175
اللهم اجعلنا من خدام الحسين عليه السلام المخلصين
حسين وديت اربعه ومندومه
كون عشره مخلفه الك بلحومه
............
العذر منك ياحسين وياعذر
هذا يوم البيه يوفيك الگمر
كون عنده اخوان عباس ابكثر
دمع زينب لمك المظلومه
.....................
يمه وصيت اربعه بيوم المشو
صحت ريضو يااولادي اوريضو
عالحسين اعداه بالطف لو دنو
واليطب خل ينفگد من گومه
..................
كون عندي اخوان عباس والف
اوياك اوديهم ولاكلبي اليرف
المات دونك بيه باجر ينحلف
وامه باجر ماتذل بعلومه
...................
يا كبر حضي واضحيلك ولد
موته ولدي وكون لديارك ترد
يامجانك بيه ماواحد يسد
ويومك المحد يشابه يومه
...................
يالمشيت وانه صحت اولاد ابوك
يمه يا عباس خل عينك لخوك
ينبني العدوان خافن صايحوك
والشريعه بالزلم ملزومه
................
گول ماريدن الخال الماله راي
امشي وياكم واخوي انطي گفاي
هاي من احجيهه يعرگ مستحاي
وروحي من هذا الحجي مهضومه
................
اليگصر مرضعي يحرم عليه
وما امربيه البالحرب ترجف اديه
انه ربيت الاخوه يتنخه بيه
السيفه طاعون ويحل ابگومه
خادم اهل البيت علي الزرگاني
الفاتحه الى روح امي
مشايه للجواد مشايه للجواد
مشايه للجواد
***
مشايـــه نتعنــــه الك يبن الــزجيـــه
أخطار ندري بهل الدرب والله ومنيه
مشايـــه صدگ مــــا نمل للكاظميــه
تـــرسم مسيرتنــــه تظل الغاضـــريه
يحلالك الحداد مشايه للجواد
مشايه للجواد
***
مـوكبنـــه متعنــــي الك رافعلــه رايــه
مـــا چنها رايه الكصدتـك لا چنـها أيـه
يبن الرضا اتظل حضرتك قبلة هدايــه
غايتنه نوصل عتبتك تبقه انت غايـــه
ونلبس الك سواد مشايه للجواد
مشايه للجواد
***
مشايــه نتعنه بعـــزم منخاف الإخطار
يبن الرضـا والكل اجــــت متعنيه زوار
تفجير كل أهل الحقد ما يثني الإصرار
وقعنه بالدم العهد نبقه احنــــه أنصــار
يا سيد العباد مشايه للجواد
مشايه للجواد
***
لو سال دمنه اعلى الارض يصنع عجايب
بركــانه مــــا يخمد ابـــد ضد النـــواصب
مـــو مـــوكب النفدي الك نفدي مـــواكب
وللحضره نــوگفلك درع ونصـف كتــايب
رغم اهل العناد مشايه للجواد
مشايه للجواد
***
زلـــزال وبروس الحقد أصبـــح مشينه
والي يمسها حضـــرتك نكطـــع يمينــه
لأيد الخبث وأهل الكفــر ما صافحينه
شيعة علـــي ويبقه علــي بالعــز ولينه
أميرا للبلاد. مشايه للجواد
مشايه للجواد
***
العادانه خــل ينظـــر مشي هاي الملايين
جاباهـــا شــوگ محبتك للحضره ماشين
متخـــاف عبوات الكفـــر يبن الميـــامين
متعوده عالعز عالفخر مــن كربلـه حسين
من كربله الرشاد مشايه للجواد
مشايه للجواد
****
الشاعر
موسى البديري
لحسين أركضت .. يبن أمـي صحت
شكد طال الدرب .. وجم مره أعثرت
من طاح وشفت يم جسمه لمه
كلت كون اعتنيه لو موتي يمه
لحسين اركضت .. يبن أمــي صحت
------------------------------------------------
شايف ركضت الموجوع من الوجـع من يزهك
لو تلهب لهيب الكــــاع يركض ينشغ ويشهك
هيج آنه اركضت لحسين كلت بلكت عليـه ألحك
بجدامي الجمــــر طابع ولاجن عالجمر أسحك
طريت الزلم كــــوه أووصلتـــه
وكف كلبي أعلى أخيي حين شفته
آنه أمن اوصلت .. يبن أمــي صحت
------------------------------------------------
رحتله وكلت بلكه ألكـه كتــر بحسين سالم ظل
ما ظنيت أخــــوي ألكاه بهيجي حال من أوصل
الرماح بجسمه أمشابج نصها طالعـــــــه مكبل
الكتلني طايـــح امكطـع ومن الجيش ما بطــــل
هذا اليفتر أعليـه ويطبره
