42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🤔 Камунізм – нельга, а марыхуану – трошкі можна
Такія змены ў заканадаўства Чэхіі падпісаў прэзідэнт Пэтр Павэл. Цяпер у краіне цалкам забароненая камуністычная ідэалогія, а за падтрыманне такіх арганізацыяў прадугледжанае пакаранне – да пяці гадоў пазбаўлення волі.
Акрамя гэтага, прэзідэнт прыняў закон аб частковай дэкрыміналізацыі марыхуаны. Цяпер у Чэхіі дазволена вырошчваць удома да трох кустоў і захоўваць да 100 грамаў марыхуаны. Па-за домам можна мець пры сабе да 25 грамаў.
А як вы ставіцеся да такіх законаў?
Амерыканец зрабіў мацнейшы кадр: палёўка ў кіпцюрах драпежніка
У гэты імклівы момант, маленькая ахвяра глядзіць проста ў аб’ектыў фотакамеры. У сацсетках ужо назвалі гэты позірк «апошнімі секундамі жыцця».
🎭Ці можна танчыць, калі іншыя — у турме?
Наколькі маральна святкаваць, калі сотні палітвязняў у турмах? Гэтае пытанне разарвала сацсеткі перад фестывалем «Tutaka». Хтосьці назваў імпрэзу «неэтычнай забавай», іншыя ж кажуць, што танцы і сустрэчы — гэта не здрада, а спосаб выжыць і захаваць годнасць.
«Гумар — правераная часам зброя», — піша Любоў Лунёва і згадвае, як Сяргей Ціханоўскі пасля вызвалення смажыў катлеты на фестывалі замест палітычных заяў. Гэта быў яго адказ крытыкам.
А што, калі супольнасць на чужыне — гэта ўжо не ўцёкі, а змаганне іншымі спосабамі?
🔗Чытайце далей пра боль, памяць і выбар, які стаіць перад беларусамі ў эміграцыі — у артыкуле
🇦🇺Аўстралія дапаможа Украіне танкамі Abrams
Аўстралія перадала Украіне танкі M1A1 Abrams у межах дапамогі на $160 мільёнаў — паведамляе Reuters. Большасць з 49 танкаў ужо ўкраінскі бок атрымаў, астатнія даставяць у найбліжэйшыя месяцы. Аўстралія з'яўляецца адным з найбуйнейшых донараў Украіны па-за NATO. Агульная сума дапамогі з боку Канберы перавышае $980 мільёнаў. Таксама Аўстралія забараніла экспарт алюмінію і баксітаў у Расею і ўвяла санкцыі супраць каля 1000 расейцаў. Урад называе дзеянні Расеі незаконнымі і настойвае на мірным урэгуляванні на ўмовах Кіева.
379 беспілотнікаў і ракетаў: Расея не спыняе масіраваных атакаў на Украіну
У ноч на 19 ліпеня Расея здзейсніла найбуйнейшую атаку з пачатку вайны — выпусціла 344 дроны і 35 ракетаў. Найбольш пацярпеў Паўлаград, дзе разбураныя прадпрыемствы, жылы дом і пажарная частка. У Адэсе ад удараў загінула адна асоба, яшчэ шэсць параненыя. Без электрычнасці засталіся тысячы сем’яў у Сумах, удары таксама прыйшліся па іншых абласцях Украіны.
🔗Падбрабязнасці — па спасылцы
Апублікаваны пералік беларускіх кампаніяў з 18-га пакету санкцыяў ЕЗ
Еўразвяз апублікаваў 18-ы пакет санкцыяў супраць Беларусі і Расеі. У спісе — 8 беларускіх кампаній, звязаных з вытворчасцю зброі і пастаўкамі для расейскага ВПК. Сярод іх — «Белзнешпрамсэрвiс», «Легмаш», «Рухсерваматор», «ВІСТАН» ды іншыя. Іх абвінавачваюць у вырабе снарадаў, прыцэлаў, дэталяў для танкаў і супрацоўніцтве з «Уралвагонзаводам». У дакуменце пазначана, чым менавіта займаецца кожнае прадпрыемства.
«На нас кажуць "ліцвіны"»😍
Ёсць на Падляшшы мясцовасць, дзе жывуць праўдзівыя ліцвіны! Паслухайце як яны гавораць.
