم العاشر ابعاشور احس بالريه مختنكَه
واسمع بس صهيل الخيل
وصدرك حافـر يسحــــــــكَه
واشهكَ شهكَه مالت موت
واحس احروره بالشهــــــكَه
الهظم ياخذني والطم حيل
من اسمع خيمه محتــــــــركَه
الحمد لله علئ نعمة الحسين
ــــــــــــــــــــــــــــــــــــــــــــــــــــــــ
تحس بقيمت الانسان اذه تخلص تره النيه
تعيش ابخير اذه فد يوم
تبجي الطاري مســــــبيه
وتنزل دمعتك صدفه
اذه ذكرولك ارقـــــــــيه
الجدمهه اعله الجمر يسحكَ
وسلبو منها ترجــــــــيه
الحمد لله علئ نعمة الحسين
ــــــــــــــــــــــــــــــــــــــــــــــــــــــــ
اذه نسمع حروف اسمك نبجي ابلا وعي مولاي
دمعنه وكل بواجينه
ماتوصلك انته اهـــــــــــواي
عله امصابك يابو الاكبر
الحزن من المهد ويـــــــــاي
يالكَبال النهر عطشان
ظامي اوما شربت المــــــاي
الحمد لله علئ نعمة الحسين
ــــــــــــــــــــــــــــــــــــــــــــــــــــــــ
الملائك تهبط ابكل يوم تبوس اترابك اتقدسه
وتتطوف اعله الكَبر يحسين
والاف التجي اتحــــــــرسه
يالمعيش الخدم سلطان
العلم منك اخذ درســـــــه
الشكر لله يابو السجاد
حبك بالكَلب غَــــــــــرسه
الحمد لله علئ نعمة الحسين
ــــــــــــــــــــــــــــــــــــــــــــــــــــــــ
محمد رحيم المشعل
#الحـــــمد_لله_علئ_نعـــمة_الحــــسين
Читать полностью…
الشاعر محمد المشعلاوي
02 July 2021 02:44
#هوسات_فزاعيات_شور
ـــــــــــــــــ
وين راعيها اخيام اهلي احرگوها
ـــــــــــــــــــــــــــ
يبو فاضل يخويه حرگو اخيامي
اركض والجمر ياخويه بجدامي
تمنيتك تجي وتشاهد ايتامي
شيجيبك بعد يالمنذبح ضامي
هاي تاليها يبو فاضل يخــويه
ـــــــــــــــــــــــــــ
تعنيتك يخويه بليلة العــــــــاشر
اجيت بليل زحمه والدرب عـــاثر
شيخلص اليله وياصبــــح بـــاجر
من ابالي شيطلع منظر الحــــافر
بطيحت اعظيده حسين انباك حيله
ـــــــــــــــــــــــــــ
الشمر صايرله صوت ابطيحت أيمينك
الجان يموت خوف بخزره من عينك
يتفاخــر هـسـه صــار بكطـع جفـينك
تجاسر خويه وسفه وذابح احسينك
طاح عباس وبعده الجيش خايف
ـــــــــــــــــــــــــــ
صاح حسين صوت يبجي المروه
يبو خـوت الحلوه خــوتك خــوه
ذبـحـو عشـرتك ويامـنه الحلـوه
عمر زينب بدونك كلشي ما يسوه
ضاله بحيره اختنه شلون بيها
ـــــــــــــــــــــــــــ
مصيبه وبالعرش تسمع بواجيـها
الله يساعـــــدج يازينب اعليـها
محد كال حـرمه وزحمه ناذيـها
عكب ذاك الدلال مجتفه ايديها
شافت الخيل تدوس بصدر اخيها
ــــــــــــــــــــــــ
محمد المشعلاوي
Читать полностью…
الشاعر محمد المشعلاوي
29 June 2021 23:59
يحسين حبك بالگلب يجري ويدم شرياني
مخصوص حبي بس الك هيهات احبن ثاني
كل ما يضيعني الزمن ابمجــلسك تـلكــاني
اختنك وامشي الحظرتك يمك تزيل احزاني
حسين حسين حسين حسين
ـــــــــــــــــــــــــــ
كلمن يحب كالو جذب بس حبك نشوفه صدكَ
يالگبــتك قـبلـة عشـك ياسيدي ورب العشكَ
يالعيشت بيـه جرح واسمك حرگ گلبي حركَ
دگــات گلبي تغيرت نبظاته بسمك مـن يدكَ
حسين حسين حسين حسين
ـــــــــــــــــــــــــــ
يعادوني يحسين البعض وبـحـبـك يلومـوني
ماشفته وتحبه اشكثر غشمه شكثر سالوني
بعالم الدنيه من صــرت بحــبه هلــــي غذوني
شفته انه بعيون الگلب ما حاجه شوف اعيوني
حسين حسين حسين حسين
ـــــــــــــــــــــــــــ
هنيالي يحسين وعشت بهاذا الزمـن ولكيتك
عالفطره اول ماصرت انـــه افـتـخــر حبيتك
بحساسي يالحبك فرض مثل الصلاة حسيتك
المجلس مقدس احسبه جن كاعد ابنص بيتك
حسين حسين حسين حسين
ـــــــــــــــــــــــــــ
يحسين انته اول وطن مابيه حدود اتحده
جمعتنه بس محبتك وچـلمتنه صارت وحده
مولاي يانور الشمس يمضوي عيني الرمده
نـتمـنه نصبحـلك نهر ويــم شفتك نتـبـده
