قناة ام البنين سلام الله عليها بأشراف العلويه ام محمد تقي الموسوي

02 August 2025 14:11

هوسات حول استشهاد الامام الحسن عليه السلام

هله بل حير العدوان بدروسه
امام الكلمه تطلع منه مدروسه
بيه اتحيرت عدوانه مفروسه

عدوانه احتارت /مذهوله
،،،،،،،،،،،،،،،،،،،،،،،،،،،،،،،،،،،،،،،،،،،،،،،
ابن حيدر علي ومقياس چلماته
سبع وتحير العدوان هداته
شجاع أو بالحرب تشهدله صولاته

اتسولف بيه /حگها الدنيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،
هله بأصل الكرم يامرحبا أو حياه
ابو محمد ابد ماخاب ال اتعناه
كريم ابهالبشر محد لحگ يمناه

ياكون اشهد /ماكو ابجوده

،،،،،،،،،،،،،،،،،،،،،،،،،،،،،،،،،،،،،،،،،،،،،،،

ماكو ابجوده ابد لتسولف اعليه
هذا المجتبى ايسد الشمس فيه
اهل دين اوكرم معروف اهاليه

وارث هالخصله /أمن اجدوده
،،،،،،،،،،،،،،،،،،،،،،،،،،،،،،،،،،،،،،،،،،،،،،،
خدامه تون حزنانه لمصابه
تنوح ابكل وكت مالومه أحبابه
لامرقد اله او لاتوصل اترابه

اظهر يالمهدي /او عجل ثاراته
،،،،،،،،،،،،،،،،،،،،،،،،،،،،،،،،،،،،،،،،،،،،،،،
لخادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

02 August 2025 13:33

نعي حول استشهاد سيدي ومولاي الامام الحسن عليه السلام

اه يالگلب چم لچمه شايف
واعله الأهل چم مره خايف
ضيمي ولا مر ابطوايف


زايد ونين الروح هاليوم
ابعيني اصد لابن امي مسموم
روحي فده الروحك يجيدوم

ابعيني اصد حلو المعاني
والضيم حد راسي غطاني
اه يالحسن يومك عماني

يومك عماني أو هدم حيلي
يدموعي عالوليان سيلي
شالو هلچ ياروحي شيلي

يوميه أودع اعزاز گلبي
عميانه أنه اوماشوف دربي
ياعيني حد الموت صبي

شفت الطشت والروح هامت
وعيوني ابد مالحظه نامت
غابت شمسنه اليوم غابت


خادمة مولاتي ام البنين عليها السلام ام محمد تقي الموسوي نسألكم الدعاء و الفاتحه لروح والدتي جزاكم الله خيرا
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

11 July 2025 13:01

قصيده للسبي


ماغمضت ولا ليله تراها اعيوني سهرانه
مادام الغرب يحسين ممشاها اعله ممشانه


مانامت تراها العين ابد ماسلهمت ليله
بعدكم يخوتي ضليت اون مالومه ونحيله
فرگاكم هدم هالروح ماظن تگدر اتشيله
جمر واعله الوجن ينهال گامت عيني اتسيله

بعدعينك يبو الاحرار شمر ياخويه اذانه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اذانه الشمر ياخوي تدري إبلا رحم گلبه
علينه من بعد عيناك ظالم كل غضب صبه
يضربنه ونصد عالراس عليك عيونه تربه
ماكو اللي يحن عالحال وگعنه أبين هالغربه

مابين الكفر هاليوم دهري اشلون خلانه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

مابين الكفر ضليت اونن بالگلب سكته
كتال اخوتي وشلون ياويلي أنه رافگته
عفيه اعله الگلب ياخوي صابر عالذي شفته
أو لو مني غفل ويروح وحگ عباس عاذرته

ثگيله اهمومي ماتنشال اوكلها ايامي حزنانه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اهمومي اللي تهد اجبال گلبي اشلون شايلها
كل صدعه التمر اعليه عجيب ابصبره حاملها
أنه الضيعت خوان ابد بالدنيا مامنها
حد موتي تون هالروح مالومه او يحگ الها

عمن راحولي كلفه ازلام وين المرتفع شانه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وين الهيبه والناموس يخوتي محلى طرواكم
خلفة حيدر الكرار ثلث تنعام حياكم
عالحگ والفخر والطيب ابونه الحيد رباكم
تسوون البچي والنوح أو حگنه نموت وياكم

مااحمل يخويه افراگ اوبعدك حيل تعبانه

خادمة ام البنين عليها السلام ام محمد تقي الموسوي نسألكم الدعاء و الفاتحه لروح والدتي جزاكم الله خيرا

