خويه..
مشتاگه هواي مشتاگه
يمتى آنه اوياك نتلاگه
بهيمة انت واني بناگه ..خويه
خويه..
هل روح اعليك مخنوگه
ورگه بنارك محروگه
وگلبي المذبوح ابشوگه ..خويه
دليني اشوفنك بعد وين
ترى فراگك عمالي عيوني الثنين
مو همي الجرى لا همي الحبال
كلشي يطيحلك غير انت الحسين
ياذيني العتب ياذيني
ونار فراگك اتجويني
شما اذكر هذيج ايامك
تهضمني يالمباريني
___
خويه..
عفتك ياخوي مجبوره
امشي وارجف مقهوره
حرمه جبيرة ومكسوره ..خويه
خوية..
رحت بلا راي ورايه
وامشي بكيف الحدايه
بحلگ الشمات حجايه ..خويه
محتاره وادور ما حصل راي
الدرب كلساع يبعد عنك هواي
ولو تدري شيسموني يالحسين
هاي اخت الذبيح الماشرب ماي
حاطوني العده حاطوني
وبسمي گامو ايصيحوني
ياحيف انعرف من تالي
اذوني وهضم بجوني
_____
خويه..
بأول خطوه وحنينه
وممشه الناگه امئذينه
انهض خوية ورد بينه ..خويه
خويه..
گلبي وگلبك فد نبضه
امجانك ياهوه يعوضه
وامشي بلياك ماترضه ..خويه
بدرب حداية الصحره يتيهون
جا وين الهواشم خل يعرضون
بلكت جفك اليعرض ورد ليك
ياتالي هلي وبعد اختك ام عون
ذابحني الهضم ذابنحي
تمنيتك لون تسمعني
مشتاگه اعله في الخوه
وبجفك يخويه تردني
_____
خويه..
ساعه اوياك اتمناها
ترد لأختك تتلگها
المال امن الضيم مگفاها ..خويه
خويه..
تندهني اعليك الخوه
بعدك ماضلت تچوه
فراگك لو تدري شسوه ..خويه
حرام اعليه بعدك لو غفت عين
ترى حال اختك بهليوم مو زين
من مطلع نهاري ابچيك لليل
شضل بيدي وهضم افرك بالايدين
ماانساك شريچ بروحي
ياعظم واعز اجروحي
ماتبرد دمعتي وشيبك
وعليك آستلذ بنوحي
____
حسين سعد البهادلي
/channel/Hussein_s_b
https://youtu.be/cGUkT_qyjMU?si=lsELoqcJUZ0BnCqR
Читать полностью…
https://youtu.be/xBKwPma-qPA?si=Oz8QSTl3N1EbAVhG
Читать полностью…
https://youtu.be/tdd0HKDQnYE?si=qRfxIE7Z5WEgsoG9
Читать полностью…
مشاهدكم تئذيني
ضريح الها بوسط عيني
عقيدة دمعي ابجيها
بدموعي يكتمل ديني
شبر اعله الارض صارت لگبور
ومحد يعتنيها والها يزور
اهل البيت صفوا تالي ابلا بيت
وبلايه شواهد ضلت دور
ياگاع بله استحي
من اگبور آل النبي
عندچ چم طالبي..بالغرقد
حجارات اعله الترب
والعين الهم تصب
ساده وچنهم غرب..صار شگد
بالعين باتت هل صور ما تضيع
ماعدنا مطلب غير نبني البقيع
___
بدعاء الندبه من اقره
عجل ياولي الثار
شيهيجك من بعد الطفوف
وتنضر بالبقيع اشصار
السادات البريه ألهم يزداد
عبدك يندبك اسياده ابعاد
حنت روحي رادت بس اتطوف
من مأوى الحسن المأوى السجاد
عجل يبن الحسن
ثارات الكم بقن
مايمحيها الزمن..شگد صبرك
اطلب ثار الحُسين
واطلب دم الجنين
والغرقد ضل حزين..ينتضرك
واطلب بسيفك يالثار الرضيع
ماعدنا مطلب غير نبني البقيع
_____
شكثر ثارت مضمومه
تشب نيرانها وتنعاد
ماتبرد ترد كل عام
جمر يلهب تحت لرماد
انگلبت بالمضايف عدنا دلال
وما نعدلها اله انعدل الحال
لخاطر فاطمه تگصد وتنوح
مكسورة گلب وبضلع المال
فاطم تگصد تون
ام تنعى اچم ابن
شعنده اوياهه الدفن..شراوها
لو چثه اعله الثره
لو ماكو مگبره
والجرح شيجبرها..واذها
وچم مشهد اليلچمها تنضر فجيع
ماعدنا مطلب غير نبني البقيع
_____
يضل مطلبنا حي للدوم
كلمن حق اله بدينه
وعگدنه اروحنا بهل يوم
روح وهمه شدينه
وصرختنا التهز عرش الطاغوت
عجل يبن فاطم صحنا بصوت
عندك للبقيع ازلام اهواي
الشيعه توحدت ما همها الموت
بچفك اعظم نصر
بيرغكم ينشر
وتنهض من الگبر..انصارك
الغربه بجفك تزول
ها ياروح البتول
غيبه وماچن تطول..الثارك
مادام اكو طلاب حگ ما يضيع
ماعدنا مطلب غير نبني البقيع
______
حسين سعد البهادلي
#ذكرى_هدم_قبور_أئمة_البقيع
/channel/Hussein_s_b
قد جائنا الحبيب
بضعنهِ المهيب
وقام وحي الله
صلّى على الغريب
هلا ياضعن الآلآم
بكل ديره تنزلون
هلا بعيال الحسين
عساكم ماتعطشون
جاي اتبع ضعنكم شايل عين
ماتبره لون تبچيه اسنين
من عام المضه وسلوتها النوح
تعمه ورد نضرها حروف حسين
السلامُ على الحُسين
وعلى ضعنِ الحُسين
_____
فمن الذي يقيه
نفساً اذا لقيه
ويذودُ في حمآه
ضعناً حُسينُ فيه
ضعن متغرب وجاي
وشال اطفاله وياه
وصفوا كلهم مطاليب
تالي اهل الله ويلآه
زلم التنطلب موش النسوان
باجر مايضل سالم صيوان
وكلشي يطيح اذا يوگع عباس
وتفر عالوجه شيمة عدنان
السلامُ على الحُسين
وعلى ضعنِ الحُسين
_____
دمعي لهُ يسيل
حيَ على العويل
لآل بيتً دون
حامً ولا الكفيل
چم يوم ويضلون
لا رايه ولا خوان
وعطاشه بلايه سگاي
ويطب بالريج دخان
چن سرب الگطه من يفرون
من الخيمه ياعم ايصيحون
طفله تحامي طفله من النار
ولاعون اليعاون تالي ام عون
السلامُ على الحُسين
وعلى ضعنِ الحُسين
___
افيا ارضَ الفُراق
فيكِ دماً يُراق
لسيدَ الكونين
ضمئان في العراق
استحي ياگاع الحسين
من يطيح عطشان
