-
هاذهي القناه خاصه بل شعر الحسيني فقط ارجو متابه القناه حسابي الشخصي 👇 @wwe_00
ماكلكم ربح بل معركه حسين
حسين علي الدليمي ✍️
زلم لزمت زلم ****لمن طب الشهم
منعيونه تره ***الشفافه يلتثم
واگف العباس بل خيمه وسمع
صوت عالي وبوجوده يرتفع
طلع شاف الخيل كلها تجتمع
تريد تهجم على حسينه بهل وظع
ركب كظ الرسن***وريشاته دون
خيل ومن أجن *** خلاها ردم
عل جرف عباس واگف مستعد
صافن اعله خيولهم صفنت اسد
شارب بشارب ربطهم والولد
بشارب الجابوه يربطهم گعد
فحل ابن الفحل *** منو گباله نزل
صدگو لو زعل ***ما ينفع ندم
من بعيد حسين ينظر للكفيل
ايشوف بس تربان مختلطه اويه خيل
صدفه لن فارس طلع ابيض طويل
سحل ساحله الزلم واسمع عويل
منو يگدره تره ***ابن الطاهره
لزمهم سره ***والشافه انصدم
سيفه احمر من حرارة چف اديه
فگره كلمن راد بيده يقتنيه
السهله والصعبه تره نذبها عليه
انته فكر روحله لا انتخيه
بخيره ما يعز ***لو تطلب كنز
صير اويل معز ***دومك تبتسم
حسين علي الدليمي ✍️
ابو ذيات حسينيه نعي
نكسر ضهري برحيلك ***لازم متني
اعله حليط لاچن العفه****لازمتني
ثلث تيام لمماتك ***لازم اتني
موش منل صبح أصبح سبيه
ضلت روحي تلهب *ويه لهباچ
حترگتي وما وفيتي ***ويه لهباچ
اباوع ما اشوفن *ويه اله باچ
اجاج مكشر ايحرگچ عليه
صدگ سكنه تگلك ****مو نبي الماي
اباوع ما اشوفن* مونه بل ماي
رد عباس خويه *مو نبي الماي
ولا اريده بكثر متريد إليه
وحگ العاف حرمت *مرته بطاف
سوالف راح اسولف **مرته بطاف
يهل تنشدني صدگ **مرتبه طاف
المات اويل حُسين عدال ميه
وحگ لب عينه ظلت **** تملي اخوها
تراجي ارقيه صاحو **تملي خوها
تلم اطفال هيه ***تلم لخوها
لحم وطشر بهل غاضريه
دم البذني خلص * بس المهن
بقه وجفوف عمي **بس المهن
لون جروحي صارت **بس الم هان
بس نار المفارك تدوي بيه
حسين علي الدليمي ✍️
فاطمه العليله عليها السلام
جرحي غميج اصوبه من غالي
يا بويه رايح ياهو يبقالي
تدريني رايح ينشده بالي
لمن تمشون لمن تمشون
النص
اخذوني وياكم يا بويه
مابيه ارفع ذن رجليه
معقوله تخلي العلويه
تنحب دوم
سهم فراگك فات بصدري
بل هم ترضه يخلص عمري
سن چفاكم صار بنحري
تنحب دوم
شماته وناس ما ترحم **وانتو افراگكم يكسر
وذا بل خيمه عفتوني**گلبي اولا أضن يصبر
يا بويه ليش هنانه عفتوني
ما احجي بس وياكم اخذوني
يعمن تره وميشوفن عيوني
لمن تمشون لمن تمشون
ما لَحگت وداعت عينك
أخذ قبله من جفينك
بل هم خلصت ذيج سنينك
يل مذبوح
رايح واعرف مالك رده
ودمعك فوك الخد تبده
لو بيدي أصبح گبلك سده
يل مذبوح
من فوگ المهر تصعد**اذكر بنتك بچلمه
تَبرد گلبي وعيوني**وتنسيني الجرح واسمه
جرح اليفارگ ما أضن يبرد
يوميه يمشي وللگلب يصعد
اتمنى اشوفك من افز واگعد
لمن تمشون لمن تمشون
شمحلاها البنت شمحلاها
لمن تگعد ساعه وياها
يبرد گلبك من ملگاها
وتهده الروح
تشبع ضيم بفگد الوالي
چي انته اسمك عدها الغالي
اول اب يصبح چتالي
وتهده الروح
اون اوما بطل واني**وعليكم تدمع اعيوني
