654
للتواصل والاستفسار حول القصائد عبر الرابط👇👇 @Haammzaa رابط القناة 👇 https://t.me/HamzaAlaraji
انه العليله
راحو هـلي وخلوني
بس دمعـتي بعيوني
فوك المرض عافوني
انه العليله
مشتاگه اروح اوياهم
أهلي صـعب فـرگاهم
إنه العليله انه العليله
-------------؛؛؛؛؛؛؛؛؛-------------
راحو هلي وعـيوني تتربـه الدربـهم
ادعي الله دوم ابكل مسه ليه يردهم
راحو هلي وانـه اشكثر أهلي احبهم
امساهـره ليلي وانـه ابـالـي صورهم
لمن جفوني
ظلمه أصبحت أيامي
راحت جميع أحلامي
راح الضوه الجدامي
لمن جفوني
شيسوه العمر لولاهم
أهلي صـعب فـركاهم
أنه العليله انه العليله
--------------؛؛؛؛؛؛؛؛؛-------------
حيرني دهري والمرض ماخله لي حيل
من فرگـة أحبابي شفت بعيوني الويل
بيوم المشو عني هلي بس دمعتي اتسيل
اكضي النهار ابحسرتي وامساهره الليل
ابياحاله ظليت
عافوني وأنه ابحيره
جروح الكلب جبيره
راحو هلي الياديره
ابياحاله ظليت
مني الدهـر خـذاهم
أهلي صعب فركاهم
إنه العليله إنه العليله
---------------؛؛؛؛؛؛؛---------------
صبح اومسه لهلي أظل ادعي ابصلاتي
لمته يجوني امـن السفر هاذي أمنياتي
واتلگه أهلي اوعالدرب واشبك خواتي
بعيوني اشوفن والدي اتمنـه أبحياتي
اتمنه يايوم
بجيت هلي ايخبروني
مشتاكه حيل اعيوني
هيج وصـدك يلفوني
اتمنه يايوم
ادعي الله الملگـاهم
أهلي صعب فركاهم
إنه العليله انه العليله
-------------؛؛؛؛؛؛؛؛؛؛------------
فوك المرض فرگة هلي وعيوني عالباب
مابيه حيـل اعله الصبر لفـراك الاحباب
خاف الأجل يلفي ألي اوكل أهلي غياب
اتمنه مره ابهل عمر شوفه امن الاطياب
صعبه عليه
فركـة هلي مصيـبه
والراح الي اشيجيبه
جرحي فكد طبيبه
صعبه عليه
أنطر انـه الـمسراهم
أهلي صعب فركاهم
إنه العليله إنه العليله
--------------؛؛؛؛؛؛؛؛؛--------------
روحي مشت ويه الاهل ماتحمل اجروح
بس الجسد مـن المرض مايگدر أيروح
من گد صحت لهلي أنه ظل صوتي مبحوح
راح ابقه ابطول العمر بالحسره والنوح
مشتاكه روحي
لهلي اشكثر مشتاگه
صعبه الحبيب فراگه
لمته يجـي اونتلاكه
مشتاكه روحي
اشلون الگلب ينساهم
أهلي صـعب فـركاهم
أنه العليله أنه العليله
---------؛؛؛؛؛؛--------
گـلمات
سيد حــمزه الأعـرجي
انه العليله عافوني أهلي ابغربتي
انه العليله محتاره واتهل دمعتي
راحو هـلي وخلوني
بس دمعـتي بعيوني
انـه العليله
---------------؛؛؛؛؛؛؛؛؛---------------
حلوه الحياة اويه الأهـل والعـيشه حلوه اوياهم
ربوني أهلي امن المهد اشلون الگلب ينساهم
حسبت كلشي امن الدهر ماحسبت فرگاهم
عافوني وحدي وسافـراو وانطر أنه الملگاهم
إنه العليله حيلي انهدم ظهري انحنه
إنه العليله فـراك الأهـل يـوم ابـسنه
ماصدكت يـنسوني
بس دمعتي بعيوني
إنـه العليله
---------------؛؛؛؛؛؛؛؛؛؛---------------
إنه العليله فاطمه راحو هلي وخلوني
محتاره بس أجري الدمع وأنه ابمرض يدروني
گلبي مشه ويه الظعن روح ابجسد عافوني
شلي ابحياتي ابلا أهـل والـمن أديـر اعـيوني
إنه العليله من يمي مـن سار الظعن
إنه العليله جم طعنه أحس گلبي انطعن
نرجـع ألـچ نادونـي
بس دمعتي بعيوني
إنـه العليله
--------------؛؛؛؛؛؛؛؛؛--------------
يابويه صعبه فرگتك شلي ابحياتي ابدونك
مايـسوه يابويه العمر لو ماأشوف اعـيونك
يابويه خاف ابروحتك جيش العده ايغدرونك
توگع صريع اعله الثره ومن الگفه ايذبحونك
إنه العليله ماريده عكبك هالعمر
إنه العليله وياك أخذني ابهل سفر
رحتوا وأنـه عفتوني
بس دمعتي بعيوني
إنـه العليله
---------------؛؛؛؛؛؛؛؛؛؛؛---------------
يابويه عني من رحت تنساني لو ليه ترد
راح ابقه أتاني الجيتك وعيوني لدروبك تصد
أتمنيته عبدالله يظل متعوده اهزن بالمهد
مابيه أحمل فرگته ماشوفه لو شوفه بـعد
إنه العليله عني مشوا كل إخوتي
إنه العليله ظلمه اوگئيبه دنيتي
لمته هلي يلفوني
بس دمعتي بعيوني
إنـه العليله
--------------؛؛؛؛؛؛؛؛؛؛--------------
ماظل بعد عندي صبر صعبه الحبيب افراگه
أومن الألم چبدي انمرد ونـار الگلب حراگه
يابويه تدري الشوفتك والله اشكثر مشتاگه
انثر دروبك بس ورد من ترجع اونتلاگـه
إنه العليله يابويه يايوم اوترد
إنه العليله وعيوني لدروبك تصد
ابياحاله لوشفتوني
بس الدمع بعيوني
إنـه العليله
--------------؛؛؛؛؛؛؛؛؛--------------
وياهم أتمنه رحت فراك الأهل شل حالي
طفله اوغريبه ابلا ولي حيل انمرد دلالـي
عافوني أهلي ابحيرتي راح العزيز الغالي
وحشه الديار ابلاهلي ظليت انه ابلاوالي
انه العليله تمنيته يلفيني الأجل
انه العليله شلي ابحياتي ابلا اهل
أهلي ابمرض يدروني
بس دمعتي بعيوني
إنـه العليله
---------------؛؛؛؛؛؛؛؛؛--------------
گـلمـات. سيدحـمزه الأعـرجي
(مقدمه)
موكب عزانه دائم حتى ظهور القائم
يافاطمه يافاطمه
•••••••••••••••••
اتمر السنين اعلينه وعلينه أدور
خـدام نبقه أشما يجينه عاشور
كل واحد اعله حسين كلبه مچمور
فدوه عمرنه الكم يزهره منذور
ماتطفه نار الخادم حتى ظهور القائم
يافاطمه يافاطمه
••••••••••••••••••
امفضله علينه ياالزجيه اهـوايه
شمانخدم احنه عدنه موش كفايه
نحظر مجالس وين ماكو أقرايه
نـتعنه الهه ياالزجـيه اعـنايـه
منفارك المأتم حتى ظهور القائم
يافاطمه يافاطمه
•••••••••••••••
يالزهره يوم حسين ابد ماننساه
بطول العمر نبكه نعيش أبذكراه
وابكل وكت نهتف نظل حسيناه
مـاتـطـفـه نـار امصيبتـه لاواللـه
بيك المحب ظل هايم حتى ظهور القائم
يافاطمه يافاطمه
••••••••••••••••••
مـن هـل مجالـس أحـنه أتربـينه
يالزهره وانتي كل عزه اتحظرينه
اليخدم اوليدج نـدري ماتـنسينه
ابدفتر الخدمه ابكل عزه سجلينه
سجليني عدكم خادم حتى ظهور القائم
يافاطمه يافاطمه
••••••••••••••••••
بعاشور كالونـه أللطـم لامـو دوم
ماتـدري عاشور اليمرنـه كل يوم
حـسين واللـه مـن اجلنـه مظلوم
كون المصابه مو دمع نبچي ادموم
خله يلوم الأئم حتى ظهور القائم
يافاطمه يافاطمه
••••••••••••••••••
من عابس أتعلمنه حبنه أومن جون
يحسين الك بينه صبح چم مجنون
شعلينه بيهه الضدنــه واليـعـادون
وافقنه الله أوهمه تالي أيخسرون
كلمن حجاهه نادم حتى ظهور القائم
يافاطمه يافاطمه
•••••••••••••••••••
كلمات
سيد حمزه الاعرجي
مقدمه
آ يـزينب
امن الـمصايب ياهو گلبج صبره
آ يـزينب
ايعينج الله من مشيتي أميسره
آ يـزينب آ يـزينب
-----------؛؛؛؛؛؛؛؛؛؛؛؛؛-------------
شنهو حالج
من بگيتي وحدچ برض الغرب
شنهو حالج
آ يـزيـنب والدمـع مـنج يـصب
شنهو حالج
وكل اخوتج نومه ظلوا عالترب
آ يـزينب
وين عنچ راح سـبـع الگـنـطره
----------------؛؛؛؛؛؛؛؛؛؛؛؛؛--------------
وين اخوتـج
ليش وحـدج يـاغـريـبـه ابـكربله
وين اخوتـج
امن الوطن انتي الأجيتي امدلله
