فزاعيه
عالعطشان لطمتنه حسينيه
طبت. للعزه الزهراء محنيه
ااااااااااااااااااااااا
اوياها أم البنين بروح مدميه
وزينب صاحت اليوم بمهظميه
آ يحسين خويه هالسرو ا بيه
شدنه العزه و اللطمه حربيه
ااااااااااااااااااااااا
يحسين الكلب زايد نحيبه
مصابك ماجرى والله عجيبه
وأختك باليسر ظلت غريبه
راحت بالهظم وبروح محنيه
ااااااااااااااااااااااا
جوادر للعزه بكل عام يحسين
ننصبلك عزه بكلب الموالين
وعالعباس يانسل الميامين
انكابل بالعزه زينب المسبيه
ااااااااااااااااااااااا
بكل مجلس عزه الحوراء أذكريها
خلصت. روحها الدمعات تجريها
و عالطفله الكظت يم راس واليها
كظت فوك النحر ياروح الأبنيه
ماناسينا. يحسين الطف
تمت
✍️بقلم الخادمه أم محمد السعيدي
/channel/hatsmmnmRi
قصيده للأربعين
تقرأ بعد ة أطوار
كعدوا ياهلي ماحمل أفراكيه
أجيت أشكيلكم ظيم السدى أعليه
🔹🔹🔹🔹🔹🔹
خطاره الحزينه وحيل تعبانه
أرد أحجيلكم كعدوا يوليانه
ملجوم الدليل ومات بأحزانه
آنه أم الخدر واليوم مسبيه
🔹🔹🔹🔹🔹🔹
كعدوا ياهلي ماحمل أفراكيه
أجيت أشكيلكم ظيم السدى أعليه
🔹🔹🔹🔹🔹🔹
ليش أبساع والعشره تفلوها
أكعدوا للحريم ولاتخلوها
خطاره أجت هاليوم شكوها
اجينه أنشوفكم كعدوا يفاعيه
🔹🔹🔹🔹🔹🔹
كعدوا ياهلي ماحمل أفراكيه
أجيت أشكيلكم ظيم السدى أعليه
🔹🔹🔹🔹🔹🔹
تعبني الزمان وغير أحوالي
يامحله المنيه أوياكم أشوالي
ياحال الغريبه اليوم ياحالي
من ظيم السبي ماشيل رجليه
🔹🔹🔹🔹🔹🔹
أكعد ا ياهلي ماحمل أفراكيه
أجيت أشكيلكم ظيم السدى أعليه
🔹🔹🔹🔹🔹🔹
ثكلان الحمل وأيريد شياله
ماسكتت أعيوني ودوم هماله
هذا النوم موش الكم يعياله
زينبكم غريبه أتر وح مسبيه
🔹🔹🔹🔹🔹🔹
اكعدوا ياهلي ماحمل أفراكيه
أجيت أشكيلكم ظيم السدى أعليه
أتفلوها
العشره أشلون
✍️ بقلم الخادمه أم محمد السعيدي
/channel/hatsmmnmRi
الزهراء سلام الله عليها تخاطب الامام علي ع
شال اليوم هادينه/ياكرار
يافي المغطينه/ياكرار
راح ومايرد لينه/ياكرار
لمصابه تزلزل والفلك ،،،دار
شال اليوم هادينه/ياكرار
⚫⚫⚫⚫⚫⚫
شال اليوم جد أبني/ ياكرار
ؤآنه البين هاظمني/ياكرار
يومه حيل فاجعني/ياكرار
من بعده المصايب والوكت جار
شال اليوم هادينه/ ياكرار
⚫⚫⚫⚫⚫⚫
أبوي اليوم ظيعته/ياكرار
شال وعايف اابنيته/ياكرار
عليه ظيم رايدته/ياكرار
مهظومه وتنوح أزغار وأكبار
شال اليوم هادينه/ياكرار
⚫⚫⚫⚫⚫⚫
من بعده يروعو ني/ياكرار
عدوان ويهظموني/ياكرار
وبالباب ويعصروني/ياكرار
ولاراعوا نبيهم هجموا الدار
شال اليوم هادينه/ياكرار
⚫⚫⚫⚫⚫⚫
أبو الزهره يسمونه/ياكرار
وبمصابه يفجعونه/ياكرار
نام وغمض أعيونه/ياكرار
الحسن وحسين ناحو ا والنعش سار
