686
🍂دەلاقێوەپەی ویناو ویەردەیما..🍂 🌼دڵ وەشنا بە وەر ڪەوتەو سەر ڪەلای🌼 ↘ادمینهای کانال↙ @kosalan1384 @sahebhabibi1358 @paymanakaykham @Serva111
حیچ وەخت نەبات ی زەرد مەساندێ‼️
فرەو ئا نەباتا کە بە ڕەنگەی زەردە یا زافەرانی جە بازاڕنە هەنێ بە عۆسارەو زافەرانی ڕەنگشا کەرا کە مادێوە فرە خەتەرناک و سەرتان زان..
واردەی ئی مادەیە بۆ بایسوو بڕێ نەوەشیا پێسەو : هارووهاجی(بیش فعالی) زارۆڵا، ناراحەتیێ واردەی و هەزموو غەزای(گوارش) و تەنگە نەفەسی(آسم) ، تومورێ تیروئیدی ، میگرێن ، تاری چەما ، حەساسیەت و نەوەشیێ پۆسی پێسەو پورپورا ی...
جە نەباتی ڕەنگاورەنگی کە فرەتەر پەی ڕازنایوەی بەکار مێ ، مەبۆ پەی واردەی کەڵک هۆر گێرمێ..
مادەی ڕەنگی ئی جۆرە نەباتا پەی زارۆڵا و ژەنە دوەگیانا فرە خەتەرا و بۆ بە بایسوو خراب کار کەردەی دوێ یاگێ بەدەنیما که سەموو بەڎەنیما پاک کەراوە یانێ وڵکێ وجگەر و ڕاوەشکەرو شێرپەنجەین و بڕێ تەر جە نوەشیەکا...!!
تا پەیتا کریۆ نەباتی چەرمە ئیستیفادە کەردێ و ئەگەر حەز بە زافەرانی کەردێ وێتا ئیزافەش پەنە کەردێ...
👇👇👇👇👇👇
@karawawshamyany
🌹🌹🌹🌹🌹🌹
بەشێوەتەر جە زەماوەنەو کاک فەرامەرز ئەمینی
ساڵەو 1378
ڕۆحوو کۆچ کەردای بەهەشتی بۆ
👇👇👇👇👇
@karawawshamyany
🔹"وەزەبان "
ڕاو و ڕەسمێوە ئایینی و کۆمەڵایەتین کە جە چوار چێوەو قوربانی کەردەی پەی زارۆڵەی بە کار مێ،بە فارسی و عەرەبی ماچاش پەنە (عقیقە)
🟡جە فرەو یاگەکانە وەختێ زاڕۆ بە دنیا ئامان ئا کەسا کە دەسەڵاتشا بیەن سەرێ حێوانشا کەردەن قوربانی ئا زارۆڵەیە ، حەفتەکێشنە یا دماتەر، ئیتر بە پاو تەوانیشا . جە وەڵاتەکا تەرنە وشتر ، گاو ، گۆرەکە ، مەی ، بزە و تەنانەت فڕووج..
🟢 وەزەبان کەی کریۆ؟
چاوەڵ حەر ژەنێ زارۆڵەش بێ ، زارۆڵێ وێشا حازر کەرێنێ پەی وەزەبانی..
ئا ژەنێ کە زارۆڵەش بێ ، مامانە خەبەروو زارۆڵە بیەیش دلێ دەگارە پەخش کەرێوە..
ئیتر کەسێوە ئا یانەیە حەر چێوێ وەرو دەسینە بیایێ بەرێ دێ بە زارۆڵا ، چا وەختانە جە وەڵاتوو ئێمە گرکەس وەزیش بێنێ و ماما یا مەتیەو ئا زارۆڵەیە وەزی بەرێ سەرو بانێ بەرزی و شانێشا سەرو زارۆڵارە و گر کەس بەشو وێش ماشێوە و بە وەشحاڵیوە لوێوە پەی یانەی..🟠شمە چێشتا دیەن و ژنەوتەن جە بارەو وەزە بانیوە؟
👇👇👇👇👇
@karawawshamyany
مەجنوونی لەیلم، بیابان گێڵم
عالەم مەزانان پەی لەیلێ وێڵم
زەدەی گۆڵ جەمین وەنەوشه خاڵم
ها جه لاش هۆشم،فیکرم،خەیاڵم
من چوون سالکان ڕای عەشقم دایەم
یا شێخ لاقەیدم جه لۆمەی عالەم
نەواچان پەی دەرد هەر من مۆبتەلام
سەد کەس هەن چوون من به ئایەی کەلام
هەزار کەس وەی تەور شێوەش ئی بازین
نیم به حەقیقەت،نیم به مەجازین
تا مەجاز نەبۆ ، حەقیق نمەبۆ
حەقیق بێ مەجاز تەحقیق نمەبۆ
ئەر حەقیقەتەن، ئەر مەجازیەن
دڵوو من به ئەو به خوا ڕازی‌یەن
گشت جه من فێشتەر حاڵشان فەنان
داخم هەر ئێدەن،هەر پەی من مەنان
گرد جه هام دەردی من حاشا کەران
سا خەلکان بەیان تەماشا کەران
ئەر عاشق نەبا یەکسەر مەللا و شێخ
فتوا بۆ "سەیدی" سەر بڕان به تێخ
#سەیدی_هەورامی
@karawawshamyany
کتێبی چێشتی مجێور
مامۆستا هه‌ژار موکریانی
به شی ۴۴
بەشدارێ بیدێ پەی بەشەکای تەری
👇👇👇👇
@karawawshamyany
🌹🌹🌹🌹🌹🌹🌹🌹
قسەو باسێ چەنیو کاکە ڕەشید فەدایی..ڕەشەبۆڕیەری..یا ڕەشە دڐان ساز
بەشوو 2
🔷کەڕاوا چی نامێ نریان کەڕاوا
🔶ئەوسا زەماوەنوو هاوماڵی خەڵکی دلێ یۆینە
👇👇👇👇👇
@karawawshamyany
کتێبی چێشتی مجێور
مامۆستا هه‌ژار موکریانی
به شی ۴۳
بەشدارێ بیدێ پەی بەشەکای تەری
👇👇👇👇
@karawawshamyany
کتێبی چێشتی مجێور
مامۆستا هه‌ژار موکریانی
به شی ۴۲
بەشدارێ بیدێ پەی بەشەکای تەری
👇👇👇👇
@karawawshamyany
کتێبی چێشتی مجێور
مامۆستا هه‌ژار موکریانی
به شی ۴۱
بەشدارێ بیدێ پەی بەشەکای تەری
👇👇👇👇
@karawawshamyany
کتێبی چێشتی مجێور
مامۆستا هه‌ژار موکریانی
به شی ۴۰
ئازیزا بە وەشحاڵیوە یاوایمێ نیمەو چێشتی مجێوری ئاواتەوازنا تاقەت بارمێ وتاومێ گۆشش دارمێ وچێوێ یاڎ گێرمێ سپاس پەی ئا بەڕێزا کە چەمە ڕاییش کەرا حەر نەسێحەتوو بابەتێوەتا بی چی بارەو کتێبوو مامۆسا هەژاریوە جە کامنتنە پەیما نویسدێ
چەمەڕاو بەشەکای تەریش بیدێ😍
👇👇👇👇
@karawawshamyany
🌸یادێوە جە ڕەزا بەگی ڕەحمەتی گەورە هونەرمەندوو دەگاکێما #کەڕاوا
🔹کاک ساسان منفرد(بێوەر) خەڵکوو دەگاو نسڵی یۆ جە خەمەوەراو زەحمەتکێشاو مەحاڵوو شامیانی ، ماوایێوەن خەریکوو کاری فەرهەنگین و حەر ڕایێ جە بارەو یۆ جە کەسایەتیە بەرزەکاو مەنتەقەو شامیانیوە بابەت منویسۆ و جە رۆزنامەو رۆژانینە وڵاوش کەرۆوە..
