❓Ці ведалі вы колькі жанчын рэпрэсавалі з 2020-га? Распавядаем ніжэй.

З 2020 года ў Беларусі былі рэпрэсаваныя:

📈 1846 жанчын - па крымінальных артыкулах
📈 9218 жанчын - па адміністрацыйных справах
🥀 2 жанчыны памерлі пасля вызвалення - Ганна Кандраценка і Тамара Каравай

Гэта - як мінімум. Кожная з гэтых лічбаў - не проста справа. Гэта жыццё. Гэта зламаныя кар’еры, страчаныя магчымасці, разлука з дзецьмі, страта здароўя і свабоды. Але варта памятаць: не толькі тыя, каго затрымалі непасрэдна, церпяць ад рэпрэсій. Разам з імі гэты боль перажываюць жонкі, дачкі і матулі.

📌Жаночы досвед зняволення і чакання - гэта велізарная частка нябачнай трагедыі, якая адбываецца штодня. І пра яе трэба гаварыць асобна.

Прыходзьце на мерапрыемствы да Дня палітвязня з 21 траўня. Падтрымайце тых, хто цяпер у зняволенні, і тых, хто чакае іх на волі:

❤️ ВАРШАВА — 21 траўня, 17:00
📍 Dożynkowa 6a
“Напішы ліст палітвязню” з Андрэем Гнётам і Марынай Касінеравай

❤️ УРОЦЛАЎ — 22 траўня, 17:00
📍 Tadeusza Kościuszki 35A (націснуць 54 на дамофоне)
Падпісанне лістоў салідарнасці беларускім палітзняволеным

❤️ ПОЗНАНЬ — 23 траўня, старт 19:30
📍 Rozbrat, Pułaskiego 21A
Дзень палітвязня: лісты, кінаноч, піца і напоі

Читать полностью…

📅 Да Дня палітвязня - тры мерапрыемствы салідарнасці разам з Dissidentby!
21–23 траўня мы збіраемся, каб напісаць лісты, падтрымаць тых, хто за кратамі, і не забываць, за што змагаемся.

❤️ ВАРШАВА — 21 траўня, 17:00
📍 Dożynkowa 6a
“Напішы ліст палітвязню” з Андрэем Гнётам і Марынай Касінеравай

– лісты
– дранікі, ліманад, творчыя актыўнасці
– астралагічны прагноз і партрэт за данат
– квіз з падарункамі ад @dissidentby
– закрытая размова з Андрэем (па рэгістрацыі)

❤️ УРОЦЛАЎ — 22 траўня, 19:00
📍 Tadeusza Kościuszki 35A (націснуць 54 на дамофоне)
Падпісанне лістоў салідарнасці беларускім палітзняволеным

– лісты
– магчымасць падзяліцца сілаю з тымі, хто ў зняволенні

🔥 Але сачыце за абвесткамі, бо будуць мерапрыемствы ад 20 да 24 траўня! Таксама плануюцца размовы з палітзняволенымі: @belarusy_wroclawa

❤️ ПОЗНАНЬ — 23 траўня, старт 19:30
📍 Rozbrat, Pułaskiego 21A
Дзень палітвязня: лісты, кінаноч, піца і напоі

– глядзім фільм пра антыфашызм
– пішам лісты
– ядзім піцу
– гаворым пра свабоду

Save the date! І абавязкова прыходзь падтрымаць тых, хто зараз за кратамі!

Читать полностью…

Яшчэ адна смутная навіна. Памерла 45-гадовая былая палітзняволеная Тамара Каравай.

Жыхарку Лунінца адправілі ў калонію на два гады за «паклёп на Лукашэнку». Яна паставіла лайк у «Аднакласніках». Тамару Каравай памілавалі і яна выйшла на волю 20 жніўня 2024 года. Яна вызвалілася на тры месяцы раней за прызначаны ёй тэрмін.

Пра смерць жанчыны «Нашай Ніве» паведамілі яе знаёмыя. Афіцыйная прычына — не вытрымала сэрца. Дакладная дата смерці невядомая, аднак Тамара была апошні раз анлайн «Укантакце» 23 красавіка 2025 года.

Гэта не адзінкавы выпадак. Так, у жніўні 2024 памёр Валянцін Іваноўскі (праз некалькі месяцаў пасля вызвалення), у лютым 2025 Ганна Кандраценка (яна мела анкалогію, але ўсе роўна была асуджана на 3 гады калоніі).

Читать полностью…

#dissidentby

💧Радыё Свабода паведамляе, што Мікіту Лосіка, малодшага брата вядомага палітзняволенага Ігара Лосіка, затрымалі ў пачатку красавіка па справе «Гаюна». Цяпер ён у СІЗА Віцебска. Нагадаем, што ў 2022 годзе была затрымана Дар'я Лосік - жонка Ігара Лосіка. Яе асудзілі на 2 гады зняволення за інтэрв'ю Белсату. У 2024 Дар'ю вызвалілі па памілаванні.

✨ Гэта далёка не адзіны выпадак. З 2020 года праз беларускія турмы прайшлі як мінімум 309 сем’яў - больш за 600 чалавек, затрыманых па крымінальных справах.
На сённяшні дзень каля 50 сем’яў застаюцца за кратамі.

Читать полностью…

#dissidentby

📬 Лісты маюць значэнне. Турма - гэта выпрабаванне не толькі для палітвязня, але і для яго сям’і, сяброў, усіх, хто на волі. Ліст - гэта не проста аркуш паперы. Гэта надзея і доказ таго, што чалавек не забыты. Што ён не адзін.

