105
سيدي ياحسين عمري نذرته الخدمتك https://t.me/joinchat/AAAAAEOnUV6imLK-dTwaMQ للتواصل @Hussein95iq
ميمر
اعظم رسول القران نازلك ابا ياته
وقران ناطق خليت ذوبنه بحجاياته
.....................
يانبي الرحمه المايشبهك واحد
قائد تضل عالامه نعمه القائد
من عدنه الك هالعهد والله الشاهد
ماننسه حيدر والله نتنومس بصولاته
....................
مشكور يابو الزهره من نصبته
بس الله ونته اليعرف بمنزلته
يجهل الدين الي جهل معرفته
يابو الحسن من نكول الضالم يجر حسراته
.....................
هنياله اليحصل ابن عم مثله
بالروح يفدي لون رادو جتله
جن وإنس حيدر تره شهدتله
كلهه تّعرف الكرار ماتنحسب وكفاته
....................
ناصر الدين بحكمته وايمانه
باب العلم منك صبح برهانه
عاشو وماتو بالحقد عدوانه
وبگلوب الاحباب تعيش طول الزمن كلماته
...................
ساكن اكلوب الخلك من افعاله
هنياله اليحب حيدره هنياله
لِيحب علي المفروض يعرف حاله
حب الوصي امن الايمان يتواضع بخطواته
....................
ماعدنه غير المرتضى والينه
من كل ضلم وبكل وكت حامينه
نرخص الروح الحيدره يدرينه
اولاده احنه وللموت مانزل عن ترباته
محمد هادي العقابي
سيدي ياحسين عمري نذرته الخدمتك
رابط قناة تلكرام👇👇
https://t.me/joinchat/AAAAAEOnUV6imLK-dTwaMQ
رابط قناة اليوتيوب 👇👇
https://www.youtube.com/watch?v=ugFiDQkvfjQ&feature=share
رابط حسابي بالتيك توك 👇
https://vm.tiktok.com/ZM2XyaqLA/
للتواصل @Hussein95iq
قصيدة للأربعين
أرد أسولف ســـــــــالفه المادايره
شلون زينب هســــــــه ردة حايره
من بعد ذاك السبي وحـرگ الخيام
شلون زينب هســــه ضنكم صايره
شــــــاب رمش الحره
بلــــــــــوه والله بلوه
الطف چبيـره سوالفه
ذبــــــح ساس الخوه
أويــــلاه أويـــــلاه أويـــــلاه
يـــــــــازينب يــــــــازينب
ـ❀❥ـ❀❥❀ـ❥❀ـ❥❀❥ـ❀ـ
ويلي من الطف أخـذ شكم نحر
زينب من الطف مكسـوره الظهر
الطف بعد تـدرون شسوه وعمل
الطف أخــذ عباس من أم الخدر
شحچي شــــــروي هسه
الطــــف يحچي الخرسه
حسين من خيــــــــولهم
نـــــــــرفس شكم رفسه
أويــــلاه أويـــــلاه أويـــــلاه
يـــــــــازينب يــــــــازينب
ـ❀❥ـ❀❥❀ـ❥❀ـ❥❀❥ـ❀ـ
حسين من خيولهم صدره نطعن
والعقيـله شبعت هضم وحـــــزن
ومـــابعد غيـــــــاب ردة بت علي
عــــــــالگبر مهضومه رجعت تون
نادت خـــــويه حُسين
اليوم يـــــوم الأربعين
جيت الك تعبـــــــــانه
والگلب خـــويه حزين
أويــــلاه أويـــــلاه أويـــــلاه
يـــــــــازينب يــــــــازينب
ـ❀❥ـ❀❥❀ـ❥❀ـ❥❀❥ـ❀ـ
أجت زينب مـــــابعد تعب وركض
وعلي الطف سوالفه مااضن تفض
الطـــــف يفض بس بضهور القائم
وهسه فن واحــد يناقش يعترض
لــــــــــو ضهر المهدي
العـــــــدل يبدي يبدي
وبعد لا مــــــاكو ضلم
وكلشي يصبح حَـــدي
أويــــلاه أويـــــلاه أويـــــلاه
يـــــــــازينب يــــــــازينب
ـ❀❥ـ❀❥❀ـ❥❀ـ❥❀❥ـ
تمت والحمد لله
بقلمي المتواضع
✍ للشاعرة وخادمة الحُسين
رقيـــــة العامــــــري
سيدي ياحسين عمري نذرته الخدمتك
رابط قناة تلكرام👇👇
https://t.me/joinchat/AAAAAEOnUV6imLK-dTwaMQ
رابط قناة اليوتيوب 👇👇
https://www.youtube.com/watch?v=ugFiDQkvfjQ&feature=share
رابط حسابي بالتيك توك 👇
https://vm.tiktok.com/ZM2XyaqLA/
للتواصل @Hussein95iq
على حب الامام الحسين ع
ممكن الاشتراك بالقناة وعطا لايك للفيديو 👍 وتفعيل الجرس 🔔فضلاً وليس امراً
https://youtu.be/cEcRadLOHfA
(يحادي النوگ)
يـحـادي الـنـوگ زيـنـب عـيـنـك اعـلـيـهـه ٢
*---------------*---------------*
راح الــدلـلاهــه وراحـــت الــــرايــــه
تدري امـخَـدّره وما سامـعـه احـچـايـه
صـعـدت عالهزل وجـروحـهـه اهـوايـه
مـــا سـوّت لـهـلـهـه مــأتـــم اقــرايــه
خـاف الــنـاگــه مـــن تــعـثـر تــأذيـهـه
*---------------*---------------*
اگـول امـچـتّـفـه مــا لايـگـه وصـعـبـه
وبـعـيـد الــدرب مــا تــرحـم الــغــربـه
يــاهــوّه الـعـلـيـهـه يـنــكـســر گــلـبــه
حـگـهـه لـلـغـوالــي الــمـدمــع اتـصـبـه
عـگـب عباس انـتـه الـصـرت حـاديـهـه
*---------------*---------------*
افــتــر الـوكـت وتـحــمّـلـت ضـيــمـه
عـمرهـه امدلله وما ماشـيه ابـهـيـمـه
دمــعـتـهـه جــريـه اتـشـابـه الـغـيـمـه
خـلـهـه لـلـكـفـلـهـه الـمـأتـم اتـقـيـمــه
هــــاي ام الـــدلال الـــراح والــيــهـــه
*---------------*---------------*
چـانـت بالـخـدر والـهـيـبـه مـصـيـونه
هــاي الـرخـصلـهـه الـكـافـل اعـيـونـه
حــتــى اخـيـالـهـه الــوادم يـهـابـونــه
ابـوهـه المرتضى الـكـلـكـم تـعـرفـونـه
مـصيـبـة كـربـلـه اشخلت بـعـد بـيـهـه
*---------------*---------------*
اجــروح ابـگـلـبـهـه ونــار حــرّاگــه
عـذّبـهـه الـكـفـيـل ويـصعـب افراگه
ريّـض بـالـمـشـي لا تـعــثــر الـنـاگــه
اگـبــال الـعـقـيلــه الـروس تـتـلاگــه
ابهذا الحـال تـنـظـر روس اهـالـيـهـه
*---------------*---------------*
لأرض الـشـام لو وصلت الـمـضلـومـه
مهضومه تـراهـي الـحـره مـهـضـومـه
بـمـتـون العقـيـلـه اسـيـاط مـرسـومـه
جـفـنـهـه بـالـمـدامـع حـرّمـت نــومــه
شماتـه وكلهه غـربـه الـنـاس تـدريـهـه
*---------------*---------------*
✍خادم السيده زينب (ع)
الشاعر رعد الجريخي
سيدي ياحسين عمري نذرته الخدمتك
رابط قناة تلكرام👇👇
https://t.me/joinchat/AAAAAEOnUV6imLK-dTwaMQ
رابط قناة اليوتيوب 👇👇
https://www.youtube.com/watch?v=ugFiDQkvfjQ&feature=share
رابط حسابي بالتيك توك 👇
https://vm.tiktok.com/ZM2XyaqLA/
للتواصل @Hussein95iq
الامام السجاد
الطف اخذ عافيتي والحيل
راحت سنيني برگضت الخيل
خلصت سنين الروح دم قلبي عالمذبوح
ــــــــــــــــــ
شيبت من هم كربله بجروحي نيشان
عالماي اذا اوكف احس بفكاري عطشان
يا سالفة الماتنگضي وبخيامي نيران
جاي احجي احزان العمر بس ميت الصوت
اليدري ما شافة القلب بس يسمع يموت
بس قلبي من كثر الوجع ما شاله تابوت
ماوصل من طف كربله احروف
شفته الذي ما يحمله الشوف
قلبي لهسة ينوح دم قلبي عالمذبوح
ــــــــــــــــــ
بصف النهر ماتو هلي وما شربو الماي
واجروح عاشر بالعمر ما خلصت وياي
ابيضت العين بحزن متلوع اهواي
تكسر قلب حتى الحجر بادموعي اهات
كم موته ميتلي العمر من تمر شمات
مو عجبة اذا فوك الارض تهوه السماوات
الارض من احزاني طوفان
وتقرحت بعيوني الاجفان
دمعي سفينة نوح دم قلبي عالمذبوح
ــــــــــــــــــ
بعد الجرة بدرب السبي من رحنه للشام
وانتهت هاي المعظلة بحجار وسهام
ابتدت قصتي وي الوجع ومنازع الالم
السم جره بصدري وكمت وماشتم انفاس
والوجع بيه من الجدم حد قمة الراس
وفوك المصايب والمرض ما رحمت الناس
لا بشر لادهري على الاسنين
محد رحمني وذبلت العين
من حزني بيه جروح دم قلبي عالمذبوح
ــــــــــــــــــ
ذبلت شمعتي ومحنتي من حسرة الراح
بلكي اغمض واندفن من همي وارتام
ويروح من عندي السبي والروس برماح
ويوگف دمع عيني الذي ماوكف لحضات
وامشي لجن ما تنسي شگد بيه لجمات
عمتي العقيلة اثقل حزن ثقل السموات
الكاع ما شالتها الاهموم
العين ما مرت على النوم
بس الدمع مسموح دم قلبي عالمذبوح
ــــــــــــــــــ
ظهري انكسر وي القلب والخاطر وياه
من كثر شوغات العمر بالحسرة والاه
راح امشي نتلاكة بعد يم رحمة الله
واشكي لرسول الله الجره بالمعظله الغاد
ياجدي حدبني الغدر واحزانـي تزداد
من الرزيا وكربلة سيف الالم حاد
والضيم بيه بگد الانجوم
مذبوح يا جد من الاهموم
دم القلب مسفوح دم قلبي عالمذبوح
ــــــــــــــــــ
الشاعر زين العابدين الشمري
سيدي ياحسين عمري نذرته الخدمتك
رابط قناة تلكرام👇👇
https://t.me/joinchat/AAAAAEOnUV6imLK-dTwaMQ
رابط قناة اليوتيوب 👇👇
https://www.youtube.com/watch?v=ugFiDQkvfjQ&feature=share
رابط حسابي بالتيك توك 👇
https://vm.tiktok.com/ZM2XyaqLA/
للتواصل @Hussein95iq
