بالهفة الشوق والحسره كان نداء القلب من
مولاتنا العليلة الى عمها العباس ع..
(اخذو العليله)
لمن شفتها اضعوني
تسافر تريد ابدوني
لعمي صحت اخذوني... اخذو العليله
___
يوم الضعن سار من المدينه
ضل حامي الضعون دايره عينه
يعاين الطفله الضلت ابهم
يشوف الدمع يصرخله ياعم
اليبچي بصمت لو جرت من دم... تنزل دمعته
مديت اديه وماشفت ايد
تلزمني دمعي بعد شيفيد
ما گلتوا طفله ومنا شتريد... محد سمعته
تدري الهجر چتالي
وما واحد اليبرالي
ضليت احاجي خيالي.. اخذو العليله
____
رف اللوه وشال انضر يمينه
يم ناگت ام عون وناگت سَكينه
امن اول جدم شالوه حنيت
يخنك البيت ابلا اهل بيت
هلبت الي ياعمي رديت... تنضر غربتي
بطرك النفس والنفس مخنوك
يذبحني رن الجرس بالنوك
شايف دمع ياعمي محروك... دمعي بوحدتي
ولمن صرت منسيه
ما ضل مرض مابيه
ردو بقت علويه.... اخذو العليله
__
يا عمي وياك ريتك خذتني
ما يحچي الحسين كون اكفلتني
اكسر بگلبه آنه امن احاچيه
ودري الهظم لفراگي ماذيه
بعيونه ما اگدر اصد ليه... وهمه ازيده
ولو ماكو نوك وما تكفون
امشي مشي واتبعها الضعون
ولا احمل افرك اليبعدون... وابقى وحيده
باب الحوائج عاده
الينخاك تنطي امراده
طلبه اوي ضعن الساده... اخذو العليله
___
باچر تعطشون وادري بعطشكم
كلش صعب حيل ايذبل ضعنكم
ارد اعطش آنه اويه اليعطشون
وبهيمه افر وي اليفرون
وبهمها اعاون عمتي ام عون... لو هدت الخيل
حلم الطفل من عيني ينباك
ايموت الحنين بيوم يشتاك
اخدمكم ولا هذا الفراك... بيه الف حيل
احمل عطش بالعاشر
ولا دوني ضعني ايسافر
ياعمي اموت لباچر.... اخذو العليله
__
حسين سعد البهادلي
1444هـــ
/channel/Hussein_s_b
اللحن @Bahadli96h
(مولاتي أم البنين)
محتار وين انطي الوجه وياباب اتعنى اله
جرني هَواي اعله الذنب حط معضله بصف معضله
ياربي صحت آنه العفو دليني باب الرحمتك
وتوجهت لام البنين اقرب طريق الكربله
باب الخدمتي وباب المصيبه
تخلق دمعتي اعله الغريبه
وتخلي كلبي ايعيش ابنحيبه
مولاتي ام البنين
ترجعني لصلي وترسم حدودي
وتنطي بديه وصلي وقيودي
ولمن تجف عيني تكلها زودي
مولاتي ام البنين
چم سائل يگصدها ولا واحد خاب
تترسله اعيونه من جرح النشاب
والصادگ حبه خل يعمي اعيونه
ياعمر البعد حسين لا لذ وطاب
____
ولگيت خيمتها وطن والخدم بيها اتجمعت
كلمن خدمته ودمعته منها العطايا اتوزعت
وكلما امد ايدي ترد متروسه اكثر من امد
وكل الجروح النينوى امن جروحها وتفرعت
وبكل مصيبه اتوكل عليها
كل خيري هذا من بين اديها
دمعاتي رزق ابفاضل بجيها
مولاتي ام البنين
صدق المشاعر من وحي ونها
تنطيني كلشي الانطت ابنها
حزني فرع ولاصلِ حزنها
مولاتي ام البنين
تقدمني باول خطوه صوب حسين
ومن ارماد الخيمه اتكحلي العين
وباچر كلها اتضيع الماناحت يوم
وانه اتبع وناتي ودربي اعرف وين
__
مركبها بسم الله سره لبحر الخدامه اليبحرون
وكلمن اخذ دمعه وصعد لا خوف لا هم يحزنون
شفته الوسيله الخدمتي يوصلني لحسيني صدك
وگبلي قره الها الفاتحه وعابس كمل حبه بجنون
بسم الله كلت واقره الها سوره
ومن ضلمتة ترد الگلبي نوره
لطف النوايب ترسملي صوره
مولاتي ام البنين
شكراً اللهي دوم ابنعمتي
الها جبتني ومنها خدمتي
