524
قناة خاصة لنشر القصائد لشاعر عمار الساعدي لـخدمة خدام الحسين ع ❤️حسين كلشي الي اريده انطاني..اشكر الله ابخدمته خلاني كلشي اقدمله سبيل.وانه احس منطيه قليل
ساكت يابشر چا ماتشوفة
اكتاب الله احترگ وبكل حروفة
يلي تنادي يحسين
گوموا وانصر الدين
..............
يل تنادي حسين انهض...مو فقط صدرگ تدگة
حسين من أجل الرسالة...واخذ لجل الدين حگة
صير مثل حسين واطلع...جفن عينك لاتطبگة
يحرگ كتاب الله النذل
گوم احچي عن هذا الفعل
مو كافي تسكت يارجل
قصدة هم گلبك يحرگة
متعمد ترة يحرگ دليلك
يلة يارجل گوم اعله حيلك
النبي وصه بالاثنين
يلي تنادي يحسين
................
كافي من السكتة كافي...ليش راضي عالمذلة
هي نفس الشغلة ردت....حسين هم ذبحوه كله
حسين والقران تؤأم....وبالروايات الادلة
حسين وكتاب الله سوة
نفس الفعل والمحتوة
اثنينهم بيهم ضوة
والتركهم عاش ذلة
يل تلطم على حسين ومصابة
انصر خالقك وانصر كتابة
اسمع كلمتي زين
يلي تنادي يحسين
................
الخادم عمار الساعدي
للعليلة ع
ليلية...بفراشي اظل سهرانة
ليلية...مو من مرض تعبانة
ليلية...الجيت الاهل لهفانة
...............
ليلية سهرانة اظل...من اهلي راحوا للسفر...هالبيت كلش وحشة
ليلية افتر بالغرف...بلكت اگولن عاودوا....ابكل الغرف اتمشة
من البچي جفني ذبل...تعبانة من گد السهر....من الليل حد الغبشة
چن طير مكسور الجنح....ه‍يچ انه احس ابلا هلي...چن طير فاگد عشة
مقهورة....چا بيش اصبر روحي
مقهورة....همة الدوة لجروحي
مقهورة....وحدي بگيت اهنانة
.............
مشتاگة لحضان الابو...ياوسفة عافاني ومشة....وانتظرة كل اشوية
مو گلبي تعبان و خلص...ياناس اريدن والدي.... ياهو يگلة اشبية
ياهو اليوصلة الحچي...گلولة بنتك رادتك....عايفني وانة ابنية
مو راح اموت من القهر....ياريت اشوفنة الابو.... الحسين ابو الحنية
گلولة....عندك عليلة ابدارك
گلولة...تسمع تريد إخبارك
گلولة....منتظرة يم بيبانة
..............
مشتاگة لسكينة اشكثر...ام المحنة هالاخت...ومشتاكة اشوف الأكبر
العبد الله ابو گماط الحلو...مشتاگة اشيلة بهالحظن...ياريحتة چن عنبر
وارقية اشوفنهه اشوكت...محله سوالفهه وعلي...چنت ابسوالفهه انسر
عالباب اتانيهم گمت....وبگل اساميهم صحت....كل خوفي صايبهم شر
كل خوفي....راحوا ولا الگاهم
كل خوفي....طول العمر فرگاهم
كل خوفي....كل اخوتي عطشانة
...................
ظلمة الديار ابلا أهل...والبيت ابد ماينگحم....مطشرة ذيچ اللمة
ماتسوة دنياي وعلي....وانفاسي ضاگت يابشر...دون اهلي ماشم نسمة
ابلاية امي وابلاية ابو ....شلي ابحياتي والعمر...هالموت آلية نعمة
من يمي كل واحد مشة....بالغربة كلهم طولوا....لاعم اجه ولا عمة
لو بيدي....والله وعلي امشيلهم
لو بيدي....عن شدتي احچيلهم
لو بيدي....ماظل ابروحي انة
..................
الخادم عمار الساعدي
ونسالكم الدعاء
هلالية
.............
ياشهر عاشور ياشهر العويل
من تهل ابزينب هوايه تعيل
.................
ياشهر عاشور يالاسمك حزين
صاب سهمك كل گلوب المؤمنين
بيك ترفع فاطمة ثوب الحسين
ثوب ابنهه من الذبح لسه يسيل
ياشهر عاشور ياشهر العويل
..................
ياشهر عاشور ياشهر المصاب
يلي بيك اتذبحت شيب أو شباب
أهل زينب نايمة فوگ التراب
يالعفت زينب وحيدة ابلا كفيل
ياشهر عاشور ياشهر العويل
.....................
ياشهر عاشور بيك اشگد الم
يلي خليت اليتامة ابلا خيم
بيك الأطفال انسبت محد سلم
بيك حرگوا گلب زينب والعليل
ياشهر عاشور ياشهر العويل
...................
ياشهر عاشور ياشهر البلة
ايساعد الله اليوم كل العايلة
من تهل نذكر مصايب كربلة
مستحيل ابيوم ننسى مستحيل
ياشهر عاشور ياشهر العويل
..................
مستحيل ابيوم ننسى الي جرة
النار بينة الهالوكت متوجرة
الصار وي زينب چذب صار ابمرة
اشما نسولف عالجرة كلش قليل
ياشهر عاشور ياشهر العويل
...................
حيل زينب بيك والله اتعذبت
ابكربلة من دون كافلهه انسبت
اتشتمت واتفرهدت واتضربت
والله وسفة الدنية وي زينب تميل
ياشهر عاشور ياشهر العويل
....................
بالخرايب گاعدة ابدار الغرب
ابلا سگف متعوبة نامت عالترب
تعاين الرأس الاخو من تنضرب
تصيح ياعباس يالمالك بديل
ياشهر عاشور ياشهر العويل
....................
الخادم عمار الساعدي
ونسالكم الدعاء
الحسين ظلت جثته عريانة
ياال هاشم گوموا يادفانة
..................
ياال هاشم مادريتوا اشصاير
الحسين جسمة امخلص من الحافر
مو نفس طولة حسين كلش گاصر
جسمة تفرهد كله يوم العاشر
بالحر وحيد وجثتة يبسانة
ياال هاشم گوموا يادفانة
...................
گوموا اعله ابنكم بالعجل ياهاشم
ماظل عظم من جسمة صاحي وسالم
فوگ الترايب بالشمس ظل نايم
ظليت انادي ياعلي أو يافاطم
خلصان ابنكم حالتة تعبانة
ياال هاشم گوموا يادفانة
.....................
حار الرمل والگاع تچوي ابجسمة
التراب تارس منحرة ويلچمة
ياللاسف مخبوط لحمة وعظمة
وابلحيتة يابس تراب ودمة
وامفطرة كلش شفتة وعطشانة
ياال هاشم گوموا يادفانة
......................
الف وتسعمية جرح مو واحد
بحسين اخوية چم سهم شو گاعد
گطعولة راسة وعالرمح ظل شاهد
گطعوا اصبعة ابكربلة ابدم بارد
مو عشر اصابع للأسف نقصانة
ياال هاشم گوموا يادفانة
......................
بچفوفي احركة خايفة يطشر
ياجسم اخوية من الخيول اتكسر
عطشان اخوية وجلدة حيل امفطر
كم مرة ثوبة ابخيلهم ظل ينجر
وين الله اموتن وي اخوية هنانة
ياال هاشم گوموا يادفانة
.....................
