686
🍂دەلاقێوەپەی ویناو ویەردەیما..🍂 🌼دڵ وەشنا بە وەر ڪەوتەو سەر ڪەلای🌼 ↘ادمینهای کانال↙ @kosalan1384 @sahebhabibi1358 @paymanakaykham @Serva111
💦🍂💦🍂💦🍂💦🍂💦🍂💦🍂💦🍂💦
باوڕم نیا خوا بە کەسێوە واچۆ نا!
خوا تەنیا یەرێ جوابێش هەنێ:
۱- سەروو چەمی
۲- کەمێ تاقەتت بۆ
۳- چێوێ عالتەرم هەن پەیت
هەمیشە جە فشاروو ژیوایتنە دڵ گران مەبە ، شایەد ئانە خوان گێرتەنیش باوشیوە و فشارۆت وێشرە !
پەی تەماموو سەخڵەتیەکاو ژیوایت تاقەتت بۆ..
سەبر و تاقەت ئەوپەڕوو حورمەتین پەی ئا چێوی خوای کەردەن قسمەتت!
@karawawshamyany
ئێمە گیانێکین لەدو جستە دا
مامۆستا ئیبراییم خەیات❤️🥀
@kaeawawshamyany
🖤انا لله وانا الیه راجعون🖤
با نهایت تأسف و تأثردرگذشت،مرحوم عباد وطن دوست (برادر خانم آقای سالار محمدی کەڕاوا)را به خانواده محترمشان تسلیت عرض می نماییم و از خداوند متعال برای این عزیز سفر کرده طلب مغفرت و برای خانواده محترمشان صبر جمیل مسئلت می نماییم .
🖤🖤🖤🖤🖤🖤🖤🖤
هام دەگایە وەشەویسەکا ، #ژەن_براوکاک_سالارموحەممەدی (سالارو کا شەریفی) فەوتش کەردەن ، پەرسانەش پەنج شەمە و جمعە ئینا دەگاو ڕێخەڵانی
💐 روحش شاد و یادش گرامی 💐
+مراسم خاکسپاری و فاتحه خوانی روستای ریخلان برگزار می گردد
─┅─═ঊঈ 🖤 ঊঈ═─┅─
#کەڕاواوشامیانی👇
🆔 @kaeawawshamyany
دانیشتووی خاکی هیچ بێگانە نیم
دڵخۆشی خاکی بێ متمانە نیم
مێژووی گەلێکی نەمر و زیندووم
دونیاش دەزانێ کە ئەفسانە نیم
شانم هەڵگری خەمی گەلێکە
هەڵوەدای خەمی زوڵف‌و شانە نیم
چاوم لە ئاسۆی ڕوونی وڵاتە
چیتر ئەسیری ئەم شەوانە نیم
شابازی دوندی چیای ڕابوونم
هەڵوەدای بەند و داو و دانە نیم
دڵگەرمی خەڵکی وڵاتی خۆمم
قەت چاو لە دەستی هیچ بێگانە نیم
ئەوانەی گەمە بە ژینمان دەکەن
گەمژەن، گەپجاڕی ئەو کەرانە نیم
لە ئاپۆرەی شار کەیل و بێزارم
کێ دەڵێ منیش چیالانە نیم؟
هەرچەند پەروەردەی ڕێبەندانێکم
دڵخۆشی وەرزی ئەم زستانە نیم
ڕێگا دەپێوم بەرەو داهاتوو
دەربەستی دەنگۆ و تیر و تانە نیم
وانەی ئازادی لە بەهار فێر بووم
دیلی ستەمی ئەم زەمانە نیم!
✍#ک_د_ئازاد
🍁🍁
@karawawshamyany
داستانەو ئەسێ
بەشوو پەنجی
سۆحوو ئا ڕۆیە، مامۆژەنیم واتش ئا بۆ ئا دەوریە بەرەوە پەی مەتی سەلمای. کەمێو
کەشکی بنیە دلێش خاڵی مەوەرشوە شوورەیەن.
دەوریم پەڕ کەرد کەشکی و وەروو وێمەرە هەر واچێنێ: دەی مەتی سەلما وێش حەیواندارەنە کەشکیو تۆش پەی چێشی؟ تا یاوان لاو بەرەی تەقەم دا. دیم کوڕەکەو دادە فەریدەی بەرەش واز کەرد. واقش پڕا پۆرەمەرە و منیچ پەشۆکیانی، ویرم شی سڵام کەروو. پەلەپەل دەوریەکەم دا پەنە و واتم: ئانە هنوو داڏایتەن و کرژ ئامان بەر. ئەننە پەشۆکیای بێنێ نە دەسوەشیم کەرد نە هیچ.
دماو ئا رۆیە دیم هەر چی مەلوو دەموو بەرەی، ئا کوڕە ئینا دەلاقەنە و دیای مەڏیۆ. منیچ دڵمەنە واچێنێ: ئینە چی نمەلانوە پەی یانەو وێشان؟ نە بە وەڵێشان چننە ساڵێ سەرشان نەڏان مەتی سەلمای نە بە ئیسەیشانە!!!!
کەم کەم کارایەش پەنە ئامەبێ ئیتر عادی بیەبێوە پەیم، ئەگەر بلواینێ بەر و نەوینایەم پەیم سەیر بێ. منیچ کەم کەم پێسەو چێویە عاڏەتم کەردەبێ. حەز کەرێنێ وەختارێ مەلوو بەر، پاڵوو دەلاقەیەنە بۆ و سەرنجم بڏۆ. نمەزانوو شایەد وەشەویسی بێ شایەدیچ تەنیا عاڏەت بێ!!
ئاقیبەت دەوروو دوێ حەفتێش پەنە شی هەرچی ئامان بەر و لوان چوەری ئیتر نەڏیم. نمەزانوو چی فرە سەخت بێ پەیم کە ئیتر کەس نەوێ چا دەلاقەنە گێرۆم چیروو نەزەرێ؟ مەتی سەلمام دیە نیشتێبێرە و فرە ناڕەحەتە بێ لوان پەی لایش واتش: ئەسرین گیان دیت هەمتەر تەنیا کەوتانیوە؟ فەریدە و زاوڕۆکێش لوایوە پەی کرماشانی. واتم وەڵڵا قینیم ئامە مەتی سەلما. ماچۆ: ڕۆڵە ئی دوە حەفتە عاڏەتم کەردەبێ پەنەشا فرە سەختەن. منیچ چێروو لچانەنە خوێنێ و وەروو وێمەرە واچێنێ: ئەمنیچ عاڏەتم کەرد پەنەشا تا تۆ بیاوۆ. کەمێو باسوو دادە فەریدە و زاوڕۆکانش کەرد پەیم و ماچۆ فەریدی کوڕش ئاخر ساڵوو دانژگایشەن و بێوەی تەمامناش مەوۆ مەعالم و کناچەکێچش زاوڕۆنە، کەلاسوو یەکیەنە. بەڵام من هەر حەز کەرێنێ باسوو فەریدیم پەی کەرۆ.
چا ماوەنە ئامۆشۆشا فرە بیەبێ پەی یانەو مەتی سەلمای. وەخت بێ جە مانگەنە یەرێ چوار جارێ ئەینێ پەی یانەیش. منیچ جه خوڏایم بێ واچێنێ بەشکەم فرەتەر فەریدی بوینوو هەرچنڏە نە ئەژناسێنێش نە قسێم چەنی کەردەبێ، بەڵام....
هەمتەر پێسەو وەڵێ فەرید کەرێوە تاق و منیچ یا وەربەرە گزی دێنێ یا ئەینێ دەموو بەرەی وینێنێش. تا یەک ساڵ هەرچی ئەینێوە پەی یانەو مەتی سەلمای هەر پێسە ویەرێ نە ئاڏ قسێ کەرێ و نە من.
شۆنەو ساڵیەرە ئامۆشۆشا کەمە بیەوە منیچ فرە ناڕەحەتە و کز و ماتە بیەبێنێ. تا ڕۆیەشا دیم مەتی سەلما ئامە پەی یانەیمان. لوانی چایی باورو. چەودیم گۆشم پەنەبێ بە مامۆژەنێم واتش: تریفە گیان ئانە پەی داواو ئەسرین گیانێ موزاحمە بیەنان، پەی فەریدی. بێوەی فەریدی کناچەزام دەرسش تەمامنان و بیەن مەعالم. ڕاسەکێش زوو تا ئیسە هەر دڵش ئینا لاو ئەسێوە بەڵام واتش جاریە دەنگ نەکەرم تا دەرسەکەش تەمامیۆ و کار و باریەش بۆ. هەر ئینەم ئەژنەوی وەخت بێ وەشیەنە هارە بوو. واتم یانێ ڕۆیە مەی منیچ بیاوو بە وەشی و ڕەحەتی؟ ئەننە ویر و خیاڵەنە بێنێ چایی جە پیاڵەی داش سەر و مجیا. مامۆژەنیچم بێدەنگ نیشتێبێرە و هیچ نواچێ. دماو قەڏریە لوانی چوەری و چایەکەم نیارە. مامۆژەنیم دیا پەیم و واتش: وەڵڵا من نمەزانوو مەگەر چەنی مامۆیش پەرس کەروو جا جواوەکەت بڏەونەوە.
ئا ڕوە تا وێرەگە هەر ئەینێ و لوێنێ تەماشاو جامی کەرێنێ و زڵفێم شانە کەرێنێ و وەروو وێمەرە ویرێ کەرێنێوە واچێنێ: دەی من چکۆ و کرماشان چکۆ؟ داخم چاگە تاقەت باوروو؟ منیە کە هیچ وەخت شاریە گەورەم نەڏیەبێ و گردوو ژیوایم جە دەگانە دابێ سەر، واچێنێ داخم شار چەنی بۆ؟
ئیتر هێشتار هیچ نەویەبێ دلێ زێهنیمەنە کرماشانی تەسەوۆر کەرێنێ.
