1339
شاعر حسيني للمراسله عبر الخاص اضغط على الرابط @HaeiderALkhazaily .
قصيدة ( ياحميدة والدچ راح)
ليلة مسلم ابن عقيل (ع)
لسان حال ام كلثوم اخت الحسين وهي تخاطب ابنتها حميدة (عليهن سلام الله)
ـــــــــــــــــــــــــــــــــــــــــــــــــــــــــــــــــ
يا حميده والـدچ راح
ياحميده مسلم ارتاح
:::::::::::::::::::::::::::::::::::::::::::::::
الدنيه ماتسوه تعبهه و تعبتنه هوايـه
و اليچلب يُمه بيهه مـا يحصـل غايـه
و بالدمه مسلم شراهه جَنـة الـوفايه
عاند الدنيه بكبرهه من نطه الحچايه
مرتفع يايُمـه ماطـاح
ياحميده مسلم ارتاح
:::::::::::::::::::::::::::::::::::::::::::::::
الدنيه مو ديرتنه يُمه والجنان امچانه
و عـالمصيبـه لـو صبرنـه يلتقـي ويانه
والــدچ صاحب كرامـه نفتخـر خلانـه
والـدچ يُمـه السفيــر اليختلف عنوانه
خلي همچ يُمه ينزاح
ياحميده مسلم ارتاح
:::::::::::::::::::::::::::::::::::::::::::::::
خالچ حسين وإمامچ سولف بمعروفه
گلي مسلم يالعـزيزه من دخل للكـوفه
خله واحدهم يدور عـالعِـرف ميشوفه
ضلت ارگـاب العساكر بالطرق متلوفـه
قائد وماعاف السلاح
ياحميده مسلم ارتاح
:::::::::::::::::::::::::::::::::::::::::::::::
الحقيقــه ادري صعبـه و الخبـر أذانـي
انـه مثلـچ يا حميـده مالي مسلم ثاني
گلي حضنيهه بوفاتي منـ مشه وصاني
والصبر ما ألنـه غيره والدمع واخواني
ياهظيمه والدمع ساح
ياحميده مسلم ارتـاح
:::::::::::::::::::::::::::::::::::::::::::::::
اليطُب الجَنه يِنسه يُمه كل اجروحـه
واليضل بحسرة اهله اليعيش بروحه
مايسد الليل عينه و الوسـن ميلوحـه
تفارگ اعيونه المنام وما يهـَود نوحه
ما يهـود لـو فجـر لاح
ياحميده مسلم ارتاح
:::::::::::::::::::::::::::::::::::::::::::::::
حيدر العمار الخزعلي
.
قصيدة ( بس الحسبات)
ليلة السابع
ليلة الامام العباس (ع)
ــــــــــــــــــــــــــــــــــــــــــــــــــــــــــــ
بس الحسبـات و الكافل مات
زينب تقره ... بعيون حسين
@@@@@@@@@@@@@@@@
على باب الخيم چـانت بأمـل عباس
يرد ليهه وعلى امتونه العلم يا ناس
بقت تنطر ألـه جيـه وجمـر الانفاس
بطـه وتنظـر أبـو الأكبر يهـز الـراس
يجري الدمعات نار وحسرات
شافت عَبره ... بعيون حسين
@@@@@@@@@@@@@@@@
على مُهره انحِنه ظهـره اخوه حسين
تعاين چانت ارسومـه الخطفهه البين
يصد يمنـه ويصد يسـره يـدير العين
يكض راسه يرد يصفگ على الچفين
شافت مأسات بوجهه وآهات
بنت الزهره ... بعيون حسين
@@@@@@@@@@@@@@@@
لـزم گلبه لمـن هَـوود عجـاج الخيـل
تغيـر لـونــــه مـا چنــه سُـراج الليـل
حِنه ظهره گصد لشط نحيل الحيـل
هدل متنه ابو اليمه ودموعه اتسيل
صاحت هيهـات باب الحاجات
منهو يكسره ... بعيون حسين
@@@@@@@@@@@@@@@@
بعـد ساعه لفـه لزينب ابـو السجاد
شايـل رايـة الكـافل بأديه مـن عاد
خذت منه اللوه وتسأل تركته غـاد
بچـه و يصيح ما عفته كفيلـچ راد
ينقـل كلمات خجلان ومـات
ضي الگمره ... بعيون حسين
@@@@@@@@@@@@@@@@
على رِجله انحنت زينب تگله ارجاك
خـل انروح ألـه نگصد اخـذني وياك
اريد انعـه انـه بكتـره و اريـد اهنـاك
اگلـه الدنيـه مـا تسـوه بعـد عينــاك
بعد الشيبات عُگبك وَّيـلات
وانه مقصره ... بعيون حسين
@@@@@@@@@@@@@@@@
حيدر العمار الخزعلي
.
قصيدة ( سالم يـ حسين اتمنينه )
نزله
ـــــــــــــــــــــــــــــــــــــــــــــــــــــــــ
سالم يحسين اتمنينه
سالم يحسين اتمنينه
++++++++++++++++++++
سـالم كونـك يابـو الاكبر
مامش دم وگطعت منحر
ولا بتـراب الخـد اتعفـــر
بيض اثيابك يا والينه
سالم يحسين اتمنينه
++++++++++++++++++++
كون اتعـود وصاعـد مُهـرك
مامش حافر خويه بصدرك
لا عطشـان ويلهـب جمــرك
ضِعنه ابفگدك لو تدرينه
سـالـم يـحسين اتمنينه
++++++++++++++++++++
بعدك صرنه بنار وحيره
وين انروح وچف الغيره
فوگ الگاع وانه آيسيره
ريتك تسمع واتحاچينه
سالـم يـحسين اتمنيـنه
++++++++++++++++++++
ريت اترد أشوف الخيمه
بس ارمـاد واحنه ابهيمه
تسئل عَنـك چـم ايتيمـه
عمه حسين الوالد وينه
سـالـم يحسين اتمنينه
++++++++++++++++++++
بَعـد اعيونك يبن البضعـه
بس اسياط وعَبره ودمعه
كلشي ابزينب لأجلك ينعه
خويه اخلافك لاضلينه
سـالـم يحسين اتمنينه
++++++++++++++++++++
بيـن الشـام و بين الكـوفـه
يمشي الموت ويانه انشوفه
ردنـه الكافل ردنـه اچفـوفه
يّرد اوياك شگد تانينه
سالم يحسين اتمنينه
++++++++++++++++++++
روح الزهره انحس ويانه
تباري لـراسـك يا مـولانـه
اسمـع چنهه تـوون تعبانه
يم الراس اتصد اعلينه
سالـم يحسين اتمنينـه
++++++++++++++++++++
حيدر العمار الخزعلي
.
