28706
Хаётий ва Ибратли ҳикоялар... Хикматлар хазинаси... Инсон такдирини аччик синовлари... Hamkorlik va reklama uchun 👇👇 @Bronzam . . . . . .
Seni, eng yaxshi Alloh biladi.
Qolganlar esa yo yanglish anglaydi, yo sen toʻgʻringda kamroq biladi.
Seni baxtsiz qilganlar sababidan baxtsiz boʻlma, baxtiyor boʻladigan zamoning ham keladi.
Seni baxtsiz qilganlarni koʻrib barchani oʻshanday deb oʻylama, seni baxtiyor qiladigan (inson) ham keladi.
Bugun juda koʻp dardim bor dema, u dardni senga bergan Allohning, darmonni beradigan kuni ham keladi.
Sen Robbingga duo qil!
“Duo qilsam nima boʻlardi?”-dema, duoying qabul boʻladigan kun ham keladi...
📚 Ibratli Hikoyalar 📚
ҚЎШНИНГИЗ СИЗНИ ЯХШИ ЁКИ ЁМОН КЎРИШИНИ БИЛИШНИНГ ЙЎЛИ
- Ҳакимлардан бири ўғлига: фалон қўшниларимиз бор-ку! Шулар бизнинг оилани ёмон кўради деди.
- Ўғли сўради: Отажон ахир улар биз билан доим яхши кўришиб, чиройли муомала қилади-ку?
- Отаси жавоб берди: «Сен уларнинг катталари кулиб қараганига эмас, кичик ёшдаги болаларининг бизга нисбатан қандай муомалада бўлаётганига диққат қилгин. Кичик ёшдаги болалар уйидан эшитган суҳбатга қараб бошқаларга муомала қилади» - деди.
📚 Ibratli Hikoyalar 📚
Оилада уруш-жанжаллар умуман йўқ бўлишини хоҳласангиз, қуйидаги ҳадисни ўқинг:
Aёллардан бири айтади: Узоқ вақт Набий соллаллоҳу алайҳиссаломдан ворид бўлган, Ибн Ҳиббон ривоят қилган ушбу
اللَّهُمَّ أَلِّفْ بَيْنَ قُلُوبِنَا، وَأَصْلِحْ ذَاتَ بَيْنِنَا، وَاهْدِنَا سُبُلَ السَّلَامِ
“Aллоҳумма аллиф байна қулубинаа ва аслиҳ зота байнина, ваҳдинаа субулас саломи” деб зикр қилинган дуони айтиб юрдим. Илгари бу дуога еътиборсиз бўлган еканман. Субҳаналлоҳ! Ушбу дуони ўқиб юриш ила уйимда, фарзандларим, эрим, аҳлим ва атрофимдаги барча инсонлар билан муросада яшаб, сокинлик ва хотиржамликни топдим.
*
Оилада юзага келган низо, тортишув пайтида:
"Aллоҳим! Мен ҳақ бўлсам турмуш ўртоғимга, агар турмуш ўртоғим ҳақ бўлса, менга тўғри йўлни кўрсат!" — деб дуо қилинг.
*
Эрингиз билан муҳаббатингиз зиёда бўлиши учун:
"Aллоҳим, жуфтим билан орамиздаги муҳаббатни зиёда қилгин. Оиламизни фаровон қилгин. Бир-биримиздан ҳаловат топтир. Уни мендан, мени ундан рози бўладиган қилиб ҳаёт кечиртир. Ўзинг биздан рози бўл", – деб дуо қилиб туринг.
*
Aллоҳим, жуфтимиз билан орамиздаги муҳаббатни зиёда қилгин! Бир-биримизни яхши тушунадиган, камчиликларимизга тоқат қиладиган, бир-биримизни яхшиликларга етаклайдиган, ёмонликлардан қайтарадиган қилгин!
*
Оилавий бахт, муҳаббатга эришиш учун дуо жуда зарурдир. Ўзингиз, жуфтингиз, ораларингиздаги муҳаббатнинг зиёда бўлиши учун, фарзандларингиз ҳаққига ҳар кун кўп-кўп дуо қилинг. Дуо қилиш учун атай қўлни кўтариш, таҳоратли бўлиш ёки жойнамоз устига ўтириш, қиблага юзланиш шарт емас. Тўғри, бу айтилганлар бўлса, афзал, лекин асосийси дуо қалбдан чиқсин. Йўлда юриб ҳам, иш қилаётиб ҳам дуо қилаверинг. Эркак ҳам, аёл ҳам доим дуода бўлсин, бизга бахт, ўзаро муҳаббатни инъом қилувчи фақат Aллоҳ, Ундан сўрайлик!
📚 Ibratli Hikoyalar 📚
[Интернетда ўқиб, таржима қилдим. Кимгадир уят бўлиши мумкин. Аммо уят эмас].
[САВОЛЛАР]:
1. Яхши, айтчи сигирда тўртта,менда иккита
2 .Сенинг иштонингда бор, менинг иштонимда йўқ, у нима?
3.Ўзи юмшоқ,аммо аёллар қўлида қаттиқ бўлади?
4 .Қойил, айтчи, турмушга чиққан аёлнинг нимаси эрга тегмаган аёлникидан катта?
5 .Аёл ва эркакларнинг оёқлари ўртасида нима бор?
6 .Менинг танамдаги энг нам аъзо нима?
[ЖАВОБИНИ КЎРИШ]...👇👇👇
🌿 Bo‘lgan voqea..
Rasmdagi yigit quruvchi usta.U manashu qizga ishqi tushib qoladi.Qizni otasi o‘tgan, onasi bilan yashardi. Yigit sovchi qo‘yganda qiz ,boshlang‘ich o‘qishni tugatib sanaviyga hujjat topshirayotgan edi. Onasi qizini berishga rozi bo‘ladi, qiz ham qarshilik qilmaydi, faqat bir shart qo‘yadi: "Agar o‘qishga kirolsam o‘qiyman va shartnomam pulini to‘laydi." Quruvchi yigit shartga ko‘nib, sunnatga ko‘ra nikoh to‘yi qiladi.
Ittifoqo qiz 97 bal to‘plab, o‘qishga kirgan talabalar ro‘yxatidan joy oladi. Yangi kelin talaba bo‘lib o‘qishga qatnay boshlaydi. Peshona teri ila topilgan puldan quruvchi usta bir amallab xotinining shartnomasini to‘laydi. Shu hol yetti yil davom etadi. Yetti yildan so‘ng o‘qishni tamomlagan kelin doktorlik ishini himoya qiladi va muvaffaqiyatli yakunlaydi. Bir yil o‘tib o‘qimishli bo‘lgan xotin quruvchi ustadan javobini berishni so‘raydi va: "Biz siz bilan teng emasmiz" deya baqirdi. Noiloj quruvchi suyukli yorini javobini beradi...
Essiz odamiylik...
📚 Ibratli Hikoyalar 📚
Устоз
Бир зиёфатда бир киши ўзининг бошланғич синф устозини кўриб қолди. У устозига мутлақ ҳурмат ва эҳтиром билан боқиб:
– Устоз! Мени танидингизми? Мени эсладингизми? – деди.
Устоз:
– Афсус, эслай олмадим, – деди.
У киши деди:
– Қандай эслай олмайсиз?! Ахир мен синфдошларимдан бирининг соатини ўғирлаган эдим. Соатини ўғирлатган синфдошим йиғлай бошлади. Сиз бизнинг барчамизни ўрнимиздан турғизиб чўнтакларимизни текширмоқчи бўлдингиз. Мен энди синфдошларим ва устозлар олдида шарманда бўлишимга ишондим. Энди улар мени доимо масхара қилишади, шахсиятим бутунлай барбод бўлади деб ўйладим.
Сиз ўшанда биздан деворга қараб кўзимизни юмиб туришимизни сўраган эдингиз. Сиз чўнтакларни текшира бошладингиз. Менинг навбатим келганида чўнтагимдан соатни олдингиз ва текширишни давом эттирдингиз. Охирги болани ҳам текшириб сўнгра бизни ўтиришимизни айтдингиз.
Мен ҳамон шарманда бўлишдан қўрқиб дағ-дағ титрар эдим. Сиз соатни эгасига қайтардингиз. У бола шодликдан йиғлаб юборди, соатини ким ўғирлаганини билмай қолди. Бутун ўқишим мобайнида ўғирлик ҳақида менга гапирмадингиз. Бошқа устозлар ҳам ўғирликни эслашмади. Эсладингизми устоз? Қандай эсламаслигингиз мумкин? Буни унутишингиз мумкин эмас!
Устоз бутунлай хотиржамлик билан деди:
– Йўқ, эслай олмадим. Ўшанда мен сизларни кўзларимни юмган ҳолатда текширганман!
📚 Ibratli Hikoyalar 📚
Менинг Қориялик Ҳикоям
Исмим Мухсина, ёшим 35 да.
Алҳамдулиллаҳ, яқинда Қуръони Каримни тўлиқ ёдлаб бўлдим. Бу буюк неъматга эришиш осон бўлмади, лекин ҳар бир қийинчиликда Аллоҳнинг фазли ва раҳматини қалбимда ҳис қилдим.
📖Қуръон ёдлаш сафарим 20 йил аввал бошланган. 9-синфни тугатгандан сўнг, шаръий таълим бериладиган қизлар мадрасасига кирдим. Мадрасада таълим муддати 3 йил эди — бу муддат ичида нафақат шаръий илмлар, балки Қуръон ҳам тўлиқ ёдланар эди.
📖Мен фақат 2 йилгина ўқиш имконига эга бўлдим ва шу даврда 15 жузни ёдладим. Кейин тақдир тақозоси билан турмуш қурдим ва мадрасани тугатишга улгурмадим.
Турмуш, оила, фарзандлар — барчаси менга берилган буюк неъматлар бўлса-да, улар билан боғлиқ масъулиятлар туфайли Қуръон ёдлашим деярли тўхтаб қолди. Аммо бир нарса бор эдики — Қуръонни хатм қилишни ҳеч қачон тарк этмадим. Қалбимда доимо бир бўшлиқ бор эди. Энг катта орзум — Қуръонни ёддан тўлиқ тугатиш эди. Унга етишолмаётганимни ўйласам, юрагим эзиларди.
📖Қуръонни ўқиш алоҳида бир завқ бўлса, уни ёдлаш туйғуси бутунлай ўзгача эди.
