ስብዕናችን #Humanity

05 June 2023 19:09

🔱 እርግጠኛ ነሽ አርግዘሻል?

ዝሆን እና ውሻ በተመሳሳይ ጊዜ ፀነሱ፡፡ ከሶስት ወራቶች በኋላ ውሻዋ ስድስት ቡችላዎችን ወለደች፡፡ ዝሆኗ እንዳረገዘች ከስድስት ወር በኋላ ውሻዋ እንደገና ፀነሰች ፣ ዘጠኝ ወር ደግሞ ሌሎች ብዙ ቡችሎች ወለደች፡፡ የእርግዝና ስርዓቱ ቀጠለ ፡፡ ውሻዋ በየሦስት ወሩ መውለዷን ቀጠለች።

በአሥራ ስምንተኛው ወር ውሻዋ ወደ ዝሆኗ ጥያቄ ይዛ ቀረበች ፣

✨“እርግጠኛ ነሽ ነፍሰ ጡር ነሽ? አሁን በሆድሽ ጽንስ አለ? ምክንያቱም በተመሳሳይ ቀን ነፍሰ ጡር ሆነናል ብለን ነበር፣ ከ16 በላይ ቡችሎች ወለድኩኝ እና አሁን ግማሾቹ በዚህ ሰዓት አድገው ትልቅ ውሾች ሆነዋል ፣ ግን አንቺ አሁንም ነፍሰ ጡር ነኝ ትያለሽ፡፡ ምን እየሆነ ነው?

ዝሆኗም “እኔ እንድትረጂ የምፈልገው አንድ ነገር አለ፣ በማህጸኔ የተሸከምኩት ቡችላ ሳይሆን ዝሆን ነው ፡፡ እኔ በሁለት ዓመት ውስጥ አንዱን ብቻ እወልዳለሁ፡፡ የምወልደው ግን ተራ እንስሳ ስላልሆነ ልጄ መሬቱን ሲመታ ምድር ይሰማታል፡፡ ልጄ መንገዱን አቋርጦ ሲሻገር የሰው ልጅ ቆሞ እያደንቀው ይመለከታል ፣ እርሱ ሲንቀሳቀስ ሁሉም ይንቀጠቀጣል፣ የኔ ልጅ የፍጥረትን ትኩረትን ይስባል ፡፡

✨ሌሎች እንደ መቅስፈት በሚመስል ጊዜ ነገራቸው ሲቀየርና የተሳካላቸው ሲመስልህ በነሱ አትቅና፣ እምነትህም አይጥፋ በፍጹምም ተስፋ አትቁረጥ፣ ምክንያቱም የአንተም ጽንስ የሚወለድበት ጊዜ ይመጣል፣ ምንም ጊዜ ወስዶ የማይመጣ ቢመስልም የተሻለው መምጣቱ የማይቀር ነው፣ እናም ሲመጣ ሰዎችን ሁሉ የሚያነጋግርና የሚያስደንቅ ይሆናል! የዘገየው የተሻለ ስለሆነ ነውና የራስህን ጉዞ ከሌላ ከማንኛውም ሰው ጋር አታነፃፅር !

ውብ የስኬት ጊዜ❤️

@Ethiohumanity
@Ethiohumanity

✍@Ethiohumanitybot

ስብዕናችን #Humanity

01 June 2023 20:23

📍ፈጣሪ ለምን ፈጠረኝ ብለህ አስበህ ታውቃለህ?

❣እኛ የሰው ልጆች ፈጣሪ ምን ያህል ታላቅ እንደሆነ አናውቅም!! እሱ በጣም ድንቅ አንጎል እና ስሜት ያለበት አፍቃሪ ልብ ሰጥቶናል፣ለመናገር እና ስሜታችንን ለመግለጽ በሁለት ከንፈሮች ባርኮናል፣ ውበትን የሚያዩ ሁለት ዓይኖች፣ በሕይወት መንገድ ላይ የሚራመዱ ሁለት እግሮች፣ ለእኛ ሁለት የሚሠሩ እጆች፣ እና የፍቅር ቃላቶች የሚሰሙ ሁለት ጆሮችን ሰጥቶናል።

ፈጣሪ ሰውን ሲፈጥር የራሱን ትክክለኛ ባህሪ እንዲላበስ ነው ፤ የፈጣሪ ባህሪ ርህራሄ ቸርነት ፣ ይቅርታ ፣ ፍቅር እና ደስታ ናቸው። እኛም እሱ እንደፈጠርን ሰው ሆነን መኖር ይገባናል።

♦️ሰው ሁኖ መኖር ማለት፦ ከራስ አልፎ ለሌሎችም ማሰብ መቻል ነው፡፡ ሰው ሁኖ መኖር ማለት ሰውን መግደልና መግፋት ሳይሆን ማዳንና መደገፍ ፣ ማበረታታትና ማረጋጋት ነው፡፡ ሰዎችን ገንዘብንና ስልጣንን ፣ ጉልበትንና ጊዜን ተጠቅመው መከራ የሚያሳዩ ሰዎች ሰው ሁነው ተፈጥረው ዳሩ ግን ሰው ሁነው መኖር ያልቻሉ ወገኖች ናቸው፡፡

♦️ሰው ያለሰው ፤ ሰው ያለዙሪያው ህይወትን ሙሉ በሙሉ ሊኖራት አይችልም። ሰው ስንል ግዴታ በአንድ ጣሪያ ስር የሚኖርን ወዳጅ አይደለም፤ በዙሪያችን ያለውን ሁሉ እንጂ። እኛ ከአለም ውጪ አለም ከእኛ ውጪ አንደኛችም መኖራችን አይረጋገጥም ። ለሰው ማሰብ አለመቻል ኅሊና ማጣት ነው፡፡ አንተ ያስፈለገኽና የሚያስፈልግኽ ለሌሎች የማያስፈልጋቸው የሚመስልህ ከሆነ ራስህን ፈትሽ።

ሰው አድርጎ መፍጠር የፈጣሪህ ድርሻ ሲሆን ሰው ሁኖ መኖር ግን ያንተ ድርሻ ነው፣ ማንነትን የመርሳት መድሀኒቱ ፈጣሪ ስለሆነ በምንችለው መንገድ ሁሉ ወደእርሱ በመቅረብ ማንነትን ከመርሳት በሽታ እንፈወስ!

ውብ አዳር ❤️

@Ethiohumanity
@Ethiohumanity

✍@Ethiohumanitybot

ስብዕናችን #Humanity

28 May 2023 18:09

❤️ትዳርና ኃላፊነት

ትዳር ፍቅር ብቻ አይደለም። ትዳር ኃላፊነትም ነው።

🔺በትዳር ውስጥ ብዙ የሚገመቱም የማይገመቱም ጉዳዮች ሊያጋጥሙ ይችላል። ያልጠበቃችሁት እና የሚያናድዳችሁ ጉዳይ ቢያጋጥማችሁ እንዴት ታስተናግዱታላችሁ? ትቆጣላችሁ? ትጣላላችሁ? ታግሳችሁ በዝምታ ታልፋላችሁ? በይቅርታ እና እርቅ ታልፋላችሁ? ወይንስ ወደ ፍቺ ትሄዳላችሁ?

በትንሽ በትልቁ ወደ ፍቺ የሚሮጡ ባለትዳሮች በመንፈስና በአስተሳሰብ ያልበለጸጉና ራስ ወዳዶች ናቸው። አንዳንዶች ተጋብተው አንድ ዓመት እንኳ ሳይቆዩ ወደ ፍቺ ይሄዳሉ። ይሄ ልዩነትን መሸከም አለመቻል ነው፣ አለመብሰል ነው። ልዩነትን ማስተናገድ ሳትችሉ ወደ ጋብቻ አትሩጡ።

🔺ትዳር ስትመሰርቱ ኃላፊነት ያለው አኗኗር ውስጥ መግባታችሁን አስቡ። ትዳር የራሳችሁን ፍላጎት ለሌላው ማስገዛት መሆኑን እወቁ። ትዳር በሌላ ሰው ቁጥጥር ስር ራስን ለማስገዛት መፍቀድ መሆኑን ተረዱ። ትዳር ውስጥ ስትገቡ ነጻነታችሁን በተወሰነ ደረጃ እንደምትተዉ እመኑ።

🔺ትዳር ውስጥ ልጆች ይመጣሉ። ልጆች በነጻነትና በደስታ እንዲያድጉ የራስን ስሜት መግዛትና እኔ ያልኩት ብቻ ይሁንልኝ ከማለት ራስን ማቀብ ያስፈልጋል፣ልጅ ወልዶ የራሱ ጉዳይ ብሎ በትኖ የሚሄድ ከእንሰሳም ያነሰ ሰብዕና ያለው ነው። ፍሬ ለማፍራት ስንዴዋ እንኳ ራሷ እንዴት እንደምትፈርስ አታዩምን? ታድያ ከስንዴ እንኳ ታንሳላችሁ?

ኃላፊነትን ለመቀበል ካልተዘጋጃችሁ ወደ ትዳር አትግቡ፣ ትዳርን ቸኩሎ ኃላፊነትን ለመሸከም ብቁ ሳይሆኑ መያዝ አይገባም። ትዳር የዕቃ ዕቃ ጨዋታ አይደለም። ትዳር የፉክክር ቤትም አይደለም ፣ ትዳር ራስን አሳልፎ መስጠት ቢጠይቅም፣ በጥበብ ከተያዘ ደግሞ ፈተናዎች ሁሉ ቀላል ናቸው።

♦️ትዳር በህይወት የሚከሰቱ ለውጦችን የማስተናገድ አቅም ይጠይቃል። ህመም፣ የኢኮኖሚ ችግር፣ እስር ጥጋብ፣ ውስልትና፣ ንዴት፣ ጦርነት፣ ግጭት፣ ሹመት፣ ማግኘት፣ ማጣት፣... ትዳርን ይፈትናሉ። ግን ላወቁበት፣ ለበሳሎችና ኃላፊነት ለሚሰማቸው ትዳር ለማፍረስ ምክንያት አይሆኑም።

ትዳር ለመያዝ ማናችንም የመጀመሪያም ይሁን የመጨረሻም ሰዎች አይደለንም። ትዳር ውስጥ ያለ አለመግባባትም ያለና የነበረ የሚኖርም ነው። እናንተ ያጋጠማችሁ በሌሎችም የደረሰ እንጂ አዲስ አለመሆኑን እወቁ። ቁም-ነገሩ ችግርን መፍታት እንጂ ችግርን ማውራት አለመሆኑን ተገንዘቡ። ችግርን ታግሳችሁ ፍቱ።

🔺ከትዳር በፊት ሁለት ዓይናችሁን፣ ከቻላችሁም ሦስተኛውን ከፍታችሁ በደንብ እዩ፣ ፈትሹ፣ በአእምሮ ተዘጋጁ፣ ለኃላፊነት ተዘጋጁ። ትዳር ውስጥ ከገባችሁ በኋላ ግን አንድ ዓይን ብቻ ይበቃችኋል። ትዳር ውስጥ ሁሉን ካልሰማሁ ሁሉን ካላወቅሁ አትበሉ። ሁሉን ማወቅ አይጠቅማችሁም።

🔺መጀመሪያ አይታችሁና አምናችሁ ለኃላፊነት ተዘጋጅታችሁ አግቡ። እንደተጋባችሁ ለመውለድ አትቸኩሉ። ምንም ምንም ምንም ቢሆን ግን ወልዳችሁ አትፋቱ፣ ከፀሓይ በታች አዲስ ነገር የለም! ወልዶ የሚፋታ ግለሰብ ፣ ቤተሰቡን ብቻ ሳይሆን አገር ያፈርሳል።

✍Getu k. Toughe

         ውብ ምሽት❤️

@Ethiohumanity
@Ethiohumanity

✍@Ethiohumanitybot

ስብዕናችን #Humanity

20 May 2023 16:10

💚  ንቁ የሃሳብ ሰው ስንሆን ምንሰራው ዓለም ነው ለዚህ ደሞ የስብዕና ግንባታ ወሳኝ ነው ብሎ ያምናል ቻናላችን. . . ታድያ ሁሉን አልፈን አብረን ተያይዘን ዛሬን  ረግጠናል. . .