وين اخوتـج
حــايـره ظلـيـتـي بــيـن العايـله
آ يـزينب
والخيم محتركه گلهه اموجره
----------------؛؛؛؛؛؛؛؛؛؛؛؛--------------
الدنيه ظلمه
اشلون ظليتي اوكعتي أبلاخيام
الدنيه ظلمه
والطفل أيخاف تدرينه ابـظلام
الدنيه ظلمه
اشلون لميتي اوتـصبرين اليتام
آ يـزينب
لو گظيتي الليل وحدچ ساهره
--------------؛؛؛؛؛؛؛؛؛؛---------------
چـم مصيـبه
شفـتي يازينب يبت حامي الدخيل
چـم مصيـبه
ابطيحت الـعباس صرتي ابلا گفيل
چـم مصيـبه
دنـيـتـچ بـعيـونـچ اتـحولـت ليل
آ يـزينب
وانتي جيتي اويه اخوتچ أمخدره
-------------؛؛؛؛؛؛؛؛؛؛-----------
شنهوصاير
راحو اهلچ وأنـتي ظليتي وحيده
شنهوصاير
والـوطن عن كربله صـارت بـعيده
شنهوصاير
بالغرب ظلـيـتي يابـنت الصميده
آ يـزينب
بـين چم طفله وطفل متحيره
--------------؛؛؛؛؛؛؛؛؛؛-------------
يابـوفاظل
من نخيتي وماألچ يرجع جواب
يابـوفاظل
گلبچ المجروح جن يحمل عتاب
يابـوفاظل
ذاك أخوك حسيـن نايم عالتراب
ا يـزينب
شفتي اخوج حسين گطعوا منحره
---------------؛؛؛؛؛؛؛--------------
من مـشيتي
غصب عفـتي حسين جثه أمسلبه
من مـشيتي
مجـتـفـه عـالنوك رحـتي رآكـبـه
من مـشيتي
والشمر بالـصوط مـتـنـچ يضربه
أ يـزينب
والگـفل خدرچ رمـيه عالـثره
--------------؛؛؛؛؛؛؛-------------
ايعـينچ الله
اشفتي بعيونچ يزينب چم رزيه
ايعـينچ الله
من عكـب ذاك الـخدر لنج سبيه
ايعـينچ الله
عفتي اخوتج نومه ظلو عالوطيه
ايـزينب
ياصـبر مـثلچ تـحمله يآمــره
---------------؛؛؛؛؛؛؛؛-------------
گـلمات
سيد حـمـزه الاعـرجـي
نزال +شور
يـبـوفاظـل ويـنك
فدوه اروح العينك
اتـصيح أخـتك زينب
--------------؛؛؛؛؛؛------------
حـايره أبـلا والي
اتـنادي يا گـفـالي
كـوم عـاين حالي
ميته ريت أشوالي
بـالـغرب أتـعذب
------------؛؛؛؛؛؛؛؛؛؛؛----------
ياكـمر چـا ويــنـك
فدوه اروح العينك
وحده ظل حسينك
كـوم رد جــفـيـنك
نـار گـلبي يـلـهـب
------------؛؛؛؛؛؛؛؛؛؛؛؛؛-----------
كـــوم يـاوالــيـنـه
منـهو الـيحامـيـنه
تنادي عمي سكينه
يـاكــمـر رد لــيـنه
تـنادي عمي اوتـنحب
-------------؛؛؛؛؛؛؛؛-------------
حسين كطعوا نحره
خيل سحگت صدره
دامـي ظـل عالـغبره
زينب أخـته أتـنظره
جـسمه دامي أمخضب
------------؛؛؛؛؛؛؛؛؛-----------
والـخيم حـرگوهه
والـهزل جـابـوهـه
زينب ايـئسـروهـه
والعده ظـربـوهـه
وبـسمك اتـظل تـندب
-------------؛؛؛؛؛------------
خويه ياضي عيني
ياكـمر حـاجـيني
عدمـن أمخلـيني
للـوطـن وديـني
خـويه راح أتـسلـب
--------------؛؛؛؛؛؛؛-------------
كـوم يـابـو الـغيره
زيـنب إنـه ابحـيره
راح اروح أيـسيره
خويه والچم ديـره
وحـالة أخـتك تـصعب
--------------؛؛؛؛؛؛؛؛--------------
گلمـات
سيدحـمزه الاعرجــي
يابوفاضل من رحت ليه ترجع حسبت
خويه ظليت أنتظر مارجع منك خبر
لـيه ترجـع حسبت
------------؛؛؛؛؛؛؛---------------
يابوفاظل انه زينب ارحم ادموعي التصب
من رحت عني يخويه وياك احس راح الگلب
وانتظرتك ليه ترجع عيني ظلت عالدرب
تدري خويه اخلاف عينك موقفي كلش صعب
حايره ودمعي يگت عليه خويه تاخرت
الجيتك طال النظر مارجع منك خبر
ليه ترجع حسبت
-------------؛؛؛؛؛؛-------------
من رحت والجود بيدك كلت ارويهه الحرم
شفت چم طفله يخويه تبجي واتنوح ابالم
وچم طفل أيده على خده وكاعد ابـسد الخيم
ينتظر جيتك يگافل لمته ترجع ياشـهم
وعينه ظلت عالدرب والعطش فت الگلب
والظمه يسعر جمر مارجع منك خبر
لـيه ترجع حسبت
---------------؛؛؛؛---------------
وينه وعدك يالكلتلي للخيم زيـنب ارد
واروي كل هاي العطاشه وطفي نيران الجبد
چم طفل شفته يخويه يبچي حته البلمهد
من رحت والجود بيدك خايفه وگلبي انمرد
أدعي اللـه وبألم سالم اترد للخيم
لمته ترجع ياكمر مارجع منك خبر
لـيه ترجع حسبت
--------------؛؛؛؛؛؛؛-------------
من رجع حسين شفته يعثر ومحني الظلع
مابقه كل حيل عنده للخيم لمن رجع
الحالته گلبي لجمني كتله خويه اشهل الوظع
كلي طاح احزام ظهري اوحيلي يازينب وكع
راح مني سلوتي ظلمه صارت دنيتي
ظهري ياخويه نكسر مارجع منك خبر
لـيه ترجع حسبت
-----------؛؛؛؛؛؛؛؛؛------------
حسين والدمعه ابعيونه من طحت ماظله حيل
وأنه من بعدك يغالي انهاري دونك چنه ليل
رحت عني ومنهو اليه خلاف عينك يالكفيل
راح أظل خويه بغيابك بس دمع عـيني يسيل
روحي ملهوفه بكت عيوني بالفرگه بجت
يالطحت فوك النهر مارجع منك خبر
لـيه ترجع حسبت
------------؛؛؛؛؛؛؛؛------------
عالنهر نايم يخويه وعيني ظلت هامله
من اشوف حسين وحده اخلاف عينك منهوله
كوم ردني للمدينه اوياك اجيت امدللـه
خويه من دونك غريبه اوعمله عملة كربله
كوم ياغيرة علي يابوفاظل منهولي
خايفه من الدهر مارجع منك خـبر
لـيه ترجع حسبت
-------------؛؛؛؛؛؛؛؛----------
كوم ياعباس خويه حسين ريتك تنظره
وحده بالميدان حاير ماله واحد ينصره
اوكل أهل بيته رميه كبال عـينه اموذره
وأنه خاف اخلاف عينه خويه اروح اميسره
صعبه اظل ابغربتي ومن ينشف دمعتي
ريته لاطال العمر مارجع منك خبر
لـيه ترجع حسبت
---------------؛؛؛؛؛؛-----------------
گـلمات
سيد حــمزه الأعــرجي
زينب وحيده ابگربله يـعباس
محتاره بـيـن الـعايله يـعباس
ظلت تنادي إم الخدر ولاواحد اليمهه حظر
يـعباس يـعباس
*****
هاي زينب بت علي حامي الحميه
بالغرب ظلت وحيده ابهل مسيه
اتمنت ابهل ساعه تلفيهه المنيه
حين شافت كل اهلها اعله الوطيه
ماتدري مـن يوم الغـبت يگفال
زينب تره اخلافك بگت يگفال
والجيتك تربي النظر ولاواحد اليمهه حظر
يـعـباس يـعـباس
*****
هاي زينب حايره ابغربه هظيمه
لااخو عدهه بگه ولاعدهه خيمه
من عگب ذاك الخدرتسكن ابهيمه
جم طفل ظاع اوتدور جم يتيمه
بحرك الخيام اطشرت هل أيتام
وزيـنب عليهم دورت هل أيتام
ظاعوا ولامنهم خبر ولاواحد اليمهه حظر
يـعـباس يـعـباس
*****
شردت أمن الخيل من حرك الخيام
جم طفل مرعوب فر مثل الحمام
والطفل ايخاف لـو حـان الظلام
لاخـيم لاوالي وابـسـده تـنام
من هجمة خيول اوزلم عالاطفال
شبـوهـه نـيران الخـيم عالاطفال
وجم طفله تسحك عالجمر ولاواحد اليمهه حظر
يـعـباس يـعـباس
****
ابغيبتك عباس زينب عذبوهـه
من طحت وليه عگب عينك ولوهه
ريت حاظر يمهه ياعباس اخوهه
صاحوا أمن الخيمه زينب طلعوهه
لاوالي عدهه ولاحمه بهذا الحال
ظلت وحيـده امـألمه بهذا الحال
من هجمت أجيوش الكفر ولاواحد اليمهه حظر
يـعـبـاس يـعـبـاس
*****
صعدت اعله التل تنادي يابـوفاضل
زينب أنـه والدمع ضل منهـه سايل
ليش ياخويـه عـفـتني ابلايه گافل
كوم شوف شسوت ابحالي العواذل
صعبه اظل وحدي ابغرب يخويه
ترظاهه بالـصوط انظرب يخويه
ويظربها بالصوط الشمر ولاواحد اليمهه حظر
