686
🍂دەلاقێوەپەی ویناو ویەردەیما..🍂 🌼دڵ وەشنا بە وەر ڪەوتەو سەر ڪەلای🌼 ↘ادمینهای کانال↙ @kosalan1384 @sahebhabibi1358 @paymanakaykham @Serva111
تیکێوە جە کتێبوو ؛
شازادە مچکلەی (شازدە کوچولو)
آنتوان دوسنت اگزوپری
شازادە مچکلە پەرساش:
چێش کەروو ڕەفێقەکام جیام نازا؟
ڕواسێ جواب داوە:
ئەوەڵ خاس بزانە ئانیشا ماچیشا ،
بە ڕاسی ڕەفێقێتنێ!!!!!؟؟؟؟
جا...........
#کەڕاواوشامیانی
🆔@karawawshamyany
راس واتەی ژەنێوە
ژەنێوە قسێ کەرێ واچێ ، دماو حەفڎە ساڵا ژیوای هام بەشی ، یاوانینە ، پیا زەریف تەرین بوونەوەرێوەن کە خوای خوڵقنان..
ئاڎ گر چێوش بە دەسوو وێش کەرۆ قوربانی.
جوانیش و سڵامەتی وێش کەرۆ فەداو ژەن و زاڕۆیش..
کەسێوەن کە بە ئەوپەروو هێزیش تەقالا کەرۆ تا دماڕوێوە رۆشن پەی زاڕوەکاش سازنۆ..
کە چێش پەیتا پەیتا تووشوو مەنع و لۆمەی مێ:
ئەگەر پەی سەیران و گێڵایێوە چەنی ڕەفێقا یانەنە بزیۆرە ، ماچا پیایێوە بێ خەیاڵ و سەرسەرین..
ئەگەر یانەنە مەزیۆرە ، ماچا تەمەڵ و تڕ زلا..
ئەگەر جە پەروردەو زارۆڵانە ، کەمێ تووڕە بۆ ماچا ، ئەجۆ کێفیلە و وەحشین..
ئەگەر نازۆ ، ژەنەکێش جبەرۆ کار کەرۆ ، ماچا چە وێش بە زل زانۆ و خانەگومانا
ئەگەر قەوڵوو ئەڎایش کەرۆ ماچا ، تەرسنۆک و ئەدا دەللەن ..
ئەگەر قەوڵوو خێزانێش کەرۆ ، ماچا بیە چنە ژەن ئاغە و چێرکولەن..
پی حالیچۆ تاتە ، تەنیا پیایێوەن جە دنیانە ، کە:
حەز کەرۆ زاڕوەکاش جە گر رەوتێنە جە وێش عالتەر بەر بەیا..
تاتە کەسێوەن کە؛ ئاشقوو زاڕوەکاشا ، حەتتا وەختێوەیچ کە چەنەشا نا هومێڎ بۆ ، لاڵیۆوە وەنەو خوای پارێزنۆشا و عالتەرین دمارۆشا بە نەسیب کەرۆ..
تاتە کەسێوەن کە ؛ ناڕەحەتی زاڕوەکاش وزۆ کوڵێ وێش ؛ چە جە سەردەموو زارۆڵەیینە وەختێ زارۆ دارە دارە کەرۆ و پا منیۆ سەروو قاچ وقولوو تاتەیشرە و چە وەختێ کە گەورە بیەن و دڵوو تاتەیش ماڕۆ..
تاتە کەسێوەن کە؛ عالتەرین چێوەکاش یا دار و نەدارش بەخشۆ بە زاڕوەکاش..
ئەگەر ئەڎا بە ناچاری ئەشۆ نۆ مانگێ تاقەت بارۆ و ئازاروو دووە گیان بیەی چەشۆ، تاتە تەماموو عومریش ئینا دلێ تەرسێ و دڵ ڕاوکێنە پەی زاڕۆڵەکاش..
حاڵوو دنیای وەشا ؛
وەختێ حاڵوو تاتەو یانەی وەش بۆ..
📝کامیل ئاغابەیگ پوور
هۆر گێڵنایوە: ساحێب حەبیبی
@karawawshamyany
🌸کسب افتخاری دیگر برای #کراباد
خوشبختانە کاک متین رحمانی فرزند کاک تحسین در مسابقات استانی یازدهمین دوره ی جشنوارە نوجوان خوارزمی در رشتە ی عکاسی مقام اول استانی را با نمره ی کامل ۱۰۰ کسب کردە است و بە مرحلەی کشوری راە یافتە است.
کسب این مقام مهم را بە متین و خانوادە ی محترم رحمانی تبریک عرض می نماییم و از پرسنل مدرسه ی صلاح الدین ایوبی کراباد بابت پرورش و هدایت این چنین استعدادهایی نهایت تشکر را داریم.
به امید موفقیت های بیشتر برای متین در مراحل بالاتر ..
وجود چنین کسانی باعث افتخار و سربلندی زادگاه عزیزمان کراباد خواهد شد.
امیدواریم که دیگر عزیزان هم در زمینه های دیگر کسب مقام نمایند و هر روز بهتر از پیش کراباد را آیاد و آباد تر نمایند.
@karawawshamyany
کۆساڵان
هانەو حەمە ئاغەی
@karawawshamyany
دراین روزگارسخت بایدخودمان رارهاکنیم به کوه، جنگل وطبیعت تابرای آرامش مان تلاش کنیم وبراستی که زیبائیهای طبیعت دیدن دارد فقط بایدچشمانمان رابازکرده ونوع نگاه و زاویه دیدمان رانسبت به زیبائیهای طبیعت تغیردهیم چون اگرراهی بتواندازراه دیگری بهترباشدآن راه طبیعت است
@karawawshamyany
عظمت یک ملت وپیشرفت اخلاقی آن را میتوان با نحوە برخوردباحیوانات قضاوت کرد
"گاندی"
@karawawshamyany
ژیوای نەوەدڵی
دەمەو عەسر بێ. کەردەبێم قەڐ سوورەتفەکێ و خەریکوو سوورەتف واردەی بێنێ. دەم و لووت و گپ و گرد گیانم سوور بیەبێ. ئەڐام حەر پاسە کە ئەمباریەکەنە خەریکوو نانکەردەی بێ، چڕیش: ئا بۆ واری کناچێ هەم کەردتوە سەرلەق؟ عەیبەن، شوورەیەن، یۆ مەوینۆت ئاوڕووما مەشۆ. ئیسە بابەت مەیوە با تووڕە نەوۆ وەنەت. واتم دەی چێشم کەردەن ئەڐا گیان؟ ئاوڕووما چی مەشۆ؟ خۆ هیچ گوناحیەم نەکەردێنە خەریکەنان تفی موەروو.
ئااااای ئیسەیچ نەزانام چی حەرچی کار بێ پەی من عەیبە بێ وەلێم پەی براکانم نا.
ماچۆ دەی خاسەن دڵنیا هەم بەزمێ مەنیەوە لەقوو سوورەتفێ ترتەن نەکای ماڕیۆ بگنی واری، واتم نا ئەڐا، هۆشم هەن پام ئینا سەروو لەقوو تفە چەرمەکێوە. ئاخور بابەم سوورەتفەکێش پێوەن کەردێبێ بە تفەچەرمەکێوە.
