7848
سيبقي اسم الحسين يسري في دمائنا
قصيدة لسان حال مولاتنا زينب ع
شيفيدني وشيسوي العتاب
راحو سويه مني الاحباب
خلوني احير بحالي
وهذا الذي يجرالي
هوه اليظل من دون اهل شتفيده بالله دموعه
يكضي زمانه بحسرته وكلساعه يحضه بلوعه
تخلص حياته بدمعته تظل ونته مسموعه
لاحد ينشده عله. جره ولحد يسكن روعه
محد يشوفه شحاله
بس الدمع يحلاله
دموع وحزن وفراك ومصاب
شيفيدني. وشيسوي. العتاب
سالفتي ابد ماتنحجي ولا اكدر انه احجيها
ماحسبت تالي العمر. ياروحي وبتاليها
تصبح غريبه من الوطن وغربه الذي تبارها
حتئ بدفنها وماكو اهل تحضر تنوح عليها
ظليت اشكي همومي
وبدموعي اخلص يومي
اعليه الزمان امكشر النياب
شيفيدني وشيسوي العتاب
غربه اليباروني اسف عكب الاهل وخواني
وبالشام اونن وحدي وسهمي الدمع وحزاني
زينب انه تالي. العمر. نوح وألم عنواني
حسبالي اموت ابكربله وين الدهر وداني
بلغربه تخلص دنياي
محد ينگطلي الماي
وتهيد روحي ابذاك التراب
شيفيدني وشيسوي العتاب
حسبالي احبابي تجي. وبموتتي يحضروني
والكافل بصفي يون وبيده يغمض عيوني
ونهاب مابين الخلگ وخواني اليشيعوني
وبدموع واهات وألم. انظرهم يودعوني
وتنشف هذيج جروحي
وتصفه وتهود روحي
ويبرد جمر كلبي يلهاب
شيفيدني وشيسوي العتاب
شيهوده جمر الكلب. وبعيد أهل الغيره
هذا حلم يلفون الي والفركة حيل اجبيره
ولا حيل ظل عندي وصبر ضاع العمر تدبيره
الخاطر رقيه اتحملت ايدفنوني ابهل ديره
بعد اليسر. والالام
راح اندفن بأرض الشام
الهاضمني تحمل جثتي اغراب
شيفيدني وشيسوي. العتاب
ابو سلام الجابري
/channel/Amabeha5533
بين الهادي وجده الحسين (عليهم السلام)
مـا سلّبو عباتي ولا قيّدو بناتي
والمحبس النزعته من اصبعي برضاتي
بالاخيول 00 انه ما إجوني
عله احسين 00 ابچن ياعيوني
ــــــــــــــــــــــــــــــــــــــ
چانو يمّي ناسي ويمّي ربعي
صدري ابخير محّد داس ضلعي
نزعت الخاتم ابكيفي امن اصبعي
ماطگني ابحجر شبث ابن ربعي
الليله انصب حدادي وابني الحسن ينادي
يابويه عنّي رايح وللامّه انته هادي
ابحصيره 00 اني ماخذوني
عله احسين 00 ابچن ياعيوني
ــــــــــــــــــــــــــــــــــــــ
زراك ابجسمي من السم نعم صار
ابلون امتون زينب من الاحجار
واحس باحشائي ياشيعه تشب نار
وچان افراشي بارد مو رمل حار
ماطگ خواتي ظالم چنت ابحجرتي نايم
ومن رفسة الحوافر ياشيعه جسمي سالم
مُعزّز 00 مُقدر شيعوني
عله احسين 00 ابچن ياعيوني
ــــــــــــــــــــــــــــــــــــــ
أنه الهادي أنه الظلمتني دنياي
ولاكن مابقيت ابعازة الماي
مو فرجه صرت للرايح وجاي
تره اشويه رجب وامحرم اهواي
سامره صح بعيده وبيهه بشر عنيده
بس زينب آ يزينب بالطف بقت وحيده
تنادي 00 ورمّو متوني
عله احسين 00 ابچن ياعيوني
ــــــــــــــــــــــــــــــــــــــ
ائمّه اثنينه آنه والاحسين
بس كلش فرق بين المصابين
رقيه اتصيح يابويه رحت وين
وانه ابنياتي مامچتوفه الايدين
جدّي عزيز الزهره العباس كاسر ظهره
وابنه الرضيع العطشان السهم ذابح نحره
أنه ابخـير 00 الگبري وصلوني
عله احسين 00 ابچن ياعيوني
ــــــــــــــــــــــــــــــــــــــ
بني العبّاس ماخلوني مرتاح
كل ليله اعله بيتي تهجم اشباح
أُسود اعليه هدّو والحرس صاح
السجن مقفول بابه ابلايه مفتاح
واحسين هم اجنه اسباع الفله و بچنّه
عترة محمد احنه ماينوكل لحمنه
ابطوامير 00 ظلمه دخلوني
عله احسين 00 ابچن ياعيوني
ــــــــــــــــــــــــــــــــــــــ
ابسامره اليجي زاير نحييهْ
والإيــدگ بابنه مِيّت هلا بيهْ
نقضيله المهمات ونجازيهْ
ويم جدنه النبي باچر نزكيهْ
سامره صح قديسه بس كربله الرئيسه
موسى گبل اجاهه وقبّل ثراهه عيسه
تمنّيت 00 بيهه يدفنوني
عله احسين 00 ابچن ياعيوني
محمد الجماسي
#اللهم_عجل_لوليك_الفرج
نعي مفجع
الى مولاتي زينب ع
ويـنـه الـيـجـي ياخـذ رسـالـه
مـنـي لــعِــد راعـي الـكـفــالـه
ايـگـلـه بغرب حالـتـهـه حـالـه
گـرّب يـومـهـه وذكـرت دلالــه
ويـنـه اليروح الـوادي لطفوف
ويكتب عـلـيّـه بـهـاي معروف
يگصـد اخـوي الشهم ويشوف
يوصّل سلامي بگـلـب ملهوف
ويــنـــه الـدره بـالـصـار بــيــه
مـهـتـم اريــده ايـمـــر عـلـيــه
اوصّـيـه بـس هــاي الـوصـيـه
ايـذكّــر هـلـي عـدهـم سـبـيـه
ويـنـه الـيگـلـهـم زيـنـب اتـريـد
تحضر نـعـشـهـه نـاس اجـاويـد
بـلـكـت اخوتـي تـگـطـع الـبِـيـد
وتطوي الفيافي ودرب البـعـيـد
*----------------------------*-------------------*
✍خادم السيده زينب (ع)
الشاعر رعد الجريخي
( ميمر ) . الاعلام عندما يريد الرمز لسامراء يرمز لها بـ ( الملويه) متجاهل الامامين . فكتبت هذه القصيده.