حسين حسين حسين حسين
ـــــــــــــــــــــــــــ
صرت بحياتي انته الهوه تجري بنسيم انفاسي
يالغالي يابـعـد العمـر يالتـسـوه أهلــي ونـاسي
من اشم ريحة حظرتك مدري شيصير احساسي
عطرك يضل طول السنه يفتر حبـيبـي بــراسي
حسين حسين حسين حسين
ـــــــــــــــــــــــــــــــــــــــــــــــــــ
الخادم: محمد رحيم المشعلاوي
Читать полностью…
الشاعر محمد المشعلاوي
23 June 2021 13:38
الاهي .. بالحسين وغربته
الاهي .. بگلبي خلي محبته
ـــــــــــــــــــــــــــــــــــــــــــ
هاذه صوت من الگلب يصدح ندائه
عيش بروح المحب عشگه اولائه
شلون عابس بالعشك نازع ردائه
خلي حب حسين بيه وكربلائه
الاهي .. عمري اشوفه بگبته
الاهي .. بگلبي خلي محبته
ـــــــــــــــــــــــــــ
حسين هوه بكربله احيه الضمائر
واحنه واجبنه اله نحيي الشعائر
وكون كل واحد يصير ابن مظاهر
الشاب والشايب سوه بالخدمه حاظر
الاهي .. احيه اموت بخدمته
الاهي .. بكلبي خلي محبته
ـــــــــــــــــــــــــــ
خـل نشد احـزامنه للخـدمه هـايه
ونكتب اسم حسين دوم ابعله رايه
من الطم عدنه علم صار او درايه
نبجي لاجل حسين ابد ماعدنه غايه
الاهي .. ارد اعيش ابرحمته
الاهي .. بگلبي خلي محبته
ـــــــــــــــــــــــــــ
سيدي الوادم تـره يلومــون بـيه
جي خدمتك من صدك وبصافي نيه
سيدي غـيـرك منـــوه الحــن عليه
مالـي غيـرك سيدي اوداعة رقــيه
الاهي .. ارزقني منك نعمته
الاهي .. بگلبي خلي محبته
ـــــــــــــــــــــــــــ
الف شكرا جي عشت وياك خادم
واسمي يتقدر صبح بين الاوادم
عله الحضه الماخدمتك والله نادم
ياحــلات العمر يخلص بالـمئـاتم
الاهي .. احب ريحة حظرته
الاهي .. بگلبي خلي محبته
ـــــــــــــــــــــــــــ
بنعمتك يحسين عيشت الفقير
وخادمك مولاي هل عايش امير
كلشي نملك سيدي ملكك يصير
كلشي بسمك سجلت حتئ المصير
الاهي .. ارزقني مجلس دمعته
الاهي .. بگلبي خلي محبته
ــــــــــــــــــــــــــــــــــــــــــــــــــــــــــــــ
محمد رحيم المشعل
Читать полностью…
الشاعر محمد المشعلاوي
22 June 2021 13:32
حسين يمه .. المصرعك من اعتنيت
حسين يمه .. كلشـي منـك ما لـگيت
جا ليش روحك غافيه
ومسلوبه حته العافيه
يحسين يبني .. يحسين يبني
ــــــــــــــــــــــــــــــــــــــــــــــــــــــــــــ
مـوذريـنك يالونـيـنك جــابني يمه عليك
يمك انعه ذني تسعه خنصرك ماهو بديك
كل دمعه من اعيوني الطاحت ترويك اهواي
يالضامي وماشارب كَطره من هاذه الـمـاي
شو نايم وموذَر جسمك گوم أمشي ويـاي
يالـعـايـف زيـنـب وحــدها جـا شنهي الـراي
تضل وحدها .. حـرمـه مابـين الـزلم
تضل وحدها .. هاي جـانت بالحــلم
يايمه گـوم احميها
خاف الزلم تسبيها .. يحسين يبني
ــــــــــــــــــــــــــــــــــــــــــــــــــــــــــــ
يهون ضلعي وهاذه وضعي لصدرك الرايح سحك
وذيـج ناري وحـرك داري للخـيم مـن تحـترك
طيحت ابني وكسـر اضلوعي يايـمـه تهــون
الكل شوغه المن عندك طلعت مطلوبه عيون
يـالـي بـگـلبـك نـابـت حـافـر برقــيه شلــون
وزينب وحـدها ابنـص هيمه تحتــاج أمتون
ويلي يبني .. عـذّبـتـكم كـربــــلاء
ويلي يبني .. لقصتك تبجي أنبياء
وبالعرشّ جم فـاتحـه
وصار صوت النايحه .. يحسين يبني
ــــــــــــــــــــــــــــــــــــــــــــــــــــــــــ
والـصّـميدّه مو بعيـدّه كلشي بعيوني شفت
ليـهَ تشكـي يمّه لحكي شفت اخوي وجا متت
زيـنب أسمـع مـن تشكيلي ويايمه تصيـح
لو شفتي حسينج مـن ردلي ينهظ ويـطيـح
يازيـنب ذبـحـو عـبـاسـج يحجي بتلميـح
حـسين الـمـايهتز راجـعلـي ريشه وبالريـح
يمك آنه .. وشفت يوليدي الجره
يمك آنه .. گـلبـــــك الله يصّبــره
محني لخيـامك تعـــود
وحدك أبنفسك تـجــودّ .. يحسين يبني
ـــــــــــــــــــــــــــــــــــــــــــــــــــــــــــــــ
