الناشر احمد الفاطمي

05 October 2026 12:22

انه  الناعي  واسولف  بالدمع  وني
وأعيشن بس ظلع يادنيتي بحزني
شنو  عنده  اليضدنه ماتره يهمني
*******
اسولف من حقدهم  وابدي  بالأول
وابرهنهه  الحقيقه  لو ردت  تسئل
عله اعناد  الوصيه  زعزع   الأهبل
يشوف اشگد محمد وصه بالمجمل

حقدهه من السقيفه.. مارضت حيدر
نسو  بضعة محمد....والحچي  اتكتر

شرحت انه المصيبه وذبلت جفني
انه  الناعي  واسولف  بالدمع وني
●●●●●●●●●●●●●●●●●●●●●●
بعدني  ابهمي   واحزاني  تعت بيه
وفتح  باب  السقيفه  دمعي يوميه
حچوها اشگد عليهم عن قصد نيه
الدفع  باب  الزجيه   ندري  ماضيه

دعاهم والنبي شاف... الزلم  تختل
اظن  صابه ارتجاج... الماقبل ينزل

اسولف والسوالف من حسن ظني
انه  الناعي  واسولف  بالدمع وني
●●●●●●●●●●●●●●●●●●●●●●
حقد يوم السقيفه  اتحولت عصبه
وبدت باب  الرذيله ابكل كتر نكبه
بعد هاي  العصابه موصدك صحبه
وعاشت فاطمه  بين الهجر  غربه
على  طاري الظلع  مايشفه ابد جرحي
وانه بصوت المصيبه بس يون صبحي

عشت هاي المصايب من زغر سني
انه  الناعي  واسولف  بالدمع وني
●●●●●●●●●●●●●●●●●●●●●●
يظل  كلب  الغيور  ابحسره  يتألم
صبح   عندي  محرم ثاني  يتخذم
انه ابهاي  المصيبه  دمعتي من دم
يظل جرحي الظلع ماينتهي المأتم

يرووحي من المصايب ماكلت هيدي
صبح عندي الشعيره  وارث  اوليدي

سلاسل دهري بالهم تالي شيبني
انه الناعي  واسولف بالدمع وني
*******
انه المجلس  هويتي وبي  تون روحي
وعددهن  مصايب   دهري  واجروحي
على  امصاب  الزجيه ما هدئ  نوحي
ويظل جرح الطفوف ايهدم اصروحي

ليالينه    الحزن   والدمعه  عنواني
واسولف بالمصيبه واشرح احزاني

يظل باب الجرح كل ساع يفززني
انه الناعي  واسولف  بالدمع وني
*******
تمت بعون الله تعالى الشاعر_يوسف_الفتلاوي

الناشر احمد الفاطمي

05 October 2026 05:36

قصيدة مالومه الزهراء ••||


وم حسين مالومه
وم حسين مالومه
•••••••••••••••••••••••••••••••••••••••••••••••
طاحت غريبه ام النبي•وم حسين مالومه
والكون كاشخ بالعبي••وم حسين مالـومه

محروگ جف ام لحسن•وم حسين مالومه
بالنار حرگوهه الـوطن••وم حسين مالومه

بسمار نابت بالـصدر••وم حسـين مـالومه

شمعة علي ومحرومه
وم حسيـن مــالــومـه

~~~

بابچ يزهره يحترگ••وم حسين مـالومه
والنار شبت بالعرگ ••وم حسين مالومه

مهضوم حيدر ياوسف•وم حسين مالومه
ولزهره طگوهه العرف•وم حسين مالومه

محسن يطيح گبالچ••وم حسين مالومه

طاح شحلات النومه
وم حسين مـالــومـه

~~~

بالباب ظلعچ ينعصر••وم حسين مالومه
ياويلي زادالچ كسر ••وم حسين مالومه

ثكل الجذع ماينحمل••وم حسين مالومه
والباب طيحلچ طفل••وم حسين مالومه

وگماطه سلبوه الغرب ••وم حسين مالومه

گامـت تـنوح اليومه
وم حسين مـالـومـه

~~~

دمـهـه نـزف بالعـصره••وم حسين مالومه
كسرو ظلعهه الزهره••• وم حسين مالومه

الدخان واصـل لسمه••وم حسين مالومه محروگ بابچ فاطمه ••وم حسين مالومه

گبل على الباب النبي••وم حسين مالومه

ظلعچ نزف من يومه
وم حسين مــالــومـه

~~~

سال الدمه ويه الدمع••وم حسين مالومه
مالومه من يم الظلع ••وم حسين مالومه

لونـچ تـغير بـالـحـرگ••وم حسين مالومه وبعصرته الباب نطبگ ••وم حسين مالومه

بيا حاله گلبچ منصدع••وم حسين مالومه

كلشي ختلف برسومه
وم حسـين مــالــومـه

~~~

مالومه بصفاحي لوجع•وم حسين مالومه
ياروحي ياذيني الظلع••وم حسين مالومه

سوطه طبع بمتوني ••وم حسين مالومه
يعميهه جفه عيوني •• وم حسين مالومه

صارت غريبه عياله ••وم حسين مالومه

ظلعچ رسمهه الحومه
وم حسـين مـالــومــه
~~~
الشاعر ••مهندالعايدي

تمت بفضل الله وال محمد ع
نسالكم الدعاء

الناشر احمد الفاطمي

05 October 2026 05:36

قصيدة شجاعة زينب•||
شور


حي الله العقيله
حي الله العقيله
ـــــــــــــــــــــــــــــــــــــــــــــــــ

طبت بت علي المجلسهم بزود
خلاست قصرهم اخت الحيود
چـن حيدر دخل ونصاره ويـاه
هيچ ام عون دخلت لهل لقرود

عضيمه بكل قدرها
ولا واحــد يـمـرهـا
چـنـها الـگمر عباس
بـالـچلمه ســطـرها

حي الله العقيله
حي الله العقيله
ـــــــــــــــــــــــــــــــــــــــــــــــــــ

يرجف فوگ عرشه الچان زلمه
زينب بـت عـلي بخطبه تلصمه
كـل الناس شـافت فـعل زيـنب
هيـبه ومن عـلي چـلمتـها نعمه

شجاعـة علي عدها
وحرم طبت سندها
وكـلام الله حچـيها
رغم طيحت ولدها

حي الله العقيله
حي الله العقيله

ـــــــــــــــــــــــــــــــــــــــــــــــــــ

مـايــعــرف يسـولـف گـام حـلگه
گبـال أخـت الـكفيل الجـاب حگه
مچتوفه بقصرهم موضعف دوم
بـس الـديـن هـيـچ يـريـد حـرگـه

تطب مجلس عدوها
تـرزلـه گـبـال اخـوها
يـصـيـح گــام يـمـهـا
وتذلهـم بـنـت ابـوها

حي الله العقيله
حي الله العقيله

ـــــــــــــــــــــــــــــــــــــــــــــــــــ

معروفه بسترهـا بنـت الااطهار
تحچي ومن تسولف علي لكرار
مـاظـلـت زلـم سـوتـهـا نسـوان
وعار يزيد ضل اعله الزمـن عار

بشجاعه وكـل حميه
تـذل عـرش الـدعـيه
مـحجب كلشي بيـها
العـقـيـله الـهـاشـمـيه

حي الله العقيله
حي الله العقيله

ـــــــــــــــــــــــــــــــــــــــــــــــــــ

محشومه وحچيها برحمة الله
وسـتر الله الستـرهـا گـام صله
هاي اخت ابوفاضل والهواشم
وذلت كـل مـنافـق نـاكـر اصله

سـتر الله بـخـدرها
فـخر حيدر فـخرها
تـذل چـتال اخـوها
بـعـزم الله وصبرها

حي الله العقيله
حي الله العقيله
ـــــــــــــــــــــــــــــــــــــــــــــــــــ
تمت••بعناية ال محمد ع
الشاعر مهندالعايدي

الناشر احمد الفاطمي

05 October 2026 05:36

قصيدة باب وكربلاء ••||
شور..


واويلااه يزهراء
واويلااه يزينب

يايـمه اذاني الجره وحسين مهضوم
والحسن مـن گد البچي مايگدر يگوم
زغيره بعدني والجرح لافيني هاليوم

انه بحرگ ونتي بخيم باچـر تلوجين
مـايبقه عباس الـگمر مايبقه الحسين
بـالباب صارت كسرتي ونتي ولامعين
تفزعلچ اشبااه الزلم تحرگ صواويـن

واويلااه يزهراء
واويلااه يزينب
ـــــــــــــــــــــــــــــــــــــــــــــــــــ

نار المـصايب تشتعل وانه اشتعل نار
معروفه عـد كل العرب يستأذن الجار
بس انتي كسرولچ ظلع ولصابه بسمار

يـازينب وطـف كـربله يشيبلـچ الراس
لاخيمه تقبه ولازلـم مگطوعه الانفاس
چـتال اخـوتـچ ياوسـف تتعنه حـراس
جـدام عينچ عـالاارض بالخيل ينداس

واويلااه يزهراء
واويلااه يزينب
ـــــــــــــــــــــــــــــــــــــــــــــــــــ

حيرنـي وضعچ ولعمر شوغـات شوغات
زغـيره بـعدني وفـرگتچ بـالروح لچمات
من هسه عمري بالحزن منصوب خيمات

وباچـر تـمــريـن ابـذبـح والـنار فـوگـاچ
تـركضين مـابـين الزلـم والـهيمه تـنـعاچ
تشـوفين كلشي الماسده عـالناس ويـاچ
أم الـمـصايـب والحـزن مـكتوب بـگفاچ

واويلااه يزهراء
واويلااه يزينب

ـــــــــــــــــــــــــــــــــــــــــــــــــــ

من بابچ انصاغ الحزن وستارث اجروح
مسطوره عينـچ والظلع بـي تطلع الروح
مـن زغري يمه تيتمت والصوت مبحوح

مكتوبه حـصتچ يـالـعمر ضيم ومصايب
تگضينه عمرچ بس جرح عگب الااطايب
مـن ذبـح اخوتچ والخيم نـوح وخرايب
والشـام يحدونچ غـرب والـراس شـايـب

واويلااه يزهراء
واويلااه يزينب
ـــــــــــــــــــــــــــــــــــــــــــــــــــ
الشاعر•• مهندالعايدي