قصيدة : ( ريشه بـ صحره )
لسان حال الحوراء زينب (ع)
ـــــــــــــــــــــــــــــــــــــــــــــــــــــــــــــــــــــــ
ريشه بصحره .. يبن الزهره .. بچفوف الريح
انـه وضعنـك .. نسئـل عنـك .. نوگف ونطيـح
مشونه دروب هواي
چتالك يمشي ويـاي
يبن الزهره .. يبن الزهره
••••••••••••••••••••••••••••••••••
غصب صارت يبـو الاكبر نـروح ابساع
ويضل جسمك على الغبره تشمه الگاع
الحچي يكتـل لـون ينزل على الاسماع
ردت كـون الأجـل يمـك قبــل الـــوداع
چبدگ جمره .. ثيابك حمره .. چثه بلاراس
كون بكترك .. قبـري وقبرك .. يمنـه العباس
يمـك كون اتمنيت
قبري ولا ارد لبيت
يبن الزهره ... يبن الزهره
•••••••••••••••••••••••••••••••••••
العطش يكتل لَچـن فگدك يهـد الحيل
نسيت اسمي لمن داست عليك الخيل
الشمس تنزف بقت لأجلك لضه والليل
نصب مأتم و أجت تلطم نجوم آسهيل
حَدب ضهره .. آهلال العشره .. من المأسات
جوع و حسره .. خوف وعبره .. نار بخيمات
بالحومه اعيال وياي
نسانـه الخـوف الماي
يبن الزهره .. يبن الزهره
•••••••••••••••••••••••••••••••••••
مثل ريشه الضعن يحلم يحط يرتاح
الـى جنحك حلـم نرجـع امانـك راح
الحزن يعصف وانه انزف ألم وانياح
صفت بيد الگطع نحرك يزينب صاح
هسه بأمــري .. ضعنچ يسري .. و النـوگ اتسير
ساعه ايطگني .. ساعه يسبني .. والروح اتحير
كفـالـي ابـــلا چفيـن
وانته مگطع يحسين
يبن الزهره .. يبن الزهره
•••••••••••••••••••••••••••••••••••
مشه بضعنك شمر يحـدي تميل النـوگ
شتم حيدر رفـع صوته و عساكر طـوگ
بـده يشتـم بـدت تضحك اصـد احلوگ
صحت وسفه يبـو فاضل اطب بسـوگ
نافخ صدره .. عسكر بأمره .. واعليه افياي
وانه بجمره .. نار و حسره .. و يبدي الماي
يرفع صوته اغتاضيت
و يشتـم بأهـل البيـت
يبن الزهره ... يبن الزهره
•••••••••••••••••••••••••••••••••••
زرف قلبي اليطگ متني واعض الايد
اخافـن صوتي لا يطلـع كفيلي ابعيـد
زجـر نـاده يبت حيـدر الاميـر ايـزيـد
بعث كاتب الى العسكر سبايــه انريد
رايد اسره .. روس وحره .. كـاتب مكتـوب
شيب گلبي .. خلص عمري .. والروح اتلوب
مسبيه لقصر ايزيد
وحبال برگبه وأيد
يبن الزهره .. يبن الزهره
•••••••••••••••••••••••••••••••••••
كلمات : حيدر العمار الخزعلي
.
نزله
قصيدة ( صاحو الگوم )
ليلة الامام العباس (ع)
ــــــــــــــــــــــــــــــــــــــــ
صاحو الگوم ابو فاضل ضهر
شايل السيف علينه لو سقر
♕♕♕♕♕♕♕♕♕♕♕♕♕♕♕♕♕♕♕♕♕♕♕
اجهنم الحمره بيده والشمره حيدر بصغره سيفه فتاك
يصهر الصخره يذبح بخزره يشمر بظهره و الرگب هاك
بلا احساب لمن غار واتسرفن
يطش روس والجروف ماكفن
غِده الموت على الگاع يتصفن
نزل سيل على الجيش يتفنن
شُمــر نـاس للكـوفــه
ضوه يفوت متشوفه
♕♕♕♕♕♕♕♕♕♕♕♕♕♕♕♕♕♕♕♕♕♕♕
راكب الشگره والهوى بضهره اليبرز يشطره يقبض ارواح
يطعن ويگطع والارض تبلع بالـرگب تسمع بس اجه وراح
فقط روس على الگاع تتكلم
والاجسـام بالاجسـام تتردم
والـرگـاب بـالـرگاب تتلـچم
مُطر موت على الجيش من دلهم
مطر نار دولبهم
مثل خيط عاگدهم
♕♕♕♕♕♕♕♕♕♕♕♕♕♕♕♕♕♕♕♕♕♕♕
غربـل العسكر و الشمـر اصفـر لـونه و تغيـر و الفلك مـال
كونك اتشوفه هزهه بچفوفه وصلت الكوفه طگهه زلزال
طـوى الگاع چـن كتاب يتصفح
والعيون تصد سيف بس يجدح
عـدى الموت و الأجال ما تلمـح
والخيول على الجيـش تتچبـح
فقط موت يسگيهم
والارواح مو بيهـم
♕♕♕♕♕♕♕♕♕♕♕♕♕♕♕♕♕♕♕♕♕♕♕
يـا كُبــر شـانـه النهـر هـانـه زينــة اخـوانـه هـذا عبـاس
واگف بصدره ماشرب قطره العلگمي بكبره جره ياناس
اجـه ويا ولهلحين يم قبـره
نبع مـاي يهـالناس بالحضره
ابـو الجود اجه بي ومأسره
اخذ صيت كرامات لو تقره
لمن صار يم رجله
دوه الناس والعله
♕♕♕♕♕♕♕♕♕♕♕♕♕♕♕♕♕♕♕♕♕♕♕
صاحب الشاره يچوي بتاره تبقى اخباره واسمه نبراس
گُبته لـنجمـه زلمـه من زلمـه ينطي اليلزمه هـذا عباس
اهــل خيـر تمـد ايـد يـَّـم بـابـه
بلا اچفوف يطش خير بأعتابه
أسـد غــاب مينعـاب بصـوابــه
عِـرگ حـار مينعـاف بطــلابـه
العرب بي تتراضه
قِسـم بي تتقاضه
♕♕♕♕♕♕♕♕♕♕♕♕♕♕♕♕♕♕♕♕♕♕♕
حيدر العمار الخزعلي
.
