👗🎀 نادي كل الستات 🎀👗

23 January 2024 19:21

نعم لقد كان الانفصال سيد الموقف والخيار الأقرب من الواقعية

ولكن هناك خيارا آخر لم يكن يخطر لها

إنه دورة شهرزاد حيث دخلتها لتثبت لنفسها أنها تقوم بم عليها لحماية أسرتها من التفكك

ولكنها تفاجأت!

لقد تغير كل شيء! المشاعر والكلام والتعامل والأشياء المشتركة💞

لم تكن هي الحسناء ولم يكن زوجها الوحش💔


بل كانا حبيبين فرقهما عدم الخبرة بالاهتمام بالنفس وإحياء فطرتها أولا

مع ظن كل واحد منهما أنه يقدم الأجمل والأفضل دون الاهتمام بفهم احتياجات الآخر وطرق تفكيره وإسعاده.

مرت رحلة شهرزاد بمحطاتها الثلاث:الأنوثة والإصلاح الزوجي والعلاقة الحميمية

وهاهما يختمان الرحلة بارتداء ثوب الزفاف من جديد لتعود الحياة لمجاريها ،مودة ورحمة ومتعة وإثارة💞

لم تكن.ص الوحيدة لقد رأينا كيف تكرر هذا في تعليق الأخوات

فياترى كم مرة سيبقى يتكرر ومن ستكون بطلته القادمة👏

وكيف هو حال من تعيش أصلا المودة والرحمة وتحتاج الخبرة وانتشال الفطرة من تحت أنقاض مسؤوليات اليوم المزدحم

شهرزاد 💞قرار ينقلك لعالم جديد💞

👌أسبوع واحد على إغلاق التسجيل

من هنا تحجزين تذكرتك👇👇

@Jawad3333_bot

👗🎀 نادي كل الستات 🎀👗

23 January 2024 08:24

انا جيت😂❤️
وصلت أقصي طموحاتي لـ
. انضف المطبخ
. الشقه نضيفه وريحتها حلوه
. فرشت ملايات نضيفه
.اخد شاور ساقع
اصلي الفروض ف وقتها
. اشغل فيلم بحبه
. وصوت المروحه بيهفهف 😂♥
اللهم بيوت هادئة تنبعث منها الطمأنينة ♥
خمس حاجات من مسببات السعاده لاى ست وبالتالى لأى بيت🏩
البيت رايق ومتعطر🫰
حوض فاضى ونضيف 🫰
بوتجاز مغسول ومتلمع 🫰
باسكت زباله فاضى 🫰
رخامه رايقه ونضيفه 🫰
حرفياً ما اخدوش منى ساعه وممكن اقل كمان ☺️

ارتحت نفسياً وهقوم باذن الله فايقه وعندى طاقه ايجابيه ومتحمسه ليوم جديد رايق🏩🫰

✨رؤية العين لمنظر هادى ونضيف بيكون مبهج وبيبعث بالحماس والنشاط
التراب والكركبه مؤذيين للعين
كل مايكون ايدينا فى البيت بلمسات خفيفه سريعه = تعب اقل ومجهود اقل ووقت كمان اقل ✅

وخلينا فاكرين دايماً بيت منظم اسهل فى تنضيفه من بيت غير منظم🏩🫰✨
متنسوش وسط كل ده اهم حاجه فرض ربنا 🥹
قراءه ورد يومياً
اقري سوره الملك قبل ما تنامي ✨
ديما شغلي بخور في البيت بيهدي نفسيتك جدا 🙈
اذعه القران الكريم✨
يوميا سوره البقره في البيت روتين البدريه منسيه🌸
نحنُ بخير مازل بيتنا بخير .. ‏فلا يُمكن للمرءِ أَن يجد مأوىً أهدأ وأكثر سكونًا من بيته

#نصائح_المطبخ

👗🎀 نادي كل الستات 🎀👗

23 January 2024 06:50

اكنس بيتك ورشه ماتعرف مين يخشه ..
كانت جمله بتتقالنا ديما زمان من امهاتنا ومن جدتنا يعني عشان ننظف البيت باستمرار وكبرنا وعرفنا أن الراحه فعلا في تنظيف بيوتنا حتي لو دخل عندنا ضيف بنبقا مش شيلين هم
هقولكم شويه نصايح ع قدي كدا أن شاء الله تستفيدو
اول حاجه بحس أن الهدوم في الاوضه هيا اللى بتكركبها فااول حاجه بعملها بطبق الغسيل النظيف واللي مش نظيف بحطه في المكان المخصص ليه