والجرحـني لا ذبحـني الطفل مو مالت ذبـح
جان ضامي ورجع دامي الرگبته وجه الصبـح
صعبه الحاله وما تتوصف مهده و محروكَ
مذبوح او فاتــح ذرعـانه بيـه لهفـه وشوكَ
طفل وحـلمه الماي يضوگه حلمه المبيـــوكَ
نيـته المــــاي اتلمس دمــه من عنده يضوكَ
جان حلمه .. ماي بـس يسگــونه
جان حلمه .. شسوه وتـذبحــونه
ليـش منعــوه الشـرب
الطفل مايعرف حرب .. يحسين يبني
ــــــــــــــــــــــــــــــــــــــــــــــــــــــــــــــــ
بحـــيره زينب راح تتعب بگت هيـه الكـافله
عذبـوهـن وسلبـــــوهن كل تراچــــي مدلـله
عالتل من صعدت وتــنادي يابو الحملات
أحظـر وأحمينه بهاليـــله عبـاسك مـات
ماضلت خيـمه التحمـــينه غير الحسرات
ضلينه ابلا ضل وحســينك يرجـع هيهات
حظروها .. الهزّل او باجـر سبي
حظروها .. وباجر الحادي اجنبي
يـمه وعيـوني تشــوف
حـاظره بأرض الطفوف .. يحسين يبني
ـــــــــــــــــــــــــــــــــــــــــــــــــــــــــــــــــــ
محمد رحيم المشعلاوي
Читать полностью…
الشاعر محمد المشعلاوي
18 June 2021 13:09
حسين يالحبك فرض
جدمك مشرف الارض
ليش راسك ينذبح
وحافـر بصدرك يرض
ــــــــــــــــــــــــــــــــــ
يابداية كلشي انته حسين باء البسمله
اسمك يحلي السوالف انته يا هاء الهله
شرفت كاع الله كلها وبالاخص بكربله
غالي عبدالله ونْطَيته كَبال نبلة حرمله
اغله شي عندك نطيت
تنذبح تدري ورضيت
بيش نوفيلك بعد
يالي كفَيت اوفيت
ــــــــــــــــــــــــــــــــــــــــ
حسين يا سر الحياة الماي ماضله وجود
انـته ثبت الوجـود بكربله بذاك الصمـود
أعتنه الماي وأجالك أشـرتله وگتلـه عـود
ماي البگصتك يروي الدنيه بكملها ويزود
يا أمير بكل زمــان
تارس الدنيه حنــان
خيرك تعده الحدود
وانته للتايه أمـــان
ـــــــــــــــــــــــــ
رادت الدنيه بثواني ينقره اعليه السلام
وانته جيت وحررتها والثمن حرگ الخيام
صحت خل نموت فدوه ولا يحكمون اللآم
كون يثبت دين جدي مرحبا بضرب السهام
صحت كلا يايزيد
حكمك الجائر يبيد
حررت أمه بكبرها
قبل لاتصبح عبيد
ــــــــــــــــــــــــــــــــ
احنه لو ما انته هسه مانعرف اسم الحلال
حسين يانور الهدايه الطلعانه من الضلال
ياسفينة نــوح حبك يانجـاة ابـــلا محال
يالمقربنه اعله ربـنه بحبك وحـبك وصـال
ياوصــال العـاشـقـين
الـئ رب الـعـالمــــين
حبك السـر العظيم
يانـجـاة الغـــارقــين
ـــــــــــــــــــــــــــــــــــ
يامـلاذ الـعـاف دربه تـقبل اليرجـع دخـيل
يالقبلت الحر دخيلك اقبلني في حبك ذليل
منزلة خـادم جبيره ارزقني منك شي قليل
ارزقني دمعه بالمجالس خلي دمعاتي سبيل
ياشفيـع المـذنبيـن
يا انيس الخائفين
أنْــنَــا لله ربــنـا
واليــكَ راجــعيـن
ــــــــــــــــــــــــــــــــــــ
محمد رحيم المشعل
Читать полностью…
الشاعر محمد المشعلاوي
02 June 2021 19:58
#للامام_الصادق_ع
ابراهيم الخليل وذيـج نــاره
عالصادق نفسهه بحرگ داره
خمّدي گلها وأخمدَت
ورئـسن اعيونه بجـت
ذكر عماته البقن بالطف حياره
ــــــــــــــــــــــــــــــــــــــ
الحرگ وي بيت النبوه ليش صاير عـاده
نفسه النمرود اجـاهـم بحقد نار أعـنـاده
والبغض بيت الرساله الفـعل رد وعــاده
حركَ بيت الزهره ضلماً والخيم عالساده
نمرود اوفعلهم مو غـرابه
همه ثنينهم نفس العصابه
عله الصادق حشدّت
ورئسن اعيـونه بجت
ذكر عماته البقن بالطف حياره
ـــــــــــــــــــــــــــــــــــــــــــــــــ
النار ضمروها اعله بيته وأنزلت دمعاته
بيوم شاف اكبالّ عينه حالت ابنـياتـه
كَـام يتخيل العـاشـر يفـكر ابـعمــاته
اه يحسين اومصابه تصيح ياحسراته
يا ويلي اعله زينب ضل ينادي
حرمه وبالغرب بين الاعادي
اباله زينب من أجت
رئسن اعيونه بجت
ذكـر عماته البقن بالطف حياره
ــــــــــــــــــــــــــــــــــــــــــــــــــ
