https://youtu.be/jzja7etOokI?si=K5moZW3d93aVMH_V
Читать полностью…
محتار وين انطي الوجه وياباب اتعنى اله
جرني هَواي اعله الذنب وگلبي يدور كافله
ياربي صحت آنه العفو دليني باب الرحمتك
ودلاني باب أم البنين اقرب طريق الكربله
باب الخدمتي وباب المصيبه
تخلق دمعتي اعله الغريبه
وتخلي كلبي ايعيش ابنحيبه
مولاتي ام البنين
ترجعني لصلي وترسم حدودي
وتنطي بديه وصلي وقيودي
ولمن تجف عيني تكلها زودي
مولاتي ام البنين
چم سائل يگصدها ولا واحد خاب
تترسله اعيونه من جرح النشاب
والصادگ حبه خل يعمي اعيونه
ياعمر البعد حسين لا لذ وطاب
____
ولگيت خيمتها وطن والخدم بيها اتجمعت
كلمن خدمته ودمعته منها العطايا اتوزعت
وكلما امد ايدي ترد متروسه اكثر من امد
وكل الجروح النينوى امن جروحها وتفرعت
صدق المشاعر من وحي ونها
تنطيني كلشي الانطت ابنها
حزني فرع ولاصلِ حزنها
مولاتي ام البنين
وبكل مصيبه اتوكل عليها
كل خيري هذا من بين اديها
دمعاتي رزق ابفاضل بجيها
مولاتي ام البنين
تقدمني باول خطوه صوب حسين
ومن ارماد الخيمه اتكحلي العين
وباچر كلها اتضيع الماناحت يوم
وانه اتبع وناتي ودربي اعرف وين
__
مركبها بسم الله سره لبحر الخدامه اليبحرون
والكل اخذ دمعه وصعد لا خوف لا هم يحزنون
شفته الوسيله الخدمتي يوصلني لحسيني صدك
وبمركب الحب من صعد عابس كمل حبه بجنون
بسم الله كلت واقره الها سوره
ومن ضلمتة ترد الگلبي نوره
لطف النوايب ترسملي صوره
مولاتي ام البنين
شكراً اللهي دوم ابنعمتي
الها جبتني ومنها خدمتي
ابمعنى الاطاعة هيه قبلتي
مولاتي ام البنين
التسليم المطلق مااعرف معناه
وشلون الي بصدقه يخدم مولاه
ومنها اتأدبت وربتني لحسين
شكد مااشكرها مقصر اي ولله
_
البكائه اسمچ عالحسين وجدمچ بدربه تورمت
امناطره الدربه بحزن وجمره البگلبچ ماطفت
انطيني من هذا الوفه يم الگمر يم النجم
ها ياوجيهه توجهت وي الخدم التوجهت
وكلما اضيعن انتي وجهتي
باب الله يامولاتي صبحتي
منگد ما بسم الضامي ندبتي
مولاتي ام البنين
انتي الكريمه ومنچ طلبتي
انطيني خدمه وزيدي دمعتي
سويني مثل شلون انتي ردتي
مولاتي ام البنين
حرگيني مثل اخيام افدي النسوان
وذريني بالهيمه ارماد ودخان
خليني مابرد لا لحضه ويوم
وغربيني لمصاب الذبحو عطشان
_
حسين سعد البهادلي
/channel/Hussein_s_b
https://youtu.be/X8C0bJ5sWao?si=Yd9Z2k9Fp6x5PW1N
Читать полностью…
اني صم ارماد بالي
طحت من موگد عزائج
وگابلت جف ريح عاتي
وخايف اتطشر ذنوب وانفضح
وصار حال الضيم حالي
ومالي حيله ولا وسيله
لا الي جذر اليكضني
ولاني مثل الناس هاي
كلمن تلزمه دمعته
الدنيا فرصه
خاف تخلص حصتي وتخلص ايامي
واني واحد لا يُبالي
ضايع وماعندي بالدنيا عرف
توني شميت الهوا
وطلعت من بحر اضلم
وعاينت مامش جرف
وين ذباني زماني
وليش بس اني اعاني
وفجئه مر النور عيني
وبيه صرت ألمح امل
ومدري يا ديره خذاني
وصرت احس هل نور رحمه
وصرت احسن ادباني
وبصرت خيمة عزاء
واسمعت چلمه ليالي
واسئلت.؟
شنو بيها هل ليالي
وجاوبوني ..
