قصائد حسينية مكتوبة عامة

05 July 2025 12:13

حياهم حياهم صاحت لساده ام عون
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليوم الساده مخيمين
بالطف والشيخ حسين
الوادم ماخذها الخوف
وربــع حسين معيدين
الرايه العــــــد العباس
هدت حيـــل الصوبين
ياخذ روحه اليطلع حسه العباس
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
طلابه وعد اهل البيت
وكلها تصيــــح ياريت
للطف ماجينـــه اليوم
دخيلك بينـه شخليت
ارجع ياشيــــخ الگوم
طــــر بالعسكر سويت
يابو سكينه الوادم كاتلها الخوف
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الأكبــــــــر شدلها حزام
وطبو هــــــــوه وجسام
مزواد صار اعله الروس
للطگ جاســـــم محتام
من گـــــد ما دم بلسف
تگــــول ملبسينه الثام
ولــد الساده طلعو مدري الفقار
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
غارو واللــــــــه الستار
العسكر منهــــم محتار
غارو والـــــــــدم يفور
وســـــــــو بيها الماصر
كلمن سيفـــــــه بيمناه
حسين وشيـخ الانصار
لا يتوازه المايگـدر لهل البيـــت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
،،،، نزال،،،،،

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

05 July 2025 10:29

حسين حسين حسين حسين
صعدت عله التل بت علي وصاحت يبو اليمه عدل
الميمون اجاني بلا سرج ويكلي اخيج منچتل
@@@@@@@
طلعت شموس من الخيم والغيم صارلها عبي
وكفت الحره ونادته ياخويه ياروح النبي
يحسين اذا بعدك عدل رد ليه غيم كوكبي
لتگول كربت ذبحتك كلي استعدي للسبي
حسين حسين حسين حسين
@@@@@@@
وصلت لخيها وشافته ماينعرف من الدمه
الف وتسعمية جرح مابيهن المايلجمه
شافت سهم جبده وبجت وي العطش متقاسمه
نادت يخي هذا الجرح بضلوع امنا فاطمه
حسين حسين حسين حسين
@@@@@@@@
خرت مثل طول النخل من يهوه واكف ع الثرى
اعظم محطات الحزن بين السيوف تناضره
نحر العليه باقي اثر شفة الرسول الطاهره
شافت اثر سيف الشمر واگف يحز بمنحره
حسين حسين حسين حسين
@@@@@@@@
وصلت لجسمه المنطرح مابيه مكان لحضنته
شلعت ولا مية سهم مابين صدره وركبته
شافت اثر سهم الجبد واحاه يوجعة لجمته

فاتحله عين من الدمه ومن ضهره صارت طلعته
حسين حسين حسين حسين
@@@@@@@
حته السهام تعشقت وي الضلوع تلازمن
وسنان اله رمح وسهم يم الوريد تكابلن
والسيف اله هدلة متن مايترب عليها الزمن
ياجف زنيم السانده بخاصرة الحسين نطعن
حسين حسين حسين حسين
@@@@@@@
خلصت مراسيم الذبح وعله الرمح راسه ارتفع
يا يحيى مات بلا ذنب؟ مو بس لأن بالحق صدع
يادين قربانه ولي والكون اله ولجله انصنع
ياهو اليموت بعطشته والماي مهر امه انوضع
حسين حسين حسين حسين
@@@@@@@

خادم الحسين ع
علي العزامي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

05 July 2025 03:27

اسئلة دينية📿🖇

مااسم ام علي الاكبر عليه السلام؟؟ 🧐👇🖤🔥


اسماء✋🏼🖇
ـــــــــــــــــــــــــــــــــــــــــــــــــــــــــــــــ


رملة✋🏼🖇
ـــــــــــــــــــــــــــــــــــــــــــــــــــــــــــــــ

ليلى✋🏼🖇
ـــــــــــــــــــــــــــــــــــــــــــــــــــــــــــــــ
#لااحلل_اخذ_الاعلان

قصائد حسينية مكتوبة عامة

04 July 2025 01:06

ويلاه ويلاه ويلي

طب خيمة ام عبد الله
وسمع عبد الله نوح ينوح
مدري من العطش يبجي
مدري لجرح ابوه مجروح
مدري يبجي لن لسه
باقي وي اهله مامذبوح

يبجي وينحب بصوت
وصوت نحيبه منصوت
بويه ماردت ماي
بين ايدك ردت موت

ياجمال الموت باحضانك يبابا
لجلك اتلگه السهم واحمل عذابه

شمحله وياك الضمه
فدوه لجلك كل دمه
راوي كلمن ايده بيدك
يبن حماي الحمه
______
بعبد الله مشه للگوم
الحسين وخانگه المدمع
وصاح وصوته جن مخنوگ
ألا هل من بشر يسمع
اذا ذنب الكبار الصار
فما ذنب الذي يرضع

شمسوي وتعطشو
ومن المي تحرمو
ثلث تيام عطشان
ورد أحمد تذبلو

محد البيكم كسر گلبه نحيبه
طفل يعطش هاي ياودام غريبه

بيا جريمه بيا ذنب
ينحرم من الشرب
عمره ست اشهر يوادم
ليش ماشاف العذب
___
بين الدمعه والترتيل
لن صوت السهم كبر
اشهد ياعطش يادم
الفرض تم بدمه المنحر
عبد الله سبح بلدم
اه يحرورة المنضر

حنه گماطه بلدم
بلشوغات تمتم
حد ماشاغت الروح
بِلسهم المسمم

من وريده طلعت الـْ الله اكبر
وسهم مسموم بنحر عبد الله خضر

غروب ماجنهه صبح
ذبلو وجهه السمح
والحسين امتله جفه
دَمه طفله المنذبح
___
رد بيه صوب المخيم
الحسين وياثگل جدمه
طول بطول وي حسين
عبد الله يخط دمه
السهم واگف بنحره اوگوف
مشهد يخنگ النسمه

اصبح ثغره صحره
وامه يرد تنطره
لاچن للسهم راي
يرد مذبوح نحره


للمخيم طب ابوه مهدود ضهره
يصبر امه عله السهم مدري تصبره

والمهد خالي المهد
نور عبد الله خمد
ياام ولد اسمج تغير
ام مهد موش ام ولد



الموفق الشاعر
حيدر علي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

04 July 2025 01:06

يافاطمه قومي الى الطفوفِ
هذا حسينٌ طعمةَ السيوفِ
*******
فاطمه حضري حبيبج
بين سيف ورمح صاير
المن محمد وَهوه منه
لوحده وماعنده ناصر
الخيل معميه تسحگه
حافر يدلي اعله حافر

فاطمه ثغره تفطر
فاطمه ضل جسمه بلبر

مغير الدم الملامح
مو حسينج شكله شابح

يمه ابنج غريب ابنج تريب في كربلاء
وحده زينب تصيح ابنج طريح في كربلاء

تعالي يام حسن ليه تعالي
وشوفي كربله شسوت بحالي
بيت وصفه من حسين خالي
واشوف اخوتي مجتله گبالي
•••••••••••••••••••••••
البسمار الكسر ضلعج
رمح صار اعله راس الحسين
ماكفاهم البسمار
كسرو مو ضلع ضلعين
حسين مبده فوگ الگاع
واليسنده بلا جفين

ياام الحسن كسر الضلع يحمل مصاب
وشيحمل الضل عاري مرمي اعله التراب

صدره تساوه وي ضهره
داست عليه خيل عشره
يلزهره عطشان نحره
ذبوحه عطشان
خِيامه بلخوف عاشت
وزينب الف موته ماتت
طلعت من الخيمه صاحت
وين السلطان