تمت بفضل الله وال محمد ع
نسالكم الدعاء

الناشر احمد الفاطمي

04 October 2026 20:13

انا توجهنا بك توسلنا بك تشفعنا
ياوجيهتاً عند الله اشفعي لنا عند الله
يا زهراء

****

طوبى لمن عاش ابــــغرب
من غربته امـسوي الوطن
وهنيال گلـــب الينضنــك
اويتــــنوع لـ ام الحســـن

من ذا يُقرض الله قَرُض من سِمعَت
بضلعها وروحها وبحسينها اتــبرعت
والله اطاها كلـشي وكلــشي برضاها
من ذا يدعي بيها ودعـوته رجـــعت

انا كتبناك ِ جرحٌ قرئناكِ امٌ وجدناكِ

يا زهراء

***
يا قــرة اعيــون النبــي
يلي بگلــب حيدر نـبض
وانتِ ادره بدروب السمه
وِبأسمج انبسـطت ارض

وهـذا الكون كلـــه من الالف للـ ياء
بـــهوائه ومـايه كله من رضا الزهراء
وابو الحسنين باء البسملة المنصوص
و يااا فاطــمة انتِ رررووح هاي الـــباء

هو الله مايرضا الا ام حسن ترضا حق واجب نفرضه يا زهراء

**

منـــلي اذا گلـــبي برد
والـ جمره الـ بصدري اخفتت
من يلزم اجدامي من ازل
لو روحي ع المامش مشت


من اغمض عيوني اسمع قائلاً قائل
اطرق باب َ فاطم واعــــتني سـائل
اتوجه ع الزچـــيه ابـراية الـعبـاس
بدمـع امـلي ركابي عليـج ابو فاضل

يا رحمة الراحم رُحماك يافاطم يا نُصرة القائم

يا زهراء

ياوجيهتاً عند الله اشفعي لنا عند الله
يا زهراء

*

مو ســــــيدتي اني شنو
يا ســـيدت خوش الزلم
يا فاطـــمة أأذَنـي لي
بالدمعـــه رايد احتزم


بسـمج ع الاله اتوجه من ادعـــي
يارب بحـق فاطم لا يجـف دمعي
عله الزهراء سلامي ابگلبي سلـمته
يطلع صوت گلبي ولن نعاوي انعي

زرع زرعناهُ ** بسمك سقيناهُ * دمع وجدناهْ

يازهراء

***

و مو بالوجه ردته الحزن
ردت الحزن وسط الگلب
وكل خطوه كون بدنيـتي
انت بنهـــاية كل درب


واصفن والگي روحي تسولف وتهوه
وافتش صفنتي والگي لصدگ يسوه
وانتِ والحُــسَــين منــين ما اصفن
الگلب اليسوه ينبض بيكم اتچوه

من كنتِ مولاته مقبوله دعواته مسموعه كلماته



الحمد لله

خالد عبد الساده البديري

الناشر احمد الفاطمي

04 October 2026 20:11

استشهاد الزهراء ع

حسين نظرة عينك اتأذيني
من. تگلي اشلونچ اتبچيني
***
عيف الاشلونچ وشخبار الضلوع
وحده من اعيوني بس تجري الدموع
ويه كل نغزة ضلـع لجلك الـوع

فكري يم طف كربله ايوديني
+++++++++
شو تعال اتقرب احضني ابأديك
مالي حيل ارفعلي چف واحتويك
انته تبچي عليه وآنه ابچي عليك

وضعك الابچي دمه امخليني
+++++++++
لو گلت يايمه شبگيني بحنان
ارتوي يالزهره من حضنچ امان
وخايف الچم ضلعيچ اليحضني چان

احچي من ابعيد وتحاچيني
+++++++++
خايف اعله ضلوعي حالي هسه زين
شلون رض ذيچ الحوافر ياحسين
ضلوعك التتناثر الما ادري وين

اهناك تسمع مني صوت اونيني
++++++++
هناك انشدك ليش نايم عالتراب
گوم نام ابحضني ضلعي يُمه طاب
اگعد اترجاك ما اسمع جواب

وابقى الطم فوگ سطرة عيني
+++++++++
يُمه هذا اوياك خاتمته الكلام
لو شفت عباس بلغله السلام
گله امي الزهره توصي اعله الخيام

من تراعي زينب اتراعيني

ثائر الربيعي

الناشر احمد الفاطمي

04 October 2026 16:22

#نعي

من الدار للمسجد بچي أونين
راح الحسن    وياه   الحسين
حيدر    يبونا  الحگ    يكرار
ماتت الزهره  وزارنا      البين

گام  أوگع  من  سمع   بيهه
طاح   الولي وانحب عليهه
نركض   دمع    للدار  والدار
شنهي البعد  يسوى ونجيهه

تلگتنه  زينب  تبچي  وتنوح
يا يمه عفتي گليبي   مذبوح
مطروح طولچ ظال  مطروح
من عسه الموت انه اليلفني

طبينه   الهه   وكلهه   ملگه
صحنه عليهه بصوت حرگه
يم    الهلا   شو سكته زهراء
يا   يمه   عاد  نريد   شبگه 

يا   يمه   والله  زغار وانتي
عفتينه  وين  أوين   رحتي
حاچينه  ندري  شگد تعبتي
ما   نقتنع    يا   يمه   متي


غسلهه   حيدر   والدمع    سال
وفوگ الضلع مر چفه   وشگال
يا زهره   ضلعچ   ليش مكسور
يا   ريت   گلبي    اتهدم  ومال

رعد الفريجي

#اللهم_عجل_لوليك_الفرج

الناشر احمد الفاطمي

03 October 2026 19:36

#شور

يمه يمه يا يمه
&&&&
وكت الليل من اتسامر وياچ
مــــن نگعد ســــوه بالمغربیه
اقبل ايـــدچ وارتاح وارتاح
حیل ارتـــــاح مـــــن تلـــزم ادیه
يمه وشوفتچ صحه من الامراض
عــــلاج ومــــــا لگیته بصیدلیه

يوجه العافيه  يكلمه الدافيه  اعله ايدچ غافیه
العوافي

يشمعة دارنا    يسر خطارنه  شغلتي افكارنه
ييمه
&&&&
اذا موجوده امـــك خلها بالعين
امـــك كنز ظل حافــــظ عليها
من تدخل البيت اخذ النصيحات
طالع طــــاب ظــــل قبل اديها
الما تلگاه یم الناس موجــــود
عنده الوالـــده وموجود بيها

اذا تدعيلك  يرد كل حيلك  صباح وليلك
وجودچ
اموت بدونچ حياتي عيونچ  ييمه شلونچ
ییمه
&&&&
مـــا مــــر بينه خطار بغيابچ
ميته الهلا من يوم المشيتي
مــــــا يدخل نفس للريه هيهات
فقط بس امي تدخل هي ريتي
راسي انترس شيب وانه مرتاح
مو من ضيم شفتچ شیبیتي

حنان چفوفچ   امان انشوفچ  کبر معروفچ
امانه

هوه بأنفاسي  يتاج براسي  تريدچ ناسي
ييمه
&&&&
احچي ويه الصور ما تحچي وياي
خالي البيت وانتي بنص الگبـور
مــــا اللام لمــــن انحب اعليچ
اون انه اعله امي وابچي معذور
قبل دمعات امي بس للحسين
تبقه بثوب الأسود وكت عاشور


تسوي قرايه  تكض الرايه  وعزاء ملايه
مجالس

دمعها لزينب  تون وتنحب  مجالس تنصب
ييمه
&&&&
عساچ بخیر یـــــم الخیر تبقین
ومن عمري اعله عمرچ يالحنينه
اون اعلــــــچ حتى انهار والليل
ابنــــــچ ياهــــــو يسكت ونينه 
اذا مــــــا بيچ جیه یمه للدار
بلكت بالحلـــــــم يمه تجينه

علاج الروحي  وطبيب جروحي الچ کل نوحي
ونحيبي

من اشوف الصوره  النفس مكسوره  تون مجبوره
ييمه
&&&&
علي جبار الكعبي
الفاتحه لوالدي

الناشر احمد الفاطمي

03 October 2026 15:55

يرضا الله فاطم لرضاهــــــــــــــــــا
الله اجتباها وسطفاهـــــــــــــــــــــا
،،،،،،،
ماعلت عالحاجب ععيــن
بت نبي وام معصوميـــن
يالرايد انت اســـــتـــدلال
دونك حديث الثقليــــــــن

عن كل رجس هيه بعيد
تنطي الحوائج بلأيــــــد
منها الكرم ماخذ صيــــت
چا غير هيّه ام حســـــين

الجابت كريم اهل البيــــت
ونعم منها شخليـــــــــــــت
والعدها بت مثل ام عـــون
عنها شنگول مقصــــــــرين

والباري ســــواها من الچنه فحواها
من نور قدسيتــه للمصطفى انطاها
للهادي ربك قدماهـــــــــــــــــــــــــا
الله اسطفاهــــــا و سطفاهـــــــــــا
،،،،،،،
دورت وجها اعله انســان
معناها طب للنــــــــــيران
لمن اجوا يعتـــــــــــذرون
اعله فلان زعلت وفـــــلان

ماراضيه عليكــــــــــم دوم
واندعي عليكم كل يــــــوم
يرضه الله من ارضه عليـــه
ويغضب امن اجلي الرحمان

يابزرة الشياطيـــــــــــــــــــن
ضلعي اني سر التكـــــــــوين
شجرة الطوبى الزهـــــــــــراء
مثلّها بيّه القــــــــــــــــــــــرأن

كلمن جهل شاني ملعون شيطاني
من الجنه كوثر نزلاهــــــــــــــــــــا
الله اسطفاهــــا وسطفاهـــــــــــــا
،،،،،،،
الچانت يلقبوها احــجاب
ماتت عصر خلف البـــــاب
وسفه الوَتر هيچ تمـــــوت
ويصير غاطيها اتـــــــــراب

تارس علي اليوم الشيـــــب
والزهره مو مال تغــــــــــيب
الله يعينك مــــــــــــــــــولاي
وجه ام حسن عنك غـــــــاب

رديت منها شرديــــــــــــــــت
مثل الگبر صار البيــــــــــــــت
طبيتله وراد ايطـــــــــــــــــيح
فوگاك ياليث الغـــــــــــــــــــاب

حيدر دفن گلبه ورد يعثر بدربه
باللحد روحه وسداهـــــــــــــــــــا
الله اسطفاهــــا وسطفاهـــــــــــا
،،،،،،،
دعوة ضلعها المكســــــــــور
منها استغاث التنــــــــــــــور
ونار الله مو مثل الـــــــــــنار
منها البحر ضل مسجــــــــور