صاح ياويلي اعله زينب وشكبـر بـلوهـا
شلون من حرگو خيمهه ماكو من طفـاها
داري من حرگوها انه عيالي جنت اوياها
حرمـه زيـنب يا وسافه ولا اخـو العاناها
برداً وســلامـــاً نــار نمـرود
بس بالخيم شو نيرانها تزود
كل شي بالطف أحركت
ورئــــسن اعيونه بجت
ذكـر عماته البقن بالطف حياره
ــــــــــــــــــــــــــــــــــــــــــــــــــــ
داري من حرگوها فزعت شيعتي عادوهـا
لاجــن ارمــاد المخــيم وبالهـوه عافوهـا
طفت داري ورجع كلشي مني ماسلبوها
ليش زيـنب واليـتامـه للغـرب مشـوهـا
الذبح يحسين شيطيب جراحه
واه يادرب السبي المابـيه راحـه
حمل زاد او حدبت
ورئسن اعيونه بجت
ذكر عماته البقن بالطف حياره
ـــــــــــــــــــــــــــــــــــــــــــــــــــ
أشكثّر جانت صبوره اوضحت معنئ العبي
وأرسمت خـط الرساله بـدم الحسين الابـي
وذلت إيزيد اعله عرشه وهوه حس المنسبي
وصّلَت زينب رساله ماكدرهـا اشجـم نـبي
زينب كملت نهج الرساله
من حسين انذبح هيه ابداله
شكثر زينب شيبت
ورئسـن اعيونه بجت
ذكر عماته البقن بالطف حياره
ـــــــــــــــــــــــــــــــــــــــــــــــــــــــــ
مصيبتي هانت عليه اكبالّ عملة كربله
ياهو يقبل يذبحونه وتنسبي عگبه هله
والعطش ذبل وردهه وبالبر افضل عايله
والي هز العرش اكثر صواب نبلة حرمله
مصيبه وبالعـرش الهه مناحه
عله الماخوذ غفله من صباحه
بكربله كلشي سكت
ورئسن اعيونه بجت
ذكر عماته البقن بالطف حياره
ــــــــــــــــــــــــــــــــــــــــــــــــــــــــــــــــــــــــ
محمد رحيم المشعل
Читать полностью…
الشاعر محمد المشعلاوي
05 August 2021 08:54
صفت بيه الجروح احساب مايه
شعـاتب ياعـتب عبـاس مــايه
ارجع فدوه خويه وعوف مايه
الفرات ويانه ناوي اعله الاذيه
العيون الباوعت بيه تـره اسهام
بكلبي. وحملن اجروحي ترسهام
مصايب كربله بحزني تره اسهام
ورث . والشــــام رايد حصه بيه
الشمر متخوصر اعلينه وشر باه
وبايـج سيفه وبراسك وشر باه
حــرام المـاي اضوكنه وشر باه
وخوي حسين عطشان ورميه
Читать полностью…
الشاعر محمد المشعلاوي
05 August 2021 00:03
ملامح هيبتك وي ريحتك جنهه الحسن
يالمزعل الهوه حتئ الضوه لطولك حزن
يشيــخ المرجله .. يكشـخة كربله
يجاسم يمه تكوه يكشاخ وشهم
شحلاتك بالحرايب يهيبة هالزلم
يفرحة عمري انته يمفتاح العزم
يجاسم زفتك لارض الحرب مو للخيم
ميادين الكفو لهل الكفو يابــو الشيم
جبيره المنزله .. يكشخة كربله
ـــــــــــــــــــــ
يكشخة هالمضايف يبن ذاك الكريم
رحت للحومه يمه وبقه عشكك يتيم
ياوارث هالشجاعه يبو العقل الحليم
بقيت انثر دمع فوك الشمع دمعة عرس
الك روحي اشكثر نذرت نذر يمه امس
ييو جلمة هله .. يكشخة كربله
ــــــــــــــــــــــ
الكواكب كلها منك ياغــارن لـو تـمر
جمالك يمه هيبه يبو ارسـوم الشگر
يفرحة عمري يبني شكثر ابقه انتظر
اتاني واندعي كون الولد سالم يرد
حنين وبيه اشم عطر الحسن عطر الورد
الك كلشي حله .. يكشخة كربله
ـــــــــــــــــــــ
المواقف عنه تشهد زغير اعله الحرب
دخل والحومه رجفت دخل بيها الصعب
زغير اومن دخلها زرع بيهم رعب
يباشط بالحرب يبن الفحـل والله ونعم
شجاع اعله الكرم بس بالحرب طالع شهم
يبو السيف وهله .. يكشخة كربله
ــــــــــــــــــــــــــ
يالمقدم حــياتك فدائاً للحسين
مهر عرسك ييمه دمائك يالحنين
نذر عمرك نطيته وتحس مقصرين
يالمنفذ الامر أمر الحــسن ووصيته
يريدك تنذبح گبـــل السبط أمنيـته
وصحت أبشر اله .. يكشخة كربله
ـــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
03 August 2021 21:17
#نزله
لمولاي اباالفضل العباس
رايح انـه عالجيش وارد اشفي غليلي
وارجع شــايل المـاي ياخـويه بشليلي
الحـومه زغيـره .. وزينب جبيـره
اخو زيـــنب .. اخو زيــنب
ــــــــــــــــــ ❃ ❃ ❃ ــــــــــــــــ
يختي رمشت عين رايح هسه راجع
