لسان المقال... لمولاي سيد الشهداء
@@@@@@@@@@@@@@
مثلج منو......ربيتي احسن خوة
والله كفو....مشكورة يام النخوة
يا ام البنين...يا ام البنين
@@@@@@@@@
انتبهو بالمجلس اذا شميتو عطر شوية
يعني استعدو للطم زارتكم البدوية
خل انه اوصف حالتي وحجيلكم عل بية
تدرون بيش ازامط بذاك الحين
كالتلي بالطف من تكابل سبعين
شالت اثمن جفوف كالتلي رباي
وبس انه املك ياخلگ عشر ايدين
هاي المرا.... كلولهة بعالي الصوت
وفت ترة..........ونحبج لحد الموت
يا ام البنين....يا ام البنين
@@@@@@@@@@@@@@
كدما يحبج خالقج خلاج بأول سورة
اسمج صبح اكبر ضمد للوادم المكسورة
بابج وبابي ابفد صحن انه الحسين ازورة
حتى الله بالقران حطهة بذكرة
بس اقرة الهة الفاتحة وبفطرة
الصعبه تسهل غير هي ام عباس
بس بشرط اعكد الراية الخضرة
العندة مرض.. تلگاهة كوكب من طب
الرايد رزق.......... تفتحلة باب الموكب
يا ام البنين...يا ام البنين
@@@@@@@@@@@@@
اسرار اسولف للخدم للحضرو طبخ جدور
مو نار ال تفور الجدر نضرت عيونج تنور
حتى الصخام منين اجه.؟؟چي طخ عباية عاشور
هم عدها سورة بهاي يل تنشدني
الله يحبها هواي چي حبتني
سفرة التسويهة ذكرهة القران
ياسورة (المائدة )لليخدمني
نضرة عشك...من تنضر اعله الزوار
عدهة خلگ........تخدم دهر للخطار
يا ام البنين...يا ام البنين
@@@@@@@@@@@@
لاما نستني ام الكمر كل لحظة تتذكرني
هي اعله طول الطف صفت تدعيلي وتصبرني
وانه اذكرتها اعلة العشك چي هي هم تحبني
هيج انه حالي بيوم عاشر وانعة
سويت اشارة بچفي لاهل السبعة
من گصو الخنصر شلت جفي هناك
واربع اصابع شلت للمتگبعة
من سلمت.......شافو اشارة مسنعه
وتنومست...قصدي اخوتي الاربعه
يا ام البنين..يا ام البنين
@@@@@@@@@@@
مادام حضرت باللطم نشكرها يا حياها
گلولها تعود العزة وكل احنه نلتلكاها
گلولها يكول ابو علي يفرح ترة بذكراها
انه الحسين الشيخ وأصل الشجرة
هاشم حنينة ومانستكم مرة
وام البنين تكول اسمعها تكول
وعيونك الحلوات ازور الفقرة
وي الحسين........أتحضرو ودعوها
وفتحو الادين.. حاجاتكم اخذوها
يا ام البنين يا ام البنين
@@@@@@@@
ابو قسور العويدي @fff45
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
بعد دخول. السيده زينب (ص) في قصر. الملعون .....فقال الملعون من انتم
بكل وقاحه...فاجابته السيده ص بقول
****
عليه يناشد ......... يزيد وربعه
وگفت بحيلي .. وخلست الجَمعه
حيدر ابوي..خالس اجدادك تره
عباس اخوي..هو سبع الگنطره
@@@@@@@@@@
انه استحقر مكانك ياشبه رجال
لان تسأل عليه وانه بت ثگال
انه اخت الماطلع يشبه ولا اي خال
وامه اتنست بچفيه بيهه عگال
انه كفالي..... ابن بدويه
تكزبر شيلتي... بذكر طاريه
@@@@@@@@@@@@
طخ راسك نذل ياطينت الخناس
اگص لسان عينك وانه اخت عباس
يبن الرافگو هند ورنين الكاس
تعرف ياهو ابوك ابين هاي الناس؟؟
اعله طاري اللمة ..ال اجت هنانه
دصيح بصوتك.... ابنمن انه؟؟
@@@@@@@@@@
بصلافت عين تنشد كومك اعليه
انه اخت الكشفو جدامه ستميه
اكو بيهم ركض ويصيح معليه
وكو بيهم لبس بالحومه بوشيه
وگف عباسي..ويصيح بحيله
اجينه نعارك.... دذبو الشيله
@@@@@@@@@
