686
🍂دەلاقێوەپەی ویناو ویەردەیما..🍂 🌼دڵ وەشنا بە وەر ڪەوتەو سەر ڪەلای🌼 ↘ادمینهای کانال↙ @kosalan1384 @sahebhabibi1358 @paymanakaykham @Serva111
وێنێوە جە کاک حەمەڕەشێد فەدایی(ڕەشە بۆڕیەری) و کاک سڵێمان فەتاحی و کاک ئەمجەد فەدایی
هامنوو ۱۳۶۴ی
ئی عەکسە چل ساڵێ چێوەڵ ، کەڵیملنە گیریان ، ڕووبە دەشتا و خەسرەوە و دەگای ..
سەرتێمانە تا یاڵوو حەبێ و شانووئاساویچ دیارا..
ئا وەختە دەشتاو کەڕاوای باخ و باخاتشا چەنە نەبێ و ساڵێ کریێنێ خەلە و ساڵێ شەوەر ، تەنیا تفەکێ زەمینوو مزگی دیارەنە..
یادش بەخەیر
وێنەگێر: کاک محی الدین موحەممەدی سنەیی
@karawawshamyany
📚چن چێوێ کە جە ژیوای فێرێ بیێنمێ:
⚜هێچوەختێ باسوو بێ پووڵی و نەداریتا پەی کەسی مەکەردێ، کەس پەناباڎێ مەنیۆ کیسەتا ، با قەڎر و پلەوپایەیچتا لاشاوە نەوەزۆرە و نەمەڕیەیدێ..
⚜هیچوەختێ جە دەورانوو دەزگیران داری و ئاشنایینە ، ئەخلاق و ڕەوشتە خرابەکاو بنەماڵەیت و سەختیەکاو ژیوایت پەی دەزگیرانەکێت باس مەکەرە..
⚜سڕ و ڕازوو یانەیت مەبەرە جبەر ..
⚜ئەگەر پووڵت دا بە کەسی قەرز ، حەتمەن پەرسەش چەنە کەی مۆتۆ پەنە ..
⚜بە کردەوەی وەش و جۆرو قسەکەردەینا ، هاندەروو دەورووبەریەکاتا بیدێ پەی قەڎر گێرتەیتا ..
⚜بێ پەردە قسەکەردەی هەمیشەیچ خاس نیا..
⚜وەشبەختی و بەوبەختێ بە وەختا، گردما ڕۆ هەن سەرحاڵ و وەشبەختێنمێ و رۆیچ هەن وەنەما قۆمیان و بەختەما لارەنە..
⚜دلێ بازاڕوو هەرمانوو کارینە، پلەوپایەت فرەتەر دەردەت وەرۆ تا پووڵ..
⚜سەعیە کەردێ جە هەرمانەو وێتانە شارەزایێ بیدێ..
⚜سەرمایەی عەسڵی شمە ، ئاوڕو و پلەوپایەتانە..
👇👇👇👇
@karawawshamyany
کتێبی چێشتی مجێور
مامۆستا هه‌ژار موکریانی
به شی ۲۶
بەشدارێ بیدێ پەی بەشەکای تەری
👇👇👇👇
/channel/karawawshamyany
🛎ئاگاداری سانای و ورەتەی مڵکی،کەڕاوا 🛎
✅ئازیزا ، کاک جەمیل عەزیزی( جەمیلو مەرحووم کا حەمەمراوی) گەرەکشا یانەکاو کەڕاوایش ورەشۆ (قەدیم یانەکاو مەرحووم ئەسحەو کا حەمەکەریمی )
حەر کەسێ حەزش کەرد پەرسۆ پەی شەرایێت و قیمەتیشا تەماس گێرۆ چەنی
کاک جمیل عزیزی : ۰۹۱۰۱۶۱۸۹۲۴
🌸🌸🌸
🔹یک باب منزل مسکونی واقع در روستای کراباد ،بغل مدرسەی قدیمی روستا متعلق بە آقای جمیل عزیزی فرزند مرحوم محمد مراد عزیزی با قیمت توافقی بە فروش می رسد ، کسانی کە تمایل بە خرید این خانە را دارند می توانند با آقای جمیل عزیزی بگیرند.
