175
اللهم اجعلنا من خدام الحسين عليه السلام المخلصين
تعلن مطبعة الكفيل عن حاجتها الى مندوبين او مندوبات للعمل معها( اون لاين)
يعني وانت بالبيت تشتغل
رابط المطبعة
/channel/+ta8JrNDdU6UzMGJi
اذا تحب ترفع قصائدك على استوري الفيس والانستا توصل ويانة خاص
@ahmed_alziwar0
واتساب
07732320742
ويلي على المسموم
ويلي على المسموم
___
الحسين اعله الحسن هالليله ينعه
وزينب عالمصايب تجري دمعه
وتصيح بصوت يايمه يبضعه
اجاچ الحسن هاي الليله مهموم
ويلي على المسموم
ويلي على المسموم
__
الزچيه اليوم نصبتلك عزيه
وحضر وياها حماي الحميه
بهذا اليوم صارت غاضريه
ومثل حسين راح الحسن مالوم
ويلي على المسموم
ويلي على المسموم
___
مظلوم الحسن حتى بوفاته
مسموم اويمكثر نايباته
بالهم والالم خلص حياته
ولهذا الوكت ضل گبره مهدوم
ويلي على المسموم
ويلي على المسموم
____
الله يعين زينب عالمصيبه
بعد الحسن راح اتضل غريبه
من عدها الاخو راح شيجيبه
عگبه اتضل وحيده ابولية الگوم
ويلي على المسموم
ويلي على المسموم
_____
اشمالك يازمن وي زينب اتدور
صفر ماخذ حسن وحسين عاشور
ضلت عگب اهلها مضلمه الدور
وعاشت من بعدهم قهر واهموم
ويلي على المسموم
ويلي على المسموم
_____
✍️احمد علي البغدادي
@HxzEU1
#قناه_نشر_القصائد_المنبريه
شهادة السيده رقيه ع
.
.
.
اباب الخرابه والحچي اهواي .. اسئل عليك الراح والجاي
وصفتك الهم چن صبح
گالولي ذاك اعلـه الرمح
والحچي هواي
-------
من بده الشوگ . بالخــرابه . اتبدت اعيوني حچي
شوگ الزغار . يختلف حيل . ايتـرجمه بس البچي
اگعدت يم باب الخرابه بويه مـن صـار النهار
لن بنات الشام سئــلن شــنو اســمچ باختصار
بس گلـــت الهـــن رقـــيه شامـــرني بالحـجار
لاحت اذاني وحده منهن .. رحمه يبويه ماكو عدهن
احچايات اهـلهن چالملح
گالـولي ذاك اعــله الرمح
والحچي هواي
---------
الچنها ورده . بضل وجودك . وبالتـــرافه تنلمس
الــدللـــتــها . عگب عينك . ذَبلت خدها الشمس
خاف ماتعرف رقيـــه من تــرد امــن السفر
بشامهم بس اني وحـدي بخدي للسطره اثر
بويه عنواني الخــرابه فوگ مـن قصر القهر
ولو تيهت تعرفني بالحال .. بيــديه اثر شدات الحبال
بالناس اوصي وانجرح
گالولي ذاك اعله الرمح
والحچي هواي
-------
وادم الشام . اعيون صلفه . تضحك وانه احترگ
امن اسئلتهم . هـمه گـــالو . صدر ابيـچ منسحگ
شامي منهم گال ايسي حسين جثه اعله الثره
شـــمر الجـــابچ ســـبيـــه هوه گـــاطع منحره
بويه صـــح هذا كـــلامه لــو اظــــل متــنطره
سديت اذاني من حچي الناس ..من گد حچيهم شيب الراس
وكل لحـظه مــنهم انذبح
گالـولي ذاك اعـــله الرمح
والحچي هواي
--------
بويه بالشام . الماله والــي . الناس شو تستزغره
والشماته . اعلـــيه بــــويه . بالـدرب لــومو سره
وانه بين اركبي راسي حاطـه امـن المستحه
حچي اهل الشام شفره وگـلب بنــتك جرحه
اسمع الضحكات بذني وگلبي چن بيه فاتحه
ماشايفه كل عمري ظلام .. مثل الشــفتهم بويه بالشام
وهالطـاري كلـــسا ينفتح
گالولي ذاك اعـــله الرمح
والحجي اهواي
---------
يمته ترجع . ارد احاچــيك . البيـــه ماينظم بعد
تبطي لو لا . ياحــيـــــاتي . گـــلي يــايوم الوعد
انـچان تتـــاخر يبويه بطيـــف بردلــي الگلب
انته مو طبعك تهجـره كلمن الشخـصك يحب
الصعب مو لمن سبـوني بويه هجرانك صعب
