Еўрарадыё | Еврорадио

15 January 2025 18:35

“Як ты?”. Беларускі добраахвотнік "Джын" паказвае перапіску з бацькам і маці.

На пытанне "Як ты?" беларускія добраахвотнікі часта адказваюць "Норм". А @euroradio яны расказваюць, што хаваецца за гэтым словам.

Чытаць тут: euroradio.fm/yak-ty-belaruski-dobraakhvotnik-pakazvae-perapisku-z-backam-i-maci

А гэтая спасылка адкрыецца і без VPN

Еўрарадыё | Еврорадио

15 January 2025 17:26

На Беларускай чыгунцы скралі рэкордную колькасць інвентара строгага ўліку — тармазных чаравікаў. Здарэнне адбылося ў пачатку 2025 года.

З розніцай у 4 дні з пад'язных шляхоў прамысловых прадпрыемстваў, якія прымыкаюць да станцыйных шляхоў чыгункі, зніклі 13 тармазных чаравікаў. Спачатку адзін знік каля станцыі Чэпіна на Віцебшчыне, пасля яшчэ 12 — каля станцыі Ганцавічы. Апошнія былі ў спецыяльнай металічнай скрыні.

Ганцавіцкім выпадкам зацікавілася не толькі міліцыя, але і КДБ. Справа ў тым, што скрадзены інвентар патэнцыйна можа быць выкарыстаны для здзяйснення актаў тэрарызму на чыгунцы.

Еўрарадыё | Еврорадио

15 January 2025 16:39

Гурт Molchat Doma выступіў ля гасцініцы "Панарама" ў Славакіі. Менавіта гэты будынак можна пабачыць на вокладцы іх культавага альбома "Этажи".

https://youtu.be/FoGAh8jFz3A?si=4hmuXPFOrdm-opPD

Еўрарадыё | Еврорадио

15 January 2025 16:04

Расія планавала тэракты ў паветры супраць Польшчы і іншых краін — па ўсім свеце. Такую заяву зрабіў прэм'ер-міністр Польшчы Дональд Туск.

Ён спаслаўся на новыя разведданыя, але не стаў агучваць падрабязнасці.

Апошняя інфармацыя пацвярджае абгрунтаванасць боязі, што Расія планавала тэрарыстычныя акты ў паветры не толькі супраць Польшчы.

Еўрарадыё | Еврорадио

15 January 2025 15:29

Праваабаронцам вядома пра 6550 асуджаных у Беларусі паводле палітычна матываваных абвінавачанняў. Сярод іх 1380 жанчын.

Пра гэта сведчыць агляд сітуацыі з правамі чалавека ў Беларусі ў 2024 годзе, падрыхтаваны "Вясной".

У мінулым годзе з рознымі відамі рэпрэсій сутыкнуліся не менш за 8895 чалавек. Гэта і крымінальны, і адміністрацыйны пераслед (арышты, допыты, ператрусы).

Еўрарадыё | Еврорадио

15 January 2025 14:11

42 тысячы беларусаў атрымалі ў 2024 годзе рашэнні аб выдачы дазволу на жыхарства у Польшчы. Падаць заявы паспелі 48 тысяч нашых суайчыннікаў.

Сярод замежнікаў, якія атрымліваюць ДНЖ у Польшчы, беларусы займаюць другое месца. Лідарства — у грамадзян Украіны: карты пабыту атрымалі 218 тысяч чалавек. Пры тым, што пададзена было 286 тысяч заяваў.

Еўрарадыё | Еврорадио

15 January 2025 13:17

Лукашэнка лічыць сябе бессмяротным. На нарадзе пра інвестыцыі ён нечакана вырашыў выказацца пра “беглых”, якія “чакаюць, калі Лукашэнка здохне”.

“Не дачакаецеся”, — заявіў Лукашэнка.

Еўрарадыё | Еврорадио

15 January 2025 12:48

"Як ты?" Падкаст @euroradio з добраахвотнікамі ва Украіне. Слухайце першы выпуск з Міколам.

0:00 Пачатак падкасту

9:05 І тут пачынаецца фаер-шоу: ту-дух, ту-дух, ту-дух. Аповед героя пра першы бой

15:21 “Блін, а дарма я маці ўсё гэта распавёў”

17:37 Як жыць мірным жыццём, калі не хапае адрэналіну, да якога прызвычаіўся на вайне

22:15 Як дзяўчына Міколы двойчы бегла ад акупацыі

30:58 “Дзед прыйшоў з вайны”: чаму вайскоўцаў часам раздражняюць людзі ў Еўропе?