Қуръонни ёдлашнинг завқи, унинг қалбда жой олиши — бу сўз билан ифода қилиб бўлмас даражада улуғ туйғу.
Тўғри, шароит йўқ эди, деб айтолмайман. Ҳар қандай ҳаётда бўш вақт топилади. Лекин ўша пайтларда “ҳеч бўлмаса бир оят ёдлай” деб, амалга ошира олмасдим. Оналик ва аёллик масъулиятлари бутун диққатимни олиб қўйганди.
Шу тариқа 20 йил вақт ўтиб кетди
Ҳозирда 6 фарзандим бор. Шундай оғир масъулиятлар ичида ҳам Қуръон ёдлашни қайта бошлаб, уни тўлиқ ёдлаб тугатганимга ўзим ҳам ҳалигача ҳайронман. Илгари 15 жузни 2 йилда ёдлаган бўлсам, қолган 15 жузни бор-йўғи 8 ойда ёдлаб бўлдим!
Сабиқун мадрасасига қўшилишдан аввал ҳеч қандай онлайн ёки оффлайн мадрасаларда қуръон ҳифзи учун ўқимадим .
Бу мадраса устозлари мени ниятимга етишишимга сабаб бўлди . Аллоҳ рози бўлсин барчасидан.
Ҳозирда ҳадис дарсим бор. Унда қуйидаги ҳадисга етиб келганимизда, ҳаётимни қайта кўздан кечира бошладим:
Абу Ҳурайра (р.а.) ривоят қилганлар: Расулуллоҳ (с.а.в.) дедилар:
“Кишининг Исломининг гўзаллигидан бири — унга алоқаси бўлмаган нарсаларни тарк қилишидир.
Мана шу ҳадис қалбимга ўта таъсир қилди. Ўз ҳаётимни кузатиб, фойдасиз, бефарқ нарсаларга кетказган вақтларимни ҳисоблаб чиқдим. Ҳақиқатда, биз аёллар "вақтимиз йўқ" деб кўп шикоят қиламиз, аммо кўпинча телефонимиз, ижтимоий тармоқлар ва бошқа бекорчи машғулотлар вақтимизни ўғирлаётганини сезмай қоламиз.
Мана шу ҳадисдан кейин, ўзим учун муҳим бўлмаган ҳар бир нарсани тарк этаётганимда:
"Эй Роббим, бу нарсани Сен учун тарк қилдим. Эй Роббим, бу ишдан Сен учун қайтдим"
— деб дуо қилдим ва ҳар бир тарк этган амали учун ажр умид қилдим.
Қарангки, шу биргина ҳадиснинг баракасидан Қуръонни ёдлашимга сабаб бўлди! Бир кунга 2–3, баъзан 4 саҳифа ёдлай оладиган ҳолатга келдим. Бу Аллоҳнинг фазли ва раҳматидир. Илгарилари ҳатто бир оят ёдлашга қийналардим, ҳозир эса, Қуръон қалбимга тез кириб бораётганини ҳис қилаяпман. худди сувдек оқиб кириб келаётган эди.
Фақат мадраса эмас, фақат вақт эмас — ният муҳим
Ҳар куни кичик вақт ажратдим, аммо уни сидқидилдан ва сабр билан ўтказдим. Қуръон йўлидаги таянчларим: Аллоҳга бўлган муҳаббат, шукр, фидокорлик ва ниҳоятда кучли ният бўлди.
Битта ҳадис шу қадар таъсир қилган бўлса, агар 40 ҳадисни ўқиб, уларни ҳаётимизга татбиқ этсак, Аллоҳ таоло қалбимизга қандай илмлар эшигини очиб беради, тасаввур ҳам қилиб бўлмайди.
Шу сабабли, менинг азиз муслима опа-сингилларим, сизларга қалбимдан чиққан сўзларим шуларки:
Инсон қалбида яхшилик ва ибодат ғами бўлса, Аллоҳ албатта унга йўл очиб беради.
Агар қалбингизда Қуръон ёдлашга бўлган орзу, ният, эҳтиёж бўлса — билингки, бу Аллоҳнинг сизга берган даъвати. Шароит кутманг, фурсат қидирманг — бошланг. Қалбингизда ният бўлса, Аллоҳ йўлини очади.
Қуръон ва ҳадислар — биз учун зоҳир ва ботинимизни тарбия қилувчи буюк дастурдир. Уларни ўрганиш, улар билан яшаш, ҳар бир ҳикматни ҳаётга татбиқ этиш инсонни илоҳий нурга етаклайди.
Кичкинагина жумлада улкан маънолар бор. Уларни амалда қўллаш орқали Аллоҳнинг каломи билан мукофотланамиз. Ва шу орқали ҳақиқий саодатга етишамиз.
АХЛОҚИНГ БИЛАН БОЙ, ҚАНОАТИНГ БИЛАН БЕҲОЖАТ, ТАВОЗЕНГ БИЛАН УЛУҒВОР БЎЛ!
👳🏻♂️Бобо ўз набирасига деди:
🔷"Яхши кўрган инсонингни кўп мақтама!
🔸Роббисига итоат қилмайдиган билан бирга юрма!
🔸Мажлисларда кўп гапирма!
🔹Ўтирган ҳолингда салом берма!
🔸Сени ташлаб кетган дўстга яқин бўлишга интилма!
🔹Ўзингни хор қилма, такаббур ҳам бўлма!
🔸Ўта мулойим ҳам, ўта бешафқат ҳам бўлма!
🔹Ростгўй қасам ичмайди.
🔸Ишончли киши ўзини оқламайди.
🔹Ихлосли киши надомат қилмайди.
🔸Олийжаноб киши миннат қилмайди.
🔹Муҳаббат қилган малолланмайди.
🔸Сен бошқалар хоҳлагандек бўлма, балки қандай бўлсанг, шундайлигингча қол!
🔹Одамларни ҳурмат қилишинг уларга эҳтиёжинг борлигини англатмайди, балки ўз динингдан олган таълим-тарбиянгни намоён қилади.
🔸Ҳурмат қил, ҳурмат кўрасан!
🔹Ахлоқинг билан бой, қаноатинг билан беҳожат, тавозенг билан улуғвор бўл.
🔸Ортингдан гапирадиганга парво қилма, чунки у ҳақиқатда ортингдадир, сендан олдинда эмас.
🔹Одамларга Қуръондан қанча ўқиганинг ёки ёдлаганинг ҳақида гапириб ўтирма, уларнинг ўзлари сенда Қуръонни кўришсин.
🔸Очни таомлантир, етимга раҳм қил, ёмонлик қилганни кечир, ота-онангга яхшилик қил, қариндошлик алоқаларини тикла, барчага табассум эт.
🔹Қуръондан қанча ўқиганинг ёки ёдлаганинг муҳим эмас, муҳими
Қуръон сенда қаергача етиб борганида.
🔸Кишиларга доимо хурсандчилик олиб киришга ҳаракат қил!
📚 Ibratli Hikoyalar 📚
ИККИ ДЎСТ
Тарихнинг қайсидир саҳифасида икки дўст бўлган экан. Иккаласи бир жойда таҳсил олиб, илм-маърифатда маълум даражага етибдилар. Олим бўлиб етишибдилар. Аммо, улар икки хил йўлни танлабди.
Биринчи дўст таркидунёчиликни ихтиёр қилибди. Тоғларга чиқиб кетиб, кечаларини ибодат, зикр, Қуръон қироати билан, кундузларини рўза билан ўтказишни бошлабди. Бутун борлиғини Аллоҳга бағишлабди.
Иккинчи қаҳрамонимиз эса илмини халққа етказиш учун ваъз-насихат қилибди, шогирдлар етиштирибди. Оила қурибди, касб-ҳунар қилиб бойлик тўплабди. Катта боғ, масжидлар, мадрасалар қурдирибди. Халққа соф ислом таълимотларини етказиш билан умрини ўтказибди. Аҳли солиҳ фарзандлар тарбиялаб, юзлаб шогирдларни камолга етказибди.
Орадан йиллар ўтибди...
Таркидунё қилган қаҳрамонимиз, асли шариат таркидунё қилишга тарғиб қилмаган бўлса ҳам, қалбидаги мустаҳкам эътиқоди ва Аллоҳга бўлган ишқи туфайли авлиёлик даражаларини топибди. Хатто, қушлар тилини тушунадиган кароматга эга бўлибди.
Бир куни зикр қилиб ўтирса, иккита қуш гаплашаётгани қулоғига чалинибди. Улар бир-бирига, мана бу авлиёнинг бир дўсти бўлар эди ўша олим вафот этибди, дейишаётган экан.
Бу хабарни эшитиб махзун бўлган авлиё унинг қишлоғи томон йўлга тушди. Йўлда ўзини ўзи койиб борар эди, у бола-чақасидан ошиниб келолмагандир, нега мен бир бора ҳол-аҳвол сўраб зиёрат қилиб қўймадим?! Энди ҳеч бўлмаса аҳли оиласига таъзия билдириб қўяй, деди.
Қишлоқда бир катта боғга кўзи тушди. Бу кимники, деган саволга, фалон олимники, кеча ул зот вафот қилдилар, деб жавоб қилишди. Намоз учун масжидга кирди. Бутун жамоат ул зотни ҳаққига дуолар, таҳлиллар айтаётган эди. Мадрасаларни ҳали кўрмаган экан, кириб кўрди. Юзлаб, минглаб шогирдлар ул зотга бағишлаб хатми Қуръонлар қилмоқда. Ниҳоят дўстининг уйига борди. Фарзандлари ва аҳллари ҳам такбир-таҳлил, хатми Қуръонлар билан банд. Вафот қилган дўстининг ҳаққига қилинаётган дуолар, хатмлар тинмас эди. Ул зотдан моддий ва маънавий яхшиликлар кўрган қанча-қанча инсонлар у кишига бағишлаб эҳсон ва дуои хайрлар қилмоқда.
Бу ҳолатни кўрган авлиё зот одамларга шундай хитоб қилибди:
Огоҳ бўлинг, ибрат олинг! Мен бу киши билан бирга илм олганман. Аммо, иккаламиз икки хил йўл танлаганмиз. Бугунгилик кунда менга маълум бўлдики, дўстим танлаган йўл афзалроқ экан. Вафот қилганидан кейин ҳам унинг амал дафтари тўхтамаётганини кўряпман. Бу амал дафтари қиёматгача ҳам тўхтамаса ажаб эмас. Қанийди мен ҳам шу йўлни танлаган бўлсам эди. Аллоҳ сенга Ўз раҳматини ёғдирсин дўстим, сен ютдинг ИншаAллоҳ!