تاني حاجه ببدا بالسرير بغير الملايه وأكياس المخدات وبرش شويه برفان هادي كدا ع المخدات

تالت حاجه بشيل السجاد وبكون عامله مياه بديتول وبمسح الأرض بالشرشوبه يدوب تنشف بفرش وطبعا بكون نفضت السجاد ..
بسوي السراحه وبنظم كل اللي عليها ..
بعد مابخلص برش معطر ولو كان عندي بخور بولع عود وبقفل الاوضه 🩷

بعمل كل ده مع بقيت الاوض حتي الصاله

أهم حاجه وانتي شغاله في البيت شغلي اذاعه القران الكريم على التليفزيون او لو ف راديو يبقي حلو اوى🩷

بالنسبه لتنظيف المطبخ ببدا بالمواعين بس قبل اي حاجه بحط شويه كلور ع البوتجاز وبسيبه لحد ما اخلص ..

اول باول وبعد كل اكله بشيل كل البواقي من الأطباق وبحطها في الحوض عشان لما اجي اغسلها ماتسدش الحوض

لو عندي طاسه فيها زيت ومفروض هرميه مش برميه في الحوض عشان مع الوقت بيتسد بجيب قماشه بكون مش عايزاها وبحطها في الزيت بتشرب الزيت كله بحطها في كيسه وبرميها...

لما النور بيقطع لو عندي اوضه عايزه تتنظف بنظفها ع الكشاف بضيع وقت وفي نفس الوقت لما النور بيجي بحس براحه نفسيه

بعد العشا وانا بعمل الشاي لو في مواعين بغسلها وبنظف الأرض .. بمسح البوتجاز
بقوم تاني يوم اعمل الفطار وانا نفسيتي مرتاحه 🩷

عمله يوم من كل أسبوع تنظيف عميق بشيل السجاد وبمسح الخشب وبسيق من تحت السراير واليوم دي بيبقا يوم الخميس بقوم الجمعه البيت بيبقا زي الفل بشغل التلفزيون ع صلاه الجمعه وانا مولعه بخور وفاتحه كل البلكونات 🥰

واخيراً وليس اخراً حاولو ماتبيتوش زباله في البيت وان حصل اقفلو الكيس كويس وحطوه جوه كيس كمان
#شغل_البيت_لعبتي

👗🎀 نادي كل الستات 🎀👗

22 January 2024 08:22

تعالي اقولك علي شويه افكار للغدا

👗🎀 نادي كل الستات 🎀👗

21 January 2024 21:26

🌤️🌤️
*تذكير باب الريان*
*{ همْ دَرَجَاتٌ عِنْدَ اللهِ }*
لَا تكنْ عَادِيًا
أَرِ اللهَ مِنْ نَفْسِكَ
جِهَادًا في الوُصُولِ إِلَيْهُ
وَنيل المراتِبِ القَرِيبَةِ مِنْهُ

صيام الإثنين
#سنة_النبيﷺ
#صيام_يوم_في_سبيل_الله_يبعدك_عن_النار_سبعين_خريفا
#اتبع_سنته_تسعد_بصحبته_ﷺ

👗🎀 نادي كل الستات 🎀👗

21 January 2024 19:10

#الصيانـــة لجسم المرأة من الأربعين وما بعدها .. ..💕💕💕💕💕
-
💕 الحرص على شرب ماء زمزم بأستمرار قدر المستطاع.

💕 شرب السنا مكي كل 6 اشهر ملعقة طعام على كوب ماء مغلي.

💕 اخذ ثلث ملعقة طعام حب الرشاد ( مطحون ) على كاسة حليب كل صباح وعلى الريق لمدة 5 ايام كل 3 اشهر .

💕 اخذ منقوع اللبان الذكر ( الشحري ) بمقدار فنجان شاي على الريق لمدة 5 ايام كل شهر .

💕 اخذ ملعقة صغيرة ( تقليب الشاي ) من مسحوق القرفة وبلعها بالماء يوميآ ولتكن في منتصف النهار .

💕 مضغ عود قرنفل كل يوم .

💕 مضغ حبة هيل كل يوم .

💕 شرب مقدار فنجان قهوه من الماء مضاف عليها ملعقة صغيرة ( تقليب الشاي ) من خل التفاح .

💕 المداومة على شرب كأس ماء مغلي ( فاتر ) بعد كل وجبه .

💕 بلع عدد 7 حبات من حبة البركة ( الحبة السوداء ) يوميآ .

💕 قدر اﻹمكان اﻹصطباح بأكل عدد 7 حبات من التمر يوميآ .

