Mehrob.uz

07 May 2025 14:43

Нима учун чақалоқнинг қулоғига азон айтамиз?

Субҳаналлоҳ! Бунинг ажойиб сабаби бор экан. Пайғамбаримиз алайҳиссалом фарзанд туғилганда боланинг ўнг қулоғига азон, чап қулоғига такбир айтишни буюрганлар. «Хўш, бу азон билан такбирдан кейинги намоз қани?» деган савол туғилади. Бу ҳақда бироз фикрлаб кўринг. Жавоб шуки, бу намоз - жаноза намозидир. Нима учун жаноза намозида азон ҳам, такбир ҳам айтилмайди? Чунки бу намознинг азон билан такбири инсон туғилганидаёқ айтиб қўйилган бўлади. Бир инсон вафот қилганда ўқиладиган жаноза намозининг яна бир ибрати шу эканки, инсоннинг ҳаёти такбир билан намоз орасича қисқа фурсат экан. Чақалоқнинг қулоғига азон ва такбир айтилишининг яна бир муҳим ҳикмати шуки, унинг биринчи эшитган овози Аллоҳнинг ибодатига чақириқ бўлишидир.
@mehrob_uz

Mehrob.uz

07 May 2025 10:39

Саъйдан кейин икки ракат намоз ўқиш

❓Савол: Саъйдан кейин икки ракат намоз ўқиш суннатми?

📥Жавоб: Бисмиллаҳир Роҳманир Роҳим. Саъйдан фориғ бўлгач, Масжидул Ҳарамда икки ракат намоз ўқиш мустаҳаб амал ҳисобланади. Бу ҳақда “Ғунятун-носик” китобида қуйидагича келтирилган:
“Тавофда бўлганидек саъйдан фориғ бўлгач, икки ракат намоз ўқишлик мустаҳабдир”.
Шунингдек, Имом Ҳаскафий “Дуррул-мухтор”да: “Тавофда бўлганидек, саъйни ҳам икки ракат намоз ўқиш билан тугатиш мустаҳабдир”, деганлар.
Бундан ташқари, “Раддул-муҳтор”, “Ал-Баҳрур-роиқ” каби мўътабар китобларимизда ҳам саъйдан кейин Масжидул Ҳарамнинг бирор жойида икки ракат намоз ўқиш мустаҳаб эканлиги айтиб ўтилган. Валлоҳу аълам.

“Фатволар тўплами”дан.
@mehrob_uz

Mehrob.uz

07 May 2025 06:11

89. Батаҳқиқ, ушбу Қуръонда одамларга турли мисолларни баён қилдик. Бас, одамларнинг кўплари куфрдан бошқа нарсадан бош тортдилар.
Аллоҳ таоло Қуръони Каримда одамларни иймонга чорловчи, ҳидоятга йўлловчи, уларнинг қалбларини, ҳис-туйғуларини, ақлларини ишга солувчи турли мисолларни баён қилди. Аммо Қуръондаги бу баёнотларни идрок эта олмаган инсонлар ҳамма нарсадан бош тортдилар. У мисоллардан фойда олмадилар. Улар фақат куфрдан бош тортмадилар.
@mehrob_uz

Mehrob.uz

07 May 2025 01:08

Ассалому алайкум!

🌻Хайрли тонг 🌻

Расулуллоҳ соллаллоҳу алайҳи васаллам: «Ким:
رَضِيتُ بِاللهِ رَبًّا وَبِالإِسْلاَمِ دِينًا وَبِمُحَمَّدٍ صلى الله عليه وسلم رَسُولاً

«Родииту биллаҳи роббан ва бил ислами диинан ва бимуҳаммадин соллаллоҳу алайҳи васаллама росула», деса, унга жаннат вожиб бўлади», дедилар.

Маъноси: «Аллоҳни роббим деб, Исломни диним деб, Муҳаммад алайҳиссаломни расул деб рози бўлдим».