بنص الروايه التصريـــــــــح
منّه صقر تبقى تصــيــــــــــح
ربك خلق وادي وگـــــــــــــال
وادي الفلق لهل الجــــــــــــور

بتابوت بس ياتابــــــــــــــــوت
اضلم مثل بطن الحــــــــــــوت
للكسر ضلعچ مخلـــــــــــــــوق
وبرهوت من عنده تفــــــــــــور

رب العرش قاسم كلمن ضلم فاطم
نيراني حصته الزعّلاهــــــــــــــــــــا
الله اسطفاهــــا وسطفاهـــــــــــــــا
،،،،،،،
ياكحل عين الكـــــــــــرار
ياكوثر بنص الــــــــــــدار
رَحتّچ چانت تــــــــــرتاح
بيها اذا چفـــــــــــــــچ دار

لمَن تطحنين اشعيــــــــــر
بس عافيه ولذه ايصيـــــر
بيد الحسين توديــــــــــــن
من خبزچ السابع جـــــــــار

بنت النبي وامه تصيــــــــــر
مافسراها التفسيــــــــــــــــر
كل فضلچ بكفّـــه وهــــــــاي
بيها العقل ضل مـحتــــــــــار

حط الله سر بيها طلسم معانيـــها
من نور وجها كوّناهــــــــــــــــــــــــــا
الله اسطفاهــــا و سطفاهـــــــــــــــــا
،،،،،،،
لخادم الحسين
محمد الفهداوي

الناشر احمد الفاطمي

03 October 2026 15:55

الله وفقني وصرت للـــــزهره باب
وچانوا ايشوفونّــي الوادم حجاب
ستر بيت اهل المحنه
وبيّه چف امــراد حنه
الله وفقني وصرت للـــــزهره باب
،،،،،،،،
انه باب ام الحســــن
عمري ماشفت المحن
مايخيب اليگصد بحاجاته الـي
ضاهري جذوع وخشب
لاچن اغله من الذهـــب
انه المفصلني بچفوفه علــــــــــي
سمعتي الطيبه اكبرت
تلقبت باب البخـــــــت
چانوا اهل البيت حاسبهم هلـــــي

موحنّه هل مره بحطب
ياوادم تعنونـــــــــــــــي
بچلمة وإن يافاطمـــــــه
گبل الحرگ حرگونــــــي
دفعوني ودفعهم گمـــت
وعلى ام حسن طبگوني

صرت تالي الوكت للزهره ذبـــاح
طاحت والبخت منعدي هم طاح
چان صيتي ماكو منه
وبيّه چف امــراد حنه
الله وفقني وصرت للـــــزهره باب
،،،،،،،،
تالي ماتالي احتـــرگ
وعلى الزهراء انطبگ
وتستغيث ام الحسن من تنعصر
من الألم تجري الدمع
ونكسر منها الضلـــــع
وانه لاضل حيل بيه ولاصبـــــر
ولافزع جار بعزم
اوگف بعيون الزلم
من اجت لينه الهواديد الضهـــــــــر

بسماري من گد اللهــــــــب
احمر تحوّل شِكلـــــــــــــــه
بالك على ضلوع ام حسن
رفقاً بفاطم گتلـــــــــــــــه
ومحسنها مامشتم نفـــس
شمسوي حته اتكتلـــــــــه

گبل لو حَس رسول الّله تعـــبان
يجي ويوگف ويقره گبالي قرأن
يبقه يبچي شماتدنّــه
وبيّه چف امــراد حنه
الله وفقني وصرت للـــــزهره باب
،،،،،،،،
دافعت حد ماطحـت
وناحت الزهره ونحت
گامت اتون وانه اون وي فاطمه
شفت الحسين انقـهر
ومن ركض لمه انهطر
زغير بس من طاح چن طيحة سمه
گلبه منگد مايـــدگ
چنه خيمه ومحترگ
صاح يمه اسم الله من شاف الدمه

من شاف مكسور الظلع
ظل يلطم اعله ضلوعـه
وبللني من گد مابچــــه
وطفّه اللهّب بدمــــــوعه
الف وتسع مية جـــــرح
كل صيحه يمه بلوعــــه

تمدد اويمه وشبكها وضل يصيح
گبل يوم الطف تره حسينچ ذبيـح
لونها دم صار چنّــــه
وبيّه چف امــراد حنه
الله وفقني وصرت للـــــزهره باب
،،،،،،،،
انه شاهد عالـــجــرم
وأروّي للناس الضلــم
من دفعني الثاني عالزهره بحقد
فاطمه شگد نادتــــــه
وعرگه ماكوا بگصتــه
اتحملِت نار وصرت للزهره ســـــد
لا ثگل جدمه وعثـر
بليس البصدره ضهر
تگله رد ويگلها اذبحنّــــــــــــچ ورد

لمن عصرها نادتتــــــه
ياضالم اشتطلبنــــــــي
هشّمت ضلعي ومـوتت
فاطمه ومحسن ابنـــي
مجازات ابوي المصطفى
المانشف گبره اتسبنــي

انه صح اجذوع لاچن بيــــــه روح
من عصرت ام الحسن ضليت انوح
گمت ابچي واجر ونه
وبيّه چف امــراد حنه
الله وفقني وصرت للـــــزهره باب
،،،،،،،،
حگي لو اموتن نـــدم
تالي اصيرن متهـــــــم
وبيه اثار الجرم ماتنمحــــــــــي
انه كلش عاطفــــــــــي
انه ضد المو وفــــــــي
وانه حيل اخجل وكلش استحـــي
طبعي ما خون العرف
ولاصرت واحد صلــف
انه بيّه اثار من جنح الوحـــــــــي

موانه الاعصر فاطمــه
وأكسر أضلوع الزهـره
وبكل روايه انه اعتذر
ومن الجريمه اتبــــــرّه
لو مايثق بيّه علـــــــي
ماحطني باب العتــــره
ماتت الزهره وبقت بس ذكريـــــــات
وصرت مو باب البخت باب الوفـــات
اكضي حاجات التمنّه
وبيّه چف امــراد حنه
الله وفقني وصرت للـــــزهره باب
،،،،،،،،
لخادم الحسين ع
محمد الفهداوي

الناشر احمد الفاطمي

03 October 2026 15:55

ياهي ؟ مثل فاطم طه ابوهــا
ياهي ؟ بت رسول وعذبوهـــا
،،،،،،،،
يهل الاســــــلام ثمنطعش عام
ماتت ومكسور منعدها الضلـــــــع
شنهي الأســباب الزهره تنصاب
وينضرب متن الزچيه وتنصفـــــــع
صارت اخيال من الوجع ســـال
فوگ خد أم الحسن يجري الدمـــــع

جهلو قدرها وشانها
ماتت بنار احزانهـــا
ياهو الحمل جثمانها
بس حيدره دفانهـــا

ياهي ؟ بدارها والگوم اجوها
ياهي ؟ بت رسول وعذبوهـــا
،،،،،،،،
تعنوا بنـــــــار وحرگوا الدار
ابشع من النار ياچلمــــــــــــة وأن
شما دمع طاح الثاني يرتاح
يضحك شما فاطمه ظلت تــــــون
ريحة امصاب دخّن الباب
مو هوه بنت النبي تشتم حــــــــزن

الچان الحسين احجابها
ومنّ الجنان اثيابهـــــــا
والحسن يدعي ابابــهـــا
زينب وَريثه امصابــــــها

ياهي ؟ عينها بصطره عموهـــا
ياهي ؟ بت رسول وعذبوهـــــا
،،،،،،،،
ياحرامات من العصر مات
وگع محسن ميت وماشم هــــــــوه
مو بالحساب بعصره ينصاب
محسبه زينب يمشي اخوها النينوى
صاح الحسين بدمعة العــين
خويه محسن تدري ذبحونه ســــوه

المولدك چنت امتاني
وكلساع أبشر إخوانـي
محسن خدر صيوانــي
عباس اخوي الثانـــــي

ياهي ؟ ام ببنها يفجعوهـــــــا
ياهي ؟ بت رسول وعذبوهـــــا
،،،،،،،،
بيته ينداس اشرف الناس
علي حامي الجار داره بلاحمــــــه
صعبه تنگال اتهد الجبال
المو رجال اليوم ذبحوا فاطمـــــــه
على اهل البيت دخلوا البيـت
وطاحت الزهراء چن طيحة سمـــه

ضالم يحشم ضالـــــــــم
اخذوا فدگ من فاطــــم
بمسمع ومرئه الــــــــوادم
دمع محسن ضل ساجـــم

ياهي ؟ ارض ابوها وفرهدوها
ياهي ؟ بت رسول وعذبوهـــــا
،،،،،،،،
صاحوا بصوت واجب اتموت
بت محمد فاطمه زوجة علـــــــــــــي
لازم الأن گبل الأذان
نذبح الزهره گبل لا نبتلــــــــــــــــــــي
شدَّوا احزام اهل الجرام
وعتنوا بيت النبي وبيت الولـــــــــــي

ضلت الزهره تنــادي
لو ماوصيت الهــادي
الچتفت والي اولادي
يذبحكم بكــــل وادي

ياهي ؟ من المصايب موتوهــــا
ياهي ؟ بت رسول وعذبوهـــــا
،،،،،،،،
لخادم الحسين ع
محمد الفهداوي

الناشر احمد الفاطمي

03 October 2026 15:55

صيح بدموع الحزن يافاطمــــه
،،،،،،،
يالتريد اتفوز دنيه واخـــــــــــره
ابچي لمصيبة الزهرة الطاهـــــره
عصروا الدين بعصر بنت الرسول
ولأصول اضلوعها متكســــــــــره

للثواب انفتحت ابواب السمــــــه
،،،،،،،
دمعت عيونك رصيدك بالحشـــــر
من تموت بگبرك الزهره اتحضــــر
الطم بحرگه عله صدرك بالعــــــزاء
لحد ما ضلعك تحس بيه ينكســـر

اتبره من ذيچ العصابه المجرمـــــه
،،،،،،،
يالتريد عليك ترضه ام الحســـن
العن الجبتين عُباد الوثـــــــــــــن
عوف حچي فلان وفلان شيگول
والتزم بالعتره عن گول الفتـــــــن