💕 ضعي ملعقة طعام عسل على كوب ماء دافيء مع التحريك جيدا ويشرب مرة واحدة في اليوم.

* الفوائد :💕💕💕

* السنامكي لتنظيف القولون والجسم من السموم باستمرار والمساعدة على عدم تراكمها في الجسم .

* حب الرشاد لآلام العظام والمفاصل والغضاريف .

* اللبان الذكر لتوسيع الرئة والتنفس وتنظيف الكلى والمسالك البولية وتفتيت الحصى .

* القرفة لتنظيم السكر في الجسم .

* القرنفل والهيل غني بالكورتيزون الطبيعي المفيد للجسم .

* خل التفاح مفيد لتنظيف الدم .

* الماء الساخن يكسر الكوليسترول .

* الحبة السوداء والعسل دواء وشفاء .

* التمر غذاء متكامل ( وجبة كاملة ) يحتوي على الكثر من العناصر الغذائية المهمة للجسم ....

اسأل الله لي ولكم العفو والعافية والمعافاة الدائمة في الدنيا والاخرة .

👗🎀 نادي كل الستات 🎀👗

20 January 2024 10:11

شويه حاجات اوعي تعمليها وانتي بتطبخى

🍭اوعى تغسلي الخضرة بعد ماتقطعيها لانها هتفقد نص الفيتامينات اللي جواها اغسليها الأول وبعدين قطعيها

🍭اوعي تطبخي الخضار في شوربة أو ماية كتير خلي الكمية مناسبة لكمية الخضار عشان تحتفظي بفوائدها

🍭اوعى تغطي الحلة كلها وانتي بتطبخي لأن الخضار هيتاكسد ويغمق لونة

🍭اوعى تطبخي الخضار مع اللحمة عشان مستعجلة اسلقي اللحمة الأول وبعدين حطي الخضار عشان سوي اللحمة بيكون وقته اطول
او شوحي اللحمه الاول لحد ما تستوي وبعدين خطي الخضار

🍭اوعى تحطي الملح في الأول وانتي بتطبخي مش هيستوي الخضار بسرعة حطيه لما يقرب يستوي عشان الطبخة تخلص بسرعه

🍭اوعى تطبخي الخضار مده كبيرة عالنار خلي تسويته مظبوطه عشان تحتفظي بفوائده

🍭اوعى تقطعي الفواكه أو الخضار قطع صغيرة لأن الفوائد بتاعها هتقل قطعيها بحجم كبير هتبقى مفيدة للصحة والاسنان

🍭اوعي تحطي ملح علي السلطه قبل الأكل بفترة كبيرة لأنه هيخلي الخضار يذبل وينزل مايتة حطية قبل الأكل علطول

🍭اوعي وانتي بتطبخي البامية أو الفاصوليا الخضراء توطي النار خليها علي نار عاليه في الأول تغلي غلوتين وبعدين وطي النار عشان متسودش

🍭اوعي تنسي وانتي بتطبخي البامية تعصري نص لمونه عشان متتفتحش وتفضل ماسك نفسه

شوفي فيديو التفريزات واذكري الله
#المطبخ_لعبتي

👗🎀 نادي كل الستات 🎀👗

20 January 2024 09:37

بقولك ايه

ساعه النشاط الصباحيه بتظبط ايقاع اليوم كله صدقيني هي ساعه طب يلا معايا ونظبط التايمر مع بعض⏱
✨️الاول افتحي شبابيك بيتك او البلكونه وخلي الهواء يتجدد
✨اتفضلى اتوضى وصلى فرض ربنا لو مصلتيش الفجر صليتى كدا زى الفل يومك هيكون اجمل بربنا طبعا يا هناه إلى يقوم من نومه قاصد ربه ناسي همومه♥️
✨️علي الحمام اعزكم الله اولا ضعي دوره غسيل سريعا واضيفي بعض المطهر لل🚽 والحوض 🚰 ليسهل عليكي تنظيفهم بععد قليل
✨️ اغسلي بشرتك بمنظفك الخاص وسرحي شعرك كده يا اموره والبسي حاجه مريحه غير لبس النوم ومتنسيش تغسلي اسنانك 🌝

✨️عدي علي مطبخك طلعي من الفريزر مكونات غداكي لو من ضمنها شئ مفرز او مجمد يفك براحته

✨️مرور سريعا علي السراير كلها مره واحده 🛏 حتي لو هتنامي بعد شويه برده ظبطيه من حقك تدخلي تستريحي في مكان جميل
✨️هاتي باسكت امور كده او زي ما بنسميه تاكسي_الكراكيب واجمعي فيه من الرسبشن كل ما لا يخصه اكواب🍹 لعب🎭 تيشيرت هنا 👕 حد ساب الشوز هناك 👞😭 معلش بتحصل والله 🙈