Каналга аъзо бўлиш:👇
https://t.me/joinchat/AAAAAD-ZGmdHp-O75FyVsg

Mehrob.uz

06 May 2025 17:20

Намоз вақтлари:
07.05.2025 - ЧОРШАНБА

Telegram | Facebook | Instagram | YouTube

Mehrob.uz

06 May 2025 14:05

@mehrob_uz

Mehrob.uz

06 May 2025 10:32

Фарзандлар беш хил бўлади!

1. Ота-онаси буюрган нарсани қилмайди. Бундай фарзанд ота-онасига оқ бўлиб қолиши мумкин.
2. Ота-онаси буюрган нарсани ёқтирмай қилади. Бундай фарзанд ажру савобга эришмайди.
3. Айтилган ишни қилади, аммо миннат билан, уфф тортиб, овозини баландлатиб қилади. Бундай фарзанд гуноҳга ботади.
4. Буюрилган ишни чин кўнгилдан қилади ва бунинг учун ажр-савоб олади. Аммо бундай фарзандлар камдир.
5. Ота-онаси ҳали айтмай туриб, улар хоҳлаган нарсани қилади. Мана шундай фарзанд ота-онага яхшилик қилганларга ваъда қилган савобларга эришади. Бундай фарзандлар жуда нодир бўлади.

Шу охирги икки хил фарзандларнинг умри ва ризқи баракотли, қалби шод бўлади, ишлари доим ўнгидан келади. Мана шу Аллоҳнинг фазли бўлиб, Аллоҳ уни хоҳлаганига беради. Аллоҳ буюк фазл соҳибидир. Аллоҳим! Барчамизни ана шундай фарзандлар қаторида қилгин!
@mehrob_uz

Mehrob.uz

06 May 2025 06:11

88. Агар инсу жинлар тўпланиб, ушбу Қуръонга ўхшаш нарса келтирмоқчи бўлсалар, бунда баъзилари баъзиларга ёрдамчи бўлсалар ҳам, унга ўхшашини келтира олмаслар.
Барча инсонларга ҳам, жинларга ҳам жуда оз илм берилгандир. Ҳатто улар руҳ ҳақида ҳеч нарса била олмай ҳайрондир. Модомики шунда экан, ҳаммалари бир бўлиб, ўзаро ёрдамлашиб ҳаракат қилсалар ҳам, Қуръонга ўхшаш нарса келтира олмайдилар. Қуръон сўзлари каби сўзлар туза олмайдилар. Қуръон жумлалари каби жумлалар топа олмайдилар. Лекин Қуръони Каримнинг мўъжизакорлиги фақат сўз, гап, балоғат-фасоҳат ёки услуб жиҳатидан эмас, балки инсониятнинг барча мушкулотларини ҳал қилишида, унга икки дунё саодатини ато этувчи мукаммал ва абадий, ҳар замон ва ҳар маконга мос дастур тақдим қилишида ҳамдир. Бундай илоҳий дастурни ҳеч ким, ҳатто дунёдаги барча инсонларга барча жинлар қўшилиб бир-бирларига ёрдам бериб уринганларида ҳам ярата олмайдилар.
Улар Қуръонга ўхшаш нарса келтириш у ёқда турсин, шу бор Қуръонни тўғри англашга ҳам ожизлик қиладилар.
@mehrob_uz

Mehrob.uz

06 May 2025 01:25

АССАЛОМУ АЛАЙКУМ!
☘️ Хайрли тонг! ☘️
Тонгги зикр

“Асбаҳнаа ва асбаҳал-мулку лиллаҳи Роббил-ъааламиин. Аллоҳумма ас‘алука хойро ҳаазаал-йавма фатҳаҳу ва насроҳу ва нууроҳу ва барокатаҳу ва ҳудааҳу ва аъуузу бика мин шарри маа фийҳи ва шарри маа баъдаҳу”.

