686
🍂دەلاقێوەپەی ویناو ویەردەیما..🍂 🌼دڵ وەشنا بە وەر ڪەوتەو سەر ڪەلای🌼 ↘ادمینهای کانال↙ @kosalan1384 @sahebhabibi1358 @paymanakaykham @Serva111
دلێ دڵێتنە
باورت بۆ کە ئارۆ عالتەرینەنی
وەش ترین ڕۆ ژیوایتا
عاشقوو لەحزەکانت بە
گردوو ڕوەکات تێکەڵی با
چەنی قەدر زانای بەخاترەو زینە بێت دەس پەنە کەرە
خود٘ا گیان شکوورت پەی فرسەتەی تەری کەدانیت🤲
✍سروە عەزیزی
👇👇👇
@karawawshamyany
کتێبی چێشتی مجێور
مامۆستا هه‌ژار موکریانی
به شی ۱۸
بەشەکای تەری چێ ژنەودێ
👇👇👇👇
@karawawshamyany
کتێبی چێشتی مجیور
مامۆستا هه‌ژار موکریانی
به شی ۱۷
پەی بەشەکای تەری بەشداری بیدێ
👇👇👇
@karawawshamyany
پاییز ڕەنگ و بۆ جارانیش نـیــەن
خەیلێوەن شاڐی واڐەش سەرشیەن
هەر باخێ مـڐیەی خەزانش کەردەن
هەر دلێو پەی وێش خەمێوەش بەردەن
وەشڵەی بە ڕوەکا قـەدیـمی جارا
دڵوەشـی فرە بێ چوون گەڵاو دارا
ئیسە نە شاد٘ی و نە وەشی مەنەن
دڵ شادیش مەردەن هەر خەمش چەنەن
چیگەنە هـەرسی وشکێ نــمـەباوە
شـەوێ دڵتەنگی هـەر درێژێ باوە
تاقـەدارنمێ پا سەرە ڕاوە
سکەڵێ خەمیما هەر گەشێ باوە
✍#ح_خوورا
📸#آرشین_عەزیزی
👇👇👇👇👇
#کەڕاواوشامیانی
@karawawshamyany
کتێبی چێشتی مجێور
مامۆستا هه‌ژار موکریانی
به شی ۱۶
پەی بەشەکای تەری بەشدارێ بیدێ
👇👇👇
@karawawshamyany
کراسەکەت چیتی مۆرە
عەلی مەردان
@karawawshamyany
کتێبی چێشتی مجێور
مامۆستا هه‌ژار موکریانی
به شی ۱۵
بەشدارێ بیدێ پەی بەشەکای تەری
👇👇👇
@karawawshamyany
سەرولاشە شتەی زارۆڵاو چاوەڵی😁
مەلە کەردەی چاوەڵی حەفتێ رایێ بێ یا پەنج شەمە یا جمعە پەی ئی جمعەی بێ ..
🔹وەختێ ئەڎات چڕێت وەنە ، بۆ ڕارە نۆرەو تۆن ، ئەجێت ئەمنیێ چڕات پەی هۆدەو شکەنجەی ، جا گولتەر چانەی ئانە بێ ئا واڵێ یا براتە وەڵێ تۆنە ئێ جبەر هەردوی چەمێش سوورێ بیێبێنێ پێسە ونێ ، ئننەتەر تەرسێنی..
🔹پات وزێنی ئەودیموو حەمامەکەی ، چەپۆکێ عالە وەرێنی ، زووکەرە حەمامەکە سەرد بیوە هەناسە سەرد..
🔹جا جل وەتەی دەس پەنەکەرێ ، خوڵە سەرەو ئانەیرە سەرەش زل بێ ، چوون بەعزێ چا گجی و چێوی هینەو براو واڵەکەی تەریت بێ ملەکەشا تەنگ بێ بەحاڵ سەرەتنە ئێنێ جبەر..
🔹وەختێ ئەڎات جلەکات وەژێ ئەجیێ کەرگی پاکە کەرۆ و پڵۆسنۆشرە ، جا جاکەتێ دانە و دوە و یەرە نەبێ..
🔹جارێ جامۆڵێوە ئاوی کەرێ سەرەترە کە جە ۷۰ دەرەجا گەرمتەرە بێ ، حەر واتایێت ئااااای ، جامۆڵەکەی بە هاڵی کوێ سەرەترە واچێ وسسسسسس قسێ نەکەری با سابوون نەلۆ دەمت..