الليله واسي المرتضى حامي الحمه
،،،،،،،،،،
الزهره دين الله النقي المابيه دغش
ماتت وشيعها حيدر بالنعـــــــــــــش
فاطمه بعمر الورد قهرن تمــــــــــوت
فارگت زينب بعمر اثمنطعـــــــــــــش

اليوم خل نبچي عله دين القيّمــــــــه
،،،،،،،،،،،
لوذ بالركن الحصين من الضـــــــه
وعيش حزن الزهره وي المرتضى
تلتقط شعته وتگلك تعـــــــــــــــال
ادخل بجنة امام الرافضــــــــــــــه

والشفاعه تصير مسك الخاتمــــــه
،،،،،،،،
باچر الزهره تجي وعده طبــق
بيهن چفوف الذي وفه وصدق
تگله ياربي بگطع ذني الچفوف
نجي كلمن وي الحسين التحق

الحضرت وناحت ونصبت ماتمه
،،،،،،،
لخادم الحسين ع
محمد الفهداوي

الناشر احمد الفاطمي

03 October 2026 15:55

يارب فاطمه ارزقني رحمة فاطمه
يارب فاطمه وفقني اخدم فاطمـه
،،،،،،،،،،
ادعي ربك تبقه خادم للزچيـــــــــــــه
وصير صاحب مجلس وصاحب عزيه
ابقه وي بيت الكرم وهل الحميــــــــه
بشهر عاشور وليالي الفاطميــــــــــــه

ويّـاهم ابقه خادم وتفـــــــوز
بحماهم عالصراط انته تجوز
بدعواهم مايمر بيك العـــــوز

يارب فاطمه ارزقني دعوت فاطمه
،،،،،،،،،،
تلتقط ام الحسن باچر ربعـهـــــــا
وتعرف الباچين واليفهم دمعــهـــا
تعرف المكسور دلاله الضلعهـــــــــــا
وما تبع كل الملذات وتبعهــــــــــــا

واليــها تربح انته بدنيــــاك
ودعيها حاشه فاطم تنساك
واسيها بالحشر تتلگــــــــــاك
يارب فاطمه ارزقني دمعه الفاطمه
،،،،،،،،،،
بهل حيات انته بعد تبقه ختيــارك
حدد انت البوصله وثـبّــت مسارك
الدنيه ضلمه وبيها مايطلع نهــارك
يالتريد النور مهد وبــــــــدي ثارك

كل دمعه عالبتول من اتسيـــل
والبضعه تحسبه نوحك تعجيل
والسبعه رجها من تلطم حــيل
يارب فاطمه ارزقني حسره الفاطمه
،،،،،،،،،،
فانيه الدنيه ولياليها گصيــــــــــــــره
وبس ليالي الخدمه والمجلس جبيره
الراد عز ونسب ويدور عشيـــــــــــره
يلگه اهل البيت والزهره الذخيـــــــره

وفقيهــم هل خدم يم حسين
حفضيهم من المصايب والبين
رزقيهــــم فاطمه دمعة عيـــــن
يارب فاطمه ارزقني انوح الفاطمــــه
،،،،،،،،،،
اليحط ايده بأيد اسياد البريـــــــه
ويلعن اصحاب السقيفه وال اميـه
يربح الدارين ويحصل هويــــــــــه
يبقه عايش حته مابعد المنيـــــــــه

تنصرونه عالضلم يازهــــراء
ترفعونــه للسمه وللعليــــــاء
تنطونـــه من الألف حد الياء
يارب فاطمه ارزقني انصر فاطمه
،،،،،،،،،،
لخادم الحسين ع
محمد الفهداوي

الناشر احمد الفاطمي

03 October 2026 15:55

مشيع صلاة اليل باليــــــــــــــل علي
قرأن ودموعك تراتيــــــــــــــــل علي
ماخذمن الصوب الگبــر
ام بيته ما ادري العمــــر
،،،،،،،،
الله يعينك ياعلي ماتت عزيزت روحــك
المن نقدم التعزيه للزهرة لو لجروحـــوك
حتى النعش يابو الحسن ضل ينتحب وي نوحك
ضهرك على الزهره انحنه وگام المشيب يلوحك
حگك تنوح وتهمل العيـن علي
دافن كنز لو ام الحسيـــن علي
بين على رسومه الكبر
وي فاطمه مات العمــر
،،،،،،،،
چانت زچيتك ياعلي بالدار هيه انفاسك
وحگك على ام بيتك اذا تبچي ويشيب راسك
من گلبك الحضن اللحد تدفن عزيزت ناسك
تهتز مثل سعفه بهوه ريح الحزن لوجاسك

شمسويه بيك جروح الوداع علي
طيحت منارة اطيح عالگـــاع علي
حگ ضهره لمن ينكسر
وي فاطمه مات العمـر
،،،،،،،،
التنعد فريضه ونافله هسه بلحد مـدفونه
ام بيته چانت فاطمه وچانت اثنين عيونه
لا ميت ولا ضل عدل حيدر علي ايشوفنه
الطاريها چان العافيه وتنصب وسط ماعونه

خنگه وصفه ماينطب البيت علي
وحيطانه صارتلّك توابيـــــــت علي
قل يارسول الله الصبر
وي فاطمه مات العمــر
،،،،،،،،
راحات اديه امن الفرك ماضلن اعله الزهره
وجرح العزيزة فاطمه بكبر الحسين اتصوره
حيدر علي يحفر گبر لم الحسن لو گبره
تمدد علي وسط اللحد گبل الزچيه بكبره

لا تاذي فاطم ضل يوصيـــه علي
وحته اللحد ضل ينحب عليه علي
من شاهد الخد منصطر
وي فاطمه مات العمـــر
،،،،،،،،
الرحمه الچبيره تفرهدت من بين اديه وبيتي
ما ادري اموتن لو اضل عايش شلي بتاليتي
ما اصدگ ادفن بالگبر ام الحسن غاليتي
عگب الحبيبه الطاهرة يادنيتي شخليتي

بس المصيبه ودمع العــزاز علي
جنازه ومشه بفاطمته چنـاز علي
حي لچن عليها احتضر
وي فاطمه مات العمـــر
،،،،،،،،
لخادم الحسين ع
محمد الفهداوي

الناشر احمد الفاطمي

03 October 2026 15:55

خلّص الليل وماخلصنه حچــــي
لاتعمي عينك ياعلي من البچــي
فدوات ضلعي وصطرت العيــــن
بس كون سالم يبو الحسنيــــــن
،،،،،،،،،
حيدر دمعك كلش غــــــالي
فدوه ارحم حالك يالوالــــي
اليوجعني دموعك موضلعي وداعة محسن يابو عيالي

أَقسم بچفوفي المحترگـــــه
اعظم من العصره الـفـــــرگه
الموت اهون للزهره وارحم ولاشـوفك تبچيلي بحرگه

ياقالع ابچفينك البـــــــــــــاب
بالباب ضعلي اليوم منصــــاب
هجموا علىينه وحرگوا الـــــدار
گلّــي اشجنينه وشنهي الاسباب

محسن وليدي الجاي خيره انعصر
مذبوح بالبسمار منّ النحـــــــــــــر
لو انذبح مو مره سبعيـــــــــن
بس كون سالم يبو الحسنيـــن
،،،،،،،،،
فدوه الشيباتك ياروحي
لاتهتم بدموعي ونوحـي
صطرت عيني وكسرة ضلعي ادري تلچمك هاي جروحي

ياكُفئي ويالجاي ولامــي
بعيونك ربيها ايتامــــــي
ادري امن امشي تضل عليه مثل البلصحراء وضامي

ردت انه اصيحن ياعلي الحيد
من هدّت علينه الهواديـــــــــــد
عين اعله ضلعي وعين عالبــاب
واشگف ابأيد واستر ابأيــــــــــد

من بعد اذنك ياامير النحـــــــــــل
ارخصلي اموتن حان وكتي ارتحـل
للباري ادعي ارفعت چفيــــــن
بس كون سالم يبو الحسنيـــن
،،،،،،،،،
بداعة زينب بالك تهتم
من تتألم انه اتألــــــــــم
شفت الدين احتاج انضحي گتله ابشر بضلوع وبالدم
وگتله المحسن اخذه چماله
بيت المايبخل بطفالـــــــــــه
العنده حسين ويملك زينب شنهي الموت ايحطه اباله
صارت زچيتك ياعلي خيــال
وتميل وي الريح لومـــــــــــال
مكسور ضلعي وابني مذبــوح
ما احمل العيشه اعله هل حال

وياي محسن ابني مو وحـــدّي
راح انه اروحن وشتكي الوالدي
ويجبر دليلي بهل چلمتيـــــن
بس كون سالم يبو الحسنيـــن
،،،،،،،،،
ادري افراگي ايشيب راسك
وتستنكر ناس الموناســـــــك
وتبقه عليه تروح وترجع وتحاچيني بدمع احساسك
يم گبري تسولف لوعاتك
دموع اتبللهن شيباتــــــك
وياك ابچي كلماتحچي وتحسر ابقه الحسراتك
الطرت الصبح تتسامر وياي
ترش الگبر دمعات مومــــاي
وچن اسمع اتگلي يزهــــــراء
مشتاگلچ يافاطمه هـــــــواي

ماخايفه من الموت يابو الحسن
خوفي عليك اتموت من المحــن
من جور ناس المومسلميـــن
بس كون سالم يبو الحسنين
،،،،،،،،،
ياحيدر من تغسلنـــــي
ضلعي مهشم لاتلچمني
حته الماي وداعة صبرك فوگاي ايضل هم يوجعني
هاي اخر گعده ويالزهره
ماراويتك ضلعي وكسره
ولاراويتك حرگت چفـي ولاخدي ولاعيني الحمره

ضميت عيني خايفه عليك
ماريد يا ابو حسين ابچيـك
ماريد ضلعي تشوفه وتموت
موهينه يابن عمي ااذيــــــك

حيدر احسّ الموت بـــيه نزل
ساعه وتغسلني على المغتسل
يابو اليتامه والمساكيــــــــن
بس كون سالم يبو الحسنين
،،،،،،،،،
لخادم الحسين ع
محمد الفهداوي

الناشر احمد الفاطمي

05 October 2026 10:52

ياحامل اللواء والجود والسقاء
ياكافل الخيام ياصاحب العطاء

عباس .. يمضحي الخواته بجفه وبعينه
عباس .. يالتعرگ محنه گبال ابو سكينه
عباس .. ياكافل حزنه وكل بواجينه