📚 Ibratli Hikoyalar 📚
Бир қўлингизда ўчирғич бўлсин
Ўғлини уйлантирган ота бир куни ўғлига қоғоз, қалам ва ўчирғич келтиришни буюрди. Ўғил аввалига отасининг бу талабидан ҳайрон бўлди, ота қистайвергач, ўғил айтилган нарсаларни олиб келди. Ота ўғилга: ёз!-деди.
Ўғил: нимани ёзай?-деди.
Ота: ҳохлаган нарсангни ёз, деди. Ўғил бир жумла ёзди.
Ота: энди ёзганингни ўчир, деди. Ўғил ўчирғич билан ёзган нарсасини ўчирди.
Ота: яна ёз!-деди.
Ўғил: нимани, нега ёзай?-деди.
Ота: Сен ёзавер, деди. Ўғил ёзди.
Ота: энди ўчир, деди. Ўғил ўчирди.
Ота: Ёз!-деди.
Ўғил: Сиз мендан нима истайсиз, нега ёзай?-деди.
Ота: Айтганни қил, деди. Ўғил яна ёзди.
Ота: Энди ўчир!-деди. Ўғил ўчирди. Шундан кейин ота ўғлининг елкасига қўлини қўйиб: Эй ўғлим, турмуш қургандан кейин оилада битта ўчирғич бўлиши керак. Сен аёлингдан кўрган баъзи бир ёқмайдиган нарсаларни ўчириб туришинг, аёлинг сендан кўрган баъзи бир ёқтирмайдиган нарсаларини ўчириб туриши керак бўлади. Акс ҳолда турмушнинг оппоқ варағи кўп ўтмай ёқимсиз хотиралар билан тўлиб қолади. Натижада, турмуш жаҳаннамга айланади. Эй ўғлим, эр-хотинлик алоқаси меҳр-муҳаббат ва ўзаро бағрикенгликка, бир-бирига нисбатан кечиримли бўлишга асосланади. Агар бирор камчилик ўтса уни такрорламаслик учун муносиб услуб билан тушунтириш лозим бўлади. Мана шу эр-хотинлик алоқасини мустаҳкамлайдиган асосий қоидалардан ҳисобланади, деди.
Ҳомиджон қори ИШМАТБЕКОВ
📚 Ibratli Hikoyalar 📚
ҲАЁТИЙ ҚИССА
(Албатта ўқинг!)
Бир камбағал, фақир кишининг бошига оғир ташвиш тушди, қарзлари кўпайиб 500 динорга етди. Уларни тўлашга қурби етмасди. Бошқа томондан қарз берганлар пулларини тинмай талаб қила бошладилар. Ночор қолган киши бой савдогарнинг ҳузурига бориб 500 динорни маълум муддатда қайтариш шарти билан қарз ҳавола қилди ва қарзларини тўлади. Куну тун бир бирини қувлаб ўта бошлади. Аҳвол эса ёмонлашгандан ёмонлашди. Келишилган муддат етиб келди. Савдогар пулини сўраб келди. Бечора фақир эса тўлашга бир дирҳами ҳам йўқлигини айтди. Савдогар қозига арз қилди. Қози камбағални то қарзини тўламагунча зиндонга ташлашга ҳукм қилди.
Камбағал киши қозига:
- Ҳазрат эртагача менга изн беринг, уйимга бориб аёлимга айтай, оиламдагиларни ҳотиржам қилиб келай, токи мендан ташвишланмасинлар.
Қози:
- Эртага қайтиб келишингга ким кафил бўлади?
Камбағал:
- Росулуллоҳ соллаллоҳу алайҳи васалламни кафил қиламан. Гувоҳ бўлингки агар эртага қайтиб келмасам, дунё ва охиратда Муҳаммад соллаллоҳу алайҳи васалламнинг умматлари эмасман.
Қози ҳам солиҳ киши эди, фақирдан бу кафилликни қабул қилиб, уни уйига бориб келишига изн берди.
Киши уйга келгач аёлига вазиятни тушунтирди. Солиҳа, оқила аёл:
- Набий соллаллоҳу алайҳи васалламни қози ҳузурида кафил қилиб келибсиз, келинг энди у зот соллаллоҳу алайҳи васалламга саловат айтамиз. Шояд Аллоҳ айтган саловатларимиз баракасидан ғам-ғуссаларимизни аритса.
Шундай қилиб эр-хотин ўтириб Расулуллоҳ соллаллоҳу алайҳи васалламга саловат айта бошладилар. Ҳатто уйқу ғолиб келиб, ухлаб қолдилар.
Киши тушида Набий соллаллоҳу алайҳи васалламни кўрди. У зот фақирга: « Тонг отгач волий ҳузурига бор. Унга менинг саломимни етказ. Ва айтгинки:"Расулуллоҳ ( с.а.в.) қарзларимни тўлаб беришингизни талаб қилдилар". Агар гапинг ростлигига исбот талаб қилса унга икки аломатни айт: биринчиси - волий ҳар кеча канда қилмай менга минг марта саловат айтади.
иккинчиси - кечаги тунда саловатни саноғида адашиб кетди, лекин менга тўлиқ етказилди айтган саловатлари.
Киши уйғониб, шаҳар волийи ҳузурига ошиқди. Олдига кириб салом берди ва:
- Расулуллоҳ (с.а.в.) сизга салом айтдилар ва мени қарзимни қоплашингизни буюрдилар, - деди.
Волий:
- Қарзинг қанча?
Киши:
- 500 динор.
Волий:
- Гапингни ростлигини тасдиқловчи далилинг борми?
Киши:
- Иккита далилим бор. Бири - сиз Расулуллоҳ соллаллоҳу алайҳи васалламга ҳар кеча минг марта саловат айтасиз.
Волий:
- Гапинг тўғри, деб йиғлаб юборди.
Киши:
- Иккинчиси - кеча кечаси саловат айта туриб саноқдан адашиб кетдингиз, Набий алайҳиссалом саловатларингиз комил тарзда етказилганини хушхабарини бердилар.
Волий:
- Рост айтдинг, деди ва ёшлари кўзларидан қуйилиб кетти.
Сўнг байтул молдан 500 динор беришларини амр қилди. Яна ўз молидан 2500 динор берди ва:
- Бу сенга Набий с.а.в.дан салом келтирганинг учун икром, деди.
Киши волий ҳузуридан чиқиб, қозининг олдига шошди. Етиб келгач, қози уни кутиб ўтирганини ва қўлида ҳамён кўрди. Қози:
- Мен қарзингни қоплайман, мана сенга 500 динор. Чунки мен сени сабабингдан Расулуллоҳ с.а.в.ни тушимда кўрдим. У зот менга «Агар уни қарзини ўтасанг, Қиёматда сендан гуноҳларингни кечамиз» дедилар, - деди.
Шу пайт савдогар кириб келди ва қозига:
- Жаноб қози мен бу кишидан қарзларимни кечдим, розиман. Мана бу 500 динор мендан унга ҳадя. Чунки мен унинг сабабидан Расулуллоҳ с.а.в.ни туш кўрдим. У зот менга: «Агар уни қарзидан кечсанг, сени гуноҳларингдан Қиёмат куни кечамиз» дедилар, - деди.
Шундай қилиб киши қози ҳузуридан беҳад хурсанд бўлиб чиқди, аёлига хушхабарни айтишга ошиқди. 500 динор қарзини тўлаб берадиган одам ахтариб юрган эди, мана энди уйига 4000 динорни кўтариб шодмон қайтмоқда. Буларнинг барчаси Набиййимиз Муҳаммад соллаллоҳу алайҳи васалламга айтилган саловат барокатидан содир бўлди.
Қиссадан таъсирланган бўлсангиз:
«Аллоҳумма солли ва саллим ъала Муҳаммадин ва али Муҳаммад» деб айтинг!
📚 Ibratli Hikoyalar 📚
#Ибрат
АЖДОДЛАР НИМА ҚИЛГАНЛАРУ, БИЗЛАР НИМА ҚИЛМОҚДАМИЗ ?!
Дубайдаги Қуръон ёдлаш курси раисининг муовини Саид Хаарид ҳикоя қилади:
Дубайда ўтказилган мусобақаларнинг бирида эски Совет тузумидан бўлган бир кичик бола 1- ўринни эгаллади. Унинг ёши 12 да бўлиб, бу ҳақиқатан диққатга сазовор эди. Биз ундан Қуръони Каримни қандай ёд олгани ҳақида сўрадик:
- Ким сенга Қуръонни бундай тажвидли, чиройли қилиб ёдлатган?
- Отам менга шундай ёдлатган, деб жавоб берди у.
- Отангга ким ўргатган?
- Бобом.
Биз унинг жавобидан ажабландик ва сўрадик:
- Отангга бобонг атеист Совет тузумида қандай қилиб ўргатган, ахир у вақтда динига амал қилган мусулмонлар тўғридан-тўғри ўлдириб юборилган бўлса...
- Отам менга айтиб берганлар, бобом уларни эшакка мингазиб, қишлоқ ташқарисига олиб чиқар эканлар. Сўнг, кўзларини боғлаб, яна эшакка мингазиб, бир тоғ бағридаги катта ғорга олиб борар эканлар. Кўзларини ечиб, ўша ердан бекитилган Қуръонни олиб берар эканлар. Отам кун бўйи Қуръондан ёдлай олганларича ёдларканлар, сўнгра яна кўзларини боғлаб, қайтиб келишар экан. Шу аснода Қуръонни ёд олган эканлар…
…Биз жуда ҳайратда қолдик ва дедик:
- Нега бобонг отангни кўзини боғлаган экан? Сабаб?
У деди:
- Биз хам бу ҳақда қизиқиб, отамдан сўраганимизда, отам:
бобонг бу ишни мендан қўрққанлари учун қилибди; яъни Совет тузуми мени ушлаб олиб қийнаганда, заифлик қилиб, ғордаги Қуръон ўргатиладиган мадрасани айтиб қўйишимдан қўрққан эканлар. Чунки, у мадраса мусулмонларнинг фарзандлари Қуръонга боғлиқ қолишлари учун хизмат қилар эди…
Ё Аллоҳим! Бу аждодлар нима қилганлару, бизлар нима қилмоқдамиз?! Гарчи Аллоҳ Таоло Ўз Каломида рост сўзлагандир:
"Биз Қуръонни нозил қилдик ва Биз уни Ўзимиз сақлаймиз!”
