987
صلة رحم خدمتي وياكم لوعفتكم بله وين الكاكم صرتوا اهلي وكلشي اليه اعز من روحي عليه للتواصل مع خادم الزهراء عليها السلام الشاعر علي النائلي يرجئ التواصل علئ الرقم 07828746369 تلگرام - واتساب
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
هذا شعبان |كلمات الشاعر علي النائلي |خادم الحسين اكرم الزيدي ١٤٤٥ ٢٠٢٤
https://youtube.com/watch?v=4X1XdlUnQKM&si=JQbp2if6EUSEiqRN
صفكات وهلاهل | كلمات الشاعر علي النائلي / خادم الحسين اكرم الزيدي ١٤٤٥ ٢٠٢٤
https://youtube.com/watch?v=68iD4ASZU7A&si=2sZwSe-AymGLO_sM
ميلاد سيدي ومولاي ابي عبد الله الحسين عليه السلام
❤️❤️❤️❤️
هاليله.ميلاد الهدئ ومصباحه
هاليله وگلوب التحب مرتاحه
تهانينه. تهانينه.
تهانينه تهانينه
🌸🌹🌸🌹🌸🌹🌸
الليله مولد هالفرح. صدري بالفرحه انشرح
طابت اعياده
حسين للزهره انولد. ولعلي ثاني ولد
هذا ميلاده
نزلت املاك السمه. اجوا هنوا فاطمه
بسيد الساده
هاليله فطرس هم يردله اجناحه
هاليله وگلوب التحب مرتاحه
تهانينه. تهانينه
🌸🌹🌸🌹🌸🌹🌸
كصد جبريل ونزل. ضيف عد خير العمل
للوصي هنه
وفطرس هواي فرح. بمهد ابو اليمه مسح
جنحه بالجنه
امبارك بهذا الولد. مسح جنحه بالمهد
قدم الحنه
هاليله طه يعلن بافراحه
هاليله وگلوب التحب مرتاحه
تهانينه. تهانينه
🌸🌹🌸🌹🌸🌹🌸
لبو العتره هالفرح كل ملك يمه انشرح
حامل اشواكه
السمه زينها بورد يروح جبريل ويرد
روحه مشتاكه
من جنان الله حمل فرح وورود وامل
بعلي يتلاكه
هاليله بس صوت الفرح صداحه
هاليله وگلوب التحب مرتاحه
تهانينه. تهانينه
🌸🌹🌸🌹🌸🌹🌸
فرحت الزهره اشكبر. فرحه من هذا العمر
بيها فرحتها
حسين نَوّرْ عالارض وجب فرحتها وفرض
فخر عزتها
مريم العذره اجت. لفاطمه حين اوصلت
شكثر هنتها
هاليله يهجر كل محب اجراحه
هاليله وگلوب التحب مرتاحه
تهانينه. تهانينه
🌸🌹🌸🌹🌸🌹🌸
الحزن نهجر مانريد عيد هاليله سعيد
عيد مولانه
فرح گلب اللي يحب. الكاع فرحت والعذب
دنيا فرحانه
الليله فرحانه المُهجْ. هذا ميلاد الحجج
البسمه عنوانه
هاليله رايات الفخر لواحه
هاليله وگلوب التحب مرتاحه
تهانينه. تهانينه
🌸🌹🌸🌹🌸🌹🌸
✍ علي النائلي
أهل زينب- السيد أحمد العلوي
https://youtube.com/watch?v=X04kd1UpyXU&si=2BjaqCDrygz9LxN3
اهل زينب
🎤السيد احمد العلوي
✍الشاعر علي النائلي
مسموم. يابو الرضا
مظلوم. يابو الرضا
==========
ماشفت مسجون ماشاف الضوه
ولاشفت مسجون مخنوگ بهوه
ياجرح ينزف فلا حصل دوه
بالسجن وتحيط بيه عدوانه
===========
بيك شمسوي اثر كيد الحديد
ظالم السجان منك وإشيريد
شدد عليك السجن حكمه شديد
گلبك الملچوم هاي أحزانه
==========
بجفك الاغلال مولاي اشكثر
بالسجن مولاي خلصت العمر
ياسجين شلون وشينفع صبر
ياسجين وعذبه سجانه
==========
بالسجن مولاي واتنازع الم
وتذكر اعيال البقت وسط الخيم
اشحال گلبك من ذكر راعي العلم
عالفرات وگطعوا ذرعانه
==========
من تصد گيدك بعد شنهويصير
اترافج الحسرات يالكاظم تحير
تذكر اعل النوك وشحال الأسير
وزينب اعل حسين هم لهفانه
==========
بظلمة الطامورة تذكر ياطفل
جم طفل يالكاظم انشد بحبل
لو طفل مولاي طاح من الهزل
وعمتك زينب صفت حيرانه
==========
✍ علي النائلي
لسان حال مولاي باب الحوائج يخاطب سيدي ومولاي اباعبدالله الحسين عليهم السلام
=====
بكلشي واسيتك. وانزف جروح
التحرگ بگلبي اني مامذبوح
الظلمه وي السلسله عَيِشَتني كربله
هايجدي هايجدي
==========
من باب جرحي المنفتح ظلت توج نيراني
ليليه اشوفن كربله ينفتح باب احزاني
سجني الخرابه المظلمه لعماتي بيها متاني
اذكر مصيبة عمتي كل مانذل سباني
بالسجن اصرخ تجري العيون
حالتج صعبه. عمه يم عون
وبيا خرابه نازله. عَيِشَتني كربله
هايجدي هايجدي
==========
ياجدي ليلي من يمر بيه الهوه خانگني
بگلبي الحزن نام استقر وبكل وكت رافگني
بس البقت وحده وردت بيها القهر حارگني
ياجدي اني بالسجن الحافر ولا ساحگني
جدي واسيتك. بهايه اتعذر
صدري ياوسفه . صاحي متكسر
دم دمعتي هالهامله. عَيِشَتني كربله
هايجدي. هايجدي
==========
مثلك يجدي بغربتي وبلا اهل خلوني
امسي وأصَبّحْ بالسجن حيل العده اذوني