🖋 Ці варта пісаць? Абсалютна. 5013 лістоў вы ўжо захавалі ў наш "Банк Лістоў", а 151 чалавек ужо атрымаў каштоўныя скарбы:

Дзякуй вам за тое, што памятаеце пра нас і чакаеце)!
За тое, што мы не адны. Вялікі вам дзякуй.

💌 Напісаць ліст лёгка. Дастаткова сказаць некалькі цёплых слоў, падзяліцца навінамі ці проста пажадаць трымацца. Ліст можа быць вершам, малюнкам або шчырым паведамленнем - галоўнае, быць побач, нават праз адлегласць.📎 Напісаць бясплатна: stayrebel.fun/letter

📦 Захоўвайце лісты ў Банк Лістоў. Калі вы пісалі праз іншыя сэрвісы або маеце фотаздымкі адпраўленых лістоў - загружайце іх сюды: stayrebel.fun/letter/bank

Так, цэнзура і адміністрацыі калоній часта робяць усё, каб гэтыя лісты не дайшлі.
Але мы працягваем пісаць і захоўваць. Мы дастаўляем гэтыя словы падтрымкі нават праз месяцы і гады. Бо салідарнасць жыве нягледзячы ні на што.

Читать полностью…

#dissidentby

🥲 Усё яшчэ не працуе сайт судовых паседжанняў, а гэта значыць, што як ніколі важна, каб вы паведамлялі пра рэпрэсіі, якія адбываюцца ў Беларусі - тады дзяржава не зможа іх схаваць. 📩 Дашліце любую інфармацыю пра пераслед - гэта можна зрабіць праз асабістыя кантакты ў апісанні каналу або праз наш сайт stayrebel.fun (працуе без VPN).

💜 Нашы вынікі ў красавіку, якія атрымаліся дзякуючы вам:

- 28 чалавек атрымалі фінансавую дапамогу
↳ 23 з іх змаглі сабраць перадачы для родных у зняволенні
↳ 5 былых палітвязняў атрымалі падтрымку ў цяжкай сітуацыі;
- 10 чалавек атрымліваюць пастаянную падтрымку ад RAZAM e.V. (Германія) у супрацы з намі;
- 2 чалавекі пакінулі свае заяўкі на праграму рэсацыялізацыі і атрымліваюць персанальныя кансультацыі;
- 65 лістоў вы пацвердзілі праз наш сайт, 30 лістоў мы атрымалі на сайт і даслалі;
164 ліста мы апрацавалі і захавалі ў Банк Лістоў;
- 105 запытаў мы атрымалі ў Тэлеграм-бот;
🆘 90 новых імёнаў мы дадалі на сайт за месяц.

Як дапамагчы палітзняволеным сёння?
🎯 Абярыце адзін з варыянтаў:
- Станьце Вартаўніком/ніцай і падтрымлівайце канкрэтнага вязня рэгулярна;
- Зрабіце разавы данат ад 15$, 30$ або 50$ і атрымайце унікальны мерч;
- Падпішыцеся на Patreon (гэта наш асноўны інструмент збору на перадачкі);
- Дапамажыце сабраць пасылку ў калонію;
- Наш бот: @dissidentby_bot

🛡 Не рабіце данаты з беларускіх картак! Выкарыстоўвайце VPN | Чысціце кэш | Не пакідайце сваіх асабістых дадзеных

🖤 Дзякуй, што застаецеся з намі. Разам мы можам больш.

Читать полностью…

🔔 Мы вяртаемся на Patreon! 📱

Дзякуй, што вы з намі 🙌
Ваша падтрымка - праз Patreon, Stripe ці іншыя спосабы - дапамагае кожны дзень: перадачы, кансультацыі, гуманітарная дапамога, падтрымка пасля вызвалення.

👀 Што новага?
Мы аднаўляем камунікацыю на Patreon - будзем пісаць, як працуе ваша дапамога і чаму яна такая важная.

🛡 Але хочам рабіць гэта бяспечна.
Не ўсе атрымліваюць e-mail, не ўсе карыстаюцца Telegram. Таму хочам спытаць вас пра зручны спосаб атрымліваць інфармацыю (апытанка ніжэй).

Ваша падтрымка - гэта штодзённая салідарнасць, якая працуе.

📱 https://www.patreon.com/dissidentby
Падтрымаць на сайце: https://stayrebel.fun/support

Читать полностью…

#dissidentby

⭐️ Ганна Пышнік засняла відэа з расійскім верталётам над Мазыром, за гэта яе арыштавалі і асудзілі на 3 гады зняволення. Увесь гэты час без мамы расла ейная дачка 💔

Вельмі балюча ўспрыняла пачатак вайны. Асабліва цяжка было разумець, што расійскія войскі ішлі ва Украіну ў тым ліку з нашага горада. Вельмі жахліва было бачыць расійскіх вайсковых у горадзе, таму здымала іх і адпраўляла ў СМІ. Гэта адзінае, што можна было зрабіць. Нажаль, я не магла голымі рукамі спыняць вайсковыя калоны.

Зараз былая палітзняволеная ў Польшчы і ей патрэбна дапамога і падтрымка: на арэнду кватэры, тэлефон, абутак і адзенне для дачкі, а таксама на ежу.