يـعـبـاس يـعـبـاس
***
شحال زينب ظلت ابموقف صعب
كل أهلها نـومـه ظلوا عاالتـرب
وسفه بالصوط الاعادي تنظرب
تمشي مسبيه العقيله اويه الغرب
رأس الگفلها اعله الرمح تشوفه
حسين اخـوها المـنذبح تشوفه
مجتوفه راحت باليسر ولاواحداليمهه حظر
يـعـبـاس يـعـبـاس
*****
گلمات
سيد حمـزه الأعـرجي
عباس ها يعباس عباس ها يعباس
لا تـظل نايـم عالنهر
ياخويه داهمنه الخطر
عباس هـا يـعباس
-------------؛؛؛؛؛؛؛؛؛؛؛؛؛؛-------------
عباس ها يابالفظل موقفنه ياخويه صعب
محتاره ماعندي ولي ظليت بس دمعي يصب
وياك أجيت امدلله تاليهه أنسب وانضرب
زيـنب إنه ام الخدر محتاره بديار الغرب
ريتك تعاين حالي ظلينه وبلا والي
عباس وينك ياكمر
ياخويه داهمنه الخطر
عباس هـا يـعباس
------------؛؛؛؛؛؛؛؛------------
عباس لاتنـسه العهد وهاي الوصيه ابركبتك
حين الاجينه أمن الوطن أمك يخويه أشوصتك
آخر كلام أتكلمك اوشدت طلبهه أبرايتك
گالتلك أبدمع اليهل زيـنب أمانه ابذمتك
هذا الطلب الشدته شنهو يخويه الطلبته
عن حالي تسمع بالخبر
ياخويه داهمنه الخطر
عباس هـا يـعباس
--------------؛؛؛؛؛؛--------------
منهو اليردني للوطن ظليت ماعندي ولي
حسين ظل فوك الثره عالنهرطايح گافلي
وين أمشي أروح الياكتر حرمه وغريبه منهولي
محتاره بطفال أوحرم أنه العقيله بت علي
لاخيمه ظلت لـينه خيم الليل علينه
ذبلت عيوني امن السهر
ياخويه داهمنه الخطر
عباس هـا يـعباس
---------------؛؛؛؛؛؛؛؛؛؛؛؛-------------
ظليت نايم عالنهر وأنـه بگيت أمحيره
حرمه وغريبه ابلاولي زينب أنه بت حيدره
ياخويه ترضه لورحت من يمك أمشي اميسره
ألمن اصيحن لوردت وحسين گطعو منحره
عالرمح رأسه مرفوع وطفاله تبچي وتلوع
عالغبره ظل جسمه وذر
ياخويه داهمنه الخطر
عباس هـا يـعباس
------------؛؛؛؛؛؛؛؛؛؛؛؛--------------
ياخويه لوعني زجر أكعد أوشوف أمتوني
يظربني ماعنده رحم فوك الظرب شتموني
ويگلي وينه گافلج أجري الدمع خلوني
عباس مايرجع بعد وعالنهر تربي اعيوني
وينك يراعي الغيره ياخويه طحنه ابحيره
ترضاهه اروحن لليسر
ياخويه داهمنه الخطر
عباس هـا يـعباس
----------------؛؛؛؛؛؛؛؛؛؛؛----------------
عنك غصب خويه رحت فوك الهزل ياباالفضل
مشبوحه عيني الجثتك موقف يخويه مو سهل
ياخويه من يوم الطحت والصوط لوع چم طفل
وراسك اشوفـه عالرمح ودموعي عالوجنه تهل
فوك الهزل مجتوفه عنك رحت للكوفه
واليحدي بالناگه الشمر
ياخويه داهمنه الخطر
عباس هـا يـعباس
------------------؛؛؛؛؛؛؛؛؛؛---------------
شحجيلك اصار اوجره ويلي الدهر شيبني
چم نايبه ابعيني شفت گظيت ظيم أسنيني
والشام ياخويه الأشد ريت ألاجل يلفيني
ياخويه من ذاك الدرب ولالحظه نامت عيني
من غـيبتك شفت المحن ريتك تردنه للوطن
لا مارحم بـيه الدهر
ياخويه داهمنه الخطر
عباس هـا يـعباس
--------------؛؛؛؛؛؛؛؛؛؛؛؛؛--------------
گـلمات
سيدحــمزه الاعـرجـي
راحت ألايام ماترجـع بـعـد
جنت الولي نام يمه يالولـد
نـام عـبداللـه يبني
نـام عبـداللـه يبني
--------------؛؛؛؛؛؛-------------
يالرحت وياك راحت فـرحـتي
يالجنت شمعه وتضوي ابدنيتي
شنهو ذنبك تـنذبح يـرويـحـتي
وگلبي من فرگـاك يايمـه انمرد
نـام عبـداللـه يـبـني
-------------؛؛؛؛؛-------------
لحضه مااگـدر عـنك أفـتـرك
بلايه صوتك يمه گلبي يحترك
من گثر ماشلتك امـتوني زرك
وانحني يمك واهزن بـاالمـهد
نـام عبـداللـه يـبـني
------------؛؛؛؛؛؛--------------
شما أهز مهدك يعـبداللـه ابحزن
تعاشرالصفنات روحي امن أرد اون
بعـد طولك يـمـه ماغـمض جفـن
وحيلي من فرگاك يوليدي انظهد
نـام عبـداللـه يـبـني
------------؛؛؛؛؛؛؛؛؛-----------
يالرحت عني وعفت ليـه الألـم
وحيلي من فرگاك يايمـه انهدم
اترد إليه تالـي مذبـوح ابـسهم
شنهو ذنبك مـنـذبـح لـيـه تـرد
نـام عبـداللـه يـبـني
----------؛؛؛؛؛؛؛؛؛؛------------
غفله يايمه وعـن عـيني غبـت
وداعة اللـه ليش يمـه ماگـلـت
أنتظر تـرجـع إلـيـه حـســبـت
وابسهم ماأدري روحك تنخمـد
نـام عبـداللـه يـبـنـي
-----------؛؛؛؛؛؛؛؛؛؛؛؛----------
ويلي واويـلأ مــنج كــربلـه
ماشفت بس المصايب والبله
شنهو ذنبه طفلي صابه حرمله
راح أظل باالنوح والهم للأبـد
نـام عـبداللـه يـبـنـي
-----------؛؛؛؛؛؛؛؛؛؛؛------------
گــلـمـات
سيدحــمـزه الاعـرجـي
نزال
فخور أنه أبخدمتك جبل بعيوني شفتك
حبـيـبي ياحسين
----------------؛؛؛؛؛؛؛؛؛؛؛؛؛----------------
إنه خادم كل حياتي وأهـتف اباسـمه
ساكن ابگلبي وظميري حب ابـوالـيمه
حسين جنن عقلي حبه وعقلي
ظل يمه
ريت كل عمري ابجواره وعطره اشتمه
وحك الله ونبينه تظل كعبه علينه
حـبـيـبي ياحسين
------------------؛؛؛؛؛------------------
حسين جنه أومانعوفه هذا واقعنه
واحنه ابهل دنيه ابداً غيره ماعدنه
عالبشر رحمه محبته هذي من ربنه
أوغـير ابواليمه يعالم ماحله حـبنه
ألك روحي هديه وحك ظلع الزجيه
حبـيـبي يـاحسين
---------------؛؛؛؛؛؛؛؛؛؛؛----------------
اگظي كل عمري أبخدمته ناذر اسنيني
أنسه أسمي ومانسيته أوصورته أبعيني
حسين هوه كل حياتي وگعبتي وديني
لو يذبحوني أعله دربه فدوه لحسيني
سگن حبك گلبنه تظوي انته دربنه
حـبـيـبي يـاحسين
----------------؛؛؛؛؛؛؛؛؛؛؛؛؛------------
أحنه ماعدنه وسيله غير أبـوالاكـبر
حب الحسين ابگلبنه أويانه ظل يكبر
باچر ابيوم القيامـه الخادمه يحظر
مايعوف اللي يخدمه والله بالمحشر
تظل انته الوسيله ذنوب ألنه ثجيله
حـبـيـبي يـاحسين
-----------------؛؛؛؛؛؛؛؛؛---------------
باچـر أبـيوم القـيامـه عـينك أتـنـظـره
يالـتخدمـه مايعـوفـك لاوحـك نـحره
ابكل مجالس من تشوفك تحضر الـزهره
تصيح هذا الخدم أبني أشگد لطم صدره
شرف ألنه الخدامه تظل يوم القيامه
حـبـيـبي يـاحسين
--------------؛؛؛؛------------------
گلمات
سيد حـمـزه الاعرجي
يحسين يابعد الروح عالغبره شفتك مذبوح
وامصابك الالمني ماأنسه يومك يبني
عالغبره شفتك مذبوح
*****
يايمه ومصابك فلا لحضـه انساه
بطول الدهر يوليدي اعيش ابذكرا
كل مجلس اعله امصابك أنه اتعناه
اگعد اكبال الينعي وأصرخ ويلاه
انحب واون هاي اسنين مانسه يومك يحسين
اومحد يسـمعه وني ماانسه يومك يبني
عالغبره شـفـتك مـذبوح
*****
ارتاح يبني بمجلسك من أحظر
وأتالـم أمن اذكر ييمه المنحر
يحسين يبني اصيحن الله أكبر
الطم عليك وظلعي خل يتكسر
اگعـد اكبال الينعي ونساني يبني ظلعي
واعله البچي ساعدني ماانسه يومك يبني
عالـغبره شفتك مذبوح
****
وينه اليجي وبلمجلس ايساعدني
يبچي على مصابي وينوح اعله ابني
مو كسر ظلعي اومحنتي ألالمني
امصاب الغريب ابكربله الصوبني
مصابه فلا مثله مصاب نساني ظلعي والباب