Бу хикоя Қуръон ёдлаш у ёқда турсин, масжиднинг ёнида яшаб намозга чиқмайдиганларга нақадар чиройли ибратдир!
Субханаллох! Дунёнинг ҳар тарафида минглаб Қуръон ёдлаш халқалари бўлса-ю, эртага Роббисига йўлиққанда фойда берадиган Қуръон хақида, уни ёдлаш хақида фикр юритмаса...
Аллоҳ бизларни тўғри йўлдан адаштирмасин.
📚 Ibratli Hikoyalar 📚
Умидсиз қайтиб келдим. Хотиним аҳволимни кўргандан тушунди. Уйига телефон қилиб болам ўлиб қолса нима қиламан, деб йиғлади. Уйларида турган сигирни сотиб, пулини олиб келишди. Самарқандга боришдан олдин томоғини ҳам бир кўрсатайлик, нимадир тиқилиб қолмадимикан, деди қайним.
Томоғида кичкина суяк бўлакчаси санчилиб қолган экан. Олдириб келишимиз билан ўйнаб кетди. Шу билан Самарқандга ҳам бормадик. Пулни қайтиб бергандик, олишмади. Бир иш бошланглар, юришиб кетса қайтарарсизлар дейишди.
Сомса пишириб сота бошладик. Кунига мингтагача кетадиган бўлди. Насибамиз шунда бўлган экан. Қарзимизни ҳам қайтардик. Бироз ўзимизни тиклаб олганимиздан сўнг ота ҳовлимизнинг этагидан уй кўтардик. Болаларимизни ўқитдик. Онам ётиб қолганларида аёлим ўзи қаради, ундан рози бўлиб кетдилар.
Энди ёш ўтганда ўша даврларни эслаб, қилган ишларимдан афсусланаман. Аёлимни вақтида тушунганимда, авайлаганимда бугун соғлиғини йўқотмаган бўлармиди, болаларимиз ҳам икки эмас олти нафар бўларди. Тақдир деймиз-у, тақдиримизга ўзимиз сабабчи бўларканмиз. Ҳозир ўғлимга ҳам, жиянларимга ҳам айтаман. Эсинг бўлса, хотинингни урма. Ўзинг учун асра. Бир умр керак бўлади.
Ёшликда шу ақл қаёқда эди, дейди хотиним. Унга осон тутмайман. Кунда дори ичади, укол олади, лекин юзимга солмайди. Менинг тақдиримни ёшлар ўқисин, хотинини урмасин. Қайноналар ўқисин, келинига азоб бераётганда ўғли ҳам қийналишини билсин”, дея ҳикоясини якунлади отахон.
Тамом...
@IBRATLI_SOZLAR
📚 Ibratli Hikoyalar 📚
“Жаҳлим чиқса, аёлимни тепкилаб кетаверардим” – турмуш ўртоғини уриб, фарзандлари ўлимига сабабчи бўлган эркак ҳикояси
“Зарб натижасида ҳомила нобуд бўлибди. Роса афсусландим, лекин кеч эди. Ўзим пиширган ош дедими, кетиб қолмади. Бир ургандан кейин қўл кетиб қолаверар экан. Ундан кейин ҳам жаҳлим чиқса хотинимни тепкилаб кетадиган бўлиб қолдим. Барибир кетмайди, мени яхши кўради, деб ишончим комил бўлган эди”.
Инсон борки, хато қилади. Кимдир хатосидан сабоқ олади, кимдир эса йўқ, яна кимдир эса кеч англаб етади. Бугунги қаҳрамонимиз хатосини кеч англаб етган инсонлардан. Қуйида ҳикояни унинг ўзидан тинглаймиз.
“Оилада уч ўғил, икки қиз эдик. Акам Афғонистондан бир қўлидан айрилиб қайтган. Шунгами, онам акамни жуда эҳтиётларди. Акамни уйлантирганимиздан сўнг мен армияга кетдим. У вақтлар ҳозиргидан кўпроқ муддат хизмат қилинарди. Хизматдан қайтгунимча иккинчи акам уйланган, катта акамнинг иккинчи фарзанди дунёга келаётганда келинойим вафот этган экан.
Қайтганимдан сўнг бир йил у-бу ишларни қилиб юрдим. Яхши кўрганим бор эди. У ҳам менга бефарқмасди. Оиламдагилар катта акам иккимизни уйлантиришга ҳаракат бошлашганда кўнглимдагини айтдим. У пайтлар негадир бундай нарсаларга жуда ёмон ишдек қарашарди, негалигини билмайман. Онам олиб бермайман деди. Мен уйлансам фақат шу қизга уйланаман деб туриб олдим.
Аслида-ку, онамнинг ҳам келинликка тайин номзодлари йўқ эди. Қайсарлигимдан жаҳллари чиқарди. Отам айтганини оберамиз, тамом, деди. Шундай қилиб оиламизга қўшалоқ келин келди. Бир ҳовлида уч овсин яшай бошлади. Акаларим иккиси онамнинг хоҳиши билан уйлангани учунми, уларнинг хотинига онам у қадар қаттиқ турмасди.
Лекин менинг хотинимга жуда қаттиқ турарди. Ўшанда ёш эдим, ғўр эдим. Мен ҳам рафиқам онамнинг барча айтганини қилиши керак, деб ҳисоблардим. Аслида ҳам шундай эди. Аёлим магазинда ишларди. Рашким келиб, у ердан бўшатиб олдим. Фабрикага ишга кирди. Иш вақти бўлгунча молларнинг тагини тозалаб, емини бериб, сигирларни соғиб кетарди. Бу ишларни ундан бошқа ҳеч ким қилмасди. Лекин шунда ҳам доим гап эшитарди.
Ичим ачиса ҳам ўзимни бефарқдек тутардим. Бир нима десам, онам ҳаммаям севиб уйлансин экан-да, энди она керакмасми, деб гапирарди. Бу эса менинг суяк-суягимдан ўтиб кетарди. Аёлим билан кулиб гаплашолмасдик. Онам ўшанда мени қизғанганми ёки ғаши келганми, билмайман, хуллас, эркак киши унақа бўлмайди, хотин қули, деб қаттиқ гапирди. Алам устида аёлимни калтакладим.
Ҳушидан кетгунча урдим. Ҳушидан кетганда қаттиқ қўрқиб кетганман. Ўлдириб қўйдимми деб. Лекин “бунинг артист, рол ўйнаяпти, атайлаб ётволди”, каби гаплардан кейин турғизмадим ҳам, қарамадим ҳам. Ўшанда жоҳилга айлангандим. Уришга урдим-у, қўрқдим. Кетиб қолса-чи, акалари келиб жанжал қилса-чи, нима қиламан, деб ўйладим. Бир неча соатдан кейин ўзига келди. Қорнини ушлаб додлаб йиғлади, букчайиб туролмай қолди. Докторга олиб бордим.
Ҳомиладор бўлган экан. Зарб натижасида ҳомила нобуд бўлибди. Роса афсусландим, лекин кеч эди. Бир неча кун шифохонада ётганидан сўнг уйимизга қайтди. Қайтмаслигига ишончим комил эди. Тўғриси, ўшанда роса ич-ичимдан хурсанд бўлдим. Ўзимни унинг олдида айбдор ҳис қилардим.
Ўзим пиширган ош дедими, кетиб қолмади. Бир ургандан кейин қўл кетиб қолаверар экан. Ундан кейин ҳам жаҳлим чиқса хотинимни тепкилаб кетадиган бўлиб қолдим. Атай қилмасдим, бироқ ўша пайтда ўзимни бошқаролмасдим. Барибир кетмайди, мени яхши кўради, деб ишончим комил бўлганди. Бу орада синглимни чиқардик. Онам хотинимнинг сепидаги барча идиш-товоқларни олиб синглимга бериб юборди. Хотиним қайтариб оламан, нега бир оғиз сўрашмайди дея гап бошлаганди, овозингни ўчир, ўзим обераман сенга ўшани, дедим. Калтак ейишдан қўрқдими, шу билан жим бўлди.
📚 Ibratli Hikoyalar 📚
ЯХШИ ОТА-ОНА БЎЛИШ СИРИ
Ота-она бўлиш осон, лекин яхши ота-она бўлиш ҳамманинг ҳам қўлидан келавермайди. Қуйидаги кичик маслаҳатлар яхши ота-она бўлиш сари етаклайди:
✅АСАБИЙЛАШМАНГ.
Сиз қанчалик мулойим ва сокин бўлсангиз, болангиз ҳам шунчалик осуда бўлиб ўсади.
✅АЛДАМАНГ.
«Овқат есанг, бувингникига олиб бораман!» дедингизми, олиб боринг ёки ундай ваъда берманг. Болага берилган ваъданинг устида туриш муҳим. Шунда у сизга ишонади ва талабларингизни осон бажара олади.
✅УРМАНГ.
Болани уришдан ёмони йўқ. Урмай туриб ҳам жазолаш мумкин, урмай туриб ҳам ота-она ўз гапини ўтказиши мумкин. Уриш даражасига бордингизми, демак, айб сизда.
✅ҲАР НАРСАНИ МАН
ҚИЛАВЕРМАНГ.
«У мумкин эмас, бу мумкин эмас», «Уни қилма, буни қилма» каби гапларни эшитаверган бола бора-бора бу гапларга эътиборсиз бўлиб қолади. Ўзингиз учун ажратиб олинг ҳақиқатдан мумкин бўлмаган нарсалар билан сизга шунчаки ноқулайлик келтирувчи нарсаларни. Масалан, машинада йўлга чиқиш ҳақиқатдан ман қилиниши шарт бўлган нарса. Қумда янги кийимда ўйнаши эса бу шунчаки сизга ноқулайлик келтирувчи нарса. Ҳақиқатдан мумкин бўлмаган нарсаларга йўл қўйманг. Сизга ноқулайлик келтирадиган нарсаларга бўлган муносабатингизни ўзгартиринг.
✅ЎРНАК БЎЛИНГ.
Ўзингиз хунук сўзларни ишлата туриб болангизга «Хунук гапирма!» дея олмайсиз. Худди шундай куни билан телевизор ёнида бўлсангиз, бола ҳам дарс қилмай, телевизордан кета олмаганига ҳайрон бўлманг. Ўзгаришни ўзингиздан бошланг.
✅АЙБИНГИЗНИ ТАН ОЛИШНИ БИЛИНГ.