معنى الاطاعه شكد عرفتني
مولاتي ام البنين
التسليم المطلق مااعرف معناه
ولا اعرف شنهي الي يخدم مولاه
ومنها اتأدبت وربتني لحسين
شكد مااشكرها مقصر اي ولله
_
البكائه اسمچ عالحسين وجدامچ ألي تورمت
امناطره الدربه بحزن وجمره البگلبچ ماطفت
انطيني من هذا الوفه يم الگمر يم النجم
ها ياوجيهه توجهت وي الخدم التوجهت
وكلما اضيعن انتي وجهتي
باب الله يامولاتي صبحتي
منگد ما بسم الضامي ندبتي
مولاتي ام البنين
انتي الكريمه ومنچ طلبتي
انطيني خدمه وزيدي دمعتي
سويني مثل شلون انتي ردتي
مولاتي ام البنين
حرگيني مثل اخيام افدي النسوان
وذريني بالهيمه ارماد ودخان
خليني مابرد لا لحضه ويوم
وغربيني لمصاب الذبحو عطشان
_
حسين سعد البهادلي
1444هـ
/channel/Hussein_s_b
ياسيدي.. متعني جودك منه اريد
ياسيدي.. وهل جيتك بدمعي الجديد
ياسيدي.. اكرمني خلني اوي العبيد
الدنيا خلصانه اعله لحضه
خلي جفني من اغمضه
مكحل بذاري المخيم
وحزني ماريدك تفضه
احسب اخر مره
اوخاف ما تقبلني
من خيمتك تحرمني.. يامولاي
لو شفتني اتجره
ودمعتي هم جفت
جدمي لو هم زلت.. يامولاي
واكف بسوك العبيد.. وكلها نخاسة ذنب
ومايهم مثل الزُعَاق.. وجفك امتدلي عذب
مشتريني بعطش ليش.. وانه ما اعرف احب
___
ياسيدي.. بعدني عن كلشي احب
ياسيدي.. ريح الذنب خايف يهب
ياسيدي.. ونعمت خدمتي تنسلب
عثر الجلمه ابلساني
ارد اجيلك بشر ثاني
الچلمه والراي الي اكوله
يجرحك وسد بعد اذاني
ارد اعيش الآمك
بيك يخلص وكتي
وانت بس سالفتي.. يامولاي
وخادم اسمي اخيامك
انت وين وآنه
منغر بدنيانه.. يامولاي
ياحزن ربي العظيم.. ويا مصاب اهل السماء
خذني من دمع لدمع.. ومن عزاء لحد عزاء
خاف ابرد بيك اعوذ.. بخدمتي من هل البلاء
_____
ياسيدي.. كلساع اضيع ابدنيتي
ياسيدي.. وشفت العجب من صحبتي
ياسيدي.. بعد ارد اصاحب دمعتي
صاحبي البس بيك يحچي
الياخذ ايدي والك يمشي
واليذكرني ابدمعتي
يخلق الله شيعه تبچي
كلشي منه اتبره
وانتمي لحُب جونك
وانذبح بعيونك.. يامولاي
يا عزيز الزهره
زلمه صرت ابجالك
وبشر من انعالك.. يامولاي
من خلق الله تراب.. وشكلانه بشكل طين
نفخ من روحه ويگول..هل خلق لجل الحسين
يعني كل واحد هواك.. دخل بالحصن الحصين
___
ياسيدي.. متوجه ابوجهي الك
ياسيدي.. وهذا الگلب دربك سلك
ياسيدي.. وما اخيب من اتوسلك
دمعي ما يوم اليملك
دوم خلني تحت ضلك
كُل عينً غداً تبچي
اله عين البچت لجلك
باچر المبتشره
من تشاهد نورك
البچت كل عاشورك.. يامولاي
يا أمير العتره
مو طمع بالجنه
شوفتك اتمنه.. يامولاي
كلشي فاني لا محال.. وتبقى بس انت الخلود
وبعد كلشي ما اريد.. غير هوه انته الوجود
يا مليكي بيدي اجيت.. انطيك يحسين القيود
____
حسين سعد البهادلي
1444هـ
/channel/Hussein_s_b
السلام عليكم ورحمة الله وبركاته
خدام الحسين عليه السلام
سيتم تنزيل بعض قصائد استقبال محرم الحرام وكذالك قصائد محرم الحرام في هذه الايام بشكل عشوائي وليس ضمن الليالي بسبب جاهزية بعض النصوص
اسئل الله أن يبلغنا محرم الحرام وان يرزقنا الدموع والمواساة الى مولاتنا فاطمة الزهراء صلوات الله عليها
وللأستفسار عن أي شيء يخص النصوص مراسلة الخاص.
واسئلكم الدعاء لمولاي بقية الله (عج)
ولخادمكم.