ومصابه زيد حزنـي ماانسه يومك يبني
عالغبره شفتك مذبوح
****
ماانسه يوم العاشرأصعب لوعه
من يوم والهذا الوكت مفجوعه
حته العرش الحالي هل ادموعه
من بيدي لميت الحسين أظلوعه
من الكفه ابني منحور چم ظلع منه مكسور
بسهمه الدهر صوبني ماانسه يومك يبني
عالغبره شفتك مذبوح
***
ماانسه زينب من بگت بين انذال
لاوالي عدهه وحايره ابهذا الحال
لاخيمه ظلت بيها تجمـع اطفال
ظلت وحيده والدمع ظل همال
محد بقه ايحاميهه شلون الدهر يسبيهه
مصاب الخدر شيبني ماانسه يومك يبني
عالغبره شفـتك مذبوح
****
أتذكر امصابه اوتهل عيني ادموم
وابكل واكت انصب عزه عالمظلوم
وللثار أتـنـطـر واتـانـي كـل يــوم
والمهدي يأخذ ثاره من هاي الكوم
ثارك ييمه ماضاع للمهدي انصاراسباع
يحسين ياضي عيني ماانسه يومك يبني
عالغبره شفـتك مذبوح
****
گلمات
سيد حـمـزه الاعرجـي
نزال
ام البنين اتنادي عباس عباس
صوت بالهم يعتلي يبني ياغيرة علي
عباس عباس
**
يبني ياعباس عـندي حجايه
يمه جيتك گاصده ابهل غايه
أمك انـه اوجـيت الك عـنايه
أنـتـه يـوليدي تـشيل الـرايه
بيدك الرايه تظل يبني اعرفنك بطل
وخلهه بيدك تعتلي يبني ياغيرة علي
عباس عباس
****
خـدر زيـنب يـبني انـتـه گـافله
اويـاك ياعـباس تـمـشي امدلله
أذكـر اوصـيت علي عـقد الـوله
اوياك زينب گال تمشي الكربله
بزينب انته أتكفلت من أجلهه انته صرت
وانتـه گـلهـه أدللي يبني ياغيره علي
عباس عباس
****
هـاي زيـنب ديـر بـال اعـليهه
روحك الاجل العقيله افـديهه
الگافل انته وأنتـه التحاميهه
اوكلشي تطلب منك أتوافيهه
يبني هيه الربتك زينب أشكد شالتك
عليك كالت گافلي يبني ياغيرة علي
عباس عباس
***
طلـع ظـعـن الـعايلـه مـن الـوطن
وطلـعت اويا الـعقيله ام الـحزن
ظلت ام الاربعـه أبلوعه اومحن
اتصيح الله اوياك ياحادي الظعن
حـايره ام البنين تعاين اوتهمل العين
تصيح منهوالضل الي يبني ياغيرة علي
عباس عباس
*****
ابـياوضـع ام الـبـنـين أويـا ألــم
من تـعايـن زيـنب أوياهه الحرم
شافـت الـعباس أبـجـفـه الـعلم
الحيل منهه ابفكد الاحباب انهدم
چم حبيب الفكدته حسين تصعب فركته
أتصيح ياروحي وهلي يبني ياغيرة علي
عباس عباس
****
مـادرت ام الوفه ابحاله أشجره
عـالـنهـر عـباس جــثـه أمـوذره
مادرت بحسين گطعوا منحره
زيـنب الـحره مـشت أمـيسره
مادرت بارض الطفوف حاضره ريت اوتشوف
بغربه زينب تنولي يبني ياغيرة علي
عباس عباس
**
حسين يبني أتصيح كل صبح اومسه
لـحـضـه وحــده يـمـه گـلبي مـانـسـه
ريـت يـلـفـيـني الاجـل عـكـبك عـسه
بـيوم من سـار الـظـعن عـني اومـشه
يبني من يوم المشيت وانه بالفرگه انتهيت
ابعمري من بعدك شلي يبني ياغيرة علي
عباس عباس
****
گـلمات
سيدحـمزه الاعـرجي
حيدر بويه احظر بويه
محد رحمنه حرگوا خيمنه
احظر بويه
-------------؛؛؛؛------------
بويه ناديتك تجيني أبهل مسيه
تشوف حالي ياعلي حامي الحميه
حايـره وحدي بگيت أبيا رزيه
ويـن اروح الياكـتر بالغاضريـه
فكري أتحير صدري أتوجر
لاوالي يمنه حرگواخيمنه
احظر بويه
---------------؛؛؛؛؛؛--------------
بالغرب وحدي يبويه أبلايه والي
بس حرم عندي بگت وأنه الجرالي
بويه أحظر هالمسيه اوشوف حالي
ابعمري ماواحد نظر حته الخيالي
يجري دمعي عاين وضعي
بويه انهظمنه حرگوا خيمنه
احظر بويه
--------------؛؛؛؛--------------
بويه كوم اوشوف من حرگوا خيامي
كـوم لم أوياي سـاعـدني أبيتامي
وحدي ألم بالعيله ماالهه محامي
شكثر ناديتك يبـويه وگلبي ضامي
وابـن الـزهره كـطعوا نحره
ياهو اليلمنه حرگوا خيمنه
احظر بويه
---------------؛؛؛؛--------------
إنـه زيـنب ياعـلي انــه الغريبـه
حرت يابويه وعليه چم مـصيبه
حسين أشوفه عالترب چثه سليبه
منهواليه ياعلي شخـصك يجـيبه
انظـر حالي لم أعيالي
محد حشـمنه حرگوا خيمنه
احظر بويه
---------------؛؛؛-------------
والگفلني اعله النهر كطعوا جفوفه
بويه ياريتك تجي اوعـينك تشوفه
شلون أمشي اميسره اونايم اعوفه
يـمه أرد اتـعـنه واشكيله واطوفه
إنــه زيـنــب خـدري أتـسلب
ابطيحة علمنه حرگـوا خيمنه
احظر بويه
---------------؛؛؛؛؛؛؛-------------
مـن بعد عباس صرت إنه الگفيله
بويه ياحيدر صحت عندك دخيله
مـن عكـب ذأك الخـدر لني ذليله
للـيسر أمـشـي على نـوك الهزيله
تالي أتيـسر وابجـف الشر
لا مـاسلمنه حرگوا خيمنه
احظر بويه
---------------؛؛؛؛--------------
عفت أخوتي عالثره وعنهم مـشينه
غصب مـشـوني يـبويـه وأنسبـينه
كوم وابدرب السبي والحك علـينه
حيـل أذانــه الحـبـل وارم أديـنـه
وشگد صعبه الديرة غربه
ذبـحوا زلمـنه حرگوا خيمنه
احظر بويه
-----------------؛؛؛؛؛-----------------
گلمات
سيد حـمزه الاعـرجي
(زينب وامها الزهراء ع)
يمـه يمـه
صورة امصابج أبد متروح عن بألي
يمـه يمـه
من صغر سني مشيتي واشجره أبحالي
عمري گضيته مصاب
الدنيه راوتـني عذاب
يــمـــه يــمــه
@@@@****@@@@
يمه عفتيني ابزغر سني أومشيتي
ريت قبلج يـمه وافـتني منيتي
غصب رحتي عني لو أنتي الرضيتي
للأجل شفـتج ييمه أشگد دعيتي
رحتي رحتي
وانه من دونج ييمه مانمت ليلي
رحتي رحتي
مصابچ العذبني يحبيبه اوهدم حيلي
أشلون ظماج التراب
الدنيه راوتني عذاب
يــمــه يــمــه
@@@@****@@@@
يمه ريت أوياج وافتني المنيه
وحدي عفتيني اومشيتي يالزجيه
دنيتي اخلافج صفت هم اوأذيـه
والكسر ظلعج ييمه أشسـوه بـيه
صعبه صعبه
الدنيه مارحمة أبحالي لو تشوفيني
صعبه صعبه
امن المصايب مابقه بيهه دمع عيني
اويه الزمن عندي عتاب
الدنيه راوتني عـذاب
يــمــه يــمــه
@@@@****@@@@
رحتي عني ودارج أبعيني مظلمه
عفتي ذكره ثوب الي وكل ساعه أشمه
اومن أنام الليل يمه ابحضني اظمه
عطرچ أشتمه واصيحن يمه يـمه
بـيه بـيه
مادريتي ابحالي وحدي واسچب العبره
بـيه بـيه
ماطفت نار ابدليلي تسعر الجمره
گلبي من جروحه ذاب
الدنيه راوتني عـذاب
يــمــه يــمــه
@@@@****@@@@
يمه من يوم المشيتي وحالي ياحال
ريت عمري أوياچ راح وريته لاطال
جرحج أبگلبي يظل يحبيبه چتال
همي من دونچ ثگل أبثگل الأجبال
دنـيه دنـيه
صعبه من دونج ييمه بـيه ماترحم
دنـيه دنـيه
بيهه راح أبقه اوتظل عن حزني تتگلم
أتألـف الحزني گتاب
الدنيه راوتني عذاب
يــمــه يــمــه
@@@@****@@@@
ظلعچ المگسور خله ابگلبي حسره
لايرحمه اللـه الدفـع بابچ يـزهـره
من أشـوف الباب حالج يمه أذگره
طحتي والمحسن وگع وابعيني انظره
منـه منـه
والظلع گسره صعب ماشفـتي كل راحه
منـه مـنـه
امن الألم ليلج گظيتي حسره وانياحـه
آه مـن عصرت الباب
الدنيه راوتني عذاب
يــمــه يــمــه
@@@@****@@@@
گلمات سيد حمـزه الأعـرجي
(زينب وافقد امير المومنين ع)
زيــنب هـالليلـه ابياحاله
دمعتهه اعله الخد هماله
شافت حيدر راسه امطبر
