524
قناة خاصة لنشر القصائد لشاعر عمار الساعدي لـخدمة خدام الحسين ع ❤️حسين كلشي الي اريده انطاني..اشكر الله ابخدمته خلاني كلشي اقدمله سبيل.وانه احس منطيه قليل
ياصحبتي....الوفايه
ماقصريتوا....اويايه
حياكم يالانصار حياكم
................
يالشديتوا ليه الاحزام...ليه ابنينوه
من طبيتوا عالجيش.....ماشموا هوه
سبعين امن الأقمار....يوجوه الضوه
مثل العاصفه اهناك....طبتكم سوه
عفية بهالربع يانعم الاسياع
من طبيتوا كلكم مالت الكاع
خليتوا الزلم تهرب امن الخيل
يل كدامكم جيش الكفر ضاع
نعمين وكفو....دوختوا العدو
ياربعي الصدك....واحدكم اخو
ماخنتوا ابد ....بحجايه
ياصحبتي....الوفايه
حياكم يالانصار حياكم
................
يل هديتوا عالجيش....واحدكم كلف
سبعين انتوا وابطال....ضد سبعين الف
من اكبركم الكوم.....رجعوا للخلف
واصغركم عالكحيل...من يهد صلف
شايبكم يهد بالعركه جن شاب
من فوك المهر ويطير الاركاب
يسحك عالزلم ضل رايح وجاي
يحسب بالجثث وايطم بالتراب
بيكم ياهله.....صاحت كربله
يصحابي الكفو....ملعبكم حله
يالصرتوا الي.....تجايه
ياصحبتي.....الوفايه
حياكم يالانصار حياكم
.................
انتوا اهل البطولات....كدهه وعالعهد
جن عابس مجانين....ياعون او سند
منكم مامش أصحاب....هالعالم ولد
الله ابعرشه ينصار....منطيكم مدد
انتوا بهالحرب جن طير ابابيل
حاربتوا ابرهه وطبيتوا عالفيل
من سابع سمه وتهلهل الحور
والكم بالحرب رف جنحه جبريل
جبريل الوحي....منكم مستحي
طحنتوا الزلم....طحنات الرحي
بنص كربله....انتوا ايه
ياصحبتي....الوفايه
حياكم يالانصار حياكم
...................
يالوافيتوا وياي....ينصركم علي
الله اختار الي اصحاب...نزلكم الي
انتوا الضهري الحزام....وادروع الهلي
كلكم حتوا عالموت....ينصار الولي
عشرتكم صدك مو عشرة أموال
وكفتكم تظل تذكرهه الأجيال
منكم ماشفت بالصحبه هيهات
مو ياهو اليجي يتسمه رجال
موتتكم عرس....قدمتوا النفس
انتوا الكل زمن...انطيتوه درس
دمكم جرة...ويه ادمايه
ياصحبتي.....الوفايه
حياكم يالانصار حياكم
..................
الخادم عمار الساعدي
ونسالكم الدعاء
ارجع عليه...ارجع علية
يابوية أريدك...ارجع علية
.............
يبوية يالعفتني ودمعي سجاب
وحكك من غيابك هالكلب ذاب
عفتني وسافرت وياك الاحباب
أتاني ابجيتك ليليه عالباب
بنتك خطيه ...بنتك خطية
يابويه أريدك....ارجع عليه
..............
أدير اعيوني كل لحظه المجانك
يبويه الماكو اب يشبه حنانك
زمانك راح مارجع زمانك
ييوية واشحلات اسمي ابلسانك
يابو رقيه ....يابو رقيه
يابويه أريدك....ارجع عليه
...............
ردت وياك اهاجر ماخذتني
يبوية وفوك مرضي مرضتني
عذاب وغرية والهم جملتني
انه الدنياية كلش دوهنتني
دارك خليه...دارك خليه
يابويه أريدك...ارجع عليه
............
يبوية ميته بنتك من بجيهه
كتلهه افراك ابوهه المايجيهه
المرض والوحشه شوف اشسوه بيهه
اظن تموت ماتلحك عليهه
شفت المنيه... شفت المنيه
يابويه أريدك....ارجع عليه
............
انه المشتاكه ليك وكل اخوتي
انه حيل المرض هدالي قوتي
أنه البالوحشة كرب ليه موتي
اصيحن بوية ارجع بعله صوتي
لاتجفي بيه...لاتجفي بيه
يابوية أريدك....ارجع عليه
.................