من هجمت خيول العده ولحدود المخيم دنت
طلعت من الخيمه تعدي زينب عله التل اوجبت
صاحت يبو اليمه عدل لو روحك الطيبه ازهگت
••••••••••••••••••••••••••
يازهراء مصيبه تجر مصيبه
عقيلة فاطمه تسمت غريبه
الفواطم شو غريبات
بخرايب زينب تبات
وحسينج رمي وجثته سليبه

راسه عله راس الرمح ووجهه السمح متضرج بدمه
الخنصر وشذره انسلب وجسمه أرب يلزهره شيلمه

دم يلزجيه يصب دمعج
ضلع الحسين يلجمه ضلعج
المفجوع بمصابه يفجعج

گد السهم جرح السهم
واكبر جرح طلعت حرم
رد مهره خالي للخيم
وزينب تگله بلوعة ام

گلي يلميمون وين والينه
راح ابو السجاد لو يرد لينه
•••••••••••••••••••••••
أمناحر رمل وجروح
جرح مالح تلهبه أرمال
والاصعب يلزجيه هواي
خيل تدوس عل الخيال
أرباً ارباً اعله الگاع
مابيه ضل كتر ينشال

زينب فاطمه بنص نار متحفيه
وبحرگ الخيام الناس متشفيه
ناس گلوبهم وسيوفهم صلفه
بلا رحمه
مسبيه اعله هزله بليل يلزهره
العمايم حومرت ذيج الگبل خضره
ضعن حسينج بغربه بلا نصره
يايمه

ضعنه بلا ناصر صفه
ذاك الگمر نوره نطفه
البيه تشفه روحج والگلب
بذبحه الشمر گلبه انشفه

عتاب يريدله اعتاب
اه ياليل المصاب

ياليل طول ساعتك ياليل احمل اهاتك
لو ودعت الوليان تتولانه العدوان
•••••••••••••••••••••••••••

الشاعر الموفق حيدر علي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

04 July 2025 01:05

#شجاعة_علي_الأكبر ع
ـ محرم 1447 هـ


أذ الصـبحُ أسفـرّ .. واذ الليلُ أدبر
تشوفونه بالحوم .. فرار المعسكر
علي أنيّ الأكبر .. البرق مثلي ما مرّ
ألاويهه الارماح .. مثل جدي حيدر

آنّا القاهر  والكاسر
والما يحني للعاشر
والما يرف عين ..
انّا الأكبر والأخطر  
تصغر كلها وآنه أكبر
آنه ابن الحسين ..

رافع شعاري .. واضح قراري
لا اخشه لاخاف .. ماتهده ناري

========ـ

أذ الطف تگلگل .. علي يعني حوّل
أجندلها الابطال .. ولا خلي أي حل
نظر عيني لو حد ..  اليّه الشرد رد
أشد العزم حيل .. بعد حاشه يبرد

طبع ثابت  بالسـاده
همه ابكل حرب قاده
ما طخوا الرأس ..
بـاجــر منتظر يـومـه
ماخذ حيلي بالحومه
من عمي عباس ..

عيدي الحرايب .. أگضي الطلايب
ويسوي بالناس .. سيفي المصايب

========ـ

انا الداحي للشر .. على الصعبه يكدر
يرخصلي عباس .. واجر النهر جر
شني الوادم اتهد .. غداً مني تشرد
اذ شافوا الحيل .. وره الشاطي تلبد

على الوادم بالصارم
باجر بالغضب قادم
والمارضه يموت ..
اطب ليهه وافنيهه
هاي الحومه والبيهه
وماينسمع صوت ..

للكوفه اردهم .. واگطع نسلهم
ماثني بالناس .. أكسر ظهرهم

========ـ

وريـثُ الشـجـاعه .. صنـيع الـبـداعه
يسميني الحسين .. وانّا عمري ساعه
خــذت مـنـه قـوه .. كـرامـه ومـروه
فـلا نرضه بالذل .. فله الدنيه تسوه

ضوه العيني وسنيني
هذا الـغـالي حسيني
افديله عيناي ..
عمت عيني بخيامي
واگف وگفت الضامي
ما شراب الماي ..

واشوان اشاهد .. واگف يشاهد
بالهـيمه حـايـر .. والشاطي بارد

========ـ
الشاعر الموفق

ـ خيري الصفراني

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

04 July 2025 01:05

بكماطه لكيت. دم ونسيت احلامي
اكباله بجيت. عالمنذبح والضامي
بكلبي حجيت. راحت هذيج ايامي

راحت يكلبي ايامي لفراكه
راحت الرضيعي هواي مشتاكه
كلبي. خذو من عنده محبوبة
راحت شبگته ووين نتلاكه

شفت منظر ياذيني. ولهسه يسولف بعيني
السهم ماخذ مكاني شلون
شما ضيعه يدلني

فركاك مو وكته. وملكاك رايدته دمعاتي الحجن سكته

@@@@@@
عطشان وزغير. ماي وشرب من دمه
وسهمه مصير. فوك النحر ويشمه
وكلبي يحير. لا هو رد لا عمه

نتاني. العطش ماخذكم ورايح
نتاني. شعجب ما ردكم الصايح
اجروحي دواها بشوفتك تدري
نتاني وعله الكاع الضنه طايح

رحت مني وكثر نوحي. وابد ماتنتهي اجروحي
تجي ابالي وعذابي يزيد
وضل محتاره وي روحي

فركاك مو وكته. وملكاك رايدته دمعاتي الحجن سكته

@@@@@‘m
بالخيمه وطوف بلكي الكه في لوليدي
عيوني تشوف. بس الدمه فوك ايدي
وبروحي خوف. يالتمشي وي اوريدي

وليدي. تغير لونه من شفته
وليدي زغير وموته مو وكته
كماطه. يريده وكل حجي عيوني
وليدي. وسف فوك الترب عفته

سمعت شفته تناديني. العطش يمه وعمت عيني
شفافك ذبلها الكيض
ما تكعد تحاجيني

فركاك مو وكته. وملكاك رايدته دمعاتي الحجن سكته

@@@@@@@@@@@
حزنانه عليك. يالوالدك بچاني
يصدلي يجيك ساكت يواسي احزاني
جروح الي بيك بحسينك و اذاني

اجروحك. شفتها بوالدك تمشي
اجروحك. شفتها وحضرو نعشي
وسهمك اخذ من والدك حيله
اجروحك منها وما غمض رمشي

شفت دمعاته تتجاره وصحت يحسين محتاره
ابجي عليك لو لابني
وفوك الهم اجت غاره

فركاك مو وكته. وملكاك رايدته دمعاتي الحجن سكته

@@@@@@@@
ابجي وصيح بس ابني سهمه بكبره
امشي وطيح. وشفته زغير ابگبره
بالك يريح. تجلمه وتمر بنحره

بعيني شفت دمه الاخذ لونه
بعيني. صحتله وغمضن عيونه
غافي. الولد من غير ما الولي
بعيني برمح خافن يشيلونه

الخيم لعيونك اتناطر. وشد اگماطه ونساهر
حلم بلكي التشوفه العين
واشوفك بالمهد باجر

فركاك مو وكته. وملكاك رايدته دمعاتي الحجن سكته

@@@@@@@@@
يوسف عيد

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

04 July 2025 01:04

حال مولاتي الرباب (ع) بعد فراق ابو عبد الله الحسين (ع)
..........................................................
1
عمري ضاع بلا وداع
نسمة وتنكضي بليل
والحنين والسنين
عليها تهدم الحيل