وهذا ينبت برمحه ويجره
شفته وأشهكت .. يبن أمي صحت
------------------------------------------------
شفتـه وغركن عيوني كمت ألطم على الهامــــه
ما ظل بيه كتــــر سالم رض أمرضرضه اعضامه
كل واحد يجر من صوب غير ارماحه وسهامــــــه
واحــد بيــــده المحبس والآخر بيده العمامـــــــه
صحت ياناس كافي وخروا عنه
شني شخليتو بيه جا بطلوا منه
ويم جسمه طحت .. يبن أمــي صحت
------------------------------------------------
الموتني بنــــات حسين أجن للمصرع يركضن
وراهن كاموا يركضـــون خافن منهم ارتعبـــن
كــوم الشـــوم لحكوهن لمّن بالجثث عثـــرن
السياط أعلى العبي طبعت حارن بيمن يلــــوذن
بسياط العده ألتموا عليهن
وأهن يتلون يشكفن بديهن
وأعليهن متت .. يبن أمي صحت
------------------------------------------------
وصلن لاجن بياحــال لكني كاعده يمــــــــه
وحده رادت تشبكــــه لجنها خافت تلجمـــه
وحده عالشمس وكفت في صارت على جسمه
وحده تلملم اوصالــه أووحده تمسح بدمــه
شمسوين بيه ضربه اعلى ضربه
والمثلث حفــــر حافرله كلبـــــه
ألمن بيه كمت .. يبن أمي صحت
------------------------------------------------
سلام المشعل
/channel/salamalm
منهـاج محـرم الحـرام ١٤٤٧هــ
(هـــلاليــــه)
الحمد لله اوشٍكُر يحسين...المد العُمر لحبابك
وايجيناك ابشهر عاشور ..نحضر مجلس امصابك
----------------@@@---------------
نحسب للشهر يحسين ...يوم احنه اعله يوم انعد
نحضر مجلسك خدام ...خدام اواله نگصد
وامك فاطمه الزهره ...بينه اتاني عالموعد
تسجل اسمه اليطب الباب... بيك اوبيهه يستنجد
مٍن الباري نتشكر....الخلانه الك نحضر
ها ياضنوة الكوثر ... عز اومفخره انسابك
------------------@@@-------------
اجينه اولهفة العشاگ....من خلص محرم ذاك
ماتتعوض الٓحضات...البيهه احنه نعيش وياك
احنه اعله العهد ماضين ...نصيح ابصوت عاهدناك
اوعهدنه لُمك الزهراء...ابد والله ماننساك
تجدد هالعمر بينه ...ابعاشورك يوالينه
يامن كلشي تنطينه... ماخاب الگصد بابك
--------------@@@---------------
گلناها اونگول اليوم ... بيهه انسولف اباچر
المستقبل يبو السجاد...وانته الماضي والحاضر
من كربله مخلوقين...انخلقنه ابيومك العاشر
بالمجلس حضور اجساد...ارواح لطفك اتسافر
الطفك سافرة ارواح ....يامن للهُدى مصباح
التمسك بيك ابد ماطاح... الكلمن اسمه بكتابك
---------------@@@---------------
يتجدد عزاء الناس... من اترف الك رايات
اومن نلبس سواد اعليك...يعني بالگلب اهات
نحيهه الشعائر دوم....مامات الذٍكر مامات
العالم كله خل يسمع...لبيك اهتفت صيحات
عنك هالوجه يحسين...من انعوفك نديره الوين
انجيب المثلك احنه امنين....يامن فدوه لترابك
-----------------@@@--------------
ايام السنه يحسين....محرم كلهه نتمنه
وانته لليخدمونك ....جنه اومجلسك جنه
من نسمع اقرايه اعليك...ملهوفين نتعنه
نريد ابكل وكت نلطم...عليك احنه اونجر ونه
نگضيهه ابونين او اه.... اونصيح بصوت لا والله...عهد يالزهره ماننساه
اونتأدب ابأدابك
---------------@@@-------------
يوم امصابك اوعاشور .. بالطف اونحس اهناك
نسمع حمزه لو ياسين .. چنه ابكربله وياك
يمن الف اوسبع ميه ...اجروحك كل جرح اذاك
اه يحسين وامصابه...نقره اوكل وكت ننعاك
ننعاك اوألك نشتاك ....يامولانه بعد افراگ
المجلس مدرسة عشاگ...نلتم احنه طلابك
لخادم الحسين
الشاعر
ابو عبد الله الشمري
يامذبوح يبن امي يامذبوح يبن امي
؛؛::::::::::؛؛