جمیل عزیزی: ۰۹۱۰۱۶۱۸۹۲۴
@karawawshamyany
کتێبی چێشتی مجێور
مامۆستا هه‌ژار موکریانی
به شی ۲۵
پەی بەشەکای تەری بەشدارێ بیدێ
👇👇👇👇
@karawawshamyany
/channel/karawawshamyany
پەی وەتەنی
گیانێو نەکریۆ فەداو تۆ وەتەن
دەسێو نەپسەرۆ هەرساو تۆ وەتەن
چەمێو نەوینۆ زەخماو تۆ وەتەن
دڵێو نـەدارۆ خــــەماو تــۆ وەتەن
هەرسێو نەماڕۆ تەژنەو گۆراڵات
گۆشێو نەژنەوا هاوارێ و ناڵات
دڵێو پەی زۆخات نەبۆ چلەخانە
پەی ئێش و دەردات نەبۆ بە یانە
دەسێو پەی مەنەیت نەنریۆ ماشە
کەسێو پەی تۆڵەیت نەبۆ بە واشە
تەبیبێ زەخمیت نەکەرۆ دەوا
بۆڵبڵێ پەی تۆ نەبەخشۆ نەوا
قەڵەم هاوارش ئەر پەی تۆ نەبۆ
هەناسەش بۆوەو چنووریت نەدۆ
دەروونێو پەی تۆ نەجۆشیۆ چوون قوڵ
هەرسیش پەی کزیت نەمجیا چوون بڵ
وەتەن بەهەشتیچ بۆەو تۆ نەدۆ
هەرچێو هەن نیا ئەر پەی تۆ نەبۆ
زللـەتا خەما تاڵا سـەرشۆڕیـن
مەرگوو ویژدانین دەردا دووڕۆین
وەشەن ئا ژیوای سەربەرزانە بۆ
دڵتەنە وێژدان سـاحــیب یانە بۆ
وێ ورەتەی مەرگا زقموو زمسانین
خەزانوو باخوو ڕۆحوو ئێنسانین
✍️ #ح_خوورا
یاگێ: #سەرکەڕاواومەرحووم_کا_حەماییزی
👇👇👇👇👇👇
@karawawshamyany
/channel/karawawshamyany
#گۆرانی ئارام و چێژبەخشی شەوانە پێشکەش بە ئێوەی ئازیز
#بەڕێز کەماڵ فەدەوی
@karawawshamyany
کتێبی چێشتی مجێور
مامۆستا هه‌ژار موکریانی
به شی ۲۳
پەی بەشەکای تەری بەشدارێ بیدێ
👇👇👇👇
@karawawshamyany
کتێبی چێشتی مجیور
مامۆستا هه‌ژار موکریانی
به شی ۲۲
بەشدارێ بیدێ پەی بەشەکای تەری
👇👇👇👇
@karawawshamyany
ئێشەو پی قەسیدێ عیرفانیێ دڵوو دەروونما ڕازنمێوە ویاڎوو خواو وەشەویسەکەیش کەرمێوە سڵاموو خوایش سەر بۆ🌹🌹
👇👇👇👇
@karawawshamyany
کتێبی چێشتی مجیور
مامۆستا هه‌ژار موکریانی
به شی ۲۱
بەشدارێ بیدێ پەی بەشەکای تەری
👇👇👇
@karawawshamyany
ئازیزا ئی کارت سوخت ە ئێزیانۆ ، ئەگەر کەسێ ساحێبیش شناسۆ ، خەبەرش دۆ پەنە
ئی کارتە ئینا کەڕاوا لاو کاک ساڵح میرزایی وە
ساڵح میرزایی:
0918 787 1924
@karawawshamyany
#کوڵە_ڕازە
بەعزێ کەس عەقڵش ئینا چەمێشۆ!!
ڕوێوە پیایێوە ئاما لاو خواشناسێ گەورەی و واتش من چن مانگێوەن گەڕەکێوەنە یانێوەم گێرتەن ، ڕووبەڕوو یانەکەو مننە کناچێوە چەنی ئەدایش پێوە ژیوا ، حر چی ڕوێنێ و بەعزێ وەختیچ شەوێنە پیایێ نۆعاونۆعێ ئامشۆ و رەفتوو یانەیشا کەرا ، من ئیتر وەرگەو ئی وەزعێ مەگێروو ، مەزانوو چێش کەروو...
خواشناسەکەی وات ڕەنگا قەوم و کەس وکارشا با سەرش بڎا، پیاکەیچ وات من گر ڕوێ ستاتیەکەماوە میەوشا پەی وەخت هەن دە نەفەرێ زیاڎ بە جیا جیا و پێوە مەیا و دماو ماوێوە مزیارە ملا..
خواشناسەکەی وات تۆرەکێوە بارە و حەر کەسێ لوا یانەشا ،خڕێوە وزە دلێ تۆرەکەکەی، دماو دوێ یەرێ مانگا تۆرەکەکەی بارە بۆوە پەی لایم تا پی جۆرەگوناحەکاشا کێشانە کەروو، پیاکەیچ بە وەشحاڵیوە لوا و پاسەش کەرد..