مشتاگه اشبگك يالابو كون .. ومشتاگه ابوسك بين العيون
وكل ما اسولف بالجرح
گالولي ذاك اعـله الرمح
والحچي هواي
------
حيدر تركي الكربلائي
السيدة سكينه بعد عودتها من الشام الى كربلاء وهي تخاطب قبر ابيها الحسين ( عليه السلام )
،،،،،،،،،،،،،،،،،،،،،،،،،،،،،،،،،
بويه بويه ،، فدوه گوم الحگ عليه
بويه بويه ،، عذبتني الغاضريه
بنتك ودلالي نار
راجعه وما عندي دار بويه بويه
،،،،،،،،،،،،،،،،،،،،،،،،،،،،،،،،،،،،،،،
وينك المهضومه تشكي الهم لبوهه
وينك الما عدهه أبو بالسوط اجوهه
انه هاي اليتموهه وعذبوهه
انه سكنه المرمروهه بذبح اخوهه
تدري تدري ،، حرگو اخيامي وچفوفي
تدري تدري،، صاحو اعله حسين طوفي
رمحك العالي مزار
راجعه وما عندي دار
،،،،،،،،،،،،،،،،،،،،،،،،،،،،،،،،
راجعه ودرب السبي ونه اعله ونه
راجعه وكل ضني يتلگونه اهلنه
حسين گوم وشوف يا وحشة ضعنه
الجابهن عباس راحن گوه منه
دمعه دمعه ،، محد اتلگه اليتامى
دمعه دمعه ،، الغربه ما بيهه سلامه
أظلم بعيني النهار
راجعه وما عندي دار
،،،،،،،،،،،،،،،،،،،،،،
وينك انته الگاع طمت ذكرياتي
يمك آنه بدمعي وبحرگة عباتي
گوم بويه وداعتك شلي بحياتي
دنيا دونك انتظر بيهه مماتي
انته انته ،،، الدللتني وما نسيتك
انته انته ،،، يله رجعني الثنيتك
دمعه بعيون الزغار
راجعه وما عندي دار
،،،،،،،،،،،،،،،،،،،،،،،،،،،،،،،،،،،،
راجعات لحظن ابونه بلا رقيه
حالفات اعله الكبر دمعه ومنيه
احنه بويه الرحنه وي زينب وصيه
هالرجعنه وريت ميته الغاضريه
وحده وحده ،، ماتت بذيج بالخرابه
وحده وحده ،، صاحت بدمعه يبابا
والدمع بالفرگه حار
راجعه وما عندي دار
،،،،،،،،،،،،،،،،،،،،،،،،،،،،،،،،،،،،،،،
حيل ما ظل حيل وبنيتك عليله
عمري بعدك بويه وناته طويله
بويه بس تراب گبرك ششتكيله ؟
شوفتك چا ليش صارت مستحيله
وسفه وسفه ،،، انه عدله وهوه لاله
وسفه وسفه ،،، ربي موتني ابداله
انه عدله وموتي صار
راجعه وما عندي دار
كلمات الخادم / رعد الفريجي
في طريق السبي وكأن السيده الزين تقول لأبي الفضل العباس عليه السلام
خــويــه يشيــال العَلــم
چم حيـل من عندي هـدم
درب السبي وحرگ الخيّم
يــا أبــو فـــاضـــل
*---------------*---------------*
ما أعــاتب وانته غايب
يالجبتني وياك من ارض المدينه
گلبي ذايب والأجـــانب
بعد عينك خويه ضعني امسلبينه
يا خــويه ليلي إبــلا گمر ليــل النــوايب
لخيالي مــا واحد نظـر شوف المصايب
بعــدك سبيـه وبالظعـن تنظــرلي أجانب
ياخويه تسوه معاتبي لــــو ردت أعاتب
ترضه يسيره وانسبي
وسر الله بيــه والنبي
أية شـرف جوّه العبي يــا أبــو فاضل
*---------------*---------------*
حگــي انعــه وتبچي سبعه
فاگــده كشخت خدر يم الشريعه
روحي شمعه دمعــه دمعـه
ذابت أبيوم الهوّت أيـدك گطيعه
خويه يــوم الي هــوّت عالشاطي چفين
انكسر يـا خويه ابــوگعت ظهر الحسين
خويه وألنه مــن طحت حرگو صواوين
خويه اركض بس شفت غربه ودواوين
يا خويه بعيوني أنـرسم
چفك هوى أبصفه العلم
اعتذرت عيونك بالسهم يا أبو فاضـل
*---------------*---------------*
يـــا كفيلــي تدري ليلي
أظلم وأنته چنــت التضّـوي ليلي
عيني سيلي آه يــويلـي
عل الكفلني وچفه طايح آه ويلي
ويــاك اجيــت ورايتــك رفّــت عليــه
تالــي شفتها أعلــى النهـر يمــك رميــه
صوبني دهــري شچم سهم بالغاضـريه