……………………………………………………………
شمس وكمر • جن وبشر
انخلقت لجل • اربع عشر
بيهم علت سامراء . موش ابعلو الملويه
……………………………………………………………
مو للبنايه العلو علو الهامه
رگبتمن اطول أسد لو نعامه
هو الامير وهي حدر اجدامه
سامره مرفوعه اعل شكل اعمامه
اعمامة علي • الهادي الولي
وابنه الحسن • ظل معتلي
واعمامه بسم الموعود . بيها الارض مطويه
……………………………………………………………
اعلام الوطن يتجاهل بأخباره
لسامره و الملويه هي الشاره
يتجاهل الهادي و مضيفه وداره
مثل اليضم الشمس حدر اكتاره
گبه ولوه • اتوزّع ضوه
منها الهوه • يشتم هوه
منها الگمر ياخذ نور . منها الشمس مضويه
……………………………………………………………
الملويه شاهد عل الرجس واحقاده
عالشيعه مبنيه و رگاب الساده
جواها جم سيد الصاح و ناده
صاغوها روس الشيعه الها گلاده
تشبه هند • تنگط حقد
امن الرافضه • تاكل كبد
ملويه للاعدامات . جم سيد و علويه
……………………………………………………………
سامره عاشت كالبقيع ابفتره
مرقد اليمه وبيد ذيج الزمره
مامش علي بصوت الاذان اليقره
ومحد يصلي اعل النبي و عالزهره
راح الحكم • واهل الظلم
رده العزه • و رد اللطم
ردينه نصرخ يحسين . يا زينب المسبيه
……………………………………………………………
سر من رأى وتعرف شنو معناها
بالگبه يفرح كلمن الشافاها
والحضرة جن جنة عدن طبّاها
جن بالمدينه ام الحسن زاراها
اتحس الصحن • بيه الحسن
لحيدر علي • الزاير حضن
حسين و مجانه السرداب . للمهدي عينه أربيه
……………………………………………………………
يالفجّرت نعرف شنو الناويها
حضرة الهادي اوي الارض تسحيها
الملويتك ويصفه الامر تاليها
احسابك غلط يبن التعرين بيها
الگبلك منع • ايد وگطع
مية ذهب • زاير دفع
هد الفرات اعل حسين . بس ظل يطوف ابميه
……………………………………………………………
✍️ ( سيد خضر الزاملي )
هم خَلّص هالعام . و انصارك ايتام
يل غايـب چنـدوب . نتحمـل آلام
نار افراگك تچوينه •• يمته نشوفك مهدينه
……………………………………………………………
مثل خيط الشمع نحترك بالفرگه
كل عـام اليمر نزداد بيه حرگه
نخاف انموت واحنه ابلهفة الملگه
انت اول مُغيّب عالحجي انعشگه
انت اول محبوب . عن ناسك محجوب
غايب عـن اعيون . بـس حاضر بگلوب
يبن الزهره اشتاگينه • يمته نشوفك مهدينه
……………………………………………………………
تره المهضوم گلبه و ينتظر صعبه
تضل عينه ابدمعها اعل لدرب تربه
ويضل حچي الشماته ايجرّح ابگله
ما يظـهر حبيـبك و الفـرج كـذبه
گالـوها الشـمات . مـا يظهر هيـهات
صحنه وبينه ايعيش . ابن احمد ما مات
شلون ايموت اليحيينه • يمته نشوفك مهدينه
……………………………………………………………
يمته انشوف راية عمك الخضره
و لبو فاضل ابجفك اثر من عطره
نشـمك شمة الزوار للحـضـره
و نشبگك شـبگة الكرار للـفقره
مو وحده وألفين .مرحب ببن حسين
من طولك هيهات . تشـبع هاي العـين
عطشانين و تروينه • يمته نشوفك مهدينه
……………………………………………………………
يمـته ابكربله و ترفع طفـل جـدك
ونشوف اشطوط من دم تجري ابخدك
و يقيم العالـم اقرايه و لطـم عـندك
ونقرالك : ( يعبد الله اهـز مهـدك )
نبچيلك و انوح . عل طفل المذبوح
وانگلك مولاي . ذب اعلينه اجروح
انواسي وانت اتواسينه • يمته نشوفك مهدينه
……………………………………………………………
مو بس احنه ننتظرك يالمشكّر
ويّانه ضـلع معصور و اتكسر
ويّانه قميص امسلّب و أحمر
ويّانه عبايه و سوط بيها أثر
ويّانه الاطـفال . مجـتوفين احبال
بيهم حسره و آه . من صعدة لجمال
ارقيه اتنطرك وسكينه• يمته نشوفك مهدينه
……………………………………………………………
سفيـنتنه ابحر وامواج تتلاطـم
وارياح الفـتن تعصف و لا ترحم
شيعي يعادي شيعي وبالعلن شتّم
تركنه اعداءنه و عل منّه نتـحزّم
صرنه المكـروهين . چي نخدم لحسين
عالطمه وعالنوح . نتحارب كل حين
اليكره من عدنه وبينه • يمته نشوفك مهدينه
……………………………………………………………
✍️ ( سيد خضر الزاملي )
يا تل عذابي گلبي محروگ
ما اريد اشوف حسين مسحوگ
بلكت يشيل چفوفه اليه
بس يمه خيل الاعوجيه
حاچيني بله شلون بيه يا تل عذابي
**
ما بيه حيل وجدمي ثگلان
لاچمني گلبي وحيل تعبان
شلون اصعد اعله التله وانشاف
بس الحسين شلون ينعاف ؟
شو كلشي بيه اعله الولي يخاف
اصعد التله وارجع النوب
ما اريد اشوف حسين مگلوب
مذبوح نحره مسلب الثوب
يا ضيم گلبي شلون بيه
اتمنى اموت وعيني متشوف
تاكل بنحر احسين السيوف
يا تله هونچ بله وياي
خليني اشوف الموت بهداي
بلكت حلم ما ميت الماي يا تل عذابي
**
يا رب دخيلك گلبي محتار
يم الحسين الخيل والنار
تفتر عليه خيول وارماح
من فوگ مهره حسين ها طاح
يا تله كضي وياي الصفاح
خويه عدل بس شيل يمناك
خويه العطش يحسين أذاك
من كون روح بروح وياك
والموت كله يصير اليه
تسمعني ها ؟ ما تگدر تصيح ؟
ابن أمي ليش تگوم واتطيح
ارجع بچت بنتك تريدك
بس خل اشوفك ارفع ايدك
شو تارس الطف بوريدك يا تل عذابي
*
شالو رمح من نص التراب
شفته وگلت لا شوفي چذاب
معقوله هذا حسين ويلاه
لخيامه وجهه اندار آه آ آه
هذا المصاب الما حملناه
هذا الحسين احاه رقيه
عمه سكينه شلون بيه
لطميت وجهي بذني اديه
يا عين غمضي الشوف أذيه
شيال رمحه حسين متعوب
والجسد فوگ الرمله مگلوب
للخيل صار حسين ميدان
وبجسمه ما ظل سالم امچان
خليت فوگ الراس تربان يا تل عذابي
*
ماتت اجدامي ومالي فزاع
والتل شجاه مصاحب الگاع
ياخذني اريده الجدم مشلول
يم الحسين التارس الچول
واصرخ واصيح اهناااه يلخيول
بسچن تره حسين الحدرچن
كافي تراهه اضلوعه خلصن
الله واكبر لا تدبچن
بسچن يخيل الاعوچيه
عوفنه بس لحظات يرتاح
جسمه خلص من طعن الرماح
من كل مچان حسين مطعون
بحجار من الضرب مدفون
من ريت عميه هاي العيون يا تل عذابي
***
صاحو حسين خيامه فرهود
وانه امشي صوبك وارجع ردود
صوت بگفاي يصيح تاني
اني رقيه عمه اني
انباگن تراچيي من أذاني
والنار تلهب بالعبي النار
والحرگ واصل وجه الزغار
كلما طفل لحسين يندار
يضربونه يوگع علوطيه
ركضن بنات حسين يا ناس
منااا لمن وصلن لعباس
ما لگن بيد الكافل چفوف
عباس صاحن كلهن بخوف
شفنه المنيه وبعد شنشوف يا تل عذابي
كلمات الخادم / رعد الفريجي
وهاي اجنازت المسموم يا شيعه تلكوها
وموش اعله الجسر عالراس شيلوها
**
ليش اجنازته بمتن الحماميل
ومن تميل وياها الهوه ايميل
امكيد بالسلاسل والدمه ايسيل
امصيبتنة مصيبه وتهدم الحيل
حيل ابجن يالعيون راحو ما يردون
وسفه اتظمهم الكاع البيهم هيبة الكون
ومطروحه الجنازه لا تخلوها
وموش اعله الجسر عالراس شيلوها
***
يايوم الفرج كلهم يسألون
كال الجمعه والشيعه يتانون
بالطاموره خلص عمره مسجون
ولن اجنازه مشيوله اعله المتون
بالجمعه الفرج كال وعالخد الدمع سال
صحنه ابلا اهل ليش نعش الكاظم انشال
الليله شيعته بمصابه فجعوها
وموش اعله الجسر عالراس شيلوها
**
نوحو اعله الغريب المات مسموم
وحته امن الضوه يا ناس محروم
من الجامعه تتجاره الدموم
واعله العين حرم لذت النوم
سجانه قسه وياه بصوطه اهواي اذاه
كلش يشتهي الموت من تعذيبه خلاه
ودعوها الجنازه كومو ودعوها
وموش اعله الجسر عالراس شيلوها
**
ليش اجنازته ضلت غريبه
وينوح الصخر من هالمصيبه
الكاظم راح والراح شيجيبه
وليش بعلته اتحير طبيبه
ما عنده عشيره والحيره جبيره
وينادي المنادي راح اليسوه ديره
جيبو اعمامته وللرضا ودوها
**
حل نون يشيعه بهل مسيه
ونشيع غريب الكاظميه
كل بغداد نصبتله عزيه
وعالمسموم جمرتنه سريه
صارت ظلمه بغداد واهل الكاظم ابعاد
ولازم نعتني اليوم يم عطاي المراد
لجله الفاتحه بكل دار سووها
وموش اعله الجسر عالراس شيلوها
****
تمت
تحسين الخفاجي
/channel/Amabeha5533
تانيتكم يهل المحنة شكــــــــثر تانيتكم
تانيتكم لاخر نفس جنت أنتضر تانيتكم
زينب أنه اليحجون عني
ما واحد المنكم حضرني
تانيتــــــــــــــكم
.....................................................
يهلــــــــي يخوتي يامن تسمعوني
ذبحني الشوك جا يمته تحضروني
من كثــــر الدمع ما شوف بعيوني
صوفر شيب راسي وأختلف لونـي
ناديتكم بدمعي وصحت وكت الفجر ناديتكم
تانيتكم لاخــــــــر نفس جنت أنتضر تانيتكم
بجى الحجر يا ويلي وني
زينب أنه اليحجون عنــي
تانيتــــــــــــــــكم
............................................
زينب آنه زينب حيرتـي حيرة
أي لا أم لا أبـــو لامن عشيرة
أخوتي مذبحه بديره وانه بديرة
غريبة أبين وادم باعت الغيـرة
فركاكم بضهري بقى تارك أثر فركاكم
تانيتكم لاخـر نفس جنت أنتضر تانيتكم
ما أدري عدله ميته جني
زينب أنه اليحجون عني
تانيتـــــــــــــكم
...................................................
