987
صلة رحم خدمتي وياكم لوعفتكم بله وين الكاكم صرتوا اهلي وكلشي اليه اعز من روحي عليه للتواصل مع خادم الزهراء عليها السلام الشاعر علي النائلي يرجئ التواصل علئ الرقم 07828746369 تلگرام - واتساب
نزلة عزاء.
يخسف الكاع والعلم رف
هذا عباس زلزل الطف
==========
جن قيامه والعلامه يخسف البيده
السبعه والكاع بأمرته والاجل بيده
الشارد اليبعد يجيبه بخزرته ايصيده
واليجيله بلايا راسه لعسكره ايعيده
اختفه الهوه من اجه إبلوه الرايه بمتونه
نزل خسِف بدت الرجِف تجدح عيونه
كف الاردان والطف انكف
هذا عباس زلزال الطف
==========
دك حصاره وشبها ناره يحرگ العسكر
غيمه سوده ظلمه صارت والطف اتغير
يرعد بصوته بوفاضل عالزلم كَبّر
خيبر الطف وقلعها ومابقت خيبر
جمر حمم اجه بعلم هيبة الساده
نزل شهب حمم يذب رَجّفْ القاده
رَجّف الموت جفنه مارف
هذا عباس زلزال الطف
==========
جفه جمره واليسطره يذكر الحمزه
والطف اتمايل ابثكله من نزل هزه
دَوّنْ الموت اعل سيفه والسِلِمْ جزه
عالشمر عينه تدور راسه اله ايحزه
طبگ الف ذبح الف عنها ابد مارد
سحك زلم شمر زلم عالزلم من هد
ناده عالموت كلها تصطف
==========
للشريعه من تعنه برايته وجوده
والفرات بجوده لمه بمايه وجنوده
عالفرات الدنيا صارت من دخل سوده
الشاطي شاله من أساسه وضاعت إحدوده
اجه الخطر محه النهر رفت الرايه
اجه بأمر رسم خِدِرْ ثبت الثايه
والنهر خاف من دخل جف
هذا عباس زلزال الطف
==========
الخيل ماظلت زلمها ماكو خياله
اليمنه تسطر عينه تخزر تسطر اشماله
تحفر اكبور العساكر شافو اخياله
ناس تردم ناس صارت يمه هالحاله
الوعد وصل كرب اجل نادت الوادم
النحر گطع اجه وفزع هل قمر هاشم
عن الاركاب سيفه ماعف
==========
لمها بيده هالمعاره وصارت ازغيره
يطشر بكيفه ويلمها وفاضت الغيره
وشيسوي الشمر حاير صابته الحيره
وين يشرد وين يمشي امصيبته اجبيره
افتكر شرد مشه ولبد يحاذر وخايف
مشه وطلع وكف رجع يارعب شايف
عقله ياناس هالشمر خف
==========
الشاعر علي النائلي
نزلة عزاء
مسلم يبو الغيره ياناصر الدين
==========
من مرجعه الاعلئ ماخذها فتواه
انت الثقه يكله بو سكينه ناداه
ودع ابو الغيره للكوفه من وداه
مو وحده اجه بسيفه هالموت اجه وياه
مايبقه بالحيره يدعيله الحسين
==========
طب الخطر للكوفه تنقل خبر البيوت
ترعد رعيد الكوفه يزئر أسد هالصوت
عزريل اجاها الليله طب واجاها الموت
ظلمه أصبحت من طبها جن ظلمة التابوت
واظلمت الدنيا ماتبصر العين
==========
جنه علي بصولاته خزارته من عباس
ضاكت عليها الوسعه حيرها كل الناس
ضيع هواها بخزره واختنگت الانفاس
سيفه عطش يتروه لمن يحز الراس
مسلم زئر صوته راواهم البين
==========
خيبر قلعها بجفه من طبها طب سلطان
كل الزلم بالكوفه سواها بس نسوان
نار اشتعل عالقاده مسلم يطگ بركان
سيل وجرف ساحلها يطوي الأرض طوفان
ناظرها اله اديره ما تشرد منين
==========
كر وبرز عسكرها والدنيا بيها ادور
مثل الخرز طشرها وزع عليها اكبور
وجوه العساكر ظلمه من وجه شع النور
ذب الجثث وبسيفه يحصد حصاد انحور
طر الزلم وبسيفه سواها نصين
==========
عالقاده من شد سيفه يشبه لداحي الباب
جن وانس مرعوبه محتاره هالالباب
واللي يخزره بعينه جرحه ابد ماطاب
للغابه ليث الغابه مسلم ابد ماهاب
واحجايته بسيفه مايحجي وجهين
=========
الشاعر علي النائلي
ميمر
ام الوفه. والمعرفه
نالت تره. اعظم صفه
ام البنين ام عباس نالت شرفه هالرفعه
=========
للعلم هيه أصبحت موسوعه
وباب الوفه منها انفتح موضوعه
ودعها ابو اليمه ويصب ادموعه
صب الدمع. واحنه الظلع
كلها بعد. ماننجمع
صوته نزل جن زلزال بروح الوفيه اتسمعه
==========
ماحبت حسين السبط عالفطره
عن معرفه وسابق علم بالعتره
تاج أصبحت من خدمة ابن الزهره
صارت عَلَمْ بنهج الخدم
هيه أصبحت فيي الخيم
وتجله فيها بعباس سكف الخيام اترفعه
==========
التاريخ عنها من حجه بدويه
بحبها لبو اليمه أصبحت علويه
تاج المجد فوك المجد قدسيه
أشرف نسب. من العرب
ام الكمر اية عجب
صارت حسينيه نكول خدامت ابن البضعه
==========
منطيها رب العزه هاي العزه
موقفها ثابت يبقئ منهو ايجزه
من تدعي هالكون بدعاء اتهزه
من تندعي. بالله وعلي
وبفاطمه. وطه النبي
الميت اذا تدعي يكوم من الممات اترجعه
==========
قدسيه ايه من الوفه بمصحفها
واعل النساء ام الكمر شرفها
حاير يظل كلمن اجه ايوصفها
رايه ترف فوگ الوصف
فوك الشعر فوك العرف
مختلفه عن كل الناس بطيب وكرم والسمعه
==========
الشاعر علي النائلي
وداع مولاتي ام البنين عليها السلام مع مولاي ابا الفضل العباس عليه السلام
=========
مختنكه السماء وتمطر ادموع
وتودع كمرها وتحني الاظلوع
شابكها الكمر والدمعه بالعين
كالتله السمه ناوي السفر وين
==========
من نَوّهَ الضعن عالسير لبعيد بين الام وابنها
فراكك يمه ياذي ويهدم الحيل تبجي ويعله ونها
كالتله ييمه النوح شيفيد للضايع وطنها
وانت النفس يبني وشوف العيون لأمك انت ضنها
يايمه المصيبه الكبره بالروح