يا أبا عبد الله 🙏
@Bahadli96h
/channel/Hussein_s_b
https://youtu.be/aqDGHucobYc
اداء: الملا خالد الفيصل
كلمات: حسين سعد البهادلي
عمه يا زينب لحضه تانيني
انه هم بتكم اوياكم اخذيني
____
من امس بليل عيني تحسب ابنوك الضعن
وهسه اعاين كل خواتي بالهوادج أرچبن
دورتلي امچان ماكو نوك ماعدكم بقن
وانضر اعيون البنات تسولف اوداع وبچن
فدوه يا زينب ردي حاچيني
انه هم بتكم اوياكم اخذيني
____
عمه اخذيني ابسفركم وانه طوع احجايتچ
وهاي كل اهدومي اردها ازغيره اكفي بناگتچ
مو عليله اوياچ اطيبن بخت تشفي شارتچ
وبالدرب ياعمتي اخدمچ وافرش امصلايتچ
شگلتي يا عمه ما تصعديني
انه هم بتكم اوياكم اخذيني
__
طر فجر الله عليه وعيني ابد ما نايمه
حضرت روحي وگبلهن كل خواتي عازمه
متانيه المحمل ابوي شوكت ليه ايولمه
شو بده يصعد بناته وما نده يا فاطمه
ما ندهه بسمي چنه ناسيني
انه هم بتكم اوياكم اخذيني
__
ورحت للعباس اطلبه وكتله عم لا تعتذر
وگلي يابنت العزيز شعندچ تگوليه امر
اوياك اخذني كتله جربه العطش لو بيكم يمر
وعرگت الدنيا اعله گصته ودنك وگلي اعتذر
وفاضت اعيونه وهملت عيني
انه هم بتكم اوياكم اخذيني
_
اخذيني العبدلله اباري سلوه ما اتعب ابد
اوياه كل ليلي اسهره روحي احطها اويه المهد
حرز لگماطه اصير وماي اصيرن للولد
كلشي ابداره يخنگه العنه ضعن اهله ابتعد
كلشي ما بيه لا تخليني
انه هم بتكم اوياكم اخذيني
_
انه علويه اليناشد وحدي شنهي ضلتي
ليش من زغري اعيشن ويه هاجس غربتي
اليل لو يجثم عليه تصير تخنك حجرتي
وي علي السجاد ارهم علته تشبه علتي
تنسبي روحي من تودعيني
انه هم بتكم اوياكم اخذيني
____
حسين سعد البهادلي
#مصائب مولاتنا العليلة
#خروج_ضعن_الحسين_ع
/channel/Hussein_s_b
سلام.... على عقيلة الخدر
____
غريبه.. مصايب عجيبه
غريبه.. يزينب غريبه
لعقيله.. بضعن هم رحيله
لعقيله.. تنادي كفيله
بلا والي صرتي عجيبه الاميره
گضت كلها منهو البقه امن العشيره
يجف حيدر العازه صارت چبيره
ترجعها شمس الي طلعت اسيره
طلعت بت حامي الجيران
من الخيمه ابلا وليان
ويا عازتها ادور اخوان
تالي الهواشم...
وتچلب بيها النسوان
وخانگها شلون الدخان
ستر الله الماعدها امچان
وكلل الفواطم...
سلام.... يحديها من تالي الشمر
سلام.... على عقيلة الخدر
____
خيامچ.. أحرگوها خيامچ
خيامچ.. أعله ناگه منامچ
بهزيله.. سفرتچ طويله
بهزيله.. بقت هيه ليله
مشيتي بدرب ضل يتعب زلمهم
ويغثچ ضحك حتى البنص صدرهم
كفر ما تَعرف القداسه وسترها
عگب كافل اخته الي يحدي شمرهم
باچر ويلي اعله الكوفه
چم حرمه اتطب مچتوفه
ضعنچ ناس الي اتشوفه
كلهم شماته...
هذا اليوم الما ينراد
شگد يتعبون السجاد
والسوط الرايح والراد
يشگفه بعباته...
سلام.... واصبح مشيها اله بأمر
سلام.... على عقيلة الخدر
___
بخرابه.. ولالچ گرابه
بخرابه.. لتحامي العصابه
تعبتي.. ابو وام صبحتي
تعبتي.. ليفز ليه ركضتي
بهمس تحچن شلونه صاير بچيچن
اذا صوت طلع غربه اكيد التجيچن
تسكتين رقيه صفيه وحميده
عركَ حتى لتراب يهزه نعيچن
باچر بس الله العالم
لاوين اضعون ال هاشم
بيا ديره اتطبه الوادم
تعبت حرمكم...
زينب متعوبه چبيره
من ديره رحتي لديره
من الچبيره لزغيره
حرتي بضعنكم...
سلام.... محتاره حيل ام الستر
سلام.... على عقيلة الخدر
___
بمساره.. ضعن ماله چاره
بمساره.. يضربو بحجاره
هضمتچ.. تطول وگفتچ
هضمتچ.. ولا رايه عندچ
اذا الشام يزينب تطبين غريبه
اذاً هايه گولي وصلت المصيبه
وعلي السوكَ يفشل زلم الها هيبه
يعازت كفيلي اندبي منين اجيبه
الشام يئذون الغربه
الماله اخوان يطب صعبه
لا مو زينب التطبه
الأخوه الها عازه...
باچر موت الشام اعيون
الماعدها اهل الي يدفنون
تظل مطروحه ويتشمتون
فوكَ الجنازه...