بعيالي ماادري شصفه ولاهمه هم يدروني
وفوگ الهزل ظلمة الوكت وبيا درب ودوني
عيالي مومثلك. جدي سلبوها
بنت ماعندي. بسوط ضربوها
راحت سبي هالعايله. عَيِشَتني كربله
==========
فوگ الهزل مجتوف انه وبكل درب اتعذب
ولحالتي مااون ابد ابجي اعل عَمتي زينب
ماعندي اخو مذبوح انه گلب العقيله شيب
اخوتها كلهم عالترب او والدها حيدر ينسب
انحب لعمتي. وگلبي يتألم
نار اللي بگلبي نار الإمخيم
حرگ الخيم هالمسأله. عَيِشَتني كربله
==========
سم الجبد طر الجبد خلاني حيل اتحسر
من اذكرت جبدك متت واشعر بحالي اتغير
امثلث سهم بيك شعمل ياجدي ياابو الاكبر
تشهك ألم تشهك تعب وجبدك اشوفه اتوذر
عالرمل نايم. جدي ياوسفه
جبدك بجرحه. ابد مايشفه
صابك سهم من حرمله. عَيِشَتني كربله
==========
نعشي انحمل فوگ المتن لكن جرحلي احساسي
نعشك حصيرة من اذكره تختنك حيل انفاسي
نعشي انحمل بين الاهل بتشيعي حظرت ناسي
لامنجرح لامنطبر وبجسمي خلوا راسي
جسمك بهيمه. وعالرمح راسك
هضمه ياجدي. وينه عباسك
راسك رمح هلشايله. عَيِشَتني كربله
هايجدي. هايجدي
==========
✍ علي النائلي
يازينب يازينب||السيد علي الجابري||15رجب ||الشاعر علي النائلي
https://youtube.com/watch?v=jJFzJ4fHEEY&si=vDeheZKSHRPYQ4yM
دنت منها المنيه وحشمت عباس
إخوها من الگبر بس بجسد كام
المرت سنه ونص بس تاخذ الحيل
وفگد الاخو ماحملته ازلام
الطف ودواهيه وذيج الاسيوف
وحچي الشمات سيف بحلگ ظِلاّم
تعال وشوف حالي وشنو الصار
وعلي من الحبل ظلت جفوفي عظام
وعليه الحجي أشكال اسيرة ابيد الانذال
حته النفس شدوا بحبال وگمت اشهگ آلام
اجمع جم طفل راح. كبالي راسك طاح
الحرس ياعباس ذباح بغربة الشام
مدلله بعزك وشانك طول الاسنين
وعالدلال وعزتي تشهدلي الايام
اندار الزمن والزمن من طبعه غدار
وستر وجه الليل لومافزت الاحلام
عگب عينك وجفك والعلم ذاك
جفني بغيبتك عباس منضام
هم مره اسمعت زينب بلاعباس
وهم مره اسمعت زينب بلاخيام
وهم مره اسمعت زينب حايره بهاي
شلون اليتيمه بلا علي تجمع بالايتام
✍ الشاعر علي النائلي
من يصلي الوحشه يازينب عليج
من يغمض إعيونج ويسبل اديج
اخر انفاس العمر. بغربة محفور الگبر
==========
عالگبر تابوت اشوفه منتظر واحد يجي
بهل نعش كُبرى المصايب مايكفيها الحجي
نعش بي غربة ورزيه والم دمعات وبجي
صوت من النعش يطلع ببو فاضل يرتجي
يابوفاضل اني اخيتك وانت تدري
ردت بيدك ياعضيدي تحفره گبري
بعد شيفيد الصبر. بغربة محفور الگبر
==========
هالنعش يحمل مصيبه بالنعش بان الالم
صاحبة هاي الجنازه بيه جويه من الخيم
من يصلي عليها بله إلا شَيّال العلم
بس صعوبه من يِكَبّر بعينه مطبوع السهم
وين ابو فاضل يجي زينب تريد
عطر خلي يجيب من گبر الشهيد
الله اللي يعظم الاجر. بغربة محفور الگبر
==========
اختنگت التكبيره الاولى وگابلت هذا النعش
والاحساس البيها ينزف بجرح الاطفوف انخدش
بالنعش لوعة اميرة راكضه بليل اهدعش
بيها نار اخيام لسه وبيها نيران العطش
بيها اثر ليل وسبي جرح واذيه
هالنعش يشبه صفه بالغاضريه
ساحگه حافي بجمر بغربة محفور الگبر
==========
ثاني تكبيره تواسي ظلت تون للعليل
وحده بزينب يشيع من المرض ذاب الدليل
يسند بعوچيته حزنه وعالكبر كلسا يميل
للسمه صوت المناحه ونه واهات وعويل
لسه بجروحه اثر ذيج الليالي
عمه يازينب تره شيبتي حالي
بصوت صاح ومنكسر. بغربة محفور الگبر
==========
ياصلاة الل بس مدامع گَطَعتْ حته النياط
وانحنت كد مامتنها بيه مطبوعه السياط
ثالث التكبيره شاطت گلب زينب بيها شاط
رابع التكبيره دمعه حزن اه ويمها حاط
زينب لوحدها بالغربه وبعيده
ماتت بدار الغرب زينب شهيده
ماكو واحد تنتظر. بغربة محفور الگبر
==========
تمت ولله الحمد المقصر مع الحسين
✍ علي النائلي
لسان حال مولاتي رقيه عليها السلام
عمه زينب. الج مشتاكه شكثر
عمه زينب. لشوفتچ اني أنتظر
يالسبيه. بكل مسيه
اطيح دمعاتي حمر
==========
ردت اشوفج عمه زينب يالغريبه
شحال گلبج من بعد ذيچ المصيبه
لهسه عدله ياعجيبه شهل العجيبه
ابالج اخيام ودمه وجثه سليبه
جم مصيبة. عمه شفتي وجم جرح
جم مصيبه. راس شفتي اعل الرمح
وعالوطيه. بكل مسيه