اخوه اهواي عندي وراح اگلك وين
بشارب ابو فاضل عندي اخوه الفين
كل شعرايه توگف من اصيح حسين
رفن من گبل من چان ابيك طين
اشوفك ساكت..اظن ما عاجبك
انصحك باچر ...تذب شواربك
@@@@@@@@@@
گالولك بعد عن جاسم اشايل؟؟
فنجان الحسن والدله ويقاتل
سوالف سيفه بالطف تعدل المايل
اظن مدفون سّره بجيب ابو فاضل
يعرس القاسم .... كشخنا بعرسة
اعلة ذيج زلامك... يدوس بفرسة
#@@@@@@@@@@
جيشك من علي الاكبر طلع فره؟
من گد الركض صعدتهم المهره
شاهد عندي بيهه وداعت الزهرة
ليش ضهورهم ووجوهم حمره ؟؟
يكونك حاضر...وتطلع لسانك
وعلي يخلونك...تشيل حصانك
.....
ابو قسور العويدي @fff45
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
عندما سمع الحسين ص.اول واخر كلمة اخي ادركني من اخية ابا الفضل ص ..قال
على اخر نفس عباس لاگيتة
يعصر بالتراب ويشهگ بريته
وصحت ياخوية عباااااس
شمسويتلك النااااااااس
يخووووووية. يخووووووية
@@@@@@@@
الشمس من دگت بوجهي وطلع ضلي
عرفتك موش طيب يا فياي اهلي
😭
افز وبگلبي نغزات ورجيف شفاف بية
انه اول زلمه بالكون يرف ضهرة اعله اخية😭
جدامي وماتن بساع وطحت فوگ الوطية
بقة بس حل يعباس اجي ازحفلك بدية😭😭😭😭
يعطلني الزحف والزحف چاويني
ثگلت من الرمل عباس تچيني😭
يطايح بين الارجاس
شمسويتلك الناس
@@@@@@@@@
يل مدللني. وانت بروحي المدلل
ترة الماعندة اخو بالضيج يتفشل😭😭
اخوي الماشرب ماي استحة حتى بوداعة
طويل الدرب وزحوف الرمل دوهني ساعه
يفكر بية عباس. وعايف كل ضياعه😭😭
اعله دربي وحاطلي چفوف يتچيني بذراعه😭😭
حتى الچف لگيتة مبلل شوية😭
قصدة حسين هاك اشربلك اميه😭
عاش ومات بحساس
شمسويتلك الناس
@@@@@@@@
يبو انفاس الگصار المالهن اي حس
شو بطلت ترفس فدوة ضل ارفس😭
تدري شلون مكسور الچمك بالخفيفة😭
عگالي وطاح ياخوي بوادم مو شريفة😭
الشيخ المالة خوان يكتلونة اعلكيفة😭
چا ترضاها الحسين يضحكون بمضيفة😭
گوم وشوف اخوك شلون يتهدد😭😭
كل هذا الصياح وبعدك امدد😭😭
مفرهد منك الطاس
شمسويتلك الناس
@@@@@@@@@
ميت وانه اقنع روحي بي همه
شكثر هفيتلك خوية الهوة شمه😭
اجاني شلون ذباح صعد فوگاي ضلة😭
انه مكتول مكتول وضلت عندي جملة
حطوني اعله عباس وذبحوني اعله كله😭
اموت بهاي السيوف ولاعيشن بذلة😭😭
ضليت التفت عباس يا خلي😭😭
اوادعمن حرت محد فزع بهلي😭😭
انذبح من عدنا نوماس
شمسويتلك الناس
@@@@@@
ماذبحوني رادو مني حيل اتعب
يريدون بدماك احرگ گلب زينب😭
نگعت بدمة العباس واخر شبگة صعبة
شامت صاحلي حسين انه الطگيت گلبة😭
هواي تنومست بي وهسة انگطع دربة
منو اليفزعلك اليوم غريب بوسط غربة😭
هو المالة اخو ينذبح بالسكته
انه الكاتلني ياهو يشيل فاتحته😭😭
انه مضيعلي خلاس
شمسويتلك الناس
@@@@@@@@@
شعندي وضال عايش بعد ماتسوة
اذا ضليت اموت بحسرت الخوة😭😭
مسحت دموع خدي ولم الحيل بالحيل
ونمت بالگاع عالضيم وگمت اتنخة بالخيل😭
اسحگن هسة الضلوع ماريد ابقة لليل😭
وعلي بگد السحگ ذاك ماينگلني غربيل😭
تطشرت اعله طول الحومة خوية احا
بحيث منين ما تندهني اكلك هااااا😭
صدري وصدرك انداس
شمسويتلك الناس
@@@@@@@
ابو قسور العويدي
وصية ام البنين
خلو الوصية ابالكم..
