Еўрарадыё | Еврорадио

22 April 2025 11:04

Блізкі да сілавічкоў тг-канал паведаміў, што ў Гомелі пабіліся не пакістанцы, а мараканцы. Гэта былі студэнты, якія пасварыліся праз дзяўчыну.

Людзям, якія ў каментарах пісалі, што ўдзельнікі бойкі могуць быць пакістанцамі, ужо пагражаюць затрыманнем.

Еўрарадыё | Еврорадио

22 April 2025 10:28

Па сацсетках разлятаецца відэа бойкі замежнікаў у цэнтры Гомеля. Сцэна разгортваецца на плошчы Леніна каля ўваходу ў парк, гэта адно з тусовачных месцаў горада.

На відэа маладыя людзі ўсходняй знешнасці б'юцца, а трэці хлопец ляжыць на асфальце. У каментарах пішуць, што бойка адбылася ўночы з 21 на 22 красавіка. Пішуць таксама, што гэта пакістанцы, але ніякіх пацвярджэнняў гэтаму няма.

Еўрарадыё | Еврорадио

22 April 2025 09:29

Каго глядзець/слухаць сёння на @euroradio? Трымайце анонс эфіраў на аўторак (час пазначаны беларускі):

13:00 — экспертка ў справах рэлігіі Наталля Васілевіч. Паразмаўляем пра ролю Папы Рымскага Францішака і пра тое, хто можа яго замяніць.

Глядзіце стрымы EuroradioLive">на ютуб-канале Еўрарадыё, задавайце пытанні!

Еўрарадыё | Еврорадио

22 April 2025 08:49

"Беллегпрам" хваліцца аднаўленнем паставак у краіны Еўрасаюза. Што праўда, тут жа і "лагістычныя складанасці", і "падаражэнне транспартных выдаткаў".

Падрабязней: https://euroradio.fm/bellegpram-khvalicca-adnaulennem-pastavak-u-krainy-eurasayuza

З Беларусі — без VPN

Еўрарадыё | Еврорадио

22 April 2025 08:02

Памёр савецкі і расійскі скульптар Зураб Цэрытэлі. Яму быў 91 год.

Цэрытэлі заўжды быў блізкім да ўладаў, якія, у сваю чаргу, не шкадавалі для яго пасадаў, прэмій і медалёў. Але ў свой час яго дзіўныя, манументальныя працы сталі для савецкіх грамадзянаў адным са знакаў пераменаў.

Еўрарадыё | Еврорадио

21 April 2025 21:03

Важныя падзеі і сэнсы панядзелка, 21 красавіка, у праграме ЕЎРАЗУМ:

00:58 Ці прызнае Украіна Крым расійскім?

15:14 Навіны спорту

17:43 Навошта Лукашэнка акружыў сябе лібераламі

30:21 Навіны шоў-бізу

33:18 Пакістанцы замест “здаднікаў” — твітарскія пра адкрытыя вакансіі

Еўрарадыё | Еврорадио

21 April 2025 20:06

Тэма пераезду 150 тысяч пакістанцаў у Беларусь не адпускае цікток. Беларускі запісваюць відэа з газавымі балончыкамі — маўляў, будзе чым бараніцца ад гасцёў з Паўднёвай Азіі. Іншыя звяртаюць увагу на сацыяльны бок пытання.

"А сваім вы не хочаце адпаведную падтрымку адказаць?"

Еўрарадыё | Еврорадио

21 April 2025 19:16

Выратавальнікі спрабуюць патушыць лясны пажар на поўдзень ад Мінска. Полымя падабралася да вёскі Кайкава.

Тушыць агонь перашкаджаюць вецер і адсутнасць дарог. На месцы ўжо амаль 20 адзінак тэхнікі і больш за 70 чалавек.

Еўрарадыё | Еврорадио

21 April 2025 18:17

"Мы абавязкова з вамі пагаворым, так". Але пакуль "проста трэба пачакаць". Чыноўнікі ў замяшальніцтве праз пратэсты ў Жодзіне.

А мясцовыя не разумеюць: а што, у Беларусі нельга збіраць подпісы на вуліцах? Падрабязней: https://euroradio.fm/zhodzincy-suprac-sazhalki-z-adkidami-ulady-mauchac-milicyya-adabrala-podpisy

З Беларусі — без VPN

Еўрарадыё | Еврорадио

21 April 2025 17:23

Стала вядома, колькі на "мерчы Лукашэнкі" зарабіла кампанія Баскава. Гаворка пра сотні тысяч рублёў, заўважыла @zerkalo_io.