سلام.... الماعدها اخو بيها يمر
سلام.... على عقيلة الخدر
___
حسين سعد البهادلي
/channel/Hussein_s_b
https://youtu.be/j-N8uRtJ0T0
📜بين الماضي والحاضر
🎤ملا خالد الفيصل
✍️حسين سعد البهادلي
هيه رحلة الدموع مابين حاضرنا وماسبقنا من تراث
(ميمر مجنس)
بت البدو نعم وكفو
تخدم اجت بيت السمو
لولد الزجيه الزهراء ليوم الذي دفنوها
__
يوم الوفه والمكرمه حان الها
بيت الوصي وال الوصي حن الها
لمهه دمع زينب ضلع حان الها
نعمه وهبه اوياها ربه
حسين وحسن المرتبه
نوب أنجبتها الاقمار أم الوفه سموها
_
چم لوعه مرت فاطمه آه مرهه
تگضي الحوائج الله هو امرهه
ربها على كل النسه امرهه
طاعت أمر طول العمر
ولد النبي بهمه وصبر
اخدم اجيت الهالبيت گالت وام خلوها
____
وفت محمد ونعم هماله
عيون الها ابد ما بطلت هماله
عدها بزر يطلب ثئر هماله
مثل السمه تبچي دمه
لمن يمر بن فاطمه
زينب علي والسبطين تنحب لون مروها
___
الله خلق ام الوفه سواها
لبيت الرساله ومنزله سواها
تامر على حامي الضعن سواها
بيها اندعي وهل مدمعي
اقره الحمد ويه النعي
بالفاتحه تگضي هواي متخيب اليدعوها
___
لزينب توصي بالگمر ظل الها
عن البشر صير بعزم ظل الها
وضلت وحيده ولا ولد ظل الها
بليل وسهر ربت گمر
محد فعل مثله وگدر
يحمي الضعينه بجفين وعينهه بسهم صوبوها
_
مثل الرداء العل حرم شالتها
چم شده وچم معصيه شالتها
اربع بدور اهيه أنجبت شالتها
شلون اربعه متگطعه
شبعو ضمى عالمشرعه
صاحو فدينا الحسين يمه افرحي نادوها
_
حسين سعد البهادلي
/channel/Hussein_s_b
https://youtu.be/Tt9QqKNrG4Y
#شمس_حيدر
اداء: الرادود خالد الفيصل
كلمات: الشاعر حسين سعد البهادلي
ذي قار/ الفهود
📜 : هدو هدت الطلاب شور
🎤 : الرادود سيد امجد الحسيني
✍🏻 : كلمات: حسين سعد البهادلي
🕌 : هيئة مولانا الغريب صلوات الله عليه
بغداد مدينة الصدر _ الاورفلي
/channel/mahdeAA313
مولاتنا سكينه عليها السلام..
(درب النهر)
يا درب النهر .. كاسرلك ظهر .. هاضملك اخو
راح بدربه شاب..رد لرمشه شاب..وبيه يشمت عدو
رجعلي~ يمشي وعثر
رجعلي~ فاگد كمر
رجعلي~ محني الضهر
وبيه يشمت عدو
_____
لمن ناده گمر هاشم تعال ادرك اخوك حسين
يگوم ويگعد انضرله ولزم ظهره وعثر مرتين
العمر يگصر على الغربه وعلى الخوه وعلى الجفين
انكسر شاف العلم طايح وبخو نابت سهم بالعين
راد ايشيله راد..وهم لبگلبه زاد..متگطع نضر
عباس العضيد..يبقى هنا يريد..يم راكَ النهر
تهدم~ حسين وبچه
تهدم~ صمته حچه
تهدم~ حمله رچه
وبيه يشمت عدو
_____
رجع باين كسر طوله ومو هوه المشه العباس
حيله بالزمته الخصره وبيه يوجع كلام الناس
شيبه طالع ابظله وبلا اعمامه اجه اعله الراس
ابهاي الساعه هم ميت ابوي حسين عندي احساس
اول مره هاي..يمشي وماله راي..ومتيه الدرب
يا خلت اخوه..ويا ضحكت عدوه.. تعصر بالگلب
اشوفه~ بانت عليه
اشوفه~ الوحده ابمشيه
اشوفه~ يصفچ بديه
وبيه يشمت عدو
_____
ما صارت گبل هايه يرد خالي ويرد وحده
يَگصر خطوته ابمشيه يرد المن شبقه عنده
ايتلكاه عمي كل مره ويذب حمله على زنده
منو الضل البيه نفس عايش ايتلگه حسين ويسنده
ضلت بس نسه..وضل الوحده..العنده بس عليل
هيج ابمنضره..الخاطر يكسره..خيامه ابلا كفيل
حسافه~ اعيونه بچن
حسافه~ دار الزمن
حسافه~ ايحير ابضعن
وبيه يشمت عدو
_____
وصل واقره بنضر عينه وأنه بنضره اعرف البيه
سكوته تارس الهيمه ومتعينه شفت رجليه