مو سهله عليه عنيّ اتروح
كاللها ييمه دموعج الدين
==========
كمر هاشم شبكها وعينه لحسين مستحيه وحزينه
كاللها دبطلي وكافي الاونين بجيتي المدينه
بجه العباس يمها وطلعت الروح وتعاله ونينه
ييمه وداع ميت هذا الاوداع هيج
اتودعينه
يايمه انتوادع اخر اوداع
تبجي السمه النه وتهتز الكاع
ومخضر جرحنا بگاع السنين
كالتله السمه ناوي السفر وين
==========
بجوا حد ماذبل وجه الهوه بهاي واتحسر نسيمه
مثل حسرة الكاع بموتت الماي وتگاطعها غيمه
سفينه ابلا شراع بزحمة الروج بالحسره الأليمه
بجت ام البنين وراح عباس مثل بجي اليتيمه
جن بجى اليتيمه تصيح عباس
يمشيب الگلب ومشيب الراس
ماابطل مناحه واگطع اونين
كالتله السمه ناوي السفر وين
==========
بجت حته النياگ بهذا الاوداع من سمعت بجيهم
الصخور اتفسرت من كد الامصاب هم تون عليهم
مثل طيحت نده عالكاع يگعون واطشر حجيهم
انتهئ كلشي وبعد حبل الوصل راح مثل هدت اديهم
وعيون الوفيه شابت بهاي
شمرت روحها ماشمرت الماي
كالتله ييمه الماي لحسين
==========
وراه تركض ييمه اتكوم واطيح عذبها دربها
الضعن ابعد عليها وابعد الصوت واتعذب گلبها
بدت نار الحزن تشعلها بالروح مايخمد لهبها
عمرها راح كله بروحة الماي شيعوض تعبها
ياتعب السنين الراح وياه
من هسه استعد للضيم والاه
وادري بروحتك يكسرني هالبين
==========
رجعت للديار اتنوح وتكول بعد مااضنه نلتم
مثل ردت حسين بطيحته هناك من رد للمخيم
انحنت مثل السمه بوداع الانجوم الهوه عليها تألم
السهر رافكها هسه وضيم الافراك بگلبها جنه خَيّم
والسافر هواها اتسولف امصاب
الماعدها سكف شتسوي بالباب
وإتثَّوب لبنها الليله جفين
==========
الشاعر علي النائلي
ليلة الأنصار
احنه بالحرب قاده من نطب حسين
نافع الذهب. عابس اووهب حسين
ايعيش بلا كرامه. الماينصر أمامه
حسين حسين
==========
يبو الاكبر لاتهم بالغاضريه
مجربين أنصارك الكلهم حميه
هوايه احنه وتنعد جيوش ال ميه
ونسحك اليوصل خيم بت الزجيه
تشهد الوغه نسحك الطغه. حسين
فزعة الزلم نصرك المهم حسين
بالطف العلامه الماينصر أمامه
========
صاح ابن ظاهر انا اول فدائي
لجل ابو اليمه تره ناذر دمائي
اني اقدم نحري من مبدأ ولائي
نجم عالي ورفرفت عالي بسمائي
فدوه احترك. لجلك انسحك. حسين
انطش بهوه وارجع إبلوه حسين
متهمني السلامه الماينصر أمامه
==========
الليل نتخذه جمل منك سمعنه
كلمه من عدها يبو الاكبر زعلنه
وعلئ خيامك سيدي كلنه ركضنه
نموت كدامك يبو اليمه قسمنه
يختم العمر يمك بأجر حسين
شمحله ينگظي وانت ترتضي حسين
يخلص بالندامه. الماينصر أمامه
==========
الكلمه موثق للرجل حد النهايه
انطينه كلمه شرف من اول بدايه
تحت جدمك سيدي ننمد ضحايه
نصير ماي لخاطر عيونه الضمايه
موثق الرجل كلمة مايخل حسين
كلمة الشرف بالطف الوكف حسين
يخسر بالقيامه. الماينصر أمامه
==========
نرخص إركاب وإلك نرخص دمانه
صرنه أنصارك فخر الله اصطفانه
ياعشكنه وانت يانسمه هوانه
وانت قبلتنه واصل كل الديانه
قربة للنحر دمنه بالفخر حسين
صرنه كاقمم عالي جم علم حسين
إيبين بهتمامه الماينصر أمامه
==========
لازم ايضحي اليحب لجل اليحبه
يعوف كلشي ويتبع الحبه اعل دربه
يطبع اسمه اعل الگلب لازم يكتبه
مثل ماي العذب من يعطش يشربه
واضح الگلب ضحه لليحب حسين
يعرف الدرب. اسمه منكتب. حسين
ماينضم هيامه. الماينصر أمامه
==========
الشاعر علي النائلي
بس رحمة الله ودمعتي. بالبيت ظلن سلوتي
غابت شمس ايامي. مذبوحه بويه أحلامي
==========
مثل الحمامه بلاجنح مكسور بويه جناحي
لو ردت اكوم بياعلي والزم يبويه صفاحي
مذبوحه شمسي بغيبتك ماطر ابد مصباحي
بكد غيبتك انزف هضم ماتشفه بويه اجراحي
وعليه زادت علتي عفتوني وحدي بحسرتي
ترجف تظل اجدامي مذبوحه بويه أحلامي
==========
شمس المسه لوسلمت تخنگني وحشة داري
واذكر شملكم من قبل وتشوفه بويه انظاري
واني انجوي بنار البعد ماتطفه تدري بناري
الكم صور ذكرة اهل ماتنمحي من افكاري
دمع الجفن عكازتي والليل اخلصنه بحيرتي
طفله وجبيره آلامي. مذبوحه بويه أحلامي
==========
بين النجوم انظر اظل مشبوحه عيني عليها
ذاك الضعن مر بالسمه وروحي الهضم ماذيها
تمشي النياگ بكل عَجَلْ مثل السحاب شبيها
خاف اني الحك بالضعن وخَفَتّ اضن رجليها
والنوك تمشي بالعجل. بالنار شوگلبي اشتعل
لن صوت يصرخ نامي. مذبوحه بويه أحلامي
==========
ليليه مرسال لهلي بدمعي انكتب مرسالي
يشرح تفاصيل الهضم وجروحي تشرح حالي
ابنيه وزغيره بلااهل والماله اهل لاغالي
يكضي العمر يرسم كبر وارسم ابوي أبالي
يوميه اصيح بهالصوت. ماانسه ابويه للموت
جف الحبر باقلامي مذبوحه بويه أحلامي
==========
دنياي تمطر بس هضم غيم الگدر ماذيني
ترعد هموم وماصحت مزاحم دموع بعيني
دمعي بحر لكن صرت صحرة جفاف اسنيني
اني بعمر بويه ابد مو مالت اتخليني
عفتوني واني ابلا لون وشل دمعها العيون
بالروح تدري اسهامي. مذبوحه بويه أحلامي
==========
ديرة حزن گلبي بنه بهذا السفر مفجوعه