شال اليوم هادينه/ ياكرار
⚫⚫⚫⚫⚫⚫
من غرب نبينه اليوم /ياكرار
مثلوم الشرع مثلوم/ياكرار
ماهاد الكلب مالوم/ياكرار
اكعد للعزيزه وشوف وأشصار
شال اليوم هادينه/ ياكرار
✍️ بقلم الخادمه أم محمد السعيدي
/channel/hatsmmnmRi
قصيده عزائيه
للرسول ص
ألله يعين كلبج يأم الحسين
شايل هيبتج وأمغمض العين
🔹🔹🔹🔹🔹🔹
مصابك يامحمد هاظم الزهره
مالومه عليك وتنحب بعبره
شايل يالحنين اللايذه بكتره
يحله النوح للساده الميامين
الله يعين كلبج يأم الحسين
🔹🔹🔹🔹🔹🔹
شكلتي اعليه يزهره بيوم سد العين
صدك شال الحنين أفزع يبو أحسنين
مفجوعه المصابه والكلب نصين
أطل أنعاك بويه أ سنين وأسنين
الله يعين كلبج يأم الحسين
🔹🔹🔹🔹🔹
عليك اتنوح كل اهل السماوات
يأبو أبراهيم يمعدل الميلات
وعلى يومك نجر ونات ونات
وأنعازي الزجيه وآل ياسين
الله يعين كلبج يأم الحسين
🔹🔹🔹🔹🔹
ليش اعله الرحيل أنويت يالهادي
شوف بأمتك من بعدك أشسادي
ظاع الحك يوالي والظلم بادي
والسمك غدر هالحرف الدين
الله يعين كلبج يأم الحسين
🔹🔹🔹🔹🔹🔹
هجموا عالزجيه وروعو ها
لاهابو ك أبد ولاهابوها
بنار احقادهم هالدارشبوها
ولاراعوا نبيهم جد الحسين
الله يعين كلبج يأم الحسين
✍️ بقلم الخادمه أم محمد السعيدي
/channel/hatsmmnmRi
ندبه لطلب الحوائج
للأمام الرضا ع 🙏
نظره يالرضا لأحبابك الليله
ننخاك بدمع وأبسدك أدخيله
🐾🐾🐾🐾🐾🐾
ندك باب الرضا وتجري مدامعنه
ياباب الكرامه وأبد ميردنه
يكظيها الحوائج مايقشلنه
نندبك سيدي لومرت العيله
نظره يالرضا لأحبابك الليله
🐾🐾🐾🐾🐾🐾
تحت قبتك يوالي جينه وأدعينه
ينخاك الموالي ودمعته بعينه
نحشمك يالغريب ادخيل والينه
تفزع للموالي والمرض شيله
نظره يالرضا لأحبابك الليله
🐾🐾🐾🐾🐾🐾
مهظوم الدليل أهمومنه أهوايه
نخينه أهل الكرم بالضيج وفايه
مناقب من بعد مشهوده ألك رايه
وابوك الكاظم المات بزناجيله
نظره يالرضا لأحبابك الليله
🐾🐾🐾🐾🐾🐾
ياعز الهواشم جيت خطاره
مغيم هالدليل وماطفت ناره
تعب كلبي يوالي ورايده أبشاره
تطيب خاطري وأبسدك أدخيله
نظره يالرضا لأحبابك الليله
🐾🐾🐾🐾🐾🐾
✍️بقلم الخادمه أم محمد السعيدي
/channel/hatsmmnmRi
قصيده مواساة
للأمام المهدي عج
بالحسن العسكري ع
تقرأ فزاعيه ومربعه
يون اليوم
المهدي وناصب الثايه
مصاب العسكري جيناه عنايه
🔹🔹🔹🔹🔹🔹
ياعظم المصاب أشكبر فجعتنه
بالسم والقتل خلصوا أيمتنه
ماتكفي الدموع ولازيارتنه
كل عام اليجي نعتني مشايه
🔹🔹🔹🔹🔹🔹
نواسي المهدي نطلع بالعراظات
مو هين علينه الليله من مات
عايش بالألم شاف المصيبات
يايوم اليجي ويرفعها هالرايه
🔹🔹🔹🔹🔹🔹
نحس بونتك مولاي تدرينه
نواسيك بدمعنه اليوم هالجينه
السامره اجينه الشوك ماذينه