🔹جا سابوونوو چێشی جە تەوەنێ ڕەقتەر بێ ، وەخت بێ دەسوو ئەڎایتۆ ترازیێ ماڵێ گلکەو پایترە مەرگ بێ مێمانت ئنە ئێشش بێ..
🔹جا جە گردی گولتەر دەم و قەپۆزیت تن فشارێ واچێ مش کەرە با لووتەت تەمیسە بۆ،بە تەماموو هێزیت مش کەرێنی چڵم گۆشێترە ئێ جبەر چوون ئەڎات تن دەم و لوتت فشارش دا بێ..
🔹ئێ ڕا نۆبەو سەروولاشە شتەی بێ بە لیفێوە ڕووش ، کە وەختێ کێشێش دلێ شانەترە و قاچ و قولترە ئەجێ پەنێرە مۆ ڕەننەرە، ئننە بێ ڕەحمانە بێ گردوو لاشەیت ڕێش ڕێش بێ..
🔹تەوەنەو پا شتەی بێ ئنە ئارێنێش چێروو پایاترە حەر ڕایێ دوێ یەرێ سانتێ کوڵ بێنیوە
🔹ئیتر با وشک کەردەیوە مەنۆ ، هەڕە سەرەو بانارە ،نیا هەوڵەکە وێش تەڕ بێ چوون وەڵێ تۆنە براو واڵەی تەرت وشک کریابێوە پەنەش، ئەجێت قەساباو گۆشتت چەنە کەنۆوە..
🔹دماوە سەرە ئاردەیرە بێ، جارێ پەی کناچا ئەجێ گاوەسناو زەمین کاڵۆ، جا زاتت بێ واچە ئااااااااای ، شانەکەی تن ماڵێنێ سەرەترە..
🔹جا هەمیسان نۆبەو لیباس کەردەینە بێ پەنج شش گجیێ تەنگێ کریێنێوە وەرت وەخت بێ قۆڵو یۆیشا هۆششا شێ کەراتنە شەوێ دلێ یاگێنە چەقێتنە..
🔹جا ئیتر ئاخرۆ واچێ دەی فڵان واڵەو برایت چڕە با سەروولاشەش شۆروو، جا بەرەو حەمامەکینە ئانە کە نۆبەش بێ وینێت حەر چاگێ قاچێش مەڕیێنێ..
😄😄😄😄😄😄
ئینە ویرەوەری کێن جە دیدگانە پەیما نووسۆ🤩
👇👇👇
@karawawshamyany
کتێبی چێشتی مجێور
مامۆستا هه‌ژار موکریانی
به شی ۱۴
پەی ویناو بەشەکای تەری بەشدارێ بیدێ
👇👇👇
@karawawshamyany
ڕاسی دلێ ئی :
خشت وهەڕ وئاجۆر وتەوەنینە
چێش بەکاربریابێ کەعەشق و
وەشەسیاییشا چەنە وارێ ؟
ئی کووجی و کۆڵانێ یانا : چێششا
چەنەبێ کە بیێبێنێ بەماواو خیاڵی
و وەشەسیایی ؟
هەڵایچ :
ئی کۆنەیانا دەرمانوو دەردا و بێ
وەقرەیی و ئەوگاریمانێ٠٠٠💟
@VANADIHOWRAMAN
۸ فایده پیادهروی که شاید نمی‌دونستید !🏃♂
۱. پیادهروی انعطاف و ترمیم‌پذیری مغز رو بالا می‌بره
۲. پیادهروی قلب رو سالم نگه می‌داره
۳. پیادهروی ما رو برای حل مشکلات خلاق‌تر میکنه
۴. پیادهروی به هضم غذا کمک میکنه
۵. پیادهروی به پیشگیری از افسردگی کمک میکنه
۶. پیادهروی باعث می‌شه کمتر برنجیم، پذیرا و برونگرا باشیم.