حرگ الخيام ومن رحــت عنـــك سبيه
خـــويــه يشـــيال اللــوه
بعــدك فــلا طــاب الهـوه
عيني عمت وانته الضوه يـا أبو فاضل
*---------------*---------------*
من سبوني وگيدوني
وين كافل ضعنچ أتصيــح الشماتــه
من خذوني شتّموني
هذا راسه اعلى الرمح هيبة خواته
نـــادو الشمّــات وأعيــوني اتجـــاره
هـذا راســه الكافــل وانتـــم يسـاره
خويه يـا فگد الاخو ما تطفه نــاره
ريت تنظــر حالــة اضعونك حيـاره
راسك على الرمح ونزف
نادنـي احسـه يــا وسف
دلالي مــن شافك هتف يا أبـو فاضـل
*---------------*---------------*
والــرزيــــه مــن رقـيــه
تگلي ويــن الكافـــل أتأخـر علينه
شوفي أديه من أل أميه
تنزف وعمي الكمر ما يدري بينه
دمعي يتفايض عالوجن مــن النواظــر
گتلهه يــا عمّــه يجــي ويمرنــه بـاچــر
خويه تمنيتك لــوَن هالســاعه حـاضــر
بعينك تشاهد چم گلب يا خويه حـاير
ترضه يسبـع الگنطــره
للشــام أروح أميسـره
وبين الشماته أمحيره يا أبو فاضـل
*---------------*---------------*
الشاعر
موسى البديري
قريبا سيتم نشر قصائد المشاية للاشتراك بالقناة
/channel/al_hassanen
حسين وين اليوجعك دليني
ما اوجد ارماد الخيم عاميني
هديت حيلي يا جبير السادة
من شفتك مسوي التراب وسادة
طاح ٱعله التراب احسين من مُهره
و المثلث طِلَع ياويلي من ظهره
ــــــــــــــــــــــــــــــــــــــــــــ
يتگلّب ينازِع مدري شيسوِّي
ابظُهر الصيف و اتراب الأرض يچوي
يعاين عالمُهُر سرج المُهُر مَلوي
وما بي ينهض ويصعد على ظهره
ــــــــــــــــــــــــــــــــــــــــــــ
اموسّط بالمذابح حاير ابوحده
ابهاللحظات لَنْ شاف الشمر عنده
يرفسه ابگلبه ويلي ويرفسه ابچبده
ابكل رفسه يسب الزهره و ايقِهرَه
ــــــــــــــــــــــــــــــــــــــــــــ
گلب احسين وَن و صار يتلوّع
لَنْ شاف الشمر فوگاه يتربّع
يگطع بالنحر والسيف ما يگطع
وگِلَب راسه على وجهه وگِطَع نحره
ــــــــــــــــــــــــــــــــــــــــــــ
شال الراس بيده وگام يفتر بيه
ومن الخيمه زينب چانت اتصِد ليه
و رِجَع صوب الجسم حَطْ عالجسم رجليه
يضحك مرّه يرفِس بالجسم مرّه
ــــــــــــــــــــــــــــــــــــــــــــ
شاف الخاتم وما يگدر اينزعه
مَلْ وگام هوّه وخنصره ايگطعه
سلّب حتى ثوبه و درگته و درعه
و ظل عاري التراب الطاير ايستره
ــــــــــــــــــــــــــــــــــــــــــــ
هَدْ الخيل صوب الجسم المترّب
و ابراحتها ظلّت عالصدر تلعب
گد ما خيلهم داست عالمسلّب
ابحوافِرهن يچلِّب لحم من صدره
ــــــــــــــــــــــــــــــــــــــــــــ
هوسات الى السيده الطاهره ام البنين عليها السلام وهي توصي ابا الفضل بهذه الوصيه
***
ﮔبل لا تروح يا عباس وصيه من امك اسمعها
زينــــب يـــا ﮔمـــر عدنـــان بالك يهل مدمعها
عينــي كلها والهــامـــه واديـــه فدوه اﮔطعها
(( ولزينب منذوره اسنيني ))
**
فــدوه اسنيني منـذوره كلهن بس لاسم زينب
غضب عباس وأتخيل اخو زينب لـون يغضب
نـــار الغيــره ظـل تفـــور بيه أبكل كتّر تلهب
(( عباس أبغيره مرضعينه ))
**
ييمه أبغيــره رضعتــك حلـــيب أمطعـــم أمــروه
حتــى أتوافــي يا عبــاس بالطــف يبني للخــوه
وأريد الموت دون حسين يبني يصير الك سلوه
(( وبدمك كون اتوافيني ))
**
الشاعر
موسى البديري
أم البنين.........