اليفارگ يلتهي بجرحه **وأنه احبابي عافوني
يوصلني منك خبر ما عايش
دمك يحمله غراب مو طايش
لدياري يوصل بل خبر غابش
لمن تمشون لمن تمشون
يوصلني بدمك متلطخ
يحمل دمك بس للبرزخ
بدياري ايمر وما نوخ
ذاك الطير
شايل دمك شيلت همي
بديارك مر ومن يمي
بويه وچنه يصيح بأسمي
ذاك الطير
مر بديارك ابدمك**تمطر بل سمه عيونه
صارت حمره كل دنياي **وتبَچي اليشوفنه
دمك يَحمله الخيل والطاير
وجسمك لهسه مچلب بحافر
بس گلي شنهي يصير من باجر
لمن تمشون لمن تمشون
حسين علي الدليمي ✍️
الشاعر حسين علي الدليمي
بصوت حسين عدنان الگوبعي
انتضرو المجموعه الجديده لهذا العام
من قصائد محرم الحرام
قصة زواج آلامام العباس عليه السلام من السيده لبابه
Читать полностью…
القصيده كامله على اليوتيوب رابط القصيده
https://youtu.be/qynfrF7RaaE?si=zLnsZSpoJO36TUqF
https://youtu.be/Qw2znRk1aLw?si=yH5FvZywdXsl-p5C
Читать полностью…
ليلة الوداع
صدك اخر وداع اليوم * صدك ماشوفن ارسومك
صدك يحسين راح تروح ****بعد ما باوع عيونك
بعد كل التعب يحسين
هاي اخر مسيه النه
واخر ليله بس وياك
واخر گعده لتلمنه
بعدك وين احنه اروح
ياهو الي يجي يسبنه
نتغرب بعد عيناك
تتيه بصحره وادمنه
غربه وخوف مالي العين
بعدك نِنسبي يحسين
زحمه اويل غرب ماشين
ياهو يشوفك اشلونك* بعد ما باوع عيونك
جرح عباس لا ما طاب
انته بجرحك چماله
صدك بجروحك يغمگون
وأنه عيوني هماله
حالي بفركتك يحسين
شحجيلك بيا حاله
من بعد الكرم والصيت
صرنه اوجوه رحاله
صرنه منل تعب نعثر
صار الوجه لون اصفر
ماي بگصته ماكو الجر
العمر مو صاحب يخونك* بعد ما باوع عيونك
بعد ساعات لوداعه
اشوف حسين بس يفتر
عله خيامي وعله ضعوني
يباوع عل ارض أكثر
وشوفه ينضف بكل گاع
سئلته وجاوباني بضر
يگلي باجر تروحين
يخاف عليه خاف أعثر
ميت والفكر يمي
أخته ويجري وي دمي
غير اهوه ابن امي
صدك راح انسبي بدونك**** بعد ما باوع عيونك
بعدك راح اصير أنه
كلهن ذني برگبتي
الخدر يحسين والنسوان
بعدك هنه سالفتي
ياهو يشيل حملي وياي
ياهو يدري فاتحتي
بنتك شرد اكللها
اذا سئلت شنو بگصتي
اكلها منل لطم زرگه
اكله منل حجي بحرگه
اكلها الحافر يسحگه
لمن تدري تگع دونك ****بعد ما باوع عيونك
وصلت الشام وضعوني
وصلن گوه يتمشن
طريق الكوفه لرض الشام
غصب خلوهن تحفن
نكسر ظهره علي السجاد
لمن رد لل جثث يدفن
لمن رد الرئؤس اوياه
ميز الحاله وتمعن
هظم وعتاب كل گلبه
وسبي وحرمان بل غربه
اويلي شكد عليه صعبه
لمن لم بلحم عونك *بعد ما باوع عيونك
تمت كتابتها في /١٨/٥/٢٠٢٤م
قلم خادمكم/ حسين علي الدليمي
https://youtu.be/2d52u-JKRlQ?si=30qdBbaie1vNrFtE
Читать полностью…
https://youtu.be/wlajYVDnibM?si=gj3IChLLeM9Xv-Q_
Читать полностью…
https://youtu.be/zXgvZvLVcIk?si=llRG9fPVnw9jIL71
Читать полностью…
https://youtu.be/JX9y710Is4E?si=-Y71gkggkSVnVj0-
Читать полностью…
اشبال الطفوف
اشبال عدنه وبل معارك چن اسوود
الراد يتلگاهم يصيبه الجموود
چم شبل عدنه اسد