Калі мяне затрымалі, дачцэ было дзевяць год. Усё гэта ёй далося вельмі цяжка. Аднакласнікі здзекваліся, што яе маці зэчка. Яна дагэтуль не зусім адыйшла, у дзіцёнка моцная псіхалагічная траўма. У Польшы я пакуль яшчэ не ўладкавалася, жывём з дачкой у шэлтэры для экс-палітвязняў. Яна ўжо ходзіць у школу, ёй трошкі прасцей. А вось я адчуваю сябе разгубленай і не ведаю, што рабіць далей.

Падтрымаць Ганну можна па наступных спасылках:
1️⃣ www.bysol.org/be/private/anna_pyshnik/ (не рабіце данатаў з беларускіх і расейскіх картак)
2️⃣ https://pomagam.pl/mg9p48

Читать полностью…

#dissidentby
📣Палітзняволены Андрэй Чапюк скончыў адбываць свой тэрмін — яго вывелі з калоніі ў кайданках

Відэа апублікавалі праўладныя тэлеграм-каналы.

Палітвязня не аддалі родным, якія чакалі яго каля калоніі, а пасадзілі ў кайданках у машыну. Хто менавіта выводзіў Чапюка і куды яго павезлі — невядома.

Крыніца: @viasna96

Читать полностью…

#dissidentby
Палітзняволенага з польскім грамадзянствам Роберта Тампала дэпартавалі пасля вызвалення і забаранілі ўезд у Беларусь на 8 гадоў.

Мужчына пражываў у Беларусі з 90-х гадоў, быў затрыманы ў 2022 годзе і асуджаны на 3 гады пазбаўлення волі за каментары ў сацыяльных сетках.

Дэпартацыя адбылася адразу пасля вызвалення - яго даставілі да мяжы пад канвоем. Вядома, што ў мужчыны есць сын. Хутчэй за ўсе, сям’я Роберта засталася ў Беларусі.

Читать полностью…

#dissidentby

🍀 Усё яшчэ шукаем рэспандэнтаў для запаўнення анкеты:

⭐️ Былыя палітзняволеныя у Польшчы і Літве
🌸 Людзі, якія пакінулі Беларусь без крымінальнага пераследу (па эканамічных прычыных, адукацыйных, сямейных або прывентыўных, бо баяліся затрымання і іншыя прычыны)

✏️ Калі гэта пра вас і вы зможаце прыняць удзел у нашым даследванні, напішыце калі ласка на акаўнт @dahary_nahami (у межах бяспекі мы робім індывідуальныя спасылкі на запаўненне). У анкеце мы не пытаем імя і асабістыя дадзеныя.

Навошта мы гэта робім? Наша мэта - сабраць рэальную фактуру тых наступстваў (псіхалагічных, фізічных, адаптацыйных і іншых), з якімі вы сутыкаецеся. Мы вельмі шмат камунікуем з вамі (сваякамі палітзняволеных і былымі палітзняволенымі) і разумеем, што патрэбаў шмат і мы ўсе павінны намагацца выпрацаваць максімальна комплексную падтрымку нават у такіх складаных умовах. Ніхто ніколі раней не сутыкаўся з такімі масавымі рэпрэсіямі ў нашай краіне, таму дасканалых і доўгатэрміновых механізмаў на сёняшні дзень няма. А мы жадаем іх зрабіць, каб вы маглі на іх разлічваць!

Читать полностью…

#dissidentby

9 красавіка - гадавіна смерці Аляксандра Кулініча.

Мужчына памёр у брэсцкім СІЗА. Яго абвінавачвалі паводле арт. 368 КК (абраза Лукашэнкі). Аляксандра затрымалі 29 лютага 2024 года ў Брэсце, з таго часу ён знаходзіўся ў зняволенні. Суд над ім меўся адбыцца 16 красавіка. У выснове аб смерці пазначана, што Кулініч памёр праз ішэмічную хваробу сэрца.

Читать полностью…

#dissidentby

🔥 Цудоўная навіна і магчымасць для тых, хто быў рэпрэсаваны! Еўрапейскі саюз у рамках праграмы EU4Belarus – SALT абвяшчае запуск праграмы падтрымкі для тых, хто пацярпеў ад палітычных пераследаў і страціў крыніцу даходу і магчымасць атрымання адукацыі.

☕️ Для каго?
🔘 былых палітзняволеных
🔘 беларусы і беларускі, якія падвергліся адміністрацыйнаму або крымінальнаму палітычнаму пераследу

Памер падтрымкі: да 10 000 еўра!

💪 На гэту суму ў межах праграмы адна асоба можа атрымаць падтрымку на:

- навучанне і зборы (прафесійная адукацыя, курсы павышэння кваліфікацыі, моўныя курсы, курсы ваджэння, сертыфікацыя, настрыфікацыя і экзамены);
- выдаткі на пераклад дакументаў;
- пражыванне ў інтэрнаце (для прафесійнай адукацыі да 12 месяцаў);
- грамадскі транспарт (для вочнага навучання працягласцю не менш за 1 месяц);
- падпіскі на праграмнае забеспячэнне і лічбавыя платформы, неабходныя для навучання і перападрыхтоўкі.

👍 Вось тут спасылка на праграму і анкета для запаўнення: https://eu4belarus.info/grants02-ex-politicalprisoners-by/

✔️ Даведнік па працаўладкаванні для былых палітзняволеных, якія былі вымушаны пакінуць краіну:
Беларускамоўны варыянт
Расейскамоўны варыянт

🤌 Таксама нагадваем, што вы можаце пералічыць на карысць Dissidentby 1,5% падатку - інструкцыя тут і падпісацца на 📱 Патрэон для падтрымкі нашай дзейнасці

Читать полностью…

#dissidentby

💔 Вікторыю Кульшу ў пачатку гэтага тыдня перавялі ў СІЗА-3 Гомеля. Яна павінна была выйсці на волю 6 красавіка. Але на яе ў чацвёрты раз завялі крымінальную справу па арт. 411 – гэта пятая крымінальная справа супраць яе і чацвёртая менавіта па гэтым артыкуле.