هل ليالي
بيها أم الحسن مسطوره بجفنها
بيها أم حسين يستشهد ابنها
بهل ليالي فاطمة شكد عذبوها
وتنمع تبچي ابوها
وتنفي لو طلع ونها
وفززاني …ذنبي نفسه الي عماني
وبعد شتفيد الندامه
المثلي شيقدم عذر لوشاف امامه
ولوينشده
ليش ما عشت المصاب اوي الخدامه
اخ ياذنبي الحرمني النعمه من هاي اليالي
واني صم ارماد بالي
كون اعوض
شكو لحظه بيها فرطت وجفيت
وشكو يازهراء اسمع
مرت اذني ومابچيت ..غمني ولله من جفيت
وجنت ادري الدمع چفچ بيه يلم
واني ادري انتي مايبچي الچ بس الزلم
وآنه جاي
ابتدي من البدايه
وانتي منج تبتدي
شكو بالدنيا نهايه
واني جاي ياعزيزة گلب ابوها
وعندي مزجات البضاعه
بشر رايد يطلع امن الدنيه بس دمعه متاعه
وجيت اسئلج ..وذله الغيرچ سؤالي
ارد اعيش امصيبتچ مولاتي دمعه
بلكي دمعي يروي صبخة بور كلبي
ولئن موكلمن يطب خيمة خدمتج
اله ابو گلب السليم
انتي يا امي الحنينه
غرگان يا اعظم سفينه
انطيني جفچ ..بلكي جفچ..يرد يخلقني بشر عاشگ ونيينه
واعرف اوداع الغوالي
والطم اعلى الضلع روحي
مثل مايلطم علي ومكسور ظهره
وشكبرها بروحه ياغربة الزهره
الكاسر الدنيا
الضلع بيه شفت كاسر
اخ لو ينظر العاشر
اخ ياغربة العاشر
وكون احدد كل مصيري
لو اعيشن عمري كله اوي الدمع
لو اصيرن باب على الزهره اندفع
وماكو بالدنيا خيار
لو اصيرن بلسم اجروح الزجيه
لو اصيرلها جذع
شكبره يا رزق الدمع
وكون اصيرن مااجامل عالزجيه
وعندي اكبر كل قضية
واعرف بهاي القضيه
ياهو مظلوم وصبح بيها ضحية
واعظم ايامي اليالي الفاطمية
وانتي يامولاتي بيدج كل قرار
اخذيني يا مولاتي خادم
عبد الكم
واحلى من حريتي هاي
ماكو اجمل من عبد وانه بكنفكم
بدونكم مولاتي اصبح
مالي اول لا لي تالي
اني صم ارماد بالي
————————
حسين سعد البهادلي
/channel/Hussein_s_b
https://youtu.be/MmXdV0r0igM?si=VOKYSoHy8GdGtJOO
Читать полностью…
https://youtu.be/RX2C9rVyFoA?si=g7tgJ5E6ow5TiHhB
📜حزنك ولا ينفض
الرادود:خالد الفيصل
كلمات:حسين سعد البهادلي
وآه مُحسنآه
_______
يا لوعتي قمرٌ هوى في عَتبتي يا لوعتي
يا حسرتي صُمُّ الصخورِ بكت شجىً من حسرتي
يا حلم راح وجفاني بلحظه وحده تبده عمره
يا شريچ انفاسي بسمك جنت اناغي اليل اسهره
ليله ليله يبني احسب وانتظر طولك انظره
يا زغير العمر اوصفه هيجي بسمار وحرك
بعده مو وكته ولفاني بيك صار اول طبك
أمن امك الزهره يمحسن بيا ذنب من تفترك
__________
يا دنيتي لم تنصفي حقَّ البتولِ البضعةِ
يا دمعتي خُطّي جراحاً وَانطُقي يا دَمعتي
كل مره أتاني تعبهه يگضي ابنها تالي عازه
منفطم عن دنية الله بأول اصيارك جنازه
كلهه متلهفه تشوفك حتى بسماري توازه
