-
بلوچے آں instagram / http://instagram.com/balochiann Ad/ @Ava_baloch1
/یک دُعاے کہ من ھرروچ پہ تو لوٹان ئِے/
روچ امروز ءِ پہ تو ساھگ ءُ ساچاں باتاں
درد بے مٹ بِہ باتاں بلے درماں باتاں
ھر کجام نیما تئی گام رھادگ بنت اِیں
وت ھما شہر ءُ دمگ پہ ترا آهاں باتاں
مئے وڈیں مردم ءُ باریگانی ارزش چی اَنت
مئے وڈیں مردم ءُ باریگ کلاگاں باتاں
سُوب ھر دروشم ءَ تئی بات ، تُوْری گون مہ بئے
دژمن ءُ دوست تئی ھَرّو سَتاھاں باتاں
بِلّے ما ھردو زوال ایں بَلے انگہ دیدگ
تو اوں شادان بہ بات ئے، من اوں کنداں باتاں
#شهمیر
@Balochiann
وھد ءَ مُـنیر دمکے چُنیں آرت ءُ سـر کتگ
نندگ نہ بیت ودار ءَ شُہاز ءَ تچگ نہ بیت
#منیر
@Balochiann
وتی مں ایوڪیءِ پُرساں داں کدی نِنداں
بیا تو گوں منا دستے بدار تهنایاں
#منیر
@Balochiann
سد برا سازگ ءَ پدا پرشگ ءَ
من و دمبرتگاں نو رد کپگ ءَ
#منیر
@Balochiann
گوں ھدا ءَ ھمے واھگ اِنت بس منی
درد ءُ گـم پہ من ءَ شات ءُ گل پہ ترا
#مبارک
@Balochiann
بچکندگ ءِ سبزیں کپوتاں بال دئے
بِلّے پدا جَمّر شَل اَنت
بِلّے ھَتم کیت گوں وتی بوہ ءُ بُساں
زند ءِ ابدمانی دگہ چی یے اِد ءَ؟
وھد ءِ مَلار سھب ءِ سمین ءِ بانزلاں بندگ نہ بیت
بچکندگ ءِ سبزیں کپوتاں بال دئے
انچیں بَراں
مردم وتی چماں بچاریت پیر بیت
تو دیستگ اَنت؟
من یات فریماں کِشتگ اَنت
وابانی دنیایے منی، یاتانی دنیایے تئی
گیر اَنت من ءَ تئی بوسگ ءِ سُھریں گلاب
شیری انار
ھجگیں بدن چو سازے ءَ گوات ءَ جتگ
شاہ بانکیں ملگور تئی
آمُرزی ئیں دستاں منی شنگینتگ اَنت
انگت تئی درجیں دپ ءِ ھِیرانی بوہ
گلدانے ءَ ایر اَنت منی لوگ ءِ تہ ءَ
روچے دوبر بیائے وت ءَ گِندئے، پدا سبزئے، رُدئے
بس یکبرے
بچکندگ ءِ سبزیں کپوتاں بال دئے
من تئی ودار ءِ ساھگ ءَ، آسے بلینتگ نشتگاں
#چندن_ساچ
@Balochiann
سِلگتیں دود آنی مانِش
سِبیل ایں رسم ءُ دود پیری ءَ کجا مِر اَنت
اے رَسم سِلگتیں اے دود مانِش ایں
ھمِنچو کوھن بنت تھا سَڈ اَنت
تئی گیرت ءِ گَھتگیں کِرم کپتگیں جون ءِ بو
پونزاں رھن کنت
چماں کور کنت چہ گِندگ ءِ بشارتاں
گوش کَرّ بنت زمین جُمبیں آہ آزمان ءَ تَل بکنت
اَرش پچ بہ بیت
زمین زمان چو کوھنیں گَردو ءَ دِر اَنت
سِبیل ایں رسم ءُ دود پیری ءَ کجا مِر اَنت
بگندے یات بیت ترا
ماں مُچّی ءِ میان ءَ شھدگ ءِ سرا
جھان دیدیں کیمرا آں اے ندارگ گپتگ اَنت جھان ءَ پیش داشتگ اَنت
سمّی ءِ گشان واکداراں ژَپ اِتگ
سر دَرا کتگ
بلے پہ تو
اے گیرت ءِ ھبر نہ اِنت اے سْیاسی جیڈھے
ذی ماہ جبین لوگ ءَ چِست کُتے
ھُدا بزانت چونیں کوٹیانی توکا چون بزگی ءَ ٹَنگِتگ
کجام نبوتگیں ھُنر نہ نبؤگیں گوں گودی ءَ
بلے کجا
تئی گوشاں مورے ہم نہ وارت
ھجالتیں دپ ءَ گُشے زمین ءِ جنگ ءَ چوش بیت
اشاں پہ گلزمین ءَ گپ جتگ
اے گپ گیرت ءَ پہ جیڈھے نہ اِنت
کسے پہ گلزمین ءَ گپ جنت واکدار اَلم آئی ءَ گِر اَنت
سِبیل ایں رسم ءُ دود پیری ءَ کجا مِر اَنت
تئی گیرت ءِ تلب ھمے
بِرسٹے تیر بہ جَن مُھبت ءَ
دستاں ھوناں شود
چہ کیسگ ءَ بہ کَش پہ شان پہ مڈاہ سگریٹے دپ ءَ کن بُن بدے
دُوتاں شاتکام بکن
مبادا! دپ تُشکے ھون ءِ تام بکن
ھما تلب پہ ھون تُنّی اِنت
آ رسترے پہ ھون زندگ اِنت