⭐️ Вікторыя Кульша была адміністратаркай чата "Кіроўцы 97%", за што была затрыманая 4 лістапада 2020. У выніку яе асудзілі на 2,5 года пазбаўлення волі. У чэрвені 2022 Вікторыю Кульшу ўпершыню асудзілі па арт. 411 (злоснае непадпарадкаванне законным патрабаванням адміністрацыі папраўчай установы). На той момант у яе было ўжо 34 спагнанні.

🎉 Чарговы суд над жанчынай распачаўся ў красавіку 2023 года, дзе ёй зноў прысудзілі яшчэ адзін год зняволення. А ў кастрычніку 2023 года Вікторыю Кульшу асудзілі трэці раз і зноў дадалі 1 год па 411 артыкуле. Да гэтага часу жанчына правяла 7 месяцаў у СІЗА і павінна была выйсці на волю 6 красавіка 2025 года. Але супраць Вікторыі ўзбудзілі чацвёртую крымінальную справу. Зараз блізкія да ейнай сям'і паведамляюць, што яна знаходзіцца ў СІЗА-3.

💧 Агулам Вікторыя ўжо адбыла ў зняволенні 70 сутак ШІЗА і 6 месяцаў у ПКТ. Таксама вядома, што супрацоўнікі жаночай калоніі № 24 у Зарэччы ўжывалі супраць жанчыны псіхалагічны і фізічны ціск. Паведамляецца, што адзін з наглядчыкаў душыў Вікторыю локцем, стоячы ззаду, а таксама цягнуў яе па камеры. Апроч гэтага, яе часта абражалі і прыніжалі перад іншымі наглядчыкамі.

У сваіх інтэрв'ю былая палітзняволеная Паліна Шарэнда-Панасюк згадвала пра Вікторыю:

У Вікторыі Кульшы, напэўна, ужо адмовілі ныркі. Яна трымала галадоўкі месяцамі, адмаўлялася ад вады і ежы. Яна ўскрывала сабе вены. Яе кідалі за гэта ў ШІЗА – і там яна зноў ускрывала сабе вены. Яна трымала галадоўкі ў ПКТ. Яна адмаўлялася ад дапамогі лекараў.

Незалежныя эксперты па правах чалавека 26 сакавіка заклікалі беларускія ўлады зрабіць захады ў сувязі з паведамленнямі аб жорсткім абыходжанні з жанчынамі, што ўтрымліваюцца ў папраўчых калоніях. У тым ліку, яны выказалі трывогу з нагоды небяспечнага для жыцця стану палітзняволенай Вікторыі Кульшы:

Г-жа Кульша ў цяперашні час утрымліваецца ў Зарэчанскай выпраўчай калоніі №24, і, згодна з атрыманымі паведамленнямі, яе фізічнае і псіхічнае здароўе сур'ёзна пагоршылася. Тым не менш, ёй адмаўляюць у неабходнай медыцынскай і псіхалагічнай дапамозе, і яна працягвае падвяргацца жорсткаму абыходжанню.

Артыкул 411 Крымінальнага кодэкса дазваляе бясконца падаўжаць тэрміны зняволення на падставе абвінавачанняў у «непадпарадкаванні», якія выстаўляюцца тымі самымі супрацоўнікамі калоній, што адказныя за жорсткае абыходжанне з вязнямі.

Читать полностью…

#dissidentby

🔴З паўночы 27 сакавіка ўступіла ў сілу падпісанае прэзідэнтам Польшчы Анджэем Дудам пастанаўленне Савета Міністраў аб часовым абмежаванні права падачы хадайніцтва аб прадастаўленні міжнароднай абароны на дзяржаўнай мяжы з Беларуссю.

Падобныя працэсы не адбываюцца ў вакууме: літаральна днямі ў сетцы з’явілася інфармацыя, што за апошнія два месяцы з Польшчы было дэпартавана 1 300 замежных грамадзян, што на 85 % больш, чым год таму.

Сотні, тысячы людзей зараз пазбаўляюцца сваіх фундаментальных правоў — і застаюцца незаўважанымі большасцю. Іх не дапускаюць у суд, спасылаючыся на «сакрэтныя дадзеныя», якія спецслужбы маркіруюць як «пагрозу нацыянальнай бяспецы». Увесь свет разумее відавочную пагрозу вайны. Але вось іншая атака — на самі каштоўнасці прагрэсіўнага грамадства — можа застацца незаўважанай. Маніпулюючы тысячамі лёсаў, ствараючы атмасферу страху і гвалту на межах, эскалюючы канфлікты, аўтакраты б’юць па самым важным: па нашай веры ў правы чалавека.

Праваабарончая ініцыятыва Dissidentby катэгарычна асуджае масавыя дэпартацыі, якія парушаюць фундаментальныя правы чалавека.

Калі вы сутыкнуліся з падобнай сітуацыяй або ведаеце пра такія выпадкі — звяртайцеся ў мясцовыя праваабарончыя арганізацыі, супольнасці і да юрыстаў. Дапамога ёсць.