🌸🌸🌸🌸
جە ئاخرین شمارەو ئی رۆزنامەینە باسوو ژیوای کەسایەتی هونەری دەگاکێما مەرحووم ڕەزا بەگیش کەردەن..
ئێمەیچ جە لایەنوو خەڵکی قەدرشناسوو کەڕاوایوە مانی نەبی کاک ساسان ی کەرمێ و دەسیش ماچ کەرمێ ..
قەڵەمش ڕەوان بۆ بەردەوام بۆ یاخوا
🌹🌹🌹🌹🌹🌹
"قاسپەی شاژەرەژێ لە داوێنی کۆساڵانەوە"
خوڕەیەک لە هانەوسەرچەمەی
چووزەیەک لە داربەڕویەکی بان بەرووڵ و شالقی پیرەوەنێکی بانی هەن
گەزیزەیەک سەر لەژێر بەفری خڕەچەرمە و وەنەوشەیەک لە بەرانبەری کەڵیمل
ئەمجارەش مەلی خەیاڵمان بەرەو وەزەنە کۆرێ و تەونەزڕزڕێ ومرۆپەڕا و هەمرۆمسەفایا باڵ دەگرێت و لە هانەوحەمەئاغە و مەڕەو نەچیرەوانا دەحەسێتەوە و لە هۆبەوەز و بانەسار وتەلارا باقەیەک مێلاقە دەچنم و لە سەر گۆڕێک لە دۆڵەکڕێ دەست لە سەر سینگ دایدەنم
ئەمجارەش خامەمان بەرەو مەتەرێزی هونەر و لێهاتوویی تاو داوە بەرەو گوندێک کە ئەو مەڵبەنده هەردەم لانکێ بووە بۆ پەروەردەکردنی ڕۆڵەی ئازا و بەجەرگ و لێهاتوو
ڕوومان کردووەتە ئاوایی کەڕاوا ویادێک دەکەین له سیاچەمانەوێژی ناودار خوالێخووشبوو ڕەزابەگی ڕەشیدی.
ڕەزابەگ ڕەشیدی کوڕی عەبدۆڵڵابەگ کوڕی مۆحەممەد ڕەشیدبەگ لەساڵی 1323ی کۆچی هەتاوی له ئاوایی کەڕاوا له چەمی شامیان سەربەناوچەی سەوڵاوا چاوی بە ژیان هەڵێناوە
دایکیان دەبێتە خاتوون سەلما قازی کە لە بنەماڵەی بەناوبانگی قازی زادەن لە ئاوایی ڕەزاو و
عەبدۆڵڵابەگی باوکیان ناسراو بە مامۆ عەودە دەبێتە خۆشکەزای حەسەن خانی ڕەزاو و وەک وەزیر و فەرماندەیەکی شەڕەکانی ئەوکاتی حەسەن خان ناوبانگی دەرکردووە.
ڕەزابەگ هەر لەتەمەنی منداڵیدا خولیای گۆرانی وتن بووە و لە لاویەتیدا ئەم هونەرەی دەرخستووە و زۆرێک لە شاییەکانی زێدەکەی و ئاواییەکانی دەورووبەری گەڕاندووە و
سیاچەمانە،وردەبەزم، چەپڵە وگۆرانیەکانی تری بە ڕێکوپێکی زانیوەو دۆستایەتیەکی گەرم وگۆڕی لەگەڵ مامۆستایان عوسمان هەورامی، حەمەحسەینی کێمنەیی،جەمیل نەوسۆیی، شەفێع کێمنەیی و زۆرێک تر لە هونەرمەندانی بەناوبانگی هەورامان بووە وئامشۆی ماڵی یەکترینیان لێ نەبڕاوە و پێش شۆڕشی ئیسلامی ئیران لە بەشی ڕادیۆدەنگی کرمانشان گەڵ مامۆستایان عوسمان هەورامی، حەمەحسەینی کێمنەیی وشەفێع کێمنەیی، جەمیل نەوسۆیی گۆرانیان تۆمارکردووە، بەداخەوە زۆرێک لە بەرهەمەکانی ئەم هونەرمەندە دەنگخۆشەی وڵاتمان بە هۆکارگەلێک یا تۆمار نەکراوە یا لە ناو چووە بەڵام هەر چەندین یادگاری زێڕینی پێشکەش بە بارگای هونەری هەورامان و بەگشتی کوردستان کردووە و ئەمڕۆکەش ماونەتەوە.
ڕەزابەگ جیا لە دەنگخۆشی بەهۆی ئەوەیکە مرۆڤێکی خۆشڕوو وناندار و مێواننەواز و شۆخ بووە،توانیویه به زووترین کات خۆی لەدڵی خەڵکدا جێ بکاتەوەو هەردەم لە کۆڕوکۆبوونەوەکانی نێو جەماوەر وەک کەسایەتێکی تایبەت دەعوتی لێکراوە و قسەخۆشەکانی ئەمڕۆکەش وێردی زارانە.
بەداخەوە ئەم هونەرمەندە پاش 56ساڵ تەمەن له ڕۆژی 27ی بەفرانباری ساڵی 1379ی کۆچی هەتاوی بەهۆی نەخۆشینی دیابەتەوە[شەکرە]له زێدەکەی خۆیداکۆچی دووایی دەکات وهەر لەوێش لە ئامێزی زێدەکەیا له گۆڕستانی دۆڵەکڕێ ئاوایی کەڕاوا ئەسپەردە دەکرێ.
