Еўрарадыё | Еврорадио

14 January 2025 07:24

За мінулы год у Мінску затрымалі больш за 100 тысяч безбілетнікаў. Агулам у 2024 годзе яны заплацілі больш за тры мільёны рублёў, паведамляе "Мінсктранс".

У 2023-м было больш за 112 тысяч безбілетнікаў. У тым жа годзе сталічныя ўлады адзначалі зніжэнне колькасці безбілетнікаў.

Еўрарадыё | Еврорадио

13 January 2025 19:05

Галандцы п'юць безалкагольнае піва, а немцам шлюць фэйкавыя навіны — #ІхНоравы

Самыя неймаверныя навіны з усяго свету.

Чытаць тут: euroradio.fm/galandcy-pyuc-bezalkagolnae-piva-nemcam-shlyuc-feykavyya-naviny-ikhnoravy

А гэтая спасылка адкрыецца і без VPN

Еўрарадыё | Еврорадио

13 January 2025 18:21

Гандлёвая вайна Трампа супраць Кітая можа абярнуцца ўзброенным канфліктам. Пра гэта ў эфіры @euroradio разважае палітычная аглядальніца Роза Турарбекава.

Цалкам стрым тут: youtube.com/watch?v=rj5BbJrIl2c

Еўрарадыё | Еврорадио

13 January 2025 17:15

У спіс экстрэмісцкіх матэрыялаў ўключылі вядомы партал "Народныя навіны Віцебска". Адпаведнае рашэнне прыняў суд Кастрычніцкага раёна Віцебска.

Пасля 2020 года "Народныя навіны Віцебска" цалкам адышлі ад асвятлення палітычных падзеяў у рэгіёне. На сайце публікаваліся навіны паўсядзённага жыцця і здарэнні.

Еўрарадыё | Еврорадио

13 January 2025 16:21

Колькасць замежнікаў, якія карыстаюцца беларускім "бязвізам", за год істотна паменшала — амаль на 20%. Гэта вынікае з інфармацыі Дзяржаўнага памежнага камітэта Беларусі.

Падводзячы вынікі 2023 года, памежнікі паведамлялі, што "бязвізам" скарысталіся 6305 жыхароў краін Еўрасаюза — 3415 грамадзян Літвы, 1242 грамадзяніны і 288 неграмадзян Латвіі, а таксама 1360 грамадзян Польшчы.

Вынікі 2024 года выглядаюць больш сціпла — усяго 4886 замежнікаў з 38 краін, уключаных у спіс "бязвізу". Паведамляецца, што большасць падарожнікаў прыехалі зноў жа з суседніх з Беларуссю краін — Літвы, Латвіі ды Польшчы.

Еўрарадыё | Еврорадио

13 January 2025 15:24

З'яўленне Ілана Маска ў асяроддзі Дональда Трампа спараджае хаос у сусветнай палітыцы. У гэтым упэўнена палітычная аглядальніца Роза Турарбекава.

Цалкам стрым тут: https://www.youtube.com/watch?v=rj5BbJrIl2c

Еўрарадыё | Еврорадио

13 January 2025 14:26

У Беларусі налічылі каля 2 тысяч расійскіх вайскоўцаў. Большасць з іх знаходзяцца ў радыётэхнічным вузле "Баранавічы" і ў вузле сувязі "Вілейка". Там іх да 1450 чалавек, піша "Беларускі Гаюн".

Як адзначае згаданы тг-канал, у снежні 2024-га сітуацыя з расійскім вайсковым кантынгентам у Беларусі не змянілася: расіяне працягваюць знаходзіцца ў тых жа лакацыях і ў той жа колькасці, што і раней.

Еўрарадыё | Еврорадио

13 January 2025 13:48

Польшча не разглядае адкрыццё пунктаў пропуску на граніцы з Беларуссю. Пра гэта заявіў міністр унутраных справаў і адміністрацыі Польшчы Томаш Семаняк:

Мы б вельмі хацелі, каб пагранічныя пераходы былі адкрыты, але няма ніякіх прыкмет таго, што гэта адбудзецца ў найбліжэйшай будучыні.

