987
صلة رحم خدمتي وياكم لوعفتكم بله وين الكاكم صرتوا اهلي وكلشي اليه اعز من روحي عليه للتواصل مع خادم الزهراء عليها السلام الشاعر علي النائلي يرجئ التواصل علئ الرقم 07828746369 تلگرام - واتساب
عود زينب شال عنها بهل فجر
وعگبه زينب حايره ابلايا ذخر
==========
عنها ابوالحسنين شال ومارجع
ودمع زينب لحظه بعده ماگطع
وگلب زينب والله ياناس انشلع
بعد المن ياعلي من تنتظر
==========
ياللي تارسها بحنان وغيرتك
صعبه زينب حين شافت طبرتك
اه ماتكدر يبوها لفرگتك
اغيابك ايشوفها نجمات الظهر
==========
ياسفية هم سرت وسط الجروح
وارست بساحل مدامعها وتنوح
اشراعها الليله نوه عنها يروح
وهبت عليها رياح من العسر
=========
شمسك انكسفت ولاشافت ضوه
وزينب إخلافك يأذيها الهوه
لطبرتك جابت مدامعها دوه
وتمسح الطبره على بجف الصبر
==========
انت للأيتام ياحيدر دفو
وزينب الليله يبوها ابلا ابو
بله بالدنيا بعد شلها وشنو
وعلى غيابك گلي ينفع ياعذر
=========
طه ياسين الحمد تبجي القصص
مكبعه بهمها وعمرها بس غصص
تخلص الدنيا وحزنها ماخلص
بس حزن ومصاب شيگضي العمر
==========
الشاعر علي النائلي
ماكان لله ينمو
انطلاق البذره الاولئ لمشروعنا الانساني الخيري لجمع التبرعات الخاصه بعمليات زراعة الكلئ والنخاع الشوكي لمساعدة العوائل المتعففه في مدينة الديوانية قضاء السنيه
.بًسِمً آلَلَهّ آلَرحًمًنِ آلَرحًيَمً
قال تعالى:-(إِنَّمَا الصَّدَقاتُ لِلْفُقَراءِ وَ الْمَساكِينِ وَ الْعامِلِينَ عَلَيْها وَ الْمُؤَلَّفَةِ قُلُوبُهُمْ وَ فِي الرِّقابِ وَ الْغارِمِينَ وَ فِي سَبِيلِ اللَّـهِ وَ ابْنِ السَّبِيلِ فَرِيضَةً مِنَ اللَّـهِ وَ اللَّـهُ عَلِيمٌ حَكِيمٌ).
ورُوِيَ عن رسول الله(ص)
أنهُ قَالَ: "مَا نَقَصَ مَالٌ مِنْ صَدَقَةٍ ٠
وقَالَ (ص): "تَصَدَّقُوا فَإِنَّ الصَّدَقَةَ تَزِيدُ فِي الْمَالِ كَثْرَةً، وَ تَصَدَّقُوا رَحِمَكُمُ اللَّهُ.
السلام عليكم ورحمة الله وبركاته
بسمه تعالى..
(( #فريق_تمكين ))
هو فريق تطوعي انشأه مجموعة من الشباب المؤمن يسعى الفريق لتمكين المرضى وذوي الدخل المحدود وهو مثال راقي للتراحم بين المؤمنين.
#اهداف_وشروط_الفريق
1️⃣ هدف الفريق هو تمكين الفقراء والمساكين والمتعففين و ميسوري الحال في حالات المرض و مساعدتهم في إجراء العمليات الجراحية الباهظة وغيره قربة إلى الله تعالى.
2️⃣ الحالات التي تُشمل في برامج الفريق هي (زراعة الكلى وزراعة الكبد وزراعة النخاع الشوكي والعمليات الجراحية التي تبلغ كلفتها أكثر من (عشرة ملايين )دينار عراقي والحالات التي تراها إدارة الفريق بالتنسيق مع الأعضاء)
3️⃣ قدر المبلغ المُعطى للحالة المرضية يكون بنسبة (ثلاثة أرباع كلفة العملية) بعد التحقق من كلفة العملية من الجهات الطبية المختصة من قبل إدارة الفريق والاعضاء بشكل دقيق ومفصل.
4️⃣ الفريق التطوعي الخيري (تمكين) غير مدعوم سياسياً أو حزبياً أو من أي جهة أخرى إنما هو ذاتي من قبل أشخاص مؤمنين ثقات همهم الوحيد تقديم المساعدة للمرضى المحتاجين والفقراء.
5️⃣ المشمولون بالمساعدات هم الذين شاركوا في التبرعات أو من يعيلونه مثل الأب أو الأم أو الإبن أو البنت.
6️⃣ في حال تَخلَف المتبرع عن دفع التبرعات لا يحق له المطالبة بإرجاع التبرعات المدفوعة مسبقاً ويسقط حقه من المساعدات.
7️⃣ تُوضع الأموال المجموعة من المتبرعين في البنك وفتح حساب مصرفي بها.