الخادم عمار الساعدي
ونسالكم الدعاء
مايلة دنياج زينب مايلة
واشكثر لوعات روحج شايلة
.................
زينب الله ايساعدچ ابدي الكلام
زين بعدچ عايشة ابذبح الأمام
الهسة بذنج صوت كسرات العظام
شلون نمتي ابليل وانتي بلا خيام
وحدج تظلين مو متخايلة
مايلة دنياج زينب مايلة
...................
والله شفتي الضيم كلة ابكربلة
البيچ ماكو انسان ضيمچ شايلة
صبرچ انتي ايوب مايتحملة
ابعينچ الخوان شفتي امچتلة
دنيتچ وانذال ضدچ عايلة
مايلة دنياج زينب مايلة
....................
زينب الله يساعدچ نص نينوه
حايرة بنسوان واطفالچ سوه
شمس تكتل والهوه حار الهوه
وجدمج ابگد ماتركضين انچوه
من السياط دموم متنچ سايلة
مايلة دنياج زينب مايلة
......................
حيل تعبانة ابركض ذاك الصبح
وعين عدوانج مثل ملح ابجرح
ابعينچ اتشوفين اخوتچ عالرمح
ابليل وحشة وگلبچ اشگد منذبح
وسفة صوبچ هالعساچر صايلة
مايلة دنياج زينب مايلة
......................
انتي وي اطفال بيديكم حبل
بعينج اتبارين جم طفلة وطفل
شمر سب بيج اشكثر والله نذل
ابلاية هودج صاعدة فوگ الهزل
ماشية الدار الغرب بالعايلة
مايلة دنياج زينب مايلة
.....................
الشام اه يالشام خله بيچ اثر
شفتي بيهه الضيم متي من القهر
بماي حار استقبلوچ وبالحجر
فرروج ابسوگ من احقر بشر
اعليج كل الشام شو متحايلة
مايلة دنياج زينب مايلة
..........................
الخادم عمار الساعدي
ونسالكم الدعاء
الخدمة
..........
وحگ صينية القاسم
بسم حسين اظل خادم
لجل حسين خادم للمنية
.................
خادم خادمة اني...يبقى حسين سلطاني
لو موتن وأصبح حسين...اسم حسين احياني
اقسمله بحليب امي...ماابخل عليه دمي
لو يطلب رگبتي انطيه...لجلة امقصر ابلطمي
صدري امقصر اشلاطم
بسم حسين اظل خادم
امقصر حيل وي امة الزجية
لجل حسين خادم للمنية
..................
شنهو اجري عليه دمعي...كون اكسر اله ضلعي
يستاهل ضلوع حسين...ننطيلة انه أو ربعي
سوالي صدگ قيمة...كون الله الي يديمة
ذكرة بكل وكت وياي...خيمة ومن صدگ خيمة
لازم اخدمة لازم
بسم حسين اظل خادم
من امي وابوي أقرب آلية
لجل حسين خادم للمنية
....................
راسي ابخدمته عالي...خادم ليه هنيالي
ماعوف المجالس هاي...الموت ابحبة يحلالي
حسين ابخدمته الجنة...ما اتعب ومل منة
بالحر بالبرد وياه....والله ماازل عنة
لحد مايطلع القائم
بسم حسين اظل خادم
ابقة اوياه لو گطعولي ادية
لجل حسين خادم للمنية
.................
الدنية ابلاية لطمية...ابد ما بيهه روحية
والمأتم بلاية حسين...مابيه راحة نفسية
غير حسين ماعندي...لو كل البشر ضدي
أنه العاشگ المجنون...لو اقيمن عزة وحدي
ماعوفن عزة فاطم
بسم حسين اظل خادم
فدوة الروح انطيهه الرقية
لجل حسين خادم للمنية
..................
خادم وافخر ابصيتي...ماعوفن حسينيتي
لو بيدي وعلي يكتبون...خادم وسط جنسيتي
كون حسين يقبلني...وادري مايفشلني
حظي اشكبرة ياهالناس...للجنة يدخلني
واحظة بحب بني هاشم
بسم حسين اظل خادم
واطب بجنتة أكبر هدية
لجل حسين خادم للمنية
.................
الخادم عمار الساعدي
ونسالكم الدعاء
ولائية
...........
قسم نقسم قسم...بيدينه يرف علم
وحگ رب السمة...نظل لحسين خدم
...............
تصيح الحناجر....من اعلى المنابر
حسين أول واخر...مننسه الشعائر
الحسين بكل گلب...ابسلم وياه او حرب
ولاننساه ابد....معاه ابكل درب
...................
وحگ الزچية...نخدمة سوية
ابصباح أو مسية....العهد للمنية
نظل خدام اله....ابن سيد المله
ابمحرم مجلسة....اليجيه انگله هله
...................
من اجله انخلقنه....ابخدمته التحقنه
سبب كل رزقنه....نموت لو عتقنه
اله الخادم عبد....نتيه أو ليه نرد
الحسين اسمه عشگ...يظل ولد الولد
.....................
الحسين اشغلاتة....اليخدمة اشحلاتة
الدعاه ابصلاتة....يوفقة ابحياتة
ابو اتراب الذهب....اليجيه عنده طلب
اليطب الحضرتة...اله كلشي وهب
......................
بلا هالخدامة.... نعيش ابندامة
اليريد الكرامة....ليترك امامة
اليحبة أو يخدمة....يچلب ابمأتمة
واذا لاطم اله....تسجله فاطمة
....................
يل اسمه دوانة...نفسنه أو هوانه
عطشنة أو روانه....صدگ كبرانه
اليخدمة اشگد كبر...كثر خيره كثر
الإلة خادم صدگ...يعيش ابكل فخر
......................
الخادم عمار الساعدي
ونسالكم الدعاء
للعباس ع
...............
حي الله ابن البدوية
اتلوگ اعليه الخاچية
ياكفال العلوية.....حي الله العباس
.................
شد ابراسه الخضره
ياطوله اعله المهره
رجله اتخط عالغبره....من يوصل يم طوله
طوله ايطخ بالغيمه
تارس جسمة الخيمه
بدوي وشايل شيمه....زينب بي مدلوله
محلة الريشات العالراس...محلاهن لون اعيونة
عباس اسمة وكلش حار...والكفال يلقبونة
من يوصل يم خيماته
لو يغتاظن ريشاته
چف ايدة ايعادل ميه...ياكفال العلوية
حي الله العباس
...................
كافل بيت السادة
ظل قائد عالقادة
كل فارس يصطادة...يسحل بيه الحومه
حر هو امن اگماطة
من يوصل لزماطة
يگشط بيهه اگشاطة....هاشم بي مرسومه
كل عركة ايطبهه العباس...الأول يأخذ بيهه
يازلمة ابطولة ويدناه...هالحومة يظل راعيهه
من رأسه تفوح الغيرة
صگار الطف لاغيرة
خيماتة اتظل محمية... ياكفال العلوية
حي الله العباس
...................
بالطف صاح ابصوته
فزز حتى الموتة
نازل وابكل قوتة....محله ابچفة الراية
الرايه اتهوس بيدة
عباس الله ايزيدة
تارس كل البيدة....مو عباس اهواية
كل اصبع من العباس..جندي وعباس القائد
الله اليستر من يغتاض...يسفط واحد صف واحد
الله امخلي بي كلشي
حار الدم البي يمشي
حيل الله ايحب طارية... ياكفال العلوية
حي الله العباس
...................