خيل تسحگ عالصدر
=========
بالخرابه من كعدنه بليله ظلمه
انشد اعل حسين وانتي بحيره عمه
لوالدي بحسرة صحت اخذيني يمه
دمعي يجري والگلب مايگضي همه
گلبي يسأل. عمه زينب عالابو
گلبي يسأل. لروحي اريدنه دفو
جم اذيه. بكل مسيه
وين ابوي بيا كتر
==========
مجّتفين اعل الهزل مشدوده ادينه
راس ابوي من الرمح ينظر علينه
الموت يمشي ويانه عمه بالضعينه
الناس بينه اتشمتت ابكل مدينه
شگد مآسي. شفنه عمه وجم الم
شكد مآسي. بكل گلب نار الخيم
وجمرة بيه. بكل مسيه
عمه مايطفه الجمر
==========
من شبكت الراس عمه انتي صحتي
يارقية بالغرب يبنيتي متّي
هسه اني الحاظره والميته انتي
بالغرب تالي يعمه من اندفنتي
ياغريبة. تنزف جروحج دمه
ياغريبة. إمصابج بكد السمه
هالمنيه. بكل مسيه
لحيرتج يبجي الصبر
==========
نلتقي بهذا المسه وشلون ملگه
عيون حمرة من البچي ومتون زرگه
ملگه عشرة دمعه عمه وبيها حرگه
من دخان الخيمه لسه بريتي خنگه
وي كفيلج. تلتقين بهالمسه
وي كفيلج بحيرة وياه جالسه
جن عزيه. بكل مسيه
عمه حيره بهالامر
==========
✍الشاعر علي النائلي
يازينب عيونج غفن وبكربله الروح
جنازچ اتعذر يجي الجناز مذبوح
إلمن تنطرين. مذبوح الحسين
وبگلبج جروح
==========
باب جرح الطف مصايب وانتي شلتي كربله
بروحچ مخضره المصيبه وبيها نبلة حرمله
ياشرح يكفي لمصابج ليارزية ومعظله
ماتموت جروح زينب هيه هاي المشكلة
يازينب جروحج سمه مبنيه بألام
جمر المصيبة ماطفه بدخان الاخيام
عليمن تونين. مذبوح الحسين
وبگلبج جروح
==========
لمي جرحج يالعقيله لسه ينزف هالجرح
سدي باب الدمع زينب باب گبرج منفتح
مايجيج حسين أيسي حسين ويلي منذبح
امنياتج وي لقائه ليل جان ابلا صبح
اتمنيتي لوملگه اله ويمر بالطيوف
يازينب مگطع بقه حسينچ بالطفوف
من تنظر العين. مذبوح الحسين
==========
بالغرب حانت منيتج ياعظيمه إمصيبتچ
عينج التنزف مأسي دمه طاحت دمعتج
نار فگد الخوه زينب شبه نار ابخيمتج
اتعثرت بيج المنيه مثل بالطف عثرتچ
والحرمه صعبه بالغرب يازينب تموت
منهو اليشيعها منو يجيبلها تابوت
ميته انتي مرتين. مذبوح الحسين
==========
مايجيج حسين زينب وكت دفنج وإيحظر
لاصدر من عنده سالم حسين مگطوع النحر
الحافر بصدره يزينب وصل تالي للظهر
بله للشام شيجيبه المنكسر ظهره لگمر
يم الصبر وسط الگبر دمعاتج تسيل
محد من اخوانج يجي ولترابج ايهيل
ياهو التعذرين. مذبوح الحسين
==========
خلي روحج يالعقيله بالگبر خل تستراح
ذبلن عيونج يزينب والله من كثر النياح
الغاضريه والشريعه الخيل والنار ورماح
ليلة الوحشة من اهدها لسه ماشفتي الصباح
غاب الگمر وي الشمس ضيعتي الاخوان
بگلبچ تشب بكل وكت يالحره نيران
يم عون نارين. مذبوح الحسين
==========
الموت اخر امل زينب هو بس درب اللقاء
وتلتقين بابو الاكبر بحسرة وبشوغه وبكاء
من زمان الفرگه طالت من اهد عاشر كربلاء
بلكي وإتشوفين اخيج سالم ومابي دماء
ملگة الاخو يبرد الگلب يازينب هناك
گليله ياخويه شكثر اتمنه ملگاك
دورته كل حين. مذبوح الحسين
==========
✍الشاعر علي النائلي
ولادة مولاتي فاطمة الزهراء عليها السلام
خصمك الابتر. عندك الكوثر
افرح افرح يامحمد
افرح افرح يامحمد
==========
يامحمد افرح بهاي المسيه
الله نزّلك تره أعظم هديه
نازل وياها الاسم يعني الزجيه
اشكر الباري عله هاي العطيه
اشكر الباري. هالفرح ساري
افرح افرح يامحمد
افرح افرح يامحمد
===========
يامحمد خصك الباري ويكول
هاي ابنيتك اتسميها ياطه البتول
ياعظيمه وانت يااعظم رسول
بالزچيه والله محتاره العقول
فاطمه الرحمه. يانبيّ الامه
افرح افرح يامحمد
افرح افرح يامحمد
==========
افرح الليله الهديه اشكد جبيره
فاطمه الرحمه الإلهيه الاميره
بالفرح مغموره دنيانه ومنيره
فاطم الحره الشريفه كلها غيره
افرح الليله. والحزن زِيْلّه
افرح افرح يامحمد
افرح افرح يامحمد
==========
من صفات الزهره يالهادي زهيه
الله حاجزها لعلي حامي الحميه
واحد لواحد كفو وخير البريه
لولا حيدر ماكو كفوا للزجيه
انحجزت لحيدر والفرح يكبر
افرح افرح يامحمد
افرح افرح يامحمد
==========
ورد جبرائيل جايب والتهاني
فاطمه القل هو والسبع المثاني.