۷. پیاده‌روی‌بیشتر از باشگاه رفتن به سوخت و ساز بدن کمک میکنه
۸. پیادهروی به بهتر شدن حالت بدن ما کمک میکنه
🍏🍎
@karawawshamyany
کتێبی چێشتی مجیور
مامۆستا هه‌ژار موکریانی
به شی 12
بەشدارێ بیدێ پەی بەشەکای تەری
داواو عەفوەی بەشوو 10 ما نیابێرە جیا 11
هەرچەن بەشوو 11نیا دلێ سەوتەکانە بەشوو 12 ما نیانرە
👇👇👇
@karawawshamyany
کتێبی چێشتی مجیور
مامۆستا هه‌ژار موکریانی
به شی ⑩
بەشدارێ بیدێ پەی ویناو بەشەکای تەری
👇👇👇
@krawawshamyany
عەکسێوە قەدیمی
هەرکەسی شناسدێ نامێش نویسدێ
ئەگەر زاندێ زەماونەو کێنە کامێنتنە نویسدێش
@karawawshamyany
📖📚کوڵە_ڕازە
زەمانوو زووی ، پیایێوە پیر بێ کە جە ڕاو پینەچیەتیوە(پاڵا وراستەیوە) ژیواو وێش بەرێ سەر..
ئی پیا هەمیشە بە وەشحاڵیوە گۆرانیێ واچێ ، پاڵێ پینە کەرێ و گر وێرەگانێ بە ئێشق و ئومیڎۆ گێڵێوە پەی لاو خێزانەکێش..
نزیکوو کەل و پەلوو و بنەو بارگەو ئی پیا پینەچی وە، دوکانوو تاجرێوە فرە دەوڵەمەنوو و دلێ چەم ترشیای بێ..
ئی تاجرە فرە تەمەڵ بێ و ساحێبوو پووڵ و پارێوە فرەی بێ و فرەو وەختی حوجرەکەشنە وەنەوزی دێ و وەردەس و شاگردەکاش کارش پەی کەرێنێ..
ئی کابرا وردە وردە دەسوو گورانیەکاو پینەچیەکەیوە مانیا و حاڵش گیریا بێ..
ڕوێ پەرساش جە کابرای پینەچی ، ئەرێ تۆ ڕوێنە چنە بەرماری ؟
پینەچی واتش: روێ یەرێ دێرهەمێ..
تاجرەکە تۆرەکێوە تڵاش پەی فڕ دا و واتش : لوە هۆرشگێرە ئەگەر تەماموو عومریت کار کەری ئننە پێڎا مەکەری!
لوەوە یانەکەت و ژیوایێوە وەش دەس پەنە کەرە ، بازە با منیچ کەمێ وەنەزی دەو ، گۆرانیەکات شێتشا کەردەنا..
پینەچیەکە پەشۆکیا بێ ، سەروەنەشێویا و سەرگەردان ، تۆرەکەکەش هۆرگێرت و بە رەمای لواوە پەی لاو ژەنەکێش..
ئی دوە نەفەرە مودەتێوە فرە گیرشا واردە بێ کە چێش کەرا پی پووڵی..!
جە تەرسەو دزینە، شەوێنە وەرمشا پۆرە نەگنێ، فکر و خیاڵوو ئانەی کە نەکای ئی پووڵی جە دەس بڎا ئارام و قەرارش بڕیێ بێنێ..
خولاسەی کەلام تەماموو هۆش و فکر و خەیاڵیشا بیە بێ نگاڎاری چی تۆرەکەیە..
دماو ماوێوە پینەچی تۆرەکەو تڵاکەیش هۆرگێرت و لواوە پەی لاو تاجرەکەی..
تۆرەکەکەش داوە پەنە و ماچۆ :
ها گێرە ئانە زەڕەکەت ، ئارامش و سوکناییەکەو جارانیم دەمۆ......!!!!
🌹🌹🌹🌹🌹
" وەشبەختی چێوێ نیا بێجگەم سوکنایی دڵی"
👇👇👇👇
@karawawshamyany
مامۆسا عۆسمان
مامۆسا جەمیل
@karawawshamyany
کۆساڵان ۱۳۶۶
ئەسعەدفەتاحی (کۆڕوو م.ئەنوەروو ڕەشە هەورامی)
ئێقباڵ عەبدی
بێهرووز ئەمینی
شەهلا عەبدی
منیرە ئەمینی
فاتمە فەتاحی
شەریفە عەبدی
پرشنگ عەزیزی
نەخشان شیروان
@karawawshamyany
#کوڵە_ڕازە
پیایێوە لوا خزمەتوو "حەزرەتوو سڵێمان" ی و واتش:
ئەی پێغەمەروو خوای حەز کەروو فێروو زوانوو یۆ جە گیاندارام کەری..