گۆشم پەنەبێ چەوەسوە عەلاو لالۆ ئەحمەڐی چڕایچڕێ: هۆۆۆۆۆ دڵنیا دڵنیا، فرە دوور بێ چەنەم من سەر لەقوو تفەکێوە ئاڐی وینێنێ. بەڵام ئاڐ من نەوینێ. منیچ واتم هۆۆۆۆۆۆ بەڵێ لالۆ عەلا. ماچۆ عازا کەردێ کناچێ یۆتا بەیدێ پەی مەخابراتی کەماڵی برات بەندەروە زەنگش دان. ئەڐایچم گۆشش پەنەبێ. ماچۆ عازا کەرە ڕۆڵە لوە بزانە کاکەت کارش چێشەن؟ من دەسم گیریان نمەتاوو بلوو.
گورج قەڐ درەختیوە بازیەم دا و ئامان واری.
ئەڐام چەمش چۆوە بێ، ماچۆ ئەی لوە یاخوڐا ڕاسە نەویوە کناچێ پەی ئا بازێ بەردەت. پەلەپەل دلێ قەمێو حەیوانەکەینە شڵپیە ئاویم دا ڕوێموە، گەرەکم بێ سیپاڵەکێم بواڕوو کە پەڕێ بێنێ سوورەتفی، ئەڐام ماچۆ دەی گورج کەرە ئیسە کەی وەختوو ئانەیەنە؟ درەنڐەن لوە و زوو بۆرێوە وەلێم ئاممان باسوو یانەو مامۆیت نەکەری، هەرچیش پەرسا باچە جاریە مەعلووم نییەن. منیچ وەروو وێمەرە واچێنی: دەی خۆ عاقیبەت هەر مەزانۆ. ئەڐام ئەژنەویش ماچۆ: تۆ کارت نەوۆ ئا وەختە فکریەش مەکەرمێ. با کوڕەکە غەریویەنە خەفەت نوەرۆ. هۆۆۆۆۆ دڵنیا هۆشت دەمیتوە بۆ، قسێ نەپڕۆ دەمتەنە.
حەر پا سەر و وەزعیوە پڕانیەرە سەرەوچێری. لاو یانەو مامۆیمەنە ویەردانیرە، کەمیە مدرانی و ڕانەلواکەیم یەواش کەردوە. چەمیەم وست، شەتاوە باڵکونەنە بێ دیا پەیم و سەرەش وستەرە، خەمیە قووڵ دڵشەنە بێ. دیار بێ دەنگوو لالۆ عەلایش ئەژنەویەبێ و زانابێش کاکەم زەنگش دان. منیچ بێ ئینە سڵام کەروو هەمتەر دام گازەرە و پێسەو میکی ویەردانیەرە. ئەننە تن لوێنی، سەرەوچێرەکەو دووکانوو کاکە عەباسینە سەرسمیەم دا وەختە بێ ملم ماڕیۆ. حەتا یاوان لاو مەخابراتی هناسەبڕکێم پەنە کەوتێبێ. لوانی دلێ مەخابراتی، سڵاموو لالۆ عەلایم کەرد و لوانی دلێ ئوتاقەو تەلەفوونەکەی و نەمام گۆشی. شۆنەو هەواڵپەرسیەرە ئەوەڵ قسێو کاکەیم ئینێ بێ:
ئەی دەنگوباسوو یانەو مامۆیم؟ جە شەتاوێ چ خەوەر؟ هێشتار جواوشا نەڐانوە؟
کاکەم چن ساڵێ بێ هەر داواو شەتاوەو مامۆیم کەرێ. هەم وێش و هەم مامۆم ڕازیێ بێنێ بەڵام مامۆژەنیم بیەبێ باییسوو ئی دوە عاشقیە.
کاکەی فەقیرم نەزانێ شەتاوە مارە بڕیاینە پەی کوڕوو لالۆیش.
منیچ هیچم نەدرکنا تەنیا واتم هیچ خەبەریە نییەن کاکە گیان. هیچشا نواتەن جاریە.
ماویەش پەنە شی و کاکەم ئاماوە مەرەخەسی. حەر ئا ڕوە چەنی ڕەفێقانش زیابێرە گردشا پەنە واتەبێ. ئاماوە یانە کەردش دوغڵم و دۆیە چەنی ئەڐایم و بابەیم، حەر نەوۆوە. ئیننە تووڕە بێ تا دوێ یەرێ ڕۆی چەنی هیچکامیما قسێ نەکەرێ. خەم و پەژارەو دنیای سەرەش کەردەبێنە.
شۆنەو ماویەرە قاڵ کەوتەرە و واتشا زەماوەننەو شەتاوێنە. ئامێ شۆنیما بەڵام هیچکاممان زاتما نەوێ وەروو کاکە کەماڵیم نامێو زەماوەننێ بەرم.
چن ڕۆی دماتەر سەروو سفرەیوە نیشتێبێنمێرە و خەریکوو نانواردەی بێنم، مەڵڵا مزگینە جاڕش دا ماچۆ: عەشرەتی مسڵمانوو...... زەحمەت کێشدێ بەیدێ پەی سەروو زیارەتی شەتاوەی کناچێو کاکە ڕەسووڵی ئەمرەو خوڐایش کەردێنە. گردێما واقما پڕابێ یەکترینیەرە و باوەڕ نەکەرێنمێ.
دماتەر کەوت بەروە شەتاوە چون بەزۆرەملێو ئەڐایش شووش کەردەبێ حمامەنە نەفتەش کەردێبێ وێشەرە و وێش گڕ دابێ و کۆتاییش دابێ بە ژیوای نەوەدڵیش.😔😔
نویستەی: گۆنا
1402/1/30
@karawawshamyany
بابە، کۆڵەکێو یانەی
شەوگاروو پاییزی بێ و لالۆ عەلی چەنی ژەن و زاوڕۆکەیش نیشتێێنێرە و خەریکوو گۆرەوەبازی و شۆخی کەردەی بێنێ. چەولایچوە نەشمینەی کناچێش تفە وشکێ و هەنجیرە وشکێ و هنار و چێوش نیابێرە. تەماشاو سەعاتێش کەرد چێش سەعات دە بێ و وەختوو وتەیش. لالۆ عەلی کارش فرە سەخت بێ، پەوکەی مەشیایە شەوانەی زوو بووتایە. هەرچی ڕۆی بێنێ سۆحی زوو وەر نەزیێ لالۆ عەلی هۆرزێ نماکێش وانێ و نان و چایە وەرێ و نامێو خودٚای بەرێ. لوێنە مێدٚانوو شاری مدرێرە پەی کاریگەری. ڕۆ بێ کارش پەی بێ و ڕۆیچ بێ بێکار مەنێوە. ئاخر گردکەس حەز کەرێ کاریگەری جوان و هێزدار کارش پەی کەرۆ. چن ڕۆی هەر پاسە لوا مێدٚانوو شاری مدرارە بەڵام هەر بێکار ئاماوە، هەوایچ سەردش کەردەبێ و کار کەم بیەبێوە.
تا ڕۆیەشا کە پێسەو جاران ماتڵوو کاری بێ کوڕیە جوانی وەش پەنە کەوتە ئاما شۆنەو کاریگەریرە، جگەم لالۆ عەلی کەس چاگە نەوێ. ناعیلاجی واتش پادٚی.
