-
هاذهي القناه خاصه بل شعر الحسيني فقط ارجو متابه القناه حسابي الشخصي 👇 @wwe_00
فحل نزل طر الحومه
ابن علي حلوه ارسومه
أخذ عهد تبقه علومه
سمعت الكافل امن بعيد
يصرخ عل زلم قادم
زلمه اليبقه حي اليوم
اخلي الخيل تترادم
اخلي الفكر يشب نار
عقله اولا يرد سالم
مثل حال الطفل يا ناس
ابجيهم بجي الفاطم
محد گدر يلوي ذراعه
هذه الگمر هاي الطباعه
عل حومه يفتر جن ساعه
شاف الزلم خرده وچومه ***أخذ عهد تبقه علومه
مثل گود الطفل بل سوك
من تگوده حيل أمه
لخيمت زينب أنه اليوم
اگود الشارب وزلمه
افحط عسكر ابن ازدياد
وابن زياد اطش دمه
ولا اخليهم يگولون
مات الكافل بهمه
تعثر زلم من عيونه
بل حومه كلهم يجفونه
زلمه وفحل ميگدرونه
منو يقدر حيله بيومه*أخذ عهد تبقه علومه
وحگ دم الرضيع الطاح
بس ما طلح عل غبره
كلمن يوصل لزينب
وحك زينب حفر گبره
إنه الكافل خدر الحسين
وبن ذاكَ ابو الفقره
ابن العارك بصفين
وبن الفاطمه الزهره
سهل صعب حارو بأمره
عطر حرب ينشر صدره
ابن علي ياهو يگدره
منو بعد هم يلومه** أخذ عهد تبقه علومه
زعل وعيونه تجدح نار
ياهو يسكت عيونه
الف واحد يطره بسف
كلهم ما يشوفونه
لغه قانونك انيوتن
العالم طايره دونه
من اجبل عليهم صار
الجانو ما يحسبونه
اسد وگف يزئر بيهم
أخذ عهد ميخليهم
صحف كتب ما تحميهم
حفض علم جده وصومه *** أخذ عهد تبقه علومه
وكف فوك النهر عباس
وگف وكفت أبوه حيدر
سواها الزلم خرفان
گدام الأسد تفتر
خلاها الجيوش أصيح
اجانه الفارس الابهر
اجانه الما يعرف الخوف
وعله سمعه ابد ما مر
ابد ما يحسب حسابه
مو سيفه الحچه گرابه
من شدتله عصابه
أخته وبعد كلمن يومه *** أخذ عهد تبقه علومه
تمت كتابتها في/١٨/٥/٢٠٢٤م
قلم خادمكم/حسين علي الدليمي
طور العگيله ( نزله الانصار)
يحسين بدربك ظلينه
يحسين انته القائد النه
لا تحسب سوينه المنه
كل عمرك ما رايد جنه
ونته بزغرك المسوينه
يحسين بدربك ظلينه
احنه انصارك دنيه ودين
لذراعك نصبح جفين
نفزع گبلك مو بعدين
بس اشر تعرف ماضينه
يحسين بدربك ظلينه
يحسين نبوس جفينك
وصبي نصبح احنه لعينك
وداعت عباس وخدينك
بس جرب مره وهد بينه
يحسين بدربك ظلينه
باجر كل علومك تبقه
تنطي لصاب صيته وحقه
منل كوفه وتوصل للرقه
كل اطباعك ذيج الزينه
يحسين بدربك ظلينه
نسحك فوگه الرايد ذبحك
مننطيح احنه عود يطيحك
صاير شيخ وجاي ينصحك
ونته الشيخ عليه وعلينه
يحسين بدربك ظلينه
تمت كتابتها في ( ١٠/٧/٢٠٢٤/م)
قلم خادمكم : حسين علي الدليمي
هذه گروب القناة إذا حاب تدخل
/channel/HusseinAliAlDulaimi
لحن اهوازي
گبل لا ينزل الاكبر * صوب المعركه اتبختر
گلاله ابو حسين ** *إذن يبني أو كبر
بده ايئذن علي الاكبر حته احسينه يصلي
هاي اخر صلاه وياه من ابني وشبه جدي
من قرت عيون أمه ومن ابن عم المهدي
حته بل صلاه الاكبر صوته يكسبر بجلدي