ڕەزابەگ دوجار ژیانی هاوبەشی پێکهێناوە و کە ئەسماخاتوونی کەڕاوایی دەبێتە ژنی یەکەمی و کوڕێکیان ئەبێ بە ناوی کاک بورهان، ودوواتر لەگەڵ خاتوون عەزیزە کچی مەحمووبەگی کەڕاوا ژیانی هاوبەشی پێکدێنن و دو کوڕ بەناوەکانی کاک سەرکەوت وکاک سالار وسێ کچ بەناوەکانی نەوجوان وشوجوان و شنۆ ی ئەبێ و بەڕێزان:
فەرەج بەگ،عەلی بەگ،کاک جەهانگیر،هادی،بەهرام و جەهانبەخش مەیشوور بەکوردە براکانی ڕەزابەگن و خاتوون ئێران و فەرێح خانم و خوالێخووشبوو نگین خانم ودادە زیبا وفەریباش خۆشکەکانین.
لە گۆرانیە تایبەتەکانی ئەم بەڕێزه ئەتوانین ئاماژە بکەین بە ئامان میم گورجی،عەزیزەگیان کە لەگەڵ هونەرمەندانی بەناو بانگی سیاچەمانەوێژ مامۆستا عوسمان هەورامی ومامۆستا حەمەحسەینی کێمنەیی وتوویانە و بڵاویان کردووەتەوە.
سەرچاوەکان:وتووێژێ لەگەڵ بەڕێز کاک بەرزانی ئەحمەدی زاوای خوالێخۆشبوو ڕەزابەگی کەڕاوا و هەروەها سپاسێ تایبەت بۆ خاتوون شۆجوان کچی ڕەزابەگ و هەروەها کاک ساحێب حەبیبی وکاک بێهرۆزی ئەمینی کەڕاوا بۆ ناردنی وێنە و گۆرانی وزانیاری زۆرتر.
نووسین ولێکۆڵینەوە؛ساسان مۆنفەرێد[بێوەر]
👇👇👇👇
@karawawshamyany
ئاشقانە وەشم گەرەکەنی
چیرۆکێوە پێسەو ئی پەندێ : تۆ خاسی کەرە و وزەش رۆخانە
ڕوێ جە ڕوا کوڕێوە هەژار ، پەی خەرجوو وەنایش و دابین کەردەی بژێوی ژیوایش دەس ورەشی کەرێ، ئی یانە و ئەو یانە خولیێوە تا دوێ تمەنێ پێدا کەرۆ و چێوێ وزۆ دەسوو وێش..
روێوە دیش تەنیا سکێوە پووڵش پەی مەنەنۆ و فرەیچ ئاوراشا، دڵوو وێشنە واتش ئیسە تەقە مەو وەنەو بەرێوە و داواو واردەمەنی کەروو، وێشۆ تەقەش دا بەرێوە، کناچێوە عازەوەی زەریفە بەرەش کەردۆ ، کوڕەکە چەمش کەوت پی کناچە زەریفێ پەشۆکیا جیاتی داواو نانی کەرۆ ، داواو پەرڎاخێ ئاوێش کەرد..
کناچەکێ زاناش ئی کوڕە فرە ئەوراشا ، جیاتی ئاوێ لێوانێوە گەورە شۆتش پەی ئارد، کورەکە فرە بە سەروو وێش شۆتەکەش واردۆ و واتش ئەشۆ چنەت پەنە دەو؟
کناچەکێ ماچۆ : حیچم گەرەک نیا، ئێمە ئەڎایما پاسە فێر کەردێنمێ کە خاسیما چەنی خەڵکی بێ وەرانوەر بۆ ...
کوڕەکەی وات : وەختێ پاسەن جە ناخوو دڵیمۆ سپاستا کەروو..
دماو چنەها ساڵا کناچەکێ نەوەشیێوە سەختش گێرت، دوکترە مەحەلیەکاو شارەکەو وێشا نەتاواشا دەرمانش کەرا ، کیاستەشا پەی شاریرگەورەتەری تا چاگەنە جە نەوشەیانەی ساز و تەیارنە بووسناش و دوکترێ عالێ و شارەزایێ چەمشا گنۆ پەنەش و دەرمانش کەرا..
دوکترێوە شارەزاشا چڕی سەرش نامێش دوکتر هاوارد کێلی بێ ، ئی دوکترە وەختێ زاناش ئی نەوەشینێ چکۆوە ئامێنە ، شەوەقێوە کەوت دلێ چەماش و زوو جلێ دوکتریش کەردێنە و لوا سەردەمشۆ ، حەر چەمش کەوت پەنەش عازا شناساشۆ..
دماو ئانەی گێڵاوە پەی هۆدەو ڕا و ڕاوێژی تا عازا وێش حازر کەرۆ پەی رزگار کەردەی گیانوو نەوەشینەکێش..
دوکتر حەر چا وەختەوەلای خەریکیا دەوا و دەرمانوو نەوشینی فرە سەختوو ئی ژەنێوە و نەهایەتوو سەعیەو تەقالاو وێش کەردەش تا ئاخرش تاواش سەر گنۆ ملوو ئی دەردێرە و دەرمانش کەرۆ..
دمایین رۆ وسنای ژەنەکێ بێ چا نەوەشیانەنە، کە سەروو داواو دوکتری فاکتۆروو خەرجوو دەوا و دەرمانوو ژەنەکێشا پەی بەرد تا مۆرەش کەرۆ ، گۆشەو فاکتۆرەکەیوە چێوێوەش نویست و وستش دلێ پاکەتێوە و کیاستشۆ پەی ژەنەکێ..
ژەنەکێ وەروو ئانەی نەکای خەرجەکەش فرە بۆ دەس و دڵش نەگێرێ پاکەتەکەی هۆردڕۆ و تەماشاش کەرۆ..
دڵنیا بێ کە ئەشۆ تەماوو عومریش قەرزێ ئی دەوا و دەرمانیشە دۆوە ، ئاقیبەت دڵوو وێش رازی کەردوو سەروو پاکەتەکەیش هۆردڕی، چەمش کەوت بە نوسیاو گۆشەو قاقەزەکەی ، چن دێرێوە سەروو فاکتۆرەکەیوە نویسیێ بێنێ ، بە سەروو وێش دەس کەرد وەنایشاوە:
«پووڵوو حەقوو ئی فاکتۆری وەڵتەرنە بە پەرڎاخێوە شۆت حەساب کریان..»
کامیل ئاغا بەیگ پوور
بە هەورامی : ساحێب حەبیبی
👇👇👇👇👇
@karawawshamyany
سەروو دوە ڕاو ژیوایوە
شار گەمارۆ دریا بێ ، گرمەو تۆپێ و تەقەو تفەنگی ، ویزەو گوللەی و نرکەو شەڕاشۆی، بوەو بارووتی و بڵێسەو ئاویری ، دەسەڵاتشا گێرتە بێ دەس..
