Anon

15 July 2025 22:14

‏لو حد حب يقرب منك، وانت قابل ده .. ياريت متصعبهاش عليه،
وده لمصلحتك انت ، لانه لو وصل مستنزف مش هيلاقي حاجة يقدمهالك، لان طاقته خلصت في رحلة الوصول، وبعدها هتقول اتمسكن لحد ما اتمكن وانت مش مدرك ان انت السبب وطاقته المهدرة دي كانت كلها ليك .

Anon

03 July 2025 21:55

مهما فضلنا نفتّش ونجرب هيفضل أعظم وأجمل أحساس فى العالم كله هو أن يكون الإنسان مطّمن، مطمّن مش أكتر، ميهاجموش فأى لحظه شعور الخوف، ومايفضلش عايش فى شكوك وقلق، ومايخوضش معارك مع عقلة كل ليلة، مطمّن وبس، فاللهم أرزقنا طمأنينة القلب وسكينة النفس .

Anon

26 June 2025 11:32

هيجي يوم و هيتبخر اللي كان بينك و بين شخص عزيز عليك ، و بإيديك هتمسح كل حاجة تخصه و هتقدر تنساه في غمضه عين و كل دة لإنك كنت معاه رغم إنه مش عاوزك و دايمًا مش مهتم بيك و افعاله قادرة إنها تهدم كل حاجة زي ما اتبنت  .

Anon

20 June 2025 02:57

‏مش كل حاجه ليها بديل في أماكن بتفضل فاضية مفيش حد يقدر يملاها مهما حاولت، في عشرة متتنسيش بكل تفاصيلها، في مواقف بتفضل محفورة جواك بنفس احساسها، في خذلان مبيتغفرش، ف لحظات حزينة جدا بتشكلك وتزود نضوجك بتخليك أصعب، أبرد وأعنف، لحظات كنت فيها لوحدك وقت ما احتاجت وملاقتش حد جنبك .

Anon

17 June 2025 18:34

/channel/+Nl0JSkYMzKg4ZjFk

Anon

14 June 2025 23:05

بقيت حاسّة إني مش مُريحه لأي حد ومش اي حد ممكن يفهم اللخبطه اللي ف دماغى ، اوقات ببقى محتاجه حد يسمعني وخلاص ، بقيت بحب الوحدة جدًا بس بخاف احس انى لوحدي ، والحقيقه ان مفيش حد عُمره فهمني غير شخص واحد على رأي رامي صبري كان اكتر حد فاهمني، كان دايمًا بيطمني. دلوقتي مبقاش موجود .

Anon

12 June 2025 17:07

مش مُهم تبقى مُبهر خالص على قد ما مُهم إنّك تكون حقيقي ، مَفيش أحسن من إنّك تعيش بطبيعتك ، تتكلم بطبيعتك ، تضحك بطبيعتك، تزعل بطبيعتك، مَفيش أي داعي إنّك تخفي هويّتك وتتصنّع هوية تانية عشان تعجب حد ، إنتَ مش موّجود في الدُنيا عشان تعجب ناس مُعينة ، اللي حابب يتقبّلك زي ما انتَ يا أهلًا وسهلًا واللي مش حابب يروح يفصلّه شخص على مزاجه.

Anon

09 June 2025 14:13

في سؤال لحد دلوقتي مش لاقيه ليه إجابة، ازاي أصحى يوم أحس إن شيء إنتهى ومش شاغلني، واليوم اللي بعده أصحى مفتقداه وحاسّه إني وقفت عند نقطة معينة من الزمن ومش قادرة أكمل، ازاي ساعة أكون فيها حد كبير وقادر يتأقلم مع حزنه، وساعة طفله صغيره مستنيه حد يخرجها من دا کله، بين كل ثانية والتانية ألف شعور كلهم عكس بعض تماماً ومش عارفه مين فيهم الصح اللي المفروض يدوم، قرار بترك كل شيء يمشي زي ما يمشي، وقرار بالمحاولة والتشبث لآخر دقيقة، صراع داير بين كل شيء وضده، هنا في عقلي.

Anon

08 June 2025 17:49

Follow the | فِي رِحـاب الذِّكـر ♡. channel on WhatsApp: https://whatsapp.com/channel/0029Vb8L7wYEgGfNfk3efr0O
- لو رأى أحدكم طرف الجنة ، لتصلب ضهره من كثر الصلاة 💕.
- قناه مفيده بِـ محتوى ديني لِـ " أترُك أثرًا "💕.
- ما أبْتَغي سِوىٰ الأثر الطيِّب وحُسن الخِتام 💕.

Anon

05 June 2025 19:37

أعتقد أن الواحد كبر بما فيه الكفاية على إنه يعتمد علي وجود الناس عشان يبقى كويس، عايز تبقى كويس سافر، اسمع أم كلثوم، اشرب قهوة، اقرأ كتاب، اتفرج على فيلم، اسمع قرآن، قرب من ربنا، مش دايمًا الناس هما الحل .

: مـريم | عشمـاوي .