_ لالۆ گیان متاوی کار کەری؟
_ ئەری وەڵڵا کاکە گیان مەدٚیە ڕیشی چەرمەیمرە، حەر کاریە بۆ مەکەروو.
لالۆ عەلی دلێ دڵێشەنە واچێ خودٚاگیان ئینە چن ڕۆی خەجاڵەتوو لاو ژەن و زاوڕۆیمەنا، هەزار مەرتەبێ شوکرت.
چەنی کابرای بە ماشین کەوتێ ڕا و یاوای یانە. ماچۆ لالۆ گیان ئادەی زوو کەرە قوربانەت بیەنا، ئیسە هۆسا مەی تاقم پەی مدٚۆ وەنە. ماسە و سیمانەکەی گێرەوە با حازر بۆ. لالۆ عەلی نامیو خودٚایش بەردە و دەسش پەنە کەرد. پاسە کە گێڵنێنێوە لالۆ عەلی بە جوانی فرە زرنگ بیەبێ و پەی هیچ هەرمانیە وێش نەکڵاشێ. بەڵام ئیسە فەقیرە پیر بیەبێ و پێسەو جاران هێزوو کاریش نەمەنەبێ، بەڵام مەجبوور بێ. گردش ئامادە کەرد، ماسە و سیمانش گێرتوە، بۆشکێش پەڕ کەردێ ئاوی و ئاجۆڕێش نزیکێ کەردێوە و.... هۆسایچ چنی دوێ کارگەرێ تەری ئامای و دەسشا پەنە کەرد. تا نیمەڕۆ بی. سەنگینی کاری لایەوە، لووتە لووتوو ساحێو یانەی لایەوە. حەر کاریگەر و هۆسا نەیاوایبێنێ وەرۆ دەس و پل شۆران، خانمەو یانەی بە فیز و عینوانوە ماچۆ : وەی پا سیپاڵانوە نەیدێ یانە! عازا ڕەما پەتوە کۆنیەش ئارد و یاواشەرە دلێ حەوشەکێ وەروو سەردا و سڵێوەیوە و بە هەزار منەتێ نان و چاییش دا بە کاریگەران. هۆساکە فرە ناڕەحەت بی، بەڵام لالۆ عەلی واتش: کاکە گیان وەڵڵا من هۆرزا و ئەرەنیشتی چینەی خراوتەریچم دیەن، مزانوو وێچت فرە یاگان کارت کەردەن و چەمت پەنە کەوتەن ئۆسا گیان، بەڵام چێش کەرمێ مەجبوورێنم.
لالۆ عەلی قسێ نەدرکیای فرێ لەمەشنە بێنێ، مەگەر خودٚا وێش بزانۆ چی ساڵانەنە چێشش کێشان، چەنی دڵە پاک و بێ گەردەش ئێشنانشا و لاو کەسیچوە باسش نەکەردەن.
گەرکمەن باچوو ئیسە هەرچی هەنمێ و هەر یاگیە یاواینم بە ڕەنجوو شانەو بابە زەحمەت کێشەکانما بییەن. ئا ڕۆیانە وەششان نەویاردێ و بە سەختی دایشان سەر تا ئێمە وەشما بۆ تا ئێمە وەشحاڵ کەرانێ، ئا ڕۆیانە کە جوانیشا نەکەرد، قسێ و تانە و تەشەروو هەر کەس و ناکەسیەشا کێشای تا ئێمە بیاونان پەنە. ئا ڕۆیانە باوردێ وەروو چەمان. ئەگەر هەرچی ڕۆن ئا دەسە زەخمارێ و ئەوەترەکاشا ماچ کەرمێ، هێشتار نمەتاومێ قەرەبوو زەڕیە جە زەحمەتەکاشا کەرمێوە.
بیەو بابەی یانەنە، یانێ دڵگەرمی، یانێ وەشەویسی یانێ ئارامش. بابەکێما ویر نەشاوە، تا هەنێ قەدٚرشا بزانم.❤️❤️
نویستەی: گۆنا
@hawramiyana
1402/8/27
لەقۆر نیای دلێ تاریکابینە
حەر پارشێو دەس کەرێ هەرمان کەردەی ، هەمیر شێلای و نان پەتەی ، گاو دۆشتەی و تاقەت کەردەی مەڕ و ماڵاتی ، گەوڕماڵای و ...
لەتەرە رێستەی ، سازکەردەی نان و چای پەی دەشتەوانا، گزی دای حەر جە دیوەخان و تا وەرە بەرە، هەڵیزژەنای و سیراج گرینای و کەشک نیایوەو و تەپاڵە پەتەی پەی تەنوورەو زمسانی ، ئاویەدای و چەرمەکەردەیوەو دیواروو یانا، هێلەساو دای وەربان و بانجەڵەی و .... پێسەو شمقاری حەر ئاماو لواینە بێ ، تازە دماو ئی گردە مەینەتی و هەرمانا لوێ یاردی پیایا ، کێشە کەردەی و گەرە کەردەی و ...
هەمیشە ئاغەژەنەکا و دەگای واچێنێ بە خانمێ وەشڵەیت پەنە پەی کارەکەرێت..
ئی کارەکەرێ بێجگەم ئینیشا فرەیچ دەس ڕەنگینە بێ ، جە نیای سەروو فرەو چاشتا ، هەراڵ وستەی و کونە و هەڵیز وەش کەردەی ، کڵاو و پووزەوانەو گۆرەوەچنیەی و فرێوە تەر هەرمانێ عالێ..
جیا چینیشا چێوێ فرە بەڵاجەوی، دڵسۆزی جە رادە بەدەریش بێ پەی ئی بنەیانەیە ، وەختێ چەنی چەرچی و قەرەچی و وردەواڵە ورەشوو دلێ دەگای گنە چەقە کەردەی تا چێوێ کە یانەو ئاغەی لازمشا بێ سانۆش بە دوێ قەرانێ هەرزان تەر ، ژەنە هامسێ دەسکەرێنێ مەسخەرەکەردەی پەنەش و سەرە نیێنێ سەرش واچێنێ راسی تۆ چەنی خانمێ بنەڕەت مامۆزێ نیەندێ؟!
ڕوێ یانەو ئاغەی لوێ سەیران، یەکڕا تووششا بی تووشوو گاوێوە شێتێوە، ئنەش نەمەنەبێ گاوە شێتەی چەم سوورە خانمێ پڵۆسنۆرە، کە چێش ئی کناچێ نەتەرسانە لوا وەرۆ دەسش کەرد خاک پژگنای دلێ چەماو گاوە شێتەکێرە، دوێ یەرێ پیایێ ئامێ یاردیشا، قێڕناش کامتا فرەتەر زۆردارا، کلکیش گێرۆ و ئەویچتا بە تێڵا کێشۆ بەینوو شاخاشرە تا ئەویشایچ وەرێسە وزا ملش و گێراش ..
ئی کارشە دلێ دەگاینە دەنگش داوە، کە چێش ڕۆێ دماو ئانەی وەختێ زاڕۆڵەکەو یانەو خانمێش ماچ کەرد ، واتەشا پەنە ، هەینا نەخڵەتیەی رایێ تەر غەڵەتی چینە نەکەری، تۆ هامشانوو ئێمە نیەنی!!!!