شيلو الحسين الشالكم
@@@@@@@@
كلكم زلم والحسچة تندلوها
هاي الحچاية ابالكم خلوها
اروحكم مثل المطر كون تصير
وفوگ الحسين ارواحكم زخوها
يولادي حسبو حسابكم
شيلو الحسين الشالكم
@@@@@@@@
اريع زلم ربيتكم يهل الكفو
الحومة مثل البير تكشخ بالدلو
عباس اريد بياض وجهي بصولتك
عباس بيدك صيتنا وصيت البدو
موتو اعله هاي احوالكم.
شيلو الحسين الشالكم
@@@@@@@
ياگمر هاشم ارد اشوف زماطك
حاشاك من الجيش لاون حاطك
تذكر گماط الشاگة وانت زغير
اي يبني شگ الجيش مثل گماطك
راي ابوفاضل رايكم
شيلو الحسين الشالكم
@@@@@@@@@
صولة اريدن حيدرية ولامعة
سبعين الف وأربع حيادر طالعه
وحسين راح يشوفكم من بعيد
خيشوف ولدي ام البنين شراضعه
ماعندة اخوة خلافكم
شيلو الحسين الشالكم
@@@@@@
يحيود انه الناذرتكم نذرة
امكم واعرف السالفه شمنتضرة
الگاع مو سفرة اكل بس تدرون
اني ارد اسهمكم بهاي السفرة
اكبر سهم ارواحكم
شيلو الحسين الشالكم
@@@@@@@@
ماريد اشوف حسين طالع ضلة
انتم رزق لحسين جاي من الله
الماي شتسوون بي والعباس
من ماي گصته شكد شرب عبدالله
هو ابو فاضل مايكم
شيلو الحسين الشالكم
@@@@@@@@@@
كلها تريد حسين جيش الفانيه
حاولو مرة وعسرو بالثانيه
عباس گللهم اذا ردتو حسين
جيبو زلم تكتل جفوف ثمانيه
حيدر لهاي وضامكم
شيلو الحسين الشالكم
@@@@@@@@@@
ابو قسور العويدي
متباركين. جميعا❤️❤️
اللهم ثبتنا على ولاية امير المؤمنين❤️
❤️❤️❤️علي ابن ابي طالب❤️❤️❤️
صلوات الله عليه
❤️❤️❤️❤️❤️❤️❤️❤️❤️
ابو الفضل ( صلوات الله عليه)
@@@@@@@@@@@@@@@
شد رايته وعل طف نوه....والدرع بمتونه انچوة
خيال كاعچ نينوة........ابو فاااااااااضل
دخان هب بريشتة...صعدت حرارت جبهتة
طگ عرج دم بگصته..... ابو فااااااأضل
@@@@@@@@@@@@@@
من نوة العباس يطلع.....الله وگفلة الوكت
حسين شد ريشات راسة..وزينب تشدلة البشت
حسين گلة اليوم اشوفن...من علي شتعلمت
يدري بالعباس لو طب....يگلب الجمعه السبت
والگمر سولفلي گلي...البارحه انه تمرضت
شگد دعيت الزلم تكثر...والله كثرها وطبت
يحسين انه القارعه...وچفوفي هاي مسنعة
أسمي بچتف كل مشرعة.....ابو فااااااااضل
هاي الجماجم تنچلي...تل راح اسويها الي
يسمونه تل الفاضلي.......ابو فاااااااضل
@@@@@@@@@@@
شگد علامات الله سوة...لخاطر عيون الكفل
السمه سبعه الگاع سبعه...وانت بالسابع تهل
الگمر هذا الفوگ يطلع.......هذا عباس النفل
انت فوگ وحيل عالي....ورايتك بيدك تضل