حەزرەتوو سڵێمان ی وات : تاقەت نماری!!
وەلێ ئی پیا وازش نارد .
سڵێمان پەرساش کام زوان؟
ماچۆ زوانوو پشیلا..
سڵێمان فوێش کەرد گۆشێشرە و زوانوو پشیلا فێر بی...
ڕوێ پیاکە گۆشش چەنە بێ دوێ پشیلێ قسێ کەرێنێ..
یوەشا واتش ئەورایێنە وەختا مروو حیچت نیا وەرمێ؟؟
ئەو پشیلەکێچ وات ناوەڵا ، وەلێ خەفەت مەوەرە، چوو یانەنە کەڵەشێرێوە هەن قەرارا ساعبێ تۆپۆ ، وەرمێش!!
پیاکەیچ گۆشش دەنگیشاوە بێ واتش وەڵا نمازو کەڵەشێرەکەیم وەردێ ، عازا لوا ورەتش!!
ساعبێ پشیلەکێ ئاما ماچۆ کەڵەشێرەکە تۆپا؟؟
واتش نا ساحێبەکەیش ورەت، وەلێ بەرانێوەش هەن ساعبێ مردار بۆوە وەرمێش!!
ساحێب یانەکە ئینەیچش ژنەوت عازا لوا ئادیچش ورەت.
کتە ئەوراکێ هەم ئاماوە ماچۆ بەرانەکە مردار بیوە ؟
ماچۆ نا ، ساحێبەکەیش ورەت، وەلێ ئارۆ کابرای ساحێب یانە وێش مرۆ ، چاشتی فرێ وەش کەرا پەی پەرسانەی ، ئێمەیچ پارە تێر وەرمێ..
پیاکە ئینەش ژنەوت ، تۆقا و پێسە شێتیش سەر ئاما..
زوو بەرشی لواوە پەی لاو "سڵێمان" ی نەبی ، واتش کتەکا ماچا من ئارۆ قەرارا مروو ، پیایێ خاس بە یاوە فریامۆ!!
حەزرەتوو سڵێمانیچ جوابش داوە:
خوای گەورە کەڵەشێرەکەش کەرد سەدەقەو تۆ ، ورەتت ، بەرانەکەش کەرد سەدەقەت ئادیچت ورەت ، تازە حیچ مەکریۆ وێت ئامادەو وەسیەت کەردەی و کفن و دەفنی کەرە!!
چی رازێ ئینەی فێرێ بیمێ:
خوا رەحمی شاریاوەش فرەن،
ئێمە ئینسانەکا مەیاومێشنە،
خوا بەڵا و موسیبەتما چەنە دوور وزۆوە،
وەلێ ئێمە بە نەزانکاری وێما بەڵاکێ هۆرگێڵنمێوە پەی وێما......!!!!
👇👇👇👇👇👇👇
@karawawshamyany
📣📣 پەی ئاگاداری
هام وەڵاتیە وەشەویسەکا
چەنی عەرزو سڵامی و ئێحترامی ،
خزمەتتانە عەرز کەرمێ ، کە بە پاو هەواڵێوە کە جە لایەنوو دهێاری و شوراو دەگایوە پەنەما یاوان ، واتەنشا عەرزتا کەرمێ کە تا ئیتلاعی سانەوی ، هیچکەس ئاماو لوای #کۆساڵان و مەسیروو کۆساڵانی نەکەرۆ ، تا خوانەخاسە پەی کەسی موشکڵێوە نێ وەرۆ ، چوون وچیانشا پەنە کە ئەگەر کەسێ موشکڵێش پەی بێ وەرۆ مەسئولیەتش ئینا پاو وێشنە
@karawawshamyany
🌸پەنج جوابێ وەشێ و بە یاگێ ..!!
🔹جاهێڵێوە دەوڵەمەن بە مەسخەرێوە واتش بە هەرمانبەرێوەو شارەداری،ئەرێ شەخەڵ کیلوێ چنە؟
هەرمانبەرە سپوورەکەیچ وات؛ وەڵێنە تۆ تامش کەرە سەروو نرخەکێش جە یوی بەرێ مەشمێ ، گنمێ یۆ..😃
🔹مامۆسایێوە وانگای واتش بە وانیارەکاش:
زانانتا ناپلئون جە سن و ساڵوو شمەنە ززنگتەرین وانیار بیەن؟!