تەنیا کوڕێوە وارەزاش بێ بەین بەین ئێ سەرش دێ . پاسە دیار بێ جە ماوەو ژیوایشنە دڵسۆزێوە چانەش نەبیەبێ . وەختێ هەواڵوو جوانەمەرگ بیەی وارزەکایش ژنەوت ، دەموو هەرمانێوە کەمێ هەرسیش چکنێرە ، حەتتا خانمە ئیجازەش نەڎا پەی ماوێوە بلۆوە پەی وەڵاتوو وێشا و لاو واڵەکەێشۆ نیشۆ، واتش لازم نیا بلی ،کەچێش ؛ وەختێ کناچێ ئی بنەماڵەیە دلێنە شیە جە ئەڎایش فرەتەر گرەوێش پەی و وێش ڕنێ و سەروو زیارەتاوە پێسەو عازیەتباری کڵوانەکەش پێچەوانە کەردەبێش کۆڵش و بە دەموو گرەوەیوە، هۆڕیوە ئی شێعرێ چنێ کناچەکێرە:
شەرەتە بی پۆشم بەرگی ڕەش دیوار
بە شوێنتا وێڵ بم هەوارە و هەوار
دماو چنەها ساڵا کارەکەری و بارەبەری ، زمسانوو پیری ئاما ملشرە ، بە چەمێ کەم حوکمێ و گۆشێ سەنگینێ و مازیێوە کووڕ ، وێش تاق و تەنیا یانێوەنە ژیوێ ئنەو ئاساوی ئاو چەنە بڕیای چۆڵ بێ ، تووشوو چنەها نەوەشیێ ڕۆحی و رەوانیێ و وەهم و خەیاڵی و پەرێشانی بیێ بێ ، ئاخرش روێوە بە داماگی و زەلیلی سەرەش نیاوە ، چن کەسێوە ڕاو خواینە ئەسپەردەشا کەردە و نامێش نامگانە نەمەنە..
پیرە پیایێوە واچێ کەسێ نەزانۆ گرەوۆ پەی مەردەو وێش ، وێچش حەر گوڕ بە گوڕ بۆ..
گۆستاف فلۆبێر / حسن افشار
وانەری وەشەویس!
ئا کناچێ سەرەڕاو ئا گرد هێز و توانایشە کە بێش و ئا گردە حەنەرا چەنەش خێزیێنێ ، حیچ وەنایێوەش جە ئینسانیەت و ژەنیەتوو وێش نەبێش ، بە شێوێوە بەڵاجەوی یانەو ئاغەبش جە وێش فرەتەر گەرەکێ بیێنێ ، حەر پا بۆنەوە بیێ بێ بەڵاگەردانوو ئی خانەوادەیەو بە شادی و وەشی ئایشا وەشش بێ و بە خەمبشا خەمبارە بێ..
ڕەنگا ئا ژەنێ نانێوەش چەنی ئێمەی کوردی واردێ بۆ، ئێمە بە درێژایی ویەردەی کەواسووروو وەڵێ لەشکەروو بێگانەی بیێنمێ ، دڵسۆزی فرەما پەی ئەدەب و هونەر و موسیقاو بێگانەی ئرمانان ، وەلێ بە داخەوە پەی وێما پاسێ نیەنمێ و پەرێشان حاڵێنمێ😔
عیسا ئەحمەدی / ساحێب حەبیبی
@karawawshamyany
✅ درێژەو هەرمانە فەرهەنگی و ئەدەبیەکاو ئەنجومەنوو ڕۆجیاری، پەی وەرزەو هامنی
✅ کومیتەو ئەدەبیاتوو زاڕۆڵا بەرۆ ڕاوە
✅ گرد یەرەشەممێ سەعاتەو 16ی هەتا 17:30ی
✅ کەلاسەو داستانێ، ڕازێ، کتێب وانای، مەهارەت و شێوەو ژیوای، هێز بەخشای بە ئاوەز و ویروو زاڕۆڵا
✅ یاگێ: ئێدارەو فەرهەنگ و ئێرشادوو مەریوانی، دەفتەروو ئەنجومەنوو ڕۆجیاری
✅ گرد زاڕۆڵێوە تاوۆ بەشداری کەرۆ
♦️پەی نامنویسی: ڕۆدیاروو شەممەی 28وو مانگەو کۆپڕی گرد ڕوێ، بە ماوەو یەک حەفتەی، وەڵێ نیمەڕۆی سەعات 9 تا 11 تەشریف باردێ پەی دەفتەروو ڕۆجیاری/ یام ئەپی ژمارە تەلەفوونا پێوەندی گێردێ:
1-09184856805
2-09901143732
✅ کومیتەو ئەدەبیاتوو زاڕۆڵا سەر بە ئەنجومەنوو ڕۆجیاری
/channel/AnjomanooRojyari
📇#ژیان_نامەی_شاعێر
پیرەمێرد یان حاجی تۆفیق بەگ
داستانەو ئەسێ
بەشوو دوانزەی
نزیکەو نەورۆزی بێ. پێسەو ساڵان وێم وست ڕا و بڕێو واردەمەنیم پێچنا و هیتیە پانتۆڵێ پیانێم کەردێ پا و نەمام بێڵەکانەکەی کە وەروو بەرەیەنە هۆرسپاریابێ. لوان شۆنەو مەتی سەلمای پێوەرە بلمێ پەی کەشی بەشکەم کەمێو گەوڵە و قنگەر باورمێ. هەرچی تەقەم دا جوابش نەڏاوە. فرە تەرسان واتم مەتی سەلما هەمیشە چەنی بانگوو سۆحی هایە بیەنە! دیسان تەقەم دا و بەرەش واز نەکەرد وەختارێ بۆقەم نیا بەرەکەیوە و وازم کەرد، چەمم کەوت بە مەتی سەلمای ڕاڕەوەکەنە کەوتێبێ. دەسم بەرد پەی دەسانش چیای بیەبێنێوە. گورج زانام عەمرەو خوڏایش کەردێنە. کەوتانوە ویروو دەسە سەردەکانوو کەیوانی. ئا شەوە تاڵە بەڏیۆمنێ گردش پێسەو فیلمی وەروو چەمانمەنە ویەرد.
مەتی سەلمای فەقیرە سۆح زوو هۆرزایبێ دەسودیم گێرۆ پەی نماو سۆحی سەکتەی دایبێ وەنە و کوتوپڕ عەمرەو خوڏایش کەردێبێ. دیسان ڕۆزگار عەزیزیەتەرش جە من ئەسەبێ. دیسان بە مەرگوو وەشەویسیەتەریم منش تاقی کەردێبێنێوە.
چی دنیانە جگەم مامۆیم و مەتی سەلمای کە دڵسۆزێم بێنێ کەسی شکە نەوەرێنێ. مەتی سەلمایچ بە داخ و خەفەتوە جیاش ئاستانی. مەتی سەلمایچ بێ کەس و تەنیا ئی دنیاشە ئاست جیا. فەقیرێ جگەم دادە فەریدەی خۆ کەسش نەوێ. ئاڏیچە دوورە بێ، نە تەلەفوون بێ و نە هیچ تا یۆ خەوەرشا بڏۆ پەنە، حەتا یاوا وەروە مەتی سەلما ئەسپەردێ کریایبێ.