بل معارك ما گعد
يبين الزلمه بكسر كل القيود
الحرب خدعه ويضل البل حرب ثابت
وأشوف اشبال ابو اليمه زلم صارت
زلم اوتحب الموت
صاحت بعالي الصوت
ما نخظع ما نخظع
صح احنه بس سبعين
بس ما نعوف حسين
والرضيع والرضيع
وعد ناخذ وأبد ما نخلف اوعود
اشبال عدنه وبل معارك چن اسوود
بده يوم الحسم والمعركه شتدت
وشفت خيل وزلم عل طوب شو هدت
هدت زلم عل خيل
رايح تشوف الويل
من تگرب من تگرب
لخيام ابو السجاد
رادت تجي الاوغاد
بس تصعب بس تصعب
احنه بس حسين يأمرنه نقود
اشبال عدنه وبل معارك چن اسوود
صح احنه عمرنه اعلل عرك خاوي
بس اويل حُسين بعركه نتلاوي
نرجع شباب اوياه
نتنخه بل سماه
وما نتعب وما نتعب
نركض ركض شبان
نتلگه هل طغيان
والمذهب والمذاهب
عادي احنه نعيش بمرقده جنود
اشبال عدنه وبل معارك چن اسوود
مواقف صارت تريد الذي يحلها
وطلع نور الگمر من الخيم كلها
طباها سبع حسين
نور الگمر عل عين
ظل يسطع ظل يسطع
ما لحگو يشوفونه
كلهم تره يهابوه
من يطلع من يطلع
الخوه كون توافي الحسين العهود
اشبال عدنه وبل معارك چن اسوود
حسين علي الدليمي ✍️
قصيدة (عشق الحسين)
انته يحسين الاحبه،،،،، وما احب غيرك بشر
انته حبك خله گلبي،،،،،،،،، هايم بقصتك عمر
انته يحسين،،،،،،، انته يحسين
رزق رازقني محبتك،،،،،،،،، عندي حبك شي جبير
العشگ لو ما بيه انته،،،،،،،،،، هذه عشگه ما يصير
عشگي الك عشگ النبوه،،،،،،، الرجع بثوبه البصير
عشگ يعگوب اعله يوسف،،،،،،،،،التقو باخر مصير
حبك اوله منل احبه،،،،،،،،، وما ردة غيرك محب
يسوه سهر اليل لجلك،،،،، والك يرخص كل تعب
انته يحسين،،،،،،،، انته يحسين
الهوه الاشتمنه انه،،،،،،،،،،،،،،،،كون مو منك رجع
ما ادخلنه عله ريتي،،،،،،،،،،،،، ولا اشمه وينگطع
هوه اليحبك لنفرض،،،،،،،،،،، يفهم الكلمه وسمع
شلون يشتم هوه ويعرف،،،،، حافر بريتك طبع
الهوه يگطعه بكل صلافه،،،،، الحبك وما ينتضر
العمر لو ما بيه انته،،،،،،،،،،، شنهو يسوه بل عمر
انته يحسين،،،،،،،، انته يحسين
كون هذه الصار بيكم،،،،،،،،،،،بيه صاير من صدگ
لون اسمع سمع بيكم،،،،،،،،،، ابجي والطم وحترگ
الله ايصبرج يزينب،،،،،،،، شتفي كل هذه الحرگ
شفتي اخوتج عل وطيه،،،،،،،،، نايمه وتنزف عشگ
عشگ زينب الك اهون،،،،،،، سيدي بابو علي
زينب اتعشگك لئنك،،،،،،،،،،،،، انته اله تحتمي
انته يحسين،،،،،،، انته يحسين
الهوه شنهي الي بضريحك،،،،،، جن هوه جنت عدن
من اشمه ارجع كئني،،،،،،،،،،،،،،،،،،، توه مصنوع البدن
شما اكول اليوم ارجع،،،،،،،،،،،،،،،،،، اخلف وارجع غدن
حسين شنهي السر بذالك،،،،،،،،،،،،،، تقصدك كل المدن
انه ترجعلي حياتي،،،،،، بحضرتك من اگصدك
ما اريد ارجع لهنه،،،،،،،،،،،، خاف ما ارد اشبگك
انته يحسين،،،،،،،، انته يحسين
حسين علي الدليمي ✍️
هلال شهر محرم
هل ابحزن هذه الشهر**يمكن فرق عن العام
من هسه احسن بيه دمع***متلهفه تبچي الخدام
مامش فرق عن الامس ***يوميه تطلع بيه شمس
متحزمه وتبچي عليك ****من الصبح
جرح الشهر غالي هواي****بيه افگد العاش وياي