.
شنهي الأمر والمسأله
شو ما أجيتي الكربله
ماشفتي سبي العايله .. يـ أم البنين
ــــــــــــــــ ❁ ❁ ❁ ـــــــــــــــــ
چـويه من جمر المخـيم
ما شـفت بثـيابچ
تراب ما شفت بعبـاتچ
لا شـفت سلابچ
خالي ظل بالطف مكانچ
شنهي سر اغيابچ
شيعتچ تتمنى تعرف
يالعـظيمه اسبابچ
.
يالحره شنهي الي جره
لياسـر غـيـابچ يـا تـرى
من ودعيتي القافله.... يـ أم البنين
ـــــــــــــــــ ❁ ❁ ❁ ـــــــــــــــــ
شلون فارگتي الحسين
وهو شهگه ابريتچ
شلون وياه ما أجيتي
وانتـظرتي ابيتچ
آنه متأكد غـيابچ
قمه. من تضحيتچ
بينو بالطـف بنيـنچ
لمسه من تربيتچ
.
اقـسـم علـيـچ ابـفـاطـمه
وطه وعلي حامي الحمه
فهمينه شنهي المشكله .... يـ أم البنين
ـــــــــــــــــ ❁ ❁ ❁ ـــــــــــــــــ
جاوبت أم الغيارى
يالتريد اخباري
هاك اخذ جرحي ودموعي
وعبرتي واسراري
تدري بِر الأم وجوبي
امره من الباري
لو رحت للطف مخيم
ينّصب يم داري
.
يصدر حسيني هالأمر
أمـك فــأمـك يالبــدر
حره ابحمانه نازله ..... يـ أم البنين
ـــــــــــــــــ ❁ ❁ ❁ ـــــــــــــــــ
أبني يم جرف الشريعه
ادري سهم ابعينه
بعين وحده يصد عليهَ
لو يصد لحسينه
آنـه اعـرف باليـتـامه
كلهم امتانينه
يحمي أمه لو أخيته
من تطيح ايمينه
.
يرجع يصد جيش العده
لو يحـمي خـدر الـوالده
لو ناده بسمي حرمله .... يـ أم البنين
ـــــــــــــــــ ❁ ❁ ❁ ـــــــــــــــــ
حسين اتنفـس جـروحه.
واشعر بآلآمه
أمنية عمري احظره
وبيدي اطلع اسهامه
زينب اتلم اليـتامه
آنه اطّفي اخيامه
هيه عالخنـصر تـدور
وآنه الم اعظامه
.
من فكـرت بامـر اليسـر
خافن يفك چفي الشمر
ويگلي ردي امدلـله ..... يـ أم البنين
ـــــــــــــــــ ❁ ❁ ❁ ـــــــــــــــــ
حسين سافر والعليله
ابعهدتي امخليها
غيري مَن يمسح دمعها
ومنهو اليسليها
تاكل الخبزه بيميني
وبچفوفي ارويها
لورحت منهو اليلمها
ومن يحن اعليها
.
كلـمة وداعـاً چـن رمــح
تركت وسط گلبي جرح
تنشدني ليش امعلعله .....يـ أم البنين
ـــــــــــــــــ ❁ ❁ ❁ ـــــــــــــــــ
ودعت احبـابي لكن
ما أجـيـت ويـاهم
گلبي مايحمل اشاهد
عالتـراب ادماهم
لـو أجـو وي الســبـايـه
آنـه أتـلــگـاهـم
عالحسين اعلن مجالس
اندب وانعاهم
.
من داري اقيم اول عزه
اعـلـن شــعـائـر كــربـله
زينب تگلي ياهله....يـ أم البنين
ـــــــــــــــــ ❁ ❁ ❁ ـــــــــــــــــ
لاتنسوني ووالدي من فضل دعائكم المبارك
.
حسن الموالي الفاطمي
.
.
گوم وياي
يبو فاضل شمت دهري
گوم وياي
وبدل عمرك اخذ عمري
گوم وياي
يا حيلي انكسر ظهري
ـــــــــــــ
صدگ عباس اخضّب شيبتي بدمك
صدگ عباس الچمك وين ما ضمك
ومن كثر السهام الصوّبت جسمك
ما الگـه مچـان المنّــه اشتمـك
وماي العين
مثل الجربه متبدي
ماي العين
اگعد بعـدك شعنـدي
ماي العين
بحالي بعدك شتدري
گوم وياي ..