وي كـــــــل مغربية أشتعل شمعه
وتجي أم عباس يمي وننحب وننعه
أكلـــــها أعله النهر جفينه متكطعه
وتكلي حسين بيده العشرة شو تسعه
طاريكم رد بيه لسياط الشمر طاريكم
تانيتكم لاخر نفس جنت أنتضر تانيتكم
شما ألتفت يوجعني متني
زينب أنه اليحجون عني
تانيتـــــــــــكم
.................................................
عشت عمري جرح ما ينجبر كسرة
شما أخطـــي يرد بيه الوكت عشرة
آه أعله السحك خيــــل العده صدره
وآه أعله الوكــــــع لا يمنه لا يسرة
ياذيكم وضعي وتعب درب اليسر ياذيكم
تانيتكم لاخـــر نفس جنت أنتضر تانيتكم
شيريد دهري وحزني مني
زينب أنه اليحجون عنيي
تانيتــــــــــــكم
......................................................
بعدكم يا هلـــــي ما ينفع أعتابي
ملك الموت جـــم مره يدك بابي
شما عاين عليه وعاين أمصابي
يشم ريحة حرك خيمة على أثيابي
ياريتكم تحاجونه ماريد العمر ياريتكم
تانيتكم لاخر نفس جنت أنتضر تانيتكم
كلولي شيب راس حزني
زينب أنه اليحجون عني
تانيتـــــــــــــــــكم
....................................
خادم خدمة الحسين
الشاعر
محمد الموالي
/channel/Amabeha5533
(بين المدامع)
بـيـن الــمـدامـع والـحـزن
والـدنـيـا أحـسـنهـه سـجـن
أتـنطـر ومـاجـانـي أشـمـنـتـظـر دفانـي
*-------------------*---------------*
بساعة الفاركت أخوتي واني لليوم احتضر
الـوادم يشوفوني عدله ودنيتي صارت گبر
أتـأخـرت عـني المنيه لشوكت ابقه أنتظر
يخلص الليل بحسرتي هيچي شيفيد العمر
أسـهـر وأكـابــر لـلـصـبـح
شـيصـبّـر الـصـايـر جـرح
أتـذكـر الـولـيانـي أشـمنـتـظـر دفـاني
*-------------------*---------------*
ماتت احلامي بعيوني وكلشي بالدنيه أنعـدم
أشعـر الليل اليجيني يـشـبـه الـجـيّـت سهـم
اذكـر امصاب الغوالي ويجـرح بـروحـي الألم
والله يوميه ابـكيانـي تـشـتـعـل نــار الـخـيـم
تـچـويـنـي نـسمات الـهـوه
ومـايـنـفــع الـروحـي دوه
امـعـلـعلـه خلاني أشـمنـتـظـر دفانـي
*-----------------*---------------*
أشـبـه الـميت تـراني أنـتـظــر بـس الـلـحـد
أيّست محـد يجينـي الروحي أقريت الحمد
چانت أمنيتي كفيلي يطبـگ عيـوني أويسد
تـالي خـلانـي زمـاني لا كــفــيـل ولا وِلـــد
مجـروحه والمدمـع يـصـب
شـتـئــمـل وشـاب الــگـلـب
أتـحيـرت بحـزانـي أشـمـنـتـظـر دفانـي
*--------------------*-----------------*
أشـبـقـه بـالـدنيـه ألـيـه أنـدفـن حـتى الأمـل
ضلت الذكره وحسرتي وكلشي حسيته ارتحل
مساهره وأحسب ليالي يمته يـوصلني الأجـل
تنزف أجروحي بدليلي والـصبـر شاب وذبـل
أمـكـابـر وحصتـي الـدمـع
بـالـراحـو أتـمـنـه أنـجـمـع
وعباسي يـتلـگـانـي أشـمـنـتظـر دفانـي
*------------------*----------------*
تحضر بعيني صورهه كـربله بـوكت الغرب
العايش بنار أنتضاره وينتظر موتـه صعب
الهوه يچويني أحسه بـظـامري لمن يـطب
أتعذبت والله بحياتي ارّوح اهـواي التـرب
مـاتــرجـع احـبـابـي بـعـد
أدريــهـه راحــت لـلأبــد
مـاتـنطفي نيـرانـي أشـمنـتـظـر دفانـي
*-------------------*----------------*
كسرت الخاطر عشتهه دنيه راوتـني العجب
الـمـغـرب الدمعه أهلهه وأدري الفراك السبب
يـمتـه دفـانـي يجـيني عمـري خلصته تـعب
أتـأخـر بـدفـنـه عـليـه أعتب وحـگـي العتب
مـا أدري شـيـريـد الـدهــر
عـذبـنـي والـخـاطـر كسـر
أتـعـمـد وأذانـي أشـمنـتـظـر دفانـي
*-------------------*---------------*
✍خادم السيده زينب ع
الشاعر رعـد الجريخي
((مشكوله))
مشكــــوله ذمــــتك ياشام
صرت احسب اللحضه ايام
محتـــــام مــــن ذاك العام .. للزياره
مسهـــرني بــــــدروبك ليل
مراويني چــم ويـــــل بويل
مشتاگ بس ويـــــن الحيل .. للزياره
بســناين كــــل عشـــايرنه يفزعون
اذا شيخ العشـــيره ايغمض العيون
ويــــذبون العگـــل كلــــــهم يونون
چا شو سكته احنه وراحت ام عون
شيختنه الحـــبيبه
هـم ردت غــــريبه
وومنــــوعه الزياره
هاي اعظم مصيبه
يازينب غريبه غريبه ...
"""""""""""""""""""""""""""""""""""''''''''''
يادمعةّ الحــب جروح
وبلايه دم بس مذبوح
معقوله اضلن مـاروح .. للزياره
هــا يالعقيـــله وتدرين
بــــــالبر غدينه متيهين
ومدري الدروب ولاوين .. للزياره
ماترضاش روحي بساعه وتهيد
سهـــرانه ومدامع مدري شتريد
أگـــله شبيچ هيدي تگلي بعيد
حــياةّ بدون زينب گلي شتفيد
واگضـيها ملامه
واشواگ وندامه
واتمنالي اجـناح
هنياله الحـمامه
يازينب غريبه غريبه ...
"""""""""""""""""""""""""""""""""""''''''''''
من بعيد اوديلـــچ آه
هاي السنه چم ويلاه
بابچ بعد ويـــن الگاه .. للزياره
مايهب عطره الفواح
هاي السنــه مامرتاح
ويموت حگه الماراح .. للزياره
المتعـود يروح اتمـــوته الاشواگ
وتذبل عيــنه من ادمـوع الفراگ
الهوى هذا اليشمه يصير خــناگ
وترجف إيده من الحرگه والساگ
وبروحه الحزينه
وبزينــــب ونينه
مگطوعه دروبچ
يا أمنه الحــنينه
يازينب غريبه غريبه ...
"""""""""""""""""""""""""""""""""""''''''''''
وبحــالي مــولاتي شلون
حاچيني مولاتي ام عون
گلبي اعله بابچ محـزون .. للزياره
ضميــــــت عود آنه دموع
وبصـــدري ضميت ضلوع
وثاري الدرب شو مگطوع .. للزياره
ياجرح الأّهـوّده وياهو يسكت
گلبي مـن ضلوعي يريد يفلت
گوه امچلب ويـــازينب يصيح
يعـت بيـه يـــوادم حيل ويّعت
ياشـــــام انته موتي
يموشـــــلي صــوتي
اصـــــــرخ ياغــريبه
وهيه اتصيح اخوتي
يازينب غريبه غريبه ...