نحبكم مانهاب الموت وفايه
🔹🔹🔹🔹🔹🔹
شال العسكري والدار مسدوده
والمهدي يون والروح ممروده
غداره يدنيا أخذتي الأحيوده
غدرتي أهل النبوه ماجرت هايه
بمصابه
نعازي المهدي
✍️ بقلم الخادمه أم محمد السعيدي
/channel/hatsmmnmRi
فزاعيه للأمام العسكري ع
جينه نعازي آل النبي
بالعسكري وبمصابه
🔹🔹🔹🔹🔹🔹
أنعازي الزجيه بيومه
تنعى وتون مهظومه
مفكود ياجبدومه
ونار الكلب لهابه
🔹🔹🔹🔹🔹🔹
بسامره هالليله الحزن
والمهدي حزنان ويون
دمعاته من دم هالجرن
ليش النذل ماهابه
🔹🔹🔹🔹🔹🔹
المهدي عله فكده أشحاله
عالمسموم دلاله
نقيم العزه وننعاله
تنعاه كل أحبابه
🔹🔹🔹🔹🔹🔹
الليله نعازي الساده
مسموم حاله أتراده
أمكطع المهدي أفاده
وين أتريد يايابه
🔹🔹🔹🔹🔹🔹
وحده المهدي الليله
مكسور ونحل حيله
يم جثته ويشكيله
ينعى بدمعه سجابه
✍️بقلم الخادمه أم محمد السعيدي
/channel/hatsmmnmRi
قصيده مواساة😭
لمصاب الأمام العسكري ع
بقفلة الهوسات
ندك عالهام
شال العسكري اليوم
نشيل أعلام لمصابك يمظلوم
🔹🔹🔹🔹🔹🔹🔹
مجلس لأبو المهدي اليوم نصبوه
شال العسكري هاليوم عازوه
باد الحيل منه اليوم عينوه
ويبجيله,
يلطم عالراس
🔹🔹🔹🔹🔹🔹
بعالج بالمنيه وطلعة الروح
اليوم يودع أبنه بكلب مجروح
صار أصياح من داره وعله النوح
يفكدو نه،
الليله الهيبه
🔹🔹🔹🔹🔹🔹🔹
يابيت الأمامه أنهدمت أركانه
كلها الجعفريه اتصيح مولانه
دارك يالحسن مسدوده بيبانه
بأحزانه
،خليت أوليدك
🔹🔹🔹🔹🔹🔹
أبوك الجان تاج وعالخلك هيبه
خذاه الموت منك بعد شيجيبه
الله بساعدك لوطالت الغيبه
هد حيلك
فراك الوالد
🔹🔹🔹🔹🔹🔹
وين يريد شيال الكلافات
ياعظم المصاب الليله من مات
مهظوم أبوصالح يجهر الونات
كل حيله
المهدي أمهدم
✍️ بقلم الخادمه أم محمد السعيدي
/channel/hatsmmnmRi
قصيدة سريعه :لأبي الفضل العباس
طور :خدام خدام خدام نبقه لفاطمه
.................................
عباس عباس عباس زينب تنتظر
الجود كظه والعلم بيده ونزل
گصد درب المشرعه عباس ابو الغيره البطل
وطشر خيول الاعادي وصاح آنه ابو الفضل
اليوم اجيب الماي لختي ولسكينه وللطفل
عباس عباس عباس يالكلك فخر
وتالي مدري شصار بالكون وجره
لن ابو فاضل طريح على الثرى
مگطعه منه يمينه وميسره
وبالعقيله ابو فاضل مادره
عباس عباس عباس نايم ع النهر
وزينب الحره يبو الغيره تگول
يالجبتني من وطن جدي الرسول
گوم شوف عداك بخيامي تجول
وشتموني وانه بت فحل الفحول
عباس عباس عباس ترضه بهالامر
والعقيله بيوم طلعت والحرم
تصيح وينك يابو فاضل ياشهم
نشاف طولي ها يشيال العلم
والطفل عبدالله بالنبله انفطم
عباس عباس عباس تدري ياگمر
قصيدة :علي الاكبر
.........................................