Той самы "Лепшы" з памылкай у назве: https://euroradio.fm/stala-vyadoma-kolki-na-merchy-lukashenki-zarabila-kampaniya-baskava

З Беларусі — без VPN

Еўрарадыё | Еврорадио

21 April 2025 16:41

Пуцін не адмовіўся ад прапановы Зяленскага пра 30-дзённае спыненне вагню пасля Вялікадня, але і не пагадзіўся на яе. Такая стратэгія дазваляе прэзідэнту Расіі ўжо тры месяцы пудрыць мазгі Трампу і яго перамоўшчыкам.

"З гэтым трэба разабрацца", — сказаў ён пра 30-дзённае перамір'е. Ну а разбірацца можна доўга, мы разумеем.

Мімаходзь Пуцін пацвердзіў, што 13 красавіка расійскія вайскоўцы нанеслі ўдар па грамадзянскім аб'екце ў Сумах. Ракеты былі запушчаныя менавіта па кангрэс-цэнтры Сумскага ўніверсітэта, дзе праходзіла цырымонія ўзнагароджвання ўкраінскіх вайскоўцаў. У выніку загінулі 35 мірных жыхароў.

Еўрарадыё | Еврорадио

21 April 2025 15:24

Павел Лібер паказаў у стрыме @euroradio Пашпарт Новай Беларусі са сваім фота. Гэта адзін з тэставых экземпляраў — але ў той жа час дакумент, зроблены па ўсіх стандартах.

А вы думалі — гэта немагчыма?

Цалкам стрым з дырэктарам лічбавай платформы "Новая Беларусь" Паўлам Ліберам глядзіце тут: https://www.youtube.com/watch?v=9x0zP8JimeA

Еўрарадыё | Еврорадио

21 April 2025 14:33

Трэнер зборнай Беларусі па футзале хоча, каб палітыка адышла на другі план. А Літва і Латвія не хочуць бачыць зборную Беларусі на чэмпіянаце Еўропы 2026 года.

Вырашаць будзе УЕФА: https://euroradio.fm/trener-zbornay-belarusi-pa-futzale-khocha-kab-palityka-adyshla-na-drugi-plan

З Беларусі — без VPN

Еўрарадыё | Еврорадио

21 April 2025 13:32

На фота — сям'я Канавалавых: па баках Насця і Ваня, а ў цэнтры іх бацькі — Антаніна і Сяргей, беларускія палітвязні. Так іх гісторыю ўбачылі фатографы Яўген Канаплёў і Юлія Лейдзік.

Дзеці не бачылі матулю 1555 дзён, а бацька дагэтуль за кратамі. Некалькі гадоў пасля затрымання бацькоў іх гадавала бабуля.

Сёння Антаніна Канавалава на волі. Месяц таму яна сустрэлася са сваімі блізкімі у Вільні, перайшоўшы мяжу з Літвой.

Еўрарадыё | Еврорадио

21 April 2025 12:41

Перад смерцю Папа Францыск сустракаўся з віцэ-прэзідэнтам ЗША Джэй Дзі Вэнсам. Падобна да таго, што ён — апошні з афіцыйных асобаў, хто атрымаў аўдыенцыю ў Пантфыіка і бачыў яго жывым.

"Я быў рады бачыць яго ўчора, хаця ён, відавочна, быў вельмі хворы. Але я заўсёды буду памятаць яго за пропаведзь, якую ён прачытаў у першыя дні COVID-19. Яна была сапраўды вельмі прыгожай", — напісаў Вэнс, калі даведаўся, што Папа Рымскі памёр.

Джэй Дзі Вэнс — каталік. Ён ахрысціўся ў жніўні 2019 года, у 35 гадоў.

Еўрарадыё | Еврорадио

22 April 2025 10:54

Прапаганда з уласцівай ёй мядзвежай дрымучасцю і нянавісцю да ўласнага народа пачала апраўдваць Лукашэнку за ідэю запрасіць у Беларусь 150 тысяч работнікаў з Пакістана. Тут у нас клінічны выпадак.

Усе гэтыя азаронкі гадамі раздзімалі ксенафобію, распавядаючы беларусам пра зверствы мусульманаў у краінах Еўрапейскага саюза. А цяпер здзіўляюцца.

Еўрарадыё | Еврорадио

22 April 2025 10:03

Гэты працоўны тыдзень у Беларусі будзе доўгім — на ім толькі адзін выходны, у нядзелю. Затое на наступным тыдні — толькі два працоўныя дні.