وانیارێوە ژیرش واتش: بەڵێ مامۆسا ، وەلێ ناپلئونیچ سن و ساڵوو تۆیچنە پاڵشا بیەن..😃
🔹 پیایێوە پیر، کۆم بیەبێوە ، ڕایێرە لوای لوێ، جاهێڵێوە ماچۆش پەنە: مامۆ ئا کەمانەو مازیت بە چنە ورەشی ؟
پیاپیرەکەیچ ماچۆ: ئەگەر خوا دەواموو عومریت دۆ ، بە مفتە دەست گنۆ..!😃
🔹فاڵگیرێوە ماچۆ بە پیایێوە : زانوو جە دمارۆنە چێش مێنە ڕات و چێشت سەر مێ!
پیاکەیچ وات دا واچە بزانوو چێشم سەر مێ!
ئەویچ ماچۆ : جارێ وەڵێنە دوێ دێرهەمێم دا تا واچووت پەنە!!😃
پیاکەیچ وات : ئەگەر راست واتایێ ، زانێنی من تەنیا دێرهەمێوەم پەنەن، لوە گوم بە....!!
🔹دوێ نەفەرێ قسێ کەرێنێ ، یۆتەر دوورۆ ئاما حەر وێشۆ ماچۆ : مەزانوو باسوو چێشیتانە ، وەلێ دڵنیانا ئا چێوە باسش کەردێ دروێنە..!
یۆشا ماچۆ : باسوو پیا خاسی تۆ کەرێنمێ...!😃
👇👇👇👇👇
@karawawshamyany
پێســەم زانــــابێ نەمەنەن تیـــنم
بەرشیەن جە دەس ژیــان و ژیــــنم
مەردەی پادارێ وامەنــد٘ەی ســەر ئەرز
بێ سەر بێ سەمەربوێســــانی بێ تەرز
سەرتا پــــام تەزا و لەرزنــــانێ لەرز
نەمەنەن فیکـــــر وخەیــــــــاڵانێ بەرز
پــێم یــاوا شـــنە ی شــەماڵی سەربەرز
دیســان ســـەرتا پـــام لەرزنــــــاهەم لەرز
ڕەنــــگ زەرد و نەوەش کەوتــم لە وەڵ لەرز
کـــارێ پـــێم کەردەن بەڵام دووهــەم لەرز
نەمـــانۆ بەینـــی مــن و قە قـــنەس مەرز
شەماڵ ، دەخـــــیلەن پەیــام بەری عەرز
من مەردەی کۆســـار بــــێ کە فەن زامدار
جەوەرمــی گران ئیســـە بـــــیم بێــــدار
جە گەرمــــی نەفەس عیســـا نە فە ســــێ
پە رواز کەرد خەیــاڵ جــە لـێ قە فەســـێ
جە لوتــف و ســایە و پەیامــی (قە قنــەس )
تـاقەتم تــاق بــی و ســۆتــان بـــیم قەقنــەس
سا دەخیـــل شــــەماڵ پەیــــام بەری عەرز
نەمەنەن بەینـــی مــن و قەقـــنەس مەرز
یـــاوای حـــزورش مــاچ دە ســــەش کەرە
شـــەفای لەرزی مــــن تکـــا لاش کــــەرە
ڕازی بــــۆوەشــــێ ، عەتـــرش پەی بەرە
پەرســــاش بـــۆ یەخەی کــامیـن دڵـــبەرە؟
عەرزکەر بـــۆی سـمڵی ســۆخمەی عەرعەرە
بــۆش وەشــتەر جە بـــۆی گــۆڵ وەرکەمەرە
پەرســاش بــۆنی عەتــر دلیلش چێشــەن ؟
تــۆهیـــچ نەواچـــی دڵـــم پـــڕ ئێشـــەن
چـــوون قەتــرە‌عــەرەق گۆنــای ئەسمەرەن
واران بــــوارۆ دار پــــر ســــەمەرەن
تــــا قەتـــــرەی عـەرەق گەردەن مــــراوی
بــۆ وەش چوون ســمڵ و پــووینەی وەرئاوی
