دخت بيك وعلي
دوخة الريشة بريح
انت وياي .. ضدي .. اتحاجز .. الهادود
شترررريد النخل ينزل عله الصاعود !
#سمير_صبيح
مشيت وياك حافي على البسامير وابد ما حاذرت ماجني خواف وعدي جروح غنتها العصافير وبكل ثوره بسمي يصير الي هتاف افترت بيه فرات النواعير ذبح كدام ناكها شون متخاف السانك طلقه وسنونك شواجير يجمره واكعه بجفين نداف خفتت نارك وما تنطي تعبير رماد الجمره صرت بردك الجاف جبت المنجل انت بلايه تفسير تكريب النخل كربت الاطراف كلبي الما يحس مصيوب ويطير رملها ومايصح عليها جراب رسايل اني محبوس بقوارير وموجات الحزن غطني بلحاف فطاحل ما قروهن عقلك يحير هسه تريد يمي صير حراف اذا نيتك تكض كلبي بتصاوير ابشرك مات ميكعدنه الخفاف سبع سنين يمي وعايش بخير ورديت الجميل بسبعا العجاب غزر بيه جرحك واني بلبير من رايد حبل ونطيتني جدار
Читать полностью…
شتاكينه وانتم ماكو ضنة
مو الولي غريبة المحنة
نعمة التتن من واگفلة
چازك ركس باليوجعنة
مامش طبيب يعالج الشوگ
مفضوح صرت صياح بالسوگ
يا واشي گال فراگك يلوگ
شگ الرسايل گلبي مشگوگ
حيرة تشد حيرة عجيبة
الناس لو عيني غريبة؟
راضي الگلب وجعة التصيبة
بس خوفي لاضيع طبيبة
گلبك يريد يروح معذور
هم تمل من الشجرة الطيور
چنت انتضر من ضلمتك نور
ما ينكتب دمعي ع السطور
بردت وفكري الهايج يهيد
تعويد صار البعد تعويد
مامش حسافه ع اللمواعيد
ما بي ندم تعب الچواديد
منفوس غصنك عشي شلته
ومن ديرتي الساعي طردته
الضيم اكثر من الزاد ضگته
سكته الگلوب تموت سكته