8️⃣ المسؤولون عن جمع التبرعات من المتبرعين هم المعينون من قبل إدارة الفريق حصراً (كل حسب منطقته).
9️⃣ في حال تخلي المسؤول عن إدارة الفريق أو في حال وفاته يُعَين من ينوب عنه بالمسؤولية.
0️⃣1️⃣ مقدار التبرعات في الفريق التطوعي الخيري (تمكين) هو( عشرة آلاف )دينار عراقي لكل ثلاثة أشهر.
1️⃣1️⃣ يتكون الفريق التطوعي الخيري تمكين من مسؤول الفريق والأدارة والأعضاء ..
#مسؤول_الفريق
الاخ احمد الحاج هادي آل علوان
07816038234
#الإدارة
تتكون من ثلاث اشخاص فقط هم
1-عمار نجم حمزه عبد علي الزرفي
0780 539 8783
2-علي كامل سلمان الزرفي
07838403814
3-عيسى شهاب عباس النائلي
07804291296
#والأعضاء
كل حسب منطقته...
1-الدبابجة
علي فاهم عبد عون 07828746369
حسين صبحي علوان07861480781
2-الغوانم2
عقيل جميل كاظم 07811185767
فلاح حسن عبدالله 07838368031
3 -گوام السيد عمران(ع)
محمود حسن كاظم 07807734744
مصطفى طالب علي 07815874417
4 -آل أبو عزيز
ياسر فليح حسن موات 07800295696
حسن جنوح زميل 07838504845
5-آل أبو جبر
وسام إعلان رحمن 07800867600
محمد رضا حسين 07823415916
6-آل معلة أم الدود
كرار مدلول كاظم 07811397072
نهاد گدر حمزه 07830783933
7-آل ابو چامل
محمدرحيم الحلاق 07830818124
عباس جبارفضالة 07808365003
8-آل أبو زامل
علي صبار حسن 07828945699
احمد كريم عبدالحسين 07817278553
9-الغوانم1
محمد غزال 07807512257
احمد سلمان خرمان 07810540005
10- آل أبو لعيبي
مخلص عبد الكاظم 07811813981
زيد مايح حسين لعيبي 07809554642
11-منطقة السيح
حيدر جايش 07803707562
عباس حنش 07801900233
12-منطقة شويخة
سيد هادي العوادي 07812694824
احمد حمزه عبد فلحي07803311421
#ملاحظة...
إن شاء الله تعالى في بداية الشهر
الثالث نبدأ بجمع التبرعات.
الزهره فرحانه وعلي. الليله كل هم ينجلي
مولد حسين. مولد حسين
🌸🌹🌸🌹🌸🌹🌸
شعت انوار الحسين اعل الضوه
بمولده إيقَبلَه اجه حته الهوه
حسين للعلّه صبح هو الدوه
نزل جبرائيل هالليله ونوه
يبارك لحيدر نزل. فرح بي خير العمل
مولد حسين. مولد حسين
🌸🌹🌸🌹🌸🌹🌸
عطره عالكونين هاليله انتشر
گلب فاطم بي بالفرحه ابتشر
اخذ من وجه ضوه طه ونثر
وصارت الدنيا مضويه اعل البشر
بيه فرحانه المهج. هو للدنيا الوهج
مولد حسين
🌸🌹🌸🌹🌸🌹🌸
والملائك نازله تروح وترد
كل فئه بحسين صارت تنسعد
لبيت حيدر جايبه كلها ورد
والفرح هاليوم لازم ينعگد
قائم الليله الفرح. كلشي بالدنيا انشرح
مولد حسين
🌸🌹🌸🌹🌸🌹🌸
سأل فطرس شنو جبريل اشجره
وليش اشوف الدنيا كلها مخضره
گله الحسين انولد للطاهره
صاح اخذني وياك مهده اتنطره
وياك اخذني بالعجل. للمهد لمن وصل
مولد حسين
🌸🌹🌸🌹🌸🌹🌸
استأذن من الله ودخل في حضرته
رجعن اجناحاته طابت علته
اتشكر من حسين نزلت دمعته
والملائك من رجع هم هنته
رجع سالم للسمه. الف شكرا فاطمه
مولد حسين. مولد حسين
🌸🌹🌸🌹🌸🌹🌸
الشاعر علي النائلي
يازينب | محمد النصيري - رابطة رواديد ميسان - وفاة السيدة زينب الكبرى ع
https://youtube.com/watch?v=jmwCSHm8P9o&si=OfrHHksTP9gtgzaY
يازينب
🎤محمد النصيري
✍ علي النائلي
نصبوا المٱتم || الرادود: احمد العطبي || هيئة ملاذ المذنبين
https://youtube.com/watch?v=vmATRYgVou4&si=3af-laqtzgyiJMWc
من عندج شراد الشام. ضيم وسبي وحرك اخيام
يازينب وتالي العمر متي غريبة
محد حظر دفنج تره هاي المصيبه
من عندج إشراد الشام
==========
هذا الاسم شام الالم بزينب يهَيّجْ اللوعه
مثل الذي بخيل انسحك وتسمع كسرها ظلوعه
احمر جفنها ومانشف مالحظه كف ادموعه
موجوعه زينب ياخلگ ميته وتظل موجوعه