عشك العمر ضاع بصبح
اذوني من شفته برمح

موكلي من اول درب ما نفترك طول العمر

تغير وضعنه بكربلا
باقي العزيز بلا هلا

ذاك القبل ينكط وفى طاح وتكربله الشمر


غابت بعد عكبة الشمس عم الضلام بدنيتي
خلص سوالفنه الذبح خلاني اكابل حيرتي

يا حسين يا حسين يا حسين
......................//////////////////...................
2
يا خيام كلبي ضام
وعليك محركة بروحي
من بعيد ما تهيد
وقف اسمك على جروحي

مات الكلب يوم رحت
من بعدك أنا تعذبت

مو جنت اغار أمن الهوى لمن يمر بريتك

يابو العمر بلسم الي
عفت الأهل ردتك هلي

دنيا انت جنت تكول الي شو هسه عايف دنيتك


بين بعد شيب العمر شيب سواد عبايتي
من بعده شو ضاك الهوى وماصخ يملح ولايتي

يا حسين يا حسين يا حسين
...................../////////////////......................
3
بس دموع والشموع
خلصت وانا بونيني
عطرة فاح حزني صاح
واشمن عطرك حسيني

عنبر يفح جسم الگلب
وخلاني اندل الدرب

ايا ليالينا المضت ما ضن تفارك بالي

مكاود عمر خلص وفه
مثل المطر فجئه نجفه

ليسئلني وين ويبتسم راح وتغير حالي


ويا وسفة اشوفك عل رمح وراسك ينكط بلورد
وركضلك بلهفة عشك لاجن يمنعوني وارد

يا حسين يا حسين يا حسين
....................../////////////////.....................
4
بس جروح بلايه روح
بفركتك ضيعت حلمي
بيدة جان بكل مكان
يمسح لو نزل دمعي

هسه الدمع مثل المطر
يكسر كلب حتى الحجر

شايف هوه يخنك بشر حال اليحب ويبتلي

ادعي واسولف للكمر
وشكد حلو جان لسهر

عطرك يجي ويه الهوه محلى العطر يا كل هلي


مو بنتك أنا ولأ ابن لاجن احس تيتمت
يل ما ترد گلبي نكسر لمن اجو كالو متت

يا حسين يا حسين يا حسين
............................//////////////..................
علي الكنعان

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

03 July 2025 10:29

اليوم استشهاد ابا الفضل الـ؏ـباس قـمـࢪ العـشيـࢪة (؏ــليـه السلام) وتـࢪدون ﺳتۉࢪيَِـاتـہ تخـص استشهاده مابيڪم حيل تبحـثون جـبتلكم هلقناة تنـشـر ؏ــטּ استشهاد ابا الفضل العباس تــنـشـࢪ ﺳتۉࢪيَِـاتـہ + اقتباسات + قصائد ⇣⇣🏴💔
/channel/MTXMT2/40184
/channel/MTXMT2/40184
اقتباسات لـ استشهاد ابا الفضل "؏"↟↟↟🥺🫀🧿.
#لااحلل_اخذ_الاعلان

قصائد حسينية مكتوبة عامة

02 July 2025 14:19

نزال
صاح عزرائيل كافي يابوفاضل
فوكهم افتر اريدلي مقاتل
ماكو قائد ماشرد
شاف عباس ولبد
صاح عزرائيل كافي يابوفاضل
..................
واكف ابن زياد يم القاده ويوزع خطط
كلهم احنه نفوز لاچن فوزنه بس بشرط
نخدع العباس احنه بحجة الخال ارتبط
خاله كاعد بس حجوهه رأسا السكر هبط
كالهم راسي يطير
لا تدزني يالامير
قيمتي يمه مثل حال النواعل
صاح عزرائيل كافي يابوفاضل
.......................
راي ثاني عدنه صارو يمنه ماي العلكمي
امشونه يله خل نسده الفارس اليبقه ضمي
جسمه يفقدهه السوائل يضعف الماينطوي
من اجاهم ابو فاضل لبس القاده عبي
صاح واحدهم ولك
رايك وحلكي انشرك
ياخطط عباس سواهم زلازل
صاح عزرائيل كافي يابوفاضل
.....................
ايده منجل ماكو حاجه السيفه خله مستچن
بيده كطم روس اميه بجيشهم يعجن عجن
راعي كاع وراد يزرع خلص القاده دفن
كام يبدع من يكطع ساوه جسمه من البطن
هايه كلهه بلايه سيف
وجيشهم ميت رجيف
صرفن ردانه ويصيح هل منازل
صاح عزرائيل كافي يابوفاضل
....................
واكف العباس يم المهره ويعاين لغاد
حسين يمه كله خويه شنهي حضرت الزناد
ابو فاضل كله خويه ذوله كلهم چن جراد
خل اكف رداني واعلن ابتده موسم حصاد
ذوله كلهم حشرات
بغزرته ماتت مئات
غزرة عيونه اجتهم چن قنابل
صاح عزرائيل كافي يابوفاضل
........................
حرمله واكف يصيح لا تخلو يستراح
ابو فاضل شال راسه وفعلو وضع انبطاح
صاح واحد من جنوده هيه محتاجه نباح
حرمله اسكت اخيك بلكي ينطينه سماح
لا تظن نكدر عليه
حتلو كطعو اديه
بس يجي العباس ابقه انته خاتل
صاح عزرائيل كافي يابوفاضل
...............................
امير مكي العارضي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

02 July 2025 14:15

ياسؤال يهيج الگلب الحزين
راد وحدك وين اخيك ياحسين
هذا وكته اليدگ ضهره بضهر اخيه
هذا وكته اليرد عنه سيوف اميه
-----------------------------------------------------------------------------------
زينب تلگت اخوها بنوحها
ياگلب زينب عمرها وروحها
حنوة ضلوعك تهيج جروحها
ركد خيل الكوم واصفت سوحها؟
تريد تحجي لو تذب عامودها
تريد تحجي لو تنوح حيودها
يابقية شجرتي ودرعي الحصين
ياسؤال يهيج الگلب الحزين
-----------------------------------------------------------------------------------
حسين جاوبها جواب بلا كلام
طاح واسطها وحنه ضلوع الخيام
سدلت استاراتها وحل الظلام
والحبل گبل الغروب بجفها نام
صفگ چفه وعينه فاضت بالدمع
صفگ چفه وعرفت الحره الوضع
ياسؤال الجاوبه الدمع الحنين
ياسؤال يهيج الگلب الحزين
-----------------------------------------------------------------------------------
لملمت باقي الحجي بفيض الدموع
وشدت بسجادها افتات الضلوع

ياهظمها الضلت ببين الجموع
ياغروب البعد ماشاف الطلوع
ياهضمها شافت يذبحون اخوها
ياهضمها حركو اخيمها وسبوها
وياهو اليدليها بالعباس وين
ياسؤال يهيج الگلب الحزين
-----------------------------------------------------------------------------------
اندلته ووصلت لجسمه وشافته
وذبت الروح ع اخيها وشبگته
ياحزنها الگامت بفي رايته
وهسه حارت باليتامه وعيلته
ومن سهامه ما اله موضع شبگ
ومن سهامه منطبگ صدره طبگ
شتنشد ولا يسره عنده ولا يمين
ياسؤال يهيج الگلب الحزين
-----------------------------------------------------------------------------------
نشدته شسد عينه عن هاي الحرم
شحال بينه وبينها وبين الخيم
بيا كتر جف يمنته وجف العلم
طاح من سيف الضمه لو من سهم
ياحزنها الوسدت وليانها
ياحزنها وطاح بيت احزانها
وردت تلم باليتامه بلا معين
ياسؤال يهيج الگلب الحزين