حرز الكفاله جفك لهل الخيم مزار
يونس تنخه بسمك من ضِلمة البحار
اسقينه من سقائك يا سيد الوجود
اسمك عذب دخيله وكت الحريبه نار

دخيلك مولاي دخيلك مولاي
،،،،،،،،،،،،،،،،،،،،،،،،،،،،،،،،،،،
ياداحر الألوف ياقاهر الصفوف
ياحاكم المطاع عباسُ يارؤوف

مولاي .. يمحلي الجمال بنضرت عيونك
مولاي .. يالكلش ثگيله وترعب امتونك
مولاي .. اهل السمه السبعه شگد يحبونك

وصط الحرب دخيلك تعدلها من تميل
جود الكرامه جودك يبن الحمه الدخيل
ماضن بشر مثيلك شايل ضوه وجمال
تشبه علي بضربته وهيج اطلعت ثگيل

دخيلك مولاي دخيلك مولاي
،،،،،،،،،،،،،،،،،،،،،،،،،،،،،،،،،،،
ألعالم العليم والفارس الوسيم
ياكافل الدلال يبنَ علي القسيم

بحماك .. يبن الرد شمسها وخالس البيده
بحماك .. يمعدل التميل وعاشگ الصيده
بحماك .. يمشرد القريبه وجبت البعيده

عطرك عطر محمد نور الزجيه بيك
حيدر علي بعضمته يشتم عطر اديك
اختك اذ تنخت اسقيني يا كفيل
ماتمشي للشريعه هوه العذب يجيك

دخيلك مولاي دخيلك مولاي
،،،،،،،،،،،،،،،،،،،،،،،،،،،،،،،،،،،
ياحارس العيال يافائق الجمال
يانجمُ ياشعاع يانور يا هلال

ياماي .. يشرب من دلالك عالم بكبره
ياماي .. من اتشح تضل گاع الله متفطره
ياماي .. لليوم انته بيك تسولف الزهره

وحي الشريعه انتي وياخيمة الأمان
ماترضه زينب اختك يكفلها ياهو جان
حارس خدرها جفك ماتنطي بيها دوم
بس انته يابو فاضل نور وضوه وحنان

دخيلك مولاي دخيلك مولاي

ابوفايز الرافضي

الناشر احمد الفاطمي

05 October 2026 05:36

محبة الحسين ع••||
شور... عزاء


ياحبيبي ياحسين
ياحبيبي ياحسين
ـــــــــــــــــــــــــــــــــــــــــــــــــــ

تدريني عايش هذا لجمال
حـبك ندهـني وگـلي تـعال
هذا التـحبه طـول السنين
هوه الحـياة بـدرب الكمال

عاشگ حروفك•• وتمنه اطوفك
تدري ياغالي

يوميه احبك••ومشي اعله درب
نـورك بقالي

اخدم ونحب يمك اجيت
غـالـي بعشگـك مـاوفيت
حبك صبح خيمه اوبـيت

ياحبيبي ياحسين
ياحبيبي ياحسين

ـــــــــــــــــــــــــــــــــــــــــــــــــــ

اخدم عزائك كل عمري جاي
اكنس وغسل بـذنـوبي هـاي
هـوة اليحبك عـاش الـحياة
بالـدنيه شلـه بـقـربك فـياي

تعبي يفرحك••ولخدمه جرحك
هاي الدهور

عاشگ خـيامك•• ودري كـلامك
عطره يدور

هـذا الـشوگ الـمــايـلام
عشگ الروح يريد خيام
بـس ويـاك الحب الـدام

ياحبيبي ياحسين

ـــــــــــــــــــــــــــــــــــــــــــــــــــ

مايوم اعوفك ونت لحبيب
دمـع اليحبك نـصرة غريب
تـدري وجـودي لجلك ترااه
لـو عفتك انـه گـلبي يخيب

عيشني فضلك••اخدم وسألك
شوگ الخيام

هايـه خـدمتي•• منـك نعـمتي
حـب وسلام

هـوة الـرادك مـايچـفيك
انــدم ورجـع رئسن لـيك
انت لماي بگصتي ادريك

ياحبيبي ياحسين

ـــــــــــــــــــــــــــــــــــــــــــــــــــ

افرح وهيمن بالخدمه حب
وسـمك يـسافـر بـين الگلب
مااريدن انـه بـس الـحسين
وذكر جروحك دمعي يصب

لحضة وجودي••قربك خلودي
ماي ارتويك

لـذت نعمتك•• انـعه غربتك
بلسم اجيك

ابـچـي وانـعـه لجلك دوم
جسمك عاري بلايه هدوم
وشمس الغربه بيها سموم

ياحبيبي ياحسين

ـــــــــــــــــــــــــــــــــــــــــــــــــــ

عشگـي العـزائك مـاله مثيل
ابـچـي عليك ودمـعي يسيل
جرحك لچمني وطاري لذبح
مثلـك نح، صل لا مستـحيل

نار بخدمتك••تطفي جمرتك
ماي السبيل

اتمنه تشرب•• راسك تغرب
ويـه العليل

بيني وبينك هذا حساس
الخادم عـندك رافـع راس
يروي لعاشگ چف عباس

ياحبيبي ياحسين
ـــــــــــــــــــــــــــــــــــــــــــــــــــ
الشاعر مهندالعايدي

تمت بفضل الله وال محمد ع
نسالكم الدعاء

الناشر احمد الفاطمي

05 October 2026 05:36

قصيدة أسد المعارك ••&


حي الله عباس
حي الله عباس
ـــــــــــــــــــــــــــــــــــــــــــــــــــ

شايـل سيفه المـغوار
مـن طگهم حار، بحار
مـاخله الـمـوتـه تـهـيد
طـبـهـم شـبل الـكـرار
ماظلت قاده وجـيش
خــيرهـم ضـل محتار

طبهم••بـچـفوفه الموت
طبهم••ماضل كل صوت

حي الله عباس
حي الله عباس

ـــــــــــــــــــــــــــــــــــــــــــــــــــ

ضل خايف منه لموت
عباس بـحـيله يفـوت
تـكـتـل عـينه العـدلين
صاحلهم صيحت موت
مـايبرد لـوطـر جـيش
مـوتهـم طـگ الصوت

ماتت••من شوف لحيد
ماتت••حـيل الله يـزيد

حي الله عباس
حي الله عباس

ـــــــــــــــــــــــــــــــــــــــــــــــــــ

شاب وطر جيش هواي
شـمـرهـم مـثل لـمـاي
صـاحـو ويـن الـقادات
طـبنه الـمـوت بـلا راي
يذبح بـچفوف وعـين
والـروس گـبالـه هواي

يـهـبد••بـيها الـفـراس
يـهـبد ••حيل العباس

حي الله عباس
حي الله عباس

ـــــــــــــــــــــــــــــــــــــــــــــــــــ

صنديد الطگ مهيوب
عباس الطـگه يـذوب
بركان وطب عالجيش
مامعـروف المصيوب
خابطهـم زلـم وخـيل
والشارد ضل مصلوب

طاحت••جدامه صفوف
طاحت••بـجدامه يـدوف

حي الله عباس
حي الله عباس

ـــــــــــــــــــــــــــــــــــــــــــــــــــ

المو فارس لايدنـاش
صارو بالحومه فراش
طـبو بـالساحه هـواي
سـواهـا تـراب وطـاش
خله القاده ابكل صوب
مـاتـنكـض بـلـمنـگاش

جفه••طاحنها الروس
جفه••ولطگ مدروس

حي الله عباس
حي الله عباس
ـــــــــــــــــــــــــــــــــــــــــــــــــــ
‏
هاشم بالطگ ترتاح
لـو صارت طـگ رماح
مايخسر چـف عباس
مـثل الـضل مـايلاح
شماكثرت يمه يگول
شـويه بسيف الذباح

ماعت ••قـادات وخيل
ماعت ••الكافل سجيل

حي الله عباس
حي الله عباس

ـــــــــــــــــــــــــــــــــــــــــــــــــــ
الشاعر مهندالعايدي

تمت بفضل الله وال محمد ع
نسالكم الدعاء

نزال عزاء وستعراض

الناشر احمد الفاطمي

05 October 2026 05:35

يليث الحريبة،، مدد يا أبا الفضل
يكبش الكتيبة،، مدد يا أبا الفضل
هوا روحي،، ودوا جروحي
مدد يا أبا الفضل

ساقي ساقي عباس
ما يخذل بشر عباس
جفينه النهر عباس
يمنجي الغركان

ساقي ساقي عباس
صاحب معجزه عباس
اليطلب منجزه عباس
يا عالي الشان

روحي صاحت بسمه
عيني عشگت رسمه
بفضله عشنا بنعمه ،، ياساقي

ياكفيل الحره
الدنيا دونك مره
نظره منك نظره،، يا ساقي
ــــــــــــــــــــــــــــــــــــــــــــــــــــ
حنين بكلامه ،، قمر يا ابا الفضل
ملاني بغرامه ،، قمر يا ابا الفضل
ضوه الخايف،، كرب كاشف
قمر يا ابا الفضل

مُعطي مُعطي عباس
كلمن يرتجي عباس
بس خل ينتخي عباس
ابن ام البنين

مُعطي مُعطي عباس
حلال الشدد عباس
هذا ابن الاسد عباس
ريشاته اثنين

الهضم لو شفته
من الوذ بگبته
تنتهي سالفته،، ياساقي

من يمر باحلامي
تنجلي اوهامي
هو نبعي الضامي،، يا ساقي
ــــــــــــــــــــــــــــــــــــــــــــــ
غرس بيه ايمان،، فخر يا أبا الفضل
نسيم وعلى اغصان،، فخر يا أبا الفضل
شمس ليلي،، وظهر حيلي
فخر يا أبا الفضل

كافل كافل عباس
حامي للخدر عباس
من يركب مهر عباس
عذب حلو الصفات

كافل كافل عباس
طبها المشرعه عباس
سوه فاجعه عباس
سحگ راس الشمات

من يطب العسكر
روسـهم تطـشر
يصيح الله اكبر، يا ساقي

طشـر الكـتايب
صغيرهم والشايب
شافـوا العجـايب، يا ساقي
ـــــــــــــــــــــــــــــــــــــــــــــــ
يهد عليها بحيل ،، عزم يا ابا الفضل
كسر ظهر الخيل ،، عزم يا ابا الفضل
حلو طوله،، لعب جوله
عزم يا ابا الفضل