دلێ پەرسەکەینە چەمم کەوت بە فەریدی دیسان هەر ئا فەریدوو وەڵێ هیچ نواڕیابێ. چەمێش پەڕێ بێنێ هەرسی. سەرەوەشیم پەنە وات و زیانیرە.
ئیتر من تەنیا پاڵپەشتم مامۆم بێ، فرە تەرسێنێ مامۆمیچم بازۆم جیا.
دماو پەرسەو مەتی سەلمای، جە دادە فەریدەی ئیزنم گێرت و چێرخانەکەو یانەو مەتی سەلمایم گێرت کرها. پا پووڵیە کە جە کڵاش کەردەی گلێرم کەردەبێوە کرهاو ئەوەڵ مانگیم زووتەر جە واڏەی دا پەنەش.
چێرخانەکەم کەردەبێ کەڵاسەو کڵاش چنیەی. چاگە ئا ژەن و کناچڵە کە حەزشا کەردایە ئەینێ پەی لایم و منیچ تا ئا یاگێ چەنەم بەر بامایە بە گیان و دڵ فێرێشا کەرێنێ. دماو دوێ ساڵان هەر ئینە کارم بێ شاگردەکێم ڕۆ بە ڕۆ فرەتەرێ بێنێ و شوکر پەی خوڏای بەشوو خەرجیو وێم بەر ئاورێنێ. بەڵام دماو دوێ ساڵێ مامۆژەنیم نوەشیەش گرت. کەسی نەزاناش چێش بی. هەرچی ئامە و لواو دوکتریش کەرد بێ فایڏە بێ. عاقیبەت دوکتری واتەبێ قەنش لوان سەر و دێر ئاوردێنەتان و چارش نیەن. ئا لاشە زلە هەیکەڵیە وەروو نوەشی تاویاوە و بی ئاوی و کەم کەم چەمێچش دەس دای و پەی هەمیشەی یانە نشینە بیە. ئیتر من ناچارە بیان کەڵاسەکێ تەحتیل کەروونە تا بیاوو هەرمانێو یانەو مامۆیمەرە. بەڵام یانەنە هەر گرجاریە کڵاشێ چنێنێ.
مامۆژەنیچم نە ئەڏاش مەنێبێ بیاوۆ فریاش و نە واڵێچش بێ. هەرچن دیلانە بێ، بەڵام نەتاوێ بڕیە کارێ کەرۆ. چوون مامۆژەنیم هەر فێرەش نەکەردێبێ. بنیاڏەم تا ئەوەجەش نەگنۆ فێرو هەرمانان نمەوۆ، خۆ پێسەو من نەوێ هەر بە زاوڕۆیی گرد کاریەم پەنە کریابێ، ئاڏە بەنازوە گەورێ بیەبێ.
ڕۆیەشا کە مامۆژەنێم حمام دێنێ، کەوتانوە ویروو قسەکاش کە بە ئەڏایم واتەبێش ئەڏا فەلەجەکێت و ... . واچێشی هەر ئیسەنە گردوو قسەکانش و تانە و تەشەرەکانش دلێ مەژگیمەنە بێنێ. بەڵام ئیسە وێچش جە ئەڏایم خراوتەرش وەنە قۆمیابێ . حەز کەرێنێ گردی باوروو ڕوەش. بەڵام دڵم سووچێ پەیش. لەشی ساق نەعمعتەن، چن سەختەن سڵامەتیت جە دەس بڏەینە و موحتاجوو یۆتەری بی. حمامەنە دەسش کەرد گرەوای و واتش من بەخشە ئەسرین گیان فرە عەزیەتم کەردی، فرە قسێم پەنە کەردی. ئیسەیچ تەنیا تۆ دەردەم موەری. واتم مامۆژەن ئەرکوو وێمەن تۆیچ پەی من فرە زەحمەتت کێشان و حەراڵەم کەردێنی. بەڵام نەک هەر بە دەم بەڵکوو بەدڵ بەخشام. بە حورمەتوو ئا نان و نمەکیە یانەو مامۆیم واردەبێم. بە حورمەتوو ئا ساڵانە چەنیشا ژیوای بێنێ. هەر چن سەخت ویەردەبێ پەیم بەڵام خۆ لای کەمەکەش شەوانە یاگێو گەرمەم بێ پەی وتەیم. ئەگەر ئاڏیچێ نەویاینێ ئاوارێ و وێڵ و واوەیلانە بێنێ. هەر ئانە سەرش ئامەبێ گەورەتەرین موجازات بێ پەیش. ئیتر چی منیچ دڵم بێشنایە.؟
درێژەش هەن...
نویستەی: گۆنا
@karawawshamyany
🔶درخشش رزمی‌کاران مریوانی در مسابقات انتخابی تیم ملی کان خمر(بوکس کامبوجی)
🔹چهار رزمی‌کار شایسته از مریوان در قالب تیم استان کردستان، در مسابقات انتخابی تیم ملی کان خمر (بوکس کامبوجی)اعزامی به مسابقات جهانی 2025 کامبوج به میزبانی استان تهران درتاریخ19/04/1404 خوش درخشیدند و موفق به کسب مقام‌های برتر در رده‌های سنی نوجوانان و بزرگسالان شدند.
🔹 کومار عبدالهی در وزن +90 کیلوگرم رده بزرگسالان، مدال برنز
🔹 زانا دانشیار در وزن -67 کیلوگرم رده بزرگسالان، مدال برنز
🔹 پارسا نادری در وزن -45 کیلوگرم رده نوجوانان، مدال نقره
🔹 دیار کرمانی در وزن +65 کیلوگرم رده نوجوانان، مدال نقره
🔹هدایت این تیم بر عهده #جسیم_حاصلی مربی شایسته و توانمند مریوانی بود و توانستند مقام دوم این مسابقات را کسب نمایند، بدون شک موفقیت این ورزشکاران، نشان از ظرفیت بالای رزمی‌کاران منطقه و پتانسیل بالای استان کردستان در رشته کان خمر دارد. برای این ورزشکاران عزیر آرزوی موفقیت و سربلندی داریم.
هیواو سەرکەوتەی فرەتەریما هەنە پەی کاک جەسیم حاسڵی، موەفەق و سەربەرز بۆ یاخوا
#کەڕاواوشامیانی
@karawawshamyany
دوێ ئەسەرێ هونەریێ فرە زەریفێ ، هەرمانەو دوێ واڵا
خاتوو زیلان و خاتوو کەژین شیروان کناچێ کاک کاوەی
هیواو تەمەن درێژی و سەرکەوتەیما هەن پەیشا
بە ئومیدوو دماروێوە رۆشنی پەی ئی دوە گوڵەو وەهاری..
@karawawshamyany
#سیاوچەمانە
بۆ وەش گیان
#ماموسا_عوسمان
@karawawshamyany
🍂💦🍂💦🍂💦🍂💦🍂💦🍂💦🍂🍂
یەرێ حەکایەتێ وەشێ جە شێخی سەعدی
🌺🌸🌺
جە پیایێوە کاسبی پەرساشا؟
ئەرێ کاکە؛ چی کوڵانە چۆڵ و هۆڵێنە، کە حیچ کەس گوزەر مەکەرۆ چەنی رسق پێڎا کەری؟
ماچۆ : ئا خوا کە، مەلایێکەو گیانکێشتەیش وڵاووڵ گێڵۆ شۆنیمرە ، چەنی مەلایێکەو رسق و ڕۆزیش گومم کەرۆ..!!!!؟؟؟
🌺🌸🌺
کوڕێوە عال و وەش ئێخلاق ، وەلێ فرە فەقیر و هەژار ،لوا داواو کناچێوە...