قصيدة ( بيه ما بيه)
لسان حال السيده سكينه بنت الحسين
(عليهم السلام)
ــــــــــــــــــــــــــــــــــــــــــــــــــــــــــــــــــــــ
بيه مابيـه امشي مسبيـه
وينظر اعليه عمي عباس
:::::::::::::::::::::::::::::::::::::::::::::::::
انـه سكينـه ياعلـي فخــر الصـواويــن
اخذوني بحبال اليسر صوب الدواوين
ضلت عمامي امطشره بأرض الميادين
والـوالد ابـلايه جســد امـوذر آحسين
گاعه مدميه ضلوعه ماهيه
وينظـر اعليـه عمـي عباس
:::::::::::::::::::::::::::::::::::::::::::::::::
يِتئمـر اعليـه الشمـر و يطگنـي ياحـيـف
بمتوني مطبوعه العبه ويتلاهب الصيف
كرهنـي بالمـاي وردت يذبحنـي بالسيف
و للكـافل اعيوني تصد واتمنـه لو طيف
چفوفه مرميه وانه منسيه
وينظر اعليـه عمي عباس
:::::::::::::::::::::::::::::::::::::::::::::::::
محترگه ايدي ياعلي ويلچمهه الحجاب
مالحضه فـارگ يمنتـي مابيـن الاجنـاب
بهدومي دخـان الخيـم متروسـه الثياب
و عيوني مليـانـه رمـل يا داحي البـاب
تُعرف شبيه بگلبي مچويه
وينظر اعليه عمـي عباس
:::::::::::::::::::::::::::::::::::::::::::::::::
جٕـدي بقينـه بكـربله ثَكلات و ايتام
ماعدنه والي ولاخيم ما بين الازلام
بيمن نلوذ وننتخي ياسيف الاسلام
بلكت تمرني هـالمسه ياراعي اللثام
لو إِلك نيـه مُـرنـي ليليـه
وينظر اعليه عمي عباس
:::::::::::::::::::::::::::::::::::::::::::::::::
راس الكفيل البالـقنـه امدخن وحـار
صوبي يصد بحسرته واعليـه ينـدار
ينحب علينه ياعلي متحسف الصار
ينگـط اشوفنـه دمـع سهمـه يـكـرار
عينه مطفيه بنبله مرميه
وينظر اعليه عمي عباس
:::::::::::::::::::::::::::::::::::::::::::::::::
حيدر العمار الخزعلي
.
أهوازيه:
قصيدة ( كاروكك دليلي )
ليلة عبد الله الرضيع
لسان حال امه الرباب عليهم السلام
ـــــــــــــــــــــــــــــــــــــــــــــــــــــــــــــــــــــ
كاروكك ديليلي اشلون تريد انساك فهميني
عبـد الله يبعـد الـروح اسمـك يُمـه يلچمني
~٠~٠~٠~٠~٠~٠~٠~٠~٠~٠~٠~٠~٠~٠~٠~٠~
اجه الليل وبده وني وأنه يايُـمه متعوده
اضمك عالقلب وتنام ضلعي هوه المخده
حاچيني اهيد اشلون بَعدك نومتي شده
يالخدك عطـر قداح يالثغـرك مثـل ورده
يا اجمـل وجه بالكون ريتـك يُمـه تسمعني
عبـد الله يبعـد الـروح اسمك يُمـه يلچمني
~٠~٠~٠~٠~٠~٠~٠~٠~٠~٠~٠~٠~٠~٠~٠~٠~
يالوجهك صباح العيد حتى آبـ بچيتك دافي
ارحمني يبعـد اچـلاي و ارجع ليـه مو كافـي
اعصرلك تريـد العيـن اشرب يالـوِلـد صافـي
يالـماخـذ سنين الـروح ميت انته لو غـافـي
يالـ مني خـذاك الموت يمته يمُــه يرحمني
عبـد الله يبعـد الـروح اسمك يُمـه يلچمني
~٠~٠~٠~٠~٠~٠~٠~٠~٠~٠~٠~٠~٠~٠~٠~٠~
بلى حضني فلا ترتاح شلك بلـتُرب درجـع
دلالي ييمـه ايصيح عبد الله لـَــوَن تسمـع
چـانـت امنيه عـالبـال تكبـر بيه مـا تگطـع
تحضرني گلت بلموت من ارويحتي تطلع
تمنيت وأمـل وضنـون بيـدك يُمـه تـدفنـي
عبـد الله يبعـد الـروح اسمك يُمـه يلچمني
~٠~٠~٠~٠~٠~٠~٠~٠~٠~٠~٠~٠~٠~٠~٠~٠~
بالخيمه واجتني النار حرگت ثوبك بأيدي
تيهت الدرب ماشوف واصرخ يُمه يوليدي
طفيت بأديه الثوب شبت نـاري بـ وريـدي
تارس ثوبك الدخان وينك يالچنت عيدي
يالثوبك كحل العيون حزنك و الله شيبني
عبـد الله يبعـد الـروح اسمك يُمـه يلچمني
~٠~٠~٠~٠~٠~٠~٠~٠~٠~٠~٠~٠~٠~٠~٠~٠~
ياوسفه تضل عالگاع والراس بسهم يِنزف
ماشالك رُمح يـ صغير ضلت رگبتك تلصف
يا لب الحشه والروح گاعي والسمه ترجف
حگي دهري لـو يندار حگي دمعتـي تذرف
گلبي يالـوِلد مَسحــون عجبـه يُمـه تاركنـي
عبـد الله يبعـد الـروح اسمـك يُمـه يلچمنـي
~٠~٠~٠~٠~٠~٠~٠~٠~٠~٠~٠~٠~٠~٠~٠~٠~
حيدر العمار الخزعلي
.
.