فوگ اجروحه تجويه
ويرد مهره اعله صيوان
يصهل وآه ضليمه يرد ملهوف
چم عين التنطره دمه اتشوف
فوگ الغبره طايح عفته يصيح
ياجدآه وعليه الخيل اتطوف
السلامُ على الحُسين
وعلى ضعنِ الحُسين
______
فعلى مثل الحُسين
فلتبكي كُل عين
فلهُ حق الدموع
تصدحُ في الخافقين
ترك لمه من الايتام
تصيح الغوث يحسين
اذا مولجله تبجين
عسه لا صرتي ياعين
مخلوق اني لاجله حتى ابجيه
واسعد امه فاطم من انعيه
واتبع ضعنه لاخر هضم الشام
وابقى ابچي العطشهم حتى اوفيه
السلامُ على الحُسين
وعلى ضعنِ الحُسين
______
حسين سعد البهادلي
/channel/Hussein_s_b
#خروج_ضعن_الامام_الحُسين_ع
https://youtu.be/ua-isKULXcg?si=2NLJl4PyEsznNFj6
Читать полностью…
https://youtu.be/1AuMGo6N_io?si=Q2wmIcixS46MqCMi
Читать полностью…
تلم كل الخدم بنت الاجاويد
چبيره وتنطي كلشي من تمد ايد
باب الله الوسيع وخادمه حسين
كريمه ومنها نطلب شنهي النريد
بگد الدنيا تمد سفرتها
وتتجمع خدام حسين
توهب خدمه بگد النيه
الصرخه وحرگه ودمعة عين
الما يگعد مره بسفرتها
ايتيه دربه المدري لوين
ام البنين مرجع خدمه لكل الوادم
ام البنين تنَصب خدام لطف هاشم
ام البنين الشاعر والرادود وخادم
_
يا قطب الرحى للخدمه والجود
يا لصانعها حيدر تنجب حيود
بوابة الطف ودمعة حسين
الما موجود نادر بيها موجود
نسمع بالتسليم المطلق
بس لا ما نعرف معناه
من تگله امودع بالله
لحسين وتخنگها الاه
موتو يولادي اتگللهم
وبس لو رد ردو وياه
ام البنين رب الخدمه ورب الطاعه
ام البنين ماتت بعد احسين بساعه
ام البنين خلطت دمعتها اويه امتاعه
__
نديم الها الشكر اعله الخدامه
تكوين الوفه واهيه امامه
من عدها ونطب لكربله حسين
من الذر كفيله للقيامه
يا قدسيه والله اختارچ
وخله اسمچ وي اهل البيت
ومن ما خله حسين ابداره
انتي انطيتي كل البيت
سويتي الماصاير بالطف
وتگولين انه اشسويت
ام البنين بكلهن بالطف يذكرونچ
ام البنين بعين العباس يشوفونچ
ام البنين تمنيتي بناگه يركبونچ
_
ننطيها الگلوب وننطي العيون
وهيه بكيفها اتربيهن شلون
نطلبها الدمع والخدمه لحسين
سوينه ولو ذره بعشگ جون
چم چف ممدود يدكَ بابچ
يا ملجى وخيمه لهل ناس
ربينا وأدبي بمعرفتچ
يمرضعه الغيرة العباس
يا اثمر شجره بهل خدمه
يا هوه بعطفچ ينقاس
ام البنين اليگصدلچ ما يرجع خايب
ام البنين بحب المولى يرجع ذايب
ام البنين ومن تقصيره يصبح تايب
__
يا بدويه بس معصومه عالناس
گمر ونجوم عندچ ترفع الراس
غير بكبره گلچ يمه الحسين
اذاً وي ال هاشم هم الچ ساس
ابن الزهره ايگلچ يمه
حاشى واكثر ما تردين
زينب وحسين يودونچ
يالجيتچ ردتي اتخدمين
يل صلى الضعن اعله عيونچ
لمن گمتي انتي اتصلين
ام البنين ورد السانچ يلهج بسمه
ام البنين حسين الما ردالچ هدمه
ام البنين يم عباس ويم الخدمه
_
حسين سعد البهادلي
/channel/Hussein_s_b
#شهادة_مولاتنا_ام_البنبن_ع
يمه زينب تعالي… الماحجيته ارد احجي
مجبوره يم حيدر اسكت..ينهضم ما اگدر اشكي
عن كلشي خليني اسولف ..والگلب خل يتصبر
البسمار لمن اجاني ..بوليدي مدري شكسر
بضلعي مافكرت لحضه
وفكرت بالما اعوضه
المحسن امن يدي فگدته…بيش اعوضه
بحشاي حسيت بعذابه
وعرفت من رفسه صابه
هذا بسمار المنيه…يمه عرضه
محتاره بين الضلع والشهيد
ايد اعله ضلعي واله انطي ايد
والنزف ماخذ حيلي ونحنيت
والدنيا جارت مدري شتريد
_____
من رفس بابي عليه..وامر عبيده بضربي
بجذوع بابي الوذن..ويايمه يرجف كلبي
فاطم يكلوله واسمع..كلهم (وإن)ماعرفني
ماهمني يمه عصرهم..بس محسن الي هضمني
من طاح يايمه عذابي
ومن دماه اتحنه بابي
طحت وي طيحت جنيني ..شكد هضمني
المارحمني من ضربني
من ضربته للگاع ذبني
وهمي چان بعيني اشوفه..همي ابني
وحيطان داري بيها اثر دمه
والعين من سطرته امورمه
لا رعوا حرمه لا رعوا حجاب
هدت علي عصابه مجرمه
_____
باخر انفاسي شصيحن..ودخان خانگ ريتي
ونيران داري شفتها.. طالت ادي وبيتي
ياعلي شكد ردت انادي..واعرف علي تعرفيني
ينكسر لمن اندبه..وهل صحت فضه اسنديني
ادري ماتقبل حميته
لو سمع تنخاه ام بيته
وعلي مجتوف بوصيته..وما صحتله
الشهم لو ما اخذ حيفه
يموت بين اچفوفه سيفه
وغيرته تذبح ابروحه….لو تكتله
حيف الزمن وي علي هيج دار
مجبور ما يلزمه ذو الفقار
ومجبوره ما اتنخه اني بيه
چا صار جرحه بطوله يمه صار
___
ياغربتي بداري احسها..اصبح غريبه بداري
يايمه باجر تشوفي..شنهي العنيه بالصحاري
سمعي يازينب وصيتي..وشوفي هل نار وحطبهم
باجر احسين وعياله..هم تجي تحرگ خيمهم
هل نار ما ترحم خواتچ
تشتعل يمه بخيامچ
وكلها غربه لو ركضتي..بالصحاري
جرح واحد آنه بيه
وبحسين الف وتسعميه
گبالچ ايطيح وتعوفي…بالبراري
خيل وزلم عالخيم من تغير
لاترحم اچبير ولا زغير
وما تعبر الطايح تدك ضلوع
وماتعرف شداست ارض؟امير!