/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

08 July 2025 14:03

فزاعيه حول دفن الامام الحسين عليه السلام

راس الوالي ويانه
يدفان

يعمه اشلون وسدته. يدفان
بلايه راس مددته. يدفان
عدله ماتضل خيته. يدفان

وسدت النحر ليش اعله تربان
،،،،،،،،،،،،،،،،،،،،،،،،،،،،،،،،،،،،،،،،،،،،
النحر وسدته بترابه
اه ياگلبي ومصابه
يسعر نار لهابه
انذبح مظلوم اخيي ومات عطشان
،،،،،،،،،،،،،،،،،،،،،،،،،،،،،،،،،،،،،،،،،،،،
دفنته اشلون ياعمه
الگلب ماينحمل همه
وابن امي الترب ضمه
بلا تغسيل ويلي وماكو اجفان
،،،،،،،،،،،،،،،،،،،،،،،،،،،،،،،،،،،،،،،،،،،،
بلا تغسيل يالوالي
ياويلي وسگم حالي
الله ايعين دلالي

نادوني يعمه بام الاحزان
،،،،،،،،،،،،،،،،،،،،،،،،،،،،،،،،،،،،،،،،،،،،
ياگلبي الحزن بيته
أوحد الموت خاويته
ياخذني تمنيته
ولا رافگ يروحي اليوم عدوان


خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا

/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

27 June 2025 11:01

نعي گرناوي للهلال

هل عاشور. اوهليت الدمع وياه
ومثل حنيت اهلال أصبحت محنيه

انه الما فارگيت الدمعه ابد والاه
ومثل مجرى النهر دمعاتي مجريه

تره اليفگد بشر يذكره أو ينعاه
او فگدت انه عشيره وكلها حنيه

مالوم الگلب لو هالقهر سلاه
افگدت وين السبع ويعادل الميه

واروح اميسره من غمضت عيناه
مچتوفه اون ياحيف مسبيه

اصد اعله الرمح وتشاهدت بالله
او صحت وينك يجدي ألحگ اعليه

عمدأ راس اخوي اگبالي اجه اوخلاه
او تمنيت ابوكتها العين معميه

يويلي هالدهر حطني ابوسط رحاه
اوطحني إبلا رحم ظل بس نفس بيه

خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا

/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

19 June 2025 20:48

قصيده حول استشهاد الامام الحسين عليه السلام

عله ابنك ياعلي هدو الخياله
ولا واحد فزعله اولا تدناله


ولا واحد فزع من رضو اضلوعه
اون وحدي يبويه اوروحي موجوعه
بچت دنيانه لأجل حسين مفجوعه

وبعيني اصد يابويه كتاله
༺༻༺༻༺༻‏
هذا ابنك يحيدر عالرمح راسه
وبايده الشمر گطعهن أنفاسه
يربت الموت اخذني اولا نذل جاسه

تمنيته يرد عباس ورجاله

༺༻༺༻༺༻‏
تمنيته يرد عباس للحومه
يصد النحر أخيه الفاضت ادمومه
عدوانه عليه ياحيف ملمومه

ظل اعله الثرى محد حضر شاله
༺༻༺༻༺༻‏
اخوي اعله الثرى أو رأسه يگطعونه
تمنيته يجي ويشوف بعيونه
او لو نبچي او نون كلهم يضربونه

سكته يادموع العين هماله

༺༻༺༻༺༻‏
ثلث تيام ظل امدد الوالي
وياحال الهضم بعد الولي حالي
عل امصابه اون مفطور دلالي

تكفلت بيتامه حسين وعياله
༺༻༺༻༺༻‏
خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

19 June 2025 20:04

قصيده حول استشهاد الامام الحسين عليه السلام

گطعو راس ابو السجاد
گوم انهض يكفالي

گطعو راس والينه
يخويه الحزن غاطينه
عليل اوحرم ضلينه

وايتام اوبلا والي

ابحيره والدمع جاري
تلهب بالگلب ناري
لاخيمه ولاذاري

گطعو رأسه اگبالي


اخونه ابهالفلا اموذر
اعوفه اشلون مااگدر
سبايا اتروح هالخدر

والله انعاب دلالي

گلبي انعاب مالومه
اخوي اوفاضت ادمومه
اصد اوروحي ملچومه

شمر ياحيف يبرالي

يبره الضعن يا وسفه
مصيبه اعله الگلب كلفه
جرحي مااظن يشفه

يضل وياي للتالي

خادمة مولاتي ام البنين عليها السلام ام محمد تقي الموسوي نسألكم الدعاء و الفاتحه لروح والدتي جزاكم الله خيرا