Расказваем, калі працаваць, а калі адпачываць: https://euroradio.fm/na-nastupnym-tydni-u-belarusau-buduc-tolki-dva-pracounyya-dni

З Беларусі — без VPN

Еўрарадыё | Еврорадио

22 April 2025 09:08

Дар'я Домрачава прыйшла паглядзець хакей разам з Віктарам Лукашэнкам. Ну а што? Не асабіста ж ён скінуў з ровара і дзве хвіліны збіваў дручкамі і нагамі яе брата Мікіту ў кастрычніку 2020 года...

Больш важных тэмаў тыдня ў свежым выпуску бла-бла-шоў "Чык-чырык": https://www.youtube.com/watch?v=TYf9fwFgs4k

Еўрарадыё | Еврорадио

22 April 2025 08:19

Дональд Трамп упершыню за свой другі прэзідэнцкі тэрмін збіраецца ў Еўропу. Ён хоча патрапіць на пахаванне Папы Рымскага Францішка.

47-ы прэзідэнт ЗША выбраў даволі дзіўныя словы, каб паведаміць пра гэта. "Мы з Меланіяй будзем прысутнічаць на пахаванні Папы Францішка ў Рыме. Мы з нецярплівасцю чакаем магчымасці быць там!", — realDonaldTrump/posts/114377719179993844">напісаў ён у сваёй сацсетцы Truth.

Не кожны дзень чытаеш, як нехта нецярпліва чакае пахавання. Але шмат каму з беларусаў гэтая эмоцыя знаёмая.

Еўрарадыё | Еврорадио

22 April 2025 07:36

“Беларуская чыгунка” прапанавала Літве, Латвіі і Польшчы ўзнавіць рух пасажырскіх цягнікоў. Гэта адбылося на канферэнцыі Арганізацыі супрацоўніцтва чыгунак (так, ёсць і такая!).

Прадстаўнік Літвы на пасяджэнні адсутнічаў, а што адказалі іншыя — невядома. Затое ўжо некалькі гадоў вядома, што транспартныя абмежаванні, як і іншыя санкцыі, будуць знятыя, калі Лукашэнка спыніць палітычныя рэпрэсіі і перастане дапамагаць Пуціну ў вайне супраць Украіны.

Еўрарадыё | Еврорадио

21 April 2025 20:32

Навошта беларусам пашпарт Новай Беларусі? Тры сэнсы ад Паўла Лібера.

Прачытаць можна тут: https://euroradio.fm/navoshta-belarusam-pashpart-novay-belarusi-try-sensy-ad-paula-libera

З Беларусі — без VPN

Еўрарадыё | Еврорадио

21 April 2025 19:41

Марына Кіявец ганяе з Польшчы машыны для Узброеных сілаў Украіны. Гэтай зімой яна трапіла ў аварыю. Жанчына адкрыла збор на рамонт, вось тут: https://zrzutka.pl/rv5j4v

Да канца збору застаецца некалькі гадзінаў, але патрэбная сума яшчэ не закрытая. Смелай беларусцы патрэбная вашая дапамога!

А вось нашае відэа пра Марыну Кіявец з праекту "Як ты?"

Еўрарадыё | Еврорадио

21 April 2025 18:50

Расія і Турцыя губляюць ураджай садавіны. Гэта можа больна ўдарыць па гаманцах беларусаў улетку. Калі садавіна з поўдня ўвогуле з'явіцца на прылаўках.

Справа ў хвалі замаразкаў, якая прайшла ў красавіку. На поўдні і ў цэнтры Расіі страты ўраджаю могуць дасягнуць 40%. А ў Турцыі пацярпела да 80% вінаграда і каля 50% яблыкаў, абрыкосаў і чарэшні.

Таксама замаразкі пракаціліся па Грузіі.

Як мы ведаем па сітуацыі з бульбай, калі ў Расіі чагосьці не хапае — там прапануюць больш высокія цэны, каб перакупіць пастаўкі. Таму можна чакаць у Беларусі ці дэфіцыту садавіны, ці цэнаў на ўзроўні расійскіх.

Еўрарадыё | Еврорадио

21 April 2025 17:54

Як жыхары Беларусі ставяцца да заходніх санкцый супраць Лукашэнкі? Вы, напэўна, здзівіцеся, але:

— 56% згодныя з тым, што эканамічныя санкцыі Захаду прывядуць за фінансавага аслаблення цяперашняга рэжыму;
— 61% лічаць, што беларуская апазіцыя мусіць настойваць на пашырэнні санкцый.