💛ከጎናችን በመሆን አጋርነታቹን እደምሰሶ ላፀናቹልን ቤተሰቦቻችን ልባዊ ምስጋናችን በያላችሁበት ይድረሳችሁ !!

❤️. . እደትላንቱ ዛሬም ታስፈልጉናላቹ ፣ የእናንተ ሃሳብና አስተያየት ያርመናል ያጠነክረናል.
ሁላችሁም ስለቻናሉ የሚሰማችሁን እዚች ላይ ፃፍፍ አርጉልን
👉 @EthiohumanityBot
👉 @EthiohumanityBot

✍ሁሉም የለንምና በእናንተ ሀሳብ  
           የጎደለውን እንሞላለን!!

ስላላችሁልን ከልብ እናመሰግናለን❤️

@EthioHumanityBot @EthioHumanityBot
 

ስብዕናችን #Humanity

16 May 2023 20:55

ቃል አልባው ቃል ኪዳን!

✨እውነተኛ ጓደኝነት ያስደምመኛል! እንደዛሬው ማህበራዊ ድረ ገፁ "ጓደኛ" የሚለውን ቃል ሳያልከሰክሰው በፊት ...ጓደኝነት ቀለል ተደርጎ የሚወሰድ ግን ደግሞ እጅግ ጥልቅ የሆነ የመንፈስ ትስስር ያለውን ግንኙነት መግለጫ ቃል ነበር! ጓደኝነት መሠረቱ ውበት አይደለም ፣ ጥቅም አይደለም፣ ወሲብ አይደለም፣ ማህላና ቃል ኪዳን አይደለም፣ ተስፋም አይደለም! ከፍቅረኝነት  በላይ የሚያስደምም ነገር አለው!

✨ጓደኞች በመካከላቸው ያለው ግንኙነት ንፁህ የነፍስ መዋደድ ብቻ ነው! አንዱ ለሌላኛው መቆም ነው! ላልከዳህ ላልከዳሽ የሚል ማህላ የለበትም! ከመሀላ የጠነከረ ያለመካካድ እና የእድሜ ልክ አብሮነት ግን በውስጡ አለ! ጓደኝነት ፆታ ፣ ባህል፣ እምነት፣ ርቀት የኑሮ ደረጃ አይወስነውም! አንዱ ለሌላው ህይወትን እስከመክፈል የሚደርስ ፍቅር በጓደኝነት ስሜት ውስጥ አለ!

✨ጓደኝነት ብዙ ያልተዘፈነለት፣ ብዙ ያልተገጠመለት ብዙ ያልተፃፈለት ብዙ ፊልም ያልተሰራለት ግን ደግሞ በህግ ያልታጠረ እውነተኛ ፍቅር የተሞላበት ስሜት ነው! ጓደኝነታችሁን አታፍርሱ! ቃል አልባ ቃልኪዳን ነውና ለጓደኞቻችሁ ሚስጥርና ሁለንተናዊ ደህንነት ታምናችሁ አብሮነታችሁን አጠንክሩ!

✍ አሌክስ አብርሃም

ውብ አዳር❤️

@EthioHumanity
@EthioHumanity

@Ethiohumanitybot

ስብዕናችን #Humanity

09 May 2023 19:47

📍ወዳጄ ሆይ መቆም ከፈለክ ሌሎችን አትጣል

💡የምትሔድበት የስኬት መንገድ ሺህ ጊዜ ይርዘም እንጂ ቶሎ ለመድረስ ብለህ አቋራጭ መንገድ አትጠቀም። ልብህ በእውነት ላይ ተረማምደው በሰዎች ትከሻ ላይ ተንጠልጥለው ፣ በአቋራጭ ባደጉ ሰዎች እንዳይቀና! የግፍንም እንጀራ እንዳትበላ ተጠንቀቅ ፣ትግስትን ገንዘብህ አድርጋት አምላክ ለአንተ ያዘጋጀዉ ነገር አለውና። በዕውነት ፣ በሃቅና በራስ አገዝ አዋጭ መንገድ ከተራማድክ እመነኝ በያንዳንዱ እርምጃህ ስኬትህን እየገነባህ ነው።

ሀሴትህ በቀናነትህ መጨምር ይበዛል፣ ከክፋት ትርፍ አይሰበሰብም፡፡ የምትሆነው ብታጣ እንኳ ጨካኝነትን ብቸኛው ምርጫህ አታድርግ፡፡ የሚመረጥ ስላጣህም የማይመረጥ አትምረጥ ፣ የምትመርጠው ከሌለ አለመምረጥም ጥሩ ምርጫ ነው፡፡ ማስተዋልህን ባለማስተዋል አትጠቀምበት፡፡

ወዳጄ ሆይ

ከብረህ ሳለም ቀለህ መኖርን አትውደድ፡፡ በከፍታ እንጂ በዝቅታ እያሰቡ መኖር አይመጥንህም ጭካኔ የሕሊና ሰላምህን ያቀነጭራል፡፡ የውስጥህንም ሰላም ያመክናል፡፡ጊዜአዊ እንጂ ዘላለማዊ የዚህች ምድር ነዋሪ አይደለህምና በደጉ ጊዜህ መሰልህን አትበድል፡፡

📍ነገ የአንተ ዕጣ ፈንታ ምን እንደሚሆን በውል አታውቅምና ነግ በእኔ ማለትን እወቅ፡፡ በቁንጮነት ዘመንህ የፍጡራንን መብት አትግፈፍ፡፡ የሌላው ውድቀት የአንተን መቆም አያረጋግጥምና ፣ መከራ በታጨቀባት በዚህች ጠፊ ዓለም መልካምነትን የመሰለ ሰላም ሰጪ ተግባር የለም፡፡ በመሆኑም ዛሬህ ላይ ነገ የማትፀፀትበትን ምግባር አብዛ፡፡

ነፃ የሆነ ነፃነት እንዲሰማህ ፤ በጭንቀት የታጨቀ ኑሮህን በቅንነት ቀይር፡፡ ከሁካታ እርካታ አይመነጭም እፎይታ ለሚሰጡህ ተግባሮች ራስህን ስጥ፡፡
✍ ሐዋዝ

ውብ ምሽት❤️

@EthioHumanity

@Ethiohumanitybot

ስብዕናችን #Humanity

02 May 2023 20:33

🕰የሰው ልጅ ሕልውና ምድር ላይ ሀ ብሎ ሲጀምር ጊዜ አሀዱ ብሎ መቁጠር እንደጀመረ ይገመታል። ምክንያቱም ሰው ከመፈጠሩ በፊትና ከሞተ በኋላ ስላለው አያውቅም፣ስለዚህ ህልውና ሲጀምር ጊዜ ጀመረ ፣ጊዜ ማለት በእጅ ውስጥ ያለ ነው። ትናንት አልፏል። ነገም ደግሞ አያስተማምንም። ስለዚህ ጊዜ ዛሬ ነው። በተለይ ደግሞ አሁን ።

🌗ልማድ ብቻ ይዘን የትም ልንደርስ አንችልም፣ ባዶ ኩራት ይዘን እንቀራለን፣ ህልውናን መገመት ያለብን በስራ እንጂ በእድሜ: በሀሳብ እንጂ በትንፋሽ፡ በስሜት እንጅ በከንቱ የሚባክኑ ደቂቃዎች አይደለም ፣ ጊዜን የምናሰላው በልብ ትርታ መሆን አለበት።በስራ የማይገልጡትን ነገር በአፍ ብቻ መናገር ምላስን ማባለግ ነው።የባለገች ምላስ ህሊና ላይ ታምፃለች። እምነትና ድርጊት ከተለያዩ ምሰሶው በምስጥ እንደተበላ ቤት መዛግ ከዚያም መፍረስ ይመጣል ወና ቤት መሆን ነው።

💡ከተማራችሁት ወጣቶች የሚጠበቀው'ኮ ያገሪቷን ችግር በጥሞና አስተውላችሁ ዘላቂ መፍትሄ መሻት ነው፣ ለግልቢያውማ ማሀይምስ ብልጭ ካለበት ይጋልብ የለም እንዴ! ወደፊት ልንራመድ የምንችለው በወሬ በፍልስፍና በስራ በማይገለጥ የመፅሀፍ እውቀት አይደለም። ስርየታችን ስራ ነው፣ ስልጣን ይዞ በመኮፈስ ስልጣንን እንደ እውቀት በመቁጠር፣ ስልጣንን እንደ ሃላፊነት ሳይሆን እንደ መብት በማየት አይደለም በስራ እንደገና መወለድ ያስፈልጋል።

🔑 የኔ ጥሪ ስራ ነው። መናገር አላውቅም። ያ የጥሪ ሰዓት ሲደርስ በቆራጥነት መነሳቱ ሀጢያት አይደለም። ከማፍረስ መገንባት ፤ ከብዙ ምልልስ ትንሽ ስራን ፤ ከበቀል ይቅርታን ፤ከጥላቻ ፍቅርን ፤ ከማይምነት እውቀትን እመርጣለው።

✍ በዓሉ ግርማ

ውብ አሁን❤️

@Ethiohumanity
@Ethiohumanity

✍@Ethiohumanitybot

ስብዕናችን #Humanity

27 April 2023 19:14

❤️በዓለማችን ሰላም እንዲኖር በሃገራት መሃል ሰላም መኖር አለበት፤ በሃገራት መሃል ሰላም እንዲኖር በመንግስታት መሃል ሰላም መኖር አለበት፤ በሃገር ውስጥ ሰላም እንዲኖር በከተሞች ሰላም መኖር አለበት፤ በከተሞች ውስጥ ሰላም እንዲኖር በመንደሮች ውስጥ ሰላም መኖር አለበት፤ በመንደሮች ውስጥ ሰላም እንዲኖር በቤተሰብ መሃል ሰላም መኖር አለበት... የዚህ ሁሉ_ሰላም መነሻ ግን የኛው ልብ ነው።
- Lao Tzu ላኦ ትዙ

📍የግዙፍ ውቅያኖስ አካል ነን፣ እኛም ሆንን በዙሪያችን ያለው የተፈጥሮ ስንክሳር የውቅያኖሱ አንድ ጠብታ ነው፣ የሰላምህ እርግብግቢት የሰላማችንን ንፋስ ይጠቅሳል ፣ የሕመማችን ትንፋሽ የደስታህን መንፈስ ይበርዛል ፣ ምክንያቱም እኔም’፣ ‘አንተም’፣ ‘እርሷም’፣ ‘ሁላችንም' አንድ ነንና።

በ ዕውቀቱ በአንድ ድንቅ ግጥሙ ላይ እንዲህ ብሏል :-
ይችላል ይሉሃል ፍልሚያ ማዘጋጀት፣
ያባት አጥንት ወስዶ ስሎ ጦር ማበጀት፣
አንተው ጦር ወርውረህ አንተው ቀድመህ ወደቅህ፣
አካሌ ደረቴ መሆንህን መች አወቅህ?፣

♦️አንዳንዴ የሰላምን ዋጋ የምናውቀው ሰላም ማጣት የሚያስከፍለውን ዋጋ ስናይ ነው። የጤንነትን ዋጋ የምንረዳው ጤናን ማጣት ያለውን ጣጣ ስናጤን ነው። ካስተዋልን የሁሉም ነገር መነሻ የኛው ሰላም ነው.. ሰላማችንን ስንጠብቅ ሁሉም ጊዜውን ጠብቆ የኛ ይሆናል። ከሰላም በላይ ዋጋ ያለው ነገር በዓለማችን ላይ የለም።

ውብ ምሽት❤️

@EthioHumanity
@EthioHumanity

@EthioHumanitybot

ስብዕናችን #Humanity

21 April 2023 09:34

✨
💫እንኳን ለ 1444ኛው የዒድ አል ፈጥር በአል በሰላም አደረሳችሁ፣ አደረሰን!