خادم الحسين ع
علي العزامي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

02 July 2025 03:59

الليلة هي ليلة ابا الفضل العباس (عليه السلام)🏴💔 تـࢪدون  ﺳتۉࢪيَِـاتـہ و قصائد تخص هذه المناسبة ومـحـتارين منين تأخـذون؟!🥺جـبتلڪم قناة ڪلها ﺳتۉࢪيَِـاتـہ و اقتباسات ﺑـدۅꪆن ححقۅꪆق 🏴 ادخلـو شـۅفۅꪆهـها🥹❤️‍🩹🏴👇👇 
/channel/H313AR/50415
/channel/H313AR/50415
انضموا قناة تفيدكم 🖤👆.
#لااحلل_اخذ_الاعلان

قصائد حسينية مكتوبة عامة

01 July 2025 18:12

لطم سريع او شور


(يحسين يااميري.. يحسين يااميري)


---

يـا سور الحماية... يـا ساس البداية
يـا طيف الرعاية... يـا صـوت البطولة
•يحسين يا أميري•
يحسين يااميري... ياعيني وعيوني
ياجرحي وطبيبي... ياشمعة وجودي
•يحسين يااميري•

---
يـا نور الولاية... يـا سـر الهداية
يـا بحـر القضاية... يـا نبـض الرجولة
•يحسين يا أميري•
يادمعي ودموعي.. ياجرحي وجروحي
افديلك روحي.. يا قمر دروبي
•يحسين يااميري•
---

يـا شمعة يتيمه... يـا وردة سليمه
يـا دمعة كريمه... يانغمة قديمه
•يحسين يا أميري•
ياسري وسروري... يانبضي وشعوري
ياساكن صدوري... ياحب روحي
•يحسين يااميري•


---

يـا نبع الحنـانه... يـا نـبض الأمانه
يـا صـرخة مكانه...للروح الساكنه
•يحسين يااميري•
يا نوري وظلالي... يا سري وبالي
يا فرحة ليالي... يا سندي العالي
•يحسين يااميري•
---

يا أول بدايه... يا آخر نهاية
يا سر القضايا... وسيف المدينه
•يحسين يا أميري•
يا ضوه عمري... ويا سر عمري
يا نور بحري... ويا نبض قلبي
•يحسين يااميري•
............

يا دمك علامه... تمحي الظلامه
يا صرخة شهامه... تمشي بجبينه
•يحسين يااميري•
يحسين ياحياتي.. يدنيتي ومماتي
ياضوه طريقي... ياكلبي الغالي
•يحسين يااميري•

••••••••••••••••••••••••••••••
خادم الحسين: رضا عدي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

01 July 2025 13:28

٢٨ | ظهر اخوك انكسر |

——— أَلْمُسْتَهَلْ ———

ماضل صبر صبري خلص چن دمعة
و عمري كضه مثل الشعلّه شمعه
من عيني شافت يمنتك و اليسرة
من عدها و انه بكلبي نار موجــره


——— ١ ———

اليفكَد أخيه مو سهل تصعب عليه كل ليلة
وياابا الفضل لمن رحت ياهو البعد اشكيلة
وحسين متخوصر رجــع عالنهر عايف حيلة
انظر علة طوله وكَـع ما عنده اخوه يتچيلة

فكَد الاخــو يكسر ظهر بالغربـــة
و حسين بعـدك خويه تيَّه دربــة
من شفته يشهكَ حسرة بعد الحسرة
من عدها و انــــه بكلــبي نار موجره

——— ٢ ———

هجمة كتيبة امن العده حركوا عـــلينه الخيمة
وطفال تتراكض رعــب مذعـــورة وسط الهيمة
مروتك صحـت يابا الفضل الحگلي يابو الشيمة
خانگني دخـــان الخيـــم فوگاي صـــاير غيمة

عمامة اخوك و صــايته مسلوبة
و الجثة ويلي اعله الصدر مگلوبة
لمن لحيته خويه صـــارت حمرة
من عدها و انه ابكلبي نار موجـره

——— ٣ ———

مكيـديني باحبال العده و روس اخـوتي كـــدامي
و ما ادري چم طفلة البقت محروكَة جوة اخيامي
حفـاي نمـــشي و الـــرمل ياخــوي چوَّه اجدامي
راسك اشــوفه يلتفت كلـــما صحـــت يالضامي

من السياط الــدم نشف باچتافي
و عالگاع خويه سال جدم الحافي
بلا خيمة خويه نمنه وسط الصحرة
من عدها و انه ابكلبي نار موجــــره

——— ٤ ———

أصبح سبية ابلا خدر من بعــد عينك تدري
و باچر عله اظهور الهزل بالشام احير بامري
راسك ينام اعلى رمــح عبــاس ياهو بظهري
زينبكم الطاحت تعب والشام ماخذ عمري

محنية مـن گـد المــــشي وتعبانة
مثل الـــــورد مـن العـطش ذبلانة
مگطوع راسة أثنعش طبرة بنحرة
من عدها وانه بگـــلبي نار موجرة

——— ٥ ———

مــــن دارنه لبـ الكوفة امر يتشمت اليعرفني
شوفــوه هـــاي بـــت علي وحجايتة تلجمني
وسمع يضحكون شكثر موقف شكد يهضمني
اليعرفنه ضل يشمر حجر وحــجارته جرحتني

كون يم عــــباس مـــوش هنانة
الينولي بالــــغـربة يمـة اخوانـة
وگفوني يـم وادم حقد بالنظرة
من عدها وانه بگلبي نار موجرة
——————————————
#اللهم_عچل_الوليك_الفرج

السيد عبدالرحمن الموسوي ✍️

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

01 July 2025 13:28

٢٥ | ضوى دربك |

——— أَلْمُسْتَهَلْ ———

ألخدمّـة علمة أجيالّ ٠٠ راح انه اوظَّحلك زيـن
الله خَْلق هاي انــاسَّ ٠٠ اتصَّير خِّـدام حسـين
هل النعمة يامـحلاهه
من نـدخل أبرجواهه
الـخدمــة .. الـخدمــة

——— ١ ———

حسين عالفطرة عشگتك
انــتَ دستـــــور العشكَ
خلي خيمة أبــنصَّ دليلّي
بـــس عليك أنـه احتركَ
بيك ماينقـــــاس حــبي
احجي ويــــاك الصـدكَ
البداخلي اتشوفة وتعرفة
عليك لو صـــــدري يدكَ

أدبني ويـــاك حسين ٠٠ ورزقني دمعـه ابجيهه
خليني اعيشن عاشور ٠٠ كل خـــدمتي تظويهه
أسمك يغركَ روحي
اتشافي كل جروحي
الـخدمــة .. الـخدمــة

——— ٢ ———

ماماشي المـــــايعـــرفك
هاذ مـــو دربــــــة عدل
عنده عـــادي لو سـمعهه
أركبت زينـــب عالـــهزل
أبصـــديق أرزقـــــني انتَ
طاهــــر ونطــــفت أصل
ينصّحني عالصح مايجامل
صاحـــب عليه الفـــضل

انتَ التدليني النــــاس ٠٠ أيعلــموني عن دمعة
اشمحلة جلست خدام ٠٠ لمصيبتك لـــو ننعه
نبچي سـويلــــة اليلّة
الحسين دمعي أسيلّة
الـخدمــة .. الـخدمــة

——— ٣ ———

حسيـن باب الجنـــة بيدة
للخــــدم حي الله صــاح
وينه لليـــسمع مــــصيبة
ويـــترس المجـلس صياح
مسجل بـسجل أمي فاطم
العـــدد دمعــــات النياح
وينه من گــد الطمة فاقد
وبنص عــــزاء الهيئة طاح

الله خــلق جنـــه هناك ٠٠ مخصصـه للـــــخدام
يومية مجلس ننـــصَّب ٠٠ وكلها تشد بيهه احزام
حمزة الصغير اليقرة
تحظر عـــزية الزهرة
الـخدمــة .. الـخدمــة