___
حسين سعد البهادلي
/channel/Hussein_s_b
اني صم ارماد بالي
طحت من موگد عزائج
وگابلت جف ريح عاتي
وخايف اتطشر ذنوب وانفضح
وصار حال الضيم حالي
ومالي حيله ولا وسيله
لا الي جذر اليكضني
ولاني مثل الناس هاي
كلمن تلزمه دمعته
الدنيا فرصه
خاف تخلص حصتي وتخلص ايامي
واني واحد لا يُبالي
ضايع وماعندي بالدنيا عرف
توني شميت الهوا
وطلعت من بحر اضلم
وعاينت مامش جرف
وين ذباني زماني
وليش بس اني اعاني
وفجئه مر النور عيني
وبيه صرت ألمح امل
ومدري يا ديره خذاني
وصرت احس هل نور رحمه
وصرت احسن ادباني
وبصرت خيمة عزاء
واسمعت چلمه ليالي
واسئلت.؟
شنو بيها هل ليالي
وجاوبوني ..
هل ليالي
بيها أم الحسن مسطوره بجفنها
بيها أم حسين يستشهد ابنها
بهل ليالي فاطمة شكد عذبوها
وتنمع تبچي ابوها
وتنفي لو طلع ونها
وفززاني …ذنبي نفسه الي عماني
وبعد شتفيد الندامه
المثلي شيقدم عذر لوشاف امامه
ولوينشده
ليش ما عشت المصاب اوي الخدامه
اخ ياذنبي الحرمني النعمه من هاي اليالي
واني صم ارماد بالي
كون اعوض
شكو لحظه بيها فرطت وجفيت
وشكو يازهراء اسمع
مرت اذني ومابچيت ..غمني ولله من جفيت
وجنت ادري الدمع چفچ بيه يلم
واني ادري انتي مايبچي الچ بس الزلم
وآنه جاي
ابتدي من البدايه
وانتي منج تبتدي
شكو بالدنيا نهايه
واني جاي ياعزيزة گلب ابوها
وعندي مزجات البضاعه
بشر رايد يطلع امن الدنيه بس دمعه متاعه
وجيت اسئلج ..وذله الغيرچ سؤالي
ارد اعيش امصيبتچ مولاتي دمعه
بلكي دمعي يروي صبخة بور كلبي
ولئن موكلمن يطب خيمة خدمتج
اله ابو گلب السليم
انتي يا امي الحنينه
غرگان يا اعظم سفينه
انطيني جفچ ..بلكي جفچ..يرد يخلقني بشر عاشگ ونيينه
واعرف اوداع الغوالي
والطم اعلى الضلع روحي
مثل مايلطم علي ومكسور ظهره
وشكبرها بروحه ياغربة الزهره
الكاسر الدنيا
الضلع بيه شفت كاسر
اخ لو ينظر العاشر
اخ ياغربة العاشر
وكون احدد كل مصيري
لو اعيشن عمري كله اوي الدمع
لو اصيرن باب على الزهره اندفع
وماكو بالدنيا خيار
لو اصيرن بلسم اجروح الزجيه
لو اصيرلها جذع
شكبره يا رزق الدمع
وكون اصيرن مااجامل عالزجيه
وعندي اكبر كل قضية
واعرف بهاي القضيه
ياهو مظلوم وصبح بيها ضحية
واعظم ايامي اليالي الفاطمية
وانتي يامولاتي بيدج كل قرار
اخذيني يا مولاتي خادم
عبد الكم
واحلى من حريتي هاي
ماكو اجمل من عبد وانه بكنفكم
بدونكم مولاتي اصبح
مالي اول لا لي تالي
اني صم ارماد بالي
————————
حسين سعد البهادلي
/channel/Hussein_s_b
ياجمعه ويحين الفرج
والكون اسمعه بأسمه ضج
رد ابسلامه المنتضر
وبيرق الساده يرد يرف
من بعد ميتين والف
عكب السنين الحق ظهر
وتتكحل اعيوني بفتح الله المبين
واسمعها منه يالثارت الحُسين
وينادي ياثار الضلع ودم الجنين
اللهم هل طلعه لا تحرمها من عيني
وطرفه عين لتفرق يارب بينه وبيني
اغله من كلشي نضرته..مولاي
عبد مملوك الحضرته..مولاي
اللهم عجل لوليك الفرج
__
يتصبر المن ياجرح
والطف مشه بجرحه ملح
واكبر جروحه عمته
من يسمع تنادي تعال
ومسبيه من عز ودلال
ويموت كلما نادته
ويشوف عمته عينها تصد للفرات
ثمانين طفله امجلبه بيها امن البنات
ويفرن امن اخيامهن المدللات
ويسمع زينب اتنادي ياعمه بگلب ملهوف
وتفرق صيحه اليدعي من الصيحه وكت الخوف
ويظهر ويجلي الرزيه..سيفه
يطفي نار الهاشميه...سيفه
اللهم عجل لوليك الفرج
_
للعايش بليل اهدعش
مو يسمع ايشوف العطش
ويشوف صيوان انهدم
شيهيجه اكثر للضهور
ويشاهد بعينه الخدور
ضلت بلا حامي وعلم
وادركنا يسمع ياحُسين امن الخيام
ويريد ينهض بس تفز بيه السهام
وبگلبه تلچم كل جراحات الامام
ينضر جده من يگوم وعالغبره يرد يطيح
يضل دم عينه ايلالي ويميل شما تطگه الريح
ينادي ياجدآه حرامات..ويلي
وينترس صدره بالاهات..ويلي
اللهم عجل لوليك الفرج
__
لابد يجي يومه ويحين
وينشر لواء الطالبين
ويصير اله كل الامر
لهل كون لابد من قرار
يامن بديه يبدي البدار
ويجدث ضلامات الكفر
والدنيا تهتز وي علامات الظهور
الطلعه البهيه تهدم احصون وقصور
وترجع تلوح الغيم عدنا شگد قبور
لابد سيفه يوصل يوم لجذور الضلامه يفوت
ولابد بيده يصلب يوم اعله شجره الجبتُ والطاغوت
وينعى الحسين ونواسيه..بدمعه
ويكسر الكون بنعاويه..بدمعه
اللهم عجل لوليك الفرج
___
حسين سعد البهادلي
/channel/Hussein_s_b
فإن مات او قتل تنسي كل وصية
وينسي ما أمر وشوصه بالزجية
باب الزهره يگلهم بابي
وهل باب ل الله اقرب باب
ويُئذيني كلمن اذاها
فاطم وچفوفي الها حجاب
حچي النبي اخضر بعد وباب ام ابوها احترگ
ومثل الجفن عالضلع بجذوعه من انطبگ