سەمفۆنیاو شاری بیە بێ زریکەو زارۆڵا و قیژەو ژەنا ، ناڵەو زەخمینا و لرخەو گیانەڵای ، هەناکە هەناکوو سەروازا ، گەرمە شینوو پیرەژەنا و دۆعاو نزاو پیرە پبایا..
بوەو لاشەو مەردا ، دووکەڵوو یانە سۆتا، تەرسای و ئاورایی و بێ هیوایی ، تەماموو شاریش گێرتەبێرە..
ژەنێوە سیاو پۆشە پێسەو تارمایی نیمە شەوی پا دلێ شاریرە وەیلانە بێ ، ئەجیێش دەروونش ترازوینێ و ئەشۆ دوێ کێشێ کێشۆ ، داخم قورسایەکەش کام لا گنۆ ؟!
خەڵک ئا ژەنێ دەسنیشان کەرێنێ بە یۆترینی: ئا ژەنێ ئەڎاو سەرکەردەو هێزوو دوژمنینە ، کە دەسش نیان ناقوو شارەکەیما..
وێرەگانێوە ، ئەڎای سیاوپۆشە چەمش کەوت بە ژەنێوە کە خەریکە بێ بە دەسوو وێش کوڕە تاقانەکەیش ئەسپەردەو خاکی کەرێ، چن دەیەقێوە لاشۆ مەنەوە. پەرساش داخم جەرگ سۆتەی چەنینا؟
ماچۆ: فرە دڵتەزێنا، نەک ئنەو ئانەی رۆڵەت سەرکردەو هێزوو دوژمنی بۆ!!!
پا قسێ گرێ دڵیش کریاوە و وەیلانیەکەیش ئاخرش ئاما.
ساعبێ زوو ژەنە سیاوپۆشەکێ پەشتی بەرەو شاریوە مردێبێرە. ماچۆ ئەشۆ بلوو ئەرکوو ئەڎاگەریم بە یاگێ باروو.پاسەبانەکاو شاری لاڵیێوە وەنەش : مەلە ئی شارە تۆش بە بارمتە نەگێرتێنە ، دوێ نەفەرێچشا یەک قەبر نەنیێنێ. مەلە نەکای تووشو زەحمەت ومەینەتی بی...
فرەشا وات و ئاڎە کەمش ژنەوت..
حەر پاسە کە جە شاری دوورە گنێوە ، چەمێش گێڵنێ شارەکەیرە ، شار پێسە زامدارێوە ئێ وەرەچەماش کە وێش نیابۆرە پەی مەردەی..
وەختێ سەروازاو دژمنی پا کەش و کۆوە، ژەنێوە تاک و تەنیاشا دیە سەرەشا سڕمەنە..
دماو ئانەی وێش شناسا پەنەشا، بە خوەو وەشحاڵیوە کەوتێ تەکش پەی لاو سرکردەی ، داخم جە خوەو دوژمنی تاڵتەر هەن!!!؟؟
وەختێ دلێ چادرێنە چەنی کوڕەکەیش نیشتێبێنێرە واتش: رۆڵەکەم شۆنەو چێشیرە وەیلاننی ؟
ماچۆ هێز و قودرەت ، نامە بەر ئاردەی..
ماچۆ: دەی چی بە کاولکاری؟
چی شارێوە ئاوەدان مەکەریوە؟
ماچۆ عومروو من پەی ئاجۆرە کارا بەش مەکەرۆ، تا ئا وەختە من حەر ئاسارم مەمەنۆ..
ماچۆ : ئەی ئا خەڵکە چێششا سەر مێ ؟
واتش : ئانەشا کە زینە مەنۆ باسوو ئازایەتی و زرنگی من گێڵنۆوە پەی دمایینەکا ...
پەی نیمەڕۆی قسە و باس و بەینوو ئەڎاو فەرزەننی بە بێ نەتیجە دماییش ئاما..
ئەڎایش وات کوڕەکەم من مەجبوورەنا بلووە لاو هەم وەڵاتیەکام ، وەلێ پەی ئاخرین ڕای جە ژیوایمنە حەز کەرو دەس کەروو ملتوو خواحافێزی یەکجاریت چەنی کەروو..
کوڕەکە ئاما وەرۆ ، ئەڎاش عازا پێسە واگژەی بە تەماموو هێزیش خنجەرێوەش کەردە لەمەو سەرکەردەو دوژمنیرە کە کوڕەکەو وێش بێ..
وەختێ سەروازەکا دەورەشا دا واتش من پێسەو ئەڎاو شارێوە ، مەجبوورە بێنا یۆیشا کەروو قوربانی ئەویشا ، شاریچ ئیتر منش لازمە نیەنا ، خنجەرەکێش کوا دڵوو وێچشرە.......
ماکسیم گورکی / رضا آذرخشی
وەشەویسا ؛ ماکسیم گورکی باسوو شەڕێوە کەرۆ ، جە شارێوە بێ ناموو نیشان و زەمانێوە بێ نام و نیشاننە،.
بە نەزەرەو من ئە پیا دەسش سەروو دوێ چێوا موهێمیوە نیان ، کە جە سەرانسەروو مێژوو ئینسانینە بیەن و حەر دووبارە بۆوە:
۱) بە داخەوە فرەو خەڵکی پەی نامێ ونامە بەر کەردەی ، دەس کەرا بە کاولکاری، جا حەر سەردەمێوە بە نۆعێ...
ماکسیم گورکی خاسش زانان کاولکاری وەختێ چانەش گەرەک نیا بەرعەکسوو ئاوەڎان کەردەیوە ، کە ڕەنگا نەتیجەکەش ئنە گنۆ دماوە یۆ حەر بە چەموو وێش نەوینۆش..
۲) بەرزتەرین ڕادەو ئینسانیەت و مرۆڤایەتی ، دڵ کەندەی جە چێوێوەن کە وەشت گەرەک بۆ وەلێ مەجبوور بی دەسش بازی، ڕەنگا جە ژیواو حەر کەسێوەنە ئی تاقیکاریە ڕوە بڎۆ کە گنۆ سەروو دوە ڕایێوە سەختی ..
پیاش گەرەکا دڵوو وێش وزۆ چێروو پای، پەی بەرژەوەندی خەڵکی ..
عیسا ئەحمەدی
بە هەورامی: ساحێب حەبیبی
👇👇👇👇👇
@karawawshamyany
✅ #کلیپ_تصویری
🎤 #ماموستاایوب‌حشمتی
🔰 موضوع 👈 روشنگری در مورد حرفهای غلط بنام ملا هیوا #پالانی که ادعا کرده وضوی زن و شوهر با لمس باطل نمی‌شه و ادعا داشته چنین حدیثی در کتاب حدیث امام بخاری هم آمده 😳؟
👌شنونده این کلیپ باشید، و زود فریب حرفهای بیسوادنه و غیر واقعی را نخورید.
