نعي عن السيدة زينب بعد مقتل الحسين
---------------------------------------------
ويــــــن اللاكَــــــيهم بعــــــد ولياني
شلون ترضون انسبي يخواني
حــــــشمت شكــــــثر محد اجاني
تسمعوني لچن ياوسفة ميتين
-----------------------------------------
ما بين الغرب امشي يســــــيرة
ولا خوتي تجيني ولا عشيرة
ولديرة اطــــــب من بعد ديــــرة
چا شنهي العذر مني يطيبين
------------------------------------------------
غريبة ولا ولي ما بين عدوان
واركض عالجمر حافي يوليان
واخوي مسلب ومذبوح عطشان
والخيمة وعباتي بنار داووين
------------------------------------------------
يخوية حبال شدوهن بدية
ينادوني بشــــــماتة يالسبــــــية
وجر بيدة التراچي من رقية
تصيح احاه عمة والدي وين
------------------------------------------------
ادور فياي صبغت لوني الشموس
وكلبي من الحزن والنوح متروس
ملتــــــــــــني بكثر ما انوح النفــــــوس
ياخوية من اختكم نشفت العين
------------------------------------------------
أسالكم الدعاء رائد الاسدي
https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات
بصوت. مسلم المطيري
كلمات الشاعر
رعد الفريجي
نعي
حوار بين الأمام علي ع وفضه بعد تغسيل الزهراء ع
حـيـدر غـسـلاهـه ابـلـيـل
وشاف الضـلـع والـكـسـره
نـاشـد فـضــه بــدمـوعــه
وبــنــص الـگـلـب حـسـره
يـفـضـه احـچيلي گالـلـهه
أشتـخفي فـاطمة الـزهـره
يـداحــي الـبـاب گـالـتـلــه
وتـشــاهــد نــفــذ صـبــره
تـصـبّـر گــامـت بــحــيـدر
وأتـعـظـم عــلــيــه أجـــره
وتـكـلـه فــاطـمـة مــاتــت
وبـخـدهـه أثــــر ســطــره
يفـضـه شـلـون حـمـلـتـهـه
هــايــه الـفـاجـعـة الــمــره
هَضمة مـحـسـن وخـدهــه
مـاكـشـفـت إلــي الــزهــره
الـكـاسـر اظــهــور الـگــوم
هــالـيـوم انـكـسـر ظــهــره
تـعـلـمـنــه الـصـبـر گــالــت
وانـتـه الـيـجــزع اتـصـبـره
أشـــوفـك حـدّبـت ظـهـرك
واشــوفـن بـالـگـلـب عـَبـره
شـلـون ايـخـلـص ويــنـهـار
وادري بــصـبـرك اشــكـبـره
*---------------*---------------*
✍ خادم الزهراء ع
الشاعر رعد الجريخي
بصوت. مسلم المطيري
ابو ذيات بحق ام البنين( ع)
يلاهي وسيدي ادعوك .. يرباي
جفوني وضل نضرهه العين .. يرباي
صحت لاوين هل هجران .... يرباي
وتاني ومارجع واحد عليه
*--------------------*----------------------*
اعدن چنت وتفاخر .. بعدهم
وهسه الدهر من عندي .. بعدهم
بنيني الدنيه ماتسوه .. بعدهم
صرت ثكله وتصبر الناس بيه
*-------------------*------------------------*
✍بقلم خادم الحسين //ع//
الشاعر رعد الجريخي
//لابوذيه
لسان حال العقيلة زينب(س)
اعظامي امن النوايب غدت وهنا
اوعگب احسين عيب ابتشروهنا
اهنا عطشان اخيي انذبح وهنا
ركضنه اوبالركض عثرت رقية
🖌سيدنورالسيدعدنان
نعي الى مولاتي ام البنين عليها السلام
**
اجت ام البنين ودكت الباب
وزينب واجفه والدمع سجاب
صاحت كومن الها اهنا يالاحباب
وخل تتعاون ويانه اعله المصاب
عن عباس صاحت سولفيلي
وفه لو ما وفه وياكم احجيلي
امنين النوم يايمه يجيلي
وضلت تسعر النار بدليلي
اذا عباس قصر بالطف انساه
وضل طول العمر زعلانه وياه
هذا ابني الجبير الحلو ملكاه
ربيته وتعبت اهواي برباه
لنها تصيح يايمه شتكولين
تره العباس ضحه بروحه لحسين
عفته اعله النهر والراس نصين
اجفوفه امكطعه والسهم بالعين
اخوتي امعدلين وخوش خوان
اهل فزعه ييمه وكلهم احنان
عفتهم نومه كلهم عله التربان
لو يمي الضهر ما ينكسر جان
صاحت فدوه اله يمه اربعتهم
وانه اعله الموقف علمتهم
اذا ينسون ما جان ارضعتهم
بس انه الولد للطف ردتهم
*
الشاعر
تحسين الخفاجي
ابوذيه ونعي لزينب ع
لبن امي رسالة عتب ودها
كله اختك فلا ينكطع ودها
ياهو الأصعب من الموت ودها
اموت ولا اخو جناز بيه
.............