شەوێ مامۆم ئامەوە یانە منیچ خەریکوو کاسەوچمچە شتەی بێنێ ئەژنەویم مامۆژەنیم گردش پەی گێڵناوە. مامۆم پەرساش تۆ چێش ماچی ژەنەکێ؟ گۆشم پەنەبێ مامۆژەنیم واتش: وەڵڵا من دڵم ڕەزا نیەن. ئەسرینە زاوڕۆنە و پەی ئی شار و ئەو شاری نمەشیۆ. ئەگەریچ مەڏەیش شوو با هەر نزیکوو وێمانەنە بۆ. ئەگەر موشکڵیەش پەی ئامە وەروە با پتاوم بیاوم فریاش.
خاس زانێنێ مامۆژەنیم پەی کارەکەری منش گەرەکەنان ئەننا من هیچ ئەرزشیەم نەوێ پەیش. همێڏم بە مامۆیم بێ.
مامۆم شۆنەو قەڏریە بێدەنگیەرە ئاماوە قسێ و واتش: .....
درێژەش هەن...
نویستەی: گۆنا
@karawawshamyany
مەولانای ڕوومی جە یۆ جە داستانەکاو کتێبوو مەسنەوینە فەرماوۆ:
"ئەگەر تۆمێوەت شانا دلێ زەمینێوەنە لاو کەسیوە باسش مەکەرە ، چوون ئەگەر تەنانەت قاڵاوێوەیچ یاگەکێش فێر بۆ ، تۆ سەمەرەو هەرمانەکێت جە دەس مەی ، ئیتر تا یاوۆ لاو ئانەی کە دەوروو بەریەکات زاناش پەنە.."
حەر خەیاڵێوە ،ئامانجێوە ، فکرێوە وەش و یا گەڵاڵێوە عال سەرەتنە هەن تا وەختێ نامان سەمەر لاو کەسیوە باسش مەکەرە..
@karawawshamyany
سادێق هەدایەت گەورە نووسەری ئێرانی دلێ کتێبوو بووە کۆرەینە (بوف کور) پێسەش نویستەن
(۱۳ زووخێ پەیوەنی دارێ بە گردوو ئێرانیەکاوە):
۱- کوتی فرەو ئێمە ئێرانیەکا خیاڵ پڵاوی وزمێ وەڵێ فکریاینەی حەقەتینی
۲-جە گر شەرایێتێوەنە نەفعەی شەخسیەو وێما وزمێ وەڵێ نەفعەو عامی
۳- ئەگەر تەنافەی مفتێ بۆ وێما کێشمێ دار
۴- فرەتەر دیدما نسبەت بە گر چێوی مەنفین تا موسبەت
۵- کەم وکۆڕیەکا وینمێ وەلێ زامەکا ساڕێژ مەکەرمێ
۶- دلێ گر کاسێوەنە چەمچەنمێ ، وەلێم مەتاومێ واچمێ مەزانمێ
۷- هەمیشه و دایمە فێرێ بیێنمێ واچمێ «من »
کەمتەر جە "ئێمە"ی ئیستیفادە کەرمێ
۸- ئەغڵەب وێما جە گر کارێنە زانا زانمێ ، بێ ئینەی عیلموو ئا کاریما یۆ و ئا دەرسما وەنا بۆ
۹- فرەتەر ویەردەنە ژیومێ و هۆشما لاو دماڕۆیوە نیا
۱۰- حیچ فکر و بەرنامێوەما پەی سەبا ڕۆی نیا و دلێ ئارۆینە مەنێنمێوە
۱۱- مەنەجیای وێما منیەمێ ملوو ئێڎ و ئەوی و هەمیشە شۆنی یۆیرە گێڵمێ چێوێ بنیەیمێ ملش بێ ئینەی وێما وزمێ زەحمەت پەی ساڕێژوو زاماما
۱۲- هەمبشە موچیاری خەڵکی کەرمێ و وێما عەمەڵش پەنە مەکەرمێ
۱۳- هەمیشە ئاخرین دەیەقەنە بڕیار مەیمێ سەروو هەرمانێ!
@karawawshamyany
داستانەو ئەسێ
بەشوو یەرێ
خاس ئینا یاڏمەنە زمسانیە فرە سەرد، وەروە وارێ. مامۆژەنێم کیاستانیش پەی ئاوێ. دلێ ڕاینە پام خزا و دەبێ سەروو شانەیمەنە کەوتەرە و ماڕیا. هەر خوڏای ڕەحمش پەنە کەردان چێوم نەماڕیا. هەر یاوانیوە یانە ئانە بشیۆ و نەشیۆ پەنەش کەردانی. واتش: تۆیچ پێسە ئەڏا فەلەجەکێت هیچت چەنە بەر نمەی.
حەر ئینەمە ئەژنەوی وەخت بێ ناق کەروو، چەمێم پەڕێ بیێ هەرسی و ڕەمانی بەری پەی دلێ کووچەی و دەسم کەرد گرەوای.
بەروە مەتی سەلما خەریکوو نەفت ئاوردەی بێ چەمش کەوت پەنەم و دڵش سووت پەیم. ئامە لام و واتش: ڕۆڵە لوە یانە با سەردت نەوۆ. هەم دیسان تریفەی گراونایوە؟ دەسش گێرتان بەردانیشوە یانە. وەروو وێشەرە واچێ: خوڏا پچی خراوت پەی نمەکەرۆ ژەن، چی بینانتەنە ئی کناچە فەقیرێ؟!.
مەتی سەلما، هامسای بەرا و بەرێما بێ. ئاڏە خاس زانێ یانەمانەنە چ خەوەرەن و مامۆژەنیم چەنی من عەزیەت مەکەرۆ. بەڵام ئاڏیچە دەسش بێ دەسەڵات بێ. تەرسێ ئەگەر لاو مامۆیموە باچۆ ژیوای ئاڏیشانیچ پشێویۆ. چن جارێ ئەژنەویەبێم بە مامۆژەنێم واتەبێش: تریفە گیان خوڏا هۆر نمەگێرۆ کەم ئی کناچڵە فەقیرێ عەزیەت کەرە. هەتیمەنە، جگەم شمە کەسش نیەن. بەڵام ئاڏە وێش وزێ ئەوپەڕوە و واچێ: دەی چێشم پەنە کەردێنە مەتی سەلما؟ وەڵڵا شا وەششەن و ئەسرینە وەششەن. گۆشم پەنەبێ مەتی سەلمایچ هەرپاسە ڕارە لوێوە پەی یانەی وەروو وێشەرە واچێ: ئااااخ ئەسرینە فەقیرەکێ ئەر مدەو عەمریت زانابۆت وەشی چێشەن؟
گرجاریە دڵوەشیم دێوە و واچێ قەڏش نیەن ڕۆڵە گیان، تا لا کەریوە گەورێ مەوینە و مەلی یانەو وێت. بەڵام من هەر نەزانێنێ مەبەست جە یانەو وێم چێشەن؟
بڕیە جارێچ چڕێم پەی لاو وێش و چێوانیە کە زانێ فێرم کەرێ. پێسە کڵاش چنیەی یا لەتەر ڕێسای و ....
واچێ: ڕۆڵە، کناچێ گرچێو بزانۆ خاسەن با سەوای مەلی یانان، خەڵک مەنعەت نەکەرۆ و نواچۆ هیچ بەڵەڏە نیەنە.
زمسانانەی بە نەفت کێشای و ئاڵف و ئاوو ئاژەڵان ویەرێ و هامنانەی باخداری و تفوەچنیەی و دۆشاو گرتەی و پاییزانەیچ بە هەنار کەنای و ڕبنار وەش کەردەی و......
بەڵام هەرپاسە واتم حەقەو خوڏای لا نمەڏەو مامۆم فرە عال بێ چەنیم. گرد ساڵیە کە تف و هەنارەکەی ورەشێ، دوێ دەسێ سیپاڵێ بە دڵوو وێم پەیم سانێ و واچێ: موارەکێت بان چەموو مامۆیش، دەسڕەنجوو وێتەن. پووڵێویچ نیێ باخەڵەم واچێ ئانەیچە پەی خەرجیت.
پەی سەلەمنای خاسەکاو مامۆیم ئینەیچتانە پەی مەگێڵنووە: کەڕەتیەشا زمسانێ واران ڕەهێڵە کەرێ مەدرەسەنە وەرە بیان. پاڵاکێم چێرەنە ئاوی دێنێ و گۆرەوەکێم فیسیایبێنێ. ڕەمەڕەمالێ وێم کەردوە یانەرە و وێم خزنا پاڵوو سۆبەی. پاڵاکێچم ئاوردێ پاڵوو سۆبەکەی هۆرم سپاردێ تا وشکێ بانێوە پەی سەوایم. دیم مامۆم چەمش کەوت پەنەم و تووڕە بی ئەو مامۆژەنێم و واتش: مەر من نواتەنم ئا کناچێ هەر کەم و کەسریەش بی لاموە باچە؟ مەڏیەو مامۆژەنیم وێش ئاسایی بە سیاسەتەوە واتش: ئەی هاوار، ئەسێ گیان ئانە چی دەنگت نەکەردەن؟ باوەڕ کەرە پیاکە، ئانە منیچ ئیسە چەمم مەگنۆ پی وەزعی.!!
جە حاڵیەنە کە هەر چی ڕۆینێ پی حاڵ و گوزەرانوە من وینێ، وێش کەرد نابەڵەڏ. هەر ئا ڕۆ نیمەڕودما مامۆیم دەسش گێرتانی و بەردانیش پەی شاری و هیتێو پاڵای زەریفێ و بڕێو تەر سیپاڵێش پەی ئەسان...
ئا ڕوە ئەننە وەشیم بێ وەشیێنە پایم نەگنێنێ زەمینی. ئەجیێشی دنیا هنوو منەن. شەوێ پاڵاکێم بەردێ لاو سەرەیم نیایمەرە و هەر تەماشاشا کەرێنێ. دەیەقەژماری کەرێنێ ڕۆ بۆوە و بلوو پەی مەدرەسەی و پاڵاکێم نیشانەو ڕەفێقەکانم بڏەو.