هي سر الباري واسرار المعاني
الك يتبارك بتحقيق الاماني
العالم بأسره. فرح بالزهره
افرح افرح يامحمد
افرح افرح يامحمد
==========
تمت ولله الحمد/ المقصر مع الحسين
✍ علي النائلي
ولادة مولاتي فاطمة الزهراء عليها السلام
تفاحة الجنه. فاطمه فاطمه فاطمه
إلها نتعنه. فاطمه فاطمه فاطمه
==========
هاليله قنديل الفرح يرسملي جم صوره
صوره وحي اوصوره نبي وگلوب مسروره
هاليله عاجز كل شعر وابياته وابحوره
وجه الكمر ضي الكمر متحير بنوره
بالياس والحنه. فاطمه فاطمه فاطمه
إلها نتعنه. فاطمه فاطمه فاطمه
==========
عطر الورد إلها مشه وشايل عطر كاسه
يم فاطمه حته الورد شفته حِنَهْ براسه
كاس الفرح ليها ركض يتغنه بحساسه
هاليله طابت بالسهر بورود وبياسه
يهجرها هالوَنّهْ فاطمه فاطمه فاطمه
إلها نتعنه. فاطمه فاطمه فاطمه
==========
طير السعد شايل خبر واخبار بجناحه
للزهره كاصد بالفرح ناشرها افراحه
صوته الصدح غرد درر يامحله صداحه
بالبسمه مبتشره الارض بوجوه وضاحه
وبصوته يتغنه. فاطمه فاطمه فاطمه
إلها نتعنه. فاطمه فاطمه فاطمه
==========
ماظل بشر إلا وفرح والفرحه مطلوبه
اباب الطُهر كلمن كصد مقبوله هالتوبه
وجه الشرق نوره بعد مايعرف اغروبه
عيد وفرح كلشي ابتهج الافراح مكتوبه
هاليله نتهنّه فاطمه فاطمه فاطمه
إلها نتعنه. فاطمه فاطمه فاطمه
==========
كلمن حظر شايل ورد والناس فرحانه
لازم يجدد بيعته للزهره ويانه
باجر ذخر يوم الحشر والبسمه عنوانه
صورها باريها العلي بالقدره سبحانه
نخدمها نتمنه. فاطمه فاطمه فاطمه
إلها نتعنه. فاطمه فاطمه فاطمه
==========
تمت ولله الحمد/ المقصر مع الحسين
✍ علي النائلي
اقره الفاتحه وإعگدها هالنيه
بسم ام البنين الحاجه مكضيه
==========
بسم ام الكمر اتوجه اتوسل
عدها لكل صعب بالفاتحه ينحل
امرك لوتعسر يمها يتسهل
خايب ماترد والصعبه منهيه
==========
لودهرك قسه اتعنه وارجاها
توكفلك شرط بالشده تلكاها
حلفها بعزيز الزهره ضنواها
وحلفها بأخيته المشت مسبيه
==========
صح هيه إمرءه بس صاحبه هَدّهْ
والله مجربه للحاجه والشده
لودهرك عليك اتماده واتعده
اقره الفاتحه وبخالص النيه
==========
عدها اربع ولد حلفها بالاربع
خايب ماترد والله ماترجع
باب الله الوسيعه وباب يتوسع
كللها اجيتج وانتي معنيه
==========
بت چود وكرم واخلاقها امضايف
عد هيج إمرءه هالچود ماشايف
وبساتر كرمها يلوذ كل خايف
ليها اتعنه اوصيك آنه بوصيه
==========
تمت ولله الحمد/ المقصر مع الحسين
✍علي النائلي
گلبي ضامي لامامي المنتظر بصوت _ المنشد فاضل الحسناوي و ملا حسن الخادم 2023
https://youtube.com/watch?v=HUy-Y8TyGZ8&si=sO3ngowsMU4Bwnb8
گلبي ضامي. وغرامي
لإمامي المنتظر
شايل اورود. مته يعود
إمامي المنتظر
تانيته. تانيته
🌸🌹🌸🌹🌸🌹🌸
اشكثر تانيت واظل
ادعي ياربي العجل
لشوفه عطشانه المقل
لشوفه عطشانه المقل
جزع گلبي من الصبر
خلصن اسنين العمر