❤️በመላው አለም የምትኖሩ የእስልምና እምነት ተከታይ ሙስሊም ወገኖቻችን እንኳን ለ1443ኛው የዒድ በአል በሰላም አደረሳችሁ፣አደረሰን።

✨ የዒድ በአል የእዝነት ÷ የመተሳሰብ ÷ አብሮ የመብላትና የመፈቃቀር በአል በመሆኑ በየ አካባቢያችን በችግር ላይ የሚገኙ ወገኖቻችንን እያሰብን እንዋል።

ዒድ ሙባረክ !!!❤️

@EthioHumanity
@EthioHumanity

ስብዕናችን #Humanity

16 April 2023 02:30

❤️ለመላው የክርስትና እምነት ተከታዮች በሙሉ፦ እንኳን ለትንሳኤ በዓለ በሰላም አደረሳችሁ! አደረሰን !

በዓሉ ፦ የሰላም ፣ የፍቅር፣ የደስታ ፣ የመተሳሰብ ፣ የአብሮነት እና የአንድነት በዓል እንዲሆን እንመኛለን።

(መልካም ትንሳኤ፤ መልካም በዓል!)❤️
@EthioHumanity
@EthioHumanity

ስብዕናችን #Humanity

04 April 2023 20:31

🌗መጥላት አልወድም፡፡ ስጠላም ለምወደው ነገር ስል ነው፡፡ የምወዳቸው ነገሮች እንዳይጐዱብኝ ጐጂውን በጥላቻ ማራቅ አለብኝ፡፡ እውነተኛ መውደድ ከብዙ ቅርፊት የተሰራ ነው፡፡ አንደኛው ቅርፊት በወረት ወይንም በጥላቻ ተቀርፎ ሲወድቅ አዲስ የመውደድ ቆዳ ከስር ብቅ ይላል፡፡

ለሰው ልጅ ያለኝ ጥቅል ውዴታ የዚህ ተምሳሌት ነው፡፡ ብዙ አይነት ስም ያላቸውን ግለሰቦች ወድጄ ጠልቻለሁ፡፡ እንደ ቅርፊቱ፡፡ በሰው ልጅ ስም የሚጠራውን ማንነት ግን ልጠላው አልችልም፤ አልፈልግምም፡፡

የጥበብ ስራን እወዳለሁ፤ ስለ ጥበብ ሰሪው ግን ግድ የለኝም፡፡ የጥበብ ስራውን በመውደዴ የጥበብ ሠሪው ተወዳጅ እንዲሆን ሊያደርግልኝ የቻለ ማንም የለም፡፡...ስሪቱ ከሰሪው በላይ ነው፡፡
ከማውቀው ሰው ይልቅ የማላውቀውን ሰው የበለጠ እወዳለሁኝ፡፡ ሰውየውን ሳላውቀው እኔ ነኝ በምናቤ የቀረጽኩት፤ የተጠበብኩበት፡፡ ሰውዬውን ሳውቀው እኔ የሰራሁት መሆኑ አከተመ፡፡

🌗የተፈጥሮው ሰው፦ ሆዳም ነው፣ ራስ ወዳድ ነው፣ ፈሪ ነው፣ ወይንም ሞኝ ነው፣ ሲያወራ ይጮሃል፣ ሲያላምጥ ይንጣጣል፣ ውሃ ካጣ ይግማማል... ማለቂያ የለውም... ወዘተ ወዘተርፈ፡፡ ከሰው ሰው ከስህተት የስህተት አይነት ይለያያል፡፡ ከጥላቻ በራቀበት እና ወደ መውደድ በቀረበበት መጠን የተሻለ ሰው ይባላል እንጂ ትክክል ግን የለም፡፡ የተሻለ ስህተት ትክክል አይደለም፡፡

💫የማላውቀውን ሰው እንጂ የማላውቀውን ስራ ግን ወድጄ አላውቅም፡፡ ስራውን ለመውደድ ስራውን ከሰራው ሰው ጋር ሳይሆን ከስራው ብቻ ጋር መተዋወቅ አለብኝ፡፡ መዋደድ በእዳ መልክ ግንኙነት በተቆራኙት መሀል ሊፈጥር ይችላል፡፡

የማይነጠል ቁራኛን መጥላት አያዋጣም፡፡ መውደድ ብቻ ከሆነ አማራጩ መዋደዱ የዕዳ ባህርይ የተላበሰ ይሆናል፡፡ የስጋ ዝምድና ወይንም የስጋ ዝምድናን ለመመስረት ሲባል የሚፈጠር የስሜት ቁርኝት፤ ..መውደድ.. በእዳ ...ተብሎ ሊጠራ ይችላል፡፡ መውደድ በዕዳ እንጂ መጥላት በዕዳ ግን የለም፡፡

ጥበብን መውደድም እዳ የሚሆንበት ጊዜ አለ፡፡ በተለይ በሚያስጠላ አመት ውስጥ መውደድን ተሸክሞ መጓዝ ግዴታ ሲሆን፡፡

🌓ሰማዩን አሁንም እወደዋለሁ፡፡ (እርግጥ ካየሁት ወደ አንድ አመት ከመንፈቅ አልፎኛል እንጂ፡፡ ቀና ብዬ ሰማዩን ባየው እንደ ድሮው በክዋክብት አበባ እና በፌንጣ ጩኸት እና በልብ ፀጥታ የተሞላ ሳይሆንልኝ ቢቀር፤ እጠላዋለሁ፡፡ ከምጠላው በድሮ ትዝታዬ ሆኜ መውደዴን ብቀጥል ይሻላል) ለውጥን እወዳለሁ፡፡ ግን የምወደው በምኞት ብቻ እንዳይሆን እሰጋለሁ፡፡ በጽንሰ ሐሳብ፣ በቲዎሪ ብቻ፡፡ ቲዎሪው ተግባር ሆኖ ለውጥ ሲመጣ ግን ሆዴን ባር ባር ይለኛል (Bar ፈልጌ ፉት እልበታለሁ)

ድሮ ያደኩት ሰፈር መንገዱ እንዴት እንደነበር ማስታወስ ተስኖኛል፡፡ መለወጡን በተስፋ ወድጃለሁ፡፡ ሲለወጥ ባዶ ሆኖ አስጠልቶኛል፡፡
መውደድ እና መጥላት የአንድ ሳንቲም ሁለት ገጽታዎች ናቸው ወይ? ብዬ ግር እሰኛለሁ፡፡ ምኞትን መውደድ? ምኞቱ ተወልዶ በእግሩ ሲሄድ ለመጥላት ነው እንዴ? በምኞት ደረጃ የተወደደ ምኞቱ የተሳካ ለት ይጠላል፡፡ በምኞት ደረጃ የተጠላ በስኬት ደረጃ ይወደዳል ማለት ነው...ምን አይነት ዲያሌክቲክስ ነው ጃል? ይኼ ማለት እኮ በምኞት ..መልካም አዲስ አመት.. ያልነው ምርቃት መጥፎ አሮጌ አመት ሆኖ በእርግማን ይሸኘናል ማለት ነው፡፡

🌗ለማንኛውም ግን ጥበብን እወዳለሁ፡፡ መጥላት የምወዳቸው ብዙ ሌላ መውደዶች አሉኝ፡፡ ግን ለጥበብ ይሄ አይሰራም፡፡ ጥበብን ስመኘውም እንደ ተግባሩ እወደዋለሁ፡፡ ጥበብን ከእውነታ ጋር ለማቆራኘት መሞከሩን ነው የምጠላው፡፡
.
ጠዋት በእግሬ እያዘገምኩ ማሰብ እወዳለሁ፡፡ የምጠላው ከብዙ ጉዞ በኋላ የሚሰማኝን ድካም ነው፡፡ ፎቶግራፎችን በሙሉ እወዳለሁ፡፡ ዘመናት ባለፉ ቁጥር ጥበብ ይሆናሉ፡፡ ባዶ ክፍል ውስጥ ከሀሳቤ ጋር መቀመጥ እወዳለሁ፡፡ ሌላ ጭንቅላት ሲያንኮራፋ በማልረበሽበት፡፡ የአሮጌ መጽሐፍትን ሽታ እና ክብደት እወዳለሁ፡፡ ቴሌቪዥን እየተመለከትኩ በቴሌቪዢኑ ውስጥ የራሴን ቴሌቪዥን ከፍቼ መመልከት እወዳለሁ፡፡

🌗ትርጉም ያላገኘሁላቸው መውደድ እና ጥላቻዎችም በብዛት አሉ፡፡ እንዴት ልደረድራቸው፣ ወይንም ላስወግዳቸው እንደምችል ፍቺ ያላገኘሁላቸው ነገሮች፡፡ ትርጉም የዋጋ መለኪያ አንዱ መስፈርት ነው፡፡ የሰዎችን (የሰው ልጆችን) ቆራጥነት፣ ታጋይነት፣ ጠንካራነት፣ ቀዳዳ ፈላጊነት ብዙ አዎንታዊ መገለጫዎቹን እወዳለሁ፡፡ ግን አንዳንዴ ደግሞ ቆራጥ፣ ታጋይ፣ ጠንካራ የሆኑለት ነገርን (አላማን) የተሳሳተ እምነት ሲሆን እጠላለሁ፣የምወደውን ነገር ከምጠላ ግን የጠላሁትን ነገር በአዲስ እይታ ተመልክቼ ብወድ ይሻለኛል፣ ምናልባት መውደድ ከመጥላት ይሻል ይሆናል ፣ወዳጅም ደግሞ ከጠላት፡፡

     📖 "መጥላት የማልወዳቸው"
ከሚል መጣጥፍ የተቀነጨበ።
                      ✍ሌሊሳ ግርማ

              ውብ አዳር❤️
@Ethiohumanity
@Ethiohumanity

@EthiohumanityBot

ስብዕናችን #Humanity

28 March 2023 20:09

✨ወዳጄ ሆይ

አንዳንድ ጊዜ አጠገብህ ያሉ ሰዎች የሚፈልጉትን በቀላሉ ሲያገኙና በትምህርት ፣ በሥራ በትዳር ... ቶሎ ስኬትን ሲጨብጡ ታያለህ። አንተ ግን አንድ ቦታ ቆመሃል። ወቅቱ የእነርሱ ነውና ከመቅናት ይልቅ ባገኙት ስኬት የደስታቸው ተካፋይ ሁን። ለእነርሱ ያደረገ አምላክ ላንተም እንደሚያደርግልህ እመን።

ይኸውልህ ፤

🌗የማንጎ ዛፍ የቡርቱካን ዛፍን ከርሱ ወቅት ቀድሞ ምርትን ስለሚሰጥ አይጨነቅም። ስኬት፣ በወቅት የሚታጨድ መኸር ነው፣ወቅትህ ሲሆን ምንም ነገር ከመንገድህ ሊቆም አይችልም። የአንበሳ በዝግታ መራመድ ስንፍናን ወይንም ድካምን አያመለክትም፤ ያለመውን አደን በእጁ ለማስገባት እርምጃውን እያሰላ እንጂ። የሰዎች ፈጥነው መራመድ አያውክህ።

የራስህን ኑሮ ኑር!