✨️اطلعي منه ورجعي كل حاجه مكانها بسرعه افتكري التايمر ده لوحده هيخليكي تنجزي بابداع💪🏼

✨️نرجع بالباسكت تاني علي الغرف ويحصل فيها نفس الشئ لو كتاب هنا📚 او ورقه هناك📃
💄تسريحتك الجميله هاااا خلاص كله تمام 👏🏽

✨️فوطه معاكي نظيفه قصدي منفضه الغبار ومري علي الترابيزات وحواف الكراسي وكله بالريشه الاول وبعد كده بالفوطه الجميله وياريت يكون معاكي زجاجه منظف زجاج مخففه ده بجد روعه واخر انجازززز💯وهقولك بعد شويه تستخدميها في ايه

✨️لفه سريعه بالمكنسه وكده محتاجه ترجعي خطوه 👣 اسمحيلي ان انحني لك شكرااا☺️ فقد قمتي بعمل رائع يستحق التحيه والتقدير👏🏽👏🏽
☕️قهوتك في ايدك وتليفونك في الايد التانيه 📱 واعملي بقي مكالمه صله رحم علي الصبح كده تسمعيلك دعوه حلوه ويا سلام لو لمامتك او اختك او صديقه من اصدقاء الطفوله بيبقي اليوم اخر نعنشه بس متنسيش تحافظى على أسرار بيتك 🩷
#البرنامج_الصباحي

👗🎀 نادي كل الستات 🎀👗

19 January 2024 11:10

استمع بقلبك
الشيخ عبدالباسط عبدالصمد
ان الله وملائكته يصلون علي النبي

👗🎀 نادي كل الستات 🎀👗

17 January 2024 17:33

روتين الدفا والروقان ☕💜
روتينك ف الشتا يكون الصبح اول م تصحي من النوم عشان باليل نستمتع بدفا والسرير وكوباية نسكافية مع حاجة بنحبها 🍀💜
🌼اول م تصحي افتحي الشبابيك وهوي البيت .. واقفليها بعدها بربع ساعة عشان التراب ..
🌼لفة ع البيت كله تلمي فيها الكراكيب وترجعي كل حاجة مكانها .. ونشغل المكنسة ف السريع ..
ونرش معطر جو جميل ..💜
🌼لو المطبخ فيه مواعين نشطبها ونحط دورة غسيل ..

🌼ع الضهر نجهز الغدا ونخلص المطبخ ..

🌼العصر هنتغدا ونغسل المواعين ورانا واحنا بنعمل الشاي ..

🌼خلي قعدتكم في مكان واحد بحيث بقية البيت نضيف ويسهل علينا ترويق تاني يوم ..

🌼الروتين اليومي ده بسيط ولكن مهم جدا عشان الشغل ميتراكمش علينا ونتهد بعد كدا او نشتكي ان البيت علطول مكركب ..
الروتين اليومي هيخليكي دايما رايقة حتي لو في حاجات بسيطة محتاجة تتعمل لان ايدك علطول ف البيت ✅💜

🌼من قبل المغرب لحد باليل مش هيكون وراكي حاجة غير نفسك وولادك وزوجك ..❤️

ليل الشتا بيكون محتاج لمة ودفا ونقعد مع بعض ونشرب حاجات سخنة وناكل كيك 💜
مهم جداً القعدة دي بتقوي العلاقات الاسرية جدا .. مهمة عشان نتكلم مع اولادنا ونشاركهم اهتمامتهم .. مهم ناخد وقت لنفسنا بعيد عن كل المسؤوليات دي 💜

استمتعوا بالشتا

👗🎀 نادي كل الستات 🎀👗

17 January 2024 09:13

ستهز رأسك كثيرا إن تفكرت في معنى كلمة :👌

"↩️نية بلا عمل خير من عمل بلا نية"
❗
ياالله! كيف يكون اللا عمل خير من العمل؟!...

ويكأن الأعمال هباء بلا نية!!😞..

قال رسول الله صلى الله عليه وسلم: "إنما الأعمال بالنية".

😍تمرين اليوم هو ترسيخ لتمرين -الاحتساب.

كان عمر رضي الله عنه إذا أرسل من يصلح بين زوجين 🌹 فلم يوفقا.. علاهم بالدرة، وقال: لو أردتم خيرا لوفقتم ويقرأ قول الله تعالى:

(((إِن يُرِيدَا إِصْلَاحًا يُوَفِّقِ اللَّهُ بَيْنَهُمَا)))

✅فيا صديقي..
لا تعمل عملاً بغير نية!