قصيدة ( اول مره ) وكأني بزينب تندب ابا الفضل العباس عليه السلام في أيام السبي ودخول الشام
يا ابو فاضل يــا ابو فاضل
هاي أول مــره ضعنــي بلايـا كـــافل
*
خويه يا غيرة هلـي
يا ذخر حيدر علي
حيل صعبـه كافلي امـشـي أسيــره
انــه تـربات الستر
وانــه قبله للخـدر
يحدي بضعوني الشمر كـلفه وچبيــره
خويـه أول مــره ضعنـي يمشي بـس بــلا ضـوه
كــل شــي مـن بعـدك تغيــر حتى بالــريه الهوه
ياعطش گلبي أعلى طولك خويه ضامي وماروه
هــاي أول مـــره خـويه نمشــي لكـن مو سوه
يــا حســـافه يـــا حســــافه
ضعني يمشي والعدو يبره المحامل
*
خويه يا نبـض الگلـب
بلا گمر وحشه الدرب
منين مـا اصدن غــرب تبره لضعنه
لحالتي صعـب الشرح
منين مــا اديرن ذبــح
گبالي راسك عالــرمح يا ابو المحنه
كلفه يــا عباس خويــه لضعني يبــره الأجنبي
مــن جبتني بعزه للطف ضعني بي هيبــة نبي
وسفه عــدوانك تنــادي للسبي گومي اركبــي
والله يــا عبــاس كلفــه بــت محمــد تنســبي
خويــه صعبه خويـــه صعبه
يهوى عالشاطي الوفــه وي المراجل
**
خويـه أظن هذا حلم
ضعني خالي من الزلم
بــس عليل وتنشــتم بنت الوديعه
ريـت وافاني الأجل
التفت ماكـو الأهـل
صحت والمدمع نزل آه يالشريعه
ضعني يــا عبــاس يطلع وانته مــا تبـره الضعـن
صعبه يــا ابو الغيــره خــدّر للغــرب مــن ينسبن
خـــويه عالنوگ الهزيله بعــد عينك هــل المشـن
أعيوني المضعيات طولك خويه حگهن لــو عمن
دمعــــي يجــــري دمعـــي يجـــــري
خويه يا عباس دمع الحره سايل
*
ركبتنــي بنـــاگتي
وتبره لضعوني إخوتي
هسـه حيــره حيرتــي امـشي سبيه
خويـه محتاره أبحـرم
مـن هـــوه ذاك العــلم
راسي ريته الي أنهشم بالغـــاضـريه
ضعني يمشي بلايا كافل خويه ما اصدگها هاي
حلم هــذا لــو حقيقه الســوط مطبــوع ابگفـاي
يــا عطش روحي لحنانك والله مـا يرويها مـاي
هيبه گبــل الناگه تمشـي هسـه اعــوفنك وراي
عالشـــريعـــــه عالشــريعــــه
طايحه الغيره يخويه وحملي مـــايــــل
**
خويه ضنوت حيدره
انــه أروح أمـيســره
وبـالحــرم متـحيـره وادخل دواوين
جرحي ما يشفه ابد
يا محن انظــر بعــد
مــن بلد امشي لبلد يا عملت البين
خويه عيـــد الشام وسفــه أوجـوهــم مستبشـره
وامشــي بالسوگ وشمــاته كلهه ضعنـي تنظره
دخلــت الديــوان زحمــه وتــدري انـــه أمخدره
ومن ضرب ثغــر الامامه صحت سبـع الگنطره
خــويه وينــك خــويه وينــــك
وسفه خصمك يـــا كفيلــي بينه عايــل
ـــــــــــــــــــــــــــــــــــــــــــــــــــــــــ
الشاعر
موسى البديري
سيدي ياحسين عمري نذرته الخدمتك
رابط قناة تلكرام👇👇
https://t.me/joinchat/AAAAAEOnUV6imLK-dTwaMQ
رابط قناة اليوتيوب 👇👇
https://www.youtube.com/watch?v=ugFiDQkvfjQ&feature=share
رابط حسابي بالتيك توك 👇
https://vm.tiktok.com/ZM2XyaqLA/
للتواصل @Hussein95iq
بصدر الشمس سحگت خيل
صوت امرأه ايهد الحيل
هاي الزجيه. بالغاضريه
==========
خيل عشره وصدر متروس بحنان وكسرنه
شلون كسره. طحنن اعظامه يويلي ورضرضنه
رضن عظامه وبعد اعظم مصيبه
سحگن الجثه البقت بالطف خضيبه
ياغريب اتصيح اجت امه الغريبه
صوت الزجيه ابهل الليل
صوت بحزن وبيا ويل
اعظم رزيه. بالغاضريه
==========
انكسر صدره واصل لظهره الصدر حفره چبيره
وهيه ادره. اشكد عددهم هالحوافر والله حيرة
كعدت ويمه تون وتشوفه مذبوح
يمه اكعد ليه اكعد طلعت الروح
شعجب ماتكعد ييمه وامك تنوح
اكعد صحت واني ارتاح
عد راسك شجاب ارماح
بونه شجيه. بالغاضريه
==========
گلبنه راحن وردن عليه رض الحوافر
تعبنه وهو عطشان ونحيل وبيه شصاير
الزاد كسرة صدره ابني گلبه يابس
من السحگ لابس جرح موهدمه لابس
دمه كاع الطف صبغها الصحره تارس
دمك بقه گبالي يسيل
يمه الارض كلها تميل
تميل الوطيه. بالغاضريه
==========
اتگربتلك. وردت اشبگك يمه بس صعبه شفتها
يمه أگلك عن علامه وبيك يوليدي افگدتها
بوسة من جدك محمد ضيعتها
ثاري مگطوع النحر من دورتها
رحت ادور راسك وجثتك عفتها
لراسك رحت وين الگاه
امشي واطيحن بالآه
يمه شبديه بالغاضريه
==========
فوگ الارماح. شفت راسك يمه بس تنزف جروحه
الشاله ذباح. عالي رمحك يبني مااكدر ألوحه
اكصيره إديه شما أمد يمه اديه
من شفت راسك خذت گلبي الاذيه
بحضني راسك ردته موبيد آل اميه
انطوني صحت هذا الراس
راسه انگطع جسمه انداس
خيل اعوجيه. بالغاضريه
==========
الشاعر علي النائلي
سيدي ياحسين عمري نذرته الخدمتك
رابط قناة تلكرام👇👇
https://t.me/joinchat/AAAAAEOnUV6imLK-dTwaMQ
رابط قناة اليوتيوب 👇👇
https://www.youtube.com/watch?v=ugFiDQkvfjQ&feature=share
رابط حسابي بالتيك توك 👇
https://vm.tiktok.com/ZM2XyaqLA/
للتواصل @Hussein95iq
( ليلة العاشر )
……………………………………………………………
يل طالع ابنص ليلك . و اهمومك اتهد حيلك
يل شايل الشوچ العله الگاع
تـدري ابناتك باجـر اضياع
………………………………… .........................
يل بيك المحنه اشطوط •بس جرحك بحر واغمگ
تساوي الگاع نص الليل •خـاف الصبح ماتلحگ
شاغلتك رقيه اهواي •ابجدمها اعليه من تسحگ
وبروحك ابدن ما تهم
مذبوح مسلوب الهدم
جثه وخيول الغايره . بالحافر اعليك اتهجم
ابنيتك تنوح اعليها . من تنجرح رجليها
وتهل دمع من كثر الاوجاع
تـدري ابناتك باجـر اضـياع
……………………………………………………………
ابغض النظر انت ايمام • بس هم تبقه ابو ليهن
يمته ايكبرن و مشتاگ • تنظر طالت اعبيهن
يل امربيهن اعله الخير • باجـر زلـم توليهن
مكلوب باجر عل وجه
بس لبناتك منتبه
عالجبله ترفض تنذبح . لسكينه راسك يتجه
تبحث تظل بجدامك •• تزحف زحف لخيامك
والخيل جابت الهن اضلاع
تـدري ابناتك باجـر اضياع
……………………………………………………………
طفوف وگاع متموجه • صعب حتى المشي بيها
شلون بزينبك يحسين • باجر تركض اعليها
الركض جلمه وغدت لچمات•غريب عليك طاريها
شگد صعبه يا جلمة ركض
جن حافر ابصدرك يرض
زينب و تركض يا عجب . ابوكت الظهر نار الارض
وبداخلك تتعذب •• كل همك انت ابزينب
ركضت تراهي والخدر ضاع
تـدري ابناتك باجـر اضـياع
……………………………………………………………
الرمل بالليل يا مولاي • بارد لا تخاف امره
بس ايصيرلك چانون • لو نزلت شمس ظُهره
يعني اسكينه وارقيه • كل وحده الرجل حمره
ويشردن يلاگن جمر
ومحزم احزام الشمر
الماطاحت ابحبل الخيم . من صوت الخيول اتعثر
ازغار ومصيبه اجبيره •• حيرتهن اعظم حيره
خوف وعليهن صعبه الاوضاع
تـدري ابناتك باجـر اضـياع
……………………………………………………………
اذا عالگاع و العاگول • اشوه انگول عل الخدّر
يحسين المـصيبه السوط • نار و بالمتن يسعر
ازغار و بين نار وخيل •وما بين العطش والحر
السوط وجبير اعله الطفل
ابطول الظهر ليه ويشل
اعله ارگابهم ظل يلتوي . للخنگ اصبح جن حبل
شي تاهت ابهالهيمه •• شي وجّت وي الخيمه
شي عالابو گلبه ابيتم لاع
تـدري ابنـاتك باجـر اضـياع
……………………………………………………….…
غيم و مطرن الصعبات • عليك و صارن اهوايه
تساوي الكاع لو طفلك•نشف ريج ونشف مايه
عندك بالخيام اعليل • تخاف ايموت هل الايه
لو سكنه موّتها البچي
مخنوكه و تريد اتحچي
يابويه الك رده بعد . خاف لبناتك ماتجي
يشعر يتيمه احساسي •• امسح يبويه براسي
بعمري اشتريك ولَون ينباع
تـدري ابناتك باجـر اضياع
……………………………………………………………
✍️ ( سيد خضر الزاملي )
سيدي ياحسين عمري نذرته الخدمتك
رابط قناة تلكرام👇👇
https://t.me/joinchat/AAAAAEOnUV6imLK-dTwaMQ
رابط قناة اليوتيوب 👇👇
https://www.youtube.com/watch?v=ugFiDQkvfjQ&feature=share
رابط حسابي بالتيك توك 👇
https://vm.tiktok.com/ZM2XyaqLA/
للتواصل @Hussein95iq
گلبچ عالهجر بيش ايتصبَّر
ألله ايعين گلبچ يم الاكبر
ياحيرة الحيره...والكسره چبيره
ياام الاكبر
دمعچ والمُعانات....تعجز كل الابيات
توصفهه ابكتابه
اليفگد مثل الاكبر....نار ابگلبه تسعر
شيوصّف عذابه
إبنچ مثل الانفاس...عندچ يم الاحساس
شيحمله غيابه
حگچ من تنوحين...ومامعذوره كل عين
ماتبچي المصابه
والهظمه الچبيره التاخذ الروح
من گالولچ ابنچ شابع اجروح
وشالوه ابحصيره...والكسره چبيره
يم الاكبر
.....................................