31:49 Што Мікола думае пра вызваленне Беларусі сілавым шляхам?

35:45 Мікола дасць вам паслухаць сваю любімую песню

Еўрарадыё | Еврорадио

15 January 2025 12:23

Не ўсю апазіцыю перамаглі ў Беларусі. Два чалавекі прагаласавалі супраць Віктара Лукашэнкі на чале НАК.

Вядома, старэйшага сына самі-ведаеце-каго пераабралі: за яго прагаласавалі 82 сябры НАК. Яшчэ тры чалавекі ўстрымаліся, а два прагаласавалі супраць.

Выбары адбываліся таемным галасаваннем. Хто тыя смяльчак мы наўрад ці даведаемся.

Еўрарадыё | Еврорадио

15 January 2025 11:43

Тым часам расіяне пераходзяць з YouTube у “ВК”. Так, калі вы здзіўляецеся, гэтая платформа яшчэ жывая.

У снежні месячны ахоп аўдыторыі “ВК” у Расіі быў упершыню большым, чым у ютуба. Найперш дзякуючы “ВК відэа”, якую актыўна развіваюць як альтэрнатыву амерыканскай платформе. Пра яе казаў і некалі беларускі блогер Улад Бумага, калі публічна прагібаўся перад Пуціным.

Відаць, пра “Рутуб” амаль забыліся. І гэта не дзіўна, бо аўдыторыя там мізэрная.

На шчасце, у Беларусі аўдыторыя ютуба па-ранейшаму больш вялікая за “ВК”.

Еўрарадыё | Еврорадио

15 January 2025 10:43

ЦВК палохае штрафам у 630 рублёў за фота бюлетэняў. Аргументы — вельмі смешныя.

Забарону на здымкі выбарчых бюлетэняў увялі пасля 2020 года. Тады дзякуючы здымкам, дасланым на анлайн-платформу "Голас", удалося паказаць яўную перавагу Святланы Ціханоўскай падчас галасавання.

Цяпер улады прыраўнавалі здымкі бюлетэняў да агітацыі, што забаронена ў дзень выбараў.

У ЦВК забарону тлумачаць “прынцыпам таямніцы галасавання”. Але знаходзяць яшчэ адзін цікавы аргумент:

“Калі грамадзянін выстаўляе на ўсеагульны агляд тое, як ён прагаласаваў у асноўны дзень выбараў, ён, па сутнасці, ажыццяўляе агітацыю. Агітацыя 26 студзеня забароненая", — адзначае сакратарка ЦВК Алена Балдоўская.

Еўрарадыё | Еврорадио

15 January 2025 09:40

Беларусь заняла 70-е месца ў абноўленым рэйтынгу ваеннай моцы Military Strength Ranking. Нават Куба і Венесуэла размясціліся вышэй.

Расія дзеліць другое месца з Кітаем, Украіна займае 20-е, Польшча — 21-е.

На першым месцы, як і ў папярэднія гады, знаходзяцца ЗША.

Як кажуць: а размоў колькі было.

Еўрарадыё | Еврорадио

15 January 2025 09:03

175 гадоў таму нарадзілася выбітная матэматык, першая ў свеце прафесарка Соф’я Кавалеўская. Яна паходзіла з беларускага роду і мела вельмі цікавую біяграфію — напрыклад, закахалася ва ўдзельніка паўстання Каліноўскага.

Геній матэматыкі — што варта ведаць пра Соф'ю Кавалеўскую

Еўрарадыё | Еврорадио

15 January 2025 08:08

Джэк Нікалсан — сярод аматараў твораў Хаіма Суціна! Праз фота, якое апублікавала дачка знакамітага акцёра, стала вядома, што ў яго дома ёсць карціна "Жанчына са скрыжаванымі рукамі".

Тут падборка яскравых твораў Хаіма Суціна.

Еўрарадыё | Еврорадио

15 January 2025 07:26

Прэзідэнт ЗША наведваў Мінск! Розна 31 год таму, 15 студзеня 1994, у Беларусі былі Біл і Хілары Клінтан. Прэзідэнт, сярод іншага, шмат казаў пра важнасць свабоды і дэмакратыі. На жаль, усяго праз паўгода да ўлады прыйшоў Лукашэнка. З таго часу ніводны кіраўнік ЗША не быў у нашай краіне.