الخادم عمار الساعدي
ونسالكم الدعاء
الغير حسين مايوم انتمينه
والله يديم هالخدمة علينه
الدنية بدون الحسين....ماتنشرة بفلسين
الله يديم هالخدمة علينه
..............
مدرسه الحسين احله المدارس
ماالهه منازع لا منافس
معجزة العصر هاي المجالس
والمدرسة بيهه استاذ عابس
مات بدرب الحسين....الأول عالمجانين
هنياله الركب هاي السفينه
الله يديم هالخدمة علينه
...............
اول واحد بهالخدمه جبريل
بالك تستمع حجي الاباطيل
الغير حسين ماتحله الزناجيل
يستاهل عزائة تنهضم حيل
الطم عالصدر زين.....تسوه اللطمة لحسين
الحسيني المن صدك نور ابجبينه
الله يديم هالخدمة علينه
................
ترة بدون الحسين نعيش عميان
العمر ابلا عزائة هيجي خلصان
لوله حسين كلشي ماله عنوان
والدين ابدمائة عايش الان
الجنه ابدرب الحسين....كحلوا ابخدمته العين
العاف حسين جن باغض نبينه
الله يديم هالخدمة علينه
................
وي حسين كلكم لاتقصرون
انتوا اسباع وادري ماتتعبون
باجر بالقيامه جنه تلكون
وي حسين وانصارة تكعدون
كلمن خادم حسين....الله يرزقة بثنين
حب حسين والجنه الثمينه
الله يديم هالخدمة علينه
....................
الخدمه ابلا مذله من خدمناه
حزب حسبن حزب الله التبعناه
عشنه احنه ابكرامه ابجاله والله
غير حسين ماواحد عشكناه
تاج الروس الحسين....سيد عالسلاطين
واحنه ابمجلسه اليوم التقينه
الله يديم هالخدمة علينه
..................
الخادم عمار الساعدي
ونسالكم الدعاء
اذا ادور قصائد لمحرم مرتبة وحلوة تفضل هذا رابط القناة
/channel/abbmmnn
اذا ادور قصائد سهلة الحفظ وجميلة المعنى ادخل هنا ما راح تندم
🔗 اضغط هنا للانضمام
📡 /channel/alhagamy78sattar
اخواني الرواديد هذا الشاعر مبدع وانا اغلب قصائدي اخذها من قناتة جانت عدة قناة قوية بس للاسف. راحت منه هسه سوى قناة جديد هذا رابطها
@alhagamy78sattar
عينك تجدح نار.... يابو الراس الحار
هلا يالكافل هله... هلا يالكافل هله
......................
خافوا من نظراتك
َوالراية ابيمناتك
كل الطگ مالاتك
يالتوجع سطراتك
زلمة وكلش كلف
ايعادل چفك بالف
وابسطراتك صلف
تسطر بس اكبار..... يابو الراس الحار
هله يالكافل هله.... هله يالكافل هله
.........................
يل سرفنت اردانك
حيل الله ابذرعانك
الله امعلي ابشانك
زلمة انت ابميدانك
أظلم صار الصبح
سيفك شابع ذبح
يوم العركة وكح
چنك حامي الجار.... يابو الراس الحار
هله يالكافل هله.... هله يالكافل هله
...........................
ياصاكرهه الحومة
الشافك ذب اهدومة
ومنشف زردومة
سيفك هالحل يومة
زلمة وحوك وشهم
ياشيخ اعله الزلم
الماي الطولك قزم
زمزم بيك اندار...... يابو الراس الحار
هله يالكافل هله..... هله يالكافل هله
............................
البدوية اشمنطيتك
يل تكتل شخصيتك
من تلبس خاچيتك
يالراعبهم صيتك
انت المثلك منو
شايل خلگ البدو
طولك هيبة وحلو
الطولك كلهه ازغار.... يابو الراس الحار
هله يالكافل هله..... هله يالكافل هله
..........................
الفرسان امركظهه
يل سيفك مرضهه
بس القادة اتكظهه
چن موت وقابظهه
الموت ابچفك نزل
اسمك صار الاجل
ياهو ابگدك فحل
الطف بيدك طشار.... يابو الراس الحار
هله يالكافل هله..... هله يالكافل هله
.............................