تبديل الرايات
اليوم والليلة الاول من محرم
قصيدة ( يامظلوم )
ــــــــــــــــــــــــــــــــــــــــ
يامظلوم رايتك شالوهه
يامظلوم للحزن بدلوهه
يامظلوم ...
••••••••••••••••••••••••••••••••
رايتك صابغهه نَحرك من حَمار ادمومك
بيهه مضمون ودلاله يالسليبه اهدومك
يا قتيل الرايه تعني وبعده ثار اعلومك
بدلوهه الليله سـوده مـن تقرب يـومك
يمذبوح بالدمع رفعوهه
يامظلوم للحزن بدلوهـه
يامظلوم ...
••••••••••••••••••••••••••••••••
الـرايه واهلال المأسي علنو لأجلك حداد
طب محرم يا خلايق واجبه لبس السواد
نُصبو عزيات و مأتم ابچو لخيامه الرماد
الذبيح لهسه ينزف و اختـه مسبيه تقُـاد
بالسياط للسبي ودوهه
يامظلوم للحزن بدلوهه
يامظلوم ...
••••••••••••••••••••••••••••••••
رايتك بيهه كرامه تشفي كل داء و عليل
بيهه لِذْنه واحتمينه ياأبن حامي الدخيل
رايتك راية رسالـه و الگلب لأجلك يميل
اترفرف بنص المناير چنهه رفات الدليل
بالگلوب رايتك شافوهه
يامظلوم للحزن بدلوهـه
يامظلوم ...
••••••••••••••••••••••••••••••••
رايه مخطوطه بحروفك انعقـد ألهه الولاء
بوصله لقبلة عشگـنه عقــرب لدرب السماء
اتبـاركو بيهـه الملايـك و الـرسل و الانبيـاء
يعگـد المهدي طرفهـه ويعـتبرهه كالـكساء
بالدموع رايتك شَموهه
يامظلوم للحزن بدلوهـه
يامظلوم ...
••••••••••••••••••••••••••••••••
بالـگـبر اتمنـه باجـر رايتك هيـه الچفـن
تنقـل الوادم كرامه براية حسين اندفن
بيهه ملفوف ويقيناً تحضره ام الحسن
يستلم منهـه كتابـه امنيه تعـادل زمـن
يمولاي بلعرش خيطوهه
يامظلوم للحـزن بدلوهـه
يامظلوم ...
••••••••••••••••••••••••••••••••
كلمات / حيدر العمار الخزعلي
.
قصيدة ( سر الكون )
للخدمـه
ــــــــــــــــــــــــــــــــــــــــ
سـر الكون يَـم بابك
آه يحسين ومصابك
«»«»«»«»«»«»«»«»«»«»«»«»«»
دليـني درب وصـلك يـذابحـني
انه مقصر واريـدنك تسامحنـي
فـلا امـوذر ولا بتــار جـارحــني
بطرگ دمعي يمسيني يصبحني
انطـي الـروح بثوابك
آه يحسين و مصابك
«»«»«»«»«»«»«»«»«»«»«»«»«»
انـه اهــواك و اتمـناك تـذكرني
ولـو لمحه يبو السجاد تلمحني
حلم يقضه والعبرات تفضحني
اسيـر وياك اتمنه و تصافحـني
كون انصاب بصوابك
آه يحسـين و مصابك
«»«»«»«»«»«»«»«»«»«»«»«»«»
احسك دوم بعيوني يوجداني
ولا ناسيك واتمنـه مـ تنسـاني
انه گلبي اليوزع دمـه شرياني
الك مملـوك و العبـاس بچاني
ذب اچفوف بـ عتابك
آه يحسين و مصابك
«»«»«»«»«»«»«»«»«»«»«»«»«»
عشت احلم بـ فيايك تخلـيني
حلم عمـري بـطيوفي تلاگيني
شكبر حضي لو مره تحاچيني
العشگ انته و اتمنه تنـادينـي
أسمي ريـت بـكتابك
آه يحسين و مصابك
«»«»«»«»«»«»«»«»«»«»«»«»«»
بلضه المحشر اناديلك تشاهـدني
اجي ألطـم و أنوحـلك يـ مـاردني
اصيح أسمـك والأكوان تحسدني
محـال اهنـاك اناديك و تباعـدني
نعيش آنموت احبابك
آه يحسين و مصـابك
«»«»«»«»«»«»«»«»«»«»«»«»«»
كلمات : حيدر العمار الخزعلي
.
قصيدة ( بده وكت اللطم والنوح)
مزج مع القصائد الثراثيه
للخدمـه
ــــــــــــــــــــــــــــــــــــــــ
بـده وكــت اللطـم و النـوح والاه
على حسين الزچيه اتنــوح ويلاه
•••••••••••••••••••••••••••••••••••
عـ الموعد بده المجلس اجينه بحرگه مشتاقين
بده القاري يوون بصوت و احنه آگباله ملتمين
مثل الماي گال حسين واحنه بفگده عطشانين
چن حمزه بده ينشد واحنه انصيح آه يحسين
آه يـحسـين ومصـابه .. لـجله العـين سچـابه
يـحسين يالذچـرك ابطـرف السـاني
وحاشـك لـن يـوم الـوعـد تنـسانـي
وآنـه اعتـقادي ابـدفتـرك عنـواني
وناجـح الصـار ابـدفتـرك عنـوانه
ضل يقـره دليلي وروحي ويـاه
على حسين الزچيه اتنــوح ويلاه
•••••••••••••••••••••••••••••••••••
بده يقره بحزن وبـآه يجري انشوف گام العين
من سولف على المذبوح حمره چانت الخدين
بچانـه صدگ مـن صاح متگطع وذر الحسـين
صـوب مهجتي من گـال خل نقره مثل ياسين
ياحسيـن بضمايرنـه** صــــحنه بـــــيك آمــــــنّه
لا صيحة عواطف هاي ** لا دعـوه ومجــرد رأي
هـذي مـن مبادئنـه*** صِحـنـه بـيـك آمـــــــــنّـه
ضميري وكل يقيني الـ الله سواه
على حسين الزچيه اتنــوح ويلاه
•••••••••••••••••••••••••••••••••••
اجه يوم الوفه والناس تصرخ ياگمر هاشم
كل چف بصدر مطبوع و أول واحــد القائم
لـو گال وحچـه مرخوص ما تلگه زند سالم
مـن يقـره المسه الرادود للعباس چن باسم
يعباس فگدك هضمنه يعباس حرگو خيمنه
مــا نگـدر عضـيد حســين ننساه
على حسين الزچيه اتنــوح ويلاه
•••••••••••••••••••••••••••••••••••
من نبچي على الشبان واجب نذكر القاسم
من صد و لـگاه حسين واگف لازم الصـارم
يطلب رخصه منه يريد ينزل ينحـر الوادم
للحين الصدى موجود يقره بالحزن جاسم
جسـام يا ضنوتي ...