اليله عاشر وانه اونن والكلب صاير جمر
حسين يبن امي على هونك افزع وشوف الخدر
حركو خيامك يخويه وطلعه السانه الشمر
يشتم بحيدر اسمعه بصوطه يفتر عالحرم
يامذبوح يبن امي يامذبوح يبن امي
؛::::::::::::::::::::
بيه لاذن يبن ابويه وحده عن وحده تحمي
وين ابو فاضل يجيني يحمي خدري الهاشمي
متربه خويه العبايه بمتني بالصوط اندمي
افزعلنه يابوفاضل خويه رفرف بالعلم
يامذبوح يبن امي يامذبوح يبن امي
؛:::::::
لتمت الايتام يمي عمه جا وين الكمر
راح من عدنا وتركنه ياخذه شلون النهر
عمه وين حسين ابونه راس ليش بلا نحر
عالرمح ينضر عليهن جرح الحسين الجم
يامذبوح يبن امي يامذبوح يبن امي
؛؛؛؛؛؛؛؛؛
اليله لا خيمه التلمنه لا اخو يمنه نبات
كلبي مايسكت نحيبه شلون اسكتها البنات
عمري ماريده بغيابك مره يحسين الحياة
چنت اميره ومن عفتني عالهزل راح انهضم
يامذبوح يبن امي يامذبوح يبن امي
؛::::::::::::::
جابو الهزل وجوني من الضرب كوه صعدت
حيرت الفكدت ابنها من عفتني تحيرت
للسبي يحسين اروحن لشماته تحضرت
اليله وحشه ودمعي يجري يعصر بروحي الم
يامذبوح يبن امي يامذبوح يبن امي
؛:::::::::::::
عالرمح راسك اشوفه يحجي وياي بهمس
يرتل القرآن خويه مضوي يلجنك شمس
راسي مو راسك تعلك عالرمح كمت انه احس
وبعمد ريته تصوب راسي عالغبره نهشم
يامذبوح يبن امي يامذبوح يبن امي
؛؛:::::::::
هاشم الدراجي
@HxzEU1
#قناه_نشر_القصائد_المنبريه
قادم محرم قادم
يله استعد يا خادم
:::::
اول مــره كــون الگلــب يطهر
هيچ یریدنه احنه نصير ابو الاکبر
ما دور اوجوه حسين بالاصحاب
جون الگلب ابیض والوجه اسمر
احترم كل الوادم
::::
صيح بصوت بيك حسين أمنه
غير الخدمه يا مولاي ما عدنه
حسين بأقل شي يقبل اذا بخلاص
بطاسة ماي طبت طوعه للجنه
سالم اريدك سالم
:::::
ندري الزلمه ينكض من الحچایه
فوگ بیوتنه يحسين الك رأيه
لا ما نمتنع لو گطعو الرجلين
زحف يحسين هم توصل المشايه
يمشيله حتى العالم
:::::
حضرنه المواكب واحنه لطامه
خدامــك نظل ونــرفع الهامه
نص تطلم ونص الاخر يخدمون
ونص عالراس يطبر حتى بالقامه
بالخدمه لا ما نادم
:::::
نعرف هي هاي الدنيا خلصانه
اكيدآ فاطمه بالمجلس ويانه
نظل للموت نحزن الك يا مولاي
الحزن بس الك ما نحزن الموتانه
بالخدمه كلش فاهم
:::::
هو الما يخدمك شله بچفوفه
الك يحسين هاي الروح ملهوفه
شيجاوب المنكر لو سأل محتار
اذا مولاي انت بگبره وتعوفه
الأمر كلش حاسم
::::
علي جبار الكعبي
الفاتحه لوالدي
@HxzEU1
#قناه_نشر_القصائد_المنبريه
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
#نعي
وينه اليعتني لگبور الاحنان
ينادي لمن يوصل طف الاحزان
اختكم زينب الليله يوليان
ماتت ياهظيمه ابعازة اخوان
چانت أمنيتهه الموت لو حان
يصير حسين لو عباس دفان
مارادت مبعده عن الاوطان
بين اهل المحنه رادت امچان
فصيل النوگ زينب ون عليهه
ونه من زغري ناعي وانعه ليهه
بالطف وين أمهه وين عليهه
يشيلون الحمل عالهاشميه
الزمان الضهري ياعباس مالاه
واريدن صوت بالتشييع مال آه
اليطيح ابعوز غير الأخو مالاه
وآنه ابعازتك وكت المنيه
يطف الغاضريه ريته لم چان
ويدمعات النواظر ريت المچن
أصيح ابين اخوتي ريت الي امچان
واسمع ونَّة الزاير عليه
الوكت جار او ولانه اشلون ولياي
وضل ايصد علينه الراح والياي
گرب موتي وانه اتمنيت ولياي
تشيل اجنازتي وتنحب عليه
سيد علي الموسوي
#اللهم_عجل_لوليك_الفرج
#نعي
مولاتي العقيلة روحي فداها
مامش لطم يشفي دليلي
خليلي انداس جدامي خليلي
وين ام حسن هسه وتجيلي