الخادم عمار الساعدي
ونسالكم الدعاء
12
...........
مولاتي يم العباس
مولاتي يم العباس
.............
مولاتي يالبدوية
بيج انتخي يومية
جابتني الچ رجلية..يم البنين ادخيلچ
باب الحوائج انتي
ام للهواشم صرتي
غيثيني ياسيدتي...من الهموم اشكيلج
يم الوفة والنوماس
مولاتي يم العباس
.................
اتنخة بيج ابدمعي
ارفع ادية وادعي
يم البنين استمعي...بالزهرة لتعوفيني
غير الله وانتي اشعندي
ابابچ گعدت امجدي
يم الحوائج ردي....خادم الچ خليني
ياحرة ياتاج الرأس
مولاتي يم العباس
...................
كلشي العليه احچيلچ
سيدتي وارد اشكيلچ
عبدج واصيح ادخيلچ...يالحرة اريد امرادچ
روحي اشكثر مختنگة
بابح ادگة ابحرگة
كتلتني حيل الفرگة...مشي عليج اولادچ
ياطيبة من الساس
مولاتي يم العباس
....................
حاجاتي حلهن عندج
اقسم عليچ ابولدچ
خليني أصيرن عبدچ..والخدمة لجلچ حلوة
والخدمة الج مولاتي
الأولى من حاجاتي
عمري المضه والاتي.....كله ابخدمتچ فدوة
منذورة ليچ الانفاس
مولاتي يم العباس
...................
حسبيني من أضيوفچ
وانطيني من چفوفچ
والله ابد مااعوفچ....وامچلب ابيبانچ
يالجاهچ اشگد عالي
عند الله اسمچ غالي
وياج اضل للتالي.....أو ماانحرم احسانچ
عينچ علية حراس
مولاتي يم العباس
...................
ونسألكم الدعاء
الخادم عمار الساعدي
13
............
بسم الله العلي...جاي الكم علي
أنه ابن النبي .. جدي الجد علي
................
من هاشم..أنه أصلي...سادات العرب
أنه ابن..الماثنة....بسيفة لو ضرب
جدي أنه ...المن سيفة...زلمه الماهرب
وانه اسمي...چن جدي...ليسمعه انرعب
نفس الجد أنه ..علي هو وانه
هم مثل الفحل....جاي الكم علي
................
خل تسمع ...عدواني..ميهموني أبد
أنه افرح..بالحومة.... لو زاد العدد
ماهم...ابعسكرهم ...لو جابوا بعد
افنيهم...بس أصرخ....ياحيدر مدد
امن اندب حيدرة...افنيهم ترة
مثل الموت أنه....جاي الكم علي
.................
دمي اني ..واخلاقي...من ال النبي
اتفاخر...بأجدادي....نسلي طالبي
جاي الكم...بالحومة....اسبيكم سبي
خيماتي ..وعماتي....كلهه ابشاربي
منطي الأب وعد...اوگف ليه سند
بالطف مااذل ...جاي الكم علي
..................
هاك اسمع...يالعاذل....خل عندك علم
لو توگف ..گدامي...خيل اوي الزلم
هيهات أنه ...اتراجع....مااذلن حلم
راح ادخل...ميداني...واهجمهم هجم
گدامي الطلع....زلمة لو رجع
زلزال أو نزل....جاي الكم علي
...................
سيفي انه...بالحومة....يعشگ يمنتي
ماارجع...الا أنه....محقق غايتي
گاع الطف... والبيهه...كلهه ابخدمتي
اتباهه...بكل زودي....رافع رايتي
بيدي أنه العلم ...حاميهه الخيم
وافخر لو گلت....جاي الكم علي
..................
ونسألكم الدعاء
الخادم عمار الساعدي
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
حقيبة الرادود لتحضيرات محرم اول باول
/channel/ahmed_alziwar15
تم نشر برنامج محر1447 هجري متوفر فيه كل شيء (قصائد مقدمة و رئسية ونعي وابوذيات ونزلات ) اشترك بالقناة ليصلكم كل جديد
/channel/sadqdd
حقيبة الرادود لتحضيرات محرم اول باول
/channel/ahmed_alziwar15
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
ابن اخو الامير....هذا انه السفير
داخل للحرب....بسم الله القدير
.............