الماتوا هله شينفع بعد لويبجي دم دموعه
لويبجي عينه والرمش بروحه انبنت جم لوعه
سلوه النحيب لحسرته وصار البجي موضوعه
ديرة حزن بيها الروح ولكربله تريد اتروح
عام الحزن هل عامي مذبوحه بويه أحلامي
==========
الشاعر علي النائلي
نزلة عزاء في شرف الخدمة
هل محرم منچ إنريد المدد
يم حسن جهزينه بالعده وعدد
==========
العده دمع عيونه ولطم الصدر
يم حسن تسهيل ردنا لهل الامر
ردنا مايطفه بصدرنا هل جمر
بينه جمر صدورنا لا مابرد
==========
والعدد كون الابو يجيب الابن
كون يتربه بعزاكم عالحزن
من الزغر دمعه يعاشر للجفن
وانتي للخدام يالزهره سند
==========
نحلفج بگلب الحسين المنفجع
ردنا نظرة عينج إنسيل الدمع
كون من نلطم نكسره للظلع
كون وياكم ولانخلف وعد
==========
والله لوما الخدمه هالدنيا جحيم
خدمة ابنج عدنا جنات النعيم
اليخدم ابنج كون لازم يستقيم
وي ابو السجاد وقعنه العهد
=========
حان موعد هالطم والفاجعه
حسب توقيت العيون الدامعه
نجري دمع عيونه اعل المشرعه
هالحزن بينا ويه مولدنا انولد
==========
بشهر شهرين وابد مانكتفي
نور هاي الخدمة لاماينطفي
ورث هم نتوارثه ومايختفي
وارثين الخدمه عن ابٍ وجد
==========
الشاعر علي النائلي
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
ذكرك باقي يحسين ماكدرو يمسحونه
==========
اسمك منّقش. في لوح العرش
من نورك ترش عالكون الضوه
انت البسمله. يالشانك عِله
من رب العُلى يالاسمك دوه
باقي هالذكر. شمادار العصر
من اسمك يمر يسلم عالهوه
ماتمحوا الذكر هاي للتاريخ يدرونه
==========
بعيون النجم منصوب اللطم
عالسبعه الهضم عام وموشهر
يمضحيَّ النفس تبجيلك شمس
هاليوم وامس وبطول الدهر
حاظر والمضه. حزنك ماكضه
اتسَيَّد عالفضه يبجيك الصخر
مصابك فطر اللوح لاماتنشف عيونه
==========
تبجيلك دمه. كل عام السمه
ينصب مأتمه جبريل بدمع
وياه الفلك كلشي ومامِلك
يبجي وكل مَلَكْ لجلك منفجع
جنات العدن والحور إلطمن
والمدمع جرن لطمن عالظلع
طاح بكربله حسين بالعاشر يشوفونه
==========
لعيون الخيم خالقلك خدم
تبجيك بألم شيعه من الازل
قول لخالقك. هالشيعه الك
تبجي لمقتلك وليوم الاجل
طين ومنعجن وي طين الحزن
لمصابك يون للمحشر يظل
بسمك جم علم صار عالدنيا ينشرونه
==========
امحرم لورجع ننصبلك جزع
يالحزن طلع بعيون السُحب
خضر بس بجي مايكفي الحجي
امحرم من يجي يجوي كل گلب
عالدنيا العفه جمرك ماطفه
يالذكرك صفه تسبيح المحب
بوصله العشك صار اسمك هذا مضمونه
==========
اسمك بوصله ويدلي المَلا
القبله كربله كعبه للعشك
ياوجه الصبح عاري ومنذبح
يضماد الجرح بس حبك صدك
والحبك سِلَم الماحبك عدم
والباقي وهم يمك يحترك
واللي يبغض حسين بئجهنم يشعلونه
==========
الشاعر علي النائلي
محرم يختلف عن كل الاشهور
محرم بي ظلع لحسين مكسور
==========
شهر بيه النبي يلطم على الراس والحسره بكلامه
يشوف حسين عاري وليده مذبوح ويذب العمامه
شهر زينب تروح ابلايا عباس وي ضعن اليتامه
رسول الله على التربان ياحيف جن جهلوا مقامه
محرم بي سبيه زينب ادور
محرم يختلف عن كل الاشهور
==========
ايام الشهر بيها الحزن هاج والحسره عظيمه
بالطف جن محمد واكف ايشوف بنته ابلايا خيمه
يسمع للمهر جن صوت ويكول وينادي الظليمه
موت وخوف نار وخيل وسيوف والركضه أليمه
بالطف يامحمد ذبحوا النور
محرم يختلف عن كل الاشهور
==========
بعد لوعة ومصايب قصة أحزان وي ذيج المسيه
ليل العاشر ودمعات الحسين من شابگ رقيه
يزينب جيبي سكنه وكل الأطفال هالليله اذيه
عبدالله اريده بحضني اخليه واشبگنه بإديه
لوطاح الكمر مايبقه اي سور
محرم يختلف عن كل الاشهور
==========
محرم موشهر قصة ذبح صار بحسين وعياله
حته الكاع تنزف وي الحسين من ينزف خياله
بني هاشم ولاظل بيهم اليوم من حسين ورجاله
تالي الشمر ثنه بصدر الحسين شهر سيفه واجاله
رماح اتشيل روس بگطع الانحور
محرم يختلف عن كل الاشهور
==========
محرم ياجرح مايشفه للموت ماتشفه جراحه
ولازينب يشهر النوح والاه بعد ماتلگه راحه
ايامك عدد وحسين مجروح ماتنعد جراحه
ياشهر الألم والحسرة والاه ياشهر المناحه
بالسبعه الحزن كل عام منشور
محرم يختلف عن كل الاشهور
==========
الشاعر علي النائلي
https://youtu.be/7KNHMNQoZIk?si=DClH4hDLFrbcS0Yp
Читать полностью…
يمته ابوصالح يدك الثايه
وبالبقيع هناك يرفع رايه
==========
الكاع ملك اهلك يمهدي هالملك
والبشر ذرة ترب ماتمتلك
بابه مسدود البقيع ومايفك
والحجي يطول وألمنه هوايه
==========
ظلمه كاع اهلك ولابيها ضوه
والكبور وي الترب صارت سوه
كوم يالمهدي وأخذ بيدك لوه
والنواصب بيها سوي سوايه
==========
بيدك اتشيد المناره من ذهب
ابدال ذاك الترب عَلّيها القبب
والبقيع ايصير ايه من العحب
ظلمه هسه وانت تدري بهايه
==========
راية العباس أخذها بيمنتك
عالشريعه هناك ظلت رايتك
للبقيع اتعنه واكصد طلبتك
غايتك يمهم تسوي قرايه
==========
يم ابو محمد مواكبنه تروح