مره بسبي مره بأه. مره بغرب واويلاه
مره بعيده بلا اهل وسفه الحبيبه
محد حظر دفنج تره هاي المصيبه
من عندج إشراد الشام
==========
ماتخلص جروحچ ابد مثل المطر والغيمه
مثل الذي ماله احد ويضيع وسط الهيمه
جنح الصبر يمج هوه مثل الحرگ بالخيمه
يابيت ظل بلا عمد كلش سهل تهديمه
لابيت الج لاظل دار. بگلبچ توج هاي النار
متي بلا شك عالهزل مابيها ريبه
محد حظر دفنج تره هاي المصيبه
من عندج إشراد الشام
==========
بالشام الج وكفة عمر عمرج كضاها سنينه
مره اجيتي للسبي ومرة الگلب بونينه
وي راس اخوج وصحبته راح الذي تردينه
ردتي يجيلج للدفن ومنين اخو اتجيبينه
بله اشيرد المذبوح. ظل الگلب بس اينوح
بالشام الج باقي الالم قصة عجيبة
محد حظر دفنج تره هاي المصيبه
من عندج إشراد الشام
==========
متي أظن قبل الاجل فوك الهزل جم مره
مره على التل بالقهر لوعة والم والحسره
شهكة حزن موت وبُعُد وبغربة موت الگشره
ثاري اليفارگ ينذبح ميت يخلص عمره
شفتي ذبح ويل بويل. من عندج شماخذ حيل
شفتي اخيج عالثرة جثه سليبه
محد حظر دفنج تره هاي المصيبه
من عندج إشراد الشام
=========
دربج مسيرة من التعب جان السفر مايرحم
شما يتعب السوط ويكف سوط اللي بعده اتحزم
لكن وكفتي جن جبل صعبة الجبل يتهدم
واختمتي عمرج بالغرب گلبج بقه يتألم
عمرج يزينب خلصان. نعشج يريد الخوان.
زينب اخوها منذبح صعبة تجيبه
محد حظر دفنج تره هاي المصيبه
==========
منهو الينزلج باللحد منهو اليغمض عيونج
منهو اليسويلج عزه يم عون هسه شلونج
تراب الكبر مأتم صفه من شاف لون امتونج
هَوّنْي يزينب بالبجي هايالعقيله بهونج
زينب ولااظن ترتاح. هم الگلب ماينزاح
حكه يشيب كل گلب فارگ حبيبه
محد حظر دفنج تره هاي المصيبه
من عندج إشراد الشام
==========
الشاعر علي النائلي
ظلت جنازه بلا اهل زينب
گلب العقيله بس جمر يلهب
غريبه... عجيبه... امرها العقيله
==========
يَمْ الصبر وبيا صبر محد اجه من اخوانج
عشتي جسد عايف هوه صار الحزن عنوانج
يم عون ابد محد حظر من اخوتج دفانج
بعيونج براسج جرح فوك المتن نيشانج
تانيتي دفانج يجي إتاخر
دفانج ابلا راس ابو الاكبر
وحيده... بعيده... امرها العقيله
==========
يازينب الحره شبعد ذكراج بس طف والم
طفله وطفل نار وجمر وكبالج احتركت خيم
واصعب كسر يَمْ الخدر يم النهر طاح العلم
عباسج الفوك النهر مصيوبه عينه بالسهم
محد يشيعچ شيعي اجروحج
خليها تصعد للسمه روحج
المنيه ... اذيه ... امرها العقيله
==========
هذا النعش بي فاجعه ومبينه كلش كبره
مبين نعش نوح وحزن وجروحه كد الصحره
مبينه الإخت شافت اخو حين اللي كطعوا نحره
مخلصه عمرها بس بجي ويلي عليها الحره
هذا النعش ياهوّ جنازه
منهو اليشيعه وميته اعزازه
حزنها ...اوي ونها... امرها العقيله
==========
مو هسه ميته من زمن يَمْ الخدر يم النحر
من شفتي ابو اليمه وكع والخنصر امن ايده انبتر
من شفتي عباس الوكع من راح اخيج للنهر
ساعتها روحج مابقت من خاطرج حيل انكسر
من ذبحوا حسين شبقه بروحج
متيّي يزينب من كثر نوحج
يِحَيِرْ ... يمرمر ... امرها العقيله
==========
مو مره متييّ ولاالف واكثر يزينب عالهزل
تاليها ياوسفه وعجب مجتوفه زينب بالحبل
مامش نفس ظلچ بعد بالهيمه ضايع جم طفل
وحسين عفتي بس جسد مذبوح نايم عالرمل
عفتي الحسين اومااحد يمه
ظل الذبيح امغسل ابدمه
سبيه ... لإميه ... امرها العقيله
==========
حان الاجل بس مااجوا والمنذبح مايرجع
من كبره لتضني ابد من كبره لا مايطلع
موقف اخوج بموتتج شنهو العذر من يسمع
ميشيعج الفاكد نظر وبگبره ظل امگطع
طبع اليشيع يملك اجفوفه
قدري الوضع تتعذر اظروفه