➡️➡️ чытаць артыкул цалкам: https://stayrebel.fun/by/articles/prava-cheloveka-pod-udarom-massovye-deportacii-i-krizis-spravedlivosti

Читать полностью…

💔 У Сяргея Сацука пагоршылася здароўе ў калоніі.

Паводле інфармацыі ад людзей, якія кантактавалі з ім, у Сяргея значна пагоршыўся стан здароўя пасля таго, як ён быў этапаваны ў калонію:
👆 высокі ціск
🦵 праблемы з суставамі ног

Меркавалася, што яго павінны былі даставіць у Рэспубліканскую бальніцу, але ці адбылося гэта насамрэч дакладна невядома. Сам Сяргей быў вельмі закрытым, мала каму распавядаў пра свой стан.

🔻 Сяргей Сацук - галоўны рэдактар незалежнага партала «Ежедневник» і аўтар гучных антыкарупцыйных расследаванняў. 23 верасня 2022 года ён быў асуджаны Мінскім гарадскім судом на 8 гадоў пазбаўлення волі.

💌 Напісаць Сяргею анлайн можна тут або на адрас ПК №15, 212013, г.Магілёў, п/а Вейна, Слаўгарадская шаша 183 (Сацук Сяргей Віктаравіч)

❗️98% рэспандэнтаў заяўлялі пра псіхалагічны гвалт у калоніі
❗️70% адзначылі, што атрымаць медычную дапамогу немагчыма
❗️а 34% заявілі пра фізічны гвалт.

✏️ Сваім досведам вы можаце падзяліцца праз анкету: https://stayrebel.fun/forms/release
🔜 Статыстыка ў агульным доступе: https://stat.stayrebel.fun/#rights

Падобныя гісторыі мы чуем зноў і зноў, а часам яны вельмі трагічныя. Палітвязні ў Беларусі застаюцца без належнай медыцынскай дапамогі, а страх і ізаляцыя прымушаюць многіх замоўчваць нават крытычныя праблемы. Калі ласка, не маўчыце пра сваіх блізкіх і знаемых. Паведамляйце пра іх стан і неабходную дапамогу 🙏

📌 Вы можаце даслаць нам інфармацыю праз сайт stayrebel.fun (без ВПН) або праз кантакты ў апісанні каналу.

Читать полностью…

Асацыяцыя беларускіх палітвязняў праводзіць акцыю да дня салідарнасці з палітзняволенымі!

Арганізатары заклікаюць далучыцца да акцыі 18 траўня ў Варшаве:

За апошнія 5 гадоў дзясяткі тысяч беларусаў сталі ахвярамі крымінальнага пераследу, сотні тысяч — рэпрэсій. За гэтымі лічбамі — разбураныя лёсы і боль.

Сем палітвязняў ужо загінулі ў няволі. І гэта толькі тое, што вядома. Кожны дзень за кратамі — выпрабаванне чалавечнасці.

📌 18 траўня 2025 года | Варшава | Помнік Мікалая Каперніка
🌍 Спіс усіх мерапрыемстваў: https://prisonersday.info

Читать полностью…

@nashaniva паведамляе, што памерла экс-палітзняволеная Ганна Кандраценка.

🔻 Ганна Кандраценка - жыхарка Магілева, была асуджана за каментары ў тэлеграм-каналах на 3 гады пазбаўлення волі. У канцы чэрвеня 2023 Ганну зноў пачалі судзіць - яшчэ за адзін каментар. Шляхам паглынання менш строгага пакарання стражэйшым, у сукупнасці ў Кандраценкі застаўся той жа тэрмін.

Неабыякавыя людзі дасылалі Ганне пасылкі і пералікі, за што яна была ўдзячна:

Огромное спасибо за посылку! Дружеская поддержка и участие очень помогают держаться и не падать духом. Я благодарна, что вы меня не забываете. Письма ко мне не доходят, но я все равно надеюсь их получить.

Ганны не стала 5 лютага 2025 года. Жанчына памерла ад анкалогіі, якая была дыягнаставаная ў яе яшчэ ў калоніі ў Гомелі. Ганна не дажыла некалькі месяцаў да свайго 40-годдзя.

Ганна Кандраценка адбыла свой тэрмін цалкам. Яна вызвалілася 20 чэрвеня 2024 года. На свабодзе Ганна прабыла трохі больш за паўгода, змагаючыся са сваёй хваробай.

Читать полностью…

#dissidentby

💔 Стала вядома, што ўчора і сёння палітзняволеныя выходзяць па памілаванні. Паведамляецца, што сярод іх 18 жанчын і 24 мужчын - агулам 42 чалавекі. 13 з іх маюць хранічныя захворванні, адзін мае інваліднасць. Дзесяць асоб старэйшых за 50 гадоў, адзін дасягнуў пенсійнага ўзросту.

📌 Мы ўдзячныя за любую інфармацыю пра вызваленых. Вы можаце паведаміць нам яе праз сайт stayrebel.fun (без ВПН) або праз кантакты ў апісанні каналу.

Читать полностью…

#dissidentby
🍀Асобы з інваліднасцю і сур’ёзнымі праблемамі са здароўем у зняволенні - група высокай рызыкі.

З 2020 года як мінімум 143 чалавекі з праблемамі здароўя падвергліся крымінальнаму пераследу за сваю грамадзянскую пазіцыю. З іх:
🔵84 маюць сур’ёзныя праблемы са здароўем
🔵33 - людзі з інваліднасцю
🔵26 маюць парушэнні псіхічнага здароўя і былі накіраваныя на прымусовае лячэнне

Акрамя гэтага, у месцах несвабоды загінулі ўжо 7 чалавек - 5 з іх мелі інваліднасць або іншыя цяжкія захворванні. Гэта трагічнае сведчанне таго, што людзі з асаблівымі патрэбамі апынуліся ў прамой небяспецы.