Бирон ишда хато қилиб қўйсангиз, болангиз олдида уни тан олишга одатланинг. Бундан бола хато қилишдан қўрқиб яшамай, хатони қандай қилиб такрорламасликни ўргансин.
✅БОЛАНИ ЭРКА ҚИЛИШДАН ҚЎРҚМАНГ.
Етти ёшгача эрка бўлган бола ҳаётда катта ютуқларга эришади. Фақат эркалиги янги ўйинчоқлар билан эмас, сизнинг меҳрингиз билан қоплансин.
✅КЕЧИРИМ СЎРАШНИ БИЛИНГ.
Сиз ҳам ноҳақ бўлишингиз мумкин. Боладан кечирим сўрашдан қўрқманг. Бундан у меҳрлироқ ва сабрлироқ бўлишни ўрганади.
✅ҚУЧОҚЛАНГ!
Болани кўпроқ қучоқлаб ўпишга одатланинг. Бола бунга руҳан ҳам жисмонан зор бўлади.
✅САБРЛИ БЎЛИНГ.
Болага ота-онанинг жаҳли чиқишининг энг асосий сабаби сабрсизликдир. Боланинг қилиқларига, ишига, ўқишига, юриш-туришига озгина сабр билан ёндашсангиз, у сизни фақат суюнтираётганини ҳис қиласиз.
📚 Ibratli Hikoyalar 📚
Сулаймоннинг васияти
Султон Сулаймон вафотидан олдин уч нарсани васият қилган экан:
1) Тобутини давлатининг энг зўр табиблари қабрга кўтариб боришини;
2) Бор бойликлари-жавохиру олтинларини қабргача борадиган йўлга сочиб қўйишларини;
3) Тобутидан икки қўлини чиқариб қўйишларини.
Сарой пешволари хайрон бўлиб, буни сабабини сўрашади.
Султон Сулаймон қуйидаги жавобни берган экан:
1) Замонанинг энг зўр табиблари тобутимни кўтаришсин сўнг одамлар кўришсин хар қанча зўр табиб даволамасин, Аллохдан келган ажал олдида улар ожиздирлар, ўлим хақ.
2) Бор бойликларимни йўлга сочиб қўйинглар, сўнг одамлар кўришсин, хар қанча мол-дунё йиғиб хам, инсон уни охиратига ортиб олиб кетолмаслигини.
3) Қўлларимни тобутдан чиқариб қўйинглар, сўнг одамлар кўришсин, қандай катта лавозимда, давлат султони бўлиб, қандай катта бойликларга эга бўлиб, саройларда яшаган бўлсамда, қабрга қуруқ қўл билан кетаётганимни.
📚 Ibratli Hikoyalar 📚
Мени кечир, жон болам!
5-синфда ўқийдиган кичик қизимни синфдошлари, икки ўғил бола хафа қилибди. Аясига йиғлаб телефон қилди, ёнида эдим. Тушундимки, биринчи марта эмас, олдин ҳам шунақа ҳолатлар бўлган. Қизим тинчлантирилган, ўқитувчисидан илтимос қилинган, ота-оналарга тушунтирилган...
Албатта, ҳеч ким ўз боласини ёмон демайди. Лекин қизим жуда одобли ва бировга озори тегмайдиган, ўзим биламан буни. Ўғил болалар шўхлик қилиши ҳам табиий, ўзимиз улғайгунча қизларимизни неча марта хафа қилиб йиғлатганмиз.
Лекин барибир отаман, қизимнинг кўз ёшлари қаттиқ таъсир қилди, онасининг қаршилигига қарамай мактабга бордим. Икки болани чақирдим. Шўхлиги қайнаб турган беғубор полвонлар...
Ўзларига гапирсам бошқача қабул қилинади, шу боис сўроққа тутдим:
– Дадангнинг номерини бер, гаплашаман!
Кўзлари катта-катта боланинг кўзлари янаям катта-катта бўлиб кетди. Секин ерга қараб деди:
– Билмайман номерларини...
Гап отасига етмаслиги учун алдаяпти деб ўйлаб янаям қаттиқроқ сўрадим:
– Бер дедим, барибир топаман!
Боланинг кўзлари ёшга тўлди. Негадир тескари қараб кўксини муштлаб-муштлаб йиғлай бошлади. Уни кўриб шериги ҳам йиғлади ва ўртоғини овутди:
– Йиғлама...
Устозининг олдига олиб чиқиб ҳар иккисини койидим, огоҳлантирган бўлдим.
Пастга тушсам аёлим кутиб турган экан. Дарҳол олдимга келди:
– Қаттиқ гапирмадингизми? Телефон қилсам олмадингиз. Мен ҳам ҳозир билдим, у боланинг отаси йўқ экан...
Тор дунё кўзларим олдида икки карра торайди. Боланинг кўксини муштлаб-муштлаб йиғлаши кўз ўнгимдан ўтди. Қайтиб тўртинчи қаватга югурдим. Устозининг қаршилигига қарамай болакайни яна чақириб олдим. Қучоқладим, кўзларим тўлди:
– Мени кечир, жон болам... Билмагандим. Нега айтмадинг?! Кечир мени!
Бола олдингидан икки карра кўпроқ ёш олди кўзига.
– Айтолмадим...
Қандай бедодлик қилдим. Отасиз бола олдига қизимнинг ҳимоячиси – ОТА бўлиб келиб, кўнглини бир ўкситдим. Кейин отасини дўқлаб суриштириб, бу дардни икки қилдим.
– Энди сенга бегона эмасман. Дўст бўлинглар. Агар бирор муаммонг бўлса менга айт, қўлимдан келса ёрдам бераман. Фақат мени кечир...
Бир олам юк билан пастга тушдим. Бунгача онаси аёлимга телефон қилган экан. Менга ҳам боғланиб хафа бўлди табиийки. Узримни сўрадим яна бир бор.
Ҳалигача кўз ўнгимда ўша болакай...
Аброр Зоҳидов
📚 Ibratli Hikoyalar 📚
#Ибратли_қисса
ЯХШИЛИК
Корма Дейзн чой ишлаб чиқариш ортидан жуда катта бойлик жамлади. Бу соҳада афсонага айланди.
Дейзн дўсти Шино Соймоннинг катта қарз бўлиб қолганини билиб қолди. Соймон яқинларидан бирининг қарзини тўлайман деб шу аҳволга тушиб қолган эди. Дейзн дўстининг аҳволи оғирлигини билиб унга ёрдам қилмоқчи бўлди. Аммо Соймон жуда мағрур, ориятли йигитлардан эди. Бировдан ёрдам олишни ҳазм қила олмас эди. Шунинг учун Дейзн ҳийла қилмоқчи бўлди.
Дейзн дўстининг уйига зиёратга борди. Унинг деворида осиғлиқ турган лавҳани мақтай бошлади. Уни “Монализа“га тенглаштирди. Буни эшитган Соймон дўстига сурат ёққанини билиб уни девордан олди ва Дейзнга совға қилди. Дейзн унга миннатдорчилик билдирди.
Эртаси куни Дейзн Соймонга гулли ваза юборди. Унинг ичида мактуб бор эди. Мактубда Дейзн шундай ёзган эди:
“Кечаги саховатингдан сўнг сенга миннатдорчилик билдирмоқчи бўлдим. Бу совғани мендан қабул қил. Бу ваза буюк ҳунарманд Сун Норкёнинг санъат асаридир. Унинг устида буюк император Ҳудоёшининг қўли билан ёзилган ёзувлар бор. Агар бу ваза сенга ёқмаса уни Ковоша Сонимонга сотишинг мумкин. У анча йиллардан бери шу вазани қўлга киритишга ҳарис бўлиб юрибди!“.
Соймон айнан Ковошадан қарз эди. Соймон вазани Ковошанинг уйига олиб борди. Ковоша вазани кўриб хурсанд бўлди. Соймондаги пули эвазига вазани унга сотишини сўради. Яна қўшимча пул ҳам беришини айтди. Соймон кўнди. Ваза сотилди. Соймон қарзидан қутилди“.
Гоҳида тўғридан тўғри берилган ёрдам киши қалбини жароҳатлаши мумкин. Сахий инсон муҳтож кишини дилини жароҳатламайдиган йўлни топиши лозим. Кишилардаги обрў-эътибор ва ҳурмат уларнинг эҳтиёжидан анча устун туради. Уларнинг ҳурматини оёқ-ости қилиб ёрдам бергандан кўра муҳтож ҳолда қолдирган маъқулроқ.
Бу дунёда ҳамма нарсанинг одоби бор. Эҳсоннинг одоби муҳтожнинг ҳурматини, обрўсини сақлашдир!
Абдулқодир Полвонов
📚 Ibratli Hikoyalar 📚
Хасан Басрий бир кун тунда:
"Аллохим менга зулм қилган кишини кечир, Аллохим менга зулм қилган кишини кечир", дея кўп дуо қилар эди!
Бир киши:
"Эй Абу Саъийд! (Хасан басрийнинг куняси), Кеча тунда сизга зулм қилган кишига дуо қилаётганингизни эшитиб қолдим, хаттоки мен ўша зулм қилган кишилар қаторида бўлиб қолишликни орзу қилдим, сизни бундай дуо қилишликга нима ундади?!"
Хасан басрий:
Аллохнинг ушбу сўзи:
📓"Ким авф этиб, ислох қилса, унинг ажри Аллохнинг зиммасидадир!
Шуро 42/40
Албатта у қалбларни Қуръон ислох қилиб, тарбия қилган қалблардир.
📚 Ibratli Hikoyalar 📚
Рашк билан рашк ўртасидаги фарқ
Аёл киши эри билан кўчада кетаётган эди. Уларга яқин масофада бир кекса киши ҳам юриб борар эди. Кекса киши бехосдан тойилиб кетиб, кўлмакдаги сувни босиб юборди. Кўлмакдаги сув эса, сачраб аёлнинг кийимини ифлос қилди. Бу ҳолатдан дарғазаб бўлган аёл кекса кишига бақира кетди: кўзинга қараб юрсанг бўлмайдими эй ҳайвон. Аёлининг ҳолатини кўрган эр мушти билан кекса одамни бир урган эди, каловланиб йиқилиб тушди. Ўрнидан аранг туриб, жавоб қайтармоқчи эди, эркакнинг жасадини кўриб кучи етмаслигига ишонди ва ичида ғудраниб қўяқолди. Эр-хотин яқин ердаги уйга кириб кетишди.