Anon

01 June 2025 23:26

/channel/+yZd1d70NmAw5MjBk

Anon

31 May 2025 13:34

تَخيل بَعد كُل المُعافرة دي وِ العلاقَات الفاشلة ، تِقابل حد ويكون زي مَا ام كلثوم قالِت : صَالِحت بيك أيامي ، سَامِحت بيك الزَمن ، ويكون لِسه عَندك طاقة انك تديلُه حُب تَاني وتِعمل مَعاه اللي مَتعملش مَع حد وتقوله " الليالي الحِلوه والشوق والمَحبة ، مِن زَمان والقلب شايلهُم عَشانك ♡

Anon

26 May 2025 22:25

‏في الأول هتبقى فاكر إن الحياة هَتُقف بعد الخُسارة اللي هتعيشها أو بعد ما تفارق شخصِِ ما، وهتفضل مُقتنع بالنظرية دي لغاية ما تلاقي يوم بيجيب التاني وشهر بيجُر التاني والحياة بتمشي وإنتَ مُجبر تمشي معاها، ومع أول عوض من ربنا ليك هتتجاوز أزمتك النفسية وهتفهم ساعتها إن عُمرها ما بتُقف على حد.

سحلة الحياة قادرة تنسيك اللي ما بيتنسيش .

Anon

19 May 2025 15:48

‏لهفة البدايات مش حُب صادق دايمًا، يعني مينفعش تتأكد من حُب شخص غير لما يشوف عيوبك، حُزنك، تتخانقوا وتتصالحوا ألف مرة وتشوف هيفضل يحبك ولا لأ، ووقتها يا هيحبك كُلك على بعضك يا هيسيبك كُلك، الحُب بيبدأ لما فترة الحماس بتاعت البدايات دي تنتهي.

Anon

10 May 2025 00:59

في لحظه بتيجي قبل النوم فيها هدوء بشع بيسمعك كل دوشه دماغك اللي بتحاول تهرب منها طول اليوم وصوت ضربات قلبك السريعه واحساس الخوف الغير مبرر من كل حاجه حصلت و محصلتش و تساؤلات ملهاش اجابه وتفضل انت ودماغك متنحين للسقف لحد ما تنام بس وانت صاحي

Anon

10 July 2025 01:59

الحاجه الوحيده اللي محدش هيختلف عليها في العلاقات احساس "الأمان" إنك تحس إن مكانك محدش يقدر ياخده غيرك مهما بذل مجهود ، وإن مفيش زيك ولا هيكون مهما ظهر حد تاني أحسن منك هيتقابل بالرفض ، وإن غيابك كفيل مايخليش اليوم يعدي ، وأنك مهما تعبت او انطفيت لسه متشاف احسن حد ..

Anon

30 June 2025 02:20

فيه حاجة بتروح مع كسر حاجز الأمان بين أي اتنين قريبين، أيًا كانت طبيعة العلاقة.. فيه إحساس بالطمأنينة لو راح مبيرجعش مهما حاولت، مهما زقيت تحس إنك بتزق في حيطة راسية على عواميد من الخوف.. إحساس إنك عادي تتساب، عادي يتم استبدالك بشخص تاني، عادي تزعل وتتكسر وتتساب لأفكارك ووساوسك أيام لوحدك عادي، إحساس أساسه إنك بتهون عادي، زعلك بيهون والدنيا مبتقفش ولا اللي معاك وقف عشان يلتفتلك ويطمن عليك.. فيه إحساس بالارتكان والثقة لو راح مبيرجعش.

Anon

23 June 2025 19:10

في حاجات لما بتتغير مبترجعش ، زي ان مشاعرك تتغير اتجاه حد كانت روحك فيه وكسر قلبك ، او زي صاحب عمرك اللي كان زي اخوك واكتر وفجأة بقا عدوك ، ولا شكلك اللي اتغير بسبب حالتك النفسية اللي بقالها فترة كبيرة مش مظبوطة ، في حاجات كتير للاسف لما بتتغير بيبقى استحالة ترجع تاني زي الاول .

Anon

18 June 2025 00:23

أهم الـ Goals بالنسبة لي، إن اللي قدامي يشاركني ويحشرني فتفاصيل يومه، يبعت لي مزيكا عجبته، ميمز تافهة، فيلم، كتاب، نتكلم فأى هبل، نفكر مع بعض فالقرارات، نقول حاجات لبعض ومحدش يعرفها غيرنا، والمهم أنه يتعامل معايا بطبيعته اللي بيحاول دايمًا يبذل مجهود عشان الكلام بينا ميخلصش .

Anon

16 June 2025 14:26

حاجه لطيفة اوي لما تلاقي شخص مكمل معاك رغم مشاكلك او ضغوطاتك اللي كُل يوم بتزيد مبتقلش ، بتلاقيه واقف جنبك يحسسك بأمان وبِـ إن الحاجه او المشكلة اللي انت فيها مهما طولت هتقدروا تعدوها وتحلوها سوا ، هو مش بيشوف عيوبك مميزات ، هو بيحاول بكل الطرق يخلي عيوبك بالنسبه للكل مميزات .