Цікавы факт: у ганаровай варце падчас сустрэчы Клінтана стаяў Марат Маркаў — будучы кіраўнік лукашэнкаўскага Міністэрства інфармацыі. Стаяў пад бел-чырвона-белым сцягам — і глядзіце, нічога ад гэтага не адвалілася ў чалавека.

Еўрарадыё | Еврорадио

15 January 2025 18:17

Ізраіль і ХАМАС дамовіліся аб спыненні баявых дзеянняў у Газе і абмене ізраільскіх закладнікаў на палестынскіх зняволеных. Абраны прэзідэнт ЗША Дональд Трамп анансаваў, што неўзабаве яны будуць вызваленыя.

Еўрарадыё | Еврорадио

15 January 2025 17:04

Як санкцыі ўдарылі па "Белаэранавігацыі": страты і скарачэнне палётаў

Пасадка міжнароднага рэйса Ryanair Афіны — Вільня ў Беларусі і забарона на палёты над Беларуссю, якая прыйшла ўслед за ёй, ударылі па дзяржаўным прадпрыемстве "Белаэранавігацыя". Яно адказвае за абслугоўванне палётаў у паветранай прасторы Беларусі.

Чытаць тут: euroradio.fm/yak-sankcyi-udaryli-pa-belaeranavigacyi-straty-i-skarachenne-palyotau

А гэтая спасылка адкрыецца і без VPN

Еўрарадыё | Еврорадио

15 January 2025 16:21

Летась у Польшчы міжнародную абарону атрымалі 2600 беларусаў. 150 беларусам адмовілі, паведамляе Упраўленне па справах замежнікаў Польшчы.

Найбольш зваротаў па міжнародную абарону ў мінулым годзе падалі ўкраінцы — 7 тысяч. З іх 3900 былі задаволены.

У 2024-м 42 тысячы беларусаў атрымалі рашэнні аб выдачы дазволу на жыхарства у Польшчы.

Еўрарадыё | Еврорадио

15 January 2025 15:46

У Польшчы выйшаў фільм “Пуцін” — чаму вам (не) трэба марнаваць на яго час.

@euroradio паглядзела яго за вас.

Чытаць тут: euroradio.fm/u-polshchy-vyyshau-film-pucin-chamu-vam-ne-treba-marnavac-na-yago-chas

А гэтая спасылка адкрыецца і без VPN

Еўрарадыё | Еврорадио

15 January 2025 15:06

Пра крызіс лідарства, лёс Верамейчыка, перамовы па Украіне — эфір з Пракоп’евым

Якія вынікі працы такіх структур дэмсіл, як Каардынацыйная рада, Офіс Ціханоўскай і Аб’яднаны пераходны кабінет, за 2024 год і якія перспектывы ў іх у годзе новым?

На гэтыя ды іншыя пытанні ў эфіры @euroradio адказвае лідар фракцыі Каардынацыйнай рады “Беларусы” (былы “Блок Пракоп’ева — Ягорава”), бізнесмен Вадзім Пракоп’еў.

https://www.youtube.com/watch?v=pzty7toQiys

Еўрарадыё | Еврорадио

15 January 2025 13:37

Зламыснікі ўзламалі сайт кампаніі Валерыя Сахашчыка. Пагражаюць выкласці архіў унутранай сеткі.

Замест галоўнай старонкі вісіць абвестка пра ўзлом сайта. Уладальніку прапануюць звязацца з узломшчыкам цягам 72 гадзінаў.

Еўрарадыё | Еврорадио

15 January 2025 13:08

Ці атрымалася ў рэжыму перамагчы салідарнасць і зламаць беларусаў?

На гэтае ды іншыя пытанні ў эфіры @euroradio адказвае сузаснавальнік і кіраўнік фонду BYHELP Аляксей Лявончык.

https://www.youtube.com/watch?v=uXyX8xuoRnk

Еўрарадыё | Еврорадио

15 January 2025 12:34

Міліцыя выклікала прарасійскую актывістку Эльвіру Мірсалімаву на “прафілактычную гутарку”. Як кажа сама актывістка, запрасілі “не вельмі тактычна”.

Нагода — яна была асуджаная па адміністратыўным артыкуле.

"З фармулёўкай "каб такога больш не паўтаралася!"(вельмі, вельмі грозны тон). Вы ў мяне, — кажа, — не адна!”