راح جـيب المـــاي بيـدي للمضاجــع
واله خلي الجـيش يم الجربه راكــع
خـل يسمعني الجـهلنـي لـو مسامـع
فارس آل عدنان وحسيني أطيعه
لو تملكلي دنيـاي ما اكـدر أبيـــعه
حسيني هوه ديره .. وزينب جبيره
اخـــو زيــنب ..اخـــو زيــنب
ــــــــــــــــــ ❃ ❃ ❃ ــــــــــــــــ
بگلبي انه احساس عالي وغيره شايل
الهـوه لو مر اعله زيـنب عنـدي عـايـل
جــــبل انــه وهم سمعتو جبــل مـايل
والنسب معـروف هيــبه بالحــمـــايـل
هاشم بالوغه احيود معروفه واصيله
وفازع ليكم اليوم من ارجال الثجيله
شيخ العشيره .. وزينب جبيره
اخــو زيــنب .. اخـــو زيــنب
ــــــــــــــــــ ❃ ❃ ❃ ــــــــــــــــ
گلبي حس بعطش زينب عندي احساس
وصحت زينب خويه ابشـري انـه عباس
الـه اجيـب النهـر ليــج اگبــال هـالنـاس
ولو رفـض يخـتي يجـيلـج الـه يـنداس
الشط ما يضل غاد للخيـمه ارد اجيبه
ماي الشط يجي اهنا لعيــون الحبيبه
ويمشي بمسيره .. وزينب جبيـره
اخــو زيــنب .. اخـــو زيـــنب
ــــــــــــــــــ ❃ ❃ ❃ ــــــــــــــــ
ما اهـم لاجـيـوش انــه وانـتي تـدريـن
دارس افـنــون المـعـارك بـــدر وحـنـين
فـارس وسبـع الكنـاطـر واخـو الحسـين
بخزره وحده الجيش هسه يصير نصين
بعيني اظرب اسهــام للـرايد يـقــاتل
الخدرج انه حمــاي من زغري مقاتل
فعالي جثيــره .. وزينب جبيـره
اخـــو زينب .. اخــو زينب
ــــــــــــــــــ ❃ ❃ ❃ ــــــــــــــــ
آنـه ملك المـوت نازل هيئـتي هـــاي
حـتئ عـزرائــــيل تـايـه مـنـه الـراي
كالي اوكف يابوفاضل صارو اهـواي
خل اجيب املاك تحسب موته وياي
يحـسب يخطأ ويعيد ما يلحـك عليه
احضن بيهم احضون واشمرهم بديه
لعيون الاميــره .. وزيـــنب جبيره
اخــــو زيــنب .. اخـــو زينب
ــــــــــــــــــ ❃ ❃ ❃ ــــــــــــــــ
آنه نـــازل عالمـعـارئ بيمنـتـي سـيف
حروره بـيه ونار تلهب تجوي الصيف
حطب راح اشعلهم انه واكرم الضيف
ما أجــامل انه بيــهم واخـذ الحيــف
وينه الكال انه فلان خل يبرزلي وينه
رايح آنـه للـمـاي خــل يحسب سنينه
سنينه الاخيره .. وزيــنب جبيره
أخــو زيـنب .. أخــو زيـنب
ــــــــــــــــــ ❃ ❃ ❃ ــــــــــــــــ
الخادم :محمد رحيم المشعلاوي
@
Читать полностью…
الشاعر محمد المشعلاوي
02 August 2021 09:01
الئ مولاي مسلم ابن عقيل عليه السلام
#رسالة_مسلم
رساله امن القصر خطت عناوين
من مسلم سفير حسين لحسين
علَي منعوها حتئ شربت الماي
أرجع ياحسين المـن بعد جــاي
رساله امن القصر خطت عناوين
ـــــــــــــــــــــــــــــــــــــــــــــــــــ
مسلم بالقصر وينادي يحسين
رد ولا تجيهم
الكوفه محيله وعاشت ابوجهين
خانوك بحجيهم
ذوله اهل الرسايل شوفت العين
محد باقي بيهم
بس عدهم مره تسوالها الفين
شيخه تحكَ عليهم
طوعـه المؤمنه الوالت الكرار
بعدهه امحزمه ضد هاي الاشرار
هاي الكوفه ماضل بيـها وفاي
أرجع ياحسين المن بعد جـاي
رساله امن القصر خطت عناوين
ـــــــــــــــــــــــــــــــــــــــــــــــــــــ
رساله من القصر عنوانها يكول
ماعدهم أمانه
ابن ازياد عدهم صار مسـؤول
ارجع ياحمانه
مابيهم كفوها يغير ويصول
بس بيهم خيانه
خاف الدرب متعب باجـر يطول
وشتلاگي ابمجانه
تلاگي اسيوفهم ماعدها خطار
الباعو جنـة الله لأجـــــل ديـنار
واحدهم تخربط ماله كل راي
أرجـع ياحسين المن بعد جاي
رساله امن القصر خطت عناوين
ـــــــــــــــــــــــــــــــــــــــــــــــــــــ
أذا تسـمع ندائـي قـبل لامــوت
عاود للمدينه
رد لهلك وفــرح ذيــج البيوت
المن عگبك حزينه
هاي الكوفه بس جنها بطن حوت
مو أمـة نبينه
صوت من الگلب لحسين هالصوت
رد سالم ولينه
تره امتانينك او حدوها السيوف
وأعليـك الفرق والجيش مصفوف
رد انـته بعيالك فــدوه مــولاي
أرجع ياحسين المـن بعد جــاي
رساله امن القصر خطت عناوين