دماو چن مانگا پیاکە ئاماوە پەی لاو خواشناسەکەی و واتش تۆرەکەکە ئنە قورس بیەن مەتاووو بارووش پەی ئیگەی ، مەگەر وێت زەحمەت کێشی بەی پەی یانەیما تەوەنەکا بژماری..
خواشناسەکەیچ وات تۆ مەتاوی تۆرەکێوە خڕ تا مەحەلێ ئێمە هۆرگێری ، ئەی چەنی تاوی پا بارە قورسەو گوناحاوە و تۆهمەتاوە بلی پەی لاو خوای..
ئیسە لوە تۆبە کەرەو بە هەژماروو تەوەن و خڕەکەی داواو گەردەن ئازاڎی و چەنە ویردەی کەرە ...
چوونکەی ئا دوە نەفەرە ، ژەن و کناچەو زانایێوە فرە گەورەینێ کە وەسیەتش کەردەن دماو مەرگیش ، وانیارەکاش و دۆس و ڕەفێقەکاش بەیا جە کتێب خانەکەشنە موتالا و تاقێق کەرا و جە کنێبەکاش کەڵک هۆر گێرا..
ئا پیایا و ئا وەزعێ کە تۆ چەمت پەنە کەوتێنە بە ڕواڵەت پاسەن کە تۆ ماچی وەلێ ئینە جە هەفێقەتی دوورا و ڕاس نیا ، حەر پێسە ئانەی کە تۆ وێت بە بسڵمان زانی و عەقڵت و ئاوەزت ئینا چەمێتۆ و جە ڕاسینە پێسەنی شەیتانی......!!!
👇👇👇👇👇
@karawawshamyany
🌸پەنج جوابێ بە یاگێ و وەشێ!!!😃
🔹ژەنێوە چاخەو کەڵەگەتە سواروو خەتێوە بیە، یۆ جە مسافێرەکا وات : نەزانانم فێڵیچ سواروو پاسی بۆ .!!
ژەنەکێچ سەروو وێش واتش: نە خەیەر کاکە ، ئی ماشینە پێسەنە کەشتیەکەو نۆحی ، هەم فێڵیچ سوار بۆ و هەم هەریچ....!!!!😃
🔹ژەنێوە ماچۆ بە شوە کۆرەکەیش : ئەگەر جوانخاسی منت چەم پەنە کەوتایێ سەرەت سڕ مەنێ!!!
شوە کۆرەکەیچش واتش: ئەگەر زەریفە بیایێنی چەم ساقەکا نازێنێ مشتەو من گنی ...!!!!😃
🔹کوڕێوە ماچۆ بە پیایێوە : گومانەم ئانێنە کە تۆ گەوج بی، پیاکەیچ وات تەنیا گەوجەکا پەشتی بە زەین و گومانێ بەسا....!!!😃
🔹ژەنێوە ناشیرین و گول پەنە کەوتێ ماچۆ بە پیایێوە: ئەگەر شوو من بیایێنی زەهر کەرێنا دلێ قاوەکەیت!!
پیاکەیچ حەر یەواشێوە سەروو وێش ماچۆ: ئەگەر تۆیچ ژەنی من بیایێنی یەکسەرە هۆرش لوشێنا و وەرێناشۆ...!!!😃
🔹شێتێوە گۆش درێژێوەش پەنە بێ، جاهێڵێوە ماچۆ شێتە بە هەرەکەیترە شناسایمۆ!!
شێتەکەیچ ماچۆ : دەی هەرەکا وەشتەر یۆترینی شناساوە...!!!!😃
@karawawshamyany
من حەز کەروو کتێبێوە چەرمە بوو.
نامێچم چەرمە بۆ.
نامێ نووسەرەکەیچم چەرمە بۆ.تەنانەت حەز کەروو نامێ تاتەیم و بابایم و ئەڎایم و ئەڎاگەورێچم چەرمە بۆ..
چەرمە پێسە حیچی ؛
نەنووسیا پێسە حیچی؛
گوم و نادیار پێسە حیچی!
حەزکەروو کەروو گردوو لاپەڕەکام چەرمێ با. چەرمەتەر جە ڕەنگەی چەرمێچ.
گەرەکما چا ڕەنگە چەرمێنە وێم شاروووە.
حەزکەروو تۆ و هەزاران تۆێ و هەزار و یەک تۆێ تەریچ ، بە زەڕرەبین و چەمیلێ و چراوی رۆشنەوە گێڵاو و نەتاوا بێزامۆ؛چە بە زیننەیی و چە بە مەردەیی....
زانی چێشا ئازیز....! زانوو مەزانی....