امن أكف ارداني....واجيكم انه
اليشاهد عيني...يتيه احصانه
اليسولف بيكم .....اكص السانه
دفنه العايل....يضل بمجانه
انه من اكر....ابتركم بتر
تربية علي....بحروبي جسر
................
انه المن هاشم....فصيله دمي
عقيل الوالد....والأشوس عمي
انه اعله أجدادي....شجاع او نشمي
من يطك سيفي....تعرفون اسمي
مسلم بن عقيل....بن عم الكفيل
بيوم المعركة....من اطك ثكيل
..................
السبع بالكوفه....بيديه اقتنصه
يظل طبع ايدي....اثر بالكصه
الاشطرة ابسيفي...ابقيه نصه
انه الجن موسى....شمرت العصه
انه الكم دوه....بيدي ايرف لوه
من طولي الشمس....ماطلعت ضوه
...................
اجيت الكوفه.....اخيط اشكوكهه
ابمهرتي اتعنه...واهدن فوكهه
لخلي القادة....تسد حلوكهه
الهواشم تعرف....تجيب احكوكهه
احنه الكل فحول....بالملعب نصول
بوكت المعركه...نفعل مانكول
.................
نطيت احجايه....ولا رد بيهه
سفير الكوفه....واجيت اعليهه
ابيعن روحي....الحسين انطيهه
اميه الموتي .....ولا اواليهه
انه الهاشمي....لحسين انتمي
من فوك القصر....قابل انرمي
.................
الخادم عمار الساعدي
ونسالكم الدعاء
نعمين منج يم البنين
ماقصريتي وي الحسين
...........
حاير عليج اشلون اسولف
حتى القلم بيميني يرجف
بالطف الج يالحرة موقف
ماوفي حكج لو اوصف
ماتوصفج اشعار
يالبوة الكرار
قدمتي خوش أقمار...لبن الزجيه
يمخلفه العباس
ام غيرة يانوماس
تاج انتي فوك الراس....حرة او وفيه
لوعندج اكثر هم تضحين
نعمين منج يم البنين
...........
عن موقفج هالدنية تشهد
يم الكمر اسمج تخلد
يل ابوفائج ماكو احد
ناصرتي كل عترة محمد
اسمج يضل عنوان
يمربيه بس شجعان
جعفر عبد عثمان....كلهم نشامه
اكبرهم الضرغام
شيخ الكلافه العام
بدر البدور التام......راعي الشهامه
قدم جفوفه وضحه بالعين
نعمين منج يم البنين
.............
كل شدة بسمج والله تسهل
نقرة الحمد والعكدة تنحل
يمج اذا واحد توسل
الله اعله مودج كلشي يقبل
صح ماالج شباج
بس الله كلشي انطاج
كل خادم الينخاج.....تنطيهه بيده
الكل حاجه انتي الباب
من اشرف الانساب
ياحرة يم حجاب......لبوة صميده
ام للحسن صرتي انتي وحسين
نعمين منج يم البنين
................
يم البنين الخدمة ثروة
من عندج انتي خذنه فتوة
الحب المجالس هايه نهوة
ابكل مجلس اسمج يبقه دعوة
نقرالج الآيات
وينفرجن الصعبات
عندج هذن سهلات.....مو مستحيله
اسمج فلا ننساه
بكل حاجه قدمناه
عندج كرامه وجاه.....حرة او جليله
كلمن يندبج ماتقصرين
نعمين منج يم البنين
................
انتي اليخدمج والله فايز
أعظم كرامه بكلشي حايز
يااوله ابكل المراكز
تشهد الج كومة المعاجز
من حكهه هاي الروح
تركض الج وتروح
نلطم الج وانوح.......صبح او مسية
نخدم الج للدوم
يمشيبة عالمعصوم
منج نريد اليوم.....أعظم هدية
الهاي الخدم كونج تحضرين
نعمين منج يم البنين
................
الخادم عمار الساعدي
ونسالكم الدعاء
مرجع الي...مرجع الي
تبقه وتظل....يابو علي
................
عيني هاي وهاي....فدوه الك مولاي
والله ابو السجاد احسك...كلك انت وياي
ماكو عندي اثنين....لو الي عمرين
هم الك انطيه واضحي....وافتخر يحسين
اشما قدمتلك....ماوفي الك
تقبلني عبدك....اتوسلك
غيرك شلي...غيرك شلي
تيقه وتظل...يابو علي
.................