ويرفسه برجله الزنيم حايط وجذع انشبگ
قالوا وإن ..للزهراء
محد يحن..للزهراء
وسطروا جفن..للزهراء
يازهراء
نسوا ما قال طاها رضا الباري رضاها
__
انهتك ستر النبي وبعده مُسجى بالدار
حرمته مارعوا وبالبضعة فاجعة الصار
مالحگت تدفن واليها
واصحابه هدوا بالنار
توها تريد تحامي المُحسن
وتلاگت وي البسمار
لمو احقاد وحطب ودخان غطه السمه
وبيا ذنب يحترگ دار الوحي بفاطمة
وبدم جنين ام حسن الحايط تخضب دمه
حيره ابتدت..للزهراء
ونار اوصلت..للزهراء
وگلب احرگت..للزهراء
يازهراء
يأنُّ لها لظاها رضا الباري رضاها
__
بأهل بيت النبي محد حفظ گرابه
ولا چنه نصح ولا سمعت الصحابه
أمنهم بكتاب الباري
وشگد وصه بأهل البيت
ومحد يـتئمن بس حيدر
اوصلت حدها لدوس البيت
صُمٌّ وبُكمٌ عُمْيِ الگالوا هجر مُحمد
ونفس الذي حجاها بناره اعل بضعته هد
وبس چف علي اليحامي وبوصيتة تگيد
وحيدر صبر..للزهراء
وشاف العصر..للزهراء
وطوله انكسر..للزهراء
يازهراء
فحيدرٌ حماها رضا الباري رضاها
__
قسى هواي الزمن والزهره عذبوها
امنعوها امن الدمع وما رضوا تبچي ابوها
ماقبلوا تبچي اعله مصابه
وسلبوا حگها شر الناس
مازالت من بعد الهادي
اعله فراگه متعصبه الراس
وبيها جره اعظم جرم ضلع وابن فارگت
وصارت نحيلة جسد ومثل الخيال اصبحت
واعله الهضمها اندعت والربها فاطم شكت
والله غضب..للزهراء
لو غيضه صب..للزهراء
كونه انگلب ..للزهراء
قضت تشكوا اذاها رضا الباري رضاها
__
حسين سعد البهادلي
📜شهادة النبي الاعظم والهجوم
على دار الزهراء صلوات ربي عليهم
/channel/Hussein_s_b
خويه اجينه
گوم خويه اتلگه اختك
يالرحت عنك وصلتك
گوم شوف شصار بينه
مو مثل مارحنه جينه
لاتنشادني اعله حالي
حالي يغني عن سؤالي
وتشرح الحاله الضعينه ..خويه جينه
شتنشد اعله مدللاتك
هسه احسبهن بناتك
واكتفي بس بَسكينه..خويه جينه
لاتناشد عن رقيه
لاتناشد عن صفيه
وعن شريفه وخوله وين
خويه عفنه بكل بخرابة
اطفال عندك ميتين
اطفال ماتو ودفنتهم
اطفال خويه ضيعتهم
اطفال تاهو ياحسين
وبس دمعنه بمثل مارحنه اجينه
وناگع الهدم ابچينه..خويه اجينه
والتقينه
خويه مثل اللهفة ذيج
اركاض رحنه
وركض عالگبر انچفينه
والفرق نار وهزيله
كوه عالهزله ركبنا
وكوة نزلت الضعينه
افتحلي اديك افتحلي صدرك
خلي اشمك .. ارد اضمك..وما الجمك
ارد اعيدك اوصية امك
من بعد رحلة سبينه..خويه جينه
واخيراً .. راح نكعد يم اهلنه
واخيراً .. راح يتلملم شملنه
حسين وين الي كفلنه
شكثر مشتاگه العلمنه
لا روينه ابماي بعده
ولا التذينه بشربنه
شكد عطشنه
ويحرم اعلينه اذا غيره طلبنه
حسين وين الكفلنه
گوم خويه انطينه اديك
وخلي نعرج للمدينه
وهيه حيرة شلون ننطيك الادين
تهضمك اثار الحبال
البسبي ربطت ادينه..خويه جينه
آه خويه كون تدري
الممشه گوه ابلايه رايه
التمشي لا طلاب عدها
والستر بس العبايه
تمشي سكته
تبچي سكته..الماله اهل يگضيها سكته
توسطت حيرة اعله حيرة
الروس كدامي خذوها
خويه وثمانين طفله سحگت دروب المنايه
شكد عفت خويه ورايه
المهم انته.
وما دريت اشصار بينه..خويه جينه
الشام ما خله النه حيله
ما بقة لا حيل لا لون
وانت شوف شصار بم عون
رحت منك هاشميه
ابابه سموني سبيه
نوب كالو خارجيه
واني ماريدن اهضمك يگصر الساني
بكلامي ..هناك عرفوها الاسامي
وكاموا يصيحون خويه بالاسامي
المهم يمك هل وصلنه
المهم يمك هل رجعنه
البيت ابونا عاد ردنه
وداعت امي شكد تعبنه
بدرب بيه ضاع الي يحدي
هيمه تكضي وهيمه تبدي
هواي صاير ماكعدنه
وگبرك مفيي علينه..خويه جينه
شلون اعوفك هسه گلي
شعندي اردن للمدينه
ياهو عندي المن اروحن
حسين ياكلشي بحياتي
وهسه ضاع امن ايدي كلشي
يا أمل خدري وخواتي
ريت اموتن يمك وانهي حياتي
ارتاح بلكي
وما اعيشنك عذاب لحد مماتي
بيك نبدي
وهسه يمك وانتهينه ..خويه جينه
____
حسين سعد البهادلي
/channel/Hussein_s_b
رجوع الضعن الحسيني الى كربلاء..
گعدن عمه خلي احسب ضعنه
صار هواي نمشي وما كعدنه
مو من الدرب من فگد الحسين
ماضل حيل بينه شكد تعبنه
اگعدن خلي اعدد بالاسامي
بعد ماحاجه اضم بيهن وحامي
طلعن لمن احترگت خيامي
گعدن عمه عالرمال..وانسن ايام الدلال
___
اكعدن هاي هيمه مو صواوين
انسنه الدلال وفي الحسين
بسكته ابچن يعمه هواي الدموع
حلات الدمعة التطلع نياشين
فرصه وخلي نبچيهم اهلنه
ونذكر من وطنه شلون شلنه
وهسه شلون ضل مايل حملنه
نبچي الضلوا عالفرات..واحد واحد منه مات
___
اگعدن خلي نتذكر خدرنه
ومن چانت الرايه بچف گمرنه
ومن چانت الي كلمه والي شان
هسه وين اجينه اوين صرنه
اكعدن بلكي عمه تستراحن
اجدام النوگ من الممشه طاحن