ميحظر ... ميگدر ... امرها العقيله
==========
✍ علي النائلي
عفتوني يحسين || الرادود رائد الشامي
https://youtube.com/watch?v=GfFBIi3bBiY&si=Uh76CKAWZYFdMgli
الوصية / كلمات الشاعر علي النائلي/ خادم الحسين اكرم الزيدي ١٤٤٦
https://youtube.com/watch?v=BofP4zmRFIU&si=6cUCy6zKMQRPuE-L
ياعلي منك ردت هاي الوصيه
طلبتي گبري علي ودفني خفيه
من الجره وصار. هاي الاسرار
هاي الوصيه
==========
ياعلي بعد الجره وصار اعل حالي
ماتِرّجع هالطلب تدريه غالي
بداعة العشرة علي وذيج الليالي
ادري تدري بطلبتي وتعرف سؤالي
بليل اظلم دفنتي وحدك اريدك
ياعلي گبري تحفره انت بيدك
عندك اخبار. هاي الاسرار
هاي الوصيه
==========
ياعلي حان الاجل هاي المسيه
الله اليعينك على مصاب الزجيه
بدمعتك شد حيلك ودمعك تجيه
الليل اظلم وانت تحفر بالوطيه
دمعك البلل لحيتك لفگد الاحباب
وانت دافن ياعلي شمسك بالاتراب
بگلبك النار. هاي الاسرار
هاي الوصيه
==========
ماردت ذاك النذل يحظر دفنتي
غاضبه وماسامحه وتشهد دمعتي
حسرة بيه من الالم يدري بحسرتي
بت رسول الله واجه وسبب كسرتي
غاضبه عليهم يحيدر واجري دمعي
الجان يتسمه صحابي كسر ظلعي
والزمن دار. هاي الاسرار
==========
من بعد دفني علي اخفيلي كبري
انه مكسورة ظلع شيطيبه كسري
بالگبر لالا تظن مايطفه جمري
للعلي الباري العدل سلمته امري
من الظلمني الباري ياخذ حگي مرتين
وحگ اريد من الذبح بالطف الحسين
رايده الثار. هاي الاسرار
==========
ياعلي نفس العصابه ادور صوبين
على وليدي بگربله وعطشان الحسين
النار هيه النار ذيج البصواوين
هناك بالعاشر اروح واسچب العين
هناك زينب حايره مجروحت احساس
من تشوف حسين واكع يمه عباس
ليه تندار. هاي الاسرار
هاي الوصيه
=========
الشاعر علي النائلي
رسول الله برحيل امنه. علمنه
اوكع هاليله من طاحت. علمنه
بجينه دموع من دم. على امنه
الدموع ادموم عالزهره الزجيه
يامحمد. آخر إوداع المنيه
يامحمد. اتفارگ الزهره الزجيه
يبدي الامصاب. يحترگ باب
يامحمد يامحمد
==========
اني وحي الله ونزل امر الله هاليوم
الگاع والسبعه يطه انترست هموم
تودع الزهره وتظل ابولية الگوم
وحيدر بوحده تعوفه ويظل مهموم
هالمسيه. والارض تبجي برحيلك
هالمسيه. عالزجيه ايون دليلك
بعد الاغياب. يحترگ باب
يامحمد
==========
غمضت عينك يطه وبعدك الصار
اتامرت ناس اعل حيدر يالنبي أشرار
كصدوا لبيت الزجيه وشعلوا النار
وبظلع ام الحسن ياطه بسمار
والوصيه انخانت وخانوا وصيتك
والوصيه. النار جابوها اعل بيتك
بغدر الاذياب. يحترگ باب
يامحمد
==========
تدري خلف الباب لاذت فاطمه اتلوع
باب بيت الزهره تدري يالنبي اجذوع
اشكد ثكيله الباب طاحت كسرت ظلوع
واختلط دم الزجيه ابغيض الادموع
من دمعها. غَسّلت محسن ابنها
من دمعها. من تشوفه احمر جفنها
دم عالاتراب . يحترگ باب
يامحمد
==========
عين فاطم حمره صارت من لطمها
من جفنها يامحمد يجري دمها
وكعت اعل الكاع تشكي من ألمها
لحيدر ابذاك الدمع اتسولف هضمها
يمه تشكي. والالم ماخذ ظلعها
يمه تشكي. من دمه يجري دمعها
هاي الاسباب. يحترگ باب
يامحمد
==========
كسر ظلع الزهره اول فعل الاجرام
نار باب الزهره باجر تحرگ اخيام
الليله اولاد الزجيه صاروا ايتام
من الصحابه بهل فعل يتبره الاسلام
من فعلهم. الدين من عدهم تبره
من فعلهم. عين فاطم ويلي حمره
فعل الارهاب. يحترگ باب
يامحمد
==========
الشاعر علي النائلي
ها علي لو حيدره مدري سبع الگنطره
https://youtube.com/watch?v=AfDdpsXc3eE&si=U98SehYXBY45Lfh5
الحسن حاچه حسين اداء منتظر العلي الشاعر علي النائلي ليلة استشهاد الامام ...