/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

10 June 2025 20:22

نعي للمسير

سار الضعن وبرفگة ابطال
ومدلله وعباس كفال
وچفوف اخوي اتعدل المال

امعدل اخوي او يمشي عالكيف
او مامر علي يابارح الصيف
سبع اويلوگ ابيمنته السيف

ابهيده نمشي إبلا اذيه
ويامحلى ضعن الهاشميه
هيبه اوكرامه اوعالي فيه


محلى المشي ويه النحبهم
ماشفنه ابد عثره ابدربهم
لو بيدي وسط اگليبي اضمهم

كل هذا ودموعي أنه صبت
وبروحي احس النار شبت
چن فرگت الخوان گربت

عيني ترف مابطلت ساع
اودگاته گلبي اتفطر الگاع
اخر درب امشي اويالسباع


خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

05 June 2025 21:43

قصيدة ثگيله لوداع العقيله زينب عليها السلام والإمام الحسين عليه السلام

الليله نتوادع دمع وبلا كلام

الليله عيني امساهره وماظن تنام

ابد ماتكفي حچي
خل نخلصها بچي

الليله نتوادع دمع وبلا كلام

༺༻༺༻༺༻‏

شرد اسولف بيها يالغالي شگول
ريت هاي الليله يبن امي تطول
خل اضمك للصبح يبن البتول
باچر اخيول العده ابصدرك تجول

عسى لأطر الفجر
الموت ليكم ينتظر

وادري ماشوفك بعد يبن الكرام
الليله نتوادع دمع وبلا كلام

༺༻༺༻༺༻‏
باچر ايصير الجسد مرمى الرماح
ريت ماشوفن يوالي هالصباح
بس عويل اطفال اسمع والصياح
عمه ألحگي احسين ابونه منه راح

تبچي دم ياهالسمه
اتمنى لعيوني العمه

ولا اشوف ابعيني تلفيك السهام
الليله نتوادع دمع وبلا كلام

༺༻༺༻༺༻‏
اشلون اشوف ابعيني مگطوع الوتين
عميه ريت اعيوني خويه ياحُسين
ولااضل عدله أو ترس اذني الونين
.وين اروحن گلي يبن امي لوين


حرمه خويه وانولي
ما يضل والي ألي

ادري خويه اخيامي تحرگها اللئام
الليله نتوادع دمع وبلا كلام

༺༻༺༻༺༻‏
تغفه عينك وأنه اظلن يالحبيب
اوگلبي مايبرد ولايطفه اللهيب
ظلمه تصبح دنيتي كلها مغيب
كربله حتى الطفل منها يشيب

نار بخيامي تشب
دمعي من عيني يصب

وابقه اطفي ابأيدي نيران الخيام
الليله نتوادع دمع وبلا كلام

༺༻༺༻༺༻‏
خادمة مولاتي ام البنين عليها السلام ام محمد تقي الموسوي نسألكم الدعاء و الفاتحه لروح والدتي جزاكم الله خيرا
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

04 June 2025 10:14

فزاعيه لعبد الله الرضيع عليه السلام

اگعد يعبدالله صحت
لامو وكتها النومه

لامو وكتها يالولد
ياهيبة امك والسند
اگليبي مايحمل بعد

امك واون مالومه


༺༻༺༻༺༻‏
امك واون املوعه
وبحسره ياگلبي نعه
اه ياعظم هالفاجعه

يمك اجيت ابهومه

༺༻༺༻༺༻‏
حسبالي نايم يالضنه
يلنومتك نوم الهنه
يوليدي گلبتك أنه

نحرك تصب ادمومه

༺༻༺༻༺༻‏
يالغالي شلي ابهالعمر
گلبي يون أو منفطر
بركان صار أمن الجمر

لحد يجي ويلومه

༺༻༺༻༺༻‏
ياوسفه ذبحوك ابسهم
منك يدلالي انحرم
ها الدنيا من دونك عدم

للموت اضل مهمومه

༺༻༺༻༺༻‏
خادمة مولاتي ام البنين عليها السلام ام محمد تقي الموسوي نسألكم الدعاء و الفاتحه لروح والدتي جزاكم الله خيرا
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

04 June 2025 09:25

قصيده مربعه
لعبد الله الرضيع عليه السلام

علي غالي اوليدي لاتدفنونه
اموت اولا افارگ لحظه أنه اعيونه

علي غالي اوليدي اوما اعوفنه
حلو وزغير ويلي او ريحة الجنه
يا نسمة اعذيبي ومشبعت منه

فرد گبر أنه وابني اليوم وسدونه

༺༻༺༻༺༻‏
عن ابني ابد لاما. تبعدوني
مااحمل اغيابه زين يدروني
انام اويالولد ياناس خلوني

تراهو اصغير وحده لاتخلونه

༺༻༺༻༺༻‏

تراه اصغير مايهواها هالظلمه
يريد أمه الضنه يحضنها وتشمه
عمت عيني صغير اومايصح فطمه

عليه استعجلو غصبن يفطمونه

༺༻༺༻༺༻‏
خلوه الگلب مليانه بهمومه
تون ليل اونهار الروح مالومه
بگيت امحيره ومگابله اهدومه

يروحي امدولبه اوللدوم محزونه

༺༻༺༻༺༻‏
خادمة مولاتي ام البنين عليها السلام ام محمد تقي الموسوي نسألكم الدعاء و الفاتحه لروح والدتي جزاكم الله خيرا
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