اللهُ أكبر اللهُ أكبر
******
مـثل هـالليله زيــنب حالها مـتـعـوب
سمعت صوت اويلي راح داحي البوب
على مصابه تنوح الكوفه من كل صوب
رد لـلــدار وبـراسـه عـلي مـصـيـوب
راسـه مـخضب مـن الـطبـره
حمره هدومه امن الدم حمره
يمشي ويعثر راسه امطبر
اللهُ أكبر اللهُ أكبر
****
حيـدر طـاح ينـزف دمـه بالـمحراب
ومن صاح المنادي راح داحي الباب
زيـنب سمعته اومنها الدمـع سجاب
وجرحهه البلگلب ليهسه ابد ماطاب
شيب گلبهـه هــل خــبر
سمعت علي راسه انطبر
صـاح وگـبر راسـه امطبر
اللهُ أكبر اللهُ أكبر
****
يـعيـن اللـه گـلب زيــنب هذاك الـيوم
تطيح اعله الوجي بمصابه نوبه اتكوم
من شافت ابـوهـه جرحه يدي ادموم
حسن وحسين يبجي وياهه وام كلثوم
ابياحاله صارت حالتهم
يبجون الحالت والدهم
بصعب منظر راسه امطبر
اللهُ أكبر اللهُ أكبر
****
مـن دونـك بعـد ماتـسـوه هـل أيام
ليش اويانه شخصك ياعلي مـادام
صاحت گلهه أرجـع ياعـلي الايـتام
تنحب كل مسيه اوتلطم اعله الهام
ظلت تنحب كل ايتامك
فگـدت ياحــيدر أيامـك
الكون اتحير راسه امطبر
اللهُ أكبر اللهُ أكبر
*
زينب صاحت ودمعتها وسط العين
بويه خلاف عينك أنطي وجهي وين
خيمه انـته علينه والله يابو حسين
يريت اوياك يابـويه لفانـي البـين
ماتسـوه الدنيه مـن دونك
شلي بعمري ابدون عيونك
فارس خيبر راسه امطبر
اللهُ أكبر اللهُ أكبر
*
كلمات سيد حمزه الاعرجي
(كلام مولاتي ام البنين ع)
آه يالاحباب طال الغياب
انتظر جيتكم ودمعاتي بالعين
گلبي محتار يشتعل نار
اشگثر مشتاگه لك يوليدي يحسين
*********
عني رايح
وأنه أگول اليوم لو باجر تجيني
عني رايح
وانتظر اعله الدرب وربيه عيني
عني رايح
فدوه لك يحسين كل عمري وبنيني
عني رايح
بروحتك يوليدي چايمته تجيني
بدمعي ناديت ياضوه البيت
مانمت ليلي أناطر يالرحت وين
گـلبي محـتار يشتـعـل نـار
اشكثر مشتاگه لك يوليدي يحسين
******
مقصره اوياك
خادمه لو افدي عمري ماأوافيك
مقصره اوياك
لويصير ابوسط گلبي جنت اخليك
مقصره اوياك
شما اظحيلك أحسن ماأجـازيك
مقصره اوياك
گون افتح گلبي يوليدي وراويك
روحي انته گلبي أخذته
أبغيبتك ميتـه عـساهـه ام البنّين
گلبي محتار يشـتعل نار
اشگثر مشتاگه لك يوليدي يحسين
****
صعبه صعبه
ايعينه الله الفاگد الغالي اعله گلبه
صعبه صعبه
ينتظر يوميه جيته اويدعي ربـه
صعبه صعبه
الفاكد الغالي تظل عينه اعله دربه
صعبه صعبه
وانـه يوليدي أحس أيامي غربـه
ظلمـه دنياي لمته لي جاي
وأنثر دروبك ورد أبدال الونيـن
گلبي محتار يشـتعـل نـار
اشگثر مشتاگه لك يوليدي يحسين
*******
يمته أشوفك
يبواليمه الجيتك ظليت أتاني
يمته أشوفك
ولاخبر وديـت لاطارش لفاني
يمته أشوفك
گلبي لاچمني عليك اوظل يعاني
يمته أشوفك
گمت اعد الجيتك واحسب ثواني
مابقـه حيل مساهره الليل
أبقـه أناطر جـيتك أبطول السنين
گلبي محتار يـشـتعـل نـار
اشكثر مشتاكه لك يوليدي يحسين
***
آه ييمـه
بـغيـبتك گلبي احسنـه لـجـمـني
آه ييمـه
گمت ليلي ماانامـه يـبني يـبني
آه ييمـه
صدك منك دهري يوليدي حرمني
آه ييمـه
والخبر عنك يغالي مـن وصلني
ميته ياريت انته ماجيت
صدك وحدك بالغرب حاير يالحنين
گلبي محتار يشـتعل نـار
أشكثر مشتاگه لك يوليدي يحسين
******
گالوا حسين
هالخبر ميته ولا بذني سمعته
گالوا حسين
بالعراگ امسلبه ومرميه چثته
گالوا حسين
منذبح واعله الرمح خلوا رگبته
گالوا حسين
عالهزل مسبيه عنه راحت اخته
أسمع الناس عنـه عباس
عالنهر طايح بقه وابلايه چـفين
گلبي محتار يشتغل نار
أشكثر مشتاگه لك يوليدي يحسين
****
گلمات سيد حمزه الاعرجي
حسين ابرحيله بچـه العليله
ظلت تهل دمـع العين
وتنادي يابويه حسين
السفره طويله
~
ظلت اتنادي بويه كون امشي وياك
مابيه حيـل أبـفرگـتك وابلياك
انساهه روحي ولحضه وحده منساك
ميتـه ولا أسـمع أبكلمـة فـركـاك
بويه دخيلك ناوي ابرحيلك
بغيابك أتجي وين
وتنادي يابويه حسين
السفره طويله
*
شله بحياتـه الأهله عـنه غياب
يتنطر اوعينه تظل اعلـه الباب
الفاكدله غالي جرحه ينزف ماطاب
وانه يبويه عمري اكضي امصاب
يالرحتو عني مايهده وني
عني ابظعنكم ماشين
وتنادي يابويه حسين
السفره طويله
*
راح ابقـه اناطر بـويه كل اسنيني
عيني اعله دربك شابحه اتظل عيني
أفرح اذا مـن الـسفـر تلفيني
كل عمري يمك بويه اظل خليني
خليني يمك مشتاگه اشمك
متعوده كل هاي اسنين
وتنادي يابويه حسين
السفره طويله
شلي بحياتي بويه لو عني اتروح
مايشفه گلبي ابغيبتك ظل مجروح
ترضاهه بنتك تبقه للهم والنوح
بدونك يبويه راح اظل بلا روح
ميته عسني ولارحت عني
راح اكضي كل عمري اونين
وتنادي يابويه حسين
السفره طويله
**
لمته ترد واعيوني بويه اتشوفك
لوبيدي والله لحضه ابد ماعوفك
مشتاكـه يابويـه اقـبل اجفـوفك
عنك شكلهم لو يجوني اظيوفك
سافر اگلهم وانه انتضرهم
ماردو أهلي للحين
وتنادي يابويه حسين
السفره طويله
*
كلمات سيدحمزه الاعرجي
نزال+شور
مــولاي مـولاي أبـاعـبداللـه
****
مانـنـسـه مصيـبتك يحـسـين
لمـصابـك تـجــري دم الــعـين
وي زينب نـلـطـم الـخــديـن
وانــادي آه واويـــلاه
**
نـاديــنـه اوصحنه يامظلوم
خـدامـك نـبـقــه لك للـدوم
ماننـسه مصيبتك فـد يـوم
لاواللـه لحظه ماننـساه
**
مـانـنـسـه مـصـيـبـتـك مولاي
يالـحـبـك يـســري وي ادمـاي
ياعطشان الـمـاشـربــة الـمـاي
وامصابك مثله ماشفـناه
***
خـدامــك احـنـه الك خـدام
مـشـايــه نـعـتـني كـل عـام
متـهـمنـه ســيـدي الـظــلام
يفجرونه أبـحبـك أتــمناه
****
نـتـذگــر حـــايــره زيــنــب
واتـنـادي والــگـلـب يـلـهـب
يبن أمي عـگــبـك اتـعــذب
محتاره ابـياوضع تـنخاه
***
ترضاهـه امشي مسـبـيه
يـاخـويه والجـره اعليـه
تـالـيـهـه مـجـتـفـه أديه
يبن أمـي عـالجره ترضاه
**
مـشـونـي خويه لرض الـشام
ضربـوني هــل عـده الظــلام
مـحـتاره بـعـايـلـه وايــتـام
وابـحـالي شعملة الاعـداء
**
يـبـن أمـي دامـي عـالــغـبـره
يـاروحــي وسـلــوة الــزهـره
لـمـصابـك تـجــري الــعـبـره
مـانـنسه مصيـبتك والله
*
گلمات سيدحـمزه الاعـرجـي
بغيبتك خلصت يمهدي اسنيني
خاف أموت اوماتشوفك عيني
والله يالمهدي اشكثر
اتمنه اشـوفك بالعمر
خاف أموت اوماتشوفك عيني
--------------؛؛؛؛؛؛؛؛---------------
اشكثر مشتاك أرد اشوفك يالحبيب
امن الطفوله وجنت اكولن عن قريب
راحت اسنيني اوبده براسي المشيب
خاف أموت وأنـه عن الدنيه اغيب
اتمنه اشوفك تطلب انته ابثارك
وأنـه اصيراً سيدي أمن انصارك
ادعي ربـي وانتضر
اتمنه اشوفك بالعمر
خاف أموت اوماتشوفك عيني
----------------؛؛؛؛؛؛؛؛؛؛؛؛-------------
واللـه يالمهـدي ردت مـره ابـحـياتي
الشوفتك ادعي الله يوميه ابصلاتي
اتـمنـه أشوفـك سيدي كـل امنياتي