گلبچ شابع اهموم...إبچي ومَحَّد ايلوم
والله البچي راحه
الفاگد گلبه مفجوع...سَلوه ايشوف الدموع
ابليليته وصباحه
المثل الاكبر ايطيح...كون ابكل عزه انصيح
حَيَّ اعله المناحه
نفزعلچ مُواساة....والشايل جراحات
شيضمِّد جراحه
واليشبه رسول الله يوصفُوه
بالحومه على الهامه يطبرُوه
هَد حيل العشيره...والكسره چبيره
يم الاكبر
....................................
حلمچ يم الاحزان...مات ابسيف عدوان
ياحزنچ يليله
الراح الگلبه يهواه...حيل ايصيح ويلاه
والمدمع يسيله
فتره ويرجع انگول...صَبراً هاي معقول
وانضل نندعيله
بس ناعي الحزن صاح..ياليله علي راح
والفرگه طويله
راح ومايرد شمعة حياتچ
تكسر راح گلبچ ذكرياتچ
ونظرات الأخيره...والكسره چبيره
يم الاكبر
.......................................
هيچ اتغيِّر اوضاع...آخر نظرة اوداع
ماچان اعله بالچ
ون گلبچ بلا صوت...مثل الشمعه بسكوت
ضل يبچي اعله حالچ
راح وروحچ اوياه...ضلت تجذب الآه
والكسره ابسؤالچ
هم ترجع لچن صاح...يَمِّي غير الاجراح
وغيره الحسره مالچ
ياتعب الرِّبه وياتعب الاسنين
راح ابكربله چن رمشة العين
راح الكِلَّه غيره...والكسره چبيره
يم الاكبر
....................................
يامولاتي للدين...ضحِّيتي ابضوه العين
وفضلچ ماله مقياس
يالبچِّيتي الاملاك...ابحزنچ والجرح ذاك
تبقى اتسولف الناس
يم الرفعه والجاه...ذكرچ مانسيناه
ذكرچ يرفع الراس
باسمچ نبقى نفخر...وابنچ علي الاكبر
هالعايش بالاحساس
مانتأخَّر ابكل عزه عنكم
منكم نطلب التوفيق منكم
بدموع الغزيره...والكسره چبيره
يم الاكبر
سيد علي الموسوي
سيدي ياحسين عمري نذرته الخدمتك
رابط قناة تلكرام👇👇
https://t.me/joinchat/AAAAAEOnUV6imLK-dTwaMQ
رابط قناة اليوتيوب 👇👇
https://www.youtube.com/watch?v=ugFiDQkvfjQ&feature=share
رابط حسابي بالتيك توك 👇
https://vm.tiktok.com/ZM2XyaqLA/
للتواصل @Hussein95iq
زينب ورمله ام القاسم ع
طفـي الشمـع يالـوالـده بدمـه الولـد تحـنه
للحومه جاسم من مشه سيوف العده زفنه
صبرچ يرمله .. فگده شيحمله
راح جاسم
…………………………
الراح ابنـها شلون تـتحمل مغـيبه
يصبرچ الله آه يرملـه لهل مصيبه
شلون گـلبچ راح هسه يكف نحيبه
وجاسم اگبالچ اجـه جثـته خضيبه
الچان الچ خيمه وعمد طاحت عليچ الخيمه
يـالفـاگــده راح الـوالـد هـالـنـايـبه عـظـيـمه
ورد وصله وصله .. فگده شيحمله
راح جاسم
…………………………
تحمل شلون المصيـبه ويـهـده ونـها
الياخذ الموت الضنه من نص حظنها
والـيـرد امگـطـعـيـنه شلـون ابـنـها
تمـوت ويـاه امــه حگـها من حزنـها
ايساعد الله التفگـد بهـذا الوكـت ولـدها
الرادتـه لشيب العـمر يصير الولد سندها
وياخلـته خله .. فگده شيحمله
راح جاسم
…………………………
الچان سلـوى بالحلـگ يارمله اسمه
جاسـم بـيا حالـه هـسه جـابه عـمه
وذر شاله وزحف گـوه جاب جسمه
حسين راح من البچي يارمله يعـمه
رد للخيم محني الظهر حسين وعله نحيبه
ومـدده مابـين اخـوتـه ابن الحسن حبـيـبه
وضل نوحه يعله .. فگده شيحمله
راح جاسم
…………………………
حسين گـلبه علـه الولد يمـكـنـه واگــف
وگمت اشوفه حسين دمه بوجهه ناشف
منـين مـا صدالـه شـافـه جــرح نـازف
وهـاي اول مـره اشـوفـه حسين خـايـف
خايف اشوفه وينظرچ رمله وحزينه عينه
وصاح بهضم راح الولد عريسچ امن ادينه
وبگـلبه عله .. فگده شيحمله
راح جاسم
…………………………
صعبه يارمله المصيبه الفگد يكـتل
الينذبـح بالطـف ابنـها بخـربه تـنزل
وتگطع ادروب وبراري بلاحمه وظل
وتصعد النوگ الهـزيله وكـون تحمل
تصعد على ظهور الهزل الينذبحـه حلمـها
وبحلوگ شماتة حچي يضل ينذكر اسمها
وبسفره ذلـه .. فگده شيحمله
راح جاسم
……………………… ..
يعينها الله الينذبح بالطف ضناها
خـيـمه ماعـدها وتسويله عزاها
تركـض ونـار الخـيم تـلـهب وراها
هذا يشتم بيها ذاك ابسوط اجاها
ماتگدر تسوي عزه وتبچي وتـون لبنـها
خيل وزلم ، نار الخيم ليها ركض يجنها
تلفـيها كلها .. فگده شيحمله
راح جاسم
الشاعر عقيل الحسناوي..
سيدي ياحسين عمري نذرته الخدمتك
رابط قناة تلكرام👇👇
https://t.me/joinchat/AAAAAEOnUV6imLK-dTwaMQ
رابط قناة اليوتيوب 👇👇
https://www.youtube.com/watch?v=ugFiDQkvfjQ&feature=share
رابط حسابي بالتيك توك 👇
https://vm.tiktok.com/ZM2XyaqLA/
للتواصل @Hussein95iq
#قصيدة_لمسلم_ابن_عقيل_ع
لسان حال مسلم ع يخاطب الحسين
لا تصـــــدگ بالرســـــــايل
جَهّزوا نـــوگ الهزل
و أزمة بيها الكوفة صارت
عالسياط و عالحبل
وياك عـــــــرفوا. چم سبية
و حسبو احساب. لـــــرقية
ـــــــــــــــــــــــــــــــــــــــــ
يا حبيب الله و رسوله.
و اجمل انسان انخلق
كل عهد جاك ابكتبهم
حبر هـــــذا اعله ورق
بالسلاســــل جهــزوها
و العصي كـــل الفِرَق
وينه وينه المــا يحبنه
بجيشهم خويه ألتحَق
لذبحتك من هسه حَدّوها البـــواتر
و عقدوا النية لسبي شعندك حراير
عالخدر تتــــراهن اسمعــها العساكر
و اليفوز اليسلب اكثــــــر منه باچر
مستعدلك. چف شمرهم
لـــــذبح يبني النبي
و لا محالة مـــــــدللاتك
عالمــــهازل تنسبي
خيــل جـــــــابوا. اعوجية
و حسبو احساب لــــرقية
ـــــــــــــــــــــــــــــــــــــــــ
مــــن حچيهم لا تــــــأمن
ذولة ما عـدهم صــدگ
و باچر اتشــــوف الحقيقة
ظهور مَنْ؟ تصبح زرگ
اخيامك المســـتورة ويلي
عن ستـــــرها تفتــرگ
و عله عيالك خيمة خيمة
گبـــال عينك تحترگ
خلافكــــم آ ياضيم خيــتي العقيـــــلة
و الشمر من كــــــل جهه يلاگنـها خيله
تحامي رملة مدري تشگف سوط ليلة
و يا طفل مـن الجــمر تلحـــگ تشيله
الأميرة. كـــــون يَمّها.
توگــف افياي الخَدَم
مو وراها. خيل تركض
و هيه متحفية الجِدَم
شتلـــگه بــــــاچر. من اذية
و حسبوا احساب. لرقــية
ـــــــــــــــــــــــــــــــــــــــــ
واحـد و سبعين فـــــرقة
كامـــــــلة عدة و عدد
تعاهدوا بالـدم يغـــــالي
مـــــــا يخلـــولك وَلَد
اسهام جابولك جـــديدة
بالحقد محــدودة حد
و حضروا نبلة خصوصي
لرضيـــــع ال بالمــهد
ماي ما ينطــوك اله يابــو الضماية
و ينذبح طفلك ترة ابسهم المناية
حاله حال اولادك التــوگع ضحاية
و دمه يصعد لسـمه يشكي الرزاية
فوگ صدرك. روحه تطلع .