ڕۆزگار ویەرد و کەلاسەو نۆیم تەمامنا. پەی درێژەدای بە دەرسی ناچارە بێنێ بلواینێ شار. چونکەی دەگاو ئێمە تا کەڵاسەو نۆیش بێ. بەڵام فرە تەرسێنێ نازان درێژە بە دەرسیم بڏەو. حەیفم وەنە ئەی چوونکە دەرسم فرە خاس بێ و پا گردە ئەرک و هەرمانەیوە داییمە موحەسڵەی دەرزوانەو کەڵاسێ بێنێ.
مامۆژەنیم نیشتە چێرو پاو مامۆیم و هۆرش نیا و واتش: کناچێ دەرسش پەی چێشی؟ با نەلۆ شار و فێرەو بەزم و هەرای بۆ. کەم کەم کاریگەریش نیا سەروو مەژگوو مامۆیم و پەڕش کەرد. مامۆیچم خەتاو وێش نەوێ ئاڏیچ هەر پەروەردەو ئا کۆمەڵگایە بێ، کە دەرس وەنای کناچێ کارێوی هەڵە و بێ فایڏە زانێ.
درێژەش هەن...
نویستەی گۆنا
@karawawshamyany
داستانەو ئەسێ
بەشوو دوێ
لوانی چوەری دیم مامۆم کە چی دنیانە تەنیا کەسما بێ، هاوارێ مەکەرۆ و کاکە گیان کاکە گیان، گرەوای مەگرەوۆ. هەر چەمش کەوت من و گەرەکش بێ قسێ کەرۆ وێم یاوانینە گردی. بە ئەژنەویەی دەنگوو خەڵکی و چێروو لچانشانە قسە کەردەیشان زانام ئەڏام و بابەم سۆح جە ڕاو شاریەنە تەسادفشان کەردەن و منشا تەنیا و بێکەس جیا ئاستێنان. ماچی هەر ئارۆن، گرد ئینا وەروو چەمانمەنە. دنیا ڕژا ملوو سەرەیمەرە. دەنگوو خەڵکەکەیچ دلێ مەژگیمەنە ئەی و لوێ: ئای ئەسرینە فەقیرەکێ چا ڕووە بیەی وەشیت نەڏی ئیسەیچ بێ ئەڏا و بابە تاق و تەنیا چێش کەری؟ ژەنی گرەوێنێ و قسێ کەرێنێ. خاس زانێنێ کە خەڵک پەی ئەڏام و بابەیم نمەگرەوۆ، بەڵکوو جە حەقیقەتەنە پەی چارەسیاوی و بێ کەسیو من گرەوێنێ.
حاڵم ئەننە خراو بێ عەرز و ئاسمان نەگێرێم وێش. هۆشم نەوێ سەروو ئی دنیایە. هەر ئەننەم زانا تاریکناشەرە و خەڵک گرد لوا پەی یانەو وێش. ئا شەوە مامۆم و مامۆژەنیم منشا بەردان پەی یانەو وێشان.
تا یەک حەفتەو ئەوەڵی چەنیم فرە عالێ بێنێ و نازم کێشێنێ. بەڵام کەم کەم ئەخلاقوو مامۆژەنیم چەنی ئا ئەوەڵیە ئاسمان و زەمین واڕیا.
دەسش کەرد دەسووردای پەنەم و هەرمان کەردەی پەنەم. کاریەیچش بڏایە ملمەرە نەتاوایەم ڕێکش بووزوو دەس کەرێ تانە و تەشەر دای و واچێ مەر کناچێو فڵانەکەسێ نیەنی، عورزەو هیچ کاریەش نەوێ؟ سۆح ڕۆ بێوە تا وێرەگا پا لاشە زاییف و ڕەق و ڕواڵەیموە خەریکەو هەرمانان بێنێ. جە یانە گزی دای و دەسماڵ کێشای گێرە تا زاوڕۆ وەی کەردەی و پەڕۆ و پاڵە شتەی و ئاڵف و ئاوو ئاژەڵان و ..... هەتا کار و هەرمان بێ پەنەم کەرێ و هەتا کاریچ تەمامیێ بە ڕووسەریە یۆ یۆی زاوڕۆ دوانەکێش( ئالان و دیلانە) بینێ کۆڵێمەرە و واچێ گێڵنەشان با تاقەتشا بەرشۆ.
ڕۆیە هەزار جارێ ئاوات وازێنێ مەرگوو وێم. بڕیە جارێ بەدزیوە لوێنێ سەروو قەورەو ئەڏام و بابەیم و تێر گرەوێنێ پەیشان. واچێنێ: ئەڏالێ گیان، بابە گیان پچی زوو جیاتان ئاستان؟ ئەڏا گیان وەشڵەی هەر مانایشی وێم گرد هەرمانیەت پەی کەرێنێ. وەس نەوێ بە گیان گیان قسێم چەنی کەرێشی. وەس نەوێ نازم کێشێشی. بە عەقڵوو ئا وەختیمە پاسە زانێنێ خوڏای جە قسەکاو ئا ڕوەو منە عاجز بیەن پەوکەی ئەڏام و بابەمش جە من گێرتێنێ و ئینە بیەبێ هۆو خەفەتیە گەورەتەری پەیم کە وێم بە تەخسیرکار زانێنێ.
بەڵام مامۆم خوڏاش چەنە ڕازی بۆ هەر فرە عال بێ چەنیم. هەرچنڏە مامۆژەنیچم لاو ئاڏیەنە پاسە نیشانە دێ کە چەنیم عالەنە و منش فرە گەرەکەنان. بەڵام مەر ئا خوڏا بزانۆ چەنی کارش چەنە کێشاینانی و چنڏە عەزیەتش کەردێنان.
خۆ زاتیچم نەوێ لاو مامۆیموە هیچ باچوو، مامۆژەنیم واچێ بوینوو و بژنەوو قسێت بەردێنەوە پەی مامۆیت، من مەزانوو و تۆ. بەخوڏا بوینوو بۆنەو تۆوە ئاژاوێ کەوتێنە یانەما ڕێک گڕت مەڏەو. منیچ زانێنێ نمەتاوۆ حیچ کاریە کەرۆ، بەڵکوو تەرسیش جە مامۆیم بێ تڵاقەش بڏۆ. پەوکەی پاسە من تەرسنێ. وێم بە گۆشێو وێم چن جارێ ئەژنەویەبێم مامۆیم پەنەش واتێبێ: چەنی ئا کناچڵێ خراوە بی یا چەنی زاوڕۆی وێما فەرقش بووزی، مەکیانووتوە پەی یانەو بابەیت.
مامۆی فەقیرم بێ خەوەر جە گرد چێوی...
درێژەش هەن...
نویستەی: گۆنا
@karawawshamyany
کەناڵی پرسانەی مەریوان
۱ـ یەکەم کاناڵی پرسانە بەزمانی کوردی
۲-تەنیا ڕاگەێیندراویک کە پرسەنامە (ئاگەهی فەوت ) بەخۆرایی و بی بەرانبەر دا دەنێت.
۳ـ لەکەناڵی پرسانەی مەریوان فێرکاری زمانی کوردی دا ئەنرێت
جائەگەر
ئەهلـی پرسـانە و پـرسە کـۆمەڵایەتییـەکانیـت
و حـەز لـە پەرەسەنـدنی زمـانی کـوردی ئەکـەیت و
لە #مەریوان
لە #سەوڵاوا
لە #هەورامان
لە #کۆماسی
لە #سەرشیو
لە #خاوومێراوا
لە #بەربگزادە
و
لە #شامیان
نیشتەجێیت؛
ئەوە #کەناڵی_پرسانەی_کوردی
👇👇👇👇
/channel/prsanehmariwan
مەیە حەر رەنگێ بۆ
بازەم مەینە
ئەگەر ؛
ویر و باوڕوو کەسێوە نەفامانە بۆ
بە کراواتەو کۆت و شەرواڵ
مەبۆ بە رۆشن ویر !!!
@karawawshamyany
مامۆسا عوسمان هەورامی
مامۆسا مەولوود
@karawawshamyany
داستانەو ئەسێ
بەشوو دەی
ئیتر جە زاوڕۆ بیەی بێ هیوای بیەبێنێ و بە وێم قەبووڵنابێم ئینەیچە بەشوو منەن. هیچ وەخت کامڵە نەوێنێ، هەتا عەشق و وەشەویسیم ئێستوە جە لایەتەروە هەست بە ناقسیو وێم کەرێنێ کە نمەتاوو بوو ئەڏا و زاوڕۆ وێم گێروو باوەشێوە. بەڵام هەر ڕازیە بێنێ بە بەشوو خوڏای و شوکروو خوڏای کەرێنێ کە شوویە پی عالیشە کەردەن نسیبم.
شەویەشا سەعات دەو شەوێ پێسەو جاران قەواڵیە نان و پەنێرم وەش کەرد پەی کەیوانی و چنڏە دانێ خۆرماویم نیای دلێ جەعبێوی چەنی مەتارەو ئاوەکێش نیام پەیش. کەل و پەلەکەو کۆڵبەریم ( وەرێسە،دەسکێشێ ...)پێچنا پەیش. ئا کەسێ کۆڵبەریشان کەردەن خاس مەزانان بڕێو جارێ کۆڵبەر دلێ کەمینێنە مەمانۆوە و پەی ئینەیە ئاوراش نەوۆ یا دلێ ڕاینە چێویە بوەرۆ و قوەش بگنۆنە و پتاوۆ کۆڵەکەی بیاونۆ وەرۆ، هەمیشە مەشیۆ قەواڵێ، یا خۆرماوێو، چێوێویش پەنە بۆ.
کەل و پەلم حازر کەرد و دام دەسشوە. پێسەو گرد جاری واتم هۆشیاریو وێت کەرە کەیوان گیان. گێڵاوە تەوێڵەش ماچ کەردانی و واتش: هەتا دۆعاو تۆ شۆنیموە بۆ، خوڏایچ هاگاڏاروو منەن. خافڵ چینەیە ئینە ئاخر جارەن کە مەوینووش. وەشڵەی بزانایەم، ئەگەر بزانایەم نیێنێش دلێ وڕێ و نازێنێ ئا شەوە یانەنە بزیۆرە. یا لای کەمەکەش پەی ئاخر جاری سفت باوەشەش پۆرە کەرێنێ هەزار و هەزار جارێ تەر پەڕ بەدڵ واچێنێ: وەشم مسیەی و....