آ کاپِرے ھُدا ءِ راہ ءَ مُنکر اِنت آ چون زندگ اِنت
داں زندگ اِنت ھجالتیں سرے ماں گوپگان ءَ گوں زندگ اِنت
ھما پہ مھر مُرتگاں آ مُچّے آپ نیاں زِر اَنت
سِبیل ایں رَسم ءُ دود پیری ءَ کجا مِر اَنت
جھان ءِ آشنائی ءِ پری ھمِنچو نوک بیت
تئی گیرت ءِ ھَبیسیں رنگ ھمِنچو کوھن بیت
مُجے کپیت
چِنت ھڈکہے
اے اَژدھا پِلکیت بارین چُنت مُھبت زادگیں جنک
تئی گیرت ءِ ھَڈیل ایر بارت بارین چُنت بچک
اے گیرت ءِ کساب ءِ ھون شودین کارچ ھساب ءِ دپتر ءَ ھمے وڑا روان کنت
سراں ڈلان کنت
اے گَرّ ءِ کانٹ سر ءَ نیاں دپ ءِ تھا پِر اَنت
سِبیل ایں رسم ءُ دود پیری ءَ کجا مِر اَنت
شاری بلوچ
@Balochiann
*ساہ گریں رسم پہ ارزانی ءَ نہ بنت مُردگ*
*ما گُنگ دام ءِ وڑ ءَ مھر چو دلوتی بہ کُتیں*
شریف واھگ
@Balochiann
هونانی وشبوهاں بکن آتار زمین
اسلم رنگیں دوسے آنگت بیار زمین
تو گوں وتی بانوری جلکّش آں زیبائے
چنچو شهیدءَ کُرتگ ترا سِنگار زمین
آ روچ ءَ مئے اَرواه الم زیمر جَنت
آ روچ ءَ کہ بیت تی دیدار زمین
تی ورناهاں پرتو ساه ءُ سر داتگ
تی کاڑاناں پرتو کُتگ بمبار زمین
اِزّت رنگیں مردم باریں چے جیڈ اَنت
چے بیت باریں باندءَ مئے بِستار زمین
#اِزّت_ابدال
@Balochiann
چے وفا ءِ تاس ءِ بِستار چے منی عمر ءِ بسات
نیاد اے امروز ءَ بستگ تہنا تئی زیبائی ءَ
#میر
@Balochiann
من په آهاں کسے بوتگاں
که منی واهگ ات.
من برای آنها کسی بودم،
که برای خود آرزو داشتم.
#لاأدری
@Balochiann
داں زند ءَ موکلے بہ بیت ءُ ساہ بہ سُریت، جان ءِ رگ رگ ءَ تئی مہر ساز جنت۔۔۔۔
Читать полностью…
ھر کد کہ دل ءَ کَشِّ اِت گالے ترا پِربَنداں
چمانی شَلیں ارساں دروہ اِت منی عقل ءَ را
#عطا
@Balochiann
من چو بدرنگیں چمے ءِ ارس ءَ
تو چو رژنائیں وابـے زیبائے
#امیر
@Balochiann
تو کلیم ءِ مہر ءِ پاسپان ئے شلی
درد اوں بِلِّی تی گنوکءَچاک کنتیں
#کلیم
@Balochiann
در روز جهانی ماه
این پست رو بفرستید برای ماه زندگیتون✨🌙
وتا تو دور مَہ داشتیں چَہ شادهاں زِردے
تئی ما مهر ءِ پڑ ءَ یادگار بوتگت اِیں
#باسد
@Balochiann
انچیں گنوکی ءِ امبازگ ءَ اِنت ھیال ءِ اندر ءَ کہ ترا ابید کس چَہ من رکّینت ئے نہ کنت۔۔۔۔۔
Читать полностью…
بباته لئیب پیسرا ءُ لئیب جاهءَ اتکگاں
مں بے تماه ءَ زندگی ءِ جلوهگاه ءَ اتکگاں
اِے کئی زهیراں فیزکءِ نوار باریں پِر کُته
دُرهیں کپوت جنگلءِ مئے پیژگاهءَ اتکگاں
همیشاں مارا ماں اڑینت زیءُپُشت مان دات
نوں ایمنیءِ نام ءَ مࢨگ ءُ تئی سَلاهءَ اتکگاں
پدا منارا دمکے ءَ دُچار کپته زندگی
پد ا ما هر دو هوری ءَ خُمارجاه ءَ اتکگاں
سباهی بُرز ءِ مُهرگانی مُلک روچءَ گِپتگ اَت
پناه گیراں بیگه ءَ شپ ءِ پناه ءَ اتکگاں
کُج اِنت هما چراگ که پُرانی کیمتءَ بزانت
چو بالو ءِ مُهبت ءَ مں تنگ ساه ءَ اتکگاں
آ واجکار واجهی ءِ واب ءَ انچو واب که
سر اِش گِسءَ شمشتگاںءُ گوں کُلاهءَ اتکگاں
نجلّاں گوں ما ُتنی ئیں ندارگانی سَگّگ ءَ
اِے مُرگ انچو رهگوزی بهارگاه ءَ اتکگاں
تو آستونک ءِ مار ءِ کِسّه ءَ بگندے سرپدئے
هیال کن اِے دُژمناں چو دوزواه ءَ اتکگاں
په شائری ءِ شه پری ءِ پول ءَ داد اِے بَری
مں کازی ءُ منیر ءِ درمیان ءِ راهءَ اتکگاں
#الی_جان_داد
@Balochiann