https://youtube.com/watch?v=4TEYlWhm6jA&si=muW84QZUv3ip2D0Z
بيدك تشيع والدك يالغالي يحسين
منهو اليشيعك لوطحت ياكرة العين
يالغالي يحسين. يالغالي يحسين
=========
بيدك يبو اليمه تنزلني لحفرتي
وانت منهو اليدفنك اه ياحسرتي
ميت ولمصيبتك تجري دمعتي
اثر نيشان الدمع حافر وجنتي
يوليدي بيدك بالگبر تدفني وارتاح
يمك يحوم بلا أهل عالراس ذباح
يالغالي يحسين
يالغالي يحسين
==========
صح اني راسي منطبر يابويه مجروح
بس انت عالغبره تظل يحسين مذبوح
حافر يرد اعل الصدر والحافر إيروح
كل رفسه يابويه احسن تطلع الروح
حافر ثكيل وعالصدر شيخلي العظام
وظهرك اصده منترس يالغالي بسهام
يالغالي يحسين
==========
بيدك تغسلني وتنزلني الحفيره
ووليدك ايلمك وسف يبني بحصيره
بثنينهن زينب بقت محتاره حيره
لكن تشوفك منذبح حيره چبيره
عالغبره وبفيض الدمه متغسل شلون
الله يساعدها العزيزه الغاليه ام عون
يالغالي يحسين
==========
يوليدي راسي بالجسد لاموعالرماح
راسي بنعش ذرة ترب يوليدي مالاح
ويلادي شالوا هالنعش من كل الاصفاح
لكن بقه گلبي بألم لتضني ارتاح
نعشك حصيره بلا غُسل وبلايا توديع
بس ابنك لوحده ويون من غير تشيع
يالغالي يحسين
==========
إبنيتي زينب من رحت شيب گلبها
وإبنيتك انت من طحت سوط الضربها
بالهيمه باجر يالولد شامت يسبها
وزينب وحيده بالضعن تمشي بغربها
دلالي يتفطر الم من كثر الهموم
وانت يبويه لعيلتك ماتگدر تگوم
يالغالي يحسين
==========
يوليدي گلبي شيحتمل ضيم واذيه
وعيالك بطف كربله باجر سبيه
سوط الشمر ظل يضرب بنيتك رقيه
وانت ذبيح ومنسلب فوگ الوطيه
بحر الشمس فوگ الرمل يوليدي عطشان
اتفت الگلب ماتنحمل ياعظم الاحزان
يالغالي يحسين
==========
تمت ولله الحمد / المقصر مع الحسين
✍ علي النائلي
عم الساده | الرادود علي رشاد| افراح شعبان|ولادة الامام العباس(ع)1446هـ -...
https://youtube.com/watch?v=VziygnV_xoc&si=GwDn2qmSmoqTAkKC
هذا عم الساده. نفرح بميلاده
سيد الاحساس. هذا عباس
🌸🌹🌸🌹🌸🌹🌸
ياجمال عيونه خضره وبسمته بشفافه
الف يوسف مايجوله بالحِسنْ ووصافه
ياحلات ارسومه والله وسحر كلمن شافه
من عيونه. هلا هلا
ايحبونه. هلا هلا
جنن الناس. هذا عباس
🌸🌹🌸🌹🌸🌹🌸
تحيرت امه تگمطه ومارضه يگمطونه
طفل لكن ظل يعاين قله اليفهمونه
الا زينب من تشيله يله تهدء اعيونه
والغايه. هلا هلا
بالرايه هلا هلا
يدخن الراس. هذا عباس
🌸🌹🌸🌹🌸🌹🌸
هيبة الساده وفخرها هو هيبة هاشم
گمر مايحصل مثيله شمحله ثغره الباسم
من تريد امه تنيمه بحضن زينب لازم
بحنيته. هلا هلا
بروحيته. هلا هلا
طيب الانفاس. هذا عباس
🌸🌹🌸🌹🌸🌹🌸
يدنگ حسين ويبوسه بگصته وجفوفه
هذا اخوي حزام ظهري وكفته معروفه
هذا كعبة اعل الشريعه زينب اخته اطوفه
تلوليله هلا هلا
تناغيله. هلا هلا
عطره جالياس. هذا عباس
🌸🌹🌸🌹🌸🌹🌸
گصته إتنگط رجوله ومستحه ومعناها
يعني بالغيرة اعل زينب يذبح اليدناها
يستحي منها ويدنگ من يمر ذكراها
كل صيته. هلا هلا
بتربيته. هلا هلا
طيب الساس. هذا عباس
🌸🌹🌸🌹🌸🌹🌸
الشاعر علي النائلي
لسان حال مولاي باب الحوائج يخاطب سيدي ومولاي اباعبدالله الحسين عليهم السلام
=====
بكلشي واسيتك. وانزف جروح
التحرگ بگلبي اني مامذبوح
الظلمه وي السلسله عَيِشَتني كربله
هايجدي هايجدي
==========
من باب جرحي المنفتح ظلت توج نيراني
ليليه اشوفن كربله ينفتح باب احزاني
سجني الخرابه المظلمه لعماتي بيها متاني
اذكر مصيبة عمتي كل مانذل سباني
بالسجن اصرخ تجري العيون
حالتج صعبه. عمه يم عون