رايح ... رايح امن اعيوني
ما رحمني الدهر أنته نور البصر
رايح ... رايح من اعيوني
عــن رملــه حچــه ودلالـي بچاه
على حسين الزچيه اتنــوح ويلاه
•••••••••••••••••••••••••••••••••••
كل ليله بشـهر عاشور اتـوشح ثيـابي السود
مثل الحره گلبي ابنار وخدودي عليه اشهود
امسح بالـدمع كل ساع و المدمع يـرد اردود
عله زينب اجر حسرات واتذكر رضا الرادود
زيـنـب يـا غـريـبة .. الله اشــمـصـيـبـة
وجـهـچ يا زينب وين .. مـذبـوح اخوچ احسين
و الـجـثـة سـلـيبة ... الله اشــمـصـيـبـة
ونعــي ملـه وطـن بلساني طرواه
على حسين الزچيه اتنــوح ويلاه
•••••••••••••••••••••••••••••••••••
كلمات : حيدر العمار الخزعلي
.
قصيدة ( شاخص اگبالي)
ليلة عبدالله الرضيع
لسان حال امه الرباب ( عليهم السلام)
ــــــــــــــــــــــــــــــــــــــــ
شاخص اگبالي بالرمح
خلاني امشي وانچبـح
مشبوحه عيني والهوى
يتلاعب ابشعره السرح
•••••••••••••••••••••••••••••••
توه صاير يا بشر
واوصافه چن عمه الگمر
يابس دليله وانذبح ... عبدالله بعده ماكُبر
اول سفرته من الحضن
صوب المنيه و الحزن
اليشبه افلاك السمه ... ياوسفه ضامي يندفن
الناس احس الحسدته
بحضن المنيه اتمنته
فوگ العوالي شالته
يتلاعب ابشعره السرح
•••••••••••••••••••••••••••••••
ماحاچي بعده ما مشه
ليش السهام امعشعشه
ابنحره و تلاثه طبك عاينه واعلينه انغشه
ماله جرم ماله ذنب
من دمه اسمه ينكتب
فوگ السماء السابعه بچف الحسين المنسلب
يملي چفوفه بالدمه
يشمرهه تتحنه السمه
وهـناك تصرخ فاطمه
يتلاعب ابشعره السرح
•••••••••••••••••••••••••••••••
فرحانه من صار اشكثر
صليت انه لله شكر
لمن وهبني هالطفل ... ضنيته لأيام العسر
ضنيته ذخري هالـولد
ما چنت احسب بالمهد
يبدي عذابي وانحرم ... ما انظر عيونه بعد
ضنيته يكبر حسبت
تالي على فراگه متت
بالنبله مثله اتصوبت
يتلاعب ابشعره السرح
•••••••••••••••••••••••••••••••
تلگيته عطره بالهوه
شميته وگليبي انچوه
قربني ياحادي صحت ... اتماشه وي راسه سوه
نزلي راسه اتوسلت
ياحادي گتله مو متت
خليني اضمه بالحضن ... من الشمس مايلتفت
مارحم بيه ولا عطف
گلالي سكتي وانصرف
ماعنده غيره ولا شرف
يتلاعب ابشعره السرح
•••••••••••••••••••••••••••••••
عَجبني غافي مارمش
صار الرمح لابني نعش
خلاني ابچي بلا وعي .. ذابحني من ليل اهدعش
بأذاني لسه بچيته
عطشان ضلت صورته
بالبال ماضن تنمسح ... فدوه اروح لضحكته
مالمني بعده اي سگف
والحاله صعبه تنوصف
لـوني بغيابه منخطف
يتلاعب ابشعره السرح
•••••••••••••••••••••••••••••••
كلمات : حيدر العمار الخزعلي
.
قصيدة ( امني بينه)
ليلة الانصار
ــــــــــــــــــــــــــــــــــــــــ
أمني بينه يزينب ... أمني بينه
أمني بينه يزينب ... أمني بينه
*****
احنـه خدامـچ اجينه لخيمتچ بالرايه
بيهه خطـينه بدمـانه عالـعـهد وفـايـه
مانعوف حسين وحده نقسم بكل ايه
مـا اجيــنه للـغـنائم و الفـرات ومـايه
و الله يا العقيله
شما نبذل قليله
كون الدم نسيله .. كون الدم نسيله
أمني بينه يزينب ... أمني بينه يزينب
*****
مـانفـارگكـم يزينـب الا واحنـه ويـاكــم
لـو تـوذرنـه الهنادي دمنـه قبـل دمـاكــم
لـو يشيعونـه جنـايـز و الله مـا ننساكـم
احنه من باقي التراب الـ الله بي سواكم
مـن عدكم بدينه
نخدم احنه اجينه
نفخــر و انتـميـنه .. نفخر و انتـميـنه
أمني بينه يزينب ... أمني بينه يزينب
*****
خبرينه و احنـه بأمـرچ بالأمـر حاچينه
نركب اضهور المنايـه نركض ابرجليـنه
بالمعـاره انسـوي ثـوره حيـدر امـربينه
ندوس رايتهم يزينب باجـر اتشوفيـنه
أُمري و شرفينه
يالحره الحزينه
وسفه تحشمينه .. وسفه تحشمينه
أمني بينه يزينب ... أمني بينه يزينب
*****
التراب الجوه رجلچ يا العقيله انزوره
منهو يوصلكم يزينب نگلب المعموره
الحناجر تبـقه تهتف والهمم مذخوره
مـو بعيده الله ينزل بينه باجر سوره
نسبگ لو مشينه
نرهب لـو بـَدينه
گدهه وتـُعرفينه ... گدهه و تـُعرفينه
أمني بينه يزينب ... أمني بينه يزينب
*****
لا يشغلونچ يزينب يا عقيلة هاشـم
غيرة العباس بينه نختلف عـالوادم
لا تهمـين بعمـرنه احنه گــد القاسم
غايـة الغايات يبقه هـالمخيم سالم
خـدام الضعـينه
تسعر جمره بينه
منكم مــا لگينه ... منكـم مالگينه
أمني بينه يزينب ... أمني بينه يزينب
*****
كلمات : حيدر العمار الخزعلي
*****
اجمل قنوات التلجرام لنشر وتلحين القصائد الحسينية👇