04 June 2025 08:53

نعي
للاكبر عليه السلام
لسان حال الوالده وصف شاعر

يمن رديت يوسف ردلي ابني
انشعب گلبي ويرف ياربي جفني
رگد حيلي واحس الموت اخذني

༺༻༺༻༺༻‏
ودعته اونزل للحومه الأكبر
واحس گلبي على الغالي تفطر
اصد اعله الولد ياروحي مگدر

༺༻༺༻༺༻‏
اصد اعله الولد بين الاعادي
عليه گلبي احسن نار غادي
الوب اوهالحزن ذوب افادي

༺༻༺༻༺༻‏
ترس گلبي الحزن مافارگاني
ردت يومي گبل يومه تراني
عمت عين الزمان اللوعاني

༺༻༺༻༺༻‏
اخافن عالولد هذا ابني أريده
گلب ام او يحن لامو حديده
يمن فدوه اروح الدم وريده

༺༻༺༻༺༻‏

خادمة مولاتي ام البنين عليها السلام ام محمد تقي الموسوي نسألكم الدعاء و الفاتحه لروح والدتي جزاكم الله خيرا
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

03 June 2025 08:52

قصيدة مربعه للقاسم عليه السلام


ابهيده اعله الولد يامن تشيلونه

ماذيته السيوف اوليدي تدرونه


ابهيده اعله الولد تاذي يطعناته
وبنص الگلب مستعره جمراته
عليه اليوم خلهه اتنوح عماته
هذا ابن الحسن كلهم يعرفونه

༺༻༺༻༺༻‏
سبع جسام كلهم مايگدروله
سبع فدوات اروح العينه ولطوله
ايد الحز وريده كون مشلوله

غدر غدروه ماگدرو يلاوونه

༺༻༺༻༺༻‏
انه امحضره الشمع واليوم ازفنه
اومن دمه عزيزي اليوم يتحنه
تراه اصغير روحي مشبعت منه

ليش اهل الردى جاسم يغدرونه

༺༻༺༻༺༻‏
ذبحوه الولد والعين غمضها
ياهلناس روحي انه اشيعوضها
تره افراگه صعب والروح مرضها

تروح الروح لو ما شافت اعيونه

༺༻༺༻༺༻‏

تموت الروح يوم المايمر بيها
تضل المن تون والضيم غاطيها
اخذ امك يغالي او لا تخليها

حگ الله سوه يبني يدفنونه

༺༻༺༻༺༻‏
خادمة ام البنين عليها السلام ام محمد تقي الموسوي نسألكم الدعاء و الفاتحه لروح والدتي جزاكم الله خيرا
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

02 June 2025 15:08

مربعه للقاسم عليه السلام

رايح يالولد وامك امخليها
مالومه تون الفراگ ماذيها

رايح ياسبع وامك الحزنانه
تون مهضومه وبفرگاك سهرانه
محتاره وعليك الروح دوهانه

ابد ماتحمل الفرگه يواليها
༺༻༺༻༺༻‏
بعدك يالولد للدوم مهمومه
مايبرد گلبها اتلوب مالومه
والتفگد ابنها اتگابل اهدومه

عليك تنوح ماتبطل بواچيها
༺༻༺༻༺༻‏

بهدومك تشم جسام محتامه
تگول ابني عزيز وفدوه لايامه
تدگ اعله الصدر ودگ على الهامه

تصيح احاه يبني وحيل مابيها
༺༻༺༻༺༻‏
تصيح احاه يبني اوتجذب الونه
ياعطر الورد ياريحة الجنه
بعد هيهات راح وايست منه

اخلافك ياشهم منهو اليباريها
༺༻༺༻༺༻‏
يباريهه تظن للكبر رايدته
ماتدري گبلها حيف دافنته
لافرحت ابعرسه اولاهنه ابزفته

ياجاسم افراگك راح يعميها
༺༻༺༻༺༻‏
خادمة مولاتي ام البنين عليها السلام ام محمد تقي الموسوي نسألكم الدعاء و الفاتحه لروح والدتي جزاكم الله خيرا
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

02 June 2025 13:58

نعي للقاسم عليه السلام

لو راح الولد شيصبر الروح
تظل امه تون للدوم وتنوح
گلبها أمن الونين امخزن اجروح

༺༻༺༻༺༻‏
تون رمله اعله ابنها اودوم ونها
اوتظل للموت مايبطل حزنها
تتمنى الضنه ايرد الحضنها

༺༻༺༻༺༻‏
تطلبه بالربه اوسهر الليالي
اعز من الگلب ورباه غالي
تكله اگعد ييمه اوشوف حالي

༺༻༺༻༺༻‏
مالوم الگلب ياناره اتزيد
تره عگب الولد لاتغفه لتهيد
محتاره يويلي اوتصفگ الايد

༺༻༺༻༺༻‏
گلب امه ينوح اعليه داوي
تگله ياگمر واعليه ضاوي
يجاسم عالبُعد والفرگه ناوي

༺༻༺༻༺༻‏

اموتن يالولد لو ربعك تفوت
مو مره الف روح امك اتموت
عدله بس جسد والگلب مفتوت
༺༻༺༻༺༻‏