تعب مدري علينه بهضم ناحن
حتى الناگه بلايه حيل..شويه ارتاحن هذا ليل
___
اكعدن لا تخافن عمه نرتاح
ونتخيال اجساد تصير الارماح
بفيّ راس الولي نگعد مئمنات
بس راس ويباري الگام والطاح
التمن عالرمح كلچن عزيزات
راس حسين يمنه اليوم خيبات
وهاي عيونه تنضر للغريبات
وين ارقيه خل تجي..وياه انموت امن البچي
__
اخر گعده هاي تغير الحال
امرنه مو بيدنه بيد جمال
هيج يصير بيها المالها اخوان
وتعوف اعله الثره 18 خيال
كعدن خلها تشبع شوف العيون
سفرة موت وهواي اليموتون
ودعنها وتودع رايده ام عون
باجر نرجع للفله..وتبعد اكثر كربله
_
حسين سعد البهادلي
/channel/Hussein_s_b
هم دار الوكت وصرنه غريبات
وماضلت عشيره ولاكو حماي
شفت اخواني فوگ الغبره ميتين
وسگاي الخيم فارگته عالماي
طبيت بضعن شيخ العشيره
وبيه چان الاسم زينب الاميره
بليله ويوم كلشي ضاع بالأيد
ومن صار العصر ودوني اسيره
تغير حالي
وما مر بالي
التبرالي..الذبحت ضعن
طاح الوانه
وبيه شمتانه
كل اعدانه..ومامش وطن
____
محتاره بضعن كلهن عزيزات
المن اركض والمن احامي
ادور الضايعه لو ادور احسين
الاخر شوفه اله امن التله ضامي
اه ياحيرتي من چلچل اليل
ضاع الشوف بين امدافع الخيل
كلها تصيح عمه المن اروحن
وترجيت ساعه ايعيني الحيل
دهر الذبني
اعثر ببني
وكتله اعذرني..خالك اهم
ارد امشيله
وارد اشكيله
مامش حيله.. وحرگو خيم
_____
يفاركها الدلال المالها اخوان
وعشت بكربله اكبر مصيبه
محد يگصد الحينه وينادي
يخوت فاطمة زينب غريبه
حيهم صيحوا بحي الهواشم
ذبوها العگل ذبوا العمايم
الصار بكربله ماصار لليوم
ضاعت بالفله عدكم فواطم
لو محد رد
گصدو محمد
يل بيه ينشد..ظهر الاخت
لعيني التدمع
ليث ويفزع
لمن يسمع..ليه حشمت
____
الليل اهون اشوفنه الصبح ضيم
اعوف اهلي واروح اميسره لوين
اركبها عجاف وهزل النوگ
ولاعباس يبرالي ولا حسين
ضعني بلازلم عدنان لو شال
واعوف اعله الثره سبعين خيال
اودعهم ردت وماشلت الچفوف
اخاف اهضم اخوتي تشوف الحبال
لاودعنه
ولاسلمنه
منهم رحنه..كوه بهزل
لا رايتنه
ولاخوتنه
وبس دمعتنه..الضلت تهل
_____
حسين سعد البهادلي
/channel/Hussein_s_b
https://youtu.be/OO3j0fXstyA?si=DuTsAXYktX22qT9G
Читать полностью…
https://youtu.be/C388sQgKfFo?si=z9GkZuJq541bff0G
Читать полностью…
انعاك من الطف متت ياسيدي بحسرتك
يطحن سنينك جن رحى وضل بيه اثر عبرتك
ياباقر آل المصطفى وعشت الجرى اوي عمتك
تشاهد حرم يتراكضن
وضاع الضعن ماضل ضعن
منانه روحك ونگضت
عماتك بيوم اطلعن
وللضعن ماضل بس عليله
وروحك تباري للعقيله
يا شيمتك العمتك تحامي
من بالخيم ماضل علم ومحامي
__
نيران شبت بالخيم وحترگت الطفوله
باربع سنين اتكفلت من ناخت الحموله
وتدري الحچي ماينحچي ولهذا ماتگوله
بعينك شفت سبيي الدلال
وبيدك تشد ذيچ الحبال
بكل عگده روحك تنعگد
تنسى وتمر عينك خيال
وتعاين العمتك سبيه
تبجيلك وتبچي الرقيه
نفس العمر ونفس الجمر سحكته
وبنينوه الرمل الچوه ركضته
__
معصوم چفك ونعصم بحبل الرزيه تالي
وعينك تصب لجل الحُسين ولزينبك تلالي
غالي البقه فوگ الثره والعلهزيله غالي
بين الحرم بين الحُسين
ضلت الك مشبوحه عين
تبقى لون تمشي بيسر
ياحيرتك تگصد لوين
ياهضمة وداع الغوالي
وياهضمة الصعدن عوالي
خدر النبي يمشي لسبي حرامات
وتغربن بيه المشن يتيمات
__
ياهضمة ايام السبي واكلفهن الخرابه
امن تشوف خل مات اعله خل لمن ندهه يبابه
دار الوكت بآل النبي ياجرحك وعذابه
وتحملت درب اليسر
وعانيت بس جان الكسر
لمن شفت تالي الضعن
بنسوانه يدخل للقصر
ذباحك الشام ومراره
وهم ذابحك قصر الاماره
فتر الزمن وماضل وطن لعفافه
وبالطالبي يحكم دعي حسافه
__
طلابكم چنه العطش والسم گضه الهواشم
تتجرع بسم الزمن وتنحب على الفواطم
تالي انگضه نحبك چتل وهل عاده عالضياغم
والسم طفه ذاك الحسن
البرسومك وسد الجفن
واشوه ألك شيعه احضرت
وجنازه ناحت بالدفن
ميت لچن دمعك يلالي
عالضل طريح اتلث ليالي
محد دفن وبلا چفن حُسينآه
اهل القرى الدفنت ترى اويلآه
___
حسين سعد البهادلي
/channel/Hussein_s_b
#شهادة_مولاي_الباقر_ع
اخر نداء انسمع..ومن بعده كلشي انگطع
حيدر نادآه..فُزتُ ولله..ومحرابه بيه انفجع
واخر صلاة للأمير.. كسرت گلب كل فقير
تفقر من دون..حيدر يدرون...وحيره بدونه تحير
الماكو اغلى شي من عنده..كملها گوه السجده
وتفايض ادماه
هدموا الكون بطبره..ومو ركن طاحن عشره
ودين الله ينعاه
ما گدر يسند طوله
كلفه علي يتجوله
والمسافة الداره ماجنها قليله..وماكو حيله
وهذا ياچف الگدر حيدر يشيله
كلها گدامه عليله..