/channel/+QYhwKvqAiD7e_b1P
قصيدة ( باب المطالب)
شهادة الامام الكاظم عليه السلام
ـــــــــــــــــــــــــــــــــــــــــــــــــــــــــــــــ
باب الرحمه انته وخصك الله لناس
يا باب الحـوائج تبـرد بيك الانفاس
باب المطالب .. بابك يـ راهب
××××××××××××××××××××××××××
رحمه الباري ونزل موسى على اهل الارض
يسجد الكون اعله ايده من يصلي كل فرض
راهب الآل .. دمعه همال
راحه ماشاف بحياته والشمس عنه اختفت
وسفـه چفينـه السخيـه بـالحبـال اتچتفـت
حزنه چتال ... يمرد اجبال
نور الله اشيضمه نوره مضوي الافلاك
مـن تدخل حضرته يگلك اهـلاً و هـاك
باب المطالب .. بابك يـ راهب
××××××××××××××××××××××××××
سابـع انوار الإمامه ما يضم ضيـه السجن
تارس الدنيه بعطائه التارس عيونه الحزن
بالسجن غاب .. ويحرس الباب
أبن شاهك والأراذل واحقر انواع البشر
منعـو الوادم تزوره و گلبه نصين انفطر
سجنه محراب .. والرمش شاب
محد يلفي يَّمه وماكو لسجنه خطار
منعو اهله منه صارت صعبه الأخبار
باب المطالب .. بابك يـ راهب
××××××××××××××××××××××××××
خلصت ايامه وحياته بالسجون المظلمه
ليله مخبوط ابـنهاره ماكو ضي ولا سمه
ضلمه وأغلال ... بيده واحبال
اگلت چفوفه السلاسل تَعبه ثگـل الوزن
جامد الدم برگبته وينعه للحـره و يوون
يذكر الحال .. بين الأنذال
ضل لعمته ينعه يبچي بسجنه لحسين
مـن يذكـر مصابـه رأسـن تدمـع العيـن
باب المطالب .. بابك يـ راهب
××××××××××××××××××××××××××
ماكفاهم هاذه وضعه دسوو السم بحقد
رادو ايموت بحُفرته و ذابل اعليه الورد
عدهم احقاد .. من الاجداد
شالو الجثه النحيله اربعه لصوب الجسر
طلعت الشيعه تنادي سيدي وكت الظهر
اسد بغداد ... بيده اصفاد
چن الزهره تنعه تمشي ويه الاحباب
و تنادي يموسى عادت لچمت الباب
باب المطالب .. بابك يـ راهب
××××××××××××××××××××××××××
ما محه الطاغوت ذكـره گُبته فوگ النجم
موسى لن باب الحوائج تسجد ابابه الزلم
تاخذ امراد .. منه العباد
العليل بصحنه يبره يفرج بجاهه العسر
الحوائج يمه سهله ينسه اليزوره الفقـر
بصحنه وفاد .. من البلاد
من تدخل تزوره تلگه بصحنه زوار
من كل الاماكن من أشكال الأقطار
باب المطالب .. بابك يـ راهب
××××××××××××××××××××××××××
حيدر العمار الخزعلي .
.
نعي
شهادة موسى الكاظم (ع)
----------------------------------
من يبچيلك المهدي نبچي وياه
من عدنه اكيد المهدي بيك اعلم
بالفطره تنوح و تبچيلك الناس
وشحال البچاك وهوه راعي الدم
بدموعه انرسم ثارك وثار حسين
مذبوح و بچه و يتجارع السم
يالكاظم مصابك يشبه لعاشور
واحباب الحسين بحضرتك تلتم
يالكاظم قيودك صورتلي النوگ
وشلون العقيله التمشي تتلچم
لولا الصبر و الحلم ذاك البيك
چا دم الحسين بكربله اتيتم
--------------------------------
حيدر العمار الخزعلي
قصيدة ( علي الاول بالحرب )
ليلة علي الاكبر (ع)
ــــــــــــــــــــــــــــــــــــــــــــــــــــــــــــــــ
علي الاول بـالحـرب
علي الاكبر من يطب
علي يسحلهم غصب
مثل علي علي
_______
علــي الأكبـــر بــرز لابــس درع حيـدر علــي
استحت منه الشمس گامت تصلي اعله النبي
الــوحي بأسمـه هتف هـذا الشبـاب الهاشمـي
علـى الكـافـل يصد گـلــه اجيـبه العـلگـُمـــي
انه للحومه ذخر
انه الأكبر وانتظر
انه بزنودي النصر
مثل علي علي
_______
مثل بيرغ يرف سيفه على روس الزلم
شبه ماي انفتح عزمه وبده يهدم هدم
عُمر ينشد شمر وين الدرب خـل ننهزم
صنـاديد العـرب گـالـو صگر مـا يـلـزم
صُفگ اجناحه وضِرب
بـِدت اطيــر الـــرگـب
علـي حَـــلال الكُــرب
مثل علي علي
_______
وگف سَد الدرب يشمر ألف فـوگ الألف
بكـر يَمـه رِكع راسـه انگطع شِفْتـه تِرف
على جُـرف النهـر مثل الغَزل بيهم يِلف
تاهو اگباله وسباهـم تيهـو حَته العِـرف
ضوه بأيدين الضوه
ضوه من دمهم روه
ضوه شردهم سـوه
مثل علي علي
_______
علي كلش صعب وكت الحرب ما ينحمل
تحـس راكب جبل جـوه المُهـر هُمـه نمـل
سحـگ اكبـر اسـم جوه الحوافـر بالرِجل
علـي خَلـه الـزلـم من الشـوارب تنسحـل
علي بُركان انفجر
علي خلاهـم وِذر
فِتـح لـدَمهُم نَهـر
مثل علي علي
_______
لـزم طـرف الارض بيده بـده ينكـت نكت
صـرخ انـه علي و هيه تـجاوب مو خِفـت
نَفس هاذه الاسم رد الشمس قَبلك شِفت
تحت أمرك أنه عُوف لغَضب گول اشردت
انـه بـ يديـك انگُلُـب
علي سهله مو صَعُب
علي طوعاً مو رُعُب
مثل علي علي
_______
حيدر العمار الخزعلي
.