احاچيه بويه ما يحچي شكثر مهظوم النهر ماذيه
الحيره عمتي شيگلها وشنو اسباب الظهر حانيه
ايطيح ياعمود..ويخبر الوجود..ويخبر عمتي
ميت كافلچ..راح الدللچ..وطاحت خيمتي
يزينب~ طاح العمد
يزينب~ شضلي بعد
يزينب~ مالي سند
وبيه يشمت عدو
_____
گعد وي زينب ايگلها انكشف ظهري العدوي الان
وگرب موتي وگطع نحري اوكت سبيچ يزينب حان
وبعد ما تبقى اي خيمه وعگب عباس غرب الوطان
اميرة ضعني يحدونچ على هزله شكثر بلدان
لا انه واخوچ..واليحدي عدوچ..واليئمر شمر
وكتچ ذاك چان.. المشيّ ابلا امان..وي طر الفجر
دلالچ~ فوكَ النهر
دلالچ~ ابگطع النحر
دلالچ~ يگضي ابسفر
وبيه يشمت عدو
_____
حسين سعد البهادلي
1444هـ
/channel/Hussein_s_b
حزنك ولا ينفض وكتلك يضل ينهض
يفزز جروحي وهذا نوحي قليل
وعيني الخيامك والسهامك تسيل
عيشني اخر نضره الك
المن عدها طاح امخيمك
وعينك درتها اعله النهر
تنضر اخو ماضللك
لا ناصر الينصر تصيح
وانته على الغبره طريح
الرايد تندهه ابلا جفوف
ترفعله جفك بس يطيح
نضرة اعيونك اتنادي صوب النهر
هالعدو للمخيم جزاني وعبر
ضلمت الدنيا وينك يخوي الگمر
وتنادي ياخويه
____
وشلون عشت احساس وتشوف كل الناس
تسَلب بناتك والخواتك تريد
يهضمك بجيهن وحجيهن بعيد
ادركنا ياخويه اسمعت
گمت وعلى اجروحك طحت
وزينب تنادي وما تجيب
مو بالذبح ليها متت
وچم طفله تبچي امن الحرگ
وچم وحده راحت بالسحگ
وبويه الي ضاعت بالركض
وعلى الارض جفك يدگ
عيونك تباوع التركض امن الخيم
الهن تريد ولكن يمنعك سهم
وانته لا ناصر ولا بقالك علم
وجروحك اهوايه
___
ولمن اجو بالنوك فوك الذبح مخنوك
منك خذوهن ياخوهن تشوف
بنوگ الفواطم والهواشم تعوف
وتدري أذا طر الصبح
راسك على راس الرمح
يصير الحجي بس بالهمس
المنضر اشد من الذبح
ولو طاحت اي طفله فرض
رمحك يطيح اعله الارض
وسن الرمح باشط حرام
شيسوي اذا رد ينتهض
تسمع التندهه ودمعك ايضل يهل
عمه يازينب شويه رخي الحبل
بيهم اتحير يناديلك اچم طفل
يابويه ادركني
__
لأخر مطاف اوياك لجرحك اخذني هناك
لشام الخرايب والنوايب مصاب
نوحي اعله حالك والعيالك عذاب
اعظم جرح چان السبي
چم ساعة ضل خدر النبي
بين الشماته ينتضر
وكل نضره سهم اعله العبي
وين الضعن رايح يريد
امن الكوفه يدخل يم يزيد
شلون الحلال يم الحرام
يوكف وعدهم هذا عيد
يا هظيمه الجرى هذا ريته حلم
زينب ابلايه كافل يخوها الشهم
بهم عگبكم كفيله وضعن بيه تلم
زينبكم ابحيره
_
حسين سعد البهادلي
1444هـ
/channel/Hussein_s_b
احبك.. مغرم وهايم
احبك.. ياگمر هاشم
هويتك فارس وعالم.. يامولاي أبا الفضل
احبك.. مُحتسب صابر
احبك.. بالزلم كاسر
ثابت والزمن عابر.. يا مولاي أبا الفضل
يا جود الوفه المنك طفح غيره
احب ذيچه وگفتك بالطف اچبيره
جاهو الفضل ابنك وابوه تصير
ها يابو الفضل كلشي انته تدبيره
يا ثاني علي يامن للزهره عين
يا در القداسه وصاغه الله بلوجين
مو قدري التفكر بيك شكد حرت
ابحرك من اضيعن الگاك بحُسين
____
احبك.. بيه الف عابس
احبك.. وكفتك فارس
وانت بالوقى دايس... يامولاي أبا الفضل
احبك.. ياحبيب حسين
احبك.. گاطع الجفين
ومسبل لخوك العين... يامولاي أبا الفضل
احب الگال من تتخيل المهره
يا خيل التركبه ينكسره ظهره
احب هاي الشجاعه والثبات البيك
واحب اجفوفك الماتخطي السطره
هيمني العشگ بيك اكثر شنهي احب
وكل نسمة هوه منك لمن تهب
يمهيمن على الدنيا بچف شارتك
بكل الاطباع احبك من لين. صلب