عبد زينب
محمد الابراهيمي
/channel/Amabeha5533
رب الخوه والقتال
عابر ذروت الكمال
ساقي الخيمه والدلال . ابالفضل
كافل زينب العظيم
الذباح هوه والرحيم
مكتوب اسمه عالرقيم . ابالفضل
ابحنان اعيونه الخيم منصوبه
اعله جرف الشاطي ترك جم حوبه
ابعمود الرايه الربه ويه جفوفه
ثنعش معصوم وخيم مكتوبه
الساقي ... ورث من حيدر قدسيته
الساقي ... النهر يتروه ابحنيته
الساقي ... شهم والكافل علويته
السلام على ساقي عطاشى كربلاء
،،،،،،،،،،،،،،،،،،،،،،،،،،،،،،،،،،،،،
الكافل عابر الزمان
بجفه تواجد الأمان
ناصب خيمة الحنان . ابالفضل
ينطي وهوه ماله أيد
اسمه يمشي بالوريد
هوه الساتر العبيد . ابالفضل
ابد مايخلص نبع معروفه
الزم شباجه نبوس اجفوفه
اذى بالصوره وعشگنه عيونه
بحقيقه شلون الكفيل انشوفه
الساقي ... نخلق وي عرش الله بيومه
الساقي ... ابكثر مايرعب بالحومه
الساقي ... النهر ضل يابس زردومه
السلام على ساقي عطاشى كربلاء
،،،،،،،،،،،،،،،،،،،،،،،،،،،،،،،،،،،،،
جف الرحمه والنجات
وحي الخيمه والحيات
طوله امخوف الفرات . ابالفضل
صارت بيده كربلاء
لوشاء يعني الله شاء
الصيف عيونه والشتاء . ابالفضل
اليرسمه ايذوب ابحنانه ونوره
الحواجب كسرة نهر مكسوره
الرمش عباس الحبر مايكفي
الشوارب تاخذ قرن بالصوره
الساقي ... قمر ويتعب الرسامه
الساقي ... دخيل الحاجب والشامه
الساقي ... ورث من الحمزه حزامه
السلام على ساقي عطاشى كربلاء
،،،،،،،،،،،،،،،،،،،،،،،،،،،،،،،،،،،،،
يگدر يخسف الوجود
طب الحومه بيده جود
زود الغيره كله زود . ابالفضل
رغم الغيره كلها هاي
تبده اگبال اخيته ماي
يدنگ يمها ماله راي . اباافضل
طلع من ضهر الفحل والقاتل
وهو ابطن امه وتسمه الكافل
طلع والحومه تصيح ادخيلك
العرش لو بيرغ تحير اشايل
الساقي ... بخيت اليشرد من ايده
الساقي ... رغم هاي الشرده بعيده
الساقي ... يصير اليتمنه ايريده
السلام على ساقي عطاشى كربلاء
العبد . ابوفايز الرافضي
/channel/Amabeha5533
يا طارش أيخبــــــرها أبدور الوفه وتحضرها
نعش الوفه بلا دفان
يا هاشــم ويا عدنان
يا طارش أيخبرها
......................................................
كسرتها مو كسرة ظهر كسر أصفاح
أربــــــع كواكب ودعت ليلتها
التفكـــــــد عزيز أتموت بعده وترتاح
وأم البنين أصعب وأشد حالتها
أبيضت مدامعها وحنت لمن صــــاح
ناعي المصايب يا خلك ساعتها
ركضت ركض محتارة مثل التدور أبشــــــارة
تعثر تطيح بلا راي
من شافته بلايا أفياي
يا طارش أيخبرها
...........................................
كاللها عبدالله أنذبــــــــــــــح يأم عباس
كالتله أسألك يا بشر عن حسين
كاللها جعفر عون بالخيـــــــــــل أنداس
كالتله أسألك يا بشر عن حسين
كاللها عباس أنذبح وبـــــــــــــــلا راس
وفوك الترب طايح بقه بلا جفين
صبت دمعها وصاحت يا بـــــشر لمن طاحت
فدوه المهم نور العين
سالم يرد ليـــه حسين
يا طارش أيخبرها
.................................................
لحسين حنت وأنحنت حــــــــن النوك
ومثـــل الشمع ذابت بقت منكسرة
تنتضر زينب والضعن يمتــــــى أيعود
ومجلس عزه لحسين تنصب ذكرة
أتلاكن أملاكه الليل وأيلاكــــــي الليل
مثـــــل اليرد مكسور لازم ضهره
زينب تخط رجليها وأم عباس أتلاكيها
منها وبده ملج الموت
ياكل عمرهن بسكوت
يا طارش أيخبرها
..........................................
لام البنين الموت واكـــــــــــــــف محتار
شجم مره مرها يحسب أمضيعها
شابت مـــــــــلامحها وترس ضلها الشيب
وفـــــوك الجفن يابس بقه مدمعها
ضلت وحيـــــــــــــده والعمر مطرة صيف
شما تلًجم جرح المضى أيرجعها
نار الحزن مستعرة ليلية مجلس تقرة
وما تنطفي نار البين
عالمنذبح والجفيـــن
يا طارش أيخبرها
.................................................
كلشي أنتهى وبيت الحزن موحش صار
من ودعت أم البنيـــــــن الليلة
بديرة غرب لامن ولـــــــــــــد لا وليان
غير الدمع صبح ومسيه أتسيله
لآخــــــــــــــــر نفس للطف تحن وتندار
هلبت يمر طارش نعشها أيشيه
عازتها والله عازه غربة المشت جنازه
بديرة غرب ياهالناس
أتشيع نعشها أم عباس
يا طارش أيخبرها
............................................
خادم خدمة الحسين
الشاعر
محمد الموالي
/channel/Amabeha5533
طور بدوي( تربات عز المضايف)
…………… ..
تربات عزّ المضايف..هي لبوةً في العرين
حيدر فخر عالطوايف.. في بيته ام البنين
سولفن فيها وتباها..والعرب عرفت غلاها
في بيته ام البنين
................................
حيدراً وصى الوصايا.. ما بين الاعراب
عن درةٍّ في غلاها.. من ابعيد تنهاب
لعقيل عد بشروطه.. شجعان الاصلاب
راح وتنگه خليله..من دار الاطياب
گالت علياً مرادي .. وفيها تباشر عقيل
والسمه ضلت تنادي ..حي الله ام الكفيل
للغيم واصل علاها.. والسمه عرفت غلاها
في بيته ام البنين
...............................
هي شمعة لشموسٍ .. يحتاجها البيت
سولفت گالت رجايه.. ياما انا صليت
في بيت فاطم منايا ..أخدم تمنيت
واتحگك اليوم حلمي..بدمعي تحنيت
حيدر يسولف معاها..وردت قراري الاخير
اربع خدم واني امهم ..في بيتكم اني اصير
من رددت في رجاها..السمه عرفت غلاها
في بيته ام البنين
.......................
شمس البوادي وضواها.. في دار الابطال
يوم الملاگه الصوارم ... اتعد الارجال
واحدٍ يهزم كتايب...لو جاها خيال
من وگفته عالگناطر..اتغار الاجبال
شمس البوادي الاصيلة.. فيها الدفو والامان
فاطمة بنتُ حزام ٍ ...فيها يتباهه الزمان
الگمر رابي بثناها...والسمه عرفت غلاها
في بيته ام البنين
............................
ربت اليوث الحرايب.. ما دنگت راس
عالخلگ حگها اتفاخر...العدها عباس
يچوي الجمر من ينازل.. الغيرة تنجاس
ويم خيمة الحنينه .. يصبح ورگ الياس
من امه خذاها الوصايا.. محلى ملگات السيوف
يوليدي يحرم حليبي..لو ما تگطع الچفوف
وحيدرا يسمع معاها.. والسمه عرفت غلاها
في بيته ام البنين
.................
من بيت عزا وشيمه.....لابيت الايمان
بدارين عاشت عزيزة... محفوظة الشان
خيمة وفاء بطبعها..اتلم الاخوان
ام اربعه في طفوفِ.. الها احلى عنوان
جيلا يذكر بجيلا.. يروي له من تكون
انها ام الغياره..لاجلها تجري العيون
لا يرد من انتخاها..السمه عرفت غلاها
في بيته ام البنين
……… .
ايوب يوسف الطوگي
/channel/Amabeha5533
يعشاك الهوى ذبت بهواها
أحبها وما احب واحد سواها
هايه أم ابوها. الزهره ايلقبوها
يعشاك الهوى ذبت بهواها
.....................
مثل نسمة هوى ذكر البتول اصبح
تمر عذبه بدليلي وبالصدر تشرح
بعشكها الباري وصه وبالصحف صرح
رضى فاطم رضاه اعله الهواها
يعشاك الهوى ذبت بهواها
......................
حلم للزهره مرقد والحلم موجود
ونطش أرواحنا فوك المناره اورود
هاي ام الحسن وام الكرم والجود
هاي ام الحسن ريحانة الطه
يعشاك الهوى ذبت بهواها
...................
عشكناها وعشكنه واضح ومعروف
وخلي الكون يشهد والعذول ايشوف
كعبه الزهره واحنه اعليها لهفه انطوف
مثل بيت الله الله الزهره سواها
يعشاك الهوى ذبت بهواها
...............
خادمكم محمد الموالي
/channel/Amabeha5533
هايه ام الأربعه الوفايه
تحضر ابكل تعزيه وقرايه
تحجي عن طف كربلاء
......
١؛؛؛؛؛؛؛؛؛؛؛؛
يا خادمهه ... اخلص يمهه
هاي الوفيه الطاهره الخادمهه متعوف
كلشي انطيهه ... الروح اهديهه
تستاهل ام الاربعه المنحر والاجفوف
تستاهل ام الأربعه
تهديهه كَـد المشرعه
دمعات عين اموزعه
ودم منحر اليصب
لحسينهه امضحيه كَـمر
ياهو المثلهه ابهل بشر
وثوبث للماي بنهر
هذا الأمر صعب
سوت الما وحده المسويته
خادمه ادكَـول العلي وذريته
لوحه رسمت بالولاء
..........