الگاع المخضرة اعرفتها...هاي لا مو كاع ضل
خيالها ومن فوگ نازل ...رايتك يابو الفضل
الگاع گاع اهلك هبه...اهل الكسا اهل العبه
الكون لجلك رتبة......ابو فااااااضل
جبال وسهول وبحر....داحيها لعيون الگمر
ملاچهن طول الدهر....ابو فااااااضل
@@@@@@@@@@@@
حسين گال لزينب اخته..شوفي عباسج هجم
الشريعة محاوطيها.....ويا دربها المزدحم
الراية شو خلاها يمي... وماخذ حبال الخيم
راح وحبال اعله متنه...دخيل افكار الشهم
حبال شدهن عالجذوع...وشردو العدهم علم
الحبل لا مو للملابس.... راح ينشر بي زلم
يعگال هاشم ياكفو ..سويت حگ چلمت اخو
عباااس فانوس البدو.......ابو فاااااااااضل
الله خلق عباس الي...يختلف عني وعن هلي
مخلوق من شارب علي....ابو فااااااااضل
@@@@@@@@@@
خوية تذكر جدي مرة...من صرخ بالمعظلة
ياعلي ادركني وجا....ورعد بالجيش وخلة
ارد اصيرن مثل جدي...ارد اعيد المسألة
خوية راح ارسم بسيفي...باب خيبر عل ملا
راح اصيحن كمررررررر هاشم....مدد يابو المرجلة
ونت شيل الجيش فوگ....وحيل طكة بكربلة
ياخير من الله الرگب...حي الله كرار العرب
يا نار طبت بالگصب...ابو فااااااضل
بل سيف هلگدما حلت...ام العوافي بسيفه اجت
حتى الشريعة تنهدت....ابو فااااااضل
@@@@@@@@@@@
شخاطر ابالج رقية... انه عمج وعرفت
انه طالع لبهم انه ...وغاد ابشرج من وكت
وطلع عزريل الهواشم....يچفت الانفس چفت
الطاح ويدردم مغمض...ميت وروحة الحچت
وصاح يرقية لگيته... بيدي كضيته وصحت
مايموت حسين شوفي......بيدي كسّرت الطشت
سكينه صدتلة وتهل...گاللها. گطعت الحبل
اسبيهم انه اعله الهزل.......ابو فااااااااضل
سهمت للقاسم سهم.....بالعرس ما نذبح غنم
ذابحلك الالاف الزلم......ابو فاااااااضل
@@@@@@@@@
زينب انه براسي ثار...مناطرة وگلبي اختنگ
ثار فاطم هذا اجاني...مربع اخذ ثاري طگ
بكثرما غزرت سيفي...الكاع صاير بيها شگ
انه تنور الزچية.....الچان تخبز بي طبگ
هي تخبز بس لهلنا...وانه اخبز بالخلگ
هي نص ستاو تخبز....وانه كل خبزي احترك
عباس ياشبل السمه...كل اليطگة بصارمه
عفية تجي من فاطمة...ابو فااااااضل
احصد يفلاح الارض... بالطول اخذهم بالعرض
عباس چتال النبض......ابو فاااااااضل
@@@@@@@@@@@
ابو قسور العويدي
بوق نديم قديم.📣
رمزي مانام.......❤️
@@@@@@@@@@@@@@
ها نديم.....
ضام راسك بوقك شبي چان كل ساعه يزخ
خانس شعدك مريض...لو تعبت امن نفخ
هي گوة السالفة مبينه وعتيجة
يله گوم وطخة راسك. يلا طخ
الغثتك ذيج الاشارة....