ــــــــــــــــــــــــــــــــــــــــــــــــــــ
امرهم بيه غرابه اوما يوافون
وما عدهم معاهد
امس ستطعش الف اوياي يمشون
هسه ولاكو واحد
حي اعله الجهاد وهلا يصيحون
تالي ولا مجاهد
كلمن ناصراني اعليه يحكمون
جثيرات المشاهد
حرت شذكرلك وشحجيلك اهواي
عليه اتكاثـرو بس هانـي ويـــــاي
منو يوصل الرساله حسين الك هاي
ارجــع ياحسين المن بعد جاي
رساله من القصر خطت عناوين
ـــــــــــــــــــــــــــ
سلامي البني هاشم رفعة الراس
وحيود البساله
ولبو فاظل الغالي الكمر عباس
راعيها الكفاله
سلام اعله الحسين اباخر انفاس
وي ختم الرساله
اذه بالموت يحيئ الدين للناس
ميتين ابداله
اذه بالموت نحيي شرع الاسلام
بني هاشم كفوها وكلهم أزلام
نموت احنه ابدالك يضي عينـاي
ارجـع ياحـسين المـن بعد جــاي
رساله من القصر خطت عناوين
ــــــــــــــــــــــــــــــــــــــــــــــــــــــ
محمد المشعلاوي
Читать полностью…
الشاعر محمد المشعلاوي
26 July 2021 21:23
أرجع يالغالي أشتاگينه
والـوَن أعيونك حنينه
ارجــع ماردناه الـمــاي فدوه الطولك يالوفاي
يالماي اعيونك يروينه
ــــــــــــــــــــــــــــــــــــــــــــــــــــــــــــــــ
ننتظرك اباب الخيم ترجـع بذيـج اطيفوك
ياماي وبكصتك بحر يرّوي البحر بجفوفك
الماي سر گالـو نعـم بس انته سره انشوفك
يالخيرك معيش النهر ضل يجري من معروفك
يا سرّ المـاي أوتكوينه
الشط أجفوفك جرفينه
جودك اكثر منه أهواي .. فدوه لطولك يالوفاي
يالماي اعيونك يروينه
ـــــــــــــــــــــــــــــــــــــــــــــــــــــــــــــــــــــــ
يافَينه من ذيج الشمس ياشجـره وتثمر عشكَ
عبـاس لا تـبـعـد عـلَــي روحـي بغيابك تحتركَ
دگــات گـلبي اتـوقـفت الـه بوجـدك مــن تـدكَ
يالعـايش ابريـتي هـوَه لو ماتـرد تـدري اختنكَ
انته عذيبي يمر بريتي
يالبيدك صارت عافيتي
يمته اعيوني تشوفك جاي فدوه لطولك يالوفاي
يالماي اعيونك يروينه
ــــــــــــــــــــــــــــــــــــــــــــــــــــــــــــــــــــــــ
يم الخـيم صوتك وصـل ادركني صـار الصايـح
حسين انتفض مثل الأسد گالوله اخوك الطايح
شايب رجع من شاهدك مخضب وادمك سايح
عباس شو تالي الـعمـر عـايف حسين اورايـح
حسينك يتنخاك اتگـوم
ما حسبنه الفــرگه بيوم
كوم بحيلك رد اوياي .. فدوه الطولك يالوفاي
يالماي اعيونك يروينه
ـــــــــــــــــــــــــــــــــــــــــــــــــــــــــــــــــــــــ
يالطايح ابصف النهر وعلينه تربي أعيونك
يامـن يوصلني الك خويه ارد اشوف شلونك
طعنات بيك من الضهر انه اعـرف يغدرونك
حـكـهـم يطعنـونك غــدر ماكدرو يلاگــونك
يالي مخوف وجه الكاع
طايح وسفه وطولك ضاع
طولك جان مخوف أعداي..فدوه لطولك يالوفاي
يالماي اعيونك يروينه
ـــــــــــــــــــــــــــــــــــــــــــــــــــــــــــــــــــــــ
متانيتك اعيـون اهـواي يمته تــرد يالغــالي
انـتـه الگـمـر وآنــه اليل اظلـم بدونـك حـالي
الكون اظلم وموحش صار فاهي ومجانك خالي
ماجـنت أضـن ياعبـاس والفـرگـه ماهي ابـالي
اليل ابدونك ضلمه يصير
واحنه بدونك راح نحير
عباس اكعد نور اسماي .. فدوه الطولك يالوفاي
يالماي عيونك يروينه
ــــــــــــــــــــــــــــــــــــــــــــــــــــــــــــــــــــــــ
محمد رحيم المشعلاوي
Читать полностью…
الشاعر محمد المشعلاوي
14 July 2021 20:15
اعذريني .. خويه لو عنج بطيت
اعذريني .. لو على الشاطي بقيت
Читать полностью…
الشاعر محمد المشعلاوي
12 July 2021 10:50
العليله
يطـــارش كربله هم الك مـــــره
اعله ابوي . الماتركني بطيف مــره
تـــره الفـركَـه بغيابه حيل مــــره
ومنك تنتظر يحسين جيه
عگب حضنك بنيتك وين تربه
لحد ما تـرد عيني عليك تـربه
يطارش لو رجعت اوياك تربه
اشم بيها لحــد يــوم المنيه
ـــــــــــ
محمد رحيم المشعل
Читать полностью…
الشاعر محمد المشعلاوي