يمته مهدينه يمر
يمته مهدينه يمر
گلبي ملهوف. بقه ايطوف
ولاگلبي صبر
شايل اورود. مته يعود
امامي المنتظر
تانيته تانيته
🌸🌹🌸🌹🌸🌹🌸
احسب ايام الزمن
يمته ياابن الحسن
راحن ايامي وكضن
راحن ايامي وكضن
العمر راح وهالگضه
من الظلم ضاگ الفضه
يمته يبن المرتضئ
يمته يبن المرتضئ
ياسلامي. وهيامي
وانا بعازت نهر
شايل اورود. مته يعود
امامي المنتظر
تانيته. تانيته
🌸🌹🌸🌹🌸🌹🌸
الجمعه تحجيلك عشك
الندبه اقرالك صدك
بعد لامانفترك
بعد لا مانفترك
هاك گلبي وبس إلك
سيدي وانت المَلك
خادمك خادم هلك
خادمك خادم هلك
وبحفلنه اجتمعنه
ويهنياله الحظر
شايل اورود. مته يعود
امامي المنتظر
تانيته. تانيته
🌸🌹🌸🌹🌸🌹🌸
موعد الطلعه شوكت
اني حيل تعذبت
غير شوفك ماردت
غير شوفك ماردت
بيك دلالي انترس
ياللي اغله من النفس
صوت وبروحي همس
صوت وبروحي همس
صوت مسموع. للظلوع
تره حبك عبر
شايل اورود. مته يعود
إمامي المنتظر
تانيته. تانيته
🌸🌹🌸🌹🌸🌹🌸
انت يالحبك ترف
بيك محتار الوصف
ياعطف شايل عطف
ياعطف شايل عطف
روحي تاهت بالغرام
بيك ياآخر امام
الليله ابعثلك سلام
الليله ابعثلك سلام
هايمحبوب بده يذوب
تره عمري يمر
شايل اورود. مته يعود
امامي المنتظر
تانيته. تانيته
🌸🌹🌸🌹🌸🌹🌸
✍ علي النائلي
مولد قمر بني هاشم مولاي ابي الفضل العباس عليه السلام
صفكات وهلاهل. وشموع ومشاعل
ابو فاضل. ابو فاضل ميلاده هاليله
🌸🌹🌸🌹🌸🌹🌸
هاليله يم بيت الوصي نتعنه
بشموع وهلاهل بالورد والحنه
حضن ام البنين الليله كالجنه
نور الكمر ننظر سطع منه
انوار الزهيه. من هاي الوفيه
ابو فاضل. ابو فاضل. ميلاده هاليله
🌸🌹🌸🌹🌸🌹🌸
نور الكمر ماينحجب بغيومه
نوره تلاله بالسمه وبنجومه
يشبه علي بوجه عدل ورسومه
روحه بزغرها من الزلل معصومه
هالروح النقيه. من حامي الحميه
ابو فاضل. ابو فاضل. ميلاده هاليله
🌸🌹🌸🌹🌸🌹🌸
زينب اجت يم الكمر محتاره
تقبل يمينه وهم ترد ليساره
تشاهد كمرها مكتمل بأنواره
جابتله رايه الحره وي بتاره
وتبوسه بجبينه. بيساره ويمينه
ابو فاضل. ابو فاضل. ميلاده هاليله
🌸🌹🌸🌹🌸🌹🌸
من هسه الشريعه تزينت بشموعها
مولد ابو فاضل صبح موضوعها
تنبع منابيع الكرم ينبوعها
كل النوارس هالاجت بجموعها
متعنيه وتنافس. بميلاده النوارس
أبو فاضل. ابو فاضل. ميلاده هاليله
🌸🌹🌸🌹🌸🌹🌸
حته الهوه يمه وكع ماعابر
هذا الملك منهو صفن ظل حاير
منهو اليوصفه ياوصف ياشاعر
يعجز إلسانه لو يظل لباجر
ويوصفه ياواحد. هالعابد الزاهد
ابو فاضل. ابو فاضل. ميلاده هاليله
🌸🌹🌸🌹🌸🌹🌸
✍ علي النائلي
مولد سيدي ومولاي ابي عبدالله الحسين عليه السلام
هذا شعبان. گلبي فرحان
سيد الاكوان. ميلاده. ميلاده
🌸🌹🌸🌹🌸🌹🌸
ثالث فجر من هالشهر طَلْ بصباحه
شعشع ضياءه المبتشر وجه السماحه
فطرس اجه يمه ونزل يمسح جناحه
وبمهد ابو الأكبر لگه دوه لجراحه
رد الاجناح. طار مرتاح
تعم الافراح. ميلاده ميلاده
🌸🌹🌸🌹🌸🌹🌸
ضَوَّه السمه بنوره السبط شع بضياءه
واملاك رب المرحمه تقبل رداءه