النبي شال ايد الصميدة وصارت بعلو المنارة
وهاي كل الناس سمعت.؟.
الله من فوگ ويگلة ((يامحمد گول هاي))
بس علي الترهمله بخ....بخ
@@
اطيني. رمزك...بيش فادك ؟؟؟
رمزك العداء كاضيها شبخ
الموش معزوم اعله سفرة
يذلة دخان الطبخ
اني. رمزي؟؟؟
انة رمزي شما اسولفلك تحير
تنصب بيوم الغدير❤️❤️❤️
عالاقل رمزي ولافارگني يوم امنل الولادة
لكلشي يرهم رمزي هذا
للمرض يرهم عيادة...برمزي مقبولة العبادة
وانت رمزك شارد بيوم القبائل
كالت نكتله محمد عالوسادة
واني ابد ما نام رمزي(( فدوة اروح لوجه رمزي))❤️❤️❤️
المهم...
الله يرحمج يل قراءة...
علمتني الرمز گاعد...يبقة گاعد..
.درستني ودرستكم الله شاهد
وگالت انت تريد تسلم؟؟ گلت اي
گالت. انت بس اتبرة من هذا نديم
والبقية الله كريم
@@@@@@
ابو قسور العويدي
الرباب ( عليها السلام)
لبن هذا اللبن عندي😭
انزل يا وجع چبدي😭😭
ابو قسور العويدي
اخوي حسين ما احمل....فرگتاه
السهم بعيوني كضيته.....وفركتاه
فرگ ماضل على عيوني...فرگتاه
وتلاگت عيني وي عيني سوية
صباح الخيم... يهل الخيم
ابو قسور العويدي
ابا الفضل ص((عندي سؤال))
جروحك بالصور مو حلوة مولاي
ماريدنها ابد. مو خوش تعويد
ردت منك صور بالسامعة اعليك
مثلا صورة بيدك كاض يزيد
او صورة خيالك من يطب ديوان
وتشوفك سكينه وترفعلها ايد😭😭
كلش حلوة من تخزرها گيد. وگيد
ويشوفك علي السجاد ويكلك عمي
عمي. ....عمي. ويضل بيها بس يعيد
😭😭😭😭😭😭😭😭😭😭😭
مروتك يابوفاضل كون تبرد گلبي شوية
ماعندك صور لحسين وانت تشربة ال امية
انشدك يا ضوة الخوة اريد اطلب طلب لية
بكل عيد انت من تروح يم حسين
شتنطي رقية عيدية؟؟؟
موش الماي ...موش افياي
شتنطي رقية عيدية😭😭😭
مروتك والجواب اتناه
يبن العبي البدوية
شتنطي رقية عيدية
ابو قسور العويدي
كون بيدك بل طف تكضلك نبي
وعلي يشرد لو سمع طاري السبي
وكلنا نعرف بيها زين
يگدر اعليها الحسين
لان ماعدهم عبي مثل العبي
ابو قسور العويدي
نزال للعليلة (ص)
اجيتوني بخيالي
انترس حنية بالي
@@@@@@@@@
اكعد بوحدي بغرفتي وعلة بالي ارسم رسم
بالي اترسة بوجه ابوي وعيني تدمع وبتسم
وجيش من شبگات احضر وانت واگفلي جسم
بقادة الحب ال بگلبي اغزيك يا اجمل اسم
اهجم على الحب الچبير
صدرك اشبگنا وتحير
اغزيك وتصير الاسير....
@@@@@@@@@@
ل ون بالي بلون ليلي. ما اخاف امنل خطر
بس احط ابالي عمي بل سمة. يهل الگمر
عمي ياشلال بارد عل گلب يمطر مطر
يبلل البال ابو فاضل .امبراطور النهر
صيتك بليل خمسطعش
گتلك لمن گلبي انتعش
الله يرحمك يا عطش...
@@@@@@@@@@@@
ارسم الهيبة الرهيبة الزينبية بكل طرف
واكتب بالي عبارة هنا يصنعون الشرف
هو بس عباس حارس يم عبايتها انعرف
ارسم بكفال زينب شو طلع سبع النجف
ارسمها رسمت مفخرة
ارسمها وبصف حيدرة.