ماادور جاه....يابو عبد الله
والله ادري الي يخدمك....يرضه عنه الله
انه ماندمان.....حسستني انسان
لوله عطفك يابو الأكبر....جا صرت خسران
انه بدونك.....مثل الضرير
يل لبستني....ثوب الحرير
عمري وهلي...عمري وهلي
تبقه وتظل....يابو علي
..................
انه اموتن ببك....امقصر اشمنطيك
يل نطيت الدنيه ليه....كلشي ماجازيك
أمري بيدك صار.....ياابو الاحرار
كل سنه ابجيه محرم.....كلبي مثل النار
ابعاشورك انت.....البس سواد
عمري اعله مودك....عالن حداد
بيك اعتلي....بيك اعتلي
تبقه وتظل....يابو علي
...................
خادم اشرف ناس....ها يتاج الراس
افتخر لمن خدمتك....انت والعباس
بمجلسك كل عام....انه والخدام
من يجي اهلال المحرم.....ننشر الاعلام
ترفع صورك....كل البيوت
لو ما محرم ....صدكني اموت
نعم الولي....نعم الولي
تبقه وتظل....يابو علي
................
انه الك مخلوك.....عاشك او معشوك
انه احسن من خدمتك....وصلتني الفوك
بكلشي الك ممنون.....ياعزيز ام عون
بدفترك سجلني خادم....ويه اليخدمون
بنص المجالس....كون انحبس
يلي ابعزائك....شفت الشمس
ضد عاذلي....ضد عاذلي
تبقه وتظل....يابو علي
..................
الخادم عمار الساعدي
ونسالكم الدعاء
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
اذا ادور قصائد لمحرم مرتبة وحلوة تفضل هذا رابط القناة
/channel/abbmmnn
ذبحوا عضيدي...يازينب اعلة المشرعة... ذبحوا عضيدي
مات اعله ايدي...ينظرلي وايدة مگطعة...مات اعله ايدي
حرامات حرامات...اخينة الگمر مات
مات اعله ايدي
...................
رحت اركض..لمن نادة...علي صوت الگمر
نده بسمي...يخوية الحگ....اخيك عالنهر
رحت يمة...واحس ظهري...وحگ الله انكسر
شفت جسمة...على الشاطي...الجسم كلة انحفر
من اوصلت ليه واگف ظهري گوه
ناديتة عباس اخيك انه هوه
شفت انه ممدود ميزان الاخوه
عالشاطي مجروح ياوسفة ايتلوه
مشلوعة عينة....ماهية عينه امن السهم...مشلوعة عينة
ماهية ادينة...وزنودة يابس بيهه دم
ماهية ادينة
ابو چفوف چبيرات....اخينة الگمر مات
..................
شفت جسمة...گصر طولة...ابو طول الحلو
اگعدت يمة...ولا چنة...ابو الغيرة الكفو
صحت بسمة...ولا يسمع....يگلي انت منو
كلتله اني...ابو الأكبر...يعباس الاخو
ناديتة عباس يابدر العشيرة
حيرة غيابك ماكو بگدهه حيرة
تدري بالحسين مثلك ماله غيرة
هالشبگة وياك شبگاتي الأخيرة
نام اعله صدري...يشبگني راد أو ماگدر...نام اعله صدري
بس الله يدري...مت انه من كثر القهر
بس الله يدري
والجروح چثيرات.... اخينة الگمر مات
...................
لون شفتي...ابو فاضل...مثل خشبة ويبس
خلص كلة...ولا باقي....الولا كفاه فرس
ردت حملة...ولا يقبل...يگلني خلني بس
يوصيني...عليچ انتي...واهو بأخر نفس
گلالي يحسين خليني ابمچاني
من زينب اختك حيل امقصر اني
الچانت بالخيام للجية تتناني
وانه احچي وياه ودعني بثواني
راعي الشهامة...وصاني بيچ ويعتذر.. راعي الشهامة
بأخر كلامة...يدعي الله ميمسج عسر...بأخر كلامة
جبتلچ سلامات.... اخينة الگمر مات
...................