Маъноси: “Биз ҳам, мулк ҳам оламлар Парвардигори Аллоҳники бўлган ҳолда тонг оттирдик. Ё Аллоҳ! Сендан бу куннинг фатҳини, ғалабасини, нурини ва баракасини ҳамда ҳидоятини сўрайман. Ё Аллоҳим! Сендан бу куннинг ва кейинги кунларнинг ёмонликларидан паноҳ тилайман”.
@mehrob_uz

Mehrob.uz

05 May 2025 17:20

Намоз вақтлари:
06.05.2025 - СЕШАНБА

Telegram | Facebook | Instagram | YouTube

Mehrob.uz

05 May 2025 14:10

Абу Ҳурайра розияллоҳу анҳу Набий соллаллоҳу алайҳи васалламдан ривоят қилади:

«Фақат иккитасига ҳавас қилиш бор: Аллоҳ Қуръонни ўргатиб, у уни тун бўйи, кун бўйи тиловат қиладиган киши. Қўшниси уни эшитиб: «Қанийди менга ҳам фалончига берилгандек нарса берилсаю, унинг амалига ўхшаш амал қилсам», дейди.

Яна Аллоҳ мол-давлат бериб, уни ҳақ йўлда сарфлаб битирган кишидир. Бир киши: «Қанийди фалончига берилгандек менга ҳам берилса, унинг амалига ўхшаш амал қилсам», дейди».

(Имом Бухорий ривояти)
@mehrob_uz

Mehrob.uz

05 May 2025 10:29

Кимнинг қалби касал бўлса, тақво либосини кийишдан тўсилиб қолади. Агар қалбинг шаҳват ва ҳавои нафс касалидан саломат бўлса, кейин тақво юкини кўтара оласан. Ким тоат ҳаловатини топмаса, бу қалбидаги шаҳватдан иборат касалига далолат қилади. Аллоҳ таоло шаҳватни касаллик деб атади.

"Яна қалбида касали бор бўлган тама қилиб юрмасин" (Аҳзоб сураси, 32-оят).

Сенда бу касалликни муолажа қилишнинг икки йўли бор:
Биринчиси, сенга манфаатли бўлган нарсани қилиш. У тоатдир.
Иккинчиси, сенга зарарли бўлган нарсалардан сақланиш. У нарса маъсиятдир. Агар сен гуноҳ қилиб, ортидан Аллоҳга қайтиш, синиқлик ва надомат ила тавба қилсанг, бу нарса Аллоҳ таолога боғланишингга сабаб бўлади. Агар тоат қилиб унинг ортидан ужбга бориб кибрлансанг, бу нарса Аллоҳ таолодан узилишингга сабаб бўлади.

"Нафс тафтиши" китобидан.
@mehrob_uz

Mehrob.uz

05 May 2025 06:46

ЯХШИЛИКНИНГ ЭНГ МУКАММАЛИ

Аббос айтади: “Яхшилик уч нарса билан комил бўлади: Уни тезроқ бажариш, кичик бўлса-да, давомли қилиш, уни яширин бажариш. Яхшиликни тезроқ қилсанг, ютуққа эришибсан, оз ва давомли қилсанг, уни катталаштирибсан, яширин адо этсанг, мукаммал бажарибсан”.

Эзгу ишларни “MEHROB HIMMATI” билан бирга амалга оширинг👇👇👇

Эҳсон қилиш учун: 🌙
HUMO: 9860090105667720
BOBOSHER JUMAYEV

UZCARD: 6262720197332284
BOBOSHER JUMAYEV

VISA: 4685970178005318
BOBOSHER JUMAYEV

Payme: MEHROB HIMMATI
Click:     MEHROB HIMMATI
Paynet: MEHROB HIMMATI

"SAXOVAT" XAYRIYA JAMOAT FONDI
Asia Alliance bank:
Ҳ/р: 20212000505392419001
(МФО 01095)
ИНН 207339666