إذن واستعد صله ****گبل لي موت عبدالله
ياخذ ثاره الاكبر *** من عيون الموجره
راح استئذان الوالد أودع أمه ورقيه
وقبل عمه العباس من چفوفه الربيه
أودع عمته زينب وگللها عله النيه
كله من أطب للگوم تتشيم تظل بيه
سرج مهره ولبس سيفه* رايح ياخذ بحيفه
صح بل عمر بعد زغر** شبل يتخير ابكيفه
نزل وتوسط الاكبر وتحزم على الحومه
شد حيله أبوه حسين شدة عگده بهدومه
محد يوگف اگباله والگرب اذا يومه
شبل صاحوله الوادم بنصهم شاعت علومه
بيده السيف ظل يفتر*فرت گافل الخدر
ما خذ شمره من عباس ***والعباس ابن حيدر
محد يوصل اگباله شبل بس اب الف زلمه
اليگرب حده ما يگدر واليگدر منو يلمه
وصل سواهم الاكبر وخاله اليدعي بأمه
گله العمي إنه ارجع ما ارجع الك زحمه
عمي المن اطيح بظيج* يوگفلي نده بهل ريج
ما يفزع ابد خالي ***اولا اشگن عليه الزيج
صال بصولته الاوله رجع والريج متفطر
يبس ريجه بشحيح الماي چن الدنيه ما تمطر
خله السانه أبوه حسين فوگ السانه الاكبر
ولا گطره بلسانه يگول يرب انته الذي تستر
خشبه صاير السانه* ويكسر كل شخص جانه
الاكبر حالته حاله** شيخ بعين خوانه
گام وصال هم بيهم علي الاكبر اسد بارز
گال الميت أويه حسين بل جنه إذا فايز
جائز نطلب الي نريد بس الكم ولا جائز
مكاني بل جنان هناك والكم أنه ما عايز
يهنياله الگه مچانه **** وتشهد كلها عدوانه
صح جدي الصميده يگول*قسيم الجنه بس أنه
تمت كتابتها في (٢٠/٥/٢٠٢٤م)
حسين علي الدليمي
ابو ذيات نعي
بعد لطفالي ماكو احد *يظل عون
سبايه ومن حديد الطف****يظل عون
الج يم عون كل ضنج ****يظل عون
بعد وحسين مرمي علل وطيه
صدگ بحسين خله الله ****سر ادم
لذالك عل ارض منه ***سر ادم
الحوافر فوگه يا زينب *سر ادم
بصدره وعضم ماضل صاحي اليه
طير البوم من طايح ****عليه ون
علي ميت سمع ببنه ****علي ون
تگليلي علي شماله *علي وين
علي السجاد ما يگدر خطيه
منو مثل الحسين انگطع ****بتاه
ميت والكفر سلبت ***بتاه
يدلي التاه جسم حسين*بتاه
بكثر ما وذر صاير عل وطيه
بقت زينب وحيده وعلت **بتل
هظيمه حسين مات ومشت****بتل
هيج يصير بيها شلون ****بتل
امير وبل حبال تروح هيه
الحضه بوصله منخوتي****طايحتله
زلم وفصول باجر *طايحتله
انه منل هزله باچر ****طايحتله
منشوفن شيبته مخضبه ودميه
خادمكم : حسين علي الدليمي
رساله ذبح مسلم بن عقيل عليه السلام
حسين يقره بل رساله،،،،،،،،،، وضل دمع عينه يتلاله
من سمع مسلم قُوتل،،،،،،،،،،،،،،،،،،،،، ضلت عيونه تهل
وضل دمع عينه يتلاله
زينب اتباوعله ضلت،،،،،،،،،،،،،،،من قره ذاك الخبر
تگول اشوفنه ايتحسر،،،،،، عينه صارت جن مجر
تگله شنهي الصار گلي،،،،،،،،،،،،وگلها هوه بمختصر
مات مسلم يختي زينب،،،،،،،،،،،،،، لابد انشد للسفر
لابد انروح اعله مسلم،،،،،،،،،،، للسفر خلينه نحزيم
والكتل مسلم نذل،،،،،،،،،،،،،،،،،،،،،ضلت ادموعه تهل