ئا شەوە ماتڵوو ئامەیش بێنێ، سفرەم یاوتەبێرە و نان و چاییم حازر کەردەبێ. عاڏەتش بێ کۆڵبەرینە ئەیوە نان و چای وەرێ ئیجا وسێ. هەرچی ماتڵە بیانی خەوەر نەوی، سەعات یەرێو شەوێ هەواڵ یاوا ئاوایی و واتشا ئێشەو مەعموورێ تەقەشان کەردەن و کوڕوو هۆسا جەماڵی پێکیان. نەزاناما چەنی بە گرەو و هۆڕە و بە وێ کوشتەی و وێبڕیەی وێما یاونا بیمارسان.
وەختارێ یاوانی بیمارستان و لوان سەروو لاشەی بێگیان و وناڵینیش تا گیانم چەنە بێ قیژنام و وێم کوشتوە و ماڵام سەرەمەرە و کەیوان گیان کەیوان گیانم کەرد دنیا وەروو چەمانموە سیاو بی باوەڕ نەکەرێنێ واچێنێ ئینە کەیوان نیەن. دەسم بەرد پەی دەساش پێسەو یەخی چیای بێنێ.دەسە سەردەکێم گێرت و واتم ئینە گرد درۆنە، مەشیۆ هۆرزیوە تۆیچ نمەتاوی پێسەو ئەڏام و بابەیم من جیا بازی تۆ حەقت نیەن من تەنیا جیا بازی، تۆ نمەتاوی وەڵێ ئانەیە زاوڕۆکەت گێری باوەشێوە چی دنیایە بلی. بەڵام هیچ فایڏەش نەوێ. کار جە کاری ویەردەبێ. گیانی شیرینش هەر وەڵێو ئانەیە بیاوناش بیمارستان جە دەس لوابێ. فرە گرەوانی پەی دیسان تەنیا و بێکەس کەوتەو وێم، پەی جوانیو کەیوانی کە فەوتیابێ، پەی ئا وەشەویسەیمە کە منش فێروو وەشەویسی کەردێبێنێ و ژیوایە تازەش پەنە بەخشایبێنێ، پەی بەختەو وێم کە چن دێر یاوایبێنێ بە وەشبەختی و چن زوو دەسمەنە لوابێ.
شیوەنوو من لایەوە و ڕۆڵەڕۆ ڕۆڵەڕۆو ئەڏایش و بابەیش لایەتەروە. هۆشما پی دنیایە نەوێ. بیمارستانەکەما نیابێ سەروو سەرەیماوە.
دنیام تاریک و تاڵ بیەبێ، بیانکێو ژیوایم نەمەنێبێ. بێڕا و بێ فایڏە هەناسە کێشێنێ. چا وەختەنە ویر پینەیە کەرێنێوە بەڕاسی بنیاڏەم چن هێقمەن، ئەگەر پاسە نەویای، مەشیایە هەر ئا شەوە سەروو جەنازەکەیشوە، کوتووپڕ گیانم بڏایە.
دماو ئا شەوە سیاوێ، ڕۆ پەی ڕوی حاڵم خراوتەر بێ. نە واردەم مەنەبێ نە وەرم.
سۆح تا وێرەگا یانەی چۆڵەنە ئەینێ و لوێنێ. گۆشە بە گۆشەو یانەی کەیوانی وینێنێ. هەمیشە وەروو چەمانمەنە بێ. شەوانەی سیپاڵەکێش نیێنێ باوەشێم و تا ڕۆ بێوە بۆشا کەرێنێ و گرەوای گرەوێنێ. خەمین و بە دڵێوی پەڕ جە خەفەت ڕۆ دماو ڕۆی دێنێ سەر....
درێژەش هەن....
نویستەی: گۆنا
@karawawshamyany
داستەنەو ئەسێ
بەشوو نۆی
ماوەو یەک حەفتەی ویەرد و کەیوان ئامە پەی یانەو مامۆیم. هەر چەمم کەوت پەنەش وەخت بێ وەشیێنە هارە بوو. ئی جار ئیتر بە چەمیە تەر تەماشاش کەرێنێ. هەست کەرێنێ فرە بێ تاقەتش بیەنانی و بێ ئاڏی ناقسەنان.
نیشتەرە و چایەش وارد و کەوتێ قسێ چەنی مامۆیم. مامۆم پەرساش: کەیوان گیان ئانە چی درەنگ ئامێنی شۆنەو ئەسرینێ؟ منیچ فرە تەرسێنێ خراوەم باچۆ لاو مامۆیموە و بیانکێم چەنە گێرۆ بەڵام خۆ من هیچ هەڵێویچم نەکەردەبێ.
کەیوان باسوو هیچیش نەکەرد تەنیا واتش واتەنم با کەمێو تاقەتش بەرشۆ و یاریو مامۆژەنێچش بڏۆ. ئیسەیچ هەر ئامێنان سەریەش وەنە بڏەو ئەگەر پەنەش وەشەن با جارێو چێگە بۆ.
بەڵام مامۆم نە ئاوردش و نەبەردش واتش وەڵڵا کەیوان گیان، ئەسرینە ئی یەک حەفتە ئەننە ئامە و لواش کەرد و ئەننە دیا پەی بەرەی چەمێش خەریکەن لارێ بان. کەیوان چێروو چەمانە دیا پەیم و خوا. منیچ فرە تەرێقە بیانیوە و سەرەم وستەرە.
دماو قەڏریە هۆرزایمێ و کەوتیمێ ڕا پەی یانەی. دلێ ڕایەنە کەیوان دەسش گێرتانی و داواو چەنە ویەردەیش چەنە کەردان پەی ڕەفتاروو ئا شەوێ کە چەنی من بیەبێش و پەی ئا یەک حەفتەیە کە قسێم چەنی نەکەرێ. واتش: بەخوا وەخت بێ سەکتە کەروو، واتم ئیسە دڵت چەنەم ئێشان و نمەینۆ چەنیم. باوەڕ کەرە ئەسرین گیان وەخت بێ یانەنە بێ تۆ شێت بوو. ئی یەک حەفتە پێسەو یەک ساڵی ویەرد پەیم.منیچ داواو چەنە ویەردەیم چەنە کەرد و واتم: منیچ قەوڵ مەڏەو ئیتر تۆ ناڕەحەت نەکەروو. هەوڵ مەڏەو شەریکێو عالە بوو پەی ژیوایت. شەریکوو وەشی و ناوەشیت بوو. پێسەو ڕەفێقی بوو پەیت نەک تەنیا ژەنیت. هەر یاوایمێ یانە، دلێ کومیدیەنە دڵقیەش ئاورد داش دەسموە. واتش ئینەمە پەی تۆ ئەسەن. وەختارێ تەماشام کەرد دیم دوێ ڕەنگێ پارچەن پەی گجی. واتش چا وەختەوە زەماوەنڏەما کەردێنە هیچم پەی نەسێنێ! وێچت خۆ ئەننە بەشەرمەنی هەر داوات چەنەم نەکەردەن، ئیتر من بە دڵوو وێم ئەسەم پەیت. ئینەمە ئەژنەوی فرە وەشحاڵە بیان. پارچەکێ یۆ جە یۆی زەریفتەرێ بێنێ.جە ژیوایمەنە ئەوەڵ جارم بێ کەسێو خەڵاتم( کادو)دێ پەنە. دەسوەشیم چەنە کەرد و یانەیچەنە قسێ فرێما کەردێ و بڕیارما دا چی زیاتەر یەکترینی عاجز نەکەرمێ.
ئیسە ئیتر ژیوایم ڕەنگ و بۆیەتەرش بە وێش گرتەبێ و همێڏم بە ژیوای فرەتەر بیەبێ. دنیای بە جۆریەتەر وینێنێ و هەست بە وەشحاڵی کەرێنێ.
لوێنێ ویر و خیاڵەرە و واچێنێ چی ئی ماوەمە بێ عەشق دان سەر و قەڏروو ژیوای وێم نەزانان. جارێوشا گۆشم پەنەبێ هەسروەم واتش: ئی ڕۆحشۆرقژێ تا هێزی نەزانێ هۆرزا و ئەرەنیشت کەرۆ، ئیسە چ سیاسەتیەش دان خەرجەرە کەیوان پێسەو پەپوولێ مەگێڵۆ دەورشەرە؟
ڕۆبەڕۆ ژیوایما وەشتەر بێ و فەرەتەر عاشقێو هەنترینی بێنمێ ماوەو دوێ ساڵێ ویەرد و وەشەویسیما فرەتەر و فرەتەر بی. یاوایبێنێنە وەختاریە دوێ کەسێ عاشقوو هەنترینی بان ئیتر چن ساڵێ سەر و واروو عەمری هیچ مانایەش نیەنە. بڕێو جارێ لوێنێ وەروو جامی و تەماشاو ڕوە چەرمە زەریفەکێم کەرێنێ قژە لوولەکام شانە کەرێنێ. کوڵمێم گوڵ وزێنێ، خوێنێ و واچێنێ: خوڏا گیان ئی وەشبەختیمە چەنە نەگێری. دماو چن ساڵا ئیسە تامو وەشبەختی مەچەشوو.
ئا گرد کار و هەرمانەو یانەو هەسوورانمە ملوو شانانموە بێ بەڵام کە وێرەگا بێ و چەمم گنێ بە کەیوانی، مانیایی بەڏەنمەنە نەمانێ و واچێشی هیچم نەکەردەن.
ژیوایما فرە وەش بی بەڵام.......