✨ፈጣሪህን ታመን። ልብ በል፤ ቤትህን በፍጥነት ሠርተህ መጨረስህ ሳይሆን ንፋስና ጎርፍን መቋቋም የሚችል ጠንካራ አድርገህ መሥራትህ ነው ቁምነገሩ። በሰዎች ደስታ ደስ ይበልህ። የእውቀት ሰውና ጠንካራ ሠራተኛም ሁን! ደግሞ ሁሉንም አታገኝም!አንተ የተሳፈርክበት አውሮፕላን መሬት ሲያርፍ፣ ከዛ መሬት የሚነሣ አውሮፕላን አለ፤ ሌሎች ደግሞ ለመነሳት በሂደት ላይ ይገኛሉ። ሁሉም መዳረሻቸው የተለያየ ነው፤ ምናልባትም ወዳንተ መነሻ ሊሆን ይችላል። አየህ ህይወት እንዲ ናት፤ "ደረስኩ" ብለህ ስታስብ ሌሎች ያንን ሥፍራ "ጥለው" ሲነሱ ታገኛቸዋለህ። አንዳንዶቹ አንተ ወደ ተነሳህበት፣ ሌሎቹም ወደ ሌላ።

🌗በልጅ ማጣት ምክንያት ቀን ማታ የሚያለቅሱ ሰዎች እንዳሉ በልጆቻቸው ምክንያት ቀንና ማታ የሚያለቅሱ ሰዎች አሉ፣ባል ባለማግባታቸው የሚጨነቁ ሰዎች እንደገጠሙኝ ሁሉ በማግባታቸው የሚጨነቁም ሰዎች ገጥመውኛል። በሥራ እጥረት ምክንያት የታመሙ እንዳሉ በሥራ ብዛት ምክንያት የሚታመሙ አሉ። ልጆቻቸው ፈተና ላይ ጥሩ ውጤት እንዲያመጡላቸው የሚጨነቁ እንዳሉ፣ ልጆቻቸው ጥሩ ትምህርት ቤት እንዲገቡላቸው የሚጨነቁ አሉ።

እናም ወዳጄ

ህይወት እንዲህ ነው፤ በቃ! ሁሉንም የኛ ልናደርግ አንችልም!፣ ንፋስን አባሮ እንደመያዝ ነውና። ሁሉንም ነገር የራስህ እንዲሆን ከመድከም ይልቅ ባለህ ነገር ደስተኛ ለመሆን ሞክር። ከአንዱ ምእራፍ ወደ ሌላው ምእራፍ እንደሚያሸጋግርህም ፈጣሪህን ታመን። ሁልጊዜም በአምላክህ ደስ ይበልህ! በእምነትም ኑር!

መልካምነት ለራስ ነውና

ውብ አሁን❤️

@EthioHumanity
@EthioHumanity

✍የተሰማችሁን አድርሱን @EthioHumanityBot

ስብዕናችን #Humanity

18 March 2023 15:42

💡የፈለገውን ያህል ብትሰራ የሰው ልጅ ስምህን ለማጠልሸት አንድ ስህተት ይበቃዋል ። የሚገርመው የቅፅበት ስህተትህን የዘላለም ባህሪህ አድርጎ አንተ ራሱ እስኪገርምህ በርቱዕ አንደበቱ ቀምሞ ያቀርብልሃል፣ ታሪክህን ጨርቅህ ላይ  ስምህን ልብስህ ላይ ለማንበብ ይሽቀዳደማሉ፣ጉድፍህንና ነቀፋህን ለሚከታተሉ ብዙ ቦታ አትስጥ፣ ለእነርሱ አንተ በውሃ ላይ መራመድ ብትችል እንኳ አስማት እንጂ ቅድስና አይመስላቸውም፣ እንዲያውም ዋና ስለማይችል ነው ሊሉህ ይችላሉ፣አለም እንደዚህ ናት ለስኬትህ ሳይሆን ለውድቀትህ ትፈጥናለች።

📍እኔ ትንሽነቴን አልረሳም ማወቄም አያመፃድቀኝም ።እኔ  የእናንተ የመምጣት እና መሄድ አሻራ ነኝ ፣ የእኔ መጉደል መጉደላቸሁ  እንከናችሁም አንከኔ  ነው፡፡ ጀግና ማለት ታግሎ የጣለ ሣይሆን ታግሎ ያለፈ ነው። ሁሌም ቢሆን እራስህን ተመልከት። የምትወድቀው ሌላውን ለመጣል የሞከርክ ቀን ነው፣ልትጥለው የሞከርከው ሰው ግን ገልብጦህ ከላይ ሆኖ ታገኘዋለህ።ሰው ምንም ብልህና አዋቂ ቢሆን በራሱ ሥራ ብቻ ራሱን ችሎ እንደማይኖር ዕወቅ:: ነገር ግን ሁሉም በየሥራው ጸንቶ እርስ በርሱ በሥራ ይፈላለጋል:: ስለዚህ ሰውን ሁሉ አክብረህ ኑር እንጂ ሰውን አትናቅ ሥራውንም አትንቀፍ::

💎ሁሉንም በገንዘብ እገዛዋለው ብለህ አታስብ በገንዘብ የምትገዛው ርካሹን ነገር እንጂ ውድ ነገሮች የዋጋ ተመን የላቸውም።የዋህነት እና ንፁህነት በእውቀት ብዛት ወይም በጥበብ ጥልቀት ተፈልጎ የማይገኝ በራሱ ንፁህ ስጦታ ነው፡፡ በገንዘብ የማይገዛ፤ በሀይልም የማይጠፋ፤በመከራም የማይደበዝዝ ለተወደደ የሚሰጥ የፈጣሪም ችሮታ ነው፡፡ 

        ለፍቅራችን፣ ውብ ቅዳሜ! ❤️

@EthioHumanity
@EthioHumanity

✍ @EthioHumanitybot

ስብዕናችን #Humanity

13 March 2023 19:09

💡መንቃት ህይወት ነው!

የነቁት ሰዎች ለመኖር የተለየ ትርጉም አላቸው፡፡ ትርጉማቸው ንቃትን የያዘ ነው:፣ እየተነፈሳችሁ ስለሆነ እየኖራችሁ  ነው ማለት አይደለም ፤ደማችሁ እየተዘዋወረ ስለሆነ እየኖራችሁ ነው ማለት አይደለም። በህይወት የምትኖሩት የነቃችሁ ከሆናችሁ እንደሆነ ነው::

💡ዝም ብለህ ራስህን በተመስጦ ስታነብ ውስጠትህ ረጥቦ ሕይወትህ ይለመልማል፣ ምስጠት ማለት መታዘብ ነው፣ ይቺን ሀሳብ በቀላሉ የምታስረዳ አንድ ምሳሌ አለች። የኩሬ ውሃ ጭቃ ሞልቶት ቢደፈርስ እየነካካን አናጠራውም፣ በነካካነው ቁጥር ይበልጥ እየደፈረሰ ነው የሚመጣው። መፍትሔው ኩሬውን አለመንካት ነው፤ መፍትሔው ኩሬው ዳር ተቀምጦ የተፈጥሮን ትንግርት ማስተዋል ነው። ኩሬው ለራሱ ሲተው እየጠራ ፣ እየጠራ ይመጣና ኩልል ያለ ንፁህ፣ የተጣራ ውሃ ይሆናል።

❤️አእምሯችን እንደ ተንጣለለው ኩሬ በሃሳብ ጭቃ ደፍርሷል።ኩሬውን እየነካካን እንደማናጠራው ሁሉ አእምሮንም በሃሳብ ጉልበት መግራት አይቻልም። ኩሬው ራሱ በራሱ እንዲጠራ እንደምንተወው ሁሉ፣ አእምሮም ንቃት ላይ እንዲደርስ፣ ከሃሳብ ግርግር አሳርፎ ለራሱ ምትሃታዊ አርምሞ መተው አለበት። በጥልቅ አሰላሳዩም ተፈጥሮ በአእምሮ ላይ የራሱን ተአምር ሲሰራ በዝምታ ተውጦ ያስተውላል። በጥልቅ ማሰላሰል ሌላ ምንም ውስብስብ ነገር የለውም፣ በአጭሩ ከሃሳብ ነፃ ሆኖ ወደ መሆን ማእቀፍ [Consciousness] መሸጋገር ነው።

💡እናም የተረጋጋ ታዛቢ አመለካከት ይኑራችሁ ፣ በመመሰጥ ነፃነትን እና ደስታን ታገኛላችሁ። ንቁ፣ አንፀባርቁ ፣ ተመልከቱ ነገሮችን በእርጋታ ከውኑ በመንገዱ ውስጥ ኑሩ ፣ውስጣዊ ብርሃናችሁ በራሱ ጊዜ ያድጋል፡፡

ውብ አሁን❤️

@EthioHumanity
@EthioHumanity

✍ @EthioHumanitybot

ስብዕናችን #Humanity

07 March 2023 19:32

💡ውሎህ የት ነው?

📍ሕይወት ሥነ ምህዳር ነው። የሰጠኸው ነገር ተመልሶ ይመጣል።የዘራውን ታጭዳለህ የምትሰጠውን ታገኛለህ በሌሎች ውስጥ የምታየውን በአንተ ውስጥ ታገኘዋለህ ፡፡ ሕይወት ሁሌ የሰጠሀትን መልሳ ትሰጠሀለች መልካም አድርግ መልካም ታገኛለህ እንደሚባለው ሁሉ።

ውሎህ አንተን ይገልፃል መልካም ቦታ ከተገኘህ በመልካም ይገለፃል በመጥፎ ቦታ ከዋልክ እንዲሁ ይሄንን የሚገልፅ ልናስተውለው የሚገባ አንድ ተረት አለ እንዲህ ይላል:-

🐝አንድ ቀን ዝንብና ንብ እያወሩ በወሪያቸው መሀል ዝንብ ንብን እንዲህ ስትል ጠየቀቻት
ንብ ሆይ ለምንድነው የሰው ልጆች እኔን የሚጠሉኝ? ለምንስ ነው የሚጸየፉኝ ? ቤታቸው
ስገባ ያባርሩኛል ይገድሉኛል።
የሚጠጡት ነገር ላይ ከተገኘሁ ይደፉታል የሚበሉት ነገር ላይ ካረፍኩ ያረፍኩበትን ቦታ
ያለውን እህል ቆርሰው ይጥሉታል::

አንቺን ግን እንደ እኔ አይገፉሽም እንደውም ቤታቸው ስትገቢ ይንከባከቡሻል ደግሞም
መልካም ነገርን ተስፋ በማድረግ ደስታቸው እጥፍ ነው ለምንድነው?" ስትል ዝንብ ንብን
ጥያቄዋን አቀረበች
በዚህ ጊዜ ንብ እንዲህ አለቻት
ውሎሽ የት ነው?

📍ሰው ጠላን፣ ገፋን፣ ናቀን እያልን እንደ ዝንቧ ጥያቄን አዝለን ከምንጓዝ ውሏችንን በደንብ እንይ ወሏችን ተመልሶ እኛነታችንን ይገልፃል ውድቀታችንን ለማረምም ይሁን ብርታታችንን ለማብዛት ውሏችንን እንቃኝ ሀሳባችን ስራችንን፣ ስራችን ውጤታችንን፣ውጤታችን እኛነታችንን ይገልጽልናልና። የሰው መንገድ ሁሉ በዓይኑ ፊት የቀናች ትመስለዋለችና፣ራስን መፈተሽ መልካምም ነውና ወሎችን የት ነው?

   ውብ አሁን❤️

@EthioHumanity
@EthioHumanity
     
✍ @EthioHumanitybot

ስብዕናችን #Humanity

03 June 2023 21:20

💔 ወርቃማው ጥገና!

በጃፓን ሃገር ውስጥ ለብዙ መቶ አመታት የከረመ ልምምድ አለ፡፡ ጃፓኖች አንድ ከሸክላ የተሰራ እቃ ሲሰበርባቸው እንደገና የመጠገኑን ስራ “ኪንሱጊ” (Kintsugi) ብለው ይጠሩታል፡፡

ይህ ቃል የሁለት የጃፓንኛ ቃላት ጥምረት ነው፡ “ኪን” (Kin) ማለት ወርቃማ ማለት ሲሆን፣ “ሱጊ”(Tsugi) ማለት ደግሞ ጥገና ማለት ነው፡፡ የእነዚህ ሁለት ቃላት ጥምረት የሚሰጣቸው ይህ “ኪንሱጊ” (Kintsugi) የተሰኘ አንድ ቃል ትርጉም አንድ ነገር ከተሰበረ በኋላ እንደገና በወርቅ መጠገንን የሚያመለክት ነው - ወርቃማ ጥገና!