وضل دمع عينه يتلاله
______:_:___
شدو احزام السفرهم،،،،،،،،،،،،،،،،،،،،، والنياگ اتحضرن
وكل بنات حسين جهزن،،،،،،،،، والصبح يسري الضعن
وجانت النيه ابمشيهم،،،،،،،،،،،،،،،،،،،، للكتل مسلم طعن
وهمه يدرون الشهاده،،،،،،،،،،،،،،،،تصبح اهيه بهل وطن
والصبح سارة قوافيل،،،،،،،،،،،،وبل ضهر جان ابو فاضل
والحُسين بكل عجل،،،،،،،،،،،،،،،،،،،،،،،، ضلت ادموعه تهل
وضل دمع عنيه يتلاله
__________
عله الناگه حسين بارعه،،،،،،،،،،،، الي تحمل زينبه
نفس ذيج الناگه تحمل،،،،،،،،،،،،،زينب اعله النايبه
وگال من اسشهد انه،،،،،،،،،،،،،،،،،،،،،راح هيه تعاتبه
وتمشي هيه الشام باجر،،،،،،،،،،،،، يم يزيد تحاسبه
لو متت انه اعوفج،،،،،،،،،،، وبعد ما اوصل اشوفج
ينضرلها بكل خجل،،،،،،،،،،،،،،،،،، ضلت ادموعه تهل
وضل دمع عينه يتلاله
________
وصل يم الكوفه نوخ،،،،،،،،،،،،، كل مسير القافله
وكال وينه الذبح مسلم،،،،،،،،،،،، خله يبرز يا هله
ولن ولا واحد اجاله،،،،،،،،،،،،،،،،،،،، وكله انه القاتله
والزام صارت ثنايه،،،،،،،،،،،، ،،،، من دخل يم كربله
محد يجاوب سؤاله،،،،،،،،،، اولا شخص انطاه دلاله
ولله ابن ذاك الفحل،،،،،،،،،،،،،،،،، ،،،ضلت ادموعه تهل
وضل دمع عينه يتلاله
_____:______
تم كتابتها في /8/7/202 2
قلم خادمهم :حسين علي الدليمي
عنوان القصيدة؛؛ بنات العليله
كلمات الشاعر حسين علي الدليمي
كل عام وانتم بخير بمناسبة عيد الفطر المبارك اعاده الله علينا وعليكم بالخير واليمن والبركات أن شاء الله
Читать полностью…
طبرة الراس چبيره،،،،،،،،، وتهضم الفاگد علي
والسمه بعيوني ماتت،،،،،، من مشه عنها الولي
يحيدر،،،، يحيدر
حيدر ابمصباح فجره،،،،،،،،، انطبر راسه بحقد
وسفه راح ايودع اهله،،،،، واهله ما تحمل بُعد
ظلمه صارت بل مدينه،،،،،،،راح المبطل الحسد
راح ابو الايتام كلها،،،،،،،،،،،، وما اضن يرجع بعد
شلون اوصف هل مشاعر،،،، حيره ولله شلون هاي
راح ولله الجان يروي،،،،،،،،،،،،، كل فقير ابئيده ماي
يحيدر يحيدر
ابن ملجم صار قاتل،،،،،،،،،،،،، وجان يعرف حيدره
كله موتي عليك يصبح،،،،،،، ودمعه من عينه جره
كله بله شلون گلي،،،،،،،،،،،،،،،،،،،، كله اسمع بل سره
انه باب الجنه بيدي،،،،،،،،،،،،،،،،،،،اله اوگفك مسطره
مات حيدر وبن ملجم،،،،،،،، بعد فتره ولله مات
يم علي صاير طريقه،،،،، وكله اسف علي فات
يحيدر يحيدر
ما يفيد الاسف اصلاً،،،،،،،،،،، بعد ما فات الاوان
وقت ربك الك انطه،،،،،،،، والوقت جان امتحان
ضلمت بيدك حياتك،،،،،،،،والمحاسب هسه حان
هاي اخرته الي يعصي،،،،،،،،،،، امر ربي المستعان
افتح ابواب جهنم،،،،،،،،،،،،،،،، ونته اول من دخل
انه اعيش ابموتي ونته،،،،،، كل وقت بس تنعل
يحيدر يحيدر
اليله وحشه وضلمه صارت،،،،،،،،،، من متت يابو الحسن
انته خيرك عل يتامه،،،،،،،،،،،،،،،،،،،،،،، فايض وجنك وطن