باجر البسمار يبني خايفه يخضر سهم
وباب داري البيه اطفي تعيد تاريخه الخيم
بدمك الگاع استعزت مارضت يصعد الدم
__________
يا وحشتي ايامَ فقدي محسناً يا وحشتي
يا مُقلتي حمراءُ سالت يادموعَ المُقلتي
عگبك انته حضني فاگد ماحضه بشيل اليوده
وشيلم عمرك يمايي وانضر گبالي تبده
واليرد شمس الله چفه وينه چفه خل يرده
چم شهر عشنا وهسه بحسرة العشنا گبل
تگاسمينه الآخ والهم يمه بعدك مااضل
مچانك لحيدر يعوضه الله ينطي ابو الفضل
____________
(يا مُهجتي) لم يسمعو من والدي يامُهجتي
يا كسرتي اضلاعُ ابني كُسّرت يا كسرتي
يمه ما لحگت اشوفك وعيني ترسم ليك ذكره
سطره مو ذكره البقتلي منهه عيني تجري حمره
ذبلت الزهره اعله فگدك منحله وما جنهه زهره
يبني آنه بت نبيهم ونارهم ضلت تصب
وأنه جبريل اعله بابي ينتضر رخصه يطب
شلون تسلم يبني محسن مااضن يمه صعب
_____________
يا مِحنَتِي بينَ الحِجابِ ومحسنٍ يا محنتي
يا حَيرتي كيف أُنادي ياعلي يا حَيّرتي
تطلع الكلمه واردها ياعلي واحبس ونيني
ما گلتله ضلوعي كسرو بس گلتله الحك جنيني
حتى نفسي من اجره ينتهي بفضه اسنديني
اوكف واعثر يمحسن وبونيني الچم
آه ياچلمه اليمه منك اسمعها حلم
ظنتي لحسين آنه اكبرك من تحل شحة زلم
_________
حسين سعد البهادلي
/channel/Hussein_s_b
السلامُ على وارثِ الانبياء
السلامُ على خَلَفِ الاوصياء
كلُ نبيًّ إجتباهُ الله
اعطاكَ ربُك كُل ما اعطاه.. ياحُسين
____
امن اول مابده التكوين اسمك الله گال حسين
ومنه استنبطك منه اصبحت كلهن خصالك
محد الله بيك ايقيس من يوم امتنع ابليس
ربك صورك من نوره وتمم كمالك
ولجلك يوم التحاكم چي انت بصلب (ادم)
وچا غافر اله من ما سجد لو بس بچالك
وانته بالمهد بعدك اتعلمت ابعلم جدك
مواريث الرسل والانبياء من فَي وصالك
يا من هو وجهٌ لمن سواه
اعطاكَ ربُك كُل ما اعطاه... ياحُسين
____
(اسحاق) انته وهبه سواك هيج انته الاله انطاك
رحمه اعله الارض يا نعمة الباري علينه
لدينك چم بلد عابر (هود) بضعنك امسافر
تصلح دينك ابدمك وجيت بهل ضعينه
بجيتك للخلق ناصح تخطب بيها واتسامح
يالجنك (شُعيب) وحجيك اُنزل بيه سكينه
ثابت للهُدى امناطر ومنا اعله الاذى صابر
(ايوب) الصبر جسدته بل زدت ابسنينه
أنت الذي جاهدت في مرضاه
اعطاك ربُك كُل ما اعطاه... ياحُسين
____
(هارون) ومعينه(الياس) وانته العون الك عباس
جاي ابحكمتك وبعصمتك تكمل رساله
وشيخ المرسلين احذاك (نوحك) چن حبيب اوياك
وما واحد هلك لو يتبع من صَحبه واله
بضعنك واهلك اتجاهد اترد كلمن كفر عابد
(يعقوب) الحزين ابحزنك ال الله بجلاله
(ذوالكفل) ابذكائك هام سويت الصدك بحكام
ميزت الحلال امن الحرام ابكل مقاله