٢؛؛؛؛؛؛؛؛؛؛؛؛؛؛؛
أم الأربع .... تنطي امربع
لليكَـصدلهه بحاجه عنده وكلبه مهموم
روح اتكَـله .... ما اتخله
الحاجه يمي تنكَـضي بالساعه مو يوم
تشهد عليهه كربله
كلمن ندبهه ابمسأله
تكَـضيهه باللحضه اله
ما ينتظر شهر
معروفه توكَـف بالشدد
للي كَـصد والما كَـصد
بالفاتحه اتحل العكَـد
ام الكمر فخر
إقره الهه الفاتحه وانخاها
حاضره اتحل شدتك تلكَـاها
اي وحق راعي اللواء
.....
٣؛؛؛،،،،،،،،،،،،
ام الكافل .... مترد سائل
ليل وصبح باب الهه من الجنه مفتوح
ترفع قدره .... الحَب الزهره
متعوفه وحده بحيرته اويه الدمعه والنوح
كل البشر بيهه اتحلف
بالغيرة رايتهه ترف
الغربه تشهد والعرف
أعظم مره العلي
بعد الزجيه فاطمه
اتحبهه ملائكة السمه
أي وحق حماي الحمه
هالصيحه تعتلي
جان اسمهه فاطمه البدويه
وهسه صارت فاطمة العلويه
بيهه تحجي ارض وسماء
......
٤؛؛؛؛؛،،،،،،،،،
البدويه .... ابكل لطميه
تلكاهه تلطم عالصدر واعله الضلع حيل
يم المنبر ... تحضر تحضر
تبجي لبنهه المنسحك بحوافر الخيل
لحسين حبهه من صدكَـ
بي سولفو اهل العشكَـ
ميته وكلبهه محتركَـ
سلطانة الوفه
مابيهه كل ذرة عتب
تاريخهه انخط ابذهب
شايل عجب يابو عجب
خاتمته عاطفه
حارت اشتكتب عليهه اقلامنا
بيهه تحجي الهسه هاي ايامنا
فاطمه ام الوفاء
..............
٥؛؛؛؛؛؛؛،؛؛؛؛؛؛
بيهه اتباهه ... من سواهه
باب الحوائج تكَـصدلهه سائر الناس
أعظم نعمه .... الهاي الأُمه
أم البنين الخلفت عباس عباس
كل خير من عدهه نَعم
الله جعلها افضل نِعم
بوجودهه الكون ابتسم
وتناثر الضوه
عنوان مدرسة الصبر
ترتيل قرآن الفجر
مفتاح تسهيل الامر
أم حامل اللوه
الله رازقهه بجميع الطافه
ابذكر اسمهه كل علل تتشافه
احروف اسمهه اعظم دواء
.......
✍️🏻 كلمات موسى الخادم
/channel/Amabeha5533
ضيم الفراگ...
والمدامع كافره
اجروحي ياناس..
مگبره بصف مگبره
خلصت احلامي سبيه ابسد سبيه
اشما اطم اجروحي تتفايض عليه
♦️♦️
غربه غربه الدنيا صارت
واليفارگ عمره غربه
شالت النوگ واهلها
والحزن بگليبي دربه
ابراسي ركض ايتام باقي
والسوالف كلها صعبه
اكولآ انسى واشتاگ
ويرد ابالي الفراگ
الحلم حتى الحلم صار
جبر من عيني ينباگ
♦️♦️
موتي بالشام..
وانشد أعله الما اجوا
وين الاحباب..
حدر التراب انتهوا
گلبي مدري اشماله وكت المغربيه
اشما اطم اجروحي تتفايض عليه
♦️♦️♦️
مايمر النوم عيني
كل سنيني ذله ذله
اذكر العباس وابچي
محملي بيده يعدله
صلى يم الخيمه مره
وعالرمح هم راسه صلى
اشيرد الماضي ياناس
عزيز الخوه عباس
يواحد من الاعزاز
كلف گد فعله ينقاس
♦️
خذني ياموت..
گلبي بالغربه تعب
ديرة احزان..
مچودر ابنصها العتب
لعبت ابحالي لعب ذيج المنيه
اشما اطم اجروحي تتفايض عليه
♦️♦️♦️
وحشة حسين اشيسدها
روحي ماتگدر تسدها
النار بيه وبالمخيم
اتفصلت الجمره اعله گدها
اي يخوتي والله حيره
زينب الحيره بلحدها
حمامه اوشحة اغصان
غريبه اتدور امچان
صرت هيچي ابمماتي
يدور لحدي دفان
♦️♦️
تسأل العين..
وين دفاني مشه
صار الغروب..
صنطه خوف واموحشه
لارقيه الضلت ولابو رقيه
اشما اطم اجروحي تتفايض عليه
♦️♦️
احنان جانو كل اخوتي
شرد اسولف هسه عنها
منهو عدها اخوان مثلي
كلها راحو تالي منها
حگها التفارگ مثلهم
لو صفه ينزف جفنها
منو اليشبهه اخوتي
اون حتى بسكوتي
يذبحوني ابهجرهم
هجرهم امسى موتي
♦️♦️♦️
يارجب ليش..
اوحيده بالغربه اندفن
ساكت اليل..
والدموع ابكل ركن
دمعي واثار الحبل تنزف بديه
اشما اطم اجروحي تتفايض عليه
♦️♦️♦️
شوگي يذبحني ويگلي.
مايردون الغوالي
الباب يندگ بالعواصف
وادري ضهر الباب خالي
واني بمچاني وعاين
ابلا أمل يركض خيالي
خيالي اتأمل احباب
ركض گدامي للباب
سفر مالت مجاتيل
أمن اديه الحلگ التراب
♦️♦️♦️
مايردون...
سفره بالموت انتهت
ذيج الاحلام...
بالطفوف اتطشرت
مانرد اصبح حلم نرجع سويه
اشما اطم اجروحي تتفايض عليه
♦️♦️♦️
الشاعر ابو قسورة الكربلائي
المستهل عجز هجري مذيل
وموشح
النص وزن شيعتي ووزن خدري الشاي
تعبنه هواي بالدنيا وصبرنه
امانة موسى ابن جعفر عمرنه
------------------------------------------
على الشباچ نحچي وياك مولاي
ضاگت يابو طلبه وما يصح راي
ندري بچفك الدمعتنه شراي
يمك وانته بيدك هاي وي هاي
كلهن يا ضريح ايلم كسرنه
آمانة موسى ابن جعفر عمرنه
-----------------------------------------
جبنه هموم دنيانه ولفيناك
مالت يابو طلبه وهلگصدناك
بحماك وبعد مولانه بحماك
خلصنه العمر لوعه وندبناك
الدهر چيمنه بالموگد شمرنه
امانة موسى ابن جعفر عمرنه
------------------------------------------
يم باب الضريح ارواحنه تهيد
مولانه ونعم يا مدت الايد
چلمة هاك تنطي بدون تحديد
فوگ الحاجه تكرم والله ويزيد
ربينه بخدمتك والله وكبرنه
امانة موسى ابن جعفر عمرنه
------------------------------------------
دنيا تغيرت مدري السبب ناس
مو نفس المحنه اشبيه الاحساس ؟
اخو ما هَمّ بخوه يموت ينداس
بمحرم كلهه تبچي تصيح عباس !!!