ከዚህ ልምምዳቸው የተነሳ አንድ የተሰበረ የሸክላ እቃ እንደገና ሲጠገን ይህ የጥገና ሂደቱ በእቃው ታሪክ ውስጥ ትልቁን ስፍራ ይይዛል፡፡ እቃው በመሰበሩ የተነሳ እንደገና ሲጠገን በሶስት መልኩ የላቀ ሆኖ ይወጣል፡- 1) ጥንካሬው ይጨምራል 2) ዋጋው ይጨምራል፣ 3) ውበቱ ይጨምራል፡፡

በሕይወታችሁ ልባችሁን ሰብሮና ስሜታችሁን አቁስሎ የነበረ ያለፈ ልምምድ ካለ፣ አሁንም ተመሳሳይ ልምምድ ውስጥ በማለፍ ላይ ካላችሁና ወደፊትም በሚሰብር ልምምድ ውስጥ ስታልፉ ይህንን የጃፓኖችን የጥገና ሂደት አትዘንጉ፡፡ በሁኔታው ተስፋ በመቁረጥና ተሰብራችሁ ለመቅረት ራሳችሁን ካልጣላችሁ በስተቀር እንደገና ትጠገናላችሁ፡፡ ከተጠገናችሁ በኋላ ግን ከበፊቱ ይልቅ ጠንካራ ሰዎች፣ ዋጋችሁ የከበረና ከበፊቱ ይልቅ እጅግ ውብ ሆናችሁ ነው የምትወጡት፡፡

✨ሆኖም፣ ጥገና ጊዜን እንደሚፈልግ አትዘንጉ፡፡ ጥገና ያለፈውን ረስቶ ፈጣሪን በመታመን ወደፊት የመገስገስን ቆራጥነትም እንደሚፈልግ አትርሱ፡፡

Beauty can be found in imperfection.

✍ ዶ/ር እዮብ ማሞ

ውብ አዳር ❤️

@EthioHumanity
@EthioHumanity

ስብዕናችን #Humanity

29 May 2023 20:46

♦️ለመኖር የመጓጓታችንን ያህል መኖራችን ውስጥ የተሰጠንን ፀጋ ምን ያክል እናስተውላለን? ከውልደት እስከ ሞት የሚዘረጋው የስብዕናችን ተረክስ ሁነኛ ልኩ ምንድነው?

የህይወት ዳርቻ ስትደርስ ጨለማውን ታየዋለህ።  ተስፋ ካልተለየህ ጭላንጭሏ ላይ ታተኩራለህ። እሷ እንዳታመልጥህ ትታገላለህ።  ካመለጠችህ ድቅድቅ ጨለማ ውስጥ መውደቅህን ታውቃለህ ፣ ሰው አንዳንዴ የተስፋው ጭላንጭል ስትሟጠጥ እና የህይወቱ ገመድ ተገዝግዛ ልትበጠስ ስትደርስ የመጨረሻው ንቃት ላይ ይደርሳል፣ ታድያ በዚች ቅፅበት ጨለማውን የሚገፍ የተስፋ ብልጭታና እንደገና ጨብጦ የሚወጣበት የምርጫ ገመድ ሲያገኝ የሚፈጠረው ለውጥ አቻ አይኖረውም።

🔷ዛሬ ብንሞትስ ብለህ አስብ እስኪ
ለነገ ያሳደርካቸው ብዙ ሀሳቦች አብረውህ ይሞታሉ  ፣ ለነገ ያቆየሀቸው ስንት ግቦች መቃብር ይወርዳሉ  ፣ዛሬ ሳታወጣው የደበቅከው ተሰጥኦህ አብሮህ ይቀበራል ሳይፈነጥቁ የቆዩ ብዙ ተስፋዎች ይቀጫሉ ፣ ለሰዎች ያላሳየሃቸው ስንት ደግነቶች አፈር ይበላቸዋል ያልተነገሩ ስንት ይቅርታዎች ይሞታሉ ነገ እደሰታለሁ ብለህ ቀን ስትጠብቅ ቀኑ ይጨልምብሀል  ስለዚህ አስብ እየአንዳንዷን ቀን እንደ መጨረሻ ቀን ቁጠራት ማድረግ ያለብህን ዛሬ እያደረክ ተደሰት።

🔶መኖር ጥሩ ነው።  ሌላው ትርፍ ነው።አንተ ጋር የጎደለህን ሌላው ጋር ስታይ 'ሁሉ የሞላለት' አይምሰልህ ፣ ባወቅኸው ልክ የሰውን ህይወት አትመዝን፣ የራስህንም አታቃል። ለህይወትህ በይበልጥ ዋጋ የምትሰጠው ልክ የአንበሳ መንጋጋ ገብቶ በተአምር እንደ ተረፈ ነብይ ወይም ጻድቅ ነው። 

🔷ከክፉ በሽታና ከሞት ጥግ መመለስ ራሱ ጽድቅ ነው፣ የደረሰበት ብቻ ያውቀዋል፣  ያወቅክ የመሰለህ ያላወቅኸው ብዙ አለና። ዋናው ነገር ለተሰጠህ ለምታውቀውም ለማታውቀውም በረከት ፈጣሪህን አመስግን ፣ በምንም አይነት የህይወት ትግል ውስጥ ብትሆን ደስታን ምርጫህ አድርግ። ሰላምንም ውደዳት። ሁልጊዜም በፈጣሪህ ደስ ይበልህ!

              ውብ አሁን❤️

@Ethiohumanity
@Ethiohumanity

✍@Ethiohumanitybot

ስብዕናችን #Humanity

24 May 2023 20:42

💡ፀጥታህ በጩኸት መሃል ካሌለች፤ ሰላምህም በግርግር ካልተገኘች፤ ተመለስ አልደረስክም!

ሰማዩን ተመልከተው ፀሓዩዋን እያት፣ ዛፎቹን እያቸው። ነፋሱን አስተውል። በመንገድ የሚጓዙትን የሚተምሙትን መኪኖችና ሰዎች ልብ በል። ወፎቹን አዳምጥ። ሌሎች እንሰሳቶችንም ተመልከት። ምን ይሰማኃል?
ልክ እንደ ጨቅላ በሀሴት ተሞሽረህ ምናብህን ስታበረታ ሁሉም ነገር በቀና ይሄዳል፣ ሰከን በል! ተረጋጋ! አስተውል፣ ወደውስጥ ስትገባ አንተነትህ ሁሌም አዲስ ሆኖ የሚታደስ ድንቅ ፍጥረት ሆኖ ይታይሃል፡፡ የተፈጥሮ አካል አንድ ህዋስ ነህ፡፡

💎ወዳጄ ዓለም እና የሰው ልጅ ተፈጥሮ በብዙ ስንክሳር የተሞሉ ናቸው። ባሳለፍከው ህይወት ብዙ ክስተቶች ታይተዋል። የሚያሳዝንም የሚያስደስቱም ሁኔታዎች የህይወት ገጾች ናቸው። ሁሉ ይመጣል፣ ሁሉም ይሄዳል። ያለፈውና የሚሄደውን በሰላም ሸኘው። አሁን ካለው ጋር በሰላም ተከባብረህና ተሳስበህ ኑር። ታመን፣ እመንም። የሚመጣውን በልከኛ ተስፋ ተቀበለው። ዘልዓለማዊ ክስተት የለም፣ ለውጥ እንጂ።ባንተ ጭንቀት አንዲቷ ችግርህ አትፈታም፡፡ ባንተ ማስተዋል ግን የሁሉ ሰንሰለት ይበጠሳል፣ የራስህ ሳይሆን የብዙሃን ነፃ አውጪ ነህ፣ ከሁኔታዎች በላይ መሆንን እወቅበት። መረጋጋት መልካም ነው።

💡ይህ ሁሉ ሲሆን፣ ነገሮች ሲለዋወጡ ህይወትን በእርጋታ ማጣጣም የቻሉ ግን ጥቂቶች ናቸው። ህይወትን ለማጣጣም ሀብት የግድ አይደለም፣ ቢኖር ግን ጥሩ ነው፣ ግን በልክ። ህይወትን ለማጣጣም ዘመድና ጓደኛ ቢኖሩ ጥሩ ነው፣ግን በልክ። ህይወትን ለማጣጣም ጊዜ ማግኘት አስፈላጊ ነው። ጊዜህን መጠበቅና መቆጣጠርን እወቅበት።

ውብ አሁን❤️

@Ethiohumanity
@Ethiohumanity

✍@Ethiohumanitybot

ስብዕናችን #Humanity

19 May 2023 18:08

💚  ንቁ የሃሳብ ሰው ስንሆን ምንሰራው ዓለም ነው ለዚህ ደሞ የስብዕና ግንባታ ወሳኝ ነው ብሎ ያምናል ቻናላችን. . . ታድያ ሁሉን አልፈን አብረን ተያይዘን ዛሬን  ረግጠናል. . .

💛ከጎናችን በመሆን አጋርነታቹን እደምሰሶ ላፀናቹልን ቤተሰቦቻችን ልባዊ ምስጋናችን በያላችሁበት ይድረሳችሁ !!

❤️. . እደትላንቱ ዛሬም ታስፈልጉናላቹ ፣ የእናንተ ሃሳብና አስተያየት ያርመናል ያጠነክረናል.
ሁላችሁም ስለቻናሉ የሚሰማችሁን እዚች ላይ ፃፍፍ አርጉልን
👉 @EthiohumanityBot
👉 @EthiohumanityBot

✍ሁሉም የለንምና በእናንተ ሀሳብ  
           የጎደለውን እንሞላለን!!

ስላላችሁልን ከልብ እናመሰግናለን❤️

@EthioHumanityBot @EthioHumanityBot
 

ስብዕናችን #Humanity

14 May 2023 15:55

❤️ከስሞች ሁሉ ምርጥ ስም  ከሰው ልጅ ከናፍራት ከወጡ ውብ ቃላት አንዱ " እናት" ነው ።

❣የጥሪዎች ሁሉ ምርጡ  ጥሪ " እማ" ቃላቱ በፍቅር , እና ተስፍ የተሞላ ነው ፣የምትጣፍጥ ቃል ከሰው ልጅ ጥልቅ ልብ የወጣች ናት።እናት ሁሉ ነገር ናት ፣ በችግር ሰአት አማካሪያችን ናት በጭንቀት ሰአት ተስፍችን ናት በድክመት ሰአት ጥንካሪያችን ናት እሷ እኮ የፍቅር , የእዝነት , የርህራሄ, ምንጭ ናት።

❣ እናት እንደ መሬት ሁሉን ቻይ ናት። ብትረገጥ ታግሳ ለወግ ማረግ ታበቃለች። ብትነቀፍና ብትተችም ፈገግታዋ አይከስምም። የዘሩባትን መልካም አድርጋ እንደምታበቅል እርሻ ልበ ንፁሁ እንዲሁም መልካም ፍሬ እንደምታፈራ ዛፍ አብራኳ ለምለም የሆነ የውበት የምጨረሻዋ ምእራፍና የመጨረሻዋ እውነተኛ ዓረፍተ ነገር ነች እናት። ልቧ ከፍቅር ድርና ማግ የተሸመነ ነውና ምን ቢያስቀይሟት የጥላቻ ጥርስ አትነክስም። ፊት ቢነሷት ፊት አትነሳም ።

❤️ሰው የመሆን የመጨረሻው ደረጃ ነው። ቅድስና በእናትነት መንገድ የሚደረሰበት የህሊና ንቃት ነው። እናት  የፍጥረት ሁሉ የመጅመሪያ ምሳሌ ናት ሙሉ የሆነ ውበት እና ፍቅር ተምሳሌት ናት ከሁሉም በላይ እናት የሚተመንላት ዋጋ የላትም፡፡ ከዋጋ በላይ ናትና።

የእናት ፍቅር የመጨረሻዋ የፅድቅ ፅዋ ነች።

ውብ የእናቶች ቀንን ተመኘን❤️
                  
@EthioHumanity
@EthioHumanity

@EthioHumanityBot

ስብዕናችን #Humanity

05 May 2023 21:57

የማንን ግጥም ማንበብ ይፈልጋሉ?