والروافض توصل لگبره وتنوح
بلكي يالمهدي تخف بيه الجروح
موكب بكبره يوزع مايه
==========
للفرج مفتاح معروف الصبر
موبعيد ان شاء الله هذا الامر
غرقدك تبنيه يالمهدي وتمر
والبقيع يصير بيدك رايه
==========
الشاعر علي النائلي
قبور ابلا مناره. الگلب مشتعله ناره
تحسرنا وبجينه تمنينه الزياره
==========
مايهده الگلب مايطفه جمره
مهدومه القبور وجنها صحره
طاحن عالارض طيحت اليسره
ماشفنه عليهن رايه حمره
َيويلي ابلامناير. أأئمه ابلايا زاير
مثل ضعن السبيه قببهم هم أُساره
==========
ممنوعه الزياره اتزور الاطياب
وحشه كبورهم مابيها احباب
والزاد المصاب الفوگ الامصاب
بدل ماتنبني سوهن تراب
قبور ومابنوها. النواصب هدموها
ابوصالح يجيها يشيدها بفقاره
==========
تظل بكل گلب للموت هضمه
قبور ال النبي ياوسفه ظلمه
والزاد الألم بالگلب لجمه
الهدمها مسلم يحسبونه زحمه
بلا دين وديانه. بعجل خان الامانه
هدمها وبيها صرح علنها بكل جداره
=========
اليطب ايزورهم يتعنه الإگبور
يلكه الشمر واكف وسفه ناطور
البقيع ابلايا شيعه والله مهجور
الظلام بيا وكت يتعلئ عالنور
حرسهم تالي ظِلاّم ولد حَرّاك الاخيام
البقيع وظلمه ياحيف. ولايطلع نهاره
==========
البقيع تصير جنه بمر الاسنين
لبو محمد تروح الزارت حسين
مشايه ومواكب الها ماشين
ونزور الصادق وكبر ام الإبنين
وابو الباقر نزوره. نروح انشم عطوره
ذهب كل المناير الگلب طال اصطباره
==========
الشاعر علي النائلي
الليله الامصاب يشيعه. الليله الامصاب
==========
الأرض ضاكت والفضه
الليله راح المرتضى
راح منهو يعوضه
الليله تبجي الرافضه
داحي الباب نودعه. داحي الباب
==========
صوت من سابع سمه
اجت تبجي فاطمة
الليله حظرت مأتمه
بكل كتر شافت دمه
ذكرت الباب مصيبه. ذكرت الباب
==========
الليله زينب بس تون
اخ شمسوي الحزن
ولعلي زينب تحن
علي الليله يندفن
فكد الاحباب ضهدها. فكد الاحباب
==========
الحسن يبچي ومختنگ
الليله گلبه محترگ
وي علي من يفترگ
مايصح ملگه صدك
بالگبر غاب يفكده بالكبر غاب
==========
نزفت عيون الحسين
بويه رايح بويه وين
ياامير المؤمنين
بگلبي نار الفاگدين
جمر لهاب يبويه. جمر لهاب
==========
عالجرح زادت جروح
الليله ابوفاضل ينوح
من البجي طلعتله روح
بيرغه بالهم يلوح
هالحزن جاب زمانه. هالحزن جاب
===========
الشاعر علي النائلي
تهدمت والله أركان الهدى
هاليله جبرائيل ناده بالسمه
تهدمت والله أركان الهدى
بمحرابه ظل مطروح حماي الحمه
تهدمت والله أركان الهدى
شيبه الكريم اتخضب بفيض الدمه
تهدمت والله اركان الهدى
ضربت علي ايد اللئيم الناقمه
تهدمت والله أركان الهدى
==========
ركن الهدى بوكت الفجر كله انهدم
تهدمت والله أركان الهدى
والدين بانت كسرته اليوم انثلم
تهدمت والله أركان الهدى
بعمامته وبلحيته وبوجه دم
تهدمت والله أركان الهدى
بن ملجم بحقده لعلي الليله انتقم
تهدمت والله أركان الهدى
==========
فرحت قطام بوكعتك ياابا الحسن
تهدمت والله أركان الهدى
نعرف ابد ماينصح وياك الزمن
تهدمت والله أركان الهدى
مَنْ لليتامه الظلت ابلايا وطن
تهدمت والله أركان الهدى
حته السموات بوكعتك هم بجن
تهدمت والله أركان الهدى
==========
اظلم نهار الكون ماشفنه الضوه
تهدمت والله اركان الهدى
وبطبرتك خايف يهب حته الهوه
تهدمت والله أركان الهدى
مايشفه جرحك مايفيده ايي دوه
تهدمت والله أركان الهدى
گلب العقيلة بوگعتك حيل انجوه
تهدمت والله أركان الهدى
===========
الشاعر علي النائلي
طاح إعضيدي وراح من ايدي
راح العباس. راح العباس
==========
بالمخيم واني حسيت الجراله
گلبي يعلم بالاخو يعلم بحاله
طاح گلبي بطيحه اليمنه وشماله
بعد يرجعلي ابو فاضل محاله
راح الغالي شصار بحالي
راح العباس راح العباس
==========
طلع گلبي ويسبگ إجدامي التعثر
انخطف لوني بوكعته ولوني تغير
كبل ظهري گلبي حسيته تكسر
وحالي من راح الاخو للصخر فَطّرْ
اتغير لوني. بدمع عيوني
راح العباس. راح العباس
==========
جم عثره تنعد بالدرب لمن وصلته
الجبل ذاك منحني عالكاع شفته
مديت اديه اعل الكمر بلهفه شبكته
سولفنه بس بلاحجي والدمعه سكته
تجري دموعه بگلبه اللوعه
راح العباس راح العباس
==========
خليت راسه بحضني ودموعي جريه
وأخذ راسه من ايدي خلاه عالوطيه
يابوفاضل كتله خليّ بين اديه
كلي عذرا سيدي يبن الزجيه
نَزّلْ راسه بدمع احساسه
راح العباس راح العباس
=========
من اغمض إعيوني گلي وراسه فاير
عالتراب ايطيح راسك واني حاير
يبن ابوي وراسك اتگطعه البواتر
وصدرك اترضه تره رض الحوافر
بنزف اجروحه طلعت روحه
راح العباس. راح العباس
==========
مابعد عندي اخو ظليت وحدي
للمخيم رد فقط دمعي اعل خدي
گلب زينب بيش اصبره وبيش اهديّ
يم ابو فاضل اظلن جان ودي
إتلَگي حسينج زينب وينج
راح العباس. راح العباس
==========
الشاعر علي النائلي
ليلة مولاي مسلم ابن عقيل عليه السلام
ودعته وكسر ظهري ودعني بدمع يجري
وداعي كاسر حسين وداع ايشيب العين
==========