Ён усклаў адказнасць на беларускі бок:

Анджэй Пачобут усё яшчэ знаходзіцца ў зняволенні. Розныя заявы аб яго магчымым вызваленні не пацвердзіліся фактамі. Ніякага супрацоўніцтва з беларускага боку не назіраецца ў дачыненні да інфармацыі аб забойстве польскага салдата ў мінулым годзе. І мы па-ранейшаму маем справу з сітуацыяй на мяжы, якая не пакідае сумневаў у тым, што менавіта беларускія службы арганізуюць і садзейнічаюць гэтай гібрыднай агрэсіі.

Еўрарадыё | Еврорадио

13 January 2025 13:06

Эфір @euroradio з кіраўніцай “Вольнага хору. Рыхтуйце пытанні!

Ці варта чакаць новага альбома ад “Вольнага хору” і што за кнігу рыхтуе яго дырыжорка да друку? Што за праект разам з “Concordia Choir” пачынае Казіміроўская ў Варшаве і чым жыве Беларуская школа мастацтваў імя М. Равенскага?

На гэтыя ды іншыя пытанні ў эфіры Еўрарадыё адказвае мастацкая кіраўніца і дырыжорка калектыву “Concordia Choіr” Галіна Казіміроўская: https://www.youtube.com/watch?v=rj5BbJrIl2c

Еўрарадыё | Еврорадио

13 January 2025 12:18

Борыс Джонсан назваў Пуціна “fucking idiot”. І нагадаў, што Расійскай імперыі больш не існуе, а краіны Балтыі і Украіна — незалежныя і самастойныя.

Згодныя з Джонсанам? Стаўце 🔥, а калі не згодныя... ну, хай вам дастанецца 🤨.

Еўрарадыё | Еврорадио

13 January 2025 11:31

З беларускіх аптэк знік расійскі аналаг “Аземпіка”. Пацыенты спрабуюць даведацца, калі “Семавік” вернецца.

“Вельмі патрэбны прэпарат дыябетыкам і хворым цяжкім атлусценнем! Бо вельмі важная схема лячэння і перарываць надоўга прыём нельга!” — скардзяцца пацыенты.

Але тэрмінаў паставак ніхто не называе. Як высветлілася, “Семавік” прывозілі ў Беларусь па спецдазволу Мінздароўя і прэпарат не зарэгістраваны ў краіне. То бок ці вернецца ён увогуле — невядома.

Але, як расказвала @euroradio, сам “Аземпік” і яго аналаг актыўна прадаюць у Беларусі на чорным рынку.

У Беларусі зніклі лекі, якія прызначаюць пры раку. Доктар: гэта праблема

Еўрарадыё | Еврорадио

13 January 2025 10:46

СК анансуе флэшмоб "Лукашэнка ў шродэр". З Мінска пагражаюць беларусам у замежжы, якія збіраюцца прыняць удзел у гэтай і іншых акцыях. А назва такая, нібыта плануюць знішчаць партрэты Лукашэнкі.

Следчы камітэт называе акцыі беларусаў за мяжой “спробамі дыскрэдытацыі”. Сярод іх і згаданы флэшмоб ("экстрэмісцкі перформанс"), арганізатарамі якога называюць "Народныя амбасады".

Згадваецца і фэст "Беларусы годныя лепшага", які пройдзе ў Варшаве 26 студзеня. Яго арганізатараў СК называе "злачынцамі". Сцвярджаецца, што адна з іх мэтаў — "стварэнне негатыўнага іміджу вакол выбарчай кампаніі ў Беларусі".

Еўрарадыё | Еврорадио

13 January 2025 09:44

У Мінску смяротнасць ад COVID-19 заніжалі больш чым у 4 разы. Пра гэта сведчаць афіцыйныя дакументы.

Іх здабыла арганізацыя BELPOL і перадала @belsat.

На 2 лістапада 2021 года (апошняя дата ў дасяжных звестках мінскага патолагаанатамічнага бюро) Мінздароўя заяўляла, што ў Беларусі агулам зарэгістравалі крыху больш за 604 тысячы выпадкаў COVID-19 і 4662 смерці. Але дакументы сведчаць, што зарэгістраваная захваральнасць чыноўнікамі заніжаная больш чым удвая, а смяротнасць па краіне, імаверна (калі ў Мінску і рэшце Беларусі суадношанне хваробаў і смерцяў было аднолькавым), заніжаная больш чым у 4 разы.

Мяркуецца, што ў Беларусі магло быць каля 20 тысяч смерцяў ад COVID-19 за першыя два з паловай гады пандэміі.

