524
قناة خاصة لنشر القصائد لشاعر عمار الساعدي لـخدمة خدام الحسين ع ❤️حسين كلشي الي اريده انطاني..اشكر الله ابخدمته خلاني كلشي اقدمله سبيل.وانه احس منطيه قليل
اول مرة ياعباس مو يمي
اجيتك للنهر واتعثر ابجدمي
ياعباس... ياخوية
.................
عفت الخيمة واركض خوية بالهيمة
ياخيمة حياتي طاحت الخيمة
گوم افزع لخيتك ياابو الشيمة
اجيتك شاردة من حرگوا اخيمي
اول مرة ياعباس مو يمي
...............
يعباس العساكر وصلت اخيامك
خوية اشگد ركظنة انه وايتامك
عمدا خوية ضربوا متني جدامك
صوت العسكر اسمع يشتم بأمي
اول مرة ياعباس مو يمي
.............
گصدتك واليتامة امچلبة بذيالي
والعسكر وراية اشلاعب ابحالي
مدري انعاك جيتك مدري تنعالي
شوف انظر عباتي امصبغة ابدمي
اول مرة ياعباس مو يمي
...............
اجيتك للنهر ارد انظر شلونك
مو عباس چنك مختلف لونك
شمسوي السهم ياخوية بعيونك
معقولة الگمر فوگ النهر معمي
اول مرة ياعباس مو يمي
...............
ماچنك اخوية ولا مثل طولة
معقولة الگمر هذا انت معقولة
اخوية بأيدي شلتة حافظة اشكولة
بيدي شگد حملتك يابعد اسمي
اول مرة ياعباس مو يمي
..............
وين اچفوفك الچانت سند لية
اشو يمناك وي يسراك ماهية
والراية وي جودك ليش مرمية
وسفة الجود يمك چم سهم مرمي
اول مرة ياعباس مو يمي
................
الخادم عمار الساعدي
عباس اخويه وينه..عباس اخويه
من ردته مارد لينه..عباس اخويه
@@@@
معتازته خال ابني
ناديته ماجاوبني
كتله الشمر ضربني
ابعناد اخويه سبني
يتشمت يسب بينه..عباس اخويه
عباس اخويه وينه..عباس اخويه
@@@@
ردته يجيني ردته
معقوله تارك اخته
موش انه جيت ابخته
عندي اشكبر منزلته
شايلني جان ابعينه..عباس اخويه
عباس اخويه وينه..عباس اخويه
@@@@
وينه الاخو والكافل
مايدري بيه اشحاصل
بخيامي داس الباطل
مارحموا الارامل
والله العده امروعينه...عباس اخويه
عباس اخويه وينه..عباس اخويه
@@@@
بعد الكفيل الحامي
حرگوا عليه اخيامي
گمت اجمع بايتامي
بس العدو جدامي
وسفه العدو سابينه...عباس اخويه
عباس اخويه وينه..عباس اخويه
@@@@
گلولي اخويه اشلونه
بالطف وحيده ابدونه
كل الحرم يردونه
بعده ابحبل شدونه
ضيم وقهر لافينه...عباس اخويه
عباس اخويه وينه..عياس اخويه
@@@@
گلولي طايح ذخرچ
كسرنه زينب ظهرچ
للغربه راح اناسرچ
الا اباخوچ نقهرچ
گطعنه الچ چفينه..عباس اخويه
عباس اخويه وينه..عباس اخويه
@@@@
بعد الگمر مسبيه
والغربه عالت بيه
بالكوفه شفت اذيه
كل الخلگ عليه
ماچني بت هادينه..عباس اخويه
عباس اخويه وينه..عباس اخويه
@@@@
الخادم عمار الساعدي
يامحله الوداع بهالمسيه
بين حسين واهله الهاشميه
@@@@
حسين اليوم يفتر خيمه خيمه
جمع كل بناته وكل حريمه
يگلهم عن صبح باچر هضيمه
يتيمه شلون تركض وي يتيمه
يوصي كل بناته بهالرزيه
يامحله الوداع بهالمسيه
@@@@
يگلهن باچر يطيحن خيمنه
وانه وعباس عالتربان دمنه
وعلى نهر الفرات يظل علمنه
اصبرن يابناتي مايهمنه
الخدر محروس من رب البريه
يامحله الوداع بهالمسيه
@@@@
ياليله اشبعي ابوجه الاكبر
باچر مايردلچ يبقه بالبر
كل جسمه تشوفينه تطبر
وابذاك الظهر بالحومه بالحر
حيلي ينكسر لابني الشفيه
يامحله الوداع بهالمسيه
@@@@
يرمله اتحملي لو شفتي جاسم
عريس وطلع شبل الهواشم
حنته تصير باچر بس صورام
يظل مطروح فوگ الغبره نايم
ابنچ حيد زفوه للمنيه
يامحله الوداع بهالمسيه
@@@@
باچر ينذبح ابني اعله صدري
اصبري يالرباب الفگده اصبري
الله بكلشي باچر هو يدري
لجل الدين باچر انطي عمري
لجل الدين كل عمري هديه
يامحله الوداع بهالمسيه
@@@@
يزينب هاي ساعاتي الاخيره
تره تعيشين باچر خويه حيره
تره اتظلين يختي ابلا عشيره
اشبعي من گفيلچ يااميره
بلا چفين باچر عالوطيه
يامحله الوداع بهالمسيه
@@@@
اوصيچن وصيتي ياخواتي
اسمعن ياحريمي ويابناتي
اذا باچر تشوفني ابمماتي
لتطلمن علي يمخدراتي
اًوصيچن على بنتي رقيه
يامحله الوداع بهالمسيه
@@@@
الخادم عمار الساعدي
جيتك بهالليل وحدي وحافية
يابو الأكبر يبو حچاية الدافية
..............
وحدي نص الليل يم جثتك اجيت
نوبة اوگع نوبة اوگف مادريت
والله تعبانة بكثر ماني بچيت
خوية يم چثتك وگعت اتمدديت
وانت نايم خوية نوم العافية
جيتك بهالليل وحدي وحافية
................
خوية مثلي امصاب ماشافت مرة
كل اهلهه ذبحوهم بالسرة
واحد اعلة الماي ايدة امبترة
وانت جثتك ياحبيبي امطشرة
وأنه متسلبة واجيتك لافية
جيتك بهالليل وحدي وحافية
................
شرد اگلك يابو الأكبر عالخيام
والله مابية اسولف اي كلام
بس اگلك فرهدونة والسلام
وهسة ابشرك عالترب گمنة ننام
والنساء من الصبح ماغافية
جيتك بهالليل وحدي وحافية
..............