توادعنه بدمع وابونه وبحسره
وداع اخوه بدموع اتفطر الصخره
شبكني حسين ويلي وخنكته العبره
ومشه خطوه واشوفنه لزم ظهره
لازم ظهره واتحسر واتغير ابو الاكبر
راحت ذيج الإسنين وداع ايشيب العين
==========
وكفنه ابلا حجي ويسولف المدمع
ونين حسين والله بگلبي ظل يشلع
الصبر من هل وداع اللي جره يجزع
ابو السجاد شيبه برمشه ظل يطلع
رمشه من القهر شيب طوله كبالي جن حدب
كاسر گلبه الاونين. وداع ايشيب العين
ودعته وكسر ظهري
==========
هوينه اعل الأرض واحد شبك واحد
يعين الله گلب كلمن اخو فاجد
انكسر ظهري يكلي ودمعتي شاهد
مثل عباس تكسرني اضن رايد
يگلي ويحجي بالكوه. تصعب فرگة الخوه
نار الفركه نارين وداع ايشيب العين
==========
يبو السجاد گتله كفكف ادموعك
فدوه اظلوع مسلم خويه لظلوعك
اليهم مسلم يبو السجاد موضوعك
بالطف اعتذر من يطفن اشموعك
فدوه لعينك اتگطع مااريد بذبحتك اسمع
لذبحك خويه ناوين وداع ايشيب العين
==========
بطلنه دمعنه والحجي اتغير
من حظرت حميده وشافت المنظر
يبويه تكلي شنهو إيّبَجي ابو الاكبر
عمي ليش يبجي ويمك اتحير
حاير بنتي من سئلت سكته ودمعتي هَلّتْ
ناوين اعل السفر وين وداع ايشيب العين
==========
بجت يمي حميده وهدمت حيلي
يبو السجاد خويه افزعلي ياويلي
اخذ مني حميده خويه وادعيلي
بوداع إعزاز گلبي مانمت ليلي
ليل الفركه مانمته گلب اعزازي فاركته
اصفك تالي جفين وداع ايشيب العين
==========
الشاعر علي النائلي
ليلة مولاتي ام البنين عليها السلام
بين السفر وعيونك الموت
يكضي العمر من تمشي تابوت
كابوس. محبوس. بالروح
والدار. جن نار. لتروح
==========
هذا السفر وين عني خذاكم
ام البنين تموت والله وراكم
ماخذ عيوني وياك عميه بجفاكم
اشتم حزن ومصاب سافر هواكم
اشهك حزن واتنفس فراك
تجوي ييمه نار الاشواك
ونيت. ناديت. بالنوح
والدار. جن نار. لتروح
==========
سار الضعن راح بيتي تهدم
درب المشه بيه انظرله بي دم
تابعت الدرب زين من ضيمه غيم
لني اشوف حسين بالطف تألم
من ايدي احس وليدي ضاع
مثل السفينه ابلايا الاشراع
ياحيف بالسيف مذبوح
==========
سدد البين اسهام. والهم رماني
صوب دليل الروح بگلبي زماني
مني خذاك البين يمه وعماني
حالي بغيابك صار ميته تراني
رحت وعفتني بغربة الدار
ظلمه حياتي وگلبي بالنار
محزون هالكون. واللوح
==========
روحي يفتها الويل. ومسبله اديه
ليليه اموت بنار. بعدك عليه
اتحسر عليك هواي يبن الزجيه
واتكرب بكل يوم صوب المنيه
بلكت اشوفك تحجي الدموع
لكن اشوفك محني الاظلوع
مقهور. مكسور. مجروح
==========
ليليه اطفي الدار واشعلها روحي
بس النفس ظليت سلاني نوحي
طاف الهضم طاف بكعبة جروحي
مثل الجبل طاح هدم سفوحي
افراكك ييمه يهدم الحيل
حته النهار بغيبتك ليل
ويلاه. الدم اه. مسفوح
==========
ابيتي النجوم اطيح اتون اعل حالي
وبفرگة الغياب هذا الجرالي
كل فكري ظل وياك سارح خيالي
نجم الظهر جاي شصاير حجالي
يرويلي حالك ينقل امصاب
ابنج ذبيح وظل عالتراب
عطشان. ذبلان. مطروح
==========
الشاعر علي النائلي
نزلة عزاء ( أنصار الحسين)
ينعد الواحد بألف. أنصار الحسين
اختارهم وين الكلف أنصار الحسين
==========
همه موسبعين وأكثر طبوا الطف وتعثر
ينعد الواحد معسكر بالطفوف انصاره
داروا اعل الجيش داير والمعسكر كله حاير
القاده وكفت بس تناطر مابديهم جاره
طبوا وبانت علايم بيها داسوا عالجماجم
ماكو واحد طلع سالم منها هاي الغاره
الرايه بالطف من ترف أنصار الحسين
اختارهم وين الكلف أنصار الحسين
==========
صاح بيهم ابن ظاهر. وينكم وين البواتر
من جثثهم سوه ساتر والطفوف الشاهد
من خزرته ومره سيفه اخذ منهم والله حيفه
رعب بالطف صار طيفه ماشرد اي واحد
قارعه سيفه وزلازل. موت بالطف صار نازل
مدد صاح من ابوفاضل بالنصر متواعد
نزل بالكاع الخسف أنصار الحسين
اختارهم وين الكلف. أنصار الحسين
==========
خطه عالجيش وقتاله ماشرد واحد محاله
العسكر بحال انذهاله بين حيرة وموته
ناس ماتت حين نزلوا ناس حارت وين طبوا
سكته صارت كعده ماتوا كلمن بتابوته
الظال واكف هذا خايف لاهو كاعد لاهو واكف
هاي روس اطيح شايف سكت واخرس صوته
الدمه من عنده يجف أنصار الحسين
اختارهم وين الكلف. أنصار الحسين
========
بن سعد بالجيش ناده جنود ماخلو وقاده
لربع الحسين القياده يبن جوشن وينك
ياشمر رايد احشمك وين جيشك وين زلمك
كاع ماتلحك تلمك الحجي بيني وبينك
السره واصل موت النه اشرد وعني تدنه
يبن جوشن هاي محنه حين ترمش عينك
جفن الهم مايرف. أنصار الحسين
اختارهم وين الكلف أنصار الحسين
==========
ياعمر حيره وجبيره مانفع رأي وبصيره
لونزل بدر العشيره. براي حطني بهايه
وي الأنصار بنزوله لونزل سيد الرجوله
مات جيشك مادنوله وأخذ مني حجايه
كباله زلمه شلون يثبت ويده عالسيف إويّثَبتْ
حجي كافي بهاي اسكت اجه ودك الثايه
سيفه عنك مايعف. أنصار الحسين
اختارهم وين الكلف. أنصار الحسين
==========
الشاعر علي النائلي
نزلت عزاء ( عكيلي)
يابويه ابنيتك حاجيها
==========