رب السمه لأجله تره زين سماءه
كل ملك نازل للارض قدم ولاءه
هاي الاملاك صاحت وياك
حتى الافلاك. ميلاده. ميلاده
🌸🌹🌸🌹🌸🌹🌸
عم الفرح بيت النبي هاي المسيه
وفرحان گلب المرتضى حامي الحميه
بهاي الولادة الطاهره انهي الزجيه
بافق السمه انوار السبط بانت زهيه
بافق السموات. بانت علامات
هاي البشارات. ميلاده. ميلاده
🌸🌹🌸🌹🌸🌹🌸
بيت الوصي الليله ابتهج من هالولاده
وغنه بسماء السابعه طير السعاده
هذا الحسين ايثبت اركان العباده
تاج الملا واسمه صبح رمز السياده
مهده محراب. نوره ماغاب
ابن ابو تراب. ميلاده. ميلاده
🌸🌹🌸🌹🌸🌹🌸
شَمهّ النبي بثغره وبدت هاي العلامه
من هالاصل تتفرع اغصان الامامه
ابني شفيع لكل محب يوم القيامه
للي يحبه بالحشر ينطي وسامه
الحبه ميحير. هاك تفسير
شافع ايصير. ميلاده. ميلاده
🌸🌹🌸🌹🌸🌹🌸
✍الشاعر علي النائلي
مسموم / كلمات الشاعر علي النائلي / خادم الحسين اكرم الزيدي ١٤٤٥ ٢٠٢٤
https://youtube.com/watch?v=-ucdBSs88PA&si=pvfhQZOJKn3jQ9tX
مسموم يابو الرضا
اداء الحبيب اكرم الزيدي
الشاعر علي النائلي
وي سجودك. كلشي يسجد ياسجين
وي سجودك. حسرة ودموع وأنين
تبچي حيطان السجن. كلشي لمصابك يون
==========
بغربة عايش بالسجن والحسره بالروح
وي ونينك يابو طلبه العالم اينوح
تدعي للباري بدموع وگلب مجروح
رايد تواسي الغريب الضامي مذبوح
وبمصابك تنحب اعليك السماء
وبمصابك بكل الم تمطر دماء
الدمع باب لكل حزن. كلشي لمصابك يون
==========
اربع اعوام وعشر من عمرك ألام
ضيم شفت وبس مأسي وناس ظلاّم
ماشفت راحه ابد من جور الايام
مساهره جروحك وابد ماتگدر تنام
والمصيبه. سجنك بگد الكبر
والمصيبه. لموتك اشگد تنتظر
لااخو لامن ابن. كلشي لمصابك يون
==========
بجفك گيود السلاسل ترسم اثار
جن نبي ودعوة نبي خانوه بالغار
بغربتك يابو الرضا بطامورة محتار
امتداد لكل مصيبة مصابك الصار
يارزية. بيك اشوفن جم الم
يارزية. باب محروك وخيم
ليل جرحك من يجن. كلشي لمصابك يون
==========
خنگة الطامورة خنگه بكل مسيه
ولوردت تشتم هوه تحين المنيه
عالوجه طاغي يسطرك شهل الاذيه
مثل ذاك اللي سطر وجه الزجيه
ذكرياتك. وجه فاطم منسطر
ذكرياتك. تشوف باب وبي جمر
گلب ظالم مايحن كلشي لمصابك يون
==========
حزنك بسجنك نعرفه بهذا الامصاب
تنحب لحال الذبيح الظل عالتراب
شحال زينب يالغريب ابين الاجناب
جرح عمتك بالسبي ينزف ولاطاب
والمدامع. تبجي بله ليا جرح
والمدامع. حسين جدك منذبح
ظل ثلاث بلا دفن. كلشي لمصابك يون
==========
الشاعر علي النائلي
15رجب وفاة زينب / كلمات الشاعر علي النائلي / خادم الحسين اكرم الزيدي ١٤٤...
https://youtube.com/watch?v=WN-w2JnClak&si=0GxjeQAHxmzW8qTy
قريت الفاتحة لروحي
🎤 أكرم الزيدي
✍ علي النائلي
https://youtu.be/qWnnW5N7Czs?si=DP1cBGzMA7WKKhBw
Читать полностью…
(ظلت جنازه بلا أهل زينب) للشاعر علي النائلي بصوت الرادود ابو هاشم الربيع...