◾️◼️لا تبخل على العمل بثواني التفكير في النية؛ فإنك ستكتشف حين ترى صحيفتك يوم القيامة بركة هذه الثواني..

🔈قالوا: رُب عمل صغير تضخمه النية، وكم من عمل عظيم صغرته النية

👗🎀 نادي كل الستات 🎀👗

17 January 2024 08:40

" مهانش عليا "
دايما بحس ان اللي بيقول الجُملة دي شايل جواه حب كبير وقلب حنين !
ماهانش عليا أشوفك متضايق وأسيبك مِن غير ما أراضيك
ماهانش عليا أعرف أنك بتحب الحاجة الفُلانية ومجبهاش ليك
ماهانش عليا أسيبك تروح المشوار ده لوحدك عشان أكون معاك وأشجعك
ماهانش عليا أكُل وانتَ مُش موجود فـَ قُلت أستناك لما تيجي ناكُل سوى !
محتاجين يكون فيه في حياتنا ناس مانهونش عليهُم شعور حلو جدا والحقيقة أن الشخص الحنين هو اللي بيكسب دايما ! ♥️
#قهوه

👗🎀 نادي كل الستات 🎀👗

14 January 2024 19:36

الطماطم رخصت يلا نعملها صلصة ونخزنها استعدادا لشهر رمضان المبارك

عشرة كيلو طماطم
كيلو بصل(من الجديد رخيص😏ويقضي الغرض)
بنجر (اختياري)
معلقتين ملح خشن
معلقتين سكر
زيت او سمنه
باسويهم مع بعض وبصفى ميتها عشان بتكون مليانة حموضة وباضربها بالهاند بلندر اضيف لها بصل مفروم بالكبه واغليها تانى على النار واول ما تتقل وميتها تنشف باسيبها تبرد تماما واغرفها فى برطمانات متعقمة او اكياس تلاجة الطريقة الى تريحك وبقلب البرطمان عشان يطلع اى هوا جواه

👗🎀 نادي كل الستات 🎀👗

12 January 2024 21:35

ونسألك أن تعيد أرواحنا سيرتها الأولى، فنستكثر من الظن الحسن، والفأل الخالص، والحدْس النقيّ. نُعافى في توقّعنا، ونصوم عن نَهَم الظهور، ونعزف عن إثبات شيء. ونصدّق قوة اللطف، ونطوي فصول الإضرار، ونتجذّر في مبدأ. وأن تطوّق فَزَعنا بأمانك المطلق، وتروي ابتهالاتنا بعظيم غوثك، وتكثّر نَزْرَنا بفيض نُعماك.
❤️
__ دانيا الغامدي

👗🎀 نادي كل الستات 🎀👗

12 December 2023 11:05

جرعه تحفزيه من تطبيقات العضوات السابقات

👗🎀 نادي كل الستات 🎀👗

23 January 2024 10:43

لا تفعل ٣ أشياء:
‏١- أن تطلب من أحد البقاء في حياتك.
‏٢- أن تستجدِ من أحد التحدث إليك.
‏٣- أن تتسول من أحد الاهتمام.

👗🎀 نادي كل الستات 🎀👗

23 January 2024 07:46

حاجات هتنجزيها ف يومك منغير م تحسي 💡💡

👈لو في كوبايات ف الحوض وانت بتغلي ميه الشاي اغسليها بسرعه

👈بعد م تخلصي مواعين اغسلي الحوض والسيراميم اللي حوايه هيفضل المكان ده دايما نضيف

👈رتبي سريرك اول م تصحي

👈شغلي الغساله اول باول الغسيل مش هيتراكم عليكي

👈طبقي الغسيل وانت بتتفرجي ع مسلسلك المفضل مش هتحسي بيه

👈رتبي درج واحد كل يوم

👈حددي كل يوم مهمه صغيره تنجزيها

👈لو نوع توابل خلص اغسلي البرطمان بتاعه قبل م تمليه

👈لو درج ف التلاجه فضي اغسليه او امسحيه قبل م تمليه تاني

👈قبل م تنشري دايما اكنسي البلكونه وامسحي الاحبال هتفضل ع طول نضيفه ومش هيتراكم فيها تراب وتنضيفها هيبقى اسهل

👈امسحي البوتجاز بعد م تخلصي طبخ ع طول اول باول مش هتتراكم عليه الدهون

❤️❤️تابعوا صفحتنا علي الفيس بوك بنفس الاسم وقناتنا علي اليوتيوب ان شاء الله دايما هتلاقوا نصايح جديده ومفيده ❤️❤️