Ствараем мапу беларускага Падляшша.
Глядзіце новае выданне «Падляшскіх вакацый» цалкам на YouTube-канале «Белсат LIFE»
«Для Чэхіі Скарына – каралеўскі лекар і садоўнік» 🤯
Сям’я беларусаў-дызайнераў ужо 20 гадоў жывуць у чэшскай Празе, намацалі мясцовы «Дзэн» і стараюцца не страціць сувязь з Беларуссю.
У новым выданні «Віду на жыхарства» адпраўляемся ў чароўную Чэхію
❓ Ці быў «Другі фронт» саюзнікаў «другім»?
Чаму савецкім і постсавецкім афіцыйным гісторыкам было так важна замацаваць асаблівую ролю СССР у перамозе нацысцкай Нямеччыны?
У новым выданні праграмы «Міфы вайны» раскажам тое, пра што маўчыць дзяржаўная прапаганда.
Глядзіце цалкам на YouTube-канале «Белсат HISTORY»
💥Ранішняе шоу на «Белсаце»
Як пачаць суботу з пазітывам і цікавымі адкрыццямі? Далучайцеся да нашага ранішняга шоу з вядучымі Алінай Коўшык і Анатолем Шырвелем.
Сёння пагаворым пра тое, як замежнікі вучаць беларускую, што такое лагер «Краіна для жыцця» і распавядзём гісторыю беларускага сексу. Глядзіце жывы эфір тут: youtube.com/watch?v=hCqiOUm5Xog
💥 #галоўнае за 18 ліпеня
✔️Расейскія дроны ўдарылі па вобласцях Украіны – ёсць загінулыя
✔️Віктар Орбан прыгразіў выхадам Вугоршчыны з ЕЗ
✔️TikTok разбаніў Ціханоўскую і Латушку
✔️Беларусь прымушае рабіць пашпарты дзецям, народжаным у замежжы
✔️У беларускіх лясах можна набраць вёдры грыбоў і ягад. Але зарабіць на гэтым няпроста
✔️Лукашэнка паскардзіўся сілавікам на калгаснікаў
✔️Беларусь лепш за Люксембург? Што за «Мэты ўстойлівага развіцця», якімі хваляцца ўлады
✔️Пажар мог нанесці вялікую шкоду «Кераміну»
✔️Сяргей Ціханоўскі збірае сродкі на аднаўленне
✔️ЕЗ забаніў чатыры беларускія банкі
#рэпрэсіі:
▫️Журналісту Ігару Ільяшу споўнілася 37 гадоў за кратамі
▫️У ААН нагадалі, што заклікалі беларускія ўлады расследаваць смерць Алеся Пушкіна
😎 У Беларусі пачалі страляць "чырвонакніжных" мядзведзяў
Першы буры мядзведзь быў забіты на афіцыйна дазволеным паляванні тры дні таму. Гэты від мядзьведзяў застаецца ў Чырвонай кнізе, але ад сёлета дазволеная "частковая ліквідацыя асобінаў у рамках планаў кіравання".
Такая ж супярэчлівая інфармацыя і пра папуляцыю бурых мядзьведзяў: ніякіх дакладных звестак пра іх колькасць у Беларусі няма. Паводле Белстату, у 2019 годзе налічвалася прыкладна 19 асобінаў, у 2020-м – каля 42, а ў 2021-м – ужо 580 мядзведзяў. На практыцы такое павелічэнне можна параўнаць хіба з цудам.
Ініцыятарам палявання на бурых мядзьведзяў стала "Рэспубліканскае дзяржаўна-грамадскае аб'яднанне «Беларускае таварыства паляўнічых і рыбаловаў» . Ім кіруе нядаўні міністр МУС і скандальнавядомы прыхільнік НКВД і рэпрэсій Ігар Шуневіч. Ён сам і ягоная жонка разам удзельнічаюць у акцыёнах на адстрэл "чырвонакніжніка".
Больш чытайце па спасылцы.👈
🏌️⛳️ На гэтым кантыненце ўпершыню згулялі ў гольф
Паглядзіце, як гэта было!
😳 Персік дапамог беларусцы стаць багацейшай
У чым сакрэт — глядзіце на відэа.