والله فگدك يابو الأكبر مو سهل
مرة اني وتدري بية شحتمل
گمت ادور خاف ضايع اي طفل
هاك شوف ايدي دماية من الحبل
گربلة اشتعلت شعل مو صافية
جيتك بهالليل وحدي وحافية
................
خوية شوف ايدية بالدم سايحة
امدلله وياك چنت البارحة
خوية جيتك اقرة ليك الفاتحة
غصب باچر انه عنك رايحة
وانت تعرف علتي مو خافية
جيتك بهالليل وحدي وحافية
.................
الخادم عمار الساعدي
الى اصغر شهيد في الطف عبد الله (ع)
@@@@@@
خلوا الولد نام ..شابع بالاحلام
عبد الله يمه...عبد الله يمه
@@@@
ابني چان ايناغي ليه..مالي هالدنيه عليه
ابني يامحلاته
من چنت بحظاني احمله..من يفز اسم الله اگله
وانظر النظراته
ابدللول وليدي اسكته..حيل اشمنه ابرگبته
واسمع امناغاته
بالنومه چن غاط..بعده بهالگماط
عبد الله يمه...عبد الله يمه
@@@@
شفته بالخيمه ايتلوه..ابني رايد ماي يروه
چبدته عطشانه
ابني چان ابين حظني...من خذاه حسين مني
طلعه العدوانه
گلهم اسگوا الطفل گطره..چبده صاير مثل جمره...شاله بين احظانه
هذا ابني رووه..بيديكم اسگوه
عبدالله يمه ...عبد الله يمه
@@@@
حسين شالاه اعله ايده..بس اميه شكد عنيده
مارضوا يروونه
گلوبهم كلش لئيمه..طبقوا ابشع جريمه
بالطفل غدرونه
حسين من شاله اعله صدره..حرمله صابه اعله نحره...وغمضاله اعيونه
فك عينه لحسين...ورفرف بالايدين
عبد الله يمه ...عبد الله يمه
@@@@
بچه اشكد ابن الصميده..منذبح ابنه اعله ايده
وجابه يم اخيامه
يم اخيته جابه يبچي..حاير ودمعاته تحجي
هدموله احلامه
گلهه يازينب بديه..ذبحولي ابني خطيه
بعد ماتم عامه
گلهه انتي وديه...يم امه غطيه
عبد الله يمه ..عبد الله يمه
@@@@
جابتك عمتك بديهه..يمه رحت اركض عليهه
ردت اشيلك بيدي
يبني بين ايديه شلتك..والسهم غافي ابرگبتك
منذبح يوليدي
غارگ اگماطك دمايه...ريت گبلك ياضوايه
گطعولي اوريدي
شلون اگدر انساك..اخذ العمر هاك
عبد الله يمه..عبد الله يمه
@@@@
الخادم عمار الساعدي
الاكبر دخل...عفيه البطل
يشبه علي..ابسيفه النزل
جده ابهيئته...حتى ابوگفته
@@@@
خيال راكب هو فوگ المهره
بالسيف نازل هوس اعله الشگره
والمهره فرحت للحرب منتظره
والله اشحلاته اجمل امن الگمره
اني علي..والجد علي
صاح وهتف..هالجيش الي
سيفه ابيمنته..جده ابهيئته
@@@@
صايود هذا الحيد لا مايخطه
وياه همه اتورطوا فد ورطه
عالجيش وحده والله غطهم غطه
والخيل جدامه بقت متحنطه
صوته اعتله..بطف كربله
والگابله..مينازله
سلم رگبته...جده ابهيئته
@@@@
عالجيش هد وماترك كل فرصه
والزلم سكتت خله بيهم غصه
فرسان شردت گصه تردم گصه
نص جيشهم منه انهزم ظل نصه
كلش جسر..ماينكسر
الهم نزل..مثل النسر
تسلم يمنته..جده ابهيئته
@@@@
هالجيش كله اليوم حطه ابراسه
گال النهر لازم اغط حراسه
حالف بعد عالجيش يشلع ساسه
والوگف ضده بزود گظه وداسه
والگابلوه..ماهزهزوه
صاح الگمر..عفيه ابن ابوه
توجع سطرته..جده ابهيئته
@@@@
الجيش خلص كل زلم وي خيله
وحسين گله عمك اشباقيله
گله يبويه للكمر خليله
گضيت نصهم والبقوا توشيله
گلهم گظوا..عوف البقوا
ارجع علي..الجيش انتهوا
رد ابمهرته..جده ابهيئته
@@@@@
#الخادم عمار الساعدي
(8)
علي الأكبر مايثني احچايتة
بالحرب محد امسوي اسوايتة
بالحرب أشرس شاب.. چنة كرار وطاب
.............
هذا شاب من الهواشم...علي الأكبر نزل لازم..راية چن كرارهه
من صعد فوگ الكحيلة... هلهلتلة أمة ليلة
چي دخل صگارهه
شاب لكن بي رجولة... زلم خافت مادنولة
والرگب يختارهه
كلمن يشاهد حلاتة... مثل ياسين ابصفاتة
ليهه رد مختارهه
هذا شبل الحسين.. بالوچه چن ياسين
غاية عندة ومن يوگف غايتة
علي الأكبر مايثني احچايتة
..............
هذا من أشرف عشيرة.. مثل عمة كله غيرة... شكو فارس ذابحة
ابصولتة طشت كتايب.. هلا ابصگار الحرايب... زلم صرخت صايحة
شكو زلمة منه خايف.. چيش بالميدان راجف... سبع ياهو ايطارحة
ابكيفة يتبختر عليهم... منين مايشرد يجيهم... خلة بالطف نايحة
همة زين ايعرفون... علي الأكبر شيكون
هاشمي وكلشي بخيتة شارتة
علي الأكبر مايثني احچايتة
..............
من مهرتة الليلة صهلت.. الزلم من يمهه شردت... وحدة طر البيدة
تيه العسكر مچانة... كلهم انه الأكبر انه
وصارمة صك بيدة
حسين ينظر من خيامة... بيه تتنومس عمامة... ياحلاة اوليدة
صاح عفيه اوليدي الأكبر... حاصد اليابس والأخضر.. واليطير ايصيدة
طب الأكبر هادود... بالزلم خوش ايحود
عفية الأكبر ماكو واحد فايتة
علي الأكبر مايثني احچايتة
............