يمك انته الشده تنحل،،،،،،،،،،،،،،،،،ماكو شي اسمه المحن
تايه ومن شاف نورك،،،،،،،،،،،،،،،،،،،فرحه صارت بل غصن
انته خيرك ولله فايض،،،،،،،، عل يتامه بلا قصد
الله خلاك عليهم،،،،،،،،،،،،، فارس ابسيفك مجد
يحيدر يحيدر
خادمكم :حسين علي الدليمي
ياهو،،،،،، ياهو بيكم عل جرح يصبر ليالي
يا هو،،،،،،ياهو متئكد يظل كل عمره غالي
بس ابو الحسنين،،،،،بس ابو الحسنين
ياهو،،،،،ياهو
انته بس انته تضل غالي وغلاتك
ياهو من هاي الخلگ يحمل صفاتك
الله بس يعرف انته شگد علاتك
تذكر الوادم لمن تدعي بصلاتك
ياهو،،،،،، ياهو كل عام النذكره بحرگ دمنه
ياهو ،،،،، ياهو بس عليه تنزل كل دمعنه
بس ابو الحسنين،،،،،بس ابو الحسنين
خيبر اختل من سمع جته القياده
جته أفواج وسرايا بلا عباده
من جهب حيدر علينه بلا اراده
انفتحت ابواب السمه بيد السياده
ياهو،،،،،،،ياهو بيده انتفح خيبر بدايه
ياهو ،،،،،،ياهو أحفاده مشن بل طف سبايه
بس ابو الحسنين،،،،،،بس ابو الحسنين
انته اول شخص يفدي النبي بروحه
من نمت بفراشه حته اتخف جروحه
اسمك اشعلوه يحيدر من يلوحه
منذكر اسمك جن عطر منه يفوحه
ياهو،،،،،،،،،،ياهو خله الناس تتحير ابئمره
ياهو،،،،،،،،،،ياهو اسمه من تذكره شعلوه قدره
بس ابو الحسنين،،،،،،بس ابو الحسنين
واحد وعشرين رمضان امنجانه
بيه نتفقد علي ونفگد حنانه
من سمعنه انطبر رأسه وبمچانه
بل مكان البيه يتقبل دعانه
ياهو،،،،،،،،ياهو بل مسجد يصلي برأسه طبره
ياهو،،،،،،،،ياهو خله الناس تأخذ منه عبره
بس ابو الحسنين ،،،،،،بس ابو الحسنين
خادمكم:حسين علي الدليمي
قصيده (باجر اكبر)
كلمات حسين علي الدليمي
رثاء الشاعر سمير صبيح
خادمكم :حسين علي الدليمي
ثگيل ليلة القاسم
الحزن بيه يبن رمله الحزن بيه
نكسر ظهري وبعد گلبي. الحزن بيه
اباوعلك وشوفك مبتسم گاعد
وحس گلبك يگلك باجر مواعد
يقاسم رايح ومحد الي يساعد
نكسر گلبي برحيلك والحزن حاقد
اشوفك بل مخيم تنتضر دورك
طحت وادري اليطيح هناك ميدورك
يبعد امك يقاسم شنهي الي عورك
تدري بطيحتك باجر نجي نزورك
حلاتك بل معسكر وي بعمر ورده
بعد ساعه الذبح ونوح ثق يبده
اشمك منذبح وعيونك امرمده
وبعد ما شوف طولك هاذ والگعده
جبير اگرابك وطولك عليه ازغر
شبل بعدك وجاك الموت يبني وحر
الرمل يجوي وخواتك تايهات ابر
حصير امنين المك والخيم تسعر
يقاسم گوم امك انه ونتضرك
عسه عمري يبعد امك بدل عمرك
تعيش بنار كلمن فارگت مثلك
وانه امك واضل امك يبعد امك
قلم خادمكم :حسين علي الدليمي
شهر الحزن،،،،، هل بحزن،،،،،، بيه مات الحسين
جرح بجرح،،،، مات الصبح،،،،، والدمعه بل عين
والطفال خطيه
تجيهه المنيه
طر الصبح للمعركه متوجهه الزلام
رايات سود معلگه وترفرف اعلام
ظهر ما الهم تره بس كلهه جدام
كل المشة لرض الحرب قاده ويعوام
قاده وتهد،،،،،، لا ما تريد،،،،،،،،،اله عله ارماح