واحجيلها اعله الهاد حيلي
ويلي اعله ابو السجاد ويلي
شما سوي ما تبرد جمرتي
وماكو كسر يشبه كسرتي
انوله وعطشان ولوحده زلمتي 😭
حته الموت مايطفي حسرتي
يا مثگل اصواب اللفاني
(صكني على اعيوني وعماني)
حيل اوجر بگلبي زماني
الكاسر گفه حسين بعضيده
وثنه اعله صدره وحز وريده
تاليها رايي ايصير بيده
كل عمري ما مسموع حسي
تاليتي بين الخيل امسي
فحطانه ما ينشهگ نفسي
#اللهم_عجل_لوليك_الفرج
يازينب عيونج بجن گبل المنيه
اذكرتي ياصوره وجرح بالغاضريه
طبع البشر لو غرب ومات
ياخذ الكبره وياه علامات گبل المنيه
________
يا عالمه واسمج يضل. خيمه أعله كل الفقره
بيدج طبع روحه الحبل وانتي بدليلج حسره
جروح الشماته والسبي والشام ضيمه اشگبره
غربه ودمعتج من تصب جنها أعله خدج حضره
يالما رحم بيج الدهر وانتي الاميره
وجروحج أعله المشرعه صارن عشيره
والماتن أحلامه العزيزات
ياخذ ألگبره اوياه علامات گبل المنيه
________
بعيونج أمن التل صور يحجن ألم مو دمعه
ياصوره مذبوحه بسهم واعله الرمح مرتفعه
محتاره بالطف واخوتج كلهم اگبالج صرعه
يم عون والماتوا هله. لومات ياهو ايشيعه
والماخذ احبابه الگبر شله بحياته
يتمنه وياهم دنت ساعة مماته
واليگضن أيامه جراحات
ياخذ الگبره اوياه علامات. گبل المنيه
_________
عنج مضارب كربله يم عون موش ابعيده
عباس لويدري وعدل جا گطع هاي البيده
متأكد انه أمن الگمر يدري اباخيته اتريده
مرتين ماضن يعتذر. بس كون ترجع ايده
جفه ودمعته أعله النهر طاحن سويه
وبعينه من طاح السهم لجل الخويه
باب الحوائج والكرامات
ياخذ ألگبره اوياه علامات. گبل المنيه
_________
بيج المصايب لو حجت نار الخيم ترويهه
بالطف الج طاحت زلم يكشخ البيرغ بيهه
قصة عذابج من بدت ليل هدعش يرثيهه
يحترگ گلب المنتظر. من يسمع ابطاريهه
لا هودج ولا ضل علم وي السبايه
وانتي أعله ناگه مضلعه بطرگ العبايه
بس العرف هاي المعانات
ياخذ ألگبره اوياه علامات. گبل المنيه
_________
لمصيبتج يم الخدر. يا بيت ما بي رايه
اسمج حديث أهل الحزن كل حرف بسمج ايه
كون بمماتج مو لطم الكبرج نجي مشايه
وكفالج ايجيب الضعن هوه اليسوي اقرايه
كون الحسن يبدي العزه يالهاشميه
ينصب مضيفه ودلته اگبال البنيه
بس هوه ما گلج سلامات
ياخذ الگبره وياه علامات. گبل المنيه
_______
الخادم صالح باشه الغرابي
مقطع صوتي من حيدر بشار الدراجي
Читать полностью…
ترويج( تيك توك) حقيقي عراقي
1-مشاهدة
2-لايكات
3-متابعين
للتواصل واتساب 👇
07732320742
تلجرام 👇
@ahmed_alziwar0
شاهد ابداع الشاعر كامل السعيدي
/channel/kamelAbdullah
ملازم ورد جاهزة لجميع المواد للمعلميين والمدرسين.
/channel/ahmed_alziwar14
عنوان القصيده
غدر الكوفه
انه اول رساله الماقروها
ماعرفو قدرها وشككوها
وظلت وصمة العار
لأهل الكوفه تذكار
٠٠٠٠ ٠٠ ٠٠٠٠
الرساله التنكتب بجفوف الحسين
عزيزه وتختلف عن الرسايل
جيت بلهفه الهم خير وياي
وخبر عن السبط والجنه شايل
سوالفنه السمعها يعيش مامات
ماسمعو بختهم جان مايل
ورد بالكوفه ازرع گال الحسين
لگيت الناس مو وادم مناجل
من تعب السفر حسبالي ارتاح
شفتها الناس كلها بهيئة ارماح
جنها اتطالب بثار
وظلت وصمة العار
٠٠٠٠ ٠٠ ٠٠٠٠
الدزو بالكتب نكروها الّوعود
لأبن مرجانه تبعو نكرو حسين
اصابيع الندم باجر يعضون
للتاريخ ادك الهم نياشين
للخطار ماجنهم يضيفون
سدو دورهم حته الروازين
وادم بس نفس كاتلهم الخوف
ياهو الگال عنهم ناس عدلين
أذا مات الضمير شيسوه الانسان
حسين المايتبعه يموت خسران
بالكوفه رعب صار