تەنیا حەننەروو من نویستەی و وەنایوەن.من حەز بە درەختوو واچەی کەروو! یانەو واچەی ..سێوەروو واچەی... شەقاموو واچەی....گوڵوو واچەی....،وەلێم خۆ تۆ کتێب مەوەنیوە .. خۆ تۆ قەڵەمیچت نیا و قینیتنە جە کتێب و کتێب خانەی و کتێب وەنی..!
ناحەقم مەگێرە ئەگەر ڕەنگەی چەرمێ و واچەی چەرمە و دلێ گەری چەرمە هۆرچنوو..
بیە پەیم ئازیز، بییە چنە پێشامێ چەرمێم سەر ئامێنێ:
ڕایێوە پاییزم بە رەنگەی چەرمێ نەققاشی کەرد، مامۆسا کەم کەلاسنە زنیاشرە..
رایێوە تەر ڕەنگێوە چەرمەم پژگنا سەروو وەرزوو وەهاریرە، چوار ساڵێ کەرداشا زیندان..
ڕایێوە یەرە مانگەو هامنی چەرمەی چەرمەی چەرمە گرەوێنا و هاوارێ چەرمێ کەرێنا و دۆعاو نزای چەرمە کەرێنا،کەس نەپەرساش وەنەم ، ئاخرش چەرمەی چەرمەی چەرمە تاویانیوە..
ڕایێشا زمسان بێ؛ حەر وەروە نەوارا تا زەمینی چەرمە کەرۆوە؛ ئانەیچشا نیا ملوو من ! منیچ واتم بەڵێ خەتاو من بێ کە وەروە نەوارا....
ئیسە ئانەن کە تۆ من بە سیاو وەنیوە وەلێ من چەرمەنا!
تۆ بە چەمێوە سیاو مییەیم پۆرە وەلێ حەرگیـــــــــــز مەوینیم...
✍: کەیوان جام خانە
بە هەورامی: ساحێب حەبیبی
چەمیلێ: چاویلکە ، عەینەک
واچە: وشە ، کەلیمێ
حەننەر : هۆنەر
دلێگەر: ناوەرۆک
@karawawshamyany
کتێبی چێشتی مجێور
مامۆستا هه‌ژار موکریانی
به شی ۲۷
بەشدارێ بیدێ پەی بەشەکای تەری
👇👇👇👇
@karawawshamyany
#پاییز
پاییز ئاماوه و ده‌ردٚه‌داری من
خه‌زانوو وه‌شی و دڵ ئازاری من
هه‌واری چۆڵ و ئێنتزاری من
ته‌مه‌و سه‌ركه‌شا و خه‌فه‌تباری من
واره وارانوو بێ قه‌راری من
تره‌كا هه‌ناروو تاسه‌باری من
🍁 🍁 🍁 🍁 🍁 🍁 🍁 🍁 🍁 🍁 🍁 🍁
خش خشوو گه‌ڵای تاسێنێ خه‌یلێ
چه‌مێ جه تاسه‌و دیدٚاری كه‌یلێ
جه سڵه‌وه‌و خه‌ماو كه‌شوو بێ مه‌یلێ
كه‌وت ڕا جه خه‌م جه هه‌رسا سه‌یلێ
به‌ش به‌یۆ شنه‌ی گوڵعوزاری من
تره‌كا هه‌ناروو تاسه‌باری من
🍁 🍁 🍁 🍁 🍁 🍁 🍁 🍁 🍁 🍁 🍁 🍁
ده‌ردٚی خه‌زانی خاس كاریێنێ
په‌ڕ جه خه‌نجه‌رێ زامدٚاریێنێ
خه‌مێت عادٚه‌تێ ئێجباریێنێ
ئینه گردٚ وه‌شه‌بیماریێنێ
بۆ وینه ناڵه‌ی وه‌فادٚاری من
تره‌كا هه‌ناروو تاسه‌باری من
🍁 🍁 🍁 🍁 🍁 🍁 🍁 🍁 🍁 🍁 🍁 🍁
خه‌مت ئازیزا، چن خه‌م به‌ركه‌را
هه‌ناسه! خه‌مێت تا كۆگه‌م به‌را؟
سه‌ره‌ی بی سه‌ودٚا ئاخر كه‌ی سه‌را؟
ژیوای دوور جه تۆ باخی بێ به‌را
هه‌و ئازیز گوڵم! هه‌و نێگاری من!