سنيني ما ضنها تعود**** إبلا جرح
احساب تحسب هل خلگ ***راس الشهر يمته يعود
واني منفكر للشهر ***بيه اذكر تروح جلود
بيه دمعتي وبيه لوعيتي **** وبيه تنفقد كل ضحكتي
وبيه الدمع صار الثام****متلهفة تبچي الخدام
شدة حزم هاي الخدم ***شيب وشباب اويل حرم
متنگبه عليك وتون****كل مصباح
تعرف لئن بهل شهر ***بيه ينگطع اطهر نحر
بيه للسبي كلها تروح ****وي ذباح
من هل شهر صارت تره *** هل تفرقه بهل صوبين
من مات ابو اليمه علي *** ومن مات ابن ظهره حسين
حزن الشهر داير سنه ****ماعيشن بضحكه أنه
لو هل شهر عل اسلام *** متلهفة تبچي الخدام
بيه تنسبي زينب تره ***بيه قائد الجيش المره
بيه زينب الحره انسبت ***هذه اليوم
بيه ينذبح ازغر طفل ***بيه الظعن يمشي بحبل
بيه تدمع عيون السمه***وحته البوم
طبع اليصيح للخلك ***حيهم تجيه كل الناس
بس الحسين بصيحته***محد اجاه بس عباس
ظيم اليمر اعلل خلگ ***ما عايش ايام السحگ
ما تنسبي اويل ايتام ***متلهفه تبچي الخدام
لا هله بشهرك لا هله ***زينب بقت متعلعله
محتاره تبچي بيا عين ***من القهر
محتاره بطفال وحرم ***الحسين رايح ينهظم
لوشاف اخيته بهل وضع ***زاد الكسر
كسر الضلوع وينجبر ***بس الخلگ شيجبره
لا والمصيبه التنسبي *** زينب الحره الكبره
هذه الشهر باگ عزاز ***بياهو يمشي الجنازة
منستشهد الشيخ العام ***متلهفه تبچي الخدام
حسين علي الدليمي
يا سفير حسين ريض بل رحيل
ريض أشباه الزلم ظلت تعيل
الكوفه ابد ما شايله
انته عندك عايله
يا سفير يا سفير
حرم عندك والسفر رايد متاع
وانته روحك طيبه والوادم ظباع
باجر بوجهك يلبسون القناع
شلون تبحر كل سفينه بلا شراع
باجر يسدون باب الله الكريم
باجر يبين شكو بنادم لئيم
والخلگ ثق مايله
انته عندك عايله
يا سفير يا سفير
هاذه أمر الله ونزل يمه بأمان
گله خل مسلم يوديلي البيان
نريدها الكوفه تعرف معنى الحنان
نريد احنه انشوف ياهو البيه ظمآن
جهز متاعه وغبش بس من غبش
يدري راح يصير جسمه بلا نعش
شرد اگل للسايله
انته عندك عايله
ياسفير ياسفير
وصل للكوفه وسمع واحد يصيح
وصل مرسال الحسين المو ذبيح
تشوفها الوادم رمل ويطگه ريح
تاه عدها الچذب ويحچي الصحيح
انتشر قيل وقايله
انته عندك عايله
ياسفير ياسفير
وگف يقره علل خلك مرسال اجوه
قبل لا يقرأ بحچيهم فاوظوه
احنه كلنه وياك كلهم خبروه
وصلو ومن السطح همه اشمروه
وصل طارش للحسين ومن سمع
مسلم ستشهد تهيئ للوضع
بخده دمعه وسايله
انته عندك عايله
ياسفير ياسفير
حسين شد حزامه اجبل للقتال
العين مسلم رايح يهد الجبال
هوه لجل الدين رايح والعيال
ولجل هاي الامه مطب ابنزال
رايح بعينه دمع وبصارمه
بنيه عده وچان اسمها فاطمه
المرض هدها وحايله
انته عندك عايله
ياسفير ياسفير
حسين علي الدليمي
يبو الأكبر لون تدري
عليكم خلصت عمري
الطم وأقره وابچيلك
لحد ما ينخسف صدري
انه بكل صباح انهض **أتوجه أنه واقريلك
زياره عاشر بعاشور**وذني عيوني تبچيلك
ما رايد طمع منك**بس نضره بطرف عينك
مو بس روحي تبچي عليك**روحي وأيدي توميلك