🆔 @Doos3Tan 🎯
گەرەکما بلوو
رووبە وەڵاتێ پاڵشاش ساز بۆ
خەم جە حوکموو قازینە گوناح بۆ
شادی حەق بۆ
پێسە مەرگی
وەشەویسی لازم بۆ
پێسە هەناسەی
گەرەکما بلوو
پەی دونیایێوە
یەک خوا بۆ پەی گر کەسی
ئازادی جە کنێبەکەشنە
تەنیا ڕا بۆ پەی یاوای بە بەهەشتی
گەرەکما بلوو
پەی شارێوە
کورد بیەی تاوان نەبۆ
گەرەکما بلوو
پەی دونیایێوە
پەلەوەر پەی ئازادی وێش پرۆ
نەک پەی بەرشیەی جە گوللەو راوچی
گەرەکما بلوو
رووبە دونیایێوە کە مەرزەکەش گروەختێ
هەنگامێوە وەڵێماوە بۆ
دونیایێوە
تەنیا تاڵیش
تاڵی شەرابی بۆ
دونیایێوە
خواش ژەنێوە بۆ
نە تەنیا دلێ شێعرەکانە خوایی
کەرۆ
دونیایێوە
مەرزەکاو وەشەویسی و ئازادی
جە باوشەو خواینە کۆتابیشا بێ ....
ک.د.ئازاد
@karawawshamyany
کتێبی چێشتی مجێور
مامۆستا هه‌ژار موکریانی
به شی ۴۶
بەشدارێ بیدێ پەی بەشەکای تەری
👇👇👇👇
@karawawshamyany
👱♂👩🦱🧑🦰👩🦰👨🦳👩🦳🧔♂👵👨⚖👰♀👩❤️👩
🔹بڕێ دەسەواچێ بنەیانەیێ:
🟦 هەنەزا:
بە زارۆڵەو پیایێوە ماچا جە ژەنێوە تەرێش، یانێ ئی زارۆڵە هینەو ژەنێوەتەروو ئا پیاینە ، جیا چی ژەنێ کە ئیسە هەنەش ، وەلێ ئی ژەنە تازێ وەیش کەرۆ..
🟩 کۆڵەبەس:
زارۆڵەو ژەنێوەن جە شوێوە تەریش ، یانێ ئی ژەنێ وەڵێنە شووش کەردەن بە پیایێ تەری زارۆش هەن چەنەش یا شوەکەش مەردەن یا تەڵاقشا دێنە ، وەختێ شووش کەردەن بە پیایێ تەری زاروەکەیچش چەنی وێش بەردەنش ، پی زارۆڵە مچکلەیە کە هینەو ئی شوە تازەیە نیا وەلێ ئاڎ وەیش کەرۆ و ئینا یانەکەشنە ماچا کۆڵەبەس..
🟧 دشە، سێتێ: بە واڵێ شووی ماچا دشە و جە برێ یاگەکاو هەورامانینە ماچا سێتێ
دشەزا و دشەزێ : یانێ کوڕوو کناچەو دشێ
🟨 هێوەر ، هێوەرژەنی، هێوەرەزا ، هێوەرەزێ:
بە براو شووی ماچا هێوەر و بە ژەنەکێچش ماچا هێوەرژەنی (جاری)
بە کورو کناچەو هێوەریچ ، هێوەرەزا و هێوەرەزێ ماچا..
ئەڵبەتە جە بڕێ یاگاو هەورامانینە بە بێوەژەنێ یانێ ژەنێوە کە شووش نیا ، هێوەرژەنیچ ماچا..
🟥 بێوەژەنی،بێوەرژەنی،هێوەرژەنی :
یانێ ژەنێوە شووش مەردەبۆ یا جە شوویش جیا بیێ بۆوە..
🟪 هەسوورە :
بە تاتەو ژەنێ پەی شووی و بە تاتەو پیای پەی ژەنێ هەسوورە ماچا..
🟫 هەسروە:
بە ئەڎاو ژەنێ پەی شووی و ئەڎاو پیای پەی ژەنەکێش هەسروە ماچا..
🟩 ئەڎا و تاتەو واڵەو و برا:
عازاو بنەیانەو تاتەیت
🟦 ژەن و کوڕ و کناچە:
عازاو بنەیانەو وێت
🟥 زەما و وەیوە ،کوڕە زا وکوڕەزێ، کناچەزا وکناچەزێ:
عازاو بنەیانەو کناچە و کوڕیت
⬛️ ماما ، ئەڎا گەورێ:
بە ئەڎاو ، تاتەی ماچا ماما وبە ئەڎاو ئەڎای ماچا ماما و ئەڎاگەورێچ ماچا
⬜️ بابا ، باوا:
بە تاتەو ، تاتەی و ئەڎایما ماچا بابا ، بڕێ یاگێ هەوراماناتیچ ماچا باوا..
⬛️ نەوە و نەتیجە:
بە زارۆڵە زاو ، زارۆڵە زازاو و ... بابا و مامای ماچا نەوە و نەتیجە
🟫 واڵەوبرای تاتەیی:
ئا واڵە و برایا کە تاتەشا یۆن وەلێ ئەڎاشا جیێنە
🟪 واڵە و برای ئەڎایی:
ئا واڵە و برایا کە ئەڎاشا بۆنە وەلێ تاتەشا جیان
🟧 هەوێ:
ژەنێ تەرەو پیای پەی ئەو ژەنکێش بۆ بە هەوێ
🟦 مامۆ، مامۆژەنی، مامۆزا ، مامۆزێ:
بە براو تاتەی ماچا مامۆ
بە ژەنەو مامۆی ماچا مامۆژەنی
بە کوڕووکناچەو مامۆی ماچا مامۆزا و مامۆزێ..
🟩 لالۆ ، لالۆژەنی، لالۆزا، لالۆزێ:
بە براو ئەڎای، ماچا لالۆ
بە ژەنەو لالۆی ماچا لالۆژەنی
بە کورو کناچەو لالۆی ماچا لالۆزا و لالۆ زێ..
🟨 مەتیە، مەتیە زا ، مەتیە زێ:
بە واڵێ تاتەی و ئەڎای ماچا مەتیە
بە کورو کناچەو مەتیێ ماچا مەتیە زا و مەتیە زێ..
🟧ژەن برا:
بە براو ژەنێ پەی شوەکەیش ماچا ژەن برا
🟥 ژەن وا:
بە واڵێ ژەنێ پەی شوەکەیش ماچا ژەن وا
🟫 وەیو و زەما و ژەن و شوو:
ئا کورو و کناچە پێوە زەماوەنە کەرا ، ئەوەڵ ڕۆ زەماوەنێشا وەیو و زەما نێ..