صيت السهم،،،،واصل امم،،،،،من عزبه وراح
منو الگال سبيه
تجيهه المنيه
خيمة حسين بلا زلم ضلت يهل ناس
مات الگبل يسوه زلم قاده ويحراس
بس زينب الظلت وكت ماتلهه عباس
من عده گاع الله نشئة صارلهه مقياس
خظب دمه،،،،،شابع ظمه ،،،،،،، ما شارب الماي
شفت لذبح،،،،يجرح جرح،،،،،،،،من شافه وياي
بلحبال سويه
تجيهه المنيه
صارت مواقف مؤلمه منهه الشعر شاب
كل ساعه واحد ينذبح ويشيله التراب
زينب بقت تبجي وتون جي راحو احباب
كل واحد يعادل الف شاب ويشياب
كلهه مشت،،،،،،وانه صحت،،،،،،،،،، خواني جا وين
بل طف حصل،،،،، الما حصل،،،،،، ولا شافته العين
والتموت عليه
تجيهه المنيه
يا هظمة الفاگد ولف ويشوفه بل عين
هظمة سجين بطلعته يلگه اهله ميتين
هيج انته قيس بهل نضر زينب والحسين
من ردت اهيه منل يسر ما شافت الزين
صاحت علي،،،،،،، بويه السبي،،،،،،، يكسر ظهر حيل
وانه مره،،،،،،،،،،،،،،،، وميسره،،،،،،،،،،،،، وگادوني بليل
يگولون منيه
تجيهه المنيه
تمت بعون الله تعالى
قلم خادمكم :حسين علي الدليمي
وزن الميمر
برض الطفوف انه وياك،،،،، خل نبجي عل مسبيه
زينب مشت لحسين تاخذ رايه
بولايه جانت هسه غير اولايه
راحت تگل لحسين بس حجايه
دونك اطفالي تهيم بل صبخايه
راحت وشافت عباس،،،،،،،،،، نايم علله الوطيه
عافت خيمه وراحت بصوب حسين
شافت اخوهه موذر ومامش عين
رجليهه تاهت والدرب صاحت وين
ما جنه تمشي فتره بس جنه سنين
من وصلت اعليه من طاح،،،،،،،، ما گالت شنهي البيه
حمل ضعنهم للسبي كلهه تروح
بس الگمر صاير وذر هم مذبوح
جسمه اليشيم عل ارض ضل مطروح
ودم النحر من الوتن شو مسفوح
محد بقه لهل اطفال،،،،،،،،، غيري وأنه مسبيه
انهض يا عباس وحاجي اختك هاي
من اشوفك ثق ترتوي من الماي
ترضاها ندخل لل مجالس حفاي
تدري بدونك تيهت حته الراي
ومن وصلت الصوب الشام،،،،،،،،، كل الحرم مرميه
گطره ما بيها الگصص يل تحدون
حالي سبيه وصارت بعبي ضعون
شحجيليج بيا حال عگبج يم عون
سب وشتايم والغلط يتمشون
مشيتنه هاي اويل روس *غثتهم كل اميه
خليني احجيلج عله طبت الشام
طبت اميرات وزلمهم خدامه
طبت وزير ابضهره زلم وجدام
والنوگ ال تشيل الحرم بنت العام
ما تمشي كل هاي النوگ* اله تحن عليه
قلم خادمكم :حسين علي الدليمي
لحن اهوازي
زينب ودعت عباس،،،،،، باسته فقط بل راس
گلتله يبعد اختك،،،،،،،،،، سوي بل زلم وهواس
جهب عباس والريشات تجدح من يشوفونه
خلاها الزلم طشار بس بخزرت اعيونه
دخل چن نار نص الزور ما لحگو يطفونه
غير الكافل منيفوت حَبدر بس يسمونه
خلاها الزلم تنحب،،،،،، حاصرهم مثل مرحب
لمن هوستله اخته،،،،،،،، ،، كال لخاطرج زينب
صعد عل خيل والرجلين خطن من ضهر خيله
فگره الراد يتلگاه من حسين يوميله
گلاله الشمر عباس خالك لا تهد حيله
خلينه نتفاوض گوم هد ويانه عل عيله
عوف حسينك ايگله،،،،،،،،،،،، خالك انه مو ذله