يرهب يرهب عباس
لوطب للحرب عباس
يسهل الصعب عباس
هو اصل الحياة

يرهب يرهب عباس
لا مايتعب عباس
لمن يغضب عباس
ملك ماي الفرات

من برز ابو فاضل
بوجهه ماكو مقاتل
علـي بيـهم نازل،، يا ساقي

المشرعه يم جدمه
سمعـاهـم كلـمـه
طلعو ليه زلمه ،، يا ساقي
................
مؤمل رضا

الناشر احمد الفاطمي

04 October 2026 20:11

عد راسچ آنه يمه حاچيني
هاي آنه زينب ما تسمعيني
يا فاطمه يالزهره غيثيني
ـــــــــــــــــــــــــــــــــــــــــــــــــــــــــــ
زينب انه ودمعتي تجري بمصابج
حيرتي حيره اذا طوّل غيابج
يمه شوفي حسين دمعاته اعله بابج
والحسن يبجي ويشم ريحة ثيابج

ريت الكسر ضلعچ كسر ضلعي ..
انظر على الباب ويهل دمعي
يبدي العتب مابينها وبيني  
يا فاطمه يالزهره غيثيني
ـــــــــــــــــــــــــــــــــــــــــــــــــــــــــ
اتذكرت يا يمه كل حچيچ اليه
اتخيلت هسه انه برض الغاضريه
حسين اشوفه بكربله جثته رميه
وانه مابين الغرب اوگف سبيه

والكافل ايگطعوهن اچفوفه ..
يم النهر وبعيني ماشوفه
بس صوت اسمعه خويه اعذريني
يافاطمه يالزهره غيثيني
ــــــــــــــــــــــــــــــــــــــــــــــــــــــــــ
هم ترد قصة حرگ دارچ علينه
والفرق احنه الخيم محترگه بينه
مثل ماغايب علي غايب ولينه
ميته من ضرب السياط اچفوف ادينه

ذاك اليشتّم ذاك يضربني
چنه اللعين بثار يطلبني
چم موقف بموقف يأذّيني
يا فاطمه يالزهره غيثيني
ـــــــــــــــــــــــــــــــــــــــــــــــــــــــــ
هيه نفس الزمره ما يفرق امرهه
ناس ما تملك وفه وغيره ابعمرهه
نفس حقد الثاني يتكرر شمرهه
ونفس الـْچفوف ونفس قوة سطرهه

نفس اليضربونچ يضربوني ..
والچتّفو حيدر يچتفوني
تاليهه نفس الزمره تسبيني 
يا فاطمه يالزهره غيثيني
ــــــــــــــــــــــــــــــــــــــــــــــــــــــــ
طفله آنه وانكسر گلبي بوكعتچ
اتألمت من شاهدت عالخد دمعتچ
عن رقيه شكد حچيتيلي وسمعتجچ
شلون اگلهه من وكت طفّو شمعتچ

حالة رقيه عاشت ابالي ..
لمن تگلّي اشعطّل الوالي
بعمر الورود انذبحت سنيني ..
يا فاطمه يالزهره غيثيني
ـــــــــــــــــــــــــــــــــــــــــــــــــــــــــ
احمد العكيلي

الناشر احمد الفاطمي

04 October 2026 20:10

الفاطمه
تجليبه



المابيــها الزچـــيه شــلـــون اطـريها
يمــحله الســالفه الأم الحســـن بــيها
---------
ياملح الحچي ابوكت المصوخه اهواي
يـراي الراي يالمامثــلچ ايصـــــح راي
بزمانـــچ للســـوالف بــس علي شراي
ابزمانچ حايره النـــاس ابكـــراســـيها
---------
بكراســـيها وحقـــچ حايـــره الـــــوادم
نسـت حصرانها وركضت على الناعم
يفاطـــم لو يـرد للـــدنيه ابــو فــاطم
اضلوعه اهل المصالح تسحگ اعليها
-------
مصالحهم اهــم ياديــــن يا اســـلام
ناس امعشعشه في روسها الاصنام
ميلمع صورها اشما حچه الاعلام
التشلبـت على الغـير اتطـيح تاليها
-------
يـ آل الله انتــــم وانتــــــي ام الآل
يالاسمچ حرز فوگ الصدر ينشال
الغيرچ ســيدة هالدنيـــه مايـــنگال
غيرچ فشــله من انجيـــب طاريها
-------
غيرچ وين انـتي ويــن يالـــزهره
زحمه الجـبل مــن انقـــارنه بذره
زغيرة عمر بس انجازچ اشكبره
عكس ذيـچ الذي الـوادم مكبريها
---------
امن اسولف بيچ احس السالفه اتچوي
يمن ينحــب عليـــچ الــعالم العـــلوي
المثلچ صعبــه فوگ الگاع من تهوي
ومن گــد العــصر بالـــباب ماذيــها
--------
من گــد العصر عــن حالتچ نسال
الزهره شي طبيعي التنعصر تذبل
بدم صدرچ تــراب الحدرچ اتـبلل
وصحتي بضعتك يالهادي عاميها
--------
السطر عينچ يزهره السلطه عاميته
اتجاهل حچـي الهادي الي بهل بيته
يـــدور عالصيت ويــعلم بصــــيته
كل ايامـــه ســـود وندري ماضيها
---------
 
حيدر تركي الكربلائي
 

الناشر احمد الفاطمي

03 October 2026 21:31

زهراؤنا.......تحكي لنا  الهمُ والليالي
زهراؤنا.....تروي لنا والرد عن سؤالي

ماذا جرى في  لوعة  البسماري
*******
هالسؤال شكد صعب ويفسره حيدر
عن مصيبة فاطمه بدموعه يحضر
قنبر  بهذا   الامر    يرويلي   مصدر
خورس احلوك الزلم شاهدنه  خيبر

حيدرونا....في سيفهِ الموتُ لا يُبالي
*******
شوف ياسائل سؤالك  والله حيره
عن  علي بهذا الامر تعرف مصيره
علي  عالزهره   غيور  وكله  غيره
چان كاعد يم يتامه عله الحصيره

ايتامُنا..... عينُ  السما ياسيدَ المعالي
*******
راح  اسولف وسوالف  بيها  عطاب
چان حيدر بالوصيه وتدري الاسباب
استغلو امر حيدر  حفنت اصحاب
والله لو حاضر  فقارك  ما دفع  باب

سائلُنا.....نرويْ الخبر وظلعُ في خيالي
*******
الزهره ماصاحت علي تدري الوصيه
تشوف  حيدر لو حضر  شال الوطيه
يكول   بسم   الله    يمحيهه   البريه
 چا  ركع    يمه  النذل   ذيج المسيه

جزاؤنا.....عن طيبةً في غمرة العوالي
*******
راح اوضحلك حقائق شوف بالدار
تنكلب حتى الوصيه اتصير بسمار
والشطر مرحب يطفي ايتامه بالنار
هذا ياسائل سؤالك تدري الأخبار

اخبارُنا... تروي الاسى ماذا جرى روالي
*******
ها يشيخ من اشوكت تتعده الأعراف
اتادب وأعرف اصولك من الاسلاف
جان شيخ الهجمه ناقص وعتده ارداف
البيت مو تعرف حرمته بيت الاشراف

اهاتنا.....تحكي الجرى عن عالمً مثالي
*******
تمت بعون  الله تعالى
الشاعر_يوسف_الفتلاوي

الناشر احمد الفاطمي

03 October 2026 19:07

اعظم الله لك الأجر علي
ــــــــــــــــــ 
البگة براسك يحيدر من فگدت أم بيتك
دافن وي الزهرة  بيدك  بالقبر عافيتك
سيدي وكل نسمة تذبح من تطب لريتك
بالمكابر فاض دمعك  يا علي  وحنيتك

اعظم الله لك الأجر علي
ــــــــــــــــــ 
بيـن  الشيب  بلحيتك  والكبُر  بعيونك 
من صدمتك بالمصيبة الغيرت كل لونك
ظلك  محدب  يحيدر من  ثگلها  متونك
روحك وي الزهرة راحت الله جان بعونك

اعظم الله لك الأجر علي
ــــــــــــــــــ 
هيجي اليودعله غالي اسنينه تذبل تالي
مو سهل عاليفگد احد عنده كلش غالي
يبقى كل ساعة بغيابه ينتظر للتالي
نهر فوگ خدوه يصبح من دموعه تلالي 

اعظم الله لك الأجر علي
ــــــــــــــــــ
يعينك الله اعله المصيبة وشوف عينك شابح
قالع البيبان جفك هسه حيلك رايح
ياعلي وحشة وخلية ومن ديارك بارح  
فاتحة وبالسر يغالي بلا بجي ولا صايح

اعظم الله لك الأجر علي
ــــــــــــــــــ
سكتة بليل ادفنتها وقلبك شگد حاير
حيرة العباس بالمي وبعطاشى العاشر
يعتبر يعگوب يمك ع الغياب شصابر
تسأل الجدران همك بالأمير شصاير 

اعظم الله لك الأجر علي
ــــــــــــــــــ 
منكسر خاطر حياتك والحزن موضوعك
مثل كسر ضلوع فاطم كسرة هم بضلوعك
ياعلي  لفگد  الزجية  دم  نزل  بدموعك
بلحضة يالغالي بديلك طفت نار شموعك

اعظم الله لك الأجر علي
ــــــــــــــــــ 
ربك يصبرك يحيدر يا علي شگد هايم
هالمصيبة تكول طبرت راسك انته وصايم
أشد من سيف الخيانة وكل حقد عد ناقم
مقتل الزهرة الزجية وقتل محسن فاطم

اعظم الله لك الأجر علي
ــــــــــــــــــ 
اعظم الله اجرك يحيدر والفگد هد حيلك
مبين بوجهك مصيبة والألم ترتيلك
وحشة غياب الحنينة والحزن يبجيلك 
الليل عندك عمر نوح وما يخلص ليلك

اعظم الله لك الأجر علي
ــــــــــــــــــ
الشاعر زين العابدين الشمري 

الناشر احمد الفاطمي

03 October 2026 15:55

حگك علي تسد بابك
وتعيش نار امصابـك
شامت يصير المابچه وياك اليوم
مايعرف الملچوم بس الملچــوم
،،،،،،،،،،،
حگك تستنكرهم حگــــك
وماتستقبل أيّ انســــــــان
مافزعولك ليش الـــــيمـك
وضحكوا لفعال الشيطـــان
من حرگوا بابك ماشـــافوا
وصلت للغيم النيــــــــــران
ماسمعوا صوت من الزهـره
صاحت حيّهم يالجيـــــران