وەنەوشـــە و چنــوور شــەوبۆ و یاســەمەن
جـــە وەڵ وەهاران جومڵەشـــان جە مەن
کەی بـــۆی مــن جەو گــوڵ،بــۆعەنــبەرتەرەن ؟
ئــانە بــۆی مــێخەک ســـوخمەی دو ڵـــبەرەن
ئەر عە‌تــرچــایی تــۆش ســەروەش کەردەن
ئەرهەنگـــوێن لەقەب شـــیرینی بەردەن
شـــێڵانە و شـــامی شــەکەر وشــەلیــل
عەتـــری‌گــــۆڵان و شــــیرینی دەلـــیل
چەن‌دوڕ و گەوهەر وە ژێـــرخاک‌کەفتــەن
چەن نـــازەنیــن و لێـــو شــەکەرخەفتــەن
شــیرینی مێـــوە و هەم عەتــری گۆڵان
هەناســە ســـەردی و هەم عەتــری دڵان
بــۆمـــێخەک و زوڵف زەردەبەی لەیلان
پەوکەی بـــۆنی عەتر وە لامــان یاوان
پەنـــد پیـــران کەرد واتـــم ئەی یــاران
وەشــــڵەی وە ئەحـــواڵ مەردەی مەزاران
✍مەرحووم مامۆسا باقی سەفاری
🎼وەنایوە خاتوو سروە عەزیزی
🔹"پەڵە" چێشا و چەنی "پەڵە" مۆ؟
یۆ چا واچا کە زوانوو فارسینە و تەنانەت زوانەکا تەرینە هەمتاش نیا واچێ بەیاگێ "پەڵە" ینە
🔸ماناو واچێ "پەڵە"ی:
▫️تیکێوە جە هەوری یا تیکێوە جە زەرحاتی یا چێوهایێ تەر ، پێسەو: پەڵە هەوری یا پەڵە خەلەی و...
▫️خاڵێوە گەورێ یا مچکلێ جە کاڵایێوە یا قسمەتێوە جە لاشەو گیانداری کە هام ڕەنگوو ماباقی ئا کاڵا یا لاشەیە نەبۆ ، مەسەڵەن ماچمێ لاشەش پەڵەپەڵە بیەن..
🔸"پەڵە" پێسە دەسە واچەی :
وارانێوە یەکڕایی و فرەن کە پاییزنە وارۆ و دەغڵ و دانش پەنە مزیۆ و هیتەش پەنە کریۆ..
🔸چەنی "پەڵە" مۆ؟
یۆ چا کەلیما کە وەڵاتوو کوردەوارینە و دلێ کەلەپوورەکەیشنە جە فەسڵوو پاییزینە قسە و باسش فرەن و حەتتا تا ڕادێوە مشتومریچش سەر کریۆ "پەڵە"ن.
خەڵکوو حەر ناوچێوە یا حەر کەسێوە پەی وێش تاریف و ڕاو وێش هەنەش سەروو "پەڵە" دای..
ئەگەر بەیمێ گردوو پەی لوایەکاما نزیک وزمێوە ، چی چن خاڵنە خولاسە بۆوە..
۱-ئەگەر جە فەسڵوو پاییزینە ئنە واران وارۆ کە تەقریبەن ۳۰ سانتێ جە دلێ زەمینی تەڕ بۆ ماچا "پەڵە"ش دان..
۲-ئەگەر پاییزنە ئنە واران وارۆ کە گاوەسنوو هیتیاری بە رەحەتی بلۆ دلێ زەمینەکەیرە ماچا "پەڵە"ش دان..
۳-ئەگەر ئنە واران وارۆ کە گردوو تۆمەکاو دلێ زەمینی بە تایبەت دەغڵ و دان ترەکۆ و چەکەرە بارۆ ماچا 'پەڵە"ش دان..
۴- ئەگەر ئنە واران وارۆ قڵوە خاکێ دلێ وشکە وەردی تاویاوە و وردێ با ، تاومێ واچمێ 'پەڵە"ش دان.
۶- ئەشۆ پاییزنە ئنە واران وارۆ کە ئاوی تازێ و کۆنێ یاواوە یۆترینی . تا رادێوە کە وشکایی چێرو زەمینینە نەمەنۆ، ئانە ئیتر تەمام 'پەڵە'ش دان.