كلام بلا فعل يا وسفه صرنه
امانة موسى ابن جعفر عمرنه
-----------------------------------------
باچر ما درينه وخفنه شيصير ؟
نفگد ناس نرحل ننتهي انحير
بگلبنه اسرار وانته النخوه والبير
الراحه ابابنه وعلوادم اتطير
يظل ضيم الدهر خانگ صدرنه
امانة موسى ابن جعفر عمرنه
كلمات الخادم / رعد الفريجي
25 / جمادي الاخرة / 1446
ثوابها الى روح والدتي
على شفافـك ضمه وعينـي دمـه أتلالـي
يخويـه شلـون أشـربـك والـرمـح عالـي
1
وكـت ما عـل الهـزل يبن أمي ركبونـي
نزلـت مــن الهـزيلـــة أفقـــد اضعونـي
يجرونــي بحبـــل نوبـــة ويضربونـي
وعلـى نحـرك يخـويـه صـدت عيونـي
عفتنـــي بحـيرتــي ومـحـــد إلـــي تالـي
يخويـه شلـون أشـربـك والـرمـح عالـي
2
مشينـه ومن مشينـه إحساسي ظل ينعـه
تـــذكـرت الأصـابــع مــن بـقــــن تسعـة
صحـت يحسيـن صـاح الشمـر شيرجعـه
اخــــوج آنــــه بــديـــه زينــــب مقطعـة
الشمـــر طـــول الـــدرب مـاراحــم بحالـي
يخويـه شلـون أشـربـك والـرمـح عالـي
3
يخويـه النـذل شربـت مــاي جـاب ألنـه
رحـــت اسقــــي رقيــــة وبيـــه تتهنـه
فتحـت الجربـه بيــدي وصاحــت بونـه
شـلون أشــرب وأبـويـــه منحـرم منـه
أشربــه المـــاي لمـــــن يرتـــوي الغالـي
يخويـه شلـون أشـربـك والـرمـح عالـي
4
علـى درب السبـي مـرة وكــف راسـك
كلت يمكــن حجــر مــن النــذل جاسـك
ركضت عليـك أبجـي وأنظـر إحساسـك
شفــت شهكــه نفــس ماهيـه بأنفاسـك
كلـت طفلـة اوكعـت شفــت الضعــن خالـي
يخويـه شلـون أشـربـك والـرمـح عالـي
5
الرمـاح اشـكــد ولـكــن رمحــك بعينـي
تصـدلــي بمنحـــرك وتكلــي أعذرينـي
أستحيـت حسيــن أكــلك متنـي ياذينـي
خـاف اشكــي ويجــــي الجـلاد يعمينـي
تـــراهــا أمتــــونــــي مــاتتـــراوه يغالـي
يخويـه شلـون أشـربـك والـرمـح عالـي
6
رقيـــة بالـــدرب راســك يصـــد ألهــا
ما أدري بنظــرتـــك خويـــه شتكلهــا
كلـــت لازم أروحــن يمهــا واسألهــا
شفــت دمعتهـا كلمــا تصفـن اتهلهــا
أثــاري الصفـنة سفــرة وخــابـــت أمالـي
يخويـه شلـون أشـربـك والـرمـح عالـي
7
علـى طـول الــدرب ماغمضــت عينــك
تراقــب محملــــي وضعني صـــواوينك
تعــال شكـد صحــت مـن ذبحــو سنينك
كافي أنضـرب وأصــرخ يخــي وينـــك
منـــو غيـــرك بعــــد يبـــن أمــي يحلالـي
يخويـه شلـون أشـربـك والـرمـح عالـي
شطرة
امجـــد صاحــب الشطـــري
مولاتي العقيلة تخاطب مولاي الحسين
﴿ صلوات الله عليهم ﴾
يمن متگدر بحضني سكتك خويه تاذيني
أجيت مسابگه ويلـ خيل تالي ما تحاچيني
شما تسكت تكبر النوح المدامع والله تعميني
صح باگوهن أرسومك بس انته حلو بعيني
غريبين
آنه و أنته يا مسلوب
غريبين
گلبي و گلبك المتعوب
غريبين
منهوبين يا منهوب
يمن فوگ و حدر چفي
نزفك هاذا لو نزفي
من شلتك طحت چن ماي
ملهوفه و خلص لهفي
===================
أجيتك بس غلبني الشيب مو عمري الشكل خمسين
نـكـسرت آنـه شـكـثر دونـك لا مـره و لا مـرتـيـن
طحت يم نحرك أعله الكاع أنشلن يمك الرجلين
يا عـيـن الـتـضل بـچـفاك بـفراگـك أذبـها الـعـيـن
سلامات
على خدودك على عيونك
سلامات
على رسومك على متونك
سلامات
شتسوة العيشه من دونك
يمن فدوة رحت لـ أسمك
ما جيت أمسح بدمك
خوفني الشكل يحسين
دمك عابر اليمك
==================
صدگ ياخويه ما أكدر چذاب اليگلك روح
اروح آنه و تضل أنته شتگلي يبعد الروح
اليموت يعيش ياخويه و اليبقه يضل مجروح
شتاگيت أسمع لصوتك أسمع حتى لو مبحوح
يمذبوح
ياهو الما عرف گدرك
يمذبوح
شعندي و أفرشه حدرك
يمذبوح
أريد أخفه علــه صدرك
أريد أخفه على دمومك
همومي تگابل همومك
مو گدرك تركك خيل
و تفارگني مو يومك
==================
ما دام الدمع هم ماي هاك دموعي و تروه
ما دامك طحت بلضيج و حگ الخوه علخوه
تعال أخفه على مناغاي يا من ما ألك تچوه
مو حلوه أضل دونك الموته لخاطرك حلوه
على الكاع
متطشر دلال أمي
على الكاع
ساكت منذبح يمي
على الكاع
تعبي و كسرتي و همي
ريت آنه اليذبحوني
و بلحافر يسحگوني
يلچمني الدمع لو سال
ريتك تمسح عيوني
===================
هاك أكسرهن أعظامي بس لا تكسر الخاطر
غيرني التعب يحسين و أنته مغيرك الحافر
هاي أيدي على عيونك و ما شيلنها حد باچر
حد ما تگبل الهزله و جسمي بلا أخو يسافر
منَ أجزيك
روحي وگلبي يم جسمك
منَ أجزيك
روحي نعگدت بهدمك
منَ أجزيك
دمي يوصل لدمك
يمن ما أكدر بلياك
و لا بيه صدك و أنساك
مناوب دمعتي و نوحي
مناوب علهزل و أنعاك
....
اللهم عجل لوليك الفرج 💔
علي حسين الخفاجي
(تنتظر زوارهه)
تـنـتـظـر زوارهـه ** الـغـريـبـه ابـدارهـه
اشـلـون لو هـاي الـسـنـه مـحـد يـروح
اهـنـاك يـاهـو يـقــره لـلـحـره ويـنّـوح
*--------------------*------------------*
اهـنـاك ياهو يـبـچـي ودمـوعـه اتـهـلي
كـلـهـه غـربـه وبـيـنـهـم بـضـعـت علـي
چـن احـسـهـه اتـگـول افـزّعـو يـاهـلي
خـاف يـنـعــاد الـسـبـي هـالـعــام ألــي
الامـان اتـريـده ** الاهلهه ابـعـيـده
زيـنـب بـكـل عـام تـتـحـمـل جـروح
*----------------------*-----------------*
مـلّـت مــن الـشـام زيـنـب والـغـرب
يازمن بـسـك عـلـيـهـه اتـشـن حـرب
گـلــي هـيـه اشـرايـده غـيـر الـدرب
تدري لو شافت خدم تـنسه الـظـرب
الحره شتگلولهه ** الصدر دگولهه
رايـت الـخـدام يـمـهـه مـن تـلـوح
*----------------------*----------------------*
بـكـل سـنـه أتّـانـي الـمـواكب بالـدمـع
تـوكـف اعله الـبـاب وتـحيـي الـجـمـع
اشـمـا قــره الـرادود زيـنـب تـسـتـمـع
وتـنـزف اجـروح وألـم مـثـل الـشـمـع
الگبل سلوبهه ** رجعو وحاطوهه
من يشم عطر الصحن ذاكـه اليفـوح
*---------------------*------------------*
الـشـام نـفـسـه الـشـام ونـعـاد الأمـر
الـغربـه صعبه وحالهه حـال الـجـمـر
مـن عـگـبكـم هـل سـنـه مـحـد يـمـر
نـاس مـاتـعـرف تــره غـيـر الـشـمــر
ضلت المظلومه ** بالغرب مهظومه
حافـر اعله اخدودهه المدمـع سـفـوح
*----------------------*------------------*
حـگـهــه لـو ألـهـه الـجـفــون اجـرّحـن
قصه قصه ادموع خـدهـه ايـوضّحـن
والله يـبقـه بدونكـم خـالـي الـصـحـن
وتـذكـر ايــام الـسـبـي وذيـچ الـمـحـن
بالحزن واللوعه ** زينب المفجوعه
هالسنه ايـزيـد الـعـدد چـان الطموح
*----------------------*---------------------*
✍خادم زينب (ع)
الشاعر رعد الجريخي
/channel/Amabeha5533
موشح استشهاد الامام علي الهادي (ع)
اليوم سامره تعج باحزانها
غاب عنها الهادي نور اكوانها
____
الك يابو العسكري يجري الدمع
وتحضر الزهره بگلبها المنفجع
اعليها يومك جدد مصاب الضلع
وعصرة الباب وحرگ نيرانها
_____
شحال گلب العسكري بهذا الخبر
سمع صوت الناعية وگلبه انكسر
ظلمة داره الليله فارگها الگمر
الجان عامر گبل بي ديوانها
_____
شگ عليك الجيب ابو محمد تره
حاسر الراس ودمع عينه جره
ولمصابك نار گلبه موجره
يا سفينة نوح يا ربانها
_____
سهم حقد المعتز الفت چبدتك
چن سره هالسم لعد كل شيعتك
جددت يوم الطفوف مصيبتك
وزينب الحره وحرگ صيوانها
___
الهادي حضرو كل هله بمنازعه
وشيعته طلعت لنعشه تشيعه
بس ابو السجاد ظل بمصرعه
وين عن طف كربله عدنانها
___
تهون كل مصيبه كدام الطفوف
حين دارت حول ابو اليمه الالوف
يوم اخذ من هاشم نحور وجفوف
ويشهد الها بكربله ميدانها
_____
خادم اهل البيت ع
الشاعر عبد العظيم احمد الابراهيمي
/channel/Amabeha5533
حبيبة فاطمه..أملاك السمه تبجي البجيها
بديار الغرب.. أمن أهلها ما سلم واحد يجيها
كل أهلها امذبحه..وهيه تقره الفاتحة
حبيبة فاطمه
...........................................