والانبيا سَيّرتَها لله
اعطاكَ ربُك كُل ما اعطاه..ياحُسين
__
(موسى) وكلمة الرحمٰن بحچيك منشرح قرآن
مو عصه ابيمنك لا كتاب الله تكلم
واهب(لليسع) ذكره وامك فاطمه الزهره
عرفوك وعجب للجاهدك من ما تندم
وانت ولا تهم بيهم (ابراهيم) وظهر ليهم
واكبر طاغيه بيهم صنم بيدك تهدم
(يعزير) النصر ربه وربه مهد الدربه
وكل جيل السبق والي تبع منك تعلم
(يونس) نجا بسمِكَ مُذ ناجاه
اعطاكَ ربُك كُل ما اعطاه... ياحُسين
____
ما شافو حِسن ربك گوم الگصدت الحربك
(يايوسف) جمال الله انتمت ليك المناير
طحت وطاحت الاكوان يمبچي الانس والجان
يا مالك (سُليمان) المُلك ادوسك حوافر
بضلعك تكسر امن تجيس وما صار الجرى (الادريس)
جسمك ما رُفع فوك السمه وجرحك يكابر
وراسك عالرمح يعلى يقره المصحف ويتلى
(يحيى) جسدك راسه انرفع ابلا ضماير
ناديتَ (وا مُحمداً) جداه
اعطاكَ ربُك كُل ما اعطاه.. ياحُسين
____
وانت الاقرب لعرشه محد شيع لنعشه
(صالح) مو اجل ولجله اصبحت مثل القيامه
نفديه ابذبح اعظم (اسماعيل) وصبح مُرحم
هوه انت ذبيح الله وذكر الله ابكلامه
(ياعيسى) وترد الروح رد لطفالك الي اتنوح
راحت بالسبي اتحشم تردلها بسلامه
حيره البيها تدري اتزود ها يملينه( لداوود)
اطفالك بالحديد امگيده هاي اليتامه
من مِثلُكَ جار الزمان آذاه
اعطاكَ ربُك كُل ما اعطاه.. ياحُسين
___
حسين سعد البهادلي
/channel/Hussein_s_b
طلعته بيدي امن الخيم چي عطشان
عبدالله ايروونه
يبست لهاته والگلب يرجف چان
من العده ايذبحونه
آه~ من گد الضمه.. تفطرت شفته ولسانه منفطر
آه~ وضايع مبسمه.. ريت من عمري الولد انطي عمر
حُسين حُسين.. گتله عبدالله وشفت دمعه يهل
حُسين حُسين.. عنده اخر شي بقه بس الطفل
گلي يالرباب.. ترسي عينچ بالولد
گلي يالرباب.. خاف مايرجع بعد
گلي يالرباب.. ومن علي يخله المهد
____
راح وحلم عندي الولد گطرة ماي
يرحمونه ويشربونه
ساعه وشفت رد بالمهر فاگد راي
حسين وتبدل لونه
آه~ من رد للخيم.. طاح الحسين وطحت وي طيحته
آه~ مذبوح بسهم.. جاب عبدالله ودمه تصب رگبته
حُسين حُسين.. اوليدي ابدل نحري بنحره اريد
حُسين حُسين.. وانذبح كون ابداله امن الوريد
ويتيه السهم.. بطيف مايندل يجيه
ويتيه السهم.. اسم الله والزهره عليه
ويتيه السهم.. وريت ما نسمع بچيه
____
ضليت اسكت البلخيم من يحچون
نايم اگول الغالي
وضليت اهز وما بقن بيه متون
مهدك ييمه الخالي
آه~ يالبعدك زغير.. بيا ذنب حضني فرغ منه خذوك
آه~ ما شفتك چبير.. وتلزم ايدي وأيد تلزم جف ابوك
حُسين حُسين.. گلي نام اوليدچ اشويه ويفز
حُسين حُسين.. واعت الأكبر عمر اسهر اهز
نايم لا يفز.. گمت أللولي بالخيم