بالدعـاء الـندبــه اظل لأخـر مماتي
الشوفتك عطشانه عيني اتراقب
يـمتـه تـحضه الشوفتك يالغايب
عيـوني تـتنطر تـمر
أتمنه اشوفك بالعمر
خاف أموت اوماتشوفك عيني
**
بياشهـر يالمهدي وانشوفـه هلالك
جم شهـر جم يـوم مولانـه بـگالك
ندعي الله بكل وكت يظهر جمالك
يابوصالح وابوظعنه اشلونه حالك
جم فقير اليبجي دمعه ابعينه
ايـصيح ربـي عجل المـهديـنه
سيدي ماظـل صبر
اتمنه اشوفك بالعمر
خاف أموت اوماتشوفك عيني
****
ندري يامولاي گلبك شايل اهموم
مـن غـبت ياسيدي والهاذه اليوم
شيعتك تنطر تجيهه ابگلب مألوم
بطلعتك ينتصر عالظالم المظلوم
أنترست الدنيه ظلم تدريهه
وانتـه غيرك محـد ايصفيهه
تـمحي يايوم الكفـر
اتمنه اشوفك بالعمر
خاف أموت اوماتشوفك عيني
*****
خاف اموت ومااشوفك ياضوه العين
وين يامجلس تـحضره سـيدي أُويـن
اوياك نبجي انريد عالمظلوم الحسين
تبجي من دم ندري عالطبن دواويين
ايعينك الله عالجره ابعماتك
تـذكـر الصار اوتـهل دمـعاتك
تبجي وادك عالصدر
اتمنه اشوفك بالعمر
خاف أموت اوماتشوفك عيني
****
ايعينك الله سيدي اشگد شايل اجروح
الحال عماتك بـگيت ابكل مسـه اتنوح
ابكل خمـيس الـكربله ابـياحالـه اتروح
وتـنظر حسين ورضيعـه البيده مذبوح
تـشوف عـبدالله وتعايـن نـحره
وعلي الاكبر من تشوفه ابگتره
تبچي گـاعد عـالـگبر
أتمنه اشوفك بالعمر
خاف أموت اوماتشوفك عيني
****
من تـزور حـسين هـم تـذكر طفـوفـه
وانـته يامـولاي عد گـبره اوتـطـوفـه
وابوفاضل من تـزوره ومـن تـشوفـه
هم تشوف ابـزنده موجوده جفوفـه
والسهم موجـود بـعده ابـعينه
وبالعمد راسه العده مصوبينه
يمه من تحني الظهر
اتمنه اشوفك بالعمر
خاف أموت اوماتشوفك عيني
***
گلمات سيد حمزه الاعرجي
شور كعديه
يبوفاضل دخيلك
يبوفاضل دخيلك
*****
زينب اتنادي ابدمعهه والگلب شاجر لهيبه
صعدت اعله التل تنادي أمنين ابوفاضل اجيبه
خويه يابوالغيره وينك صاحت ابصوت الغريبه
الحگ اخيامي احرگوهه وراح اشوفن جم مصيبه
من طحت بيه اشجره
راح اظلن حايره
هايسبـع الكنطره
دهري مايرحم عجيبه
*******
شفكرت لمن عفتني عالنهر عينك غفت
ماكلت زينب وحيده عنهه لو انه رحت
ماكلت أنه اكفلتهه امن الوطن وياي اجت
فدوه جاوبني يخويه شنهوا بالله اشفكرت
من عفتني ياشهم
حركوا علينه الخيم
وانه محتاره أبحرم
خويه والله اتحيرت
***
وينه وعدك يابوفاضل امن الوطن انته الجبتني
من على الناگه يخويه بيدك انته الرگبتني
ابكربله ماجنت أظنن وحدي تاليهه عفتني
للوطن ردني دخيلك جم مصيبه الشيبتني
خويه جاوينه الوعد
يابوفاضل هـم ترد
ابغيبتك گلبي أنمرد
خويه لمن فارگتني
***
وداعت الله يابوفاضل خويه راح امشي سبيه
هم ارد ليك واشوفك لو تچي تفزع اليه
موبديه من أعوفك وانته نايم عالوطيه
والاجل وافاني ريته واندفن يمك سويه
يمك أتمنه اندفن
خويه من غدر الزمن
عمري راح اكضي اون
من مصاب الغاظريه
**
هاذي زينب ياوسافه بس حزن گظت عمرهه
جم مصاب المر عليهه وياگلب يحمل صبرهه
عالهزل عنك خذوهه وشابحه الجيتك نظرهه
يابوفاضل تدري زينب يمك اتمنت گبرهه
وداعة الله من مشت
وتلتفت ليك اوبجت
زينب اختك شيبت
مارحم بيهه دهرهه
*****
كلمات سيد حمزه الاعرجي
نزال
ياعباس شيبتني كربله
يبوفاضل يبوفاضل
---------------؛؛؛؛؛-------------
شحجي يالوعـه اومصاب
شفـت أنــــواع الـــعــذاب
جـيـتـك أوعـندي عــتـاب
اهـموم اجـيت أمحمله
------------؛؛؛؛؛؛؛؛-----------
خـويه مـن يـوم الطحت
مانـشـف دمـعـي اليگـت
ويـن أبــوفـاظـل صحت
اويا أجـيت أمـدلله
---------------؛؛؛؛؛--------------
ويلي ياراعـي العـلـم
اعلينه العسكـر هجـم
خويه حرگوهه الخيم
أوحرت بين العايله
--------------؛؛؛؛؛؛؛------------
ويـن أصيحن ياكمـر
وانـتـه نايـم عـالنهـر
مـارحم بـينـه الـدهر
اويانه ياخويه شله
---------------؛؛؛؛؛؛؛------------
وياك أجيت امن الوطن
وانـتـه حـمـاي الـظـعـن
مـارحـم حـالـي الـزمـن
خله عـيني هامله
------------؛؛؛؛؛؛؛-----------
جيتك أشگي لـوعـتي
خويـه عايــن حـالـتي
صعبه وحدي أبغربتي
شفت أنـواع البله
--------------؛؛؛؛؛؛؛------------
خويه جاوينه الوعد
بطيحتك گلبي أنمرد
صــدك لـيـه مــاتــرد
وأنه بت عقد الوله
-------------؛؛؛؛؛؛؛-----------
وانـذبـح حـتـه الطـفـل
من غـبـت ياباالـفـضـل
ظامي عـبدالله أنجتـل
بسهمه صابه حرمله
--------------؛؛؛؛؛؛؛؛-----------
حسيـن حـزوا منحـره
أومالـه وأحـد ينصـره
حـته گـطـعـو خنصره
ولابگـه واحـد ألـه
-------------؛؛؛؛؛؛------------
ترضه ياخويه أنـسبي
ويحدي بالناگه أجنـبي
وأنـــه أبنيت الـنــبـي
الشمر يحدي القافله
----------------؛؛؛؛؛؛؛؛؛---------------
گلمات
سيد حـمـزه الاعـرجي
ودعتك الله ياكمر عفتك يخويه عالنهر
عنك خذوني اميسره
عن حالي ماعندك خبر
يابالفضل يابالفضل
-------------؛؛؛؛؛؛؛؛؛؛؛؛-------------
ودعـتك الله من رحت خويه اوينور اعيوني
موبيدي عفتك عالنهر عنك غصب مشوني
مشوني عنك بالظرب اوفوك الظرب شتموني
يابالفضل ريتك عدل خويه اوتشوف امتوني
ناديتك ابلوعه اوحزن ماظل على اختك متن
وينك يسبع الگنطره
حال اختك ابحالة خطر
-------------؛؛؛؛؛؛؛؛؛------------
ياخويه تدري ابطيحتك طاح الگلب لمن طحت
صوبني سهم امصيبتك وخدري انسلب يوم المتت
ظليت نايم عالنهر اومسبيه من يمك رحت
إنه الجنت إم الخدر وابخدري انته اتگفلت
وياك اجيت امدللـه ياعمله عملة كربله
زينب أنـه بت حـيدره
تاليهه امشي لليسر
-------------؛؛؛؛؛؛؛؛؛؛؛؛؛؛-------------
ياخويه من يوم الرحت مسبيه عنك عالهزل
ناديتك ابحرگة گلب ياباالفظل ريتك عدل
ريتك يخويه ابهل وضع تنظرني وتشوف النذل
يظربني ماعنده رحم ياخويه ويجرني ابحبل
من الظرب متني خلع والصوط بمتوني انطبع
وتلوذ بيه چم مـره
يسبونه ياوسفه الخدر
-------------؛؛؛؛؛؛؛؛؛؛-----------
شحجيلك اصار اوجره رتك وظعنه اتشوفه
وادوني لديار الغرب اوفوك الهزل مجتوفه
طبينه للسوك أواجت تتفرچ أهل الكوفه
چم شامت الينشد أجه وين ابخدر معروفه
واسمعهه شدگول أناس مسبيه أخت العباس
بينه يخويه الماجره
راوانه بس ظيم الدهر
-----------؛؛؛؛؛؛؛؛؛؛؛------------
ياخويه چم ذله شفت شحجي يظنوة عدنان
الكوفه هينه اصعب بعد ودونه ليهه العدوان
ياخويه أصعب ماشفت امن الشام گلبي حزنان
طبينه مابين الزلم واكفتنه آخ ابديوان
ياخويه من طبينه التمت أناس اعلينه
تلكونه وانه امحيره
يرمونه ياخويه ابحجر
-------------؛؛؛؛؛؛؛؛؛؛؛؛؛--------------
ردينه خويه أمن اليسر اكـعد اجينه انخبرك
يوم اربعينك بالگبر جينه نزوره گبرك
مشتاگه أشوفك ياكمر مشتاگه أشتم عطرك
معذور وادري ابحالتك ليهسه ينزف نحرك
رديت الك متعوبه انه الجنت مهيوبه