يجناز مربيها عله اخوها
مرهاعله ابنها وابن ابوها
زينب يهلها اتلاحكوها
..........
يجناز وديها عله اهلها
تودع الاعزاز اليوم خلها
عدها عتب ويه الكفلها
...........
خلها تمر وتجر الاعتاب
يحله المعاتب ويه الاحباب
شلون اندفن مابين الاجناب
...........
خليها تتعاتب عله الهون
يسمعون نحبتها ويكعدون
غياب اخوتي ودفنتي شلون
............
سمعوا عتب زينب يالاحنان
غير الاخو بالاخت دفان
محله النعش لوشالته اخوان
............
اكول منيلج يازينب اخوه
والعتب ويه المات بلوه
مالج بعد يم عون تجوه
............
تعتبين والإخوان نومه
حنين الاخو وتردين يومه
النايم بالكبر مابيه كومه
✍أم زينب كربلاء غير مبري الذمه من ياخذ الكلام وينسبه له
#استشهاد_ زينب الكبرى عليها السلام ١٥رجب
ابوذية
غريبه وبالسبي الثاني وحدها
تموت ابئاه وبلوعه وحدها
بكت اثار من ماضي وحدها
بخوهه الطاح برض الغاضريه
●●●●●○○○○●●●●●
#استشهاد_ زينب الكبرى عليها السلام ١٥رجب
ابوذية
العقيله اليوم ياشيعه بجلها
وعليها كل دمع يجري بجلها
فقط يمها الصبر حاضر بجلها
ويواسيها ابذكرها الغاضريه
●●●●●○○○○●●●●●
الشاعر الحسيني حسن جاسم الطائي
#استشهاد_ زينب الكبرى عليها السلام ١٥رجب
ابوذية
رحل صبر الحزن نوحه عليها
وتمنت امها تحضرها و عليها
اجاها الموت وتعنه عليها
واخذوياها ذكر الغاضريه
●●●●○○○○●●●●
الشاعر الحسيني حسن جاسم الطائي
#استشهاد_ زينب الكبرى عليها السلام ١٥رجب
ابوذية
عقيلة هاشم ابلوعه بعدها
تروح ابحزن ما يرحم بعدها
يويلي الصبر ظل وحده بعدها
وتنوح الدمعه لفراك السبيه
●●●●●○○○○●●●●●
الشاعر الحسيني حسن جاسم الطائي
#استشهاد_ زينب الكبرى عليها السلام ١٥رجب
ابوذية
سبيه راحت او رجعت وحدها
وحزينه ماتت او منهو وحدها
عليها الهم وكف حدها وحدها
ويشيعها الصبر والهم سويه
●●●●●○○○●●●●●
الشاعر الحسيني حسن جاسم الطائي
#استشهاد_ زينب الكبرى عليها السلام ١٥رجب
ابوذية
وحيده ولا اخوا يمها ولامال
تنازع والدمع جمره ولامال
تعالج والذكر طفها ولامال
على اطفوف الالم واهل الحميه
●●●●●○○○○●●●●●
الشاعر الحسيني حسن جاسم الطائي
#نعي لأربعين السيدة زينب
اربعـين ليلـــه وهمـــي بيه
ومحد تــــعنه ومـــر علـيـه
شضلي بعد وشـباقي الــيه
من ذاك الوكت لسا سبيـــه
اربعين مـــــرن ذني الايـــام
يحسين خويه ويوجع الشام
صارت الــــغربه لزينب اولام
واخلاف اخوتي العز فلا دام
وين الـــيـحن و لزينب ايهـمّ
ويمي لطم نســــــوان يلطــم
انه ام حزن مــــچدر مــدلهم
بس نايبات الشـــام الي يلــم
ياهو ابــــدالي يگــوم ينخــه
ويصرخ على الخوّان صرخـه
يهل الشيّم واصحاب كشـخه
من ادموعكم ياريــــت بخــه
ايام عـدن
ذنـي اربعـين ايام عدن
ضليت عدمن
واخلافكم ضليت عدمن
لحسين يردن
عيوني هذن لحسين يــردن
ما بيها خـــيّر
والشام لا ما بيها خـيّر
والحچي يعور
من الغرب والحچي يعور
وين اليسيّـر
الليله اعله الاخت وين اليسيّر