تاتەو کناچەکێ وات:
تۆ فەقیرنی و کناچێ من ، سەختیش نەکێشتەن، تاقەتوو رەنج و مەینەتیش نیا ، من کناچێ بە تۆ مەڎەو...!!!
شۆنی ماوێوەرە کوڕێوە دەوڵەمەن ، وەلێ بێ ئێخلاق و لابالین لوا داواو ئا کناچێ ، تاتەکەش قەوڵش پەنە دا و پەی ئێخلاقی گولیچش ماچۆ :
حیچ نیا ،ان شااللە خوا ڕانموونیش کەرۆ...
کناچەکێ وات :
تاتە گیان ؛ چی ئا خوا کە ڕانموونی بەننەکاش کەرۆ ، چەنی ئا خوایە کە رسق و رۆزی مۆ ، یۆ نیەنێ !!!!!!!!؟؟؟؟؟
🌺🌸🌺
پەرساشا جە حاتەمی تایی : کەست چەم پەنە کەوتەن جە وێت دەس و دڵ بازتەر بۆ ؟
واتش : بەڵێ... پیایێوە بێ داراییش دوێ مەیێ بێنێ ، شەوێ یوەشا سەرەش بڕیە پەیم ، وەختێ تاریفێ یەهەرەکەیش دام ، ساعبێ یەهەروو ئەو مەیەکێچش پەی برێشتا....!!!
واتشا: تۆ چێشت کەرد ؟
ماچۆ: من ۵۰۰ سەرێ مەیم دا پەنە..
واتشا: پەس تۆ دەس و دڵ باز تەرنی ...!!
ماچۆ : نا، چوون ئاڎ هەر چێش بێ داش بە من !!
وەلێ من بەشێوە فرە کەم جە ماڵەکەیم دام پاڎی....!!!!
هۆرگێڵنایوە: ساحێب حەبیبی
@karawawshamyany
فیدای دیدەت بام، وە بێ مەی مەستەن
نیـگای دیدەی تــۆ ، بـادەی ئەلـەستەن
بـەھــای نـیـگـای تــۆ گـیـان ئـاڵـەمـەن
زەڕەی مـەیـلەکــەت شــەفای ناڵەمەن
حەزرەت مەولەوی
@karawawshamyany
مامۆسایان عۆسمان هەورامی و جەمیل نەوسووڏی🎤
ئامان هەی ئازیز🎼
هەوارگەی نازاران
کیانەر: ئێقباڵ ئەمینی
@karawawshamyany
#کوڵەڕازە
پەی مووچیاری
تووتێوە لاو شێرێورە گوزەر کەرێ وەختێ زاناش وتەن ، وەرێسێوەش ئاردەو شێرەکەش تن بەستۆ دارێوەرە..
شێرەکە هایش بیوە حەر چێش کەرد نەتاواش گرێ وەرێسەکێ کەرۆوە و وێش وەردۆوە..
چا وەختنە هەرێوە پارە لوای لوێ ، شێرەکە چڕیش وەنە ،ماچۆ: ئەگەر تاوی وەرم دەی، نیمەو ئی دارسانی کەروو نامێتۆ ، هەرەکە کەمێ ئی پاو ئەوپاش کەرد و لوا وەرێسەکێش کەردەوە و شێرەکەش رزگار کەرد..
شێرەکە وەختێ زاناش نەجاتش بیەن کەمێ تەپ و تۆزوو وێش تەکناش و ماچۆ بە هەرەکەی ، من نیمەو دارسانەکەیت مەڎەو پەنە !
هەرەکە سەرەش سڕ مەنە و ماچۆ : خۆ تۆ وێت قەوڵت دا !
شێرەکە ماچۆ : من گردوو ئی دارسانی کەروو نامێتۆ!
دارسانێوە پاسەش سەر ئاما بۆ ، شێرش تووتە بەسۆشۆ و هەر وەرش دۆوە ، ئیتر یاگێ ژیوای نیەنە ، گردش پەی تۆ !!!!
کلیلە و دمنە
هۆرگێڵنایوە : ساحێب حەبیبی
@karawawshamyany
✨پێوەرە بیدێ؛
وەلێ بازدێ دلێ پێوەرە بیەیتانە ،
درزێوە بۆ ، شنە واش پۆرە بێ.
✨یۆترینتا وەش بسیۆ؛
وەلێ 'وەشەویسی" مەکەردێ زیندان پەی یۆترینی، بازدێ با 'وەشەویسی" یاگێش پا گۆشە و کەناروو ڕۆحیتارە بۆ..
✨قرووشکەو یۆترینی پەڕ کەردێ ؛
وەلێ بە قرووشکەو یۆترینی نەوەردێوە..
✨جە نانوو وێتا بەشوو ئێڎ و ئەوی دەیدێ ،
وەلێ پێوە جە نانێوە نەوەردێ..
✨پێوە گۆرانیێ واچدێ و هۆرپڕدێ و وەشی کەردێ ، وەلێم قەڎەخەو یۆترینی پارێزندێ..
✨دڵەکاتا سۆقات دەیدێ بە یۆترینی؛
وەلێ یۆترینی ئەسیر نەکەردێ..
چوون تەنیا دەسێ ژیواینێ کە حوکموو قەلبیتا کەرا...
✨لاو یۆترینینە بیدێ؛
وەلێ ئیتر ئنەیچ ملکدێ یویرە ،
خۆ زاندێ کۆڵەکێ مزگی پاڵ یۆ پاڵ یۆ نیەنێ.
خۆ ئانەیچ زاندێ نەرە و بیکۆڵ سێوەروو یۆترینینە مەزیا...
جبران خلیل جبران
@karawawshamyany
قەباڵێوه فرەکۆن جه کەڕاوا
مامەڵەو باخچه و حاجی ساڐقی
ساڵه و ۱۳۱۳
شاهێده کا
شریف عزیزی( قێخاشه ریف)
محمدامین(سۆفی حه مه مین)
توفیق عظیمی( تاته و فایه ق به گی)
ابوالمحمد( کا ئه وله)
محمد عبداڵهی(حمە خالۆ)
👇👇👇👆👆👆
@karawawshamyany
شێعر، عبدالڵاە بەگ هەورامان
زیندان ئەسفەهان
دەنگ مامۆسا عەینەدین
@karawawshamyany
داستانەو ئەسێ
دمایین بەش
ژیوای هەر پێسە بەردەوام بێ. مامۆم لوێ سەروو کاری و ئالان و دیلانە لوێنێ مەدرەسە و منیچ خەریکوو یانە و بەروو هەرمانی بێنێ.
تا ڕۆیەشا چن نەفەرێم دیێ خەریکوو تەمیس کەردەی یانەو مەتی سەلمای بێنێ.