رد الظعن كوم انظره
انهض يخويه امن الكبر
--------------؛؛؛؛؛؛؛؛؛؛؛؛-------------
گلمات سيد حـمـزه الأعرجي
خويه عباس ياكافل اضعوني
خويه عباس عـدمن تـخلوني
خويه عباس خويه عباس
*
انتـه الجبتـني ياكمر من الـمدينه
وياك اجيت امدلله حامي الظعينه
وين الوعد يابالفضل ياخويه وينه
عنه رحت وانه انتظر لمته تجينه
دمعي بالعين واتنطر الجيتك
دمعي بالعين تـرجـع ترجيتك
دمعي بالعين مو راحت عيوني
****
يالـرايح الصوب النـهر طولت هـواي
مشبوحه ظلت عالدرب ياخويه عيناي
ياكافلي ارجع للخيم مـنريـده الـماي
ماتـسوه من دونك بـعد يالغالي دنياي
حالي ياحال مااكدر ابـدونك
حالي ياحال ياخويه وعيونك
حالي ياحال بالغربه عفتوني
***
ياخويه جم طفله وطفل تتنطر اتعود
عدهـه امل ياباالفضل ترويهه بالجود
بالخيمـه تنطر جـيتك والگلب ممرود
ماتدري طايح عالنهر مگطوع الـزنود
هاي الاطفال بالخيمه عطشانه
هاي الاطفال ياخويـه حـيرانه
هاي الاطفال عنك ينشدوني
*
ياخويـه طايح عالنهر مگطـوع الجفوف
وبغيـبتك ياباالفضل تسبـيني الـطفوف
ماعدهه رحمه هل عده ماعدهه معروف
ريتك تشاهـد حـالـتي وعيونك أتشوف
عني اتروح منهو اليحاميني
عني اتروح فـراكك يـأذيـني
عني اتروح مو خابت اضنوني
**
شفت الحسين ابطيحتك ظل محني ظهره
ياباالفـضل ريتـك تـرد عـينك تـنـضـره
ظل وحده مابـين العـده محد ينصـره
وبعيني شفته من وگع گطعولـه نـحره
شفت الحسين فوگ الترب نايم
شفت الحسين وينك گمر هاشم
شفت الحسين وبحاله هظموني
****
انه العقيله ام الخدر راح امشي مسبيه
راح الدلال ابغيبتك محـد رحم بـيه
ياخويه بالسوط انظرب ومجتفه أديه
من حـرك المخيم تـره مجويـه رجليه
شافت الناس الماشافو أخيالي
شافت الناس راس ابرمح عالي
شافت الناس عدواني يسبوني
*
گلمات سيد حمزه الاعرجي
عـودة زينب للوطن يمحمد
بلايه زلم رد الظعن يمحمد
گوم أختك أتلگاهه
بس العليل أوياهه
يمحمد
***
زينب إجت لرض الوطن تتعثر ابمشيتهه
متكبعه بالهم والحزن ماتنوصف حالتهه
يمحمد اتلگه الظعن رد خالي من اخوتهه
الجانت أميره امدلله ردت تهل دمعتهه
تلگاهه زينب بالدرب يمحمد
ردت اوملجومة گلب يمحمد
ظيم الدهر راواهه
بس العليل أوياهه
***
ياجرح شحجي ياألم جروح العقيله اهوايه
گافلها طاح اعله النهر وطاحت ابگتره الرايه
عباس مايرجع بعد اليروي العطاشه ابمايه
وزينب بگت تتنطره يرجع انطاها احجايه
كل ظنها يرجع للخيم يمحمد
وبجوده يرويها الحرم يمحمد
راح وبعـد ماجاهـه
بـس العليل أوياهـه
***
ياريت جنت ابكربله وتشوف حال الأطفال
يمحمد بهذا الوضع عطشانه ظلت ياحال
حسين رد محني الظهر من طاح اخو الگفال
شافته زينب من رجع والدمع منهه همال
ابياحاله اخوهـه اتلگته يمحمد
محني الظهر من شافته يمحمد
راح الاخـو نـاداهـه
بس العليل أوياهـه
**
شحجيلك اصار اوجره يمحمد ابطف كربله
من هجمة خيول العده وحسين ظل محد اله
عطشان أبواليمه بگه وعطشانه كل العايله
وعبدالله ظامي ينذبح صوبه ابسهمه حرمله
مارحمو ابحال الطفل يمحمد
بـيد ابـواليمه ينجـتل يمحمد
شمعه السهم طفاهه
بـس العلـيل أويـاهه
****
راح ابواليمه اومارجع يمحمد بهذا السفر
مذبوح ظل ابكربله ولي گطع رأسه الشمر
وجسام طفوا شمعته واتحنه من دم النحر
واليشبه طاها المصطفى جثته عالغبره وذر
هجموا فرد هجمـه الزلم يمحمد
واعله الحرم حرگو خيم يمحمد
صوط العده اتولاهه
بـس العليل أوياهه
****
زينب خذوهه اميسره مسبيه لرض الگوفه
يمحمد الديرة غـرب اوفوك الهزل مجتوفه
والشام مامثله جرح ريتك وظعها اتشوفه
جم شامت الينشد اجه وين ابخدر معروفه
تتشمت الناس الاجت يمحمد
فرحانه گلهـا اتفرجت يمحمد
شلون الدهر خلاهه
بس العليل أوياهه
****
گلمات
سيد حـمـزه الأعرجي
ياكافل اظعوني عدمن تخلوني
للوطن ردوني للوطن ردوني
------------؛؛؛؛--------------
انه زينب اجيت امن الوطن بحماك
ياگافـل ظعنه واعـتنيت اوياك
ياريتك تگوم أوتـنظر ابعيناك
وترد يسراك ياخويه وترد يمناك
بياحاله عفتوني يلي گفلتوني
للوطن ردوني للوطن ردوني
---------------؛؛؛؛؛--------------
اجيتك حايره وتخطه بجدامي
يبوفاظل مصابك زيـد الآمـي
صدك نايم يخويه عالنهر دامي
وعليه عداك هجمة حرگة خيامي
ياخويه هظموني لمن جفيتوني
للوطن ردوني للوطن ردوني
-------------؛؛؛؛؛؛؛؛--------------
ليش ابـغربـه ياخويـه تخليني
وين انطي الوجي خلافك يضي عيني
كـوم وللـوطـن ريـتك تـوديـني
أخاف اعداك عگبك خويه توليني
ترضاهه يسبوني وعنك يبعدوني
للوطن ردوني للوطن ردوني
--------------؛؛؛؛؛؛؛---------------
لاخيمه البگت عدنه ولا وآلـي
إنه إم الخدر ماشافواخيالـي
تالي أصبح غريبه واشجره بحالي
مصيبة كربله مامـرت ابالي
ياخويه ظربوني مسبيه يردوني
للوطن ردوني للوطن ردوني
---------------؛؛؛؛؛؛؛؛؛--------------
صحت عباس خويه وبالگلب جمره
وأدري بـيك لايمنـه ولا يـسـره
ردت منك يخويه حالي أتنظره
وتشوف حسين أخوك المنگطع نحره
من شفـته بعيوني خويه انخطف لوني
للوطن ردوني للوطن ردوني
--------------؛؛؛؛؛؛؛؛؛؛-------------
مصابك بالگلب ياخويه نيشانه
مايشفه بـعد لاينـسه أحـزانه
ويلي أمن الزمن لاوين ودانه
جارت كل وگت ياوسفه عدوانه
كوم التولوني ابياحاله عافوني
للوطن ردوني للوطن ردوني
---------------؛؛؛؛؛؛؛--------------
گلمات
سيد حمـزه الاعـرجي
نزال
إنـه مجـنون حـسيـن ابن عـلي
----------------؛؛؛؛؛؛؛-----------------
بحب الحسين افـتخر بجنوني
جـنــه حـبه واللـه لـتلـومـونـي
مااعـوفـن دربـه لـو ذبـحـونـي
وألـف مـره خلهـم ايفجـرونـي
فدوه لجدامـه إنـه روحي اوهلي
---------------؛؛؛؛؛؛؛؛؛؛---------------
لاتـلـوم الـعـين لـو تـبجي دمـع
فدوه لجله الـعين خلهه تـنشلع
ماتـساوي گسر من صدره ضلع
من اجلنه حسين رأسه يـنكطع
وصـاح لا للـذلـه صـوتـه يـعتلي
---------------؛؛؛؛؛؛؛؛؛-------------
مااعـوف حسين سابـع مستحيل
لو أضحي ابعمري لـجله هم قليل
حـبه جـنه اشلون عن حـبه امـيل
هذا ابـوالـيمه ابـن حامي الدخيل
مـن أذكره اهـمومي گلهه تـنجلي
-----------------؛؛؛؛؛؛؛؛؛؛----------------
غـير ابواليمه فلا عدنـه بــعد
دنيه شنهي والعمر باقي عدد
ماأعوفـن مجلسه واللـه ابــد
حبه غذاني أحس مـن المهد
صوتي باسمه بالمجالـس يعتلي
-----------------؛؛؛؛؛؛؛؛؛؛----------------
شلون أنـسه حسين جني اتـصوره
بـس يديـر الـعـين محـد يـنـصـره
زينب اخـته ابـياوضع من تـنضره
على صدره الـشمر ويحز مـنـحره
كبال زينـب ينگـطـع نحـر الـولي
-------------؛؛؛؛؛؛؛؛؛؛؛------------
أبقـه أتـصور وأهل دمـع النظر
آه يازيـنـب اصـيـح ام الـخـدر
شلون يسبيهه ويشتمهه الشمر
بـطيحة الگافل يدولبهـه الدهر