🔹«حەقەپەڵە» ماوێوە دیاریکریان جە وەرزوو پاییزینە کە ئەشۆ چا وەختنە "پەڵە" دۆ کە جە ۱۵ گەڵاخەزانیوە دەس پەنە کەرۆ..
🔹«سەرپەڵە» وەختێوەن کە کەش و هەوا واڕیۆ و واران دەس پەنە کەرۆ ، ماچا "سەرپەڵە"ن دەس جمندێوە یا بەیدێ وێتارە ساڵە دێرەنە.
پی وەختوو ساڵێچە پاییزەرۆ"یچ ماچا چوون خەڵک فرە سەرقاڵا و ڕەتێشا وەڵاوێنێ..
🔹«گەنەپەڵە» ئەگەر پاییزنە یانێ وەختوو "حەقەپەڵە"ینە وارانی کەم وارۆ و ئا تۆمو دەغڵ و دانی دلێ زەمینینە خاس نەترەکۆ ، ماچاش "گەنەپەڵە" و پەی کشت و کاڵی دەرد واردە نیا..
🔹«پش پەڵە»ئەگەر دماو "پەڵە"ی دوێ یەرێ روێ وەرەتاو وزۆوە و جا شۆنیشرە وارانێوەتەر عال وارۆ ، پا وارانی ماچا 'پش پەڵە" کە نەفعەی فرێش هەنە ئاوێ و زەمینی و دەخڵ و دان و کشت و کاڵی
🔹«کوڵەوەهار»ئەگەر وەختوو وێشنە 'پەڵە" دۆ و دماو ئانەی چن ڕوێوە کەش و هەوا وەش بۆ و گیاو سەوز بۆ ، پەی ماوەو پانگزە بیس ڕوێوە تەبێعەت رەنگەو وەهاریش نیشۆنە کە ماچاش پەنە "کوڵەوەهار"
✍ئەنوەر وڵەدبەگی
هۆرگێڵنایوە پەی هەورامی : ساحێب حەبیبی
@karawawshamyany
پاییز بۆ و واران سەروو وێ وارۆ
هەناسەوشـاهۆی تەمـــێوە بـــارۆ
دڵ چوون پەپوولە بێ قەراریش بۆ
پەی تەوافی یار شەو بێدارایش بۆ
وەشا خەیاڵت چوون جاری جاران
بەرۆتوە وەتەن دیــــداری یــــاران
مجیرە هەرسەو دوورە وەڵاتـــی
وەتەن دیڐاریش کـەرۆ خـــەڵاتی
چەنی گۆراڵا دەسە ملان کەری
پەی سەوقاتی دڵ ئاوارە بەری
وەتەن شەماڵش خەمێ لابـــــەرۆ
بەوشە گەرمەکێش دڵ ئارام کەرۆ
نـمازۆ ساتـــێ خەفەت بۆ بـەشــت
پاییزیت مرنۆ سەوز کەرۆ کەشت
✍ #ح_خوورا
📸#ئاراس_میرزایی
@karawawshamyany
💦💦💦💦💦💦💦💦💦💦💦💦💦💦
💦
#کەمێ_خوومێ
گێڵناوە کە کەڵەشێرێوە و شێرێوە دۆس و ڕەفێقوو ڕای بێنێ..
شەوێوە کە دنیا تاریکە بیێبێرە، کەڵەشێرەکە لوا سەروو لەقێوە و وت و شێرەکەیچ وارۆ بنەو دارێوەنە مۆڵش دا..
ساعبێ زوو مامۆ کەڵەشێر دەسش کەرد وەنای و بانگ دای، ڕواسێوە فرەزانە گۆشش دەنگوو وەناکەیوە بێ ، زوو وێش یاوانا ئا یاگێ و واتش دا وەزەرە مامۆسا وەرنمایی کەرە با نماکێما بە جەماعەت وەنمێ ،خۆ وێت زانی نماو جەماعەتی چنە خەیرەش فرێنە..
کەڵەشێرەکەی وات : مامۆ ڕواس ، من تەنیا بانگ دەرنا ، ئانا ئیمامەکە وارۆ هایش کەرەوە ، ئانە منیچ ئامانیرە وار با جەماعەت کەرمێ..
شێرەکە چەمش کەوت رواسەکێ قرمناش و نەڕناش ملشرە ..
ڕواسەکێ حەر ئننەش پەنە کریا ڕەمۆ!!
