1850
مختصّه بنشر جميع القصائد الحسينيه / احنه غير حسين ماعدنه وسيله للتواصل مع الشاعر @a313l1
المأتم هويتي حبك قضيتي
دمعة عاشورك تحييني
***
لو ما خدمتك يحسين العمر ماضل إله قيمه
اخذني لعالم جروحك وفقني يبو الشيمه
جمره وماطفت لجلك بدليلي تستعر خيمه
اعطش ألك مو للماي للضميان بل هيمه
شهر المحرم عيشني مأتم
جرحك يحسين مبچيني
***
ميت واعدل بعاشور والتحييني دمعاتي
ألك يحسين أبو السجاد كل دمعي أوي حسراتي
المحرم احسب الأيام اضيع بدون وناتي
بخيمة خدمتك مهيوب وتشهد عني لطماتي
بهاي المجالس بجنوني عابس
خادم الحسين مسميني
***
مثل الطير ارد يمك تلمني شما ثگل حملي
حنين حسين اعرفنه هواي حسين فازعلي
الوذ بهيبته أو بخته واحد جنه من أهلي
إذا امرض وإذا احتار جفوفه الزاچيه يمدلي
ياناس أحبه شايلني گلبه
مجروح وهوه ايدوايني
***
حلاة الحب جرح ودموع حسين الجرح الي يهمني
بطريقك خطوه خطوه وياك بهاي دموعي كبرني
اللطم تسبيحة العشاگ لعالم جرحي تاخذني
دمعي بي مشاعر حب ارتاح ودمعي يلچمني
يجبر الخواطر دمعي اليگاطر
وتسولف بجروحك عيني
***
حرز لعيوني دمعاتي وغير دموعي ماعندي
عشت قصة غرام وياك يبو السجاد من مهدي
بمحرم انشر الرايات ويفيض أمن الدمع خدي
اصيرن شاعر ورادود وعزي القائم المهدي
جرحك يهمني وحزنك فجعني
حزنك مولاي مغطيني
***
أول كلمه اعرفها اه يحسين ومصابه
جمرة حزنك بگلبي حتى بقبري لهابه
طبع الدنيا دواره وشما دارت ابابه
ماعندي عرف غيرك حبيب ويعشگ احبابه
قصة غرامي لحسين أمامي
لبابك اشواگي توديني
***
علي محسن الفرطوسي
ضوه عيني وجفيني فدوه انطيهن لحسين
حشميني تعرفيني يازينب حان الدين
يختي وتدريني راح اوفي بديني
* * * * * *
جارحني هواي الماي والشاطي هوايه
يازينب هاي اعداي ماتشرب مايه
رايح بجفوفي الواي والجود ويايه
إني الساقي الوفاي وانطيت حچايه
من ازعل وترجل بالماي اتشب نيران
بجفي الطف ماينشف من دم هاي العدوان
الموت بجفيني راح اوفي بديني
* * * * * *
أبو راس الحار اسمي الرواي الكافل
تجري الغيره بدمي إني أبو فاضل
بالطف ماقل عزمي رديت العايل
يختي ولا تهتمي اگبالج نقاتل
يالحره والزهره يرخصلج هذا الماي
بالرايه على مايه تنذل كل هاي اعداي
ياگرة عيني راح اوفي بديني
* * * * * *
على راس الطير اسمج فنه اليدنالج
احنه اخوانج يمچ چلمه انطينالج
محروسات اخيمج درع احنه گبالج
قسمينه بأسم امج بدم ضحينالج
رايتنه بهمتنه اترف اتضل بالعالي.
نضحيلج نفديلج زينب ابكل غالي
بس تحشميني راح اوفي بديني
* * * * * *
رايه وتعرفها الناس وچفي اللزماها
اعداي اتعرف العباس بالطف رعباها
صاحب غيره ونوماس وبالروح افداها
زينب يارفعة راس ماطاح الواها
بغيرتنه تحزمنه جيل تناقلها لجيل
الطف يشهد حين الهد ظهر الطف اصبح ليل
الساقي مسميني راح اوفي بديني
* * * * * *
جارحني سهم العين ولخيامي عيوني
عطشانه اطفال حسين الماي ينادوني
يازينب والچفين طاحن يدروني
عن جودي تناشد وين من يحشموني
عطشانه وحيرانه اطفال حسين يتانون
تحشمني وتندبني الماي الماي ينادون
سكنه اتانيني راح اوفي بديني
* * * * * *
علي محسن الفرطوسي
ارد اروحن للكفلهه اضعوني
وين وين العلگمي دلوني
****
گلبي ملهوف الجفوف سمعت أمگطعه
ياضوه العين الحسين گصد للمشرعه
عيني ألك بچايه وينه راعي الرايه
راح حامي ضعوني للفرات ومايه
ماي ماي الصوت من ضعوني
وين وين العلگمي دلوني
****
جفني همال والعيال تصد صوب النهر
وينه عباس ينوماس وصل لينه الخطر
أخذ روحي بطلعته والعطاشه نادته
سالم ايرد لينه ترف بيده رايته
راح راح ونزل دمع عيوني
وين وين العلگمي دلوني
****
جرحي ماطاب والمصاب مثل جمره استعر
جفني مشبوح الجروح حمل يكسر ظهر .