وگبال سبع الگنطرة....
@@@@@@@@@@@
ارسم اكبر كاع خضرة وما احط بيها ورد
بس احطن علي الاكبر شايل بچفة عبد
ما احط كماط يمه وما احط كاروك ابد
ارسم بالي كفيل لفاطمة يروح ويرد
مو طفل صار من الزلم
عبد الله شيال العلم
كافل عليلتكم شهم....
@@@@@@@@@
ارسم بالي ازدحام منل هواشم بالصحن
وارسم الدلة العظيمة الفايرة بچف الحسن
هناك جسام بكشخته وكاض مهرة من الرسن
مو عرس خطار اجاهم والفناجين انچون
جسام صاعد عل مهر
اولاد اعمامة شكثر
سادة وچفافيهم خضر
@@@@@@@@
ورسم بالي فراشة واكفة ولا ما تطير
توكف اعله جتاف واحد اني اسرته اسير
وانه هم اصبح فراشة وهم احط اعله الامير
هيه يمنه واني يسرة وعشگ فوگ الخد ندير
نوگف على متون الورد
نتحسس الحب عن بعد
نجمع عسل نجمع برد
@@@@@@@@@@@
ابو قسور العويدي @fff45
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
السيدة الرباب (ع)بصوتها المبحوح
تگول يمه عبد الله وليدي عبدالله
@@@@@@@@@@@@@@@
تعبني ونينك...يمه الله يعينك
تعال انزل وخل نبچي سوية
تعال وكون تترس هاي ادية
ييمه ..... ييمه
@@@@@@@@@
يبو نحر الزغير الفوگ صاعد 😭😭
على خديداته دم هواي جامد 😭😭
يچتال الرباب العمت بالنوح
شوف اچم حضن جواك زايد😭😭
اميل ويه الهزايل طول الايام😭😭
دللولك من الطف صار للشام😭😭😭
يمه الدرب كلة.....اناغيك اعله هزلة😭😭
قسمتك عل رمح وانه سبية😭😭
تعال وكون تترس هاي ادية
@@@@@@@@@
يل مدوهن بذبحك والله هظمه
عيونك سادهن ماحاچي كلمة
ابوك اعلة الرمح مو يقرة قران😭😭
اريدن مرة وحدة تگول يمه😭😭
ليمت تبچي يمه بصوت ولسان
حتى افزع وكولن ابني جوعان😭😭
اغذيك بدمعتي...يوليدي وزلمتي😭😭
طفل وي اخوته فازع لبية😭😭😭😭
تعال وكون تترس هاي ادية
@@@@@@@@
رباب شوية اصفني اعله الولد زين
ست اشهر بالمثلث تحسبين
المثلث ثلاث سهام وكبار
ييمة بكل سهم مكتول شهرين😭😭😭
بدليل حسين ابوك بعمر خمسين
بثلثمية سهم مصيوب الحسين😭😭😭
مو كلكم تروحون...ابقة بوحدي شلون😭
يمته يحين دوري اعله المنيه
تعال وكون تترس هاي ادية
@@@@@@@@
ي ليلى بداعت العشرة اندعيلي
ي ليلى ونايمة العلة بدليلي😭
مثل ما ردلج الاكبر للخيام
اريد ابني يجي ينام بشليلي😭
دعت كالت احلفك بالمناحة
اللهي الروس محتاجه استراحة😭😭
وعلي لمن دعتلي...عبدالله ابتسملي😭
وفتح عينة ويباوع بس علية😭
تعال وكون تترس هاي ادية
@@@@@@@@@@@
يروحي الوجع كاتلني اعله شانك
حنانك هذا دنزل يم حنانك😭😭
بذانك ليش دم يابس ييمه
شني مرلك شمر شو دم بذانك😭😭😭
عفت جسمك على الطف گالبينا
بسلا خنصرك هم گاصينا 😭😭😭
ما دورت جسمك...تركض چانت امك
اركض چنت ادورلك امية😭😭😭
تعال وكون تترس هاي ادية
@@@@@@@@@@
ابو قسور العويدي @fff45
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
س//ماذا فعل العباس بكفه الايمن والايسر؟؟
الجواب...