🔴 «Аб'ектыў» і «Студыя Белсат» – галоўныя падзеі дня!
У сённяшнім выданні:
🔸Чаго датычаць новыя санкцыйныя абмежаванні? Абмяркуем 18-ты пакет санкцыяў і з боку вайсковай эфектыўнасці з украінскага боку
🔸Афіцыйная дэлегацыя Беларусі прэзентуе ў ААН нацыянальную справаздачу аб тым, як дасягаем «Мэтаў устойлівага развіцця». Чаму паказнікі моцна завышаныя і навошта рэжыму Лукашэнкі прыхарошваць статыстыку?
🔸Бацькоў абавяжуць забяспечваць абарону дзяцей ад інфармацыі ў інтэрнэце. Як улады могуць выкарыстоўваць новы закон?
Далучайцеся да нашага эфіру ⤵️
https://www.youtube.com/live/efJxR8UU_fw
🔴 «Аб'ектыў» і «Студыя Белсат» – галоўныя падзеі дня!
У сённяшнім выданні:
🏠 Распавядзем пра адну з сакрэтных рэзідэнцый Лукашэнкі. Ён валодае ёй ужо даўно, але галоўны будынак амаль не трапляў на фота ці відэа.
🚛Цяпер падчас мабілізацыі або ваеннага становішча ўлады могуць забіраць аўтамабілі ў звычайных людзей для патрэб арміі. Расказваем, што гэта значыць для грамадзян.
🍄Сезон грыбоў — людзі ўсё часцей ідуць у лес. Але лёгка згубіцца, асабліва калі захапіцца пошукам. Даём парады: як не згубіць кірунак, што ўзяць з сабой і як падрыхтавацца да паходу.
Далучайцеся да нашага эфіру ⤵️
https://www.youtube.com/watch?v=bFqyav0VZW4
🥔 Адсутнасць бульбы — штраф да 8400 рублёў
Беларускія ўлады будуць штрафаваць за адсутнасць бульбы ў крамах. Паводле Наталлі Васілеўскай з МАРГ, праблему дэфіцыту вырашылі праз адказнасць пастаўшчыкоў і крам.
Прычынай стала тое, што бульбу выгадней было прадаваць у Расею, дзе яна каштавала на 50% даражэй. У выніку на беларускіх паліцах яе не хапала. Цяпер усе абавязаныя забяспечваць наяўнасць гэтай гародніны.
Штрафы для фізічных асоб — да 504 рублёў, для юрасобаў — да 8400. Чыноўніца падкрэсліла: калі была магчымасць паставіць, але не зрабілі — адказнасць будзе жорсткай.
🔗Падрабязнасці — па спасылцы
Лоўкостэр «Wizz Air» не пусціў на рэйс беларусаў з польскім праязным дакументам
Беларуса з жонкай і дзіцём не пусцілі на рэйс «Wizz Air» з Варшавы на Кіпр. Прычынай стаў праязны дакумент, аформлены на 11-месячнае дзіця, народжанае ў Польшчы. Прадстаўніца авіякампаніі заявіла, што з гэтым дакументам сям’ю могуць не пусціць на Кіпр, і адмовіла ім у пасадцы. Беларус падаў скаргу, але не чакае станоўчага адказу. Гэта ўжо не першы выпадак, калі «Wizz Air» адмаўляе беларусам з праязнымі дакументамі. Такія дакументы выдаюць тым, хто не можа атрымаць пашпарт сваёй краіны, і ў Польшчы іх пакуль афармляюць па спрошчанай працэдуры.
🔗Падбразнасці — па спасылцы
Ціханоўская пракаментавала заявы свайго мужа і рэакцыю на іх беларусаў
«Сяргей зараз не пазіцыянуе сябе як палітык. Ён – чалавек, які камунікуе з беларусамі, які кажа ўсё, што ён думае. Калі гэта некага крыўдзіць, я думаю, што мы можам на дадзены момант паставіцца да гэтага з разуменнем, бо шмат чаго чалавек прапусціў», – сказала Святлана інтэрв'ю радыё «Свабода».