اصد لدرب اخـــوتي -- واربي عيني
واربي حسين يرجع -- واربي عوني
بتشييـــعي ودفنـتي -- واربعيـــــني
وحيده وشحّـت النشده عليه
عبد العليلـه
✍حيدر ابو كيان الفاطمی
نسوان والنسوان حيره
من يبقن ابلايه عشيره
فوك الهزل ينخن بالحسين
وحسين تابوته الحصيره
يتكابلن وحده اعله وحده
يكولن بعد مابينه هده
صاحن ادركنه خويه عباس
وعباس ماكو جفوف عنده
امزاعلتهن نومت الليل
ثاري السبي يرادله حيل
لسوك طبن يا علي شلون
توه اخوهن سحكته الخيل
ذني الكبل ما صحن احا
وماكايلاتج يل أويلا
طلعن الجان بگلبه الحسين
ايضمهن أمن يطلعن ويا
يحسين ماتخطر على البال
نسوانكم مجتوفه بحبال
اليحد بضعنهن جان عباس
هسه بضعنهن تحدي الانذال
قاسم الغزالي
#اللهم_عجل_لوليك_الفرج
نعي الى مولاتي ام البنين عليها السلام
**
اجت ام البنين ودكت الباب
وزينب واجفه والدمع سجاب
صاحت كومن الها اهنا يالاحباب
وخل تتعاون ويانه اعله المصاب
عن عباس صاحت سولفيلي
وفه لو ما وفه وياكم احجيلي
امنين النوم يايمه يجيلي
وضلت تسعر النار بدليلي
اذا عباس قصر بالطف انساه
وضل طول العمر زعلانه وياه
هذا ابني الجبير الحلو ملكاه
ربيته وتعبت اهواي برباه
لنها تصيح يايمه شتكولين
تره العباس ضحه بروحه لحسين
عفته اعله النهر والراس نصين
اجفوفه امكطعه والسهم بالعين
اخوتي امعدلين وخوش خوان
اهل فزعه ييمه وكلهم احنان
عفتهم نومه كلهم عله التربان
لو يمي الضهر ما ينكسر جان
صاحت فدوه اله يمه اربعتهم
وانه اعله الموقف علمتهم
اذا ينسون ما جان ارضعتهم
بس انه الولد للطف ردتهم
*
الشاعر
تحسين الخفاجي
نعي لسان حال ام البنين (ع)
كل البجي لولد الزجية
وافديتهم بهل الحمية
و ما كصروا دون السبية
بس كون ترضى امهم عليه
____
يامن على مصابي تونون
كل البجي والنوح لام عون
وياي اريدنكم تنوحون
نواسي الغريبه بدمع العيون
_
كل يوم اصيح وتهمل العين
الله يعينج يخت الحسين
شفتي هلج كلهم مطاعين
لمصيبتج ما يكفي الونين
____
هل دنت ساعات المنية
وين اليصل للغاضرية
خل ولدي تحضر كلها اليه
وتشيل نعشي بهالمسية
___
الام بالمنازع يهالناس
لولادها يوديها الاحساس
وام البنين بآخر انفاس
صاحت اريد وليدي عباس
__
يعباس نعش امك تشيله
وفوكي الترب بيدك تهيله
ودمعك على كبري تسيله
مال الزمان شلون ميله
___
خادم اهل البيت ع
الشاعر عبد العظيم احمد الابراهيمي
#نعي للسيده زينب ع
يامالت الله موش أجاويد
سوو الشام بكيفهم عـيـد
من دخلونه المجلس أيزيد
لا نغر بيهم لا فزع حـيـد
چا هاي ناس الشام والشام
شحچيلكم يا عملة السوگ
يظحكون وانا گلبي محروگ
لا والتكتلك هــزّل الـنـوگ
أنفكت علينه عيون وحلوگ
الصارن ويانه ماهن أولام
وياهم قليله الشام شمات
أربات الخدر وأحنه العفيفات
يصيحون جبناهن سبيات
تالي بخرابه مهدمه أنبات
ودارت صدگ ويانه الأيام
ليل الخرابه يشيب الشاب
حيطان خشنه فراشهه أتراب
وكل ساع واحد طالع وطاب
لا سگف بيها ولا أسم باب