👗🎀 نادي كل الستات 🎀👗

23 January 2024 06:05

افتحو الشبابيك ودخلو نور ربنا البيت🌵🌼

شغلو الراديو على اذاعة القرأن الكريم وقولو الاذكار 📻♥️

صلاة الضحى ركعتين مش بتاخد دقايق لكن ثوابها عظيم وصدقه عن ٣٦٠ مفصل فى جسمنا 👤

حطو غسيل فى الغساله .. لمو بساكت الاوض .. غيرو الملايات وشمسو البطاطين والكوفرتات والمخدات 🌤

كنسه سريعه ولم الكراكيب وتلميع الازاز وتنضيف الحمام .. مجهود قليل ووقت قليل = انجاز كبير

استغلو وقت الصبح الشمس والهدوء والروقان وسعة الوقت والصحه " بُورك لأُمتى فى بكورها " ♥️

#البرنامج_الصباحي

👗🎀 نادي كل الستات 🎀👗

22 January 2024 08:22

“عندما تستيقظ صباحاً وقد رُزِقتَ من الله يوماً جديداً لتحيا، لتفكر، لتستمتع، لتُحب، اجعل أول كلمة لك هي الحمدلله “

صباح الخير ♥️

👗🎀 نادي كل الستات 🎀👗

21 January 2024 19:13

يا حبيبتي يا روحي يا قلبي ياللى ولادك بيشتكو من زفاره الفراخ حتي بعد السوا 🐔🐔🐔
تعالو اتلموا هنا كلكم واسمعوا شويه النصائح دى :👇👇👇👇

🐔اولا : لازم الفراخ تتغسل بمياه ساقعه من الحنفيه او الفلتر.. الميه ولا دافيه ولا سخنه لان المياه الساقعه بتشيل الزفاره..🐦🐓💥💥💥

🐓ثانيا : في أجزاء من الفرخه لازم تتشال لانها بتبقى اصلا زفره و بتبوظ الفرخه كلها (جلد الرقبه كلو.. حرف الجناح الرفيع.. المكان اللي بنكتف منو الفرخه من عند الرجلين بتبقي دايره كدا صغننه بنقطعها بالسكينه من غير ما نفتحها للاخر عشان نعرف نكتف الفرخه) واوعي تشيلي الدهون اللي فيها من ورا دي الشوربه كلها و دهن العتاقى🐔

🐓🐓ثالثا : خلي عندك دايما برطمان في شويه دقيق علي ملح علي جنزبيل يبقى لتنضيف الفراخ.. الجنزبيل سحررري فالتخلص من الزفاره.. تدعكي بيهم الفراخ كويس كدااا و بعدين تتغسل بمياه.🐔🔥🔥🔥

🐓🐓رابعا : نص لمونه مع نص طمطمايه و تدعكي بيهم الفرخه كويس جدااااا برا وجوا و بعدين تنقعيها في شويه ميه بخل خمس دقايق بس و بعدين تطلعيها تتصفي م المياه🐔

🐓🐓خامسا : بصلايه صغننه في الكبه مع شويه ملح وفلفل اسود و تحشي بيهم الفرخه و بين الجلد واللحم 🐔

*كدا الفرخه قشطه وزي الفل ومش هتشمي. لها ا.ى ريحه 👅

*التسويه بقي ممكن طريقتين
.. معلقه زيت دره تسخن كويس و تنزلي بحبهان و جزر و طماطم و تنزلي بالفرخه تاخد صدمه من جميع النواحي و بعدين ننزل بمياه مغليه...
يا اما نحط كل المكونات اللي فاتت في ميه و نسيبها تغلي و ننزل بالفرخه

*تكه و سر مهم في التسويه 🐓🐔لو معاكي وقت بعد ما تتبلي الفرخه بالبصل والفلفل حطيها في الفريزر 3 ساعات مثلا و بعدين سويها.. لحمتها بتبقي طريه و جميله مش بتشد ،🐓
🔻ساعات بنسويها لحد ما تتهري و بردو نلاقي لحمتها بتشد! جربي بقي الطريقه دي وادعيلي ياعسل

هتشمي ريحة الشوربه هتشربيها و تسيبي الفرخه 😂و تعملي عليها احلي اكل ،🍚🍝🍜🍟
رايحه فين يالو زه تعبت منك خلاص كل يوم تنسي كدا .🍟نقول تانى يا قلبي❤❤
امانه عليكي لو البوست عجبك واستفادتي منه علقي ياحلوه ولو ب 10 ملصقات ،🐓🐓🐓
ولايك ليصلك كل جديد ومفيد
استودعكم الله الذي لا تضيع ودائعة