بەڵام هەرچنڏەیچ دوێ کەسێ هەنترینشان وەش گەرەک بۆ، دیسان هەست بە یاگێ خاڵیو زاوڕۆی مەکەران، تا کەی بنیشتاینمێرە و تەماشاو هەنترینیما کەردایە؟! فرە هەست بە یاگێ خاڵیو زاوڕۆی کەرێنمێ بەڵام دماو پەنج ساڵێچ کە ویەرد هەر جە نەعمەتوو زاوڕۆی بێ بەشێ بێنم.
هەسروەم لاو ئانە شێخ و مەشایخی بێ بەردانیش. ئانە دۆعا بێ کەردەش و ئانە شەخس بێ وشکنیش پەنەم. بەڵام هەر جواوش نەڏاوە.
بڕێو جارێ دەس کەرێ تانە و تەشەر و واچێ خەتاو تۆنە لەمەت نمەوۆ حەتم موشکڵیەت هەنە. هەمیشە دێ گۆشوو کەیوانی ژەنی بارۆ سەرمەنە، بەڵام کەیوان واچێ تەڵێو موو ئەسرینە نمەڏەو بە هەزار دانێ زاوڕۆی. بەڵام هەسروەم چکۆ زانێ موشکڵە ئینا لاو منوە؟ ئەسڵەن وەروو خوڏای نەتەرسێ؟
گیرام کەیوان ژەنیش باردایە و زاوڕۆیچش بیایە؟ بەڵام ئەی من چێش؟ من حەقم نەوێ بوو ئەڏا؟
ڕوێوشا واتم پەنەش: حەقوو وێتەن مەتاوی باچی زاوڕۆم گەرەکەن و ژەنی باوری. بەڵام نەک سەروو منەرە، وەڵێشوە ئەمن تەڵاق بە. کەیوان فرە تووڕە بی و واتش: ئیتر ئی قسانە نەژنەوو! تا ئیسە ئەژنەویەنت من نامێو زاوڕۆی بەروو؟
بەڵام فەقیرە ڕاس واچێ هەر باسش نەکەردەبێ.
کارم بیەبێ خەفەت واردەی بەڵام کەیوان هەمیشە دڵوەشیم دێوە و واچێ پەی من گرینگ نییەن، زاوڕۆما بی هەر خاس و نەویچ خۆ چەنی بەشوو خوڏای نمەگژیەیمێ هەر شوکر بە بەشوو خوڏای.
خاس زانێنێ ئی قسانە پەی دڵوەشیو من مەکەرۆ ئاڏیچ پێسە گرد پیایە حەز کەرێ بۆ بابە و زاوڕۆو وێش گێرۆ باوەشێوە.....
درێژەش هەن....
نویستەی: گۆنا
داستانەو ئەسێ
بەشوو هەشتی
ئەنڏە قسێش کەردێ و ئەنڏە باسوو ژیوای ڕەفێقەکانش کەرد عاقیبەت وەرمش پۆرە کەوت.
ئاڏ کە وت خاس خاسیە ویرم کەردوە بە قسەکانش. دیم ناحەق نماچۆ، دڵم سووت پەیش. واتم ئاڏ هیچ گوناحیەش نیەنە. ڕاسەکێش جگەم خاسەی خراوەم پۆشوە نەڏیەبێ.
بەڵام منیچ دەسوو وێم نەوێ و بەدڵ وەشم نامێ وەنەش. هاگاو موحەبەت کەردەیچ نەزانێنێ چوون کەسیەم نەویەبێ پەنەم موحەبەت کەرۆ تا منیچ فێرە بوو. تەنیا چێویە دیەبێم تنڏ و تێژی بێ. ئا شەوە فرە دڵم گیریابێ، منیچ گۆشیەنە ئێژیانیرە و فرە گرەوان، پەی وێم. واتم: ئەی چی یۆ نمیاوۆنە من؟
بەڵام دماتەر بڕیارم دا، ئەخلاقیم کەمێو خاس کەروونە. ئەگەرچی بنەماڵەش چەنیم خراوێ بێنێ، وەلێم خۆ وێش عال بێ و عاجزەش نەکەردێبێنێ.
سۆح کە هۆرزانی بە خوە لوان سەروو سەرەیش و چڕیم وەنە.
بەڵام دیم هێشتار هەر تووڕەن.
واتش: وێت بووزە ڕا بەرووت پەی یانەو مامۆیت. ئینە دەردە نموەرۆ، وەختارێ تۆ چەنی من وەشبەختە نیەنی با نە تۆ بسووچی نە من. من چ گوناحیەم کەردێنە پێسە ژیوو؟ ئینە هەشت مانگێن زەماوەنڏەما کەردێنە واتم قەڏش نیەن نەفامەنە خاسە مەوۆ، واتم بە هەتیمی گەورێ بیەنە سەختی فرەش کێشان با منیچ عەزیەتەش نەکەروو بەڵام فایڏەش نیەن.
منیچ دەسم کەرد گرەوای و واتم نا توخوڏا من نمەلوو پەی یانەو مامۆیم. مامۆژەنیم دەس مەکەرۆ تانە و تەشەردای و ماچۆ هێشتار نیاواینە وەرۆ تۆریاینە.( منیە کە وەشم نامێ کەیوانی مەشیای جە خوڏایم بیایە ئی قسانە مەژنەوو بەڵام نمەزانوو شاید چوون یانەو بابەو وێم نەوێ و نازوو ئەڏا و بابەو وێم نەوێ، هەر ئی ژیوا خاڵی جە عەشقیمە پەنە وەشتەر بێ تا تەشەرەکێو مامۆژەنێم).
بەزەییش ئاماوە پۆرەمەرە و واتش: باشەن وێت مەزانی، بەڵام چەنی من یەک کەلیمە قسێ نەکەری. بە تووڕەیی هۆرزا لوا سەر. تا یەک حەفتە قسێش چەنیم نەکەردێ. فرە سەرد بیەبێ چەنیم. ئیتر فرەتەر هەست بە تەنیایی کەرێنێ پەی بیانکێ گێڵێنێ قسێش چەنی کەروو، وەلێم ئاڏ هەر لالووت بێ چەنیم. شۆنەو یەک حەفتەیەرە مامۆژەنیم هەواڵش کیاست جمعەی بلوو یاریش، قەرار بێ قاڵیێ پشۆرۆ. نەزانێنێ چەنی باچوو لاشوە. خۆ ئاڏ قسێم چەنی نەکەرێ!
عاقیبەت وێرەگا کە ئامەوە یانە، بە هەر بەڏبەختیە نەوی لاشوە واتم. بە لالووتیەوە واتش: وێت مەزانی، پەی من فەرقش نیەن. ئەگەریچ دڵت پۆوە بی هەر چاگە بنیشەرە، نمۆرێوە.
منیچ حەرسم لوا سەر و واتم باشەن، نمەونەوە.
یەک حەفتە یانەو مامۆیمەنە بێنێ. ئی یەک حەفتە فرەتەر و فرەتەر ویرم کەردوە بە قسەکانش. حەقش پەنە دێنێ، هەرچیش واتەبێ ڕاس بێ. کەم کەم هەست پینەیە کەرێنێ دڵم تەنگ بیەن پەی کەیوانی و پەی ئا یانە وردیەو وێمە. ئیتر بە جۆریەتەر تەماشاش کەرێنێ پاسە خیاڵ کەرێنێ بنیاڏەێوتەرەن و تازە مەژناسووش.قسێو ئا ڕۆیشە فرە کاریگەریشا بێ سەروو من و منشا ئاوردانوە وێمەرە. ئیسە میاوونە بڕیە جارێ قسەکەردەی جە بێدەنگی خاستەرەن، ئیسە من کەم کەم کەیوانی ئەژناسێنێ. چوون حیچ وەخت هەوڵ و تەقالام نەڏا پەی ئەژناسایش. هەر پێسەو ژەرەژێ سەرەم کەردەبێ چێروو وەروێرە و هەر واتەبێم بەڏبەختەنان و چارە سیاوەنان، کەرەدبێم تەڵقینی پەی وێم پاسە زانێنێ وەشبەختی پەی من حەرامەن. جە حاڵیەنە کە وەشبەختی وەروو دەسانمەنە بێ و قەڏرش نەزانێنێ.
ماوەو ئا یەک حەفتەینە هەر تەماڏارش بێنێ. دەیەقە ژماری کەرێنێ بەرەوە بەی چوەری و چەمم بگنۆ چەمە سیاوەکانش و داواو چەنە ویەردەیش چەنە کەروو.
درێژەش هەن....
نویستەی: گۆنا
@kaeawawshamyany
داستانەو ئەسێ
بەشوو حەفتی
ئا شەوە دەس ماچ کریا. دوێ مانگێ دماتەریچ زەماوەنڏە کریا. زەماوەنڏەو چێشی؟ نە بەرگوو وەیویم کەردەنە و نە هیچ. بیانکێشا گرتە پینەیە قەومێوشان تازە عەمرەو خوڏایش کەردێنە و نمەتاوان خەڵکی بچڕانێ و قاڵ کەران. مامۆم پینەیچە ڕەزایەتش دا و واتش کناچێ کناچێو وێتانەنە هەر جۆر شمە بە خاس مەزاندێ با پاسە بۆ. دڵوەشیم ئانە بێ هەرچن بە دڵوو وێم شووم نەکەردەن بەڵام لای کەمەکەش بە دڵوو وێم سیپاڵێ هۆر مەچنوو پەی ڕۆو زەماوەنڏێم، بەڵام دیار بێ ئاڏیچشا پەی من زیاڏه دی. وەشی پەی من نامەبێ، ئەجیێشی هەر جە ڕۆو عەزەڵی بە بەڏبەختی نەهەم بڕیان.
وەلحاسڵ بێ قاڵ و بڵخاخ، شەوێوی پاییزی واڕانیشاوە. بە دڵسەردی و ناهمێڏی لوانی یانەو وێم. قەرار بێ بوو بە هامبەشوو ژیواو کەسێو کە هیچ خاڵێوی هامبەشم چەنیش نەوێ. هیچ هەست و ئێحساسێویم پەنەش نەوێ، دە، دوانزە ساڵێ جە من گەورەتەر بێ. نمەزانوو هەستوو ئاڏی بە من چێش بێ؟ خۆ ئاڏیچ نە من ئەژناسێ و نە قسێش چەنیم کەردێبێ و نە...