نايم لا يفز.. واحلم اوليدي سلم
نايم لا يفز.. وينده احلامي السهم
___
ياتعبي ورباي وسهر تالي الليل
وما لحگ ايتم حلمي
لباچر گلت فدوه اله ايروح الحيل
من يمشي ويگول اسمي
آه~ مذبوح الحلم.. وطشر النشاب ست اشهر هدر
آه~ كون اگدر ألم.. عمرك ويالضل حليب امك يدر
حُسين حُسين.. ياشريچ امصابي اشكبره المصاب
حُسين حُسين.. ارد اموتن شنهي ضلتها الرباب
حضن امك برد.. كون وياك انذبح
حضن امك برد.. يبني اموتن للصبح
حضن امك برد.. ونفرش حضن الرمح
__
حسين سعد البهادلي
/channel/Hussein_s_b
https://youtu.be/qSdIwmzF6nk
📜ندم خادم
🎙الملا مجتبى الكعبي
✍️حسين سعد البهادلي
https://youtu.be/EKUCekSIk_g
📜هاي صعبة
🎙الملا مجتبى الكعبي
✍️حسين سعد البهادلي
كل عام وانا ادخل بحبك واحماك
وبسمك الوذ وما اروح لغيرك
كلشي يجف بالدنيا يابس لو صار
يتبلل ويرجع خضاره بخيرك
كل طير يهجر عشه ويدور غير
ويموت لو لحضة يهجرك طيرك
احتار بيك شكد صعب يامولاي
وشكد سهل بحسين ياتفسيرك
كل عام اميل ابدنيتي وي الريح
بس من أذكر عودي يرجع يشتد
من تشتعل روحي بذنب ياعباس
بس ماي جودك حل اشوفه وابرد
حاجز يحجبه الگلبه قاسي ولو ضاع
يگصد ضريحك كل حُجب بيه تنهد
وكل خوفي من گلبي الصبح چن جلمود
وشفت اليندبك گلبه لان اورد
كل عام مو بعمالي اگصد مولاي
بس ابرحمتك اگصد وتقبلني
شفت العذاب بغير دربك مرسوم
وبدربك ارجع بشر ودللني
واني طري لو ملت اتمسك بيك
وما انعدل بس جفك اليعدلني
هوه العبد يعرف فقط بس مولاه
والمولى انته ومن علي ارحمني
كل عام چف العوز امدلك مولاي
واطلب دموعي وخدمتي لحسينك
يالمت الكون بعرض حد الطول
عينك وريدن نضره بس من عينك
غاية آمل العبد لو مد ايديه
من الضياع التلزمه جفينك
واعله العهد كل عام مااخلفه اوياك
ياديني انت وروحي تعشگ دينك
حسين سعد البهادلي
#كل_عام_وخدام_الحسين_ع
#تحت_رحمة_وخيمة_قمر_العشيره_ع
/channel/Hussein_s_b
يمه زينب تعالي… الماحجيته ارد احجي
مجبوره يم حيدر اسكت..ينهضم ما اگدر اشكي
عن كلشي خليني اسولف ..والگلب خل يتصبر
البسمار لمن اجاني ..بوليدي مدري شكسر
بضلعي مافكرت لحضه
وفكرت بالما اعوضه
المحسن امن يدي فگدته…بيش اعوضه
بحشاي حسيت بعذابه
وعرفت من رفسه صابه
هذا بسمار المنيه…يمه عرضه
محتاره بين الضلع والشهيد
ايد اعله ضلعي واله انطي ايد
والنزف ماخذ حيلي ونحنيت
والدنيا جارت مدري شتريد
_____________
من رفس بابي عليه..وامر عبيده بضربي
بجذوع بابي الوذن..ويايمه يرجف كلبي
فاطم يكلوله واسمع..كلهم (وإن)ماعرفني
ماهمني يمه عصرهم..بس محسن الي هضمني
من طاح يايمه عذابي
ومن دماه اتحنه بابي
طحت وي طيحت جنيني ..شكد هضمني