بگت ليله بحزن تنعه ودمع يجري
وتنادي بصوت يوليدي نفذ صبري
*****
يبني ياعلي گلب امك تفطر
بغيابك ينور العين يالاكبر
أنه منك گطعت الظنه يمحسر
من شفتك موذر يابعد عمري
*****
ميت يبني من جابوك يالغالي
وموذر يويلي شفتك گبالي
ذابت مهجتي ونجسم دلالي
وراواني بمصابك فاجعه دهري
*****
سطرني هالدهر يبني اشد سطره
وگلب امك على فرگالك شيصبره
راح اگظي العمر حسره بأثر حسره
من عگبك ينور العين لو تدري
*****
لون تدري ييمه ماغفت عيناك
امك تنهظم لمن يمر طرواك
لو بيدي ييمه چا رحت وياك
لچن للباري يبني سلمت امري
*
انه ام علي الاكبر مابگالي راي
فگدت شمعة سنيني وضنوتي ورجواي
عگبك ياوليدي اظلمت دنياي
وليل نهار يسعر ماطفه جمري
فزاعيه لأبي الفضل العباس
مطروح فوگ الگاع سبع الگنطره
*****
زينب گطع بيها
عباس واليها
مارد بعد ليها
وعگب الچفيل حسين حزو منحره
*****
طايح على التربان
وگلب اخته ضل حزنان
ياسيد الشجعان
طگو بعد عيناك بت خير الورى
****
ياراعي النوماس
شتگول عني الناس
ايطگون اخت عباس
زينب الچانت عند اخوها مخدره
*****
ياضنوة الكرار
ماتدري بيه شصار
دمعي يصب مدرار
وخدري نسحگ من طيحوك على الثرى
****
ترضه يلب حشاي
احمل مرار عداي
وطفال عندي هواي
وكلها يراعي الجود مايك تنطره
*****
عباس حاچيني
مصابك عمه عيني
وزود لي اونيني
حرمه أنه ويردوني امشي ميسره
___
قناة بين الباب والخيام. قناة حسينيه
لخدام الحسين عليه السلام
تجدون كل ما تحتاجون من لطميات
رجاليه/ وشدات/ومربعات/وحماسيات لختام المجلس/وهوسات /وفزاعيات /لكل ايام شهر محرم
قصائد بمختلف الاوزان والكلمات المؤثره
للشاعره ام مرتضى الموسوي
والشاعره ام مرتضى الخفاجيه
قصائدنا جديده ومتفرده بالحسجه
انضموا لقناتنا عبر الرابط👇
/channel/azm20001982
🛑اعلان🛑
تعلن مؤسسة منبريون الحسينية بحاجتها الى مشرفات لغرض نشر قصائد حسينية بوقت ٦٠ دقيقه في اليوم فقط . على من ترى بنفسها الفراغ والكفائة تتواصل على المعرف التالي :- (( @Emmaasouma ))
شال الجان بعهوده يفالي
يحل عگدالزمن بيده يفالي
انه المجلوم لمصابك يفالي
ويضل فكدك جرح ينزف اذيه
شال الجان الي خيمه وفي لي
حنين ومايجافبني وفي لي
انه الفكديت ون جاسم وفالي
لتحق بيه وترك نيران بيه
أنا لله وأنا اليه راجعون
خادمة الموعود الغزي
/channel/teafso
هوسات في حق السيد محمد باقر الفالي
رحمه الله 😭😭
ارتجالي مباشر 🔥🔥🔥
♛٭♛٭♛٭♛٭♛٭♛٭♛٭♛٭♛
شنهي الخبر هذا المنتشر بالكون
ومحمد الفالي ميت يكولون
ولخادم الزهره خل نطيح امتون
اليوم الفالي مغرب حكنه نون اعلي
♛٭♛٭♛٭♛٭♛٭♛٭♛٭♛٭♛
صبحنه بحزنه وناشرين اعلام
وشال اليوم وسفه احد الخدام
مايكفي الحبر لو خطت الاقلام
الخادم من يغرب يترك فيه اعله امجانه
♛٭♛٭♛٭♛٭♛٭♛٭♛٭♛٭♛
شال السيد ومن شال تهدم سورنه العالي
وحزنانين كلنه اليوم والله بموتة الفالي
هذا الكضه كل عمره يون لحسينه الغالي
الخدامه وحسين يون
♛٭♛٭♛٭♛٭♛٭♛٭♛٭♛٭♛
هزانه الخبر ياخادم الزهره
والشيعه عليك اليوم متكدره
الك بكلوبنه الفالي بكت جمره
إذانه يالسيد فكدتك
♛٭♛٭♛٭♛٭♛٭♛٭♛٭♛٭♛
على السيد كتبت اليوم هوسات ارتجاليه
ولصوب النجف ياحيف كالو سار حاديه
والمنبر صبح مهدوم وسفه اخلاف راعيه