👗🎀 نادي كل الستات 🎀👗

20 January 2024 10:12

https://youtu.be/V-Pa4vEJz8k

👗🎀 نادي كل الستات 🎀👗

20 January 2024 10:05

نصائح مفيدة للتوفير 👌👌
١، الخضار ف الموسم بتاعه بيبقي حلو ورخيص بجيب كمية واخزنها للسنة كلها ف الفريزر انضف واوفر بكتير من الخضار المجمد
وكذلك الفاكهة بتاع العصير اي نوع فاكهة بتحبوه ف الموسم بتاعه واشيله ف الفريزر ومبشتريش ابدا اي عصائر من برة

2) لما بسلق اي طيور او لحمة بشيل الشوربة بتاعها ف الفريزر ف أكياس ع قدي لما بكون عاوزة ازود الاكل شوية لسان عصفور او ملوخية او مثلا هاعمل خضار ورز من غير لحوم جنبهم بتنفع جداا

3)البشاميل بعمل نص المقدار لبن ونصه شوربة بيطلع جميل وخفيف

4(بجيب لبن من عند اللبان ٢ كيلو ف المرة اغليهم ولما يبرد اغطيه وادخله التلاجة يوم أو أقل حاجة ١٢ ساعه واطلعه اشيل القشطة بمقصوصة واحوشها فعلية الفريزر واكمل عليها لحد ما يتجمع عندي علبتين ولا تلاتة قشطة اطلعهم يفكوا من التجميد وف حلة ع نار هادية جدا مع معلقة ملح وبقي عندي سمنة بلدي حكاية ومورتة كمان وببلاش يعتبر

5)لو اللبن قطع منك شيليه ف كيس ف الفريزر ولما تيجي تعملي معجنات اعجني بيه بيبقي تحفة

6)لما بستخدم ليمون بجمع القشر بتاعه ف كيس ف الفريزر ولما يبقي عندي شوية باخدهم اسلقهم ف حلة ع النار مع شوية مياة ولما يستوي اضربهم ف الخلاط واحطهم ف برطمان ف التلاجة وباخد منه بالملعقة واغسل منه أي طيور او بط وبيشيل اي ريحة للزفارة

7)الكبد والقوانص جمعيها لوحدها ف اكلة والاجنحة ف اكلة لوحدها
منقول
#المطبخ_لعبتي

👗🎀 نادي كل الستات 🎀👗

19 January 2024 18:06

https://youtu.be/CpBUIxyhPIk

👗🎀 نادي كل الستات 🎀👗

19 January 2024 11:10

​✏️📩🕊

‏يَا مَن تُحبُّ مُحَمَّداً وَتُريدُه ُ
لكَ شَافعاً يومَ الخلائقُ تُحشرُ
صٓلِّ عَليهِ وآلهِ فَلَرُبَّمَا
تُحظَى بِسُقيَا مِن يَديهِ وتظفرُ
وَتنالُ قُرباً منهُ عندَ لِقائهِ
وَ إلى جَمالٍ مِن حبيبكَ تنظرُ
يا قارئينَ لِمَـا تخطُ أناملي
صلوا عليه وبالسلام تعطَّرُوا
(ﷺﷺﷺ)
#الجمعه

👗🎀 نادي كل الستات 🎀👗

17 January 2024 09:18

💥لما تيجى تسوى المحشى اى نوع (فلفل رومى وباذنجان او ورق عنب او كرنب)
بتحطى الشوربه وتسيبى مقدار عقله صابع علشان ميطلعش معجن ويستوى گويس
واول ما يتشرب شوربته انقليه على العين الصغيره ووطى عليه

💥قبل ما تسوى اى حاجه فى الفرن سخنيه قبلها ب حوالي ١٠ دقايق

💥 الرز لما تيجى تعايرى مقدار الماء ب كوبايه ،، و لكل #كوبايه رز كوبايه ماء بنفس الكوبايه

💥 لما تعملى الملوخيه متغطيهاش علشان متسقطش منگ ،، بس واربى الغطا

💥 لما تعملى القرص الطريه ابقى حطى عليها رشه فانيليا ،، ولما تعجنيها سبيها 10 دقايق وبعدين شكليها ورصيها فى الصوانى وسبيها تخمر ساعتين هتبقى جميله

💥💥 لما تكونى بتعملى اى معجنات فى الفرن وحسيتى انها نشفت منك زى #البيتزا مثلا غطيها اول ما تخرج من الفرن ربع ساعه هتبقى طريه