عباس الهم طالع
كدامة الكل ضايع
لامع بالطف لامع....وجهه امضوي الساحة
فدوة اللون اعيونة
شال الطف بمتونة
السگاي ايسمونة....بيدة الطف مفتاحة
من زغرة امعدل عباس...ماگظاه حتى اگماطة
صاحب كلمة وغيرة هواي...لو يزمط گد ازماطة
عالكون امبين صيتة
تعبت امة ابتربيتة
گدامة الجيش اشوية... ياكفال العلوية
حي الله العباس
...................
عباس امن ايحارب
صاگر أكبر شارب
گدامة الكل هارب....حط بالشاطئ اجدامة
شال الشط نص جودة
ظل يمشي ابكل زودة
كل الطف وجنودة....طرهم فوگ الهامة
عباس يطير بالبروس...عالشاطي وطب ابزودة
فگس بيدة عيون الماي...شالاه أو حطة ابجودة
مارد الاختة احچاية
عباس ايحبهه اهواية
ذل الشاطي وذب مية.... ياكفال العلوية
حي الله العباس
......................
الخادم عمار الساعدي
ونسالكم الدعاء
زينب تنعى الحسين.ع
.................
خوية ابجسمك اشصاير
لاعب بيك هالحافر
اه يحسين يبن امي
.................
ياخو ام عون حاچيني
جسمك وين دليني
ريت الموت يلفيني...ولاشوفك على الغبره
الحر امغير ارسومك
ياهو امفرهد اهدومك
عاري وتنزف ادمومك....وكل اضلوعك مكسره
الحافر چم ضلع كاسر
خوية ابجسمك اشصاير
اه يحسين يبن امي
....................
انت حسين معقولة
طولك ذاك مو طولة
جيت اعليك مذهولة...من اخيامي للتله
خوية اشصاير ابحالك
شربة ماي جبنالك
يضرب بيك چتالك....جيتي اعليك مو سهله
شافوا طولي بالعاشر
خويه ابجسمك اشصاير
اه يحسين يبن امي
....................
يابن والدي اشلونك
ليش امغمض اعيونك
الخيل امكسرة اسنونك...ماچنك هذاك انته
شفتك حيل ذبلانه
كلش خوية عطشانه
يامظلوم هاي انه....سهم ابظهرك الزمته
من ظهرك سهم عابر
خويه ابجسمك اشصاير
اه يحسين يبن امي
......................
حاچيني يخال ابني
بأمي اعليك جاوبني
دهري أبيش طالبني....من اخواني محرومة
حاچي زينبك فدوة
يابو گعدة الحلوة
الدنية ابدونك اشتسوة....اگعد كافي هالنومة
حالك يكسر الخاطر
خوية ابجسمك اشصاير
اه يحسين يبن امي
...................
گوم وياي يبن امي
راح الجيش لخيمي
لا لتروح من يمي....خوية حسين گومنه
بالبر تاهت ايتامك
گوم احترگن اخيامك
ضربوا متني گدامك....محد مايساعدنه
گلبي من القهر فاير
خوية ابجسمك اشصاير
اه يحسين يبن امي
.......................
الخادم عمار الساعدي
ونسالكم الدعاء
لام البنين ع
...................
ماتوصل الصبرج مره
يم البنين الطاهره
أربع زلم عندج كفوا
يمربية سبع الگنطره
....................
باب الله انتي ومن صدگ بدويه
والحاجه يمچ بالعجل مگظيه
بالتضحية خذتي الف من ميه
يافاهمة أو ياعالمة أو مرضيه
يالبشدايد صامدة
لبيت الهواشم والدة
يالبوة الوالي علي
يل صرتي لاولادة فدة
......................
أربع ولد لجل السبط كبرتي
اول مرة بهالمعركة جاهدتي
يم البنين اشگد عظيمة انتي
قدمتي ولدج والله ماقصرتي
يل گلبچ اصفه امن الذهب
نلتي الشرف وأفضل رتب
دومج صبورة وعابدة
من اشرف انساب العرب
......................
ياكتلة من التضحية أو وفابة
لبوة علي وصرتيلة مثل امراية
هالليله بسمج تنعقد القراية
بسم ابنج الكافل رفعنة الراية
هالليلة نرفعلچ علم
ياوالدة كل الخدم
انتي ابوفائج وين اكو
والينخة بسمچ ماندم
......................
روحي وقف يم البنين انطيهه
والدمعه تسوه ابمجلسچ ابچيهه
هاي الخدم بس انتي علمتيهه
وبفاتحة تسهيل أمر نبديهه
ابكل حاجه نقرة الفاتحة
بيچ المجالس رابحة
بكل امجلس اسمج ينذكر
مثل الخرز بالمسبحة
........................
ام البنين الطاهرة يلقبونچ
من كل گلب لا والله ميطلعونچ
كل البشر تتفاخر ايخدمونچ
ام للخدم ياصابرة ايسمونچ
ياامنة ياام العشگ
اتحبين ابو الأكبر صدگ
مو مرة ابو لا والدة
والاجلة گلبچ محترگ
......................
الخادم عمار الساعدي
ونسالكم الدعاء
للعباس ع
طب بالدرع والطاس
هذا الگمر عباس
..................
كر عالزلم...والله ونعم...عباس اخوية الحار
يردم ردم...من يقتحم...خله الزلم طشار
فارس شهم...ماينلزم....مثل البطل كرار
طب مبتسم....شايل عزم....وعيونة تجدح نار
رادمهه راس ابراس
هذا الگمر عباس
....................
فارس جسر... صاعد مهر....فوگ المهر محلاه
يسطر سطر....ماينگدر....سبحانه من سواه
لمن يكر....يخزر خزر...رجف گلوب اعداه
يشمر شمر....مايعتذر....چنه الابو والله
غيرة اووفه أو نوماس
هذا الگمر عباس
...................
بالحومة طب...خله العرب...تتطافر امن الخيل
بيهم ضرب...طگ الرگب...گالب صبحهم ليل
لو بس غضب...صاروا حطب... الهم نزل سجيل
الجيش انگلب...منه أو هرب...فنة العليه ايعيل
بجدامة بيهم داس
هذا الگمر عباس
...................
فارس شرس...يخلس خلس...يستنگي وين الحيد
مثل الشمس...ماينلمس...والباشط بهالايد
حربة عرس...طب ابونس...عندة الحرايب عيد
عين الرجس...فاگس فگس....خالس شكو رعديد
سطرات ايديه تنباس
هذا الگمر عباس
......................
عباس اخو..ابن الابو...يستعرض استعراض
والله وكفو...خله العدو...مايلحگ اعله اركاض
صاحوا شكو..هالطب منو...شو غاضب ومغتاض
طبع البدو...طبعة حلو...من سيفة دمهم فاض
تتباجة خله الناس
هذا الگمر عباس
.....................
الخادم عمار الساعدي
ونسالكم الدعاء
للقاسم ع
...............
جاسم...يمة اصيحن وينك
جاسم...بالدمة امحنينك
يمة امك انه....رد علي لهنانه
جاسم
....................
امكيفة بيك وگمت اگولن ها كبر
وضامتلك احلى صوغة للمهر
حلمي عريس ارد اشوفك ياگمر
جفني يامه اعليك برباتك سهر
جاسم...يامه چنت انتظرك
جاسم... حتى احس ابكبرك
الزفتك لهفانه....يمة امك انه
جاسم
.....................