12 July 2021 00:44
#شور
انجرح گلبي ونظر عيني
المصاب الگصر اسنيني
صدك يحسين عفتوني ..وحيده وجرحي ماذيني
گلبــي الشيب وراسـي
غدت مذبوحه اعز ناسي
وين انطي الوجه بالله .. ما تكـعد يعـباسي
حسين حسين اه اه
ـــــــــــــــــــــــــــ
يروحي شلون مابيه
سـويه التـمن اعليه
حرك ويتام واخواني .. وباجر امشي مسبيه
امس همه الي جابوني
وهسه الوحدي عافوني
ما شافت خيالي الكاع .. وهسه الغربه شافوني
حسين حسين اه اه
ـــــــــــــــــــــــــــ
هظيمتنه بصبح عاشر
يتامه ونكسر الخاطر
اليلاعب جان برقيه .. بصدره يلعب الحـافر
تصيـح بابا حاجيها
تريدك خويه رد ليها
أذن ارقيه دم اتسيل .. من جرو تراجـــيها
حسين حسين اه اه
ـــــــــــــــــــــــــــ
اخوي الجان يبرالي
ويعرفني شكو ابالي
اجيت مدللـــه وياه .. ورجع بالضعن خالي
جـابـوها الهــزل لـينه
كوم اكعد يبو اسكينه
شيصعدنه عله الناگه .. بحبل مربوطه أيدينه
حسين حسين اه اه
ـــــــــــــــــــــــــــ
يبو فــاضـل يفي روحي
زاد ابـغيـبتك نـــــــــوحي
صدك مذبوح يا خويـه .. ياهو يسكت اجروحي
سهم كالولي بعيونك
بلون الدم صبح لونك
تضل بكربله طايح .. شيضل بيه انه من دونك
حسين حسين اه اه
ــــــــــــــــــــــــ
ماحسبنه للفرگه
وبعد هيهات للملگه
بقيتو بكربله نيام .. من ارد البيتي جاشلگه
دمع ماضل بعد بيه
العليله تنتظر جيه
من اكلها ذبحو الغالي .. اخاف اتموت بيديه
حسين حسين اه اه
ــــــــــــــــــــــــ
الخادم
محمد رحيم المشعلاوي
Читать полностью…
الشاعر محمد المشعلاوي
04 July 2021 03:20
#فزاعيات #شور
مايفزعون جا وين الهواشم
ـــــــــــــــــــــــــــ
حرمه الكـم يهـاشم بيـن عــدوان
وحيده ابلايه والي ومالها اخـوان
افزعو وشوفو زينب يا ال عدنان
حيـــره اتحــيرت ماعـدهـا ولـيان
اخيام حرگوها النسوان اشتطفي
ـــــــــــــــــــــــــــ
ذبحــو كــل اهلها وضلت بحيـره
وياحال الشماته الصعب تفسيره
الوجه لاوين ضلت تستحي اديره
بكاع الطف بقت تتحسر الغيره
عمت الساده جمر يسحك جدمها
ـــــــــــــــــــــــــــ
سحكت عالجمر زينب العلويه
وبعد ياحيل صاحت حيل مابيه
الجمر يلسع جدمها شسوت ارقيه
وتصيح بصوت عمه لحكَي اعليه
حيل مابيها ياهو يعين زينب
ـــــــــــــــــــــــــــ
جفوف اعله النهر مشموره جن ايه
ومن الخـوف محـد واصـل الـرايه
الرجــوله افعال كالو ماهي احجايه
وعباس المبجي الجرف وي مايه
صوبو عينه خافو منه يخزر
ـــــــــــــــــــــــــــ
مشت زينب الحــره وطبت الكوفه
وزرعت رعب بيهم خطبه معروفه
ومروها اعله بيت وتستحي اتشوفه
بت شيـخ العــرب يانــــاس مجتوفه
ما يعرفوها جيران الها جانو
ـــــــــــــــــــــــــــ
النسـوان العشـاير طـالبت بـيها
وزينب وسفه محد ينشد اعليها
لبوها الكوفه جانت هوه راعيها
محد ليش منهم جــــاب طاريها
وتالي مسبيه خذوها الال اميه
ـــــــــــــــــــــــــــ
محمد رحيم المشعلاوي
Читать полностью…
الشاعر محمد المشعلاوي
01 July 2021 03:40
حال مولاتي #زينب عليها السلام
في طريق السبي…
ــــــــــــ
ماغمضت تره عيوني
عگب الكافل اضعوني
بت شيخ العرب آنه وسفه الغرب يحدوني
ــــــــــــــــــــــــــــــ
من اهد ماغمضت اعيونك
عيوني مفتحه وتربي
وگلبي ما احسه يدك
الـــه كـــاعـد ابگـربي
يمن عايش هوه بريتي
ومتربع وسط گلبي
وينك يانظر عيني
بدونك تيهت دربي
عجيبه دارت الايام
ومشوني بطريج الشام
اگعد ياگمر هاشم وانضر حالة الايتام
ــــــــــــــــــــــــ
راسك عالرمح ينشال
ما جانت تره ابالي
مجانك بالسمه عباس
شحط بمجانك الخالي
اجيت اوياك وبزودك
وهسه الغرب تبرالي
شعتب عالنهر عالخيل
شسوت كربله بحالي
ظهر عاشر صبح جن ليل
داست صدر اخوي الخيل
وحرگو خيمة السجاد گلي من اجيب الحيل
ـــــــــــــــــــــــــــ
بضعن مرتاحه جبتوني