💥 (الباميه والسبانخ والفاصوليا البيضه والبطاطس) بيحبوا التوم ،، يعنى بعد ما تطفى النار تجيبى فص توم مهروس وتحطيه عليها وتغطى

💥 لما تكونى بتسلقى( لحمه او فراخ)اول ما تدخل في الغليان هدي النار واكمري الغطاء هتبقي دايبه دوب

💥لو بتسلقى لحمه او كوارع وطولت على النار ابقى حطى عليها نص معلقه صغيره سگر وثلاث واحدات نواه بلح

💥 لو عندك قشطه فى الفريزر اللى بتشليها من على وش اللبن حطيها فى حله وعلى نار هاديه هتاخدى منها احلى سمنه بلدى

💥 علشان تدى طعم الفحم لكباب الحله او كفته مشويه فى الفرن او فراخ مشويه او حوواشى بتجيبى قطعه فحم صغيره وحطيها على النار وورقه فويل واعمليها زى الطبق وحطى فيها نص معلقه صغيره سمنه وحطيها فى وسط الحله او الصينيه وحطى عليها الفحمه وغطى كويس ربع ساعه

💥البسبوسه لما تعمليها اسقيها الشربات سخن اول ما تخرج من الفرن علشان تبقى طريه

💥 لو عايزه #سيرب خفيف يبقى لكل كوب سكر كوب ونص ماء

💥 لو عايزه #سيرب تقيل يبقى 2 كوب سكر وعليهم كوب ماء

💥العجين سبيه يخمر على الاقل ساعتين هتبقى نتيجه ممتازه وبعد ما تقطعيه سبيه يريح كمان نصف ساعة

💥 وانتى بتسلقى (الكرنب او القرنبيط ) حطى شويه كمون فى ميه السلق ونص ليمونه علشان الحله ما تسودش منگ

💥 لما تسوى محشى الكوسه باللحمه المعصجه ابقى افرشى الحله بقلب الكوسه اللى طلعتيه بعد التقوير ورصى الكوسه واقفه واسقيها يادوب تلت الحله بس واول ما تتشرب وطى النار عليها واول ما لونها يتغير اطفى عليها كده تبقى استوت
لا تنسونا من صالح دعائكم
#شغل_البيت_لعبتي

👗🎀 نادي كل الستات 🎀👗

17 January 2024 08:41

صباح الخيرات مع صوت اذاعه القران الكريم من القاهره ❤️❤️

👗🎀 نادي كل الستات 🎀👗

14 January 2024 19:38

https://youtu.be/Mi4gF1Jh3YU

👗🎀 نادي كل الستات 🎀👗

13 January 2024 06:50

⛅️🌞يا صباااااح الخير ياللى معانا 🎼
🌞⛅️الكروووان غنى وصحانا 🎼

🌞 صبااح السعاااده على متابعينا الكرام 🌅

يالا مستنيه ايه ؟؟؟؟؟🤔

اوعى تستسلمى للكسسل وهواء التكيف ولا المروحه 🙄

قوووومى ..افتحى شبابيك قلبك للسعاده 🏖😊

افتحى شبابيك بيتك ..للهواء المنعش اللذيذ🌈 ، فررحى بيتك وانعشيه 🏖

خليه ياخد نفس منعش جميل من هواء الصبحيه النقى ⛅️🌠
وابدأى عزفك الجميل لاحلى لحن 🎻🎸

اعتبرى كل حاجه بتعمليها فى البيت لحن جميل ..وابداع من ابداعتك 🌷

اتصورى فرحة 😄كل اوضه ..وفرحة كل فتفوته ف البيت بنضافتها وتنظيمها 👍🏻
يالا قومى فررررحى بيتك 😀
#البرنامج_الصباحي
🗯نادي كل الستات  علي التليجرام

@club4allLadie

💚علي الفيس بوك
🍃_🍃____🍃https://www.facebook.com/club4allLadies/

🎥وعلي قناه اليوتيوب
https://www.youtube.com/channel/UCjGKSqLsDQFXQRYwWF3RvLQ

👗🎀 نادي كل الستات 🎀👗

12 January 2024 11:00

اللهم إني أعوذ بك من زوال نعمتك، وتحوُّل عافيتك، وفُجاءة نقمتك، وجميع سخطك... اللهم أدم علينا نعمك وبارك لنا فيها وإحفظها من الزوال يارب العالمين وصلي اللهم وبارك علي سيدنا محمد

👗🎀 نادي كل الستات 🎀👗

12 December 2023 06:18

الجداول 👆الي تم شرحها في فيديو أمس