تره‌كا هه‌ناروو تاسه‌باری من
🍁 🍁 🍁 🍁 🍁 🍁 🍁 🍁 🍁 🍁 🍁 🍁
هه‌زار پاییزێ به‌یا حه‌ر هه‌نی
حه‌ر تو قیبله‌نی نه تۆی دڵ مه‌نی
گۆرانیێ عه‌شقی مه‌گه‌ر وێت وه‌نی
دڵوو ڕۆزگاری به‌ش بۆ ته‌وه‌نی
تا كه‌ی بێ جواب ئێنتزاری من
تره‌كا هه‌ناروو تاسه‌باری من
🍁 🍁 🍁 🍁 🍁 🍁 🍁 🍁 🍁 🍁 🍁 🍁
ئه‌گه‌ر سپای خه‌م خه‌زانی بارۆ
چه‌م حه‌ر ڕوه‌كاو دووریت مژمارۆ
كه‌ی بۆ وارانوو وه‌هاریت وارۆ؟
پێوه‌ره خه‌مێ كه‌رمێوه شارۆ
حه‌ر تۆنی ته‌مای شه‌وبێدٚاری من
تره‌كا هه‌ناروو تاسه‌باری من
🍁 🍁 🍁 🍁 🍁 🍁 🍁 🍁 🍁 🍁 🍁 🍁
بۆرێوه كه‌سم با حه‌ر لاڵه بۆ
ئه‌ر سواڵه‌نه با سواڵه بۆ
ژیوای حه‌رتا كه‌ی بێ تۆ تاڵه بۆ؟
تا كه‌ی شه‌و و ڕۆم په‌ڕ جه ناڵه بۆ؟
مانگه‌و چواردٚه‌ی په‌ی شه‌وگاری من
تره‌كا هه‌ناروو تاسه‌باری من
🍁 🍁 🍁 🍁 🍁 🍁 🍁 🍁 🍁 🍁 🍁 🍁
خه‌میار فیدات بۆ حه‌ر تۆنی ژیوای
بیه‌یت زه‌روورا حه‌ر پێسه‌و هه‌وای
شاهم! سا ڕه‌حمێ كه‌ره به گه‌دٚای
ده‌ی نیم نێگایێ حه‌رچن په‌ی ده‌وای
شاهم! ئازیزم! چه‌م خوماری من!
تره‌كا هه‌ناروو تاسه‌باری من
🍁 🍁 🍁 🍁 🍁 🍁 🍁 🍁 🍁 🍁 🍁 🍁
#خەمیار_هەورامی
وەنایوە: خاتوو سروە عەزیزی
@karawawshamyany
ئەی وەتەن! تۆ مەملەکەت بووی کەی وەها وێرانە بووی؟
کەی ئەسیر و ژێرچەپۆکەی دوژمن و بێگانە بووی؟
بەینی بەینەڵڵا وەتەن! هەر تاکە بووی مەردانە بووی
عەسری پێشوو بێشەلانی کۆمەڵی شێرانە بووی
#قانع
عەکس: بێهرووز ئەمینی
@karawawshamyany
#ڕازەومووچیاری
🔹یۆ جە گەورەپیایا واچێ: چەرخیێوە نەفت ورەش گەڕەکەکێ ئێمەنە بێ، کارش ئانە بێ نەفەتە بەرێ پەی خەڵکی ، نامێشا نیا مامۆ نەفتی..
ڕوێ یاوا بە من ، ماچۆ: سڵام بوەخشە شمە یانەکاتا گازکەشی کەردێنێ؟
واتم بەڵێ!
واتش: حەر زانام، چوونکەی سڵامەکات واڕیێنێ!
واتم: یانێ چێش!؟
ماچۆ: تا یانەکات گازکەشی نەکەردێبێنێ ، حەر چی تووشم ئێنی وەش وەشێ مەرحەباییم کەرێنی و رێز و ئێحترامم گێرێنی، حاڵ و ئەحواڵم پەرسێنی..
حەر تۆ نیەنی کاکە، گردوو مەحەلەکێ پاسێ بێنێ..
حەر کەسێ یانەکاش گازکەشی کەرۆ سڵام و مەرحەباییش چەنی من واڕیۆ...!
⚜⚜⚜⚜⚜⚜⚜⚜⚜⚜⚜
🔹من، چاوەختەولای ئی چێوە ڕوەش دا جا زانام سی ساڵێن سڵام و مەرحەباییم، جیاتی ئانەی کە بوەو ئینسانیەت و مروڤایەتی و ئێخلاق و عەڎەب ی بڎۆ ،بووە نەفتێش دێنە...!!
سی ساڵێ بە ئەخلاق و ڕەوشتێوە خاس ئێحتراموو ئی پیایمە گێرت، پێسە زانێنا عالی وێما..
وەلێ ئیسە دیاریش دا کە عالی من نەبیەن..
وەختێ ئیتر ئێحتیاجم نەمەن پەنەش و یانەکام گازکەشی کەردێ ، نەزانانە واتم بە وێم ئیتر چی سڵامش کەروو...!😔
🌸👈بەیدێ با سڵام و مەرحەباییما بوەو نەفتێ نەڎۆ...