حشمت ياكافلي الكمر ياهيبة علي
انتظر يلفيني يكلي يختي ادللي
نار نار غيابه خاطف لوني
وين وين العلگمي دلوني
****
شلي بالماي يوفاي اريدنك ترد
وين أبو الجود والزنود جِرح گلبي الفگد
الماي جارح خاطري جروحي مقتل تنقري
الرايه وي راعيها للشريعه ناظري
صاح صاح شجم طفل رووني
وين وين العلگمي دلوني
****
لوني مخطوف والطفوف جرح يچويني
راح عباس والارجاس يخي تاذيني
من بعد ذاك الخدر وصل لحدودي الشمر
النار وسط خيامي وجدمي يسحك عالجمر
خيل خيل وناسهم شتموني
وين وين العلگمي دلوني
****
بعد الخدور يعاشور اعيش املوعه
عفت الاعضيد بلا أيد وگع عالمشرعه
واني امشي لوحدي شمر بضعوني ايحدي
من بعد خواني الشام جرحي او موعدي
ليش ليش اخواني ماحضروني
وين وين العلگمي دلوني
****
علي محسن الفرطوسي
حشمت خلف الضعن
يبني ارجع للوطن
**
وينه عباس اصيحه بدمع عيني اليصب
درب الضعون خذاهم جرحني هالدرب
جفني ذبلان تركته يسباح الگلب
اربع اولاد هجرهم يهل الوادم صعب
عيوني بالدمعه انعمن
يبني ارجع للوطن
**
حادي العيس خذاهم حده بدرب الخطر
مني ماخذ بنيني شمس تضوي وگمر
كسرة العود عليهم أحس گلبي انكسر
مني شيريد حرمني يهل ناس الدهر
شموعي بالدار انطفن
يبني ارجع للوطن
**
رايده أخبار تجيني على الباب اوگفت
گلبي محتار يعباس يبعد أمك صحت
من الطفوف يعودون بحلم ملگه عشت
غير الجروح والنياح بعدكم ماشفت
مارحم بيه الزمن
يبني ارجع للوطن
**
ريحة احباب على الباب اشم وكت العصر
اركض بنوح والجروح مثل لفحة جمر
والصبر زين يگولون لجن ماضل صبر
البيت الي يفارگ اعزاز مثل وحشة قبر
گلبي بالفرگه امتحن
يبني ارجع للوطن
**
عميه العين والدموع اثرها اعلى الوجن
مجره نهران عالخدود أثر من الحزن
بنار الغياب والأحزان يالولاد امتحن
من يجي الليل بالدموع جفن زاعل جفن
زاعل عيوني الوسن
يبني ارجع للوطن
**
علي محسن الفرطوسي
أصيح اخذوني .. تغير لوني
دمع لوجمره .. التچوي جفوني
**
يهل ماشين ألمن ضلتي لوحدي
مثل جمره المدامع تاكل بخدي
ولف بالدنيا غير الأهل ماعندي
صحت والحادي چن مايسمع ويحدي
تگيله جروحي .. تبعته بنوحي
يبويه ادخيلك .. أصيح اخذوني
**
عمامي وكل هلي شالو فرد شيله
وحشه الدار ضلت ياهو الشكيله
وي ريح اليهب مرسول اوديله
ثگيل افراكم لا ما . ألي حيله
اريد اوياكم .. صعب فركاكم
بدمعتي التجري .. أصيح اخذوني
**
احط ايدي أعلى خدي وعيني ألك تدمع
دواي بشوفتك يا بويه من ترجع
بدرك يالرحت يايوم إلي يطلع
عفت طفله وعليله بغربه تتوجع
المرض آذاني .. أون خلاني
اشوفك يمته .. أصيح اخذوني
**
اضن مامنها رجعه سفرتك هايه
عطشت النضرتك وينك يبو الرايه
عيوني ياگمر كل وكت بچايه
تعال وعوف شاطي العلگمي ومايه
ردت جفينك .. أو نظرة عينك
التعب ماخذني .. أصيح اخذوني
**
ردت منك خبر وطروش تلفيني
من كثر الدمع بويه نطفت عيني
ياهو الگاه لرض الطف يوديني
تعال مروتك المن مخليني
اعطشت لطيوفك .. تمدلي جفوفك
يكسرة خاطر .. أصيح اخذوني
**
علي محسن الفرطوسي
بويه حُسين بويه حُسين
......