وظلت وصمة العار
٠٠٠٠ ٠٠ ٠٠٠٠
محتار ويحيرة ضعن الحسين
اوصلّ لّه الخبر ياوادم شلون
الكوفه مغيره متبدله الاطباع
ناس وجوه يوميه بالف لون
ادور عل هله مالاگي ياحيف
مسلم بس عليّه مايسلمون
شو جني بكتل للكوفة مطلوب
گضوها وياي بس مخازر عيون
ولاواحد مثل حزني وغربتي
السيوف نحدت وطلبت رگبتي
وطشو عني الاخبار
وظلت وصمة العار
٠٠٠٠ ٠٠ ٠٠٠٠
گصدت البيت بس جنه يعرفني
العطش هد حيلي اوبيّد مهجتي
طلعت أمرأة تسوالها الاف
موعلويه بس حسيتهة اختي
گالت يل غريب شعندك هنا
سفير حسين گتّلها بدمعتي
ماعندي عرف بيه الوكت خان
طاسة ماي بس هايه طلبتي
يبعد الروح صاحت يااهلاً بيك
موش الماي من عيوني اسگيك
رمز صارت للاحرار
وظلت وصمة العار
٠٠٠٠ ٠٠ ٠٠٠٠
اقراها الرساله اليوم بالسيف
وخلي الماسمع ياطوعه يسمع
فرق بين اليموت وينسّي ابساع
فرق عن اليموت وصيته يطلع
انه وجيشهم وعيونج اتشوف
ياهو يخاف والبشرده اسرع
يطوعه هلهلي وشديلي الحيل
ماريدن عليه العين تدمع
ضمي دموع عينج للغريبات
باجر من يمرلّج سبيات
يراموهن بالحجار
وظلت وصمة العار
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
العليله
اظل بالباب اناطرهم لمتناي
هلي والدنيا ماظنهه لمتناي
امداور موتي من جدمي لمتناي
واحس الموت كض اعروگ اديه
................................
ردت انهض ومابيه لچن بات
الحزن وادموعي راحي ابني لجن بيت
يعلويات گللهم لچن بت
عليله وبلكت ايردون اليه
علي الزرگاني
للخدمه هذا العام متحزمين احزام
وعله العهد يحسين للموت الك خدام
*******
احنه عدنه الخدمه نعمه وما نعيش بلايه خدمه
وكل عمرنه انطينه کلمه نخدم حسين
احنه حبينه ابواليمه وحبنه بس الحب يفهمه
بكل گلب مطبوع اسمه وتارس العين
وبكل سنه بعاشور ندميلك احنه اصدور
انموت بخدمتك كون ونحقق الاحلام
****
حسين ياشيخ العشيره فايض عله الخدم خيره
خدمتك نعمة جبيره عليها مشكور
انته يا كعبة عشگنه حگنه ننجن بيك حگنه
بجمرة الخيمه احترگنه وذيج النحور
ابموسم الاحزان انقدم الدمع قربان
وزينب نظل انصيح ماعدها ليش اخيام
*****
حيل عاشورك يهمنه من اجانه اشتد عزمنه
تحزميناله وخدمنه بذاك الاحساس
شما تعبنه التعب يسوه خدمتك يحسين حلوه
بالخدم حبك شسوه وحك عباس
خدمتك هيه الروح بلياها وين انروح
گضينه بيها سنين ويحسين احله ايام
******
حلم عدنه انصير يمك حتى يوميه نخدمك
بحضرتك ندعي ونكلمك احنه كل يوم
غيرك شعدنه وسيله تدري نحسب ليله ليله
انريد خدمتنه طويله وسيدي ادوم
انخدمك نريد اهواي وتقبلنه يامولاي
خدمتك نعمه وخير والها الگلب محتام
*****
حسين علمنه الكرامه وخادمه يرفع مقامه
وماكو احله من الخدامه طول السنين
علمونه الخدمه اهلنه وسلموها الرايه النه
وصرنه اله خدام كلنه بدربه ماشين
دربك يبو الاحرار نمشيه زغار اكبار
وبحبك احنه انموت خل تسمع الظلام
*******
كل سنه نخدم بواهس وحيل حبينه المجالس
وصرنه كل احنه عوابس بحبك حسين
اليقتدي بقمبر وفضه تقبله وعنه انته ترضه
حسين هذا شكبر حظه گرت العين
الخادم صدك لحسين انشوفه يوصل وين
يرفع مقامه اهواي ومرفوع عالي الهام
****
تمت
ميثم العمري
(يا أمير الكون)
وگـفـنـي اعـلــه بـابـك حـتـى ألــــزم عـتـابـك
يا أمير الكون كله أحسبني عبدك
*---------------*---------------*
وگّـفـنـي اعلـه بابك أفـتـخـر بـالـوگـفـه هايه
مــاريـد أبـتـعـد احـچـيـهـه ألك مـن الـبـدايـه
يا أول عــشــگ واخـر عــشــگ وِٱبْـلا نـهـايـه
انته الحبيب وللحبيب استسلمت رافعله رايه