Anon

14 June 2025 22:58

وكأني مشيت الطريق كله و حد غيري وصل في الأخر، عارف أنت لما تشتغل وتتعب وتشقي عشان تصرف علي ابنك، وتسهر بالليالي والأيام في الشغل وتاعب قلبك وضهرك وجسمك كله، وتقعد تفكر في مستقبله وهتصرف علية ازاي، وبعد كل دة حد يجي يخطفه منك؟ ، اهو ده بالظبط الي انا بحسه، انا عافرت وحاولت ف طريق مسدود مكانش ليا، كان لحد تاني وانا اللي حاولت .

: مـريم | عشمـاوي .

Anon

12 June 2025 00:48

خد بالك ان الحواجز بتتبني بالتدريج ومن غير حتى ما تحس بيها لحد متلاقي نفسك فجأة مش عارف تتعامل مع الشخص اللي قدامك ازاي مش عارف تكلمه مش عارف تحكيله بتفكر ف كل كلمة قبل متقولها ودي اسوء حاجة ممكن اي حد يمر بيها

Anon

08 June 2025 17:50

اعملوا فولو للتشانل دي وشيروها ولكم الأجر مقدمًا 🫶🏼💕

Anon

08 June 2025 17:44

كنت بتكلم مع حد وقالي حاجه حلوه ، قالي إن الحُب كده كده هيتوجد وسهل توصله ، إنما هل الشخص ده هيكون مناسب وهيعرف يهندل دماغك ؟ و هل هي دي العلاقه الصحيه اللي هتقدر تحركك وتشدك لقدام ولا هتأخرك وتهد حياتك ؟ و الحقيقه ان التفاهم ونضج الطرفين هما السبب القائم على أي علاقه في الدنيا ، من غير التفاهم ، المشاعر مُستحيل تبقى كفايه .

Anon

05 June 2025 10:45

أكبر غلط مُمكن يعمله الانسان إنه يعشم حد بالحُب، انك تعشم حد ب مشاعر أنت مش حاسسها من ناحيته، تخليه يبني حياة هي أصلاً مُزيفة، مواجهة الأشخاص بمشاعرك الحقيقية ده واجب عليك أنت مش بتقدم حاجة ذيادة، حتى لو المواجهة دي هتسبب ألم وجرح، بس الجرح اللي بيتلحق في الأول بيكون ليه دواء، والأيام بتنسي وجعه .

Anon

01 June 2025 00:49

الإنسان بقى محتاج معجزة عشان يرجع لجزء من مستواه في اي حاجة كان بيعملها، أو شوية من شغفه ناحية اي حاجة كان بيحبها
الجسد طلع لا يُرحم فعلاً، والمقارنة بشخصي القديم بقت غير عادلة بالمرة .

Anon

30 May 2025 23:46

مساء الخير  .

للأسف هيجي يوم و هيتبخر اللي كان مبينك و بين شخص عزيز عليك ، و بإيديك هتمسح كل حاجة تخصه و هتقدر تنساه في غمضه عين وكل دة لإنك كنت معاه رغم إنه مش عاوزك و دايمًا مش مهتم بيك و أفعاله قادرة إنها تهدم كل حاجة زي ما اتبنت  .

Anon

23 May 2025 03:09

عاتب اللي يقدر "عتابك"

وفعلاً مش أي حد يستاهل إنك تعاتبه، اللي يستاهل عتابك هو الشخص اللي بيقدر كلامك، اللي بيقدر إنك باقي عليه ومش عايز تخسره، اللي بيقدر خوفك عليه، أما اللي ضمن وجودك وبيعاملك على مزاجة طول الوقت ف دن ميستهلش إنك تعاتبه ولا تهلك نفسك معاه ثانية واحدة.

Anon

14 May 2025 20:10

‏الإنسان مش محتاج من اللى قدامه إنه يعمل مُعجزات علشانه ولا محتاج إنه يكون خالى من العيوب، والواحد مش محتاج غير حد يكونله ونس ويكون حنين عليه فعلاً، حد يحطك ف كفه والدنيا ف كفه ويخاف عليك كإنك حته منه، يزعل على زعلك ومايستهونش بيه حد لما تحتاجه تلاقيه موجود علشانك حد لو الدنيا كلها بتولع حواليك يهونها هو عليك، الإنسان مش محتاج مُعجزه قد ما بس محتاج اللى يغنيه عن الدنيا وما فيها بوجوده وحنيته.

Anon

05 May 2025 04:49

‏من كتر رغبتي في إني أكون إنسان مستقل تماما بذاتي ، بقي صعب عليا مشاركة لحظاتي مع أي حد ، بحس إني لازم أتعامل مع مشاكلي ولحظات ضعفي لوحدي ، و الحقيقة دي حاجة مش لطيفه و قاسيه..لكن أعتقد اني مهما شخصيتي نضجت هفضل أميل إني أقسي علي نفسي بدل ما اكون مصدر طاقه سلبيه لشخص آخر