Йўлакдаги зинапоядан кўтарилишда эркак қоқилиб кетди ва юз тубан йиқилиб боши билан зинапоянинг қиррасига урилди ва ўша ерда жон таслим қилди. Бу ҳолатдан аёл жазавага тушиб яна кекса одамга ташланди. Сен сабабли мени эрим ўлди, уни сен ўлдирдинг, деди. Атрофга тезда одамлар тўпланди. Аёл ўша даъвосида туриб олди. Масала қозига кўтарилди. Аёл қозинининг олдида: бу киши сеҳргар, дажжол экан. Бир нималарни пичирлаб ғудранди. Ана шундан кейин эрим йиқилиб тушди, деди. Қози кекса кишидан нима деганини сўради. Шунда кекса киши бўлган воқеани айтиб берди.
Мен беҳосдан қоқилиб кетиб, кўлмакдаги сувни босиб олдим. Сув эса, сачраб аёлнинг кийимини ифлос қилди. Аёлнинг эри мени бошимга мушти билан уриб жароҳат етказди. Аммо, менинг кучим унга етмаганлиги учун, Аллоҳ таолога мурожаат қилдим: Эй Роббим, у менга ўз кучини кўрсатди, Сен ҳам унга Ўз кучингни кўрсатиб қўй, дедим. Кўп ўтмай эркак йиқилиб тушиб бошини зинапояга уриб ўлди. Бўлган иш шу холос, деди. Шунда қози аёлга қараб: мўйсафид сенинг эрингни ўлдирмаган. Маҳбубинг сени рашк қилиб кексага жароҳат етказди, унинг Маҳбуби рашк қилиб сени эрингни уриб ўлдирди, деди.
📚 Ibratli Hikoyalar 📚
#СубҳанАллоҳ Энг кучли компьютер ҳам ожиз қоладиган тезлик
Олимлар асалари кўриш учун ультрабинафшадан фойдаланишини аниқладилар. Маълумки, ультрабинафша тўлқинларининг қисқалиги билан бошқа тўлқинлардан фарқ қилади. Шу боис ҳам асалари нарсаларни инсондан кўра анча тез шаклда кўради. Чунки у гуллар орасидан нектар йиғиш мақсадида учаётганда гулларни тезкорлик билан аниқлаши керак.
Асалари видео кўрадиган бўлса, фақатгина қимирламай турган расмларни кўради. Сабаби унинг кўриш тезлиги инсонникидан анча тез. Бизнинг кўзимиз кетма-кет ўтаётган тасвирларнинг орасини ажрата олмай ҳаракатланаётгандек кўради. Асалари эса мазкур тасвирларни тинч турган расм ҳолида кўради.
Олимларнинг айтишларича, асалари бир сонияда триллионта математик амалиётни бажарар экан. Бу ҳолат эса дунёдаги ҳар қандай кучли компьютердан ҳам тезкор саналади. Асаларининг кўзлари ёруғликни қабул қилувчи бир неча минг линзалардан иборат бўлиб, бу унинг инсондан афзалроқ кўришига сабаб бўлади.
Бугун олимлар асаларининг кўзларига ўхшаш линзали камера ясашга уриндилар. Лекин Буюк Мусаввир томонидан яратилган кўзлар олдида ожизларча тўхтаб қолдилар.
Асалари кўзлари кичик линзалардан иборат бўлиб, мазкур линзалар олти бурчакли шаклдадир. Ушбу кўзлар асалари ўрмонлардан ўтаётганда кўришга, хусусан арилар жамоаси ичида учиш пайтида тўсиқларга урилиб кетмаслигига сабаб бўлади.
Моддапараст олимлар ушбу арилар мияси миллиардлаб ҳужайраларни ўз ичига олишини, миясининг ҳажми игнанинг боши катталигидан ошмаслигини билсаларда, асалари кўриш амалиётини қандай ривожлантира оларкин деб ҳайрон бўладилар.
Бу расмдаги асаларининг боши бўлиб, ундаги миянинг ҳажми игнанинг боши катталигидан ошмайди. Шунга қарамасдан мия миллиардлаб ҳужайраларни ўз ичига олган, барча ҳужайра дунёдаги энг улкан компьютер ожиз қоладиган даражада катта тезлик билан ишлайди.
Сунъий кўз ясаб, ўша орқали асалари кўзига тақлид қилишга уринганлардан бири профессор Ли «Табиат қиммат техникаларга эҳтиёж сезмасдан комил, тартибли биноларни устма-уст қилиб қандай қура олаётганини тушунишни қанчалар истардим» деган.
Унинг саволига жавобни ушбу оятдан топамиз:
«У осмонлару ерни беназир қилиб яратувчидир. Унинг хотини бўлмай туриб, боласи қандай бўлсин?! У ҳамма нарсани Ўзи яратди ва У ҳамма нарсани ўта билувчидир. Ана ўша Аллоҳ сизнинг Роббингиздир. Ундан ўзга илоҳ йўқ. У ҳар бир нарсанинг Яратувчисидир. Бас, Унга ибодат қилинг. У ҳар бир нарса узра вакилдир! Кўзлар Уни идрок эта олмас, У кўзларни идрок этар. У ҳар бир нарсани дақиқ ва нозик жойларигача билувчидир, ўта хабардордир» (Анъом сураси, 101-103-оятлар)
📚 Ibratli Hikoyalar 📚
Исо Масиҳ алайҳиссалом бешикдалик чоғида айтган сўзни эсга олайлик. У бундай деганди: «Аллоҳ мени қаерда бўлсам ҳам, яхшилик ва баракотлар соҳиби қилди» (Марям, 31).
🤩Эй Аллоҳнинг бандаси, кўп яхшилик ва барака келтирувчи бўлинг.
🤩Ўзингизга, аҳли оилангизга, ёру дўстларингизга, қўни-қўшниларингизга, ҳамшаҳарларингизга, умуман ер
юзидаги барча мусулмонларга барака олиб келувчи фойдали ва керакли одам бўлинг.
🤩Сафарда бўлсангиз, қаерга тушсангиз ҳам биринчи нав-
батда эътибор беринг:
⭕️ўша диёр аҳли сиздан нима фойда
кўрди,
⭕️жоҳилларига илм ўргатдингизми, камбағалларига хайру эҳсон қилдингизми,
⭕️муҳтожларнинг эҳтиёжини
қондирдингизми,
⭕️мусулмоннинг айбини яширдингизми,
⭕️ёш-ялангларни қариндошлари билан силаи раҳм қилишга
тарғиб қилдингизми,
⭕️ота-онага яхшилик қилишга ундадингизми?
🤩Қаерда бўлманг, ўша ердагиларга фақат яхшилик келтирувчи, уларга керакли инсон бўлинг.
🤩Одамларни Аллоҳнинг йўлига чақиринг, жоҳилга таълим беринг, яхшиликка чорланг, агар ўзингиз яхшилик қилишга қодир бўлмасангиз бошқаларни унданг.
Аллоҳ таоло айтади: «Йўқ, сизлар етимга хайру саховат кўрсатмайсиз, камбағал-мискинга таом беришга
бир-бирингизни тарғиб қилмайсиз» (Фажр, 17-18).
«Камбағал-мискинга таом беришга бир-бирингизни тарғиб қилмайсиз» деган ояти каримадан тушуниладики, мискинга таом беришга бир-биримизни ундашимиз
керак экан.
🤩Баракали ва керакли инсон бўлинг.
⭕️Агар яхшилик қилиш
қўлингиздан келмаса, ҳеч бўлмаса яхши гап гапиринг, шунда ҳам барака бор, шунда ҳам яхшилик бор.
⭕️Ўзингиз яхшилик қилишга қодир бўлмасангиз, бошқаларни бунга йўллаб қўйинг. Росулуллоҳ саллаллоҳу алайҳи васаллам айтганлар:
«Яхшиликка йўллаб қўювчи ўша яхшиликни қилган билан баробар».
⭕️Садақа қилишга қодир бўлмасангиз, бошқаларни садақа қилишга тарғиб қилинг.
⭕️Ҳар доим фитнага сабаб бўлмасликка ҳарис бўлинг, оилангизда фитна чиқишига сабабчи бўлманг.
Фарзанд деярли ҳар куни отасига муаммо олиб келади:
Мактабида бир ўқувчи билан урушиб муаммо чиқаради, ота бориб у муаммони ҳал қилади. Эртасига ўқитувчиси билан муаммо чиқаради, ота уни ҳам ечади. Учинчи куни қизларга тегажоғлик қилиб муаммо чиқаради, уришиб, ота-онасининг сўкилишига сабаб бўлади. Нега бундай қиласан?! Ахир Росулуллоҳ саллаллоҳу алайҳи ва саллам: «Сизлардан бирингиз ўз отасини сўкмасин», деб айтганлар. Саҳобалар: «Ё Расулуллоҳ, одам ўз отасини ҳам сўкадими?» дейишди. «Бировнинг отасини сўкади, у ҳам бунинг отасини сўкади, бировнинг онасини сўкади, у ҳам бунинг онасини сўкади», дедилар. Шундай экан, оила аъзоларингиз ва яқинларингизга муаммолар келишига сабаб бўлманг. Сизни деб яқинларингизнинг юзи шувут бўлмасин.
🌷Бараканинг маъноси яхшиликнинг
зиёда бўлишидир. «Баракали бўл» дегани одамларга фойда келтирувчи бўл, деганидир.
🌷Аллоҳ таоло мол-давлат берган бўлса, сизда унинг асари кўринсин, ундан атрофдагиларга эҳсон қилинг.
🌷Аллоҳ таоло илм берган бўлса, илмингиздан одамларни фойдалантиринг.
🌷Аллоҳ таоло обрў берган бўлса, обрўйингиздан фойдаланиб, одамлар орасини ислоҳ қилишга ҳаракат қилинг.
Аллоҳ барчамизга барака ато этсин, қаерда бўлмайлик ўзимизга, аҳли оиламизга, қўни қўшниларимизга ва элу юртга хайру барака келтирувчи кишилардан қилсин. Омин.
📚 Ibratli Hikoyalar 📚
ШВЕЦИЯЛИК ПРОФЕССОР: “ТАҲОРАТЛИ МУСУЛМОНЛАРДАН НУР ТАРҚАЛАДИ...”
Швециялик 63 ёшли профессор, олим Роберт Кензи термал камераси ёрдамида таҳоратли мусулмонлар вужудидан тарқалган иссиқлик ва нурларни суратга олиб, ушбу ҳолатни аниқлаш мақсадида тажриба ўтказади.