من يگص نحره السهم
بكــــل براءة. يبتسمــلك
و لامه ينـــظر عالخيم
بين ادينـــــــك. يطفه ضيه
و حسبوا حساب لـــــــرقــية
ـــــــــــــــــــــــــــــــــــــــــ
امن الشــريعة خلي بالك
و اخذ مولاي الحذر
ينكسر ظهـــــرك علــيها
و تنحــــني يم النهر
هناك تسمـعــها الشماتة
وياك تحـچي يالقهر
حسين ذيچ الراية اخذها
بعد ما عنــدك گمر
شلون بيك و عالنــهر حيلك تشوفه
طايح و تارس جــــربته دم چفــوفه
لا تعاتب تنجــــرح روحه العطــوفة
و سهم عينه هوه يشــرحلك ظروفه
اسم زينب. يَمَّه خويه
لا تذكــره ينجــرح
و لا تگله. هــــا ولونه
بهاي صَدِك ينبذح
يعيــــــنك الله. بهالرزية
و احسبوا حساب. لرقية
ـــــــــــــــــــــــــــــــــــــــــ
يا غربتك تبقه وحـــــدك
صوتك المن ينســــمع
ألا من ناصـــــر تنـــــادي
و كلها ضدك تنجـــمع
هذا يبدي يحـــــز وريدك
و ذاكه يگطعلك صبع
ضلوعك التحضنها زينب
ما يظــــل منهن ضلع
منين مــــا چانت رقية تبــــوس خدك
سهم يدخــــل بعـــد ذاكه الأح چبــدك
كلشي ضدك و انته بس اجروح عندك
و انته عود المصطفه المختــــار جدك
دم چبدتك. من تشمره.
و يصعد لسابع سمة
گطرة گطرة. خويه يوگع
بيد امــــــك فاطمة
و بيد حمـــــاي الحمية
و حسبوا احساب لـرقية
ـــــــــــــــــــــــــــــــــــــــــ
الحمدلله
#علي_حسين_الكناني
سيدي ياحسين عمري نذرته الخدمتك
رابط قناة تلكرام👇👇
https://t.me/joinchat/AAAAAEOnUV6imLK-dTwaMQ
رابط قناة اليوتيوب 👇👇
https://www.youtube.com/watch?v=ugFiDQkvfjQ&feature=share
رابط حسابي بالتيك توك 👇
https://vm.tiktok.com/ZM2XyaqLA/
للتواصل @Hussein95iq
منهاج محرم الحرام
1445 هـ
لمولاتي فاطمة العليلة (عليها السلام)
جرحـي المغـربيه الروحـي جناز
اسمـعه يگـول ميـردّون الاعــزاز
گـلبـي بيـش اصبـره
الصبر مگطوع نحره
من مـشت نوگ الأهـل
شــفـت ويـاهــن رحـل ... كل ضوه
حـيلـي طـاح ودمـعتي
اعليله وحدي بمحنتي ... ابلا دوه
وعلي طاري الهجر يذبحني يوميّه
الهظيمه ابچي الوحدي كل مُغربيّه
ما امـشي عـلـيـله واعـثـر بـدمـعـي
مـحـد ينـشد ويـسـأل شـنـو البـيــّه
كل لحظه اختنگ وبعـيني دمـعات
وبخدودي دموعي اتطيح جـمرات
وحيلي ارماد جمـره
الصبر مگطوع نحره
__1__
ابابي يوميه انتـظـر
من الفجر حد الفجر ... للضعن
هلـبت الـغـالـي يــرد
عيـونـي انثـرها ورد ... للوطن
يرجـع والـدي واهلـي أشـوفـنهم
عفـتوني وحـيده لـيش أگـلّـلـهـم
واشبگهم لحد ما تخلص انفاسي
خلوني شعجب چا آنه مو منهـم
عـله بـابـي أثـر دمـعـات الـعــيـون
مـتأمـلـه الـمـشـو عـني يـرجـعـون
الحزن بعيوني كمره
الصبر مگطوع نحره
2
گلبي شاب امن الألم
كلشي بانـيته انـهـدم ... بالسفر
ضـلّـتــي الـمـن بــعـد
ولا ابــو يـمي وسـنـد ... يادهـر
أنتظاري شخلّه بيّه روحـي معلـوله
اشما انـظـر تـرف رايـه وگلـت ذوله
أجو اهلي واشوفنهم غرب هالناس
وارد لــلــدار والـدمعـات مـهـمــولـه
شما چلـچل الـليل اتسـاهر الـعـين
شلـون اتنام هـيّه التـفـگد حسـين
بـروحـي نــار كـبــره
الصبر مگطوع نحره
_3___
بـذكـريــاتــي انفـجـع
واحمـر يصـير الـدمـع ... عالأبو
چــان هـوّه بــسـمِـتي
ونبض گلبي وفرحتي ... والدفو
شسوي بروحي من دونه الضوه هوّه
شما أجـر النفـس نــيران أحـس جـوّه
أسولف وحدي والضلتلي بس حيطان
مــن گـد الـتــعـب بــأنفـاسـي اتـچـوّه
عيني اعله الدرب محنيّه الاضلاع
مـيتـة آنـه بوكـت ما صار الاوداع
جـرحي شلـون يبـره
الصبر مگطوع نحره
_4___
گـلـبــي قــاروره صــبـح
وأحس من هِرشه أنذبح ... هالگـلب
خـــبــر عـن أهـلـي ردت
گُــمـت لاچـنــي طـحـت ... عالتـرب
زغيـره وشـيّـبِت والــروح تـعـبـانــه
وگـلبـي مـنـهـظـم وعيـونـي ذبـلانـه
من كثر الدمع فص عيني راد يطيح
من شـفـت الأبـو ضـل فـارغ أمچانه
سـجـّـادة ابـويـه افـرشـها كـل يـوم
وأشم بيها واطيح وبعـد مـا اگــوم
بيـها حـسـيـن عطره
الصبر مگطوع نحره
_5___
گُـمِـــت اتـــخـيـل ذبـح
وراس أبوي اعله الرمح ... بي دمه
وأبـو فــاضـل عــالـنهـر
چفوف مسلـوب ونحـر ... وصارِمه
ومحترگة الـخـيـم أتـخيـل الـمنـظـر
وجـاســم عـالـتــرب مذبـوح والاكبـر
وابويه الخيل ترفس صدره بالميدان
وزينـب حايـره أتلـم جـسمة ماتـكـدر
والــعــبـاس عـالـشـــاطـي وذر صـار
أسم الله اعله الأهل من هاي الاقدار
حـيلي انتـهى عمره
الصبر مگطوع نحره
_6___
#رزقهم_سلام_الله_عليهم
#احمد_رزاق_الاعرجي
سيدي ياحسين عمري نذرته الخدمتك
رابط قناة تلكرام👇👇
https://t.me/joinchat/AAAAAEOnUV6imLK-dTwaMQ
رابط قناة اليوتيوب 👇👇
https://www.youtube.com/watch?v=ugFiDQkvfjQ&feature=share
رابط حسابي بالتيك توك 👇
https://vm.tiktok.com/ZM2XyaqLA/
للتواصل @Hussein95iq
نزلة الليله الثانيه
.
.
.