واقع!حلم؟هذا الصار
محمول يوصل للدار
وزينب گلبها المكسور
مايحتمل هيج اخبار
الداره رد ابلا عمامه..وما كمل حيدر صيامه
___
گال امهلوني اوكف..يم بابه لونه نخطف
ليش ينشدون..وتغير لون..وجه علي وگلبه رف
الزينب گلت هيه هاي..الليلة تخبر سماي
وگالت ترجع..وگلبي اتگطع..وشمرت دمعها وراي
وزينب دمعها الغالي..چلب بطرف اذيالي
من ودعتني
وخايف تشاهد حالي..وتموت بنتي گبالي
لو عاينتني
ويم بابه عاش الحسره
تمنى تنطره الزهره
ويغشى بس يرجع يسولف حچي كلبه..هواي صعبه
مخضب بدمه واجه لداره يطبه
بعينه كلشي يشوف غربه
شلون القلع ذاك الباب
بالگوه يمشي ومنصاب
الكاسر ظهر ذو الفقار
مكسور عوده وما طاب
ومن رجع موش ابسلامه..وما كمل حيدر صيامه
__
توسد فراشه الامام..وبالكوفه حل الضلام
ضجت دنياه..وگامت تنعاه..ابدمعة ابلغ امن الكلام
وبسكته طاح الدمع..وبچي الزلم ينسمع
لحامي الجيران..تبچي أنس وجان..وبخدها چف انطبع
وكل الخلق مذهوله..الطايح علي معقوله
وبيه راجت الگاع
وبدمه فايض راسه..وتلچمه حتى انفاسه
چن حان الوداع
بالگوه يفتح عينه
ومسبله چفينه
ونور وجه امن الوجع هليله طافي..حسين حافي
يركض يدور طبيبه يا مشافي
يصيح يارب يامشافي
بشيله امه حسين يريد
يشد الجرح بلكي يهيد
من الوجع حيدر گام
ينزل ايد ويرفع ايد
وانكسر بيت الأمامه..وما كمل حيدر صيامه
__
ايتامه كلها اعتنت..يم داره من اوكفت
حسين ينشدون..يبچي ويبچون..شالت دمعها واجت
شالت جفوف اندعت..بس تدعي ماودعت
بغيره يصيرون ..أيتام يعرفون..بدونه سماهم طفت
بعبره حچو مذبوحه..شنهي اليطيب اجروحه
بالروح نفديه
حيدر اذا ينضرنه .. بلكي يبطل ونه
بلكت نداويه
وصرخات اليداوونه
حيدر غمضها اعيونه
وكلها ركضت على داره وكلها طاحت..الدنيا ناحت
تهدمت اركان دين الله صاحت
صايحه بالكون صاحت
حگ يطلم الكون اعليه
ونوح العمر ليه نگضيه
بهل نايبة هذا اليوم
نفرع الروس وننعيه
وصبحت كلها يتامه..وما كمل حيدر صيامه
___
حسين سعد البهادلي
/channel/Hussein_s_b
شهادة سيدي ومولاي أمير المؤمنين علي ع
سنين مرت بالصبر ..شكد عذابات العمر
كون لمصابه انكسر ..ولجرحه مانام
شوكت اعيشن غربته..واعرف المن دمعته
شلون عاش بحسرته.. ١٤ عام
اختنگ نور الله وطفه بين الطوامير
شنهي اعرف عن مصابه وكلي تقصير
ليش حدب ظهره من سجنه اشجره عليه
وجانت الحرية موت وعمره اگصير
يسئلمن المحتار..عليها اشصار..ما نعلم بالسجون
ليش الجدم مرضوض..وعليه مفروض ..سلاسلهم يخلون
امن السجن لو سجان..طبع نيشان..مرسوم اعله العيون
وآه ويلي يامولاي..يبن جعفر اويلآه
____
أله بس اقره السلام..وجاهل بحقه امام
روحي ماليها الظلام..وضايع قراري
على المحروم الشمس..المثلي جا يمتى يحس
ويعتذر عن الامس..شيكفي اعتذاري
ريت احس بالام كلبه وحشة اليل
ليش شاب وما يعينه صاير الحيل
يوم عاشر عايش اباله والخيام
نارها تحرگ ابروحه وهدت الخيل
صار الجسم نحلان..اوجه ذبلان..جن فاطم صفى خيال
ومن حقه هم ممنوع ..وحنى الضلوع..وحاله صار ياحال
جا وين الينشدون..سجن هارون..ظهر مولانا بيه مال
وآه ويلي يامولاي..يبن جعفر اويلآه
____
لغيره ما صب الدمع..لغيره المن انفجع
كون الطمله ضلع..مولاي هل يوم
ال عالارض سبل اديه..انعى كل عمري عليه
شوكت احس نار الي بيه ..التجرع اسموم
لا اهل يمه وكضه من غير تغسيل
راح مجتول وعكس كل المجاتيل
محد ايطالب بدمه تكول مطلوب
وشيخ هاشم ما يصحله اربع محاميل
ملت محاميله..والتشيله ..غرب وين اليشيعون
عالجسر ضل نعشه..وعليه وحشه..يريد اهله يحضرون
لا شيعته حضروا..وعليه لطموا..ودمع تتجاره العيون
وآه ويلي يامولاي..يبن جعفر اويلآه
_____
اليوم يخلص كل عذاب..وللفرج ينفتح باب
وصار موعد للمصاب..اكبر حسافه
جنازه مو سالم طلع..رجع بس ميت رجع
جثه عالگاع انوضع..بجسر الرصافه
يعاينه رادو طبيب وايعرف البيه
ليش متغير اللون وشنهي ماذيه
صاح اذا عنده اهل تحضرله ابساع
تشوف منهو بسم غصب هل ميت ساگيه
وتطالب بدمه..ولد عمه..الهواشم خل تشب نار
الماسكتو بعيله..تجي تشيله..وتشاهد للجرى وصار
وين ابنه المهدي..امن السندي..يجي ويطالب الثار
وآه ويلي يامولاي..يبن جعفر اويلآه
_____
يا امام الرافضا..جيت احلفك بالرضا
چفي ابد لا ترفضا..وانفي رقادي
لجرحك ارد اني اغترب..بدونك يضيع الدرب
انت دين وديني حب..انطيني مرادي
هاك ادي وحطلي من قيدك يمولاي
فاكد الراي واجيت الصاحب الراي
اعليك امشي القاسم ومعصومه وانخاك
اتگودني من العدم واللزملي يمناي
اليلزمكم اتلزمه..وللخدمه..تفك للمضطر الباب
ياموسى بن جعفر..إنه المضطر..دخيلك يبن الاطياب
سائل طرق بابك..وعلى مصابك..انذرت كل عمري ينصاب
وآه ويلي يامولاي ..يبن جعفر اويلآه
____
حسين سعد البهادلي
/channel/Hussein_s_b
https://youtu.be/-Hp4raAkb_E?si=n5n1oVR5rK9EcN1L
Читать полностью…
من عالم الخدمه ردت
يحويله گلبي مصاب ..وگلولي اقرب باب
باب الخدامه..
وام البنين اسمه شفت
التقسم دموع العين..حبل الوصل لحسين
وأم الخيامه..
سلطانة الخدمة وردت منها المدد والعون
قطب الوفه والمعرفه ويفتر عليها الكون
وبچفها لو تمسح گلب يفز بالگلب حب جون
بديها كل قراري .. ولاچان اختياري
اعيشن بنكساري..على طف كربله
ندعيت الله آنه بيها..وخذاني كلبي ليها
وشفت كلشي بديها..والدمع اتوسله
___
يم البدور الاربعه
سويتي المصار..وتتناقل الاخبار
موقف وفائچ..
بعرش الكرم متربعه
قدمتي اغله الناس..وضحيتي بالعباس
اسوة عزائج..
كلشي يهون الخاطره ويبقه بسلامه حسين
وگلتي ييمه اعظم وفه امن تگطع الجفين
ولو امشي يرضى بالضعن مو عين اطفي ثنين
يريت اوياه اخدني..ييمه لو قبلني
لخيامه روحي افني..الحياة ابخدمته
لچن امر الله اناطر..اعله دربه ازرع نواضر
واتانيها البشاير..يرد ابعيلته
____
يادرة آل المصطفى
واقدس عشك موجود..جودچ بلايه احدود
وبسمچ ندبنه..
للحب مثل والعاطفه
واصل الجزع والنوح..وللوعة للمذبوبح
ونية دمعنه..
من فاضل الطينه وفضل تكونه من هل طين
كلمن تبع دينه وفخر انتبعچ اعله الدين
بديانتچ اقدس فرض تجري بدمعها العين
شفت دربچ وسيله..العبد لازم يجيله
ويطب حصنچ دخيله..ملاذ امن الهوى
اسلم كلشي بيه..ومدلچ اديه
نضرتچ رزق اليه..اعيش بنينوى
_
كسرتي اگلوب الحجر
من يسمع اتنوحين..ومو ولدچ تندبين
ولاشلتي همهم..