ماطبگته اعليك يايمة الرمش
الليل مظلم دونك وكلش وحش
چنت احلم بالعرس چكليت اطش
وابدال الزفة جابولك نعش
جاسم...بس دمة اعله چفوفك
جاسم....چم سهم زافوفك
من القهر خلصانه...يمه امك انه
جاسم
......................
چنت اشوفن وجهك وچن عندي عيد
مالي غيرك بالعمر يبني الوحيد
چنت اگولن رملة عندچ زلمة حيد
تالي ماتالي تجي امدمة أو شهيد
جاسم....چم حلم طفولي
جاسم....من متت گللولي
ضحكتك ذبلانه...يمة امك انه
جاسم
......................
حلمي ضاع ابروحتك يبني السبع
گلت عريس أو يزفوك الربع
هسه وضعي ابذبحتك موش الوضع
وابدال الشمعة گمت انثر دمع
جاسم....راحت الهلهوله
جاسم ...بيه لعبوا جوله
سودة عمري الوانه...يمة امك انه
جاسم
....................
ايساعد الله كل مرة الفگدت ولد
واليروح اوليدهه متظل بعد
العدهه مثلك چانت اتعيش ابسعد
الچان عدهه اوليدهه عون أو سند
جاسم....انه ميتة اشوالي
جاسم....من بعد ظلالي
للگلب ريحانه....يمة امك انه
جاسم
...........................
الخادم عمار الساعدي
ونسالكم الدعاء
شور لزينب ع
..............
زينب زينب زينب
زينب زينب...ياعلوية
.................
زينب عزيزة بت علي..ماكو ابصبرهه اي مرة
من الله زينب عاليه....تبقة عفيفة امخدرة
هيية ابو فاضل تظل...ماتمشي حيف اميسرة
هاي الاميرة بكل وكت...فوگ السمة واعلة الثرة
زينب زينب زينب
زينب زينب ياعلوية
..................
زينب بلا كافل بقت...بس عدهه ماطاح اللوه
شوكة بعيون الاجنبي...ذلت جيوش ابنينوه
نفس امهه زينب عالمة...وتشبه علي بالمحتوه
محد لمسهه ابكربله....يرجف يمر بيهه الهوه
زينب زينب زينب
زينب زينب ياعلوية
..................
اخوتهه صح اتذبحوا...بس هيه ظلت صامده
شالت لواء ابكربله....اخت الهواشم قائده
چانت عبايتهه ستر...بوجه الجيوش امعاندة
من تحچي تتخوس زلم...تحچي ابلسان الوالدة
زينب زينب زينب
زينب زينب ياعلوية
......................
من وگفت ابهيئة علي...كل الجمع منهه أرتجف
ماذلت وركعت ابد...محد يمس الهه طرف
زينب خذت دور الاخو...بالخيمة حارس من وگف
الهه العباية اتحولت...چن زلزلة وبيهم خسف
زينب زينب زينب
زينب زينب ياعلوية
.....................
زينب مرة ابمنزل نبي...عدهه العباية معجزة
زينب ولا خسرت ابد....دوم العقيلة فائزة
صبرت على كل الجرة....من الله الهه الجائزة
بالصبر زينب جامعة ...الأولى هيه حائزة
زينب زينب زينب
زينب زينب ياعلوية
....................
الخادم عمار الساعدي
ونسالكم الدعاء
الأكبر ع
...............
صگار الحومة...الأكبر حل يومة
صايود للخيالة....بالسيف هد الحالة
الأكبر حل يومة
................
من صاح الأكبر اني
كرار اني الثاني
معروف كل عنواني
ياحيد خل يدناني
اللاگاه ابنص معركتة.. بالسيف طگة ابگصتة
يامحلة اعلومة ...الأكبر حل يومة
...................
من عمة الأكبر دارس
شامر فارس صف فارس
چم زلمة الأكبر خالس
داخل للحومة ابواهس
والعين تجدح حمرة...الخيال بيدة ايشمرة
ما يتعب دومة....الأكبر حل يومة
......................
چن كرار امن اتلثم
وحسين ابشبلة اتشيم
مبتسمين الأب والعم
من شافوا الأكبر غيم
والجيش صاح التوبة...الفرسان باست ثوبة
مطارة اغيومة....الأكبر حل يومة
.................
كل هالجيش واعدادة
ظل راكع لابن السادة
ماثنة ابروس القادة
شايل صولات اجدادة
وادخيل صاحوا منه...ويصيح ماكو هدنه
باسو بهدومة....الأكبر حل يومة
.....................
من عاين الأكبر عمة
من نظرة عينة ايفهمة
بن غانم جابة امدمة
ويهوس ظل ابهمة
والراس شاله بأيدة...وحسين باس اوليدة
حلوات ارسومة....الأكبر حل يومة
.....................
الخادم عمار الساعدي
ونسالكم الدعاء
الى عبد الله الرضيع ع
...............
يبني تعباني ارباك تعبني
لحظة وعني غايب ياعبد يبني
يوليدي...يعبد الله
يوليدي..يعبد الله
..................
يبني مالي غيرك بالعمر ثاني
حيل اذاني ذبحك يمة اذاني
شوف امك رباب ابمهدك اتاني
نايم عالترابة وعايف احضاني
رد لامك يعبد الله..شنهي غيبتك بلة
شيبني الزمن يوليدي شيبني
يبني تعباني ارباك تعبني
يوليدي...يعبد الله
....................
اگعد يمة يمي وخل الوليلك
چنت كل ساعة تضحك من اناغيلك
هسه الوحشة تكتل بيمن احچيلك
لو بيدي العمر من عمري انطيلك
صعبة فرگتك صعبة..بعدك ماي ماشربة
ذبحك ياعبد اي والله عذبني
يبني تعباني ارباك تعبني
يوليدي... يعبد الله
....................
خذك مني ابوك وگال يروونك
تاليهه ابسهم غادر يفطمونك
ليش ابنص رگبتك ذولة يرمونك
حسبالي نمت من غمضت اعيونك
چنك غارگ ابنومك...ثاري تنزف ادمومك
شربني الزمان اللوعة شربني
يبني تعباني ارباك تعبني
يوليدي....يعبد الله
.........................
شحچيلك ييمة عن تعب گلبي
مو ذنبي تركتك والله مو ذنبي
من ذبحوا وريدك فرهدوا تعبي
بعدك موتي اريدك ادعي من ربي
شلي ابعيشتي دونك...وانه امفارگة اعيونك
دولبني زماني اهواي دولبني
يبني تعباني ارباك تعبني
يوليدي...يعبد الله
.....................
لو ميتة ابدالك ادعي يايمة
ظلمة دنيتي لمن غبت ظلمة
بيدي اگماطك اني يابس ابدمة
ياماي أو تبدة الماي شيلمة
انظر مهدك الخالي...غالي وفارگ الغالي
صوبني صدگ حرملة صوبني
يبني تعباني ارباك تعبني
يوليدي...يعبد الله
......................
الخادم عمار الساعدي
ونسالكم الدعاء
للانصار
...............
شيب وشبابك ثوار
يابو علي وياك انصار
..................