Mehrob.uz

05 May 2025 06:02

87. Магар Аллоҳда марҳамат бўлсагина. Албатта, Унинг фазлу карами сен учун каттадир.
Ҳа, Аллоҳ таолонинг марҳамати билангина ваҳий боқий қолди. Уни қайтариб олмади. Ана ўша ваҳийга амал қилиб, оқибат саодатга эришиш мумкин. Бу эса, Аллоҳ томонидан берилган фазлу карамдир.
Аллоҳ таоло томонидан фазлу карам сифатида инсонга берилган бу ваҳий, яъни, Қуръон Аллоҳгагина хос нарсадир. Бунга ўхшаш нарсани ундан бошқа ҳеч ким келтира олмайди.
@mehrob_uz

Mehrob.uz

05 May 2025 01:37

Асссалому алайкум

🌸ХАЙРЛИ ТОНГ!🌸

Гўзал тасбеҳ

«Субҳааналлоҳи ва биҳамдиҳи адада холқиҳи ва ризо нафсиҳи ва зината Аршиҳи ва мидаада калимаатиҳ».
Маъноси: «Аллоҳни Унинг ҳамди ила, махлуқотлари ададича, то У рози бўлгунича, Арши вазнича ва калималари сиёҳи миқдорича поклайман».

Каналга аъзо бўлинг:👇👇👇
https://t.me/joinchat/AAAAAD-ZGmdHp-O75FyVsg

Mehrob.uz

07 May 2025 12:38

#дуо
ҲАР БЕМОРЛИКДАН ШИФО

Набий соллаллоҳу алайҳи васалламдан нақл қилинган жуда осон ва қисқа бир дуо бор. У зот у дуонинг улкан фойдасини ҳам айтганлар. Мана ўша дуо:

أَسْأَلُ اللهَ الْعَظِيمَ رَبَّ الْعَرْشِ الْعَظِيمِ أَنْ يَشْفِيَكَ
Яъни: “Улуғ арш Эгаси бўлган буюк Аллоҳ таолодан сенга шифо беришини сўрайман”. (Имом Абу Довуд ривояти)

Ҳадиси шарифда келадики, Набий соллаллоҳу алайҳи васаллам: “Қайси бир мусулмон бемор биродарини зиёрат қилиб, етти марта бу дуони ўқиса, агар ўша беморнинг ажали етмаган бўлса, албатта, ушбу дуо баракотидан Аллоҳ таоло унга шифо беради. Лекин ажали етган бўлса, уни ҳеч ким қайтара олмайди”, деганлар. (Имом Термизий ривояти)

"Насиҳатлар гулдастаси"дан.

@mehrob_uz

Mehrob.uz

07 May 2025 08:35

Умар ибн Хаттоб розияллоҳу анҳудан ривоят қилинади:
«Расулуллоҳ соллаллоҳу алайҳи ва салламнинг ҳузурларига асиралар олиб келинди. Асиралардан бири боласини қидирар, бирор гўдакни кўрса, уни бағрига босиб, эмизар эди. Шунда Набий алайҳиссалом бизга: "Нима дейсизлар, мана шу аёл боласини оловга ташлайдими?" дедилар. Биз: "Йўқ! Аллоҳга қасам (ташламайди)", дедик. Расули акрам соллаллоҳу алайҳи васаллам: "Аллоҳ таоло бандаларига шу аёл боласига меҳрибон бўлганидан ҳам меҳрибонроқдир", дедилар».

Муттафақун алайҳ.
@mehrob_uz

Mehrob.uz

07 May 2025 04:05

• Табассум - ҳарфсиз ёзилган ёқимли сўздир.
• Табассум - электр сарфламай ёнган чироқдир.
• Табассум - Аллоҳнинг қазо-қадарига розиликдир.
• Табассум - таржима керак бўлмаган луғатдир.
• Табассум - садақадир!
@mehrob_uz