وحيده وعاشرت دمعتها بالغربه
ومن طبع اليحب يستوطن الحبه
زينب عاشت وماتت على العتبه
مو سهله اليعيش وكلبه مو كلبه
من طبع الورد..يذبل والعطرثابت قراره
زينب والحزن..ربه وياها واخذ دور الصداره
دمعه دمعه توضحه..وهيه تقره الفاتحة
حبيبة فاطمه
..........................................
بدت زينب حياة الوالده بلمحه
مثل خيط الفجر من ينذبح صبحه
طاحت والجرح ضل ياكل بجرحه
من شافت عليها ايشيع السبحه
اول مضلمه..زينب شافت الزهره وكسرها
صاحت ياعلي..امي اثمنطعش بعده عمرها
ودعت فجر الضحه..وهيه تقره الفاتحه
حبيبة فاطمه
...........................................
عاشت زينب وعاش الحزن بيها
ليل انهار تتوضه ابواجيها
صلاة الوحشه ليليه تصليها
خوفن لا علي يمشي ويخليها
امر الله اقتضى..وي طرة الفجر حيدر تودعه
ما تدري علي..مشه عنها وبعد ما منه رجعه
وين ضلت سارحه..وهيه تقره الفاتحه
حبيبة فاطمه
...........................................
ضلت من بعد حيدر تجر اهموم
تعاين للحسن والعبره تجري دموم
من شافت اخوها طايح ومالوم
طاحت يم جبدته طيحة المسموم
تعاتب والدمع..حفر خدها وترك بيها علامه
دخيلك يا علي..انهدم بيتي وطفه نور الامامه
ليك عيني شابحه...وهيه تقره الفاتحه
حبيبة فاطمه
............................................
للطف من مشت مهيوبه بخوتها
تمشي والكمر حداي ناكتها
ماتدري المنيه هناكه ساعتها
لجن عدها وصيه وامها وصتها
وصيتها الخدر..ليلة عاشر محرم تحرسه
ولو مرها الشمر..تخزره ولو حجه زنيب تخلسه
جرح بيها ماصحه..وهيه تقره الفاتحه
حبيبة فاطمه
......................................
رجف زينب كلبها وهجمت الضلمه
تشوف اعله النهر جيش الشمر زحمه
ركضت من على التله ونعت بسمه
واذا بحسين يمشي ويعثر بهمه
تسأله كافلي..وينه مارجع مشتاكه اشوفه
يكلها اعله النهر..طايح زينب اوده جفوفه
خلي سكنه تسامحه..وهيه تقره الفاتحه
حبيبة فاطمه
................................
ماتت زينب وموتتها عالفطره
من شافت اخوها حسين عالغبره
ومن شافت شمر كاعد على صدره
صاحت يا شمر لالاتحز نحره
اعز امن الهوه..من اتذبحه تذبحنه سويه
ماهمه وكطع..راسه وكام يتبختر عليه
موتي لحضة مذبحه..وهيه تقره الفاتحه
حبيبة فاطمه
............................................
جرح يتبع جرح والحيل المها
من ضلت وحيده ولا اخو يمها
حرمه والشمر يفتر على اخيمها
تمنت من عساها ماتت اوي امها
عمرها امدللا..وما مس الهوه طارف عباها
مو مالت سبي..تموت ولا شمر هوه السباها
وينها اوين الرحه..وهيه تقره الفاتحه
حبيبة فاطمه
......................................
خادم خدمة الحسين
الشاعر
محمد الموالي
مَن مُخبِرٌ أُمَّ القُرىٰ.. أَنْ: طاوِلي نَجمَ الذُّرىٰ
نورُ الزَّكِيَّةِ أَزهَرا.. وَبِفَجرِها اللَّيلُ انفَتَق
وَدَّت تَكونُ المُنتَهىٰ.. لَمَّا بَدَت مَهداً لَها
نورُ الحَظيرَةِ قَد زَها.. بِشُعاعِها وبِه ائتَلَق
حازَت رَضيعَةً الكَمال.. وَلَها انتَهَت بِيضُ الخِلال
لَو ضَوعُها مَسَّ الرِّمال.. تَخضَلُّ مِن ذاكَ العَبَق
بِنتٌ لِسَيْدِ النَّشأَتَين.. زَوجٌ لِنورِ الكَوكَبَين
أمٌّ لِشُبَّرَ وَالحُسَين.. فَلِمِثلِها الفَخرُ انخَلَق
مَأوىٰ النُّبُوَّةِ قَلبُها.. عَينُ الهِدايَةِ دَربُها
فَهيَ البَتولُ وَحَسبُها.. وبِفَضلِها وَحيٌ نَطَق
جَهِلَ الوَرىٰ مَكنونَها.. لِلحَشرِ لا يُوفونَها
ما العَرشُ إلا دونَها.. قَلبُ الوُجودِ بِها خَفَق
حِرزُ الخَليقَةِ مِن سَقَر.. بَل إِنَّها (إِحدىٰ الكِبَر)
هُوَ طَوعُ يُمناها القَدَر.. بِالكافِ وَالنُّونِ اتَّسَق
يا سرَّ سُورَةِ (هَل أتىٰ).. شِعري بِرَوضِكِ أُنبِتا
لَولاكِ يُولَدُ مَيِّتا.. أَبَدًا؛ فأَنتِ لَهُ رَمَق
لَكِ قَد زَفَفتُ قَلائدي.. مَنضودَةً بِخرائِدِ
هَلّا قَبَلتِ قَصائِدي.. وَفَطَمتِني يَومَ الفَرَق
مدينة البصرة
٢٤ ١٢ ٢٠٢٤ م
مثيل جبار
لحن(مشكوله)
بصوت
ملا علي الوائلي
ناصريه
من زمان ،، من الطفوله مشيبه آني
من زمان ،، ميته مو عدله تراني
نوحو يا عالم عليه
هم غريبه وهم سبيه من زمان
--------------------------------------
مذبوحه من يوم الضلع ،، طفله وشفت أمي بوضع ،، تتشاهد من العصره
كسر الضلع والله سمعت ،، ساعتهه يا عالم صحت ،، ويلاه يمه الزهره
طاحت رفسهه وعل وجه يسطرهه
وگبال عيني أمي الحنينه يجرهه
شنهلمصيبه اعله الكسر يكسرهه
الله اكبر ما گدرت انظرهه
ويلي يمه ،، طاحت وصدت علينه
ويلي يمه ،، الله يدري الصار بينه
چانت النظره منيه
هم غريبه وهم سبيه من زمان
--------------------------------------
ثاني سهم وسط الگلب ،، طبرت علي موقف صعب ،، شمسوي حيدر بيه
صوت السمى الدين انهدم ،، چن اسمع الكون انعدم ،، وانذبحت الروحيه
بويه اعله بختك تاني لتفارگني
شابگته انوح وهوه هم شابگني
چلمة يبويه بيا وكت تخنگني
حرگ الحطب موت الابو يحرگني
ها يبويه ،، تارك ابنيتك علامه
ها يبويه ،، بدنيا ما بيها سلامه
چنهه خنگة مغربيه
هم غريبه وهم سبيه من زمان
------------------------------------
وگبالي منظر مو سهل ،، وضع الحسن ما ينحمل ،، چبد بطشت حاچوني
مرت عليكم نايبه ؟ ،، نعش ابسهم ومصوبه ،، من ريت عميه عيوني
يا حقد هذا ويا جريمه وشده
مات الحسن يا ناس مو حي بعده
شنهي التريده اسهامكم من عنده
مو كافي طايح بالطشت ظل چبده
ويلي خويه ،، مرت اعله اختك مصايب
ويلي خويه ،، يلحسن دلالي شايب
كل مصاب الدنيا بيه
هم غريبه وهم سبيه من زمان
------------------------------------
وبكربله الموت الصدگ ،، من منذبح للمحترگ ،، للمحد ايحاميهه
ينطبگ صدر اعله الظهر ،، وسيوف تركض عالنحر ،، يا زينب اواليهه
ميته منهد چفين طاحن بالبر
طيحة كفيلي ابعيد عن المنحر
كل لحظه بالطف عام زينب تكبر
اتلم باليتامى وعلاخو تتطشر
يا تعبهه ،، تكتب الطف بدماهه
يا تعبهه ،، وبعد يا ضيم الوراهه
ضيم اصيرن خارجيه
هم غريبه وهم سبيه من زمان
------------------------------------------
درب السبي الما ينوصف ،، كلهم غرب مامش عرف ،، شمات ما رحمونه
اذانه حاديهم ترى ،، من بعد سبع الگنطره ،، وبعد السهم بعيونه
تعبانه حيل من السبي وآيامه
كل خطوه بارض الشام سيف بهامه
تاج اعله راسه ايزيد وشگدامه ؟
راس الحسين الغالي دون اعمامه
والله وسفه ،، من هوان الدنيا هايه
والله وسفه ،، لشامهم ندخل سبايه
زينب ام نفس الابيه
هم غريبه وهم سبيه من زمان
كلمات الخادم / رعد الفريجي
21 /جمادي الاخرة / 1446
ثوابها الى روح والدتي
/channel/Amabeha5533
عهدلمولاي الحسين،،ع،
°•°•°•°•°•^•°•°•°•°•^•°•°
شماتركض أيام السنه نلتــــــــــم عين
ودورت سنتنه تحله من نبچي حسين
كل عـــام ندعي انريده
يرجــــع الخنصر الأيده
هــــــــــاي أمنيتنه شماتمر بينه أسنين
…
الوادم أبفرحــــــــــته تنعد وادم
هيچ التحرر عدهـــــم المو لازم
بيده القضيه ومنهو الضل واهم
بس انه أكيف كون اضـلن خادم
وانه الأجاوب للنشد تخــــــــــدم وين
ودورت سنتنه تحله من نبچي حسين
وحگ مستهلنه أنعيده
ويرجع الخنصر للأيده
هـــــاي أمنيتنه أشمــاتمر بينه اسنين
•••
يبقى دمعنه يختلـف عـــن غيره
بس البچه لحـــسين شايل غيره
عمـري أبعزائه يلگه كــل تقديره
حــــسين رحمة الله كلها وخيره
والما بچوه لحـــسين كلهم ميتين
والحــــگ ترى بتأكيده
ويرجع الخنصر للأيده
هاي أمنيتنه أشما تمر بينه أسنين
•••
يم بابه إجــــدي وانه أعيش الحاله
مــو مــال لا..رايد اشـــــوف أخياله
وكون اعله صـدري تسحگ الخياله
وعيالي ادعــي التنسبي اويه اعياله
وسفه الحسين أيموت وأحنه العدلين
نار الحــــسين أمچيده
ويرجع الخنصر للأيده
هــــــاي أمنيتنه أشما تمر بينه أسنين
•••
مـــــــاشفت تشبه فاتحــه الفاتحته
گاع وسمـه متلثمه هـــــــذا الشفته
كل يوم أخــلي أدموعي تبره الأخته
وحــسين دنيه الوحـــــده أبمرحلته
وكل نار جاست جرحه متبديه أونين
لوعــــشت ناره أوليده
ويرجع الخنصر للأيده
هـــاي أمنيتنه أشما تمــر بينه أسنين
•••
لومــونه وإحـــــنه ابلومكم نتوضه
أنجدد عزائه وهـــم نصلي بفرضه
وحـسين ماي أوجوهنه وموقرضه
أتعاهــدنه وياه والعهــــد شينقضه
والما لطملــــــه شنهــي نفع الچفين
يارب لطـــــمنه اتزيده
ويرجع الخنصر للايده
هــــاي أمنيتنه أشمـا تمر بينه أسنين
•••
خادم آهل البيت،،ع،،
أبوحسين السرگودي...