اجيت وياكم ابهل النوكَ
وهسه بهزل ردوني
وطبونه اعله الدرب السوكَ
بحجر ومشامر احجايت
الحك گلبي المحروكَ
وانطوه البنات الشام
من أرقيه ذهب مبيوكَ
مـن شـافـــت تراچـيها
اصّرخت ياعمه حاجيها
هاي ابنيه لبستهن گلي الوالدي اعليها
ــــــــــــــــــــــــــــ
سادات العرب احنه
شو تالي بخرابه انام
يطبونه بمجالس ليش
ومرامه العيون اسهام
ينظرون ابنات احسين
مامش غيره بهل الشام
طبع كل الجروح اطيب
وجـرح الشام ما يلتام
بنات حسين ابو الغيره
بسدي يلوذن ابحيـره
بتعب فـروهن اولايات من ديره لعد ديــره
ـــــــــــــــــــــــــــ
ما صارت يوادم دوم
الذبح عبد الله جدامي
والكاطع صبع لحسين
الخاتم بيده بس دامي
سويه وياي يتماشون
هظيمه الذبحو احلامي
وجابو ماي ويشربون
وحسين انذبح ظامي
هظمه اجبيـره وثكيـله
بطوله الكـاتل اوحيــله
والسجــاد ما يكــدر يمشي وانــه اتجيله
ـــــــــــــــــــــــــــــــــــــــــــــــــــــ
الخادم : محمد رحيم المشعلاوي
Читать полностью…
الشاعر محمد المشعلاوي
23 June 2021 13:40
الاهي.. بالحسين وغربته
الاهي.. بگلبي خلي محبته
كلمات الشاعر
محمد رحيم المشعل
بصوت. ( مسلم المطيري)
Читать полностью…
الشاعر محمد المشعلاوي
22 June 2021 13:32
حسين يمه .. المصرعك من اعتنيت
حسين يمه .. كلشي منك مالكيت
لحن٢
Читать полностью…
الشاعر محمد المشعلاوي
18 June 2021 13:10
للشاعر محمد. رحيم المشعل
بصوت ستار الصالحي
Читать полностью…
الشاعر محمد المشعلاوي
17 June 2021 23:10
*في تفسير قوله تعالى : { فتلقى آدم من ربه كلمات } ، أنه رأى ساق العرش وأسماء النبي والأئمة (ع) ، فلقّنه جبرائيل قل :
يا حميد !.. بحقّ محمد ، يا عالي !.. بحقّ علي ، يا فاطر !.. بحقّ فاطمة ، يا محسن !.. بحقّ الحسن والحسين ، ومنك الإحسان .
فلما ذكر الحسين سالت دموعه وانخشع قلبه ، وقال :
يا أخي جبرائيل !.. في ذكر الخامس ينكسر قلبي وتسيل عبرتي ؟.. قال جبرائيل : ولدك هذا يُصاب بمصيبةٍ تصغر عندها المصائب ، فقال :
يا أخي وما هي ؟.. قال : يُقتل عطشاناً غريباً وحيداً فريداً ، ليس له ناصرٌ ولا معينٌ ، ولو تراه يا آدم وهو يقول :
*واعطشاه !.. واقلة ناصراه !.. حتى يحول العطش بينه وبين السماء كالدخان*، فلم يجبه أحدٌ إلا بالسيوف ، وشرب الحتوف ، فيُذبح ذبح الشاة من قفاه ، وينهب رحله أعداؤه ، وتُشهر رؤوسهم هو وأنصاره في البلدان ، ومعهم النسوان ، كذلك سبق في علم الواحد المنّان ، فبكى آدم وجبرائيل بكاء الثكلى.
(المصدر : الدر الثمين ص 245)
* ورد في منتخب الطريحي ص 451 وذريعة النجاة ص 135 الخصائص الحسينية ص 62 إن الإمام الحسين (عليه السلام) قال لأعدائهِ : « *الآن اسقوني قطرة من الماء فقد تفتت كبدي* » .
Читать полностью…
الشاعر محمد المشعلاوي
02 June 2021 18:24
حرق داره الامام الصادق عليه السلام
..
عن المفضل ابن عمر لما أمر المنصور الدوانيقي لعائن الله عليه
عامله علئ المدينه ان يحرق علئ أبي عبد الله الصادق (عليه السلام) داره فجاؤه بالحطب الجزل ووضعوه علئ باب دار الامام الصادق (عليه السلام)
فاأضرمو فيه النار فلما اخذت النار فالدهليز تصايحن العلويات في داخل الدار وارتفعت اصواتهن فخرج الامام الصادق ع وعليه قميص وإزار وفي رجليه نعلان ويخمد النار ويطفي الحريق حتئ قضا عليها، فلما كان الغد،
فدخل عليه بعض شيعته يسالونه فوجدوه حزيناً باكياً فقالو: ممن هاذا التأثر والبكاء، أمن جرأة القوم عليكم
اهل البيت وليس منهم بأول مره ؟
فقال الامام الصادق ع لا ولاكن لما اخذت النار ما في الدهليز ، نضرت الئ نسائي وبناتي يتراكضن في صحن الدار من حجرة الئ حجره ، فتذكرت روع عيال جدي الحسين (عليه السلام) يوم عاشوراء لما هجم القوم عليهن ، ومناديهم ينادي احرقوا بيوت الظالمين .
Читать полностью…
659