ماكو واحد چلمة يلفظ.. واليشوفة ابساع يركض... هذا الأكبر يومة
كربله خلاهه ظلمة... سيفة طابر شكو زلمة
وحدة ظل بالحومة
فارس ايطيح أعله فارس.. ماكو للاكبر منافس... والزلم مصدومة
من كثر ماسيفة طبر... التراب انصبغ احمر.... من چثثهم كومة
لو سحب بيدة السيف. رگب تمطر بالصيف
غار بيهم من يوگف غارتة
علي الاكبر مايثني احچايتة
...............
ونسالكم الدعاء
الخادم عمار الساعدي
٢٠٢١
طالع ليكم... متحديكم ... منو يتحداني
وارث حيدر.... لازم أفخر... الأكبر هذا اني
.................
الكم نازل... ويه الكافل... من أول غارة
طبكم زلمة... هو وعمة... كلش طبارة
داخل الكم ويه الكافل... ناخذ ثار الزهرة
وينة الزلمة اليتحدانة.. النة يسلم عمرة
يدخل عباس من اليمنة.. وأنه الكم باليسرة
والفكر منه اليدنة... من احصانة انشمرة
ندخل ليكم.....واندگ بيكم... واحد بالثاني
وارث حيدر.. لازم أفخر... الأكبر هذا اني
........................
عمي وانه... زلم اهنانة...نذبح بس قادة
والي عاند... خله يشاهد.. صولات السادة
هذا الجيش الطالع ضدنة..هو واني انوزعة
ياجيش اليوگف ضد هاشم.. مثل الباب انقلعة
خيل وفرسان العالشاطي.. ندفن بيه الوسعة
انه اتنطر عمي الكافل.. بس يحرك صبعة
مااخليكم.. الا افنيكم.... عمي الرباني
وارث حيدر.. لازم أفخر.. الأكبر هذا اني
...........................
عمي ابصبعة.. گلي ابسرعة.. جرد بتارك
فوت ابفالك.. ذولة اگبالك.. ضوگهم نارك
كبرت وصحت بأسم الله..طبيت ابكل همة
فنة الواحد يندگ بيه.. وأنه الكافل عمة
اگطع بالروس ومااهتم..والشارد جف دمة
يازلمة البيكم يگدرلي.. خل يطلع يازلمة
صوتي ينادي.. جدي الهادي.. هاشم عنواني
وارث حيدر.. لازم أفخر.. الأكبر هذا اني
...............................
انه الأكبر... زلمة امعتبر.. هزيت للحومة
واللاگاني...بس شافاني... ينشف زردومة
انه أعله الصولات امعلم..فرحت بية الراية
احچي بزود بنص الحومة.كل زودي المولاية
بيسراتي شايل چم زلمة... وچم رأس بيمناية
واعدت الوالد ماارجع... الا الفوز اوياية
كلش سهلة.. راح ارجعلة... روس ابذرعاني
وارث حيدر.. لازم أفخر... الأكبر هذا اني
......................
راسة الغانم.. ميظل سالم.. طالعه ابكيفي
يرجف مني.. حيدر چني.. من شاهد سيفي
جدحت عيني ومن قاتلتة..وگفت كل الساحة
بس ارفعت السيف اگبالة.. سلم بيدة اسلاحة
يازلمة اليوگف جدامي.. أخذ راسة ابراحة
ياغانم لو مية غانم... مااهتم لصياحة
امحي انفاسة... وأخذ راسة...كلمن عاداني
وارث حيدر.. لازم أفخر.. الأكبر هذا اني
.....................
ونسالكم الدعاء
الخادم عمار الساعدي
تهلهلة الفواطم... دخلهه وليدي جاسم
يبني ياجسام
..............
هلا بذخري.. وتعب عمري.. يفدوة هالولد
ترك عرسة.. ونذر نفسة.. ولاخان العهد
انه رملة.. اهلهلة.. ولاهم بالعدد
حبيب أمة.. لجل عمة.. طلع مثل الاسد
لجل هاي الإمامة.. طلع ناصر عمامة
يبني ياجسام
............
...................
ابزغر سنك.. اعرفنك.. سبع مثل الابو
مثل عودك.. هلا بزودك.. كفو منك كفو
گمر خدك... سبع گدك.. يجاسم وين اكو
شلت راسي.. ينوماسي.. يالمرجف العدو
ينبراس البطولة... شهم من الطفولة
يبني ياجسام
..............
سبع دومك. أجه يومك.. يجاسم بالطفوف
اجه وكتك..عفت حنتك..يالمحني الچفوف
فلا همك. ذخر عمك.. يالمسكت السيوف
اخذ درعك. منو يمنعك.. دخلت بلاية خوف
يجاسم ارد اشوفك.. تحنيهن چفوفك
يبني ياجسام
............
لابن فاطم. تهد لازم.. اعرفك مرجلة
اخذ سيفك. وأخذ حيفك. لوائك شايلة
افزعنك.. اعرفنك.. تموت بكربلة.
يبو النخوة. تظل فدوة.. للحسين وهلة
ازفنك بدية... يجاسم للمنية
يبني ياجسام
................
بچفوفي.... ناصرت الولي
بطفوفي... اشهد ياعلي
.................
انه لحسيني ذخر ياوالدي
عمري كلة يروح فدوة السيدي
ابشر أبشر والدي عيني تظل حراسة
مايوصل حسينك نذل وهنا چف عباسة
تدري شبلك بالحرايب مايدنگ راسة
الا اگص ايد التجرء للحسين أو جاسة
وهنانة... تشهد كربلة
مولانة... انه احزام الة
....................
انه واعدتك گبل ها يالابو
حسين أمامي وسيدي مو بس اخو
اليوم اخلي الگاع تهتز من اهد بالراية
انه عباسك وازامط ماارد بحچاية
الخيول ومن عليهه الا تصفة ادماية
راح اسكت جيش أمية يم المسناية
تدريني ..... مارد چلمتي
بيميني..... توجع سطرتي
......................
انه تدريني سبع كلش كلف
الإصبع أمن أيدي يعادلة الف
الجيش إذا مايعتنيلي انه اروح امشيلة
الا اخلي جيش أمية يلبسون الشيلة
زلمة اطگ ابراس زلمة والشرد ياويلة
والصبح چن ليل اگلبة بالطفوف الليلة
بتاري.... هلهل بالحرب
اثاري.... تشهد بالضرب
.......................
اليوم اخليهه الخيول ابلاية روس
وعالزلم بجدامي ياحيدر ادوس
والله افوت اعلة النهر يابو الحسن وجنودة
تدري عباسك تحزم بيدة حامل جودة
واليفكر مني يگرب الا أطر ازنودة
هذا عباسك يسولف والله بوية ابزودة
وابزودي.... احچي ومااهم
وابجودي... حطيت الزلم
.........................