گلاله اليعوف حسين،،،،،، هذه بعرظه اذآ خله
وصل للضفه والعدوان رجليها بقت ترجف
حته الما يلوحه بسيف من خوفه يضل ينزف
ابن حَيدر چهب للگوب خله الگوم بس تحلف
والچان بطريف ايزيد وي عباس ضل يغرف
الشارد بل حرب زلمه،،،،،،،،، ويلحگ يشوف امه
بس الما شرد ياناس،،،،،،،،،،،،وذر صار ومنو يلمه
رجع عباس لخته وگال شفتي الصار بل وادم
خليت الزلم صوبين والزلمه اليرد سالم
سويتلهم الما صار والصار وانه خادم
خليت الخيول اليوم خيل بخيل تترادم
حسين يگله يبن امي،،،،،،،،، توك ريحت دمي
زينب تعترف كافل،،،،،،،،،، الها انته بعد عمي
ابد ما عايز العباس مايك يا فرات انته
بس سواها دگر خشوم يكسر كل خشم سكته
الما لحگ عليه الموت صعدت روحه وي جثته
بعيونه خفت يا ناس مو وادم تجي بحلته
مو ماي النهر راده**** أخذ ماي بگصص قاده
أخذ لزينب العباس**** ماي الشمر وحفاده
مثل روڤانت الكعبه هيج افتر عله العسكر
الكافل حاصروه صوبين ظل بكيف يتخير
اليمنه علل يسار تروح اليسره بيمنه بس تفتر
غير اهوه ابن حيدر ابن حيدر ابن حيدر
ضي منه الگمر رايد **** جيه وچها بلطف بارد
بس بساعه الصيه*احر من الشمس وايد
حسين علي الدليمي
تمت كتابتها في /(٢٤/٥/٢٠٢٤م)
طور كربلائي
شبه من النبي شايل **** علي الاكبر يمي عيني
ابوك حسين ظل وحده * اگعد يمه حاجيني
اكعد خل اشوفنك
يماي عيوني بس لحضه
يا اول شهيد انته
البل طف ما گعد حضه
ذبل وجهي بوگعتك هاي
جسمي گام يترضه
وعيوني جفاها الشوف
مثل خشبه وكلتها ارضه
اگعد فدوه يوليدي
بعد ما بيه أشيل ايدي
موتك نار بوريدي
بعد ياهو النشد ويني * اكعد يمه حاجيني
يبس ريجه وجاه حسين
يركض منشده باله
يگله اوليدي أمر كول
ادري بحالتك حاله
انته اول شهيد تموت
بس الماي جتاله
وصل يمه بلسانه وضاگ
طعم ما مر عله خياله
طعم شد حيله وعضامه
رده يعارك بقامه
طعم مأخوذ من قامه
منو الخاله يوديني**** اكعد يمه حاجيني
چنت اضحك لمن اسمع
وحده بفگد ابنها تون
من استشهد الاكبر
حرت من يا حزن احزن
حرت وعيوني تتجاره
دمع وتراب بس صبن
بكثر ما لطمن ايديني
اصابع بل وجه طبعن
كبر عمري وكثر شيبي
زاد بفگدك نحيبي
درهم طاح من جيبي
شبه افراگگ وديني* اگعد يمه حاجيني
وصل يمه أبوه حسين
شافه مخضب بدمه
شاف الضربه البراسه
مثل ضربة ابو اليمه
مثل جده علي الكرار
موش بسيف بل چدمه
بعمد ضربة علي الاكبر
ما سوف ولا كلمه
شاله ولل خيم دزه
بهون يخاف لي فزه
منعداد العدل چزه
واخته اغمت على اديني * اگعد يمه حاجيني
خواتك تايهات ابر
عگبك يا صبي عيني
علي السجاد ما يگدر
يل مونس دواويني
احيرن بيك لو بختك
لو بحسين وسنيني
بفگدك يا علي الاكبر
بعد ياهو اليسليني
ياهو اليحمل همومي
ياهو يگلي بس گومي
گرب يومك گبل يومي
يظل فگدك يبچيني **** اگعد يمه حاجيني
حسين علي الدليمي
تمت كتابتها في (٢٥/٥/٢٠٢٤م)
زغير انته يعبد الله