ስብዕናችን #Humanity

29 April 2023 18:15

💡ዜን ከህልም ዓለም ወጥተህ አሁን የምትኖርበትን ቅፅበት በሙሉ ንቃት
እንድትኖር የሚያለማምድ መንፈሳዊ አስተምህሮ ነው፡፡ እንደ ታዋቂው የዜን ማስተር Shunryu Suzuki አገላለጽ፣ “ዜንን ለመረዳት የዜንን መጽሐፍ በጥልቀት ማንበብ አይጠበቅብህም፡፡ማንኛውንም ጽሑፍ፣እያንዳንዷን ቃል እና አረፍተ ነገር በአዲስ እና በንፁህ አዕምሮ ማንበብ በቂ ነው፡፡”ይላል ሱዙኪ “አክሎም፣ “ይህንን ለማድረግ ከማይንድ መውጣት ያስፈልጋል፡፡

💡ከዜን እይታ አንጻር ሁሉም ነገር በውስጡ  እውነተኛ የአእምሮ  አስተሳሰብ አለው፣ይህም ነቅቶ መገኘትን፣ንፁህ ግንዛቤን እና ህሊናን ያቀፈ ተፈጥሮ ነው፡፡ ይህ ተፈጥሮ በመጀመሪያ ባዶ ፣የተረጋጋና ፀጥ ያለ  እና የማይለወጥ ማስተዋል ነው። የቁሳዊ እና የአዕምሮ ዓለማችን በተለዋወጭ ክስተቶች የተሞላ ነው። በእነዚህ ክስተቶች ላይ ራሳችንን ጥገኛ ስናደርግ ማንነታችንን በማደናቀፍ ጥላቻን እናዳብራለን። ከአስተሳሰብ ቅዥት ከእንቅልፋችን ስንነቃ ለእራሳችን የሰጠነውን የውሽት ግምት እናገኘዋለን፣  እውነተኛው ተፈጥሮአችንን ስናስተውል በተግባር እና ግንዛቤ አማካኝነት በዚህ ተፈጥሮ ልንጸና እንችላለን ፣በሰላም ከሁሉም ጋር መፍሰስ እንጀምራለን ፡፡

🌗 ዜን በቀጥታ ወደ ትክክለኛ የአዕምሮ ተፈጥሮው ይጠቁማል፣የእኛ ስብዕና እውነተኛ ተፈጥሮ ከሰው ልጆች ሁሉ እውነተኛ ተፈጥሮ ጋር አንድ መሆኑን በመረዳት ርህራሄ በውስጣችን እንዲሰርፅ ያደርጋል። እኛ የሚመለከተን ዛሬ የምንኖርበት ህይወት እንጂ ወደፊት ይኖራል ብለን የምንጠብቀው ዓለም  አይደለም። እያንዳንዱ ድልድይ ደርሰህበት መሻገር ስትጀምር ስለድልድዩ ታስባለህ ገና ያልደረስከበትን ግን በሩቁ ማሰብ ከንቱ ድካም ይሆናል።

         ውብ ቅዳሜ!❤️

@Ethiohumanity
@Ethiohumanity

✍@Ethiohumanitybot

ስብዕናችን #Humanity

22 April 2023 20:09

💡ስኬት ሌላ ሳይሆን ፣ የሕይወት ማዕቀፍን መኖር መቻል ማለት ነው፣ የአንተን ማንነት ከተሳለው መድረኩ ጋር ማጣጣም መቻልህ ስኬት ነው። ማንነት የመኖር መሆን ነው፣የተሳትፎ መድረኩ ሕይወት ነው። ሁለቱ ተመጣጣኝ ሲሆን የሕይወት ማዕቀፍ ነው። ማንኛውም ዓይነት ሕይወት ችግር አይደለም። ችግረኛ የሆነ ነዋሪም የለም። የሕይወት ችግሩ የሕይወት ማዕቀፍን መኖር አለመቻል ነው።

💎ሕይወት ልክ እንደ ሸሚዝ በልክህ ተዘጋጅታ የምትኖራት ብቻ ሳትሆን ፣ በየጊዜው ራሷ በምትሰጥህ የኑሮ ልክ ራስህን እየጠረብክ እያስተካከልክ የምትኖርባት መድረክህ ናት፣የጎደለውን በሙሉ፥ ሙሉውን ደግሞ በጎዶሎ እያቻቻልክ እንጂ ከሕይወት ሙሉነትን አታገኝም፣ ሁሉም ሰው ለክቶ የሚኖረው የሕይወት ማዕቀፍ አለው፣ የምታደርገው ጫማ የሚመችህ በልክህ የተሠራ ከሆነ ብቻ ነው። በጣም ትልቅ ከሆነ ሸክም ነው በጣም ትንሽ ከሆነ ስቃይ ነው የሕይወት ማዕቀፍም እንዲሁ ነው ።

💡በማንኛውም አኗኗር ውስጥ ብትሆን በልክህ የምትኖረው ሕይወት ማዕቀፍ ካለህ የአንተ ትክክለኛ ሕይወት እሱ ነው። የሕይወት ማዕቀፍ የኑሮ ቀለምና ቅርፅን ከሁኔታው ጋር አዛምዶ የመኖር ጉዳይ ነው [FLEXIBILITY] ፣ ለመኖር የማትችለውን ቀለም አትምረጥ፣ ሕይወት የስኬት ገበያ ናት! በብልጠት ተገበያይ! ከአቅምህ በላይ ለሆነው ትግል ውስጥ አትግባ ለጊዜው እሱ ላንተ አልተፈቀደምና ፣ ራስህን ከሁኔታዎች ጋር እያወሃድክ መኖርህን ቀጥል።

📖 ሰው መሆን

ውብ አሁን❤️

@EthioHumanity
@EthioHumanity

@EthioHumanitybot

ስብዕናችን #Humanity

18 April 2023 20:16

ሀሳብ ይፈውሳል...ሀሳብ ያጠፋልl

💡መጠየቅ፣ ማሰብ፣ ማሳሰብ፣ የጠየቁትን ነገር መናገር፣ የተናገሩትን ነገር መጠየቅ፣ የሚያስቡትን መፃፍ፣ ያሰቡትን መፃፍ በርካታ ውጤቶች አሉት። ግን ውጤቱ ምን አልባትም በህይወት አለመኖርንም ጭምር ሊሆን ይችላል። የሆነ ሆኖ ግን ካልጠየቅን ነቃሽም ወቃሽም መሆን ስለማንችል። መጠየቅን መለማመድ አለብን።

ለመጠየቅ ግን በቃ መጠየቅ ነው ያለብን፣ ሀሳብ እና ማሰብ በተለይም ደግሞ ምክንያታዊ አስተሳሰብና አመለካከቶች ልክ እንደ መርዝ ናቸው። ይፈውሳሉ ወይም ይገድላሉ። ወይ እራስንና ትውልድን ያስመልጣሉ ወይም ያጠፋሉ የአንተነትህ ምስል የአስተሳሰብህ ስዕል ነው፡፡ እይታህ የሚወለደው ከአመለካከትህ ነው፡፡ሃሳብህ ከተበላሸ፣ የዘራኸው ከመከነ ፍሬህ አይጎመራም፡፡ የአዕምሮህ መጥፎ ሀሳብ ካሸነፈ አንተንም ሆነ ሌሎችን ይመርዛል።

💡ሀሳብ ያለመልማል ያጠፋልም። ልክ እንደ መርዝ ነው። ልክ እንደ መድሀኒት ነው ይሽራልም ያሽራልም። የመግደልም የማዳንም አቅም አለውና። ለምናስበው ሀሳብ ለማሰቢያውም እንጠንቀቅ። ሀሳባችን ጤነኛ እና ንጹህ ከሆነ መላ ሰውነታችን፣ ግንኙነታችን፣ ስራችን ወጥቶ መግባታችን በሙሉ ጤነኛ ይሆናሉ። በተቃራኒው ከሆነ ሀሳብ መርዝ ነውና ብትንትናችንን ያወጣናል..

📖 "ሔምሎክ...ገጽ 19-20"
✍ዮናስ ዘውዴ ከበደ

ውብ አዳር❤️

@EthioHumanity
@EthioHumanity

@EthioHumanitybot

ስብዕናችን #Humanity

08 April 2023 14:15

🌝ፈገግታ መንፈስን የሚያነቃ የተቀመመ መደሃኒት ነው ብንል ውሸት አይሆንም ፣ በፈገግታ የታጠነ ገፅ መመለከት ሰፍሮብን የነበረውን የብሽቀት ጋኔን ድራሽ አባቱን ያጠፋል ። ሰው ፈገግ እያለ በጥፊ ቢመታህ እንኳን ለፈገግታው እንጂ ለጥፊው ምላሽ አትሰጥም እመነኝ ቢያምህም ፈገግ ትላለህ ፣ ፈገግታ ሀያል ነው ፣ ፈገግታ የሀሴት መርጫ ስሪንጅ ነው ፤ ፈገግታ ብርሃናማ ቀለማት መሳያ ሸራ ነው .... ፈገግ በሉ !!!

ፈገግታ ካለህ ጠላት አይኖርህም፣ ሞት እንኳን አፍጦ ቢመጣብህ ፈግግበት😁፣  ፈገግታ ነፍስን ይከፍታል ፣ እርካታና መዝናናትን ይፈጥራል። የውቅያኖስ ንፋስ ጭጋግን እንደሚበታትነው ሁሉ ፈገግታም ውስጥህ ያለውን ሀዘንና ጥላቻን ይገፋል። ለሰፊው ባህርም የመሬት ቀዝቃዛ ንፋስ ፈገግታው ነው፣ ባህር በንፋስ ላይና ታች እያለ ካልተጫወተ ውበቱን ያጣል፣ ሃይለኛ ሽታም ይፈጥራል። የሰው ልጅም መጥፎ ጠረን የሚጸዳው በፈገግታው ነው።

ደስተኛ ልብ ፊትን ያፈካል፣ የልብ ሀዘን ግን መንፈስን ይሰብራል እንዲል ቃሉም፣ ፈገግታ ሱና ነው እንዲል ሀዲሱም። በዓለም ላይ የሌለን ነገር ሁሉ ተደምሮ ያለንን ነገር አይበልጠዉም፣ሁሌም ለዓለም ሳቁ ፣ ስትስቁ ያን ጊዜ ውብ ናችሁ።

ዛሬን ትላንት አልኖርነውም ፣ ወደፊትም ፈፅሞ አናገኘውም ፣ ዛሬን በሃዘን አትግደሉ ፈገግታ ስጦታ ነዉ፣ፈገግ ስትሉ ኑሩልን😇

ለፍቅራችን፣ ውብ ቅዳሜ! ❤️

@EthioHumanity
@EthioHumanity

✍ @EthioHumanitybot

ስብዕናችን #Humanity

01 April 2023 15:27

💡ቅንነት ከልምምድ፣ ልምምድም ከዕውቀት፣ ዕውቀትም ከጥረት ይገኛል፡፡ ቅንነት ኮሌጅ በመበጠስ፣ ዲግሪ በማብዛት እውን የሚሆን አይደለም፡፡ አባቶቻችን ዘመናዊውን ትምህርት ሳይማሩ በቅንነት ተዋደውና ተፋቅረው የሐገራቸውን ጥበብና አንድነት አስጠብቀው ኖረዋል፡፡ የእኛ ዘመን ትውልድ ግን በአውቃለሁ ትርክት ጠፍቶ አባቶቻችን ያቆዩልንን ታሪክና ጥበብ ከመጠቀም ይልቅ ለመለያያት ሴራ እንጎነጉንበታለን፡፡ ቅንነት በየደቂቃውና በየሠዓቱ ሌሎችን በበጎ ዓይን ማየትና ሕመማቸውን የራስ ሕመም አድርጎ በመውሰድና የሌላውን ሠቆቃ በመካፈል የሚገኝ ነው፡፡