Mehrob.uz

06 May 2025 17:40

Ота

• Сен унинг катта оёқ киймини киярдинг, оёқларинг жажжилигидан, қоқилиб кетардинг;
• Кўз ойнагини тақиб, ўзингни катталардек ҳис килардинг;
• Кийимини кийиб виқор сезардинг;
• Машинасининг калитини беришини сўрардинг. Ўзингни унинг ўрнига қўйиб, ўзинг ҳайдаётгандек хаёл қилардинг;
• Арзимас нарса учун иш вақтида унга қўнғироқ қилардинг. Сенга қалб тўла қувонч билан жавоб берарди. Сен билан иш вақтида гаплашгани учун раҳбаридан гап эшитишини ёки ҳамкасби ишини тезроқ бажариб беришини кутиб турганини ё телефон орқали гаплашиш унга ортиқча харажат бўлиб яна қийинчилик келтириши билмасдинг;
• Яна хотиржамгина "Дада, келишингизга менга қулпнай шарбатини олиб келинг" дердинг. "Жоним билан болам, онангни қийнамагин-а?" деб жавоб берарди. Уйга иш, ҳавонинг иссиғ -у совуғи, заҳмат билан чарчаб сенинг "буюртма"нгни эсидан чиқиб қолса, келиши билан
"Дада шарбат қани?" дердинг. Табассум қилиб, чарчоғини ҳам унутиб, сенинг "бемаъни" талабингни жойига келтириш учун чиқиб кетарди.
• Бугун эса....
• Бугун сен улғайдинг.
• Унинг оёқ кийимини киймайсан. Замондан ортда қолган бўлгани учун...
• Либослари, нарсалари, ўртоғларингга бир пайтлар мақтанганнинг мошинасидан ирганасан, менсимайсан. Чунки энди сени у нарсалар қизиқтирмайди. Отангнинг қарашлари эса, сеникига мос келмай қолди.
• Оғайниларингдан ўзингча хижолат қилиб, уларнинг олдида отангни қилган ҳаракатлари аччиғингни келтиради, асабларингни бузади.
• Кечиксанг, сендан хавотир олиб қўнғироқ қилса, сенинг юрагинг сиқилади, ўз ҳолингга қўймаганидан нафратланиб кетасан. Агар кўнгли хавотирдан жойига тушмай такрор ва такрор қўнғироқ қилса, унга жавоб қилмай қўяқоласан.
• Уйга кеч қайтсанг, масъулиятсизлигинг учун койийди. Сен эса ғазабдан ёнасан. У эса буни билса ҳам оиланинг боши, ҳар бир бошлиқ ўз қўл остиданилардан масъул эканлиги учун тарбиялашдан тўхтамайди.
• Унга овозингни кўтарасан, сўзларинг билан қалбини эзасан, унга берган жавобларинг, бақиришларингдан жим бўлиб қолади. Қўрққанлиги учун эмас, балки сени яхши кўргани, сенга мурувват қилганидан.
• Кечагина, ёшлик чоғида сени елкасига кўтариб, опичлаб юрарди.
Бугун эса, бўйинг уникидан баланд, уни қўлидан ҳам ушлашни хоҳламайсан.
• Кечагина гапиришни билмасдинг, чучук тилинг билан гапиришга қийналиб хатолар қилардинг. Бугун эса, ҳеч ким сенга "жим" дея олмайди.
• Қанчалик малол келтирмасин, у сенинг отанг, унутдингми ёки?
• Болалигингда сени тентакликларинг, эркалигинг, жинниликларингни кўтарганидек, сен ҳам уни қариган чоғида, беморлигида келтирадиган машаққатларига мамнуниятла бардош бер. Унга марҳаматли бўл.
• Сендан бошқалар, отаси йўқлар отасини яна бир бор кўришни орзу қиладилар.
• Мендан: "Кимни яхши кўрасиз?" деб сўрашди. Айтдим: "Менга 9 ой интизор бўлган, шодон кутиб олган, моли ва жони (соғлиги) эвазига мени тарбиялаган, одам бўлишим учун кечани кундузга улаган инсонни" дедим.
• Отам мен учун тоабад қалбимда энг яхши кўрганим бўлиб қоладилар.
• Ҳаммадан узр сурайман-у лекин, шуни биламан, ҳеч ким ОТАга ўхшамайди.
• Эй Роббим, вафот этган оталарни кечир. Раҳматинг, жаннатинг-ла қаршила!
• Кимнинг отаси ҳаёт бўлса, умрини тоатингда узайтир, ғамларини кетказ, ўзи кутмаган тарафидан ризқлантир, унга Ўз раҳматингни ёғдир, гуноҳларини кечир, жаннатингга кирадиганлардан кил!
@mehrob_uz