ونسالكم الدعاء
الخادم عمار الساعدي
٢٠٢١
الراية اعلة اچتافة... عباس
الفرسان اتخافة... عباس
العايل ماعافة... عباس
يكتل باوصافة... عباس
......................
الخزرة من عينة تهز البيدة
والي يشرد من بعيد ايصيدة
اتگول عزرائيل حطة ابأيدة
هدد الجيش وصدگ تهديدة
....................
مترهي ابكيفة... عباس
يختار ابسيفة... عباس
يصعب توصيفة... عباس
والموت اوليفة... عباس
بكيفة يستنگي الزلم والقادة
والله زلمة هذا عم السادة
وبالحرب وين السبع يصطادة
هذا ابو فاضل نعم وازيادة
.....................
الفارس بالحومة.... عباس
نشف زردومة.... عباس
زلمة وحل يومة... عباس
كشخة أمن اهدومة... عباس
العركة بس آلة صدگ تحلالة
چنة حيدر هم نفس تفصالة
حسين بي يفخر والف هنيالة
سيفة باليمنة وعلم بشمالة
.....................
يذبح بتارة..... عباس
عندة چم شارة... عباس
والطف صگارة.... عباس
لليوم اخبارة.... عباس
سيفة مانايم ابد بگرابة
وي هذا الجيش عندة اطلابة
واليشوفة ابساع ذب اثيابة
مايگوم الي ابيمينة الصابة
.....................
شلال الغيرة... عباس
هو ولا غيرة... عباس
هالجيش ايديرة... عباس
معروف ابخيرة..... عباس
هذا ابو الراية الگمر والقائد
الجيش كلة ايشوفة مثل الواحد
لو ضعف هالجيش جابوا زايد
هم يظل عباس بالطف صامد
.........................
ونسالكم الدعاء
الخادم عمار الساعدي
٢٠٢١
هذا عباس دخلهه... هذا عباس
أرض الطفوف بطلهه... هذا عباس
.................
من فصيلة حيدره... هذا سبع الگنطرة
لايگ ابچفة العلم من شالة
هذا اخو ام عون ونعم... شالع اگلوب الزلم
حسين بيه يتفاخر وهنيالة
راسة وية الراية عالي ومرتفع
شلع گلب الموت من طبهم شلع
كل سبع گدامة يصبح مو سبع
نفس شمرة والدة ونفس الطبع
بيدة صمصام نزلهه... هذا عباس
أرض الطفوف بطلهه.. هذا عباس
.....................
كشخ كشخة والدة. الحومة اخذهه الوحدة
مثل ابوه صولة أمس رداهه
هذا ابو فاضل ترة... مثلة ماجابت مرة
الراية بيدة امچلبة اشمحلاهه
غصة ابگلوب الزلم هالليلة حط
ياشط ايجارية هو الوحدة شط
بكل جسم عباس حطلهم نقط
ماكو زلمة هناك بس هو فقط
وحدة عباس فحلهه... هذا عباس
ارض الطفوف بطلهه... هذا عباس
.......................
رايتة اتسد الشمس... أمة خيطتهه امس
أو وصتة اعليهه اشكثر هالراية
حاضن الراية اشكثر.. علماهه أمن الزغر
هو يعشگهه وتعشگه اهواية
الراية وي عباس چن روح وجسد
الغيرة ماترهم يگظهه چف ابد
واليشاهد رايتة ميظل شرد
الراية حرة وماتلوگ الاي احد
زلمة عباس حملهه... هذا عباس
ارض الطفوف بطلهه... هذا عباس
...................
من يهد ابيا علي... ياطفوف اتزلزلي
كربلة اهتزت دخل عباسهه
عالمهر لمن صعد.... ماكو زلمة مالبد
والزلم سكتت جميع انفاسهه
وآلله طب عالجيش يسحگهم سحگ
الخيل والفرسان طابگهم طبگ
هذا ابو فاضل صدگ شايل خلگ
بس زلم يختار سيفه وظل يطگ
كل الرگاب وصلهه... هذا عباس
ارض الطفوف بطلهه... هذا عباس
.......................
ونسالكم الدعاء
الخادم عمار الساعدي
٢٠٢١
ربعك ذولة اهواي..... هد بيهم مولاي
....................
ذولة احنة الأنصار... بيدينك بتار
شنهو الموت.. والله انفوت... ياشبل الكرار
ربعك مو سبعين... واحدنة بالفين
حبيناك.. واليناك... نفزعللك يحسين
ربعك حيل اسباع... نربد هاي الگاع
لا تحتار.. ناخذ ثار... حگك لا ماضاع
تعرف زين ابهاي.... ربعك ذولة اهواي
......................
ربعك ميخافون.... گلبولك هالكون
الكل حراس.. والعباس... حراس الأم عون
احنة العاهدناك.... نعيش انموت اوياك
انت ارتاح.. يامصباح.... بالدم واليناك
فوگ الموت اندوس... الهم ننطي ادروس
احنة أنصار... هالكفار... نذبح ياهو ايحوس
واحدنة اموصاي..... ربعك ذولة اهواي
................. ......
ياتاج أعله الراس... لخيامك حراس
نفزع دوم.. يامظلوم... ويانة العباس
عندك خوش ارجال... وأحدهم خيال
عدنة الحيل.. زلم وخيل... نذبحهم بالحال
نطبرلك كل هام... فنة المنهم گام
اليمنة ايفوت.. شاف الموت.. يصبح كوم اعظام
وانصيدة العناي..... ربعك ذولة اهواي
........................
كلنة ابصوت انصيح... نفزع مثل الريح
جيش الماي... يامولاي... كله اليوم ايطيح
كلنة اوياك اخوان.... صحبانك صحبان
نملي الجود...صحنة ابزود... ميظل كل عطشان
كل العطشانات..... يبقن مرتاحات
هالنسوان... والرضعان... نتركهم هيهات
احنة انجيب الماي... ربعك ذولة اهواي
.........................
ونسالكم الدعاء
الخادم عمار الساعدي
٢٠٢١
ياهو الگال راح انساك. وانت بالگلب گاعد
ياهو يعوضك يابوي. ومثلك مايصح واحد
حنين وفرگتك والله.. يااغلة واحن والد
مو سهلة علية انساك. گلبي الشوفتك فاگد
حزني ماتمسحة ايام.. يومية علي زايد
چنت ابشوفتك ارتاح. يادافي ابشتة البارد
ياربي ساعة اگعد وياه
من خدة اشمة واحب يمناه
مابية احمل والله فرگاه
شو ما اجانه وكلنة ردناه
.....