بالحومة نصگرهم صگر
انراويهم انجوم الظهر
گاع الله نفطرهه فطر...بس اشرنة حسين
گاع الله نربدهه وعلي
روس وايادي تمتلي
انطينة أمر يابو علي....نادولك السبعين
نسوي الطف الك يوم القيامة
نطب ومن نطب ابكل شهامة
تره الصاحب صدگ يوفي الصديجة
والك نهدي العمر باحلة ابتسامة
دمنة ولايبرد حار
يابو علي وياك انصار
..................
ياصاحب النة ويااخو
يااغلة من ام وابو
ياهو اليمس طرفك منو....نگلب عليه الكون
شوف الصحاب امحزمة
تصبح للرچاب الدمة
انبيض وجهه الفاطمة....نوگف درع لام عون
بصمنة ابدم الك حد المنية
گبل دمك دمانة واهلية
يبو الأكبر ولا نترك خيامك
نريد بهالامر نرضي الزجية
نقسم وحگ الكرار
يابو علي وياك انصار
.....................
صحبتنة مابيها دغش
للفزعة واحدنة غبش
مو منة ذاك الي رعش...وازلامك انت اشراس
شايبنة شاب بهالحرب
متعصب ابعصبة ويطب
يگلب معسكرهم گلب.....يستنگي أكبر راس
الك خالق زلم الله تعاله
ابد منهم ولايوجد محاله
زلم عندك وفة وكلهم حمية
فدوا لجلك عمر وابكل بسالة
الاكبار اجولك وازغار
يابو علي وياك انصار
.....................
بالرية مادام الهوة
بيدينة ميطيح اللوة
نفزع فرد فزعة سوة....واعله المناية انفوت
الصحبة لا مو بالعدد
واحدنة منطيك العهد
للموت منعوفك ابد.....ليك اشحلاة الموت
ترة انصارك نطت عهد الشهادة
يمحلة الموت الك مثل الولادة
اجينة الكل نوافيك ابدمانة
يمن حبك يظل رمز السعادة
لو خيرونة نختار
يابو علي وياك انصار
..................
الخادم عمار الساعدي
ونسالكم الدعاء
يشبه علي اهوايه
عباس ابو الرايه
..................
نفس الشكل يشبه علي بالعركة والهدة
طوله مثل طول الجبل ماواحد ابگدة
والخزرة من عين الگمر كل فارس اتجمدة
الله صنع نور السمة صدگوني من عندة
اية وابن اية
عباس ابو الراية
.......................
وجه الگمر يوسف لون بس يصفن بشكلة
يوسف جمالة معجزة بس الگمر
احلة
عباس ابو فاضل فقط مامنخلق مثلة
رب العرش من خالقة مااعرف اشخلة
نور الله والغاية
عباس ابو الراية
........................
الله بعث حيدر علي وي النبي
ايقاتل
اوية السبط الله بعث عباس ابو فاضل
نفس الوصي بيوم الحرب سيف الابو شايل
جدة الكفل اشرف نبي وعالجد طلع كافل
ناصر للولاية
عباس ابو الراية
.......................
الحرورة البراس الگمر مثل الشمس تچوي
شيخ وابن شيخة البطل شايل طبع بدوي
بالمعركة خيل وزلم بذراعة ظل يطوي
صولاتة صولات الابو بالحومة شمسوي
هالشط گطع ماية
عباس ابو الراية
.......................
عون افتخر خالة البطل والزلمة المجرب
يم الوفي وراعي الخدر كل صعبة ماتصعب
زلمة وابن زلمة صدگ عباس اخو زينب
چن صاعقة الهم نزل واچفوفة ماتتعب
مايخلف احچاية
عباس ابو الراية
.........................
الخادم عمار الساعدي
ونسالكم الدعاء
من يحل محرم كلشي مسموح
وجائز كلشي إلة لو صار تبذير
اليحب حسين ينطي الروح واموال
وكل هذا ويحس ابحبة تقصير
اليموت انسان عندة يخسر هواي
يسوي فاتحة واشگد مخاسير
بس الفاتحة المنصوبة لحسين
ربح بيهه اشكثر تنطيك بس خير
يوجه النور مامخلوق....من طين
الك يحسين كوم ارواح...منطين
الهم البالگلب لو صار...من طن
نصيح حسين وتروح الاذية
هلالية
حسين اجت ايامة...گوموا رفعوا اعلامة
صيحوا بصوت اه يحسين ومصابة
...................
طب لينة محرم شهر ابو اليمة
حضروا ارواحكم من هسة للخدمة
حل موسم محرم موسم الرحمة
ويانة الملائك كلهه ملتمة
خدمولة ابصدق نية
فتحوا كل حسينية
خلوا بيهه لطمية
هبوا يالطامة....حسين اجت ايامة
صيحوا بصوت اه يحسين ومصابة
....................
رد موسم محرم وابتدة اهلاله
هذا البيه حسين امشردة اعياله
حضرولة المنابر خلي تنعاله
كل شيخ اويه ناعي ابونة يقرالة
حضرولة القصايد زين
يستاهل عزاء حسين
كون اللطمة تعمي العين
خل نواسي ايتامة....حسين اجت ايامة
صيحوا بصوت اه يحسين ومصابة
...................
خدامة اشحلاهه من يسمونة
كون انروح كلنه الخاطر اعيونة
الجنة بهالمجالس كلهه مرهونة
والينصب عزاء بأسمة خيعونة
خيعونة النصب مأتم
وابنص العزة اتحزم
كلهه الخدمتة تلتم
واللطم عالهامة...حسين اجت ايامة
صيحوا بصوت اه يحسين ومصابة
.........................
هذا حسينكم يستاهل النصرة
كون الي يخدمة ايخدمة عالفطرة
حسين ايريد وادم تكره الشهرة
حتى ابنص عزائة اتسجلة الزهرة
عوف الشهرة والصورة
خادم تكبر ابنورة
الدمعة الاجلة مأجورة
بلكي تطفي اخيامة....حسين اجت ايامة
صيحوا بصوت اه يحسين ومصابة
........................
الدنية ابلا مجالس فاهية كلش
كون المجلسة من الصبح اغبش
التجارة ويه الحسين امنزهه من الغش
اه يحسين صوت ارموشي من ترمش
خليته ابوسط رمشي
اغله حسين من كلشي
رافع راسي من امشي
تاجي فوك الهامة...حسين اجت ايامة
صيحوا بصوت اه يحسين ومصابة
....................
الخادم عمار الساعدي
ونسالكم الدعاء
ليلة الوداع
...............
عيني ماتگدر تنام
جاي اودع هالخيام
هذا اخر ليل آلية
خلوا نتوادع سوية
باچر ارحل والسلام
..................
ابخيمة خيمة انه افتر...افگد اولادي اوبناتي
شوية اگعد يم عيالي...انهض وامشي الخواتي
ياطفل گاعد اشبگة...الغافي ابوسنة ابشفاتي
واحد ابواحد اودعة...ارد اوصي امخدراتي
ليلة اوداع اوحنين
وحگ رب العالمين
امشي باچر للمنية....خلوا نتوادع سوية
.................
ليلة اوداع أو مصيبة...كلمن يودع خليلة
ابعيني انظر ابني الأكبر...ومرة انظر لامة ليلة
احچي وي امه واگلهه ..باچر ابنچ اندعيلة
ابني باچر مايردلچ...عمرة بس باقيلة ليلة
من يرد باچر عليچ
والله متگطع يچيج
شبعي منه هالمسية....خلوا نتوادع سوية
....................