ئا ویر و خیاڵە من جە یانەو وێم بێم چەنی ئی یانە حەرەقەتیەو وێمە ئاسمان و زەمین فەرقش بێ. حەفتێو دماو زەماوەنڏێ چێرخانوو یانەو هەسوورەیم کە ئۆتاقیە وردیە بێ تەمیسما کەردە پەی وێما، وەلێم نانواردەیما هەر تێکەڵ بێ.
کەوتانوە ویروو قسەکێو مەتی سەلمای کە واتەبێش مەلی یانەو وێت بەڵام چ یانێو؟ هەزار جارێ ئاوات وازێنێ ئەو یانەکەو مامۆیم.
سۆح تا وێرەگە خەریکوو هەرمانێو یانەو هەسوورەی بێنێ. گاو و حەیوان و باخ لایەوە و مێمانداریچ لایەوە. گردوو کوڕوو کناچەکانشان جەمێ بێنێوە و مەشیایە خزمەتم کەرداینێ. واچێنێ تۆ وەیوەی وردیەنی و ئەرکوو سەروو شانەیتەن مەشیۆ کەری. ڕۆ بە ڕۆ چی ژیوا سەخت و سەخڵەتیە فرەتەر ناهمێڏە بێنێ. بە ئاوات مەردان ڕۆیە قسیە وەشەم چەنی کەران. قسێ وەشەشا تانە و تەشەر بێ. بەڵام حەقەو خوڏای لا نمەڏەو کەیوان فرە عال بێ چەنیم و پەی یەک جاریچ عاجزەش نەکەردان. جاران ئەگەر بامایە ملەرە و تانە و تەشەروو ئەڏایشش بژنەوایە، لام نەڏێ زەمینەرە و عازا بە ئەڏایش واچێ چی عەزیەتش مەکەری؟ ئەسرینە چێشش کەردەن جگەم سۆح تا وێرەگا کارەکەری؟ دمایچوە بێ ئینە من شکات کەروو، ئەی لام و دڵوەشیم دێوە واچێ: قەڏش نیەن ئەسرین گیان ئەڏام پیرە بیێنە و چەنی گرد وەیوەکانش هەر پاسەنە، تۆ مەگێرە دڵ. بەڵام ئاڏ پەی من هەر پێسەو غەریبێوی بێ.
ژیوایم بیەبێ کارێ تیکراریێ و چاشت وەش کەردەی و .... ڕۆنە ئەننە شەکەتە بێنێ، شەوێ هەر سەرەم بنیایە سەروو سەرنڏای وەرمم پۆرە گنێ.
کەیوانیچ گرجار چەنی بابەیش لوێ وەردەسیش کەرێ. ئا ڕۆیچە کە بێکار بیایە شەوێشوە لوێ کۆڵبەری. جاران چەنیم قسێ کەرێ، شۆخی کەرێ بەڵام من بە سەردی ڕەفت کەرێنێ چەنی ئاڏی.
شەویەشا سەعات یەرێو شەوێ جە کۆڵبەریەنە ئاماوە. هەر پێسەو جاران لوان چاییش پەی باوروو. پەرسام واتم ئەگەر ئاوراتەن چێویەت پەی وەش کەروو.
دەنگش نەکەرد. بێ دەنگ ئێژیارە و واقش پڕا دارێو یانەکەیەرە.
فرە تەرسان. دڵمەنە واتم ئینە کەیوانەکەو جاران نیەن. هیچم نوات لوانی چایەکەم ئاورد. هۆرزاوە شەقەش ماڵا پیاڵەرە و کواش دیوارەرە و کەردش خاک.
قێڕناش و واتش: من چاییم پەی چێشیەن؟ خیاڵوو کەردەن چاشتی کەری و چاییم پەی باوری ئیتر تەمامتەن؟ ئیتر من مەشیۆ مەمنوونەت بوو؟
نەزانێنێ چی پاسە تووڕەن! واتم من چێشم کەردەن؟ بێ ئێحترامیم پەنە کەردێنی؟ بە وێت یا بە بنەماڵەیت؟
واتش: هەر ئی بێدەنگیتە گەورەتەرین بێ ئێحترامیەن. چی قسێم چەنی نمەکەری چی پێسەو ژەنەو خەڵکی نمەخوەی؟ چی شاڏە نیەنی، چی کەڕەتێو قسیە وەشەم دەمتوە نەژنەویە؟ چی هاگاو موحەبەتی نمەزانی؟ بەڵام ڕاس واچێ من هاگاو موحەبەتی نەزانێنێ. ئاخر لاو کێوە فێرە بیاینێ؟ تا بێ، جەنگ و ئاژاوێو مامۆیم و مامۆژەنێمم دیەبێ. خۆ پەی جارێویچ نەڏیەبێم وەشەویسیشا بووزان بەروە، تا ئەمنیچ فێرە بوو.
واچێ: وەختارێ فەرهادی ڕەفێقم باسوو ژیوای وێش مەکەرۆ، بەخێڵیش وەنە مەوەروو. ماچۆ: وەختێو جە کۆڵبەرینە مەلووە پەی یانەی، بە وینای خوەو سەرو لچێو ژەنەکێم شەکەتیم بەرمەشۆ!
بەڵام من مەشیۆ بەونەوە دلێ یانەی سەرد و سڕی نە قسێ نە باس نە خوە نە وەشەویسی ... من چ گوناحیەم کەردێنه جگەم وەشەسیایی تۆ؟
دیار بێ فرە دڵش پەڕ بێ و منیچ هیچم نوات واتم با خاس وێش خاڵی کەرۆ. ئینەیچمە لاو مامۆژەنێموە یاڏ گرتەبێ. وەختارێ چەنی مامۆیم گژیێنێ و مامۆم تووڕە بێ، واچێ من هیچ نماچوو پیاکە، با خاس بمریرە. ئەننا من هاگاو هۆرزاو ئەرەنیشتی چەنی شووی چووزانوو؟
درێژەش هەن.....
نویستەی: گۆنا
@karawawshamyany
داستانەو ئەسێ
بەشوو ششی
ئاڏیچ شۆنەو قەڏریە بێدەنگیەرە ئاماوە قسێ و واتش: ڕاس ماچی تریفە گیان منیچ هامڕاتەنان، ئەسێ پەی یاگێ دوورێ نمەشیۆ.
ئیتر فره ناڕەحەتە بیانی، لوانی ئێژیانیرە و چێروو پەتوویەنە خاس خاس گرەوانی پەی بەڏبەختیو وێم. پەی ژیوایە کە هنوو من بێ و دیگەران پەیم تەسمیم گێرێنێ. منیە کە نە فەریدی ئەژناسێنێ و نە قسێم چەنی کەردەبێ بەڵام چی ئەننە هەمیەتش بێ پەیم؟ شایەد تەنیا گەرەکم بێ چی وەزعێ نەجاتم بۆ و بە قەوڵوو مەتی سەلمای بلوو یانەو وێم.... نمەزانوو....
ئیتر باسوو فەریدیچ بڕیاوە و دڵوو وێمەنە ئەسپەردەم کەرد. تا چن مانگێ دماتەر مامۆم ئاماوە یانە و بە مامۆژەنێم واتش: ژەنەکێ! ئێشەو مێمانێما هەنێ لاو ئەسرینێچوە باچە وێش حازر کەرۆ پەی ئێشەوی. مامۆژەنیم پەرساش پەیچی خەیرەن؟ چێش بیەن پیاکە؟
واتش: ئیشەڵڵا خەیرەن. ڕۆو جمعەی هۆسا جەماڵی دانش ئەو گۆشیم گوایە ئەسێ بوازۆ پەی کەیوانی کوڕیش. منیچ هەر چاگە قەوڵم پەنە دان. ئێشەویچ قەرارەن بیان دەسماچکەردەی.
منیچ یاگێو وێمەنە وشکە بیان، مەژگم وەخت بێ بتەقۆ. بێ پەرسوو من مامۆم چەنی قەوڵش دابێ؟ گەرەکم بێ بلوو وەروە و سفت و محکەم بمدروونە و باچوو من وەیوڵێو دەسوو شمە نیەنان، هەرجۆر گەرەکتابۆ هۆرپڕوو.
بەڵام داخەکێم زاتوو ئانەیچمە نەوێ. چوون کۆمەڵگاو ئێمەنە ئەگەر کناچێ قسێو دڵوو وێش کەرۆ بە ڕوودار و بێ حەیاش مەزانان.
ئاڏێ وێشا قەوڵ و قەراروو وێشا نیابێ و من چی بەینەنە هیچ کارێ بێنێ.
هەر لەونیە نەوی ئا شەوە مامۆژەنیم قسێش چەنی کەردانی و بڕێو سووراو و سپیاوش ماڵا پۆرەمەرە و ماچۆ: با ئا ڕەنگە زەردێتە پشارۆوە بیەنی شێڵانێ زەردە. با سەوای نواچان یانەو مامۆیش زەرد و زاییفە بیەبێ و نان نەوێ بوەرۆ.!
خاس زانێنێ چی مامۆژەنیم ئیسە ڕەحمش تڵیسیانوە پەیم. جە لایەوە وەشحاڵە بێ نانەوەریەش کەمە مەوۆوە جە لایەتەریچوە وەشحاڵە بێ ئینان نزیکوو وێشەنە و هەر وەخت هەرمانەش بۆ پەنەم، مەونە دەمشوە.