Беларуская лідарка папрасіла не крыўдаваць на заявы мужа
«Ён пяць гадоў не меў магчымасці ні з кім пагаварыць, думкамі падзяліцца. І зараз яму гэта патрэбна, яму патрэбна абдымацца з людзьмі, яму патрэбна выказаць усё, што ён захоўваў. Таму я ад свайго імя прашу не крыўдзіцца, калі Сяргей выступае з нейкімі рэзкімі заявамі. Ён не ўсё можа адчуць. Гэта ўсё выправіцца, скарэктуецца з часам».
Ціханоўская распавяла, што трошкі папраўляе Сяргея
«Ён прыслухоўваецца, калі я раблю нейкія заўвагі, што ён ужо не ў той стэп пайшоў. У мяне іншая роля, я не магу сабе дазволіць сказаць тое, што можа ён. Можа, гэта і някепска. Я бачу, што ён прынёс нейкую новую энергію ў наш рух».
📺 Кароткі агляд навінаў!
🔻Атрад міліцыянтаў будзе дапамагаць аграрыям падчас уборачнай кампаніі
🔻 Лукашэнка загадаў сабраць мегаўраджай бульбы
🔻 Пракуратура пачала правяранне адносна жорсткага абыходжання з дзецьмі ў садку на Магілёўшчыне
🔻 Украінскі палітолаг Яўген Магда пра беларускі чыннік 18-га пакету санкцыяў ЕЗ
🔻 Паўночная Карэя закрыла для замежнікаў свой новы курорт на ўзбярэжжы Японскага мора
🔻 Зняволеным на "хіміі" надаюць экстрэмісцкі статус за палітычны пераслед у мінулым
🔻 Колькі беларускага засталося ў Беларусі?
🔻 Жыхары Менску скардзяцца на бяссонніцу праз паўлінаў, якія жывуць побач
🔻 Шок! Мужык сабраў 50 кг лісічак
Глядзіце ў кароткім выданні навін на Белсаце 💻
🎓Куды імкнуцца паступіць беларускія абітурыенты ў 2025 годзе?
Сёлета беларусы асабліва імкнуцца ў дызайн, ІТ і медыцыну — канкурэнцыя там была вельмі высокая. У некаторыя спецыяльнасці прахадны бал набліжаўся да максімальнага — 390 з 400. Адначасова былі і нечаканыя недаборы, напрыклад, на «Міжнародную канфлікталогію» ці «Фізіку». Рэгіянальныя ўніверсітэты таксама не засталіся без увагі — туды падалі дакументы значна больш людзей, чым было бюджэтных месцаў.
📅 Як сёлета ідзе ўступная кампанія ў Беларусі — чытайце ў артыкуле
💥Лізінгавыя аўта — на вайну!
Цяпер дзяржава зможа забіраць лізінгавыя аўтамабілі ў прыватных асобаў падчас мабілізацыі або ў ваенны час. Гэта прадугледжвае новы ўказ Лукашэнкі, падпісаны 18 ліпеня. Раней такая мера датычылася толькі дзяржаўнага транспарту.
Здароўе хворага на рак Рыгора Кастусёва паляпшаецца💪🏼
Рыгор Кастусёў, былы старшыня БНФ, змагаецца з ракам. Пасля вызвалення з турмы летась яму зрабілі дзве аперацыі, і цяпер ён адчувае сябе значна лепш. Апошнія месяцы палітык знаходзіцца пад наглядам дактароў, якія, паводле яго сяброў, робяць усё магчымае. Нядаўна ён праходзіў абследаванне і рыхтуецца да наступнага. Кастусёва арыштавалі ў 2021 годзе, а вызвалілі 3 ліпеня 2024 года праз «памілаванне».
🔗Падрабязнасці — па спасылцы
Сяргей Ціханоўскі сабраў € 8000 усяго за 8 гадзінаў
Грошы пойдуць на аднаўлення ягонага здароўя. Вядома, што € 2500 выдаткуецца на поўнае медычнае абследаванне, € 4500 – на пратэзаванне зубоў, а € 1000 – на развязанне праблемаў са зрокам.
Збор працягваецца, на момант публікацыі Ціханоўскаму заданацілі € 8680.
Раней былы палітвязень папрасіў падтрымаць яго дзеля «магутнага ўдару па рэжыму». Тады, за тры дні, Ціханоўскаму перавялі толькі € 1000.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺 ЕЗ прыняў 18-ы пакет санкцыяў супраць Расеі
Пакет ужо называюць «адным з самых жорсткіх», які таксама ўплывае на банкаўскую сістэму Беларусі. Якія банкі трапілі пад абмежаванні і што гэта будзе азначаць – чытайце па спасылцы (праз VPN).