خادمة مولاتي ام البنين عليها السلام ام محمد تقي الموسوي نسألكم الدعاء و الفاتحه لروح والدتي جزاكم الله خيرا
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

02 August 2025 13:56

قصيده فزاعيه والقفله هوسه
حول استشهاد الامام الحسن عليه السلام

نون هاليوم والونه نعليها

لابو محمد سبع والعليا راعيها


للمعصوم وني أو زيدي الونه
امعدل والطوايف سولفو عنه
والمحتاج يمشي البابه يتعنه

امحزمينه / احنه اعله الكلفه

،،،،،،،،،،،،،،،،،،،،،،،،،،،،،،،،،،،،،،،،،،،،،،،
يبو صيت الحلو يامحله طاريه
على امصابه تضل العين مجريه
ونجيم اللطم بچفوف شيعيه

حزنانه /الشيعه ابفكده
،،،،،،،،،،،،،،،،،،،،،،،،،،،،،،،،،،،،،،،،،،،،،،،
حزنانه اوتون الشيعه لمصابه
يابيت الكرم يل مايسد بابه
گضى مسموم ياعنوان الهيابه

عطاي اوتشهدله /اچفوفه
،،،،،،،،،،،،،،،،،،،،،،،،،،،،،،،،،،،،،،،،،،،،،،،
يهذا البلكرم محد وصل جوده
يا زود البحر مأخوذ من زوده
كريم او سفرته للدوم ممدوده

اهلا يالجودك /غطانه

،،،،،،،،،،،،،،،،،،،،،،،،،،،،،،،،،،،،،،،،،،،،،،،
عنوان الشجاعه وترهب افنونه
للشدات اخو الحره يوصفونه
ابن حيدر علي احچاياته موزونه

قائد ومحير /عدوانه


،،،،،،،،،،،،،،،،،،،،،،،،،،،،،،،،،،،،،،،،،،،،،،،
خادمة ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