المارحمني من ضربني
من ضربته للگاع ذبني
وهمي چان بعيني اشوفه..همي ابني
وحيطان داري بيها اثر دمه
والعين من سطرته امورمه
لا رعوا حرمه لا رعوا حجاب
هدت علي عصابه مجرمه
_____________
باخر انفاسي شصيحن..ودخان خانگ ريتي
ونيران داري شفتها.. طالت ادي وبيتي
ياعلي شكد ردت انادي..واعرف علي تعرفيني
ينكسر لمن اندبه..وهل صحت فضه اسنديني
ادري ماتقبل حميته
لو سمع تنخاه ام بيته
وعلي مجتوف بوصيته..وما صحتله
الشهم لو ما اخذ حيفه
يموت بين اچفوفه سيفه
وغيرته تذبح ابروحه….لو تكتله
حيف الزمن وي علي هيج دار
مجبور ما يلزمه ذو الفقار
ومجبوره ما اتنخه اني بيه
چا صار جرحه بطوله يمه صار
_______________
ياغربتي بداري احسها..اصبح غريبه بداري
يايمه باجر تشوفي..شنهي العنيه بالصحاري
سمعي يازينب وصيتي..وشوفي هل نار وحطبهم
باجر احسين وعياله..هم تجي تحرگ خيمهم
هل نار ما ترحم خواتچ
تشتعل يمه بخيامچ
وكلها غربه لو ركضتي..بالصحاري
جرح واحد آنه بيه
وبحسين الف وتسعميه
گبالچ ايطيح وتعوفي…بالبراري
خيل وزلم عالخيم من تغير
لاترحم اچبير ولا زغير
وما تعبر الطايح تدك ضلوع
وماتعرف شداست ارض؟امير!
_______________
حسين سعد البهادلي
/channel/Hussein_s_b
اذا ضاعت علي روحي وحرت بين الاسامي
اذا نيتي حواها الشك وبعد ما الها حامي
اشد نيتي بعلگ بخته نبض روحي امامي
امان الروحي شباچه
شما ثگلت محاملها
وريث الكاظم وعطفه
غطة دنيانه بكملها
المالها ضمان وحل
بيده القاسم يحلها
يا قاسم ايمان الناس ..ورزق العبد من عنده
عاده الكرم بيه والجود..اصل من والده وجده
خصه بالعطاء ربه .. وچف لنعمته مديت
صك الخدمتي رايد ... الطلب خدمه ولا رده
ماخاب من توسل وجاء
ياقاسم الايمان والعطاء
_____________
شكثر دگيت بالبيبان ولا باب انفتحلي
بسبب طبعي وعظم ذنبي وجهلت بطيني وصلي
وباب الرضا دگيت العفو طبعه وسمحلي
رؤف ورئفته تشبه
حنان ورئفة السلطان
واذا يطردني كل الكون
بحضرته الروحي الگه امچان
عدم لالي اسم لا لون
بجاها صار الي عنوان
ابابه اختم جفه روحي.. ويخلقلي عمر ثاني
وعر دربي وضعيف الحال..وخذت من سيدي ايماني
الوسيله وشيمته تقبل.. كل الناس الامثالي
سلمته الامر مولاي .. ومثل ماراد سواني
وفي رحابه منتهى الجفاء
يا قاسم الايمان والعطاء
_____________
اخو المعصومه يعصمني وشفت غاية خلقتي
اذا مو عصمته مولاي اضيع اني وخدمتي
واذا جدمي عثر فد يوم يجي يمسح عثرتي
بجلاله وبجماله اسرح
وسلطنتة هيامي
خسف نور الكمر حسنه
وضواه فزز غرامي
وصبح وردي حروف اسمه
بصحوتي وبمنامي
الصبح ساقي بثواب اهله ..سقاني من بحر جوده
بوكت مامش جفوف تگود..بس اجفوفه ممدوده