ياربي ادعي اشگد تمنيت
يرجع ابوية وياي ياريت
ومن ارجع انه الگاه بالبيت
والله أعله شوف الابو حنيت
.......
ياربي مااگدر علفراگ
مشتاگ الگلب للغالي مشتاگ
ربي أعله صوتة هالگلب طاگ
وهذا الصدر من فرگتة ضاگ
......
كون من اعودن يفتح الباب
وبالبيت اشبگه امشابگ احباب
ياوسفة غير شكله التراب
ذبت أعله شوفة والگلب ذاب
ياربي احلفك بسم الحسين
رجعلي ابوية الغالي يومين
ارد اشبع من عيونة الاثنين
من يمة مااگومن هالحنين
.....
ياربي رجعه ليه ساعات
لي هسه احسن چذب مامات
مااگدر انسة افراگة لحظات
هيهات املن منه هيهات
ياسلام الله عليك ..ياابا عبد الله
ياسلام الله عليك..ياابا عبد الله
@@@@
انت ياهو المثلك انت..كلشي شاف من العدو
والله ماكو احد يشبهك..دوريت وما اكو
ياهو مثلك طاح ظهره..من فگد اعظم اخو
كفو منك يابو الاكبر..اي وحگ الله كفو
شلت أخيك بين اديك..ياابا عبد الله
يا سلام الله عليك..ياابا عبدالله
@@@@
ياهو مثلك شاف ابنه..هيچ كدامه انصرع
ايساعدك الله حبيبي..حين الاكبر من وگع
عفيه گلبك يابو الاكبر..فوگ ابنك ماطلع
شافت اعيونك ماسي..وثوبك امن الدم نگع
تظل هاي اللوعه بيك..ياابا عبد الله
يا سلام الله عليك ..ياابا عبد الله
@@@@
ادري بيك انكسر گلبك.من ركظت الابن اخوك
شفته مطبور اعله راسه..كل قصدهم يقهروك
شلته بين احضانك انت..گوه تمشي شاهدوك
حنته من فيض دمه..وابسهمهم صوبوك
ابحزنك احنة امشاركيك..ياابا عبد الله
يا سلام الله عليك..ياابا عبد الله
@@@@
شلت عبد الله رضيعك..وبالنحر صابه السهم
مو نحر عبد الله صابوا..هالسهم گلبك ثلم
طلع ايده وحين شفته..شاهديته كله دم
للسمه طشيت دمه..وارجعت يم الخيم
من رضيعك حارميك..ياابا عبد الله
ياسلام الله عليك..ياابا عبد الله
@@@@
وحدك ظليت وسفه..ماكو لخيامك حرس
كلهه راحت منك انت..بس عليل ونسوه بس
حضرت زينب جوادك..واعتليت اعله الفرس
ريجك امن العطش يابس..گوه تشهك بالنفس
يابو علي امناصريك ..ياابا عبدالله
ياسلام الله عليك..ياابا عبد الله
@@@@
الخادم عمار الساعدي
(4)
الله وياك... أه يالولد
ابقة انعاك.. وانعة المهد
.............
يالولد ياغالي... هالمهد ظل خالي.. ياثمر دلالي... بعدك اشظلالي
وابلياك... كلشي انفگد
الله وياك.. أه يالولد
.............
من يصبر اونيني... يالضواك ابعيني... انحب اتخليني... موتك امأذيني
شلون انساك... گلبي انمرد
الله وياك... أه يالولد
..............
ازغير يذبحونك... غمضوهه اعيونك... ليش مايروونك... وابسهم يرمونك
نحرك ذاك... طر الچبد
الله وياك... أه يالولد
..............
لاتظن ناسيتك.... بالمهد ناغيتك... يمة رد البيتك.... مو بيدي خليتك
حرك اشفاك.... يبني الضمد
الله وياك.... أه يالولد
...............
يالعفتني اوحيدي... يمة افرك بيدي
رد علي يوليدي... چن سهم بوريدي
نار اچفاك... تسعر بعد
الله وياك... أه يالولد
...............
يبني يامذبوحي.... شلون ابطل نوحي
هاك اخذهه الروحي... ماتهيد اجروحي
من فرگاك.... راح السعد
الله وياك... أه يالولد
...............
ونسالكم الدعاء
الخادم عمار الساعدي
٢٠٢١
ها يزينب..وحدچ تتعثرين
ها يزينب..تالي ليلج رحتي وين
رحتي للعباس لو لحسينچ
وحدچ تمشين الله يعينچ
ها يزينب
@@@@
وحدچ بهالليل رحتي..بليله ظلمه
گوه تتمشين زينب..وانتي حرمه
بالجثث عينچ تدور..زلمه زلمه
بلكي واحد بعده عايش..يحچي چلمه
كل اخوتچ..ياوسافه امذبحين
كل اخوتچ..مابقالچ كل معين
گمتي تتعثرين دمعه ابعينچ
رحتي للعباس لو لحسينچ
ها يزينب
@@@@
انتي يم عباس رحتي..ماصبرتي
گلبچ اشتاگ الكفيلچ..يمه رحتي
عينج تدور بخيچ..بس عثرتي
حين گمتي انه اضنچ..چفه شفتي
شلتي چفه...يسره شفتي لو يمين
شلتي چفه...رايته شفيتيهه وين
زاد يم عباس ادري اونينچ
رحتي للعباس لو لحسينچ
ها يزينب
@@@@
رحتي تتمشين گوه..ابمستحاتچ
ريحه الدخان فاحت ..من عباتچ
خافن يشمهه وتاذينه..وغلاتچ
لو نظرتي اعيونه توگف..كل حياتچ
عينه عميه..والسهم ماخله عين
عينه عميه..وانتي يمه تشتكين
رايده اتشوفينه حبل ايدنيچ
رحتي للعباس لو حسينچ
ها يزينب
@@@@
بين اخوتچ ها يزينب..دارت العين
مره للعباس رحتي ..مره لحسين
چنتي تتمنين موتچ..بين الاثنين
حتى فوگ النوگ باچر..ماتصعدين
حرتي حيره..بيمن انتي تلتهين
حرتي حيره..بالحرم تتكفلين
باچر تودعين كل اسنينچ
رحتي للعباس لو لحسينچ
ها يزينب
@@@@
الخادم عمار الساعدي
ً
بعدك ازغيرون يمه.. ليش صاباك السهم
اگماطك بعيني لمحته.. منترس عبدالله دم
............