كربله ياكربله .. جننتني كربله
بيها ابن عقد الوله
***
روحي
عايشه بطــرواها .. مــگــدر ابليـــاها
مستحيل انســاها .. وبيــهـا المحبوب
روحي
بالقبب مشدوده .. وبالصحن موجوده
ابيـرغه معكوده .. وبــذكــــره اتـذوب
انه عاشك والعشك يجري بدمائي
الكربلا وافتخـــر لو صــار انتمائي
هــوه جبـــرائيل يتـــمنه يســموه
الــكربلائي الــكربلائي الكـربلائي
جنه من رب العله .. جنــنتني كربله
بيها ابن عقد الوله
***
شوگي
الكربله مايبرد .. بيها حــبـي الاوحد
والعلـيها اتـعود .. اصـــبح مـــجـنون
شوگي
عابسي يسمونه .. والعشــگ مضمونه
الرادو ينـسبونه .. ينــســبونه الجــون
حسين وانه بظهر ابوي يعيش بيه
ولــذلك اهــــوه كـلمــة غـاضـــريه
الجاذبيــــه ابهالارض الله خلـــقها
وصار ابو السجاد اساس الجاذبيه
الها اعظم منزله .. جننــتني كربله
بيها ابن عقد الوله
***
شايل
حبها اجمل خصله .. وكاتبه اعله المقله
اهـــوى باب القبله .. وصحــن العبــاس
شايل
بالگلب كل معلم .. مــن اشـــوفه اتـــألم
وبالاخص لمخيم .. بـــيت اطـــهر ناس
امن الله شو كربله تفرق عن سواها
كلشـــي بيها يختـــلف حتـى هواها
الظلمه ما الها وجــود بگاع الحسين
كربلــه مـن الگـــمر تـــاخذ ضواها
گاع ابو اليمه وهله .. جننـــتني كــربله
بيها ابن عقد الوله
***
حاير
ابقه كل ما ارحل .. انـه ادور واسئل
عالمــخيم والتـــل .. بيـــن الدمــعات
حاير
عايش بنص عيني .. حائره ايبجيني
منبعد اعله حسيني .. اشـــبع أهــات
حسين موطن دمعتي وموطن غرامي
وعندي بــين الحـرمين احلى الاسامي
ضامي وانـه بكــربله الهــاي المـكانات
لان بيــها مـــنذبــــح ضـــامي امامي
وهذا حل المسأله .. جننــــتني كربله
بيها ابن عقد الوله
***
ليلي
بلايه نور الحضره .. ليلي اخلصه بحسره
أي وحـق الزهــره .. ام الســبـــــطــــــين
ليلي
بيها اخلصه اتمــنه .. چنـــه ليــل الجــــنة
وبـضــــواها اتهنـه .. چــــيه بــيها حسـين
بكربلاء احجي الحقـــيقه وما اغالي
والكـــلامه الينــــتقدنــي مــا ابــالي
المحبس الغالي غلاته بشذرته تصير
والمكـــان البيه غالي يـصـــير غالي
ابفضل ابواليمه غله جـننتـــني كربله
بيها ابن عقد الوله
***
حزني
بكربلا متــجذر .. والگلــب متوجر
عالذي مــتوذر .. فوگ الرمضــاء
حزني
عالتهل ادمومه .. مسلبات اهدومه
جـبدته مــثلومه .. بسهـــم الاعداء
هالارض چيه بيها دم حسين سايل
قـــبله صارت للشـــجاعه وللمراجل
ناس صعـدت ناس نزلت والنتيجه
عاصـمه تبقــى على كـــل المراحل
هيه مصحف ونتله .. جننتــــنـي كربله
بيها ابن عقد الوله
***
حيدر تركي الكربلائي
سيدي ياحسين عمري نذرته الخدمتك
رابط قناة تلكرام👇👇
https://t.me/joinchat/AAAAAEOnUV6imLK-dTwaMQ
رابط قناة اليوتيوب 👇👇
https://www.youtube.com/watch?v=ugFiDQkvfjQ&feature=share
رابط حسابي بالتيك توك 👇
https://vm.tiktok.com/ZM2XyaqLA/
للتواصل @Hussein95iq
هلال محرم ( النزلة ) عمار هليل الواسطي
يهلال النوايب ... يهلال النوايب ... مهموم كلمن طالعك ... يهلال النوايب
*******
من تهل وتلبس أسود هالسمــــه
تفجع الهادي البشير وفاطمــــــه
وينكسر كَلب الولي حامي الحمه
وهاي ما تحتاج أصلاً ترجمـــه
عالطف ومصابه ... عالطف ومصابه... مهموم كلمن طالعك ... يهلال النوايب
***
الأنس والجان مفجوعه بحزن
شما عليهه بالقهر ليلك يجـــن
الكربله ولحسين واعياله تحن
هيجي موقف يفجع الدنيا شتظن
ويصيح واحسيناه ... ويصيح واحسيناه ... مهموم كلمن طالعك ... يهلال النوايب
***
ريت لا هليت لا صار الكــــــدر
جم كَلب جم خاطر الليله إنكسر
هالسواد اللبسته هاي البشــــر
صوره عالأحزان من بين الصور
وبهاي المواقف ... وبهاي المواقف ... مهموم كلمن طالعك ... يهلال النوايب
***
اليوم واحد من محرم من بــده
مهّد لأحزانهه بكل المـــــــــده
ويوم عاشر هذا تعرف موعده
منه يا ضيم وقهر بيهه إبتـــده
بشيعتنه الحزينه ... بشيعتنه الحزينه ... مهموم كلمن طالعك ... يهلال النوايب
***
والله يهلال السمه كونك تشـــــوف
شلون مزدحمه المجالس بالصفوف
ريت ويه الي لطم قوسك يطـــوف
لكل جرح ينزف يريتك لو تروف
وبمجلس عزانه ... وبمجلس عزانه ... مهموم كلمن طالعك ... يهلال النوايب
***
نحسب الأيام من نتنطـــــــرك
بالحزن والفاجعه نتذكـــــرك
ربنه بالأحزان لينه كَـــــدّرك
بيا امل يهلال لو نتصــورك
ماظلت أماني ... ما ظلت أماني ... مهموم كلمن طالعك ... يهلال النوايب
***
من يمر عاشور يحتار الدليــل
يساعد الله كَلب زينب والعلــيل
من يشوفونك جرح عالي تميل
لكن بحكمه ودرايه امن الجليل
والهذا ننادي ... والهذا ننادي ... مهموم كلمن طالعك ... يهلال النوايب
سيدي ياحسين عمري نذرته الخدمتك
رابط قناة تلكرام👇👇
https://t.me/joinchat/AAAAAEOnUV6imLK-dTwaMQ
رابط قناة اليوتيوب 👇👇
https://www.youtube.com/watch?v=ugFiDQkvfjQ&feature=share
رابط حسابي بالتيك توك 👇
https://vm.tiktok.com/ZM2XyaqLA/
للتواصل @Hussein95iq
(الروحه بخيمه محترگه)
(شور)
أه أه وآزيـنـبـاه *** أه أه وآزيـنـبـاه
*--------------------*------------------*
الـروحه بـخـيمـه محترگه
يـفـهـم والـحچي أيخـنگه
أيـحــس بــجــمــر زيـنـب
بـس الــشــايـف الــفـرگـه
*-----------------*-----------------*
الـمـادايـس جـمــر عـمــره
بــارد بـالــعــزه أنــعـــذره
الـفـارگـلـه أخــو يــعــرف
ويـشـعـر حـالـت الـحــره
*-------------------*----------------*
خـلــه الـمـارضـه خــلـه
يـلـوم بـراحـتـه أنـگـلـه
مـا يـدري بـسـتـر الـلـه
لـمــن صـعـدت الـتـلــه
*-----------------*------------------*
الـعـاش بـناره وجروحه
نـاذر لـلـلـطــم روحــه
راسـم كـربـلـه بـعـيـنـه
ومـا يـبـرد أبـد نـوحـه
*--------------------*----------------*
بالوعه وحسره واسيهـه
خسّـف صـدرك أعليـهـه
اتـذكر هـجـوم الـخـيـل
ودمـعت عينك أجريهـه
*------------------*---------------*
هـاي الـحرگـو أخـيـمـهـه
تـركض والـخـدر هـمـهـه
عمرهـه أيقـارب الستين
وسـوط الـظـالـم ألـمّهـه
*-------------------*--------------*
✍خادم السيده زينب ع
الشاعر رعد الجريخي
سيدي ياحسين عمري نذرته الخدمتك
رابط قناة تلكرام👇👇
https://t.me/joinchat/AAAAAEOnUV6imLK-dTwaMQ
رابط قناة اليوتيوب 👇👇
https://www.youtube.com/watch?v=ugFiDQkvfjQ&feature=share
للتواصل @Hussein95iq
قصيدة لشهادة رسول الله
(ص وآله)
.............مجزوء الرمل........
.
وامحمداه. وامحمداه
وامحمداه . وامحمداه
.
.
ذابَ عـرشُ اللهِ حُـزناً ..
وأرتدى ثوبَ السـواد
وعَلـت في اللـوحِ رآيه
أعلنت يـــومَ الحـداد
أيُ خطـبٍ مــــا تُراهُ
زلزل السبـعَ الشِـداد
قد أتى صوتُ المنادي
ناعياً خيرَ العـــــباد
.
وامحمداه .. وامحمداه
وامحمداه .. وامحمداه
.
.
أمـةُ الأحقـادِ عـــادت
في رُبىَ الدارِ تصول
عجلهم أمسى خلــيفه
يــزدري تلك العــقول
سيــدي و الســامريُ
عَــذبَ قَلــبَ البتـــول
ذلكَ الصُعـلوكُ نادى
أحرِقوا بيـت الرسول
.
وامحمداه..وامحمداه
وامحمداه .. وامحمداه
.
.
سَيدي مَن قَــالَ تَهجُر
أعلنَ يــــومَ البــلاء
ساق أهـلُ الجـــاهليه
نَحو بيـــتِ الأنبــياء
خلف بابِ الدارِ ويلي
هشـّموا قلبَ السماء
سحقوا ضـِـلعَ النـبوه
عَـبّــدوا دربَ الـــدماء
.
وامحمداه ...وامحمداه
وامحمداه.. وامحمداه
.
.
بنتُ عِجلَ القـــومِ نــالت
كُـلَ ميـــراثِ الإمين
والبتــــولُ ويـــحُ قلــبي
إرثُـها صِفــرا اليدين
عُد الى الزهـراءِ وانظر
خـــدُها والمُقلتـــــين
وأستمع جُــرحَ الدمـــاءِ
ناعــياً أم الحُــسين
.
وامحمداه .وامحمداه
وامحمداه .. وامحمداه
.
.
إن تسل عن روحِ قلبك
إرثُها نَــزفُ الــدمــــوع
سطـرةً في الخدِ تـروي
سيدي كَسـرا الضلوع
فاطــمٌ أمســـت غريــبه
بيـن هــاتيك الجموع
في ظــلامِ الليلِ تنــدُب
سيـدي حتى الطلـوع
.
وامحمداه . وامحمداه
وامحمداه .. وامحمداه
.
.
ثَغرُ مَن قَبلـــتَ ثَــغره
أرتـوى سُــمَ الحتوف
نَحرُ مَن قَبلــتَ نَحره
قطــــعوهُ بالســـيـوف
سيدي لو كُنتَ حاضـر
إذ ترى يـومَ الطفوف
بيتُك أضـــحى ذبيــحاً
والعدى فـــيهِ تطوف
.
وامحمداه . وامحمداه
وامحمداه .. وامحمداه
.
.
لاتنسوني ووالدي من فضل دعائكم المبارك
حسن الموالي الفاطمي
سيدي ياحسين عمري نذرته الخدمتك
رابط قناة تلكرام👇👇
https://t.me/joinchat/AAAAAEOnUV6imLK-dTwaMQ
رابط قناة اليوتيوب 👇👇
https://www.youtube.com/watch?v=ugFiDQkvfjQ&feature=share
رابط حسابي بالتيك توك 👇
https://vm.tiktok.com/ZM2XyaqLA/
للتواصل @Hussein95iq
للامام علي السجاد عليه السلام 2023
ابچي ودمعتي. تشرح قصّتي
ما انسه الجَرَه. بهلي وعمّتي
.........
علي السجاد أنه يامن تلوموني
ليش دموعي ما نشفت تسئلوني
شفت عمّاتي مسبيّات بعيوني
ما كف الدمع لو طاحن جفوني
زينب عالهزل مچتوفه بحبل
شلون اهدأ بعد. وهنَه بدنيتي
........
عليل بكربله ابچي وأون سكته
ابوي حسين ضامي ونذبح شفته
وشوف الخيل گامت تسحگ بجثته
وراسه عله الرمح مسبي ويعائلّته
عمّي عله النهر. مذبوح النحر
كلها بكربله. مذبوحه اخوِتي
.......
تمنّيت المنية وما اجت ليّه
يوم الطبّت عله الشام مسبيّه
زينب عمّتي وتباوع عليّه
مچتوفه بحبل ما تنعقل هيّه
هاي ام الخدر. حاديها الشمر
من هايه متت. والله بحرگتي
........