طول الدرب منشوره العيون
هلبت اشوف اهلي يعودون
اقنع يگلبي هذه الوداع
مادگت اجراسج يالضعون
ولا طارش اهلي يودون
حته الأثر ماضل على الگاع
يغوث المبتلي يل تسمع النخوه وانه انخاك
عجب يا أبو الفضل من حشمت مابين الواك
ردت تكفلني عمي وبالضعن تاخذني وياك
يامصدر النور إدخيلك صحت يابو الفضل يامصدر النور
أنشر على الدور محتاجه شمس الله وگمر أنشر على الدور
دلالي مكسور والله امنهد ذاك السفر دلالي مكسور
سيد الماي يوفاي يراعي الرايه
مدلي جفين تره العين تضل بچايه
بويه حُسين بويه حُسين
**
مخضر أمانه اعله الضعن
وإني عليله إبلا وطن
ويه الگمر عندي حچي
احچي بيقين ومعرفه
يتجلى بجفوفه الوفه
الكون اعله زنده ينتچي
احن الگعدت اهلي وطالت والغيبه يالحباب
عيوني تنتضر جيه واتانيهم على الباب
بعد ماضل صبر واني الگلب من الحزن ذاب
ضايع اثرهم كعدت هلي صارت حلم ضايع أثرهم
إني نتظرهم أهل المحنه اخوتي إني انتضرهم
بدرب الأخذهم اكعد وسولف ياهوه بدرب الاخذهم
دربك دموع بالوداع يعمب أمليته
وبيت الاحزان والدموع تره سميته
بويه حُسين بويه حُسين
**
ردت الهلي طروش اليطرشون
يحچولهم عن حالتي شلون
يخبروهم بحال العليله
مكتوبي لعباس اوديه
كل الحچي بالدمعه ابديه
وماينشف المدمع مسليه
مثل نار بگصب نار الحزن ماتطفه عالصار
(يگعد الموته وني والحجر من بلوتي احتار)
يفز من انعه باب اهلي أو يگلي مامش اخبار
ماردلي مكتوب أولا ساعي يوصل كربله ماردلي مكتوب
ياگلبي چم دوب اصحه أو ابات بحيرتي ياگلبي جم دوب
اوگف بالدروب لاطارش ولا من خبر اوگف بالدروب
بدمع العيون على الباب كتبت أحزاني
الغالي من راح بالضعون أون خلاني
بويه حُسين بويه حُسين
**
فز بيه حزني أمن الفجر
چن العطش خاطف بدر
يم النهر واكع علم
هالصوره يرسمها الجفن
أم الخدر چنها بحزن
ماأعتقد عمي سلم
أبمان الله اسمعت من الخيم صوت ألگمر صاح
المدينه اضلم فجرها وحيلي أمن التعب طاح
إذا حامي الخدر زم رايته وصوب النهر راح
صرخات الاخدور راح الكفل للمشرعه صرخات الاخدور
ماضلي ناطور. زينب تصيح بكربله ماضلي ناطور
لو چفه مبتور راحن خواتي بالسبي لو چفه مبتور
ترجع النوگ للوطان حزن يحديها
صدره ديوان الارماح يرحب بيها
بويه حُسين بويه حُسين
**
علي محسن الفرطوسي
عاشور اجه اعله عتابي وانه ذكرت احبابي
انسه الهضم ومصابي امن اذكر سبي عماتي
▪️▪️▪️▪️▪️
الگِضه العمر ورگه بهوه ولجرحه مايرهم دوه يتعذب
يوميه اصحه اعله الدمع ومدري شيحز جوه الضلع من انحب
عماتي صعدن عالهزل وجف اجنبي سلباهن
صعبه المره من تنضرب والشمر قاسي وياهن
عاشور ايام ويجي واني ابجي لبلواهن
مولحت عيني امن الدمع وللموت ماأنساهن
اسود لبست اثيابي والموت لازم بابي
انسه الهضم ومصابي امن اذكر سبي عماتي
▪️▪️▪️▪️▪️
انه الجواد لهل الشهر متحضر وموتي حضر منيه
بشهر المُحرم إلچم سود الملابس والهظم هويه