يبجي اعليه اليوم المنبر
♛٭♛٭♛٭♛٭♛٭♛٭♛٭♛٭♛
بقلمي عاشقة العباس الشاعرة والملا ام عراق الشمري البصره صاحبة ديوان الرايه الخضراء ولايجوز حذف الاسم شرعا وغير مبري الذمه لكل من ينسب الكلام لنفسه
صاحبة الحسچه الجنوبيه
ام عراق الشمري البصره
/channel/kEc5VGVP81k2Nzgy
قصيده ولائيه
أبد ماننسى عاشورك يالحسين
وأنجدد عزانه طول الأسنين
🔹🔹🔹🔹🔹🔹
عهد للموت عاهدنه
نفديلك مناحرنه
ألك تجري مدامعنه
وعلى نهجك نظل للدوم ماشين
🔹🔹🔹🔹🔹🔹
أبد ماننسى عاشورك يالحسين
🔹🔹🔹🔹🔹🔹
إلك متعنيه أحبابك
علينه لاتسد بابك
يالجبريل ينعالك
ننصب جادر بكلب الموالين
🔹🔹🔹🔹🔹🔹
أبد ماننسى عاشورك يالحسين
🔹🔹🔹🔹🔹🔹
أجينه بشوك يم كبره
نواسي امه الزهره
للداسوا على صدره
وماننسى مصابه طول الأسنين
🔹🔹🔹🔹🔹🔹
ابد ماننسى عاشورك يالحسين
🔹🔹🔹🔹🔹🔹
الراس بصايتك عالي
نظل خدام للتالي
فداك الروح وأعيالي
بحبكم رايده الجنه يطيبين
🔹🔹🔹🔹🔹🔹
أبد ماننسى عاشورك يالحسين
🔹🔹🔹🔹🔹🔹
يأبن الزهره يامظلوم
أجيتك والكلب مالوم
تعبانه وعليه أهموم
نظره يامولاي ياأبن الميامين
✍️ بقلم الخادمه أم محمد السعيدي
/channel/hatsmmnmRi
قصيده للرسول ص
اليوم عالمرسو ل
عازوا فاطمه
وعلى أمصابه ينتحب حامي الحمه
🔹🔹🔹🔹🔹🔹
شايل الليله ياوالد فاطمه
سيد الأكوا ن نبجيلك دمه
والمصابه حزنت أملاك السمه
أمبجيها
كل عين أفراكك
🔹🔹🔹🔹🔹
اليوم جن أسمع ونين الطاهره
نار بالدلال ظلت مسعره
خلاف عينك بويه ماتدري أشجره
هجموا عله الدار الزمره الظالمه
وأمكيدينه
حيدر كدامي
🔹🔹🔹🔹🔹
أمكيدنه أبو الحسنين ويرعبوها
نامت عيون النبي ويولوها
وفوك فكد الوالد أيفجعوها
وأبتدت كل المحن بافاطمه
هظموها
بس نامت عينه
🔹🔹🔹🔹🔹
تصيح يافكد الأبو ويايومه
ياكسرتي أعليك أظل مندومه
راح عزي وصبحت محرومه
الدنيا أبلامحمد وحشه ومظلمه
أيدفنونه
العز و الهيبه
🔹🔹🔹🔹🔹
✍️ بقلم الخادمه أم محمد السعيدي
/channel/hatsmmnmRi
شهرين اپعزه المظلوم
والجمر ه تضل بينه
🔹🔹🔹🔹🔹
أشما دارت علينا أسنين
نبقى عالعهد يحسين
وماتنشف دموع العين
يبقى حسين والينه
🔹🔹🔹🔹🔹
ننصبله العزه بكل حين
مولانا ينور العين
وبدمه أستقام الدين
تفداه كل موالينه
🔹🔹🔹🔹🔹
أنعازي فاطمه الزهره
للظل مرمي عالغبره
ألك بكلوبنه جمره
شيعتكم الوفايه
🔹🔹🔹🔹🔹
وماننسى أبد زينب
وعالوفاي خل ننحب
حسين أخلافه يتعذب
للخوه أنطه جفينه
🔹🔹🔹🔹🔹
وعالشبان نتحسر
جسام وعلي الأكبر
تظل أجسادهم بالبر
ومانكطع بواجينه
🔹🔹🔹🔹🔹
زينب بالطفوف اتحوم
مدمعها يصب أدموم
منها الكلب ظل مالوم
نواسيها وتواسينه
✍️ بقلم الخادمه أم محمد السعيدي
/channel/hatsmmnmRi
قصيده ثكيله
لأستشهاد النبي ص
آااه لفقدك يارسول الله
😭😭🖤
أذن يبو أتراااب،،،،
،مات النبي اليووم
ياعظم الأمصااب،،،
والكلب مالوووم
خل نودع الهادي،،،
خل نودع الهادي
أذن يبو أتراااب
🔹🔹🔹🔹🔹
آه يافكد الأبو هظمه جبيره
من أنطفىه نورألنبي أظلمت الديره
ياكسرتي أعليك أظل حيرتي حيره
وحشات الأيااام،،،
عكبك خلياات
والابو لوراااح،،،،،
،كولوا البخت مااات
كولوا شنهوا السادي
خل نودع الهادي
أذن يبو أتراااب
🔹🔹🔹🔹🔹
صوت أسمعه أيصيح وسفه راح مولانه
شال ياسيد البريه الجان ويانه
ينعى جبريل أعله فكده ويبجي ويانه
آه وألف آه،،،،،