قصيدة ( اجانه الموت)
ليلة القاسم (ع)
لسان حال رمله (ع)
ـــــــــــــــــــــــــــــــــــــــــــــــــــــــــــــــــــــ
اجانه الموت يتخطه على الخيام
گلتله ارجوك تاخذني مثل جسام
•••••••••••••••••••••••••••••••
تمنيتك عـدل يَّـبني و تشاهدني
انه بحيره يجاسم دهري دولبني
حَـي ميـت اريدن هسه تاخذني
اريدك هسه ترجع يبني تشبگني
اريدك يُمه جاسم
تعود وگلبي هايم
اهلهل و الفواطم ... تبارك كلهه ليه
يضي العين ما تگدر عيوني تنام
گلتله ارجوك تاخذني مثل جسام
•••••••••••••••••••••••••••••••
شفت راسك يالمعدل صُفگت الايد
هوه يتلاعب بشعرك يا وجه العيد
گطع ضني يالمعتب گطـع الوريـد
اعاتب وانته ماتسمع عتب شيفيد
يـَـ عايفني بعذابي
متـه ينـزل كتـابي
كُبر همي ومصابي ... مته گلي المنيه
كسـر بالـروح واتمنـه انه بأوهـام
گلتله ارجوك تاخذني مثل جسام
•••••••••••••••••••••••••••••••
اسـولفلك تـريد إسمع شنـو اليصـار
بقيت بخيمتي وحدي واجتني النار
شبگت ثيـابك وانعـه سگفهـه آنهـار
خفتهـه تحترك بيـدي دليلـي احتار
انـه ثيابـك خذتهه
من النار احرستهه
لچن تالي شفتهه ... يسلبوهه من اديده
الشمر الثياب سلبهه سِلب الاحلام
گلتله ارجوك تاخذنـي مثل جسام
•••••••••••••••••••••••••••••••
انـه مفجوعه و اتشتم دريت بهاي
طبع صوط الشمر يُمه على مگفاي
يمذبوح العمر عُـگبك سراب المـاي
شنـو تاليتي من بعدك شنو دنيـاي
عـذاب وكلهـه ضلمـه
الحچي گلبك يهضمه
كسر بضلوعي عظمه ... رمح ابن الدعيه
عفتني شلون يايُمه وسط الازلام
گلتله ارجوك تاخذني مثل جسام
•••••••••••••••••••••••••••••••
دخلنه الكـوفه نتعثر نگوم انطيح
بلاحيل وفقط خدر نخاف نصيح
وابو الباقر يناظرنه دمومه تسيح
على متنه ويخوفنه هبوب الريح
دخلنه الشام اساره
ركـب كلـه حيـــاره
واريدن يُمــه چاره .... يبن خير البريه
مشينه دروب ولحيره دخول الشام
گلتلـه ارجوك تاخذني مثل جسـام
•••••••••••••••••••••••••••••••
حيدر العمار الخزعلي
.
لحن قصيدة ( صاحو الگوم )
بصوت الرادود سيد سراج الموسوي
لحن قصيدة ( بيه ما بيه)
بصوت الرادود سيد سراج الموسوي
لحن قصيدة
( يامظلوم )
بصوت الرادود سيد سراج الموسوي
لحن قصيدة
(سر الكون)
بصوت الرادود سيد سراج الموسوي
لحن قصيدة
(بده وكت اللطم والنوح)
بصوت الرادود سيد سراج الموسوي
لحن قصيدة
(شاخص اگبالي)
بصوت الرادود سيد سراج الموسوي
لحن قصيدة
( امني بينه يزينب)
بصوت الرادود سيد سراج الموسوي
اجمل قنوات التلجرام لنشر وتلحين القصائد الحسينية👇
/channel/+QYhwKvqAiD7e_b1P
مولد الحجه( عج)
ـــــــــــــــــــــــــــــــــــــــــــــــــــــــــــــــ
عجل الله ضهور المنتظر
مولدك عيد يسيد هالبشر ~~~~~~~
تُصفگ النوارس طارت بجنحهه
اتبيـن ابقدومك عَلـت بفـرحهـه
بَشرت لشواطي وبَّلغت صُبحهه
غـارت البـلابـُل وحُبك فضحهه
غردت ابـ هلهوله
واعرفت التگوله
المهدي مابي لوله
فدوه لأسمه وعينه
عجل الله ضهور المنتظر
مولدك عيد يسيد هالبشر ~~~~~~~
شمعة الليالي الضوه خيالك
الــورد تحيير دايـخ بجمالك
فتح ابفرحته بمولدك دعالك
ياهـلا يمهدي والفرح حِلالك
الـورد لـو تظهـر
ينگلب كله احمر
من الفرح يتفجر
تشوف الندى بخدينه
عجل الله ضهور المنتظر
مولدك عيد يسيد هالبشر ~~~~~~~
مولـدك يهيبـه رحمـه للبـريه
خاتم الامامه هاشمي الهويه
سيد الكـواكب سيـد الوطيه
سيد الروافـض جيتك هديه
انته حلم الوادم
واليعشگك خادم
هسه كونك قادم
كل الهلـه مهدينه
عجل الله ضهور المنتظر
مولدك عيد يسيد هالبشر ~~~~~~~
مبهر بجمالك گمره بالمسيه
چنك الصميده چنك الزچيه
منقـذ العوالـم منقـذ الرعيه
ننتظر قدومـك كـل مغربيه
جُمعه بعد الجُمعه
وانه شاعل شمعه
يمته صوتي تسمعه
وتظهر تمر بينه
عجل الله ضهور المنتظر
مولدك عيد يسيد هالبشر ~~~~~~~
فرقد الفواطم صاحب الحميه
تكـرم و تسامـح ايـدك سخيـه
تَشفـع بمقـامك تـدفـع الـرزيـه
نظرتك تَفضـل سيدي و عطيه
عيني فدوه لعينك
يمته توفي بدينك
تضهـر و لحسينك
تشفي جرح اسنينه
عجل الله ضهور المنتظر
مولدك عيد يسيد هالبشر ~~~~~~~
حيدر العمار الخزعلي
.