——— ٤ ———

يلي بالــــصورة من انّظرك
ليـــش اعشـــكَ ظحكتك
خيال رســام الـــــرسمهه
بـــس احبــن صـــــورتك
تدري ياحـــسين ارد اگلك
نسمــة الحُبَّ شــــوفتك
العافية بالصـــورة انظرك
لو البســـت عمامـــــتك

گلبك جبير انتَ حسين ٠٠ عــايش الهسه بعدي
الذنـــوبي الـــمسويها ٠٠ جارح إمامي المهدي
اغلط وجيـــك اتعذر
ناسي السبي والمنحر
الـخدمــة .. الـخدمــة

——— ٥ ———

اصغار جنــه بالـــمواكب
أنخدمك احنه من الگلب
لو سمعـنه ناعي يقــــرة
الزينب ادمــــوعي تصب
والدي علمني اخدمــــك
بيـــــدة دلانــــي الدرب
خله أسمــك بيـــن گلبي
جـــادر وبـــي منـــصب

بحر الحنان انتَ حسين ٠٠ أشما ابتعد تندهلي
وتمدلي أيـــدك مولاي ٠٠ وسمــع تعال ادگلي
يالماعفتـــني ابوحدي
تركض الدمعـه بخدي
الـخدمــة .. الـخدمــة
—————————
#اللهم_عجَّل_الوليِك_الفرج

#عبدالرحمن_الموسوي ✍🏻

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

05 July 2025 10:29

زينب حزينه وتهمل العين
بالحومه نصبت ماتم حسين
وامه الزجيه تعنته وتگابلن يم جثته
* *
بعد ماچل الضلام وشمس الطفوف انطفت
وذبلت عيون الاطفال ومن الدموع اكتفت
اجت تتعثر الحره ويم الحسين اوگفت
حطت الراس عله صدره وغمضت العين وغفت
شافت الزهره بدمع همال
شالت قميصه مگطع اوصال
وضلت تون لمصيبته وتگابلن يم جثته
* *
گالت الزهره عله كيفج خل يطول مأتمه
احجيلي عن كل جرح منه يأذي أمج فاطمه
ياهو خله حسين ملعب للسيوف تقاسمه
شفتي راسه وذاك رمحه الناگع بفيض الدمه
من العطش متفطره الاشفاف
وبلحيته دم النحر جاف
والرمح فاتح رگبته وتگابلن يم جثته
* *
تنشد الزهره بدمعها وزينب ترد الجواب
تگلها ضل حسين وحده وكثرت عليه الحراب
وصابه المثلث بگلبه وطيح حسين الصواب
و وگعه من فوگ مهره وفتح ميزاب العذاب
خله بلحيته من الدمه خضاب
ووساده جمّع من التراب
وانمزج دمه بترتبته وتگابلن يم جثته
* *
انا فوگ التل واسمع بالمنادي وصيحته
انزلو اعليه ريحوه وخلي تسكت علته
وكثرت عليه السهام احتار حته بنومته
من الضهر يطلع اسهامه لان تصعب طلعته
وابن الضبابي تگرب عليه
وعلى الوجه لازم يخليه
وگدامي صارت ذبحته وتگابلن يم جثته
* *
يشوفني ويذبح باخيي وضل يگطع رگبته
شال راسه وجاب رمحه بگلبي جانت وخزته
تجمعت خياله عشره گبال عيني وسحگته
تگلب حسين الحوافر بالسنابك رضته
تتناهشه چفوف الغنايم
وسلبو حسيني وهو نايم
هذا الحسين وقصته وتگابلن يم جثته
* *
لخادم الحسين ع
علي العزامي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

05 July 2025 03:59

الليلة ليلة استشهاد علي الأكبر(؏ــليـه السلام) وتـࢪدون ﺳتۉࢪيَِـاتـہ تخـص استشهاده مابيڪم حيل تبحـثون جـبتلكم هلقناة تنـشـر ؏ــטּ استشهاد علي الاكبر تــنـشـࢪ ﺳتۉࢪيَِـاتـہ +خ اقتباسات + قصائد ⇣⇣🏴💔
/channel/MTXMT2/40193?single
/channel/MTXMT2/40193?single
اقتباسات لـ استشهاد علي الأكبر "؏"↟↟↟🥺🫀🧿.
#لااحلل_اخذ_الاعلان

قصائد حسينية مكتوبة عامة

04 July 2025 14:56

{خوة عشك}

«««المستهل»»


خوه صدك... خوة عشك
خوه فرقتهم سيوف الحرب..... خوه مافرقهم حب الكلب
خوه راحوا كل واحد بدرب ... خوه ملگاهم صعب
•••••••••••••••••••••••••••••••••••••
زينب عباس والحسين
خوتهم مثل نظر العين
لكن فرقتهم سيوف الحرب
والدمع ضل يجري على العين

زينب الگلبها جبل
جانت تواسي وترد الاهل
بس شافت اخوتها يطيحون
وكلشي تهدم وانقتل

خوة عشك.. خوة جرح وحنان
خوة دم تبقى على الزمان
خوة صدك خوة عشك
••••••••••••••••••••••••••••••••••••••••
حسين ياحب وحنين
ضليت بلا ناصر ومعين
كله ماتت وانت الوحدك
والدمع يروي الجبين

حسین یانور الكلوب
يالماخذ جفوف الذنوب
چنت گمر وسط الخيام
واليوم جسمك متروس سهام

خوة عشك.. نارها ماتبرد
خوة.. دمها بالصبر يندك
خوة.. ثارهم مطلوب بطول السنين
خوة صدك خوه عشك
••••••••••••••••••••••••••••••••••••••
يا عباس يا شهكة حسين
يا ذخره وظهره السنين
يالمشتري الموت بغاليته
وطحت ياروحي الحنين

من طحت حسین انكسر
والرايه نزلت بيها العمر
ضلت زينب تصرخ يبو فاضل وين ؟
،ظهرنه انكسر

خوة عشك.. خوة الشهده
خوة دمه ما ترده
خوة.. بيهم الكاع اتشرفت جده
خوة صدك خوه عشك
••••••••••••••••••••••••••••••••••••••••••••••••••
وينكم ياخواني بلسان زينب
وينكم عفتوني وحدي وضليت انحب
وين عباس اليصد اليهجمون
وين حسين الي بحضنه اتعب

زينب هايه صعبه
زينب صرتي سبيه
وحدج ضليتي بهالغربه
زينب يامصيبه

خوه صدك خوة عشك
خوه فرقتهم سيوف الحرب
بس مافرقهم حب الكلب
ياخوة عشك ياخوة صدك
-------------


خادم اهل البيت: رضا عدي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

04 July 2025 01:06

والچبيره ... حسيني لموه بحصيره
والچبيره ...حسيني لموه بحصيره

.....
عميه عيني ونحرك يبوگه الذبح
وانت ذاك الأحلى والله من الصبح
راس مال انت شيعوضك ياربح
دنيا كلها اليوم مرفوعه برمح

يارمـح بالك عَليه من الهوى راس الولي
يارمـح لا يوگع و بيه يتشمت عاذلي
يارمـح بيه شيضل وانه اخسرتهم كل هلي

و انا مره من التعب بيه شبقى
وانا مره شفت الشمر فوگه ارتقى
وانا مره طاحو اخوتي بهل وغى
.....
نفترض خل ينسي حرگ الخيام
وكل جرح لازم نلاگيله التئام
بس هذاك ابن امي المترس جروح
ياهو اليداويلي كل هاي السهام