تـصـيح ياعـباس ويـنك گـافـلي
---------------؛؛؛؛؛؛؛؛؛؛؛؛---------------
گـلمات
سيدحـمــزه الاعرجــي
يبني يبني ياعلي ياعلي
دهري ذبني ياعلي ياعلي
من المصايب گلبي ذاب
شـفـت يـايـمـه الـعـذاب
دهــري ذبـني
---------------؛؛؛؛؛؛؛----------------
يـبني يازهرة زماني حـيل مابـيه بـعد
رحت وعيوني اعله دربك انتضر ليه ترد
رحت وفراگك ييمه مرد گلب أمك مرد
شگثر ربيتك يالاكبر ونحنيت اعله المهد
روحي يمك ياعلي ياعلي
وانـه امــك ياعلي ياعلي
عليه طولت الغياب
شفت يايمه العذاب
دهـري ذبـني
-------------؛؛؛؛؛؛؛؛؛--------------
سنـين ربيـتك ييمـه وانتضر منك ثـمر
جانت أمنيتي تجازي تعبي أبتالي العمر
رحت عني وأنه اصيحن يبني دلالي انفطر
يمه مشتاگه أرد أشوفك لحضه ريدنك تمر
عـني رايـح ياعلي ياعلي
گلبي طايح ياعلي ياعلي
بـيه أشخله المصاب
شفت يايـمه العذاب
دهـري ذبـني
--------------؛؛؛؛؛؛؛؛---------------
ياعلي الأكبر دخيلك ماغمض ليه چـفن
الليل سهرانه ييمه بالمصايب والحزن
عذبت حالي بمصابك وشگثر ظليت أون
ريت لاشوفك رميه عيوني ياريت أنعمن
يجري دمعي ياعلي ياعلي
شحاله وضعي ياعلي ياعلي
من شفت جسمك خضاب
شــفـت يـايــمـه الـعـذاب
دهـري ذبـني
---------------؛؛؛؛؛---------------
شفتك مخضب رميه حيلي يايمه انهدم
ياعلي الاكبر مصابك خله ابگلبي ألألـم
شحال ابواليمه ويشوفك بيده جابك للخيم
امن الطعن جسمك رميه كل كتر صايرخذم
سـوه دهري ياعلي ياعلي
وانته عمري ياعلي ياعلي
أمن المصايب گلبي شاب
شـفـت يـايــمـه الــعـذاب
دهـري ذبـني
--------------؛؛؛؛؛؛؛؛--------------
ياعلي وياك يمه ريت وافاني الاجل
شلي من دونك يغالي وشخصك عليه رحل
رحت مني امنين اجيبك وانته يوليدي الأمل
عفت أمك للمصايب بس دمع منهه يهل
رحت مني ياعلي ياعلي
كـثر ونـي ياعلي ياعلي
شعفت عندي ياشباب
شفت يـايـمه الـمصاب
دهـري ذبـني
----------------؛؛؛؛؛؛؛؛؛----------------
شحال زينب من تشوفك يمك اتهل الدمع
ياعلي الأكـبر تنادي وأنحنه منهه الظلع
وظل ابواليمه اعله حالك يبني دلاله أنفجع
وگلبي يوليدي المصابك عالجسد يمك وگع
راح حيلي ياعلي ياعلي
وحشه ليلي ياعلي ياعلي
وسفه نايم عالتراب
شفت يايمه العذاب
دهـري ذبـني
-------------؛؛؛؛؛؛؛؛؛----------------
گـلمات
سيد حـمزه الاعرجـي
ياعلي ياعلي حاظر تمنيت
بويه ابكربله بالغربه ظليت
إنه زينـب ياعـلي يابويه
-------------؛؛؛؛؛؛؛؛؛--------------
بويه ياريتك تجيني وتنظر الحال
اشكثر ناديت بويه اودمعي همال
همي يابويـه عليه ابثكل الجبال
ريته عمري من عكب خواني لاطال
محد ظل الي اندب ولاجيت
بويـه ابكربله بالغربه ظليت
إنـه زينب ياعلي يابويه
--------------؛؛؛؛--------------
إنه زينب بالغرب بويه اشجرالي
كل أخوتي راحوا اومحد بگـالي
يلي تحظر كل شدد احظر لحالي
بويـه انـه ابنيتك مـاعـندي والي
راحو كل هلي تحظرني ياريت
بويـه ابكربله بالغربه ظليت
إنـه زيـنب ياعلي يابويه
-----------------؛؛؛؛؛؛؛؛؛؛؛؛---------------
كمت انادي ياعلي حامي الحميه
بويـه منهو غـيرك اليحـظر الـيه
كل أخوتي مـوسده فـوك الوطيه
كوم شوف اشعملة أرجاس ال اميه
تنظر حالتي ياشمعة البيت
بويه ابكربله بالغربه ظليت
أنــه زيــنب ياعلي يابويه
--------------؛؛؛؛؛؛؛؛؛؛؛؛؛-------------
بـويه ياريتك تجي وتعايـن حسين
هجمت اعلي العده يابويه صوبين
وحده ظل اولابكه ناصر ولا معين
وعالنهر ظل الگفلني ابـلايه جفين
طايح گافلي الويا اتعـنيت
بويه ابكربله بالغربه ظليت
إنـه زيـنـب ياعلي يابويه
------------؛؛؛؛؛؛؛؛؛؛؛؛؛؛--------------
حسين طاح اعله الترب ريتك تنظره
بويه واتشوف الشمر من حزله نحره
هـجمـت اعليه العده اوينه الينصره
شفت بويه الخيل داسة فوك صدره
كطعو منحره بدموعي ناديت
بويـه ابكربله بالغربـه ظلـيت
إنـه زيـنب ياعلي يابويه
-----------------؛؛؛؛؛؛؛؛؛؛-----------------
بـويـه ريـتك تـنـظـر الحال اليتامـه
أمن السياط على المتن صارت علامه
حايـره والليل حـل بـيـنـه ابظلامـه
والـدهـر يابـويه صـوبـنه أبـسهامـه
انه ام الخدر تاليهه انسبيت
بويه ابكربله بالغربـه ظليت
إنـه زيـنب ياعلي يابـويه
----------------؛؛؛؛؛؛؛؛؛؛؛؛---------------
گلمات
سيد حــمزه الاعــرجي
مقدمه +نزال
ياعلي دخيلك * خادمك خليني
***
ياعلي دخـيلك اصيحـن ياعلي
ياولـي يالـمايـصح مـثلك ولي
سيدي بالدنيه غيرك منـهوا لي
اومن عذاب الاخـره اتـنچـيني
-----------------؛؛؛؛-----------------
ياعـلي فــدوه إلك كـل الـعـمر
أقسم عليك ابـظلـعـها المنكسر
بخدمـتك خليني ياتاج الفخر
وادري يـامـولاي مـانـاسـيني
-----------------؛؛؛؛؛؛؛-----------------
لوله انته ياعلي عـشنه ابجهل
وماعرفنه الدين يالـبيك اگتمل
انته دين الله علي اوخير العمل
وافتخر انته الاصل كل ديني
------------------؛؛؛------------------
ياعلي خـادم الك خلـيني أصير
انه عـبدك سيـدي وانـته الامير
خدمتك يابالحسن تـغني الفقير
وبس رضاتك ياعـلي تـغـنـيـني
-----------------؛؛؛؛؛؛؛؛-----------------
بخدمتك أبقـه لحد گـطع الوريد
وغـيرهـه بالـدنيه كلشي مااريـد
خدمتك يابالحسن حلمي الوحيد
شرف اكظي ابخدمتك اسنيني
-----------------؛؛؛-------------------
گـلمات سيدحـمزه الاعـرجي
بدمع الـفجيعه اتنادي الوديعه
حظرت الزهره وظلعها منهه مكسور
اتعنت الحيدر تشوفه براسه مطبور
"""""""""""****""""""""""""
ياعلي هالليله اجيتك
لازمه ظلوعـي بديه
صاح جبريل وسمعته
أنطبر حامي الحميه
جيـتك اتعـثر يحيدر
وأذكر الچنـه سويه
من وصلت وانه شفتك
ياعلـي انـه الزجيه
بعيوني شفتك تنزف طبرتك
جيتك اتعـثر ابهمي اوكلبي مجمور
اتعنت الحيدر تشوفه براسه مطبور
**
جيتك اوچدمي يتعثر
انحب وابجي المصابك
ياعلـي فكـدك هـظيمه
موسهل ساعـة غـيابك
بعيني من شفت اليتامه
تبجي وتنوح اعله بابك
چم يتيم ابعينه دمعه
ينـتظر رايـد رحابك
هـاي اليتامـه تدعي بسلامه
ظلت تتحسر واليها رحـل مغـدور
اتعنت الحيدر تشوفه براسه مطبور
****
من شفت زينب وضعها
كاعده وكلش حزينه
تعاين حــسين اوتكله
شلونه ياخويه ولينه
خاف جرحه اياذي راسه
وخاف يرحل من أدينه
خويه ترس اذني اسمعه
عالـي ياذيـني ونـينه
تحاجي اخوهه عن حال ابوهه
ادري ماتكـدر تـكلي خـويـه معـذور
اتعنت الحيدر تشوفه براسه مطبور
*
ياعلـي ريـت ابسلامه
تكعد اتـعاين وظعهم
والحسن وحسين يبجي
مانشف لحضه دمعهم
على مصابك كمت اشوفن
ياعلــي ذايـب گلبهم
ريتك اتـعايـن يحيدر
مصابك اهوايه فجعهم
شافـو أذيـه بـذيـج المسيه
اللــهُ اكـبر دنيـه بـدونك وابـلا نــور
اتعنت الحيدر تشوفه براسه مطبور
**
كلمات سيـد حـمزه الاعرجي