عفت ابنيتك يابو الغيره
بين اللوعه وبين الحيره
ظلمه خلافك بويه الديره
تندب بإسمك لتجافيها
==========
بس الدمعه خلافك عندي
ظليت ابلا اب اووحدي
دمعي الينزل دم ابخدي
روحي الضيم إيسليها
==========
جن شمعه وظلت محترگه
تجوي خلافك نار الفرگه
والنسمه بلاوجهك مختنگه
فراكك يحسين العاميها
=========
ياغيمه وراحت وانتظرك
كاع امالي اتريد اتخبرك
يابس غصني ولاميسرك
صحرة امالي امخليها
==========
ياشمس وتضوي اعل ايامي
رحت وعشت انه بآلامي
ياطيف انتظرك بأحلامي
ياطيف الغالي اتراويها
==========
يمسافر يامبعد عني
كل ماتبعد تسمع وني
ماايس مااكطع ضني
روحي اتحن وتدريها
==========
الشاعر علي النائلي
ليلة مولاتي عليلة الحسين عليهم السلام
رحت عني. إنگطع ضني
يبو السجاد انسمع وني
شاب الراس والانفاس يالغالي
=======================
من رحت تدري. منحني ظهري
وكت السفر ظهري كسرته
للهوه اسأل. والدي حَمّلْ
كلي مشه لمن سألته
صحت تانيني. لاتخليني
ضعن الشمس تالي فگدته
اصفك بإيدي مبتعد عيدي
بمجرئ الدمع شخصك رسمته
الحزن حصتي. الدمع قصتي
الألم بالروح. ايا غصتي
غصه الويل. وي الليل. وإبالي
==========
ابيتي بس غربه. بلاابو صعبه
الفاكد ابو عمره خساره
والدي يمشي. بلاطعم كلشي
الميت شنو نفعه انتظاره
شيبت رمشي حظرت نعشي
عمري جن طال اصطباره
علتي السفره. دمعتي حمره
عمري صفه أظلم نهاره
الظلام يكول. الغياب ايطول
الهموم اجبال. بعد متزول
غاب الجان. بالشريان. دلالي
==========
بعدك اشحالي. والهوه خالي
وابلا هواك اتنفس اشلون
بويه يعيوني. ذبلت اجفوني
ثكل المصايب هد المتون
ابلااخو واختي. اشحالي وي علتي
هلبت يبو اليمه تردون
أسأل عليه. مشيبه محنيه
ليش بعليلتكم تگطعون
الفكد جتال يشيب الحال
إعل روحي هموم. يبويه اشكال
ماينزاح. ماارتاح. وشحالي
==========
فاركت اهلي بالعمر شلي
الفاكد هله تكثر جراحه
الظلمه البداري ليلي وإنهاري.
انهاري ولايطلع صباحه
سلوتي دموعي. حزني موضوعي
ماينخفي صوت المناحه
طفله ومشيبه. ياهلي صعبه
بالدنيا ماشفت انه راحه
العمر لوعات. الابولومات
اليتم مكروه. اله لجمات
صار الصار. والاعبار. تحلالي
==========
لون عبدالله عندي جاوالله
يخفف مصابي وجمر الامصاب
يخفف الحرگه. حرگه الفركه
لاموسهل من تمشي الاحباب
اكعد احجيله. يبجي وابجيله
عبدالله تدري شسوه الاغياب
روحي سلوها. تدري خلوها
حكه الگلب عبدالله لوشاب
الورد عطشان. تره وحيران
بدون الماي. الورد ذبلان
صاح بصوت بس الموت. آمالي
==========
سلمت أمري. لربي ولصبري
رغم المأسي ورغم الآلام
تكتل الوحشه. عثره بالممشه
تعبني بويه جور الايام
جمرتي بصدري. بيه هم تدري
ناري شبه من نار الاخيام
الونه مسموعه. غيمة اللوعه
تمطر عليه هموم الاسهام
جبت تابوت. واصيح بصوت
بدون حسين اريد الموت
موت الروح. للمجروح. اشوالي
==========
الشاعر علي النائلي
توبة خادم
نادم اجيتك. رحمة لگيتك
يااباعبدالله. يااباعبدالله
==========
انت السفينة سيدي واني البدونك غركان
ومثل الشرب ماي البحر كل ماشرب ظل عطشان
يوميه اتوب ارجع وأرد ويوميه اكولن ندمان
اسود وجه من الذنب لكن اجيتك خجلان
رايد نظرتك. عطفك رحمتك
يااباعبدالله. يااباعبدالله
==========
متفضل عليه شكثر واني النكر هالأفضال
منك شفت كلشي حلو مني بِدَرْ سوء اعمال
ماينظم عليك الوضع وانت اعرف بهذا الحال
كبرن ذنوبي وخضرن وذنوبي بمتوني اجبال
شايل ذنوبي. تدري بعيوبي
يا ابا عبدالله. يا ابا عبدالله
==========
يارحمة الله الواسعه وباب لنجاة الوادم
واني اعتنيت لحظرتك يابو المحنه ونادم
ماحاجه احجيلك ابد بيه انت ادره وعالم
واني ارتجيتك سيدي( من باب عندك خادم)
الوادم تذلني. وانت القبلني
يا ابا عبدالله. يا ابا عبدالله
==========
وبصحرة اذنوبي ذبل گلب اليحبگ تالي
وتخظر امالي مطر غيثك يخظر ابالي
ماعندي بالدنيا فقط بس انت حبك غالي
ياكلشي بالدنيا الي وانت الصرتلي والي
ضمني بحنانك. برحمة جنانك
يا ابا عبدالله. يا ابا عبدالله
==========
تحسبني هالوادم الك خادم تعرف احسابي
بس للاسف زايد رحت سودت بيدي اكتابي
بس بالأسم من انحسب گلبي اسود من إثيابي
منك ابد مااستحي يحسين هاي اسبابي
اه يافشلتي. اه ياخجلتي
ياابا عبدالله. يا ابا عبدالله
==========
يابو علي هنه شكثر ماينحصن وهوايه
زلاتي بدروب الخطأ والگلب تيه رايه
لاجن طلب منك ردت توكف ردت ويايه
توفقني اترك كل ذنب يمك عگدت الرايه
هذا اعتذاري. وبگلبي ناري
يا ابا عبدالله. يا ابا عبدالله
==========
الشاعر علي النائلي
بدايات الهوئ. حسيني الولاء
يالحبك دوه يانسمة هوه
==========
يحسين وانت النعمه يااول واخر كلمه
للعالم انت الرحمه. يمثبت الدين
ياساس الحب الحبك. للموت ايظل بدربك
محد بالدنيا ايشبهك. بس انت يحسين
يانور الافق العلوي. للعالم انت التضوي
ياجنه وحبك يجوي بحبك مجنونين
صريع بنينوئ الك هذا الاسئ
انت القل هوه يانسمه هوه
==========
نور الرب الدلانه. انت الحب وعنوانه