_____
احبك.. شايل الرايه
احبك.. رافض المايه
النهر ماچان الك غايه... يامولاي أبا الفضل
احبك.. لابس الريشه
احبك.. من صرت جيشه
الحُسين بوحدته اتعيشه... يامولاي أبا الفضل
ياسور الحُسين يامن لواه شايل
يانعم المُحامي وللخدر كافل
غير الكون يزغر وانته تبقى اچبير
يا چف الله چفك يعدل المايل
يا وصف اليوصفك بيك شكد صفات
يا ماي الحُسين وشريان الحياة
من الذر هويتك صايرلك اسير
يالسلم عليك الله وتم الصلاة
____
احبك.. وانته الهامي
احبك.. للخيم حامي
واكف من طحت دامي... يامولاي أبا الفضل
احبك.. عايش ابروحي
احبك.. مصدر اجروحي
وبسمك يبتدي نوحي... يا مولاي أبا الفضل
يا سر الحزن ورزق الدمع بالعين
كشاف الكرب وباب الجروح احسين
تنطي اليعتنيلك اكثر شما راد
الكرم اثبته روح حتى بلا چفين
يا مولاي دخيلك عبدك واعتنيت
هل دنيا سراب وبس انته هويت
من خيمة خدمتك ما تحرمني كون
اكرمني بطلبتي يالكلشي نطيت
_____
حسين سعد البهادلي
1444هـ
/channel/Hussein_s_b
#ليالي_ضعن_الحسين_ع_ومسيره
عندما خرج ضعن الحسين ع
ذهب مولانا القاسم الى قبر ابيه الحسن ع
فكئنما مولانا الحسن يوصي ولده القاسم
بسيد الشهداء قائلاً..
يبني ويا ضوه العين
وصيتي اسمعها بحسين
__
يالرايح اويه الضعن محروس بسم الله
يابويه عبدالله..... زغير ومشه اوياه
امشي اوي الاكبر عمر ومن تنضر الكافل
امشي اوي ابو فاضل....كل خطوه بحذاه
ومن تمشي وتشوف حسين_لعمك احني القامه
واذا لابس اعمامه بساع_يمه ذب العمامه
حسين اعمامة الاسلام_يبني حطه عالهامه
لعمك. تصبح. اهواي
يعطش. وتصير. الماي
والعمك اوفي الدين
وصيتي اسمعها بحسين
____
ازرع الموقف يضل تاريخ للساده
عدنا القتل عاده...... كحلي العين
واكرم ابروحك لخوي وعزبلي ابنفسك
موش المهم عرسك..... والاهم الحسين
واذا شفت المنايا اتسير_وي اضعونك اوياها
تقدم انته عزبها _ وبصدرك تلكاها
ضعن بيه اليموت ايعيش_خلود اقمار اهل طه
عزب. للموت. ابروح
ولجلك. الحسين. اينوح
وارسم تاريخك زين
وصيتي اسمعها بحسين
____
ماي اعله درب العطش فوك الضمه اتبده
وجيب النهر رده..... لعمك يرويه
واكسر اعزوم الشگر ومن تركب المهره
خيلك تشل ظهره...... وحسين ناديه
يا عمي سلام الله_عليك امرني اشتطلب
وزود الفعل بالميدان_الهواشم تفعل امن تطب
خليّ هاشم ايشوفون_غيضك بالعدى امن تصب
غمج. ضربك. بعداك
واسمع. تسلم. يمناك
وتسلم يبني الجفين
وصيتي اسمعها بحسين
___
ما بيها لا اي جدل بالطف تشوفه العين
ماكو اغله من حسين..... لو مثله غالي
لو شفته ناصر طلب ياعمي كله ليش
مو انه عندك جيش..... وانضر فعالي
يم امك الك خليت_امانه لحد ظهر عاشر
تاخذها وتجي لعمك_لو شفته صبح حاير
كله انه الحسن موجود_ومثلك محُتسب صابر
باجر. لو عاز. اخوان
حزم. ظهر. العطشان
وطفيله اعيون اثنين
وصيتي اسمعها بحسين
___
وباجر يحين السبي والتنعي عالخوان
والفاگده الشبان..... بحسرتها تصفه
بكل كتر خلك ذكر ورمله تضل اتنوح
لوليدها المذبوح...... وشمعتها تطفه
ارفع راسي يا جسام_خل يرفع رمح راسك
وهدمك ينسلب خليه_كون الخيل لو داسك
وضلوعك مثل شوباش_تتطشر اويه احساسك
ماريدك. سالم. كون
ويحسين. لا. لتقصرون
ونبقالك عطشانين
وصيتي اسمعها بحسين
____
حسين سعد البهادلي
/channel/Hussein_s_b
لطلب اللحن مراسلة👇 الخاص
@Bahadli96h
اشهدلك
علي ياسر حياتي ومبدئي وديني
اشهدلك
علي منك واليك بأصلي وبطيني
اشهدلك..