Можа быць бясплоддзе ці аўтызм? Медык адказвае на міфы антыпрышчэпачнікаў

У адным з раёнаў Беларусі смяротнасць падчас COVID-19 павялічылася на 75%

Еўрарадыё | Еврорадио

13 January 2025 08:47

🗣 Каго глядзець/слухаць сёння на @euroradio? Трымайце анонс эфіраў на 13 студзеня (час пазначаны беларускі):

14:00 — гісторык Роза Турарбекава.

15:00 — кіраўніца “Вольнага хору” Галіна Казіміроўская.

16:00 — палітычны аглядальнік Віталь Цыганкоў.

Рыхтуйце пытаннечкі!

Еўрарадыё | Еврорадио

13 January 2025 07:40

13 студзеня 1893 нарадзіўся аўтар знакамітай “Евы” Хаім Суцін. Ён стаў знакамітым ужо ў Парыжы, але родам са Смілавічаў.

Сімвалічна, што мастак, чыя карціна стала адным з галоўных сімвалаў пратэстаў 2020-га памёр… 9 жніўня.

Сумны геній: найбольш вядомыя карціны Хаіма Суціна

Еўрарадыё | Еврорадио

13 January 2025 20:09

Важныя падзеі і сэнсы панядзелка 14 студзеня, у праграме ЕЎРАЗУМ:

01:00 Чаму рэжым ніяк не можа адчапіцца ад з’ехалых беларусаў

11:59 Навіны спорту

13:33 "Можа пад'ехаць супрацоўнік і растлумачыць". Улады — пра выбухі пад Гомелем

19:55 Навіны шоў-бізу

22:09 Як прапаганда зазывае беларусаў на выбары — #КрынжТыдня

Еўрарадыё | Еврорадио

13 January 2025 18:42

Не спіцца? Парады па паляпшэнні сну, якія могуць дапамагчы!

Знайшлі выдатныя лайфхакі для тых, хто, як і мы, пакутуе на бессаннь.

Чытаць тут: euroradio.fm/ne-spicca-parady-pa-palyapshenni-snu-yakiya-moguc-dapamagchy

А гэтая спасылка адкрыецца і без VPN

Еўрарадыё | Еврорадио

13 January 2025 17:46

Чаму ў Беларусі амаль няма снегу?

З чым гэта звязана і якія наступствы могуць быць, @euroradio расказвае кліматолаг Уладзіслаў Шумак.

Чытаць тут: euroradio.fm/chamu-u-belarusi-amal-nyama-snegu-klimatolag-tlumachyc-prychyny-i-nastupstvy

А гэтая спасылка адкрыецца і без VPN

Еўрарадыё | Еврорадио

13 January 2025 17:00

Пры вяртанні на святы ў Беларусь затрымана сама меней 8 чалавек. Пра такую колькасць затрыманых стала вядома фонду BYSOL.

Еўрарадыё | Еврорадио

13 January 2025 15:54

ЗША ўвялі новыя абмежаванні на экспарт тэхналогій у дзяржавы, "якія выклікаюць занепакоенасць. Іх перад сваім адыходам зацвердзіла адміністрацыя Джо Байдэна.

Ёсць у гэтым спісе і Беларусь. Яна ўвайшла ў катэгорыю краін, куды ЗША забаранілі перадаваць найбольш магутныя мадэлі ШІ і пастаўляць "прасунутыя" чыпы, якія выкарыстоўваюцца ў гэтых тэхналогіях.

Еўрарадыё | Еврорадио

13 January 2025 15:10

Купіць Грэнландыю: чым пагражаюць свету амбітныя планы Трампа?

На гэтae ды іншыя пытанні ў эфіры @euroradio адказвае палітычны аглядальнік Віталь Цыганкоў.

https://www.youtube.com/watch?v=ZkukonzQ3AI

Еўрарадыё | Еврорадио

13 January 2025 14:10

Багатыя таксама плачуць: дамы якіх галівудскіх зорак пацярпелі ад пажараў

Кошт кожнага складаў як мінімум некалькі мільёнаў долараў.

Чытаць тут: euroradio.fm/damy-yakikh-galivudskikh-zorak-pacyarpeli-ad-pazharau

А гэтая спасылка адкрыецца і без VPN

Еўрарадыё | Еврорадио

13 January 2025 13:33

Пажыццёвае зняволенне! Такое пакаранне запатрабавала пракуратура для Дарыяна С., якога падазраюць у згвалтаванні і забойстве беларускі ў Варшаве.