حافر شفت فوگ الصدر يعثر بصدره الحافر
ينطحنن ضلوعه الضهر وعين العقيله تناضر
ياخويه شو صاير وذر حيرت كلبي الصابر
مطشر ارماد بهوه ومابيك شي ضل عامر
صوابك يخويه صوابي لراسك عيوني ترابي
انسه الهضم ومصابي امن اذكر سبي عماتي
▪️▪️▪️▪️▪️
ماشفنه ميت ينسلب وفوگ الذبح يشبع ضرب بالحافر
الميت اكرامه الدفن موش بخناجر ينطعن ودم فاير
خيول اعوجيه من تمر تشلع لحم من صدره
متغير حسين اشكثر ياهو اليمر ايطبره
الماعده اخو وكت الحرب ماواحد ايكض ضهره
زينب تشاهد حالته محنيه مثل الزهره
رماد الخيم بحجابي ياهو اليرد طلابي
انسه الهضم ومصابي امن اذكر سبي عماتي
▪️▪️▪️▪️▪️
استقبلت شهر الحزن بمصابي ولعاشور اون مُحرم
بعمر الشباب اتسممت لقصة القاسم اذكرت زفه ودم
َمثل الجمر جبدي صبح جفوف الغدر خانتني
بعشريني ماشفت الهنه ناس شكثر اذتني
جسمي يغسلونه هلي وأصحاب إلي حضرتني
بس الحسين بكربله موته ابغرب بجتني
حضرتني اني اصحابي جفهم يهيل اترابي
انسه الهضم ومصابي امن اذكر سبي عماتي
▪️▪️▪️▪️▪️
بنفسي أجود اعله السطح سهم الأجل جبدي جرح شيرده
من طبعه اليدناله أجل يم راسه يگعدون اهل مو حده
باقي ثلاثه ابلا غسل مثل الذبيح بطفه
الزمن مايرحم تره بولد الزجيه اتشفه
موتتنه لو سم لو قتل ونار الهظم ماتطفه
مهدينه باجر من يجي ياخذ الثار بجفه
مسموم آنه بشبابي للمهدي عيني اترابي
انسه الهضم ومصابي امن اذكر سبي عماتي
▪️▪️▪️▪️▪️
علي محسن الفرطوسي
نار البصدري من يطفيها
انعه اعله زينب وابجي اعليها
ياغريبه ياغريبه
....
جمر الحزن ماينطفي واني احترك بالامي
منظر سبايه بكل وگت اتخيله گدامي
الشام جارحنه شكثر اغفه يجي بأحلامي
إني الصادق دمعتي وحزني اعله طول ايامي
زينب غريبه الچلمه تاذيني
ليليه اغفه ودمعتي بعيني
ياغريبه ياغريبه
....
منضر شفت من دنيتي النار وسط دياري
اذكرت طف كربله بصدري حبست اعباري
الله يعين أم الخدر حرمه إلها من ايداري
إني الشفت منظر عجب مرعوبه كل اصغاري
بيتي احترگ وذكرت زينب
والنار من گلبي احس تلهب
ياغريبه ياغريبه
....
جعفر الصادق إني إذا ينذكر يمي العطشان
من جفني دمعاتي تهل واصرخ يجدي العريان
ما إلك ناصر وحدك مدفون من غير اكفان
كل اهلك الخلصو ذبح وبالخيم شبت نيران
إني إذا يحضر إلي بيني
كل اهلي تحضر أو تسد عيني
ياغريبه ياغريبه
....
الموته حلوه لو أهل يمك تجي وتناظر
لاجن براضي كربله جدي يدوسه الحافر
الغربه بعيونه نملت ومن أهله محد حاضر
يحسين كل حزني ألك مصابك ضلوعي كاسر
خلوني انوحن لاخر ايامي
يستاهل دموعي الوكع ضامي
ياغريبه ياغريبه
....
احيو الأمر ياشيعتي قيمو الماتم لحسين
الدمعه لجل مصيبته تصبح علاج لكل عين
ذكروا مصيبة كربله ذكرو العلم والجفين
عالمنذبح كل هالحزن گلبي لمصابه نصين
المامنجرح مايعرف البينه
والما بجه المن يضم عينه
ياغريبه ياغريبه
....