يمة ياعبدالله يبني... گلبي لجلك محترگ
اوياك بس أشهر عشتهن. ليش هسه نفترگ
السهم يبني الاجالك.. شابگ ابنحرك شبگ
امك وتدري مصابك... فاتگ اگليبي فتگ
يمة من لحظة مصابك.. حتى گلبي ماسلم
بعدك ازغيرون يمه.. ليش صاباك السهم
...........
اه لو تدري اشجرالي.. هالسهم لمن اجاك
عور اگليبي ييمة.. هم مثل ماعوراك
يل چنت عطشان يبني. ومن دمة نحرك
رواك
شفتك تناغيله چنك.. گلي يبني اشجاوباك
هالسهم عينة وكيحة.. ماعرف طعم الالم
بعدك ازغيرون يمه.. ليش صاباك السهم
..........
بعدك ازغيرون يمه... شنهو ذنبك تنذبح
هالسهم خلالي عله... وجارح بامك جرح
يمه اتمنه ابدالك... انه اموتن لو يصح
ماالي عين واشوفك. راسط ابوسط الرمح
والله يايمه بغيابك... حيلي يوليدي انهدم
بعدك ازغيرون يمه..ليش صاباك السهم
...........
شلون الي عين واشوفك. ماخذك مني الأجل
ياطفل مثلك ييمة.. هيچ بگماطه انچتل
اتنطريت اتعود ليه.. گلت أظل لو ما اظل
بس شسوي گوة عنك.. ماخذيني أهل الجهل
يبني راح امشي واعوفك.. للسبي وي الحرم
بعدك ازغيرون يمه.. ليش صاباك السهم
..........
يبني راح امشي واعوفك. حيف ماشوفك بعد
گمت اتخيل مچانك.. خاف ماميت گعد
هذا وعد الله ييمه.. لازم أقبل بالوعد
يبقه مهدك بين ادية. وريحتك وسط المهد
من اهز مهدك ييمة.. گلبي وي هزتة انلچم
بعدك ازغيرون يمه..ليش صاباك السهم
............
الخادم عمار الساعدي
اه ينبله حرمله حاچيني
انتي بالدلال صوبتيني
@@@@
ابني بعده زغير مابي كل ذنب
هو رايد ماي مارايد حرب
والله من صبتيه صوبتي الگلب
ريت اني ابداله ذبحتيني
@@@@
ماكسر گلبچ ينبله هالطفل
هو بعد زغير مو مالة نبل
ليش صوبتيه واتبعتي النذل
ياعذر عندچ الي كلميني
@@@@
ماكو عندچ اه ينبله كل عذر
باچر الله يحاسبچ وي الكفر
وانه راح الهالوكت ابقه انتظر
للحشر مااعذرچ تدريني
@@@@
ادري ماعندچ عذر خنتي الامام
كسريتي اضلوع والدته حرام
انتي تختلفين عن كل السهام
جرحچ الهاليوم رسمه ابعيني
@@@@
انتي صوبتي الطفل وسط الوريد
بين ادين حسين رفرف هالشهيد
انه امه ابموتته لا مااهيد
كل وكت اتذكره يناغيني
@@@@
من اعاين هاينبله اعله المهد
ابچي حيل هواي واتصور گعد
چنت الولي بالمهد نام الولد
احچي وي مهد الطفل عفتيني
@@@@
الخادم عمار الساعدي
السلام عليكم اخوان خدمة الحسين ع
أكون ممنون للي يقرالي قصيدة وعندة تصويرها ايدزهه آلية وانا خادم الكم
زينب خوية... راح اوليدي
ذولة العسكر... گطعولي ايدي
عالگاع كله اطشر.... ياحيف مات الاكبر
راح اوليدي
..............
يخوية أعله الأرض گلبتة ماينگض
احمر صار كله الوجهه چان ابيض
بخير انفاسة بوية حسين يتلفظ
حين الي وصلتة شافني وغمض
شاف اعيوني... وطلعت روحة
وطلعت روحي... الشوف اجروحة
وعالراس شفتة امطبر
ياحيف مات الاكبر
راح اوليدي
................
يخوية الدم نظرتة أعله الترب سايل
وجسمة أمن التطبر ناشف وذابل
يخوية ومن اجيتة امحدب ومايل
وشفت سيف أعله راسة للعظم نازل
كلش ذابل... ماچنة ابني
من انظرتة... اشگد شيبني
مطروح يابس بالحر
ياحيف مات الأكبر
راح اوليدي
.................
يزينب ردت اشيلة وترجف ايدية
حرت من جسمة شلزم حيل مابية
احس وهو ميت رايد امية
بست شفتة وگلت بلكت يرد لية
بهاي اشفافي... بست اشفافة
يبست كلش... ذيچ اوصافة
ذبلان حيل اتغير
ياحيف مات الاكبر
راح اوليدي
..................
يخوية ابجسم الأكبر چم فرس رافس
وفوگ اظلوعة احسن چم نذل دايس
لذلك ماعرفتة چن خشب يابس
بعد موتة ابحياتي ضايع الواهس
عمري ابدونة.... مايسوالي
اشظل ابعمري... وراح الغالي
ياموت لية اتحظر
ياحيف مات الاكبر
راح اوليدي
...................
يخوية أمن التعب گوة انگل اجدامي
كسر ظهري لذلك شلتة جدامي
اجيتچ گوة امشي والله لخيامي
جبت بيدية الأكبر بس جسد دامي
جسمة امگطع.... ناشف دمة
لو تنظرلة... متعرفة امة
مو ذاك نورة اليزهر
ياحيف مات الاكبر
راح اوليدي
.................
ونسالكم الدعاء
الخادم عمار الساعدي
قصيدة على طور ملة باسم الكربلائي
يمة اطمنچ علية
..................
يمة حنيلي ادية... رايدتني المنية
يايمة حنيني.. وزفيني.. وانطيني... لامة والدي
واشموع اعلگيلي.. وادعيلي.. وگليلي.. لحسين افتدي
يمة حنيلي ادية
...............
يمة ادعيلي بدعائچ لاتقصرين
كون اضحي بمنحري لعيون الحسين
هالوصية من ابوية وانتي تدرين
اليوم اطلع بالحرب كل تعب السنين
اقسم انه بغلاتچ... راح اشوفچ رباتچ
سميلي بسم الله.. يارملة.. للذلة.. مااركع ابد
افدي السبط عمي.. كل دمي.. ياامي... ماخون العهد
وية شبل الزچية... رايدتني المنية
................