ينعاه القرااآن
نتلاكه هيهااات ،،،،،
وأنظل بالأحزان
والحزن هالبااادي
خل نودع الهادي
خل نودع أتراااب
🔹🔹🔹🔹🔹
فاركانه المصطفى خير البريه
ننعى للخلاها دمعتهه جريه
ياعلي صبر الوديعه أعله الرزيه
شلون الوكت جااار،،
بأهل الكرامات
والملك بنعاااه،،،،
وكل السماوااات
والحزن بفادي
خل نودع الهادي
أذن يبو أتراااب
🔹🔹🔹🔹🔹
الدنيا مابيها محمد تمتلي ظيم وبدع
وحيدر أخلافك تكيد والزجيه تنفجع
ويوكع المحسن يبوها والزجيه تندفع
من كوم الأشرار،،شافت مصايب
ياسر الأسرااار،،،يأأغلى الحبايب
حيدر أويه أولادي
خل نودع الهادي
أ ذن يبو أتراااب
🔹🔹🔹🔹🔹
الدنيا وحشه ياعلي وظلمه بعيونك
دنيا وأبلايه محمد ياعلي تخونك
رحل عنك عظيدك و جفت أعيونك
ويظمه الأترااب،،،،
وأتموت الأحلام
كلش قليلات,,,,
عشناها الأيااام
والحزن لأولادي
خل نودع الهادي
أذن يبو أتراااب
لك العزاء ياصاحب الزمان
😭😭😭😭😭
✍️بقلم الخادمه أم محمد السعيدي
/channel/hatsmmnmRi
نخوه للامام الرضا ع
أجينه نطلب الحاجات
منك يالرضا الليله
🙏🙏🙏🙏🙏🙏
يالضامن لمن زارك
نظره رايده أحبابك
ماخاب الكصد بابك
تكظي حاجتي الليله
🙏🙏🙏🙏🙏🙏
أطلب والطلب خلصان
لكلمن حاير وجعان
ميردك أبد فشلان
طب للحظره وأشكيله
🙏🙏🙏🙏🙏🙏
وين الشايعه اعلومه
بجاه حسين وبيومه
والكاظم الجيدومه
وبمعصومه أنه أدخيله
🙏🙏🙏🙏🙏🙏
نظره رايده مولاي
أبجاه الكافل السكاي
تزيل أهمومي وبلواي
وأبسدك أنه أدخيله
🙏🙏🙏🙏🙏🙏
منك رايده أبشاره
لاتحرمني الزياره
والعوده يبو الشاره
محبك مدمعه أيسيله
🙏🙏🙏🙏🙏🙏
خادمتك ينور العين
بيك أتفاخر بكل حين
أمشي أعليك أبو الحسنين
كل هم العلي زيله
🙏✍️بقلم الخادمه
أم محمد السعيدي
/channel/hatsmmnmRi
قصيده مواساة
للأمام المهدي عج
بالحسن العسكري ع
تقرأ فزاعيه ومربعه
يون اليوم
المهدي وناصب الثايه
مصاب العسكري جيناه عنايه
🔹🔹🔹🔹🔹🔹
ياعظم المصاب أشكبر فجعتنه
بالسم والقتل خلصوا أيمتنه
ماتكفي الدموع ولازيارتنه
كل عام اليجي نعتني مشايه
🔹🔹🔹🔹🔹🔹
نواسي المهدي نطلع بالعراظات
مو هين علينه الليله من مات
عايش بالألم شاف المصيبات
يايوم اليجي ويرفعها هالرايه
🔹🔹🔹🔹🔹🔹
نحس بونتك مولاي تدرينه
نواسيك بدمعنه اليوم هالجينه
السامره اجينه الشوك ماذينه
نحبكم مانهاب الموت وفايه
🔹🔹🔹🔹🔹🔹
شال العسكري والدار مسدوده
والمهدي يون والروح ممروده
غداره يدنيا أخذتي الأحيوده
غدرتي أهل النبوه ماجرت هايه
بمصابه
نعازي المهدي
✍️ بقلم الخادمه أم محمد السعيدي
/channel/hatsmmnmRi
هوسات للامام العسكري ع
يتيم الليله مهدينه يصيح يايابه
كعد يم نعش ابوه وأدموعه سجابه
أمودع الله وأينك يعلن أغيابه
ماشوف الراحه
أخلافك بويه
💠💠💠💠💠
محزون المنتظر ويهل دمع عينه
نعش العسكري شاله وصفك.جفينه
أبو المهدي عليك النوح ولأجله ونينه
يبجن ويانه
الزهره ونرجس
💠💠💠💠💠
متكدرين هالليله وشال هيبتهم
وأحبابه حزانه وأجت هالتلطم
كسرتهم جبيره الليله كسرتهم
ياجد الساده
الليله أمغر ب
💠💠💠💠💠
يادار الأمامه و راح راعيها
وبقث نرجس تنوح ومايرد ليها
على الشال منها حك نعازيها
عازوها
لمصاب الشايل
💠💠💠💠💠
✍️بقلم الخادمه أم محمد السعيدي
/channel/hatsmmnmRi
قصيدة ثگيله :للسبي
....................................