Mehrob.uz

06 May 2025 16:04

СОЛААТУН НААРИЯ

«Аллоҳумма, солли солаатан каамилатан ва саллим салааман таамман ъалаа саййидинаа Муҳаммадин аллазий танҳаллу биҳил ъуқод, ва танфарижу биҳил куроб, ва туқзоо биҳил ҳавааиж, ва тунаалу биҳир-роғооиб, ва ҳуснул ховаатийми ва йустасқол-ғомаам, би важҳиҳил карийм ва ъалаа аалиҳи ва соҳбиҳи ва саллим».
«Аллоҳим! Саййидимиз Муҳаммад соллаллоҳу алайҳи васалламга мукаммал, тўлиқ салавот ва саломлар бўлсин. Аллоҳнинг фазли ва марҳамати билан, ўша салавот сабабли жумбоқлар ечилур, машаққатлар барҳам топур, ҳожатлар бароридан келур, рағбат қилинган нарсалар қўлга киритилур, яхши хотимага эришилур ҳамда булутлардан ёмғир ёғур. У зотнинг оилаларига ва саҳобаларига ҳам салавоту саломлар бўлсин».

Изоҳ: Уламоларнинг тажрибаларига кўра, ушбу салавотни яхши бир нарсани ният қилиб 4444 марта ўқилса, Аллоҳнинг изни билан мақсад ҳосил бўлиши умид қилинади. Бизнинг юртларда бу салавотни кўпроқ бошга мусибат тушганда ўқиш йўлга қўйилган.

Наария — ёндирувчи олов деганидир. Салавотнинг бундай номланишига сабаб шуки, у ғам ва муаммоларни тезлик билан куйдириб ташлайди.

"Саодатга етакловчи ҳикматлар" китобидан.
@mehrob_uz

Mehrob.uz

06 May 2025 11:59

Ҳажда жиноят сабабли жонлиқ сўйиш

❓Cавол: Ҳажда эҳромли киши жиноят қилса ва қўй сўйиш вожиб бўлса, жонлиқни қаерда сўйиши керак?

📥Жавоб: Бисмиллаҳир Роҳманир Роҳим. Жиноят сабабли жонлиқ сўйиш Ҳарамда бўлиши шарт.
“Жонлиқ сўйишдаги учинчи шарт, жонлиқни Ҳарам чегарасида сўйишдир. Шукр учунми, жиноятни тўғрилаш учунми, фарқи йўқ, бунга иттифоқ қилинган” (“Иршодус сорий” китоби).
Ҳозирги қўй сўйиш мавзеси жойлашган Мино минтақаси ҳам Ҳарам ҳудудига киради. Валлоҳу аълам.