جديد .. قصيدة ( دمعي سچاب )
شهادة موسى الكاظم (ع)
▪▪▪▪▪▪▪▪▪▪▪▪▪
دمعي سَچاب .... ينزل احمر
والله لمصاب موسى ابنَ جعفر
•°•°•°•°•°•°•°•°•°•°•°•°•°•°•°•°•°•°•°•°
الكريم الجازي صيته يختلف مچياله
موش بيده بحضنه ينطي كلمن اتعناله
يملي چفه وي شليله اليوصله هنياله
كاظم الغيظ اليگصده تختلف احواله
الحجر ناح .... ناح و تِفسر
والله لمصاب موسى ابنَ جعفر
•°•°•°•°•°•°•°•°•°•°•°•°•°•°•°•°•°•°•°•°
المريض الي يزوره ماتخيب اضنونه
الضرير بصحنه يرجع الضوه لعيونه
اليجور اعليه دهره حاجته مضمونه
يدخل اعليه ويحلفه بالبقت محزونه
بين الاشلاء ... تمشي تعثر
والله لمصاب موسى ابنَ جعفر
•°•°•°•°•°•°•°•°•°•°•°•°•°•°•°•°•°•°•°•°
حگي ألطم اعتنيله وانتحب لمصابه
الملايك كلهه وگفت تنتحب يم بابه
هذا ابو الروح الأبيه الگضه آبمحرابه
دمعتي بالخد تلالي و بالقلب سچابه
المهدي محتار ... وخده تّحفر
والله لمصاب موسى ابنَ جعفر
•°•°•°•°•°•°•°•°•°•°•°•°•°•°•°•°•°•°•°•°
مااجازي ساعه وحده بلسجن گضاهه
ليله يسأل عن نهاره والوحي يقراهه
الكاظمين الغيظ ايه وسيدي فحواهه
السجون اعليه تنحب والقيود آوياهه
ويه الازمان ... جرحه يكبر
والله لمصاب موسى ابنَ جعفر
•°•°•°•°•°•°•°•°•°•°•°•°•°•°•°•°•°•°•°•°
بالسجن غابت شمسنه وانعرف چتاله
من بعد سمه يوصي الحرس من شاله
عالجسر خلوو يگلهـم النعش بـأغلاله
رايد الوادم تشوف الكاظم بهـل حالـه
يبقه هارون .... هوه الابتر
والله لمصاب موسى ابنَ جعفر
•°•°•°•°•°•°•°•°•°•°•°•°•°•°•°•°•°•°•°•°
كلمات : حيدر العمار الخزعلي .
.
قصيدة گعديه
شهادة الامام الكاظم عليه السلام
¤▪¤▪¤▪¤▪¤▪¤▪¤▪¤▪¤▪¤▪¤▪¤▪¤▪¤▪¤▪¤▪¤▪¤▪
موسى ابن جعفر صلاته بالحديد و بالضلام
چنهه عاشور المصيبه عالجسر مرمي الامام
مرمي چثه هم غريبه
يا كبر هاي المصيبه
●●●●●●●●●●●●●●●●●●
سافرت روحي بفكرهه وشاهدت نفس النوايب
موسى مثل حسين شفته هم غريب بلا گرايب
مرمي فوك الجسر چثه واذكرت ذيچ المصايب
ضني اخذوهه جبته
مابقت حتى اعمامته
الحرس يمكن سَلبته ... والله منهم قلبي ذايب
خاتمه بخنصر يمينه ما سلم من ال لئام
انسلب ضني واحسه صاير بچف الحرام
قصته فعلاً عجيبه
يا كُبر هاي المصيبه
آويلاه .... آويلاه
●●●●●●●●●●●●●●●●●●
جاوبت روحي البيهه ضنهه اعتقد صحه كلامك
موسى مسلوب و تعذب و السبب واضح أمامك
عالجسر ليش الناس تنشد وهيه تنظرله للإمامك
ليش الخلگ ما عرفته
معقوله موسى ضيعته
وين العمامه وصايته ... إِنتحب وابعث سلامك
ينشد الوادم طبيبه و يلتفت ودموعه نار
اهله وين يگلب ايده عدهه بالمسموم ثار
سكته ما واحد يجيبه
ياكُبر هاي المصيبه
●●●●●●●●●●●●●●●●●
الحديد ابچف موسى يروي قصة آلام السبايه
من سجن لسجن مسبي بجامعه وطگ ودمايه
چن علي السجاد شفته الكاظم ونفس الروايه
ينزف اچبود الدمه
متونه زرگه مورمه
والشبه لازم نفهمه ... ومختصر طف المنايه
مشياً الوادم تجيله و تطبخ و تگصد تزور
چن الحسين اربعينه و انتبه بين السطور
يفهم الطاهر حليبه
يا كُبر هاي المصيبه
●●●●●●●●●●●●●●●●
للمدينه اضنوني ردت وصفنه بالخاطر طويله
اذكرت لحسين طفله و چنهه معصومه العليله
نفس الاسم و الجرح واحد الأبو طول رحيله
نفس الأسم فاطمه
واعله أبوهه معلمه
وأخر انفاسه بضمه .... ما تدري وينه وتجيله
والشبه باقي بناته اتشابهن نفس الدموع
لبسن الأسود يتامه واللطم فوگ الضلوع
عالجسد ماكو قريبه
يا كُبر هاي المصيبه
●●●●●●●●●●●●●●●●●
سوربت عيني بدمعهه و اذكرت بيه الحسن
هم كريم و باب طلبه و الچبد نفسه انسحن
روحه ذابت وي مُهجته وكل رسومه اتغيرن
جعده هارون السبب
شاهد بهاي العنب
سم صفر يشبه رجب ... والفرق بس الزمن
اليكرم الضيف ابحياته ماسمعنه بالممات
اگصد وشاهد مضيفه بابه باب المكرمات
گُبته التايه تجيبه
يا كُبر هاي المصيبه
●●●●●●●●●●●●●●●●
الشاعر : حيدر العمار الخزعلي
.