غيرك ما سمع وني
اريد منيدي تلزمني
حبني بلكل كتر حبني
والطملك لطم وحدي **لحد ما ينخسف صدري
كاعد وامي تدعيلي ** چيه أقره واون وانعه
من تسمعني أقره عليك**تگعد تبچي عل بضعه
وانصح كل شخص رايد**يدعي وربك يسمعه
خل يلتزم بهل البيت**أهل البيت مو سُمعه
ربك يلتفت إلنه
چيه بيهم تمسكنه
لمحنتهم تعودنه
ناري ما أضن تطفي **لحد ما ينخسف صدري
گبل چان اليزور حسين**بسكته يزوره من يطلع
يتلفت لهاذه وذاك **خاطر لا شخص سيمع
ظلم چان اعله اليزوروه**سيف أهل الظلم يلمع
چان الراد يتعناه **اليل ايستره من يرجع
خايف لا شخص شافه
لثام مخلي لشفافه
روحه وياك شفافه
ادور عليك كل كتري**لحد ما ينخسف صدري
يسيد گلبي وجروحي**يعايش بل نبض يحسين
ابچيلك لحد ما اموت**ثق اوما اوفي الدين
لو ما نضرتك ليه** ما أقره عليك سنين
بس هذه فظل ربك **وفظلك يا سواد العين
محسوبه تره ايامي
وعمرك باقي يل ظامي
تدري شنهي احلامي
يموت بحضرتك صبري ** لحد ما ينخسف صدري
حسين علي الدليمي
قبل لا ينولد چان بعرشه ذاك
يعني مولود ونزل من السماء
https://youtu.be/7FNweG24G2A?si=FlNidBYifyy1BBZO
Читать полностью…
الخيمه (عنوان القصيده)
يبنَ امير المؤمنين يبنَ امير المؤمنين
بس أنه للخدر تره*** كل الزلم شيعوهم
إنه الافيي علل طفل*** لو رحت ما الگيهم
من بعد الحسين وحسن*** مامش ستر يلفيهم
لا تحرگون بخيمتي*** ناري تره اچويهم
يبنَ امير المؤمنين يبنَ امير المؤمنين
حرمه أنه اصيرا للخدر***في اوستر ومصله
وگعد وفيي علل طفل ***ذاك البجي لعبدالله
يا نار لا تگرب ابد *** خاف الخدر يتعره
من احترگ فوك الخدر***تحرگهن شموس الله
يبنَ امير المؤمنين يبنَ امير المؤمنين
إنه الوگف حدري الطفل ****وحسين وي عباسه
وأنه لشفت بعيوني ذن **** وحي الله اجاه وباسه
هسه انته جاي بلا تعب **تحرگني وتهد ساسه
وتريد اصير رماد الك*****خاطر يشيب رأسه
يبنَ امير المؤمنين يبنَ امير المؤمنين
يا نار لا تگرب ولك ****خلك بعيد احسلك
عباس راح لمشرعه***لو گتله والله يذلك
وصيته گتله بكل خجل***اصبر عليه وخلك
لا تمشي يا شيخ الزلم***ما اگدر أنه اوصلك
يبنَ امير المؤمنين يبنَ امير المؤمنين
حرگوني وأنه بلا ولي ***لا ماي اكو يطفوني
وسمع رقيه بكل علو ***تصرخ عموها عيوني
دخاني واصل للسمه*** وأهل الارض حرگوني
من عندي طاح شكد طفو****حرگن عبات ضعوني
يبنَ امير المؤمنين يبنَ امير المؤمنين
تمت كتابتها في (٧/٧/٢٠٢٤/م)
قلم خادمكم : حسين علي الدليمي
بلا زحمه ممكن اشتراك بل قناة مال اليوتيوب فظلا وليس أمراً
Читать полностью…
زغير انته يعبد الله
بس اويل زلم تنعد
امك تدري گلبي عليك
لا هيد اولا يبرد
هاي دنيه وتنگضي ***هاي ايام البچي
يعبد الله يعبد الله يعبد الله يعبد
امك يل رضيع أنه يمدلول
يا قرة اعيوني يا سماري
يذبحوك بسهم شنهي انته عباس
موتك موت بروحي خضاري
الرباب أنه وعليك عيوني تندار
مثل ديرت الماي بنص قواري
امك أنه امك ردلي شبيك
شيخلصه بعد عگبك نهاري
السهم وي راسك شكبره