راح امشي غصب يحسين
اختكم آنه مسبيه
*
شلون لحالتي تنظرون
وهذي نوگ اجت وظعون
وعلي خافنكم تعتبون
لاچني يخوتي اليوم اطلع غصبن عليه
*
من فوگ الهزل انظر
ولحالتك اتصور
وعفه عندي صبر واصبر
من اشوفنك يخويه جثة مرميه
*
وللكافل اصد مرات
اشوفنه ع المسنات
واتجرع هضم وآهات
واگله يالچفيل شلون ترضه مچتفه ديه
*
ياسبط النبي الهادي
شوف بحالي شسادي
يوم الي حده الحادي
للكوفه وشمر يحدينه تاليه
***
وگبالي مشه الجمال
بعيني شاهدت لطفال
يضربوهم بني الانذال
وصحت بصوت ياعباس اشكيلك بني ميه
قصيدة ثگيله :للحسين الشهيد عليه السلام
.....................................
مطروح ع التربان اخوي وعيني تجري
كسره كسرني وفاجعه راواني دهري
صوبني هذا البين من طاح اخوي حسين
*
عباس فوگالمشرعه دم عينه سايل
وانه على التل اوگفت بنت الاصايل
صديت للحومه اشوفن بس ثواكل
والشمر طگني من صحت وين ابو فاضل
وطگني الشمر مرتين من طاح اخوي حسين
*
ريت انعمت عيناي لاشوفك رميه
جثه ودماها تسيل بالغاظريه
وتلعب عليها خيول من ال اميه
وماباوعتلي من گلتلك گوم ليه
وافگدت نور العين من طاح اخوي حسين
*
هضمتني يبن امي رقيه من تنادي
وينك يبويه وليش متردلي جوابي
ردتك يبويه تنظر بعمتي شسادي
وردتك تجي تخلصها من هاي الاعادي
وصار الهظم هظمين من طاح اخوي حسين
*
سكنه بعد عيناك ياخويه سبوها
مكسوره ظلت ويلي بغيبة ابوها
تبچي وتهل عيونها ع الدللوها
لاعمها يرجع لا ابوها ولا اخوها
صرت بوسط نارين من طاح اخوي حسين
*
ياخويه ضلت بس حرم وايتام عندي
وآنه حنت ظهري سياط اعداك تدري
يردوني اروحن عنكم وينداس خدري
ولن اسمعت صوتك تگلي خويه اصبري
ياصبر ظل هالحين من طاح اخوي حسين
فزاعيه: لأبي الفضل العباس
.........................................
طايح ع النهر عباس يازينب دگوميله
**
من مهره گمر عدنان
طاح ونام ع التربان
وعبد الله بگه عطشان
وأملاك السمه لعباس تبچيله
**
بالحومه عضيد حسين
منه گطعو الچفين
وصابوه بسهم بالعين
گومينه يزينب خلي نمشيله
**
گومينه يخيتي نروح
اخونه على الثرى مطروح
ابو فاضل عزيز الروح
سكنه منتظرته وروحها نحيله
**
راح ومارجع عباس
مصيوب بعمد ع الراس
ويبچيله الدرع والطاس
وتنحب له الارض وي السمه الليله
**
فارگنه اخينه اليوم
راعي الغيره والجيدوم
من عگبه ولتنه الگوم
وحرگو كل خيمنه وفجعو العيله
**
من بعدك يوالينه
اظلمت ليالينه
وشچم هضم مر بينه
سبي وضرب السياط من العده ثگيله
فزاعيه :للقاسم
............................................
جاسم ع الثرى مصيوب وسكنه تنتظر جيته
*****
يوم الطلع للميدان
گال آنه شبل عدنان
لتنكروني يالعدوان
ولهذا الامام العمر قدمته
*****
جاسم من وگع ع الگاع
صاح الحگ يعمي بساع
تره عمري گضه هساع
واني ياحسين العمر ماردته
*****
سابح بالدمه جسام
وسط الحومه لمن نام
جسمه ترّسوه إسهام
ورمله وي زينب عاجنه حنته
*****
سابح بالدمه من طاح
وامه عگبه ماترتاح
تبچي تصيح ياسباح
گلبي وياحسافه عرسه ماشفته
*****
من الحومه اجه عمه
جابه محنه من دمه
لرمله رايده تشمه
وگللها يرمله استقبلي جثته
*****
جثته استقبليها اليوم
ادري بگلبچ المالوم
من عگبه يزيد هموم
وهلي ادموعچ بزفته
اااااعلان 📣 اااااعلان
تعلن
مؤسسة منبريون الحسينية عن اطلاق
مسابقتها الرمضانية (( #مسابقة_سؤال_وجواب ))
الموسم السادس
طيلة ليالي شهر رمضان المبارك
اسئلة دينية عامة متنوعة ↘️
🪧⬅️. قرأنية
🪧⬅️. فقهية
🪧⬅️. عقائدية
🪧⬅️. مهدوية
🪧 ⬅️. روايات اهل البيت ع وجميع علومهم.