اريد اشكر نعمته اعلي..بشكري ادوم هل نعمه
لزم ركن الدمع بالعين..واني اركاني مهدوده
وصرت استحيه في الخلاء
يا قاسم الايمان والعطاء
_____________
بتاريخه الزمن عاجر شكد حاول يضمه
بشخصه شفت تتجله شكو انوار عضمه
طاهر من صلب طاهر من والده وامه
حفيد الصادق وعم ال
جواد وابن ابو محمد
الكاظم من نسل هاشم
جذر للزهره من ينمد
واخو الضامن گمر مشهد
ياهو بعظمته محد
حگي لو لذت عنده..حمامه بصحنه لويقبل
واكضي بخيمته عمري..وما استبدل اتوسل
كصدتك ياعظم الشان..ذليل وانت الي مولا
تقبلني بحسن ذاتك.. غيرك ابد ما اندل
يانور رب الارض والسماء
يا قاسم الايمان والعطاء
_____________
تكفل غربتي وتترس هل دنيا غربته
احسن روحي بين اهلي من ادخل حضرته
مو بعمالي اگصدله . اگصدله برحمته
حشود ابابه تتوسل
ويمد ايده السخيه
العبد بعتابه لويسجد
وطلب منه عطيه
بمصابة الي يتوسط
اليالي الفاطمية
اجيته استجدي ادموعي..بليالي الزهره ينطيني
عهد دمعاتي شديته..بشباجه وملك عيني
ياب المراد اكرم ..علي وهيج احزاني
وجمرت كلبي اتوسل ..ما تبرد على حسيني
نستأذنُ الدموع والبكاء
يا قاسم الايمان والعطاء
_____________
حسين سعد البهادلي
/channel/Hussein_s_b
https://youtu.be/CGf6C_w_sbE?si=JNBSRlBNPqxmTO7v
Читать полностью…
https://youtu.be/Fa83oI-z0_g?si=Y-VV95Bx2-MisA5x
Читать полностью…
https://youtu.be/G9sV5zUNWGY?si=H4-Rce9YJ3uxMo8h
Читать полностью…
https://youtu.be/8P-7XHdYOmU?si=DkhW3L3obtTLSueX
Читать полностью…
القصيده (وارثِ الأنبياء) 👆
هيه رحلة بين القرآن الكريم وزيارة وارث حيث أن كُل شيء يتجه نحول سيد الشهداء وأكثر الانبياء الذين اكد ذكرهم كتاب الله بلقبهم وصفتهم وعلاقتهم بسيد الشهداء واحداثهم منذ بداء التكوين ذكر في القصيده24 نبي
ماغمض اليل
اخاف اعله الضعن ماغمض اليل
وي المجاتيل
اندهك يالطحت وي المجاتيل
انخاه يدلني لجسمك الشوف
فراگك يبعد امي عماني
وحمل ضلام ورعب هل ليل
ردت اعتنيك وتيهاني
وداعت الطاح وحاني ظهرك
هيجي ترى اوداعك حناني
محتاره اجيلك حتى الاگيك.. لو ابقى احامي مدللاتي
ثمانين طفله وطفل يحسين.. مرعوبه ومچلبه بعباتي
____
وابقى انعاك
لحد المنية وابقى انعاك
ياخويه وياك
تمنيت اموتن خويه وياك
تحرم علي عيشتي يحسين
لو ما انوح اليل كله
يا كلشي والفاكد المثلك
بعد بحياته خويه شله
أبچيك وگعد واوكف ابجيك
فراگك اثر بلگلب خله
ريت اغفى حجه وكلت بلطيف..يحسين عادك بيه اشوفك
ساعه وتجينه هزل النوگ.... راضي ولو ماراضي اعوفك
____
حنت النوگ
خويه الحنيني حنت النوك
وكلبي محروك
امن النوگ اودعك گلبي محروك