علي بدايتي
وكلي ونهايتي
ديني ويدنيتي
يامولا يامولا ياحيدر ياحيدر
كلبي ولساني يا أمامي ما بطلن صاحن علي
گبلك ولا جنت انه عاشك بس انته عندي الازلي
بحروفك.. اقره عشك
بحروفك.. گلبي يدك
بحروفك.. شفت الصدك.. بحروفك
بيدك امري وكل الراي يامولاي
يا ساقي الحب مثل الماي يامولاي
علي رب العطاء
علي انطاني الحياء
علي اصل السخاء
مولاي مولاي
__
بتكويني
علي بالذر گلت اشهد أمامي أنك
بتكويني
علي عبدك وجوباً طاعتي لأمرك
بتكويني..
قيد العبيد اشد
بجفي الك عبد
اهلك من ابتعد
يامولا يامولا ياحيدر ياحيدر
ابعد واضيعاً واذكر اسمك وتراجع بذنبي الك
وتعفو امن اجيك ابدمعي حاير وتقبلني من اتوسلك
انه اعرف.. انته الاصل
انه اعرف.. بيك الوصل
انه اعرف.. تعفوا الفعل.. انه اعرف
يا مالكني وأُنسب ليك يامولاي
سويني بترتيب أيديك يامولاي
علي اول گلت
علي من اولدت
علي لجلك صرت
مولاي مولاي
__
يا أول
علي أول اذكرك ماكو قبلك عد
يا أول
علي الكعبه أطلگتك ماكو بعد احد
يا أول
وين التفت وادير
وجهي الك يصير
بيك اولا احير
يامولا يامولا ياحيدر ياحيدر
وحدك ألاهك هيج رادك مثلك فلا ولدت وَلد
الدنيا مثل هايه عظمتك ما شافت وكلشي شهد
بالدنيا.. ماكو بشر
بالدنيا.. مثلك فخر
بالدنيا.. واحد ظهر.. بالدنيا
ربك بس اليعرف بيك يامولاي
وبعدك ما خالق ثانيك يامولاي
علي واحد فقط
علي ما مثله قط
علي بقلم الي خط
مولاي مولاي
__
يا كرار
علي ذات الاله اعله الارض مُنزل
يا كرار
علي واليكفر بجفينك اتزلزل
يا كرار
علي ماله نضير
كلشي بديه يصير
منو غيره الامير
يامولا يامولا ياحيدر ياحيدر
دخيل الشهامه العندك انته ما منوجد مثلك شهم
لو زلمه راد الي يوصفك لازم بعد منعد زلم
من مثلك.. نفس النبي
من مثلك.. بأمر العلي
من مثلك.. نُصب ولي.. من مثلك
يالسيفك ذل الاحزاب يامولاي
ياهو المثلك يابو تراب يامولاي
علي سيد العرب
علي للحومه رب
علي اليمه انشطب
مولاي مولاي
___
حسين سعد البهادلي
/channel/Hussein_s_b
لطلب اللحن مراسله الخاص👇
@Bahadli96h
(من سيدة الخدر والعفاف زينب عليها السلام)
هاي دنيه
الوزعت هدم الامامه
وصاحت هناكه سبيل
هاي دنيه
الشافت اشرف جدم حافي
وعالرمح صاحت عوافي وما رعت منحر يسيل
هاي دنيه
هاي دنيه
الشافت الدمعه التطيح
اتخضر الحك يبو فاضل
دلت الحافر يدوس
لبست اثياب المناجل
اشگد خذت بالطف سنابل
هاي دنيه
هاي دنيه
دورت كسرتنه حيل
ورادت بكل صوره نخضع
مادرت لو صحنه يا عباس خويه
يخضر امن حجايه وحده وماي ننگع
هاي دنيه
چودرت.. دخان خيمه
وطشرت ظعن الكواكب وانطفه وما شفته يلمع
الگبل ماجان الاسمنه طاري يطلع
صرنه بلسان الشماته
كل اسم مسبيه نسمع
من كتاب الباري للبر
كل سور ياسين تطلع
تچوت اجلود المصاحف بصحاري
كل درب بيه جمره تلسع
ودت الخيل اعله صيوان النبوه
هيه تدفع واحنه ندفع
وكمت اصيح
يامن اجيب الشمس
صوب الليالي
بس كمرنه
صار نيشان العوالي
يا هو اندهه
وما ألچمه
وهمه غالي گبال غالي
وانه ادري
المالها بالهيمه اول
مالها اعله الناگه تالي
كلشي ضاع
صارت الحيره نهر
يبره لرمحهم
وصورة الخيل اعله بالي
كلشي للكافل اشوفه اشما جفن اطبگ يلالي
هاي دنيه
الخلت ام
بين زفه وبين موت
اشموع دمعتها تقاسم
الخلت ام
تودي عريس اعله موته
من عگب ما كبرته وصار جاسم