ويردون بيها نغفه ونـام
ياكون ميته والله ياريت
ولا للغرب مسبيه طبيت
موش أحنه أهل البيت يابيت
صرنه غرب ياحيف وأبچيت
تبات بغرب تالي أم الخيام
وياي أجو أخواني بس روس
منحوس والله الشام منحوس
العطشان عينه تروح للطوس
بالشام حتى الماي منفوس
منريد مي لو نعطش أعوام
بالشام يكتل وكت الغروب
تحسه سلف مايوم مچهوب
چنه مضيف وشيخه منهوب
اليدخله صاحي يرد متعوب
عنهم حرام أنگول أسلام
✍️حسين حمدان الدلفي
#اللهم_عجل_لوليك_الفرج
لبيك ياحسين ع
نعي لوفاة السيدة أم البنين عليها السلام
*
گرب اجلهه وتلتفت وين
عباس لا يمهه ولا حسين
ما صح ولد يم راسهه ينوح
يا حمل محد شاله مطروح
دمع الغريب يطيح بارد
لا ابن لا صح حظن والد
حيره اليموت ومامش اعزاز
ياهو اليجي ويصير جناز
دارت وجهه لصوب الطفوف
منا لحد ما شيب الشوف
الله يعازة ذيچ الچفوف
من المدينه الكربله احلام
ام البنين شلون تنلام
رادت بحظن اولادهه تنام
بعيد اليشيل اللوحه ويصيح
بعيد الورى أمه يگوم ويطيح
جوه التراب الردت طوله
عباس ها يبن الحموله
بيه الكلام الصعبه أكوله
تمنيت تحضرني بمنيتي
علباب اباوع هلبت يهل
المن زغر سنه چان يكفل
بعد الولد خلصت اتعلعل
والهوى بدونه يأذي ريتي
يولادي من الموت ردو
وفوگ المتون النعش زتو
ها يلحنان هناك شلتو
يحسين يمه الموت اجاني
نتلاگه يم الزهره ارواح
دم النحر بالضلع ينلاح
والهامه ذيچ وذيچ الچفوف
يبچن على الاذنه الرماح
يلتم حزن زينب والاطفال
وعبد الله بعده برمح ينشال
ونسوي مجلس بأسم الحسين
يم العرش بس دمعه تنگال
كلمات خادم أم البنين / رعد الفريجي
ابوذيات لفراق الاهل
هلي اعليكم اتراب الگبر هليت
ودمع يچوي المحاجر جمر هليت
عليمن ياهلال العيد هليت
يعالي وكل هلي تحت الوطيه
هلي أنعگدوا بدلالي محلهم
لفاني البين وتعَجَّل محلهم
هلي بأرض النجف تالي محلهم
وعافوني ابهظم. داري خليه
هلي راحوا وخلوني وراهم
عَلَيَّه الحزن متعود وراهم
شوكت يسمح.بعد دهري وراهم
اظن ماترد لمتنه الزهيه
أخذ ناسي الوكت عني مردها
فت اچلاي وعيوني مردها
يگلي للگبر كلها مردها
ومايخطي بشر سهم المنيه
الشاعر حسن لعيبي الحريشاوي
◼️أنت المعزى سيدي يا صاحب الزمان ... عظم الله اجوركم💔
ابو ذيات بحق ام البنين( ع)
يلاهي وسيدي ادعوك .. يرباي
جفوني وضل نضرهه العين .. يرباي
صحت لاوين هل هجران .... يرباي
وتاني ومارجع واحد عليه
*--------------------*----------------------*
اعدن چنت وتفاخر .. بعدهم
وهسه الدهر من عندي .. بعدهم
بنيني الدنيه ماتسوه .. بعدهم
صرت ثكله وتصبر الناس بيه
*-------------------*------------------------*
✍بقلم خادم الحسين //ع//
الشاعر رعد
ابوذيه
التحده اعليك يبن الحسن جرفا
اوحيل ابسيفك البتار جرفا
صبرك ماطفح لليوم جرفا
يمته اتطالب ابثار الزچیه
ياصاحب الزمان یا صاحب الزمان
ابدربك ياعلى مازل قدمنه
وعله الواشي ابمنايانه قدمنه
كثير ارواح ابدربك قدمنه
اوبعدنه انصيح ياثار الزجيه..