الباري لأجلك خلانه. شيعة ونفتخر
بالذر من سوانه. رب الخالق اكوانه
خدامك من سمانه. يالحبك جمر
الباري بخلقه لكونه لجل حسين ولعيونه
العالم كله ومضمونه. بجفوفك يفر
خلودك والبقاء إللهك واصطفاه
منك هالضوه. يانسمة هوه
==========
قاموس الحب واسراره. حبك ماتبرد ناره
زار الله كلمن زاره. نوصله المهم
نوصل وانت اتدلينه. حبك هو اينجينه
منعوفك ايي تدرينه. وحجاية زلم
وياك شمحله العِشره خدامك يبن الزهره
ياعِبره وانت العَبره. مولانا ونعم
عهدنا الوفاء يباب الرجاء
يالطولك لوه. يانسمه هوه
==========
قبرك فردوس الأعلى. الحب لغيرك مايحله
من انخدمك نتعله ونحصل اجر
انت البيت وحجاجه. جاءت للحج افواجه
يابحر العطف امواجه. بأفضالك تدر
ياقطب الكون وساسه عالدنيا يفيض إحساسه
علينه يوزع انفاسه ونعيش العمر
نعيش الدهور لدمائك نثور
كل شيعي انجوه يانسمه هوه
=========
خطك ثورة إنسانيه بالقدره الربانيه
الدنيا لآجلك محنيه. بالعاشر جرح
عالي وراسك بالسبعه نترجم حبك بالدمعه
وحسين اليعرف ربعه ويطول الشرح
حته بذبحك ماتنصه للسيف بنحرك حصه
ظلت بالكون الغصه من يوم الذبح
روايات الدماء. تبين بالسماء
جسمك من هوه. يانسمه هوه
==========
يانجم الكون الساطع ياصوت الحق السامع
يابن الأول مورابع. يبن الكرار
الباري وسخرلك كونه هذا حسين تخدمونه
وحسين أمن تزورونه. لعرشي زوار
الباري وحَبك هنيالك. حباك ورافع شانك
يالماتخلص احزانك. قائد ثوار
مصابيح الهدئ. ينوراً للدُجئ
گلبك ماروه. يانسمة هوه
==========
الشاعر علي النائلي
هل محرم وانت وين. تبجي يم كبر الحسين
تبجي عالخد التريب. يابوصالح ياغريب
يابوصالح. يابوصالح
==========
كاعد يبوصالح تون ياسيدي بوسط الصحن
ودموعك النزلن دمه من ارسومك اشكد غيرن
جفنك ذبل من البجي انت الغريب ابلاوطن
حزنك تربع عالگلب بيك المصايب خضرن
كاعد اتون ياجريح امجانك ابصحن الذبيح
انت بالحظره وقريب. يابوصالح ياغريب
==========
هلال المحرم من يهل للطف احزانك تحدي
للصحن تدخل منحني ياسيدي يالمهدي
تخلص الدنيا وتنفني كل يوم جرحك يبدي
بگلبك توج نار الهضم وتصيح اه ياجدي
انت بالصحن الشريف بعينك تشوف النزيف
وجه من دمه خضيب. يابوصالح ياغريب
==========
بسرداب غيبة همك بالصحن انت الحاظر
عينك تصب دم بجفن. شايف مآسي العاشر
يالعاشرت ون الگلب عشرة ونين معاشر
ملجوم من طف كربله. بگلبك يلجمك حافر
حافر الصاب الدليل دمعتك من دم تسيل
عالرمل جدك سليب يابوصالح ياغريب
==========
انت الگلت ياسيدي ابدال الدمع ابجي دمه
عاللي كضه يم النهر. گلبه يبس من الضمه
اندب مسه ومصباح اون. ويايه تبجي فاطمه
حيلي انهدم طولي انحنه. شيبي كثر شوفي انعمه
مشيب ومحني الظلوع. بگلبك النار وتلوع
ربي صبرك يامجيب. يابوصالح ياغريب
==========
منهو اليواسيك بجرح من يشعر بحسراتك
مثل الخيم من تحترك ماتطفي ابد جمراتك
بصحن الكمر لمن تطب تشبع بجي لعماتك
جم اه يم راس الكمر يسمع ونين آهاتك
تنزف جروح وحنين. ياللي عمرك بس ونين
الطفل من ونك يشيب يابو صالح ياغريب
==========
المشهد تشوفه بكل مسه خيل الترض ابصدره
تطحنهن ظلوع الصدر. وتساوي صدره وظهره
مكطع على الغبره ويون. يالمهدي ابن الزهره
متوذره اوصاله وذر ترست اوصاله الصحره
موذر وضامي ويصيح وگلبه يالمهدي جريح
جرح جدك مايطيب. يابوصالح ياغريب
==========
الشاعر علي النائلي
بسم الله الرحمن الرحيم
والصلاة والسلام على محمد وآل محمد الطيبين الطاهرين
الحمدلله رب العالمين على عظيم فضله ومنته وإحسانه
بعد التوفيق والسداد من الله وساداتي ال محمد قريبا ان شاء الله سوف ابدأ بنشر منهاج محرم الحرام لهذا العام
https://youtu.be/bzR_ExAHmWY?si=JqYwSx2TtjAsyYqB
تمنينه الزياره
🎤 باقر الكناني
🖊الشاعر علي النائلي
ليش البقيع بلاضوه علينه الدروب بعيده
يالمهدي بس انت التجي وانت الضريح تعيده
يبو صالح نريد البناء الهم تعيد
وانت الضريح تعيده
==========
الغرقد هواي انظلم الناصبي بهدمه حكم
وهدم اگبور البقيع ابلاجنايه
ظلمه مابيهن ضوه عالگبب مارف لوه
الغرقد ابلايا ضريح وماكو رايه
تراب خلوها القبب. بله ليش بياسبب
وهيه كل قبه تره بالكاع ايه
مارادوا الشيعه تجي هذا البقيع اطوفه
لكن وعد جنه عدن هيج الضريح انشوفه
رجع يهدم يزيد. البناء الهم تعيد
وانت الضريح تعيده
==========
بدعه كالو هالححي. منعوا علينه البجي
كالوا تعبدون الگبور المصيبه
هدموهن بالعناد. والألم يالمهدي زاد
گبور للدنيا ضوه لكن غريبه
گلوب عاميها الحقد. منعت انشم الورد
والگلب مايطفه من جمرة لهيبه
جمر الخيم لاماطفه نار الگلب لهابه
باب الحسن من ينفتح تركض ركض احبابه
الزمن كلش عنيد. البناء الهم نريد
وانت الضريح تعيده
==========
ينفتح باب الحسن. واسع نشوف الصحن
مثل صدره الواسع الينگط محنه
نزوره ويزول التعب كبره ايه من العجب
وگبره للزوار يصبح أحلى جنه
كبره لمن ينبني ينسه همه اليعتني
وهيج اله زوار يالمهدي انتعنه
رايات اله من كربله نطلع اله مشايه