✍️کامیل ئاغا بەیگ پوور
بە هەورامی: ساحێب حەبیبی
👇👇👇👇👇👇
#کەڕاواوشامیانی
/channel/karawawshamyany
فواید کوهنوردی برای قلب انسان🏔️⛰️❤️
برداشتن گام‌های پیوسته و آرام هنگام بالا رفتن از کوه در تقویت عضلات قلب،پا و تقویت ریه موثرست.
کوهنوردی باعث افزایش پمپاژ و برون‌دهی خون از قلب به میزان 20 درصد میشود که این امر باعث بالارفتن ضربان قلب از72 بار به120 بار در دقیقه شده که منجر به سرعت یافتن جریان خون در رگ‌ها و جلوگیری از لخته شدن خون در رگ‌ها و مویرگ‌ها میشود.
همچنین سبب میشود ظرفیت مویرگ‌ها از15درصد به 95درصد افزایش یافته و اکسیژن و موادغذایی در نقاط مختلف بدن با سرعت بیشتری توزیع و با کیفیتی بهتربه مغز و عضلات برسد.
مهم ترین فواید ورزش از جمله کوهنوردی و کوهپیمایی برای دستگاه قلب و عروق:
افزایش فعالیت دستگاه گردش خون، کاهش احتمال بروز مرگ و میر ناشی از سکته قلبی،پیشگیری از بروز بیماریهای عروق غذادهنده قلب،افزایش عملکرد دستگاه قلب و عروق،جلوگیری از سخت شدن دیواره رگ ها،کاهش فشار خون بالا و پیشگیری از بروز لخته درداخل عروق.
هوای پاکیزه کوهستان برای قلب و ریه تنفسی شفابخش بوده و بهترین مفرح قلب است.این ورزش بدن را درمقابل بیماریهای خطرناک بیمه و در اثر آن سموم ماهیچه ها جاری و خارج میگردد
@karawawshamyany
کتێبی چێشتی مجێور
مامۆستا هه‌ژار موکریانی
به شی ۲۴
بەشدارێ بیدێ پەی بەشەکای تەرێ
👇👇👇👇
@karawawshamyany
سڵام وحۆرمەت
هام دگایە وەشەویسا
ئەنداماوکاناڵێ
شمەیچ تاودێ عەکسێ تەبێعەتوو پاییزیما پەی کیاندێ بەنامێ وێتاوە بنیەیمێشرە
@karawawshamyany
تەنیا ئێمە عالێنمێ!!
جە کوێسانێوە تەماوینە، ڕاویارێوە مانیاو پەک کەوتە کە ڕاش گومە کەردێ بێ ، درەنگانوو شەوێ داش بەرێوە..
چن کەسێوە لوێ و بەرەکەشا کەردۆ ، ئی پیا، نە پەی دۆعاو خەیری ئاما بێ و نە چەمەڕاو موچیاری و نەسێحەتی بێ ، تەنیا ئەوراش بێ و نانش گەرەک بێ..
دماو نان واردەی دەورشرە جەمێ بیێوە و واتشا ئێمە تاقمێوەنمێ دوورما گێرتەن جە ئاوەڎانی و ئامێنمێ چی کەش و کۆوە بە پاکی و درووسی پەی وێما ژیومێ، زانایێوە عال و گەورە ڕابەرمانە، بە دەرک و ئاوەزش بەرەو بەهەشتیما پەی کەرۆوە..
وەختێ گۆشما ئینا شێعر و واتەکاشۆ ئەجۆ ئینایمێ سەروو هەورەکارە گێڵمێ، ئنە وەشحاڵێنمێ، ئێمە دڵنیایێنمێ کە تەنیا ڕاو رزگاری و نەجاتیما ئێستێنەوە!!
جا کە پاسەش سەرئاما بە واتەو قەڎیمیا: دار پیر بۆ دەفعێوە جە ژیوایشنە داڵ نیشۆ سەرش، پا مانا کە هەمیشە فرسەت ڕێک مەگنۆ پەی یۆی کە سەر گنۆ ، تۆیچ ئی فرسەتە تڵایە جە کیس مەڎە و چیگە لاماوە مەنەوە ، گردما چەمما ئینە پوەتۆ و یاردیت مەیمێ ، فرێ پێسە تۆ ئامێنێ و چیگە مەنێنێوە..
پیا ڕاویارەکەی وات: سپاسوو شمە کەروو و دەس وەشیتا چەنە کەروو پەی مێمانداریتا ، وەلێم بە نەزەرەو من ئی جۆرە ژیوایە کە شمە گێرتەن وەر دەرد واردە نیا..