پەیم سەیر بێ. مامۆم کە پەی مەدرەسەکەیم لامەنە نیشتەبێرە و دڵوەشیش دایبێنێوە. ئیسە چی پەی ژیوای هامبەشی کە گەورەتەرین بڕیارەن جە ژیوای هەر کەسێوینە، بێدەنگ بیەبێ و تەنانەت بە وێش زەحمەت نەڏێ قسێم چەنی کەرۆ؟
کار جە کاری ویەردەبێ و دەسم بێ دەسەڵات بێ. هەر پاسە مامۆیم وات، ئا شەوە ئامێ یانە. هەر چەمم کەوت کەیوانی وشکە بیان. جاران دیەبێم لاو یانەیمانەرە ڕەڏ بیەبێ. بەڵام هیچ وەخت فکر نەکەرێنێ، ڕوێو بۆ شەریکوو ژیوایم. ئیسە کە بە چەمیەتەر تەماشاش کەرێنێ پەیم سەیر بێ. دڵمەنە واچێنێ هەر هیچ نەوۆ ئاڏ دە دوانزە ساڵێ جە من گەورەتەرەن. وەختارێچ ویر کەرێنێوە هیچم دەسەنە بەر نمەی و مامۆم قسێو وێش کەردێنە، ئیتر ویروەکەردەی بە سن و ساڵی فرە بێ مانا و بێ فایڏە بێ.
درێژەش هەن....
نویستەی: گۆنا
@karawawshamyany
کۆرپێ قەۮباریک ڕادیو مەریوان 1354
مامۆسا جەمیل و.....
@karawawshamyany
شیرین دا مه چــۆ :
مامۆسا عه ینەدین وکاکە لایەق خانە گایی
@karawawshamyany
داستانەو ئەسێ
بەشوو چواری
وەلحاسڵ نیشتێرە و قسێو وێشان کەردە و یاوای پینەیە من مەشیۆ فاتحەو دەرسی بوانوو. منیچ چارم ناچار بێ، خۆ ئەڏا و بابەو وێم نەوێنێ تا نازم بلۆ و پا کەروونە پاڵا و باچوو نا من هەر مەشیۆ دەرس بوانوو!
فرە ناڕەحەتە بیان. بەڵام مامۆم دڵوەشیش دانیوە و واتش: ڕۆڵە گیان هەر ئەننە بەشوو وێت سەواڏت هەن شوکرش گەرەکن. سەوای مەلی دوکترێو، یاگێو نمەمانیرە، کاروو وێت ڕێک مەوزی. ئا، تەماشاو مامۆیت کەرە، هیچ سەواڏم نییەن وەڵڵا پیای بێ سەواڏ پێسەنە کۆری هەر هیچ بەڵەڏ نییەن. بەڵام سایەو ڕەحموو خوڏایوە تۆ کەڵاسوو نۆیچت گرتەن، جە خوڏای بەزیاڏ بۆ وەسێتەن چەموو مامۆیش.
واتم مامۆ گیان باش هەرچی تۆ باچی. بە هاناسە سەردی سەرەو دەرسەکەیچم نیاوە. وەختارێ پاییزێ چەمم گنێ بە ڕەفێقەکانم لوێنێ پەی مەدرەسەی، دڵم پەی وێم مانێرە. ماوێوی ویەرد هەر پێسەو جاران خەریکوو ئاوپاشیو وەربەرەی بێنێ. دیم چوار نەفەرێ ئامێ پەی یانەو مەتی سەلمای، ژەن و پیایە و کوڕیە و کناچیە شش حەفت ساڵێ. هەرچی تەقەشا دا بەرەش واز نەکەرد. منیچ لوان پەی لایشان، سڵامم کەرد و واتم: ئەجیۆم مەتی سەلما لواینە پەی کەشی پەی گەڵای. ژەنەکێ واتش: قەڏش نیەن ژیرێ گیان وێم کرێڵم ئینا پەنە. بەرەکەشا واز کەرد و لوای چوەری. منیچ گێڵانیوە و ئامان سەروو هەرمانەو وێم. دەسم کەرد بە گزی داو وەربەرەکەی. قەڏریە ویەرد و دیم ئانە مەتی سەلما بە کۆڵیە گەڵاوە ئامەوە. واتم: بێ قەزای بی مەتی سەلما، وەڵێو پایتەنە چوار نەفەرێ ئامێ پەی یانەیتان. واتش: ئەی وەشە بی ئەسێ گیان، بەخوڏا مزانیت گەرەک بیایە دێنێت پەنە،هەمیشە وەش خەوەرە بی ماڵەکەم. چەم و دەمش خوای خوێ. گەڵاکەش حەوشەنە نیارە گورج لوا چوەری. دماتەر زانام ئا ژەنێ کناچێو مەتی سەلمایەنە و یانەشا ئینا کرماشان و بۆنەو نوەشی شوەکەیشوە چن ساڵێ گرفتارە بیەنە و نەتاوانش سەر بڏۆ ئەڏایش.
نیمەڕۆدما وەروو وەرەتاویوە نیشتێبێنێرە و تەماشاو یانەو مەتی سەلمای کەرێنێ، کناچەکێش هەرچی کەل و پەل بێ وستەبێش بەر و خەریکەو تەمیسکاری بێ. مەڏیەو، دەلاقەوە مەتی سەلما چڕیش: هۆ ئەسێ گیان ئا بۆ کارم هەن. وەختیە لوان دیم دلێ دەوریەنە شیرینیش ئاورد پەیم و واتش ئانە کناچەکێم شارەنە ئاوردەن ئینەیچە پەی شمە، نۆشوو گیانیتان.
هەر لوانیوە یانە، مامۆژەنیم ئەجیاش وەربەرەم گزی دان، بە تووڕەیی واتش: ئینە چکۆ بیەنی سۆح تا ئیسە؟ پۆسوو ئی وەربەرەیتە گرتەنوە ئەننە گزیت دان. منیچ واتم: وەربەرەو چێشی؟ مەتی سەلمای چڕیەنان شیرینیم بڏۆ پەنە. هەر ئینەش ئەژنەوی واتش: بەخوڏا فەریدەی کناچێش ئامێنە، ئا بۆ لاو ئی زاوەڕانە، هۆشت سەروو چاشتەکێچۆ بۆ نەسووچۆ، با من بلوو خەیرئامایەو فەریدەی کەروو.
چا وەختەوە دەرسم نیابێ کەنار، فرەتەر هەرمانێم پەنە کەرێ. واچێ: ئیتر بیانکێو دەرسیت نیەنە مەشیۆ هەر چی ماچوو کەری.
درێژەش هەن.....
نویستەی: گۆنا
@karawawshamyany
جەمیل نەوسوڐویی
ڕەزابەگ کەڕاوایی
@karawawshamyany
داستەنەو ئەسێ
بەشوو یەکی
ئا ڕۆیچە پێسەو گرد ڕۆیە بە دەنگوو ئەڏایم هایە بیانیوە. چڕیش هۆ ئەسرین، ئەسێ گیان هۆرزە ڕۆڵە سەماوەرەکێ گیسنەنە و نانیە بوەرە با جە مەدرەسەی جیا نەمانی. ئننە شەکەتە بێنێ وێم کەرد وتە و هەر جوابم نەڏاوە. دیسان چڕیش ئەسرین گیان دەی هۆرزە گیان ئانە بابەت سۆح زوو لوان ماشینی دەربەس گیر بارۆ بلم پەی شاری با ئاڏیچ بەیوە فەقیرە چایە بوەرۆ. ئیتر ئی قسێ عادیێ بیەبێنێوە پەیم، دوێ ساڵێ بێ ئینە کارم بێ گردوو هەرمانان سەروو شانەو منوە بێ تەنیا ئەڏام ئەی لام و واچێ ئەسێ گیان پێسە کەرە و پاسە کەرە. ئاخور کناچڵێوی یانزە ساڵێ هاگاو هەرمانی چووزانۆ؟
ئەڏام وێش بە هۆو نوەشیوە زەمین گیرە بیەبێ و نەتاوێ حیچ کاریە کەرۆ، فەقیرێ جگەم من و بابەیچم هیچ کەسش نەوێ دەسبارش بڏۆ.
هەرچی حەفتێچ بێ دوێ جارێ لوێنێ پەی شاری پەی شۆنەو دەوا و دوکتری و فیزیۆتراپی. ئا ڕۆیچە هەر هەمان دەسوور نۆرەو دوکتریش بێ.
کەم کەم چێروو پەتوویەنە ئامان
بەر بلوو شۆنەو و هەرمانەکانم و مەدرەسەکەیمەرە
بایێشکیەم ئاستەرە و دەسیەم ئاورد قژە لوولەکانمەرە بەشکەم کەمێو سافێ بانێ. وەروو وێمەرە هەر بۆڵەم ئەی: ئەی خوڏا تا کەی من چی مەشیۆ ئێنڏە ژیوایمەنە سەخڵەتیێ پچەشوو؟ مەگەر من کۆگەم یاونان؟
خافڵ چینەیە بێنێ ئینە هێشتار چاشتەوەشێنە. چا ڕۆوە تا ئیسە لەعنەتێ مەکەروو ئەو وێم و ماچوو شەڵڵای زوانم لاڵ بیایە ئا قسێمە نەکەرداینێ، بەڵام.....
ئا ڕوە بۆڵەی فرەم ئامە و ئەڏایچم گۆشش پەنە بێ دەسموە عاجزە بیە. واتش: دەی ئەسێ گیان من چێش کەروو نازارەکێم، گوای من حەز مەکەروو بنیشوەرە و تۆ هەرمانێ کەری؟ بارەن و خوڏای دان ملمەرە چارە نییەن. بەشکەم ئی دوکتر لوایە و ئی سەروو ئەو سەرە قانجازیەش بۆ و خاسە بوونەوە و شەکەتیو تۆ و بابەیچت بەرشۆ.
بە هەر لەونیە بێ پێسەو هەمیشەی نان و چاییم حازر کەرد و سۆحانەمان وارد.
بابەم و ئەڏام دەسوەشیشان چەنە کەردانی و دماو خوڏا حافیزی کەوتێ ڕا لوای پەی شاری. منیچ مانتو و شەرواڵم کەردەنە و بەرەکەم بینا و لوان پەی مەدرەسەی. دلێ ڕاینە هەر ویر کەرێنێوە واچێنێ خوڏا گیان من چی ئەڏامم عاجزە کەردە خۆ ئاڏە خەتاو وێش نیەنە و باروو خوڏایەن.