ابد مو زلم حسبالك بسامير
اليسطرة براسة يدخل بالارض مترة
يا اول فحل. بسمر زلم بالكاع
عثرت روس سواها الزلم عثرة
شتلكم بالارض عاگول يم عاگول
بلكت يكثر و عباس ال يطبرة
ابو قسور العويدي
على حب اسد السموات والارضين
الصلاة على محمد وال محمد
لفظا يرحمكم الله
يقول( جون ) عليه السلام
غير حسين ما املك ....سوى دين
عبد ولبسلك الاسود.....سوادين
وحگ عباس لو طلع....سوادين
جن بلقيس ميلحك علية
((دخيل حنيتك))
جروحك چن شريعة ماي
شما ناخذ فلا تخلص
انت بذبحك تعليت
والوادم بقت تنقص
عجيب شلون حنية
دفهمني يبو رقية
بمتنك تدفع السلاب
ع سلاب انت احرص
ابو قسور العويدي
اصحاب الحسين ص
ينشدوني عليمن يبچي الحسين
وانه مفارگ شوارب تسوة عدلين
كثر ما شلت بصحابي..دمهم يبس بثيابي😭
الواحد مايهون وهمه سبعين😭
@@@@@@@@
الشماته خلافكم نشدو على حسين
وانه بگلبي گلت موزين. موزين😭😭😭
مگابلكم رفستو هواي بالچول😭😭😭
انه انعه وطلع من عدكم ونين😭
الونين المن يصحباني
عليه لو وجع ثاني؟؟؟😭😭😭
اكعدو ولا تخلوني بفشلتين😭😭😭😭
الواحد مايهون وهمه سبعين
@@@@@@
الحنين يريد ربعه تصيرلة حنان
يعابس شنهي نايم وانه عطشان😭😭
مو للماي اريدنك يمجنووووون
تعال وحضرتلك خوش قمصان😭😭😭
رد. وعيدلي الجمله ((حب الحسين اجنني))
اريد ابچي الدمع كله😭😭
بهاي الساعه محتاج المجانين
الواحد مايهون وهمه سبعين
@@@@@@@@
حبيب. تريد ازعل لو تردلي
خافن لاگي غير حسين گلي😭😭😭😭
غريب ومالي اهل يبن مضاهر
وانه الحاسبك واحد من اهلي😭😭😭
اهل ماعندي ياعمي
انه زغير وفگدت امي😭😭
رد يل ميت اعلة حسين مرتين
الواحد مايهون وهمه سبعين
@@@@@@@@@
جون انفضها روحك من السهام
مو حلوة تعوف حسين وتنام😭😭
شلت ايدك وطاحت فوگ التراب😭😭
نمت والنايمات بصفحتة سهام
الغربة شلون بالغربة
تكتل ياخلگ صعبة😭😭😭
حبيته اعله عينه ودمعت العين😭😭😭
الواحد مايهون وهمه سبعين
@@@@@@@@@
زهير وكل ونينك عذباني
يشالع گلبي والتارس اذاني😭😭
كل اه التهدها تدري شيصير
يصاحب اني اموتن والله اني😭😭😭
يلوج حسين بس منك
انشلع گلبي بكثر ونك😭
هاي الونه ما خلت بالحسين😭😭
الواحد مايهون وهمه سبعين
@@@@@@@@
يحر كوم ارد اكلفك عندي كلفة
هذا الجيش عندة عيون صلفة
امد ايدي عليك وماگمت ليش
افا. ومتگوم ويه حسين وسفة😭😭
هظيمه يحشم القائد😭😭
وأبد ما گام اي واحد😭😭
وعلي ضحكو علي شمات صوبين😭😭
الواحد مايهون وهمه سبعين
@@@@@@@@@@@@@
ششگف يامصيية الگلب حاير
ضليت التفت محد يناصر
محد گالي الله وياك يحسين😭😭😭😭
انه الشبعت ذيج الحووووافر😭😭😭😭
انه الهاضمني يخواني
محد فاگد مچاني 😭😭😭😭😭