شەرتەو ژیوای ئانێنە کە دلێ خەڵکینە بی و سەروو ئی زەمینیوە ژیوی، خۆ وێ جیاکەردەیوە جە خەڵکی و دیای حەوایرە حەننەر نیا، وەهمینە، وەرمێوە دروێنە ، رزگاری ئانە نیا کە پێسە ماساوێ بلی خزینە قوڵاخ و جە دەرد و ئێشوو ملەتەکەیت وێت گێل کەری..
شمە وەختێ بە فکر و مێشک وێتا وێر مەکەردێوە ، وەختێ تەنیا وێتا بە عال زاندێ ، حەر ئانە وێش ئەوپەڕوو سەر وەنە شێویاین، کەس چیگەنە فێروو وەشەویسی و حەماسەی مەبۆ..
ئیسە کە شمە ئینایدێ چیگە هەزاران نەفەرێ جە شارەکانە ئەوراشانە و بەشوو پڕپۆڵێوە ئاردی نیەنێ یانەشانە، چەولایچۆ هەزاران کەسێ هەنێ کە ئاخوڕەشا پەڕەنە و کۆمەڵگاشا پەڕ کەردەن گەنەڵی، زۆرشا ئاردەن پەی هەژار و فەقیری..
جا ئەگەر ئێمە گردما بەیمێ و وێما دوور گێرمێ ، ئەی کێ هەوڵێوە دۆ پەی داماگی و بەوبەختی ئا خەڵکیە ..
وەختێ کەس وێش بە ساحێبوو دەرد و مەینەتوو کۆمەڵگای نەزانۆ و سفرەی تاڵان کریاو وەنەقۆمیایا نەوینۆ، پاک بیەی ماناش مەمەنۆ..
ئی وەرمە قورسە مەبارەکوو وێتا و لاو شمە وەش..
دماو لوای کابرای ڕاویاری، ئی قساشا یاونێ لاو سەردەسەکەیشا ، واتش من ئەشۆ وێم بلو و وەزعوو حاڵوو شاری تاقی کەرووە، هۆرئێستوو کەوت ڕا ڕو بە شاری ..
دماو چن ڕوا چەمەڕایی وانیارەکاش ، ئوستادە گەورەکە جە شارۆ گێڵاوە پەی لایشا، جە جوابوو شۆن کەوتەکاشنە پاسە گرەوێ کە هەرسی چەماش پێسە وارانی ئێنێرە وار ..
دماو فرێوە گرەوای ، پەرساشا ئەرێ شارنە چێشت چەم پەنە کەوت پێسە گرەوی..
فەرماواش پەی ئەوەڵین ڕای هەستم کەرد کە شەیتان چنە هێزدار و بە قووەتا...
شارنە ڕام کەوتە گەڕەکەو لەشورەشەکا، لەنجەو ژەنە سەرە ڕووتا پێسە هۆرپڕاو مار ی ، مووچرکی وزێنێ جەسەو پیایا..
ئا شەوە حەر بە گرەوای باسوو ئا چن ڕوەیە گێڵنێوە..
پەی سەبایش ، زانا گەورەکە کە وەرمنە هۆرئێست ، حیچکەس دەورشرە نەمنەبێ ، زاناش حەر نیمەشەو وانیارەکاش گرد ڕاو شاریشا گێرتێنەرە وەر..
ئانتوان چبخۆف ۱۸۸۷/سروژ استپانیان
وانەری ساحێب وێر!
وەختێ کومەڵشناسی گەورەی بریتانیایی، جۆرج وێڵز، جە پەنج نامیلکێنە باسوو مافوو مروڤی کەرۆ ، وەڵێنە بەرۆش خزمەتوو ماهاتما گاندی گەورەو وەڵاتوو هێندی..
گاندی ماچۆ ئێمە وەڵێ ئانەینە باسوو مافوو مرۆڤی کەرمێ ، ئەشۆ باسوو وەزیفەو مرۆڤی کەرمێ، وەختێ ئێمە وەزیفەو وێما وەرانوەروو کۆمەڵگایوە بە یاگێ نمارمێ و وێما جە خەڵکی جیا کەرمێوە ، حەقەکایچ پاشێلێ با..
ئا کەسا وێشا وەرانوەروو کۆمەڵگایوە بە وەرپەرس مەزانا ، پاڵیچشنە ڕاو و نەزەرەو وێشا تەنیا ڕاو رزگاری زانا، جە واقێعنە تووشو وەهم و خەیاڵینێ، رەنگا جە ئازموونەکاو دلێ کۆمەڵگایچنە سەر نەگنا..
مریچڵێ بە یەک باڵ مەتاوۆ باڵێ گێرۆوە و بە یەک دەس چەپڵێ مەتەقیا،..