28 July 2025 12:13

قصيدة لسيدتي ومولاتي رقيه عليها السلام
الوزن نصاري
~~~`
ماتت عاالطشت ويلي رقيه
ماگدرت تصد ابن الزجيه

ماگدرت تصد الراس الحسين
مدهوشه بگت بس تهمل العين
تصيح احاه يبويه والجسد وين

حاجيني ياوالي الحك عليه
ماتت عالطشت ويلي رقيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اكعدلي ياغالي ارد احاجيك
اسولفك ابضيمي وخل ابجيك
كون اشوف بويه الجسد ياذيك

ازرك صبح امن اسياط اميه
ماتت عالطشت ويلي رقيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يضربني العدو جدمي ايتعثر
يبويه امن القهر كلبي تفطر
عمت عين الزمان شلون يفتر

اخلافك يالابو اشبع اذيه
ماتت عالطشت ويلي رقيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اخذني وياك لتخليني وحدي
اموت بحسرتي دمعي اعله خدي
احلفك بالزجيه وروح جدي

اريد اوياك تاخذني المنيه
ماتت عالطشت ويلي رقيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مااريد العمر من غير والي
اخلافك يالابو ضايع دلالي
يتيمه انه اصبحت بالضيم حالي

اون يابوي والونه خفيه
ماتت عالطشت ويلي رقيه

تمت بعون الله لخادمة ام البنين عليها السلام
ام محمد تقي الموسوي نسالكم الدعاء و الفاتحه لروح والدتي جزاكم الله خيرا
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

08 July 2025 14:05

مربعه والقفله هوسه حول استشهاد الامام الحسين عليه السلام

عمت عينج يدنيا اشلون عياله
اخوي اعله الثرى وجروحه كتاله

اخوي اعله الثرى ويصدلي بعيونه
عدوانه كفر عزمو يذبحونه
اوگطرة ماي ويلي ما يشربونه

عطشان /امگطعين اوصاله


،،،،،،،،،،،،،،،،،،،،،،،،،،،،،،،،،،،،،،،،،،،،
عطشان اويون اوتنزف ادمومه
هد حيلي تراه ماينحمل يومه
مالومه اعله ابو السجاد مالومه

الوالي ايون /محد شاله
،،،،،،،،،،،،،،،،،،،،،،،،،،،،،،،،،،،،،،،،،،،،
يذبحونه وأصد ياروحي بعيوني
وي ابن امي احس گامو يذبحوني
اضل بس النفس من بعده يدروني

اعيوني اتهل/اعله اطفاله
،،،،،،،،،،،،،،،،،،،،،،،،،،،،،،،،،،،،،،،،،،،،

دمعتي اعله الوجن لدوم خل تجري
اصد مالومه ويلي اتحيرت بامري
يريته ايعوف اخيي ويذبح ابنحري

الدنيا وياكم/مياله

،،،،،،،،،،،،،،،،،،،،،،،،،،،،،،،،،،،،،،،،،،،،
غصب امشي يروحي وحيل تعبانه
ترافگنه الشماته وتمشي ويانه
مانشكي ابد من ضيم دنيانه

عدوانك تغدر /حياله

،،،،،،،،،،،،،،،،،،،،،،،،،،،،،،،،،،،،،،،،،
خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

08 July 2025 14:03

نعي حول استشهاد الامام الحسين عليه السلام

جثثكم عالثرى وبلايه دفان
عمت عينك يدهري اشلون خوان
خذت مني الفرح وانطيتني احزان

خذت خواني يلكلهم حميه
جثثهم عالثرى فوگ الوطيه
روس اهل الكرم راحن هديه

خذو روس اخوتي يهدوها للشام
واخيتكم مشت گوه اويظلام
ابد ماتنوصف بگليبي الا لام

ابد ماينوصف ياروحي الحال
جرح گلبي غميچ اوحيل كتال
ولك ياگلبي موت المن بعد ضال

احملت صدعات مايحملها جلمود
ظلمه ايامنه اوكلهن صفن سود
بعد عين النشامه اوعين الحيود

خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

19 June 2025 21:01

قصيده حول دفن الامام الحسين عليه السلام

سولفلي يعمه احسين دفنيته
وشلون النحر عالرمل خليته

إبلا راس الولي يصعب تدفنونه
راسه اعله الرمح ويباري اضعونه
ابن امي شهم كلكم تعرفونه

وبعلو النجم عالي يضل صيته
༺༻༺༻༺༻‏
دفنت انت الولي اورديت تربانه
يضل راس الشهم يمشي اعله ممشانه
مالوم الگلب والروح خلصانه

هم بست النحر وبحرگه شميته
༺༻༺༻༺༻‏
شميت النحر ياعمه سولفلي
گلبك محترگ ادري يبعد اهلي
غيرك ياعلي يالغالي اشضلي

دمعك عالنحر نيران هليته
༺༻༺༻༺༻‏
مثل همك يعمه اهموم دلالي
مصيبتنه چبيره او عذبت حالي
واليوم الشمر ياحيف يبرالي

دمعي أمن الشماتة أعناد ضميته

༺༻༺༻༺༻‏
ضميت الدمع لا مااصبنه
ولايسمع نحيبي ولا اجر ونه
اخلي الجرح يدي اومااضمدنه

گلبي أمن المصايب والله سليته

༺༻༺༻༺༻‏
خادمة مولاتي ام البنين عليها السلام ام محمد تقي الموسوي نسألكم الدعاء و الفاتحه لروح والدتي جزاكم الله خيرا
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

19 June 2025 20:38

قصيده حول اليوم العاشر

يروحي اليوم خلصو كل اهالينه