علي محسن الفرطوسي
https://youtu.be/r_JwTPZtdQU?si=Hh9-Mj2KP6C1srDK
Читать полностью…
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
يم الحسن يايمه
دارج حزينه وضلمه
اذتنه يمه العصره
گلبي انكسر يالزهره
*
يايمه فكدج موسهل مابيه حيل افراگج
مو چنه من نحجي سوه هسه احجي ويه اترابچ
ياما تقاسمنه الألم ياما گعدنه ابابج
يل روحتج كسرة ظهر والموت أخذ شبابج
كسر الضلع ياكرار
من عده دلالي احتار
وبروحي تسعر جمره
گلبي انكسر يالزهره
*
من طلع نعشج واني اصد حيدر علي من شاله
ريض صحت وبدمعتي الفوك الوجن هماله
خليني اشمها ياعلي حسينك دشاهد حاله
يحبيبه اگعدي حشمت ابنج منو اليبقاله
صديلي يابعد العين
هذا إني يايمه حسين
بضلوعي أحس الكسره
گلبي انكسر يالزهره
*
الدنيا صعبه ابلايه أم . واني ضعت بعدها
ياهو اليرد أمي بعد لو نامت بلحدها
من كثر ماتعبت صفه ناحل تره جسدها
عالباب دم أمنه نزف ذابل صبح وردها
اكسر الخاطر عالباب
دمع اليفارگ سچاب
وعيوني صارت حمره
گلبي انكسر يالزهره
*
بيده يجفنها علي بالمغتسل هل دمعه
ضلع أم ابيها إلي نكسر ماأدري حيدر ضلعه
محني ويون يافاطمة ذايب علي چن شمعه
صار اضلم بعينه الوگت يم نعش فاطم ينعه
بعيونه دمعاته اتبات
ليله خلص بس دمعات
مافاده بعدج صبره
گلبي انكسر يالزهره
*
الفارگله غالي من يون تلگاه صفنته اطويله
يگضي حياته بحسرته أمن الصبح حد ليله
بخطواته يتمايل حزن توگع دمعته أو حيله
يروح لقبرها بحسرته وماي العيون ايسيله
من ضيعت اغله الناس
شو طالع امفرع الراس
مخنوگ صوته بعبره
گلبي انكسر يالزهره
*
علي محسن الفرطوسي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
ياناس صح خيمة الابو || محمد السلماني || جديد
https://youtube.com/watch?v=iVkH1aAhFeo&feature=shared
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
متغير لوني لوني لوني
ذبلانه جفوني جفوني جفوني
لوني وشكلي أتغير
رايح مني الأكبر
***
بالخيم صاحت ليلى للأكبر
يبني لغيابك والله ماأگدر
دمع عيني اعليك عالوجن من خر
للحرب رايح تهدي المنحر
عيونك عالرايه الرايه الرايه
ونطيت حجايه حجايه حجايه
عالفرگه ماأكدر
رايح مني الأكبر
***
أمك مفجوع وكفت و بحسره
تتنظر يرجع أمه منتظره
الوداع الصار عذب الحره
دعوت المظطر تدعي منكسره
گلبي لاجمني لاجمني لاجمني
وحدي عايفني عايفني عايفني
حيرني هالمنظر
رايح مني الأكبر
***
العطش والحر غير ارسومه
امن التعب شفته جروحه ملچومه
ابني خل يرجع مو محل نومه
القمر من يغيب تطفه انجومه
ماطفت ناري ناري ناري
ياعمد داري داري داري
اشذنبك تتوذر
رايح مني الأكبر
***
بنحره اشتمه بلا وعي ناديت
يبني حاجيني والدمع خليت
لكربلاء اتمنه من عسن لاجيت
الولد مذبوح وبالغرب ضليت
مومحل نومه نومه نومه
ذبلت ارسومه ارسومه ارسومه
بعدك يبني اتيسر
رايح مني الأكبر
***
العشره بثواني خِلصت بالطف
مدلله وتالي بحبل اجتف
لاولد يفزع والعلم مارف
بالحزن والنوح گلبي يتكلف
راحت زلمنه زلمنه زلمنه
بغربه يسرنه يسرنه يسرنه
تعبانه أو اتعثر
رايح مني الأكبر
***
علي محسن الفرطوسي
دمعي هملته .. گلبي كسرته .. بهذا السفر