يل چنه مثل الرمش والعين
واقرب امن عيوني عليه
لا كتلك الله اوياك ووياي
لا ودعيتك بالمسيه
ردت ارفع ايدي وما شلتها
خافن تشوف احبال اديه
تحرم عليه الخويه اگولن... ياكوني بعدك لو گلتها
امشي وحسرتي تاكل الروح.. مو هيج تكضي آنه ردتها
_____
رايده الموت
اختك يخوها رايده الموت
مايطلع الصوت
بكثر البچي مايطلع الصوت
لا صوت لا ضل حيل عندي
كثرت حمولي وظهري مايل
موعاده ضعن الهاشميات
ما الهن احد راية شايل
ياهو اليرده وكلها شمات
لو عال عگبك بينه عايل
الفارك هله وفارك دلاله.....يگضيها سكته وكلشي ماله
اوداعت الله حسين ماشين..اواحدنا خايف من خياله
____
حسين سعد البهادلي
/channel/Hussein_s_b
صوت النعاوي.. واشرع شراعي.. الطف المصايب والعذاب
العاش الرزيه.. مات الرقيه.. قبل الهلال الهل للمصاب
اليحب صدك مايشترط ينذبح بالعاشر
طول السنه وام الخدر ملچومه بالحافر
خلها تناصر دمعتك التطلب اخو ناصر
سد ناضرك عن البشر
وكحله بجمر خيمه
الشيمه من تبجي الضعن
فارگ ابو الشيمه
فارگ دلاله والخيم
وتچوه بالهيمه
السلامُ على الحُسين
وعلى ضعن الحُسين
__
باچر هضيمه.. تمر وعظيمه.. تحل بعماد العالمين
من يرفع ايده.. ويأمر عبيده.. حرگو خيام الظالمين
خيام النبوه يصير اسمها هيج من تالي
نيران تدناهه ويفر غالي بظهر غالي
ولا عدهم اهل ولا حمى وماضل بعد والي
فرو عطاشة امن الخيم
وعدوان تتبعهم
فوك الضمه وحر الشمس
النيران تحرگهم
والنية جانت بالركض
يرحون يم عمهم
السلامُ على الحُسين
وعلى ضعن الحُسين
___
التركض لابوها.. تلكه عدوها.. متاني غنيمه يسلب يريد
ترد الخيمها.. تلهب لكتها.. نار الخيم كلساعه تزيد
صار الخطر من كل جهه طوك الخطر صاير
وبس العليل البلخليم وبعمته حاير
والصاير ابهاشم ابد لا صاير وداير
اعله وجوهچن فرن يعمه
صاح واليهن
وبهمس من صاح ويخاف
ايعرفون اسامهين
ايعين روحه ابعلته
ويركض يحاميهن
السلامُ على الحُسين
وعلى ضعن الحُسين
___
خل تعمى باجر.. كل النواضر.. المالها موقف دمعة بعزاء
من تنعى فاطم.. شيخ الهواشم.. وماتبجي دم لبن الزهراء
من الخدر تبرز حرم مرعوبه مذهوله
بحسين يچويه الرمل ودمه جرى بطوله
بهل موقف وماتنذبح وماتبچي معقوله
اعظم مواسى السادتك
الدمعه تجريهه
لكل المصايب تحترك
وبهضم تبجيهه
ولو شفت جفت دمعتك
ترجع تبديهه
السلامُ على الحُسين
وعلى ضعن الحُسين
___
حسين سعد البهادلي
/channel/Hussein_s_b
https://youtu.be/XZeFIlKF_VU
📜ابتدي دموع
🎙مشترك: ملا وسام الصيمري
سيد امجد الحسيني
✍️حسين سعد البهادلي
https://youtu.be/9lH6iptIwXY
📜تذبح غربتي
🎙الملا مجتبى الكعبي
🎙الذاكر سيد مهدي البكاء
✍️كلمات حسين سعد البهادلي