يا بشر ، ما ينشبگ ، گد السهام الصابته
يا بشر،واخر جرح ،خيل العدو من سحگته
يابشر ، حافر وصل ،حد گلبه وبنص چبدته

راح انسحگ صدر الولي هسه انمرد
راح انسحگ و خلافه انه ماعندي احد
راح انسحگ ياهو اليعوضه النه بعد

....
ياهو يرضه اخته يگيدوها بحبال
وينگطع ذاك الگبل احسن وصال
والله فگدك موت مو حچي اليقال
ياذهب مشمور ليش اعله الرمال


زينبك هل گيدوها و طبت بنص الزلم
زينبك بنت الأمير و تالي صارت تنشتم
زينبك محتاره من جثتك شنو تخلي شتلم


منك ش الم متگطع وصاير وذر
منك ش الم وسهامهم فوگك مطر
منك ش الم متربع بصدرك شمر


لعلي ابراهيم

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

04 July 2025 01:06

اسئلك وارد اسمعك زين
الك رده بعد لْـۆ للترب رايح
طايح طايح
طايح يامتاع الخيل
اول مره اشوفك ياهلي طايح
طايح طايح
اسمعني جزيت الصوت
المصيبه البيهه نستني اذكر الصايح
طايح طايح

خوويه ياتالي العشيره
كلي وجهي وين اديره
الك لولادك لضعني
حيره اكوم وامشي حيره

انه جبيره وحالي تعبان
وحسين طاح وطاح الاخوان
عطشان يتوجه اعله عطشان
شنهي الذنب تنكتل رضعان
______
يماي الماتشبعه اختك
غرگان بصحاري م̷ـــِْن الرمل شفتك
شفتك شفتك
اول مره اعله عليك
فوك التل صعدت وصعبه بس ردتك
شفتك شفتك
ادورك وادري عد راسك
يمك بس تغير شكلك وضعتك
شفتك شفتك

التفت صوب الشريعه
والگه مختنگه الوسيعه
ويلي ياعين ابو فاضل
طلعن وجثتك صريعه

سومرت ضلي وگفت التل
منين ماادور الگه مقتل
صوب الشريعه كاسر اكفاي
صوب الخيم نسوان حفاي
وعيني لصوبك ماضكت ماي
بلاناصر ولاضلك فياي
____
يروحي وروح صيواني
مرسومه الخرابه ونوحي واحزاني وغربه
غربه غربه
خويه الماطلع ضلهه
يسبيهه اجنبي ويمشي وي محملهه صعبه
صعبه صعبه
المتعوده تشم طولك
خانكهه الهوه من شافتك تهوه
تهوه تهوه

يلهويت شگد هويتك
مطشر الحيل بثنيتك
التهي بيمن يوالي
بلحرم بيه برزينك

الخيمه حركوهه ولونه
زينب يعيني تريد عونه
حفاي وي راسك سبونه
ياكل اهلنه ويا ابونه
_____
ضهر عاشر طحن هيلي
گضه كلشي وانه ويلي بضهر ويلي
ويلي ويلي
يفيينه ضلام الليل
ابدي وامشي وارجع وانتضر ليلي
ويلي ويلي
اصبرمن واساجيمن
وانه يابن امي يمك خلص كل حيلي
ويلي ويلي

راح اروح وخلص كلشي
وي جتالك انه امشي
رايحه ومكسور گلبي
م̷ـــِْن بجانه نشال هرشي

روس اخوتي يمشن اكبالي
والنور م̷ـــِْن عدهن يلالي
مالوح راسك عالي عالي
بعيد عني وسفه تالي
___

الشاعر الموفق

حيدر علي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

04 July 2025 01:05

خلصت الطف بس اسم الله
رمحك اطول من عبد الله
ليش الماي مخرب لونه وكماطه اهناك تشمرونه
****
يا نهر خليني اسالك ليش زرع حسين ينشف
الجان يلزم جفي بيده اليوم لازم دمه بالجف

غافي الولد كعدو اليه
يالماخذه اشسويت بيه
خايف تمتنه بشيلتك هاي
جيب الرمح نومه اعله ديه

من يسمعني اتنشد وينه
يفتر راسه ويفتح عينه
ما ضيع صوتي اتعرفونه وكماطه اهناك تشمرونه
**
ابني حيل زغير بعده والسهم مو كد ركبته
حته ما يعرف يناغي اشكال كلبك يالذبحته

خلص طريجي امنين لمنين
رد الحسين بلايه الحسين
ما مبري ذمه الكاطع الماي
عدلين بس كل احنه ميتين

وي كاروكه ايسولف دمعي
كلهن صارن كتله بضلعي
ليش ابني بدمه تخضبونه واكماطه اهناك تشمرونه
****
يا حلم عاش بخيالي ويا سهر ليلي السهرته
بس غفت عبد الله عينه كل تعب عمري فكدته

انه الولد حسبالي غافي
يبني صحت نوم العوافي
من شفته فوك الرمح تعبان
كتله اكعد امن النوم كافي

كل ما يكبر يحله بعيني
ونسه الدنيه امن ايناغيني
ما جان ابالي تذبحونه وكماطه اناك تشمرونه
***
البينك وبينه مشاعر يرجف امن اتكله فركه
وعنه بس ديره عينك تنرسم بعيونه خنكه

كلبي تره امن الفركه خلصان
فوك الرمح ما حصل امجان
اركض وطيح وحيلي مهدوم
الحسبالي صارت عتب خرسان

شوف اوداعه شسوه بحالي
اليكسر ضهرك بس الغالي
من حضني اشلون تحرمونه وكماطه اهناك تشمرونه
*


انه مو يومين ونسه وبسهوله يطيب جرحي
يا صباح الخير هايه وعالرمح مبيوك صبحي

افراك الولد حط بيه عله
والينشد اعله ابني شكله
ياهو اليكول اصوابي بالريش
زين وبعدني بذبحه عدله

نزل رمحك مو تعبته
الحارك كلبي عيونه اعله اخته
بعازت راس مخلي امتونه وكماطه اهناك تشمرونه
****
تمت
تحسين الخفاجي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

04 July 2025 01:05

بعدك تون يا يمه
اشتاگ الحضن يا يمه
كماط الحزن يا يمه
*******
كاروكك بنص الخيم لونه نخطف بكماطه الم
هزيته ما يهتز ثكل صوته يون بجه الحرم
كابلته وعيوني تصب شفت الخشب ينزفله دم
وشفته يصب اكثر بعد لو مر عليه طاري السهم

كلبي نعصر يا يمه
وشفت النحر يا يمه
فراكك كبر يا يمه

****
كالوا رجع راح العطش لاكيته طير وبالغصن
ثاري العطش رواه سهم ومن نحرك تبين كطن
ناغيتك وما سولفت عبد الله هاي امك تون
بعدك دللولي بدمع وكاروكك هموم وحزن

انباك الحضن يا يمه
وضليت اون يا يمه
‏فراكك حزن يا يمه
*////***
ردتك تكحلي النظر تكبر وزفك يا شمس
بعدك ولا عابر سنه شماله السهم وي العرس
الخيمه مشتاكه البجي يا البجيك يناغي الهمس
لونك تغير يا عبد هواي الفرق عن لون امس

لونك بهت يا يمه
وامك بجت يا يمه
‏ صوتك سكت يا يمه
****
كالو ندفنه وي الترب وكلت الهوى ما يندفن
من اختنك ششتم بعد يا الركبتك باب السجن
حافر يسحكك يا الولد وكماطك ايلولح حزن
دفنو احلامي لشوفتك تكبر واكحلك جفن