أبمي وجهي أعتنيتك بحب صادق اجـيـتـك
*---------------*---------------*
تـقـبـلـنـي عـبـد عـنـدك يغـالـي اشـگـد چبيره
وتـگـول الـبـشـر هـذا الـذي حـسـيـن امــيــره
هـنـيـالـه الصدگ يابـو عـلـي اتحدد مـصـيـره
وللخدمه أنتمي بين الخَدم وأجـمـل عـشـيـره
مـن احچي بـشـعـوري وٱقــراه اعـلـه طــوري
*---------------*---------------*
محبوبي وأجيت بشوگ الك احچي الصراحه
حـسـيـت بتعب عمري وشفت بالخدمه راحـه
والـهـايـم تــره يـلـهـج يظل لـيـلـه وصـبـاحـه
مولاي اعـتـذر كـلـي خجل وأرجو السـمـاحـه
صعبه اعـشـگ و والف بــس بـيـك الـسـوالـف
*---------------*---------------*
يـاخـذنـي الـزمـن وأرجـع إلك رجـعـت ندامه
ما ٱعـوفـك ابـد رغم الـحـچـي ورغم الملامه
مـعـذور الـگـلـب يـمـك عـلـن حبـه وهـيـامـه
يـا گـمـره بـوگـت لـيـل الـمـحـن حَتّم ظـلامه
سـر الـحـب يــغــالــي اوسـع مــن خــيــالــي
*---------------*---------------*
بس حبك ربـح والـمـاحـظـه بـحـبـك خساره
يـعـرفـه الـوگـف يـم بـابـك وطـال انـتـظـاره
مـحـبـوب الخَدم حـقـهـه الخَـدم ترفع شعاره
يـالـتـسـوه الـتـعـب هذا التـعـب أعظم تجاره
أخــر كــلــمــه هــايــه حُــب ابــلا نــهــايــــه
*---------------*---------------*
✍️خادم الحسين ع
الشاعر رعد الچريخي
عذبني يابويه الهجر ..شيبني فركاك ..ما اكدر انساك
كل مغرب بدمعي انتظر ..شيبني فركاك ..ماكدر انساك
حتى الرمش شاب ..من كعدة الباب
--------------------------
فاركوني اهل المحنه ويدي جرح صوابي
كاعده وايدي اعلى خدي بلكي يندك بابي
مكابله الحيطان عيني ويجري دمع عتابي
ضلت دياري خليه وفاركوني احبابي
محتاره والمدمع يصب ..يالماتردون ..شيضل بالعيون
بالغربه ونات الكلب .. يالماتردون ..شيضل بالعيون
حتى الجفن ذاب ..من كعدة الباب
----------------------------------
ضلت ابالي صوركم والدمع بعيوني
بليله مني يروح كلشي لياجرح عافوني
اهلي بديار الخليه راحوا وخلوني
الهضم كاسر دليلي وشاب رمش جفوني
يابويه تعبني السهر ..من دمعة العين .. صارت نياشين
تخليني مكسورة ظهر.من دمعة العين.صارت نياشين
غطاني التراب .. من كعدة الباب
----------------------------------
ياحنيني وماكو مثلك ها يبو الحنيه
ادري ماينطيك كلبك لابد ترد ليه
عد ابوها شكد عزيزه مدلله البنيه
انتظر جيتك تجيني طوليت اعليه
جا يمته لديارك ترد ..يالواعدتني ..شو فاركتني
ياباب من بعدك اسد .. يالواعدتني.. شو فاركتني
ارد ابدي العتاب ..من كعدة الباب
---------------_----------
بويه ليش الدنيه ضلمه وما اشوف بعيني
وتدري ببنيتك عليله المن مخليني
الدمعه يابويه اعلى خدي بالهجر تجوني
بدونك وسهر الليالي شلون اخلص سنيني
عايفني بثايبك اشم ..ولحضنك اشتاك .. عذبني الفراك
بالغربه حيلي منهدم ..ولحضنك اشتاك ..عذبني الفراك
واشتم بالثياب ..من كعدة الباب
-------------------------------
انتظر طارش يجيني يكلي شنهو اخباركم
صارت عليه مضلمه من مشيتوا دياركم
ياخذ المغرب حسرتي وطوليتوا غيابكم
حالي من حال اليتيمه شسوه بيه فراگكم
شحجيلك بحالي اليضل .. حال اليتيمه .. والله هضيمه
ولا واحد المنكم سأل ..حال اليتيمه .. والله هضيمه
وبكلبي عطاب ..من كعدة الباب
----------------------------------
تمت
احمد الخفاجي
@HxzEU1
#قناه_نشر_القصائد_المنبريه
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
#أبوذية
يميل الجدم عن دربه واعدله
واتاني واحسب اليومه واعدله