“Фатволар тўплами”дан.
@mehrob_uz

Mehrob.uz

06 May 2025 08:10

Аллоҳ таолонинг муҳаббатини жалб қилувчи ўнта сабаб

1. Қуръонни тадаббур билан ўқиш, унинг маънолари ва унда мақсад қилинган нарсалар ҳақида фикр юритиш.
2. Фарзлардан сўнг Аллоҳ таолога нафллар билан яқин бўлиш.
3. Хоҳ тилда, хоҳ қалбда, хоҳ амалда - ҳар бир ҳолатда Аллоҳнинг зикрида бардавом бўлиш.
4. Аллоҳ яхши кўрган нарса билан банда яхши кўрган нарса рўпара келиб қолганда биринчисини иккинчисидан устун қўйиш.
5. Аллоҳнинг исмлари ва сифатлари ҳақида, У Зотнинг камолоти ва улуғлигига далолат қиладиган нарсалар ҳақида ҳамда Унга нисбатан мақтовлар ҳақида фикр юритиш.
6. Аллоҳнинг кўзга кўринадиган ва кўринмайдиган неъматлари хусусида фикр юритиб, У Зотнинг бандаларига инъоми, эҳсони ва яхшиликларини мушоҳада қилиш.
7. Аллоҳнинг ҳузурида синиқ қалб билан, тазарруъ билан туриш.
8. Туннинг охирги учдан бир қисмида Аллоҳ билан холи қолиб, Қуръон тиловати, истиғфор ва тавбага машғул бўлиш.
9. Яхши инсонлар, солиҳ, зотлар билан суҳбатда бўлиш ва улардан манфаат олиш.
10. Аллоҳ билан қалбнинг орасига тўсиқ бўлувчи ишлардан йироқ юриш.
@mehrob_uz

Mehrob.uz

06 May 2025 04:02

«Икки киши Аллоҳ учун бир-бирини яхши кўрса, уларнинг афзали муҳаббати кучлисидир».

Имом Бухорий ривояти
@mehrob_uz

Mehrob.uz

05 May 2025 17:40

Саҳл ибн Абдуллоҳ Тустарий ҳазратлари:
- Маҳшар куни инсонлар, қиздирилган қуёш остида эллик минг йил, жуда мушкул ҳолда кутадилар. Улардан етти тоифа мусулмонлар Аршнинг соясида сояланадилар ва ҳеч қандай ғам-ташвиш кўрмайдилар - дея марҳамат қилдилар.
- Ҳазрат, улар кимлардир?", дея сўраганларида:
- Булардан бири мўминларнинг юзига, Аллоҳ учун муҳаббат билан қараган кишилардир. Ўша эллик минг йиллик вақт, уларга икки ракат намоз вақти қадар қисқа ўтади" - дедилар.
@mehrob_uz

Mehrob.uz

05 May 2025 16:05

УМРНИ УЗАЙТИРАДИГАН АМАЛ

Бир куни бир йигит ва қиз Сулаймон алайҳиссаломнинг олдиларига келиб никоҳларини ўқишни сўрадилар. Сулаймон алайҳиссалом ҳам уларнинг никоҳларини ўқидилар. Улар ҳам севинч ичида қайтдилар. Улар кетгач ортларидан Азроил алайҳиссалом келдилар ва:
- Эй Аллоҳнинг Набийси! Сен бу икки ёшнинг севинчлари узоқ давом этади, деб ўйлама. Зотан, Аллоҳ бу йигитнинг жонини беш кундан сўнг олишимни буюрди.
Ҳазрати Сулаймон алайҳиссалом ўша йигитни кузата бошладилар. Аммо йигит беш ой ўтса ҳам яшашда давом этар эди. Ниҳоят, Сулаймон алайҳиссалом бунинг сабабини Азроил алайҳиссаломдан сўрадилар. Азроил алайҳиссалом шундай жавоб бердилар:
- Ўша йигит сенинг олдингдан чиққач, бир йўқсилга садақа қилди. Йўқсил ҳам: «Умринг узун бўлсин», деб дуо қилди. Аллоҳ ҳам йўқсилнинг холис дуосини қабул қилди ва йигитнинг умрини узайтирди.

«Оилам билан ҳар куни бир ҳаёт дарси ўрганамиз» китобидан.
@mehrob_uz

Mehrob.uz

05 May 2025 12:03

Ўгай фарзанд ҳам меросхўр бўладими?

❓Савол: Бир киши битта ўғли бор аёлга уйланди, кейин ундан учта қиз фарзанд кўрди. Ўша киши вафот этса, хотинга эргашиб келган ўгай ўғил меросхў бўладими?

