Telegram-канал al_kolowd - الجوادين: Unsorted

الجوادين

03 June 2025 00:13

أعمال يوم استشهاد الإمام محمد الباقر عليه السلام

الجوادين

02 June 2025 13:18

الي سابقاً مجرّب الإستغفار ومانفعه بشي

فحبيت اگلك ان أنت ما حقّقت شروط الإستغفار الصحيحة الي يريدها منك رب العالمين

كل عمل إذا ما تسويه بنية صادقة وبشروطه الصحيحة المطلوبة فلا تتعب روحك بعمله أصلا

مثلا ...
مو انت تگعد تستغفر ولازم سبحة بيدك وگاعد بنفس اللحظة تسمع فلان الي ياخذ غيبة لو تستغفر و تگلب بموبايلك وبالك حتى مو يم الإستغفار !

خو اكو اشخاص يستغفرون حتى ما يلفظون الكلام صح ! مثلا يلفظ ( استغف الله ) ! حتى الراء ما يطلعها

من كثر السرعة وكأنه عنده واجب بس حتى يخلص الـ ۱۰۰۰ مرة !

مو هيج !

ترى الاستغفار لابد ان يكون معه حضور القلب وتكون متوّجه لرب العالمين
يعني كون گلبك محترگ ومن صدگ ندمان على كلشي سويته وكأنه جالس دتشكي لربك ذنوبك السابقة الي محتاج انها تنغفر

ظل ردّد هذه العبارة( أستغفر الله ربي وأتوب إليه ) بس من تگولها خليها تطلع من اعماق گلبك واستحضر ذنوبك الي سويتهن نفس اللحظة تخيلهن بعقلك : سرقت ، ظلمت ، آذيت ، أغتابيت ، نظرت حرام ، زنیت ، عقيّت والدي ... إلخ

وبهالاثناء رح تشوف شلون حتى دمعتك تنزل
و رح تنتبه على نفسك ان انت بدأت تظهر عليك علامات الندم والخشوع والخنگة

وشوي شوي رح تشوف نفسك مخلص عدد كبير من الاستغفار
و اذا ظليت على هالوضع يوميا فهذا ضمان إلك من الله ومن النبي واهل بيته ( عليهم جميعا صلوات الله وسلامه ) ان كل مشاكلك تنحل
وكل ذنوبك السابقة تنغفر وكل رزق رح يجيك وكل حاجة تنقضي و بعد ما يتقرب إلك شيطـ،ـان و رح تجيك توفيقات غريبة عجيبة ماتدري منين

وهذا كله بسبب الإستغفار الصح

قال تعالى ( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِل السَّمَاءَ عَلَيْكُم مِّدْرَارًا وَيُمْدِدْكُم بِأَمْوَالٍ وَبَنِينَ وَيَجْعَل لَكُمْ جَنَّاتٍ وَيَجْعَل لَّكُمْ أَنْهَارًا )

قال تعالى ( وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ )

نجمة مهدوية