وبيا خرابه نازله. عَيِشَتني كربله
هايجدي هايجدي
==========
ياجدي ليلي من يمر بيه الهوه خانگني
بگلبي الحزن نام استقر وبكل وكت رافگني
بس البقت وحده وردت بيها القهر حارگني
ياجدي اني بالسجن الحافر ولا ساحگني
جدي واسيتك. بهايه اتعذر
صدري ياوسفه . صاحي متكسر
دم دمعتي هالهامله. عَيِشَتني كربله
هايجدي. هايجدي
==========
مثلك يجدي بغربتي وبلا اهل خلوني
امسي وأصَبّحْ بالسجن حيل العده اذوني
بعيالي ماادري شصفه ولاهمه هم يدروني
وفوگ الهزل ظلمة الوكت وبيا درب ودوني
عيالي مومثلك. جدي سلبوها
بنت ماعندي. بسوط ضربوها
راحت سبي هالعايله. عَيِشَتني كربله
==========
فوگ الهزل مجتوف انه وبكل درب اتعذب
ولحالتي مااون ابد ابجي اعل عَمتي زينب
ماعندي اخو مذبوح انه گلب العقيله شيب
اخوتها كلهم عالترب او والدها حيدر ينسب
انحب لعمتي. وگلبي يتألم
نار اللي بگلبي نار الإمخيم
حرگ الخيم هالمسأله. عَيِشَتني كربله
==========
سم الجبد طر الجبد خلاني حيل اتحسر
من اذكرت جبدك متت واشعر بحالي اتغير
امثلث سهم بيك شعمل ياجدي ياابو الاكبر
تشهك ألم تشهك تعب وجبدك اشوفه اتوذر
عالرمل نايم. جدي ياوسفه
جبدك بجرحه. ابد مايشفه
صابك سهم من حرمله. عَيِشَتني كربله
==========
نعشي انحمل فوگ المتن لكن جرحلي احساسي
نعشك حصيرة من اذكره تختنك حيل انفاسي
نعشي انحمل بين الاهل بتشيعي حظرت ناسي
لامنجرح لامنطبر وبجسمي خلوا راسي
جسمك بهيمه. وعالرمح راسك
هضمه ياجدي. وينه عباسك
راسك رمح هلشايله. عَيِشَتني كربله
هايجدي. هايجدي
==========
علي النائلي
نزلة عزاء
كبرج يزينب كافلج يمه
يخسه اليگرب يمه ويهدمه
==========
كفالج لكبرج تره ايحرسه
محد يگرب يمه ويمسه
يخسه اليهضمج بت علي يخسه
وين اليهضمج بله يازلمه
==========
كالوا حجيهم والحجي هوايه
كلمن يصرح يبتدي برايه
العباس يمج رافع الرايه
يسلم ضريحج هذا كل همه
==========
يم عون ابشري يمج الكافل
واكف يحرسج هذا ابو فاضل
عباس موت اعل عدوا نازل
عباس الج ناذر تره دمه
==========
الفكر يمسج ينگطع راسه
العباس بيده يگطع انفاسه
إيذَكرَه بأبوه المن قبل داسه
ينسيه ابوه الكافل واسمه
==========
گال الگمر واكف انه هنانه
اليلفظ اسمها اكطع لسانه
احفرله گبره والله بمجانه
الحاول يمسها انزل عليَّ نقمه
==========
كبرج يزينب بالسمه نوره
كل الملائك تعتني اتزوره
عباس خله اجفوفه الج سوره
سور الكبر لامحد ايهدمه
==========
الشاعر علي النائلي
بأخر سكوتي. عجل يموتي
مشتاگه هالروح وتريد اخوتي
==========
اخر انفاسي وردت يحظرني الحسين
بيده ابو الاكبر يجي ويغمض العين
روحي تعبت من كثر ذيج الدواوين
والبقه عندي نحيبي ودمعة العين
تنزف جروحي تلجملي روحي
وبكبري ياناس. عذبني نوحي
==========
انه زينب بت علي وهسه وحيده
عني راحو كل هلي وعنهم بعيده
الشام ماخله الي كلشي الاريده
من عكب عين الگمر نوحي ازيده
ردته كفيلي. بساعة رحيلي
يحظر اليه. بنوحي وعويلي
==========
يااخت ماتت غريبه ابلا اهلها
يامره الظلت جنازه مَنْ وصلها
والبُعد روحي بجمر نار وشعلها
زينب الليله تره گرب اجلها
محد اليه. بهاي المسيه
مايمي حيدر. ماهي الزجيه
==========
بگبري انوح لغربتي وقسوة حياتي
تخلص الدنيا وتظل بس نايباتي
عشت غربه وغربة هم ساعة مماتي
التقي بحسين ادعي بكل صلاتي
موتي اشوفه. حسيني اطفوفه
بنحره اقبله. والزم جفوفه
==========
خضر بروحي الحزن والهم بالعيون
وگلبي بأحزاني بقة بالحسرة مسجون
بموتتي ادري الاهل لا والله ميجون