دماو ڕۆ زماوەنەکێشا وەلای با بە ژەن و شوو
🟦 باوەپیارە:
بە شوو ئەڎای کە تاتەما نەبۆ، ماچا باوە پیارە
🟩 باوەژەنی، دێڎێ :
بە ژەنەو تاتەی کە ئەڎاما نەبۆ ماچا باوە ژەنی یا دێڎێ
⬛️ وارەزا، وارەزێ(واڵەزا، واڵە زێ) و برازا ، برازێ، براژەنی، زەما:
بە زاڕویێ واڵە و برای ماچا
بە ژەنەو برایچ ماچا براژەنی
بە شوو واڵێچ زەما ماچا
🟧 واڵەو برای شۆتی:
بە ئا کەسا کە بە زارۆڵەیی شۆتو یەک ئەڎای وەرا واڵەو برای شۆتی ماچا ، بە شەرعەیچ دەسوودیموو یۆترینی مەماڕا..
🟦 کاکە و دێدێ:
واڵە و برا بە برای گەورەیشا ماچا کاکە
واڵە و برا بە واڵێ گەورێشا ماچا دێدێ
🔲 شمەیچ ئەگەر چێوێ مێ نەزەرەتارە فەرماودێ با ئیزافەش کەرمێ..
📝کۆ کەردەیوە: ساحێب حەبیبی
@karawawshamyany
کتێبی چیێشتی مجێور
مامۆستا هه‌ژار موکریانی
به شی ۴۵
بەشدارێ بیدێ پەی بەشەکای تەری
👇👇👇👇👇
@karawawshamyany
یکی از قهرمانان مشهور گلف جهان، وقتی در یک مسابقه پیروز شد، زنی به سویش دوید و گفت:
بچه ام مریض است، به من کمک کن و گرنه خواهد مُرد.
او بلافاصله همه ی پولی را که برنده شده بود به آن زن داد.
هفته بعد، یکی از مقامات ورزش گلف با او تماس گرفت و گفت:
خبر بدی برایت دارم. آن زن کلاه بردار بوده و اصلا ازدواج نکرده بوده که بچه ای داشته باشد.
قهرمان مشهور گلف در پاسخ گفت:
این که خبر خوبی است، یعنی بچه ای مریض نبوده که در حال مرگ باشد، خدا را شکر.
مدل ذهنی انسان های بزرگ و موفق این گونه است... بزرگ فکر کنیم .
@karawawshamyany
🥦🍒🍒🍒🍓🥝🍓🥦🍓🥝🍓🍒🍒🍒🥦
🔹۷ واردەمەنیێ عالێ پەی کەم کەردەیوەو گر نۆعێ ئێشێ
🔹هاڵووبراڵوو و ئێش: هاڵووبراڵوو بە تایبەت هاڵووبراڵووی وشک و هۆرگیراو دلێ فرێزرێ، چێوێوەش چەنەن بە نامێ «آنتوسیانین» ی کە تاوۆ ئێشۆ جەسەی کەم کەرۆوە..
🔹هاڵووبراڵوو و کلسیۆم: هاڵووبراڵوو وێش
جە ئەسڵنە کلسیۆمی چانەش چەنە نیا ، وەلێ پەی ئا کەسا کە لەبەنیاتی کەم وەرا فرێوە جە پتاسیۆم و مەنیەزیۆمو بەڎەنیشا دەس وزۆ..
🔹بڕێ مێوە و سەوزی و چێو کە پێسە هاڵووبراڵووی ، تایبەتمەندی و خاسیەتی فرەشا هەن پەی کەم کەردەیوەو ئێشی و هۆرگڕاو لەشی تاوا پێسەو ئارام کەرێوە خۆماڵی هەرمانە بەرا ،
پێسەو:
🔹زۆغال ئەختەی
🔹تفەسوورێ و توودڕەی
🔹زەنجەفێڵ
🔹کیوی
🔹زەردەچۆ
🔹سەوزیێ سەوزەگەڵایێ پێسەو ئێسفەناج
و کەلرم برۆکلی
👇👇👇👇👇👇
@karawawshamyany
#کۆرایی
پیایێوە شۆفیر سەروو چوارڕایێوە پەشتەو فەرمانێوە ، یەکدەفعە هەستش کەرد کە کۆراییش ئامانرە و حیچ مەوینۆ..
زاتش نەبێ یاگێ وێشنە تەکانی وەرۆ ، بی بایسوو ڕابەنانی(ترافیک)
خەڵکێ فرە جەمێ بیێوە دەورش، کابرا لاڵیاوە ماچۆ یۆتا حەر پی ماشینو وێمۆ بەرۆمۆ پەی یانەی، کوڕێوە جوان یاردیش دا و بەردشۆ یانەو وێش، وەلێ وەختێ وەسترە کوڕە جوانەکە ماشینەکەش دزی، وەختێ ژەنەکێش ئاماوە و چەمش کەوت پا وەزعێ بەردش پەی لاو دوکترێوە شارەزای ، هەرچن چا وەختنە نەوەشینێ فرێ چاگە بێنێ وەلێ وەختێ دیشا پیایێوە کۆرشا ئاردەن ، ئیزنشا دا وەڵێ گردینە بلۆ لاو دوکتری.
دوکترەکە سەرەش سڕ مەنەبێ کە چەنی یۆ حەر وێشۆ یەک دەفعە کۆر بۆ..
دوکترەکە بڕیارش دا چەنی چن دانێوە تەر جە دوکترە شارەزایەکاو چەمی چی بارەوە ڕا و ڕاوێژ کەرۆ و واتش ساعبێ باردێشۆ..
وەلێ حەر ئا شەوە ، دزەکەو دوکترەکەوئا کەسا کە پیا کۆرەکەشا دیەبێ گردشا کۆرێ بیێ.
ئی هەواڵە گردوو شاریرە دەنگش داوە ، کە نۆعێوە کۆری واگیردار کەوتەن دلێ خەڵکی کە جە ڕاو دیەیوە تەشەنە کەرۆ و پەخش بۆوە..
حکوومەت عازا بیمارستانێوەش چۆڵ کەرد و گردوو ئا کەسا کە کورێ بیێ بێنێ بەردێش ئاگە. وەختێ لوێ دوکترەکەیچ بەرا ، ژەنەکێش بە دروێوە ماچۆ منیچ کۆرە بیێنا ، چەنی شووەکەیش لوا کە وێش هۆشش پوەشۆ بۆ.
وەرو بەرەو بیمارستانەکەینە بنکێوە سەروازیشا مەرزنارە پەی نگابانی تا نازا حیچکام چا کۆرا چاگەنە بزیارە..
سەروازەکا گر ژەمەنێ واردەمەنی بەرێنێ حەوشەکێ و وێشا عازا گێڵێنێوە. کۆرەکا بە پەلەکوتێ ئێنێ و نان و چاشتوو وێشا هۆرگێرێنێ و بەرێنێش.