🔒Умовы ўтрымання ў беларускіх турмах ніяк не адпавядаюць патрэбам людзей з інваліднасцю або хранічнымі захворваннямі. Медычная дапамога часта не аказваецца наогул, або ў ёй свядома адмаўляюць.

5 траўня незалежныя эксперты ААН заклікалі вызваліць палітвязняў з інваліднасцю і сур’ёзнымі захворваннямі, асуджаных за ўдзел у мірных пратэстах 2020 года:

Мы заклікаем беларускія ўлады разгледзець магчымасць неадкладнага вызвалення або замены зняволення на іншыя, не звязаныя з пазбаўленнем волі, санкцыі для ўсіх палітычных зняволеных, звязаных з вышэйзгаданымі падзеямі, якія маюць інваліднасць або сур’ёзныя захворванні, каб прадухіліць незваротную і цяжкую шкоду іх жыццю і здароўю.

➿ Працягваецца збор сродкаў для людзей з інваліднасцю, якія пацярпелі ад рэпрэсій. Падтрымайце па спасылцы: https://www.stranafund.org/kampanii/international-day-of-dersons-with-disabilities

Читать полностью…

#dissidentby
Вікторыя Кульша з моманту знаходжання ў СІЗА-3 Гомеля распачала бестэрміновую галадоўку! Гэта будзе яе шостая галадоўка ў зняволенні, гэтым разам — да канца: альбо мы даможамся яе вызвалення, альбо яна загіне.

Былая палітзняволеная Паліна Шарэнда-Панасюк паведаміла, што Вікторыя ў СІЗА абвясціла бестэрміновую галадоўку — ужо шостую за час у зняволенні.

У красавіку стала вядома, што Вікторыю Кульшу перавялі ў СІЗА-3 Гомеля. Яна павінна была выйсці на волю 6 красавіка. Але на яе ў чацвёрты раз завялі крымінальную справу па арт. 411 – гэта пятая крымінальная справа супраць яе і чацвёртая менавіта па гэтым артыкуле. 💧 Агулам Вікторыя ўжо адбыла ў зняволенні 70 сутак ШІЗА і 6 месяцаў у ПКТ. Таксама вядома, што супрацоўнікі жаночай калоніі № 24 у Зарэччы ўжывалі супраць жанчыны псіхалагічны і фізічны ціск. Паведамляецца, што адзін з наглядчыкаў душыў Вікторыю локцем, стоячы ззаду, а таксама цягнуў яе па камеры. Апроч гэтага, яе часта абражалі і прыніжалі перад іншымі наглядчыкамі.

Читать полностью…

#dissidentby
🎁 Павіншуй вязняў з днём нараджэння!

⏩ Спіс вязняў, хто святкуе народзіны ў траўні

👇Як можна павіншаваць?
- даслаць ліст або тэлеграму. Даслаць ліст можна праз сайт dissidentby;
- правесці акцыю салідарнасці ў любым фармаце;
- зрабіць данат на карысць палітвязняў (❌не з беларускай карткі).

✔️ Калі ласка, правярайце месцазнаходжанне вязня перад адпраўкай лістоў - яно можа змяніцца.
❗️ Не дасылайце грашовыя пералікі ад свайго імя.

▪️ Наш бот: @dissidentby_bot
❤️ Канструктар перадач ТУТ

Читать полностью…

#dissidentby
🔵Смерць палітвязня Дзмітрыя Шлетгаўэра: новыя сведчанні былых зняволеных

➡️ 11 кастрычніка 2024 года ў ПК-15 у Магілёве памёр палітвязень Дзмітрый Шлетгаўэр. Былыя зняволеныя, якія знаходзіліся побач з ім, распавядаюць пра сістэматычны псіхалагічны і фізічны ціск, якому Дзмітрый падвяргаўся на працягу многіх месяцаў.

Па словах сведак, Шлетгаўэр адмаўляўся супрацоўнічаць з адміністрацыяй, "не здаваў" іншых і адкрыта выказваў нязгоду. Яго рэгулярна змяшчалі ў ШІЗА нават нягледзячы на наяўнасць хранічнай хваробы і нядаўняе з'яўленне дзіцяці ў сям'і.

Ён трымаўся, але яны рабілі ўсё, каб зламаць,- кажа адзін з былых вязняў.

Супрацоўнікі калоніі, якіх згадваюць у сувязі з ціскам і знявагамі, гэта аператыўнікі Юрый Арлоў (працуе ў ПК-15 з 2016) і Ілля Кіслякоў (працуе ў ПК-15 з 2019). Асобную ролю, па сведчаннях, адыгрываў начальнік калоніі Аляксей Лазарэнка. Былыя зняволеныя і праваабаронцы неаднаразова паведамлялі пра жорсткае і зневажальнае стаўленне да палітвязняў з яго боку:

Праўду шукаеш? Я тут начальнік: хачу адпушчу, хачу - не.

З 2020 года ў СІЗА і калоніях Беларусі загінулі ўжо сем палітвязняў.

Катаванні любяць цішыню. Менавіта таму так важна гаварыць пра гэта ўголас. Імя Дзмітрыя Шлетгаўэра павінна застацца не толькі ў справаздачах, а ў памяці як сведчанне несправядлівасці і чалавечай стойкасці.