شوكت يمليها من قسطه وعدله
ويلمنا بمسجد السهلة سويه
محمد الجماسي
#اللهم_عجل_لوليك_الفرج
گالوهه وشگالوهه
اخت الكفيل إسبوهه
كل الخيم حرگوهه
بلوه وعلي ،، بلوه وعلي
--------------------------------------------
طاح الحسين وهدت الناس
الحگ علينه أهنا يعباس
طف وعطش ،، حر وذبح ،، وحسين وحده بنص آلارماح
ها يا علي ،، بس الحرم ،، طحنه بخيمنه بساعة الطاح
من رفعو رمح بالحومه أذونه
براس حسين بالطف والله ذبحونه
وحده اتصيح يم حسين ودونه
وطفله تگول خل نموت خلونه
ذبحو دفو خيمتنه
المن بعد ظلتنه
ما تنوصف حيرتنه
بلوه وعلي ،، بلوه وعلي
-----------------------------------------
وحدي وأجت وادم عليه
يبن إمي دگعد خويه أليه
وين أتجه ،، محد ألي ،، علرمله نايم يا بختنه
هاي الزلم ،، وصلت ترى ،، بالنار وادم لاحگتنه
صاحو خيمة العباس حرگوهه
طبوهه بسيوف ونار طبوهه
وزينب من خدرهه يله طلعوهه
وگدام الحسين بسوط ضربوهه
عباس كونك تسمع
وصلو حرمكم درجع
من ريت روحي التطلع
بلوه وعلي ،، بلوه وعلي
----------------------------------------
كض الشمر سوطه وحباله
وگال الحسين أسبو عياله
حرگو خيم ،، سحگو علم ،، واطفالنه من الخوف صاحت
كافي الضرب ،، كافي الشتم ،، ناحت رقيه گبالي ناحت
واحد يضرب النسوان ويسبهن
وذاك يگول جيبو حبال ونشدهن
وهذا يصيح مسبيات منردهن
وبيهم گال كله أبغض والدهن
صار الركض بالهيمه
لن عدنه ما ظل خيمه
يا حال گلبي وضيمه
بلوه وعلي ،، بلوه وعلي
----------------------------------------
نركض وصعبه شينتضرنه ؟؟
بالحومه ما ندري وعثرنه
التعثر بأخو ،، التعثر بأبو ،، التعثر ومحد يوگف الهه
المِن تنضرب ،، بچف الغرب ،، چا غير اهله التفزعلهه
تاذينه السياط ونخنگ العبره
كلمة يا سبايا الخاطر اتكسره
اهل الجنه ليش اعله الارض أسرى ؟
ولكم ينسحگ ريحانة الزهره ؟؟؟
تاذون حتى اطفاله ؟
وتسبون ليش عياله
هذا الرسول وآله
بلوه وعلي ،، بلوه وعلي
--------------------------------------
بين الغرب آنه الوحيده
ذبحو كفيلي وطاحت آيده
صعبه الشتم ،، گبال الزلم ،، والماله صوت گبالي نادى
جيبو الحبل ،، حضرو الهزل ،، گالولي انتم چنتو ساده ؟
صاح اخت الكفيل وروحي مختنگه
ها زينب الرايه اشمالهه إمدنگه ؟؟
اريدن شوف عيني اليوم ما صدگه
من گد الشماته انفاسي محترگه
جيب اللوى ولتلزمه
يا تله عوفي القمه
ها هسه صاير زلمه
بلوه وعلي ،، بلوه وعلي
--------------------------------------
مو أسرى ما نرفع أدينه
نستشهد وما دنگينه
زينب آنه ،، اخت الشمس ،، والكون كله بأهلي صاير
غثكم علي ؟ ،، زينب بقت ،، ما ينمحي أذان المناير
إذبَح بالحسين وطشر اعضامه
لا ميموت ذكره وباقيه أيامه
الحسين ايخضر بأرواح خدامه
اليحسب باليزور أيحير بأرقامه
باچر ترف الرايه
بچفوف هالمشايه
بس انته ما لك ثايه
بلوه وعلي ،،، بلوه وعلي
كلمات الخادم / رعد الفريجي
ثوابها الى روح والدتي
(ميمر)
نـار الـسـبـي »»» نـار الـعِـبـي
عـنـدك عِلـم »»» يالـطـالـبـي
محتاره بين النارين يابو الفضل ترضاهه
*-------------------------*----------------------*
أنـتـه الـجـبـتـنـي الـكـربـلـه اتـبـاريـني
تـدريـنـي امـوت ابـغـيـبـتـك تـدرينـي
مـاتــســوه ايــام الــعــمــر وسـنـيـنـي
مـاضـل امـل »»»» كلشي ارتـحـل
يـگـرب الـي »»»» ريـت الاجــل
تـالـي العمر يـا عبـاس اخـتـك شمر وياهه
*-----------------------*---------------------*
مــا اگــدر بـدونـك تــره مــا اگــدر
عـگـبك احـامـي لـلـخـيـم والـخـدّر