اهيد شلون وانه الشاهد عليها
عمتي بمجلس يزيد وشمت بيها
من هاي المصيبه دموعي اجريها
مو بس تجري دمّ الواجب اعميها
اقسم والنبي. موّتني السبي
ليش تأخّرت. بالطف ساعتي
.......
عكب هاي المصايب عايش بآلام
بين جروح گلبي وسلطة الظلّام
مظلوم بحياتي عام اشد من عام
من ظلم آل امية بگلبي كومه سهام
ظلموني شكثُر. بچفوف الغدُر
تالي بلاذنب. سمّوا چبدتي
.......
أنه السجاد ظلموني وعشت مظلوم
من كثر المصايب والحزن مالوم
بالسم گطعوا چبدي ومتت مسموم
اذكروا مصيبتي ياشيعتي بهاليوم
واسوني بدمع. گلبي المنفجع
ما تطفه ابد. تسعر جمرتي
سيد زيد الفحام
__________
سيدي ياحسين عمري نذرته الخدمتك
رابط قناة تلكرام👇👇
https://t.me/joinchat/AAAAAEOnUV6imLK-dTwaMQ
رابط قناة اليوتيوب 👇👇
https://www.youtube.com/watch?v=ugFiDQkvfjQ&feature=share
رابط حسابي بالتيك توك 👇
https://vm.tiktok.com/ZM2XyaqLA/
للتواصل @Hussein95iq
#نزالة. لمولاي العباس ع
زئر مثل الاسد… صرخ حيدر مدد
تناوش رايتة… وعلى المهرة صعد
……………………………………
هلة يبن اليهزم وما ينهزم
هلة باليسحگ على خشوم الزلم
هلة باليردم جحافلهم ردم
أمن ابو فاضل كلهة صاحت ونعم
طلع مـــِْن اخيامة
الگمر شد الثامة
ݘم ألف بالحومة… تخردلو جدامة
يحي الله الگمر… تمرجل عالنهر
العساكر شافتة… الى أين المفر
……………………………
هلة باليطوي الزلم طي الكتب
واليلاگي اݘفوفة ماشايل گلب
سطرتة ݘنهة النيازك والشهب
اتورطو مـــِْن نفخو ابوق الحرب
هلة بعم السادة
گطع روس القادة
لملماهة بسيفة… وسوة بيهة اگلادة
مثل حمزة وعلي… اليلاگي يبتلي
اليسطرة بيمنتة… يرجعة جاهلي
……………………………………
ثنى بيهة وعالنهر دگ الرجل
بخزرتة وسيفة وهگ بيهم ݘتل
المغزل بجفة وتولاهم غزل
گام يشتل بالرگب بالطف شتل
لعب بيهم جولة
خلة بيهم لولة
والتعنة بكيفة… رجع دمة بطولة
تهلهلة الخيم… هلة براعي العلم
جبل ياهيبتة… المراجل والشيم
…………………………………..
بيدة فر المعركة مثل الرحة
الجيش خيبر وابو فاضل طيحة
خلة بينة وبينهم بس شارحة
اليسلم امن السيف عينك تذبحة
الًيَوُمًِ عندة طلابة
هلة بليث الغابة
من زعل فقارة… كسر حتى اگرابة
صلبهم عالنخل… المضاربهم وصل
ينادي لٱ فتة… الشمر ثوبة نصل .
……………………………………
الگاع گاعك وانتة ملاݘ الرگب
الروس طيحهة بعد وكتة الرطب
نفس مابيهم وابو فاضل غضب
نار اجاهم والعساكر جن كصب
هلة بصيت جفوفة
خلة بيهم خوفة
خلة سيل ادماهم… يصل حد الكوفة
نفخ صور السمة… الشمر صابة العمة
بداية صولتة… الارض شبعت دمة
…………………………………………
سيدي ياحسين عمري نذرته الخدمتك
رابط قناة تلكرام👇👇
https://t.me/joinchat/AAAAAEOnUV6imLK-dTwaMQ
رابط قناة اليوتيوب 👇👇
https://www.youtube.com/watch?v=ugFiDQkvfjQ&feature=share
رابط حسابي بالتيك توك 👇
https://vm.tiktok.com/ZM2XyaqLA/
للتواصل @Hussein95iq
طفله تاهت بالبريه...عمه فك احبال اديه
ضاعت امن ايدي رقيه
طفله تاهت بالبريـــــــه
.......................................
عمه درب الشام حطم ذكرياتي
اكبال عيني اتفرهدن عمه بناتي
وحده وحده جانت امجلبه بعباتي
اه من سوط الشمر دمَر حياتـــي
حيره يالسجاد حيره...زينب الجانت اميره
هسه مكيوده وسبيــــــه
ضاعت امن ايدي رقيه
..............................................
لو عدل عباس عمك حشميتـــــه
ادري راسه وياي مجبوره نسيته
دورت يا عمه روحي وما لكيتــه
الراس ابوها حسين اضنها معتنيته
استند عمه اعله متني..والراس ابوك حسين اخذني
نار المفارك سريـــــــه
ضاعت امن ايدي رقيه
....................................................
دورت ما بين الارماح وشفتهــــا
سكته تحجي ويه ابوها واسمعتها
بويه تذكرهن تراجيي الجبتهـــــا
انباكن وهل جيت اكلك ضيعتهــا
وعاينت عسكر لمحها...برمحه اذاها ودفعها
ريته جان الرمح بيــــه
ضاعت امن ايدي رقيه
...................................................
من وصلنه الشام واكعدنه بخرابه
جانت امن الضلمه تصرخ بابا بابا
دمعي هدم ساتره وشكك حجابــــه
وصحت اه يحسين يحسين ومصابه
والشمر لمن سمعني...اكباله شتمني وضربني
ويلي يا ويلي عليــــــه
ضاعت امن ايدي رقيه
.....................................................
المجلس ابن ازياد لمن دخلوهــــــا
وكفت وبالطشت شافت راس ابوها
وكعت وبالسوط كلهم كوموهـــــــا
وفوك راس حسين ويلي لوعوها
وانطفت شمعة ضواها...وعندي ابوها امناها
ارجع وايدي خليـــــــه
ضاعت امن ايدي رقيه
.......................................................
خادم خدمة الحسين
الشاعر
محمد الموالي
سيدي ياحسين عمري نذرته الخدمتك
رابط قناة تلكرام👇👇
https://t.me/joinchat/AAAAAEOnUV6imLK-dTwaMQ
رابط قناة اليوتيوب 👇👇
https://www.youtube.com/watch?v=ugFiDQkvfjQ&feature=share
رابط حسابي بالتيك توك 👇
https://vm.tiktok.com/ZM2XyaqLA/
للتواصل @Hussein95iq
زينب اخيتكم اسيرة
چا وين سادات العشيرة
.........................
چا وينكم اندب يخوتي
محد سمع منكم نخوتي
الله اكبر راح صوتي
وياكم اتمنيت موتي
َولا انسبي ابذيچ الظهيرة
چا وين سادات العشيرة
.......................
هالليلة وحشة وبيهه اذية
من بعد اخوتي الهاشمية
حرگوا ترة اخيامي علية
من وين اجتني الغاضرية
واجروحي ماتنعد چثيرة
چا وين سادات العشيرة
.........................
شفت الهضم انه وخواتي
أصعب حزن مر ابحياتي
بس يخسة واحد طخ عباتي
خيمة أصبحت انه البناتي
الحيرة العشتهه ماكو حيرة
چا وين سادات العشيرة
........................
اركض گمت وسط الصحاري
والشمس تكتل بالظهاري
شفتك طريح ومرمي عاري
ودم النحر ليهسة جاري
وامصيبة الفاگد چبيرة
چاوين سادات العشيرة
.............................
شاب الگلب وياه راسي
والله الزمن وياي قاسي
الله اكبر يااحساسي
يم النهر ممدود عباسي
ذاك الچنت وياه اميرة
چاوين سادات العشيرة
.....................
حگي انه من اعتب عليكم
والله چنت مهيوبة بيكم
هسة يوسفة امذبحيكم
فوگ الرماح امعلگيكم
يضحك علية الماله غيرة
چا وين سادات العشيرة
.............................
هم العلية الكم شكيتة
وسفة الذبحكم رافگيتة
گدامي يضحك عاينيتة
ماشاف دمعي النزليتة
يتمرجل البايع ضميرة
چا وين سادات العشيرة
.........................
الخادم عمار الساعدي
ونسالكم الدعاء
سيدي ياحسين عمري نذرته الخدمتك
رابط قناة تلكرام👇👇
https://t.me/joinchat/AAAAAEOnUV6imLK-dTwaMQ
رابط قناة اليوتيوب 👇👇
https://www.youtube.com/watch?v=ugFiDQkvfjQ&feature=share
رابط حسابي بالتيك توك 👇
https://vm.tiktok.com/ZM2XyaqLA/
للتواصل @Hussein95iq
الله واكبر الله واكبر
؛؛؛::::
تمشي علويه اعله هزله والعبايه متربه
للنهر راحت تحشمه تشمي كوه محدبه
شافت العباس طايح عينه دم مخضبه
تكله ياكافل خدرنه راح اروح مسلبه
الله واكبر الله واكبر
؛؛:::::::::::؛::؛؛:
كعدت بكتره وتكله خويه سبع الكنطره
روحي جن دله بغيابك بيها نار موجره
انت كافل وانه كافل باليتامه محيره
اشتت ورايح شملنه جنه سبحه مطشره
الله واكبر الله واكبر
؛؛:::؛؛:؛؛::؛؛::؛
زلمه ماشايف خيالي هسه عالناكه صعدت
انه زينب وسمي يكفي الدينه بسمي اشرفت
هيبة العباس بيه انه اطيح ماطحت
رايه وشالتني اخوتي عالمنايه رفرفت
الله واكبر الله واكبر
؛؛:::::::::::
راس الحسين عله رمحه هوه والكافل سوه
حار رمحك يابوفاضل جف اليشيله انجوه
خويه يمدلل خواتك مايمر بينه الهوه
بالضعن يابو المحنه ننضر الراسك ضوه
الله واكبر الله واكبر
:::؛؛؛؛؛
مالت الدنيا وي زينب والمنايه بكل درب
المر عليه ماتشيله الدنيه ويشيب الكلب
مخدرت حيدر سبيه وحالها كلش صعب
تمشي عالناكه الهزيله وبين اعليها التعب
الله واكبر الله واكبر
……….