گلبي شيب شيبي خضر وسط الاجفون
همي لفاني. من اول زماني
حيرة حياتي من زغري اعاني
==========
الشاعر علي النائلي
من يصلي الوحشه يازينب عليج
من يغمض إعيونج ويسبل اديج
اخر انفاس العمر. بغربة محفور الگبر
==========
عالگبر تابوت اشوفه منتظر واحد يجي
بهل نعش كُبرى المصايب مايكفيها الحجي
نعش بي غربة ورزيه والم دمعات وبجي
صوت من النعش يطلع ببو فاضل يرتجي
يابوفاضل اني اخيتك وانت تدري
ردت بيدك ياعضيدي تحفره گبري
بعد شيفيد الصبر. بغربة محفور الگبر
==========
هالنعش يحمل مصيبه بالنعش بان الالم
صاحبة هاي الجنازه بيه جويه من الخيم
من يصلي عليها بله إلا شَيّال العلم
بس صعوبه من يِكَبّر بعينه مطبوع السهم
وين ابو فاضل يجي زينب تريد
عطر خلي يجيب من گبر الشهيد
الله اللي يعظم الاجر. بغربة محفور الگبر
==========
اختنگت التكبيره الاولى وگابلت هذا النعش
والاحساس البيها ينزف بجرح الاطفوف انخدش
بالنعش لوعة اميرة راكضه بليل اهدعش
بيها نار اخيام لسه وبيها نيران العطش
بيها اثر ليل وسبي جرح واذيه
هالنعش يشبه صفه بالغاضريه
ساحگه حافي بجمر بغربة محفور الگبر
==========
ثاني تكبيره تواسي ظلت تون للعليل
وحده بزينب يشيع من المرض ذاب الدليل
يسند بعوچيته حزنه وعالكبر كلسا يميل
للسمه صوت المناحه ونه واهات وعويل
لسه بجروحه اثر ذيج الليالي
عمه يازينب تره شيبتي حالي
بصوت صاح ومنكسر. بغربة محفور الگبر
==========
ياصلاة الل بس مدامع گَطَعتْ حته النياط
وانحنت كد مامتنها بيه مطبوعه السياط
ثالث التكبيره شاطت گلب زينب بيها شاط
رابع التكبيره دمعه حزن اه ويمها حاط
زينب لوحدها بالغربه وبعيده
ماتت بدار الغرب زينب شهيده
ماكو واحد تنتظر. بغربة محفور الگبر
==========
✍ علي النائلي
إقرأ الفاتحة وإعقدها هالنية .. الخطيب الحسيني الملا حسين الدبيني
https://youtube.com/watch?v=y8_qPm63g-o&si=igKedMLlkWByP2YI
اقرأ الفاتحه
اداء الخطيب حسين الدبيني
الشاعر علي النائلي
حسينية الرسول الاعظم
الأحساء
بنت النبي اداء محمد الربيعاوي كلمات الشاعر علي النائلي مركز الامام الحسي...
https://youtube.com/watch?v=fsKxNiPChKk&si=o573TGWzWjXx7nB4
بت النبي عد الوصي جانت امانه
تالي بغدر بعز الظهر صارت خيانه
لاموصحابه وكلهم اذياب
هاي العصابة الحرگت الباب
صارت خيانه
==========
يامله عدهم ياشرع. بعد النبي وغيابه
اذياب صاروا للاسف. عاشت الامه بغابه
وبلاضمير ولاوعي. صار الغدر واسبابه
واللي قلع باب الحصن. هاليوم حرگوا بابه
يبدي الفعل. بيد النذل. خان الوصيه
هو الإمر. بيده كسر. ظلع الزجيه
معروفه جانت هاي الاسباب
هاي العصابه الحرگت الباب
صارت خيانه
==========
لاذمه عدهم لابخت. بت النبي ذبحوها
عالباب جم حاقد هجم. تالي بحقد عصروها
واهتزت السبعه بوجل. . من فاطمه ضربوها
دم العرش منه وگع. ياويلي من شتموها
جاي بحقد. عليها يهد. هاي المصيبه
طگها وشتم. سيد الامم والله عجيبه
والزهره طاحت فوگ الاتراب
هاي العصابة الحرگت الباب
==========
كلمة وإن ماتنحمل. مثل الكسر هم واصعب
يعرفها متقصد اجه. لكسر الظلع يتسبب
وبحيدره بغضاً تره نار الحقد هالتلهب
يدري بعلي موصه وعلي. لوما الوصيه شيگرب
لوما النبي. موصي علي. محد يصلها
بسيفه يهد. لامايرد. يفنيها گلها
ظل حاير وينظرها ابو تراب
هاي العصابة الحرگت الباب
==========
الجان النبي يمها يجي يرتاح من ينظرها
هسه تون ماهو النبي. ياويلي مايحظرها
كسرة ظلع ماتنجبر. ومكسور ظل خاطرها