رملة باچر حنة ابنچ...تنعجن من دم مصابة
زفتة بالحومة تصبح...والدمة يغطي ثيابة
جاسم العريس ابنچ...تنگطع زهرة شبابة
گومي حضني ابنج يرملة...باچر تحضنه الترابة
باچر اتزفة السهام
عالترب جاسم ينام
تحضر ابزفتة الزچية...خلوا نتوادع سوية
.................
يارباب وشرد اگلچ...عن عبد لمن احملة
يعطش ومن امشي الهم...بالوريد اتصيبة نبلة
يفتح اگماطة ويفرفح...وبرگبتة الترفة اقبلة
باچر أحزن من اشوفة...ياطفل مذبوح قبلة
باچر الموقف فضيع
بيدي مچتول الرضيع
يشمر ابروحة علية....خلوا نتوادع سوية
....................
يابو فاضل ها يغالي...عالنهر الله يعينك
ينكسر ظهري المصابك...من اشوفن ماكو ادينك
بالعمود الهامة تنطگ...وبسهم مغلوگة عينك
من اشوف الراية طاحت...يعني گول احنة انتهينة
باچر ابقى ابلا عضيد
منكسر ظهري أو وحيد
جودك اعلة الشط رمية...خلوا نتوادع سوية
.................
خوية زينب اه يزينب ...خوية لهنانة المصيبة
وذرة وذرة اهناك اظلن...وجثتي تبقى سليية
تحترگ باچر خيمنة ...صبري ياخيتي الحبيبة
صبري باچر من يجونچ...وانتي مهمومة او غريبة
ديري بالج عالعيال
من يلفوچ ابحبال
وارد اوصيج ابرقية...خلوا نتوادع سوية
....................
الخادم عمار الساعدي
ونسالكم الدعاء
ولائية للحسين ع
......................
صلى الله على الحسين صلى الله
......................
حسين عند الخادم الأول واخير
حسين خله الخادم يصبح أمير
حسين لبسنة وينام اعله الحصير
واليحب حسين عند الله جزاه
صلى الله على الحسين صلى الله
.......................
حسين خلة الخادم ايعيش ابنعيم
حسين والدنة وابو گلب الرحيم
واليواصل خدمتة ايظل مستقيم
حسين ويه الخادم ولازم گفاه
صلى الله على الحسين صلى الله
.....................
حسين چف اليخدمة يترسة ترس
دربة واضح اصفه من نور الشمس
ابلا حسين الدنية ماتسوة فلس
وين مايمشي الحسين انظل وراه
صلى الله على الحسين صلى الله
...................
الخدمة مركب والحسين الهه الشراع
الماركب وياه كل عمرة ابضياع
نقيم مجلس وين ماعند الله گاع
الخادم اليخلص اله سوالة جاه
صلى الله على الحسين صلى الله
.....................
حسين كلنه انروح فدوة الخدمتة
حسين مايوصل بشر حنيتة
الله خله الدوة حتى ابتربتة
حسين كل العالم ايطيب ابدواه
صلى الله على الحسين صلى الله
.......................
حسين وسط اگلوبنة ايظل چادرة
والمصابة النار تبقة اموجرة
ابلاية ذكرة الدنية مثل المگبرة
مانعيش ابلاية اسمة ولا عزاه
صلى الله على الحسين صلى الله
....................
الخادم عمار الساعدي
ونسالكم الدعاء
للعباس ع
...............
اجيتك ابچي دم...يكفال الحرم
..................
اجيت من الخيم يابا الفضل وحدي
وحگك دمعي دم يتناثر ابخدي
اجيت وظهري محني وطاقه ماعندي
يخوية أو ياونيسي أو ياعم الولدي
يبعد اعيوني...تغير لوني
وحك العشرة....دشوف اشلوني
انكسر ظهري عليك وعيني هماله
صدك تترك اخيك حاير الحاله
عفتني أو مالي حيل
عليه هجمت الخيل
منو ايحامي الخيم... يكفال الحرم
..................
بعد ياهو الآلية أو يوگف ابصفي
يبو چفوف الگطيعة هاك اخذ چفي
أنه ابشيباتي جيتك والله متحفي
عفت كل الحرم تتباچة من خلفي
يعم اطفالي...منو الظلالي
العمر من دونك...ولا يحلالي
على الدنيه العفة يابا الفضل دونك
متت لمن شفتهه امغلگة اعيونك
لمحت الطبرة عالراس
احسهه ابراسي عباس
صدگ حيلي انهدم.... يكفال الحرم
......................
وحگك گلبي شيب مو فقط شعري
أنه البالگوة جيتك ياسند ظهري
اجمل ذكرى انت الچانت ابفكري
من الخيمة يمك كابر ابعمري
الگلب موتته....وحگك انته
أنه الموش انه...لون شاهدته
يبو فاضل عليك حسينك ابضيمة
يتوأم روحي انته أو حارس الخيمة
عفتني وطاح الحزام
منو البعدك للخيام
زرف گلبي السهم.... يكفال الحرم
.....................
اختنه بهالخيم للجية منتظرة
شريد احچي وشگلهه الزينب الحرة
يبو فاضل عليك الخوة والعشرة
دگوم ويايه ماتحلالك الغبرة
درد اچفوفك....ابد ماعوفك
اختنه اتاني....تريد اتشوفك
اختنة ابنص خيمها امتانيه الرجعة
متعودة اعله صوتك زينب تسمعة
اذا اگلهه الگمر مات
ابو چفوف الچبيرات
تموت من الألم.... يكفال الحرم
.....................
الخادم عمار الساعدي
ونسالكم الدعاء
للقاسم ع
................
هله يالرافع راسي...هله يبني ونوماسي
ياكل المرجله....هله ياجاسم هله
.....................
ياتعبي أو تربيتي
يالرافع كل صيتي
ياشمعة ابنص بيتي
تكبر هاي امنيتي
اريدك من تطب ترعد
حتى اخيولهم تشرد
ابسيفك روسهم تحصد
خلي الماشرد يلبد
بيك الملعب حله...هله ياجاسم هله
....................
يالحلوات ارسومك
النور ايوج بهدومك
ياجاسم حل يومك
رافع راسي دومك
طب ابزودك أو هوس
كل الجيش خل يخنس
خيال أو صدك معرس
عمك بيك متونس
عريس ابكربله....هله ياجاسم هله
...................
فدوات انه الطولك
عريس يگلولك
بالحومة ايهوسولك
واشموعك شعلولك
كون الرب الي يحرسك
تزهي بالحرب شمسك
وجهك ابيض ولبسك
كلهه فرحت ابعرسك
عمك والعايله.....هله ياجاسم هله
....................
يوليدي اشمحلاتك
فرحت كل عماتك
والحنة ابيمناتك
من عودك ترباتك
فدوة تروح الك امك
يبني وياحلاة اسمك
من هاشم صدگ دمك
دمك ناذرة العمك
بتارك شايلة....هله ياجاسم هله
.......................
هله ياجاسم ذخري
هله يافرحة عمري
هله ياثمرة كبري
هله ياتعبي وصبري
ياشبل الحسن انتة
لابس لامتة أو عمتة
عمك صدگ ناصرتة
وكت النيبة مابعتة
يافارس جندلة....هله ياجاسم هله
....................