ـــــــــــــ
من يمته امسح دمّك بردني
من يمته خـالي منّـك اتردني
اخلّي بحجري راسك ليش تبعدني
وعلى حالي بدل حالك تناشدني
بيك شلون
ومنو بحجره يحط راسك
بيك شلون
اذا ما هوّه عباسك
بيك شلون
وعن راسك يعز حِجري
گوم وياي
ـــــــــــــــ
تموت شلون من گبلي على بختك
غير انت التشيل جنازتي ردتك !
يَـ عين الزهره بالزهراء ناشدتك
سولفلي آنه بيـاهي ارد لاختك
بدم العين
لو باليمنى واليسره
بدم العين
اگلها وده الچ عذره
بدم العين
كسرة زينب وكسري
گوم وياي
ـــــــــــــ
بگد الگاع نورك طشّروا ضيّه
الگه الهاي ذيچه ضاعت اعليه
المّك بيش وانت اموّت ايديه
يهوايه وحسافه صاير شويه
عد يمناك
بعد ما اگلك اعذرني
عد يمناك
منو اليسراك خبّرني
عد يمناك
ياريت انحفر گبري
گوم وياي
ـــــــــــــــ
جاوبني اذا بعدك يخويه حي
يَفيّي شلون ادورلك صرت عن فَيْ
انعمت عيني التشوف عيونك بلاضي
كل شي انت وارد من عندك بلاشي
رد وياي
ها يالواعدت سكنه
رد وياي
من بعدك تضيّعنه
رد وياي
رايح للذبح نحري
گوم وياي
ـــــــــــــــ
#العباس
عليه السلام
تحضيرات محرم 1446
لعمل هندسة صوتية عن طريق بصمة الواتساب
او التلجرام وانت كاعد بالبيت
تواصل معنى
@ahmed_alziwar0
واتساب
07732320742
#نعي
[ الليلة الأولى من محرم ]
ــــــــــــــــــــ
هالليله قمـيص حســين مرفوع
كون ويه الزچيه إنكسْــر إلضْلوع
على المسحوگ صدره أشويّه لدموع
كون الليلــه واحد نحــره مگطوع
ــــــــــــــــــــ
كون ويه الرضـا . من يِهِل عاشور
بس اعله الحسين ادموعنه إتفور
يحاچي إبنَ شَبِيْب وبگلبه مكسور
الما يبچي إعله جدي ماهو معذور
ــــــــــــــــــــ
هالليله إمـامَك ينحــب إدمــوم
على الميّت ومنّ الماي محــروم
وحيد وياهو عنه إيشيل الهموم
وعلى گبر الحسين إيطيح ويگوم
ــــــــــــــــــــ
مهدي التقي
#اللهم_عجل_لوليك_الفرج
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
ملازم جاهزة للمدرسين والمعلمين لكافة المراحل ادخل للقناة واخذ الي اعجبك
/channel/+ta8JrNDdU6UzMGJi
(اعلان ممول)
1-فيس بوك حقيقي
2-انستا حقيقي
3- تلجرام حقيقي
4- يوتيوب وهمي
5- تيك تك وهمي
@ahmed_alziwar0
07732320742
السيده رقيه تكلم والدها الحسين 😭
وتلاگينه ابحلم بـس انه و أنته نشوف
توك چـنـت يمي وغترتك خضـــــــره
تَــــــوك شربتني مـــــن جمــالك ماي
توك صحت بســـــمي واعــرف النبره
جابـــوك بطشت چاما خـــذتني وياك
عَمّـــتي تگـــلي سفره متت بالــــسفره
جبتلك طف بواچـــي والمــلاگه الحار
مـــثل ملگت الچَــويه بأيد والجـــــمره
جبتلك مطر گلبي المـــا يــعرف الغيم
عذابـــات ودرب والهــــــــزله والعــثره
ردت اغـــفه وخــــيالك گعـــد الميتين
وفـــزيت اعـــله رسمك والعمــر شمره
بعدهي بخدي مسحت چفك المملوح
عشگ المسحه خضر بالـــوجن صـطره
بعـــــدنه نسولف انه ويــاك عن حسين
وصاحولك اجــــتك خـــــيلهم عــــشره
يچنــــك نفــــس ريتي اختنگ يـــا بوي
اشمك بــــس مخـــــيم تطـــلع الحسره
انه بنص الشــــمع خيـــــط وكلتني النار
انـــــه بلــــياك عبـــــره وخلــــفت عبره
يمــالك كل حواسي من السهوله الموت
االموت بدون وجهـــك ينحـــسب نصره
الجمره أطيبْ بس يچوي يظــل فرگاك
اخــــذني ويـــــاك دمعه وداعــه الزهره
عبد زينب
محمد الابراهيمي
@HxzEU1
#قناه_نشر_القصائد_المنبريه
(( اهوازيه )) للسيده رقيه ع
……………………………………………………………
وگـفنه ابسـچة الزوار • الـچ حضـرّنه ترچـيه
بلكي او يل مشي المجبل • تمر عالموكب ارقيه
…………………………………………………………….