Еўрарадыё | Еврорадио

15 January 2025 12:04

Хто яны — музыкі халоднай хвалі і людзі з Усходу? Стрым з Плоткам і Сасункевічам.

Як гэта — пачынаць альбо працягваць у новай краіне, калі ты не "Пятля" і не Вольскі і не прывёз сваю публіку з сабой чатыры гады таму? Што чакае беларускія маладыя гурты ў эміграцыі? Наколькі верагодная іх інтэграцыя ў польскую культуру і ці патрэбна яна ўвогуле?

Пра гэта ды іншае гутарым з фронтмэнам гурта Sož Алесем Плоткам і удзельнікам каманды "Сербский нож" Сяргеем Сасункевічам: https://youtu.be/rZ6QaXaHTrU

Еўрарадыё | Еврорадио

15 January 2025 11:05

Пакаранне Лукашэнкам: ці знікне для Беларусі пагроза страты суверэнітэту. Эфір @euroradio з Паўлам Усавым.

Ці стане Беларусь “суцяшальным прызам” Пуціну ад Захаду за мір ва Украіне? Пра гэта ды іншае — з палітолагам, сябрам “Вольнай Беларусі” Паўлам Усавым: https://youtu.be/N8STHCnEpjI

Еўрарадыё | Еврорадио

15 January 2025 10:05

Захаду ёсць што прапанаваць у абмен на вызваленне палітвязняў. Чарговы прыклад: ЗША выключылі Кубу са спісу дзяржаў – спонсараў тэрарызму ў абмен на вызваленне пратэстоўцаў.

У адміністрацыі Джо Байдэна заявілі, што вызваленне палітвязняў адбудзецца ў найбліжэйшы час.

Але ў гэтай гісторыі ёсць і рызыка: інаўгурацыя Дональда Трампа адбудзецца праз 5 дзён і ён можа адмяніць рашэнне Байдэна.

Еўрарадыё | Еврорадио

15 January 2025 09:24

Толькі за снежань гародніна падаражэла ў Беларусі на 16,4%! Алей і фрукты таксама дадалі — адпаведна на 4,6% і 3%.

Макароны сталі больш таннымі на 1,7%. Але гэта амаль незаўважна.

📈 Як змяніліся цэны на прадукты за 2024 год: паглядзелі і параўналі

Еўрарадыё | Еврорадио

15 January 2025 08:34

Рост цэн на лекі ў Беларусі адбываецца праз… Рэгуляванне цэн на лекі. Пра гэта сведчыць закрытая справаздача Мінздароўя, якую @euroradio атрымала дзякуючы “БелПол”.

“Павышэнне індэкса [цэн] абумоўлена, перш за ўсё, ростам курсаў валют, а таксама наступствамі стрымлівання росту цэн на лекавыя прэпараты”, — пішуць у дакуменце.

Паўтараецца сітуацыя з цэнамі на прадукты: калі на адны пазіцыі іх стрымліваюць, пастаўшчыкам і вытворцам не застаецца нічога іншака акрамя павышэння цэн на іншыя. 

🔺 Розніца бывае вялікай: колькі каштуюць адны і тыя ж лекі ў Беларусі і Польшчы?

Еўрарадыё | Еврорадио

15 January 2025 08:04

Каго глядзець/слухаць сёння на @euroradio? Трымайце анонс эфіраў на сераду (час пазначаны беларускі):

13:00 ֫— палітычны аглядальнік, сябра руху "Вольная Беларусь" Павел Усаў.

14:00 — музыкі Алесь Плотка і Сяргей Сасункевіч.

15:00 — заснавальнік ByHelp Аляксей Лявончык.

16:00 — 🔥 прэм'ера: падкаст з беларускім добраахвотнікам "Як ты?".

17:00 — актывіст, рэстаратар Вадзім Пракоп'еў.

Рыхтуйце пытаннечкі!

Еўрарадыё | Еврорадио

15 January 2025 06:57

Беларусы SW@DA x NICZOS могуць трапіць на “Еўрабачанне” ад Польшчы! Журы адабрала дуэт у шорт-ліст, а ці трапяць яны ў фінал адбору стане вядома 19 снежня.

Напрыканцы мінулага году @euroradio рабіла вялікую цікавую гутарку з музыкамі. Абавязкова паглядзіце: https://youtu.be/1q9H-To0Xzc