📱 Калі вашыя родныя ці знаёмыя сутыкаюцца з рэпрэсіямі ў зняволенні - НЕ МАЎЧЫЦЕ. 🔴 Вы можаце паведаміць пра рэпрэсіі ананімна праз сайт stayrebel.fun (без VPN) або па кантактах у апісанні каналу. Толькі так мы зможам тэрмінова аказаць вам неабходную юрыдычную і гуманітарную падтрымку.

Читать полностью…

#dissidentby

⭐️ Калі вы працуеце ў Польшчы, у вас ёсць магчымасць падтрымаць dissidentby і палітзняволеных у Беларусі!

Да 30 красавіка вы можаце запоўніць падаткавую дэкларацыю і накіраваць 1,5% ад сваіх падаткаў для нас ❤️

✏️ Мы стварылі памятку, дзе па кроках напісалі, як вы можаце падтрымаць нас! Калі ласка, рабіце рэпосты і дзяліцеся з сябрамі і знаёмымі - гэта цудоўная магчымасць падтрымаць рэпрэсаваных, бо мы накіроўваем сродкі на патрэбы палітзняволеных у турме.

На нашым сайце таксама даступна інструкцыя ў тэкставым варыянце:
- на расейскай мове
- на беларуская мове
- на польскай мове

Дзякуй! 🌸

Читать полностью…

Збор сродкаў да Міжнароднага дня абароны правоў людзей з інваліднасцю

Разам з калегамі мы запускаем новы збор, што будзе дзейнічаць да канца траўня.

Мы хочам падтрымаць людзей з інваліднасцю, якія апынуліся ў складанай сітуацыі праз палітычныя рэпрэсіі.

Хто мае патрэбу ў падтрымцы? Мы збіраем сродкі для дзвюх груп:

🔺палітзняволеныя з інваліднасцю — сюды ўваходзяць тыя, хто знаходзіцца ў зняволенні, і тыя, хто ўжо на волі, але пакутуе праз інваліднасць;

🔺сем'і палітзняволеных (цяперашніх і былых), дзе ёсць дзеці з інваліднасцю;

Куды пойдуць сродкі?

🔸медыкаменты і медыцынскія сродкі (напрыклад, вазкі, бандажы, прылады для рэабілітацыя і інш.);
🔸аплата медыцынскіх маніпуляцый, умяшанняў і кансультацый медыкаў;
🔸аплата сацыяльных таксі і іншых транспартных паслуг, што неабходныя для атрымання медыцынскай дапамогі.

Мы плануем сабраць 10 000 еўра. Памер выплат для кожнай сям'і будзе залежаць ад іх патрэб. Максімальная сума выплат — 300 еўра.

Чаму трэба падтрымаць ініцыятыву?

Гэтая група людзей вельмі часта знаходзяцца ў такой цяжкай сітуацыі, калі доступ да медыцынскіх паслуг і рэабілітацыі вельмі абмежаваны. Мы можам змяніць гэта! Праз удзел у акцыі мы акажам рэальную дапамогу тым, хто ў ёй мае вострую патрэбу.

Як дапамагчы?

Зрабіць данат: www.stranafund.org/kampanii/international-day-of-dersons-with-disabilities. Калі не можаце зрабіць данат - зрабіце рэпост ❤️

Ніхто, а тым больш прадстаўнікі гэтай уразлівай групы, не маюць заставацца сам-насам са сваімі праблемамі. Давайце зробім гэты свет больш справядлівым праз наш клопат да людзей з інваліднасцю!

Збор арганізуе служба «Хуткай гуманітарнай дапамогі», куды ўваходзяць Дабрачынны фонд «Краіна для Жыцця», праваабарончая ініцыятыва Dissidentby, Фонд беларускай салідарнасці BYSOL, грамадзянская ініцыятыва ByHelp.

Читать полностью…

#dissidentby
🎁 Павіншуй вязняў з днём нараджэння!

⏩ Спіс вязняў, хто святкуе народзіны ў красавіку.

👇Як можна павіншаваць?
- даслаць ліст або тэлеграму. Даслаць ліст можна праз сайт dissidentby;
- правесці акцыю салідарнасці ў любым фармаце;
- зрабіць данат на карысць палітвязняў (❌не з беларускай карткі).

✔️ Калі ласка, правярайце месцазнаходжанне вязня перад адпраўкай лістоў - яно можа змяніцца.
❗️ Не дасылайце грашовыя пералікі ад свайго імя.

▪️ Наш бот: @dissidentby_bot
❤️ Канструктар перадач ТУТ

Читать полностью…

#dissidentby

⭐️ Сяргей Вайцюк выступіў супраць вайны і хацеў далучыцца да беларускіх ваяроў, але быў затрыманы і асуджаны на 2,5 гады зняволення. Зараз ён у Польшчы і шукае дапамогі.

Зона – гэта проста асобны свет. Пастаянны псіхалагічны ціск з боку супрацоўнікаў, сукамернікаў, іншых зняволеных. Ты не ведаеш, што цябе чакае праз пару гадзін, заўтра і так далей.

Калі выйшаў, зразумеў, што не адчуваю сябе ў бяспецы. Не было жадання паўтарыць сваю «прыгоду». І ўвосені 2024 года я пераехаў у Польшчу. Першы час мне вельмі дапамагалі, але на жаль, тут пакуль не атрымліваецца паставіць сваё жыццё на патрэбныя рэйкі.