حیچ ئینسانێ چەم ساقیچ زاتش نەبێ خۆبەخشانە پەی یارمەتی ئی کۆرا بلۆ لاشا..
حەر پی بۆنەوە ڕۆ بە رۆ پیسی و بۆگەنی بیمارستانەکەش گێرترە، کۆرەکا کە زانێنێ کەس مەوینۆشا حەر یاگێ یاواینێ نیشێنێرە و پبسی کەرێنێ ..
گر کەس هەوڵوو واردەمەنی فرەتەری دێ و ژەن و پیای پیرێ و زاڕۆڵێ گنێنێ چێر پا ..
تەنیا ژەنەو دوکترەکەی وێش تاقوو تەنیا ، بێ ئانەی کەرۆ کارێ کەس زانۆ بیمارستانەکەی تەمیس کەرێ و یاردەی پیرەکا و زارۆڵەکا دێ..
وەلێ چوون کۆرەکا ڕۆبەرۆ فرەتەرێ بێنێ وەزعەکێ فرە ناجۆرە بێ..
سەروازەکا چوون تەرسێنێ کە کورێ با واردەمەنی هەشت نۆ ڕوا بە جارێنە بەرێنێ حەوشەکێ وێشا گێڵێنێوە..
ناپیایێوە لات و جەردە گردوو هام لفە خرابکارەکاش یاگێوە جیاوازەنە دەوروو وێشرە جەم کەردێوە و مافیاو بیمارستانیش مەرزنارە ، دمانچەیچش پەنە بێ. سەروازەکا کارشا سەروو ئی جۆرە چێواوە نەبێ خواخواشا بێ کورەکا یۆترینی جە بەیننە بەرا..
حەر روێ واردەمەنی ئێ ، مافیا بە زۆرو کوتەک و تێڵای ، گردی بەرێنێ یاگەکێ وێشا و واچێنێ حەر کەس نان و واردەمەنیش گەرەکا، ئەشۆ پووڵش دۆ ، نان جە وەرانوەروو ملەوانێ ، گلکەوانەی ، خرخاڵی ، پاوانە و پووڵ و پارەو حەر چێوێ کە قیمەت کەرۆ..
ڕوێ دوکتر لوا نان سانۆ لاشاوە ، چە دیش پاو ئانەیرە کە کورێنێ، دەس و دایێرێوە ڕێک و پێکشا نیان یۆوە ، زاناش کە چن دانێوە کۆرێ مادرزادێشا ئینێ چەنی کە شارەزایی فرەشا هەن چی جۆرە ژیواینە، شێوەنویستەی بریلی زانا و وەنەوارێنێ . تڵا و نوقرەو گر نۆعێ پووڵ و پارەی قیمەتی شناساو جە یۆی جیا کەراوە..
وەختێ کۆرەکا حیچشا پەنە نەمەنە پەی نان سانای ، مافیا واتش ژەن و کناچەکاتا تاودێ واڕدێوە بە نان .
ژەنەو دوکترەکەی وەختێ کە گێڵێ بێ پەی چێوێ دەردواردەی ، مەقاژێوەو شقارتێوەش ئێستێ بێنێوە
وێش یاونا لاو سەرکەردەو مافیاکەی، مەقاژەکەش کوا شاڕەگوو لاملیشرە و بنەو بارگاکەشا ئاویرش دا. ژەنەکاش ئازاد کەردێ و بەرەکەش ژەنا سەروو ئەویشا . گردوو کۆرەکاش بەردێرە دلێ حەوشەکێ ، نەکای ئاویر یاوۆ لاشا..
ژەنەو دوکترەکەی چەمش کەوت بنکەو سەروازەکا چە دیش چۆڵا..!
ماچۆ بە گردی من کۆرە نیەنا و کەوتە وەڵێ کۆرەکا و بەردێش پەی دلێ شاری، گردوو خەڵکوو شارەکەی کۆرێ بیێ بێنێ، شارەکەیچ حاڵ و رۆش پێسە بێ بیمارستانەکەی ، پەڕ بە جە ئەشغاڵی و لاشەو مەردا..
ژەنەو دوکترەکەی و شوەکەش ، زارۆڵێوە و یەرێ چوار ژەنێ و پیرەپیایێوەشا چەنی وێشا بەردێوە پەی یانەکەیشا، ڕارە تووشو یەرێ چوار قەشە (کشیش)کۆرا ئامێ کە باسو قەبر و قیامەتی کەرێنێ پەی خەڵکی..
چن دانێوە حێزبێ کۆرایچ بە سەرکەردەیی چن دانێ کۆنە دسبرێ کۆرێ مەرزیێ بێنێرە کە وتار پێشکەش کەرێنێ پەی دماڕۆ رزگاری..
ژەنەو دوکترەکەی یانەکەو وێشنە خزمەتوو ئا هەژارا کەرێ ، سەعیە کەرێ نان و واردەمەنی و جلێشا پەی دەس وزۆ ، حەر پێسەو خێزانوو یانێوە بە بێ جیاوازی گرد پێوە ژیوێنێ
ڕوێ وەرمنە هایشا بیوە ، زانشا کە چەمێشا جە جارانی خاستەر وینا..
عیسائەحمەدی/ساحێب حەبیبی
@karawawshamyany
جە زانایێوەشا پەرسا چە چێوێ جە ئینسانەکانە یاگێ سەرەنجێن؟
جە جوابنە واتش: ئینسانەکا جە زارۆڵەیی وێشا بێزارێنێ ، پەلەشانە زوو گەورێ با ، وەختێ گەورێچ با ، ئاواتەشا ئانێنە گێڵاوە پەی زارۆڵەیی...
سڵامەتی لاشەیشا جە دەس ما پەی جەم کەردەیوەو ماڵ و سامانی ، حەر ئا ماڵ و سامانە کە نیانشا یۆوە پەی بە دەس ئاردەیوەو سڵامەتیشا خەرج کەراوە....!!
بە دوە دڵیوە فکروو دماڕۆیشا کەراوە ، ئارۆیچشا هۆش مشۆ ، جە ئارۆ و دماڕۆیچنە مەژیوا....!!
جۆرێ ژیوا کە ماچی حیچوەخت مەمرا، جۆرێچ مرا کە ئەجیۆت حەرگیز نەژیوێنێ...!!
👇👇👇👇👇
@karawawshamyany
#قسێوەحەکیمانێ
درەختەکا مرا؛
بەعزێشا با بە گۆچانی و دەسێوە گێرا ؛
بەعزێشا با دەسەو تەوەری ، پەی بەر ئاردەی بنەسکۆ وێشا..
بەعزێشا با چوکڵە شقارتە پەی سۆچنای بنەڕەتوو وێشا..
و....