ميت صعب يا يمه
فراشك ترب يا يمه
ودمك يصب يا يمه
****
حركوا الخيمه وصيحت وكماطك وياها احترك
وكاروكك مصبح جمر وعطرك يا مدلول اختنك
رادوا يشيلوك برموح عبد الله يلطولك علك
بس راسك زغير بسهم شالوك خافن تنسحك

رمحك كبر يا يمه
وراسك زغر يا يمه
بسادس شهر يا يمه
---*****
يوسف عيد

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

04 July 2025 01:04

كومي ادعي بسم الله وحبيبه
كــون الــولــد ســالــم يجيبــه
هالدخنت بيه الميادين گليله ردلي عليك الحسين
* *
قصه يحجيها الدمع والملامح تنسمع من ابن غانم حمل ترجم حسين الوضع
يگلها ليلى تضرعي طبي للخيمه اندعي
والده ودمعج نزل وبعد بيديج السعي
يستجاب الدمعتج حلفيه بلهفتج
بعد مانوره اكتمل صار يرجع منيتچ
وعليه خايف من بكر حيل
وضل يكثر عليه داير الخيل
وكونج بدمعاتج تصلين
گليله ردلي عليك الحسين
* *
طبت الخيمه وسعت وبمدامعها اندعت
ياراد يوسف رده الي انياط گلبي تكطعت
ربت جفوفي كمر وببطن عيني كبر
گلبي اسميه مو علي وكلبي بيه حيل انجبر
وهسه خافن مايرد ينذبح غصن الورد
وما اشوف مدللي ينمرد گلبي مرد
واتوسل بغربة هالعيال
شوفة وليدي تريح البال
وگالولي كون عليه تدعين
گليله ردلي عليك الحسين
* *
رد وابوه استقبله ياشبه جدك هله
كون راسه بيمنتك هالخلگ مو مشكله
كال اريد الجائزه من تحملت الجزه
لحضه من فيّ حضنتك حته عزمي تحفزه
وگله يابويه العطش ينهش بگلبي نهش
ومن اقبل شفتك گلبي الضامي اندهش
يكله امك متانيتك تعوود
وگللها ساعه وراجع ردود
ومن ترتوي من ابنج العين
گليله ردلي عليك الحسين
* *
لحضه للحومه رجع وگلبي ضل بهالوجع
وانه برسوم الحسين اعرف گليبه انفجع
راح ماضل ليه اثر وهمي بالهم اندثر
ووالده بدمعه الحزين گام يركض ويعثر
جابه يمي ومدده والحرم ونها ابتده
بالعصايب تستعين ياجراح تضمده
گمت احط فوگ الراس التراب
وحسين حط بلحيته خضاب
ويگلي من كونچ تنوحين
گليله ردلي عليك الحسين
* *
اه يگلبي وحسرته ابني مات بعطشته
والحرم گامت تحوم واجت تلطم عمته
تگله يبني شحصلت للمنايه استعجلت
زغير بعدك يبني گوم عمه بيك توسلت
ذابه المعصب عليه بحسرة زينب ترتجيه
ثگلت عليها الهموم تگلي خلي نعدل اديه
يم الولد وياي اعدليه
بلكي يفك عينه ونحاجيه
ياليلى فدوه ولا تأيسين
گليله ردلي عليك الحسين
* *

خادم الحسين ع
علي العزامي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

03 July 2025 10:03

#ليلة_٧_محرم🖤🏴

الليلة سيكسر ظهر الحسين😔💔 و ستذبُل روح زينب بفقد أخيها العباس، ياعباس..😭💔ستوريات عن ابا الفضل❗️👇
/channel/addlist/fxWufx8Ra8AzYzQy
استشهاد ابا الفضل العباس👆💔😭
#لااحلل_اخذ_الاعلان

قصائد حسينية مكتوبة عامة

02 July 2025 14:18

سهم يسأل سهم واسمع حجي السهمين
سهم عين الكمر والثاني سهم حسين
………………..
سهم يحجي السهم والعبره خانكته
يكله يأسهم من ياكتر صبته
كلبك مافطر من اسمعت ونته
صدر اطهر بشر بكل جرئه هشمته
رجع كله شفت كل خوته منذبحين
سهم يسأل سهم واسمع حجي السهمين
…………………….

رجع كله شفت منضر فلا شفته
الجسد مطشر وباله عله اخته
تحاجيني اخيته تكلي ماعفته
گلب زينب اخوهه وانته كطعته
ينشده ياسهم زينب بلا جنحين
سهم يسأل سهم واسمع حجي السهمين
……………………..
امنيه سهم يضربله واحد زين
حضي شكد حلو لاكاني صدر حسين
بلحضة ضربتي شابكني صدره حنين
وگلي ياسهم أطفالي عطشانين
ويسأله ياسهم هم تدري زينب وين
سهم يسأل سهم واسمع حجي السهمين
،،،،،،،،،،،،،،،،،،،،،،،،،،،،،،

شنهو من حقد عندك يسهم الراس
شسوالك كفيلي وتضرب العباس؟!
وعفت حسين أخيه وحده ضد انجاس
وأنه امشي أسيره وحدي بين الناس
كونك بالشلل لا تدنه يم العين
سهم يسأل سهم واسمع حجي السهمين
سهم عين الكمر والثاني سهم حسين
……….
امير مكي العارضي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

02 July 2025 14:15

/channel/aLRukab_313

قصائد حسينية مكتوبة عامة

01 July 2025 22:38

أحملوا أشواقنا ، دموعنا ، حنيننا أمانـــة ﺎلـى الحُســين💔🌿.•

هالقناة ڪولها اقتباسات اشتياق ࢦـ ڪربلاء تجنن شوفوها👇💔😔🏴
/channel/addlist/fxWufx8Ra8AzYzQy
شوية واحذف 🔥👆🏴

قصائد حسينية مكتوبة عامة

01 July 2025 13:28

٢٩ | بنتُ الشجاع |

——— أَلْمُسْتَهَلْ ———

يازينب يم عون يازينب
يازينب يم عون يازينب

——— ١ ———

مشيتهه جنهه حـــيدر ٠٠ نضــرتها عباس
أم خورسه الناس
الگاع ترجف من مشتهه ٠٠ اطيح بيهه الجبال
ماتضل بيهه رجال

بس اشرت بيــــديهه
انكلبت بمرها الارض
والجيش لو شافاهه
يرد الخيامه ركــض
چن ابو فاضـل هيه
چلمتهه ماتنرفض

يازينب يم عون يازينب
يازينب يمعون يازينب

——— ٢ ———

عاصفه ورعيده صارت ٠٠٠ من تطب عالديوان
رجفتهه العدوان
ترجف الچلمه ابلـسانه ٠٠٠ جبيرهم لو يحجي
من خوفه يبجي

ابصدر القصر لو توگف
فرت بديهـــه الزلـــــم
هيبتهه مثل الكافل
بالوگفه كسرت خشم
نزلت روس القـــــادة
من اخت الگـمر ونعم

يازينب يم عون يازينب
يازينب يم عون يازينب

——— ٣ ———

انه اخت ريشاتة خضرة ٠٠ وطر العساكر
   وضّهرهه كاسر
ارد اكلك عن شمركم ٠٠ وره الخيمه لابد
من خــوفه شارد

انطيني فارس منكم
متواجه وي الاکـــمر
كلّ لجــــــوك هنانه
طاحو جذب عالنهـــر
اليتگرب اعله الكافـل
راسة اعله گاع انشمر

يازينب يم عون يازينب
يازينب يم عون يازينب

——— ٤ ———

چنهه ابو فاضل تسولف .. كلهه صارت خرسان
الزلم بالديوان
بنت شيخ السادة هيه ٠٠ وزينـب أميره
عّالمة وچبيره