يا مـن خـذيت الغانـمـه من حـيـدر
دمـعي الـيـسـح »»»» تــارك جــرح
مــوتـي ردت »»»» بـس مـا يصح
المثلي تموت وترتاح اشعدهه بـقـه بدنياهه
*-----------------------*---------------------*
تـرضـه الشماته امـيسـره شـافـتـني
ونـار الـمـصايـب والـمـحـن چـوّتـني
اشـگــف بـديـه لـلـسـيـاط ومـتـنـي
مـوقـف صـعـب »»»» مـن انـضـرب
حـيـلـي انـهـدم »»»» وانـه بـغـرب
هيچي تعيش بنيران المنهه يروح أحماهه
*----------------------*----------------------*
الـمـن اعيش بدنيتي ومـا شـوفـك
فـدوه اروح الـرايـتـك وچـفــوفـك
ما ترضه روحي اتـفـارگك وتعوفـك
مـثـل الـحـلـم »»»» بــيــن الــزلــم
ويـنـك صحت »»»» خـويـه الـشـهـم
اتيسّرت بين أجناب وسفه الدهر سواهه
*-----------------------*------------------------*
عايفني لـيـش امـسـلـبـه يالـهـيـبـه
يالعلمتــني اعـلـه الخـدر والـطـيـبـه
يـاهـو الـيـبـاري الهودجي ويـجيـبـه
جـفـني يـهـل »»»» شـفـت الـهـزل
بُـعـدك عَـلّـي »»»» يـكـتـل كـتـل
يحلالك شلون النوم يالچنت بيك اتباهه
*-----------------------*---------------------*
ريـت الـعـيـون بـغيـبـتـك مـعـمـيـه
انـه الـعـقـيلـه وصـبـحـت مـسـبـيـه
نــار الاعــادي بــالــخــيـّـام وبــيّــه
عـنـدك عـهـد »»»» ويـن الـوعـد
راح الـخـدر »»»» شـنـطـر بـعـد
اسمع يخويه ايگولون هاي الگمر جاباهه
*----------------------*----------------------*
✍خـادم زينب(ع)
الشاعر رعد الجريخي
سارع في تسجيل قصيدة اونعي او لطمية لاستشهاد (الامام الكاظم )(ع )من خلال بصمة التلجرام او الواتساب للاستفسار
@ahmed_alziwar0
نَنعاكِ بالأنين. يااُمَ البنين
_
اليــــــومَ جِئنا بقلوبٍ دامـــيه.
مكسورةٍ وبـــــــالعَويلِ ناعيه
هذي الدموعُ مُن دِماءٍ جاريه
فالكُلُ يَفنى والمواقِفُ باقيـه
بالدمعِ نستعين. يااُمَ البنين
__
اليومَ نقرأُ للوفاءِ الفاتـــــــــحه
طاهرةٌ امُ البـنـيـــــنِ صالحــــه
دمعاتُ عيني للخُدودِ جــــارحه
وفي البيوتِ حانَ وقتُ النائِحه
تبكيكِ كُلُ عين. يــــاامَ البنين
___
معَ الزمانِ لـــي عِتابٌ ياتُرى
أيُدفَنُ الحنانُ ماتحتَ الثَرى
لكِنَـــــــما كَفُ الوَفا لَن يُقبَرا
اصبَحتِ باباً لحوائِجِ الوَرى
نَأتيهِ كُلُ حين يااُمَ البنين
__
فـــــــــاطمةٌ أُمُ الليوثِ الاربعه
بالغُربِ ماتت يالَها مِن فاجِعه
وابـنُها العباسُ سيدُ المشرعــه
الارضُ تبكي والسماءُ السابعه
ويومُنا حزين. يااُمَ البنين
__
مِن بعدِ فاطمَ هيَ أوفى فاطمه
بــــحُبِ أبـــناءِ البتولِ هائِمـــه
وللحُسينِ هيَ كانت خــــــادمه
وعن يـــــقينٍ بـــالإمامِ عالمه
نُرثيكِ بالحنين. يااُمَ البنين
___
امُ البــنينِ قُــــــطِعَت احـــــــشاؤها
لَن يَشَفَ مِن يومِ الطفوفِ جـرحها
فَقدُ الحـــــــسينِ هالَها وهَـدَهـــــــا
مِن بعدِ عيـنيـهِ تَـمَنت موتَـــــــــها
مازِلتِ تنحبين. يااُمَ البنين
~
حيدر بشار الدراجي
"اللهم في هذا اليوم المبارك اجعل لنا نصيباً من الرحمة والمغفرة، واغفر لنا ولأحبابنا، واجعل يومنا نوراً وبركة. جمعة مباركة!"
"أسأل الله في هذه الجمعة أن يشرح صدوركم، ويرزقكم من حيث لا تحتسبون، ويجمعكم وأحبابكم في جنته. جمعة طيبة."
(كروب خاص بالقرأن كذلك يوجد قناة خاصة بتعليم القرأن الكريم)
/channel/ayaaa2585
تم حذف قناة الشاعرة ام ياس الساعد بالخطأ
نروجو من خدام الامام الحسين ع
الاشتراك بالقناة الجديدة لطفا
/channel/Alsaidyh