بعدنه انصيح يا فاطم بعدنه
لون من گبرچ الطاغي بعدنه
الچ نلبس ثیاب اسود بعدنه
لمن ابنچ یشع بلکون ضیه
ياصاحب الزمان
سيد موسي الموسوي
لسان حال ام البین وحبها وشغفها لابی الاحرار
ابوذيه
مسیت ابحب ابو السجاد وضحیت
ودادی اله ابگــول وفـعل وضحیت
اله اربع بنیـــنی انطــیت وضحیت
وبعدنی امقصره احس لابن الزچیه
عباس حاجیان
نعي مفجع للسيده الزهراء ع
اشـضـال عدنه عگبچ ييمُه اشـضـال عـدنـه
ونـضـل وَحَدنه بهذا العمر ونـضـل وَحَـدنـه
عـنـچ بعــدنـه ابـسـاع الدهـر عـنـچ بـعـدنـه
ومصاب جدنه امصابچ سوه ومصاب جدنه
ومظلـم علينـه موحش بيتنه ومظلم علينـه
ريـتـچ تجينـه مـره بـحـلـم ريـتـچ تـجـيـنـه
شمسوي بينه وشوفي الحزن شمسوي بينـه
يمنـه الـحـنيـنـه حَن الگلب يمنـه الحـنـيـنـه
صـوتـچ نسمـعـه ما ضن بـعـد صـوتـچ نسمعه
دمعه اعله دمعه يكضي العمر دمعه اعله دمعه
مـامـنـهـه فجعـه يافجّعتچ مـا مـنـهـه فـجـعـه
لـو لُـمـه يـنـعـهـه حـگـه الـوَلـد لـو لُـمـه يـنـعـه
*-------------------------*-------------------*
✍خادم الزهراء ع
الشاعر رعد الجريخي
استشهاد الإمام علي الهادي عليه السلام
أبوذيات على لسان الصديقة الزهراء عليها السلام
أنا القلبي الفرح ما يوم مرّه
ولا أنصف معايه الزّمن مرّه
هظم أبني اوسقاه اسموم مرّه
اوعاد امصيبة السطره عليّه
إلك يااوليدي الشيعه مردها
اوقلبك ماْ اعتذر منها مردها
اولمّن چبدك الظالم مردها
على الراس الطمت من هالرزيّه
الخدم جاتك ولا تخلف وعدها
وانا بكتب أساميها وعدها
تصيح اوتنتخي باسمك وعدها
حوايج والأمل معقود بيّه
أبو مظاهر الأحسائي
نعي بحق مولاتنا زينب ع.......