دەردەکاو کۆمەڵگای، زوان، کەلتوور و ... هینەوگرکەسینێ و ئی وەزیفەیچە ئینا سەروو شانەو گرکەسیوە..
کۆمەڵگاو ئارۆ کوردەواری فرە فرە حەساس تەرا، جە وەزەعەو باروودۆخوو رووسیەو زەمانوو چێخۆف ی..
دەمڕاسەکاو کۆمەڵگای ئەشۆ فرەتەر خەڵکی هان بڎا کە وێشا وەرانوەروو نیشتمانەکەیشاوە و کێشە و دەرد و گیرووگرفتەکاش بە وەرپەرس زانا.
✍عیسا ئەحمەدی
هۆرگێڵنایوە پەی هەورامی: ساحێب حەبیبی
👇👇👇👇👇👆
@karawawshanyany
تەنیا پەی خوەی!! 👇 😂
نووسەری گەورەو تورکی و
دۆسوو گەلوو کوردی
ئیسماعیل بیشکچی ماچۆ :
جە یۆ جە مزگیەکاو ئەسەمۆڵینە،
مەڵایێوە جە وتاروو ڕۆ جومعەینە
بە دەنگی بەرز قسێ کەرێ،
واتش وەڵاهی حەر کەسێ
زوانی تورکی نەزانۆ
چەمش بە بەهەشتی مەگنۆ..!!!
بێشکچی ماچۆ ؛
پیایێوە فرە پیر و پەک کەوتە چا بێ
فرە بە کوڵ گرەوای گرەوێ ..
ماچۆ منیچ لوانی پەی لایش
واتم: چی گرەوی مەگەر تۆ تورک نیەنی ؟
ئاڎیچ واتش: بەڵێ وەڵا من تورکنا.
منیچ وات: ئەی پەی چێشی گرەوی؟
پیا پیرەکەیچ دەموو گرەوەیوە واتش؛
من پەی وێم مەگرەووو..
پەی پێغەمەر گیانی گرەووو
چوون ئاڎ تورکیش نەزانان...😂😂🤣
👇👇👇👇👇
@karawawshamyany
🌹🌹🌹🌹🌹
کاکە ڕەشەی فەدایی پیایێ ڕۆح سووک وقسە وەش وپڕ جە ویرەوەری شیرین و مێماندارێ ئازیز
ئاواتەو لەش ساقیو عەمر درێژیما هەن پەیش ڕیش چەرمەکاما خەزێنێوەنێ پڕ جە زانایی تا مەنێنێ سەرشا دەیمێنەو وچەنەشا دەرس هۆر گێرمێ وقەورشا زانمێ
🌹🌹🌹🌹🌹🌹
👇👇👇👇
@karawawshamyany
🌹🌹🌹🌹
سەرداو ،چەم پەنەڪەوتەو کاکە ڕەشەی فەدایی جەلایەنووهەرمانبەراو تاقمەو ڪەڕاواو شامیانی وچن قسەو باسێ جە قەڎیمیو وڪەڕاواو ئەوسای
ئازیزا چەمە ڕایێ بیدێ پەی ویناو فیلمەکای جە شەوانێ تەرنە ئاواتەو عەمر درێژیو ولەش ساقیما هەن پەی کاکە ڕەشەو ودس وەشی یانەیێ ئازیزێشا کەرمێ پەی مێمانداریشا
1403/08/21
👇👇👇👇
@karawawshamyany
کتێبی چێشتی مجێور
مامۆستا هه‌ژار موکریانی
به شی ۲۰
بەشدارێ بیدێ پەی بەشەکای تەری
👇👇👇👇
@karawawshamyany
کتێبی چێشتی مجیور
مامۆستا هه‌ژار موکریانی
به شی ۱۹
پەی بەشەکای تەری بەشدارێ بیدێ
👇👇👇
@karawawshamyany
🛎ئاگاداری سانای و ورەتەی مڵکی،کەڕاوا 🛎
✅ئازیزا ، کوڕەکاو مەرحووم ساڵح بەگی باخەچەکەو دەگاسەرینێشا نیانرە پەی ورەتەی( دەسی چەپوو جادە کەی ،ڕوبەرو یانەکاو هادی کا عەودە )
حەر کەسێ حەزش کەرد پەرسۆ پەی شەرایێت و قیمەتیش تەماس گێرۆ چەنی کاک شاهۆ ی
🌸🌸🌸
🔹فرزندان مرحوم صالح بگ اریس باغچه ی خود را در کراباد محله ی بالا ، برای فروش با قیمت توافقی گذاشته اند، متقاضیان برای شرایط و قیمت می توانند با کاک شاهو اریس تماس حاصل فرمایند.
شاهو اریس:
09181764126
@karawawshamyany