کەڵەشێرەکەی وات: ئۆخر مامۆ؟
ئەی نەفەرماوات سەوابوو نماو جەماعەتی حەر مەبڕیۆوە..
ڕواسەکێچ داموو ڕەماینە واتش: بەڵێ ئیسەیچ حەر ماچوو، وەلێ ناڵ و هۆڕ و قرمەو هۆڕوو ئا بابەحیزی دەسوو دیمەکەش ماڕانی!!
ئانە ملوو دەس و دیمێوە تازە کەرووە و مەووە!!!😂😁😂
👇👇👇👇👆
🆔@karawawshamyany
💦
💦💦💦💦💦💦💦💦💦💦💦💦💦💦
کتێبی چێشتی مجیور
مامۆستا هه‌ژار موکریانی
به شی ۱۳
پەی ویناو بەشەکای تەری بەشدارێ بیدێ
👇👇👇
@karawawshamyany
#کوڵە_ڕازە
#ئینسانی_ڕەسەن_و_ڕیشەڎار
شۆفێروو کامیۆنێوە بارهۆرگیری جە دارسانێوەنە، دارێ فرێش بار کەردێ بێنێ تا بەرۆشا پەی شاری..
دماو مەودایێوە کە ڕاکێشا بڕیێ بێ وەختوو پێچنای جە پێچێوە تن و تێژو دلێ جاڎەو دارسانەکەینە، سووچوو سپەروو کامیۆنەکەی گیرش کەرد درەختێوەو مردا و ماشینەکە تەکانێ تننەش واردە و گردوو دارەکا مجیێرە..
شۆفیرە بارهۆرگیرەکە کوڕەکەیچش چەنیش بێ ، وەختێ وەستێرە و چەمشا کەوت بە سەحنەکەی ..
تاتەکە واتش کوڕەکەم؛ چی حادێسەیە ئەشۆ چێو فێر بی ، تەماشا کەرە بزانە چەنی دارێوە بێخ و بنج دار تاوانش سەڎ دارێ بێ ڕیشێ هۆرگێڵنۆوە و سەراوچێرشا کەرۆ..
هەمیشە سەعیە کەرە ڕەسەنایەتی بنەیانەیی و خواباوەڕی وێت پارێزنی کە ئینسانێوە ریشەڎار سەد ئینسانێ بێ ڕیشێ مێژۆ!!!
پەشت بەستەی و متمانە بە ئینسانێوە ڕەسەنی خاستەرا جە پەشت بەستەی بە سەڎ ئینسانێ بەڎڕەسەنێ..
ئینسانی رەسەن و ڕیشەڎار جە وەرانوەروو گیرووگرفتیوە خاستەر مردۆ و دەوامش فرەن...!
👇👇👇
@karawawshamyany
یەرێ هەقێقەتێ وەشێ یەرە چرکەبێ
1⃣خەڵکوو دەگایێوە بڕیارشا دا نماو وارانی وەنا و لاڵیاوە تا واران وارۆ..
ئا ڕوە خەڵکەکە جەمێ بیێوە پەی دۆعاو نزای تەنیا کورێوە مچکلە چەتەرەش ئاردێ بێ چەنی وێش..
👈 ئینە یانێ باوڕ ( ئیمان)
2⃣زارۆڵێوە یەک ساڵان باردێ وەروو چەماتا ، وەختێ وزیش حەوایرە ، ئاڎ خوای خوۆ ، چوونکەی زانۆ گێریشۆ..
👈ئینە یانێ متمانە..
3⃣هەر چی شەوێنێ کە وەختێ موسمێ حیچ خاتر جەمێ نیەنمێ کە ساعبێ بە سڵامەتی هایما بۆوە ، پی حاڵیچۆ هەمیسان گر شەوێ سەعاتە کۆک کەرمێ کە ساعبێ هۆربێزمێ..
👈ئینە یانێ هۆمێڎ..
👇👇👇
@karawawshamyany
کتێبی چئشتی مجیور
مامۆستا هه‌ژار موکریانی
به شی ⑨
بەشدارێ بیدێ پەی بەشەکای تەری
👇👇👇👇
@karawawshamyany
کتێبی چێشتی مجیور
مامۆستا هه‌ژار موکریانی
بەشوو ⑧ ی
پەی بەشەکای تەری بەشدارێ بیدێ
👇👇👇👇
@karawawshamyany