📍ብዙ ቅን ምሁራን አሉ፡፡ እልፍ ቅን ሃይማኖተኞች አሉ፡፡ ጥቂት የማይባሉ ኢአማኝ በጎ ሠዎች አሉ፡፡ ነገር ግን ቅን ሁሉ አዋቂ እንዳልሆነው ሁሉ፤ አዋቂ ሁሉ ቅን አይደለም፡፡ ሃይማኖተኛ ሁሉ መልካም አሳቢና አድራጊ አይደለም፡፡ ኢአማኝ ሁሉ ደግ ነው አይባልም፡፡ አዋቂዎች በሙሉ፣ አማኙም ኢአማኙም ሁሉ ቅን ቢሆኑ ዓለማችን የት በደረሠች ነበር፡፡

ቅንነት በአስተሳሰብ ብቻ የሚገለፅ ሳይሆን በተግባር መሬት ወርዶ የሚታይ ካልሆነ፤ እንዲሁም ቅን አሳቢ ቅን አድራጊ መሆን ካልቻለ ማሠቡ ብቻ ቅን አያስብለውም፡፡ ብዙ ጊዜ በአብዛኞቻችን ላይ የሚታየው ባህሪ ይሄ ይመስለኛል፡፡ በሃሳብ ቅን በተግባር ግን ሌሎች ነን፡፡ ‹‹ጧት ጧት ቅዱስ፤ ማታ ማታ እርኩስ!›› እንዲል ብሒሉ፡፡

❤️ከፈላስፎች አንዱ፡- ‹‹ሥራው መልካም ካልሆነ ጥበቡም መልካም አይደለም፡፡ ጥበበኛው ሠውዬ ቅን ካልሆነ ጥበቡም ቅን ሊሆን አይችልም፡፡ ለክፉም ለበጎም ጥበብ አለና፡፡›› በማለት ተግባሩ ሃሳቡን፣ ምግባሩ ጥበቡን መግለፅ ካልቻለ ጥበበኛ ሁሉ ቅን አይደለም ይለናል፡፡ እውነት ነው ቅንነት በጎነት የሌለው ጥበበኛ ጥበቡ ለክፉ እንጂ ለመልካም አይውልም፡፡

ፈላስፋው ዲዮጋንስ፡- ‹‹ከንጉስ ይልቅ በሃብት እኔ እበልጣለሁ›› ሲል ‹‹አንተ በሃብት ከንጉሱ የበለጥከው በምንድነው?›› ብለው ሲጠይቁት ዲዮጋንስም፡-

‹‹በንጉሱ ዘንድ ካለ ብዙ፤ በእኔ ዘንድ ያለ ጥቂት ይበቃልና ነው›› አለ፡፡ ይህ ፈላስፋ ካንዲት ቀፎ መሣይ ማደሪያ ቤት፣ ከአንድ ውሻ፣ ውሃ ከሚጠጣበት ቅል፣ ከአንድ ምርኩዝ ወይም በትር በስተቀር ሌላ ሃብት አልነበረውም፡፡ ቅሊቱንም እንኳ አንድ ትንሽ ልጅ በእጁ እፍኝ ውሃ ሲጠጣ አይቶ ‹‹ለካስ ቅልም ትርፍ ነገር ኖሯል›› ብሎ ጥሏታል፡፡

💡ወዳጆች ብዙዎቻችን ትርፍ ስናስብ ዋናውን ነገር ጥለናል፡፡ ፈላስፋው ዲዮጋንስ ትርፉን ጥሎ ዋናውን ነው የያዘው እኛ ግን ዋናውን ጥለን በትርፉ እንባክናለን፡፡

📍በመጀመሪያ ሠብዓዊ ማንነታችን አሽቀንጥረን ጥለናል፡፡ ታሪካችንን፣ ወግና ባህላችንን ንቀን የፈረንጁን አንጠልጥለናል፡፡ አብሮነታችንን፣ አንድነታችንን በዘመን አመጣሽ ቀሽም የዘረኛ ፖለቲካ አደጋ ላይ አውለነዋል፡፡ ዋናውን ጥለን ትርፉ ላይ እንተራመሳለን፣ እርስበርስ እንበላላለን፡፡ ትርፍ ነገሩ ውስጣዊ ሕይወታችን ላይ የሚጨምረው አንዳች ነገር የለውም፡፡ ልባችንን የሚያሞቅ፣ ሕሊናችንን የሚያጠግብ፣ ሠብዓዊነታችንን የሚያረጋግጥ ቅንነት፣ ፍቅርና አንድነት ብቻ ነው፡፡

❤️ፍቅር ካለ አንድ ቂጣ ለዘጠኝ ሠው ይበቃል እንዲል ብሂሉ ባይኖረን እንኳን ቅን ከሆንን ክፉ ጊዜን ማለፍ እንችላለን፡፡ የሐገራችን ችግር የቅንነት ችግር ነው፡፡ የሐገራችን መከራ የዕውቀት ዕጦትም ብቻ አይደለም፡፡ የአዙሪታችን ጉዳይ የአመለካከትም ኋላቀርነት ነው፡፡ ቅን ከሆንን ግን ዕውቀቱንም፣ ክህሎቱንም፣ ቁሱንም ማግኘት እንችላለን፡፡ ዕውቀት፣ ሐብት፣ ክህሎት፣ ወዘተ ኖሮን ቅንነት፣ ፍቅር፣ በጎነት፣ ሌላውን እንደራስ ማየት የሚያስችል አመለካከትና ሕሊና ከሌለን ሁሉም ከንቱ ነው፡፡

💛ሕይወት ትርጉም የሚኖረው ቅን ሆኖ በፍቅር ተስማምቶ መኖር ሲቻል ነው፡፡ ተስፋም ሆነ ትዝታው ጣፋጭ የሚሆነው የወደፊቱን ጊዜ በበጎ አስተሳሰብ ዋጅተን ስንጠብቀው ነው፣ ያለፈውን ደግሞ በመልካም ትዝታ መለስ ብለን ስንጎበኘው ነው፡፡ ዛሬ ያልኖርበት ቅንነት ነገ መልካም ትዝታ ይዞ አይመጣም፣ ነገም የተሻለ የቅኖች ቀን አይሆንም፡፡

❤️ለዚህ ነው መቼም ቢሆን ‹‹አሉታዊ አዕምሮ አዎንታዊ ሕይወትን አይሠጠንም›› የሚባለው፣ቅን እንሁን! ፍቅር ይኑረን! በዘረኝነት አስተሳሰብ እርስበርስ አንጠላላ፣ አንገፋፋ! አንድ እንሁን! ኢትዮጵያዊነት ትለምልም!

✍እሸቱ ብሩ ይትባረክ

ውብ ቅዳሜ❤️
@EthioHumanity
@Ethiohumanity

@EthioHumanitybot

ስብዕናችን #Humanity

24 March 2023 17:37

🔑 ፍርሀት  በአእምሮአችሁ ውስጥ ሊኖር የሚችል ሀሳብ ነው።ይህን ሃሳብ በጠንካራ እምነት፣በስኬትና በድል አድራጊነት ሃሳቦች በመተካት ከስሩ ፈንቅላቹ ልታወጡት ትችላላችሁ።ሁል ግዜም  በራሳችን ላይ እምነትን ካሳደርን፣የማናሸንፍበትና ደስተኞች የማንሆንበት አንዳችም ምክንያት አይኖርም።ደስታህን በራስህ ፈልገው።

ፍርሃታችንን ብንከታተለው .ጥበባችንንም እዛው ማግኘታችን አይቀም። ለዚህም ነው ልትገባበት የምትፈራው ዋሻ ውስጥ ነው ሀብትህን የምታገኘው የሚሉት። የመረጋጋት ችሎታ በጣም አስፈላጊ እና ብዙ ጊዜ ሰዎች ጋር የማይታዩ የህይወት ችሎታዎች አንዱ ነው። በጣም መጥፎውን ውሳኔ የምንወስነው ሰላማችንን አጥተን ወይም ስንጨነቅ እና ግራ ስንገባ ነው።

💡ፍርሃት እውነተኛና መሰረታዊ ችግሮችን የመፍታት አቅማችንን በእጅጉ ሊያጠፋው ይችላል። ተረጋጋክ ማለት ሁሉም ነገር በጥሩ ሁኔታ እና በደስታ ያበቃል ማለት አይደለም።ነገር ግን በተሻለ የአዕምሮ ሁኔታ የህይወታችንን እውነተኛ ፈተናዎች እንጋፈጣለን ማለት ነው።

🔑ታዋቂው ፈላስፋ አለን ዋትስ ፍርሀትን ስለማሸነፍ  ያተናገረውን ድንቅ ንግግር ከስር ባለው ቪዲዮ ተጋበዙልን

           ውብ አሁን❤️
https://youtu.be/587YJMUwobQ

ስብዕናችን #Humanity

14 March 2023 17:53

✨አንዳንዴ ለምናደርገው ነገር ሁሉ ምላሽ ስለምንሻ ነገሮች እንዳሰብናቸው ካልሆኑ ደስታችንን ያጎድሉብናል። ሰዎችን ሳይወዱን መውደዱን አናውቅበትም፤ ብናውቅበት እንኳን ሞኝነት ይመስለናል፣ሰዎች ይቅር ሳይሉን ይቅር ማለቱን አንችልበትም ፤ ብንችልበት እንኳን ገር የሆንን ይመስለናል።ሰዎች ሳያከብሩን ማክበሩን አንችልበትም፤ ብንችልበት እንኳን የተዋረድን ይመስለናል።

🌗ስንሰጥ ምላሽ ካልጠበቅን ሰዎች ክፉ ቢሆኑብን ግር አይለንም። ስንወድ ለመወደድ ብለን ካልሆነ ፤ ፍቅራችን ሲገፋ አይከፋንም፣ስንረዳ ለክፉ ቀናችን ብለን ካልሆነ፤ ሰዎች እርዳታቸውን ሲነፍጉን አይደንቀንም። የምናደርገው ነገር ሁሉ ከልባችን ሲሆን፤ ደስታችን ሌሎች በሚሰጡን ምላሽ ላይ አይወሰንም።

🌓ስትሰጥ መስጠት ስላለብህና ስለሚያስደስተህ ብቻ እንጂ በምላሹ ግብር ጠብቀህ መሆን የለበትም፣ የዜኖች የህይወት ፍልስፍና ሚጠቅሰው አንዱ ነገር ይህንን ነው! ምንም ነገር ቢያደርጉ ማድረግ ስላለባቸው እንጂ ገና ለገና ይሰጠኛል ብለው ስላልሆነ! ሰጥተን ከጠበቅን መስጠታችን ትርጉም አልባ ነው፣ ምላሽ ጥበቃ ከሆነ የነፍስያ [Ego] እንጂ፥ እውነተኛ መስጠት አያደርገውም።

💫ስጥ፣ ስትሰጥ ግን ምስጋናን ፈልገህ አትስጥ። ስጥ፣ ስትሰጥ ግን ምላሽን ጠብቀህ አትስጥ።ስጥ፣ ስትሰጥ ግን ዛሬ መስጠትህ ነገ ትርፍ እንደሚያመጣልህ አስበህ አትስጥ፣የሌላውን ምላሽ ሳትጠብቅ ትክክለኛውን ነገር ማድረግ ከቻልክ ከራስህ ላይ ትልቅ ቀንበር አንስተሀል ማለት ነው።