#هاشم #الدراجي
سيدي ياحسين عمري نذرته الخدمتك
رابط قناة تلكرام👇👇
https://t.me/joinchat/AAAAAEOnUV6imLK-dTwaMQ
رابط قناة اليوتيوب 👇👇
https://www.youtube.com/watch?v=ugFiDQkvfjQ&feature=share
رابط حسابي بالتيك توك 👇
https://vm.tiktok.com/ZM2XyaqLA/
للتواصل @Hussein95iq
https://vm.tiktok.com/ZM2sP87ys
Читать полностью…
حي الله الأكبر...... حي الله الأكبر
...................................................
نزل والحومه كلبها بيمنته
والزلم لبدت ركض من شافته
علي الأكبر علي جده بصولته
ترجف الكاع وتغص من خزرته
حيهم ايكله الكمر. ودكوا الضهر بضهر
حي الله الأكبر..............حي الله الأكبر
.....................................
سرفن أزنوده وبده يمطر غضب
ومثل ملك الموت يحصد بالركب
أتوسط الحومه علي أبسيفه وكتب
وعاين أعله حسين والجيش أنرعب
هوس وشد راييته وليلى يمه نادته
حي الله الأكبر........ حي الله الأكبر
.............................................
رجع لخيامه وشفت ريجه يبس
وجان كوه أمن العطش جرة النفس
سولف أويه حسين من شاف الحرس
عن يمينه وميسره الطف أنترس
ودع حسين ورحل وجان توديع الأجل
حي الله الأكبر............ حي الله الأكبر
........................................
شما تعب لحسين يتعنه ويرد
وكام مثل الموت يحصدهم حصد
بسملة سيفه قرت حرز الحمد
حي الأكبر رفع رايات المجد
بيده يامحله اللوه. ليل والأكبر ضوه
حي الله الأكبر............ حي الله الأكبر
...............................................
بدت لحضات المنيه او وافته
وعلي الأكبر بيده رفت راييته
طاح ضامي وصوبوها مهجته
وصاحت أمن بعيد زينب عمته
عمه يا نبع الكلب. فركتك عمه صعب
حي الله الأكبر.......... حي الله الأكبر
..............................
خادم خدمة الحسين
الشاعر
محمد الموالي
سيدي ياحسين عمري نذرته الخدمتك
رابط قناة تلكرام👇👇
https://t.me/joinchat/AAAAAEOnUV6imLK-dTwaMQ
رابط قناة اليوتيوب 👇👇
https://www.youtube.com/watch?v=ugFiDQkvfjQ&feature=share
رابط حسابي بالتيك توك 👇
https://vm.tiktok.com/ZM2XyaqLA/
للتواصل @Hussein95iq
وين وين ايفرون طب ليها جاسم
***
فتية علي هايه ايه بضهر ايه من رفت الرايه ضيع هواهم
من خزت عيونه جاسم يعرفونه فنهم يلاكونه زعلان اجاهم
ضلت تشب ناره بيمينه بتاره جايب اجه بشاره بزوده اعتناهم
صال صال وجسام يحسمها لازم
****
من شافو خياله محد تدناله ما تنعد افعاله فارس غضنفر
وتباهت الساده من شافت امجاده تتراجف القاده لو عالحرب مر
من صارت الفزعه ذب سبعه عالسبعه فن واحد ايمنعه بالرايه يفتر
وصوره من العباس بعيونه راسم
**
من يهجم اعليها حمره يخليها والحومه يفنيها وتظلم سماها
فرحان اجه بعرسه وعنده الحرب ونسه والطف كطع نفسه والدم خذاها
طلعو ولد عمه وركض ركض يمه وتفاخرو بسمه طبها وكضاها
وهوس العمه حسين ويه الهواشم
***
متنكب انكابه عد جاسم اطلابه ما يبرد اصوابه وخزراته خزره
ضل يحصد بكيفه ومنهم اخذ حيفه ومن هوس بسيفه ما خله ثغره
من شاهده العسكر وسط الحرب يفتر كالو برز حيدر وتعله مهره
اليوم جاسم عريس وبعرسه هايم
***
من شمر زنوده ما وصلو حدوده جنه الحسن عوده راعي الحميه
هذا الحرب عيده طب سوه اليريده كلشي صبح بيده وذل جيش اميه
اكلوب الزلم جفلت والمعركه انحسمت واهل الحرب صفنت بالغاضريه
عازم اعله الميدان تدرونه عازم
*
خله الزلم تركض شيخ وبده يفرض كلبه عشك ينبض ماكو بغلاته
لاح السمه بجفه والمعركه تعرفه عند الحرب حرفه شاب اشحلاته
بسيفه تعناها والرايه علاها مذعوره خلاها وتعرف صفاته
الخيل ذبها اعله الخيل ليث الملاحم
**
تمت
تحسين الخفاجي
سيدي ياحسين عمري نذرته الخدمتك
رابط قناة تلكرام👇👇
https://t.me/joinchat/AAAAAEOnUV6imLK-dTwaMQ
رابط قناة اليوتيوب 👇👇
https://www.youtube.com/watch?v=ugFiDQkvfjQ&feature=share
رابط حسابي بالتيك توك 👇
https://vm.tiktok.com/ZM2XyaqLA/
للتواصل @Hussein95iq
للعباس ع
..................
نازل بهالراية....مرعب الرماية
يابا الفضل.... والنعم يالعباس
....................
طب عليهه الكافل ابميدانة
الله يستر لو فتح ذرعانة
راية بيدة ورايتة معروفه
شيخ وحدة وگاعد ابديوانة
طب عباس.... وانتفض بالساحه
وين الحيد.....خل يلاگي اسلاحه
هوس ابصمصامة.... شردوا الگدامة
يابا الفضل.....والنعم يالعباس
................
من دخل عباس صاح ابصوته
الراية بيدة ورايتة مبخوته
صوته صوب الجيش بيهم ناده
والزلم من صوته صاروا موته
طش الجيش....مارفعهه ايمينه
زلم وخيل....كتلاهه ابعينه
گلباهه الحومة...بوسوا بهدومة
يابا الفضل.....والنعم يالعباس
....................
اتخوصر العباس نص البيدة
والشرد منهم نظرتة اتصيدة
عفية بالعباس من طب ليهه
اتبوس گامت هالخيول بأيدة
من عباس...شردت الخيالة
بس تراب.... مايشوف اگبالة
ربتة البدوية....كافل العلوية
يابا الفضل.....والنعم يالعباس
.....................
حالف اعله القادة يكطع روسهم
يعرفون الجيش طب خالوسهم
القادة بالميدان مو بس سيفهه
اهدوم ذبوا والدروع أو طوسهم
يامحلاه....لو سطر بچفوفه
بالميدان.... سطرتة معروفه
كلهم ايهابونه.... عزريل ايسمونه
يابا الفضل..... والنعم يالعباس
....................
مثل كرة الحيد كر عالقادة
قابض الارواح شيخ السادة
ورطة بيه اتورطوا بالحومة
واليسطرة ينسه حتى اجدادة
مثل الموت..... مايثني ابسيفه
والعباس.... كلشي صار ابكيفه
حيدر ابضرباتة.... صاعقة ابيمناتة
يابا الفضل..... والنعم يالعباس
....................
الخادم عمار الساعدي
ونسالكم الدعاء
سيدي ياحسين عمري نذرته الخدمتك
رابط قناة تلكرام👇👇
https://t.me/joinchat/AAAAAEOnUV6imLK-dTwaMQ
رابط قناة اليوتيوب 👇👇
https://www.youtube.com/watch?v=ugFiDQkvfjQ&feature=share
رابط حسابي بالتيك توك 👇
https://vm.tiktok.com/ZM2XyaqLA/
للتواصل @Hussein95iq
((نزال حرق القرأن الكريم ))
...............
وين انصار احسين تكوم
هذه الطف ردلنه اليوم
نزلو للميدان
حركو القرأن
وين انصار احسين اليوم
...............
احنه شيعة حيدره ونلوي الحديد
ركض والعباس ندخلهه السويد
نعيد بيهه كربله وطف من جديد
والامام المنتظر خيالهه
نفوت ليهه اشباح
بدون حته اسلاح
وين انصار حسين اليوم
..............
بينه ردت كربله بنفس الالم
وحركة القران جن حركه خيم
وينهم اهل المجالس والشيم
صاحت الغيره تريد ارجالهه
شدو الرايه نطاق
ياهله بولد العراق
وين انصار حسين اليوم
................
انطيح فوك المعركه مثل الجمر
طبت العباس من طب للنهر
لا تكضنه احنه مسافه ولا بحر
وين مصير احنه نتعنالهه
لطك نتعنه اعناية
مثل الكافل وفاية
وين انصار حسين اليوم
................