بس اويل زلم تنعد
امك تدري گلبي عليك
لا هيد اولا يبرد
هاي دنيه وتنگضي ***هاي ايام البچي
يعبد الله يعبد الله يعبد الله يعبد
امك يل رضيع أنه يمدلول
يا قرة اعيوني يا سماري
يذبحوك بسهم شنهي انته عباس
موتك موت بروحي خضاري
الرباب أنه وعليك عيوني تندار
مثل ديرت الماي بنص قواري
امك أنه امك ردلي شبيك
شيخلصه بعد عگبك نهاري
السهم وي راسك شكبره
يعبد الله يمي عيني
شيخلصه العمر دونك
جنت انته التسلسلي
هاي دنيه وتنگضي**** هاي ايام البچي
يعبد الله يعبد الله يعبد الله يعبد
من السهم گام تنفظ دماه
ويبچي ظل ولاكن موش بدموع
الشمعه من توجها تبچي بهداي
بس عبدالله صاير عكس الشموع
يبچي بكل علات الصوت ويلاه
من ضربو رگبته نكسرن ضلوع
مدري السهم ينزف مدري الزغير
اشوفنه بدين حسين ويلوع
الولي المن بعد يمه
گلي آليا شخص أسهر
يجازيني بذبح وكتي
وجازيه بعلي الازغر
هاي دنيه وتنگضي**** هاي ايام البچي
يعبد الله يعبد الله يعبد الله
اگابل هدمه وابجي عليه كل يوم
ويم كاروكه اگعد وابچي سكته
كل ضني يشوف دموعي ويگوم
يبچي ولمن يبجي بخده بسته
وارد لواقعي واتئمل بخير
يلفي وچن حبيبي بعيني شفته
وگول الله اليعوض وحنه ميتين
بس للموت اگولن ليش بگته
باكه الموت مني بساع
زغير اهوه بعمر ورده
صدگ ردو عبد ابني
بس ميت اجه برده
هاي دنيه وتنگضي**** هاي ايام البچي
يعبد الله يعبد الله يعبد الله يعبد الله
راح تموت عكبك كل الازلام
بس الروس راح ويانه تروح
ثريه الروس راح اصير برماح
وتبدي بزينب تبين هل جروح
ويبدي العطر ينشم من مسافات
عطر الجنه يطلع منها ويفوح
من روس الزلم تبدي العلامات
لحد ما توصل اعله الشام وتلوح
طريق الشام يمه بعيد
رايدتك تسليني
رايدتك لهو لدنياي
وصبي رايده لعيني
هاي دنيه وتنگضي**** هاي ايام البچي
يعبد الله يعبد الله يعبد الله يعبد الله
كلمات خادمكم: حسين علي الدليمي
اداءوالحان ملامحمدعلي يعقوب الاسدي
كلمات الشاعر حسين علي الدليمي
شور گعده
عنوان القصيده (بنات العليله)
يا بناتي السفره صارت شو طويله
وانه وحدي ميسره وما بيدي حيله
شلون امشي وياچن الما ادري وين
انكسر ظهري وفگدة الكافل ثجيله
ماكو ماكو،،،،،، تچوه ليه
ابقه ابقه،،،،،،،،،، ذيج هيه
كونه كونه،،،،،، يدري بلهم
ولله ولله،،،،،، يجيب ميه
سفرة الفاگد جبيره
ونته مطروح ابحصيره
وانه الاحبال ابئديه
شرد اسوي بهل مسيره
**
خلي نمشي واليكتبه الله يصير
ودمعي هذه الي نزل اجره چبير
الله ما ينساله نمله ابحره ذاك
شلون ينسه وحنه بنوات الامير
حالي حالي،،،،،،،،، هذه حالي
ونتن انتن،،،،،،،،،،،،،كل سؤالي
بيه بيه،،،،،،،،،،،،،،،،،، همي يكبر
وحزني حزني،،،،،، وين خيالي
يم الحسين ابچي حيل
ويم بناتي الدنيه ليل
والحزن بعيوني بان
ابچي وگفه وجني ميل
**
أمنيتي انه ارجع وشفن طول الحسين
كون ما مسحوگ اشوفه وعنده جفين