ውብ ምሽት❤️

@EthioHumanity
@EthioHumanity

✍ @EthioHumanitybot

ስብዕናችን #Humanity

10 March 2023 18:26

💡ገበሬዉ ሁለቱን አህያዎች አንደኛዉን ጨዉ አንደኛዉን ባዶ በርሜል ጭኖ እየሄደ ነዉ።
ወገቡ ሊቆረጥ ደርሶ የሚንገዳገደዉ የጨዉ ኩንታሎችን የተሸከመዉ አህያ: ባዶ በርሜል የያዘዉ አህያ በፍጥነት ሲጓዝ ሲመለከት ጊዜ ከችግሩ ለመዉጣት አንድ ነገር ለማድረግ
ወሰነ።

💡 "ወንዝ አካባቢ ሲደርሱ ዉሃ ዉስጥ በመዉደቅ ሸክሙን ማቃለል!" ከጥቂት ጉዞ በኋላ ወንዝ ጋር ደረሱና ጨዉን የተሸከመዉ አህያ እንዳቀደዉ አደረገ። እቅዱ ተሳክቶለትም ዉሃዉ በኩንታሉ ዉስጥ ያለዉን ጨዉ በከፊል አጥቦ ወሰደዉ፣ከቆይታ በኋላ ከወደቀበት ሲነሳ ከገመተዉ በላይ ሸክሙ ቀለለዉ። እንደ ጓደኛዉም ዘና ብሎ በፍጥነት መሄድ ቻለ።

📍ይህን የተመለከተዉ በርሜል ተሸካሚ አህያ ከመጀመሪያዉ የበለጠ እንዲቀለዉ በመሻት ልክ እንደጓደኛዉ ዉሃ ዉስጥ ተዘፈቀ።ግና ከቆይታዎች በኋላ ሲነሳ ወገብ ዛላዉ ሊቆረጥ ምንም አልቀረዉም።ነገሩ የተገላቢጦሽ ሆኖ በርሜሎቹ በዉሃ ተሞልተዉ ስለነበር የጉዞዉ እጣ-ፈንታ በብርክ፣ምጥና እንፉቅቅታ ወድቆ እየተነሳ መኳተን ሆነ።

💡ሌላዉ የጠቀመዉና የለወጠዉ የህይወት መንገድ እኛን ላይጠቅመን ይልቁንስ ሊጎዳን ይችላልና የሌላን ሰዉ እርምጃ ከመከተላችን በፊት ምክንያትና ዉጤቱን ማመዛዘን ይገባናል! ማንኛዉም ችግር ሲገጥመን ማንኛዉንም እርምጃ ከመዉሰዳችን በፊት አዕምሯችንን ማሰራትና ቆም ብለን ማሰላሰል ካልቻልን ለነጻነት ያሰብነዉ መንገድ የባሰ ጭንቅና መከራን ሊያመጣብን ይችላል!

📍በእጅ ያለ ወርቅ ከመዳብ ይቆጠራል እንዲሉ እኛ ዘንድ ያለዉን ጸጋ ማየት ተስኖን ዓይናችን የባተለበትን ሩቅ ማለም የነበረንን ሊያሳጣን ይችላልና ማመስገንን እልመድ! ጭፍን ተከታይነት ለራስም ሆነ ለሌላዉም እዳ እንጂ ትርፍ የለዉም!

ውብ ምሽት❤️

@EthioHumanity
@EthioHumanity

✍ @EthioHumanitybot

ስብዕናችን #Humanity

05 March 2023 18:50

     ወዳጄ ሆይ

🔷ያለፈ ነገር አይቀዪርም ፣ ላወቀበት ሰው ግን ያለፈው ለወደፊቱ የራሱ የሆነ ትምህርት አለው ፣ ካለፈው ነገርህ ተማር እንጅ በፍፁም አታማርር ፣ ማማረር ነገህን በጎ አያደርገውም የሰዎች ሃሳብ የአንተን ማንነትአይገልፅም ፣ማንነትህ አንተ ውስጥ ነው ያለው ፣ መልካም አድርግ ሌላውን እርሳው የሁሉም ሰው የህይወት መንገድ (ጉዞ) ይለያያል ፣ጊዜው በደረሰ ሰው ሁኔታ አትቅና ለሁሉም ጊዜ አለው ።

📍 በራስህ ላይ አተኩር ፣ ያለህ ነገር በቂ ነው ።በሰዎች ደስታ ደስ ይበልህ ፣ ክፉ አትመኝ ፣ በሃዘናቸውም አብረህ እዘን ሲያዝኑ አትደሰት ፣ ሰው ከሆንክ የሰው ነገር ይሰማህ ፣ይህ ማለት ግን ተንኮል እየሰሩ ከሚደሰቱ ሰዎች ተደሰት ማለት አይደለም ። ሰው እያስከፋ ብሎም እየገደለ የሚደሰት አለ ፣ አንተ ከተጎዳው ሰው ጋሁን ፣ አስተውል ።

♦️ጊዜ የማይፈውሰውና የማይቀይረው ነገር የለም አንተም ጊዜው ይቀይርህ ዘንድ ፍቀድለት ፣በተሰጠህ ጊዜ ለመልካም ነገር ሱሰኛ ሁን ። የስራ ጉዳይ ውስጥህ የሚችለውናየሚያምንበት ተሰጥኦ ምን አለህ ? ምን አይነት ስራ መስራት ትችላለህ ? አስተውል ጓደኛህን አትመልከት ፣ ትለያያላችሁ ፤አለማችን በትምህርት ብቻ ወይም በጥበባት ብቻ ወይም በተወሰኑ ዘርፎች አይደለችም እየኖረች ያለችው፣ በጣም ብዙ ነገሮች ናቸው እየደገፏት ያቆሟት ፤ አንተም ጥቂትም ብትሆን ያለህን ችሎታ አውጣው ፣ ፈልገው አጎልብተው ጀምረው ፣ "ምን ይሻለኛል ?" እያልክ አታመንታ ጊዜህ እንዳያልቅ ፣በእርግጥ ጊዜህ ሳይሆን አንተ ነህ የምታልቀው ።

🔷አስተውል ፣ መልካም ነገር ሁሉ ከፈጣሪ መጥፎ ነገር ሁሉ ደግሞ ከሰይጣን አይደለም ፣ ፈጣሪ መጥፎን ወደ መልካም የመቀዪር ብቃት አለው ። ሰይጣንም ያጠፋህ ዘንድ መልካም የሚመስል ነገር ሊያዘጋጅልህ ይችላል ፣አስተውል ። መልካም ማሰብና መልካም መሆን መልካም ነገር እንዲገጥምህ ማመቻቸት ነው ፣ መጥፎነት ከአንተ ይራቅ ፣ ለአንተም ሆነ ለሰዎች ጉዳት እንጅ ጥቅም የለውም ።

♦️የሰራኸውና የምትሰራው ነገር የሆነ ጊዜ ላይ ዞሮ ያገኝሃል ፣ መጥፎ ከሰራህ እንደስራህ ፣ መልካም ከሰራህም እንደዚያው ይገጥምሃል ። "ሰው የዘራውን ያጭዳል" የሚለውን አስታውስ ፣
ክፉ ነገር እየዘራህ መልካም ነገር አትጠብቅ ፣ራስህን አትሸውድ ። ጤፍ ዘርተህ ባቄላ አትጠብቅ ። ጤፍ የዘራ ገበሬ ጤፍ እንደሚያጭድ ሁሉ ፣ አንተም የዘራኸውን በእጥፍ ታጭዳለህ።

ወዳጄ ሆይ!

♦️ለራስህ ስትል መልካም ሁን ፣ በጎውንም አስብ። ለራስ ማሰብ ማስተዋል እንጅ ራስ ወዳድነት አይደለም። ራሱን የማይወድ ሰው ሌላውን አይወድም ። አትፍረድ ፣ የመፍረድ ሃላፊነት በፍፁም የለህም ። ፍርድ የፈጣሪ ነው፣ ለመፍረድ እንከን አልባ መሆን ያስፈልጋል ፣ ፍጥረት ሁሉ ፍጥረት በመሆኑ ብቻ እንከን አለበት ፣ ጎደሎ አለበት ። የተሻለ ሀሳብ አለኝ ብለህ ካሰብክና ከቻልክ ምከር ካልሆነ ዝም በል ።

📍ከጓደኛህ መልካም የሆነውን ነገሩን አውጣለት ፣አበረታታው፣እንደማይጠቅም አትንገረው ፣ ለሀዘኑ ሳይሆን ለደስታው ምክንያት ሁን ፣ ለስኬቱ እንጅ ለውድቀቱ መንስኤ አትሁን ። መልካም ጓደኛ ከፈጣሪ የሚሰጥ ጸጋ ነው ። መልካም ጓደኛ ፣ የማይቀና አሳቢና መካሪ ፣ ከእኔ ይልቅ ለአንተ የሚል ካለህ አንተ ተባርከሃል ታድለሃል ። ከሌለህ ደግሞ አንተ ራስህ መልካም በመሆን ጀምር ፣ ባህሪህንና ስራህን አይተው ይመጣሉ።

♦️ያለ መጠን ማሰብ ጭንቀትን ፣ ሀዘንን ያስከትላል ።ከአቅምህ ከምትችለው በላይ አታስብ ፣መመለስ በማትችለው ነገር ላይ አትወጠር ፣ የተመለሱ ነገሮችህ ላይ ትኩረት አታድርግ። አንዳንድ መልሶች በድጋሚ ጥያቄወች ሆነው እንደሚመጡ አትዘንጋ ።

🔷ባልገባን ሳይሆን በገባን ነገር ላይ እናተኩር ።ደግነት ዋጋ አያስከፍልም ነፃ ነው ፣ "ያስከፍላል"ብለህ ካሰብክም ምላሹ እጥፍ እንደሚሆንልህ አትዘንጋ። ደግ ሁኑ ፣ደግ ሆነው የተጎዱ የሉም ፣ ቢኖሩም ከጉዳታቸው ይልቅ በረከታቸው ሰላማቸው ልክ የለውም።

📘ደስታህንና ሰላምህን የሆነ ሰው ወይም ነገር ላይ አታስቀምጥ ፣ ያ ነገር ወይም ሰው ከአጠገብህ ሲርቅ ወይም
ሲጠፋ ደስታህም አብሮ ይጠፋል ። ደስታና ሰላም በአንተ ውስጥ ናቸው ። በራስህ በአፈጣጠርህ ደስ ይበልህ ፣ውለህ በመግባትህ ደስ ይበልህ ። በአለህ ትንሽ ነገር ደስ ይበልህ ።

♦️ለፍቅር ለመውደድ እንጅ ለጥላቻ ለዛቻ ለምቀኝነት ጊዜ አይኑርህ ። በመውደድ የተጠመደ ሰው ለመጥላት ጊዜ የለውም።  እድሜህን በተመለከተ ፣ የፈጣሪ ፈቃድ ከሆነ ካለፈው ከተቃጠለው ጊዜህ ይልቅ ወደፊት የምትኖረው ብዙ ነው ። ዋናው ደግሞ የኖርክበት የእድሜ ብዛት ሳይሆን በኖርክበት ዘመን ያሳዪኸው መልካምነትና የሰራኸው ደግነት ነው።

📍የምናማርረው የተሰጠንንና የሆነልንን ’ረስተን ፣ ያልጎደለን ነገር ላይ "ጎደለን" ብለን በጥያቄ ስለምንሞላ ነው ፣ ባለው ነገር አመስጋኝ የሆነ ይጨመርለታል ። በማማረር መባረክ የለም ።

              ሰላምና ጤና ፣
ከመልካም አስተሳሰብና በጎ ህሊና ጋር ምንጊዜም ከዘመንህ አይለዪ።

            ውብ ምሽት❤️

@EthioHumanity
@EthioHumanity

✍ @EthioHumanityBot