ولا الهم الگلب انفطر
فدوه الولد يرحون..لحسينچ ولم عون
يل صرتي امهم..
انفقتي اغله مايكون وصدقتي كلما جاء
محد ينال البر اذا ماينفق اغله اشياء
وانتي نطيتي اربع ولد واسيتي الزهراء
رضعتيهم شهاده..و وفاء ودر عباده
وتشوفين السعاده..تقديمين الولد
ولا يصبح مثيلچ..دخيل اسمچ دخيلچ
اليدگ باب ويجيلچ..تسوينه عبد
_
حسين سعد البهادلي
/channel/Hussein_s_b
#شهادة_مولاتنا_ام_البنبن_ع
اذا ضاعت علي روحي وحرت بين الاسامي
اذا نيتي حواها الشك وبعد ما الها حامي
اشد نيتي بعلگ بخته ورد اگصد امامي
امان الروحي شباچه
شما ثگلت محاملها
وريث الكاظم وعطفه
غطة دنيانه بكملها
المالها ضمان وحل
بيده القاسم يحلها
يا قاسم ايمان الناس ..ورزق الخدم من عنده
عاده الكرم بيه والجود.. من والده ومن جده
صك الخدمتي رايد ... اليمدله چف ما رده
ماخاب من توسل وجاء
ياقاسم الايمان والعطاء
_
شكثر دگيت بالبيبان ولا باب انفتحلي
بسبب طبعي وعظم ذنبي وجهلت بطيني وصلي
وباب الرضا دگيت العفو طبعه وسمحلي
رؤف ورئفته تشبه
حنان ورئفة السلطان
واذا يطردني كل الكون
بحضرته الروحي الگه امچان
عدم لالي اسم لا لون
بجاها صار الي عنوان
ابابه اختم جفه روحي.. ويخلقلي عمر ثاني
وعر دربي وضعيف الحال..وخذت من سيدي ايماني
سلمته الامر مولاي .. ومثل ماراد سواني
وفي رحابه منتهى الجفاء
يا قاسم الايمان والعطاء
_
اخو المعصومه يعصمني وشفت غاية خلقتي
اذا مو عصمته مولاي اضيع اني وخدمتي
واذا جدمي عثر فد يوم يجي يمسح عثرتي
بجلاله وبجماله اسرح
وسلطنتة هيامي
خسف نور الكمر حسنه
وضواه فزز غرامي
وصبح وردي حروف اسمه
بصحوتي وبمنامي
الصبح ساقي بثواب اهله ..سقاني من بحر جوده
بوكت مامش جفوف تگود..بس اجفوفه ممدوده
لزم ركن الدمع بالعين..واني اركاني مهدوده
وصرت استحيه في الخلاء
يا قاسم الايمان والعطاء
_
بتاريخه الزمن عاجر شكد حاول يضمه
بشخصه شفت تتجله شكو انوار عضمه
طاهر من صلب طاهر من والده وامه
حفيد الصادق وعم ال
جواد وابن ابو محمد
الكاظم من نسل هاشم
جذر للزهره من ينمد
واخو الضامن گمر مشهد
ياهو بعظمته محد
حگي لو لذت عنده..حمامه بصحنه لويقبل
واكضي بخيمته عمري..وما استبدل اتوسل
تقبلني بحسن ذاتك.. غيرك ابد ما اندل
يانور رب الارض والسماء
يا قاسم الايمان والعطاء
_
تكفل غربتي وتترس هل دنيا غربته
احسن روحي بين اهلي من ادخل حضرته
مو بعمالي اگصدله . اگصدله برحمته
حشود ابابه تتوسل
ويمد ايده السخيه
العبد بعتابه لويسجد
وطلب منه عطيه
بمصابة الي يتوسط
اليالي الفاطمية
اجيته استجدي ادموعي..بليالي الزهره ينطيني
عهد دمعاتي شديته..بشباجه وملك عيني
وجمرت كلبي اتوسل ..ما تبرد على حسيني
نستأذنُ الدموع والبكاء
يا قاسم الايمان والعطاء
_
حسين سعد البهادلي
/channel/Hussein_s_b
#شهادة مولاي قاسم الايمان والعطاء ع
(هم فاطمه)
جاء في حديث الكساء.. قال الأمِينُ جبرائِيلَ: يا رَبِّ وَمَن تَحتَ الكِساءِ، فَقالَ عَزَّ وَجَلَّ: هُم أهلُ بَيتِ النُّبُوَّةِ وَمَعدِنُ الرِّسالَةِ،*هُم فاطِمَةُ وَأبُوها وَبَعلُها وَبَنُوها.
يا ربي من تحت الكساء
جبريل يسئل بالسمه
والله اختصر كل الحچي
تحت العَبا هُم فاطمه
هم فاطمه.. رايد يوضحله ويگول
هم فاطمه.. التحت الكساء كلها البتول
هم فاطمه.. لو ما هيه كلشي يزول
ما كان او ما سيكون من نور فاطم انعجن
كلشي انخلق حي وجماد لخاطر عيون ام الحسن
يا فاطمه.. يافاطمه.. لبيكِ يا أم الحسن
___
وفي الحديث القدسي(قال الله تعالى) «يا أحمد لولاك لما خلقت الأفلاك، ولولا علي لما خلقتك،*ولولا فاطمة لما خلقتكما»
كلشي انوجد نعرفله حد
بس فاطمه ابلايه حدود
طٰه وعلي خير البشر
وبفاطمه تم الوجود
هم فاطمه.. الله اليحدث بالسما
هم فاطمه.. للنبي وحيدر مُلهما
هم فاطمه.. لولاها ما خالقكُما
يا رحمة الله اعله الارض وبيها انعرف ربها الرحيم
سُبحان ما صور بها من غيرهُ يخلق عظيم
يافاطمه.. يافاطمه.. لبيكِ يا أم الحسن
____
قال الإمام الحسن العسكري ع : نحن حجج الله على خلقه وجدتنا فاطمة حجة علينا
لا تخلوا من حُجه ابد
ما تستقر هاي الارض
وهية الاميره اعله الحُجج
الها الارض طول ابعرض
هم فاطمه.. نور الامامه انمزج
هم فاطمه.. بيها وبديها أنسج
هم فاطمه.. ياحُجت الله اعله الحُجج
مستودع وسر الاله بيها يجن حتى الجنون
وكل الأئمه بالعُلا ابفاطمه يتوسلون
يافاطمه.. يافاطمه.. لبيكِ يا أم الحسن
____
ورد عن النبي محمد أنه قال: فاطمة بضعة مني، يرضى الله لرضاها، ويغضب لغضبها.
وكانت إذا دخلت عليه قام إليها فأخذ بيدها وقبلها وأجلسها في مجلسه،
چان النبي بيها يگول
امي وبضعتي اصبحت
وما يرضى الله اعله الخلق
الا اذا هيه رضت
هم فاطمه.. كل نور الها ينتسب
هم فاطمه.. المعصوم منها وينحسب
هم فاطمه.. الله يحب كلمن تحب
يا أم ابوها وعصمته وكل الفضل الها يدوم
ولمن تگصده فاطمه چان النبي بكبره يگوم
يافاطمه.. يافاطمه.. لبيكِ يا أم الحسن
____
وقالت فاطمة(عليها السلام): أنا الشجرة التي تخرج أُكلها
وتعني الحسن والحسين عليهم السلام
فالسلام عليك يا ممتحنة امتحنك الذي خلقك قبل أن يخلقك وكنت لما امتحنك صابرة".