وهي تنعى اخوتها
اريد ابجي واليبجي اعله مبجاي
يشاركني حزني بفكد ولياي
بلوه ولا صارت مثل هاي
بلوه صدك تكتل بلوتي
فد شيله من شالو اخوتي
وياهم ردت ماصح يموتي
اريد ابجي وهمل دمعة العين
للغالي العباس وحسين
ودور عزاهم والمعزين
اريد اليشاركني بحزاني
ويهل دمعته على اخواني
قاسي يوكتي وعذباني
وين الذي الدمعه يهلها
وجروح البكلبي يشلها
انه الضايعه ومفكوده اهلها
اهلي وخوتي حيروني
ومن صغر سني كلفوني
همه مشو وختلف لوني
بقلم الشاعرة أم كرار الساعدي
نعـي الاربعين السيده زينب ع
لسـان حـال ام كلثـوم ع للاخت
❥❥ـــــــــــــ❁❂❁ـــــــــــــ❥❥
شفجـه ولذيــذه اتعـاي ليه
ومــحـلاتهـا جـلـمه يـخـيه
شوفي الفــراك اشسوه بيـه
تنشـديــن بـت امـي علـيـه
❥❥ـــــــــــــ❁❂❁ـــــــــــــ❥❥
المثلج شلون تعوف اخـتهـا
ويـا خـالـه ابـني مفاركـتهـا
جاسـانـي ضـيـم اورايدتـهـا
تــره حــك الاخـوه طالبتهـا
❥❥ـــــــــــــ❁❂❁ـــــــــــــ❥❥
يم العشـره الحـلـوه تعـالي
انتي معـدله وأعــدال والـي
شخصج عليه شكثـر غـالـي
مري وشوفي شلونه حـالــي
❥❥ـــــــــــــ❁❂❁ـــــــــــــ❥❥
ردي اعلــه بيـتج لا طوليـن
شمحلاج بيه لـمـن تكعدين
وكت الغروب انتـي تصليـن
تعـالـي يـزينب وين ترديــن
❥❥ـــــــــــــ❁❂❁ـــــــــــــ❥❥
اليوم أربعيـنج طال الغـياب
كتلتـني خيـه سـدت البـاب
يم عون هذا أفراك الاحباب
دولبني بيجن والـلـه دولاب
❥❥ـــــــــــــ❁❂❁ـــــــــــــ❥❥
تــــمت بقــــ✍🏻لم خادمه أهل البيت عليهم السلام
✍🏻الشـــاعره الكبيره العلويه ام كنـــان الهاشمــي صاحبه دواوين أسيره الطفوف
لا أجيز من يحذف اسم الشاعره أو من ينسب القصيده له غير مبرئ الذمه أمام
الله وأمام الزهراء عليها السلام
//لابوذيه
لسان حال العقيلة زينب(س)
اعظامي امن النوايب غدت وهنا
اوعگب احسين عيب ابتشروهنا
اهنا عطشان اخيي انذبح وهنا
ركضنه اوبالركض عثرت رقية
🖌سيدنورالسيدعدنان
لسان حال ام البین وحبها وشغفها لابی الاحرار
ابوذيه
مسیت ابحب ابو السجاد وضحیت
ودادی اله ابگــول وفـعل وضحیت
اله اربع بنیـــنی انطــیت وضحیت
وبعدنی امقصره احس لابن الزچیه
عباس حاجیان
نعي مفجع للسيده الزهراء ع
اشـضـال عدنه عگبچ ييمُه اشـضـال عـدنـه
ونـضـل وَحَدنه بهذا العمر ونـضـل وَحَـدنـه
عـنـچ بعــدنـه ابـسـاع الدهـر عـنـچ بـعـدنـه
ومصاب جدنه امصابچ سوه ومصاب جدنه
ومظلـم علينـه موحش بيتنه ومظلم علينـه
ريـتـچ تجينـه مـره بـحـلـم ريـتـچ تـجـيـنـه
شمسوي بينه وشوفي الحزن شمسوي بينـه
يمنـه الـحـنيـنـه حَن الگلب يمنـه الحـنـيـنـه
صـوتـچ نسمـعـه ما ضن بـعـد صـوتـچ نسمعه
دمعه اعله دمعه يكضي العمر دمعه اعله دمعه
مـامـنـهـه فجعـه يافجّعتچ مـا مـنـهـه فـجـعـه
لـو لُـمـه يـنـعـهـه حـگـه الـوَلـد لـو لُـمـه يـنـعـه
*-------------------------*-------------------*
✍خادم الزهراء ع
الشاعر رعد الجريخي
ابوذيه
التحده اعليك يبن الحسن جرفا
اوحيل ابسيفك البتار جرفا
صبرك ماطفح لليوم جرفا
يمته اتطالب ابثار الزچیه
ياصاحب الزمان یا صاحب الزمان
ابدربك ياعلى مازل قدمنه
وعله الواشي ابمنايانه قدمنه
كثير ارواح ابدربك قدمنه
اوبعدنه انصيح ياثار الزجيه..
بعدنه انصيح يا فاطم بعدنه
لون من گبرچ الطاغي بعدنه
الچ نلبس ثیاب اسود بعدنه
لمن ابنچ یشع بلکون ضیه
ياصاحب الزمان
سيد موسي الموسوي