عيش المصيبه بــروحك
محد يحس بجروحـــــك
قيم العزاء الوَحَدّك يامضلــــوم
مايعرف الملچوم بس الملچـوم
،،،،،،،،،،،
بيت العاشت بيه الزهـــــره
يسوه الدنيه وكل النـــــاس
وكل ذكره المنعدها تعيّشك
بعالم روحاني وإحســــــاس
ويم رحتها التطحن بيهــــــا
تلگه دموع وتلگه انفـــــــاس
يم سبحته ويم تربتهـــــــــــا
تحس بالرحمه الماتنقــــــــاس

بيتك وطن والجنــــه
وحيطانه كلهن حنـــه
يابو الحسن لم الحسن گوه تگوم
مايعرف الملچوم بس الملچـــــــوم
،،،،،،،،،،،
نجمعوا ربعك وين الخُلّص
ضل ايواسونك عالصـــــــار
كل واحد شايلك مأتــــــــم
من سلمان الحد عمّـــــــــــار
ذوله اليسوون ادخلهــــــــم
بگلبك موبس وصط الـــدار
المامچوي بنارك مايعـــــرف
قيمة حزنك يالكـــــــــــــــرار

دخّل فقط بس ربعك
ذوله الدمع وي دمعـك
ذوله المدامعهم صدگ والمهضــــــوم
مايعرف الملچوم بس الملچــــــــــوم
،،،،،،،،،،،
بيت الچانت بيه الزهـــــره
هو الجنه اتحسه البيـــــت
هسه ايخنگك كلماتدخـــــل
وتتشاهد لو بيه طبيــــــــت
موش اتعاتب بابــــك فــدوه
وتگله بحالي اشسويـــــــــت
هذا المن طاحت فاطمتــــــك
گالت بالباب اتغطيــــــــــــــت

هَز السماء السبعه
لمن وگع عالبضعه
بجذوعه أثر من فاطمه وباقي ادموم
مايعرف الملچوم بس الملچـــــــــــوم
،،،،،،،،،،،
فاجعتك خليها بروحــــــك
عالتستاهل دمع العيـــــــــن
لم عيالك واقره عليهــــــــــم
مجلس ونعه اعله ام حسين
وزينب خاف تموت اعله امهـــا
صبرها وگلها اتشوفيــــــــــــــن
گدامچ طف مايتوصـــــــــــــف
ومن عنده وضيمه اتشيبيــــــن

يابو الصبر صبرهم
ام وابو صير الهــم
كلمن بچه اليله ولطم مامحــــروم
مايعرف الملچوم بس الملچــــــوم
،،،،،،،،،،،
لخادم الحسين ع
محمد الفهداوي

الناشر احمد الفاطمي

03 October 2026 15:55

نادي علياً مضهرِ العــــــــجائب
تجدهُ عوناً لكَ في الــــــنــوائب
والزهره مانادت علي بذاك اليوم
حملت المها وحملت المصايـــب
،،،،،،،
ياحاضر الشدات بيتك داســــــــوه
وضلع الوديعه بوسط دارك كسروه
ومحسن وليدك ياعلي بلايه أسباب
ماشام نسمة هوه وخصمك ذبحـوه

خيرك تبده اعله الگـــاع
يالكاسر اضهور اسبــــاع
بين الزلم صيتك شــــاع
ياعلي ياعلي

باب اليقبّل بيه چان الهـــــــــــادي
وايات يمه اشگد قره وينـــــــــادي
طهرّكم الله من الرجس يهل البيت
من حيدر الفاطمه الحد الغائـــــــب
،،،،،،،،،
من اجذوع بابك وحترگ ذاك الباب
ودخان بيتك صعد وي ريح الهــــاب
ماضاك نفسك سيدي امن الدُخــــــان
شني من صبر عندك علي يابو تـــراب

لمن اجه ليك حسيـــن
گلالك بدمـــــــــع العين
كسروا ضلع امي الحين
ياعلي ياعلي

عفت امي گوه تجر نفسها وجيتــك
وقنفذ حرگ بابك وطب البيتــــــــك
ماشاف محسن لاگماط وكـــــــاروك
مذبوح طاح وذابحه الماتائـــــــــــب
،،،،،،،،
گال المثل كل حگ اله ايريد احلوگ
وفقارك اعله الروس بس هوه ايلــوگ
المشروبه من الطَرق رجّال ايصيــــــر
اليقتات من القِدَّ ويخاف ابســـــــــوگ

سيفك على الروس احتام
يالچفك امهدم اصــــــــنام
تمادى الوشيض ونمـــــــام
ياعلي ياعلي

چم مرّه گامت فاطمه بس طاحــت
رادت تندبك ياعلي وماصاحــــــــت
اشباه الرجال استرجلوا عالزهــــــراء
ولا گصه عرگة مستحه ولاشايـــــــب
،،،،،،،
چانت فدك حجه وشرارة موضــــــوع
وسلب الخلافه الهم بداية مشـــــــروع
يم ملتقى البحرين اجوا جابــــــــوا نار
وحرگوا الباب وخلوا الزهره ٱتلـــــــوع

كلمن اجه وجايب نــــــار
وحرگوا على الزهره الـدار
وينك يحمّاي الجــــــــــــار
ياعلي ياعلي

محسن بدين الزهره ينزف دمــــه
وام الحسن گوه الهوه تشتمـــــــــه
من ونهه ودموع التهلها من العــين
حته الصخر گلبه اعله فاطم ذايب
،،،،،،،،،،،
بين اليحب الدنيه ويحب الديـــن
والباب شاهد چان بين الحزبيـــــن
الشيخين اجوا متحزمين بشيطـان
وتحزمت فاطمه الزهراء بحسيـــن

صاحت سقيفتهم صـوت
البايع علي اليوم ايمـــوت
دارك تحول تابـــــــــــــوت
ياعلي ياعلي

گالوله خلف الباب هاي الزهـــــــره
گلهم ضلعها اليوم گون انكســــــــره
گلوله چان المصطفى يحبهه هواي
گلهم وإن كلمة وإن إمصايـــــــــب
،،،،،،،،،،،
لخادم الحسين ع
محمد الفهداوي

الناشر احمد الفاطمي

03 October 2026 15:55

ويّ امي شيعني يكــــــــــرار بويه
محروگ گلبي حرگة الــــــدار بويه

ريضلي بالتابوت بويه شويـــه
مابيه حيل اوگف على رجليــه
ويّ امي شيعني يكــــــــــرار بويه
،،،،،،،،،
يا بويه ريض خل اگلك موضــــــــــوع
من لاذت امي وبابنه چان اجـــــــــذوع
دفعوه عليها واسمعت كسر اضلــــــــوع
اركض رحت ليها واصيحن بدمـــــــــوع

من گبالي طاحت زهرة البيــــت بويه
احضرنه يابو الحسن ناديــــــت بويه

ياحامي جارك والحنان ابفيـــــــــــــه
ريضلي بالتابوت بويه شويـــــــــــــه
،،،،،،،،،،
يالبلنعش قرءان شايل قــــــــــرءان
خليني أودع الزهره كبـــــــل الأذان
أوگفلي رحمه الفاطمه يـــــــــادفان
بحظن أمه يدفه الولد لو فز بــردان

امن تگلي زينب نامي وياي بويــــه
الگه ابحضنها الجنه والمــاي بويـــه

للوگفه همّه وعافيه مابيـــــــــــــــــه
ريضلي بالتابوت بويه شويـــــــــــــه
،،،،،،،،
عندي حچي گد محسن وحـرگ الــباب
بگلبي الم يشبه ضلعها الماطـــــــــــــاب
ندمه المثل أمي يغطيها تــــــــــــــــراب
وهيه الستر جانت والدنيه احجــــاب

مستحيه من عندك چنت حيل بويه
شطوله الوداع ومگصر اليـــــل بويه

ماموت هسه لاتخاف عليـــــــــــــــــه
ريضلي بالتابوت بويه شويـــــــــــــــه
،،،،،،،،
عن اليتم چانت تسولفلي هـــــــــــواي
تحچيلي عن امها وتدمّـــع عيــــــــــناي
والصار بالزهره گبل صار ويـــــــــــــاي
عمري انچفه فوگ الرمل مثل المـــــــاي

انه الغريبه التفگد اخــــــــــوان بويه
من اليله سميني ام الأحــــــزان بويه

مخنوگ نفسي مــــن المرار البيـــــــه
ريضلي بالتابوت بويه شويـــــــــــــه
،،،،،،،،
بويه الگبرها اليله اخذني اترجـــــــــاك
عالزهره ساعه انعه وارد ساعه انعـــاك
لمن ترد وام الحسن ماهي اويــــــــــاك
عن لا تطيح وتعثر الزم ايمــــــــــــــناك

البت على امها هوايه تشتاگ بويه
وتموت حسره من الفـــــراگ بويه

من هسه صارت زينبك مسبيــــــــــه
ريضلي بالتابوت بويه شويـــــــــــــه
،،،،،،،،

لخادم الحسين ع
محمد الفهداوي

الناشر احمد الفاطمي

03 October 2026 15:55

اول شهيــــــــــــــــــده
لجـل العقيـــــــــــــــده
كلمن يناصر فاطمــــــه
الله اليريـــــــــــــــــــده
،،،،،،،،،،
ياذخيرت عرش ربنه وياكنز هادينه
يطگ راسه بجبل كلمن رايد ايعادينه
بالشدايد غيِره نفزع لو علي ايناديـنه

وحگ ضلعچ يم الحسين
يموت قائد يطلع الفيــــن
ولدچ احنه وبينه تدريـــن

هاي المجــــــــــــــالس
ثوره ومــــــــــــــدارس
من يدعي النه المنتضر
طفّچ نعيــــــــــــــــــده
،،،،،،،،،،
فاطمه الزهراء طلعت من خذو منها الولي
حچت وي سلمان ياعم وين بن عمي علي
راح اكشّف راسي لله واندعي بجاهي وهلي