ضل بس العليل ابفيه غاطينه


ضل بس العليل أو روحه مذبوحه
من گيد السلاسل تنزف اجروحه
لابو السجاد مايبطل يضل نوحه

عليه هالدهر حادد سچاچينه

༺༻༺༻༺༻‏
ذبحو كل هلي والضيم سلاني
غصب يجدامي ضلت تبره عدواني
أعاتب هالدهر چاليش هضماني

وخلانه نون اخلاف والينه

༺༻༺༻༺༻‏
خلانه نون أو نسچب الدمعه
واخلافه علينه ضاگت الوسعه
لابو السجاد طير البالسمه ينعه
سكته اوماظن تطلع بواچينه

༺༻༺༻༺༻‏
سكته اوبالگلب ماتطلع العبره
واعدانه يروحي لضعن تبره
والمكسور گلبه مايصح جبره

اطفال او حرم والغربه تولينه

༺༻༺༻༺༻‏
اطفال او حرم وعيونهم حمره
وبجدام اليتامه بردت الجمره
يعين الله الگلب ماينحمل صبره

حمل شوغات ماتبرد كوانينه

༺༻༺༻༺༻‏
وبنص الگلب يادهري چاويني
بس لوعات خلصن كلهن اسنيني
مانشفت تهل للموت ياعيني

وفوگاها الشمر للشام سابينه

༺༻༺༻༺༻‏
خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

14 June 2025 12:42

ال يبايع حيدره مايبصم ابعشره
يبصم بالگلب وبروحه وبعمره
والما مقتنع بالمحشر انذكره

ابيوم المحشر /بس الشيعه الربحانه

ام محمد تقي الموسوي

قناة ام البنين سلام الله عليها بأشراف العلويه ام محمد تقي الموسوي

08 June 2025 16:29

هوسات يوم العاشر

اشوفك عالترب يامهجتي امدد
راسك عالرمح رب العرش يشهد
تره اهموم الگلب ياخويه ماتنعد

اشلون يذبحونه/حسين الهيبه

༺༻༺༻༺༻‏
اهوايه اجروح ماتنشد واشدنها
اجروح اغماگ وماينفع اضمدنها
تون روحي واحس فت الصخر ونها

انحب لابن امي /والعين اعميها

༺༻༺༻༺༻‏
اصد لابن امي ياروحي شريد احچي
حبست ادموعي مجبوره ابطرف رمشي
وصيت الدمع ماينزل من ابچي

اگبال الشامت /ماتبچي اعيوني

༺༻༺༻༺༻‏
وحگ عينك ابد مادنگت هامه
رغم هذا الزمن صوبني بسهامه
بدونك يالاخو ماتسوه أيامه

اوداعت حيدر /ماطخ الهامه

༺༻༺༻༺༻‏

اعوفك عالثرى ويه العدو و ارحل
واعرفنك شهم ياخويه ماتقبل
لچن مجبوره اروحن واصعد الهزل

༺༻༺༻༺༻‏
اختك يالغالي /گوم اعداك ايسروها
خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا


/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

04 June 2025 10:25

نعي لعبد الله الرضيع علي السلام

ياريحة ابني وياحلاها
يانظر عيني وياضواها
افراگك صعب يمه اوعماها

༺༻༺༻༺༻‏
افراگك صعب والله اوعماني
اوهمك يعبد الله چواني
مالومه عذبني زماني

༺༻༺༻༺༻‏
اخلافك يعمري اشلون خلصه
ياقصتك يايمه قصه
بالدنيه مالي اوياك حصه

༺༻༺༻༺༻‏
بالدنيه مانلتم يوالي
الموت اخذ حلو الليالي
ضاع التعب ضايع دلالي

༺༻༺༻༺༻‏
لو مااشوفك شلي بالروح
غبره أصبحت ياذيچ الصروح
اه يالولد يامرهم اجروح

༺༻༺༻༺༻‏
خادمة مولاتي ام البنين عليها السلام ام محمد تقي الموسوي نسألكم الدعاء و الفاتحه لروح والدتي جزاكم الله خيرا
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

04 June 2025 09:36

نعي لعبد الله الرضيع عليه السلام

اه يالولد يالب دليلي
بعدك اون مهدوم حيلي
سهرانه مانمت أنه ليلي

༺༻༺༻༺༻‏
سهرانه ياليلي طويل
اوهم العليه اشگد ثگيل
اوجر زماني اوياي حيل

༺༻༺༻༺༻‏

اوجر زماني اومارحمني
وعنك يبعد امك بعدني
مالومه يادهري شدهني

༺༻༺༻༺༻‏

مشتاگه اشم عطرك يوالي
يربات حضني اويا. دلالي
عني رحت والهم صفالي

༺༻༺༻༺༻‏
بس الجسد ضليت اونن
ولشوفتك يمه أنه احنن
هموم الگلب لا مايفلن

༺༻༺༻༺༻‏
خادمة مولاتي ام البنين عليها السلام ام محمد تقي الموسوي نسألكم الدعاء و الفاتحه لروح والدتي جزاكم الله خيرا
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

04 June 2025 09:03

نعي للاكبر عليه السلام


غدر غدروك يل كلك مهابه
يبو طول الحلو اتنام ابترابه
گلب امك يون يصعب مصابه

༺༻༺༻༺༻‏

وصل صار الگلب بعدك يوالي
يفت حتى الصخر يايمه حالي
يماي العين يالاكبر يغالي

༺༻༺༻༺༻‏
شباب اوچن ورد يمه اشحلاتك
احيرن لو ردت اذكر صفاتك
يسباح الگلب اخ اشغلاتك

༺༻༺༻༺༻‏
امعدل ياسبع ياگرة العين
خذك مني الدهر ياسلوتي وين
ينور اعيوني اه يامهجة حسين

༺༻༺༻༺༻‏

خذك مني الدهر ومعلم ايعيل
او عيني اوداعتك مانامت الليل
هدم حيلي زماني أو مابعد حيل

༺༻༺༻༺༻‏

خادمة مولاتي ام البنين عليها السلام ام محمد تقي الموسوي نسألكم الدعاء و الفاتحه لروح والدتي جزاكم الله خيرا