تدري بأبوها بهل المسه. تشوفه النبي مناطرها
ردت تون. ليه بحزن. بنته الحبيبه
والدللاها. هسه لگاها. بعده غريبه
صارت غريبه اخلافه من غاب
هاي العصابة الحرگت الباب
==========
غابت شمسها الطاهره. وظل حيدر بلا شمسه
حاير وحيد بغربته. عليه المسه من امسه
يافاطمه يصيح ويون. مبحوح حيدر حسه
دمج على الباب انطبع. من هالمصيبه شأنسه
وياها حچه. يمها بچه. عفتيني فاطم
حزني جمر. طول العمر عمري مآتم
وعليج اونن يغله الاحباب
هاي العصابة الحرگت الباب
==========
الشاعر علي النائلي
گبال عيني وشفت كسر ظلوعج
واختلط دم الجفن بدموعج
من الكسر طحتي دمه. طيحت دموع السمه
==========
اهتزت السبعة وهوت من ظلعج انصاب
واحترگ باب الذي بيده قلع باب
تبجي ايات وسور وينوح الاكتاب
يالزجيه موسهل واجبير الامصاب
جبل ثگل الباب من دفعوها
كبالي فاطمتي شفت عصروها
گبالي طاحت فاطمه. طيحت دموع السمه
==========
مثل طيحت ماي اشوفن طيحتج هاي
يالزجيه وعالارض ماطحتي بهداي
نار دخان وحرگ عالباب وهواي
مگابله الفقار شفتي بحسرة يمناي
اصفگ بجفي واعيش بحيرة
وفاطم عليه نظرها اديره
وسفة تبجي العالمه. طيحت دموع السمه
==========
جيتج اركض واعثرت من المصيبه
ركضت اللي منذبح يمه حبيبه
والمسافه بعيده رغم انتي قريبه
كون ماعندي وصيه وسيفي اجيبه
كون ماوصى النبي بوداعه
الكون مااخلي يفاطم ساعه
واني حماي الحمه طيحت دموع السمه
==========
من وصلتج شو احس لونج تغير
وصرتي ذبلانه ونحيله وجهج اصفر
ليش جفنچ يالزجيه هيجي احمر
گلبي لو ظلعج يفاطم هالتكسر
بكسر ظلعج صوبوني بروحي
وكمت المن فاطمه بجروحي
ريت اشوفج سالمه. طيحت دموع السمه
==========
خضر بروحج كسر من هالجريمه
ويبست سنين العمر والله هضيمه
إمصيبه يافاطم تره وكلش اليمه
من تروحين ابقه اني ابلايا خيمه
انتي ياشمعه وضوه لسنيني
يالزجيه وصعبه لتعوفيني
جبال حيلي مهدمه. طيحت دموع السمه
==========
الشاعر علي النائلي
بسم الله الرحمن الرحيم
ولاتحسبنَّ الذين قُتِلوا في سبيل الله امواتاً بل احياءٌ عند ربهم يُرزَقون
ولايُليق بمثلك الا الشهادة
وداعاً يبن الزهراء والملتقئ عند جدك سيد الشهداء عليه السلام
رد ضعن زينب يبو سكينه تره
بلا رقيه گبال گبرك حايره
=========
بلارقيه زينب لگبرك لفت
وجابت وياها ضعنها من اجت
گبال گبرك يبو سكينه تحيرت
هاي زينب يخو زينب صابره
==========
ردت وگلب العقيله منكسر
الشام راواها تره نجوم الظهر
گلب زينب لاهب ومسعر جمر
الدنيا بيها شلون زينب دايره
==========
يمك وصبت مدامعها دمه
بالمصايب ورثت امها فاطمه
عالهزل تالي الاميره العالمه
حسره بيها لحد يوم الاخره
==========
گبال گبرك حايره وصبت دمع
حال زينب يبو سكينه بياوضع
الباب عاد وعادت آلام الظلع
تبچي هاليوم الشموس الزاهره
==========
سولفت ذاك الهضم كسر الگلب
ماتت اعل الراس خويه بيا ذنب
شابكه الراس ورقيه تنتحب
وسولفت كلشي عليها من جره
==========
اعذرني صاحت خويه وگبالك تون
شوف زينب بيها شمسوي الحزن
تصيح عفتك يبوسكينه بلا دفن
سولفت وحسين كسرت خاطره
==========
الشاعر علي النائلي
اي حلمٌ تسللَ لجفنيها تلك المثقله بألام المرض ىالفراق #العليلة
https://youtube.com/shorts/gCHBeeWF5go?si=3OiIXFzviwZcOmxX
يابو العليلة
اداء جهاد الخفاجي
الشاعر علي النائلي
الرادود امجد البديري قصيدة/بحساسي جم حنه وعرس .. يلوجهك احله من الشمس (...
https://youtube.com/watch?v=oR69ma73CL4&si=OiYDMU4OONRdWiIV