يمة گاصد للمنية انطيني درعي
وانتي گعدي بخيمتچ تانيني وادعي
گبل لااطلع ييمة مني شبعي
يختلف بعدين عنچ هذا وضعي
يمة ارد بخضابي... وأنه بأول شبابي
ودمومي بچفوفي.. بس شوفي.. وضيوفي.. فاطم وي علي
تحضر الي العترة.. عالغبرة.. والزهرة... تبچي شگد الي
أو والدي يحن آلية... رايدتني المنية
...............
يمة اريد دمومي تنزف عالوطية
الدين والله برگبتي لابن الزچية
لجلة عمري وكل شبابي انطيه هدية
كون أمة فاطمة ترضى علية
ارد اضحي بحياتي... هي هاي امنياتي
ثوب العرس لابس.. وابواهس.. وي عابس.. روحي هايمة
بطف كربلة يومي..و دمومي.. بهدومي.. غرگانة ابدمة
گري عينچ علية.... رايدتني المنية
..............
انه طالع للمنية يمة طالع
من أجل شبل الزچية راح ادافع
مااريد عيونچ اتهل المدامع
فرحي لجلي لو اجيت بدمي راجع
گولي عفية يجاسم... گطعنة الصوارم
هاي الحرب عيدي.. دم بيدي.. تخليدي..
صار بكربلة
گليلي عفية ابني.. متحني.. متهني... راسي شايلة
صار الي الطف هوية.. رايدتني المنية
................
فرحي يايمة آلية بهذا عرسي
في سبيل الله ورسوله مضحي نفسي
انه لهل البيت ناصر بأعلى حسي
نوري باقي وماتغيب الدنية شمسي
انه خالد وجودي.. ثابت بكل صمودي
تشهدلي زواري.. وخطاري.. واثاري... تبقة بكل زمن
لمن يزوروني.. ينخوني.. يدروني... قطعة من الحسن
روحي طيبة وابية... رايدتني المنية
...............
الخادم عمار الساعدي
انه الأكبر.... تربات الطگ
احچي بزودي... احنه أهل الحگ
........
داخل الكم متحدي.. من هاشم اول جندي
شبل حسين انه وجدي... حماي الجار
احنه الواحدنه أفعاله.. تترس هالدنيه افضاله.. من هاشم انه وآله.. ولد الاخيار
انه البالصعبه معلم... احچي ابزود واتكلم
ابرايه عباس امحزم.. بيدي البتار
انه ابن الهادي الخاتم.. انه ابن الزكه ابخاتم.. خل يشهد كل العالم.. داخل بصرار
زلمه البيكم... خلي يندگ
انه الأكبر... تربات الطگ
.........
انه ابن الصله الربه.. طالع من بطن الكعبه
ابن حسين انه امربه... انه الخيال
انه الماخايف ذره.. اقسم بظلوع الزهره
لو هديت أعله المهره... هدات ارجال
چاوينه اليندگ بيه... صولاتي كراريه
ضرباتي عباسيه... ضربات ابطال
لو جيش أكثر جابولي.. فنه اليوصل يم طولي.. مااهتم لو كل ذولي.. هديت جبال
واللاكاني.... بالسيف انطگ
انه الأكبر.... تربات الطگ
..........
اليوم اگطع روس القاده.. بيرغ شايل للساده.... تفزع لحسين أولاده.. وأنه الاول
شبل حسين وهذا اني... وينه إليدخل ميداني. ياجيش اليتحداني.. يمي اتخردل
انه الكل سطره من ايده.. كل طاير چفي يصيده.. انه الصگار البيده.. زلمه امعدل
كل عابل انه اندله.. لو يشرد هم اوصله
بتاري يطگ بالجمله... بيكم يندل
ضربة سيفي.... بيكم تسحگ
انه الأكبر... تربات الطگ
...........
حيل افرح يوم الملگه.. كل عايل چفي يطگه.. انه الماعايف حگه.. والحگ وياي
صوت الحگ دوم ابحسي.. لحسين امضحي بنفسي.. بالطف خل يصبح عرسي... محلاهه بهاي
الا اكتب بالطف اسمي.. وي حسين وي عمي... الأكبر انه وكل دمي.. فدوه المولاي
مااتراجع عن هايه.. مادام بچفي الرايه
مااعوف ابدا مولايه... وامقصر اهواي
واصرخ بالطف... للموت اعشگ
انه الأكبر... تربات الطگ
...........
الخادم عمار الساعدي
السابع تسمة بالگمر..... ياشيعة هذي ليلتة
وابمجلسة شدوا اللطم...زيدوا اللطم ياشيعتة
هذا الترك وسط النهر... چفينة بيهه رايتة
الراعي العلم هلو الدمع.. لازم نواسي عيلتة
باللطم گطعوا الادين... لبو فاظل ماكو عين
.........................
الظهر الحسين المنحني.. لمن نظر طاح الگمر
لازم ندگ حد الجزع....بعدة الحسين ابلا ظهر
نعمي العيون ابليلتة....للي وگع يم النهر
شافة الحسين ابلاية چف ... فوگة انحنة وظهرة انكسر
كلشي بالمجلس مباح.. ابو فاظل هذا طاح
......................
وية اللطم ياشيعتة.... وسط العزة جيبوا العلم
هذا العلم صاحب آلة... يستاهل اندگلة ابألم
هذا الوگع مو اي بشر... هذا الوگع يتم خيم
يستاهل الدمعة الصدگ... نلطلمة واجب يالخدم
كل دمعنة خل يطيح... نلطم أو مانستريح
........................
فگد الگمر كلش كلف... والفرگتة مانحتمل
هذا الترك جرح الگلب... طول العمر مايندمل
حتى السمة دون الگمر... شكل السمة مايكتمل
دونة العمر مايسوة ابد... هو الأصل هو الفصل
الليلة مالازم ننام.... خل ندگ اعلة الامام
عوف الماي... عوف الماي
عوف الماي... عوف الماي
.................
خوية اشكثر تانيتك
ترجعلي اتمنيتك
يابو الفضل ناديتك
من خيمتي اترجيتك
ياسقاي.... ياسقاي
ياسقاي... ياسقاي
.....................
مو كتلي راجع اني
ماعاودت شمتاني
ماصدگت تنساني
منك خبر ماجاني
يابلواي... يابلواي
يابلواي... يابلواي
......................