اخذ كلشي...أخو گلبي...ترك بيه صدع
مثل روحي...ابو فاضل...الي چان الضلع
احس عمري...بعد عمرة...ابد
ماينجرع
فلا يحصل...مثل خوتة....بعد ماتنسمع
الچان ابحياتي يمشي چن خيالي
وي موتة حسيت محد مابقالي
الماعندي غيرة والكافل عيالي
عفتة اعله الشريعة جيتچ هذا حالي
ظليت اعاني....ياخوية جيتچ منكسر ...ظليت اعاني
ماچني اني...كبرني عباس اشكثر...ماچني اني
تركني ابجراحات.... اخينة الگمر مات
.....................
الخادم عمار الساعدي
ونسالكم الدعاء
3
.........
تهواك الكائنات
يامالك الحياة
سفينة النجاة....مولاية ياحسين
..................
والله غيرك ماعرفتة
بس احبك كلش انتة
ياحبيبي وسر نجاحي
وافخر أنه چي خدمتة
خدمتك ماكو مثلهه
والله اقسم مااملهه
حاربوني چي خدمتك
والمجالس الهه اهلهه
وياك ابتدت قصتي
ياحضي وكبر بختي
بالمجلس ترد صحتي...حسينا وا حسين
دوم ابمجلسك احضر
واگعد جوة كل منبر
وابچيلك دمع احمر...حسينا وا حسين
اهواك للنشور
ياسيد العصور
يااجمل البدور.... مولاية ياحسين
.................
حبي انت امن البداية
او مااعوفك للنهاية
أنه عمري كله بيدك
الا اموتن ع الولاية
أنه عايش من عطائك
حيل اموت ابكربلائك
طلگت كلشي واجيتك
وجيتك امچلب بردائك
مثلك ما بعد الگي
بس حبك ترة الصدگي
بسمك لو صحت حگي... حسينا وا حسين
لاكبلك ولا بعدك
أنه اللايذ ابسدك
احسبني مثل ولدك... حسينا وا حسين
ياحبي الوحيد
ياقاهرأ يزيد
اصيح ياشهيد.... مولاية ياحسين
.................
يادعائي ابكل صلاتي
منك اني كل صفاتي
ياحبيب الله أو شهيدة
راح اخدمك حد مماتي
اشكر الله الي خلقني
هذا حبك بي رزقني
أنه حريتي ابوجودك
من خدمتك ماعتقني
عبد أنه وصرت يمك
تسجلني اريد امك
يكبر صيتة اليخدمك... حسينا وا حسين
بيك الباري راحمني
من المجلسك ضمني
اترك كلشي ميهمني.... حسينا وا حسين
ياوالي للسميع
ياوالد الرضيع
بلاك قد اضيع... مولاية ياحسين
.................
لو عفتني هم اجيلك
مالي اي واحد بديلك
وين اروحن لو عفتني
وانه خيري من شليلك
سيدي انته الحقيقة
الدومي ماازل ابطريقة
يابو الأكبر اني احلفك
بذيج الأيتام الرقيقة
أنه بلا اسم دونك
مااسوى بلا عيونك
عونك سيدي عونك... حسينا وا حسين
اذا يوم الوكت فرني
جرني الرحمتك جرني
بس انته التكبرني.... حسينا وا حسين
يادربي الحلال
ياسيد الكمال
يافائق الجمال..... مولاية ياحسين
.................
ونسألكم الدعاء
الخادم عمار الساعدي
15
.............
علي وياك ياعلي علي وياك
علي وياك ياعلي علي وياك
................
لقد ابراسك الخضرة
والگدةبيدك المهرة
عشرة طگهم ابعشرة.....يخيال
اعرف هالحرب عيدك
گظ الصارم بأيدك
روح استنگي اليفيدك....بالرجال
الزلم ابكربله ماتوصل الحدك
الخوفه إلهسه بيهم من علي جدك
خليهه الزلم تتراكض الوحدك
علي وياك ياعلي علي وياك
.................
چنك حيدر ايحارب
هايمنتف الشوارب
دمك من بني طالب....صدگ حار
فدوة الجسمك أو طوله
لاعب بالزلم جوله
السيفك مايگدروله....يمغوار
سيفك بالرگب ياالاكبر اشسوه
خلاهه الزلم لاحول لا قوه
اليرعد بس حسامك ياعلي هوه
علي وياك ياعلي علي وياك
...................