يااجمل من كل شي
اشمحلاتك من تمشي
ضميتك نص رمشي
ياروحي ويا هرشي
انت بهالگلب گاعد
مثلك ماالي واحد
فارس عالمهر صاعد
الله ابطلعتك شاهد
وجهك مااجمله....هله ياجاسم هله
.....................
عرسك چنت انتظرة
امبارك بسم الزهرة
اجمل شاب ابعمرة
محلاتك عالمهرة
كلمن گابلك يهلك
چنك والدك كلك
محد مالمس ظلك
يبني طولك وشكلك
محد مايوصلة....هله ياجاسم هله
......................
الخادم عمار الساعدي
ونسالكم الدعاء
ولائية
...................
لجل حسين والعباس...نبنيهن مواكبنة
منعوف المجالس هاي...حد جيتك يغايبنة
...................
كل عام ابشهر عاشور...هاي الناس متحضرة
تنصب مجلس اعله حسين...حتى اتواسي بالزهرة
كل خادم اله منذور....يوم يوم ينتظره
شنهوا انقدمة لحسين....ذاك المنگطع نحرة
كل خادم اله منذور
ماتوفي لطم الصدور
نتمنة العمر عاشور
يلطم كل طفل لحسين...والشادود شايبنة
منعوف المجالس هاي...حد جيتك يغايبنة
.....................
يامولاي لجل حسين...نون ونوح يومية
اطلع شوف هالخدام ...كلهم كربلائية
ماننسه الجرة بحسين....والصرخة حسينية
كلنه انواسي بالزهراء....وابزينب العلوية
نلطم عالوجه والهام
من أجل المشت للشام
اه يالوعة الأيتام
بكل عاشور متحزمين....لو كلهه تحاربنة
منعوف المجالس هاي....حد جيتك يغايبنة
...................
يستاهل لطمنة حسين...والزينب نواعينه
هاي الفگدت الخوان....عمتك هاي مهدينه
من يهل شهر عاشور....متحضرة بواچينه
نصيح ابصوت يامظلوم....هل اهلالك اعلينه
بس ايهل علينه اهلال
نذكر لوعة الأطفال
نبچي عالمشت بحبال
بلكي انواسي بالحوراء....بيهه الصار عذبنه
منعوف المجالس هاي....حد جيتك يغايبنة
.....................
من الطف لحد اليوم....ننطر طلعتك والله
جدك تأخذ ابثارة....وتاخذ ثار عبد الله
ليله اتطالبك يازين...بالاكبر وابن رمله
العلويات منتظرات....الحد هسه على التله
رقية اتطالب ابسيفك
اخذ امن الكفر حيفك
موتهم على كيفك
كون الطلعتك ناسين...ريت الله يحاسبه
منعوف المجالس هاي....حد جيتك يغايبنة
...................
الخادم عمار الساعدي
ونسالكم الدعاء
للانصار ع
...............
انصاره انصاره....بالحومة صگاره
....................
انصار ريحتهم هيل
فرسان صعدوا عالخيل
يضوون حتى بالليل.....محلاهم
لحسين رفعوا رايات
هوسوا يم الخيمات
انصار واهل الكلفات......حياهم
ثورية ثورية....بالعركة حربية
...................
ماكو بصدقهم بالكون
لحسين فدوة يرحون
بصموا بدمهم لام عون.....نشمية
الآلاف چن مو سبعين
لحسين اجو متحزمين
من ذهب كلهم صافين.....فد نية
اشگد هيبة اشگد هيبة...معروفة بهالنيبة
.................
فرسان ذوله وابطال
رجال يسبگ رجال
بيهم الازغر خيال......بي غيرة
چالاسد واحدهم چان
گالب ابسيفه الميدان
لحسين مو صحبه اخوان....بالديرة
للصاحب شراية....مارجعوا بحچاية
.......................
لحسين صاحوله ابصوت
وياك محلاته الموت
والمات بسمك مبخوت.....عالي اسمه
يحسين نصرخ هيهات
بالجنة وياك المات
وياك انت بالذات......بالخدمه
انصار أو خيالة....ذوله حسين ارجالة
...................
انصار كل دمهم حار
شياب ويه الازغار
سطراتهم مال اكبار....وفاية
بحساس طبوا بحساس
انصار كلهم عالراس
قائدهم ايظل عباس....بالراية
وفايه وفايه....ماعافوا هالرايه
.....................
الخادم عمار الساعدي
ونسالكم الدعاء
للعباس ع
..................
نازل بهالراية....مرعب الرماية
يابا الفضل.... والنعم يالعباس
....................
طب عليهه الكافل ابميدانة
الله يستر لو فتح ذرعانة
راية بيدة ورايتة معروفه
شيخ وحدة وگاعد ابديوانة
طب عباس.... وانتفض بالساحه
وين الحيد.....خل يلاگي اسلاحه
هوس ابصمصامة.... شردوا الگدامة
يابا الفضل.....والنعم يالعباس
................
من دخل عباس صاح ابصوته
الراية بيدة ورايتة مبخوته
صوته صوب الجيش بيهم ناده
والزلم من صوته صاروا موته
طش الجيش....مارفعهه ايمينه
زلم وخيل....كتلاهه ابعينه
گلباهه الحومة...بوسوا بهدومة
يابا الفضل.....والنعم يالعباس
....................
اتخوصر العباس نص البيدة
والشرد منهم نظرتة اتصيدة
عفية بالعباس من طب ليهه
اتبوس گامت هالخيول بأيدة
من عباس...شردت الخيالة
بس تراب.... مايشوف اگبالة
ربتة البدوية....كافل العلوية
يابا الفضل.....والنعم يالعباس
.....................
حالف اعله القادة يكطع روسهم
يعرفون الجيش طب خالوسهم
القادة بالميدان مو بس سيفهه
اهدوم ذبوا والدروع أو طوسهم
يامحلاه....لو سطر بچفوفه
بالميدان.... سطرتة معروفه
كلهم ايهابونه.... عزريل ايسمونه
يابا الفضل..... والنعم يالعباس
....................
مثل كرة الحيد كر عالقادة
قابض الارواح شيخ السادة
ورطة بيه اتورطوا بالحومة
واليسطرة ينسه حتى اجدادة
مثل الموت..... مايثني ابسيفه
والعباس.... كلشي صار ابكيفه
حيدر ابضرباتة.... صاعقة ابيمناتة
يابا الفضل..... والنعم يالعباس
....................
الخادم عمار الساعدي
ونسالكم الدعاء
لرقية ع
...............
تعبتني الغاضرية
بس شسوي مو بدية
راحت ابنيتك رقية.....ياحبيبي يابو الأكبر
...................
يابو الأكبر شرد اگلك...عن رقيه وعن حزنهه
من رحت حرگوا خيمنه...واحترگ حتى جفنهه
تركض ابنيتك تدور...عنك وضربوا متنهه
جاهه واحد من وراهه...بالغصب جرهه امن اذنهه
جر اذنهه وعذباهه
تركض ويركض وراهه
والتراچي هم خذاهه... ياحبيبي يابو الأكبر
.....................
ابنيتك الچانت عزيزة...مثل أميرة كل عمرهه
هسه مشوهه اعله جمرة...شيبت هيه ابزغرهه
واحد اليضرب متنهه...واحد يجر ابشعرهه
واحد ايصيح وراهه...واحد ابخدهه سطرهه
واحد اتشفة ابضربهه
رد الاخر خويه سبهه
خوفي لايوگف گلبهه... ياحبيبي يابو الأكبر
....................