عذبوني ... ونتظرهم
ماأجوني .. من سفرهم
**
اني أم ضعن الثكاله وإني أم دمع اليسيل
راحو أولادي ابضعينه والدرب كلش طويل
حرمه خلوني بعذابي ومابقه بداري خليل
ريجي فكيته بدمعتي وعاشرت طور العويل
اربع بنيني .. ماضن تجيني .. من كربله
ياحسرتي .. روحي عدهم
ماأجوني .. من سفرهم
**
أربعه من داري شالو راحو بضعن الحسين
عيني ابدرب الخذاهم وبيتي ترسيته ونين
تفارگينه بهل السهوله والدمع يعميلي عين
اكتب اعلى الدار اخذني يمه يل گلبك حنين
موتي بغيابك .. يلجمني بابك .. أمن اتعنه ليه
ابجي ونعه .. إني امهم
ماأجوني .. من سفرهم
**
إني امهم ونتظر هم كاعده بدرب السفر
حالي مثل السعفه صاير أرجف وكلبي نكسر
كربلاء عني بعيده ومارجع منهم خبر
موديه ثلث نجوم اخبرك والمهم سالم تمر
من هاجروني .. اخذو عيوني .. شكد ناطرت
بروحي جمره .. من أهدهم
ماأجوني .. من سفرهم
**
ياهو ألي يوصل خبرهم ذبح دلالي الحزن
مثل طير وهذا حالي ليلي اخلصنه أون
بيت الأحزان اني اسكنه وماغفه لحضه الجفن
دمعتي إتغرگ وجنتي بفركة أولادي امتحن
خوفي وعذابي .. وحيرة مصابي .. دوم انتظر
من أعاتب .. حيرني امرهم
ماأجوني .. من سفرهم
**
نذر كلهم ولدي راحو والمهم سالم يعود
أدري كفال الضعيفه يفدي لحسين الزنود
اربعه وكلهم نشامه ولدي يوفون العهود
مايرد ساقي العطاشه دمعتي تغرگ الخدود
يفدي اخيته .. حافظ وصيته.. نشمي الگمر
املي جودي.. ياعطشهم
ماأجوني .. من سفرهم
**
علي محسن الفرطوسي
عيني لدروب الأهل مشبوحه
بويه بسيف الهجر مذبوحه
.....
وداعت الله من گلت وحدي ضليت التفت
عالضعن من حشمت واياك اروحن حسبت
بعيني عبدالله شفت بجفه يوميلي ومتت
امشي اهز مهده ردت بليل هجرك مانمت
صحت يختي يارقيه بنوحي
عيني لدورب الأهل مشبوحه
....
أنته أبو گلب الحنين مخلي بنتك بويه وين
ليا عذاب ويا ونين ردلي خل تغمضلي عين
بعالي صوت اصرخ حسين ياهلي يل راحلين
محسبه تگلي تجين بضعن اخوتج تصعدين
بنضرتك يحسين تشفه جروحي
عيني لدورب الأهل مشبوحه
....
عودت گلبي عليك لأني اندل حته اجيك
حسين بس مدلي اديك دوه اجروحي بويه بيك
كون تنباع اشتريك ليش بويه معطشيك
بكربلاء امعذبيك وطن بس امغربيك
بصوت طفله حشمت مذبوحي
عيني لدورب الأهل مشبوحه
....
الريح لو حركلي باب حسبت جيت احباب
جفني من دمعاتي ذاب عشت كل عمري بمصاب
بويه مااحمل غياب بروحتك شفت العذاب
لاتضنه جرحي طاب بالگلب هذا الصواب
علگت رايات فوك صطوحي
عيني لدورب الأهل مشبوحه
....
ماترد لمت هلي. إلها مشتاگه وعلي
اخبار ماوصلت إلي بويه فارغ منزلي
صوت حزني يعتلي بجرح دلالي ابتلي
همومي ماضن تنجلي حسين جرحي الأولي
من هجركم راح تطلع روحي
عيني لدورب الأهل مشبوحه
....
علي محسن الفرطوسي
عون ماوصيك يمه بخالك
.....
يبني شد الثامك لاتدنگ هامك
جيوشهم گدامك روي دم صمصامك
خل ترف اعلامك يبني ثبت اجدامك
الحرب حسبه وفضها انته ابالك
عون ماوصيك يمه بخالك
.....
گوم هز أركانها الخيل شد اعنانها
كربلاء وميدانها تنتظر شجعانها
الحرب كف اردانها القاده گص السانها
يبني يازلمه بحرب يدنالك
عون ماوصيك يمه بخالك
.....