Тажрибада таҳоратли мусулмонларни ўраб турган нурли чизиқларни кўргандан сўнг, мусулмонлар ер юзида яшайдиган энг тоза ва озода инсонлар экани аниқланди.
Бу нурли чизиқлар 7 қаватдан ташкил топган бўлиб, шулардан биринчиси қизил нурли чизиқ эди. Қизил нурли чизиқ инсонни ўраб турса, у инсонда хавфсизлик хисси ва ҳузур билан таъминлар экан.
Профессор Роберт Кензи ўз тадқиқотида Европадан 50 минг кишини шу термал камерадан ўтказади. 50 минг кишида нур ва иссиқликни ўлчайди. Бу термал камера аслида инсонлардаги касалликни аниқлаш мақсадида ихтиро қилинган. Бироқ тажриба натижаси профессорни ўйлантириб қўяди.
Тадқиқот жараёнида 50 минг кишини ҳеч бирида бу нурли чизиқлар текис ва тенг чиқмайди. Роберт Кензи термал камерасини носозлигига шубҳа қила бошлайди. Аммо Нигериялик бир бемор савдогар, унинг бу фикрини бутунлай ўзгартиради. Нигериялик савдогарнинг нурли чизиқлари бир текис ва тенг тарқалар эди. Роберт Кензи дарҳол нигериялик тижоратчи билан суҳбатлашади. Профессор таажжубланиб турган пайтда нигериялик савдогар Робертга ҳеч қачон таҳоратсиз юрмаслигини айтади ва «Таҳорат мўминларнинг қалқонидир» дея таъкидлайди. Шундан сўнг Роберт Кензи бу ҳолатни шахсан ўзи текшириб кўриш учун ўзи ҳам билганича таҳорат олади. Натижа 100% эмас эди. Шунда у бир мусулмондан тўғри таҳорат олиш қоидасини ўрганади ва натижа 100% чиқади, яъни Робертни ҳамма нурли чизиқлари бир текис тенг бўлади.
У бу ҳолатни яна 37 кишида такрорлади ва ҳар сафар нурли чизиқлар бир текис тенг чиқади. 37 кишининг ҳеч бири мусулмон эмас эди.
Бу тадқиқотлардан сўнг, Роберт Кензи Исломни қабул қилди. 67 ёшида Қуръони Каримни ёд олди ва ҳофиз бўлди. Ўз асбобига эса «Иймон ўлчайдиган жиҳоз» деб ном берди.
Ушбу тадқиқотдан сўнг барча беморларни тинчлантириш учун дори ўрнига таҳоратни ташхис қоғозига ёза бошлади.
Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам:
«Албатта, умматим қиёмат куни таҳоратнинг асаридан пешоналари ва оёқ-қўлларидан оппоқ нур таралиб турган ҳолларида чақирилурлар. Бас, сиздан ким ўз пешонасидаги қашқасини узайтиришга қодир бўлса, шуни қилсин», дедилар».
Бешовларидан фақат Абу Довуд ривоят қилмаган.
Аллоҳим бизларни мусулмон қилиб яратганинг учун Ўзинга шукрлар бўлсин!
📚 Ibratli Hikoyalar 📚
РАҲМАТ ФАРИШТАЛАРИ КИРМАЙДИГАН УЙЛАР
Силайи раҳмни узган, қариндошлари билан алоқаларни тарк қилган кишининг уйи.
(Тавба, 71; Имом Бухорий)
Ота-онасига итоат этмаган кимсанинг уйи.
(Нисо, 36; Луқмон, 14)
Етимнинг молини еган кимсанинг уйи.
(Нисо, 10; Имом Бухорий ва Имом Муслим)
Ичида фоиз ейиладиган уй.
(Бақара, 275-276; Имом Бухорий)
Сабабсиз ит сақланаётган уй.
(Имом Бухорий, Имом Муслим ва Имом Ибн Можа)
Аллоҳ зикр этилмаган мажлислар, Пайғамбаримиз соллаллоҳу алайҳи ва салламга салавоту саломлар айтилмайдиган йиғинлар, нафс устунликка чиқиб олиб, шайтон ҳозир бўлган уйлар.
(Имом Бухорий, Имом Муслим ва Имом Аҳмад).
Ичида ўликларга, даҳрга, шамолга, хўрозга, касалликларга ва шуларга ўхшаш нарсаларга сиғиниладиган уйлар.
(Имом Абу Довуд, Имом Аҳмад, Имом Бухорий ва Имом Муслим ривояти).
Ичида сурат, расм ва ҳайкал бўлган уйлар.
(Анбиё, 52; Соффат, 95-96; Имом Бухорий)
Аллоҳнинг зикри бир четда қолиб ўйин-кулгуга ружу қўйилган ва мусиқа оҳанглари тараладиган уй.
(Имом Аҳмад)
Ичида қотиллик юз берган уй.
(Имом Муслим, Имом Абду Довуд ва Имом Термизий)
Ичида бақир-чақир кўп бўладиган, аёл киши устунни йиқитадиган даражада баланд овозда гапирадиган уй.
(Имом Муслим)
Ичида спиртли ичиладиган ва қимор ўйналадиган уй. (Моида, 90-92; Имом Табароний).
Ичида Аллоҳга шерик қўшилган, сеҳр-жоду қилинадиган уйлар.
(Нисо сураси,48)
Ичида нарда ва қимор ўйналадиган уй.
(Мунофиқун, 9; Имом Муслим ва Абду Довуд).
Ҳаром бўлган кийимлар кийиладиган ва ҳаром бўлган ашёлар ҳамда олтин-кумуш идишлар қўлланиладиган уй. (Имом Термизий, Имом Муслим ва Имом Табароний).
Лаънатланган кимсаларнинг уйлари. Масалан: ичкилик ичадиган, Аллоҳнинг амрларига итоат этмайдиган, эрининг истагини қабул этмайдиган хотин, намозни тарк этган кишилар яшайдиган уй.
(Имом Табароний, Ибн Можа)
Ичида ёмон ҳидлар бўладиган уй. Масалан, пиёз, саримсоқ ва шуларга ўхшаш ўсимликлар, тамаки, чилим, нос каби бадбўй нарсалар бўлган уй.
(Имом Муслим, Имом Термизий)
Жунуб бўлиб ғусл обдасти олинмаган уй.
(Имом Абу Довуд, Имом Табароний)
Эркак аёлларнинг атир-упаларидан фойдаланувчи уй. (Имом Абу Довуд).
Исрофгарнинг уйи.
(Имом Насаий, Имом Муслим)
Уй эгалари ва ўша уйда яшовчилар гуноҳ ишлардан тийилмайдиган уй.
(Имом Насаий, Имом Аҳмад)
Ичида зино қилинган уй.
(Имом Бухорий, Имом Муслим, Имом Насаий)
(“Кутуби ситта”даги саҳиҳ ҳадислар асосида)
✔️Яқинларга хам улашинг❗️
📚 Ibratli Hikoyalar 📚
🪴 Ўринли маслаҳат
Бир куни кўчада сайр қилиб юрган киши йўл четида ўтирган кекса одамни кўриб қолди. У мўйсафиднинг қаршисига келиб, мурожаат қилди:
– Отахон, улуғ ёшли инсон экансиз, анчагина узоқ ҳаёт йўлини босиб ўтгансиз. Шубҳасиз, жуда доно бўлсангиз керак. Айтингчи, мана, мен ёш ва кучлиману, аммо ҳеч қаердан иш топа олмаяпман, ўғлим гиёҳвандликка берилди, қизимни ҳам яхши тарбиялай олмаяпман, аёлим эса кун бўйи уйда ўтирса ҳам, ҳеч қаерга қарамайди. Хўш, мен бу вазиятда қандай йўл тутишим керак? Нима қилсам, буларнинг ҳаммасини ўзгартира оламан?
Қария жавоб берди:
– Эшигинг устига кичкинагина тахтача осиб, унга «Ҳамиша шундай бўлавермайди» деб ёзиб қўй.
– Шу холосми? – ҳайрон бўлди эркак.
– Шу холос, – жавоб қилди кекса киши.
уйига бориб, қария айтгандек қилди. Бир қанча вақт ўтгач, унинг ўғли гиёҳвандликни ташлади ва ҳатто қилган иши гуноҳ эканини тан олиб, тавба қила бошлади. Қизи ёш билан йигит билан яхши кўришиб, оила қурди. Аёли ҳам ўзгарди ва рисоладаги бекага айланди. Эркакнинг ўзи эса сердаромад ишга жойлашди ва кўп ўтмай, ҳатто машина сотиб олди.
Кунларнинг бирида у таниш кўчадан ўтиб бораётиб, икки йилча олдин кекса мўйсафидни учратган жойида тўхтади. Қария ҳали ҳам шу ерда ўтирганди. Эркак унинг олдига яқинлашаркан, машинадан тушмаган ҳолда, унинг ойнасини очиб, сўз қотди:
– Ҳа, бобой, ҳалиям ўтирибсизми? Мен бўлса, кўриб турганингиздек, анча нарсага эришдим. Ўғлим гиёҳвандликни ташлади, энди у тақволи йигит, қизим севиб, севилиб турмушга чиқди. Аёлим ҳам яхши рафиқага айланди. Ўзим ишга жойлашдим ва энди ишхонамда мартабали бошлиқман. Сиз эса ҳалиям ўшандек ўтирибсиз, нўноқ чол! Хўш, энди нима деб маслаҳат берасиз менга?
Бу гаплардан қариянинг чеҳраси ўзгармади, аксинча, у суҳбатдошига хотиржам тикилганча, деди: – Ҳалиги тахтача бор эдику, шуни олиб ташламагин…
Рус тилидан Муҳаббат Шарифова таржимаси.
📚 Ibratli Hikoyalar 📚
Тўртталиклар
📜Тўрт нарса тўрт нарсадан тўймайди:
-Очкўз мол-дунёдан;
-Ҳасадчи неъматдан;
-Жоҳил баҳслашишишдан;
-Мутакаббир мақтовдан тўймайди.
🟢Изоҳ: Тўрт нарсани тўрт нарса билан ювиб туринглар:
– Юзингизни кўз ёши билан.
– Тилингизни зикр билан.
– Қалбингизни тақво билан.
– Гуноҳларингизни тавба билан.
🟢Тўрт нарса ризқни тўсади:
- Тонгдаги уйқу.
- Нафлларни кам ўқиш.