📥Жавоб: Бисмиллаҳир Роҳманир Роҳим. Йўқ, ўгай ўғил меросхўр бўлмайди. Чунки у билан вафот этган киши ўртасида ҳеч қандай насаб боғланиши йўқ. Мерос олиш учун насаб орқали ёки никоҳ орқали боғланиш (яъни эр-хотинлик) бўлиши керак. Демак, фарзандлар ичида фақатгина маййитнинг пуштидан бўлган (сулбий)лари мерос олади. Валлоҳу аълам.

“Фатволар тўплами”дан.
@mehrob_uz

Mehrob.uz

05 May 2025 08:10

2 сонияда бошдаги соч толалари миқдорича савоб

Ким етим бошини силаса ва бу ишни фақат Аллоҳ ризоси учун қилса, ҳар бир силаган сочи миқдорида ҳасана (савоб) битилади. Бу иш инсондан 2, нари борса, 3 сония вақтни талаб қилади.

Далил:
Абу Умома розийаллоҳу анҳудан ривоят қилинади: "Расулуллоҳ соллаллоҳу алайҳи васаллам: "Ким бир етимнинг бошини силаса, уни фақат Аллоҳ учун силаса, у (банда) учун қўли (силаб) ўтган ҳар бир сочда ҳасанотлар бўлади. Ким ўз ҳузуридаги етим қиз ёки етим болага яхшилик қилса, жаннатда мен у билан мана шу иккиси каби бўламан”, деб кўрсаткич ва ўрта бармоқлари орасини очиб кўрсатдилар” (Имом Аҳмад ривояти). Етимларга ғамхўрлик қилиш жуда фазилатли иш. Бошқа бир ҳадисда Расулуллоҳ соллалоҳу алайҳи васаллам шундай марҳамат қилганлар: "Мен ва ўз етимини ёки бошқанинг етимини кафиллигига олган киши билан жаннатдамиз, бева аёл ва мискинга ёрдам берувчи Аллоҳнинг йўлидаги мужоҳид кабидир” (Имом Бухорий ривояти). Етимлар молини ейиш оқибати аянчли бўлиши ҳақида Аллоҳ таоло қатъий огоҳлантирган: "Етимларнинг мол-мулкларини зулм йўли билан ейдиган кимсалар, албатта, қоринларида олов еган бўлурлар ва албатта, дўзахда куйгайлар" (Нисо сураси, 10-оят). Шу сабабли етимларга ғамхўрлик қилиш, уларни парваришлаш, кўнгилларини кўтариш, ўкситмасликка ҳаракат қилишимиз, бу ишларимиз билан одамлар эмас, балки оламлар Парвардигори розилигини кўзлашимиз лозим.

«Фазилатли амаллар - ажри улуғ амаллар» китобидан.
@mehrob_uz

Mehrob.uz

05 May 2025 06:02

@mehrob_uz

Mehrob.uz

05 May 2025 04:10

Ҳасан Басрий айтади: «Қуръон амал қилиш учун нозил қилинган эди. Инсонлар, аксинча унинг қироатини (мажбурий) амал қилиб олдилар» .
У инсонлар Қуръонга кўра амал қилмасдан, уни фақат қироат қилишларини назарда тутган.

Ибн Жавзий раҳматуллоҳи алайҳ
@mehrob_uz

Mehrob.uz

04 May 2025 17:41

Имом Қуртубийнинг “Аҳкомул Қуръон" китобида шундай сўзлар бор: "Инсон 60 йил яшаб, тунлари ухлаб, ярим умрини беҳуда кетказиши ва кундузининг олтидан бирида дам олиш учун ухлаши жуда катта аҳмоқликдир. Бас, умрининг учдан икки қисми кетиб, 20 йили қолади. Инсон қолган учдан бир умрини ҳам фоний лаззат учун совуриши ва йўқликка юз тутмайдиган Беҳожат ва вафо қилувчи Зот ҳузурида боқий лаззат учун бир кечани бедор қилмаслиги жаҳолат ва нодонликдир”.
@mehrob_uz