عله وسبب واصل اي جذر
الها يعود وكل عظيم
باچر يصير ابما تشاء
هيه السراط المستقيم
هم فاطمه.. انطاها الحُسين اويه الحسن
هم فاطمه.. بضعتها اسياد الزمن
هم فاطمه.. بيها امتحن كُل مُمتحن
يا شجرة الجنه التي يؤتي اُكولها كُل حين
لو عشتي اكثر فاطمه ثمرج فقط مثل الحسين
يافاطمه.. يافاطمه.. لبيكِ يا أم الحسن
_
حسين سعد البهادلي
/channel/Hussein_s_b
https://youtu.be/oTWzWTO01u0?si=gnBF67PegbvnXLkl
Читать полностью…
تمنيت كون اتعطلينه
ولانوصل لباب المدينه
ياهو ايتلگاها الضعينه
وجيت بضعن هايم..
خاف أنشد بخواني حيره
چا وينه سيدها العشيره
اوين الكفل ضعن الاميره
ينشدون اهل هاشم..
ما چن هل الضعن لحسين وين اخوانه واولاده
وبخت السادة بيها شصار النشد عن عمة الساده
وعاده القتله لو گالوا بس السبي مو عاده
بكل نشده بيه الجروح اكثر تزيد
معقوله مسبية بنت الاجاويد
وهل عاودت من غير اهلها
شحجي وشرد وآنه ما املك اجواب
اليسئلني عن الكفلني وعلي انصاب
چاوينه عباس الكفلها
عاودينه يهلنه واجينه..والضعينه لفت للمدينه
____
ارجع وطب ابيوت اهلنه
ولا بيها گطره امن المحنه
لا چنها هاي الدور النه
المابيها خواني..
متفطره بيها الحياطين
چن گلبي هم كاتلها الونين
عگب التركها ورحل لاوين
ومنضرها اذاني..
مابيها دفوّ امن حسين وضلمه دور اهالينه
وفارگها الامان وراح عگب عم ضعني وسكينه
وصرت ادعي الله چف اخوان لو ساعه يرد لينه
صرت ادعي الله يرد ليه الحسين
ويشوف حال البقو بفراگه ميتين
بحي الهواشم صرنه غربه
يخنگني صاير بعد عينه الدار
بكل ذكرة التمر علي انجوي بنار
نار الفراگ هواي صعبه
يله موتي يروحي الحنيه..والضعينه لفت للمدينه
_____
خلاف اخوتي تمنيت موتي
المن اعيش ابلا اخوتي
ياهو البعد يسمع نخوتي
ذاك الزمن وينه..
محمد اجه وماعرف اخته
ولمن عرف لونه خطفته
شافاني بس گلبة كسرته
وسولف دمع عينه..
ابتشر گلبي اخو عندي وهضمني أشر عليه
هاي الحرمه كال منين اخوي ويشتبه بيه
ومن گالوله زينب هاي طاح وگال مو هيه
اختك إنه وخويه نادي عليه
هل چلمه فوگ النهر حيف رميه
مشتاگه حيل اسمعها منك
من ماتت الخويه صرنه سبايه
لا ضلت اخيام ولا عدنا راية
وهل صار هذا كله بختك
لا اخو الضل بعد ويحمينه..والضعينه لفت للمدينه
____
وين اليعاوني ابمصابي
ويشارك اجروحي وعذابي
وأم البنين ايتاني بابي
تنعى مصيبتنا
حملي انچفه وبلكت تشيله
وتبچيهن ادموع الثجيله
وتتگابل اويانه العليلة
دمعه اعله دمعتنا
اول ماحچت عباس گالت وفه الخوه
ونزفت عيني دم مو ماي يمن دمعاتي اله تسوه
كلتلها يأم عباس راح الطيب النخوه
وين المثل خوته الگه بعد وين
راح وكسر كل ضهر بينه نصين
وضعنا وحبل گيد ادينه
طاح وبعد ما بقت النه اخيام
ومات الحسين وخذونه اسره للشام
ورديت هم زين بَسكينه
وانتهت يمه رحلة سبينه..والضعينه لفت للمدينه
______
حسين سعد البهادلي
📜رجوع ضعن الامام الحسين علية السلام
الى المدينة..
/channel/Hussein_s_b
https://youtu.be/LPVCz592C40?si=czWisHnKLKcplh9V
Читать полностью…
تنقل الرواية بلسان الحال..
عند وقوف مولاتنا عقيلة الطالبيين
عليها السلام
في باب الساعات و جاء ابن السيده
عفية العقيلية
بنت ابي طالب ليشاهد بمن جائو
فااخذ يتسائل حتى وصل الى
مولاتنا العقيله فبدء
بالسؤال من انت ومن اي بلد ومن معك..
آنه الجان اسمي الهاشمية
وإنه عمة شكو هنا فاطمية
إنه من نسل اسياد السماوات
وعليّ تسمع يصيحون السبيه
آنه البيه كل العفه تنقاس
واني الچفي من معصوم ينباس
إنه راية علي الرفت بالاخلاق
آنه الجان خادم الي العباس
آنه بت علي وبنت الزجيه
عقيله واحملت ثگل الرزيه
(وآنه العلي تنگال الخطيه)
إنه الماطالع خيالي على الناس
بليله ويوم صرت الخارجيه
آنه الطولي ابد ما لمحته العين
وآنه الطولي چان بطول الحسين
الدهر خلاني چلمه بحلگ شمات
عگب ما عفت اخوتي بصحره ميتين
آنه الي بخيمها نهبت الكوم
وصارت روحي مابين اخوتي تحوم
آنه المن صحت ادركني يحسين
شافت جثت اخوها اتطيح وتكوم
آنه الصبحت لا حيله لا راي
وآنه الي بعضوني تحدي اعداي
وكت خلالها زينب ترچب النوگ
عگب طيحتة كفيلي وچفه عالماي
إنه التفزعلي اخوتي گبل ماصيح
وآنه الهسه اميل بطگة الريح
آنه الشامخه بت داحي الباب
زمن خله العقيله تكوم وتطيح
لاتنشد علي وعن هلي وين
باوع عالرمح وتجاوب العين
آنه اخت العبرته تعيش للدوم
إنه خدر الذبيح الضامي حسين
تريد تشوف لو فزعت حيهم
تهتز روس اخوتي ابلا جثثهم
آنه اخت العوالي الفوك الرماح
يتشيمون لو كلت انه اختهم
خبر امك وخبر عمامك
وشك زيجك ييمه وشد لثامك
كلهم خالتي الجابوها للشام
الله وياي بلغها بسلامك
———————————
حسين سعد البهادلي
/channel/Hussein_s_b
https://youtu.be/42AHNMD5-fU?si=Nk9qaAWSiqkLqwBd
Читать полностью…