بنت المضــــايف هية
والدهه شيــخ الحرب
اهتز المضــيف ابكبرة
زينب عليه مــن تطب
هيبة وشجاعة وغيرة
تمشي ابوريد الگـــلب

يازينب يم عون يازينب
يازينب يم عون يازينب

——— ٥ ———

الزمن يتحكم يزينب ٠٠ گلبج أشما ينبض
حساس كله ينمض
مو خرز سبحة البيدج ٠٠ نجم طاف ابيمناج
ابــدعَ اليســواج

نسمـة هــــوى العذيبي
مريتـــي للمــخـتـــــنكَ
عالم ســــــراب الشفتة
وعالم خدمتج صدكَ
حنية اترسي احساسي
ودلالـــي الج مـــحتركَ

يازينب يم عون يازينب
يازينب يم عون يازينب
———————————
اللهم عجل الوليك الفرج

السيد عبدالرحمن الموسوي ✍️

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

01 July 2025 13:28

٢٦ | على رمالِ كربلاء |

——— أَلْمُسْتَهَلْ ———

من شفتك اعله الأرض ٠٠٠ فارشها طول بعرض
روحك الترفة زهگت ٠٠٠ و زهگت روحي وياها

——— ١ ———

لونك تغيـر بالشمـس •• وبصدرك اسهام
جسمـــك ترف مايحتمل ••عالگاع لتنام
چثتــك تغطــت عالرمل ••برماد الاخيام
و لزينبك مــن الركض •• ما ظلت اجدام

شما انظرك تنگــلب ٠٠٠ ينذبح مــــني الگلب
روحك الترفة زهگت ٠٠٠ و زهگت روحي وياها


——— ٢ ———

امن الخيمة ياخوية اطلعت •• والصدمة صعبة
يابس وريدك و النحر •• يا ماي اشربه
چم مرة گتله للشمر •• لا لا تضربه
و الحافر ينثر وذر •• من يمشي دربـه

بصدرك كسر چم سهم ٠٠٠ و كل حيلي خويه انهدم
روحك الترفة زهگــــت ٠٠٠ و زهگت روحي وياها

——— ٣ ———

راسگ صعد فوگ الرمح ••و اتغير اهـــواي
جابوا الماي و بس بعد •• شنـسوي بالماي
خوفي عليك امن الشمس •• ما يمك افياي
خويه استراح و عالرمح•• مــاشينه بهداي

هذا الأثر للسحگ ٠٠٠ بشفايفك لو حرگ
روحك الترفة زهگت ٠٠٠ و زهگت روحي وياها


——— ٤ ———

برمحك تطوف اعله الضعن •• و تلـم يتاماك
و انه عله اظهـــور الــــهزل•• اتماشـه وياك
كون الله لا ينطي العطش٠٠ شمسوي بشفاك
و الحجر خاسف جبهتـــك ٠٠٠ و هــوايه أذاك

متحني شيبـك دمـه •• و دم بچت عين السمة
روحك الترفة زهگت ٠٠٠ و زهگت روحي وياها


——— ٥ ———

من عفتك تـــــرافس هضم •• بالغاضريه
عشــــــت بحيـــاة الأخــــرة ٠٠و انه سبية
المفروض چان ويـــــاك اظل ٠٠٠ للاعوجيه
و ضلوعي و ضلوعك طــــحن تندگ سويه

من كل كتر منطعِن.... و ابخيلهم مندفِن
روحك الترفة زهگت ٠٠٠ و زهگت روحي وياها
—————-
#اللهم_عجَّل_الوليِك_الفرج
السيد عبدالرحمن الموسوي ✍️

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصائد حسينية مكتوبة عامة

01 July 2025 13:27

حينَما سَمِعَ الإمامُ الحُسَينْ صَوتَ أخيه أبالفَضلِ العَباسْ (عَلَيهِما السَلامْ) وَهوَ يُناديْ أخي يا حُسَينْ!! ذَهَبَ لَهُ مُسرِعاً
وَعِندَما إقتَرَبَ مِنْ مَصرَعِهْ وَهوَ مُتَحيّر
تأتيه أفكار وَموقِفْ وَهوَ يَقول

٣٦| كسرة الخوه |

——— أَلْمُسْتَهَلْ ———

گوم ما أحمـــل وگعتك ٠٠ يالله خوية أنطيني اديك
اتغوشت عيني بدمـعتي ٠٠ الخــوة جابتـــني عليك

ياخــــويــة   ياخـــــويــة

——— ١ ———

گوم لاتوگـــــــــع اگبالي
انـتَ عندي اهـواي غالي
امنيتي كون اتشوف حالي
بــس سهم بعيـونك

الشامت شيــحمل ضحكته
كيفو مــــن طحـــــت انته
گوم لا تنطيـــــني سكتـــه
اشيسوه العمري ابدونك

حلــوة عينك خوية طفاها السهــم
گوم خوية ابطيحتــــك حيلي انهدم

من تموت الخوة ماتت ٠٠ بعازتك لالا تمــوت
بعد خويـة گلي مره ٠٠ احچي لا تنطي السكوت

ياخويـة                   ياخويـة

——— ٢ ———

طاحت الخيمة علينـه
گوم أنهـــض ياوليـنه
شبگتك كلش حنيـنه
وين ذيج متونـك

راسي شيب من اجيتك
مو هذاك انت لگيتك
مخضبة بالدم الحيتك
وحيل غير لونك

اشطعمهه الخوية منــك من صحت
اجيتك اركض ماشفت دربي وطحت

الگاع لا تشبگها خوية .. گــــوم اشبگ متني حيـل
هية أخر شبگة هاية .. ابدون اخو تسحگني خيل

ياخويـة                   ياخويـة

——— ٣ ———

ياكلــــب يــــاروح بيـه
بدونك ارجــع يم رقيــه
گوم انهض هــاك اديــه
وخل نـرد للخيمــة

ماريد المـــاي اريــدك
اروة من تلـزمني بيـدك
كوم لا تترك عضيـــدك
منكســـر بالهيمـة

روحي گبل اجدامــي اجتك للنهر
من السمة طايح على الگاع الگمر

احزام ظهر الخــــوة طايح .. بعــد شيفيد البچي
الخطوة صارت عندي گـوة .. جنـت بسمك انتچي

ياخــــويــة    ياخـــــويــة

——— ٤ ———

بالخيم وگفــــت رقيـــه
من بعُـــد تنظــر عليـــه
خاليــــــة منــك اديـــه
وتعبتــــني هوايه

يابو فاضـل عمي صــاحت
محني شافت ضهري ناحت
للخيم ركضــت وطــاحت
وين راعي الــــراية

لاتخلي اتعـــــــثر بنكل الجدم
انهض ولاتوگع اگبــــال الخيم

من الخيم رايتنة طاحت ٠٠ وچنت خيمة اعلة الخدر
گمـت اميل انه بمشيتي٠٠ نـــاس شمـــات اشكثــر

ياخــــويــة    ياخـــــويــة

——— ٥ ———

ساعة وخــــيول اعـوجية
تسحك اعلى ضلوعي هية
هــــــذا المفـــارك اخية
وكلشــي غربة ابدونك

گوم ياحــــامل لــــوانه
المحد يعوض مچــــانه
كلهة تتنطـــرك وانــــه
مالي غيــــر اعيونك


ابطيحــتك يابالفضـــل ماضلي حيل
وراح اطيحن مثلكَ وتسحــگني خيل

ماكو ناصر خوية عندي ٠٠ وكلها تفرح من اطيح
الخيل ماترحـم حبيبك ٠٠ حــتى من يوكع ذبيح

أللهم عجل الوليك الفرج
—————
كُتبت ... السيد عبدالرحمن الموسوي ✍️

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313