https://youtube.com/watch?v=hTDSYrXPID0&si=0Sbq13QNSo7WtLzw
قريت الفاتحة لروحي. اشيع حزني واجروحي
أسكّت نوحي ابنوحي. غريبه. غريبه
==========
انه زينب غريبة ونوحي ماهاد بدموع الرزيه
بده عمري بحزن واهات وآلام ودموعي جريه
اخذ حيلي جمر نيران بالباب من كسر الزجيه
رجع نفس الجمر للطف الي هناك بأرض الغاضريه
حجيت ودمعتي بعيني ولاواحد الي يجيني
شسوي بعمري واسنيني غريبة. غريبة
=========
احس الموت يمي وذابله الروح واختمها بمناحه
عمر جبته بالم واتحسر هواي ماشفت انه راحه
اشكثر بالطف تمنت روحي اتموت احجيها بصراحه
اليعيش بليل عاشر ذبح الاخوان شيطيب جراحه
اليشوف جروحه بالعاشر. يبين جرحه بالخاطر
صدر يتكسر بحافر. غريبة. غريبة
==========
عشت بين الليالي وغربة الايام بحزن روحي الغريبة
شمس روحي ذبحها ليل الاهموم والراح شيجيبه
ابحر حزني الدمع امواجه نيران من اثر وقع المصيبه
الجرح روحي وكتلني ذبح الحسين والجثه سليبه
اشوف بعيني هالمنظر السيوف اتگطّع المنحر
يطيح كبالي ابو الاكبر غريبة. غريبة
==========
بعد رحلة عذابي وجرحي ماطاب وبأخر حياتي
ردت دفان اليه من اهلي ملكيت مذبوحه امنياتي
عشت عمري غريبة وغربة بالموت شوصف ذكرياتي
فجيعة الشام واهل الشام قاسين يامصعب مماتي
اصيح ومدمعي سايل. ردت تحظر يبوفاضل
عليه الشامت اشگايل. غريبة. غريبة
==========
الچفن يلجمني واحسه مثل الاسياط ومتوني لجمهن
وسط كبري يفزن سكته الاجروح فزن من المهن
التراب البل كبر اذانييّ هواي بعيوني وجرحهن
انا جروحي بكثر طعنات الحسين وبگبري شيلمهن
زغير وماوسع گبري. قياس بجرحي وي صبري
الدفني شلون ماادري. غريبة غريبة
==========
✍الشاعر علي النائلي
بنعشج انشالت رزيه. بيها طف الغاضريه
وجمر الاخيام
بالنعش تل المصيبه. بالنعش زينب غريبه
تموت بالشام
==========
ياغريبة. غربتج حته بمماتج زينب جروح
ياغريبة. تالي زينب بالغرب هم تطلع الروح
بغرب تالي يزينب ينختم عمرج
بعيده عن اهل بيتج صبح كبرج
يزينب ياغريبة وشعظم صبرج
بقه بگلبج يزينب ماطفه جمرج
بالگبر خيمه وشريعه. بالگبر جرح الوديعه
وجرح الايتام
بالنعش تل المصيبه. بالنعش زينب غريبه
تموت بالشام
==========
ياعجيبه ماكو اخوه تشيل نعشج هالمسيه
ياعجيبة. مااجوا أهلج واجت ليج المنيه
النعش منهو اليشله واخوه ماعندج
منو زينب يجيج ويحظر بلحدج
بقت حسرة دمعتج زينب بخدج
بهاي اللحظه منو اليحظرج ودج ؟
منهو ردتي من اخوتج. يكصد ويحظر بموتج
موت الآلام
بالنعش تل المصيبه. بالنعش زينب غريبه
تموت بالشام
==========
عالترابه. الليله تغفه عيونج ومايبقه كل حيل
عالترابه. انرسمت كبالج خرابة وظلمه الليل
انرسم يمج گمر بس انگطع جفه
ونينه ينسمع يمج ولا يخفه
ابوفاضل عليج ابروحه جم لهفه
جرح گلبه السبي ولامابعد يشفه
كافلج زينب تحير گطعوا اجفوفه وتعذر
بعينه الاسهام
بالنعش تل المصيبه. بالنعش زينب غريبه
تموت بالشام
==========
دمعة العين. بللت نعشج مدامع حسره وأهات
دمعة العين. صعبه من اطيح غربة ابين شمات
وسط گبرج غريبة زينب الحره
وليل احزانج معاند تره الگمره
اسنينج ذبلن وماشافن الگطره
شافن بس عطش تالي بوسط صحره
زينب الباري يعينج. شفتي ضيم بكد ونينج
جرح الايام
بالنعش تل المصيبة. بالنعش زينب غريبة
تموت بالشام
==========
بهل ليالي. انطفت شمعة حياتج يم الاحزان
بهل ليالي. عمرج بيا ضيم هيج شلون خلصان
مفروض انتي ميته هناك بالعاشر
من شفتي اخيج عالترب حاير
أبو الأكبر يزينب رضَّه جم حافر
بحوافر خيل اميه بس وذر صاير
سحكت بصدره اعوجيه. شفتي جم محنه ورزيه
كسر الاعظام
بالنعش تل المصيبه. بالنعش زينب غريبه
تموت بالشام
==========
✍الشاعر علي النائلي
ظلت جنازه بلا اهل زينب
گلب العقيله بس جمر يلهب
غريبه... عجيبه... امرها العقيله
==========
يَمْ الصبر وبيا صبر محد اجه من اخوانج
عشتي جسد عايف هوه صار الحزن عنوانج
يم عون ابد محد حظر من اخوتج دفانج
بعيونج براسج جرح فوك المتن نيشانج
تانيتي دفانج يجي إتاخر
دفانج ابلا راس ابو الاكبر
وحيده... بعيده... امرها العقيله
==========
يازينب الحره شبعد ذكراج بس طف والم
طفله وطفل نار وجمر وكبالج احتركت خيم
واصعب كسر يَمْ الخدر يم النهر طاح العلم
عباسج الفوك النهر مصيوبه عينه بالسهم
محد يشيعچ شيعي اجروحج
خليها تصعد للسمه روحج