خالك أو يستاهل وحده بالطف نازل
يبني اگصد قاتل روح ندم العايل
بهل الحرب متفائل دمع خصمك هامل
الزلم تبجي خلها كون اگبالك
عون ماوصيك يمه بخالك
.....
كربله هز گاعها وانته من اسباعها
الزلم هيج اطباعها ماتهم بوجاعها
اتحزم بمصراعها الروس ياقلاعها
يرد جثه الگرب يم اخيالك
عون ماوصيك يمه بخالك
.....
....
الحرب هاي اسيادها تشيمت بولادها
عون سيفك رادها وضيعت مشرادها
الموت حل ببلادها بالعرك ميعادها
ناس تحجي لناس عن أفعالك
عون ماوصيك يمه بخالك
.....
علي محسن الفرطوسي
هلّت دمعتي
عشت بغربتي
يل روحتك كسرة ظهر تكتل حسرتي
**
بغيبتك تدري ذبلت اغصاني ونخطف لوني
وحدي تاركني گاصد الكوفه وتدمع عيوني
من حميده الصوت بنيتك اني لا تهجروني
لكسرة الخاطر مايصح اضماد. يل لچمتوني
سفره ومنيه
واني شبديه
بعيوني ضلت هالصور عايفني وحدي
**
طفله مرعوبه لو مشه الوالد فارغ امچانه
خاليه دارك وينه راعي الدار وحشه ديوانه
لوصحت بويه إيرد صده الجدران تخنگ أحزانه
عايف بدارك بس مناحه اعليك أورده ذبلانه
أرجع دخيلك
يكتل رحيلك
يل زعلتني بهالسفر عايفني وحدي
**
بويه الكوفه ادري غداره وخوفي ذابحني
انتظر سالم ترجع لدارك. حزني عذبني
جمره بعيوني وماطفت ناري لا تحيرني
بويه مفجوعه وحيرتي حيره وماطبگ جفني
ليلي سهرته
ترجعلي يمته
ماردلي من مسلم خبر عايفني وحدي
**
تيتمت منك. وإني اصغيره. بويه محتاره
من رحت لليوم. گلبي بغيابك ماطفت ناره
طبع الي يسافر . لازم يعودون لهله بخباره
وهالخبر جاني أمن القصر شمروه الكوفه غداره
ميته بغيابك
دمعي اعله بابك
ضيع هلي وناسي الدهر عايفني وحدي
**
دهري حيرني ومارحم حالي. ولا شفت راحه
الفارگ احبابه يگضي عمره بنوح. عيشته نياحه
كلبي من عفته. تدري يا بويه نگطع سباحه
افك ريجي بنوح يومي من يبدي. بجرح مصباحه
بعدك يتيمه
تعيش الهظيمه
طاوعني حزني والسهر عايفني وحدي
**
علي محسن الفرطوسي
يا أبو طاهر حياك عاشت يمينك
....
الخيل والخياله .. برعب كلها گباله
نشمي من يدناله .. بجفه سيفه شاله
الخيل داست عالخيل خزرتها عينك
.....
غضب صب بعيونه .. فنهم يلاگونه
الهاشمي يسمونه .. ضربته مرهونه
چثه رد الاگاك عرگت بجينك
....
هلهلتلك طوعه .. گومهم مفجوعه
البرز كض ضلوعه .. صرخته مسموعه
اسد بارز للموت هاجر عرينك
......
بجفه هز الكوفه .. وغيرته معروفه
صطرته موصوفه .. الجيش عاش بخوفه
هله بمرسول حسين وتحامي دينك
.....
القصر هز جدرانه .. سفرن بذرعانه
حيدري عنوانه .. مصحف اعله السانه
تقره آية قران ومگيدينك
.....
ياجبل بالعالي .. ماطحت للتالي
صحت من يدنالي .. راح إذل الوالي
القصر والكوفه أصيح مسلم دخيلك
...