ياشمرة بني هاشم
لايگ بيدك الصارم
وجهك وجه ابو القاسم....يمهيوب
جدي ابكل معانيه
واخلاقك حسينيه
چويت الزلم چويه....بالگلوب
عندك هالحرب ها يالولد ونسه
ضرباتك عجيبة ومن صدگ شرسه
خليت المعسكر ماطلع حسه
علي وياك ياعلي علي وياك
...................
فوت ابراية السادة
حيدر ذوله اولادة
شاب ورجفت قادة.....صدگ حيد
لبست الزلم شيله
ها يمعدل الميله
دابج فوگ الاكحيله....يصنديد
من عمك خذت ياالاكبر احرورة
من طگت حسامك شربوا امرورة
وجهك والگمر تتشابه الصورة
علي وياك ياعلي علي وياك
..................
غانم طيرت رأسه
ماخذ بيدك انفاسه
دمك هاشمي ساسه....عالاجدود
اكبر فارس اتسوگة
ها يمخيط الحلوگة
غانم ظيعت سوگة....يبو الزود
يمبچي المعسكر كله والقادة
عفية بأبني رافع هامة السادة
كل الناس تعرف حيدر اولادة
علي وياك ياعلي علي وياك
..................
ونسألكم الدعاء
الخادم عمار الساعدي
20
..................
لحظة وگلت جاي....ماريدن الماي
ياخوية يابو فاضل...ياخوية يابو فاضل
................
يابو فاضل خوية اكلمك
من المخيم واشتكيلك
طولت جيتك عليه
لو تجيلي لو اجيلك
وين ادور مثلك انت
واني ماعندي بديلك
گلبي واگف من عفتني
ميتة من ساعة رحيلك
والله أنه بغيابك متت
بسمك يبو فاضل صحت
ترجع علي خوية ردت ...حاچيني عباس
بس گلي بالصار....گلبي اشتعل نار
ياخوية يابو فاضل
.................
خوية يمدلل خواتك
گلبي بغيابك شلعته
أنه صح عطشانه لچن
اروة من انظرلك انته
خوية احلفك بمي وامك
خاطر اختك شو كسرته
خوية عوف الماي وارجع
صوت اخيتك ماسمعته
اباب المخيم واني أون
كل لحظة احسبلك واحن
دمعي حفر حتى الوجن....ياخوية عباس
منك فلا صوت ...لاصابك الموت
ياخوية يابو فاضل
...................
يابو فاضل تدري بيه
أنه متعودة اعله شوفك
شأخرك خوية عليه
تدري مااگدر اعوفك
أنه اخافن انت ميت
خوية خبرني ابظروفك
خوية اشرلي بصبعك
لو صدگ بيدك چفوفك
لو صح چفوفك بالزند
چا خوية ليه ماترد
رد فدوة ياخال الولد....يابعد الانفاس
گظيت الاصفاح......خاف العلم طاح
ياخوية يابو فاضل
.................
شيبت والله بغيابك
فرگتك كلش چبيرة
يل عفتني ابهمي وحدي
ابلا حمة ابذيچ الظهيرة
وين اروحن بعدك اني
خوية وجهي وين اديرة
أنه اخافن انته ميت
وامشي يالكافل اسيرة
يالواعدتني امن الزغر
مو كتلي انطيچ العمر
ياكافلي وحامي الخدر.....يارفعة الرأس
وين الوعد ذاك.....موش أنه بحماك
ياخوية يابو فاضل
........................
اتعطلت خوية واجيتك
عاالنهر شفت المصيبة
چفوفك الچانت حماية
امگطعة وبالدم خضيبة
وعينك التحرسني چانت
بالسهم راحت عجيبة
أنه يمك يابو فاضل
بس احس هسه غريبة
جسمك صفه فوگ الترب
گبلي ولا ضگت الشرب
متهشم انت من الضرب....والطبرة
عالرأس
متكسرة الاعظام.....مو وكتك تنام
ياخوية يابو فاضل
.................
ونسألكم الدعاء
الخادم عمار الساعدي
تم نشر برنامج محر1447 هجري متوفر فيه كل شيء (قصائد مقدمة و رئسية ونعي وابوذيات ونزلات ) اشترك بالقناة ليصلكم كل جديد
/channel/sadqdd
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
تحضيرات محرم1447 هجري
لعمل هندسة صوتية عن طريق بصمة الواتساب
او التلجرام وانت كاعد بالبيت
تواصل معنى
@ahmed_alziwar0
لمشاهدة النماذج
/channel/alziwar18
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1