بەعزێچشا با تەختە سیاو پەی فێرکەردەی ویر و بڕواکا.
شمە ئەگەر درەخت بیایێندێ جە کام جنسیشا بێندێ؟!
حیچکەس وێش دەخیل نەبیەن کە چکۆ و چەنین و دلێ چە بنەیانێوەنە و بە چە شکڵ و قەوارێوە بە دنیا بێ..
حیچکەسی بۆنەو حیچ چێویشۆ مەسخەرێ نەکەرمێ و کەسی بە کەم و وچکلە نەزانمێ..
جە بارەو ئێڎ و ئەویوە قەزاوەتێ بێ یاگێ نەکەرمێ..
پا جۆرە کە قەڎر و ئێحتراموو سەرکەردێوە، ئەندازیارێوە یا دوکترێوە گێرمێ ، ئەشۆ قەڎروو کرێکارێوە ، فەڕاشێوە یا سپوورێوە زەحمەتکێشیچ گێرمێ..
وێما جە کەسی بەرزتەر و بەقیمەتتەر نەزانمێ ،
خاکیێ بیمێ تا بوەو ئینسانیەتی دەیمێ.
دیمێ زەریفێ ڕوێ پیرێ با..
پۆسی عال و ساف ڕوێ چرچ بۆ..
عەننامی زەریف و وەش پەنە کەوتە ڕوێ کۆمیۆوە..
موێ سیاو و زەریفێ روێ چەرمێ با..
تەنیا دڵ و دەروونی زەریفا کە حەر زەریف و عال مەنۆوە..
👇👇👇👇
@karawawshamyany
🌾🍁🌾🍁🌾🍁🌾🍁🌾🍁🌾🍁🌾🌾🍁🌾🍁
🎖🎖🎖🎖🏆🥉🏆🎖🎖🎖🎖
بە وەشحاڵیوە کاکە سارۆ حەبیبی کوڕو کاک ڕەئوفوو مەرحووم سەی سەعای ، جە کێبەرکێ ڕەمای بیابانینە(دو صحرانوردی)، پەی هۆرچنیەی تیمی نەتەوەیی بەشداریش کەردەن و مەقاموو یەرۆمیش بە دەس ئاردەن..
جە لایەنوو کەڕاواو شامیانیوە تەبریک عەرز کەرمێ خزمەتوو وێشنە و بنەماڵەی وەشەویسیشنە و هیوا سەرکەوتەی فرەتەریش جە ئاستە بەرزەکاو وەڵاتینە پەی ئاواتە وازێنمێ..
🏅سارۆ گیان موەفەق و سەرکەوتەو و بەردەوام بی و ان شا اللە تاوی شانازی فرەتەر پێشکەشوو دەگاکێما و مەحاڵەکەیما کەری..
👇🏼👇🏼👇🏼👇🏼
@karawawshamyany
🍂زوانوو ئه دایی🍂
بە یـــــدێ گردمــــان بــا پێـــــوە
گێرمــــێ وە ر ئـــــی ڕا وشێـــوە
زوان وئه دای بێز مێــــــــــــــــوە
بـــــێ زوان یا وە رگ یان دێـــــوە
فه رانســــــــــــە ویا واتە نشـــــان
هە رکە س زوان وئه دایشــــــــــان
نە زانــــــــانێ په ێ وێشــــــــــــان
وە حشــــی دلـــــێ ئاسه رکە شان
هیتلـــــــــرلاو ڕفیقـــــــــــــــــانش
پـــــــــــی واتە یە در کنـــــــــــانش
بڕیـــــــــۆ مـــــیلله تە ی پـــــانـــش
بـــــانە مـــــــانۆ زوانـــــــــــــــــــش
یۆ نســـــــکۆ خاس جارش دان
هە ر مــــــللەتە ی چــی جیهـــان
زوان و ئه دای به زانــــــــــــــان
وە نە زانــــــــــانێش وانــــــــان
ئـــــــا میللە تــــــــــه کە رانـــــان
با چــــــــن زوانیـــــئ زانــــــــان
تــــــا نە زانمـــــــــــا نە زانــــــان
زاڕۆی زوان ئــــــــه دای وا نـــــان
چــــــێ دونیـــای نە وران پــــــانم
نە دان تە شـــــــــە رو تــــــــــــانم
نە فۆ تنــــــــــــانێ زوانــــــــــــــم
تـــــۆزە ی هـــــــــۆرامیێ زانـــــــم
هەرکە س په ی ۆێـــش بنویســــۆ
ئــــــا گڕو گاڵـــــــە بـــــۆ کــــــــۆ
قه تـــــــرە ی ئــــاوێ بــــۆ به جــۆ
شــــە وە زەنــــگە ی بـــــــــۆ به ڕۆ
مە گه نــــــۆ مـــــــدرۆ ئــــــــــــاوی
جـــــم و جوڵــــــــــت بــــــۆ تـــــاوی
تــــــۆ بە خە ڵکــــــــــی ئه ر یــــاوی
ئە شـــــــکۆفه ن بــــــۆ به ســــــاوی
زوان هـــــــــۆرامــی ڕە ســــــــە نا
لای ئه دە ب دۆس په ســــــــــە نا
چـــی وا چـــۆ بـــئ کە ســـــــه نا
یــــاریش دە یمــــێ تە مە ننـــــــا
🍂🍂🍂🍂🍂🍂
مامۆسا سەفاری (مسگه ر )
🍁🍁🍁🍁🍁🍁🍁🍁🍁🍁🍁🍁🍁
سڵامی بۆ وەشتەرە جە وەرکەمەری
بۆ وەشتەر جەبۆ ی سمڵوو عەنبەری
بۆژانەو چنوور شەوبۆ یاسەمەن
جەوەڵ وەهاران جمڵەشان جەمەن
پاییز تا ڕەنگین نەبۆ بەخەزان
ڕەنگاو ڕەنگ کەردەن دیمەنو گوڵزار
🍂🍂🍂🍂🍂🍂🍂🍂🍂🍁🍁🍁🍁🍁
🌹🌹🌹🌹🌹🌹
بەشێوەتەر جە زەماوەنەو کاک فەرامەرز ئەمینی
ساڵەو 1378
ڕۆحوو کۆچ کەردای بەهەشتی بۆ
👇👇👇👇👇
@karawawshamyany
سەرچەمە
عەکس : هاوار عەبدی
@karawawshamyany
کتێبی چێشتی مجێور
مامۆستا هه‌ژار موکریانی
به شی ۳۹
پەی بەشەکای تەری بەشدارێ بیدێ
👇👇👇👇
@karawawshamyany
کتێبی چێشتی مجێور
مامۆستا هه‌ژار موکریانی
به شی ۳۸
بەشدارێ بیدێ پەی بەشەکای تەری
👇👇👇👇👇
@karawawshamyany