متت محد فزع بس النساوين😭😭😭
الواحد مايهون وهمه سبعين
@@@@@@@@@@@
ابو قسور العويدي
مامجروح بالعين
ولامجروح بالايد
يمكن ماخذين الصورة بالعيد
احبك
ابو قسور العويدي
العليلة ص
شافاني ودموعي اعله خدي
ومنتضرة بلكي يكلي اصعدي
@@@@@@@@@@@
ابالي حل الكم ولي... وارتاح من همي متت
من بعيد لو راح الضعن.. اشرلي لمن
تلتفت
وصيحولي بس كملو مشي... وركضلك بحجة صحت
والگالكم مني عذر................صحتوني بس مالحگت😭
ما ازعل اعليكم ابد بس اقرو ليه الفاتحة
درب السلامه توكلو چي زعلت الحب طايحة😭😭
حيلج بعد لليل شدي
منتضرة بلكي يكلي صعدي
@@@@@@@
بوية ارد اسألك عن امر....بس بالمشاور اسألة
باجر تصير لوحدك............ وتريد ناصر بالفلة
ومحد يفازعلك ابد ....جرب وخذني لهل الملا
ماخلي دم بيه وعلي... بدمي اله اترس كربله😭😭
هيچي وموت بنصرتك عن لا تضل بحيرة
چا شنهي ربعك بيش احظ لا انه اكثر غيرة😭😭😭
ها هسة شتكول ابقة وحدي؟؟
منتضرة بلكي يكلي صعدي
@@@@@@@@@
دمع اليحبك يختلف.. مالح ومج ماينشرب
بالباب اصد ليكم قهر..هسة اني اروحن لو اطب
بالعافية اعليج ام وهب....بصحرة وخذاج من الدرب😭
چا انه لو عندي ابن........هم راسة اشمرة اعله الغرب😭😭
ماترضة بالسيف امن اهد.. بس راح اكض عصابتي
واليگرب اعليك بغدر .......والزهرة اكتله بشارتي😭😭
يامن شلعت اطراف چبدي
ومنتضرة بلكي بگي اصعدي
@@@@@@@@@@@
عندي امنية سويها الي...تاخذني ليش ابقة بجرح
وعطش وخذني بصايتك...وطلعني انه اعلة الذبح😭😭
وخل حرمله يسدد علي......عبد الله خينام الصبح😭😭
ست اشهر وحصته سهم........اني اكبر. اتحمل رمح😭😭😭😭😭😭
وبحضنك استشهد لچن.... ارد اطلب من احسانك
بالصحرة لاتدفني ابد...؟؟؟... ادفني بين احضانك😭😭😭
صدرك يبوية يصير لحدي
منتضرة بلكي يكلي صعدي
@@@@@@@@@@
قررت اسبي رويحتي...وبالغرفة حطيت الجمر
وطشيت عاكول بطرف...ومشيت فوگاه شكثر😭😭
ولبست ترچية وكمت... منتضرة يشلعها الشمر😭😭😭😭😭
احتاج شمات وهزل.....ومگاطف حجار العصر😭😭😭😭
كلهن اسويهن سهل خاطر احس بحساسك
بس رمحي فارغ اي لأن بگليبي اعلگ راسك😭😭
وتضل لحد الموت عندي
منتضرة بلكي يكلي صعدي
@@@@@@@@
ابو قسور العويدي
ماندهتك ..وانت طايح
حسبت بعدك عدل
الحيهم تلچمك لمن تنزل عليك
الحيهم المن زينب تعدل الهزل😭😭
ماندهتك....
ونته حيلك صار بحلوگ الحوافر
مو سهل
ارتاحلك ساعه وتعال
وحنه هم نحتاج ساعه
خاطر نكمل سراوات الحبال😭😭
ارتاحلك ساعه وتعال اعلية هل
انفض من امتونك اكوام النبل.
⏱⏱⏱⏱⏱⏱⏱⏱⏱⏱⏱⏱⏱⏱⏱⏱⏱⏱⏱⏱⏱⏱⏱⏱⏱⏱⏱⏱⏱⏱⏱⏱⏱⏱⏱⏱⏱⏱⏱⏱⏱⏱⏱⏱⏱⏱⏱⏱
حسين هاي الساعه عبرت انت وين