بينه من عباس شمره وشاره
الدنيه ترعد من ندك الغاره
ذاك داعش روح اقره اخباره
يخاف خلينه من خياله
لا طك فاد ولا تفخيخ
صارو ذكره من التاريخ
وين انصار حسين اليوم
الشاعر
مصطفى الحسني
سيدي ياحسين عمري نذرته الخدمتك
رابط قناة تلكرام👇👇
https://t.me/joinchat/AAAAAEOnUV6imLK-dTwaMQ
رابط قناة اليوتيوب 👇👇
https://www.youtube.com/watch?v=ugFiDQkvfjQ&feature=share
رابط حسابي بالتيك توك 👇
https://vm.tiktok.com/ZM2XyaqLA/
للتواصل @Hussein95iq
وصية أم البنين لأبي الفضل "ع
ياگـد الِحچايه عينك على الرايه
لو طاحت ايطيح الخدر وِيـوَدِّع افيايه
***
عباس رَخُّص رگبِتَك غالي الهدف
ترضيني مِن يتبدّه دمك عالشرف
خل تفتخر بيك أمّك وكل السلَف
ماريد ينظـرلي علي بعين الوسَف
خل فاطمه اتشوفك دمّك على اچفوفك
والموقف ايخظّر نصر عينك على الرايه
لو طاحت ايطيح الخدر وِيـوَدِّع افيايه
***
إطـلِـق جَـوَاد أفعـالك بهذا السفر
او مِن ماي جودك بلّل ارياگ النهر
إسبگ الريح او كسَّر اَصنام الخطر
للخـوّه ركّـز رمحـــك بصدر الدهر
ضُم زينب بعينك وِاتباها بِحسينك
صون الوِفَه ولا تعتـذر عينك على الرايه
لو طاحت ايطيح الخدر وِيـوَدِّع افيايه
***
يل راضع الدُّر من لِبن صدري الوفي
وَيّ الحُـسَين ابنصـــرتك لاتـكـتفي
شِب نــار بعيـون العدو او لاتنطفي
او بچفوف زينب بالخيم ماي انچفي
لا تِضْمَه بِـوجودك ذِب عالْعطش جودك
وشِد عمرك لوَعدَك نذر عينك على الرايه
لو طاحت ايطيح الخدر وِيـوَدِّع افيايه
***
يُـمه اليـبِـعدَك عن أخوك اتجاوِزَه
لا تِـلـتـفِتـله او لا يغــرَّك مركــــزه
سِـل سـيف رايـك وبِـثبــاتك فـزِّزه
عن خُـوِّتك راويهـم أكبـر معجـزه
راويهم اِصرارك عالخوّه وإيثـارك
يـاماي يل ماتنـكسر عينك على الرايه
لو طاحت ايطيح الخدر وِيـوَدِّع افيايه
***
من توصلِ الطف إنصب بگاعه العلَم
وخل يـنفجــر من تحتـه ينبوع القيم
غَطِّي الشمس واِكسر اِفياي اعله الخيم
بَلسَـم أريدك تخـنگ أنفـــاس الألـم
وِبساعـة الشدَّه جيش العطش رِدَّه
جودك يسر وكت العسر عينك على الرايه
لو طاحت ايطيح الخدر وِيـوَدِّع افيايه
***
خادم الحسين "ع
#مرتجى #الحسَّاني
سيدي ياحسين عمري نذرته الخدمتك
رابط قناة تلكرام👇👇
https://t.me/joinchat/AAAAAEOnUV6imLK-dTwaMQ
رابط قناة اليوتيوب 👇👇
https://www.youtube.com/watch?v=ugFiDQkvfjQ&feature=share
رابط حسابي بالتيك توك 👇
https://vm.tiktok.com/ZM2XyaqLA/
للتواصل @Hussein95iq
حي الله الأكبر...... حي الله الأكبر
...................................................
نزل والحومه كلبها بيمنته
والزلم لبدت ركض من شافته
علي الأكبر علي جده بصولته
ترجف الكاع وتغص من خزرته
حيهم ايكله الكمر. ودكوا الضهر بضهر
حي الله الأكبر..............حي الله الأكبر
.....................................
سرفن أزنوده وبده يمطر غضب
ومثل ملك الموت يحصد بالركب
أتوسط الحومه علي أبسيفه وكتب
وعاين أعله حسين والجيش أنرعب
هوس وشد راييته وليلى يمه نادته
حي الله الأكبر........ حي الله الأكبر
.............................................
رجع لخيامه وشفت ريجه يبس
وجان كوه أمن العطش جرة النفس
سولف أويه حسين من شاف الحرس
عن يمينه وميسره الطف أنترس
ودع حسين ورحل وجان توديع الأجل
حي الله الأكبر............ حي الله الأكبر
........................................
شما تعب لحسين يتعنه ويرد
وكام مثل الموت يحصدهم حصد
بسملة سيفه قرت حرز الحمد
حي الأكبر رفع رايات المجد
بيده يامحله اللوه. ليل والأكبر ضوه
حي الله الأكبر............ حي الله الأكبر
...............................................
بدت لحضات المنيه او وافته
وعلي الأكبر بيده رفت راييته
طاح ضامي وصوبوها مهجته
وصاحت أمن بعيد زينب عمته
عمه يا نبع الكلب. فركتك عمه صعب
حي الله الأكبر.......... حي الله الأكبر
..............................
خادم خدمة الحسين
الشاعر
محمد الموالي
سيدي ياحسين عمري نذرته الخدمتك
رابط قناة تلكرام👇👇
https://t.me/joinchat/AAAAAEOnUV6imLK-dTwaMQ
رابط قناة اليوتيوب 👇👇
https://www.youtube.com/watch?v=ugFiDQkvfjQ&feature=share
رابط حسابي بالتيك توك 👇
https://vm.tiktok.com/ZM2XyaqLA/
للتواصل @Hussein95iq
رئسية للعباس عليه السلام 2023
جيت بلا عضيد وظهري مكسور
راح الچان درعي وللخيم سور
زينب كافلج راح
اخوي عله النهر طاح
راح الچان درعي وللخيم سور
......
إنه حسين لألهي فوّضت امري
تحمّلت المصايب كلهن بصبري
بس عباس من طاح انكسر ظهري
يزينب طاح حيلي وختنگ صدري
اول مره بسمي يصيح عباس
خويه حسين ألحگ هشموا الراس
زينب يختي من صاح
حيلي عله النهر طاح
راح الچان درعي وللخيم سور
........
سمعته يصيح ادركني يخويه حسين
صابوا راسي خويه وگطعو الچفين
احس حيلي انهدم ما يمشن الرجلين
النهر تيّهته ما اندل طريقه منين
عالصوت اركضت اعثر بلجدام
راح حزام ظهري وحامي لخيام
يزينب والسبي لاح
حيلي عله النهر طاح
راح الچان درعي وللخيم سور
..........
شسولفلج يزينب من رحت يمه
لگيته مگطّـع ومتغسّل ابدمه
عليـه خيل وزلم بسيوف ملتمه
طاح بلا چفوف اوذّروا جسمه
طحت يمه وصحت عباس ما گام
اشبگه شلون صدره مترّس سهام
دامي وينزف جراح
حيلي عله النهر طاح
راح الچان درعي وللخيم سور
...........
اگعدت يم راس اخوي واسچب العبره
نوبه براسه ابوسه ونوبه اشم نحره
يزينب راد يشبگني لعد صدره
شفته احتار لا يمنه ولا يسره
هذا اللي فجعني وهدّم الحيل
بچينه ثنينّه والمدمع يسيل
دمّ الغيره فوّاح
حيلي عله النهر طاح
راح الچان درعي وللخيم سور
............
ردت للخيمه اجيبه وما قبل يرجع
يگلّي شلــون ارد لزينب مگطّـع
اموت هنا ولا صرخة طفل اسمع
رجعتي وياك خويه ما بعد تنفع
سلّملي عله زينب گلها ميّعود
عباس انغدر لا راية لا جود
طايح والعدو ارتاح
حيلي عله النهر طاح
راح الچان درعي وللخيم سور
.......
يزينب راح اخونه والعدو تشمّت
وعلية ارجاس اميه وخيلها التمّت
بچت زينب على العباس وغتمّت
صاحت يابوفاضل اختك انهضمت
بس حسين ظل ويانه والناس
ضدنه تجمّعت انهض يعباس
جاوب والگلب ناح
حيلي عله النهر طاح
راح الچان درعي وللخيم سور
سيد زيد الفحام
______________________________________
سيدي ياحسين عمري نذرته الخدمتك
رابط قناة تلكرام👇👇
https://t.me/joinchat/AAAAAEOnUV6imLK-dTwaMQ
رابط قناة اليوتيوب 👇👇
https://www.youtube.com/watch?v=ugFiDQkvfjQ&feature=share
رابط حسابي بالتيك توك 👇
https://vm.tiktok.com/ZM2XyaqLA/
للتواصل @Hussein95iq
الليلة الثامنة
( قصيدة بحق القاسم ع )
رمله كتبي بحنته
ماتهنّــه بزفـــته
ابني صارت شمعته....منحره
...........
صوره حلوه بحضني غافي جنه ابوه بجماله
من اجيبن طاري عرسه يستحي من خياله
ها يرمله حضري حنه وانه ابدي بسؤاله
من سألته انه شفته بس منيته إعله باله
سارح بعرس الحرب
ينتظر يمته يطب
ابني صارت شمعته....منحره
...........
انه حاضر كلي عمه. ودعوني بهلاهل
عن ابوي وبالنيابه. آنه للحومه نازل
شعلي شمعه بخيمة امي. لوطفت من اقاتل
يعني بحضان الشهاده. طايح ونحري سايل
خلهه تيبس حنتي
يمه صيحي بطيحتي
ابني صارت شمعته....منحره
.........
امه صاحت يبني جاسم. لاتذبني إعله دهري
وإعله عمرك كطره كطره. كاسرت انه عمري
ناده يمه انتي بعدي. فتره عالهم اصبري
عمي يبقه ظهره سالم. خل يطيح انه ظهري
هيه حسبة دمعتين
كولي فدوه للحسين
ابني صارت شمعته....منحره
..........
يوسف الطف باس اديهه وهيه باستله نحره
شايله العشك الحسيني ماركب هوه مهره
قل اعوذ برب حسينك ظلت بظهره تقره
تدعي يالزهره الزجيه رايده لبني نظره
يمه ماريدك ترد
رايده اقره ويه الحمد
ابني صارت شمعته....منحره
...........
عابس وقصة جنونه تعلم امن ابني طبعه
القاسم بعمه تجنن خله كلبه إعله درعه
ابني تسبيحة لسانه واحسينااا اسمعه
بضحكة العاشك يكلي روحتي بلايه رجعه
روحه فوك من السمه
منتظرته فاطمه
ابني صارت شمعته....منحره
.........
عظم الباري أجرنه بطيحة الشاب ابنّه
كومي طلعي اتلكي نحره بدمه حنّي خيمنه
وانه عمته راح اخلي دمعتي بجفه حنه
تارس بعطره المخيم ريحة الجنه منه
وانه اسمع منحره
يمه ذكريني قره
ابني صارت شمعته .....منحره
............
نسألكم الدعاء
حسين صادق العقابي
سيدي ياحسين عمري نذرته الخدمتك
رابط قناة تلكرام👇👇
https://t.me/joinchat/AAAAAEOnUV6imLK-dTwaMQ
رابط قناة اليوتيوب 👇👇
https://www.youtube.com/watch?v=ugFiDQkvfjQ&feature=share
رابط حساب التيك توك 👇
https://vm.tiktok.com/ZM2XyaqLA/
للتواصل @Hussein95iq