Прысуд агучаць 17 студзеня.

Трагедыя адбылася на пачатку мінулага года. 25 лютага беларуску Лізу знайшлі ў цэнтры Варшавы распранутай і ў непрытомным стане. У цяжкім стане яе даставілі ў лякарню. Некалькі дзён медыкі змагаліся за жыццё дзяўчыны, але 1 сакавіка яна памерла, не прыходзячы ў прытомнасць.

Пасля трагедыі ў сацсетках пачалася акцыя #ХопіцьГвалціць, а ў Варшаве прайшоў мітынг "Яе звалі Ліза".

Еўрарадыё | Еврорадио

13 January 2025 12:55

Афіцыйная гадавая інфляцыя ў Беларусі склала 5,2%. У снежні 2024-га зафіксавалі 0,6%, паведамляе Белстат.

Харчовыя тавары за год падаражэлі на 6,5%, непрадуктовыя — на 3,4%, а інфляцыя на паслугі склала 5%.

Як змяніліся цэны на прадукты за 2024 год: паглядзелі і параўналі

Еўрарадыё | Еврорадио

13 January 2025 11:59

“Правы рэванш”: пра Ілана Маска, палітвязняў і чаканне “перагорнутай старонкі”. Эфір @euroradio з Розай Турарбекавай.

Пра тое, якія прычыны прыводзяць да росту папулярнасці ультраправых і прапуцінскіх сіл, гаворым з гісторыкам, эксперткай у міжнароднай палітыцы Розай Турарбекавай: https://youtu.be/rj5BbJrIl2c

Еўрарадыё | Еврорадио

13 January 2025 11:12

У Беларусь прыйдуць завірухі. У ноч з аўторка на сераду над большай часткай краіны чакаецца моцны снег, які прыйдзе з Еўропы.

▪️ Ці трэба прымаць вітамін D зімой? Вось што кажа навука

▪️ Як перажыць зіму і не з'ехаць з глузду? 12 спосабаў, якія вам дапамогуць

▪️ Як клапаціцца пра скуру твару зімой

Еўрарадыё | Еврорадио

13 January 2025 10:14

Нічога незвычайнага. Проста расійскі чыноўнік абмацюгаў валанцёраў, якія ратуюць птушак у Анапе, дзе са снежня змагаюцца з разлівам мазута.

Потым чыноўнік патлумачыў свае словы “эмацыйным станам”.

Еўрарадыё | Еврорадио

13 January 2025 08:58

Рубрыка #СанкцыіНеПрацуюць. Расійскі “Газпрам” рыхтуецца да скарачэнняў супрацоўнікаў дзеля “аптымізацыі”.

Цэнтральны апарат “Газпрама” хочуць скараціць прыблізна на 40%. А як інакш, калі пакупнікоў становіцца ўсё менш.

Еўрарадыё | Еврорадио

13 January 2025 08:11

Уладзімір Зяленскі прапанаваў кіраўніку КНДР абмяняць яго салдат, якія трапілі ў палон. У выпадку, калі Кім Чэн Ын зможа арганізаваць іх абмен на ўкраінцаў, якія знаходзяцца ў палоне ў Расіі.

"Акрамя першых захопленых у палон салдат з Паўночнай Карэі, несумненна, будуць і іншыя... І ні ў кога ў свеце не павінна застацца сумненняў, што расійскае войска залежыць ад вайсковай дапамогі КНДР”

Еўрарадыё | Еврорадио

13 January 2025 07:08

13 студзеня беларусы святкуюць Шчодрык (Шчодры вечар). Гэты дзень мае асаблівы статус.

Вечар 13 студзеня — гэта час, калі на стол ставяць багатую куццю (глядзіце рэцэпты тут), мясныя стравы, салёныя грыбы, мочаныя яблыкі, кіслую капусту, бліны з верашчакай і смажанай каўбасой, крупнік. А абрадам надаецца магічны сэнс.

У гэты дзень працягваюць спяваць калядныя песні а часам і гадаюць, каб даведацца свой лёс — некалі @euroradio рабіла артыкул пра самыя папулярныя сярод нашых продках спосабы даведацца будучыню.