بالماي ولزمنه الطوس • ندري العده امعطشيها
وخاف امجرّحه الرجلين •خدم فرشت چفافيها
اذا بالـعاشـر امقـصرين • ما منّه الفـزع ليها
نوگف رجل وحده اليوم • بلچـن ذره نوفـيها
يبت الزهره هـا وينج
ويانه امتاني احسينج
يگول الطفلتي اشتاگيت • سبّاح الگلب هيه
……………………………………………………………
مثل نار الچوت جدمج • الچ ودموعنه التسعر
الچ هاي الخدم حراس • قائد واحنا الج عسكر
لان درب السبي امجوعج •طبخنه و زادنا امحضر
مـثل سـرب الگـطه صرنه • كلـنه الجيـتج نفتر
أبوج الفوگ رافعنه
تعالي وشرفي لمتنه
مواكبنا وتريد النور • و بيج اتصير مضويه
……………………………………………………………
الج چادر ابعلو الغيم • فرشنه الگلب سجاده
ندري الشمس حارگتج • وانت ارقيه الساده
لان دم وألـم بذنج • بنينه لجـرحچ اعياده
رقـيه و آه لسـمچ أه • كل خـادم الچ ناده
تعالي وشوفي هالخدام
دقيقه اتمر عـليهم عام
وينج خلصت الزوار • نورج ما طلع ضيه
……………………………………………………………
فجأه ولن ضعن گرّب •و رايات الحـزن هلّت
شاب امحدب امن لضيم•عبايه امن لشمس گلبت
حسبنه و العدد منقوص • رقيه و ليش ما ظهرت
ولن امنه الچبيره اتگول • المنتظرينها اندفنـت
ابتعدت عنها المغسله
گالـت بيها اضـن عله
اسياط الشمر توجع حيل • زرگه امتون مچويه
……………………………………………………………
احنه اشوه الهظيمه حسين •صعبه ومن تخبرونه
نعـرفه اعلـيها مـتعود • يحـب هـاي الزغيـرونه
وما يحمل بعـد لچـمات • خافنـكم تلچمونه
يزينب انتي والسجاد • اعله ابنيته و تصبرونه
يگلج زينب ابنيتي
بلايه ارقيه رديتي
ظلت لا گرابه اهناك • لا سيد و علويه
……………………………………………………………
يحـره و نطـلب التوفيق • لزيارتـچ وفقـينه
نجيچ ابصوغه من عباس• علگ بيه عطر چفينه
نخلي الشام گلها تگول • منـين الفزعـو اعلـينه
اهلها احنا و نسد احلوگ • الكتب ترحل نطم عينه
وين اهل الشتم واحجار
اجـوكم ضنوة الكـرار
و ناخذ ثارها امربع • منكـم يا بني ميه
………………………………………………………..