Такімі вынікамі сацыялагічных апытанняў падзялілася дырэктарка Беларускай аналітычнай майстэрні Марына Новікава. Цалкам свехы стрым з ёю глядзіце тут: https://youtu.be/qFSkxyOJFX0

Еўрарадыё | Еврорадио

21 April 2025 16:58

Ці ведае новы кіраўнік Нацбанка Беларусі, якой валютай карыстаюцца ў Еўрасаюзе? Мяркуючы па некаторых выказваннях Рамана Галоўчанкі — не вельмі:

"Председатель правления Национального банка Роман Головченко дал своё объяснение, почему некоторые белорусы продолжают переводить в уме цены в доллары. По его словам, люди делают это "скорее по привычке", а саму эту привычку объяснил "географической близостью к Европе".

Еўрарадыё | Еврорадио

21 April 2025 15:57

Быў за 30 км ад Беларусі, але не заехаў. Заклікаў спыніць гвалт у 2020-м і вызваліць палітвязняў.

Паглядзелі, што Папа Рымскі Францішак казаў пра нашу краіну і якім мы яго запомнім: https://euroradio.fm/byu-za-30-km-ad-rb-ale-ne-zaekhau-shto-papa-francishak-kazau-pra-nashu-krainu

З Беларусі — без VPN

Еўрарадыё | Еврорадио

21 April 2025 15:05

Мінус 26 кілаграмаў! Гісторыя доктара, які схуднеў з “Аземпікам”.

Калі дыеты не дапамагаюць: https://euroradio.fm/26-kilagramau-gistoryya-doktara-yaki-skhudneu-z-azempikam

З Беларусі — без VPN

Еўрарадыё | Еврорадио

21 April 2025 14:02

Ці стане Косава прыкладам для “Новай Беларусі” і ў якіх сферах — стрым з ІТ-прадпрымальнікам Паўлам Ліберам.

Прадстаўнікі беларускіх дэмсіл наведалі Рэспубліку Косава. У невялікай, але прадстаўнічай дэлегацыі быў і дырэктар лічбавай платформы “Новая Беларусь” Павел Лібер.

Якое ён мае дачыненне да тэмаў, што абмяркоўваліся з прадстаўнікамі Косава, і прычым тут "пашпарт Новай Беларусі"? Што адбываецца на платформе "Новая Беларусь" і ці апраўдала яна спадзяванні распрацоўшчыкаў? На пытанні рэдактара Еўрарадыё Змітра Лукашука адказвае Павел Лібер: https://youtu.be/9x0zP8JimeA

Еўрарадыё | Еврорадио

21 April 2025 13:02

Як санкцыі ўплываюць на жыццё беларусаў і іх стаўленне да дэмсілаў? Стрым з дырэктаркай Беларускай аналітычнай майстэрні Марынай Новікавай.

Тэма санкцый падзяліла апанентаў рэжыму Лукашэнкі на два лагеры. Адныя працягваюць настойваць на ўзмацненні і пашырэнні санкцыйнага ціску, а іншыя сцвярджаюць, што санкцыі наносяць шкоду не рэжыму і не Лукашэнку ды яго “гаманцам” асабіста, а незалежнасці Беларусі і шараговым грамадзянам.

Але ці магчыма ў сённяшніх умовах правесці незалежнае даследаванне на такую тэму, як стаўленне беларусаў да санкцый? Ці можна давяраць атрыманым адказам, і якія пытанні людзям лепш задаваць? Як шараговыя беларусы ставяцца да заходніх санкцый і каго лічаць вінаватым у іх увядзенні?

Задаем гэтыя пытанні сацыёлагу Марыне Новікавай: https://youtu.be/qFSkxyOJFX0

Еўрарадыё | Еврорадио

21 April 2025 12:23

Долар і еўра істотна патаннелі на першых на гэтым тыдні біржавых таргах у Беларусі. Расійскі рубель таксама патаннеў, але настолькі нязначна, што хутчэй можна сказаць, што яго курс застаўся на месцы.

Вось курсы валют, якія будуць дзейнічаць у бліжэйшыя суткі.

1 USD 🇺🇸 = 3,0453 рубля | -1,37 капейкі
1 EUR 🇪🇺 = 3,4895 рубля | -1,51 капейкі
100 RUB = 3,6799 рубля | -0,01 капейкі

Тры месяцы таму, у дзень інаўгурацыі Дональда Трампа, 1 долар каштаваў 3,4591 рубля. З 20 студзеня валюта ЗША патаннела на 41 капейку, ці амаль на 12%.