- Дангасалик.
- Хиёнат.
🟢Тўрт нарса борки, улар билан бўлса, илм фойда бермайди:
- Дунё муҳаббати,
- Охиратни унутиш,
- Фақирликдан қўрқиш
- Одамлардан қўрқиш.
🟢Тўрт нарса ризқ келтиради:
– Кечаси (ибодатда) қоим бўлиш;
– Саҳар чоғи истиғфорни кўпайтириш;
– Садақа беришга аҳд қилиш;
– Куннинг аввали ва охирида зикр қилиш.
🟢Инсон ҳаёти тўрт нарса оралиғида:
- Тоат-ибодат. Бунга бардавомлик керак.
- Гуноҳ-маъсият. Бунга истиғфор керак.
- Неъмат. Бунга шукр керак.
- Бало. Унга сабр керак.
📚 Ibratli Hikoyalar 📚
#сақлаб_қўйинг #амал_қилинг
Таом емоқнинг йигирма бир суннати бор:
1. Таомланаётганда оёқ кийимни ечиб ўтирмоқ;
2. Таом ейишдан олдин икки қўлни бўғимларигача уч марта ювмоқ. Ҳадиси шарифда: «Ҳар кимки таомдан олдин қўлини ювса, камбағалликдан эмин бўлғай», дейилган.
3. Таомни суфрада, яъни дастурхонда емоқ;
4. Таом сузиладиган идиш сопол ёки ёғочдан бўлмоғи, зеро, бундай овқатланиш ҳам лаззатли, ҳам саломатликка жуда фойдали бўлиб, инсонни кибр ва манманликдан узоқлаштиради;
5. Таом билан бирга дастурхонга сирка ва кўкат келтирмоқ, чунки сирка келтирилган дастурхонда барака кўп бўлиб, фақирликни кетказади;
6. Яхши ва камтарин ҳолда ўтирмоқ;
7. Таомланишдан аввал «Бисмиллаҳ»ни айтмоқ;
8. Ўнг қўл билан емоқ;
9. Туз билан бошламоқ;
10. Туз билан тугатмоқ. Расулуллоҳ соллаллоҳу алайҳи васаллам : «Эй Али, таомни туз билан бошлаб, туз билан тугатгин, зеро, туз етмиш иккита дардга даводир. Жумладан, жунун (девоналик), жузом, барас (тери касаллиги), қорин ва тиш оғриғи ва бошқа дардларга», деганлар. Шу билан бирга, туз очлик шиддатини пасайтириб, кам ейишга ҳам сабаб бўлади.
11. Нонни икки қўл билан синдирмоқ.
12. Қўл билан ейдиган таомни уч бармоқ, яъни бош, кўрсатгич ва ўрта бармоқлар билан емоқ.
13. Таомни ўз олдидан емоқ.
14. Таом еган идишини нон билан тозаламоқ(яламоқ).
15. Таомдан сўнг «Алҳамдулиллаҳ» демоқ.
16. Қўлни артишдан олдин бармоқларини яламоқ.
17. Дастурхон устидаги нон увоқларини одоб ва эҳтиром билан териб емоқ.
18. Таомдан сўнг тишларини тозаламоқ.
19. Таомдан сўнг икки қўлини бўғимигача уч марта ювмоқ.
20. Таомдан сўнг оғзини уч бора ювмоқ.
21. Аллоҳ таолонинг зикри ва неъматлари шукронасидан ғофил бўлмаслик
📚 Ibratli Hikoyalar 📚
Келинларнинг ичида фақат менинг хотиним топганини онамга олиб келиб берарди. Лекин онам унга тушлиги учун ҳам пул бермасди. Мен арава судрардим, топганимни онамга берардим. Унга беркитиб пул бериш хаёлимга ҳам келмаган. Бу орада хотиним қандли диабет касаллигига чалиниб қолди. Докторлар унга яхши қаров кераклигини айтарди. Шу сабабли ҳам қизимиз операция билан туғилди. Ундан кейинги эгиз фарзандларим яна аҳмоқлигим туфайли туғилмасданоқ нобуд бўлди. Ичим ачиса ҳам аёлимни тушунмасдим. Балки, тушунишни истамагандирман. Топганимизни қўлларига тутсак ҳам онам бизга алоҳида чиқиб кетинглар, бу ерда аканг қолади, дедилар.
Хотинимнинг ҳамма тиллаларини сотиб, камига уйдагиларидан қарз кўтариб “дом” олдик. Ўша пайтда ўзимни етимдек ҳис қилганман. Чунки на акам ва на опа-сингилларим ёрдам қўлини чўзиш у ёқда турсин, бир оғиз булар қаёққа боради дейишмади. Отам ётоқда бўлганлари учун улардан умид қилишнинг ўзи хато эди. Аммо онам нега бундай қилганларини ҳалигача тушунмайман.
Кўчиб ўтганимизнинг эртасигаёқ хотиним уйда нарса пишириб бозорга олиб сотиб келди. Мен эса арава тортдим. Орттирганига иккита нон билан бир кило гўшт олиб келибди. Шуни олиб бориб ота-онангизни кўриб келинг, деди. Сен-чи, десам, мен ҳозир боролмайман, тўғри тушунинг, деди.
Бир оз вақт ўтганидан сўнг “Cизлар келинглар, домларингга кичкина аканг кўчиб ўтади, шу уйда қоласизлар”, деб онам чақириб олди. Аввалига хотиним кўнмади. Уйни номимга ўтказиб беришгандан сўнг уйимизни акамга бериб, қайтиб бордик.
Бу вақтда катта акамнинг хотини онам билан чиқишмай квартира олиб чиқиб кетганди. Акам ҳам унинг ортидан борганди. Шундан сўнг яна рўзғоримиз аввалгидек ўта бошлади. Вақти-соати билан яна фарзандли бўлдик. Лекин бир кун яшаб нобуд бўлди. Шундан сўнг бир ўғилли бўлдик. Худога шукур, у яшаб кетди. Шу фарзандим туғилганидан сўнг аёлимни тушуна бошладим. Урмайдиган бўлдим. Анча кеч бўлса ҳам инсофга кирдим.
Бу орада отам вафот этди. Отамнинг вафотидан сўнг онам бизга “чиқиб кетинглар, катта акангни олиб келаман”, деб қолди. Миям қизиб, нима дейишимни, нима қилишимни билмай қолдим. Уйдан чиқиб кетдим. Хотинимнинг кўзига қаролмасдим. Автовокзалга бориб дуч келган автобусга чиқдим. Бу ерлардан, онамнинг бизга қилаётган ноҳақликларидан узоқларга кетиб қолсам, дердим. Бир вақт хотиним боламни етаклаб автобус эшиги олдига келди. Ҳамма ёқдан қидириб, шу ердан топибди.
“Қаёққа кетяпсиз, мени иккита бола билан уйсиз ташлаб, уйимни олиб беринг-да, кетаверинг”, деди. У билан қайтдим. “Нега ниятингизни шу вақтгача айтмадингиз? Топганимизни олдингиз, на ўзингиз уй-жой қилиб бердингиз, на бизнинг ниятимиз шундай, ўзларинг уй-жой қилинглар, дедингиз”, деб хотиним биринчи марта онамга қарши бош кўтарди. Онамнинг мазаси қочди. Кечаси билан уларга қараб чиққан аёлим эрталаб онам ўзига келиши билан, “нима бўлса бўлсин, кетамиз, дадаси”, деди. Ижарага уй олиб чиқиб кетдик, бироқ ҳовли менинг номимда эди.
Ўғлим қаттиқ касал бўлиб қолди. Нарса еса ютолмай, еганини қусиб, ҳолдан тойди. Докторларга кўрсатсак, Самарқандга олиб бормасаларинг бўлмайди, дейишди. Топганимиз ижарага, рўзғорга кетарди. Уйга қарз сўраб бордим, аммо бир нажот топмадим.
📚 Ibratli Hikoyalar 📚
📚✨Sevimli kitobingizdagi iqtibos orqali — sovg‘a yuting!
Landi landi o'yin boshlandi!
Biz Golden Books bilan hamkorlikda sizlar uchun ajoyib tanlov tayyorladik!
Tanlovda ishtirok eting va sevimli kitobingizdan ilhomlanib, sovg‘alarni qo‘lga kiriting!🎁
Ishtirok etish shartlari:
🟠Sevimli kitobingizdan o'zingizga yoqqan birgina iqtibosni menga yuborasiz ✉️
🔴Men uni ismingiz bilan kanalga joylayman
🟠Siz esa o‘sha postga reaksiya yig‘asiz 💞
💥Eng ko‘p reaksiya yig‘gan qiz — Golden Books tomonidan tepadagi sovg‘aga ega bo‘ladi!
‼️O’yinda qatnashish uchun oldin shu kanallarga obuna bo’lish kerak⬇️
1⃣➖@fitnes_dancee
2⃣➖@goldenbooks_uz
Va shu postni kommentiga a’zoligingizni ''screen shot''ini tashab qo'yasiz. Agar siz g'olib bo'lgan taqdiringizda ham, kanallarga a'zo bo'lmagan bo'lsangiz g'olibligingiz bekor qilinadi!
⏳Tanlov yakuni: 24-oktabr.
Omad, go'zal qizlar!
Ha aytgancha sizning🫵🏼 iqtibosingiz kimnidir ilhomlantirishi mumkin..
İqtibosingizni @Axmedova_odila ga jo'nating.
😭Боласини ёқган она. Дунёни дахшатга солган вахшийлик...
Наргиза ва Мухаммаднинг тўйларига 1 йил бўлди.Улар бир-бирларини севиб-севилиб турмуш қуришди.Севишганлар ўртасидаги энг катта душман бу рашк.Рашк улар ўртасида ҳам ўз кучини кўрсатарди.Тўйи бўлганидан сўнг хам улар ит-мушук бўлиб жанжаллашишарди.Хатто бир куни Наргиза эрининг ишхонасига дўппайган қорни билан жанжаллашгани борди.Шунда бошлиғи аввал оилангни тўғирлаб ол деб ишдан бўшатиб юборди.Ванихоят Наргиза кутган нарса содир бўлди, эри унга хиёнат қилди. Наргиза нима қилиб бўлса хам тинмасдан эридан қасос олиш йўлини изларди.Охири у эридан қасос олиш учун тутган йўл хаммани шокда қолдирди. У айнан шундай йўл тутган эди 😨😨👇
БАТАФСИЛ БИЛИШ👇