✍️ ( سيد خضر الزاملي )
@HxzEU1
#قناه_نشر_القصائد_المنبريه
السجاد. عليه السلام
يسألون السجاد ع
اما آن لحزنك ان ينقضي يبن رسول الله. ص
+++++++++
يامن على حـزني تسألوني
ما ينقضي لو يرحن اعيوني
ماينحچي الشففته
اتموتون اذا گلـته
لو يرحن اعيوني
+++++++
ليش الحزن طال
مو قتل الارجال
گلتوها يالسجاد عدكـم عاده
صح لكن اووين
اسمعتو بنساوين
يوم انسبت ياناس من الساده
اتلوموني وانه الشاف اخته ابعينه
مسبيه وايضربون يمي اسكينه
تتلافت وعالرمح راس الكافل
يهتز زعل رمحه ويشوف البينه
مو سهله كلش احنه اهل غيره
كل فتره ضعني داخل بديره
اشيحچيها سالفته
اتموتون اذا گلته
+++++++++
گلتوا يسجاد
ماتاكل الزاد
الا ودمـوعك بللت ماعـونـه
اكل السبي چان
ايطبخونه عدوان
وهيجي شمر بوجوهنه ايشمرونه
تاكل شلون الايدها محروگه
والثانيه چف بالحبل مطبوگه
تفتر عليهن عمتي وتواكلهن
ذيچ الي من ذيچ الطعام اتضوكه
تگعد رباب امكتره ابعيده
تگول الاكل عذروني ماريده
اتعذبوني اذا ضگته
اتموتون اذا گلته
+++++++++++
بعض الروايات
احچيها هيهات
اقروها بين ادموعي من ابچيها
عاده اصبحت هاي
قبل الذبح ماي
يسگونه بس سالفتي صعبه احچيها
ابن الزجيه قبل گطعت راسه
عطشان يحچيها باخير انفاسه
واگبال عينه ماي جابو بدوه
اكبر جروحه جان جرح حساسه
عباسي خويه الحگني بلسانه
بس ماحچاها خلصت اخوانه
لابيه والحگته
اتموتون لو گلته
+++++++++++
بذاك الوكت حيل
مابيه واعليل
اصعود الهزيله ماتفارگ بالي
عالهزّل اشلون
رچبتهن ام عون
وضلينه انه وعمتي زينب تالي
واحد للاخر دمعه ينزل سكته
گلتلها صعدي اتگلي عمه وانتت؟
فوگ الهزيله بالدفع صعدوني
وذاك الحچي الماتنحچي سالفته
ثگل السلاسل والمرض بيه
وكثر السياط الطاحت اعليه
وذل التحـملـته
تموتون اذا گلته
+++++++++
جابوها لحبال
ايچتفون الاعيال
حرمه الغريب ايلامس ايد الحرمه
صرت انه مجبور
اچتفها لخدور
چف الزغير الحبل ادري ايألمه
اتصدگوني لو گلتلكم ابأيديه
بذاك الحبل شديت ايد ارقيه
تنظرلي بستغراب بعد اعيوني
شمسويه ليش اتگلي انه شبيه
كلتلها فدوه دمعي لعيونچ
عن لاتچي الغربه يچتفونچ
ياخدر چتفته
تموتون اذا گلته
+++++++++
بس روس الاقلام
عن محنة الشام
والباقي من ذاك الحديث اجتازه
لمگييد ايطيح
عكازتي ايصيح
وعني مسافه شمروا العكازه
يالشام بس الله بجرحها العالم
ماعدها رحمه وياي ذيج الوادم
ايعرفوني حق المعرفه وعذبوني
مابقى امن اهلي غيري واحد سالم
ومنهن بعد موتي تعرفوها
بمتوني اثر لمن تغسلوها
والينحچي بوكته
اتموتون اذا گلته
ثائر الربيعي
(اعلان ممول)
1-فيس بوك حقيقي
2-انستا حقيقي
3- تلجرام حقيقي
4- يوتيوب وهمي
5- تيك تك وهمي
@ahmed_alziwar0
07732320742
السيده زينب ع اتخطاب الأمام الحسين ع
مثل حيرت ام عون اعليك .. من حار
تلوج من العطش يحسيـن .. من حار
لــو بـيـدي بـوادي الـشــام .. من حار
اضـل يـــمـــك وافـيّـلـك بـديــه
*------------------------*--------------------*
✍خادم الحسين (ع)
الشاعر رعد الجريخي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
لسان حال الامام العباس ع يخاطب الموت عن زينب ع
… ..
يموت اتعيش زينب تظن ... بعداي
وانـه ادريــهة ما تحتـمل … بعُداي
الفكر بيهة انشغل وانشغل… بعداي
حرت حيرت علي بفكد الزجية
.....
خطاب السيدة زينب ع مع العباس ع
عندما تأخر للرجوع للخيام
....