وكون خنصر ايده موجود واشوفه
وكون عايش حته ابوسه ابين الاثنين👀
همي همي،،،،،،،،،،،،،،،، كل بناتي
وانه وانه،،،،،،،،،،،،،، حرگو عباتي
ونته ونته،،،،،،،،،،،،،، هناكه طايح
وضعني ضعني،،،،حافي وخواتي
الفاگده مثلك تميل
ولله يكتلها الرحيل
وانه فاگتك شگول
ميت انته مستحيل
**
عدنه وحده منل بنات وتبچي سكته
من مشينه لشامهم شافتك انته
راسك اعلل رمح صاير يبن ابوي
ماتت ابلا صوت فوگك من اجته
انته انته،،،،،،،،،، ماكو منك
حيره حيره،،،، بعُدي عنك
ضلمه ضلمه،،،، الدنيه هاي
حيل حيل،،،، انه ارد احضنك
حضنك ايردني شباب
ارد اشوفك گلبي شاب
كون مره بس تجيني
جفوني غطاها التراب
*****
حضروها النوگ وشتد البكاء
ومن صبح دنياي عفنه كربلاء
وحنه بس نسوان ما عدنه كفيل
والعليل ويانه خلص كل دواء
راح راح،،،،،،،،،،،،،، امشي انه
عيني عيني،،،،،،،، اعله كربله
ذيج ذيج،،،،،،،،،،،، النوك حيل
تمشي تمشي،،،،،،،،، مستعجله
تمشي هيه بلا رحم
وزلمه ما بيه الحرم
والسفر دربه طويل
والامر جنه انحسم
****
تم كتابتها في 2022/5/26
قلم خادمهم :حسين علي الدليمي
عظم الله لكم الأجر والثواب في مصاب امير المؤمنين علي بن ابي طالب
Читать полностью…
اداء والحان ملا محمدعلي الاسدي
✍الشاعر حسين علي الدليمي
طور نعي
بياض عيونك ايدلي اليتيهون
اعمه البصيره وبيض العيون
شوصفلك الوادم ما يشوفون
گلبك يحس بلي يخونون
گلبك مفتح بل لبن ذاك
وبيض من عيونك گلبك اذاك
فوگ العين ضلمه وبيضه جواك♥️
باجر لو متت يا ناعي نعاك
حسين علي الدليمي
زلم طالت لسنه بغيب الستاد
حسين علي الدليمي
خليلك شخص من تتعب اتميل
كلمات اخوكم:حسين علي الدليمي
ثگيل
جربه وأخذت ابئيدي ،،،،،،،،، ودمي جره منوريدي
صاحولي الخيام اه اه
وگفولي كدام اه اه
رحت للشاطي حته الماي اجيبنه
حته لزينب أنه اليوم اوصلنه
رحت واسمع بچي الاطفال والونه
من. اخيام زينب تطلع الحنه
رديت بيدي اميه ،،،،،،،، للتمشي بعد شويه
صاحولي الخيام،،،،،، اه اه
وگفولي گدام،،،،،،،،،،، اه اه
وگفة اعله النهر ونظر شنو بگلبه
لگيته يريد اخذ منه كم شربه
گلت يا حيف اشرب مايه بلغربه
شمرت الماي بيدي وحملت جربه
إسهام العده بمتوني،،،،،،،، بل ماي ما طگوني
صاحولي الخيام،،، اه اه
وگفولي كدام،،،،،،،، اه اه
لسهم عمدا دخل بعيوني يا زينب
چريم اعله اختي طالع والگلب يلهب
الگلب بچفاج مو راس الشعر شيب
وانه بفگدج اظل يوميه اتسلب
انه الكفلت عيالي ،،،،،،، وسفه خذلت اقوالي
صاحولي الخيام ،،،،،،،اه اه
وگفولي گدام ،،،،،،،،،،،،اه اه
اردلج وانه بمتوني سهم واگف
ادي ما هنه من ارجع الج حالف
جرحي ما نزف بس الرمح نازف
مثل روجل البحر يم الجرف زالف
نزف الرمح ياذيني،،،،،،،،،،نفس الالم البعيني
صاحولي الخيام،،،،،،، آه آه
وگفولي گدام،،،،،،،،،،،، اه اه
قلم حسين علي الدليمي✍️
تمت كتابها