صاحت بدمعآت العيــــون
انه بنت الهادي تــــــــدرون
امن ادعي ربي أگلب الكون

هدّوا ابن عمــــــــــــي
راح اشكُوا همــــــــــي
ما أرد وحدي بلا علـي
ايدي عله ايـــــــــــــده
،،،،،،،
مشت مهضومه الزچيه وحچت وي الناصبي
بياشرع تورث اباك ولا ارث انه ابي
قد ورث سلمان اباه الصافنات من النبي

انه بنت الشرع والديــــن
وانهَ الصديقه ام الحسين
فدك نحلت فاطمه سنيـن

مُلك الزچيــــــــــــه
وعليها اديـــــــــــه
ياكسر ضلوع البنت
طه الوحيــــــــــــده
،،،،،،،،،،،
قد ابت نفس الزچيه من ورثها المغتصب
تبت ايد الاخذ حقها فاطمه ضلماً وتـــب
سوف يُصلا في السعير الحاطمه ذات لهب
فضحت اهل الغدر والزور
ردت وخاطرها مكســـــور
والدمع عالوجنه منثــــــور

التشبه محمـــــــــــــد
مسطوره عالخـــــــــد
ومشيتها تخرم مشيته
زوجت عضيــــــــــــده
،،،،،،،،،
نستند منها العقيدة لوشهاده لونــصـــــــر
الزهره من كسروا ضلعها قصد رادوا ننكسر
احنه اول من يداعي بگاعنه الأخر شبر

المات عالحگ هذا مامات
صوله الهم والنه صـــولات
حسين ربانه اعله هيهــــات

ياحصن خيبــــــــر
والدنه حيــــــــــدر
ويانه ابابيل السمه
وچف الصميــــــده
،،،،،،،،،
لخادم الحسين ع
محمد الفهداوي

الناشر احمد الفاطمي

03 October 2026 15:55

منو اليوصــل داره
لو لزم فقّــــــــــــاره
علي الباري اختــاره
يصبر الهــــــــــــــاي
،،،،،،،،
عرفوا علي اموصه من حرگوا الباب
مو بالسهل صعبـــه ام بيته تنصـــاب

والله لوله المصطفى وتوصيته
شحدّه بن زلمه ايتعده البيتـــه
والله لو فاطمه ندبت حيـــــدر
يفني يّثرب كونها مناديتــــــــــه

المو زلم تتمـــــاده
على شيخ الســاده
حامي بيته وجــاره
علي الباري اختــاره
يصبر الهـــــــــــــاي
،،،،،،،،
يكسر ضهر كلمـن يتلاگه ويـــــــاه
يشهد حصن خيبر شمسويه يمنــــاه

دَوّر اشگد كلف ماصح بيهم
موزلم خاطر علي ايلاگيهـــم
والله لو مأذون منّ الهـــــــادي
چا حرگ حته السقيفه عليهـم

اسد الله الغالـــــب
عالي مثل الحاجب
على عيون انصـــاره
علي الباري اختـــاره
يصبر الهـــــــــــــــاي
،،،،،،،،
ٱه ياعلي وصبره شاف ام الحسين
مهضومه مصطوره بس تهمل العيـن

لزم ضهره المرتضه بچفينـــــــه
الزهره عينه وطفوا حيدر عينـه
وهمه شيمتهم غدر اعدائـــــــــه
ويلي لو لازم السيف ايمينــــــــه

شيعه ولتمينـــــــــه
بالعزاء انعِينـــــــــــه
الكبت حزنه ونــــاره
علي الباري اختـــاره
يصبر الهـــــــــــــــاي
،،،،،،،،
الكاسر ضلع فاطـم ضل صاحي مانام
خايف يجيّ حــيدر ويمرّه بحــــــــــلام

چنه سعفه بريح عايش ليلـــــــه
لو مشه قنفذ يجي ايتچيلــــــــه
الثاني ضل من حيدره يتراجــف
خوفه عنده امن اليحامي ادخيلـه

وسفه داسوا بيته
علي الشايع صيته
ابنه ياخذ ثــــــــاره
علي الباري اختـــاره
يصبر الهـــــــــــــــاي
،،،،،،،،
لابد يحجي المهدي وينادي بحزان
عالجذع يصلبهـــم إفلان وفــــــلان

ايطلّع الثاني ويگص اچفوفـــــه
وعينك وعيني يقين تشوفــــــــه
يبني بيده گبر امه الزهــــــــــــره
ومشي الشيعه تروحله من الكوفه

باچر اعله الزهــــــره
المهدي يبني الحضره
قائد من اصيــــــــــاره
علي الباري اختـــــــاره
يصبر الهــــــــــــــــــــاي
،،،،،،،،
لخادم الحسين ع
محمد الفهداوي

الناشر احمد الفاطمي

03 October 2026 15:55

الماحرگت نبي ابراهيم حرگت باب للزهره
چابوا نار مدري منين من گد الحقد حــمره
حطب من شجرة الزقوم جابــــوه
على اهل الجنه باب الجنه حرگوه
،،،،،،
چي خد الزچيه بسطره مضــــروب
الشمس حمره تسلّـــم وكت الغروب
الم كسر الضلع جينات ينــــــــــــدار
من ضلع الزچيه الهاي الگــــــــــلوب

ربح هاي المجالس والها نسعـــــــــــه
يفوز الي برصيده ايضيف دمعـــــــــه
على الكسروا ضلعها الشيعي مفروض
يهشّـــم بالطم عالزهره ضلــــــــــــــعه

ذبحوا اية التطهير اهل الرجس ذبحـــوها
موضع سجدة اسرافيل عتبة علي داسوها

الأقدس من طوى بلاذمه داســـوه
على اهل الجنه باب الجنه حرگوه
،،،،،،،،
صلاة اليل ماتت وكت الغـــــــــروب
ودمع من الحسين ايشيب الگلـــــوب
بوجه چان اليدگ الباب عالجـــــــــار
هسه بوجهه كلها مسدده الــــــــــبوب

رماد وفوگه دم وسطره عالــخـــــــــــد
وحقد من السقيفه اعله الوصي اشـــتد
اجه وشاف الزجيه مغمضه العــــــــيون
ونفس مابيها ضل بضعة محـــــــمـــــــد

يمها من گعد مكسور حيدر يفرگ بچفه
حامي الجار بيته انداس ذبحوا روحه ياوسفه
علي بذبح الزچيه الگوم ذبحــــوه
على اهل الجنه باب الجنه حرگوه
،،،،،،،،
ابيض من حقدهم ضلمــة الـــــــــــيل
ومحبة دنيه عدهم تسبگ الخيــــــــــل
حرگوا باب چان عليه اثـــــــــــــــــــــار
منگد مايقبل بيه جبريـــــــــــــــــــــــــل

مشاعل نارهم اصل الجريـمـــــه
امتداد الكربله وماتبقه خيمــــــه
اجو يم ملتقى البحرين ويــــــلاه
وعصروا فاطمه الأيه العضيمـــــه

ماادري شحچوا للنار وقتنعت تجي وياهم
همه الضحكوا اعله بلس موش بليس غرّاهم
الك حصه بملكنه التفقوا انطـــــــوه
وعلى اهل الجنه باب الجنه حرگوه
،،،،،،،
يأجوج السقيفه بروسهم صـــــــــــــاح
اورگ شجرة محمد عالارض طــــــــاح
هبل من عصروا الزهراء يانــــــــــــــاس
ابتشر من شاف ربعه اشسوو ارتــــــــاح

احترگ بالنار باب اهل المحنه
الچان من الحوائچ فوگه حــنه
ربع بليس جابوا نار نمــــــــرود
وحرگوا باب وادم اهل جنــــــه

قصد الباب لمن طاح فوگ الزهره يسترها
الچان بخدها طه ايبوس هسه الثاني صاطرها
الهوه ايدور هوه بالدار خلـــــــــوه
على اهل الجنه باب الجنه حرگوه
،،،،،،،،

لخادم الحسين ع
محمد الفهداوي

الناشر احمد الفاطمي

03 October 2026 15:55

واحد دفع بابي وعصــــرني
واحد كسر ضلعي وصطرني
گِلهم علي خل يمشون
عالباب لاينتضـــــرون
ماراضيه عليهم ماراضيه عليهم
،،،،،،،،،
يوجعني محسن والضلع كلمايمر طاريهم
لاهله ولامية هلا عتبتنه صاحت بيهـــــم
عافيتي ووليدي وفدك سلبوهن شننطيهم
ماراضيه عليهم واضل كل فرض ادعي عليهم
يابو الحسن أَبقَه بأمرتك
البيت بيتك ونه مرتــــك

من عندي شنهي اليردون
گلهم علي خل يمشــــــون
،،،،،،،،،
ماريد الوّث ناضري بوادم تدوس النعمه
ووجوهم يابو الحسن مابيها ذرة رحـمـه
ياعذر يجبر خاظري وضلعي وزاگه ودمه
ماريد اسمع ياعلي منهم بعد اي چلمـــــه

اخر حياتي وباچر امشـي
ماريدهم حته عله نعشي
ارضه عله ذباحي شلـــون
گلهم علي خل يمشــــــون
،،،،،،،،،
گلهم زچيتي فاطمه ماتحچي چلمه وياكم
مهضومه وتگول ام حسن لاهله ولاحياكم
حَضروا عذر للمصطفى لو باچر تلگاكم
عله الباب نص عام النبي بيّه شكثر وصّاكم
للهادي اروح وكلي حســــــــره
ايدي عله ضلعي وعيني حمره
ما ارضه لا ينتضــــــــرون
گلهم علي خل يمشــــــون
،،،،،،،،،
ذوله الگبل كسر الضلع بچلمة وأن ذبحوني
واحد جِسر سَب والدي واحد صطرلّي عيوني
ماصيحاَ وگوه صحت وثينهم سمعوني
والمو زلم صاروا زلم وتعمدوا ضربوني

بالباب لذت وماحماني
حرگوه بالنار وچوانـــــي
بداعة حسينك وم عـــون
گلهم علي خل يمشــــــون
،،،،،،،،،
وادم گصصهم ياعلي مابيها ذرة عرگه
لاعدهم الجوره بخت صارت وجوب الفرگه
وين الله والحگ والدي وشكيله وبچي بحرگه
من ضلعي اجر گوه النفس ومن الوجع مختنگه

چلمه ارد اگلك ونت گلــهــــم
ماريد بس يكفوني شرهــــــم
المن بعد يعتــــــــــــذرون
گلهم علي خل يمشــــــون
،،،،،،،،،
لخادم الحسين ع
محمد الفهداوي