/channel/Amabeha5533
ويه المشو يالرايحين اخذوني
الله عليكم زينب تزوروني
تانوني تانوني تانوني تانوني
*
خلوني عالشباج اذبن روحي
وقره الزياره بدمعتي وبنوحي
يم زينب انه اطيب كل جروحي
زاير اجي وبيه عطر مذبوحي
بيه ريحة كربله ومنها يا محله الهله
انه صدري ينشرح. هالضريح امن ادخله
امن اذكر اسمها اتكوم تجري عيوني
الله عليكم زينب تنزوروني
****
ماتت غريبه بعيد عن اخوتها
والراحه ابد يا ناس ما شافتها
روحي ترد من ادخل الحضرتها
وفدوه اروح الزينب وعفتها
والكلب هليله حن يكعد اباب الصحن
اشكثر زينب بت علي. شافت هموم ومحن
تدروني ما احمل هجر تدروني
الله عليكم زينب تزوروني
****
ضلت غريبه اجنازة العلويه
كضت عمرها ام الخدر مسبيه
يوميه تنشد عالاهل يوميه
وامتانيه العباس ابو الحنيه
ايشيل الجنازه منو راح من عدها الاخو
لا كرابه ولا اهل. ماتت وما يمها ابو
اتنادي بحزنها ليش فاركتوني
الله عليكم زينب تزوروني
***
لعمي العيون امن البواجي اعليها
والدمعه بس الزينب انه اجريها
يرتاح كلبي من اطبن ليها
يا ناس زينب والله ما ناسيها
ارد ازور بلهفتي حته ابرد جمرتي
الباب زينب من اجي. بسرعه تنزل دمعتي
رايد لخت عباس بس وصلوني
الله عليكم زينب تزوروني
***
ليش العزيز يصير ياذي افراكه
مشتاكه روحي للصحن مشتاكه
ما تنطفي يا نارها الحراكه
واشلون زينب صعدت اعله الناكه
من اطوفن بالكبر عالسبوها ابجي اشكثر
ايعينها الله بكربله امن اركبت نوك اليسر
خلوني اشوف اعتابها خلوني
الله عليكم زينب تزوروني
**
تمت
تحسين الخفاجي
/channel/Amabeha5533
لمولد مولاتنا الزهراء سلام الله عليها
ضوه العالم ابأسره
مولد فاطمة الزهره
-----------------------------
بسم الّله ابديله ..مولد فاطمة الليله
والمنتظر اهديله...افراح وتهانينه
جيت الليله اتباها...هاي الفرحه محلاها
يامولد بنت طه...كل شيعي يسُر عينه
افارق صبر انتضره
مولد فاطمة الزهره
------------------------------------
خادم للزچيه اني ... اوگال النبي اوصاني
الأذاها أذاني...والي ايحبهه ايحبني
يازهراء ارددهه... اوچلمه اليوم اجددهه
ما اعوفنه اعاهدهه..اومن بعدي اوصي ابني
امضي ليهه بالعشره
مولد فاطمة الزهره
------------------------------------
اتگصر عنهه الحچايه...فاطم معجزه اوأيه
هيه نور الهدايه.... ياتفاحة الباري
رحمه ام الحسن هيه...ادعيهه بخالص النيه
يمهه الحاجه مگضيه .... للكلفه نهر جاري
الليله اطلب النضره
مولد فاطمة الزهره
-----------------------------------------
هاي الناس متعنيه...بس ارضاها متمنيه
ضوه المولد الدنيا...ارض اوسمه فرحانه
الزهره افتخر بيهه...وايسر گلبي طاريهه
وبمولدهه مهديهه ...حاضر يفرح ويانه
جاب الفرحه والبشرى
مولد فاطمة الزهره
------------------------------------
الزهره الساكنه افكاري...نور اضوة بداري
وارفع چفي للباري...كون احضه بشفاعتهه
بهاي الخدمه انه اتأما...عني فاطمة تقبل
بدفترهه انه امسجل...هاي الفرحه ساعتهه
وامشي بمنهج العتره
مولد فاطمة الزهره
لخادم الزهراء
الشاعر
ابو عبد الله الشمري
/channel/Amabeha5533
تكضيها كل حاجه تكظيها. ام البنين
****
كلشي يظلم من تضيگ الدنيه بيه
لو نخيت ام البنين اتحلها اليه
امقربه وباب الرجاء عند الله هيه
وما ترد محتاج معروفة الوفيه
هاي عنوان الفخر
هاي ضحت جم نحر
هاي هاي ام الگمر
حاير شحجي عنها
ادعيها من امرض ادعيها ام البنين
تگضيها كل حاجه تكظيها ام البنين
****
الفاتحه تسهيل امر اقراها الها
وأعرف ام عباس كل شده تحلها
اشكد كريمه وماكو بالدنيه مثلها
انه سائل واكف ابابج اگلها
جيت تقضي حاجتي
جيت رافع رايتي
جيت تقبل دعوتي
وتوسلها بحسين
وادريها توفقني ادريها. ام البنين
تگظيها كل حاجه تكظيها ام البنين
*
احنه لم عباس عدنه اليوم سفره
كوم وأخذ امرادك ومجلسها احضره
تشفي كل معلول والخاطر تجبره
اليوم من ام البنين نريد نضره
دوم صفي نيتك
دوم وطلب حاجتك
دوم صيح بحركتك
ما عندي انه غيرج
ناديها بحساسك ناديها. ام البنين
تگظيها كل حاجه تكظيها. ام البنين
****
عالمه ورب العله اهواي اصطفاها
وما يضل بحيره كل واحد نخاها
هاي ضحت لجل الحسين بضناها
والمريض يطيب من ياخذ دواها
بيك تشفي كل علل
بيك. من تدعي بأمل
بيك. ما يبقه زلل
تربتها شفائك
ناجيها بدمعاتك ناجيها. ام البنين
تگظيها كل حاجه تكظيها. ام البنين
****
هاي مدرسه الوفه وام الاكارم
وانه بيها تجننيت وكلبي هايم
اشمحله عد ام البنين اتسمه خادم
بيها تتباها البدو وكل العوالم
شوف روح المعتقد
شوف. والموقف شهد
شوف. ما خلفت وعد
ما ينعد فضلها
امصفيها نيتي انه مصفيها. ام البنين
تكظيها كل حاجه تكظيها. ام البنين
****
تمت
تحسين الخفاجي
/channel/Amabeha5533