Дапамагчы Сяргею можна па спасылцы (не рабіце данатаў з беларускіх і расейскіх картак): https://bysol.org/be/private/sergey_voytyuk/

Веру ў тое, што змагу знайсці сваё месца ў Польшчы. Праўда, з кожным днём захоўваць гэтую веру ўсё больш складана, але рукі пакуль не апускаюцца. Буду вельмі ўдзячны ўсім, хто адгукнецца на маю просьбу аб дапамозе.

Читать полностью…

Салідарнасць мацней за перашкоды!

🔸 Сабраная сума: 2 567 еўра
🔸 Колькасць заявак: 28 (на агульную суму 4 200 еўра)
🔸 Памер выплаты на адну заяўку: 150 еўра

Збор не пакрыў усе заяўкі, але нашы партнёры з ініцыятывы Dissidentby кампенсавалі недахоп сродкаў, таму кожная просьба аб дапамозе была задаволеная. Шчыра дзякуем ім за гэта!

Мы вельмі ўдзячныя кожнаму, хто далучыўся да акцыі, выказаў салідарнасць з беларускімі жанчынамі і знайшоў магчымасць падзяліцца цяплом і клопатам. Асобная падзяка нашым партнёрам – без іх падтрымкі гэты збор не стаў бы такім паспяховым.

Разам мы можам больш! ❤️

Читать полностью…

#dissidentby

🥲 З 4 сакавіка не працуе сайт з раскладам судовых паседжанняў.
🥲 З 1 красавіка знікла магчымасць праверыць на сайце МУС абмежаванне на выезд з Беларусі.

Галоўны прынцып служкаў дыктатуры - схаваць свае злачынствы. Бо якраз злачынныя, антычалавечыя дзеянні і патрабуюць той цемры, у якой адбываецца падаўленне свабоды і правоў чалавека ў Беларусі. Калі ласка, паведамляйце любую інфармацыю пра пераслед нам па асабістых кантактах у апісанні каналу або праз наш сайт stayrebel.fun (даступны без VPN).

💜 Нашы вынікі ў сакавіку:

👉 22 чалавекі атрымалі фінансавую падтрымку на перадачы (з іх 4 былых палітвязня атрымалі індывідуальную фінансавую падтрымку);
👉 10 чалавек атрымалі рэгулярную падтрымку ад Германіі RAZAM e.V. у калабарацыі з намі;
👉 4 чалавекі пакінулі свае заяўкі на праграму рэсацыялізацыі і атрымліваюць персанальныя кансультацыі;
👉 58 лістоў вы пацвердзілі праз наш сайт, 37 лістоў мы атрымалі на сайт і даслалі;
229 лістоў мы апрацавалі і захавалі ў Банк Лістоў;
👉 79 запытаў мы атрымалі ў Тэлеграм-бот;
🆘 81 чалавека мы дадалі на сайт за месяц;
👉 у дачыненні да 87 (мінімум) чалавек адбыліся судовыя паседжанні па крымінальных справах.

Як дапамагчы з перадачамі палітвязням?
▪️ Стаць Вартаўніком/ніцай і падтрымліваць канкрэтнага вязня/вязынку рэгулярна;
▪️ Зрабіць разавы данат ад 15$, 30$ або 50$ і атрымаць унікальны мерч;
▪️ Падпісацца на Patreon (гэта важна! грошы ідуць на перадачкі);
❗️ Дапамагчы сабраць пасылку ў калонію;
▪️ Наш бот: @dissidentby_bot

🤌 Пералічыць на карысць Dissidentby 1,5% падатку - інструкцыя тут.

🛡 Не рабіце данаты з беларускіх картак! Выкарыстоўвайце VPN | Чысціце кэш | Не пакідайце сваіх асабістых дадзеных

🖤 Дзякуй!

Читать полностью…

#dissidentby

🌼 25 гадоў спаўняецца Мікіту Емяльянаву — палітвязню, які знаходзіцца за кратамі даўжэй за ўсіх. 3 лютага 2025 года яму дадалі яшчэ 1 год зняволення паводле арт. 411 КК РБ. Апеляцыя адбудзецца 3 красавіка.

🔻 Мікіта Емяльянаў - анархіст, быў затрыманы ў кастрычніку 2019 года за акцыі салідарнасці з палітвязнямі таго часу: ён кінуў кактэйль Молатава ў дзверы СІЗА-1 (Валадарскага), а таксама абліў фарбай будынак суда, дзе на той момант праходзіў суд над палітвязнем Дзмітрыем Паліенка. У 2020 годзе Мікіту асудзілі на 7 гадоў зняволення, але пасля разгляду апеляцыйнай скаргі тэрмін скарацілі да 4 гадоў. У 2022 годзе яму дадалі яшчэ 2 гады зняволення паводле таго ж арт. 411 КК РБ, а ў 2025-м — яшчэ 1 год. За час адбывання пакарання яго двойчы пераводзілі на турэмны рэжым.

💧Мікіта знаходзіцца за кратамі ўжо 1982 дні. З іх ён правёў у ШІЗА 568 дзён (на момант снежня 2024). Найбольш доўгі тэрмін знаходжання ў ШІЗА для яго склаў амаль 2 месяцы.

❤️‍🩹 Падтрымайце мужнага і нязломнага палітзняволенага добрым словам салідарнасці - вы можаце гэта зрабіць праз наш сайт - НАПІСАЦЬ ЛІСТ

Акрамя гэтага, вы можаце напісаць пра яго ў сваіх сацыяльных сетках або зрабіць акцыю салідарнасці ў любым фармаце і даслаць нам для публікацыі!

Читать полностью…