ئا ڕوە سیاوە هەر پاسە بە خەفەت واردەی ویەرد تا نیمەڕۆ بی و مەدرەسە وەر بی. واتم ئیسە ئەڏام ئامێنەوە بلوو دڵشەنە بەر باورروو. ڕەمەڕەمالێ ڕاو مەدرەسەی تا یانەیم کەردە دوێ لەقۆرێ. هەر یاوان لاو یانەی دیم خەڵکیە فرە جەم بیەن و دەنگوو گرەوی مەی. کیفەکەم شانەمەنە بەر ئاورد و دلێڕاسەو خەڵکەکەیەنە ڕام واز کەردە بزانوو چ خەوەرەن؟
درێژەش هەن....
نویستەی: گۆنا
۱۴۰۱/۶/۷
@karawawshamyany
ماویەن جە فەزای مەجازیەنە، بیەن باو کە بازیە خەڵک وێنەوە چێوئەساکەیشا، یا خەڵاتگێرتەی جە لایەنوو شەریکوو ژیوایشاوە، یا سفرەو چاشتێشان پێسەو چاولێگەریە فرە بێتامی مەنیان وەروو چەموو خەڵکی.
ویرمانەنە بۆ جە ڕاسیەنە، ئێمە بە قسەکانمان و کارەکانمان پەی وێمان ئەرزش مەنیەیمێرە. بە درێژاییو تاریخی بۆنەو چێوئەسایوە و چاشتواردەیوە و خەڵاتگێرتەی و وێنمانایوە جە هیچ کەسی بە خاسە یاڏشان نەکەردەن.
ئی جۆرە هەوڵ و تەقالا پەی وەشبەخت نیشاندای وێت جە خەڵکانیەتەر، پێسەو دەس و پا شەنەیەن دلێ باتڵاقێنە، هەرچی فرەتەر دەس و پا شانی فرەتەر مەچەقی دلێ باتڵاقی.
ئی جۆرە وێنمانای تەنیا یەک چێو مەسەلمنۆ کە من حەقیقەتەنە وەشبەختە/وەشبەخت نییەنان.
بڕیە جارێ تەقالا کەردەی پەی ئینەیە کە چێویەما هەن، و دووبارە کەردەیش، نیشانە مەڏۆ کە بەڕاسی ئا چێومانە نیەن. ئەجیۆ باوەڕما کەردەن کە بە تەقالا کەردەی و دووبارە کەردەیش مەتاوم بیمێ ساحێوو ئا چێویە کە نیەنمان.
هۆروەگێڵنای: گۆنا
۱۴۰۱/۳/۳
ماوەیەکە لە فەزای مەجازیدا ئەمە بووەتە باو کە بڕێک خەڵک، وێنەی شتکڕین، یا خەڵاتگرتن لە لایەنی هاوسەریانەوە، یا سفرەی چێشتیان وەکوو چاولێگەرییەکی زۆر ناخۆش دەنێنە بەرچاوی خەڵکەوە.
لەبیرمان نەچێت ئێمە لە ڕاستیدا، بە قسەکانمان و کارەکانمان بۆ خۆمان بایەخ دادەنێین. بەدرێژایی مێژوو، بەهۆی شتکڕین و چێشتخواردن و خەڵاتوەرگرتن و خۆنوێنی لە هیچ کەسێک بە چاکە ناویان نەبردووە.
ئەم جۆرە هەوڵ و تێکۆشانە بۆ بەختەوەر نیشاندانی خۆت، لە خەڵکانێ تر، وەکوو دەس و پێ وەشاندن لە زەلکاوە، هەرچی زۆرتر دەس و پێ دەوەشێنی زۆرتر غەرق دەبی.
ئەم جۆرە خۆنوێنیە تەنیا یەک شت دەسەلمێنێت، کە لە ڕاستیدا من بەختەوەر نیم.
بڕێک جار هەوڵ و تێکۆشان بۆ ئەمەی کە شتێکمان هەیە و دووبارەکردنەوەی پیشان دەدات کە لە ڕاستیدا ئەو شتمانە نییە. دەڵێی باوەڕمان کردووە کە بە هەوڵدان و دووبارەکردنەوەی، دەتوانین ببینە خاوەنی ئەو شتەی کە نیمانە.
وەرگێڕان: گۆنا
۱۴۰۱/۳/۳
@karawawshamyany
🥀🥀🥀🥀🥀🥀🥀
جە جەنگوو جەهانی دوهەمی سەروازێو پی شێوە نامەش نویست پەی سەرکەردەکەیش.
جەنابوو سەرکەردەی چەکەکەم چیروو خاکینە شارانوە، ئێتر گەرەکم نیەن شەڕ کەروو، ئی گراڵەمە بە بۆنەو تەرسێ یا مەردەی یا عێشق بە خێزانێم و زاڕۆڵام نەگێرتەن..
ڕاسەکێت گەرەکە بۆ وەختێو سەراوزێوی دژمەنم جە شەڕەنە کوشت، دلێ گیرفانێشەرە گێڵانی چێوێو بەڵاجەویم دی.
دلێ لاپەلێو قاغەزی ونینینە نویسیا بێ:
بابە..! چا ڕۆوە لوای و تەنیا جیات ئاستانی هەر چی ڕۆێنێ تا وێرەگا وەروو بەرینە چەمەڕات نیشتەنارە تا بزانوو کەی مەیوە..
بابە گیان...! بە خودٚا ئەگەر ئی جارە بەیوە تن و تۆڵ مەگێرووت باوەشیم و نمازوو بلیوە پەی شەڕی.
من ئا زاڕۆمە دلێ چەمەڕایوە بێ سوودٚینە ئاستەنم.
ئاخر تا چن وێرەگانێ متاوۆ ماتڵوو ئامەی بابەیش بۆ...؟
لەحنەت ئا شەڕیە کە زاڕۆڵیوە جە باوەشەی پەڕ جە مێهرو و موحێبەتەو بابەیش بێ‌بەش مەکەرۆ.....
قەڵەم""شێخە ڕەسووڵ""
هۆروەگێڵنای؛
گوڵزار شەریفی بێساران
@karawawshamyany
#شنــە
بـا شنیــۆ شنــەی شنیــای بــەیانان
بۆی عەتر و عەبیر بووزۆ ئەو یانان
شنیــۆ نەسیمش چەنــی وەرکەمەر
فێنــک کـــەرۆ دڵ گــەرماژۆی دڵبەر
با هەر شنەش بـەی جـە سەر دیاران
وەفــــاش بمانــــۆ جــــە لاو نازاران
✍ #مۆمن_یەزدانبەخش
@karawawshamyany
نەبیمێ بایسوو ژیواو خەڵکی!
کوڕێوە هەرزەکار پەرساش جە ڕەفێقەکەیش : چکۆ هەرمانە کەری ؟
واتش : لاو فڵانیوە
مانگێ چنە گێرێ؟ ملوێنێ
یانێ حەر ئنە گێری!؟
چەنی ژیوی فرە کەما ؟
دیارا ساحێب کارەکەت قەڎرت مەزانۆ!
یەواش یەواش کوڕەکەش جە هەرمانەکێش دڵسەرد کەردۆ و تەقازاش دا حقۆقش فرە کەرا، نەکەردشا و زینچشارە ، فەقیر، وەڵێنە کارێوەش بێ ، سەرگەرم بێ و ژیوایچش بەرێ ڕاوە ، ئیسە ئیتر بێکار و بێ هەرمان..
وەروو قسێ بێ یاگێ بەتاڵ پای!!!
ژەنێوە زارۆش بی ، هامسایێوەشا ماچۆش پەنە ئی زارۆتە پێڎا بی شوەکەت چێشش پەی سانای ؟
__ وەڵا حیچ
__چەنی بۆ چێوی چینە!؟
یانێ تۆ حیچ ئەرزشێوەت نەبێ لاو شوەکەیتۆ؟
بوومەش وستە یانەکەی و وێش لوا..
نیمەرۆ شوەکەش ئاماوە ژەنەکێش توورێ بێ ...
کار کێشتش بە شەڕ و ئاژاولێ و تەمام..
ئینە بازەم بەتاڵ پا !!!!؟؟
تاتێوە بێ فرە دڵوەش و وەش حاڵ گنێ وەرە چەم ، یۆ ئاما لاش و واتش :
ئەرێ لالۆ چی ئا کوڕتە سەرێت مەڎۆ وەنە؟
یانێ ئنە سەرقاڵوو ژیواین ئنە وەختش نیا بێ پەی لایت؟
پی قسا سەفاو قەلبوو تاتەی ریش چەرمەی سیاو بیوە و ئا دڵوەشیشە نەمەنە !
ئینیەچ هەمیسان نەتیجەو دەم نەمردای بەتاڵ پای فرە دۆی!!!
ئینەن قسە کەردەی بە زوانوو شەیتانی ..
جە توولوو رۆینە مومکینا سوئالێ فرێ پەرسمێ وەنەو یۆترینی ؛
چیت نەسانا؟
چی ئانەت نیا؟
چی ئوونەت نیا؟
خرخاڵێوەت نیەنە کەری دەسێت؟
چەنی ئی رەوتوو ژیوایە ملۆ وەرۆ پەیت؟
چەنی تاقەتوو فڵانەکەسیت هەن؟
چەنی مازی .....؟
ئی گردە سوئالاو دە ئنە تەر ..
شایەد؛ هەدەفەما ئانە بۆ جە ژیوای خەڵکی سەرە بەر بارمێ یا حەر چێوێ تەر ....
وەلێ مەزانمێ بە وێما، ئاویر وزمێ یانەو خەڵکی !!
هەینا برا شەڕ و ئاژاولێ مەوزدێ یانەو خەڵکی ، فرەو چێوی بە ئێمە ڕەبتش نیا ، عەسڵەن بە ئێمە چێش ! سەروو پیازینمێ ، بنەو پیازینمێ ! ئێمە کارما چێشا !!
کۆر بلمێ یانەو یۆی و کەڕ بزیەیمێرە ، یانەوێران کەرێ نەبیمێ ...
@karawawshamyany