وەختارێ لوان بزانوو چ خەوەرەن فەریدم چەم پەنە کەوت کە دوێ نەفەرێش ئاوردێنێ پەی یانە تەمیس کەردەی. دماو وەشی و ترشی و خەیرئامای فەرید واتش من گەرەکمەن بار کەروو دلێ یانەکەو داڏایم. قەوڵم دابێ بە داڏایم هەر وەخت دەسمەنە بەربەی بەونەوە ئێگە و چێگە خزمەت کەروو بە هاوماڵەکێو وێم. ئیسە ڕێک کەوتەن پەیم و ئێنتقاڵیم گێرتەن و چێگە موعەلمەنان. واتم: پیرۆزباییت چەنە مەکەروو ئیشەڵڵا بە دڵی وەش بنیشیرە، خوڏاحافیزیم کەرد و زیانیرە.
ئامانیوە یانە و گێڵناموە پەی مامۆژەنێم. مامۆژەنیم جە گرد چێوی خەوەردارە بێ و واتش مەتی سەلمای لاموە واتەن هەر ئا ساڵە ئامێنێ داواو تۆ و جواوما کەردێنێ ژەنیش ئاوردێنە بەڵام دماو دوێ ساڵان جیای بیەنێوە. واتش ئەسرین گیان ڕەنگا ئیسەیچ هەر دڵش لاو تۆوە بۆ بەڵام من پەیم گرینگ نەوێ چون هیچ ئێحساسیەم پەنەش نەوێ. واتم مامۆژەن من دماو کەیوانی قەوڵم بە وێم دان شوو نەکەروو.
دماو ماوێوی ئەڏاو فەریدی کە ئامێبێ سەردای پەی لاو کوڕەکەیش چەنی مامۆیم قسێش کەردێبێ. بەڵام تەسمیموو من هەر نواڕیا. واتم مامۆ گیان تا ئیسە هەر چیتا واتەن واتەنم سەروو چەمان بەڵام ئی جارە با قسێو من بۆ. من جە ژیوای وێم ڕازیەنان. مامۆیچم دەسش وەش بۆ قسێش نەماڕدانی. بەڵام نەزانێنێ بێ عەشق و وەشەویسی هەتا سەر نمەتاوو دەوام باروو.
مامۆم دادە فەریدەش پەی کەڕەتوو دوەمی جواب کەردە. منیچ وەڵێ ئانەیە بلۆوە پەی کرماشانی چوار پەنج مووچێ نانی وێمانەم پەی پێچنا و بەردم پەیش و چەنەش حەراڵیەتم گێرت و واتم دادە فەریدە جە من عاجزە نەوینە. قسمەتوو من و فەریدی پێوەرە نیەن. فرە دڵنیای بێنێ جە قسەکانم، بەڵام.....
ماوێوی ویەرد و فەرید هەر پێسەو ڕۆ ئەوەڵی چەمەڕاو من بێ. جاران قسێم چەنی کەرێ و واچێ: تا ئاخر هەناسەم مەنیشوو دیارتوە، تا هەر وەختیە بە من ڕازیە بی. واچێ: تۆیە کە ئەننە وەفادارەنی بە کەیوانی، دیارەن ژەنێو ئاوەزدارە و ڕێک و پێکەنی بەڵام من تەنیا گۆش دارێنێ بە قسەکانش و هیچ نواچێنێ.
دوێ ساڵێ ویەرد. هەر بەردەوام کاروو کڵاشی کەرێنێ. عاقیبەت کارم ئەننە عال بی جە تەرەفوو هیلال ئەحمەریوە خۆڵکەشا کەردان پەی فێرکاریو خەڵکی. دەگا بە دەگا گێڵێنێ و کڵاش چنیەی فێروو ژەن و کناچەی کەرێنێ. مانگانە پووڵێوەم پەنە دێنێ و جگەم لایەنە مادییەکەیش، ئی کارە پەی ڕۆحیێچم فرە خاس بێ.
وەختارێ هەست کەرێنێ چننە مەتاوو سوودم بۆ پەی کۆمەڵگای و ئا چێوە کە بەڵەڏەنان ئینتقاڵش مەڏەو به کەسانیەتەری هەست بە وەشحاڵی کەرێنێ و شانازی بە وێموە کەرێنێ و هەمیشە شوکرگوزارەو خوڏای بێنێ کە کەسێوی پێسەو مەتی سەلمایش ئاورد سەروو ڕایم.مەمننوونەو مەتی سەلمای بێنێ کە منش فێروو ئی هونەریە کەردان تا پتاوو بێ منەت کێشای و لارەمل بیەی گوزەران و ژیوای وێم بەروو ڕاوە.
بەڵام کەم کەم ژیوای پەیم بێ مانا بیەبێ.ئاخر بنیاڏەم چەنی مەتاوۆ وێش بخڵەتنۆ و بە وێش درۆی بڏۆ؟ ئیسە یاوایبێنێ بە قسەکێو مامۆیم کە واچێ: تەنیایی، تەنیا لایەقوو خوڏای پەروەردگاریەن. هەست کەرێنێ سۆح تا وێرەگا کار کەری و پووڵ بەر باوری، ئەگەر تەماموو ئی دنیایە هنوو تۆ بۆ، وەختارێ کەسیە نەوۆ وەشیت، شاڏیت، خەمیت و خەفەتیت، چەنیش شەریک بی، هەر چی چێوەن بێ فایڏیەن، بێ مانا و پووچەن. هەر چن وەختارێ ئی ویر و خیاڵیە کەرێنێوە پاسە هەست کەرێنێ خیانەت بە کەیوانی مەکەروو و ئینە فرە عەزابم دێ. بەڵام جە لایەتەریچوە وەختارێ وینێنێ فەرید چن منش گەرەکەنانی و چن ساڵێن بە من وەفادارەن، یاوێنێ پینەیە کە پیایێوین کە مەتاوو پەنەش متمانێ کەروو، مەتاوو پاڵش پۆوە بڏەو. ئاڏ تەنیا کەسیە بێ کە تاوێ یاگێ خاڵیەو کەیوانی پەی من پەڕ کەرۆوە.
ماوێوی دماتەر کە فەرید دیسان، لاو مامۆیمۆ داواش کەردان، جواوی ئەرێنیم پەنە دا و ژیوای هامبەشیما دەس پەنە کەرد.
ئارۆ دە ساڵێ چا وەختیە ویەردەن. مامۆژەنیم عەمرەو خوڏایش کەردێنە و مامۆم ئالانش کیاستەن دانشگا. دیلانە و مامۆیچم، پێوەرە مەژیوان. من و فەریدیچ دلێ یانەکێو مەتی سەلمایەنە چەنی کناچەکێمان، مەژیومێ. پێسەو جاران هەر ئی دەگا پەی ئەو دەگای مەگێڵوونە و بە عەشقوە کاروو فێرکاری کڵاشی مەکەروو. ئیسەیچ کە ئاخرین بەشی مەنویسوو،
چەنی کناچەکێم ئامێنمێ سەروو قەورە و ئەڏایم و بابەیم و کەیوانی. قەوڵم بە وێم دان نازوو کناچەکێم پێسەو وێم سەختی کێشۆ، بێ نازی و بێ موحەبەتی کێشۆ، جە مەدرەسەی مەحروومە بۆ، بە زۆرەملێ شوو کەرۆ و..... ڕاسی یاڏم شی باچوو نامێو کناچەکێم نیاینە ئەستێرە، تا نامێ و یاڏوو ئەڏایم پەی هەمیشەی دلێ دڵیمەنە و مەژگیمەنە و ویرەوەریەکانمەنە بمانۆوە. ژیوای بەردەوامن.