علي محسن الفرطوسي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
موتك هدم كل حيلي
عالفركه لاتحجيلي
مابيه حيل اغيابك
هاظمني بويه صوابك
**
يابويه جرحك موسهل خلاني اون مكسوره
ليلي سهرته بدمعتي راح اليشع بنوره
غطيها عني طبرتك بعيوني ضلت صوره
هاليله رايات الحزن عالدار الك منشوره
بمحرابه طاح الكرار
وجه السمه أحمر صار
كعديت اون ابابك
هاظمني بويه صوابك
**
عيد الله باجر لويجي أذكر هلي بنحيبي
جارحني درب المقبرة مني أخذ حبيبي
ياعيني عيشي بدمتعج هيج انكتب نصيبي
رايح الجان النه دوه بجرحي صفن طبيبي
ماتطفه نار الفرگه
محتاجه منك شبگه
يلي تركت احبابك
هاظمني بويه صوابك
**
ماينجرع بويه اليتم بعدك اضل يتيمه
الكون صاير مقبره والبيت بعدك هيمه
عشت بعذابي وحيرتي يل طيحتك هظيمه
مخليها زينب للحزن وعيوني تشبه غيمه
ضلمه بغيابك دارك
مگطوعه عنه اخبارك
ليليه اشم اترابك
هاظمني بويه صوابك
**
بكل دمعه أصرخ ياعلي يابل الحسن دخيلك
قررت موتي ياعلي من اقترب رحيلك
بالعيد ماتت ضحكتي لقبرك يبويه اجيلك
بعدك اضل بحيرتي ومن حزني اشتكيلك
الليله نخطف كل لوني
وي والدي دفنوني
مشتاگه اشم اعتابك
هاظمني بويه صوابك
**
مابين حيرة غيبتك ومابين روحي الثگله
يادمع ياحيدر علي بهل الفاجعة أهله
ادخيلك يحيدر لاتون گطعت كلبي اگله
مو سهله هاي روحتك ياعلي لا موسهله
راح الحنين الليله
بيادمعه من ابجيله
بدمك صبغت اثيابك
هاظمني بويه صوابك
**
علي محسن الفرطوسي
من حنيني اهتز جدار الحضره ماواحد اجاها
بربعيني الزيارة بالحرم ياهو القراها
للعراق عيوني تنظر حايره
قبري من احبابي محد زايره
بربعيني بربعيني
*
وينه المشتاك لأجواء الزيارة
خلي يجي ويشوف ونات المناره
وينهم هاي السنه أهلي الغياره
گلبي ينطرهم ولا مل انتظاره
مايجوني بالحرم ماشفت جوگات العزيه
حيروني رايده اشتم هوه أمن ارض الغاضريه
هاي ابد ماصايره ولا دايره
قبري من احبابي محد زايره
بربعيني بربعيني
*
بالي يمكم والدمع تارسها عيني
اخباركم مگطوعه عني ماتجيني
ياكل بصدري الهظم ساعة حنيني
الشام وأهل الشام خويه معذبيني
يا عذابي مثل نار بشمعه تمشي جروحي بيه
يا عذابي الماتجيه أحبابه يشوف الاذيه
هاي زينب ياأهلها اشصايره
قبري من احبابي محد زايره
بربعيني بربعيني
*
ماشفت رايات رفت بالمواكب
يمي شو محد حضر ضليت اراقب
الحضر رادت تزهي بجيت الحبايب
قبتي البشام هاليله تعاتب
بالمناره ماكو رايات العزاء ولا مجالس
الغياره من تجيني ايصير للونات واهس
النايم اعله العلگمي أخته تناطره
قبري من احبابي محد زايره
بربعيني بربعيني
*
اربعيني اليوم شو محد گصدني
غياب زواري عن الحضره فجعني
ماطبگ باليل ضل سهران جفني
من كثر وني تعب ونهار حزني
جرح الافراگ هدم ركن الحيل وتفارگ ضعنه
هوايه اشتاگ حلمي من بعد الجره يلتم شملنه
عالهظم لليوم زينب صابره
قبري من احبابي محد زايره
بربعيني بربعيني
*
كون قبري بكربلاء مابين اخوتي
جان حلمي بالطفوف ايصير موتي
مو غريبه الشام آه يالشام صوتي
جروحي ماتخلص صبح نوحي سلوتي
هذا حالي مرقدي وحشه وطفت أنواره
يادلالي الراح من يوم الطفوف وصابره
المثلي گلبه منكسر وي خاطره
قبري من احبابي محد زايره
بربعيني بربعيني
*
ياگلب عيش بحزن هذا نصيبك
عاشر الحسبات يل غايب حبيبك
مايفيدك من بعد عينه طبيبك
احمد الله وشكره وكثر نحيبك
غمضي ياعين ايسي منهم مايجون الليله
گلبي نصين والدمع من عين ماجف سيله
ماكو زوار بضريحي حاضره
قبري من احبابي محد زايره
بربعيني بربعيني
*
علي محسن الفرطوسي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
https://youtu.be/XHbugL1hS_w?si=QIEbmQfW-b57vJeV
Читать полностью…
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
حُسَينُ ...
لا غَيرَكَ يَروِي ظَمَأَ الخُطُواتِ.