گمت اشاگف عنهه گوة...ولاذت ابسدي رقية
امتوني ورمن من ضربهم..هسه ماحسن بدية
من يجوني الطفلة تشرد...من يجوهه اترد علية
طفلة ماتحمل مصايب...تعبتهه الغاضرية
بالحبل شدوا ايديهه
ماسكن ونهه أو بچيهه
رادتك ترجع عليهه... ياحبيبي يابو الأكبر
.........................
من دخان الخيمة عمية...والاذن تنزف دماية
انه امشي وهيه تمشي...امچلبة ابطرف العباية
للغرب رحنه سويه...تاهت وظلت ورايه
عالرمح راسك نظرتة...چنك اتاشرلي هايه
ابعينك اتصد الرقية
وراسك ايباوع علية
طفلتك تعبت خطية... ياحبيبي يابو الأكبر
.....................
الچانت ابجالك أميرة...هسه نوموهه ابخرابة
اشوية تغفة ولنهه فزت...من كثر حر الترابة
ماكو واحد من اهلنه...لاعشيرة او لا گرابة
لحظة لن صوت العزيزة....بس تنادي بابة بابة
جابوا الرأس واجوهه
بالطشت راسك يبوهه
گوة گوة موتوهه ... ياحبيبي يابو الأكبر
.....................
الخادم عمار الساعدي
ونسالكم الدعاء
لمسلم بن عقيل ع
...........
عفية مسلم من دخل ميدانه
تگول كرار أو رفع ذرعانة
..............
علي هو ابعينة
ابو الصولة الزينة
حامة امامة أو دينة...من دخل للكوفة
ابو طاهر غيرة
زلمة طب للديرة
كلهه يمة ازغيرة....لو رفعهه اچفوفه
نار مسلم ماطفت نيرانة
اتكول كرار أو رفع ذرعانة
..................
چن علي ابشخصيتة
كاشخ ابخاچيتة
هاشمي ابثوريتة.....حامي بيت السادة
لو يشد الثامة
شاطر اشچم هامة
ياثگلهه اجدامة...ظل يدوس القادة
صاگر الكوفة أو ذبح عدوانه
أتگول كرار أو رفع ذرعانة
..................
ابد مابيه لوله
لعب بيهم جوله
گاموا يدنگوله....هو رافع رأسه
هالحرب ناويهه
منتصر ينهيهه
الكوفة والي بيهه....ترجف امن احساسه
الجيش أصفر خله كل الوانه
اتگول كرار أو رفع ذرعانة
....................
الكوفة بي محتارة
ماتعب بتارة
خله بيهم شارة....من يطگ عالهامة
ابو طاهر هيية
امعلم اعله النيبة
حگة بيدة ايجيبة ...وهوس بصمصامة
بقة صابر مارجع بيمانه
اتگول كرار أو رفع ذرعانة
.....................
صرخ باهل الكوفه
حسين ابد ماعوفه
خله بيهم خوفه....ابن عم الكافل
اتراجفوا من زودة
من يصل لحدودة
مثل عمة أو عودة....عالظلم ميجامل
صاح موتي خل يصير اهنانه
اتگول كرار أو رفع ذرعانة
......................
الخادم عمار الساعدي
ونسالكم الدعاء
للعباس ع
..............
يبو فاضل عليك اتصيح الأطفال
عفتنة اشلون خوية ابلاية كفال
يبو فاضل...يبو فاضل
................
لو تدري اشجرة ابحال النساوين
بعد ماذبحوكم انت وحسين
اجونة اعلة الخيم ياخوية صوبين
ندور شردة لكن مدري لاوين
بعد ماهالخيم شعلوهه الانذال
يبو فاضل عليك اتصيح الأطفال
يبو فاضل
...................
بعدك وين نشرد خوية ونروح
والخيل الاجتنة اتغير وتروح
اجه الشامت يگلي الگمر مذبوح
زين وعندي ظلت بية هالروح
على النسوان احامي واجمع اطفال
يبو فاضل عليك اتصيح الأطفال
يبو فاضل
.....................
اجاني يگلي كفالچ ذبحناه
گطعنة اليوم يسراته ويه يمناه
وخلينة السهم غافي اعله عيناه
هذاك اعله النهر شوفي تركناه
علينه الشمر صايرخوية رجال
يبو فاضل عليك اتصيح الأطفال
يبو فاضل
....................
علية الشمر وي ربعة يحوطون
وابراسك وسافة الكل يهوسون
يگلولي اخيچ وينة يم عون
وعليه ابسوطهم گاموا يضربون
بيدي انه وعيالي انشدت احبال
يبو فاضل عليك اتصيح الأطفال
يبو فاضل
......................
وحگك من عفتنة احنة انسبية
اصيحك يابو فاضل ماتجينة
بقت بس العبي السترت علينة
اذا نبچي العدو يضحك علينة
ويسبون بأبوية الوان واشكال
يبو فاضل عليك اتصيح الأطفال
يبو فاضل
.......................
بعد عينك يخوية المدمع يسيل
صفة ياهو اليجي ابزينبكم ايعيل
ياهو الحملي بعدك يرهم يشيل
الف وسفة اعوفنكم مچاتيل
وسبية اليوم نادوني هالارذال
يبو فاضل عليك اتصيح الأطفال
يبو فاضل
......................
الخادم عمار الساعدي
ونسالكم الدعاء
استشهاد علي الأكبر ع
.............
يزينب گومي سنديني
الأكبر طاح عينيني
گمت ماوچد ابعيني......ذبحوا الأكبر اوليدي
...............
محمول ...مچتول...گوة عرفته
عالراس...مطبور...شوفي يعمته
ظهري...مكسور...بحضاني شلته
من جيت... حسيت...عمري فگدته
بأبني ماسلم كلشي
گوة شايلة وامشي
والله گطعوا هرشي...ذبحوا الأكبر اوليدي
....................
متعوب ..مو ذاك...ضايع جمالة
خلصان ..عالگاع ..دم مابقالة
ذبحوه ..طعنوه...أهل الرذالة
عطشان ..ذبلان...ذابحني حالة
ريجة امن العطش يابس
مات ابحضني وينافس
چم حافر آلة رافس... ذبحوا الأكبر اوليدي
...................
من طاح...عالگاع...شفتة ايتلوة
ناديت...يبني...حاچيني فدوة
شفتة...والله ...ماچنة هوة
گتلة....وياك...لو ميت اشوة
يخيتي اتمددت صفة
وجه الأكبر امطفة
يافگد الولد كلفة..... ذبحوا الأكبر اوليدي...
.....................
ابني..وذخري...چان اشحلاتة
وحسين...وياه...مات ابمماتة
شنسة....منة...ياذكرياتة
بيدي...خوية...ودع حياتة
الله ابحالتي عالم
ماظل بي عظم سالم
ابني اعلة الحضن نايم.... ذبحوا الأكبر اوليدي
.......................
صيحي...ليلة....تحضر ضناهه
بلحظات...من راح ...ميت اجاهه
ياحيف ...بسيوف ...ذبحوا رباهه
اوليدي...من مات....روحي خذاهه
غافي او لا تگعدنة
امهنة ابنومتة امهنة
يخيتي لا تلچمنة..... ذبحوا الأكبر اوليدي
........................
الخادم عمار الساعدي
ونسالكم الدعاء