بەهیواو ژیوایە پەڕ جە وەشەویسی پەی گرد لایە
نویستەی: گۆنا
شێعرە:
عەودڵڵا بەگوو هەورامانی
دەنگ:
مەرحووم مەڵڵا هەیاس
@karawawshamyany
داستانەو ئەسێ
بەشوو یانزەی
خەمین و دڵ پەڕ جە خەفەت ڕۆ دماو ڕۆی دێنێ سەر. تەنیا دڵوەشیم ئینە بێ ئاخرین دیڏارم چەنی کەیوانی بە وەشە بێ نەک بە عاجزی پێسەو ئەڏایم.
دماو چلێ مامۆم ئامە شۆنیم و بە یانەو هەسوورانم واتش ئی کناچێ نە ڕۆڵەش هەن و نە هیچ. چێگە مەنەیش چی زیاتەر بەسەڵاح نییەن. ئیزنش چەنە گێرتێ من بەرۆوە لاو وێشان.
منیچ هەر پێسەو جاران ناچارە بێنێ باچوو هەر چی تۆ ماچی مامۆ گیان. بەڵام ئەگەر بە وێم بیایە پەنەم وەش بێ تا دما هەناسەو ژیوایم چا یانە وردیەو وێمەنە مانووە. بەڵام...
بەڵام ئیتر دماو کەیوانی هیچ پەیم ئەرزشش نەوێ. من کە تا ئارۆ بە مەیلوو مامۆیم و مامۆژەنێم ڕەفتم کەردەبێ پێسەو مەردێوی بێنێ کە هیچ نەقشێویم جە ژیواو وێمەنە نەوێ، چێگەو لایچ پەیم گرینگ نەوێ.
یانەو مامۆیمەنە کەم کەم دەسم کەرد بە کڵاش چنیەی کە لاو مەتی سەلمایوە فێرە بیەبێنێ. تا هەم پتاوو پووڵیە بەرباوروو کە سەرباروو مامۆیم نەوو، هەمیچ جە ویر و خیاڵوو کەیوانینە بەو بەر. بەڵام یۆ وەختارێ دلێو دڵیەنە بۆ چەنی دڵەنە بەر مەی؟
گرجاریە سەروو کووچەیوە چەنی مەتی سەلمای نیشێنمێرە و دەس کەرێنم کڵاش چنیەی. ئاڏیچە ئیتر پیرە بیەبێ و نەتاوێ حەیوان وەی کەرۆ. حەیوانەکەش گرد ورەتەبێ و گرجاریە وەروو بێ تاقەتی کڵاشێ چنێ. مەتی سەلما بیەبێ پێسەو ڕەفێقێوی کە من جە تەنیایەنە بەر ئاورێ.
مامۆژەنیم ئیسەیچ هەر پێسەو وەڵێ تانە و تەشەرەکەش مەنەبێ بەڵام نەک وەرەڕوو. بڕێو جارێ گۆشم پەنەبێ چێروو لچان بۆڵەش ئەی. شایەد موراعاتوو ئانەی کەرێ هێشتار من ئازیەتبارە بێنێ و ماتڵوو فرسەتیە بێ وێش خاڵی کەرۆ. نمەزانوو...
نمەزانوو شایەد حەق پاڏێ بێ و من موزاحێمەو ژیواو ئاڏیشان بێنێ. شایەد پەنەش وەش بێ بە تەنیا چەنی زاوڕۆی وێش ژیوای بەرۆ سەر. بەڵام خۆ منیچ جگەم ئاڏیشان هیچ کەسم نەوێ.
هەر پێسە بە کڵاش چنیەی ڕۆزگارم دا سەر تا دماو یەک ساڵی، بنەماڵێوی ئامێ پەی یانەیمان کابرایە پیر بە گاڵۆکە لوێ ڕانە چەنی دوێ پیای تەری.
نیشتێرە و بە مامۆیم واتشا وەڵڵا ئێمە جە تەرەفوو فڵانە کەسیوە ئامێنم پەی داواکاریو ئی برارەزایتە. منیچ کە دڵوو وێمەنە بڕیارم دابێ دماو کەیوانی هەرگیز شوو نەکەروو، پەیم فرە سەخت بێ.
مامۆم پەرساش ئەی کوڕەکەتان چی ناوردەن؟ واتشا وەڵڵا ئی پیا گاڵۆک بەدەسە، زەمان! سەرەم سڕ مەنەبێ! باوەڕ نەکەرێنێ منی بیس و دوە ساڵە چکۆ ئا پیا پیرە چکۆ؟! دیسان چەمێم پەڕێ بیێ هەرسی پەی بەختێ سیاوێم و پەی جەفاو ڕۆزگاری کە پچی پیایە چی سنعێنە مەشیۆ بە وێش ئیزن بڏۆ بەی داواو ژەنیە جوانێ پێسەو من!
تەنیا گوناحەم بێوەژەنیم بێ. بەڵام مامۆم خوڏاش چەنە ڕازی بۆ، هەر ئینەشە ئەژنەوی هۆرزا و یانەنە بەرش کەردێ. واتش ئیتر پێگەرە نەوینووتان. دڵم سۆکناییش گرت و فرە وەشحاڵە بیانی. دەسم کەرد ملوو مامۆیم و دەسوەشیم چەنە کەرد. واتش چەموو مامۆیش خۆ تۆ بێ کەسە نیەنی، ئەڵبەڏ مامۆت مەردەن؟ وەڵڵا ئەگەر سواڵەیچ کەروو پەیت نمازوو شوو کەری پیایە چامنەیە.
واتم مامۆ گیان ئەگەر موزاحمەو ژیوایتا نیەنان پەنەم وەشەن تا دما هەناسەم پێسەو خزمەتکارێوی لاو شمەنە بژیوو. قووڵاییو دڵیمەنە هەست بە عەشق و وەشەویسیو کەیوانی کەرێنێ و دڵنیای بێنێ تا ئاخروو ژیوایم وەسێمەن.
مامۆم وێش تووڕە کەرد و واتش ئی قسێ چێشێنێ موزاحم یانێ چێش؟ ئیتر نەژنەوو چی قسانەکەری. ئەگەر تیکیە نان بۆ پێوەرە موەرمێش، ئەگەریچ من ئاورایە مەردان با تۆیچ بمری. بەڵام ئەسرین گیان ئی قسێمە ئاوێزەو گۆشیت کەرە: تەنیایی، تەنیا لایەقوو خوڏای لایسەرینیەن. بنیاڏەکەم تا کەی، تا چن ساڵێ مەتاوۆ تەنیا بمانۆ؟
ئانە ئیتر ئیختیار ئینا دەسوو وێتەنە بەڵام تا وەختێو یانەو منەنە بی پا و پاڵات مەنیەو سەروو چەمانم.
درێژەش هەن.....
نویستەی: گۆنا
@karawawshamyany
💦🍂💦🍂💦🍂💦🍂💦🍂💦🍂💦🍂💦🍂
ئانەی زانە هەر کارێ کە جە ژیوایتنە کەریش
شۆنەمایێ(یاگەپا) دماو وێتۆ جیا مازی؛
پەس سەعیە کەرە ، وەختێ گەرەکتا هەرمانێوە پڕنیوە هۆشت وێت بۆ و زانە کە چێش کەری!
@karawawshamyany