ناخذ ترب من الصحن وناخذ اله جم رايه
نناطر هالوعيد. البناء الهم نريد
وانت الضريح تعيده
==========
لعلي السجاد الوطن. بيدك اتشيد الصحن
درر ياقوت وذهب تبني المناره
اباب ابوالباقر أثر. هذا خط المنتظر
يابوصالح بيدك اتخط الزياره
الظلمه بيدك تنكشف والحق اهله تنعرف
ويرجع الحگ لهله يرد اعل داره
قبة وصحن مدالبصر لكبره الأرض ماتكفي
ساعتها يفرح كل گلب نور الصحن مايخفي
لعدد زواره زِيْدْ. البناء الهم نريد
وانت الضريح تعيده
==========
من تجي يمه بالم الباقر الگبره انهدم
راوي قصة كربله بدمع المناحه
يسولف وانت استمع بعينك ايخلص الدمع
كل حياته وهم مماته ابلايا راحه
بغربه كبره بهل بلاد. انت لجروحه ضماد
بثار كبره وثاره ايطيبن جراحه
جرح السبي باقي أثر عاد الجرح بالغربه
هدموا كبر ابن النبي يالمهدي هاي الصعبه
الحجي هواي شنعيد. البناء الهم نريد
وانت الضريح تعيده
==========
بعد كبر اتاسسه. قبر أعظم مدرسه
الصادق بعلمه تفضل عالبريه
تبني كبر ام البنين يابوصالح بالونين
من هنا تكتب كبر هاي الوفيه
من هنا كبر الوفاء. لوحه تشبكها السماء
ضحت بذاك الكمر نجم الثريه
الضحت كمر تنزف ضوه شَيّدْ كبرها بإيدك
يالمهدي ام الاربعه تحظر كبرها تريدك
قريبا موبعيد. البناء الهم تعيد
وانت الضريح تعيده
==========
الشاعر علي النائلي
https://music.youtube.com/watch?v=HIyEA-5HkYk&si=v964Ax5OrP_shjGK
بيدك تشيع والدك
أداء الحبيب زيد الساعدي
الشاعر علي النائلي
مولاتي الحوراء مع مولاي أمير المؤمنين عليهم السلام
عفتني وكربله هواي. عطشت وشوفتك ماي
بعد ضيم الشريعه وتل الامصاب
يبو تراب ودخيلك من الإتراب
عفتني وكربله هواي
==========
بيتي انت. وانت سگفه وانت روحي
بويه تسمع صوت زينب. هذا نوحي
يبو زينب عفتني لضيم الايام
بعد عاشر وراي ولوعة الشام
مثل بابك يبويه اتوج الاخيام
عليَّ دنياي باجر تمطر اسهام
عفتني ابين شمات. بخرابه زينب تبات
نتيجه غيبتك معروفه الأسباب
يبو تراب ودخيلك من الاتراب
عفتني وكربله هواي
==========
جرح راسك من نظرته شفت جم راس
هناك مگطوع راس الحسين. وراس عباس
دخيل الله المصيبه اتگطع الأنفاس
اخوتي اعل الثره بالخيل تنداس
مااوصف المصيبه صعبه تنقاس
والاقسئ طَلِعتي ابين الارجاس
اشوف بكربله الويل. بخوتي تعثر الخيل
ماحافر خطه بالسحكه ماخاب
يبو تراب ودخيلك من الاتراب
عفتني وكربله هواي
=========
امدد اشلون. يمك حسين مغمض العين
وحدي اني. حايره شلون. بوكعة حسين
انه حرمه وصعوبه اطلع شلون
اتاني الليل يوصل واعثر بعون
ياخذني الگلب موشوف العيون
مااهتم ابد لسياط الامتون
يريتك حاظر وياي. نسوي لإبنك افياي
يبويه حسين جسمه من الشمس ذاب
يبوتراب ودخيلك من الاتراب
عفتني وكربله هواي
==========
حيل كلفه. طلعت الليل. واني حرمه
سكته صارت. ياعلي شلون. الدنيا ظلمه
يليل الوحشه بويه يشيب الحال
وأخذ مني النهار بكربله ارجال
تموت الكلمه اول لحظه تنگال
أريدك ياعلي ومال الحمل مال
يبويه وحملي مطروح. واخوي گبالي مذبوح
ياكلمه ابويه الحلوه تنجاب
يبو تراب ودخيلك من الاتراب
==========
من تسافر. ليه ارجع. مرني ارجاك
الكوفه شمات اني اجيلك. واحجي وياك
اطب الكوفه بويه وغربه الابيوت
موش بحبل جفي مجتفه الموت
اصيح بصوت ها يالتسمع الصوت
ماتلحك عليه وفايت الفوت
اعاين صفنت الدار. يتامه وكلهم ازغار
جرح فگدك يبويه والله ماطاب
يبوتراب ودخيلك من الاتراب
عفتني وكربله هواي
==========
الشاعر علي النائلي
ماكو شمس وكت الصبح ظلمه وضواها منذبح
أصعب فجر يوم الجرح. جرح الأمير
==========
ليل وسواده اشتد جرح منه الفجر ماكرب
واختل نظام الكون إله بمحرابه حين اتخضب
ماكو سهل كلشي رعب بيه الوضع مايصعب
بالكون شنهو ايصير إذا ينزل دمع من زينب
ايهز الفلك دمع اليتم. والباري لجله ينتقم
واقع نشوفه لوحلم. جرح الأمير
==========
اتلثم نهار الله ورجع تموت الشمس مجبوره
شافت علي ودمه جره هامة علي مطبوره
والريح دارت كل كتر ادور دوه ومعذوره
وأم الجمل سجدت شكر ونذرت بهايه انذوره
سجدت شكر من انطبر. ياويلي من هذا القدر
والشافه يبجي وماصبر. جرح الأمير
==========
مطرت حزن يوم الجرح والضيم فك إلثامه
والدين يبجي وماسكت طبروا ركن اسلامه
وجهه علي اصفر صبح والطبره وصلت هامه
لوسكتت الدنيا صبر جيب اليسكت أيتامه
رد ويون بس ياحيف وبراسه ظل سم السيف
واعل البصر مرجالطيف جرح الامير
==========
جابوا علي لداره ورجع والموت اجه بذياله
عن يمنته جان الحسن وحسين عن اشماله
من شافته ام الخدر ومن عاينت لحواله
مخطوف لونه من الألم زينب تصيح شماله
شافت على بس مخطوف واكف گلبها من الخوف
ظلت تصد شنهو تشوف. جرح الأمير
==========
الكون التمدد لوعلي وجرحه وصل لعيونه
بعمامته جرحه الصعب رادوا إله ايشدونه
نصين راسه منجسم ماكدروا ايلمونه
كل ساع حيدر ياخلك كاموا تره ايجبلونه
عين لحسن عين حسين. كل ساعه زينبكم وين
مابطلت دمع العين. جرح الأمير
==========
الشاعر علي النائلي