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

03 June 2025 09:30

قصيدة مربعه لمولاي علي الاكبر عليه السلام

تون اعله الولي واليوم حزنانه
على افراگه يويلي الروح خلصانه

على افراگه تون اوحيل مالومه
نايم يالولد مو وكت هالنومه
انطبعت بالگلب والروح يرسومه

تون امه عليه اوحيل تعبانه
༺༻༺༻༺༻‏
تعبانه تون ماتحمل اوداعه
امعدل مايزل اوحلوه يطباعه
ماغمض جفنها او لاغفت ساعه

اومن كثر البچي هالعين ذبلانه
༺༻༺༻༺༻‏
ليله اتنوح وتريد الولد يمهه
تطيب ابشوفته ويزيل كل همهه
يفسر. هالصخر احاه ياونهه

غداره اوتهد الحيل دنيانه
༺༻༺༻༺༻‏
غداره او تهد الحيل ماترحم
اوبعد اعيون ابنها الدنيا ماترهم
الكون اخلاف الاكبر ياخلگ اظلم

كفار اوفلا رحموه عدوانه

༺༻༺༻༺༻‏
تون صبح اومسه والمدمع اتسيله
لامجروح تگعدله او تداويله
عينيها ام علي وبعبره ونيله

مذهوله تنوح اوتبچي حيرانه
༺༻༺༻༺༻‏
خادمة مولاتي ام البنين عليها السلام ام محمد تقي الموسوي نسألكم الدعاء و الفاتحه لروح والدتي جزاكم الله خيرا
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

03 June 2025 08:43

هوسات للقاسم عليه السلام

عريس الحرب مهيوب من زفوه
سبع جسام واحبابه اجو هنوه
شوباشه نبل وسهام من طشوه

الحيد ايهوس /بالحومه
༺༻༺༻༺༻‏
هله بأبن الحسن كلهم يعرفونه
امعدل بالحرايب بارزه افنونه
الخلفله سبع مامات تدرونه

بسمك تاريخ /امسجلينه

༺༻༺༻༺༻‏
هد اعله العدو ماهابته الفرسان
امعدل لو يطب ويوسع الميدان
امه اتنومست واحتارو العدوان

اتنومس بيه/ جاسم يومه

༺༻༺༻༺༻‏
علمهم درس ماراح ينسونه
حفيد المرتضى الكلهم بهابونه
سيف اعله الرگاب اومايحملونه
والحيدر. / شمرات ايمينه
༺༻༺༻༺༻‏

شجاع اوبالحرب معروفه صولاته
اصغير بالعمر يامحله هداته
هله بجسام مية هله ابترباته

ينهاب الحر /من عيونه

༺༻༺༻༺༻‏

خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

02 June 2025 14:21

نعي للقاسم عليه السلام

الك دلالي ون اوحيل محتام
يسلوه الروح يوليدي يجسام
ماغمض جفنها العين متنام

༺༻༺༻༺༻‏
اشتنام العين وانت اليوم مفگود
ايس هالگلب ماظنك اتعود
كون انه المتت وانت اللي موجود

༺༻༺༻༺༻‏
كون انه المتت وتشيل نعشي
وگدام النعش يالغالي تمشي
تحفرلي الگبر واعليه تبچي

༺༻༺༻༺༻‏
ألف ياحيف ميت وانه عدله
حملي لو وگع ياهو اليعدله
العمر وياك اه يالغالي يحله

༺༻༺༻༺༻‏
تحله اوياك يمه كل السنين
وتنام ابهنه ابوجودك العين
تره اغيابك كلف سد الشرايين

༺༻༺༻༺༻‏
خادمة مولاتي ام البنين عليها السلام ام محمد تقي الموسوي نسألكم الدعاء و الفاتحه لروح والدتي جزاكم الله خيرا
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

02 June 2025 11:48

قصيدة ثگيله للقاسم عليه السلام

وينك يجسام وينك يجسام
امك تريدك هاليوم
وينك يجسام
تلطم على الهام تلطم على الهام

يالغالي دمعتها ادموم

تلطم على الهام
༺༻༺༻༺༻

رمله تنوح او تنتحب دايم يونها
مابيها تحمل فرگتك اسمع يبنها
اذكر رباها يالولد وذكر لبنها
اوهزها يغالي للمهد طيح متنها


عجزانه الاجدام عجزانه الاجدام

امن الفرگه مابيها ادگوم
عجزانه الاجدام
༺༻༺༻༺༻

امك گلبها ماهده اولا تطفه ناره
يبن الحسن يل بالكرم معروفه داره
ترضاها روح الربتك تشبع مراره
غير الدمع والون بعد ماعدها چاره

ماتگدر اتنام ماتگدر اتنام

حرم جفنها اعله النوم

ماتگدر اتنام
༺༻༺༻༺༻

ماغمضت بسمك تون وصيح اريده
گلب الحنينه من القهر يابس وريده
ونتها ال تفت الصخر ونه شديده
مالومه بعدك ياشهم ضلت وحيده


تتنطر احلام تتنطر احلام

بلكت تشوف الجيدوم
تتنطر احلام

༺༻༺༻༺༻
امك دمعهه مابطل يجري اعله خدها
حگها تون اوتنتحب تذكر ولدها
بيدك تحفره ياسبع رادت لحدها
خيمه انت تدري ابوحشتك محد يسدها

شو كلها الالام شو كلها الالام
دنياها بس حزن اولوم

شو كلها الالام
༺༻༺༻༺༻

كل ضنهارادت للكبر تحصد رباها
ماحسبت يوم الدهر ياخذ ضناها
تتمنى لو هالموت اجا الها اوخذاها
محسوبه ايام العمر وانت رجاها

تحسب بالايام. تحسب بالايام

تدريها تخلص بهموم
تحسب بالايام
༺༻༺༻༺༻
خادمة مولاتي ام البنين عليها السلام ام محمد تقي الموسوي نسألكم الدعاء و الفاتحه لروح والدتي جزاكم الله خيرا
/channel/KADMTAMALBNEN