وكلشي ساكت جان بالطف
والدمع جان اليسولف عن كسر گلب الهواشم
هاي دنيه
الضيعت صورة محمد
چان للاحساس مرقد
چان الاكبر
مثل ابوه من كلشي اكبر
جده چان ويمنه حاضر
صلت اعليه البواتر
هاي دنيه الچان غايتها المناحر
لحد ماخلت ضواه وطوله يگصر
والابو اگباله تحيّر
مره يگعد
مره يوكف
مره حفنه سنين يكبر
وهيج من نام اعله طوله
ماكدر يوكف ابطوله
ماكدر من جان يگدر
هاي دنيه
الحرمت السجاد من لذة سجوده
بنحر ابوه
وضلت اتزيد ابقيوده
وجان يكدر يگلب الدنيه بعصاه
بس خضع لامر الاله
واقتنع ليگود دنيا للسبي الشامت يگوده
هاي دنيه
لخذت من الام ابن جانت تعزه
جان لو مر الهوه وفز بمنتها
بروحها توكف تهزه
جان عبدالله زغير
وراد بس ترويه گطره
ابعينهم فارس جبير
وجابو اكبر سهم سيروه اعله نحره
ويتمو مهده بحقدهم
وماتت اليمه بحلك امه التعزه
هاي دنيه
الغيرت اسم الاميره للأسيره
وخلت الكون انجمع تالي بحصيره
هاي دنيه
حسين سعد البهادلي
/channel/Hussein_s_b
https://youtu.be/4u0pS3Od8AI
📜خويه ادركني
🎤ميرزا علي الازيرجاوي
✍️حسين سعد البهادلي
🕌موكب عشاق الحسين
https://youtu.be/0zEGyoa4tGc
يا حار همدان (فمن يمت يراني)
كذالك في تصحيح لبعض المسارات
🎤ملا وسام الصيمري
✍️حسين سعد البهادلي
(هم فاطمه)
يا ربي من تحت الكساء
جبريل يسئل بالسمه
والله اختصر كل الحچي
تحت العَبا هُم فاطمه
هم فاطمه.. رايد يوضحله ويگول
هم فاطمه.. التحت الكساء كلها البتول
هم فاطمه.. لو ما هيه كلشي يزول
ما كان او ما سيكون من نور فاطم انعجن
كلشي انخلق حي وجماد لخاطر عيون ام الحسن
يا فاطمه.. يافاطمه.. لبيكِ يا أم الحسن
_____
كلشي انوجد نعرفله حد
بس فاطمه ابلايه حدود
طٰه وعلي خير البشر
وبفاطمه تم الوجود
هم فاطمه.. الله اليحدث بالسما
هم فاطمه.. للمصطفى والمرتضى
هم فاطمه.. لولاها ما خالقكما
يا رحمة الله اعله الارض وبيها انعرف ربها الرحيم
سُبحان ما صور بها هوه العِظم يخلق عظيم
يافاطمه.. يافاطمه.. لبيكِ يا أم الحسن
_____
لا تخلوا من حُجه ابد
ما تستقر هاي الارض
وهية الاميره اعله الحُجج
الها الارض طول ابعرض
هم فاطمه.. نور الامامه انمزج
هم فاطمه.. بيها وبديها أنسج
هم فاطمه.. ياحُجت الله اعله الحُجج
مستودع وسر الاله بيها يجن حتى الجنون
وكل الأئمه بالعُلا ابفاطمه يتوسلون
يافاطمه.. يافاطمه.. لبيكِ يا أم الحسن
_____
چان النبي بيها يگول
امي وبضعتي اصبحت
وما يرضى الله اعله الخلق
الا اذا هيه رضت
هم فاطمه.. كلشي أليها ينتسب
هم فاطمه.. المعصوم منها وينحسب
هم فاطمه.. الله يحب كلمن تحب
يا أم ابوها وعصمته وكل الفضل الها يدوم
ولمن تجهبه فاطمه چان النبي بگبره يگوم
يافاطمه.. يافاطمه.. لبيكِ يا أم الحسن
______
عله وسبب واصل اي جذر
الها يعود وكل عظيم
باچر يصير ابما تشاء
هيه السراط المستقيم
هم فاطمه.. انطاها الحُسين اويه الحسن
هم فاطمه.. بضعتها اسياد الزمن
هم فاطمه.. بيها امتحن كُل مُمتحن
يا شجرة الجنه التي يؤتي اُكولها كُل حين
لو عشتي اكثر فاطمه ثمرج فقط مثل الحسين
يافاطمه.. يافاطمه.. لبيكِ يا أم الحسن
_____
حسين سعد البهادلي
/channel/Hussein_s_b
https://youtu.be/ZICqQ4u8tj0
ملا كرار البيضاني
الشاعر حسين سعد البهادلي
موكب دموع الزهراء/السماوه