المنيه ... اذيه ... امرها العقيله
==========
هذا النعش بي فاجعه ومبينه كلش كبره
مبين نعش نوح وحزن وجروحه كد الصحره
مبينه الإخت شافت اخو حين اللي كطعوا نحره
مخلصه عمرها بس بجي ويلي عليها الحره
هذا النعش ياهوّ جنازه
منهو اليشيعه وميته اعزازه
حزنها ...اوي ونها... امرها العقيله
==========
مو هسه ميته من زمن يَمْ الخدر يم النحر
من شفتي ابو اليمه وكع والخنصر امن ايده انبتر
من شفتي عباس الوكع من راح اخيج للنهر
ساعتها روحج مابقت من خاطرج حيل انكسر
من ذبحوا حسين شبقه بروحج
متيّي يزينب من كثر نوحج
يِحَيِرْ ... يمرمر ... امرها العقيله
==========
مو مره متييّ ولاالف واكثر يزينب عالهزل
تاليها ياوسفه وعجب مجتوفه زينب بالحبل
مامش نفس ظلچ بعد بالهيمه ضايع جم طفل
وحسين عفتي بس جسد مذبوح نايم عالرمل
عفتي الحسين اومااحد يمه
ظل الذبيح امغسل ابدمه
سبيه ... لإميه ... امرها العقيله
==========
حان الاجل بس مااجوا والمنذبح مايرجع
من كبره لتضني ابد من كبره لا مايطلع
موقف اخوج بموتتج شنهو العذر من يسمع
ميشيعج الفاكد نظر وبگبره ظل امگطع
طبع اليشيع يملك اجفوفه
قدري الوضع تتعذر اظروفه
ميحظر ... ميگدر ... امرها العقيله
==========
✍ علي النائلي
مولد مولاتي فاطمة الزهراء عليها السلام
نهنيك. نهنيك ياطه هاي الليله
نهنيك. نهنيك. ياطه هاي الليله
🌸🌹🌸🌹🌸🌹🌸
الليه فرحانه السمه اجه مولد فاطمه
النبي ربه كرمه. بهل الزجيه العالمه
الليله مايطفي الشمع صوت يعله وينسمع
الليله ممنوع الدمع. والحزن هم ينمنع
فرح جاي. فرح جاي. ياطه هاي الليله
🌸🌹🌸🌹🌸🌹🌸
ابو القاسم مبتشر. والورد ظل ينثر
فاح من بيته العطر. اليفرح إيحصل اجر
والملائك نازله. وابتدت بالبسمله
تصيح بالكوثر هله هاي أعظم منزله
الملك صاح. ملك صاح ياطه هاي الليله
🌸🌹🌸🌹🌸🌹🌸
فاطمه وهذا الاسم. بالعرش ظل منرسم
يا محمد ابتسم. هذا واقع موحلم
شأنك الابتر تره. عندك أنت الطاهره
هاي أعظم مفخره. بالزجيه الصابره
المحب صاح. محب صاح. ياطه هاي الليله
🌸🌹🌸🌹🌸🌹🌸
عينك الليله تگر. صلي ركعات الشُكر
احمد الله عالامر. وجه فاطم كالفجر
اضوه من نور الشمس. فاطمه وبيها تحس
نور بيدك يلمس عندك اغلئ من النفس
ضوه وجاي. ضوه وجاي. ياطه هاي الليله
🌸🌹🌸🌹🌸🌹🌸
مولد الزهره صُبَحْ. عيد والعالم فرح
صوت هالليله صدح. صدر طه اللي انشرح
يا محمد يالأمين. يكول رب العالمين
فاطمه الحق المبين. غصبن اعل الحاقدين
العلي گال. العلي گال. ياطه هاي الليله
🌸🌹🌸🌹🌸🌹🌸
علي النائلي
يمة يالزهرة / الشاعر علي النائلي / خادم الحسين اكرم الزيدي ١٤٤٥
https://youtube.com/watch?v=GRYxD7HzIGk&si=G4q3JBgPQ47Oymcg
قصيدة مشت امي. كبر همي
🎤أكرم الزيدي
✍الشاعر علي النائلي
السلام على مولاتي ام البنين الطاهره
دفنوها واسمعوا صوت اونين
ميته وظلت تبچي اعل حسين
صوت الحسرة. يبن الزهره
دم اتسيل العين
==========
دفنوها ام الاربعه بوسط الگبر خلوها
ماگطعت الون والدمع تبچي وتون عرفوها
الجنّازه حارت ياخلگ تحت الترب دفنوها
تبچي اعل الحسين وتون جوه الترب سمعوها
ماتگطع ونها وگطعت انفاس
ظلت تبجي لمحزوز الراس
دم العبره. يبن الزهره
دم اتسيل العين
==========
بوسط الكبر نصبت عزه تلطم تون مفجوعه
حته اللحد بيها انفجع ام وجبيرة اللوعه
واللي يمر يم الكبر واجب تطيح ادموعه
يسأل يعالم هالكبر شبيه وشنو موضوعه
هاي الحفره اهموم اشكد بيها
ام بذبحة ابن تون معذبيها
ونها شكبره. يبن الزهره
دم تسيل العين
==========
لازم گبرها انوسعه هيج بكبر حسرتها
ام البنين الطاهره لاماطفت جمرتها
مجلس عزه تسوي الگبر وترشه من عبرتها
عالمنذبح فوك الترب وسط الترب كسرتها
خيل ادوس بصدره وظهره
عشرة ثكيله هواي العشره
الخيل العشره. يبن الزهره
دم تسيل العين
==========
نوح ومدامع والبچي وسط الگبر جم حيرة
ظلت تعاين عالدرب ناظرها وين اديره
صدت نظرها لكربله للمنذبح ماغيره
بيها الحزن مسرى نبي كلش صعب تفسيره
لحسين الحسرة الظلت بيها
بس الموت هناك ايوديها
عالطف نظره. يبن الزهره
دم تسيل العين
==========
تمنت گبرها الطاهره يم الحسين ونوره
كل ماتحن ليه بوكت تطلع تروح تزوره
وهنا تجي ام الحسن الها وتجيب الصوره
صورة گمر حاضن سمه هاي السمه المشكوره
خَلوها ابين اثنين الليله
گلب الحره اليوم انهد حيله
ظلت تقره. يبن الزهره
دم تسيل العين
==========
الشاعر علي النائلي