يعبد الله يمي عيني
شيخلصه العمر دونك
جنت انته التسلسلي
هاي دنيه وتنگضي**** هاي ايام البچي
يعبد الله يعبد الله يعبد الله يعبد
من السهم گام تنفظ دماه
ويبچي ظل ولاكن موش بدموع
الشمعه من توجها تبچي بهداي
بس عبدالله صاير عكس الشموع
يبچي بكل علات الصوت ويلاه
من ضربو رگبته نكسرن ضلوع
مدري السهم ينزف مدري الزغير
اشوفنه بدين حسين ويلوع
الولي المن بعد يمه
گلي آليا شخص أسهر
يجازيني بذبح وكتي
وجازيه بعلي الازغر
هاي دنيه وتنگضي**** هاي ايام البچي
يعبد الله يعبد الله يعبد الله
اگابل هدمه وابجي عليه كل يوم
ويم كاروكه اگعد وابچي سكته
كل ضني يشوف دموعي ويگوم
يبچي ولمن يبجي بخده بسته
وارد لواقعي واتئمل بخير
يلفي وچن حبيبي بعيني شفته
وگول الله اليعوض وحنه ميتين
بس للموت اگولن ليش بگته
باكه الموت مني بساع
زغير اهوه بعمر ورده
صدگ ردو عبد ابني
بس ميت اجه برده
هاي دنيه وتنگضي**** هاي ايام البچي
يعبد الله يعبد الله يعبد الله يعبد الله
راح تموت عكبك كل الازلام
بس الروس راح ويانه تروح
ثريه الروس راح اصير برماح
وتبدي بزينب تبين هل جروح
ويبدي العطر ينشم من مسافات
عطر الجنه يطلع منها ويفوح
من روس الزلم تبدي العلامات
لحد ما توصل اعله الشام وتلوح
طريق الشام يمه بعيد
رايدتك تسليني
رايدتك لهو لدنياي
وصبي رايده لعيني
هاي دنيه وتنگضي**** هاي ايام البچي
يعبد الله يعبد الله يعبد الله يعبد الله
كلمات خادمكم: حسين علي الدليمي
ثگيل ليلة القاسم
الحزن بيه يبن رمله الحزن بيه
نكسر ظهري وبعد گلبي. الحزن بيه
اه اه يمه الولد اه
اه اه يمه الولد اه
اباوعلك وشوفك مبتسم گاعد
وحس گلبك يگلك باجر مواعد
يقاسم رايح ومحد الي يساعد
نكسر گلبي برحيلك والحزن حاقد
الرمل يچويي بعد امك رمل يچوي
وضل ابچي على فراگك اضل ابجي
اشوفك بل مخيم تنتضر دورك
طحت وادري اليطيح هناك ميدورك
يبعد امك يقاسم شنهي الي عورك
تدري بطيحتك باجر نجي نزورك
نجي لگبرك يبو محمد نجي لگبرك
يبعد امك يقاسمنه يبعد امك
اه اه يمه الولد اه
اه اه يمه الولد اه
حلاتك بل معسكر وي بعمر ورده
بعد ساعه الذبح ونوح ثق يبده
اشمك منذبح وعيونك امرمده
وبعد ما شوف طولك هاذ والگعده
بعد ياهو يظل أنه بعد ياهو
صدك ماهو بعد فيك صد ماهو
اه اه يمه الولد اه
اه اه يمه الولد اه
جبير اگرابك وطولك عليه ازغر
شبل بعدك وجاك الموت يبني وحر
الرمل يجوي وخواتك تايهات ابر
حصير امنين المك والخيم تسعر
نطبر راسه نزف دمه نطبر راسه
منو الباسه لمن طايح منو الباسله
اه اه يمه الولد اه
اه اه يمه الولد اه
يقاسم گوم امك انه ونتضرك
عسه عمري يبعد امك بدل عمرك
تعيش بنار كلمن فارگت مثلك
وانه امك واضل امك يبعد امك
بعد طولي وبعد روحي وبعد طولي
ييمه شلون اصبر يا بعد طولي
اه اه يمه الولد اه
اه اه يمه الولد اه
حسين علي الدليمي
تمت كتابتها في /(٢٤/٥/٢٠٢٤م)
https://youtu.be/zykZM22yMTo?si=Gfm4UIL4EpAT0v78
Читать полностью…
https://youtu.be/cLroWK2N61o?si=2ltGLmCmOL7Q9j7o
Читать полностью…