🎁🎁🎁🎁🎁🎁🎁🎁🎁
🛑علما
هناك جوائز للفائزين 🎁
وكذلك يحق للجميع المشاركين بالمسابقة
الزمان - سَـآعـ⏱ــهْْ 10 مساءاً
المكان - مؤسسة منبــ1ـريون الحسينية
/channel/+w_gZw9w77-ZmODUy
ننتظر تواجدكم وتفاعلكم الذي يضيف المسابقة رونقا وجمالا …
ابوذيات لسان حال مولاتي زينب عليها السلام
♛٭♛٭♛٭♛٭♛٭♛٭♛٭♛٭♛
كلشي يهون بس يحسين ماهان
افراكك والليالي المضن. ماهان
الشمر بجفاك يوم الغبت. ماهان
زينب بت علي حامي الحميه
♛٭♛٭♛٭♛٭♛٭♛٭♛٭♛٭♛
اون وضيم كلبي. مالونه
ولو عدلين اخوتي مالونه
ابو فاضل عساكر. مالونه
وراواهم علي بالغاضريه
♛٭♛٭♛٭♛٭♛٭♛٭♛٭♛٭♛
بقلمي عاشقة العباس الشاعرة والملا ام عراق الشمري البصره صاحبة ديوان الرايه الخضراء ولايجوز حذف الاسم شرعا وغير مبري الذمه لكل من ينسب الكلام لنفسه او يغير الرابط
صاحبة الحسچه الجنوبيه
ام عراق الشمري البصره
خدامه اضل لحسين حد كطع الانفاس
وبدرب ابو السجاد وفقني. عباس
/channel/kEc5VGVP81k2Nzgy
شال الجان بعهوده يفالي
يحل عگدالزمن بيده يفالي
انه المجلوم لمصابك يفالي
ويضل فكدك جرح ينزف اذيه
شال الجان الي خيمه وفي لي
حنين ومايجافبني وفي لي
انه الفكديت ون جاسم وفالي
لتحق بيه وترك نيران بيه
أنا لله وأنا اليه راجعون
خادمة الموعود الغزي
قصيده ثكيله للأهل 😭
جديد وحصريا 🔥🔥
♛٭♛٭♛٭♛٭♛٭♛٭♛٭♛٭♛
مشتاكيلكم يهل المحنه
كافي نوم مابسكم يهلنه
♛٭♛٭♛٭♛٭♛٭♛٭♛٭♛٭♛
كافي نوم مابسكم يالاحنان
من يوم المشيتو الحيل ركدان
عمت عين الوكت اشلون خوان
خذاكم منه واطشر شملنه
♛٭♛٭♛٭♛٭♛٭♛٭♛٭♛٭♛
خذاكم منه ليش ابساع وبساع
ورحتو من وكت نمتو على الكاع
تحرك بالكلب ساعات الوداع
وبعد بنفوسنه الكعده وسمرنه
♛٭♛٭♛٭♛٭♛٭♛٭♛٭♛٭♛
بعد بنفوسنه الكعده سويه
وياكم دارنه جانت زهيه
اضن حاليلكم نوم الوطيه
وياذاك الوكت شيعوده النه
♛٭♛٭♛٭♛٭♛٭♛٭♛٭♛٭♛
بعد شيعود طبتكم عالدار
طكانه الوكت خلانه طشار
ربينه وياكم احنه ازغار وكبار
ويتامه اخلافكم اليوم صرنه
♛٭♛٭♛٭♛٭♛٭♛٭♛٭♛٭♛
يتامه اخلافكم ننطي الوجه وين
واعله اغيابكم عميانه العين
يعزاز الكلب صرتوا بعيدين
وحسافه البين من عدكم حرمنه
♛٭♛٭♛٭♛٭♛٭♛٭♛٭♛٭♛
بقلمي عاشقة العباس الشاعرة والملا ام عراق الشمري البصره صاحبة ديوان الرايه الخضراء ولايجوز حذف الاسم شرعا وغير مبري الذمه لكل من ينسب الكلام لنفسه او يغير الرابط
صاحبة الحسچه الجنوبيه
ام عراق الشمري البصره
/channel/kEc5VGVP81k2Nzgy