شو ماترد لخيامي
گلبي أعله شوفك ضامي
ماحسبت بحلامي
ماشاهدك جدامي
ياعيناي..... ياعيناي
ياعيناي... ياعيناي
.....................
شوف اختك المجروحة
شو طولت بالروحة
حسينك يظل ابروحة
ياخو اختك المذبوحة
الحچي هواي...الحچي هواي
الحچي هواي... الحچي هواي
..........................
أطفالك يتانونك
عوف المي ينادونك
نسأل عليك اشلونك
خاف السهم بعيونك
گلهم جاي... گلهم جاي
گلهم جاي... گلهم جاي
.......................
ماتسمع انت الصايح
عالنهر خافن طايح
ماعاودت يالرايح
خاف ابدمومك سابح
هاك ادماي... هاك ادماي
هاك ادماي... هاك ادماي
........................
مشتاگة اشم چفينك
يابعد روح احسينك
ماعاودت چا وينك
معقولة غمظت عينك
ياحماي... ياحماي
ياحماي... ياحماي
..........................
شنسوي بعدك باچر
يلي اكسرتلي الخاطر
تترك دليلي الحاير
من يحدي بية الفاجر
اشلون بهاي.. اشلون بهاي
اشلون ابهاي.. اشلون ابهاي
........................
باچر شسوي ابهاية
لو ماكو انت اوياية
وابضعني مترف راية
ويسبونة خوية اسباية
لااخو اوياي... لااخو اوياي
لااخو اوياي... لااخو اوياي
.........................
ونسالكم الدعاء
الخادم عمار الساعدي
٢٠٢١
ياهو ايلاگينة.... يحسين
ابشر هد بينة... يحسين
زلمك تدرينة.... يحسين
من نفس الطينة... يحسين
...................
احنة زلمك ياسبط وفاية
عالمنايا نسحگ وعناية
نقسم بعباس ابو هالراية
اتروح الك فدوات ربعك هاية
........................
ربعك وفاية... يحسين
شالولك راية... يحسين
منطيك احچاية.. يحسبن
شاريك اشراية... يحسين
احنة انصارك صدگ تدرينة
يابو الأكبر بالحرب هد بينة
الموت وياك بعزم شارينة
وبيرغ العباس يشهد لينة
....................
كلهم يدرونة... يحسين
ربعك مجنونة... يحسين
لا ميهزونة.... يحسين
فنهم يدنونة... يحسين
وين أمية خل تجي والقادة
احنة ابد منبيع بيت السادة
والله الك نفزع صدگ كالعادة
واليموت اوياك هذا الرادة
.....................
هالجيش اندوسة.... يحسين
وانهوس هوسة... يحسين
الميدان انحوسة.... يحسين
وربعك محروسة..... يحسين
لاتهم محد يصل خيماتك
رغد خل اينامن ابنياتك
كلنة سيف نصير عد يمناتك
احنة صحبانك بعد ترباتك
...................
ياسبط الهادي... يحسين
الأنصار اتنادي... يحسين
ندحر كل عادي... يحسين
ونبچي الوادي.... يحسين
ابشر احنة حسين كلنة احزامك
فنة ليمس شعرة من اخيامك
احنة بيدينك مثل صمصامك
دمنة كلة ايطيح تحت اجدامك
..................
ونسالكم الدعاء
الخادم عمار الساعدي
(19)
انه ابو حميدة.. مالي شبيهين
مسلم واضحي العمر.. لامامي الحسين
................
للكوفة جيت ابعزم.. ولأجل الاسلام
چني علي ابوگفتي... ذاك ابو الثام
بسم الله يهل الكفر... متحزم احزام
طالع انه وطلعتي... ناصر للامام
باصم لبن عمي انه... بچفوفي الاثنين
مسلم واضحي العمر.. لامامي الحسين
...............
بالكوفة اصنع رعب... خل تشهد اعداي
وين الزلم خل تجي... تتقارش اوياي
وياية الله وعلي... والعترة وياي
تشهد الي يسرتي... وتشهدلي يمناي
وين التحدة منو.... وين الزلم وين
مسلم واضحي العمر... لامامي الحسين
................
انه الرعبت الزلم... والطارح ارجال
خيال انه وبالحرب... چن عمي خيال
من ادخل ابمعركة... ضرياتي زلزال
من هاشم انه الأصل.. كل هاشم ابطال
احنة الأصل والفصل... وأهل الدواووين
مسلم واضحي العمر.. لامامي الحسين
...............
بالكوفة چن صاعقة.... تنزل على الناس
والي الي يعترض... ماظل إله راس
هذا انه ضربة أدي...تذبح بالارجاس
عباس اكو ابكربلة... وبالكوفة عباس
ضرياتي تشهد الي.... ظلت نياشين
مسلم واضحي العمر... لامامي الحسين
.............
انه النصرت السبط.... متعاهد اوياه
مايسوه بعدة العمر... شسوة ابلياه
اسمي انه ابلا ذكر... چا منسي لولاه
هو اليضحي إله... يحيا وي ذكراه
ضحيت إله بهالدمة..... وذكراية للحين
مسلم واضحي العمر... لامامي الحسين
..............
ونسالكم الدعاء
الخادم عمار الساعدي
٢٠٢١
تستاهل بچي يابوي يومية
انه انحب واون اعليك ليلية
بس انت يبوية تعرف البية
.......
تستاهل بواچي اعليك والزهرة
بوية ابغيبتك ايامي بس حسرة
ناري ماطفت يومية مستعرة
ايامي صفت يابوي بس سودة
روحي الفگدتك يابوية مفگودة
ممرودة تظل هالروح ممرودة
نعي لحميدة بنت مسلم على فراق والدها مسلم بن عقيل ع
.............
جاوبني يحسين... مسلم شو بطة... جاوبني يحسين
ماتغمض العين... من راح ومشة... ماتغمض العين
ماعوف الونين... يتيمة انه أصبحت... ماعوف الونين
.........
ردتة انه يمي... ابوية انه وعزيزي... ردتة انه يمي
ماصاح بسمي... صار اهواي احس... ماصاح بسمي
يجري اوية دمي... حزنك والدي.. يجري اوية دمي
..............
لو صار الغروب.. ليلية احن.... لو صار الغروب
ماتسكت اتلوب... ترة التفگد ابو... ماتسكت اتلوب
ياناس چم دوب... انه انطر والدي... ياناس چم دوب
...............
ماتقبل انام.... عيني الفاگدة..... ماتقبل اتنام
مامر بالاحلام.. طيفك والدي.... مامر بالاحلام
ماظنهه تنلام... التلطم عالابو.... ماظنهه تنلام