🔺 «Белавія» запускае рэйсы на Хайнань (Кітай)
Разабраліся, колькі каштуюць квіткі і туры ў гэтае экзатычнае месца. Падрабязней чытайце на нашым сайце (праз VPN).
🔺 Беларусь займае 32-е месца ў сусветным рэйтынгу «за ўсё добрае»
Чаму ў рэйтынгу ААН Беларусь апярэджвае Люксембург і што гэта за сусветныя «мэты ўстойлівага развіцця», якімі хваляцца ўлады? Распавядзем на нашым сайце (праз VPN).
#штопачытаць
☝️ Кіраўніца Белсату Аліна Коўшык у «тэрарыстычным» спісе КДБ
Яшчэ раней Аліну Коўшык разам з тысячай беларусаў дадалі і ў базу вышуку Міністэрства ўнутраных справаў Расейскай Федэрацыі. «Экстрэмізм» і «тэрарызм» не адное і тое ж. «Экстрэмізм» у беларускія законы ўвялі ў 2016 годзе на ўзор Расеі.
Дакладнага тлумачэння тэрміну няма, таму пад апісанне можа трапіць што заўгодна: «перашкода дзейнасці дзяржорганаў», «знявага службовай асобы», «тэрарыстычная дзейнасць» і шмат іншага. Больш чытайце на інтэрнэт-старонцы. 👈
😎 Вылузацца са скуры, каб абысці санкцыі
Лукашэнка ліхаманкава спрабуе абыйсці санкцыі і намагаецца спалучыць неспалучальнае.
Днямі правёў таемныя перамовы з кіраўнікамі Інданезіі і Санкт-Пецярбургу. Здавалася б, нічога агульнага, а ў сапраўднасці дыктатар дамаўляецца на гандаль з Інданезіяй праз Санкт-Пецярбург, каб пракласці шлях у абыход санкцыяў.
А яшчэ чарговы раз змяняе імідж: з "добрага дзеда" на "прывід Сталіна".
Гэтую і іншыя тэмы ў новай праграме «ПраСвет» сёння абмяркоўваюць вядоўца Сяргей Пеляса і аналітык Зміцер Міцкевіч. Глядзіце праграму па спасылцы. 👈
😢Упаў з трэцяга паверха: беларус у Польшчы змагаецца за жыццё
У Варшаве на будоўлі цяжка траўмаваўся 34-гадовы беларус Канстанцін Каліноўскі — ён упаў з вышыні і трапіў у больніцу з пераломамі. Канстанцін — былы вайсковец у ВСУ, які шукаў бяспекі ў Польшчы. Цяпер ён не можа працаваць, і сябры арганізавалі збор грошай на лячэнне.
🔗Заданаціць можна тут
✔️TikTok разбаніў Ціханоўскую і Латушку
17 ліпеня TikTok разблакаваў акаўнты Святланы Ціханоўскай і Паўла Латушкі для карыстальнікаў у Беларусі. Гэта атрымалася дзякуючы перамовам офіса Ціханоўскай з прадстаўнікамі платформы праз дыпламатычныя кантакты — паведаміла «Люстэрка»
У TikTok паставіліся да просьбы з разуменнем і пагадзіліся на далейшае супрацоўніцтва. Таксама абмеркавалі варыянты прадухілення падобных сітуацый у будучыні і падтрымку беларускай мовы.
Нагадаем, 11 чэрвеня TikTok заблакаваў акаўнты Ціханоўскай і Латушкі для карыстальнікаў у Беларусі — гэта быў першы такі выпадак у краіне.
🇪🇺ЕЗ забаніў чатыры беларускія банкі
Еўразвяз 18 ліпеня зацвердзіў новы, самы жорсткі пакет санкцый супраць Расеі і Беларусі. У спіс трапілі 14 чалавек і 41 кампанія, а таксама беларускія банкі, з якімі цяпер цалкам забароненыя фінансавыя аперацыі:
- «Беларусбанк»
- «Белаграпрамбанк»
- «Белінвестбанк»
- «Банк Дабрабыт»