يمــن كلبي برجوعك… ما شفيّته
لســا جــرح فكــــدك … ما شفيته
كسر ظهري وداعــك … ما شفيته
يكافل هيبتي واشلون بية
تحضيرات محرم 1446
لعمل هندسة صوتية عن طريق بصمة الواتساب
او التلجرام وانت كاعد بالبيت
تواصل معنى
@ahmed_alziwar0
واتساب
07732320742
(اعلان ممول)
1-فيس بوك حقيقي
2-انستا حقيقي
3- تلجرام حقيقي
4- يوتيوب وهمي
5- تيك تك وهمي
@ahmed_alziwar0
07732320742
(اعلان ممول)
1-فيس بوك حقيقي
2-انستا حقيقي
3- تلجرام حقيقي
4- يوتيوب وهمي
5- تيك تك وهمي
@ahmed_alziwar0
07732320742
يزينب ماتت الخـوه
عبـاس انذبح تـوه
لكيته موذر وينـزف عضيــدي
شبكته وكال خويه ومات بيدي
يزينب يزينب
ــــــــــــــــــــــــــــــــــــــ
شحجيلــج يزينب يختـي مــن صاح
صحت الله اكبـــــــــر
تهت صارت ركضتي لصوب الخيـام
مـــو صوب المعسكر
مشــدوه وكضيت الــدرب طيحـــات
اكـــومن وارجع اعثر
يــزينب من لفـــاني مصاب عبــاس
هــان مصـاب الاكبــر
يـزينب يــوجع مصابه
اكلف من علي صوابه
التمن فركته وفركت وليـــدي
شبكته وكال خويه ومات بيدي
ــــــــــــــــــــــــــــــــــــــ
همت ماادري درب المشرعة منين
كمت بالوادم انشــد
كالــــولي الــدرب منــــــا يالحسين
جنـك مـــــاتــوجـــــد
خلٌـص حيلي وانــه ببــاب الخيـــام
اكومن وارجع اكعــد
شيوصلني يمه وظهري مكسور
عليــه الــدرب يبعـــد
يـزينب مـــــن طفت عينه
طفه الحيل من ابو سكينه
نزف دمه ونشف دمي بوريدي
شبكَته وكال خويه ومات بيدي
ــــــــــــــــــــــــــــــــــــــ
وصلته بيا علي ويافاطمة وريت
يزينب ماوصلته
شفت دم وسهام ووصل ع الكاع
مو عباس شفته
لا تذبحنــي لمن يــــوصل حسين
كــالاها وسمعته
كتله انه الحسين وطحت فــوكـاه
يــاخويه وشبكته
يزينب ميت احسنلي
ولا هيج اسمع يكَلــي
ذيج الساعة صار الموت عيدي
شبكته وكال خوية ومات بيدي
ــــــــــــــــــــــــــــــــــــــ
جان يكوملي منبعيد اذا جيت
هيـــج وصيــــة امه
اول مرة هيج يسوي عبــاس
نــايم وانــــه يمــــه
مكطع والسيوف تكسرت بيـه
حيـــــرة منين الزمه
كلمــا ادير اديه وانحني عليه
تجي بجرحه وتلجمـه
يزينب حالتـــه تبجــي
شبكته وماكدر يحجي
بالغربة وكَطع بيه وحِيدي
شبكته وكَال خويه ومات بيدي
ــــــــــــــــــــــــــــــــــــــ
وكفته عليــــه وكفت فــــاكد حزام
حنيت قوس محني
لكيته وجفــــه مبتــور منالزنـــود
شبكته وماشبكنـي
تمدتت اعلى طوله وصحت ياريت
ذبــــاحك ذبحنــي
محسب كلت اموتن كبل عبـــــاس
ســواها وسبكني
كبل من اگصد لشوفه
يجيني مشرع چفوفه
يشبكني ويدير ايده اعلى جيدي
شبكته وكال خويه ومات بيدي
ــــــــــــــــــــــــــــــــــــــ
ميت كَبـلك ولاشــــوفك تلــــوج
المن طـال عمـــري
تــره كلهم الماتو كبلك اعـــزاز
بس ماحنـو ظهري
وحكَك من كلتلي ادركني يحسين
شيبت اعلى كبري
اجيتك وشكثر لاكونــي شمــات
ارد شلون مـدري
گلي شلون ارد وحـدي
محني ودمعتي بخدي
شلون اصبر واكل للروح هيدي
شبكته وكال خويه ومات بيدي
ــــــــــــــــــــــــــــــــــــــ
يزينب ماتت الخوة ويه عبــــاس
اخونه الماكو منه
غمض عينه وانه وياج يام عون
فــاركنه المحنــه
حكي من ارد اونن على العباس
يستـــاهل الونه
يعلـــويات شدن للسبي حزام
مشه كافل ضعنه
تعالــن هلــن الدمعـــه
على العباس خل ننعه
يختي وبالونين اعليه زيدي
شبكته وكال خويه ومات بيدي
رائد الناشي
اللهم عَجِّل لوليك الفرج
(اعلان ممول)
1-فيس بوك حقيقي
2-انستا حقيقي
3- تلجرام حقيقي
4- يوتيوب وهمي
5- تيك تك وهمي
@ahmed_alziwar0
07732320742
(اعلان ممول)
1-فيس بوك حقيقي
2-انستا حقيقي
3- تلجرام حقيقي
4- يوتيوب وهمي
5- تيك تك وهمي
@ahmed_alziwar0
07732320742